trollkhmer news

សង្គមនិងជីវិត

បុរសក្លាហានម្នាក់ជួយសង្គ្រោះជីវិតស្រី្តម្នាក់ដែលបានធ្លាក់ពីលើអាគារជាន់ទី១១ (វីឌីអូ)

ថ្ងៃទី ២៩ ខែ ធ្នូ ឆ្នាំ ២០១៥ ម៉ោង ០៤:១០

ខណៈពេលដែលមនុស្សភាគច្រើនមានការតក់ស្លុតមិនអាចធ្វើអី្វបាន ស្រាប់តែបុរសជនជាតិចិនវ័យក្មេងក្លាហានម្នាក់បានចាត់វិធានការជាបន្ទាន់ដោយបានដាក់ខ្លួនឯងនៅក្នុងផ្លូវប្រកបដោយគ្រោះថ្នាក់ដើម្បីព្យាយាមចាប់ទ្រស្ត្រីម្នាក់ខណៈដែលនាងកំពុងធ្លាក់ពីអាគារជាន់ទី១១ចុះដល់ដីនៅក្នុងទីក្រុង Enchi ក្នុងខេត្ត Hubei ភាគកណ្តាលប្រទេសចិន។ តាមការរាយការណ៍របស់សារពត៌មានអៀរឡង់ Times បានអោយដឹងថាបុរសម្នាក់នេះ ត្រូវបានចាកចេញពីភោជនីយដ្ឋានមួយនៅពេលដែលគាត់បានឮសំឡេងស្រែករបស់នាងភ្លាមៗគាត់ក៍បានប្រញាប់ប្រញាលទៅជួយសង្គ្រោះស្ត្រីរងគ្រោះ។ បុរសដែលបានជួយសង្គ្រោះស្ត្រីរងគ្រោះត្រូវបានសន្លប់ភ្លាមបន្ទាប់ពីមានការប៉ះទង្គិចយ៉ាងខ្លាំងធ្វើអោយគាត់រងរបួសត្រង់ជង្គង់និងជើងហើយត្រូវបានដឹកទៅព្យាបាលនៅមន្ទីរពេទ្យផងដែរ។ សូមមើលវីឌីអូខាងក្រោម ប្រភព uniladប្រែសំរួលដោយ Justin

អាគារខ្ពស់កប់ពពកមានកំពស់១គីឡូម៉ែតខ្ពស់ជាងគេក្នុងលោកនឹងបញ្ចប់ការសាងសង់នៅឆ្នាំ២០២០

ថ្ងៃទី ២៩ ខែ ធ្នូ ឆ្នាំ ២០១៥ ម៉ោង ០៣:០០

ឌូបៃ ជាទីក្រុងដែលពោរពេញទៅដោយអាគារខ្ពស់ជាច្រើនដែលមានតំលៃថ្លៃជាងគេបំផុត ឥលូវនេះមានគូប្រកួតប្រជែងហើយគឺប្រទេស អារ៉ាប៊ីសាអូឌីត បានកំពុងសាងសង់អាគារខ្ពស់កប់ពពកដែលមានកំពស់ដល់ទៅ១គីឡូម៉ែតឯណោះ។ អាគារមួយនេះនឹងត្រូវបានគេរំពឹងទុកថានឹងប្រើប្រាស់បេតុងអស់ 5,7 លានគីប ហើយប្រើប្រាស់  80,000 តោននៃដែកថែប ដែលនឹងត្រូវចំណាយទឹកប្រាក់ប្រហែល $ 1,23 ពាន់លានដុល្លារ ។   អគារ Burj Khalifa របស់ទីក្រុង ឌូបៃអាចនឹងត្រូវដកហូតពានរង្វាន់អាគារខ្ពស់ជាងគេបំផុតក្នុងលោកប្រសិនបើគំរោងរបស់អាគារ Kingdom Tower ក្នុងទីក្រុង Jeddah ប្រទេសអារ៉ាប៊ីសាអូឌីត ទទួលបានជោគជ័យក្នុងការសាងសង់ ដែលសព្វថ្ងៃកំពុងតែសាងសង់ដល់ជាន់ទី២៦ ហើយនឹងត្រូវបញ្ចប់នៅឆ្នាំ២០២០  ។ ប្រភព CNNប្រែសំរួលដោយ Justin

