trollkhmer news

សង្គមនិងជីវិត

ក្រុមហ៊ុន Sony គ្រោងនឹងនាំយកហ្គេមដែលមាននៅលើ PlayStation របស់ខ្លួនមកកាន់ iOS និង Android

ថ្ងៃទី ២៥ ខែ មិនា ឆ្នាំ ២០១៦ ម៉ោង ០១:៥២

អ្នកដែលធ្លាប់បានលេងហ្គេមកុងសុលដូចជា Xbox ច្បាស់ជាស្គាល់ច្បាស់ហើយនៅក្រុមហ៊ុន Sony ដែលបានចេញឧបករណ៍ហ្គេម PlayStation របស់ខ្លួនហើយល្បីល្បាញទូទាំងសកលផងនោះ។មួយឆ្នាំមុនក្រុមហ៊ុន Nintendo បានគ្រោងនឹងនាំហ្គេមខ្លួនមកទីផ្សារស្មាតហ្វូនឥឡូវនេះយើងបានឃើញហើយគឺហ្គេមសមញ្ញហៅថា Miitomo ដោយឡែកពេលនេះក្រុមហ៊ុន SONY ក៏បានដើរតាម Nintendo ដែរ។ក្រុមហ៊ុនជប៉ុនមួយនេះក៏មានគម្រោងនឹងពង្រីកខ្លួនដោយនឹងនាំចូលទៅក្នុងទីផ្សារស្មាតហ្វូននៅថ្ងៃខាងមុខផងដែរ។កាលពីម្សិលមិញនេះក្រុមហ៊ុន Sony Computer Entertainment Inc. បានចេញសេចក្តីថ្លែងការជាផ្លូវការថាខ្លួនមិនត្រឹមតែប្តូរឈ្មោះទៅជា Sony Interactive Entertainment (SIE) នៅថ្ងៃទី1 ខែមសាខាងមុខប៉ុណ្ណឹងទេ ក្រុមហ៊ុនក៏នឹងដើរតាមគន្លងដោយនឹងធ្វើជាគូរប្រកួតប្រជែងនឹងក្រុមហ៊ុន Nintendo នៅក្នុងទីផ្សារស្មាតហ្វូនផងដែរ។សរុបសេចក្តីមកគឺក្រុមហ៊ុន Sony គ្រោងនឹងចេញហ្គេមសម្រាប់ iOS និង Android។ដើម្បីឲ្យសុបិននោះក្លាយជាការពិតក្រុមហ៊ុន Sony បានបែងចេញនូវក្រុមហ៊ុនថ្មីមួយទៀតហៅថា FowardWorks Corporation ដែលនឹងផ្តោតលើការរចនានិងអភិវឌ្ឍន៍ហ្គេមសម្រាប់ស្មាតហ្វូននិងថេប្លេតហើយហ្គេមទាំងនោះនឹងមាននៅប្រទេសជប៉ុនមុនគេបង្អស់ហើយនិងបណ្តាប្រទេសក្នុងអាស៊ី។ យ៉ាងណាអ្នកដែលជាអ្នកគាំទ្រឧបករណ៍ PlayStation ច្បាស់ជាប្រែប្រួលចិត្តចង់មកលេងលើស្មាតហ្វូនវិញជាមិនខានហើយវាក៏ជាដំណឹងល្អមួយដែរ។

មនុស្ស 6 ត្រូវបានចាប់ខ្លួននៅក្នុងប្រតិបត្តិការរបស់ប៉ូលីសក្រោយពីការបំផ្ទុះគ្រាប់បែកនៅទីក្រុងព្រុចសែល

