trollkhmer news

សង្គមនិងជីវិត

សណ្ឋាគារ តារាអ៊ែរផតស៊ីធីហូថែល និងស្ប៉ា សូមស្វាគមន៏អន្គនាយកគ្រប់គ្រងទូទៅថ្មី

ថ្ងៃទី ១៥ ខែ មេសា ឆ្នាំ ២០២១ ម៉ោង ០៧:៣៥

សណ្ឋាគារ តារាអ៊ែរផតស៊ីធីហូថែលនិងស្ប៉ា មានកិត្តិយសក្នុងការតែងតាំងលោក Weng Aow ជាអន្គនាយកគ្រប់គ្រងទូទៅថ្មី៕

ក្រសួងសុខាភិបាល៖ ចេញប្រកាសអំពីករណីជនជាតិខ្មែរចំនួន ៣នាក់បានស្លាប់ដោយសារជំងឺកូវីដ១៩

ថ្ងៃទី ១៣ ខែ មេសា ឆ្នាំ ២០២១ ម៉ោង ០៩:៤៤

(ភ្នំពេញ)៖ ក្រសួងសុខាភិបាល ចេញប្រកាសផ្លូវការអំពីករណីជនជាតិខ្មែរចំនួន៣នាក់ ស្លាប់ដោយសារជំងឺកូវីដ១៩ ក្នុងនោះមានស្រ្តីអាយុ៧៩ ស្រ្តីជនជាតិខ្មែរអាយុ៥៩ឆ្នាំ និងបុរសជនជាតិខ្មែរ អាយុ៥៧ឆ្នាំ នេះបើយោងតាមសេចក្តីប្រកាសថ្ងៃទី១២ ខែមេសា ឆ្នាំ២០២១៕

ថៃ៖ រកឃើញអ្នកឆ្លងកូវីដ-១៩ ករណីថ្មីចំនួនជិត ១,០០០ករណី

ថ្ងៃទី ១២ ខែ មេសា ឆ្នាំ ២០២១ ម៉ោង ១៥:១០

(បាងកក)៖ មជ្ឈមណ្ឌលគ្រប់គ្រងស្ថានភាពរណ៍ COVID-19 របស់ប្រទេសថៃ (CCSA) នៅថ្ងៃចន្ទនេះ បានរាយការណ៍ពីការរកឃើញករណីឆ្លង COVID-19 ថ្មីៗចំនួន ៩៨៥ករណីបន្ថែមទៀត ដែលជាចំនួនករណីឆ្លងខ្ពស់បំផុតនៅប្រទេសថៃ ដែលត្រូវបានឃើញក្នុងរយៈពេលតែ ០១ថ្ងៃប៉ុណ្ណោះ គិតចាប់តាំងពីការផ្ទុះឡើងនៃជំងឺឆ្លងរាតត្បាតដ៏កាចសាហាវនេះកាលពីឆ្នាំ២០២០។ នេះបើយោងតាមការចេញផ្សាយដោយសារព័ត៌មាន The Nation Thailand នៅថ្ងៃចន្ទ ទី១២ ខែមេសា ឆ្នាំ២០២១។CCSA បានគូសបញ្ជាក់ថា ក្នុងចំណោមករណីឆ្លង COVID-19 ថ្មីៗខាងលើនេះ មាន ៩៨០ករណី ជាករណីឆ្លងក្នុងស្រុក ដែលភាគច្រើនត្រូវបានរកឃើញនៅក្នុងទីក្រុង បាងកក (Bangkok), ទីក្រុង ឈៀង ម៉ៃ (Chiang Mai), និងនៅក្នុងបណ្ដាខេត្តផ្សេងៗទៀត ខណៈ០៥ករណីទៀត ជាករណីនាំចូលត្រូវបានរកឃើញនៅលើ អ្នកដំណើរដែលបានវិលត្រឡប់មកពីបរទេសវិញ។បើតាមគេហទំព័រ Worldometers គិតត្រឹមថ្ងៃចន្ទនេះ ប្រទេសថៃបានកត់ត្រាករណីឆ្លង COVID-19 សរុបនៅទូទាំងប្រទេស ៣៣,៦១០ករណី ក្នុងនោះមានអ្នកស្លាប់ ៩៧នាក់ និងអ្នកជាសះស្បើយ ២៨,២៤៨នាក់។ក្នុងរយៈពេល ២៤ម៉ោងចុងក្រោយ ប្រជាជនចំនួន ១២,៨៣៤នាក់នៅក្នុងប្រទេសថៃ បានទទួលការវ៉ាក់សាំងសម្រាប់ដូសដំបូងរបស់ពួកគេ ខណៈប្រជាជនចំនួន ១,៨២២នាក់ទៀតបានទទួលការចាក់វ៉ាក់សាំងសម្រាប់ដូសទី២ ដែលនាំឱ្យចំនួនវ៉ាក់សាំងសរុប ដែលបានផ្ដល់ការចាក់ជូនដល់ ប្រជាជននៅក្នុងប្រទេសថៃ កើនឡើងដល់ ៥៧០,០៥២ដូស៕