កងទ័ពអ៊ីរ៉ាក់វាយរំដោះបានទីក្រុងរ៉ាម៉ាឌីពីពួករដ្ឋអ៊ីស្លាមវិញ

ថ្ងៃទី ២៨ ខែ ធ្នូ ឆ្នាំ ២០១៥ ម៉ោង ១១:៣៩

យោងតាមអ្នកនាំពាក្យកងទ័ពអ៊ីរ៉ាកលោក Brig Yahya Rasul បាននិយាយថាកងទ័ពរបស់យើងបានទទួលជ័យជំនះទៅលើពួករដ្ឋអ៊ីស្លាមហើយបានដណ្តើមកាន់កាប់ទីក្រុងរ៉ាម៉ាឌីបានវិញហើយបន្ទាប់ពីឡោមព័ទ្ធវាយប្រហាររយៈពេលជាច្រើនសប្តាហ៍ក្រោមការជួយជ្រោមជ្រែងវាយប្រហារតាមអាកាសដោយក្រុមចំរុះដែលដឹកនាំដោយសហរដ្ឋអាមេរិច ។ ទីក្រុងរ៉ាម៉ាឌីបានធ្លាក់ចូលក្នុងដៃក្រុមពួករដ្ឋអ៊ីស្លាមតាំងពីខែឧសភាមកម្លេះដែលជាការបរាជ័យយ៉ាងអាម៉ាសសំរាប់កងទ័ពអ៊ីរ៉ាក់។ ប្រភព BBC ប្រែសំរួលដោយ Justin

ស្មា​ត​ហ្វូ​ន​ស៊េរី​ថ្មី​របស់ LG V10 លក់ដាច់​នៅ​អា​មេ​រិ​ក

ថ្ងៃទី ២៨ ខែ ធ្នូ ឆ្នាំ ២០១៥ ម៉ោង ០២:០៥

ក្រុមហ៊ុន LG បានប្រកាសពីការលក់ជោគជ័យរបស់ស្មាតហ្វូនស៊េរីថ្មីរបស់ខ្លួនគឺ V10 អស់ចំនួន៤៥០.០០០គ្រឿង ក្នុងរយៈពេល១ខែកន្លះ (៤៥ថ្ងៃ) អាមេរិកខាងជើង ។ នេះមានន័យថា ទូរស័ព្ទចំនួន១០.០០០គ្រឿងលក់អស់ជារៀងរាល់ថ្ងៃ ។ តាមរយៈការលក់ក្រុមហ៊ុន LG មានមោទនភាពយ៉ាងខ្លាំងចំពោះសមិទ្ធផលនេះ ។ក្រុមហ៊ុន LG បានគ្រប់គ្រងទីផ្សារទូរស័ព្ទអាមេរិកយ៉ាងសម្បើមដៃជាមួយនឹងអេក្រង់ទំហំ៥.៧អ៊ីញរបស់ V10 និងអេក្រង់ធំជាងនេះ ។ ចំណែកទីផ្សាររបស់ក្រុមហ៊ុនបានកើនឡើងពី២៦,៧ភាគរយដល់៣៥,៧ ភាគរយដោយសារតែការរចនា និងការបំពាក់បច្ចេកវិទ្យាទំនើបរបស់ V10 ។ ទន្ទឹមគ្នានេះដែរ ស្មាតហ្វូន V10 ត្រូវបានគេរាយការណ៍ថា មានការពេញនិយមខ្លាំងពីអតិថិជនអាមេរិកវ័យជំទង់ ហើយថែមទាំងបានកោតសរសើរពីផលិតកម្មរបស់វា និងសមត្ថភាពអស្ចារ្យផងដែរ ។V10 ត្រូវបានប្រកាសជាផ្លូវការកាលពីខែតុលាដែលមានអេក្រង់៥.៧អ៊ីញ ។ កញ្ចក់ប្រភេទ Corning Gorilla Glass ជំនាន់ទី៤ មានភាពរឹងមាំ ។ កាមេរ៉ាមុខ៥មេហ្គាភិចស៊ែល និងកាមេរ៉ាក្រោយ១៦មេហ្គាភិចស៊ែល ។ RAM 4 ជី ផ្ទុកក្នុងម៉ាស៊ីនចំនួន៦៤ជី។ វាបានដំណើការដោយប្រព័ន្ធប្រតិបត្តិការ Android OS 5.1.1 (Lollipop) និងមានថាមពលថ្មប្រើប្រាស់ ៣០០០មីល្លីអំពែ ។ លើសពីនេះទៅទៀត វាបញ្ចូលថ្មបានលឿនក្នុងរយៈពេល៤០នាទីបាន ៥០ភាគរយ ។ ពណ៌សម្រាប់ជ្រើសរើសមានដូចជាពណ៌ខៀវ ស ខ្មៅ ៕ប្រភព Everyday 

សម្តេចតេជោ ហ៊ុនសែន ប្រកាសឈប់យកលុយពីរថយន្តគ្រួសារតាមផ្លូវ វេងស្រេង!

