trollkhmer news

UEFA

Ajax​ បន្តភាពខ្លាំងរបស់ខ្លួននៅទឹកដី Spurs ក្រោយយកឈ្នះក្រុមម្ចាស់ផ្ទះ ១ទល់០​ (មានវីដេអូ)

ថ្ងៃទី ០១ ខែ ឧសភា ឆ្នាំ ២០១៩ ម៉ោង ០៩:៤៥

អង់គ្លេស៖ ក្ដីស្រមៃទៅលេងវគ្គផ្ដាច់ព្រ័ត្រ UEFA Champions League របស់ Tottenham Hotspur កំពុងស្ថិតនៅក្នុងស្ថានភាពស្រពិចស្រពិល  បន្ទាប់ពីពួកគេបានចាញ់ Ajax ១ទល់នឹង០ នៅទឹកដីខ្លួនឯង។គ្រាប់បាល់តែមួយក្នុងការប្រកួតរបស់កីឡាករ van de Beek ដែលបានទម្លុះសំណាញ់ទីរបស់អ្នកចាំទី Hugo Lloris នៅនាទី១៥ បានធ្វើឲ្យក្រុមកីឡាករវ័យក្មេង និងគ្រូបង្វឹកមានការភ្ញាក់ផ្អើលយ៉ាងខ្លាំង ហើយមានទឹកមាត់លេបក្នុងការប្រកួតជើងទីពីរនៅទីក្រុងអាំស្ទឺដាំកាលពីថ្ងៃពុធ។ក្រុមម្ចាស់ផ្ទះបានព្យាយាមសម្រុកណាស់ដែរ តែមិនអាចធ្វើអ្វីបាននោះទេ ទាំងដែរគ្មានខ្សែប្រយុទ្ធ Harry Kane និង Son Heung-min ដោយសារតែរងរបួស ហើយក្នុងការប្រកួតនេះក៍បានបាត់បង់ខ្សែការពារ Jan Vertonghen បន្ទាប់ពីបានរងរបួសនៅតង់ទី ១៕

ក្រុមមកពីអង់គ្លេសសុទ្ធតែឈ្នះក្នុងការប្រកួត Europa League វគ្គ ៨ក្រុមចុងក្រោយ ជើងទី១

ថ្ងៃទី ១២ ខែ មេសា ឆ្នាំ ២០១៩ ម៉ោង ០៩:៤៨

Arsenal បានយកឈ្នះក្រុមខ្លាំងមកពីអ៊ីតាលី Napoli ២-០ ក្នុងការប្រកួត Europa League វគ្គ ៨ក្រុមចុងក្រោយ ខណៈ Chelsea បានយកឈ្នះក្រៅដីលើក្រុមរបស់ប្រទេសឆែក Slavia Prague ។Aaron Ramsey ទាត់បញ្ចូលទីយ៉ាងស្អាត ក្រោយទទួលបានបាល់ពីខ្សែការពារ Ainsley Maitland-Niles ដែលធ្វើឲ្យក្រុមម្ចាស់ផ្ទះនាំមុខភ្ញៀវនៅនាទី១៤។ គ្រាប់ទី២ គឺការស៊ុតបាល់របស់ Lucas Torreira ហើយក៍ត្រូវជើងកីឡាករ Kalidou Koulibaly ធ្វើឲ្យអ្នកចាំទី Alex Meret អស់ជំហរចាប់បាល់ នៅនាទី២៥។ ដោយឡែកមួយគ្រាប់របស់ Chelsea កើតចេញនៅនាទី៨៦ ឯណោះ ដែលជាការតែតបញ្ចូលទីពីខ្សែការពារ Marcos Alonso។ គុណសម្បត្តិកើតចេញពីខ្សែបម្រើប្រេស៊ីល Willian បានចោះកាត់យ៉ាងល្អទៅក្នុងតំបន់គ្រោះថ្នាក់ បន្ទាប់មក Alonso ក៏បានតែតមួយក្បាលចូលទីតែម្ដង។Napoli ដែលជាក្រុមលេខ២ នៅក្នុងក្របខ័ណ្ឌ Serie A នឹងធ្វើជាម្ចាស់ផ្ទះទទួលស្វាគមន៍ក្រុមកាំភ្លើងនៅថ្ងៃព្រហស្បតិ៍អាទិត្យក្រោយ នៅឯកីឡដ្ឋាន San Paolo រីឯ Chelsea វិញក៍ត្រូវលេងក្នុងថ្ងៃដូចគ្នាផងដែរ៕

Tottenham Hotspur និង Liverpool សុទ្ធតែបានយកឈ្នះក្រុមភ្ញៀវនៅ Champions League (មានវីដេអូ)

