trollkhmer news

សង្គមនិងជីវិត

វីរុសកូរ៉ូណា៖ សហភាពអ៊ឺរ៉ុបបិទទ្វារព្រំដែនទាំងមូលរបស់ខ្លួនមិនធ្លាប់មាន ដើម្បីទប់ទល់នឹងវិបត្តិកូវីដ-១៩

ថ្ងៃទី ១៨ ខែ មិនា ឆ្នាំ ២០២០ ម៉ោង ០៩:៥៦

សហភាពអឺរ៉ុប នឹងហាមមិនឱ្យអ្នកធ្វើដំណើរពីខាងក្រៅចូលប្លុករបស់ខ្លួនរយៈពេល ៣០ ថ្ងៃ ដែលជាជំហានមួយមិនធ្លាប់មានពីមុននៃការបិទព្រំដែន ដើម្បីប្រយុទ្ធប្រឆាំងនឹងវិបត្តិកូវីដ-១៩។វិធានការខាងលើ រំពឹងថានឹងត្រូវប្រទេសចំនួន ២៦ របស់សហភាពអឺរ៉ុប ក៏ដូចជាអ៊ីស្លង់ Liechtenstein ន័រវែស និងស្វីស យកទៅអនុវត្ត។ យ៉ាងណាមិញ ពលរដ្ឋអង់គ្លេសនៅតែអាចចេញចូលសហភាពអឺរ៉ុបបានដដែរ។ការហាមឃាត់នេះ ធ្វើឡើង ស្របពេលករណីស្លាប់បានបន្តកើនឡើងនៅក្នុងប្រទេសអ៊ីតាលី និងអេស្ប៉ាញ ហើយបារាំងចាប់ផ្តើមអនុវត្តវិធានការបិទទ្វារប្រទេសរបស់ខ្លួនយ៉ាងតឹងរ៉ឹងជាទីបំផុត។គិតមកដល់ពេលនេះ អឺរ៉ុបបានរងការវាយប្រហារយ៉ាងធ្ងន់ធ្ងរដោយសារវីរុសកូរ៉ូណាដែលបច្ចុប្បន្នបានសម្លាប់មនុស្ស ៧៥០០ នាក់នៅទូទាំងពិភពលោក ហើយបើយោងតាមអង្គការសុខភាពពិភពលោក វីរុសនេះ ក៏បានឆ្លងដល់មនុស្សជាង ១៨៥.០០០ នាក់ផងដែរ នៅទូទាំងពិភពលោក៕

កូរ៉ូណាវីរ៉ុស៖ កូរ៉េខាងត្បូងរាយការណ៍ករណីឆ្លងវីរុសថ្មីចំនួន៩៣

ថ្ងៃទី ១៨ ខែ មិនា ឆ្នាំ ២០២០ ម៉ោង ០៩:៤៧

កូរ៉េ៖ មជ្ឈមណ្ឌលត្រួតពិនិត្យ និងបង្ការជំងឺកូរ៉េបានឱ្យដឹងថា កូរ៉េខាងត្បូងបានរាយការណ៍ពីករណីឆ្លងវីរុសថ្មីចំនួន ៩៣ ករណីកាលពីថ្ងៃពុធ ដោយនាំមកនូវការឆ្លងសរុបដល់ ៨.៤១៣ នាក់។ចំនួនសរុបប្រចាំថ្ងៃកើនឡើងបន្តិច ដែលកត់ត្រាកាលពីថ្ងៃអង្គារមានអ្នកឆ្លងត្រឹមតែ ៨៤ ប៉ុន្តែត្រូវបានសម្គាល់ថ្ងៃទី ៤ ជាប់ៗគ្នាដែលប្រទេសនេះបានរាយការណ៍ថា មានការឆ្លងថ្មីតិចជាង ១០០ ។ ហើយពួកគេបានដាក់ពង្រាយនៅតាមទីប្រជុំជន បន្ទាប់ពីមានការកើនឡើងនៃករណីមានអ្នកឆ្លង (COVID-១៩) នៅដាហ្គូ ៕

