trollkhmer news

បរទេស៖ Arsenal ឈ្នះ Valencia ៣-១ នៅជើងទីមួយវគ្គពាក់កណ្ដាលផ្ដាច់ព្រ័ត្រ Europa League នោះ បានបន្តបំបាក់ម្ចាស់ផ្ទះ ៤-២ បន្ថែមទៀតសរុបទាំងពីរជើងគឺ ៧-៣ ខណៈ Chelsea បានបំបាក់ក្លិប Frankfurt ៤-៣ ដោយការស៊ុតបាល់ប៉េណាល់ទី ឡើងទៅវគ្គផ្តាច់ព្រ័ត្រ Europa League ជាមួយគូប្រជែងរួមលីហ្គ។ខ្សែប្រយុទ្ធ Aubameyang គឺជាតួអង្គសំខាន់ក្នុងការបង្កព្យុះភ្លៀងនៅទឹកដីអេស្ប៉ាញកាលពីយប់មិញ ដោយស៊ុតបញ្ចូលទី ៣គ្រាប់ម្នាក់ឯង ខណៈ Lacazette រកបាន១គ្រាប់ដែរ។ Valencia ទោះមិនអាចយកឈ្នះការប្រកួតបាន តែពួកគេរកបាន២គ្រាប់ដែរដើម្បីលួងចិត្តអ្នកគាំទ្រស៊ុតបញ្ចូលទីដោយ Gameiro២គ្រាប់។ងាកមកមើល Chelsea វិញ កីឡាករ Eden Hazard បានស៊ុតបាល់ប៉េណាល់ទីក្នុងការស៊ុតបាល់ប៉េណាល់ទីនៅ Stamford Bridge ជួយឲ្យក្រុមតោខៀវឈានដល់វគ្គផ្ដាច់ព្រ័ត្រ ហើយជ័យជម្នះនេះក៍បានគុណសម្បត្តិដ៍ធំរបស់អ្នកចាំទី Kepa Arrizabalaga ដែលបានជួយសង្រ្គោះបាល់ ១១ម៉ែតពីកីឡាករ Martin Hinteregger និង Goncalo Paciencia ។Chelsea នឹងជួបជាមួយ Arsenal នៅវគ្គផ្តាច់ព្រ័ត្រនៅ Baku នៅថ្ងៃទី២៩ ខែឧសភា ហើយលទ្ធផលនេះមានន័យថា នេះជាលើកទី១ ដែលការប្រកួតវគ្គផ្តាច់ព្រ័ត្រក្របខ័ណ្ឌ Champions League និង Europa League មានសុទ្ធតែក្លិបមកពីលីហ្គអង់គ្លេស៕

ហូឡង់៖ Lucas Moura បានរកគ្រាប់បាល់ជ័យជម្នះយ៉ាងល្អក្នុងនាទីទី៩៦ ដើម្បីជួយឲ្យក្រុម Tottenham បង្កភាពភ្ញាក់ផ្អើលយ៉ាងខ្លាំងទៅលើក្រុម Ajax និងឡើងទៅវគ្គផ្តាច់ព្រ័ត្រជាមួយក្រុម Liverpool ក្នុងក្របខ័ណ្ឌ Champions League ។កាលពីជើងទី១ ក្រុមមាន់ខ្នាយមាសបានចាញ់ Ajax នៅដីខ្លួនឯង ១-០ ហើយយប់មិញនៅទឹកដីហូឡង់ពួកគេបានរងសម្ពាធ ២គ្រាប់បន្ថែមបន្ទាប់ពីកីឡាករវ័យក្មេង de Ligt និង Ziyech បើកការនាំមុខឲ្យម្ចាស់ផ្ទះមុននៅនាទី ទី៥ និង៣៥។ទោះបីរបូត២គ្រាប់ក្នុងតង់ទី១ ក្រុមភ្ញៀវនៅតែខំប្រឹងលេងរហូតទាល់តែសងបាន ៣គ្រាប់វិញដោយ ខ្សែបម្រើប្រយុទ្ធ Lucas Moura ទាំង៣គ្រាប់នៅនាទី ៥៥, ៥៩ និង៩០+៦។ លទ្ធផលទាំងពីរជើង ៣-៣ តែ Spurs ឡើង ដោយសារចំណេញគ្រាប់ក្រៅដី។ការប្រកួតវគ្គផ្ដាច់ព្រ័ត្ររវាង Tottenham និង Liverpool ដែលនឹងធ្វើនៅថ្ងៃទី១ ខែមិថុនា នៅកីឡដ្ឋានក្រុម Atletico Madrid  នឹងក្លាយជាការប្រកួតវគ្គផ្តាច់ព្រ័ត្រជាលើកទី២ ដែលក្រុមអង់គ្លេសប៉ះអង់គ្លេសក្នុងព្រឹត្តិការណ៍នេះ បន្ទាប់ពីក្រុម Manchester United ផ្តួល Chelsea ក្នុងទីក្រុងម៉ូស្គូកាលពី ២០០៨៕សូមទស្សនាវីដេអូខាងក្រោម៖ 