ថ្ងៃទី ២៧ ខែ ធ្នូ ឆ្នាំ ២០១៥ ម៉ោង ១៥:៤០

យោងតាមផេកហ្វេសប៊ុករបស់ សម្តេច តេជោ ហ៊ុនសែន បានមានប្រសាសន៍ថា ៖ បងប្អូនដែលរស់នៅតាមបណ្តោយផ្លូវវែងស្រេងជាទីស្រឡាញ់!ខ្ញុំទើបបានដឹងរឿងដែលរថយន្តគ្រួសាររស់នៅតាមបណ្តោយផ្លូវវែងស្រេងត្រូវក្រុមហ៊ុនយកប្រាក់ ១១០០ រៀលក្នុងរថយន្ត១គ្រឿង ឬ ត្រូវបិទ sticker ក្នុងតម្លៃ១៣២០០០ រៀលក្នុងរថយន្ត១គ្រឿង នេះបើតាមការបញ្ជាក់របស់បងប្អូនដែលបានផ្ញើព័ត៌មានពិតមកកាន់បណ្តាញទំនាក់ទំនងសង្គមហ្វេសប៊ុគ (Facebook) របស់ខ្ញុំ។ ចំណែកអាជា្ញធរបញ្ជាក់ថា ៤០.០០០ រៀល១គ្រឿង។សំរាប់ខ្ញុំ ទោះតម្លៃមួយណាក៏ដោយបងប្អូនមិនត្រូវបង់ថ្លៃផ្លូវឬបង់ថ្លៃធ្វើ sticker នោះទេ។ ខ្ញុំបានបញ្ជារឱយអភិបាលក្រុងធ្វើ Sticker ជូនបងប្អូនដោយមិនចាំបាច់បង់ប្រាក់សំរាប់រថយន្តគ្រួសារដែលរស់នៅតាមបណ្តោយផ្លូវនិងស្ថិតក្នុងតំបន់ដែលក្រុមហ៊ុនធ្វើវិនិយោគ។ បងប្អូនត្រូវបំពេញកាត្វកិច្ចបង់ពន្ឋផ្លូវជូនរដ្ឋតាមការកំណត់នៃច្បាប់ តែមិនត្រូវបង់ថ្លៃផ្លូវមុខផ្ទះបងប្អូននោះទេ។សាលាក្រុងភ្នំពេញត្រូវចាត់កម្លាំងចុះធ្វើ Sticker ជូនបងប្អូនបន្ទាន់។ សុំអរគុណបងប្អូនដែលបានផ្តល់ពត៏មានពិតដល់ខ្ញុំ។ អរគុណចំពោះក្រុមហ៊ុនដែលបានឆ្លើយតបភ្លាមៗចំពោះការចាត់ការរបស់ខ្ញំ។ កោតសសើរឯកឧត្តមប៉ា សុជាតិវង្ស ដែលបានចាត់ការភ្លាមៗ ដើម្បីដោះស្រាយកង្វល់របស់ប្រជាជន។ សូមបញ្ជាក់ថា ខ្ញុំទទួលនឹងជួយ ដោះស្រាយរឿងពិតប្រាកដដែលជាទុក្ខកង្វល់របស់ប្រជាជន។ខ្ញុំ និងភរិយាសូមជូនពរបងប្អូនជនរួមជាតិក្នុងឱកាសចូលឆ្នាំថ្មី ២០១៦ ដែលនឹងមកដល់នាពេលខាងមុខនេះ សូមជួបប្រទះតែសេចក្តីសុខនិងសំណាងល្អគ្រប់គ្នា ៕—----------------------------------------------------------សំណូមពរប្រជាពលរដ្ឋ: (ខ្ញុំបាទជាប្រជាពលរដ្ឋរស់នៅតាមបណ្តោយផ្លូវវេងស្រេង សុំសម្តេចជួយដោះស្រាយផង ក្រុមហ៊ុនសាងសង់ផ្លូវបានកំណត់យកថ្លៃឆ្លងកាត់សម្រាប់ឡានគ្រួសារតម្លៃ១១០០រៀល ដែលពីមុនមិនមានការយកទេ ។ ក្រុមហ៊ុនអោយធ្វើ sticker បិទដើម្បីចេញចូលមិនបាច់បង់ប្រាក់ ប៉ុន្តែតម្លៃនោះគឺ១៣២០០០រៀលក្នុងមួយឆ្នាំគឺថ្លៃជាងបង់ពន្ធផ្លូវទៅទៀត។ សូមសម្តេចជួយដោះស្រាយផង។ ដោយក្តីគោរពដ៏ខ្ពង់ខ្ពស់បំផុត។)

ទីក្រុងធំនានានៅតំបន់អឺរ៉ុបរងការព្រមានអំពីការវាយប្រហារភេរវកម្ម!

