trollkhmer news

World Cup

អេស្ប៉ាញនិងព័រទុយហ្កាល់ត្រៀមដេញថ្លៃធ្វើជាម្ចាស់ផ្ទះការប្រកួតបាល់ទាត់ពិភពលោក World Cup ឆ្នាំ២០៣០

ថ្ងៃទី ០៨ ខែ តុលា ឆ្នាំ ២០២០ ម៉ោង ១៥:៤៧

បរទេស៖ សហព័ន្ធកីឡាបាល់ទាត់ប្រទេស អេស្ប៉ាញ និង ព័រទុយកាល់ បានចាប់ដៃសហការគ្នា ដេញថ្លៃធ្វើជាម្ចាស់ផ្ទះ ព្រឹត្តិការណ៍ World Cup ឆ្នាំ២០៣០ ដោយសំណើដេញថ្លៃនេះ បានធ្វើឡើងជាផ្លូវការ កាលពីថ្ងៃពុធ ទី៧ ខែតុលា ឆ្នាំ២០២០ កន្លងទៅ។យ៉ាងណាមិញ អេស្ប៉ាញ និង ព័រទុយកាល់ ត្រូវប្រឈមនឹងភាគីប្រជែងធំៗចំនួន២ ក្នុងការដេញថ្លៃយកសិទ្ធធ្វើជាម្ចាស់ផ្ទះនេះ ក្នុងនោះ ភាគីទី១ គឺ ប្រទេសម៉ារុក ខណៈភាគីទី២ គឺកិច្ចសហការគ្នារវាងប្រទេសចំនួន៤ នៅទ្វីបអាមេរិកខាងត្បូង រួមមាន អ៊ុយរ៉ាហ្កាយ, អាហ្សង់ទីន, ប៉ារ៉ាហ្កាយ និង ឈីលី។គួរបញ្ជាក់ដែរថា សម្រាប់ព្រឹត្តិការណ៍ World Cup ចំនួន ២លើកខាងមុខ មុនឈានដល់ឆ្នាំ២០៣០ បានរកឃើញប្រទេសដែលធ្វើម្ចាស់ផ្ទះ​ហើយ ក្នុងនោះប្រទេសកាតា ជាម្ចាស់ផ្ទះ World Cup ឆ្នាំ២០២២ ខណៈប្រទេស កាណាដា, អាមេរិក និង ម៉ិកស៊ិក ធ្វើជាម្ចាស់ផ្ទះរួមគ្នា នៅឆ្នាំ២០២៦៕

ព្រះអើយល្អជាងមាសទឹកដប់ទៅទៀត! ប្រធាន FIFA និយាយ​មិន​ចេញ​ក្រោយ​ឃើញ​កីឡដ្ឋាន​ត្រៀម​សម្រាប់ World Cup 2022