ចិន ជំនួយសម្ភារៈប្រយុទ្ធនឹងជំងឺកូវីត១៩ អាចនឹងមកដល់កម្ពុជា នៅយប់ថ្ងៃទី១៧

ថ្ងៃទី ១៧ ខែ មិនា ឆ្នាំ ២០២០ ម៉ោង ១៤:២២

(ភ្នំពេញ)៖ សម្ភារៈប្រើប្រាស់សម្រាប់ប្រយុទ្ធនឹងជំងឺកូវីត១៩ (COVID-19) ដែលជំនួយរបស់រដ្ឋាភិបាលចិន អាចនឹងដឹកមកដល់ប្រទេសកម្ពុជានៅយប់ថ្ងៃទី១៧ ខែមីនា ឆ្នាំ២០២០នេះ។ នេះបើតាមការបញ្ជាក់របស់ស្ថានទូតចិនប្រចាំនៅកម្ពុជា តាមរយៈទំព័រ Facebook។បើតាមការបញ្ជាក់ស្ថានទូតចិន សម្ភារៈប្រើសម្រាប់ប្រយុទ្ធប្រឆាំងជំងឺកូវីត១៩ ឬហៅថា «Detection Reagent» គឺសម្រាប់មនុស្សប្រមាណ ២ពាន់នាក់។ សម្ភារៈនេះ នឹត្រូវប្រគល់ជូនទៅក្រសួងសុខាភិបាល។ស្ថានទូតចិន បានអះអាងទៀតថា ប្រទេសចិន នឹងបន្តផ្តល់ជំនួយជាសម្លៀកបំពាក់ការពារ ម៉ាសវេជ្ជសាស្រ្ត និងសម្ភារៈផ្សេងទៀតជាបន្តបន្ទាប់ ហើយក៏នឹងខិតខំផ្តល់ជាកម្លាំងគាំទ្រក្នុងកិច្ចការទប់ស្កាត់ជំងឺកូវីត១៩ផងដែរ។

ក្រសួងសុខាភិបាល ប្រកាសឱ្យបិទ KTV និងរោងភាពយន្តនៅក្នុងប្រទេសកម្ពុជា ដើម្បីទប់ស្កាត់ការរីករាលដាល់ជំងឺកូវីដ១៩

ថ្ងៃទី ១៧ ខែ មិនា ឆ្នាំ ២០២០ ម៉ោង ១៣:៥៧

(ភ្នំពេញ)៖ សម្តេចតេជោ បញ្ជារឱ្យបិទហាងខារ៉ាអូខេ និងរោងភាពយន្តទាំងអស់នៅទូទាំងប្រទេស ដោយអនុវត្តចាប់ពីថ្ងៃទី១៧នេះតទៅរហូតដល់មេរោគ COVID19 មានការធូស្រាលឡើងវិញក្រសួងសុខាភិបាល នៅថ្ងៃទី១៧ ខែមីនា ឆ្នាំ២០២០នេះ បានស្នើរដ្ឋមន្រ្តីក្រសួងទេសចរណ៍ និងអភិបាលរាជធានី-ខេត្តទាំងអស់ឱ្យបិទ KTV និងរោងភាពយន្តទាំងអស់ នៅក្នុងប្រទេសកម្ពុជា ចាប់ពីថ្ងៃទី១៧ ខែមីនា ឆ្នាំ២០២០នេះតទៅ ដើម្បីទប់ស្កាត់ការរីករាលដាល់ជំងឺកូវីដ១៩។ ការប្រកាសឱ្យបិទខារ៉ាអូខេ និងរោងភាពយន្តនេះ បានធ្វើឡើងបន្ទាប់ពីកម្ពុជា បានរកឃើញអ្នកឆ្លងថ្មីចំនួន១២នាក់ ដែលធ្វើឱ្យចំនួនអ្នកឆ្លងកូវីដ១៩ នៅក្នុងប្រទេសកម្ពុជា សរុបកើនដល់ ២៤នាក់ហើយ។

