trollkhmer news

សង្គមនិងជីវិត

ក្រុមហ៊ុន Microsoft បានប្រកាសចេញហ្គេម Minecraft ថ្មីគឺ Minecraft: Education Edition

ថ្ងៃទី ២០ ខែ មករា ឆ្នាំ ២០១៦ ម៉ោង ០២:៤៧

នៅពេលដែលកុមារបើកការហ្គេម Minecraft មកក្រុមហ៊ុន Microsoft មិនចង់ឱ្យពួកគេស្វែងយល់ពីល្អាងងងឹត តំបន់ទំនាបគ្មានទីបញ្ចប់ និងភ្នំនោះទេ ប៉ុន្តែក្រុមហ៊ុន ចង់ឱ្យពួកគេស្វែងយល់ពីទីកន្លែងក្នុងពិភពលោកដែលមានពិតប្រាកដដូចជា ប្រាសាទបុរាណ Pompeii ប្រាសាទពីរ៉ាមីតនៃរដ្ឋធានី Gizaនិងប្រាសាទក្រិកដែលជាទីកន្លែងដែលពួកគេអាចសិក្សាពីវាបាន។ដូច្នេះហើយទើបកាលពីថ្ងៃអង្គារសប្តាហ៍នេះក្រុមហ៊ុន Microsoft បានប្រកាសជាផ្លូវការថានឹងចេញនូវហ្គេម Minecraft វគ្គថ្មីដែលវគ្គនោះគោលបំណងគឺផ្តោតទៅលើការសិក្សា។គួរបញ្ជាក់ផងដែរថាក្រុមហ៊ុន Microsoft បានទិញយកហ្គេម Minecraft ដាច់មកក្នុងឆ្នាំ 2014 តម្លៃ 2500 លានដុល្លារ។តាមពិតទៅហ្គេម Minecraft: Education Edition វាមិនខុសគ្នាពី Mincecraft: Pocket Edition ដែលអ្នកធ្លាប់បានលេងកន្លងមកនោះប៉ុន្មានទេ ប៉ុន្តែវាមានមុខងារថ្មីមួយចំនួនដែលអនុញ្ញាតឲ្យលោកគ្រូអ្នកគ្រូដាក់អ្វីឲ្យកូនសិស្សធ្វើប៉ុណ្ណោះ។ហើយហេតុផលម្យ៉ាងដែល Minecraft សាកសមបំផុតក្នុងការដាក់សម្រាប់ការសិក្សាព្រោះជាហ្គេមសាមញ្ញធម្មតា ប៉ុន្តែលេងប្រកបដោយគំនិតច្នៃប្រឌិតខ្ពស់ នេះបើតាមពាក្យសម្តីលោក Vu Buii ដែលជាប្រធាននាយកប្រតិបត្តិ នៃការអភិវឌ្ឍន៍ហ្គេមនេះ។ហ្គេម Minecraft: Education Edition នេះនឹងមានតម្លៃ 5 ដុល្លារចំពោះការប្រើប្រាស់ក្នុងមួយឆ្នាំឬក៏អាចទិញដាច់ វានឹងចាប់ផ្តើមដំឡើងវានារដូវក្តៅខាងមុខនេះហើយ។ឥឡូវនេះយើងនឹងទៅមើលវីដេអូមួយអំពីលោកគ្រូអ្នកគ្រូក៏ដូចជាអ្នកសិក្សាមួយចំនួនអនិយាយអំពី Minecraft សម្រាប់ការសិក្សាវិញ​ តើវាមានគុណសម្បត្តិក៏ដូជាមតិយ៉ាងមិចដែរចំពោះហ្គេមនេះ:ប្រភព: NBC, The Vergeប្រែសម្រួលដោយ: William