ថ្ងៃទី ២៥ ខែ មិនា ឆ្នាំ ២០១៦ ម៉ោង ០១:៤២

ពីរថ្ងៃបន្ទាប់ពីការវាយប្រហាររបស់ក្រុមសកម្មប្រយុទ្ធដោយដាក់គ្រាប់បែកបំផ្ទុះក្នុងទីក្រុងព្រុចសែលបានបណ្តាលអោយមនុស្ស 31 នាក់បានស្លាប់នោះ នៅថ្ងៃព្រហស្បតិ៍នេះមនុស្សប្រាំមួយនាក់ត្រូវបានចាប់ខ្លួននៃប្រតិបត្ដិការរបស់ប៉ូលីសនៅក្នុងរដ្ឋធានីប៊ែលហ្សិក នេះបើយោងតាមការិយាល័យរបស់រដ្ឋអាជ្ញាសហព័ន្ធបាននិយាយប្រាប់។ អ្នកនាំពាក្យរបស់លោក Eric Van der Sypt បានឱ្យដឹងថាជនសង្ស័យទាំងបីនាក់ត្រូវបានឃុំខ្លួន "នៅខាងក្រៅការិយាល័យរបស់រដ្ឋអាជ្ញាសហព័ន្ធ" នៅក្នុងកណ្តាលទីក្រុង។មនុស្សពីរនាក់ត្រូវបានចាប់ខ្លួននៅកន្លែងផ្សេងទៀតនៅក្នុងទីក្រុង និងមនុស្សទីប្រាំមួយត្រូវបានឃុំខ្លួននៅតំបន់ Jette នៅជាយក្រុងនៃរដ្ឋធានី នេះបើតាមអ្នកនាំពាក្យនោះបាននិយាយថាប្រាប់ តែមិនបានផ្តល់សេចក្តីលម្អិតបន្ថែមទៀតណាមួយចំពោះអត្តសញ្ញាណទេ។ លោកបានបន្ថែមថា "វានឹងត្រូវសម្រេចចិត្តនៅថ្ងៃស្អែកប្រសិនបើមានដីកាចាប់ខ្លួន (ការចោទប្រកាន់) ត្រូវបាននាំយកមកកាត់ទោសចំពោះជនសង្ស័យទាំងនេះ»។  

នៅ 2 3 ថ្ងៃទៀតភ្នំពេញនិងខេត្តមួយចំនួនទៀតនឹងមានភ្លៀងកក់ខែយោងតាមការប្រកាសរបស់ក្រសួងធានទឹក និងឧតុនិយម

ថ្ងៃទី ២៤ ខែ មិនា ឆ្នាំ ២០១៦ ម៉ោង ០៧:១៦

យោងតាមការប្រកាសហ្វេសប៊ុកផេករបស់ ក្រសួងធនធានទឹក និងឧតុនិយម ៖ នៅរសៀលថ្ងៃទី ២៣ ខែមីនា ឆ្នាំ ២០១៦ មានករណីភ្លៀងកក់ខែ ធ្លាក់ លាយឡំជាមួយនឹងខ្យល់កន្ត្រាក់ ក្នុងភូមិសាស្ត្រ ឃុំសានគរ ស្រុកកំពង់ស្វាយ ខេត្តកំពង់ធំ បានបណ្តាលឱ្យរលំ និងប៉ើងដំបូលផ្ទះប្រជាពលរដ្ឋ និងកុដិព្រះសង្ឃ ។សូមបងប្អូនប្រជាពលរដ្ឋ បង្កើនការយកចិត្តទុកដាក់ប្រុងប្រយ័ត្ន ចំពោះបាតុភូត ផ្គរ រន្ទះ និងខ្យល់កន្ត្រាក់ ដែលនឹងបន្តកើតមាន ៕

