trollkhmer news

UEFA

យប់​នេះ Uefa Champion League ចាប់ឆ្នោតវគ្គចែក​ពូលហើយ

ថ្ងៃទី ២៤ ខែ សីហា ឆ្នាំ ២០១៧ ម៉ោង ១៤:៥១

​ការ​ប្រកួត​ពាន​រង្វាន់ UEFA Champions League នឹងធ្វើការ​ចាប់ឆ្នោត​បែងចែក​ពូល​នៅ​ទីក្រុង Monaco ដែល​ធ្វើឡើង​នា​វេលា​ម៉ោង ១២ អាធ្រាត្រ (ម៉ោង​នៅ​កម្ពុជា) ឈាន​ចូល​ថ្ងៃ​ទី២៥ ខែ​សីហា ឆ្នាំ​២០១៧។ក្រុម​បាល់ទាត់​មក​ពី​លីគ​កំពូល​នៅ​ទ្វីប​អឺរ៉ុប ចំនួន ៣២​ក្រុម នឹង​ដឹង​ពី​ពូល​របស់​ខ្លួន ដោយក្នុង​នោះ មាន​ក្រុម​មកពី​អង់គ្លេស មាន​ចំនួន ៦​ក្រុម, អេស្ប៉ាញ ៤​ក្រុម, អាល្លឺម៉ង់ ៤​ក្រុម, អ៊ីតាលី ៣​ក្រុម, បារាំង ២​ក្រុម និង​ក្រៅ​ពី​នោះ មក​ពី​លីគ​កំពូលៗ​ក្នុង​ទ្វីប​អឺរ៉ុប​ផ្សេងៗ​ទៀត។លក្ខខណ្ឌ​នៃ​ការ​ចាប់​ពូល​នេះ គឺ​ក្រុម​មក​ពី​លីគ​តែ​មួយ មិន​អាច​ជួប​គ្នា​ក្នុង​ពូល​បាន​ទេ។ បន្ទាប់ពី​កម្មវិធី​នេះ ក៏​មាន​ការ​ផ្ដល់​ពាន​រង្វាន់​ជូន​ដល់​កីឡាករ​ឆ្នើម​ប្រចាំ​ឆ្នាំ (UEFA Player of the Year) ផង​ដែរ។

Emre Can ស៊ុត២គ្រាប់ឲ្យ Liverpool ទម្លាក់ Hoffenheim មានកៅអីលេងនៅ Champion League ឆ្នាំក្រោយ (មានវីដេអូ)

ថ្ងៃទី ២៤ ខែ សីហា ឆ្នាំ ២០១៧ ម៉ោង ១១:២៧

Liverpool បានកក់កៅអីនៅក្នុងពានរង្វាន់ Uefa Champion League នៅរដូវកាលក្រោយនេះ បន្ទាប់ពីបានយកឈ្នះ Hoffenheim ៦-៣ ក្នុងការប្រកួតទាំង២ជើង។នៅក្នុងជំនួបកាលពីយប់មិញនាកីឡដ្ឋាន Anfield ក្រុមម្ចាស់ផ្ទះរកបាន៤គ្រាប់ដោយ Emre Can (២គ្រាប់) Mohamed Salah និង Roberto Firmino។ ខណៈ២គ្រាប់របស់ក្រុមភ្ញៀវរកបានដោយ Mark Uth និង Sandro Wagner។ គួររំលឹកផងដែរ លើកចុងក្រោយរបស់ក្រុមរហស្សនាមហង្សក្រហមនៅក្របខ័ណ្ឌកំពូលទ្វីបអឺរ៉ុបលើកចុងក្រោយគឺនៅឆ្នាំ២០១៤-១៥។