ដំណើរទស្សនិកច្ចលោក Xi Jinping ទៅប្រទេសអារ៉ាប៊ីសាអូឌីតដើម្បីពង្រឹងវិស័យសេដ្ឋកិច្ច

ថ្ងៃទី ២០ ខែ មករា ឆ្នាំ ២០១៦ ម៉ោង ០២:២៥

ដំណើរទស្សនកិច្ចរបស់ប្រធានាធិបតីប្រទេសចិនលោក Xi jinping ទៅអារ៉ាប៊ីសាអូឌីតដើម្បីពង្រឹងវិស័យទំនាក់ទំនងសេដ្ឋកិច្ចយ៉ាងជិតស្និទ្ធនៃប្រទេសទាំងពីរ។ អារ៉ាប៊ីសាអូឌីតគឺជាដៃគូពាណិជ្ជកម្មធំបំផុតរបស់ចិននៅក្នុងតំបន់អារ៉ាប់ដែលមានធនធានប្រេងជាឆ្អឹងខ្នងនៃទំនាក់ទំនងនេះ។វាគឺជាផ្នែកមួយនៃទិសដៅវិនិយោគធំរបស់ប្រទេសចិន។ ពាណិជ្ជកម្មទ្វេភាគីរវាងចិននិងអារ៉ាប៊ីសាអូឌីតបានវាយសរុបចំនួន 47,6 ពាន់លានដុល្លារពីខែមករាដល់ខែធ្នូឆ្នាំ 2015 ។ ក្នុងការវិភាគនេះការនាំចេញរបស់ចិនទៅកាន់អារ៉ាប៊ីសាអូឌីតមានចំនួនសរុប 19,7 ពាន់លានដុល្លារពោលគឺកើនឡើង 6,4 ភាគរយកាលពីឆ្នាំមុន។អារ៉ាប៊ីសាអូឌីតគឺជាប្រភពធំបំផុតរបស់ចិននៃការនាំចូលប្រេងនៅក្នុងមជ្ឈឹមបូព៌ា។ ប្រទេសចិនបាននាំចូលមកចំនួនសរុប 46 លានតោននៃប្រេងឆៅ ក្នុងរយៈពេលចំនួន១១ខែ នៃឆ្នាំ 2015 នេះ ដែលជាការកើនឡើង 2 ភាគរយធៀបនឹងរយៈពេលដូចគ្នាកាលពីឆ្នាំ 2014 ។ការវិនិយោគសរុបរបស់ចិនទៅកាន់ប្រទេស Saudi Arabia បានកើនឡើងដល់ជិតពាក់កណ្តាល ២ពាន់លានដុល្លារអាមេរិកក្នុងការវិនិយោគឆ្នាំ 2014 ហើយទន្ទឹមនឹងនេះដែរការវិនិយោគអារ៉ាប៊ីសាអ៊ូឌីតទៅឱ្យប្រទេសចិនមានចំនួន 1,24 ពាន់លានដុល្លារ៕ប្រភពពី CCTVប្រែសំរួលដោយ Justin

ISIS ចាប់ខ្លួនមនុស្ស៣៥០០នាក់ធ្វើជាទាសករ

ថ្ងៃទី ២០ ខែ មករា ឆ្នាំ ២០១៦ ម៉ោង ០២:១៣

រដ្ឋអ៊ីស្លាមបានត្រួតត្រាមនុស្សប្រហែល 3.500 នាក់ដែលជាទាសករនៅក្នុងប្រទេសអ៊ីរ៉ាក់បើយោងតាមរបាយការណ៍របស់អង្គការសហប្រជាជាតិបានចេញផ្សាយកាលពីថ្ងៃអង្គារ។ ភាគច្រើននៃអ្នកទាំងនោះត្រូវបានឃុំខ្លួនជាស្ត្រីនិងកុមារមកពីសហគមន៍យ៉ាហ្ស៊ីឌីរបស់ប្រទេសអ៊ីរ៉ាក់។របាយការណ៍ដែលចេញរួមគ្នាដោយការិយាល័យសិទ្ធិមនុស្សរបស់អង្គការសហប្រជាជាតិនិងបេសកកម្មជំនួយរបស់អង្គការសហប្រជាជាតិសម្រាប់ប្រទេសអ៊ីរ៉ាក់បានបញ្ជាក់ថាមនុស្សប្រមាណជា 3.500 នាក់ត្រូវបានគេ "បច្ចុប្បន្នត្រូវបានដាក់ឡើងនៅក្នុងទាសភាព" ដោយរដ្ឋអ៊ីស្លាម ។ អានអត្ថបទ ISIS មួយថ្ងៃសោះសម្លាប់មនុស្សរង្គាលអស់២៨០នាក់នៅស៊ីរីពួករដ្ឋអ៊ីស្លាមដែលបានកាន់កាប់ដីមួយភាគធំរបស់ស៊ីរីនិងប្រទេសជិតខាងនោះគឺត្រូវបានជាប់ទោសពីបទឧក្រិដ្ឋកម្មសង្គ្រាមឧក្រិដ្ឋកម្មប្រឆាំងមនុស្សជាតិនិងអាចធ្វើអំពើប្រល័យពូជសាសន៍។ របាយការណ៍ខាងលើនេះរៀបរាប់លម្អិតអំពីការសម្លាប់ដោយបាញ់ កាត់ក្បាល ការឈូសឆាយ ការដុតរស់ហើយបោះមនុស្សចេញពីកំពូលនៃអគារ។នេះបើយោងតាមអង្គការសហប្រជាជាតិដដែលបានបញ្ចាក់ថាក្រុមជីហាដបានចាប់ខ្លួនមនុស្សរាប់ពាន់នាក់ជាស្ត្រីនិងក្មេងស្រីអាយុ 12 ឆ្នាំបានលក់ពួកគេដូចជាទាសករផ្លូវភេទ ហើយក៏បានយកពួស្តី្រនិងក្មេងស្រីទាំងនោះយកទៅធ្វើជារង្វាន់ជូនពួកសកម្មប្រយុទ្ធរបស់ពួកវាទៀតផង។អានអត្ថបទ សកម្មជនប្រយុទ្ធ ISIS ម្នាក់បាញ់សម្លាប់ម្តាយបង្កើតខ្លួនឯង ប្រភពពី RTប្រែសំរួលដោយ Justin

