trollkhmer news

បរទេស៖ ​ជា​រឿង​គួរ​ឱ្យ​ភ្ញាក់ផ្អើល​មួយ​ដែល​ក្រុម​ជម្រើស​ជាតិ​អាល្លឺម៉ង់​បែរ​ជា​លេង​ចាញ់​ក្រុម​ម៉ាសេដូនី​ខាង​ជើង​ក្នុង​លទ្ធផល ២ទល់នឹង១ ​សម្រាប់​ការ​ប្រកួត​ជម្រុះ World Cup 2022។សម្រាប់​ការ​ប្រកួត​ខាង​លើ​នេះ​ដែរ ​ក្រុម​អាល្លឺម៉ង់​ហាក់​ដូចជា​ធ្វើ​មិន​បាន​ល្អ​ទាល់​តែ​សោះ។ ​ពួកគេ​ត្រូវ​ក្រុម​ម៉ាសេដូនី ​នាំ​មុខ​មុន​នៅ​ជិត​ចប់​តង់​ទី​១ ​នាទី​៤៥+។ ខណៈ​ដែល​ឈាន​ដល់​តង់​ទី​២​វិញ ​នៅ​នាទី​៦៣ ទើប​ក្រុម​អាល្លឺម៉ង់​តាម​ស្មើ​វិញ​បាន ដោយ​បាល់​ប៉េណាល់ទី ​ដោយ Gundogan ​។ ​ជិត​នឹង​ចប់​ការ​ប្រកួត​ទៅ​ហើយ ​នាទី​៨៥ Elmas ​ក៏​រក​បាន​គ្រាប់​បាល់​ទី​២​ទៀត​ឱ្យ​ក្រុម​ម៉ាសេដូនី ​ដើម្បី​យក​ឈ្នះ​ក្នុង​លទ្ធផល ២-១ ​តែ​ម្ដង។នេះ​គឺ​ការ​បរាជ័យ​ជា​លើក​ដំបូង​​ក្នុង​ពូល J សម្រាប់​អាល្លឺម៉ង់​​ក្នុង​ការ​លេង​ជម្រុះ World Cup ដើម្បី​ត្រៀម​លេង​នៅ​ឆ្នាំ​២០២២។ ហើយ​ក៏​ជា​ការ​ចាញ់​លើក​ដំបូង​ក្នុង​ផ្ទះ​ខ្លួន​ឯង​រយៈ​​ពេល​២០​ឆ្នាំ​ក្នុង​ការ​លេង​ជម្រុះ WC ចាប់​តាំង​ពី​ចាញ់​អង់គ្លេស​ចុង​ក្រោយ​កាល​ពី​ឆ្នាំ​២០០១៕

បរទេស៖ ​ខ្សែ​ប្រយូទ្ធ Antonie Griezmann ​ជា​អ្នក​រក​គ្រាប់​បាល់​បាន​១​គ្រាប់​ជួយ​ក្រុម​ជម្រើស​ជាតិ​បារាំង ​យក​ឈ្នះ​លើ​ក្រុម​បូស្នី ​ក្នុង​លទ្ធផល ១ទល់នឹង០ ​សម្រាប់​ការ​ប្រកួត​ជម្រុះ World Cup 2022 ​នៅ​យប់មិញ​នេះ​។​បារាំង ​លេង​នៅ​វគ្គ​ជម្រុះ World Cup 2022 ​នេះ ​ហាក់​ដូចជា​មិន​ស្រួល​ក្នុង​ការ​យក​ឈ្នះ​ដៃ​គូ​ប្រកួត​បាន​នោះ​ទេ។ ជាក់​ស្ដែង ​ប៉ះ​ជាមួយ​ក្រុម​បូស្នី ​ពួកគេ​រក​បាន​តែ​១​គ្រាប់​ប៉ុណ្ណោះ ដោយ​ខ្សែ​ប្រយុទ្ធ Griezmann ​នៅ​នាទី​៦០។ ខណៈ​ដែល​ខ្សែ​ប្រយុទ្ធ​ដទៃ​ទៀត ​មិន​អាច​ស្វែង​រក​ឱកាស​ដើម្បី​ទម្លាយ​សំណាញ់​ទី​បាន​ទាល់​តែ​សោះ។​យ៉ាងណាមិញ ​ការ​យក​បាន​៣​ពិន្ទុ​បន្ថែម​ទៀត​នេះ ​បាន​ធ្វើ​ឱ្យ​បារាំង​ឈរ​នៅ​កំពូល​តារាង​ពូល D ​ហើយ ​ដោយ​មាន​៧​ពិន្ទុ​ឆ្លង​កាត់​៣​ប្រកួត។ ស្រប​ពេល​ក្រុម​លេខ​២​វិញ ​អ៊ុយក្រែន​មាន​តែ​៣​ពិន្ទុ ឆ្លង​កាត់​៣​ប្រកួត ​ស្មើ​ទាំង​៣​ប្រកួត​តែ​ម្ដង៕

