trollkhmer news

UEFA

Alves, Neymar និង Cavani ស៊ុតម្នាក់១គ្រាប់ឲ្យ PSG បំបាក់ Bayern Munich ៣-០ (មានវីដេអូ)

ថ្ងៃទី ២៨ ខែ កញ្ញា ឆ្នាំ ២០១៧ ម៉ោង ០៤:០៩

ក្រុមចាយលុយធំនៅបារាំង Paris St Germain បានយកឈ្នះក្រុមភ្ញៀវ Bayern Munich ដោយលទ្ធផល៣ទល់នឹង០ នៃការប្រកួតពានរង្វាន់ UEFA Champion League វគ្គចែកពូល ជុំទី២ នៅក្នុងពូល B។៣គ្រាប់របស់ក្រុមម្ចាស់ផ្ទះរកបានដោយ Dani Alves, Edinson Cavani នៅក្នុងវគ្គទី១ និង Neymar នៅក្នុងវគ្គទី២។ ឆ្លងកាត់ការប្រកួត២លើក ក្រុមលោក Unai Emery ឈរនៅលេខ១មាន៦ពិន្ទុនៅក្នុងដៃ ខណៈ Bayern Munich វិញមាន៣ពិន្ទុ ស្មើគ្នាជាមួយ Celtic ចំណែកឯ Anderlecht វិញមិនទាន់មានពិន្ទុនៅឡើយទេ។

គ្រូ PSG ថាដោះស្រាយបញ្ហា Neymar និង Cavani រួចរាល់ហើយ

ថ្ងៃទី ២៧ ខែ កញ្ញា ឆ្នាំ ២០១៧ ម៉ោង ១៥:៣១

អ្នកចាត់ការ PSG លោក Unai Emery បានឲ្យដឹងថា លោកបានដោះស្រាយបញ្ហារវាង Neymar និង Cavani រួចរាល់អស់ហើយ ក្រោយពីមានបញ្ហារឿងដណ្តើមគ្នាទាត់បាល់១១ម៉ែត្រ។អតីតគ្រូបង្វឹក Sevilla ​និយាយ​ថា​៖ “Neymar ​ស្ថិត​ក្នុង​បញ្ជី​សម្រាប់​ប្រកួត​យប់នេះ​។ ខ្ញុំ​បាន​ជជែក​ជាមួយ​ពួក​គេ (Neymar & Cavani) ហើយ​ពួក​គេ​ដឹង​ថា​អ្វី​ៗ​នឹង​កើត​ឡើង​យ៉ាង​ដូច​ម្ដេចសម្រាប់ការប្រកួតក្រោយៗនេះ​”។ខ្សែ​ប្រយុទ្ធ Neymar ស្ថិត​ក្នុង​បញ្ជី​ឈ្មោះ​របស់​ក្រុម Paris St Germain ​សម្រាប់​ប្រកួត Champions League ទល់​នឹង Bayern Munich ម៉ោង​១:៤៥​រំលង​អធ្រាត្រ​ថ្ងៃ​ពុធ​ទី​២៧​ខែ​កញ្ញា​ឆ្នាំ​២០១៧​នេះ បន្ទាប់ពី​ជា​សះស្បើយ​ពី​របួស​ប្រអប់​ជើង​។អតីតសមាជិក Barca ទើបតែជាពីបញ្ហារបួសជើង ក្រោយពីប៉ះទង្គិចជាមួយមិត្តរួមក្រុម Hatem Ben Arfa អំឡុង​ពេល​ហ្វឹកហាត់​ដែលធ្វើឲ្យរូបគេអវត្តមាននៅក្នុងជំនួបជាមួយ Montpellier កាលពីសប្តាហ៍មុន។