អាជីវករ​វៀតណាម​ជាង​៣​ម៉ឺន​នាក់ត្រៀម​ចូល​មក​រកស៊ី​នៅ​កម្ពុជា

ថ្ងៃទី ២៤ ខែ មិនា ឆ្នាំ ២០១៦ ម៉ោង ០៣:៥៩

យោងតាមប្រភពពីគេហទំព័រ Everyday ៖ ក្នុងអំឡុងពេល​កម្ពុជា​បាន​ចូល​ក្នុង​សមាហរណកម្ម​សេដ្ឋកិច្ច​អាស៊ាន​នេះ ប្រជាជន​ក្នុង​បណ្ដា​ប្រទេស​អាស៊ាន​បាន​ចេញចូល​ធ្វើ​អាជីវកម្ម​ទៅ​វិញ​ទៅ​មក ដែល​តម្រូវ​ឱ្យ​កម្ពុជា​ត្រូវការ​ពង្រឹងសមត្ថភាព​ក្នុង​ការ​ប្រកួតប្រជែង​ជាមួយ​ប្រទេស​ជិតខាង ។ អ្វី​ដែល​កម្ពុជា​ត្រូវ​ព្រួយបារម្ភ​បំផុត​នោះ គឺ​ប្រទេស​ជិតខាង​មក​រកស៊ី​នៅ​ក្នុងស្រុក​ខ្មែរ ហើយ​ប្រមូល​លុយ​យ៉ាងច្រើន​ពី​ស្រុក​ខ្មែរ​ទៅ​ស្រុក​គេ​វិញ ខណៈ​កម្ពុជា​ក៏​អាច​ធ្វើ​បាន​នូវ​អាជីវកម្ម​ទាំងនោះ និង​មិនដឹង​ថា តើ​មាន​អាជីវករ​កម្ពុជា​ប៉ុន្មាន​នាក់ ដែល​អាច​មាន​សមត្ថភាព​ចេញ​ទៅ​ធ្វើ​អាជីវកម្ម​នៅ​ប្រទេស​ក្រៅ​បាន ។ នេះ​ជា​ការ​លើក​ឡើង​របស់​ប្រធាន​គណៈកម្មាធិការ​សាខា​យុវជន​សេដ្ឋកិច្ច​រាជធានី​ភ្នំពេញ លោក​ឡី សុភាព ។លោក​ឡី សុភាព មាន​ប្រសាសន៍​យ៉ាង​ដូច្នេះ​ថា​៖ « កំណើន​គម្រោង​វិនិយោគិន​ខ្នាត​តូច និង​មធ្យម​របស់​វៀតណាម​ត្រៀម​ចូល​មក​វិនិយោគ​នៅ​កម្ពុជា​ប្រមាណ​ជាង​៣​ម៉ឺន​នាក់ ហើយ​សួរ​ថា តើ​កម្ពុជា​បាន​ត្រៀមខ្លួន​ប៉ុន្មាន​ម៉ឺន​នាក់​ទៅ​រកស៊ី​នៅ​ប្រទេស​វៀតណាម​វិញ ។ ក្រៅពី​នោះ ក៏​មាន​ថៃ ម៉ា​ឡេ​ស៊ី និង​ប្រទេស​ផ្សេង​ទៀត​ចូល​មក​ដែរ តែ​ខ្ញុំ​បាន​ស្នើ​សុំ​ដល់​ថ្នាក់ដឹកនាំ កុំ​ទាន់​អនុញ្ញាត​ច្បាប់​ឱ្យ​ពួក​គេ​ទាំងនោះ​ចូល​មក​អី យើង​ត្រូវការ​ពង្រឹង​ដល់​អាជីវករ​ក្នុងស្រុក​យើង​ជា​មុន​សិន » ។លោក​បន្ថែម​ថា ៖ « បើសិនជា​ពួក​គេ​ចូល​មក​បើក​អាជីវកម្ម​ដោយ​មាន​ស្តង់ដា​ត្រឹមត្រូវ ឧទាហរណ៍​ថា នៅ​ខណ្ឌ​មួយ​នៃ​រាជធានី​ភ្នំពេញ ការ​បើក​អាជីវកម្ម​ភោជនីយដ្ឋាន​១០​កន្លែង មាន​ស្តង់ដា​ត្រឹមត្រូវ​នោះ អាជីវករ​ខ្មែរ​ប្រហែលជា​ដេក​ហើយ ព្រោះ​ប្រជាពលរដ្ឋ​ខ្មែរ​ភាគច្រើន គាត់​ចូល​ចិត្ត​ទៅ​ញ៉ាំ​នៅ​កន្លែង​ណា​ដែល​ល្អ មាន​អនាម័យ និង​ស្តង់ដា​ត្រឹមត្រូវ ។ ពួក​នោះ​គេ​មក​មិន​ត្រឹមតែ​មាន​ស្តង់ដា​នោះ​ទេ គេ​មាន Brand (​ម៉ាក​យីហោ​) របស់​គេ​ត្រឹមត្រូវ​ផង​ដែរ ហើយ​ខ្មែរ​យើង​ពេល​នេះ​ក៏​ចូល​ចិត្ត​ហាង Brand នោះ​ទៀត ។ ជាក់ស្ដែង ខារ៉ាអូខេ ភោជនីយដ្ឋាន​ធម្មតា​ៗ​មិនសូវ​ចូល​ទេ តែបើ​ខារ៉ាអូខេ និង​ភោជនីយដ្ឋាន​ដែល​មាន Brand អស់​ប៉ុន្មាន​ក៏​ចូល​ដែរ » ។លោក​បន្ថែម​ទៀត​ថា ៖ « Brand របស់​វៀតណាម​មួយ​ចំនួន​ដែល​កំពុង​បើក​ដំណើរការ​នៅ​ក្នុង​ប្រទេស​កម្ពុជា គឺ​បាន​ស្នើ​សុំ​បន្ថែម​សាខា​ជា​ច្រើន​ទៀត ដូច​ជា បៀរហ្គាឌិន និង​ខារ៉ាអូខេ ដែល​មាន​ស្តង់ដា​ត្រឹមត្រូវ តែ​សូម​ឱ្យ​មន្ទីរ​ទេសចរណ៍​រាជធានី​ភ្នំពេញ កុំឱ្យ​ទាន់​អនុញ្ញាត​ច្បាប់ ដោយ​ទុក​ពេល​ឱ្យ​សហគ្រិន​ក្នុងស្រុក​ពង្រឹងសមត្ថភាព និង​ធ្វើ​ឱ្យ​ខ្លួនឯង​វិញ ។ វៀតណាម​គេ​ស្នើ​សុំ​បើក Brand របស់​គេ​នៅ​ភ្នំពេញ​២០​កន្លែង​ទៀត​ក្នុង​មួយ​ខណ្ឌ តែ​ខ្ញុំ​សុំ​ខាង​មន្ទីរ​ទេសចរណ៍ កុំ​ទាន់​អនុញ្ញាត​ច្បាប់​ឱ្យ​ពួក​គេ គឺ​ទុក​ពេល​ឱ្យ​យើង​ធ្វើ​បន្តិច​សិន ។ បើ​គេ​មក​បើក​មួយ​ខណ្ឌ​២០​កន្លែង​នោះ អាជីវករ​នៅ​ភ្នំពេញ​យើង​ដេក​ហើយ ដូចនេះ​ត្រូវ​ទប់ស្កាត់​សិន​។ បើ​មិន​អ​ញ្ចឹ​ង​ទេ វៀតណាម​នឹង​មក​កើប​លុយ​ពី​ស្រុក​យើង​យក​ទៅ​ស្រុក​គេ​អស់ហើយ » ។លោក​បញ្ជាក់​ថា ៖ « ការ​ដែល​វិនិយោគិន​បរទេស​មក​វិនិយោគ​នៅ​ស្រុក​ខ្មែរ វា​មាន​ផល​ចំណេញ​ក៏​ពិតមែន ត្រឹម​កម្មករ​ដែល​ស៊ី​ឈ្មួ​ល​គេ និង​បាន​តិចតួច​នៅឡើយ តែ​សម្រាប់​លុយ​ធំ​រាប់​លាន​ដុល្លារ​វិញ​នោះ គេ​នឹង​វេច​ទៅ​ស្រុក​គេ​វិញ ចុះ​បើសិនជា​វិនិយោគិន​កម្ពុជា វិនិយោគ​ដោយ​ខ្លួនឯង​នោះ លុយ​ទាំង​ប៉ុន្មាន​ក៏​ជា​របស់​កម្ពុជា ហើយ​កម្មករ​ក៏​ធ្វើការ​នៅ​កម្ពុជា វា​ពិតជា​ចំណេញ​ច្រើន​ជាង​ឱ្យ​គេ​មក​វិនិយោគ​ជំនួស » ។ចំណែក​លោក តាំង សុចិត្ត​គ្រឹ​ស្នា ប្រធាន​មន្ទីរ​ទេសចរណ៍​រាជធានី​ភ្នំពេញ ក៏​បាន​មាន​ប្រសាសន៍​ដែរ​ថា ៖ « ការ​ប្រកួតប្រជែង ក៏​ត្រូវ​តែ​មានច្បាប់​ទម្លាប់​ត្រឹមត្រូវ​ផង​ដែរ​នៅ​គ្រប់​ប្រភេទ​អាជីវកម្ម​តូច​ធំ ។ រហូត​មក​ដល់​ពេល​នេះ យើង​បាន​បង្កើត​ច្រក​ចេញចូល​តែ​មួយ​ដើម្បី​សម្រួល​ដល់​អាជីវកម្ម​តូច​ៗ​ក្នុង​ការ​ស្នើ​សុំ​ច្បាប់​បើក​អាជីវកម្ម ដែល​កន្លង​មក​មានការ​ពិបាក​សម្រាប់​ម្ចាស់​អាជីវកម្ម » ។លោក​មាន​ប្រសាសន៍​បន្ត​ថា ៖ « មន្ទីរ​ទេសចរណ៍​នឹង​ខិតខំ​ធ្វើ​យ៉ាងណា ឱ្យ​ម្ចាស់​អាជីវកម្ម​មានការ​ប្រកួតប្រជែង​មួយ​ដែល​ត្រឹមត្រូវ តែ​ក៏​ត្រូវ​មានការ​ចូលរួម​ពី​ម្ចាស់​អាជីវកម្ម​ផ្ទាល់​ផង​ដែរ ដើម្បី​ធ្វើ​ឱ្យ​អាជីវកម្ម​របស់​ពួក​គាត់​មាន​ស្តង់ដា​ត្រឹមត្រូវ » ៕