ជួប Hoffenheim ជើងទី២យប់នេះ Coutinho នៅតែអត់មានឈ្មោះ លេងឲ្យ Liverpool

ថ្ងៃទី ២៣ ខែ សីហា ឆ្នាំ ២០១៧ ម៉ោង ១៦:២៧

Philippe Coutinho នៅតែបន្តមិនមានឈ្មោះលេងឲ្យ Liverpool ក្នុងការប្រកួតជម្រុះ UEFA Champions League វគ្គ​ play-off ជាមួយ Hoffenheim នៅ​ទឹកដី Anfield នាវេលាម៉ោង​១និង៤៥នាទីទៀបភ្លឺនេះ។ ខណៈជើងទី១ ក្រុមហង្សក្រហមបានយកឈ្នះដោយលទ្ធផល២ទល់នឹង១នៅទឹកដីអាល្លឺម៉ង់។អតីត​កីឡាករ​ Inter Milan បាន​អវត្តមាន​២ប្រកួតមកហើយនៅរដូវកាលថ្មី Premier League ​ផងដែរ ​ដោយសាររបួស​ខ្នង​ ប៉ុន្តែអ្នកចាត់ការ Jurgen​ Klopp អះអាងថា មិន​ពាក់ព័ន្ធនឹងការផេ្ទររូបគេ​ចេញឡើយ។ជាមួយគ្នានេះ​ យោងតាម​របាយ​ការណ៍​ពី​សារព័ត៌មាន​អង់គ្លេស ខ្សែបម្រើ​ជម្រើស​ជាតិអង់គ្លេស​ខាងលើ​បាន​ដាក់​សំណើ​ផ្ទេរ​ចេញ​កាល​សប្ដាហ៍​មុន ក្រោយ​ Liverpool បាន​បដិសេធ​ការ​ដេញ​ថ្លៃ​ចំនួន៤លើករបស់ី Barcelona។ក្រៅពី​អវត្តមាន​របស់​ Coutinho ក្រុម​ម្ចាស់ផ្ទះនៅ​អង់គ្លេស ប៉ុន្តែខ្សែប្រយុទ្ធ Daniel Sturridge បានត្រលប់មកជួយក្រុមវិញបានហើយក្រោយជា​របួស​ភ្លៅ។

Buffon, Messi និង​ Ronaldo ប្រជែង​គ្នា​យក​ពាន​កីឡាករ​ល្អ​បំផុត​នៅ​អឺរ៉ុប​

ថ្ងៃទី ១៦ ខែ សីហា ឆ្នាំ ២០១៧ ម៉ោង ១៥:៥៦

អ្នកចាំទី Gianluigi Buffon, Lionel Messi និង Cristiano Ronaldo ស្ថិត​ក្នុងបញ្ជីចុងក្រោយ​នៃ​បេក្ខភាព​សម្រាប់​តំណែង​កីឡាករ​ល្អបំផុតប្រចាំ​សមាគ​ម​បាល់ទាត់ទ្វីបអឺរ៉ុប ហៅកាត់ថា UEFA។បេក្ខជន​ទាំង​បី​រូប​ត្រូវ​បាន​បោះឆ្នោត​ជ្រើស​រើស​ដោយ​គ្រូ​បង្វឹក​ចំនួន​៨០​នាក់​ និង​អ្នក​សារព័ត៌មាន​៥៥​រូប។ Messi និង​ Ronaldo សុទ្ធតែ​ធ្លាប់​ឈ្នះ​ពាន​ខាង​លើ​២​ដង​ដូចគ្នា ខណៈ​អ្នក​ចាំទី Buffon មិន​ដែលស្គាល់ជាតិឈ្នះឡើយ​ទេ។ខាងក្រោមជា​បេក្ខជន៧រូបផ្សេងទៀត ៖4: Luka Modric (Croatia, Real Madrid)5: Toni Kroos (Germany, Real Madrid)6: Paulo Dybala (Argentina, Juventus)7: Sergio Ramos (Spain, Real Madrid)8: Kylian Mbappe (France, Monaco)9: Robert Lewandowski (Poland, Bayern Munich)10: Zlatan Ibrahimovic (Sweden, Manchester United)