វាយប្រហារ​អត្តឃាត​នៅ​ក្រុង​អា​ដេ​ន​យេ​ម៉ែ​ន​ស្លាប់​១០​នាក់

ថ្ងៃទី ១៩ ខែ មករា ឆ្នាំ ២០១៦ ម៉ោង ០៣:០៥

បណ្តា​អ្នក​ទទួលខុសត្រូវ​ខាង​ផ្នែក​សន្តិសុខ​គូសបញ្ជាក់​ថា ការ​វាយប្រហារ​អត្តឃាត​ប្រើ​រថយន្ត​ផ្ទុក​គ្រឿងផ្ទុះ​មួយ​សំដៅលើ​លំនៅ​ឋាន​របស់​ប្រមុខ​ប៉ូលិស​ក្រុង​អា​ដេ​នភា​គ​ខាងត្បូង​យេ​ម៉ែ​ន បណ្តាល​ឱ្យ​មនុស្ស​ស្លាប់​យ៉ាងតិច​១០​នាក់ ក្នុង​នោះ​មាន​ជន​ស៊ី​វិល​៨​នាក់​កាលពី​ថ្ងៃ​ទី​១៧ មក​រា ។អ្នក​ទទួលខុសត្រូវ​យេ​ម៉ែ​ន​ម្នាក់​មិន​បញ្ចេញ​ឈ្មោះ​ថ្លែងប្រាប់ AFP ថា ជន​អត្តឃាត​នេះ​ដែល​បើករថយន្ត​បឺស​ធុន​តូច​មាន​ផ្ទុក​គ្រឿងផ្ទុះ​មួយ បាន​ធ្វើ​ឱ្យ​ផ្ទុះ​ត្រង់​ទ្វារ​ចូល​បរិវេណ​លំនៅ​ឋាន​របស់​ឧត្តមសេនីយ៍ CHALAL ALI AL CHAEA ស្ថិត​ក្នុង​សង្កាត់​តា​វ៉ា​ហ៊ី ។ ឧត្តមសេនីយ៍​រូប​នេះ​ដែល​ស្ថិត​ក្នុងផ្ទះ​ពុំ​រងគ្រោះថ្នាក់​ឡើយ ។អ្នក​ទទួលខុសត្រូវ​ខាង​សន្តិសុខ​ម្នាក់​ទៀត​និយាយ​ថា មនុស្ស​១០​នាក់ ក្នុង​នោះ​មាន​ជន​ស៊ី​វិល​៨​នាក់​បាន​ត្រូវ​ស្លាប់ រួច​មនុស្ស​១២​នាក់​ទៀត​រង​របួសធ្ងន់​ក្នុង​ការ​វាយប្រហារ​នេះ ។ អ្នក​ស្លាប់​២​នាក់​ទៀត​ជា​ឆ្មាំ​ការពារ​ផ្ទះ ។ រថយន្ត​៤​គ្រឿង​ចត​នៅ​ជិត​កន្លែង​វាយប្រហារ​រង​ការ​ខូចខាត​ខ្លាំង ។ការ​វាយប្រហារ​នេះ​ជា​ការ​វាយប្រហារ​ថ្មី បន្ទាប់​ពី​ការ​វាយប្រហារ​បង្ហូរឈាម​ជាប់​រដឹក​សំដៅលើ​បណ្តា​អ្នក​ទទួលខុសត្រូវ​ខាង​សន្តិសុខ​នៃ​ទីក្រុង​កំពង់​ផែ​ធំ​នេះ​របស់​យេ​ម៉ែ​ន ជា​កន្លែង​ដែល​បណ្តា​ក្រុម​ជី​ហា​ដ​ដូច​ជា​ក្រុម​អាល់​កៃ​ដា និង​អង្គការ​រដ្ឋ​អ៊ិ​ស្លា​ម​ជាដើម​មាន​វត្តមាន​កាន់តែ​ច្រើន ។អាជ្ញាធរ​របស់​រដ្ឋាភិបាល​នៃ​ប្រធានាធិបតី លោក​អាប់​ដ៍ រ៉ា​បូ​ម៉ា​ន​សួរ​ហា​ឌី ដែល​ដណ្តើម​កាន់កាប់​ទីក្រុង​អា​ដេ​ន​ពី​ពួក​ឧទ្ទាម​ស៊ី​អ៊ី​ត​ហ៊ូ​ធី កាលពី​ខែកក្កដា ឆ្នាំ​២០១៥ ចាប់តាំងពី​ពេល​នោះ​មក​ពុំ​ទាន់​អាច​ស្តារ​សន្តិសុខ​ក្នុង​ទីក្រុង​នេះ​បាន​ទាំងស្រុង​នៅឡើយ ៕ប្រភពពី Everyday