ថ្ងៃទី ១០ ខែ មេសា ឆ្នាំ ២០១៩ ម៉ោង ០៩:៣២

បរទេស៖ Tottenham Hotspur បានបន្តកំណត់ត្រាយ៉ាងល្អនៅកីឡដ្ឋានថ្មីរបស់ខ្លួន ក្រោយយកឈ្នះ Manchester City នៅ Champions League ដោយលទ្ធផល១ ទល់នឹង០ ខណៈ  Liverpool ឈ្នះ FC Porto ២-០ នៅទឹកដី Anfield។គ្រាប់បាល់ទាំង ២របស់ Liverpool កាលពីយប់មិញនេះ ធ្វើបានសម្រេចដោយខ្សែបម្រើ Keita តាំងពីការប្រកួតចាប់ផ្តើមបាន ៥នាទី និងមួយគ្រាប់ទៀតធ្វើបានសម្រេចដោយខ្សែប្រយុទ្ធសញ្ជាតិប្រេស៊ីល Firmino R  នៅនាទីទី ២៦។ដោយឡែក ក្រុមអង់គ្លេសប៉ះអង់គ្លេស  ManCity សឹងតែមានឱកាសនាំមុខ១គ្រាប់មុនទៅហើយនៅនាទី ១៣ ប៉ុន្តែ Sergio Aguero បែរជាស៊ុតបាល់ពិន័យប៉េណាល់ទីមិនចូល។ ជំនួបនោះ បើទោះជាម្ចាស់ផ្ទះទាត់ចំគោលដៅបានច្រើនជាង ប៉ុន្តែ City មានភាគរយគ្រប់គ្រងបាល់ខ្ពស់រហូតដល់៥៧% តែយ៉ាងណានៅនាទី៧៨ ខ្សែប្រយុទ្ធអាស៊ី Heung-Min Son ស៊ុតបាន១គ្រាប់ និងជាគ្រាប់បាល់ជ័យជម្នះឲ្យក្រុមម្ចាស់ផ្ទះមានទឹកមាត់លេបបណ្ដោះអាសន្នសិន៕

Arsenal ឡើង​ទៅ​វគ្គ​៨​ក្រុម​ចុងក្រោយ Europa League បន្ទាប់​ពី​វាយ​បក​ជើង​ទី​ពីរ​ឈ្នះ​ក្រុម​ Rennes ៣-០

ថ្ងៃទី ១៥ ខែ មិនា ឆ្នាំ ២០១៩ ម៉ោង ០៩:៥៦

បរទេស​៖ ក្រុម​កាំភ្លើង​ធំ Arsenal បាន​ឡើង​ទៅ​វគ្គ​៨​ក្រុម​ចុងក្រោយ Europa League បន្ទាប់​ពី​វាយ​បក​ជើង​ទី​ពីរ​យក​ឈ្នះ​ក្រុម​មក​ពី​បារាំង Rennes ៣-០ កាល​ពី​យប់​មិញ។ខ្សែប្រយុទ្ធ Pierre-Emerick Aubameyang រកបាន២គ្រាប់នៅនាទីទី៥ និងនាទី៧២ ហើយ១គ្រាប់ទៀតរកបានដោយ Ainsley Maitland-Niles នៅនាទី១៥ ។ ហើយលោក Unai Emery អ្នកចាត់ការទូទៅរបស់ Arsenal បាននិយាយថា លោកមានក្តីរំភើបចំពោះការរំពឹងទុកដែលទទួលជ័យជម្នះសរុបទាំង២ជើង ៤-៣ លើក្រុម Rennes ដើម្បីឈានទៅប្រកួតវគ្គ ១/៤ នៃក្របខ័ណ្ឌ Europa League ។សូមបញ្ជាក់ផងដែរថា ៨ក្រុមដែលបានឡើងទៅវគ្គ Quarter Final មានដូចជា៖ Slavia Prague, Arsenal, Chelsea, Frankfurt, Napoli, Benfica, Valencia និង Villarreal៕

Liverpool ទម្លាក់ Bayern ក្លាយជាក្រុមអង់គ្លេសទី៤ ឡើងទៅវគ្គ៨ក្រុមចុងក្រោយ ខណៈ Barcelona ឈ្នះ Lyon ៥-១