ប៉ាណាម៉ា៖ ការបង្ហាញនៅលើទីលានប្រកួតដោយប្រទេសអ៊ីតាលីបានលត់អៀរឡង់ខាងជើងចំពោះការបរាជ័យក្នុងលទ្ធផល ២ទល់នឹង០ ក្នុងការប្រកួតជម្រុះ World Cup 2021 នៅ Parma កាលពីយប់មិញ ។គ្រាប់បាល់បញ្ចូលទីដំបូងពី Domenico Berardi បានបង្កើតការស៊ុតដ៏ល្អសម្រាប់ការនាំមុខនៅនាទីទី១៤ គ្រាប់បាល់នេះដោយបញ្ជូលបាល់ពីកីឡាករ Florenzi បន្ទាប់មកត្រូវបានរកគ្រាប់ទី២បានដោយ Ciro Immobile នៅនាទីទី៣៨ គ្រាប់បាល់នេះដោយបញ្ជូលបាល់ពីកីឡាករ Insigne ។ អៀរឡង់ខាងជើងមិនបានបំបែកបាក់ពង់មាន់បានឡើយហើយបានត្រឹមចាញ់អ៊ីតាលី។ជាមួយគ្នានេះដែរ ម្ចាស់ពាន World Cup ៤ សម័យកាលនៅតែមិនដែលចាញ់សម្រាប់ការប្រកួតជម្រុះ World Cup ដោយជ័យជំនះកាលពីថ្ងៃព្រហស្បតិ៍យប់មិញនេះបានបន្ថែមទៅលើជ័យជំនះទាំង១០ ដែលពួកគេទទួលបានក្នុងវគ្គជម្រុះ១០ សម្រាប់ EURO 2020 ៕

អាល្លឺម៉ង់៖ ក្រុម​ជម្រើសជាតិអាល្លឺម៉ង់បាន​ចាប់​ផ្ដើម​ប្រកួត​ដំបូង​វគ្គ​ជម្រុះ​ World Cup 2022 នៅ​តំបន់​អឺរ៉ុប​​បាន​យ៉ាង​ល្អ ដោយ​បាន​យក​ឈ្នះ អ៊ីស្លង់ ៣ទល់នឹង០ កាល​ពី​យប់​មិញ។ការប្រកួតលេងបាន២នាទីស្រាប់តែកីឡាករ Leon Goretzka ស៊ុតបញ្ចូលទីបានសម្រេច មិនបានប៉ុន្មាននាទីផងកីឡាករ Kai Havertz ស៊ុតបាន១គ្រាប់ទៀតនៅនាទីទី៧ នាំមុខទៅលើក្រុមអ៊ីស្លង់ ២ទល់នឹង០សម្រាប់តង់ទី១។ គ្រាប់បាល់ទី៣ក៏បានកើតឡើងសម្រាប់ក្រុមជម្រើសជាតិអាល្លឺម៉ង់ដែលធ្វើបានក្នុងការប្រកួតតង់ទី២ ដោយកីឡាករ Ilkay Gundogan ស៊ុតបញ្ចូលទីនៅនាទីទី៥៦ ខណៈដែលប្រទេសអាល្លឺម៉ង់ទទួលបានយុទ្ធនាការជម្រុះ World Cup ឆ្នាំ ២០២២ ជាការចាប់ផ្តើមដ៏ល្អមួយជាមួយនឹងជ័យជម្នះប្រកបដោយលទ្ធផលយ៉ាងល្អលើប្រទេសអ៊ីស្លង់។គ្រូបង្វឹកជនជាតិអាឡឺម៉ង់លោក