ទូរស័ព្ទ iPhone 6s Plus បានយកឈ្នះដាច់ទាំងពីរតារាង Top 10 របស់ Antutu តែម្តង!!

ថ្ងៃទី ១៩ ខែ មករា ឆ្នាំ ២០១៦ ម៉ោង ០២:៤២

ថ្មីៗនេះកម្មវិធី Antutu បានបញ្ចេញនូវតារាង Top 10 ថ្មីពីរដែលជាតារាងកំពូលទូរស័ព្ទស្មាតហ្វូនទាំង 10 ដែលដំណើរការបានល្អបំផុតទូទាំងសកលនិងឈីបដែលដំណើរការល្អបំផុតនៅលើ Antutu V6.0 ក្នុងឆ្នាំ 2015។គួរបញ្ជាក់ផងដែរថាកម្មវិធី Antutu គឺជាកម្មវិធីដែលស្រង់ទិន្នន័យការពេញនិយមក្នុងប្រភពទូរស័ព្ទ។ហើយបើយើងងាកទៅមើលក្នុងតារាងកំពូលទូរស័ព្ទស្មាតហ្វូនទាំង 10 ដែលដំណើរការបានល្អបំផុតទូទាំងសកលគឺទូរស័ព្ទ iPhone 6s Plus របស់ក្រុមហ៊ុន Apple ជាអ្នកឈរនៅលំដាប់ទីមួយក្នុងតារាងដែលមានពិន្ទុរហូតទៅដល់ 132,620 វារដាច់ពិន្ទុរបស់ទូរស័ព្ទលំដាប់ទីពីរជាង 40,000 ពិន្ទុ។អ្នកប្រកត់ជាឆ្ងល់ហើយថា Antutu ដាក់ពិន្ទុយ៉ាងមិច? តារាង Antutu បានដាក់ពិន្ទុវាយតម្លៃឲ្យទូរស័ព្ទនីមួយៗតាមទិន្នន័យដែលទូរស័ព្ទទាំងនោះបានដំណើរការលើកម្មវិធី Antutu V6.0 ហើយនិងការវាយតម្លៃទៅលើដំណើរការលើប្រព័ន្ធ 3D និង UX។ចំណែកតារាងអំពីឈីបដែលដំណើរការល្អបំផុតនៅលើ Antutu V6.0 វិញឈីបរបស់ក្រុមហ៊ុន Apple ទាំងពីរគឺ ឈីប A9 និង A8X បានឈរក្នុងតារាងលំដាប់ទីមួយនិងទីពីរ។បើយើងមើលពីការវាយតម្លៃរបស់ Antutu វិញទូរស័ព្ទដែលដំណើរកាល្អមិនមែនកំណត់ថាតើវាមាន Cores ប៉ុន្មានឬក៏មានវា RAM ប៉ុន្មានប៉ុណ្ណោះទេ ប៉ុន្តែវាក៏វាយតម្លៃទៅថាតើម៉ានស៊ីវាមានសមត្ថភាពអាចគ្រប់គ្រងវាបានល្អកម្រិតណា។ប្រភព: Lowyatប្រែសម្រួលដោយ: William