ថ្ងៃទី ០៨ ខែ តុលា ឆ្នាំ ២០២០ ម៉ោង ១០:៥៦

កា​តា ៖ លោក Gianni Infantino ប្រធាន​សហព័ន្ធ​បាល់ទាត់​ពិភពលោក FIFA បាន​លើក​សរសើរមិនដាច់ពី​មាត់ អំពី​ការ​រៀបចំ​របស់​កា​តា​សម្រាប់​ការ​ធ្វើ​ជា​ម្ចាស់ផ្ទះ​ព្រឹត្តិការណ៍ World Cup ឆ្នាំ ២០២២ ជាមួយនឹង​ការ​រីក​ចម្រើន​មិន​គួរ​ឱ្យ​ជឿ បើ​ទោះបីជា​ពិភពលោក​កំពុង​ជួប​វិបត្តិ Covid-19 ក៏​ដោយ​។បុរស​ជនជាតិ​ស្វី​ស​វ័យ ៥០​ឆ្នាំ​បាន​ធ្វើ​ដំណើរ​ទស្សនកិច្ច​ទៅកាន់​កីឡដ្ឋាន Al Bayt ដែល​មាន​សមត្ថភាព​ផ្ទុក​អ្នក​ទស្សនា ៦​ម៉ឺន​នាក់ ដោយ​ត្រូវ​បាន​រចនា​ឡើង​តាម​រចនា​បទ​អា​រ៉ាប់​។លោក Infantino បាន​ថ្លែង​ថា​«​កីឡដ្ឋាន Al Bayt ពិតជា​អស្ចារ្យ​មិន​គួរ​ឱ្យ​ជឿ ។ នេះ​ពិតជា​កីឡដ្ឋាន​បាល់ទាត់​ពិត​ប្រាកដមែន​។ រចនា​បទ​របស់​កីឡដ្ឋាន​នេះ គឺ​យក​តាម​លំនាំតំបន់អា​រ៉ាប់ ​ជា​ពិសេសនៅ​ត្រង់​ដំបូល​នៃ​កីឡដ្ឋាន​។ ខ្ញុំ​និយាយ​មិន​ចេញ​ទេ តែ​វា​ពិតជា​ស្រស់​ស្អាត​ខ្លាំង​ណាស់​»​។កីឡាដ្ឋាន Al Bayt ដែល FIFA បាន​និយាយ​ថា កំពុង​ស្ថិត​ក្នុង​ដំណាក់កាល​ចុង​ក្រោយ​នៃ​ការ​សាងសង់ នឹង​ត្រូវ​រៀបចំ​សម្រាប់​ការ​ប្រកួត​បើក​ឆាក បូក​រួម​ទាំង​ការ​ប្រកួត​វគ្គ​ចែក​ពូ​ល​, វគ្គ​៨​ក្រុម​ចុង​ក្រោយ និង​វគ្គ​ពាក់កណ្តាល​ផ្តាច់ព្រ័ត្រ​ផង​ដែរ​។សូម​បញ្ជាក់​ថា កីឡាដ្ឋាន​ចំនួន​៨ នឹង​ត្រូវកា​តា​យក​មក​ប្រើប្រាស់​សម្រាប់​រៀបចំ​ការ​ប្រកួត​ព្រឹត្តិការណ៍ World Cup ឆ្នាំ ២០២២ ហើយ​ក្នុង​នោះ​មាន​កីឡដ្ឋាន​ ៣ ដែល​ជិត​រួចរាល់ ១០០​ភាគរយ​៕

ដោយសារហេតុផលមួយនេះសោះបាន Neymar ត្រូវចាកចេញពីកន្លែងហ្វឹកហាត់ក្រុមជម្រើសជាតិ Brazil ភ្លាមៗ

ថ្ងៃទី ០៨ ខែ តុលា ឆ្នាំ ២០២០ ម៉ោង ១០:៣០

កាលពីថ្ងៃពុធនេះ ក្រុមជម្រើសជាតិ Brazil ត្រូវហ្វឹកហាត់ត្រៀមខ្លួនសម្រាប់ជំនួបរវាងខ្លួនជាមួយនឹងប្រទេសបូលីវីនាការប្រកួតបើកឆាកជម្រុះក្រុមសម្រាប់ World Cup នេះដែលការប្រកួតនឹងធ្វើឡើងនាថ្ងៃសុក្រ។ ប៉ុន្តែកីឡាករ Neymar ត្រូវបង្ខំចិត្តចេញពីកន្លែងហ្វឹកហាត់ភ្លាមៗ ដោយសារតែមានបញ្ហាឈឺខ្នង។គ្រូពេទ្យរបស់ក្រុម Brazil គឺលោក Rodrigo Lesmar បានប្រាប់អ្នកកាសែតថា បញ្ហាដែលកំពុងកើតមានឡើងលើកីឡាករ Neymar នោះគឺក្រុមគ្រូពេទ្យកំពុងតែព្យាបាលរូបគេហើយ ប៉ុន្តែការប្រកួតខាងមុខនោះគឺលឿនពេលដែលខាងក្រុមគ្រូពេទ្យមិនទាន់អាចបញ្ជាក់បានឡើយថា Neymar អាចនឹងបានលេងដែរឬទេ។យ៉ាងណាមិញ ក្រុមជម្រើសជាតិ Brazil គឺបានអវត្តមានកីឡាករសំខាន់ៗ ២ រូបផងដែរសម្រាប់ការប្រកួតបើកឆាកជម្រុះក្រុមសម្រាប់ World Cup នេះគឺមានដូចជាអ្នកចាំទី Alisson និងខ្សែប្រយុទ្ធ Gabriel Jesus ដែលពួកគេកំពុងតែរបួសដូចគ្នា៕

ចូលរួមត្រេកអរ! ស្ថាប័ន CONMEBOL អនុញ្ញាតឱ្យ Messi អាចចូលរួមក្នុងការប្រកួតវគ្គជម្រុះ World Cup ឡើងវិញហើយ

ថ្ងៃទី ១១ ខែ កញ្ញា ឆ្នាំ ២០២០ ម៉ោង ១៤:១៥

អាហ្សង់ទីន៖ សហព័ន្ធបាល់ទាត់អាមេរិកខាងត្បូង (CONMEBOL) បាននិយាយនៅ​ថ្ងៃព្រហស្បតិ៍ថាកីឡាករ Lionel Messi នឹងទទួលបានសិទ្ធិក្នុងការចូលរួមប្រកួតក្នុងវគ្គជម្រុះ World Cup ឆ្នាំ ២០២២ តទល់នឹងជម្រើសជាតិប្រទេសអេក្វាទ័រនៅខែក្រោយនេះ បន្ទាប់ពីការព្យួរខ្សែប្រយុទ្ធរូបនេះត្រូវបានគេចាត់ទុកថាលែងមានសុពលភាព។កីឡាករ Messi ទទួលរងការហាមឃាត់មួយប្រកួតសម្រាប់ការទាស់ទែងគ្នាជាមួយកីឡាករ Gary Medel របស់ជម្រើសជាតិប្រទេស Chile ក្នុងការប្រកួតដណ្តើមចំណាត់ថ្នាក់លេខ ៣ ក្នុងពានរង្វាន់ Copa America កាលពីខែកក្កដាឆ្នាំមុនដែលអាហ្សង់ទីនឈ្នះ ២-១ ។ស្ថាប័ន CONMEBOL បាននិយាយថាលក្ខន្តិកៈនៃដែនកំណត់បានបញ្ចប់បន្ទាប់ពីកន្លងផុតទៅរយៈពេលមួយឆ្នាំ ដែលមានន័យថាកីឡាករវ័យ ៣៣ ឆ្នាំរូបនេះអាចនឹងចូលរួមការប្រកួតនៅ La Bombonera ក្នុងទីក្រុង Buenos Aires នៅថ្ងៃទី ៨ ខែតុលា។ ក្រុមជម្រើសជាតិអាហ្សង់ទីនក៏នឹងធ្វើទស្សនកិច្ចនៅ Bolivia សម្រាប់វគ្គជម្រុះមួយផ្សេងទៀតនៅ ៥ ថ្ងៃបន្ទាប់ផងដែរ។ស្ថាប័នគ្រប់គ្រងបាល់ទាត់ប្រចាំតំបន់បាននិយាយនៅលើបណ្តាញសង្គម Twitter ថា “ប្រធានសមាគមបាល់ទាត់អាហ្សង់ទីន (AFA) លោក Claudio Tapia បានផ្ញើសំណួរទៅ CONMEBOL អំពីការព្យួរប្រធានក្រុមជម្រើសជាតិអាហ្សង់ទីនកីឡាករ Lionel Messi” ។លោក Alejandro Domingo ប្រធានស្ថាប័ន CONMEBOL បានបញ្ជាក់ថា“ បន្ទាប់ពីការបញ្ចប់ រយៈពេលមួយឆ្នាំ ឥឡូវនេះការព្យួរនេះបានផុតកំណត់ហើយ ដូច្នេះប្រធានក្រុមជម្រើសជាតិ អាហ្សង់ទីនអាចចូលរួមការប្រកួតបន្ទាប់បាន” ។គួរបញ្ជាក់ផងដែរថា ព្រឹត្តិការណ៍ FIFA World Cup លើកក្រោយនឹងត្រូវប្រកួតនៅប្រទេសកាតាចាប់ពីថ្ងៃទី ២១ ខែវិច្ឆិកា ដល់ថ្ងៃទី ១៨ ខែធ្នូឆ្នាំ ២០២២៕