Joachim Low ដែលលាឈប់ពីតំណែងបន្ទាប់ពីការប្រកួតជើងឯកអឺរ៉ុបឆ្នាំនេះមានការពេញចិត្តចំពោះការចាប់ផ្តើមរបស់ក្រុមលោក។ លោកបាននិយាយថា "វាមិនមែនជាការសម្តែងដែលមិនគួរឱ្យជឿបំផុតរបស់យើងទេប៉ុន្តែវាមានសារៈសំខាន់ណាស់ក្នុងការចាប់ផ្តើមវិជ្ជមានដល់ឆ្នាំថ្មីហើយនោះជាអ្វីដែលយើងបានធ្វើនៅយប់នេះ" ។ យើងបានដឹងថាពួកគេនឹងអង្គុយយ៉ាងជ្រៅហើយយើងដឹងថាយើងនឹងត្រូវបង្ខំពួកគេឱ្យធ្វើចលនាដើម្បីបង្កើតកន្លែងទំនេរ។ ខ្ញុំគិតថាយើងពិតជាធ្វើបានយ៉ាងល្អយ៉ាងហោចណាស់ ៦០ នាទី។យ៉ាងណាមិញ ប្រកួតបន្ទាប់របស់អាឡឺម៉ង់និងប្រកួតទល់នឹងប្រទេសរ៉ូម៉ានីក្នុងការប្រកួតបន្ទាប់ពូល J នៅថ្ងៃអាទិត្យខណៈអ៊ីស្លង់នៅពិន្ទុដាច់ឆ្ងាយពីអាមេនី ហើយជ័យជន្នះ​នេះ​ជួយ​អាឡឺម៉ង់​ឈរ​លេខ​១​ក្នុង​ពូល J ៕ 

បរទេស៖ ក្រុម​តោ​កំណាច​អង់គ្លេស​​បាន​ចាប់​ផ្ដើម​ប្រកួត​ដំបូង​វគ្គ​ជម្រុះ​ World Cup នៅ​តំបន់​អឺរ៉ុប​​បាន​យ៉ាង​ល្អ ដោយ​បាន​យក​ឈ្នះ San Marino ៥-០ កាល​ពី​យប់​មិញ។ក្នុង​វគ្គ​ទី​មួយ​អង់គ្លេស​រក​បាន​ដល់​ទៅ​៣​គ្រាប់ ដោយ​គ្រាប់​ដំបូង​ធ្វើ​បាន​​ពី​សំណាក់​កីឡាករ James Ward-Prowse។ Calvert-Lewin ជា​អ្នក​បន្ថែម​គ្រាប់​ទី​ពីរ មុន​ពេល​ខ្សែ​បម្រើស​ប្រយុទ្ធ Raheem Sterling ជា​អ្នក​បំពេញ​គ្រាប់​ទី​បី។ឈាន​ដល់​វគ្គ​ទី​ពីរ​ ក្រុម​លោក Gareth Southgate បន្ថែម​បាន​ពីរ​គ្រាប់​ទៀត​រក​បាន​ដោយ​កីឡាករ Calvert-Lewin និង Ollie Watkins។ ជ័យជន្នះ​នេះ​ជួយ​អង់គ្លេស​ឈរ​លេខ​១​ក្នុង​ពូល I ឯ San Marino នៅ​បាត​តារាង៕

ប៉ារីស៖ បារាំង ដែលជាម្ចាស់ជើងឯក FIFA World Cup 2018 នោះ លេងបានត្រឹមទល់នឹងអ៊ុយក្រែនក្នុងលទ្ធផល ១-១ នៅថ្ងៃបើកឆាកជម្រុះប្រចាំតំបន់អឺរ៉ុបពីក្នុងពូល D នៅរាត្រីថ្ងៃពុធ ទី២៤ ខែមីនា ឆ្នាំ២០២១។ការប្រកួតដែលត្រូវបានធ្វើឡើងនៅកីឡដ្ឋាន Stade de France ស្ថិតក្នុងទីក្រុងប៉ារីស កីឡាករខ្សែប្រយុទ្ធដែលត្រូវបានជ្រើសចេញពីក្លិប