ក្រសួងសុខាភិបាល៖ អ្នកជំងឺកូវីដ១៩ម្នាក់ទៀតបានស្លាប់ ដោយសារជំងឺកូវីដ១៩

ថ្ងៃទី ១២ ខែ មេសា ឆ្នាំ ២០២១ ម៉ោង ១១:២៦

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី១២ ខែមេសា ឆ្នាំ២០២១នេះ បានប្រកាសពីការស្លាប់របស់អ្នកជំងឺកូវីដ១៩ម្នាក់ទៀត ដោយសារជំងឺកូវីដ១៩។ អ្នកស្លាប់ទី ៣០នេះ គឺជាស្ត្រីជនជាតិខ្មែរអាយុ ៦១ឆ្នាំ ស្ត្រីរូបនេះមានអាសយដ្ឋាននៅសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ បានស្លាប់បាត់បង់ជីវិត នៅថ្ងៃទី១១ ខែមេសា ឆ្នាំ២០២១ វេលាម៉ោង១៨:៣០នាទី។ក្រសួងបន្តថា អ្នកជំងឺខាងលើត្រូវបានរកឃើញវិជ្ជមានកូវីដ-១៩ ហើយត្រូវបានចូលសម្រាកព្យាបាលនៅ មន្ទីរពេទ្យហ្លួងម៉ែ នៅថ្ងៃទី៣០ ខែមីនា ឆ្នាំ២០២១ វេលាម៉ោង ២២៖៣០នាទីយប់។ ដោយសារអ្នកជំងឺមានស្ថានភាពធ្ងន់ធ្ងរ ហត់ដង្ហក់ខ្លាំង និងមានជំងឺទឹកនោមផ្អែមប្រចាំកាយផង ក្រុមគ្រូពេទ្យបានជួយ សង្គ្រោះតាមលក្ខណៈបច្ចេកទេសដោយធ្វើចលនាបេះដូង និងបានប្រើប្រាស់ម៉ាស៊ីនជំនួយដង្ហើមផង ប៉ុន្តែមិនអាចជួយសង្គ្រោះអ្នកជំងឺបាន គាត់បានស្លាប់បាត់បង់ជីវិតនៅថ្ងៃទី១១ ខែមេសា ឆ្នាំ ២០២១ វេលាម៉ោង ១៨៖៣០នាទី។ជាការសន្និដ្ឋានរបស់ក្រុមគ្រូពេទ្យ ស្ត្រីជនជាតិខ្មែរអាយុ ៦១ឆ្នាំ ខាងលើនេះបានស្លាប់បាត់បង់ ជីវិតដោយសារវិបត្តិផ្លូវដង្ហើមស្រួចស្រាវធ្ងន់ធ្ងរ និងរលាកសួតទាំងសងខាងដោយសារជំងឺកូវីដ-១៩ លើអ្នកជំងឺមានជំងឺទឹកនោមផ្អែមប្រចាំកាយ។ ក្រសួងសុខាភិបាល បានចូលរួមចំណែកសោកស្ដាយជាពន់ពេក និងចូលរួមមរណទុក្ខ យ៉ាងក្រៀមក្រំជាទីបំផុតជាមួយក្រុមគ្រួសារសព។ សូមបញ្ជាក់ថា មកដល់ពេលនេះអ្នកជំងឺកូវីដ១៩ ចំនួន ៣០នាក់ហើយ បានស្លាប់ដោយសារមេរោគកូវីដ១៩ ខណៈ ៥នាក់ទៀត ស្លាប់ដោយអាការៈរោគផ្សេង៕