អានអត្ថបទនេះហើយទើបដឹងថាមុខងារ Night Shift ដែលមានក្នុង iOS 9.3 មានសារៈប្រយោជន៍ប៉ុណ្ណា

ថ្ងៃទី ២៤ ខែ មិនា ឆ្នាំ ២០១៦ ម៉ោង ០៣:១៤

ព្រឹត្តិការណ៍ដ៏ធំរបស់ក្រុនហ៊ុន Apple កាលពីថ្ងៃចន្ទទី 21 ទើបតែបានកន្លងផុតទៅដោយ Apple បានចេញផលិតផលអេឡិចត្រូនិចរបស់ខ្លួននិងកម្មវិធីថ្មីៗជាច្រើន។ក្នុងនោះមានទូរស័ព្ទសេរីទំហំ 4 អ៊ីញថ្មីដែលមានរូបរាងដូចទៅនឹងទូរស័ព្ទ iPhone 5s ទាំងស្រុងគេហៅថា iPhone SE, ថេប្លេតទំហំ 9.7 អ៊ីញថ្មីត្រកូល iPad Pro, នាឡិកាឆ្លាតវៃថ្មីជាមួយនឹងខ្សែនាឡិកាផលិតពីនីឡុងផងដែរ, ប្រព័ន្ធប្រតិបត្តិការណ៍ watch OS 2.2 សម្រាប់នាឡិកាឆ្លាតវៃនិងប្រព័ន្ធប្រតិបត្តិការណ៍ iOS 9.3 សម្រាប់ទូរស័ព្ទនិងថេប្លេត។តើនៅក្នុងប្រព័ន្ធប្រតិបត្តិការណ៍នោះមានលក្ខណៈឬមុខងារអ្វីពិសេសថ្មី។លើកនេះក្រុមហ៊ុន Apple បានខ្វាយខ្វល់ទៅលើសុខភាពអ្នកប្រើប្រាស់ឧបករណ៍អេឡិចត្រូនិចរបស់ខ្លួនដោយនៅក្នុង iOS 9.3 អ្វីដែលពិសេសនោះគឺវាមានមុខងារ «Night Shift»។អ្នកមិនបានដឹងនិងមិនបានស្រាវជ្រាវបានដឹងច្រើនគឺពន្លឺពណ៌ខៀវដែលចាំងចេញពីអេក្រង់ឧបករណ៍អេឡិចត្រូនិចទំនើបៗទាំងនោះ (ទូរស័ព្ទ,ថេប្លេត,ទូរទស្សន៍ ជាដើម) ពន្លឺខៀវនោះនឹងធ្វើឲ្យអ្នកមិនងងុយគេងបានឬបង្កើតជាបញ្ហាការគេងមិនលក់ជាដើមនៅពេលប្រើប្រាស់ហើយ។ការសិក្សាស្រាវជ្រាវមួយទៀតបានចេញថា«បើសិនជាអ្នកសម្លឹងមើលពន្លឺពណ៌ខៀវដែលចេញពីទូរស័ព្ទអ្នកនេះរយៈពេល 30 នាទី នោះមុនពេលចូលគេងមួយម៉ោង នោះវានឹងពន្យារមិនឲ្យអ្នកគេង 30 នាទីដែរ ម៉្យាងទៀតអ្នកក៏នឹងមានហានិភ័យខ្ពស់ក្នុងការកើតជំងឺមហារីកទៀតផងនេះបើតាមនេះបើតាមសមាគម៍វេជ្ជសាស្រ្តសហរដ្ឋអាមេរិច។វាក៏នឹងប៉ះពាល់ដល់អារម្មណ៍និងសុខភាពផ្លូវចិត្តរបស់អ្នកពីព្រោះពន្លឺនេះប៉ះពាល់ដល់ទម្លាប់នៃការគេងរបស់អ្នកនិងការគេងនៃរាងកាយរបស់អ្នកតាមបែបធម្មជាតិ។ការគេងមិនបានគ្រប់គ្រាន់ក៏នឹងធ្វើឲ្យអ្នកមានអារម្មណ៍មួម៉ៅឆាប់ខឹងនិងស្រ្តេសជាដើម