FC Barcelona, Antoine Griezmann ជាអ្នករកបានគ្រាប់នាំមុខឲ្យមាន់គកបារាំងនៅនាទី១៩ មុនពេលត្រូវបានក្រុមភ្ញៀវវាយបកតាមស្មើវិញនៅនាទី៥៧ ដោយបាល់ចូលទីខ្លួនឯង (own goal) របស់ Presnel Kimpembe ដែលជាខ្សែការពារត្រូវបានកោះពីក្លិប Paris Saint-Germain។អតីតម្ចាស់ជើងឯក World Cup ២សម័យកាលបារាំង ធ្លាប់បានបំបាក់ក្រុមស្ថិតក្នុងទ្វីបអឺរ៉ុបដូចគ្នា អ៊ុយក្រែនក្នុងលទ្ធផល ៧-១ កាលពីខែតុលា ឆ្នាំ២០២០ នៃជំនួបមិត្តភាពអន្តរជាតិ នៅមុនពេលក្រុមរបស់លោក Didier Deschamps អាចរកបានតែ ១ពិន្ទុក្នុងដីនៃការប្រកួតបើកឆាកប្រចាំពូល D នៃយុទ្ធនាការជម្រុះ World Cup 2022 ដែលមានកាតាត្រៀមធ្វើម្ចាស់ផ្ទះ។១ប្រកួតផ្សេងទៀតក្នុងពូល D នេះដែរ ម្ចាស់ផ្ទះហ្វាំងឡង់ ក៏បានលេងស្មើទល់នឹងបូស្នី ២-២ គ្រាដែលកាហ្សាក់ស្ថានមិនទាន់ប្រកួតនោះទេ ក្នុងចំណោម ៥ប្រទេសដែលស្ថិតក្នុងពូលខាងលើជាមួយគ្នា៕

បរទេស៖ ក្រុម​បាល់ទាត់​ជម្រើស​ជាតិ​ព័រទុយហ្គាល់​បាន​យក​ឈ្នះ​លើ​ក្រុម​អាស៊ែបៃហ្សង់ ​ក្នុង​លទ្ធផល ១-០ ​សម្រាប់​ការ​ប្រកួត​ជម្រុះ World Cup 2022 ​នៅ​តំបន់​អឺរ៉ុប។ ​នេះ​ជា​ការ​ប្រកួត​បើក​ឆាក​នៃ​ការ​ជម្រុះ World Cup ​តំបន់​អឺរ៉ុប​ហើយ។ ​ដោយ​ព័រទុយហ្គាល់​បើក​ឆាក​ប្រកួត​ទី​១​នេះ ​ពួកគេ​យក​បាន​៣​ពិន្ទុ​តឹង​បន្តិច​ពី​ក្រុម​អាស៊ែបៃហ្សង់ ​ពោល​គឺ​ឈ្នះ ១-០ ​នេះ ​១​គ្រាប់​ដែល​កើត​មាន​ជា​បាល់​ចូល​ទី​ខ្លួន​ឯង​របស់​កីឡាករ Medvedev ​ទេ។ ខណៈ​ដែល​ក្រុម​ម្ចាស់​ផ្ទះ​ដាក់​ពេញ​ជើង​ដែរ តែ​មិន​អាច​សម្រេច​ទី​គ្រាប់​បាល់​ទៅ​វិញ។​ដោយ​ក្នុង​ការ​ប្រកួត​នេះ Ronaldo ​ស៊ុត​ចេញ​ដល់​ទៅ​៨​ជើង​ដែរ​ចំ​គោលដៅ ​តែ​មិន​អាច​ផុត​ដៃ​របស់​អ្នក​ចាំទី​ខាង​អាស៊ែបៃហ្សង់​បាន​ឡើយ។ ​ប្រកួត​បន្ទាប់​ទៀត​របស់​ក្រុម​ព័រទុយហ្គាល់​នឹង​ត្រូវ​ប៉ះ​ជាមួយ​សែប​នៅ​ថ្ងៃ​សៅរ៍​ចុង​សប្ដាហ៍​នេះ​ទៀត៕