ក្តៅ​ៗ! ការ​ប្រកួត​ជម្រុះ​ពានរង្វាន់ World Cup 2022 នឹង​ត្រូវ​ពន្យារពេល​ដល់​ឆ្នាំ​​ក្រោយ​

ថ្ងៃទី ១៣ ខែ សីហា ឆ្នាំ ២០២០ ម៉ោង ០៩:៤៥

ស្វី​ស ៖ សហព័ន្ធ​បាល់ទាត់​ពិភពលោក FIFA និង​សហព័ន្ធ​កីឡាបាល់ទាត់​អាស៊ី AFC បាន​ចេញ​សេចក្តីថ្លែងការណ៍​មួយ​នៅ​រសៀល​ថ្ងៃ​ពុធ​នេះ​ថា ការ​ប្រកួត​ជម្រុះ​ពានរង្វាន់ FIFA World Cup 2022 នៅ​តំបន់​អាស៊ី រួម​ជាមួយ​ការ​ប្រកួត​ជម្រុះ​ពានរង្វាន់ AFC Asian Cup 2023 ត្រូវ​ពន្យារពេល​រហូត​ដល់​ឆ្នាំ​២០២១ ដោយសារ​តែ​ការ​ផ្ទុះ​ឡើង​វិញ​នៃ​វីរុស​កូ​វី​ដ​១៩​។AFC Asian Cupដើម​ឡើយ​ការ​ប្រកួត​ជម្រុះ​នៃ​ពានរង្វាន់​ទាំង​ពីរ​ខាងលើ គ្រោង​នឹង​ធ្វើ​ឡើង​នៅ​ខែតុលា និង​ខែវិច្ឆិកា ឆ្នាំ​២០២០​។ ប៉ុន្តែ​ដោយ​មាន​គោលបំណង​ការពារ​សុខភាព និង​សុវត្ថិភាព​របស់​អ្នកចូលរួម​ទាំងអស់ FIFA និង AFC នឹង​បន្ត​ធ្វើការ​ជាមួយ​គ្នា ដើម្បី​តាមដាន​នូវ​ស្ថានភាព​ក្នុង​តំបន់ និង​កំណត់​កាលបរិច្ឆេទ​ថ្មី​ក្នុង​ឆ្នាំ​២០២១ សម្រាប់​ការ​ប្រកួត​ជម្រុះ​ពានរង្វាន់​ទាំង​២ ។ព័ត៌មាន​លម្អិត​បន្ថែម​អំពី​កាលបរិច្ឆេទ​ថ្មី សម្រាប់​ការ​ប្រកួត​ជម្រុះ​ជុំ​បន្ទាប់​នៃ​ព្រឹត្តិការណ៍ FIFA World Cup 2022 និង AFC Asian Cup 2023 នឹង​ត្រូវ​ប្រកាស​ជា​ផ្លូវការ នៅ​ពេល​ក្រោយ​៕