ក្រសួងសុខាភិបាល​៖ រកឃើញអ្នកឆ្លងកូវីដ១៩ ចំនួន ២៧៧នាក់ថែមទៀត ខណៈអ្នកជំងឺ ៦០នាក់បានជាសះស្បើយ

ថ្ងៃទី ១២ ខែ មេសា ឆ្នាំ ២០២១ ម៉ោង ១០:៤៦

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី១២ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មីរហូតដល់២៧៧នាក់ថែមទៀត ដែលភាគច្រើនបំផុត ជាអ្នករស់នៅរាជធានីភ្នំពេញ ខណៈអ្នកជំងឺចំនួន៦០នាក់បានជាសះស្បើយ និងអនុញ្ញាតឲ្យចេញពីមន្ទីរពេទ្យ។សេចក្តីប្រកាសព័ត៌មាន ដែលបណ្តាញព័ត៌មាន Fresh News ទទួលបានបញ្ជាក់ថា អ្នកឆ្លងទាំង២៧៧នាក់ គឺសុទ្ធសឹងជាករណីឆ្លងក្នុងសហគមន៍២០កុម្ភៈ ដែលរួមមានរាជធានីភ្នំពេញ ២០៤នាក់, ខេត្តតាកែវ ១នាក់, ខេត្តព្រៃវែង ២នាក់, ខេត្តពោធិ៍សាត់ ៣នាក់, ខេត្តកណ្តាល ២៣នាក់ និងខេត្តស្វាយរៀង ៤៣នាក់។សម្រាប់អ្នកជាសះស្បើយទាំង៦០នាក់វិញ ក្នុងនោះមានម្នាក់ ជាអ្នកធ្វើដំណើរមកពីក្រៅប្រទេស និង៥៩នាក់ទៀត ជាអ្នកឆ្លងក្នុងសហគមន៍ នៃព្រឹត្តិការណ៍២០កុម្ភៈ ដោយទទួលទ្ធផលធ្វើតេស្តអវិជ្ជមាន២លើក ត្រូវបានអនុញ្ញាតឲ្យចេញពីមន្ទីរពេទ្យ ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។សូមជម្រាបថា គិតត្រឹមម៉ោង៧ព្រឹក ថ្ងៃទី១២ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងសរុបចំនួន ៤៥១៥នាក់ ក្នុងនោះករណីសហគមន៍២០កុម្ភៈ ចំនួន ៣ ៩៨២នាក់, អ្នកជាសះស្បើយចំនួន ២២១២នាក់, អ្នកកំពុងសម្រាកព្យាបាលចំនួន ២២៦៨នាក់, អ្នកស្លាប់ចំនួន ៣០នាក់ និងស្លាប់ដោយជំងឺផ្សេង ពេលកំពុងព្យាបាលកូវីដ១៩ចំនួន ៥នាក់៕

អ្នកឆ្លង COVID-19 លើលោកកើនដល់ជាង ១៣៥លាន ២៩ម៉ឺននាក់ ស្លាប់ជាង ២លាន ៩២ម៉ឺននាក់ និងជាសះស្បើយជាង ១០៨លាន ៨៥ម៉ឺននាក់