Mourinho ថាអត់ Fellani, Pogba និង Carrick មិនប៉ះពាល់ការប្រកួតជាមួយ CSKA យប់នេះទេ

ថ្ងៃទី ២៧ ខែ កញ្ញា ឆ្នាំ ២០១៧ ម៉ោង ១៥:០២

គ្រូបង្វឹក Manchester United លោក Jose Mourinho ថា អវត្តមានខ្សែបម្រើ Paul Pogba, Michael Carrick និង Marouane Fellani នឹងមិនប៉ះពាល់ដល់កំលាំងរបស់ក្រុមខ្លាំងពេកទេសំរាប់ជំនួបប៉ះម្ចាស់ផ្ទះ CSKA Moscow យប់នេះ។លោក Mourinho និយាយថា ក្រុមអវត្តមាន Fellani, Pogba និង Carrick ខ្សែបម្រើសំខាន់ៗសុទ្ធតែមិនអាចលេងបាន ហើយលោកមិនមានជម្រើសផ្សេងច្រើនទេ។​ យ៉ាងណាក្តី លោកក៏មិនផ្ដោតលើសមត្ថភាពបុគ្គលខ្លាំងពេកដែរ អ្វីដែលសំខាន់នោះ គឺកំលាំងក្រុមទាំងមូលតែម្ដង ព្រោះសមាជិកដ៏ទៃក៏មានសមត្ថភាពដូចៗគ្នា។កីឡាករទាំង៣រូប ខាងលើសុទ្ធតែមានបញ្ហារបួសរៀងៗខ្លួនដែលតម្រូវអោយគ្រូបង្វឹកសញ្ជាតិព័រទុយហ្គាល់សម្រេចចិត្តដាក់ Nemanja Matic និង Ander Herrera ចូលជំនួសវិញ។Man UTD បើកឆាកវគ្គសន្សំពិន្ទុពូល A ពាន Champions League ដោយឈ្នះ ៣-០លើ FC Basel នៅ Old Trafford ខណៈ CSKA Moscow ឈ្នះ ២-១ លើ Benfica ៕

គ្រូ Spurs ​ថា​ស្រលាញ់ Harry Kane ខ្លាំងពេក​ដល់​ថ្នាក់​ប្រពន្ធ​ប្រចណ្ឌ​

ថ្ងៃទី ២៧ ខែ កញ្ញា ឆ្នាំ ២០១៧ ម៉ោង ១១:៣០

អ្នកចាត់ការ Tottenham​ លោក Mauricio Pochettino ​សារភាព​ថា​លោក​ស្រលាញ់​ខ្សែ​ប្រយុទ្ធ Harry Kane ខ្លាំង​ណាស់ រហូត​ដល់​ថ្នាក់​ភរិយា​របស់​លោក​ប្រចណ្ឌ​។ ការនិយាយបែបនេះក្រោយពេលដែល Kane ទើបតែ​ស៊ុតបាន៣គ្រាប់ជួយឲ្យ Spurs ឈ្នះនៅ​ទឹកដី APOEL ដែលនេះគឺ​ហ៊ែតទ្រីក​​លើក​ទី​១​របស់​គេ​ក្នុង​ពាន Champions League ផងដែរ។ លោក Pochettino បានឲ្យដឹង​​ថា​៖ “Kane ជា​ខ្សែ​ប្រយុទ្ធ​ល្អ​ គេគឺ​ជា​ពេជ្ឈឃាដដ៏មានប្រសិទ្ធភាព។ បើនិយាយពីការស្រឡាញ់គេវិញ ឥឡូវនេះ​ប្រពន្ធ​ខ្ញុំ​ប្រចណ្ឌ​ណាស់ ហើយ​ប្រពន្ធ​គេ​(Kane) ក៏​ប្រចណ្ឌ​ដែរ។"អតីតសមាជិក Leicester City បាន​ក្លាយ​ជា​កីឡាករ​​អង់គ្លេស​ទី​៧​ដែល​ធ្វើ​បាន​ហ៊ែតទ្រីក​ក្នុង​ពាន​ក្លិប​អាជីព​ធំ​ជាង​គេ​របស់​អឺរ៉ុប​នេះ បន្ទាប់​ពី Andy Cole, Mike Newell, Michael Owen, Alan Shearer, Wayne Rooney និង Danny Welbeck ធ្លាប់ធ្វើបាន​។​ ​

Coutinho ស៊ុតឲ្យ Liverpool តាមស្មើ Spartak Moscow វិញនៅ​ Champions League (មានវិដេអូ)