បរទេស៖ Arsenal ទទួលល្អ ដោយបានយកឈ្នះក្នុងដីខ្លួនឯងលើក្រុមខ្លាំងរបស់អេស្ប៉ាញ Valencia ៣-១ ក្នុងការប្រកួតជើងទីមួយវគ្គពាក់កណ្ដាលផ្ដាច់ព្រ័ត្រ Europa League ខណៈមួយគូទៀត Chelsea ស្មើគ្នា ១-១ ជាមួយក្រុមម្ចាសផ្ទះ Frankfurt។ក្នុងការប្រកួតក្រុមភ្ញៀវ Valencia ជាអ្នករកគ្រាប់បានមុននៅនាទី១១ ដោយកីឡាករ Mouctar Diakhaby ប៉ុន្តែ Arsenal តាមបានពីរគ្រាប់វិញភ្លាមៗធ្វើបានដោយកីឡាករតែម្នាក់គត់គឺខ្សែប្រយុទ្ធ Alexandre Lacazette។ ក្រុមទាំង២សម្រុកគ្នាទៅវិញទៅមក ពេលជិតចប់តង់ទើបក្រុមរបស់លោក Unai Emery រកបានមួយគ្រាប់ទៀត សម្រេចដោយកីឡាករPierre-Emerick Aubameyang។ងាកទៅមើលការប្រកួតរបស់ក្រុមនៅ Premier League មួយទៀត Chelsea លេងស្មើក្រៅដី ១-១ ជាមួយ Frankfurtដែលកំពុងប្រជែងកៅអី Top4 លីហ្គអាល្លឺម៉ង់ ។ Luka Jovic ជាកីឡាករឆ្នើមក្នុងក្រុមម្ចាស់ផ្ទះទាត់បញ្ចូលទីឲ្យ Frankfurt ខណៈ Pedro Rodriguez ជាអ្នកស្រោចស្រង់ឲ្យតោខៀវ៕

បរទេស៖ គ្រាប់បាល់ស៊ុតបញ្ចូលទី ២គ្រាប់ក្នុងតង់ទី២ របស់ Lionel Messi រួមទាំងការទាត់បាល់ហ្វ្រីឃីកដ៏គួរឲ្យភ្ញាក់ផ្អើលផងនោះ បានធ្វើឲ្យ Barcelona មានប្រៀបដ៏ល្អ និងយកឈ្នះ Liverpool ៣-០ នៅក្នុងវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ។ក្រុមភ្ញៀវហង្សក្រហមធ្វើបានយ៉ាងល្អ បើទោះបីជាត្រូវក្រុមម្ចាស់ផ្ទះនាំមុខមុននៅនាទី២៦ ដោយកីឡាករ Luis Suarez ក៏ប៉ុន្តែចូលមកដល់តង់ទី២ ពួកគេត្រូវបានខ្សែប្រយុទ្ធលេខ១០ របស់ក្រុមអ្នកមានបុណ្យដាក់ថែម ២គ្រាប់ទៀត។ ក្រុមហង្សក្រហមបានខិតខំយ៉ាងខ្លាំងដើម្បីរកគ្រាប់បាល់បញ្ចូលទី។ខ្សែប្រយុទ្ធសញ្ជាតិអាហ្សង់ទីន ត្រូវបានប្ដូរចេញពេលជិតចប់ការប្រកួត ខណៈដែលរូបគេបានរកគ្រាប់ទី ៦០០ របស់ខ្លួនសម្រាប់ក្រុមម្ចាស់ជើងឯកអេស៉្បាញ៕