ថ្ងៃទី ១៤ ខែ មិនា ឆ្នាំ ២០១៩ ម៉ោង ០៩:៥៣

 បរទេស៖ Liverpool ទម្លាក់ក្រុមសល់ពីអាល្លឺម៉ង់តែមួយគត់ Bayern ក្លាយជាក្រុមអង់គ្លេសទី៤ ឡើងទៅវគ្គ៨ក្រុមចុងក្រោយ ខណៈ Barcelona ឈ្នះ Lyon ៥-១ នៅកីឡដ្ឋាន Nou Camp។ក្រុមភ្ញៀវហង្សក្រហមទីបំផុតអាចឡើងទៅវគ្គ៨ក្រុមចុងក្រោយ UEFA Champions League បន្ទាប់ពីយកឈ្នះ Bayern Munich ដល់ក្នុងផ្ទះ ដោយលទ្ធផល ៣ទល់នឹង១។ Sadio Mane បានក្លាយជាវីរបុរសក្រោយស៊ុតបញ្ចូលទី២គ្រាប់ និង Van Dijk ១គ្រាប់ជួយឲ្យ Liverpool ទម្លាក់ Bayern សឹងមិនគួរឲ្យជឿ។គ្រាប់បាល់ ២គ្រាប់របស់ Lionel Messi រួមជាមួយ Coutinho, Pique និង Dembele ម្នាក់មួយគ្រាប់ បានជួយនាំឱ្យ Barcelona ឡើងទៅកាន់វគ្គ ៨ក្រុមចុងក្រោយម្តងទៀត ក្នុងរយៈពេល ១២ឆ្នាំជាប់ៗគ្នា។ គួរបញ្ជាក់ថា Barcelona គឺជាក្រុមដែលមកពីអេស្ប៉ាញតែមួយគត់ ដែលបានឈានមកដល់វគ្គ ៨ក្រុមចុងក្រោយនេះ ខណៈដែល At. Madrid និង Real Madrid សុទ្ធតែត្រូវធ្លាក់ត្រឹមវគ្គ ១៦ក្រុមចុងក្រោយ។ ហើយទស្សនាវីដេអូខាងក្រោម៖ 

៣គ្រាប់របស់ Ronaldo ជួយឲ្យ Juventus ទម្លាក់ AT.Madrid ចេញពី UCL ត្រឹមវគ្គ១៦ក្រុមចុងក្រោយ

ថ្ងៃទី ១៣ ខែ មិនា ឆ្នាំ ២០១៩ ម៉ោង ០៨:៥៥

បរទេស៖ ខ្សែប្រយុទ្ធ Cristiano Ronaldo រកបាន ៣ គ្រាប់ជួយឲ្យ  Juventus ឈ្នះ  Atletico Madrid ដែលសរុបលទ្ធផលទាំងពីរជើង ៣-២ ដោយផ្ដាច់សង្ខាររក្រុមមកពីអេស៉្បាញត្រឹមវគ្គ ១៦ក្រុមចុងក្រោយក្នុងពាន Champions League។គ្រាន់តែបើកឆាកប្រកួតភ្លាម ក្រុមសេះបង្កង់សម្រុកទៅលើ AT.Madrid និងរកគ្រាប់ដំបូង ក្នុងការប្រកួតនៅនាទី២៧ ដោយបាល់តែតយ៉ាងស្អាតររបស់​ Ronaldo ពីកាលើករបស់មិត្តរួមក្រុម Bernardeschi។ រយៈពេល ៤នាទីក្រោយ ក្នុងតង់ទី ២ ខ្សែប្រយុទ្ធសញ្ជាតិព័រទុយហ្គាល់រូបនេះក៍បានបន្ថែមគ្រាប់ទី២។ សល់តែប៉ុន្មាននាទីប៉ុណ្ណោះមុនចប់ការប្រកួត កីឡាកររបស់ក្រុមភ្ញៀវបានបង្កកំហុសក្នុងតំបន់ពិន័យ១១ម៉ែត្រ ហើយបាល់ប៉េណាល់ទីនោះហើយដែល CR7 ផ្ដាច់ដង្ហើមរបស់ AT.Madrid ចេញពី Champions League នៅក្នុងទីក្រុងទួរីន។គួរបញ្ជាក់ផងដែរថា បច្ចុប្បន្នអតីតខ្សែប្រយុទ្ធ Real Madrid និង Manchester United ដែលឈ្នះពាន UCL ៣ដងជាប់គ្នា បានស៊ុតបញ្ចូលទី ២៥គ្រាប់ទៅលើក្រុម Atletico Madrid ក្នុងអាជីពរបស់គេ៕

បាល់ប៉េណាល់ទីរបស់ Rashford នៅចុងម៉ោងជួយឲ្យ ManUtd ទម្លាក់ PSG ក្នុងទឹកដីបារាំង(មានវីដេអូ)