ការចាប់ឆ្នោតសម្រាប់វគ្គជម្រុះ FIFA World Cup 2022 ទើបតែត្រូវបានបញ្ចប់នៅក្រុង Zurich ប្រទេសស្វីស ដើម្បី​ឆ្ពោះ​ទៅរកកម្មវិធីប្រកួតផ្ដាច់ព្រ័តនៅប្រទេសកាតា។ក្រុមជម្រើសជាតិអង់គ្លេស នឹងត្រូវឆ្លងកាត់ដំណើរដ៏លំបាកមួយ បន្ទាប់ពីចាប់ឆ្នោតត្រូវប្រកួតជាមួយនឹងក្រុមជម្រើស​ជាតិប៉ូឡូញ។ ក្រុមទាំងពីរមានប្រវត្តិប៉ះគ្នា ក្នុងវគ្គជម្រុះ FIFA World Cup ចំនួន៥លើក គឺនៅឆ្នាំ ១៩៧៤, ១៩៩០, ១៩៩៤, ២០០៦ និង ២០១៤ ហើយក៏ធ្លាប់ប៉ះគ្នា ក្នុងកម្មវិធីប្រកួតផ្ដាច់ព្រ័តនៅឆ្នាំ១៩៨៦ ក្នុងប្រទេសម៉ិកស៊ីកូ​ផងដែរ។បច្ចុប្បន្ននេះអាចនិយាយបានថា ក្រុមជម្រើសជាតិប៉ូឡូញ គឺជាក្រុមដ៏ល្អមួយ ដ្បិតគេមានខ្សែប្រយុទ្ធឆ្នើម Robert Lewandowski ជាខ្សែប្រយុទ្ធជួរមុខ។ យោងតាមស្ថិតិកាលពីដើមរដូវកាលមុន Lewandowski សុ៊តបញ្ចូលទីបាន ៧០គ្រាប់ ក្នុងការបង្ហាញខ្លួន ៦០លើកឲ្យក្រុមជើងឯកលីគកំពូល Bundesliga របស់អាល្លឺម៉ង់ Bayern Munich ។អង់គ្លេសនឹងត្រូវប្រកួតសត្រូវចាស់មួយទៀត ដែលធ្លាប់បង្កើតកំណត់ត្រាមួយឲ្យក្រុមរបស់ខ្លួន គឺកំណត់ត្រារបូត​គ្រាប់​បាល់​លឿនបំផុត ត្រឹមរយៈពេល ៨.៣វិនាទី គឺសានម៉ារីណូ តែសំណាងល្អ ដ្បិតក្នុងជំនួបនៅឆ្នាំ១៩៩៣នោះ អង់គ្លេស​បាន​វាយបកយកឈ្នះ សានម៉ារីណូ យ៉ាងចាស់ដៃ ដោយលទ្ធផល ៧-១។ក្រុមជម្រើសជាតិវេលស៍ ក៏ត្រូវជួបប្រកួតជាមួយសត្រូវចាស់ គឺក្រុមបីសាចក្រហម បែលហ្សិក ដែលកំពុងឈរលេខ១ នៅក្នុងតារាងចំណាត់ថ្នាក់របស់ FIFA (FIFA World Ranking) ដែរ ប៉ុន្តែ អនុស្សាវរីយ៍វាយបកយក​ឈ្នះក្រុម​បែល​ហ្សិក ៣-១ ក្នុងជំនួបរបស់ក្រុមទាំងពីរ ក្នុងការប្រកួតឡើងទៅវគ្គពាក់កណ្ដាលផ្ដាច់ព្រ័តពានរង្វាន់ទ្វីបអឺរ៉ុបឆ្នាំ២០១៦ ហាក់នៅស្រស់ៗនៅឡើយ។ ចំណែកក្រុមអៀកឡង់ខាងជើង ក៏មានឱកាសសងសឹកសត្រូវចាស់ ស្វីស ដែលធ្លាប់ទម្លាក់គេមិនឲ្យឡើងទៅ​កាន់​វគ្គផ្ដាច់ព្រ័ត FIFA World Cup 2018 ទាំងប្រផិតប្រផើយ ១-០។លទ្ធផលចាប់ឆ្នោតសរុបរួមសម្រាប់តំបន់អឺរ៉ុប