ក្រុមហ៊ុន Microsoft កំពុងតែត្រៀមខ្លួននាំយកក្តារចុចដែលមានលើទូរស័ព្ទ Window មកក្នុងប្រព័ន្ធប្រតិបត្តិការ iOS ហើយ

ថ្ងៃទី ១៨ ខែ មករា ឆ្នាំ ២០១៦ ម៉ោង ០២:៣៩

កាលពីថ្មីៗនេះពត៌មានបានលិចលឺថាក្រុមហ៊ុន Microsoft ដូចជាកំពុងបង្កើតក្តារចុចថ្មីមួយឈ្មោះថា Word Flow ទៅក្នុងទូរស័ព្ទ iPhone ដែលជាក្តារចុចទីបីបន្តាប់ពីក្តារចុចដើមរបស់ iPhone នេះបើតាមអ្នករាយការណ៍របស់ WinBeta។ហើយឥឡូវនេះក្រុមហ៊ុនកំពុងឲ្យអ្នកប្រើប្រាស់ iPhone ដែលចាប់ពី iPhone 5s ឡើងទៅសាកល្បងនឹងក្តារចុចថ្មីនេះ។តាមពិតទៅ Word Flows វាដំណើរការនិងការប្រើប្រាស់វាដូចទៅនឹង Swype ដែលទេដែលវាអនុញ្ញាតឲ្យអ្នកម្រាមដៃលើអក្សរដើម្បីចេញនូវមុខងារ Suggest Words ដែលងាយស្រួលឲ្យការវាយអក្សររបស់យើងបានលឿន។ហើយរូប Emoji ក៏អាចប្រើបានដោយការវាយអក្សរផងដែរ ឧទាហរណ៍: ពេលអ្នកវាយពាក្យ Dog ពេលនោះរូប Emoji របស់ Dog ក៏លោតឡើង។ពេលនេះក្រុមហ៊ុន Microsoft ក៏កំពុងតែតេសការសាកល្បងរបស់ក្តារចុចនេះយ៉ាងសម្ងាត់។គួរបញ្ជាក់ផងដែរថា ក្តារចុច Word Flow ធ្លាប់បានឈ្នះពានរង្វាន់លំដាប់ពិភពលោក Guinness World Record ដែលបានជាប់ជាក្តារចុចដែលវាយអក្សរបានលឿនបំផុត។ក្រុមហ៊ុន Microsoft ក៏បានចេញនូវសារមួយផងដែរថា «មុនពេលដាក់ក្តារចុចនេះឲ្យប្រើប្រាស់ជាផ្លូវការនៅលើ App Store ក្រុមហ៊ុននឹងអនុញ្ញាតមនុស្សមួយចំនួនសាកល្បងវាសិន ជាមួយនឹងការឆ្លើយតបរបស់អ្នកដែលបានសាក ក្រុមហ៊ុននឹងធ្វើឲ្យវាប្រសើរជាងក្តារចុចមុនៗ។»ឥឡូវនេះយើងនឹងទៅទស្សនាវីដេអូមួយអំពីក្តារចុច Word Flow និងល្បិចក៏ដូចជាតិចនិចក្នុងការប្រើប្រាស់ឲ្យបានប្រសើរ:ប្រភព: The Verge, 9to5macប្រែសម្រួលដោយ: William