ប៉ះ Hoffenheim យប់នេះ Liverpool អត់មាន Coutinho លេងទេ

ថ្ងៃទី ១៥ ខែ សីហា ឆ្នាំ ២០១៧ ម៉ោង ១៧:២៤

Philippe Coutinho មិន​ត្រូវបាន​ដាក់​បញ្ចូល​ក្នុង​បញ្ជី២២​នាក់​​របស់​ Liverpool ធ្វើ​ដំណើរ​ទៅ​ជម្រុះ UEFA Champions League វគ្គ​ play-off នៅ​ផ្ទះ​ Hoffenheim នាវេលាម៉ោង​១និង៤៥នាទី​យប់នេះ។ អតីត​កីឡាករ​ Inter Milan ​ក៏បាន​អវត្តមាន​ថ្ងៃបើកឆាក Premier League កាល​ថ្ងៃ​សៅរ៍កន្លងទៅ​ផងដែរ ​ដោយសាររបួស​ខ្នង​ ប៉ុន្តែអ្នកចាត់ការ Jurgen​ Klopp អះអាងថា មិន​ពាក់ព័ន្ធនឹងការផ្ទររូបគេ​ចេញទេ។ជាមួយគ្នានេះ​ យោងតាម​របាយ​ការណ៍​ពី​សារព័ត៌មាន​អង់គ្លេស ខ្សែបម្រើ​ជម្រើស​ជាតិអង់គ្លេស​ខាងលើ​បាន​ដាក់​សំណើ​ផ្ទេរ​ចេញ​កាល​សប្ដាហ៍​មុន ក្រោយ​ Liverpool បាន​បដិសេធ​ការ​ដេញ​ថ្លៃ​១០០​លាន​អឺរ៉ូ​ពី Barcelona។ក្រៅពី​អវត្តមាន​របស់​ Coutinho ក្រុម​មក​ពី​អង់គ្លេស ក៏​មិន​មាន​ខ្សែប្រយុទ្ធ Daniel Sturridge ដូចគ្នា ដោយសារ​​មាន​របួស​ភ្លៅ។

Liverpool ប៉ះ Hoffenheim ខណៈ Napoli ជួប Nice នៅ Champion League វគ្គ Play-off

ថ្ងៃទី ០៤ ខែ សីហា ឆ្នាំ ២០១៧ ម៉ោង ១៧:៥២

កាលវិភាគការប្រកួតពានរង្វាន់ Uefa Champion League វគ្គ Play-off បានចេញជាផ្លូវការហើយក្រោយពីធ្វើការចាប់ឆ្នោតរួច ដោយក្រុមហង្សក្រហម Liverpool ប៉ះ Hoffenheim របស់អាល្លឺម៉ង់ ខណៈក្រុមខ្លាំងអ៉ីតាលី Napoli ជួបជាមួយ Nice មកពីបារាំង។ចំណែកឯ Celtic ជួបជាមួយ Astana ហើយ Sevilla ប៉ះ Istanbul Başakşehir នឹង Sporting Lisbon ប្រកួតជាមួយ FCSB រួមជាមួយ៥គូផ្សេងទៀត។ ការប្រកួតជើងទី១នឹងធ្វើឡើងនៅថ្ងៃទី១៥-១៦ ខែសីហា ខាងមុខនេះ ខណៈជើងទី២នៅថ្ងៃទី២២-២៣ ខែសីហា។