សម្រាប់អ្នកដែលចូលចិត្តប្រើប្រាស់ ទូរស័ព្ទ ថេប្លេត កុំព្យូទ័រមុនចូលដំណេកប្រហែលជាចូលចិត្តមុខងារនេះហើយ។មុខងារ Night Shift នេះជួយបន្ថយពន្លឺពណ៌ខៀវដែលចេញ iPhone ឬ iPad របស់អ្នក ជាមួយនឹងលទ្ធផលវានឹងធ្វើឲ្យអ្នកឆាប់គេងបានរហ័សនាពេលយប់។និយាយរួមទៅមុខងារ Night Shift គឺដូចនឹងកម្មវិធី f.lux ដែលមាននៅលើកុំព្យូទ័រ Desktop ដូចជានៅក្នុងប្រព័ន្ធប្រតិបត្តិការណ៍ Window, OS Mac និង Linux។មុខងារ Night Shift នឹងផ្លាស់ប្តូរនូវពណ៌ដែលចេញលើអេក្រង់នេះពីពណ៌ខៀវទៅជាពណ៌លឿងដូចរូបខាងក្រោម។*ចំណាំ: មុខងារនេះមានតែនៅលើប្រព័ន្ធប្រតិបត្តិការណ៍ iOS 9.3 ហើយអាចប្រើប្រាស់បានតែសេរី iPhone 5s ឡើងទៅលើ, iPod Touch ជំនាន់ទី6, iPad Air ឡើងទៅ, ិiPad Mini 2 ឡើងទៅនិង iPad Pro ប៉ុណ្ណោះគួរឲ្យសោកស្តាយដែលវាមិនអាច Support បានទាំងអស់។ចំពោះការបើកមុខងារនេះនិងប្រើប្រាស់វាវិញគឺមិនពិបាកនិងសាំញាំអ្វីច្រើនឡើយ:អ្នកគ្រាន់តែធ្វើការអូសចេញពីខាងក្រោម Home Button ទៅលើនោះអ្នកនឹងឃើញ Control Center នៅខាងក្រោមហើយអ្នកគ្រាន់តែចុចលើរូបព្រះអាទិត្យអ្នកនឹងឃើញអេក្រង់អ្នកប្រែពន្លឺប្លែកពីមុនអ្នកក៏អាចធ្វើការកែតម្រូវនិងសម្រួលពន្លឺពណ៌លឿងនេះបានដោយចូលទៅកាន់ Setting --> Display & Brightness --> ចុចលើពាក្យ Night Shift។អ្នកអាចធ្វើការកែសម្រួលពណ៌ដោយអូសតាមកន្លែង COLOR TEMPERATURE នោះបានម៉្យាងទៀតអ្នកក៏អាចកំណត់ឲ្យវាបើកនៅពេលណាពេលណាបានដោយគ្រាន់ចុចអូសបើកអក្សរ Schedule នោះអ្នកអាចកំណត់ពេលវារបស់វាបានហើយថ្ងៃនេះ ធូដេខេអេជ សូមលើកឡើងនូវមុខងារមួយនេះព្រោះវាជួយសម្រួលដល់ការប៉ះហើយគិតថាវាមានសារៈសំខាន់សម្រាប់សុខភាព។