ISIS មួយថ្ងៃសោះសម្លាប់មនុស្សរង្គាលអស់២៨០នាក់នៅស៊ីរី

ថ្ងៃទី ១៨ ខែ មករា ឆ្នាំ ២០១៦ ម៉ោង ០១:៥៩

យោងតាមប្រភពមួយបានរាយការណ៍ថាក្រុមរដ្ឋអ៊ីស្លាម ISIS បានសម្លាប់ជនស៊ីវិលចំនួន២៨០នាក់នៅខេត្ត Deir EZ-Zor ដែលភាគច្រើនជាក្រុមគ្រួសារតែម្តងដែលពួក ISIS បានចោទប្រកាន់ថាបានធ្វើប្រត្តិបត្តិការនិងផ្តល់ការទៅអោយក្រុមកងទ័ពស៊ីរី។ ការសម្លាប់នោះបានកើតឡើងមួយថ្ងៃបន្ទាប់ពីជំនួយមនុស្សធម៌របស់រុស្ស៊ីត្រូវបានទំលាក់នៅតំបន់នោះ។ អានអត្ថបទសកម្មជនប្រយុទ្ធ ISIS ម្នាក់បាញ់សម្លាប់ម្តាយបង្កើតខ្លួនឯងអ្នកស្រុកក្នុងតំបន់បានប្រាប់ទីភ្នាក់ងារ Sputnik ការសម្លាប់រង្គាលដែលបានកើតឡើងនៅក្នុង Bahiya តំបន់ដែលទទួលជំនួយបានដឹកតាមយន្តហោះរបស់រុស្ស៊ី។ ពួកសកម្មប្រយុទ្ធរដ្ឋអ៊ីស្លាមត្រូវបានគេរាយការណ៍ថាបានអនុវត្តទោសប្រហារជីវិតពី«ក្រុមគ្រួសារទាំងមូល។ការសម្លាប់រង្គាលនេះហាក់ដូចជាផ្នែកមួយនៃការសម្លាប់រង្គាលជារៀងរាល់ថ្ងៃដែលអាក្រក់បំផុតដែលបានកើតឡើងក្នុងរយៈពេលប្រាំឆ្នាំនៃជម្លោះនៅស៊ីរី។ប្រព័ន្ធផ្សព្វផ្សាយរដ្ឋស៊ីរីបានរាយការណ៍ថាមនុស្សទាំងអស់ដែលត្រូវបានសម្លាប់ជាជនស៊ីវិល។ ប៉ុន្តែក្រុមការត្រួតពិនិត្យមូលដ្ឋានបាននិយាយថាមនុស្សរាប់សិបនាក់ត្រូវបានសម្លាប់ខ្លះទៀតជាកងទ័ពរបស់រដ្ឋាភិបាលផងដែរ។អានអត្ថបទមេបញ្ជាការ ISIS ម្នាក់ទៀតត្រូវបានស្លាប់ក្នុងការវាយប្រហាររបស់កងទ័ព អីុរ៉ាក់ទីភ្នាក់ងាររដ្ឋស៊ីរី SANA បានជាដំបូងបានរាយការណ៍ថាមានការសម្លាប់មនុស្សរាប់សិបនាក់ជាយុទ្ធជននៃជនស៊ីវិលដោយមិនលម្អិតណាមួយបន្ថែមទៀត។ ទន្ទឹមនឹងនេះដែរលោក Al-Mayadeen ពីទូរទស្សន៍របស់ប្រទេសលីបង់បាននិយាយថា 280 នាក់ត្រូវបានសម្លាប់រួមទាំងកុមារនិងស្ត្រី។ ទូរទស្សន៍នេះបានបន្ថែមថាសាកសពត្រូវបានគេបោះចោលក្នុងទន្លេអឺប្រាត, ខណៈពេលដែលអ្នករួចរស់ជីវិត 400 នាក់ ទៀតត្រូវបានគេយកចាប់ជាចំណាប់ខ្មាំង។ក្រុមកងទ័ពស៊ីរីប្រភពពី RTប្រែសំរួលដោយ សិទ្ធា