ក្នុងការប្រកួតជម្រុះ FIFA World Cup 2022 ៖Group A: Portugal, Serbia, Republic of Ireland, Luxembourg, AzerbaijanGroup B: Spain, Sweden, Greece, Georgia, KosovoGroup C: Italy, Switzerland, Northern Ireland, Bulgaria, LithuaniaGroup D: France, Ukraine, Finland, Bosnia and Herzegovina, KazakhstanGroup E: Belgium, Wales, Czech Republic, Belarus, EstoniaGroup F: Denmark, Austria, Scotland, Israel, Faroe Islands, MoldovaGroup G: Netherlands, Turkey, Norway, Montenegro, Latvia, GibraltarGroup H: Croatia, Slovakia, Russia, Slovenia, Cyprus, MaltaGroup I: England, Poland, Hungary, Albania, Andorra, San MarinoGroup J: Germany, Romania, Iceland, North Macedonia, Armenia, Liechtenstein៕

(កាតា)៖ កាតា នឹងសម្ពោធពហុកីឡដ្ឋានទី៤ ក្នុងចំណោមពហុកីឡដ្ឋានទាំង៨ របស់ខ្លួន ដែលសាងសង់ឡើង ដើម្បីត្រៀមធ្វើជាម្ចាស់ផ្ទះ ព្រឹត្តិការណ៍ប្រកួតបាល់ទាត់ World Cup នៅថ្ងៃទី១៨ ខែធ្នូនេះ, នេះបើតាមការបញ្ជាក់ពី អ្នករៀបចំកម្មវិធី ហើយត្រូវបានចុះផ្សាយ ដោយសារព័ត៌មាន CNA នាយប់ថ្ងៃទី២ ខែធ្នូ ឆ្នាំ២០២០ នេះ។កាតា គ្រោងនឹងធ្វើជាម្ចាស់ផ្ទះ ព្រឹត្តិការណ៍ World Cup នៅឆ្នាំ២០២២ ខាងមុខ។ ជាមួយនឹងសមត្ថភាព អាចផ្ទុកបានអ្នកទស្សនា ចំនួន៤០,០០០នាក់ ពហុកីឡដ្ឋាន Al Rayyan នេះ នឹងធ្វើជាទីកន្លែងសម្រាប់ការប្រកួត World Cup រហូតដល់ការប្រកួតជុំទី១៦។អគ្គលេខាធិការស្ថាប័នរៀបចំរបស់កាតា សម្រាប់ព្រឹត្តិការណ៍ World Cup លោក Hassan Al Thawadi បានឲ្យដឹងថា «ការត្រៀមខ្លួនរបស់យើង សម្រាប់ព្រឹត្តិការណ៍ World Cup កំពុងបន្តទៅមុខ, ជាមួយនឹងគម្រោងហេដ្ឋារចនាសម្ព័ន្ធ៩០ភាគរយ បានបញ្ចប់ការសាងសង់»។ លោកបន្ថែមថា «យើងនឹងបង្ហាញពហុកីឡដ្ឋានបន្ថែមទៀត នៅឆ្នាំក្រោយ»៕