ថ្ងៃទី ០៧ ខែ មិនា ឆ្នាំ ២០១៩ ម៉ោង ០៩:៥១

បារាំង៖ បាល់ប៉េណាល់ទីរបស់ Marcus Rashford បានជួយឲ្យ Manchester United ផ្ដាច់ភាពសប្បាយរីករាយរបស់ Paris St-Germain នៅទឹកដីក្នុងប្រទេសបារាំង និងឈានទៅវគ្គ 1/4 ផ្តាច់ព្រ័ត្រ នៃក្របខណ្ឌ Champions League។ Manchester United ទីបំផុតបានឡើងទៅវគ្គ ៨ក្រុមចុងក្រោយ បន្ទាប់ពីយកឈ្នះ Paris Saint Germain ដោយលទ្ធផលសឹងមិនគួរឲ្យជឿក្នុងលទ្ធផល ៣ទល់នឹង១។ Rashford ទាត់បាល់ ១១ម៉ែតនៅនាទីទី ៩៤ ផ្ដាច់សង្ខាររបស់ក្រុមយក្សបារាំង ក្រោយពីអាជ្ញាកណ្ដាលទៅពិនិត្យ VAR ឃើញថា បាល់ប៉ះដៃខ្សែការពារ Kimpembe របស់ក្រុមម្ចាស់ផ្ទះ ហើយ ២គ្រាប់ទៀតគឺ រកបានដោយ Lukaku ទាំង២។ ក្រុមបិសាចក្រហមបានក្លាយជាក្រុមដំបូងគេក្នុងរដូវកាលនេះ និងក្នុងប្រវត្តិសាស្ត្រនៃពានរង្វាន់ក្របខ័ណ្ឌ Champions League និង European Cup លើកទី១០៧ ដែលចាញ់ក្នុងដីខ្លួនឯង ២គ្រាប់ ហើយវាយបកឈ្នះវិញនៅដីគូប្រកួត៕

Ajax ទម្លាក់ក្រុមម្ចាស់ជើងឯកអឺរ៉ុប ១៣សម័យ Real Madrid នៅ Bernabeu (មានវីដេអូ)

ថ្ងៃទី ០៦ ខែ មិនា ឆ្នាំ ២០១៩ ម៉ោង ០៩:៤៤

ក្លិប Ajax បានផ្តួលក្រុមម្ចាស់ជើងឯកអឺរ៉ុប ១៣សម័យ Real Madrid នៅឯកីឡដ្ឋាន Bernabeu ដែលការធ្លាក់ចេញពីត្រឹមវគ្គនេះ ១៦ក្រុមចុងក្រោយនៃការប្រកួតក្របខ័ណ្ឌ Champions League នេះគឹជាលើកដំបូងក្នុងរយៈពេល ២២ឆ្នាំ។កាលជើងទីមួយ នៅទឹកដីហូឡង់ ក្រុមរហស្សនាមស្ដេចសបានយកឈ្នះ ២-១ ដោយសង្ឃឹមខ្ពស់សម្រាប់ឆ្លងតៅវគ្ គ៨ក្រុមចុងក្រោយ ព្រោះជើងទីពីរពួកគេត្រូវលេងនៅកីឡដ្ឋាន Santiago Bernabeu យ៉ាងណាក្ដីសង្ឃឹមនេះរសាត់តាមខ្យល់ ពេលក្រុមភ្ញៀវវាយបកបាន ៤ -១ វិញ។  Ajax បានក្លាយជាក្រុមទី១ ក្នុងការវាយបកក្រុមម្ចាស់ជើងឯក ក្រោយចាញ់ ២-១ នៅជើងទីមួយក្នុងក្របខ័ណ្ឌ Champions League ៕

Sergio Ramos ត្រូវពិន័យ ២ប្រកួត សម្រាប់រឿងបង្កកំហុសយកកាតលឿងដោយចេតនា

ថ្ងៃទី ០១ ខែ មិនា ឆ្នាំ ២០១៩ ម៉ោង ១១:០៩

បរទេស៖ Sergio Ramos ត្រូវពិន័យ ២ប្រកួតដោយ UEFA សម្រាប់អ្វីដែលពួកគេចាត់ទុកថា មានបំណងបង្កកំហុសយកកាតលឿង ពេលប៉ះ Ajax ក្នុងការប្រកួត Champions League វគ្គ ១៦ចុងក្រោយ។ខ្សែការពារក្លិប Real Madrid មានចេតនាទទួលបានកាតលឿង ដើម្បីលុបចោលរាល់កាតលឿងដែលប្រធានក្រុមស្ដេចសទទួលបានពីមុនមក និងមិនជាប់កាតនៅការប្រកួតក្រោយ។ Uefa បាននិយាយថា រឿនេះធ្វើឡើងដោយចេតនា។ ឥឡូវនេះ រូបគេនឹងត្រូវពិន័យបន្ថែមទៀត នោះមានន័យថា ប្រសិនបើក្រុមរហស្សនាម Los Blancos ឈានដល់វគ្គ ១/៤ ផ្តាច់ព្រ័ត្រ Ramos នឹងត្រូវអវត្តមានសម្រាប់ការប្រកួតជើងទី១៕