David Silva៖ ខ្ញុំនឹងចូលនិវត្តន៍ភ្លាម បើសិនជាបានឈ្នះ Champion League

ថ្ងៃទី ១៩ ខែ មិថុនា ឆ្នាំ ២០១៧ ម៉ោង ១៦:៤៤

ខ្សែបម្រើ David Silva បាននិយាយអំពីផែនការចូលនិវត្តន៍ថានឹងព្យូរស្បែកជើងបាល់ទាត់របស់ខ្លួនបើសិនជាអាចឈ្នះពានរង្វាន់ Uefa Champion League បាន។"ខ្ញុំុនឹងចូលនិវត្តន៍។ បើសិនជាអាចឈ្នះមែន ព្រោះវាពិតជាអស្ចារ្យណាស់នៅក្នុងអាជីពរបស់ខ្ញុំ។ ខ្ញុំនឹងរីករាយបំផុតបើសិនជាពួកយើងអាចធ្វើបាន ខ្ញុំពិតជាសប្បាយចិត្តដែលបានបន្តនៅ Man City ហើយខ្ញុំគិតថាខ្ញុំនឹងនៅទីនេះបានរយៈពេលយូរអង្វែងទៀត" នេះជាសម្តីរបស់ Silva បានប្រាប់ឲ្យដឹង។កុងត្រារបស់កីឡាករអេស្ប៉ាញនៅកីឡដ្ឋាន Etihad នឹងផុតកំណត់នៅខែមិថុនា ឆ្នាំ២០១៩ បន្ទាប់ពីផ្លាស់មកពីក្រុមប្រជៀវខ្មៅ Valencia កាលពីឆ្នាំ២០១០។

អាល្លឺម៉ង់ និង អ៊ីតាលី រកបាន៣ពិន្ទុដូចគ្នាក្នុងពូល C ពានរង្វាន់ EURO U21 (មានវីេដអូ)

ថ្ងៃទី ១៩ ខែ មិថុនា ឆ្នាំ ២០១៧ ម៉ោង ០៨:៣៦

ក្រុមជម្រើសជាតិអាយុក្រោម២១ឆ្នាំអាល្លឺម៉ង់ និង អ៊ីតាលី រកបាន៣ពិន្ទុដូចគ្នាក្នុងពូល C នៅក្នុងពានរង្វាន់ EURO U21 នៅប្រទេសប៉ូឡូញកាលពីយប់មិញ។Max Meyer (នាទី៤៤) និង Serge Gnabry (នាទី៥០) គឺជាអ្នកស៊ុតឲ្យអាល្លឺម៉ង់ស៊ុតទម្លុះសំណាញ់ទីរបស់សាធារណរដ្ឋឆេក។ចំណែកឯអ៊ីតាលីវិញបានយកឈ្នះដាណាម៉ាក២គ្រាប់ដូចគ្នាដោយ Lorenzo Pellegrini និង Andrea Petagna ជាអ្នករកគ្រាប់បាល់បញ្ចូលទី។

Marco Asensio ស៊ុត​ Hat-trick ​ឲ្យ​អេស្ប៉ាញ​​លុតម៉ាសេដូនី៥គ្រាប់នៅ Euro U21 (មានវីដេអូ)

ថ្ងៃទី ១៨ ខែ មិថុនា ឆ្នាំ ២០១៧ ម៉ោង ១៣:២៦

កីឡាករវ័យក្មេង Marco Asensio របស់​ Real Madrid បាន​ស៊ុត៣​គ្រាប់​ម្នាក់​ឯង​ឲ្យ​ក្រុម​ជម្រើសជាតិ​អាយុ​ក្រោម​២១​ឆ្នាំ​អេស្ប៉ាញ លុតម៉ាសេដូនី៥គ្រាប់ ក្នុងនៅ​ព្រឹត្តិការណ៍ UEFA Euro U21 ពូល B នៅ​ប្រទេសប៉ូឡូញ​កាលពីយប់មិញ។៥គ្រាប់របស់ក្រុមគោជល់រកបានដោយ Asensio (16' 54' & 72') ខណៈពីរ​គ្រាប់​ទៀត រក​បាន​ដោយ Gerard Deulofeu (35') និង Saul Niguez (10')។ដោយឡែក ព័រទុយហ្គាល់ វិញក៏​រក​បាន​៣​ពិន្ទុ​នៅថ្ងៃដំបូង​របស់ខ្លួនដូចគ្នា តាមរយៈជ័យជម្នះ​២ទល់នឹង០ លើ U21 របស់ស៊ែប៕