អស្ចារ្យ! អាយុ១៨ឆ្នាំសោះអាចផលិតកាំភ្លើងវៃឆ្លាត (Smart Gun) ស្កេនក្រយ៉ៅម្រាមដៃ

ថ្ងៃទី ១៧ ខែ មករា ឆ្នាំ ២០១៦ ម៉ោង ១១:៣៥

Kai Kloepfer ជាយុវជនអាយុ១៨ឆ្នាំ បានផលិតកាំភ្លើងវៃឆ្លាតដើម្បីកាត់បន្ថយអំពើហិង្សាដែលកំពុងតែកើតមានរាល់ថ្ងៃនៅសហរដ្ឋអាមេរិច។ (Smart Gun) កាំភ្លើងវៃឆ្លាតប្រើប្រាស់បច្ចេកវិទ្យាស្កេនក្រយ៉ៅដៃ ( Finger Print ) អោយស្គាល់ម្ចាស់កាំភ្លើងផ្ទាល់តែម្តង ដែលវាអាចជួយសង្រ្គោះជីវិតមនុស្សគ្រប់គ្នាបាននៅពេលមានមនុស្សណាម្នាក់លួចយកកាំភ្លើងយកទៅប្រើប្រាស់រឺក៏ប្រព្រឹត្តិអំពើភេវរកម្មផ្សេងៗ ហើយវាត្រូវបានចំណាយអស់រយៈពេល៣ឆ្នាំក្នុងការផលិតវាឡើងមក។ កុមារនិងក្មេងជំទង់ ប្រហែល 20នាក់ ដែលត្រូវបានគេបាញ់សំលាប់ជារៀងរាល់ថ្ងៃនៅក្នុងសហរដ្ឋអាមេរិកនេះបើយោងតាមការសិក្សាដោយព្រឹត្តិបត្រសុខភាពកុមារមួយ។ សូមទស្សនាវីឌីអូខាងក្រោម ៖ 

ចង់រកទូរស័ព្ទមួយសម្រាប់លោកតាលោកយាយមែនទេ?​ Samsung ម៉ូដែលនេះមិនខកបំណងទេ!!

ថ្ងៃទី ១៧ ខែ មករា ឆ្នាំ ២០១៦ ម៉ោង ០២:៤៣

កាលពីថ្មីៗនេះក្រុមហ៊ុន Samsung បានដំឡើងទូរស័ព្ទថ្មីរបស់ខ្លួន Galaxy J3 ក្នុងប្រទេសចិនហើយបានវាយលុកទីផ្សារចិនដាច់អស់ទូរស័ព្ទក្រុមហ៊ុនផ្សេងៗទៀតដូចជា Huawei និង Xiaomi។បន្ទាប់ពីវាយលុកទីផ្សារចិនកាលពីម្សិលមិញហើយឥឡូវនេះវាក៏បានវាយលុកទីផ្សារក្នុងប្រទេសអាមេរិចផងដែរ។បើនិយាយអំពីលក្ខណៈសម្បត្តិរបស់វាវិញ ផ្នែកខាងក្រៅរបស់វាផលិតឡើងពីលោហធាតុដែលមើលទៅស្រដៀងនឹងប្លាស្ទិក។ហើយវាបំពាក់ដោយអេក្រង់ទំហំ 5 អ៊ីញកម្រិត 1280 x 720 ប្រភេទ Super AMOLED។ ម៉ាស៊ីនរបស់វា បំពាក់ដោយ ឈីបប្រភេទ Quad-core ល្បឿន 1.2 GHz អមដោយ រ៉េមទំហំ 1.5GB និងមាន អង្គផ្ទុកទិន្នន័យ ទំហំ 16GB និងអាចបន្ថែម ប្រភេទ MicroSD ដល់ 128GB បានផងដែរ។ចំណែកកាមេរ៉ាវាវិញ មានទំហំ 2 មេហ្កាភិចសែល សម្រាប់កាមេរ៉ាមុខ និងកាមេរ៉ា ក្រោយទំហំ 5 មេហ្កាភិចសែល។ វាដំណើរការ ដោយប្រព័ន្ធ ប្រតិបត្តិការ Android 5.1 Lollipop ចំណែកឯ ថាមពលថ្មវិញ ទំហំ 2600 mAh ។វាក៏ភ្ជាប់មកជាមួយនូវមុខងារពិសេសថ្មីគឺមុខងារ «Easy Mode» ដែលងាយស្រួលក្នុងការប្រតិបត្តិជាងមុនគឺវាសាមញ្ញជាងមុនមានអក្សរនិងរូបកម្មវិធីធំៗជាងមុនផងដែរពោលគឺសម្រាប់មនុស្សចាស់ឬក៏អ្នកមិនដែលធ្លាប់ប្រើស្មាតហ្វូនពីមុនមក។ហើយក៏វាមានតម្លៃសមរម្យផងដែរគឺ 179.99 ដុល្លារ (តម្លៃនៅសហរដ្ឋអាមេរិច)។ប្រភព: Androidauthorityអត្ថបទដោយ: William