អង់គ្លេស៖ ក្ដីស្រមៃទៅលេងវគ្គផ្ដាច់ព្រ័ត្រ UEFA Champions League របស់ Tottenham Hotspur កំពុងស្ថិតនៅក្នុងស្ថានភាពស្រពិចស្រពិល  បន្ទាប់ពីពួកគេបានចាញ់ Ajax ១ទល់នឹង០ នៅទឹកដីខ្លួនឯង។គ្រាប់បាល់តែមួយក្នុងការប្រកួតរបស់កីឡាករ van de Beek ដែលបានទម្លុះសំណាញ់ទីរបស់អ្នកចាំទី Hugo Lloris នៅនាទី១៥ បានធ្វើឲ្យក្រុមកីឡាករវ័យក្មេង និងគ្រូបង្វឹកមានការភ្ញាក់ផ្អើលយ៉ាងខ្លាំង ហើយមានទឹកមាត់លេបក្នុងការប្រកួតជើងទីពីរនៅទីក្រុងអាំស្ទឺដាំកាលពីថ្ងៃពុធ។ក្រុមម្ចាស់ផ្ទះបានព្យាយាមសម្រុកណាស់ដែរ តែមិនអាចធ្វើអ្វីបាននោះទេ ទាំងដែរគ្មានខ្សែប្រយុទ្ធ Harry Kane និង Son Heung-min ដោយសារតែរងរបួស ហើយក្នុងការប្រកួតនេះក៍បានបាត់បង់ខ្សែការពារ Jan Vertonghen បន្ទាប់ពីបានរងរបួសនៅតង់ទី ១៕

Arsenal បានយកឈ្នះក្រុមខ្លាំងមកពីអ៊ីតាលី Napoli ២-០ ក្នុងការប្រកួត Europa League វគ្គ ៨ក្រុមចុងក្រោយ ខណៈ Chelsea បានយកឈ្នះក្រៅដីលើក្រុមរបស់ប្រទេសឆែក Slavia Prague ។Aaron Ramsey ទាត់បញ្ចូលទីយ៉ាងស្អាត ក្រោយទទួលបានបាល់ពីខ្សែការពារ Ainsley Maitland-Niles ដែលធ្វើឲ្យក្រុមម្ចាស់ផ្ទះនាំមុខភ្ញៀវនៅនាទី១៤។ គ្រាប់ទី២ គឺការស៊ុតបាល់របស់ Lucas Torreira ហើយក៍ត្រូវជើងកីឡាករ Kalidou Koulibaly ធ្វើឲ្យអ្នកចាំទី Alex Meret អស់ជំហរចាប់បាល់ នៅនាទី២៥។ ដោយឡែកមួយគ្រាប់របស់ Chelsea កើតចេញនៅនាទី៨៦ ឯណោះ ដែលជាការតែតបញ្ចូលទីពីខ្សែការពារ Marcos Alonso។ គុណសម្បត្តិកើតចេញពីខ្សែបម្រើប្រេស៊ីល Willian បានចោះកាត់យ៉ាងល្អទៅក្នុងតំបន់គ្រោះថ្នាក់ បន្ទាប់មក Alonso ក៏បានតែតមួយក្បាលចូលទីតែម្ដង។Napoli ដែលជាក្រុមលេខ២ នៅក្នុងក្របខ័ណ្ឌ Serie A នឹងធ្វើជាម្ចាស់ផ្ទះទទួលស្វាគមន៍ក្រុមកាំភ្លើងនៅថ្ងៃព្រហស្បតិ៍អាទិត្យក្រោយ នៅឯកីឡដ្ឋាន San Paolo រីឯ Chelsea វិញក៍ត្រូវលេងក្នុងថ្ងៃដូចគ្នាផងដែរ៕

បរទេស៖ Tottenham Hotspur បានបន្តកំណត់ត្រាយ៉ាងល្អនៅកីឡដ្ឋានថ្មីរបស់ខ្លួន ក្រោយយកឈ្នះ Manchester City នៅ Champions League ដោយលទ្ធផល១ ទល់នឹង០ ខណៈ  Liverpool ឈ្នះ FC Porto ២-០ នៅទឹកដី Anfield។គ្រាប់បាល់ទាំង ២របស់ Liverpool កាលពីយប់មិញនេះ ធ្វើបានសម្រេចដោយខ្សែបម្រើ Keita តាំងពីការប្រកួតចាប់ផ្តើមបាន ៥នាទី និងមួយគ្រាប់ទៀតធ្វើបានសម្រេចដោយខ្សែប្រយុទ្ធសញ្ជាតិប្រេស៊ីល Firmino R  នៅនាទីទី ២៦។ដោយឡែក ក្រុមអង់គ្លេសប៉ះអង់គ្លេស  ManCity សឹងតែមានឱកាសនាំមុខ១គ្រាប់មុនទៅហើយនៅនាទី ១៣ ប៉ុន្តែ Sergio Aguero បែរជាស៊ុតបាល់ពិន័យប៉េណាល់ទីមិនចូល។ ជំនួបនោះ បើទោះជាម្ចាស់ផ្ទះទាត់ចំគោលដៅបានច្រើនជាង ប៉ុន្តែ City មានភាគរយគ្រប់គ្រងបាល់ខ្ពស់រហូតដល់៥៧% តែយ៉ាងណានៅនាទី៧៨ ខ្សែប្រយុទ្ធអាស៊ី Heung-Min Son ស៊ុតបាន១គ្រាប់ និងជាគ្រាប់បាល់ជ័យជម្នះឲ្យក្រុមម្ចាស់ផ្ទះមានទឹកមាត់លេបបណ្ដោះអាសន្នសិន៕