ថ្ងៃទី ២៧ ខែ កញ្ញា ឆ្នាំ ២០១៧ ម៉ោង ០៩:៣៦

Philippe Coutinho ជួយឲ្យ​ Liverpool បាន​មួយពិន្ទុពី​ក្រុម​ម្ចាស់ផ្ទះ Spartak Moscow ក្នុងការប្រកួត UEFA Champions League ពូល E។ក្រុមម្ចាស់ផ្ទះ​បានធ្វើ​ការនាំមុខ​មុន​នៅនាទី២៣ ដោយកីឡាករ​ Fernando មុន​ខ្សែបម្រើជម្រើសជាតិ​ប្រេស៊ីល តាម​ស្មើនៅនាទី៣១។ ខណៈនៅវគ្គទី២មិនមានគ្រាប់បាល់បន្ថែមទៀតឡើយ។ដូច្នេះ ក្រុមហង្សក្រហម​រកបាន​ត្រឹម២ពិន្ទុប៉ុណ្ណោះពីការប្រកួត​២លើក​ដំបូង​ ខណៈ Sevilla មាន​៤ពិន្ទុ ក្រោយ​ឈ្នះ​ Maribo ៣ទល់នឹង០។

Kane រកបាន Hat-trick ឲ្យ Spur លត់​ APOEL ៣-០ ខណៈ Man City ឈ្នះ Shakhtar ២-០ (មានវីដេអូ)

ថ្ងៃទី ២៧ ខែ កញ្ញា ឆ្នាំ ២០១៧ ម៉ោង ០៩:២៩

Harry Kane ទាត់​បញ្ចូលទី​៣គ្រាប់​ម្នាក់​ឯង​ជួយ​ឲ្យ​ Tottenham Hotspur យកឈ្នះ APOEL Nicosia ៣ទល់នឹង០ ក្នុងជំនួប UEFA Champions League។ជ័យជម្នះ​នេះធ្វើ​ឲ្យ​ Spurs មាន​៦ពិន្ទុ​ពេញ​ពី​ការប្រកួត​២​លើក​ដំបូងស្មើ Real Madrid ដែល​ឈ្នះ Borussia Dortmund ៣ទល់នឹង១៕ចំណែកឯនៅពូល F វិញ ក្រុមមេឃខៀវ Manchester City បានយកឈ្នះទៅ​លើ​ Shakhtar Donetsk ២ទល់នឹង​០ ដែលរកគ្រាប់បាល់បានដោយ Kevin de Bruyne និង Raheem Sterling។

ប៉ះ CSKA Moscow យប់ស្អែក Man UTD អវត្តមានខ្សែបម្រើសំខាន់មួយរូប

ថ្ងៃទី ២៦ ខែ កញ្ញា ឆ្នាំ ២០១៧ ម៉ោង ០០:២៤

សមាជិក Manchester United បានធ្វើដំណើរចាកចេញពីទឹកដីអង់គ្លេសហោះទៅកាន់ប្រទេសរូស្ស៊ីដើម្បីធ្វើការប្រកួតជាមួយក្រុមម្ចាស់ផ្ទះ CSKA Moscow នៃការប្រកួតពានរង្វាន់ UEFA Champion League ដោយអវត្តមានខ្សែបម្រើ Marouane Fellaini ដោយសារមានរបួសកែងជើងពេលប៉ះជាមួយ Southampton កាលពីចុងសប្តាហ៍មុន។កីឡាករសក់សំពោងបានរងរបួសក្រោយប៉ះទង្គិចជាមួយខ្សែប្រយុទ្ធ Shane Long ក្នុងវគ្គទី១ ប៉ុន្តែនៅបន្តលេងរហូតដល់ចប់ការប្រកួតដោយក្រុមបិសាចក្រហមជាអ្នករកបាន៣ពិន្ទុនៅក្នុងកីឡដ្ឋាន St Mary's ឈរនៅកំពូលតារាងជាមួយ Man City។Fellaini គឺជាសមាជិកទី២ហើយដែលនឹងអវត្តមាននៅក្នុងជំនួបនេះបន្ទាប់ពី Paul Pogba ដែលកំពុងសម្រាកព្យាបាលបញ្ហាសរសៃរពួរ (របួសចាស់) ដោយរបួសគេនឹងអាចឈានទៅដល់ការវះកាត់ផងដែរ បើសិនជាពិនិត្យទៅមានសភាពហាធ្ងន់ធ្ងរ។ ដោយឡែកនៅតំបន់បម្រើកណ្តាល Ander Herrera ទំនងជាចូលលេងជម្រើស១១នាក់ដំបូងដោយនឹងចាប់ដៃគូជាមួយ Nemanja Matic។