កូរ៉េខាងជើងព្រមានបាញ់មីសុីលកំទេចការិយាល័យប្រធានាធិបតីកូរ៉េខាងត្បូង

ថ្ងៃទី ២៤ ខែ មិនា ឆ្នាំ ២០១៦ ម៉ោង ០២:៤៦

ទីភ្នាក់ងារសារព័ត៌មានចិនស៊ីនហួបានឱ្យដឹងថា កូរ៉េខាងជើងនៅថ្ងៃពុធនេះបានគំរាមបើកការវាយប្រហារលើការិយាល័យប្រធានាធិបតីកូរ៉េខាងត្បូង ដែលជាការឆ្លើយតបចំពោះអាម៉េរិក និងកូរ៉េខាងត្បូងដែលនៅតែបន្តធ្វើសមយុទ្ធយោធារួមគ្នា។ទីភ្នាក់ងារព័ត៌មានរបស់រដ្ឋ KCNA ដកស្រង់សេចក្តីថ្លែងការណ៍មួយដែលចេញផ្សាយដោយគណៈកម្មាធិការសម្រាប់ការបង្រួបបង្រួមកូរ៉េដោយសន្តិភាពថា កងកម្លាំងប្រដាប់អាវុធកូរ៉េខាងជើងត្រូវបានណែនាំ ដើម្បីត្រៀមប្រយុទ្ធសងសឹក និងលុបបំបាត់រដ្ឋការប្រធានាធិបតីកូរ៉េខាងត្បូងលោកស្រី Park Geun -hye ។ និងថា ការវាយប្រហារនេះអាចចាបផ្តើមពីការិយាល័យប្រធានាធិបតី Cheongwadae ឬទីតាំងនៅក្បែរនោះផងដែរ។សេចក្តីថ្លែងការណ៍នេះបានគំរាមថានៅពេលដែលប៊ូតុងរបស់គ្រាប់រ៉ុក្កែតទ្រង់ទ្រាយធំត្រូវបានចុច ការិយាល័យប្រធានាធិបតីនឹងត្រូវបាត់ "ក្លាយជាផេះ»។គួរបញ្ជាក់ថា កាលពីថ្ងៃចន្ទ មេដឹកនាំកំពូលកូរ៉េខាងជើងលោក គីម ជុងអ៊ុន បានដឹកនាំការបាញ់សាកល្បងគ្រាប់រ៉ុក្កែតរយៈចំងាយឆ្ងាយប្រភេទថ្មីដែលមានសមត្ថភាពបាញ់រ៉ុក្កែតចម្រុះហើយនេះជាលើកទីពីរដែលលោកបានមើលការបាញ់សាកល្បងក្នុងរយៈពេលមួយខែ។ក្នុងពេលដែលដឹកនាំការបាញ់សាកល្បងគ្រាប់រ៉ុក្កែតប្រភេទថ្មីជាលើកដំបូងកាលពីថ្ងៃទី៣ ខែមីនា លោកគីមបានបញ្ជាឱ្យកងយោធាឱ្យត្រៀមបាញ់ក្បាលគ្រាប់នុយក្លេអ៊ែរដែលបានដាក់ពង្រាយរួចជាស្រេច នៅពេលណាមួយ។នៅថ្ងៃទី៧ ខែមីនាកូរ៉េ ខាងត្បូងនិងសហរដ្ឋអាមេរិកបានចាប់ផ្តើមល្បែងសង្គ្រាមប្រចាំឆ្នាំរួមគ្នាមានឈ្មោះថា "Key Resolve" និង "Foal Eagle" ។ការធ្វើសមយុទ្ធ "Key Resolve" បានបញ្ចប់កាលពីថ្ងៃសុក្រ ចំណែកសមយុទ្ធ "Foal Eagle" ត្រូវហ្វឹកហាត់នៅនឹងកន្លែងេរហូតដល់ថ្ងៃទី៣០ ខែមេសា។ ក្រុងព្យុងយ៉ាងបានថ្កោលទោសម្តងហើយម្តងទៀតចំពោះសមយុទ្ធយោធារួមគ្នារវាងអាម៉េរិក និងកូរ៉េខាងត្បូង ដោយអះអាងថាពួកគេហាត់សមសម្រាប់សង្រ្គាមចូលលុកលុយឆ្ពោះទៅខាងជើង"៕

សហរដ្ឋអាមេរិចវាយប្រហារពីលើអាកាសចំកន្លែងវឹកហាត់របស់ពួកអាល់កៃដាបណ្តាលឱ្យមនុស្សរាប់សិបនាក់ស្លាប់និងរបួស