ថៃរកឃើញករណីឆ្លងថ្មី ៣០ករណីបន្ថែម សរុបចំនួន ១៧៧ករណី

ថ្ងៃទី ១៧ ខែ មិនា ឆ្នាំ ២០២០ ម៉ោង ១៣:២១

រដ្ឋលេខាធិការអចិន្រ្តៃយ៍នៃក្រសួងសុខាភិបាលថៃបានប្រាប់សន្និសីទកាសែតឱ្យដឹងថា ថៃបានរកឃើញករណីឆ្លងថ្មី ៣០ករណីបន្ថែមទៀត កាលពីថ្ងៃអង្គារ នាំឱ្យចំនួនសរុបកើនដល់ ១៧៧ករណី។ករណីឆ្លងថ្មី ១១ករណី ពាក់ព័ន្ធនឹងព្រឹត្តិការណ៍ប្រកួតប្រដាល់ ខណៈករណីឆ្លងថ្មីផ្សេងទៀតកើតលើអ្នកដែលធ្វើការជាមួយជនបរទេស។ លោកបានបន្ថែមថាករណីឆ្លងភាគច្រើនពី ៧០% ទៅ ៨០% នៅក្នុងប្រទេសថៃ កើតឡើង នៅក្នុងទីក្រុងបាងកក។  គួរជម្រាបថា បច្ចុប្បន្ន ប្រទេសថៃ មានអ្នកស្លាប់ម្នាក់ និងអ្នកជំងឺចំនួន ៤១ នាក់បានជាសះស្បើយ និងបានត្រឡប់ទៅគេហដ្ឋានវិញ៕

លោក ត្រាំ៖ វិបត្តិ Covid-19 អាចបន្តពេញមួយរដូវក្តៅ ឬយូរជាងនេះ

ថ្ងៃទី ១៧ ខែ មិនា ឆ្នាំ ២០២០ ម៉ោង ១១:៤៥

ប្រធានាធិបតីអាមេរិក លោកដូណាល់ ត្រាំ បាននិយាយថា ភាពអាសន្នជាតិចំពោះវីរុសកូរ៉ូណានៅទូទាំងប្រទេស អាចនឹងនៅបន្តរហូតដល់ចុងរដូវក្តៅ ឬយូរជាងនេះ។ លោកបាននិយាយថា ពលរដ្ឋអាមេរិកក្នុងរយៈពេល ១៥ថ្ងៃបន្ទាប់ មិនគួរប្រមូលផ្តុំគ្នាជាក្រុមដែលមានចំនួនលើសពី ១០ នាក់ ហើយត្រូវចៀសវាងបារ ភោជនីយដ្ឋាន ហាងអាហារ កន្លែងហាត់ប្រាណ និងកន្លែងប្រមូលផ្ដុំមនុស្សច្រើនផ្សេងទៀតទេ។ នៅឯសេតវិមាន លោក ត្រាំ បាននិយាយថា ប្រទេសយើងកំពុងប្រឈមនឹង“ សត្រូវដែលមើលមិនឃើញ” ដែល“រីករាលដាលគ្រប់ទីកន្លែង”។រហូតមកដល់ពេលនេះ សហរដ្ឋអាមេរិកមានករណីឆ្លងច្រើនជាង ៤.៦០០ករណី និងមានករណីស្លាប់ ៨៥ករណី។យោងតាមរបាយការណ៍សរុបពីសាកលវិទ្យាល័យ ចន ហបគីន មានករណីឆ្លងច្រើនជាង ១៨០.០០០ ករណី នៅទូទាំងពិភពលោក និងមានករណីស្លាប់ច្រើនជាង ៧.១០០ ករណី៕