ដំណឹងល្អ! ៤ ប្រកួតក្នុងមួយថ្ងៃសម្រាប់​ World Cup 2022 នៅប្រទេសកាតា

ថ្ងៃទី ១៦ ខែ កក្តដា ឆ្នាំ ២០២០ ម៉ោង ១៥:៥១

កាតា៖ សម្រាប់ការប្រកួតបាល់ទាត់ពានរង្វាន់ពិភពលោក FIFA World Cup 2022 ដែលធ្វើឡើងនៅប្រទេសកាតានោះគឺមានចំនួន ៤ ប្រកួតក្នុងមួយថ្ងៃក្នុងវគ្គ Group Stage ដោយចំណាយពេល ១១ ម៉ោងដែលមានន័យថា ទស្សនិកជនលែងបារម្ភរឿងមើលការប្រកួតជាន់ម៉ោងគ្នាហើយ។ការប្រកួតទីមួយប្រចាំថ្ងៃនឹងចាប់ផ្តើមវេលាម៉ោង ១ ថ្ងៃត្រង់ម៉ោងក្នុងប្រទេសកាតា ដោយមួយថ្ងៃមានចំនួន ៤​ ប្រកួតក្នុងមួយថ្ងៃ ហើយការ​ប្រកួតទីបួនវិញនឹងចាប់ផ្តើមលេងនៅវេលាម៉ោង ១០ យប់ម៉ោងក្នុងប្រទេសកាតាដែលសរុបមកការប្រកួតទាំងបួននឹងចាប់ផ្តើមលេងវេលាម៉ោង ១ ថ្ងៃត្រង់ និងបញ្ចប់វិញវេលាម៉ោង ១២ យប់ម៉ោងក្នុងប្រទេសកាតា។ថ្ងៃប្រកួតបើកឆាកលើកដំបូងនឹងធ្វើឡើងនាថ្ងៃទី ២១ ខែ វិច្ឆិកា​ ឆ្នាំ ២០២២ នៅកីឡដ្ឋាន Al Bayt ដែលផ្ទុកទស្សនិកជនបាន ៦ ម៉ឺននាក់។ សម្រាប់វគ្គផ្តាច់ព្រ័ត្រវិញនឹងធ្វើឡើងនាថ្ងៃទី ១៨ ខែ ធ្នូ ឆ្នាំ ២០២២​ នៅកីឡដ្ឋាន Lusail ដែលផ្ទុកទស្សនិកជនបាន ៨ ម៉ឺននាក់ ដោយកីឡដ្ឋាន Al Bayt នឹងទុកសម្រាប់លេងវគ្គពាក់កណ្ដាលផ្តាច់ព្រ័ត្រ។ FIFA នឹងធ្វើពិធីចាប់ក្រុមតាមពូលនីមួយៗនាអំឡុងខែ មិថុនា ឆ្នាំ ២០២២​ មុននឹងរៀបចំម៉ោងសម្រាប់ការប្រកួតនីមួយៗ។ FIFA បានយល់ព្រមលើគម្រោងផ្តល់ជំនួយចំនួន ១.៥ ពាន់លានដុល្លារដើម្បីជួយដល់ផលប៉ះពាល់នៃជំងឺរាតត្បាតកូវីដ-១៩ ទៅលើគម្រោង FIFA World Cup 2022៕

ដល់ម្លឹងផង! ក្រដាសអនាម័យរូប Cristiano Ronaldo ដាក់លក់ពេញទីក្រុងមួយនៅប្រទេសអ៊ីតាលី

ថ្ងៃទី ១៩ ខែ កក្តដា ឆ្នាំ ២០១៨ ម៉ោង ១៣:០៩

កាលពីថ្ងៃទី១៦ខែកក្កដាឆ្នាំ២០១៨ ក្រុមសេះបង្កង់ Juventus បានធ្វើពិធីបង្ហាញខ្លួនខ្សែប្រយុទ្ធ Cristiano Ronaldo ដែលជាសមាជិកថ្មីរបស់ពួកគេជាផ្លូវការនាកីឡដ្ឋាន Allianz។ដោយឡែកពីក្រោយពីផ្ទេរមកកាន់ក្រុមជើងឯកអ៊ីតាលី Serie A ៣៤សម័យរួចរាល់ នៅទីក្រុង Naples មានការដាក់លក់ក្រដាសអនាម័យដែលមានរូបរបស់ម្ចាស់ពានរង្វាន់ Ballon d'Or ៥សម័យផងដែរ។គួររំលឹកថា អតីតសមាជិក Sporting Lisbon និង Manchester United ខាងលើត្រូវបានគេរាយការណ៍មកថានឹងទទួលបានថ្លៃនឿយហត់៥សែនផោនក្នុងមួយសប្ដាហ៍អំឡុងកិច្ចសន្យា៤ឆ្នាំនៅ Juventus។ គួររំលឹកថា ក្លិបយក្សអ៊ីតាលីខាងលើបានបំពេញការផ្ទេរយកខ្សែប្រយុទ្ធវ័យ៣៣ឆ្នាំពី Real Madrid ក្នុងតម្លៃ១១២លានអឺរ៉ូកាលពីថ្ងៃអង្គារទី១០ខែកក្កដា។

នារីម្នាក់ដែលចូលទៅរំខានវគ្គផ្តាច់ព្រ័ត World Cup ថាខ្លួនជាអ្នកនាំសំណាងឲ្យបារាំងឈ្នះក្រូអាត