ថ្ងៃទី ២៣ ខែ មិនា ឆ្នាំ ២០១៦ ម៉ោង ១៥:២៦

អ្នកនាំពាក្យមន្ទីរបញ្ចកោណបាននិយាយថាយោធារបស់សហរដ្ឋអាមេរិកបានធ្វើការវាយប្រហារតាមអាកាសមួយប្រឆាំងនឹងជំរំបណ្តុះបណ្តាអាល់កៃដាកាលពីថ្ងៃអង្គារនៅយេម៉ែនបណ្តាលឱ្យមនុស្សរាប់សិបនាក់ស្លាប់និងរបួស។ អ្នកនាំពាក្យមន្ទីរបញ្ចកោណលោក Peter Cook បាននិយាយថាជំរំហ្វឹកហាត់នោះបានរកឃើញនៅលើភ្នំហើយត្រូវបានគេត្រូវបានប្រើដោយភេរវករដែលជាកម្មសិទ្ធិរបស់អាល់កៃដានៅឧបទ្វីបអារ៉ាប់។Cook បានមិនបានបញ្ជាក់ពីទីតាំងនៃជំរំប៉ុន្តែមន្ត្រីសន្តិសុខយេម៉ែននិងសាក្សីបាននិយាយថាការវាយប្រហារបានប៉ះពាល់ដល់អតីតមូលដ្ឋានទ័ពដែលត្រូវបានកាន់កាប់ដោយពួកសកម្មប្រយុទ្ធអាល់កៃដាមានចំងាយប្រហែល 75 គីឡូម៉ែត្រ (47 ម៉ាយល៍) ភាគខាងលិចនៃទីក្រុង Mukalla ជាតំបន់ដ៏រឹងមាំរបស់ក្រុមភេរវកម្ម  ។

អ្នកនាំពាក្យក្រសួងធនធានទឹកថា ខេត្តចំនួន៣របស់កម្ពុជា បាន កំពុងជួបប្រទះការខ្វះទឹកប្រើប្រាស់និងសម្រាប់កសិកម្ម

ថ្ងៃទី ២៣ ខែ មិនា ឆ្នាំ ២០១៦ ម៉ោង ០៧:៣៤

ភ្នំពេញ៖ អ្នកនាំពាក្យក្រសួងធនធានទឹក និងឧតុនិយមកម្ពុជា អះអាង ថា ក្រសួងធនធានទឹកថា ខេត្តចំនួន៣របស់កម្ពុជា បានកំពុងជួបប្រទះ ការខ្វះទឹកប្រើប្រាស់និងសម្រាប់កសិកម្មដែលត្រូវការវិធានការដោះស្រាយជាបន្ទាន់។លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយម បានប្រសាសន៍នៅព្រឹកថ្ងៃទី២៣ មីនានេះ ថា ក្រសួងធនធានទឹក បានចាត់វិធានការណ៍ជួយសង្រ្គោះប្រជាពលរដ្ឋដែលកំពុងប្រឈមនិងការខ្វះខាតទឹកតាមរយៈដាក់ម៉ាស៊ីនបូមទឹកចល័ត ជីកប្រឡាយមេនៅតាមតំបន់ដែលមានប្រភពទឹក។លោក បន្តថា តំបន់ដែលគ្មានប្រភពទឹក ក្រសួងធនធានទឹក និង ក្រសួងអភិវឌ្ឍន៍ជនបទ បានជី កអណ្តូងទាញយកទឹកមកប្រើប្រាស់ តាមភាពជាក់ស្តែង។លោក បញ្ជាក់ថា ខេត្តដែលរងការប៉ះពាល់ខ្លាំងគឺមានខេត្តកំពង់ចាម កំពង់ធំ បន្ទាយមានជ័យ ខណៈដែលខេត្តមួយចំនួនទៀតរួមមាន៖ ខេត្តកណ្តាល ខេត្តតាកែវ ខេត្តកំពង់ស្ពឺ ខេត្តកំពង់ ខេត្តស្វាយរៀង បានអាចនឹងប្រឈមនឹងការខ្វះខាតទឹកប្រើប្រាស់នៅពេលដ៏ខ្លីខាងមុខនេះ ប្រសិនបើមានភ្លៀងកក់ខែនោះទេ៕

គេហទំព័រអនឡាញមួយដាក់លក់ស្រោមជើងដែលមានរូបប្រាសាទអង្គរវត្ត

ថ្ងៃទី ២៣ ខែ មិនា ឆ្នាំ ២០១៦ ម៉ោង ០៧:២៣

គេហទំព័រលក់ខោអាវតាមអិនធើណេតមួយឈ្មោះ repcambodia បានដាក់លក់ស្រោមជើងដែលមានរូបប្រាសាទអង្គរវត្តក្នុងតំលៃ $23.99 ។ ចំពោះបញ្ហានេះវិញខាងគេហទំព័រយើងខ្ញុំអាចបញ្ចេញយោបល់អ្វីច្រើននោះទេ គឺខ្ញុំគ្រាន់តែបង្ហាញអោយលោកអ្នកមើលពិចារណាតាមការគួរ ។ ហើយនេះគឺជាតំណភ្ជាប់ទៅកាន់គេហទំព័រដែលបានដាក់ស្រោមជើងមានរូបប្រាសាទអង្គរវត្ត សូមចុចទីនេះ