ថ្ងៃទី ១០ ខែ មេសា ឆ្នាំ ២០២១ ម៉ោង ០៩:៥៩

(បរទេស)៖ គិតត្រឹមម៉ោង ៨ព្រឹកថ្ងៃសៅរ៍ ទី១០ ខែមេសា ឆ្នាំ២០២១នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ១៣៥,២៩៥,៦២២នាក់ហើយ។ ក្នុងនោះអ្នកស្លាប់មានចំនួន ២,៩២៨,៥៥៩នាក់ និងជាសះស្បើយឡើងវិញ ១០៨,៨៥៩,៩១៧នាក់។យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។ សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ៣១,៨០២,៧៧២នាក់ ស្លាប់ចំនួន ៥៧៤,៨៤០នាក់ និងជាសះស្បើយចំនួន ២៤,៣៤៦,៧៦៦នាក់។ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសប្រេស៊ីល។ ប្រេស៊ីលមានអ្នកឆ្លង ១៣,៣៧៥,៤១៤នាក់ ស្លាប់ចំនួន ៣៤៨,៩៣៤នាក់ និងជាសះស្បើយ ១១,៧៩១, ៨៨៥នាក់។ ប្រទេសឈរនៅចំណាត់ថ្នាក់ទី៣ គឺប្រទេសឥណ្ឌា។ ឥណ្ឌា មានអ្នកឆ្លង ១៣,២០២,៧៨៣នាក់ ស្លាប់ ១៦៨,៤៦៧នាក់ និងជាសះស្បើយ ១១, ៩៨៧,៩៤០នាក់៕

ក្រសួងសុខាភិបាល៖ បន្តរកឃើញអ្នកឆ្លងកូវីដ១៩ រហូតដល់ ៥៧៦នាក់ ខណៈអ្នកជំងឺ ៧០បាននាក់ជាសះស្បើយ

ថ្ងៃទី ០៩ ខែ មេសា ឆ្នាំ ២០២១ ម៉ោង ១៤:២៩

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី០៩ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មីរហូតដល់ ៥៧៦នាក់ ដែលភាគច្រើនបំផុតជាអ្នករស់នៅរាជធានីភ្នំពេញ ខណៈអ្នកជំងឺចំនួន៧០នាក់ បានជាសះស្បើយ និងអនុញ្ញាតឲ្យចេញពីមន្ទីរពេទ្យ៕