ចិន៖ ការកើនឡើងនូវករណីឆ្លងវីរុសដែលករណីថ្មីសុទ្ធតែជាអ្នកមកពីបរទេស

ថ្ងៃទី ១៧ ខែ មិនា ឆ្នាំ ២០២០ ម៉ោង ១១:៤១

ប្រទេសចិនបានរាយការណ៍កាលពីថ្ងៃអង្គារថា មានការកើនឡើងនូវករណីឆ្លងវីរុសដែលករណីថ្មីសុទ្ធតែជាអ្នកមកពីបរទេស បានធ្វើឱ្យអាជ្ញាធរមានការលំបាកក្នុងការកាត់បន្ថយចំនួនអ្នកឆ្លងថ្មីឱ្យដល់សូន្យ។គណៈកម្មការសុខាភិបាលជាតិបាននិយាយថា ប្រទេសចិនមានករណីថ្មីចំនួន ២១ ដែលត្រូវបានបញ្ជាក់កាលពីថ្ងៃច័ន្ទ គឺកើនឡើង ១៦ ក្នុងមួយ។ ក្នុងចំណោមករណីថ្មី គឺ ២០អ្នកជាប់ពាក់ព័ន្ធនឹងអ្នកធ្វើដំណើរឆ្លងចូលមកប្រទេសចិនពីបរទេស។ព័ត៌មានមួយនៅក្នុងកាសែតផ្លូវការចិន China Daily កាលពីថ្ងៃអង្គារបាននិយាយថា ពិភពលោកទាំងមូលគួរតែរៀនសូត្រពីប្រទេសចិន និងធ្វើតាមគោលការណ៍នៃការដាក់ឆ្លងឱ្យនៅដាច់ និងការព្យាបាលឱ្យបានភ្លាម ដើម្បីបញ្ឈប់ការរីករាលដាលនៃជំងឺនេះ។អ្នកការទូតកំពូលចិនលោក Yang Jiechi បានប្រាប់រដ្ឋមន្រ្តីក្រសួងការបរទេសសហរដ្ឋអាមេរិក លោក Mike Pompeo កាលពីថ្ងៃច័ន្ទថា ការប៉ុនប៉ងរបស់អ្នកនយោបាយសហរដ្ឋអាមេរិកដើម្បីបង្អាក់កិច្ចខិតខំប្រឹងប្រែងរបស់ប្រទេសចិនក្នុងការទប់ស្កាត់រោគរាតត្បាតនេះនឹងមិនទទួលជោគជ័យឡើយ ហើយអាចនាំឱ្យមានការសងសឹកថែមទៀតផង៕