ថ្ងៃទី ១៨ ខែ កក្តដា ឆ្នាំ ២០១៨ ម៉ោង ១១:៤៥

កាលពីម្សិលមិញតុលាការក្រុងម៉ូស្គូ បានកាត់ទោសមនុស្ស ៤នាក់ អោយជាប់ឃុំខ្លួន រយៈពេល១៥ ថ្ងៃ ដោយសារការចូលរំខាន វគ្គផ្តាច់ព្រ័ត្រ FIFA World Cup 2018 ដោយធ្វើអោយការប្រកួតត្រូវពន្យាពេល២៥វិនាទី។អ្នកទាំងនេះ មកពីក្រុមចម្រៀង Pussy Riot ដែលជាក្រុមប្រឆាំង នឹងរដ្ឋាភិបាល។ ពួកគេបានស្លៀកពាក់ឯកសណ្ឋានប៉ូលីស ហើយរត់ចូលទីលាន រំខានការប្រកួតរវាងបារាំង និងក្រូអាត កាលយប់ថ្ងៃអាទិត្យ។នៅក្នុងតុលាការក្រុងម៉ូស្គូ នារី Veronika Nikulshina បាននិយាយថា នាងគិតថានាងគឺជាអ្នកនាំសំណាងទៅដល់ក្រុមជម្រើសជាតិបារាំងក្នុងការឈ្នះទៅលើក្រុមជម្រើសជាតិក្រូអាត។គួរបញ្ចាក់ផងដែរថា ក្នុងចំណោម៤នាក់នោះ Veronika Nikulshina ត្រូវពិន័យធ្ងន់ជាងគេដោយមិនអោយចូលរួម សកម្មភាពកីឡារយៈពេល៣ឆ្នាំ។

អស់ទាស់! ប្រធានាធិបតី​បារាំង Macron ចេញក្បាច់ Dab ជាមួយ Pogba យ៉ាងឡូយក្រោយបារាំងឈ្នះ World Cup

ថ្ងៃទី ១៦ ខែ កក្តដា ឆ្នាំ ២០១៨ ម៉ោង ២៣:៤៧

ក្រុម​មាន់​គក​​បារាំង​បាន​ក្លាយជាម្ចាស់​ពាន​រង្វាន់​បាល់ទាត់​ពិភព​លោក​ FIFA World Cup 2018 បន្ទាប់​ពី​យក​ឈ្នះ​ក្រុម​ជម្រើស​ជាតិ​ក្រូអាត​ដោយ​លទ្ធផល​ ៤-២ វគ្គ​ផ្តាច់​ព្រ័ត្រ​នៅ​រុស្ស៊ីកាលពីម្សិលមិញនាកីឡដ្ឋាន Luzhniki។ដោយឡែកលោក​ប្រធានាធិបតី​បារាំង Emmanuel Macron បង្ហាញ​ការ​សប្បាយ​រីករាយ​យ៉ាង​ខ្លាំង​នៅកន្លែងទស្សនា មិន​ត្រឹម​តែ​អបអរ​នៅ​កន្លែង​ទស្សនា​របស់​លោក​នៅ​កីឡដ្ឋាន​នោះ​ទេ លើស​ពី​នេះ លោក​ថែម​ទាំង​បាន​ចូល​រួម​អបអរ​ដោយ​ផ្ទាល់​ជាមួយ​ក្រុម​កីឡាករ​បារាំង​ដល់​បន្ទប់​ផ្លាស់​សំលៀកបំពាក់​របស់​ក្រុម​ជម្រើស​ជាតិថែមទៀតផង។អ្វី​ដែល​គួរ​ឲ្យ​ចាប់​អារម្មណ៍ ក្នុង​អំឡុង​ពេល​អបអរ​នោះ លោក​ប្រធានាធិបតី​វ័យ ៤០ ឆ្នាំ ថែម​ទាំង​បាន​បង្ហាញ​ក្បាច់ Dab ជាមួយ​ខ្សែ​ការពារ​ស្លាប Benjamin Mendy និង​ខ្សែ​បម្រើ Paul Pogba ទៀត​ផង។ទស្សនាវីដេអូ៖