បរទេស​៖ ក្រុម​កាំភ្លើង​ធំ Arsenal បាន​ឡើង​ទៅ​វគ្គ​៨​ក្រុម​ចុងក្រោយ Europa League បន្ទាប់​ពី​វាយ​បក​ជើង​ទី​ពីរ​យក​ឈ្នះ​ក្រុម​មក​ពី​បារាំង Rennes ៣-០ កាល​ពី​យប់​មិញ។ខ្សែប្រយុទ្ធ Pierre-Emerick Aubameyang រកបាន២គ្រាប់នៅនាទីទី៥ និងនាទី៧២ ហើយ១គ្រាប់ទៀតរកបានដោយ Ainsley Maitland-Niles នៅនាទី១៥ ។ ហើយលោក Unai Emery អ្នកចាត់ការទូទៅរបស់ Arsenal បាននិយាយថា លោកមានក្តីរំភើបចំពោះការរំពឹងទុកដែលទទួលជ័យជម្នះសរុបទាំង២ជើង ៤-៣ លើក្រុម Rennes ដើម្បីឈានទៅប្រកួតវគ្គ ១/៤ នៃក្របខ័ណ្ឌ Europa League ។សូមបញ្ជាក់ផងដែរថា ៨ក្រុមដែលបានឡើងទៅវគ្គ Quarter Final មានដូចជា៖ Slavia Prague, Arsenal, Chelsea, Frankfurt, Napoli, Benfica, Valencia និង Villarreal៕

 បរទេស៖ Liverpool ទម្លាក់ក្រុមសល់ពីអាល្លឺម៉ង់តែមួយគត់ Bayern ក្លាយជាក្រុមអង់គ្លេសទី៤ ឡើងទៅវគ្គ៨ក្រុមចុងក្រោយ ខណៈ Barcelona ឈ្នះ Lyon ៥-១ នៅកីឡដ្ឋាន Nou Camp។ក្រុមភ្ញៀវហង្សក្រហមទីបំផុតអាចឡើងទៅវគ្គ៨ក្រុមចុងក្រោយ UEFA Champions League បន្ទាប់ពីយកឈ្នះ Bayern Munich ដល់ក្នុងផ្ទះ ដោយលទ្ធផល ៣ទល់នឹង១។ Sadio Mane បានក្លាយជាវីរបុរសក្រោយស៊ុតបញ្ចូលទី២គ្រាប់ និង Van Dijk ១គ្រាប់ជួយឲ្យ Liverpool ទម្លាក់ Bayern សឹងមិនគួរឲ្យជឿ។គ្រាប់បាល់ ២គ្រាប់របស់ Lionel Messi រួមជាមួយ Coutinho, Pique និង Dembele ម្នាក់មួយគ្រាប់ បានជួយនាំឱ្យ Barcelona ឡើងទៅកាន់វគ្គ ៨ក្រុមចុងក្រោយម្តងទៀត ក្នុងរយៈពេល ១២ឆ្នាំជាប់ៗគ្នា។ គួរបញ្ជាក់ថា Barcelona គឺជាក្រុមដែលមកពីអេស្ប៉ាញតែមួយគត់ ដែលបានឈានមកដល់វគ្គ ៨ក្រុមចុងក្រោយនេះ ខណៈដែល At. Madrid និង Real Madrid សុទ្ធតែត្រូវធ្លាក់ត្រឹមវគ្គ ១៦ក្រុមចុងក្រោយ។ ហើយទស្សនាវីដេអូខាងក្រោម៖