Arsene Wenger៖ UEFA Champion League ឆ្នាំនេះលេងមិនសូវល្អមើលទេ

ថ្ងៃទី ២៥ ខែ កញ្ញា ឆ្នាំ ២០១៧ ម៉ោង ១២:៥៤

គ្រូបង្វឹក Arsenal លោក Arsene Wenger បានឲ្យដឹងថា ពានរង្វាន់ UEFA Champion League នៅរដូវកាលនេះមិនមានភាពទាំក់ទាញឡើយ ក្រោយពីក្រុមកាំភ្លើងធំធ្លាក់ទៅលេងនៅ Europa League។បុរសជនជាតិបារាំងបានបន្ថែមទៀតថា៖ "ខ្ញុំគិតថានៅក្នុងវគ្គចែកពូលមិនសូវមានការប្រកួតល្អៗ ព្រោះមើលទៅមានតែ២-៣គូតែប៉ុណ្ណោះតែលេងល្អមើល។ ដូចនេះវាធ្វើឲ្យបាត់បង់ភាពទាក់ទាញសម្រាប់អ្នកគាំទ្រ។"គួរបញ្ជាក់ថា Arsenal បានបញ្ចប់ទៅនៅលំដាប់ទី៥កាលពីរដូវកាលមុនមិនមានឈ្មោះមកលេងនៅពានរង្វាន់ UEFA Champion League ជាលើកដំបូងក្នុងរយៈ១៩ឆ្នាំ។

គ្រូ Dortmund ថា Mario Gotze វៀចធ្មេញ​ខ្ទេចក្រោយត្រូវមួយ​កែង​របស់ Vertonghen

ថ្ងៃទី ១៦ ខែ កញ្ញា ឆ្នាំ ២០១៧ ម៉ោង ១៣:៥២

ខ្សែបម្រើ Mario Gotze ​រង​គ្រោះ​​វៀចធ្មេញ​មួយ​ចំនួន​ ​ក្រោយ​ត្រូវ​មួយ​កែង​ ពេញ​ទំហឹង​ពី​ខ្សែ​ការពារ​ Jan Vertonghen ក្នុងជំនួបរវាង Borussia Dortmund ប៉ះជាមួយ Tottenham Hotspur នៃពានរង្វាន់ UEFA Champion League។  លោក Peter Bosz គ្រូ​បង្វឹក​ក្លឹប Dortmund បាន​និយាយ​ក្រោយ​ចប់​ការ​ប្រកួត​ថា​៖ "ធ្មេញ​ Gotzeបាន​វៀចហើយ​ត្រូវ​តែ​ជួប​ជាមួយ​គ្រួ​ពេទ្យ​ដើម្បី​ព្យាបាល។ វា​មើល​ទៅ​មិន​ល្អ​សោះ។ ​ធ្មេញ​របស់​គេ​​មិន​ត្រង់​ជួរ​នោះ​ទេ បន្ទាប់​ពី​ត្រូវ​មួយ​កែង​។ វា​ធ្វើ​ឲ្យ​គេ​ ពិបាក​នឹង​និយាយ​ណាស់"។ក្រោយ​រង​ការ​ប៉ះ​ទង្គិច​នេះ Gotze ត្រូវ​បាន​គេ​ឃើញ​មាន​ឈាម​ក្នុង​មាត់ ខណៈ​ខ្សែ​ការពារ Vertonghen របស់​ Spurs ទទួល​បាន​កាត​លឿង​ជា​លើក​ទី២ ហើយ​ត្រូវ​បាន​បណ្ដេញ​ចេញ​ពី​ការ​ប្រកួតនៅចុងម៉ោង ប៉ុន្តែលទ្ធផលបញ្ចប់ការប្រកួតគឺ Spur បានយកឈ្នះ Dortmund ដោយលទ្ធផល៣ទល់នឹង១។