វីរុសកូរ៉ូណា ៖ អាឡឺម៉ង់ និងបារាំង ប្រកាសចាត់វិធានការថ្មីតឹងរឹងជាងមុន

ថ្ងៃទី ១៧ ខែ មិនា ឆ្នាំ ២០២០ ម៉ោង ១១:១៧

តាមការចុះផ្សាយរបស់សារព័ត៌មាន BBC អាឡឺម៉ង់ និងបារាំងបានដាក់ចេញនូវវិធានការណ៍ដ៏តឹងរឹងថ្មី ពោលគឺកម្រិតការប្រាស្រ័យទាក់ទងគ្នារវាងពលរដ្ឋនៅក្នុងប្រទេស ខណៈបណ្តារដ្ឋនានានៅទ្វីបអឺរ៉ុបព្យាយាមទប់ស្កាត់ការរីករាលដាលនៃវីរុសកូរ៉ូណា។ ប្រធានាធិបតីបារាំង លោកអេម៉ានុយអែលម៉ាក្រូន ក៏បានប្រកាសបិទទ្វារប្រទេសដែលជាជំហានដូចទៅនឹងអ៊ីតាលី និងអេស្ប៉ាញដោយលោកនិយាយថា "យើងកំពុងស្ថិតក្នុងសង្គ្រាម ដើម្បីសុខភាព" ។ លោកម៉ាក្រូន បានបន្ថែមថា ព្រំដែនខាងក្រៅរបស់សហគមន៍អ៊ឺរ៉ុបក៏នឹងត្រូវបិទមិនឱ្យធ្វើដំណើរចេញចូលចាប់ពីថ្ងៃអង្គារនេះផងដែរ។នៅអាឡឺម៉ង់ ហាងទំនិញ និងកន្លែងលក់ទំនិញភាគច្រើន ត្រូវបានបញ្ជាឱ្យបិទ។ លោកស្រីអធិការបតី Angela Merkel របស់អាឡឺម៉ង់ ក៏បានចេញបញ្ជាហាមឃាត់មិនឱ្យមានពិធីសាសនានានា ហើយបានប្រាប់ពលរដ្ឋរបស់ខ្លួនឱ្យលុបចោលការធ្វើដំណើរកម្សាន្តក្នុង និងក្រៅ  ព្រមទាំងបានបិទសាលារៀននៅទូទាំងប្រទេស។  នៅចក្រភពអង់គ្លេស នាយករដ្ឋមន្រ្តី Boris Johnson មិនបានប្រកាសពីការរឹតត្បិតជាកាតព្វកិច្ចទេ ប៉ុន្តែបានជំរុញឱ្យប្រជាជនចៀសវាងហាងស្រា និងក្លឹប ហើយចៀសវាងការធ្វើដំណើរដែលមិនចាំបាច់ ឬមានទំនាក់ទំនងជាមួយអ្នកដទៃ។គួររឭកថា យោងតាមរបាយការណ៍សរុបពីសាកលវិទ្យាល័យ Johns Hopkins រហូតមកដល់ពេលនេះ មានករណីឆ្លងច្រើនជាង ១៧៤.០០០ ករណី ហើយករណីស្លាប់ជាង ៦.៧០០ ករណីនៅទូទាំងពិភពលោក៕

រាជរដ្ឋាភិបាលសម្រេចប្រើប្រាស់ ​អតីត​សណ្ឋាគារ​អាំង​ទែ​កុង​ទំ​ណ​ង់​តា​ល់​ ជាមន្ទីរពេទ្យសម្រាប់ពិនិត្យ ថែទាំ និងព្យាបាលជំងឺកូវីដ១៩

ថ្ងៃទី ១៧ ខែ មិនា ឆ្នាំ ២០២០ ម៉ោង ១០:៤០

(ភ្នំពេញ)៖ រាជរដ្ឋាភិបាលតាមរយៈក្រសួងសុខាភិបាល បានសម្រេចប្រើប្រាស់សណ្ឋាគារ Great Duke ជាមន្ទីរពេទ្យសម្រាប់ពិនិត្យ ថែទាំ និងព្យាបាលជំងឺកូវីដ១៩ នេះបើយោងតាមសេចក្តីជូនដំណឹងរបស់ក្រសួងសុខាភិបាល ដែលបណ្តាញព័ត៌មាន Fresh News ទើបទទួលបានមុននេះបន្តិចនាព្រឹកថ្ងៃទី១៧ ខែមីនា ឆ្នាំ២០២០។ក្រសួងក៏បានប្រកាសដែលថា បើទោះបីជំងឺកូវីត១៩នេះរាតត្បាតជាសកល ប៉ុន្តែក្នុងពេលនេះ កម្ពុជាមិនទាន់មានការរាតត្បាតក្នុងសហគមន៍របស់យើងនៅឡើយទេ។ ករណីទាំងអស់សុទ្ធជាករណីនាំចូលពីក្រៅប្រទេស។ដើម្បីបញ្ចៀសនូវការចម្លងក្នុងសហគមន៍ជាយថាហេតុ រាជរដ្ឋាភិបាលបានឲ្យក្រសួងសុខាភិបាលសហការជាមួយកងកម្លាំងសុខាភិបាលនៃកងយោធពលខេមរភូមិន្ទរបស់ក្រសួងការពារជាតិ និងកងកម្លាំសុខាភិបាលនៃនគរបាលជាតិរបស់ក្រសួងមហាផ្ទៃ ដើម្បីរួមសហការគ្នាប្រយុទ្ធនឹងជំងឺកូវីដ១៩ ឲ្យកាន់តែមានប្រសិទ្ធិភាព។