ថៃ៖ រកឃើញអ្នកឆ្លងកូវីដ-១៩ ចំនួន ៥៥៩នាក់នៅថ្ងៃសុក្រនេះ

ថ្ងៃទី ០៩ ខែ មេសា ឆ្នាំ ២០២១ ម៉ោង ១៣:១៨

(បាងកក)៖ យ៉ាងហោចណាស់មន្ទីរពេទ្យចំនួន ១២ នៅក្នុងទីក្រុងបាងកក នៃប្រទេសថៃ បានសម្រេចផ្អាកទទួលការធ្វើតេស្តរក COVID-19 ជាបណ្តោះអាសន្ន ព្រោះតែតម្រូវការនៃការធ្វើតេស្ត បាននិងកំពុងកើនឡើងយ៉ាងគំហុក ដែលជាហេតុនាំឲ្យខ្វះខាតគ្រឿងបរិក្ខាពេទ្យយ៉ាងខ្លាំង។ មន្ទីរពេទ្យចំនួន ១២ នៅទីក្រុងបាងកកដែលបានប្រកាស ផ្អាកទទួលការធ្វើតេស្តរក COVID-19 ខាងលើនេះ គឺត្រូវបានធ្វើឡើងតាមរយៈបណ្តាញសង្គម និង App ទូរស័ព្ទ ដោយមន្ទីរពេទ្យខ្លះបានសម្រេចផ្អាកតែពីរទៅបីថ្ងៃប៉ុណ្ណោះ ប៉ុន្តែខ្លះទៀតគឺមិនបានបញ្ជាក់ អំពីពេលថ្ងៃកំណត់ជាក់លាក់ នៃការផ្អាកនោះឡើយ។ ទីក្រុងបាងកកត្រូវបានគេដឹងថា ជាចំណុចផ្ទុះឡើងនៃរលកថ្មី COVID-19 នៅក្នុងខែមេសានេះតែម្តង តាមរយៈក្លឹបកម្សាន្តមួយដែលមនុស្សម្នា បានទៅចូលរួមយ៉ាងកកកុញ។ នៅថ្ងៃសុក្រនេះ អាជ្ញាធរគ្រប់គ្រងស្ថានការណ៍ COVID-19 នៅក្នុងប្រទេសថៃបានអះអាងថា អ្នកឆ្លងជំងឺនេះរហូតដល់ ៥៥៩នាក់ទៀតត្រូវបានរកឃើញ និងអ្នកជំងឺម្នាក់ទៀតស្លាប់។គួរបញ្ជាក់ថា ពេលនេះអាជ្ញាធរថៃកំពុងស្វះស្វែងដើម្បីគ្រប់គ្រងស្ថានការណ៍ ខណៈករណីឆ្លង COVID-19 បានឆ្លងចូលខេត្តមួយចំនួនទៀត ក្នុងនោះខេត្តកូរ៉ាត បានប្រកាសរកឃើញរហូតដល់ទៅ ១៧ករណីនៅថ្ងៃសុក្រនេះ និងខេត្តជាច្រើនទៀត កំពុងតាមដានរកអ្នកពាក់ព័ន្ធ។ គិតត្រឹមថ្ងៃសុក្រនេះ ប្រទេសថៃមានករណីឆ្លង COVID-19 សរុប ៣០,៨៦៩ករណី ក្នុងនោះមានអ្នកស្លាប់ ៩៦នាក់ និងជាសះស្បើយឡើងវិញ ២៨,១២៨នាក់៕

សហរដ្ឋអាមេរិក៖ នៅក្នុងរយៈពេល ១ថ្ងៃមនុស្សជាង ៨ម៉ឺននាក់ទៀតឆ្លងកូវីដ-១៩ និងអ្នកជំងឺ ១,០០៩នាក់ស្លាប់

ថ្ងៃទី ០៩ ខែ មេសា ឆ្នាំ ២០២១ ម៉ោង ១០:៣៤

(វ៉ាស៉ីនតោន)៖ នៅក្នុងរយៈពេល ២៤ម៉ោងកន្លងទៅនេះ មនុស្សសរុប ៨០,១៦១នាក់ទៀតបានឆ្លងជំងឺ COVID-19 ខណៈអ្នកជំងឺ ១,០០៩នាក់បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។ នេះបើតាមការដកស្រង់ទិន្នន័យ ចេញពីគេហទំព័រ Worldometers នាព្រឹកថ្ងៃសុក្រ ទី០៩ ខែមេសា ឆ្នាំ២០២១។ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៣១,៧១៧,៤០៤ករណី ក្នុងនោះមានអ្នកស្លាប់សរុបចំនួន ៥៧៣,៨៥៦នាក់ និងជាសះស្បើយឡើងសរុប ២៤,២៧២,៨៦៩នាក់។យោងតាមទិន្នន័យរបស់ មជ្ឈមណ្ឌលប្រយុទ្ធប្រឆាំងជំងឺឆ្លងអាមេរិក (CDC) វ៉ាក់សាំងប្រមាណជា ១៦៩លានដូសហើយ ត្រូវបានចាក់នៅក្នុងសហរដ្ឋអាមេរិក ក្នុងចំណោមវ៉ាក់សាំងជាង ២១៩លានដូសដែលត្រូវបានចែកចាយរួចរាល់ នៅទូទាំងប្រទេស។ បើតាមលោក បៃដិន វ៉ាក់សាំង ១៥០លានដូស ត្រូវបានចាក់ក្នុងរយៈពេល ៧៥ថ្ងៃដំបូង នៃការឡើងកាន់អំណាចរបស់លោក ដែលនឹងឈានទៅសម្រេចបានគោលដៅ នៃការចាក់ឲ្យគ្រប់ ២០០លានដូស មិនឲ្យលើសពី ១០០ថ្ងៃដំបូននៃអាណត្តិរបស់លោក៕