ថ្ងៃទី ២៧ ខែ ធ្នូ ឆ្នាំ ២០១៥ ម៉ោង ១៥:១៤

បើយោងតាមសេចក្តីថ្លែងការណ៍មួយដែលបានចេញផ្សាយកាលពីថ្ងៃសៅរ៍ដោយប៉ូលីសនៅទីក្រុងវីយែន ប្រទេសអូទ្រីសបានព្រមានទីក្រុងធំៗនៅតំបន់អ៊ឺរ៉ុបពីការវាយប្រហារភេវរកម្មដែលនឹងកើតមានឡើង។ ការវាយប្រហារអាចមានទ្រង់ទ្រាយជាលក្ខណៈដោយកាំភ្លើងស្វ័យប្រវត្តិ និងការបំផ្ទុះគ្រាប់បែកដែលអាចកើតឡើងនៅប៉ុន្មានថ្ងៃទៀតហើយជាពិសេសគឺថ្ងៃបុណ្យចូលឆ្នាំសកលតែម្តង ដោយពួកគេមិនបានបញ្ចាក់ឈ្មោះច្បាស់ថាជាទីក្រុងមួយណាអាចជាគោលដៅនោះទេ។                  ប៉ូលិសឈរយាមនៅស្ថានីយួរថភ្លើងក្នុងការឆ្លើយតបទៅនឹងការព្រមាននឹងការគំរាមកំហែងភេរវកម្មពីក្រុងវីយែន ប៉ូលីសដទៃទៀតនៅក្នុងតំបន់អឺរ៉ុបបានបង្កើនសន្តិសុខដោយបង្កើនការឃ្លាំមើល និងមានប៉ូលីសសង្កេតការនៅកន្លែងសាធារណៈជាពិសេសនៅក្នុងតំបន់សំខាន់មួយចំនួនដែលមានការចរាចរណ៍ច្រើន ដោយរឹតបន្តឹងការឆែកពិនិត្យទៅលើវ៉ាលីនិងប្រអប់ទទេ។ កំលាំងសន្តិសុខបានរឹតបន្តឹងនៅព្រលានយន្តហោះប្រភព CNN ប្រែសំរួលដោយ សិទ្ធា

រក​ឃើញ​រថយន្ត​ដឹក​ប្រេង​ជាង​១​ម៉ឺន​គ្រឿង​ សង្ស័យ​បម្រើ​ប្រយោជន៍​ឲ្យ​ក្រុម​ ISIS​ នៅ​ព្រំប្រទល់​អ៊ី​រ៉ា​ក់​-​ទួ​គី​ (​មាន​វី​ដេ​អូ​)

ថ្ងៃទី ២៧ ខែ ធ្នូ ឆ្នាំ ២០១៥ ម៉ោង ០២:២៤

មន្ត្រីចារកម្មរបស់រុស្ស៊ី បានបង្ហាញរូបថតពីលើអាកាសអំពីការរកឃើញរថយន្តដឹកប្រេង និងរថយន្តដឹកទំនិញចំនួន១១.៧៧៥គ្រឿង នៅជិតទីក្រុង Zakho ក្នុងប្រទេសអ៊ីរ៉ាក់ ជាប់ព្រំដែនប្រទេសទួគី ដែលគេសង្ស័យថា ជាមធ្យោបាយបម្រើផលប្រយោជន៍ក្នុងការដឹកជញ្ជូនប្រេងឥន្ធនៈ និងទំនិញរបស់ក្រុមឧទ្ទាម ISIS ។លោកឧត្តមសេនីយ៍ទោ Sergey Rudskoy បាននិយាយឲ្យដឹងកាលពីថ្ងៃទី២៥ ខែធ្នូ ឆ្នាំ២០១៥ម្សិលមិញថា រាល់ប្រេងឥន្ធនៈចេញពីអ៊ីរ៉ាក់ និងស៊ីរី គឺត្រូវដឹកជញ្ជូនឆ្លងកាត់ប៉ុស្តិ៍ត្រួតពិនិត្យនៅ Zakho ។អ្នកជំនាញបានលើកឡើងថា នេះទំនងជាច្រកដឹកជញ្ជូនប្រេងថ្មីដ៏សំខាន់ដែលក្រុមឧទ្ទាម ISIS ប្រើប្រាស់បន្ទាប់ពីកងកម្លាំងទាហានរុស្ស៊ីបំផ្លាញរថយន្តដឹកប្រេងរបស់ក្រុម ISIS ប្រមាណ២.០០០គ្រឿង និងកាលពីសប្តាហ៍កន្លងទៅ រថយន្តដឹកប្រេងចំនួន១៧គ្រឿង និងរោងចក្រចំរាញ់ប្រេងឆៅមួយចំនួនរបស់ក្រុម ISIS ត្រូវបានទាហានរុស្ស៊ីបំផ្លាញរួចមក ពីព្រោះការសិក្សាបានបង្ហាញថា បរិមាណប្រេងដឹកជញ្ជូនទៅកាន់តំបន់ប៉ែកខាងជើង និងខាងលិចស៊ីរី ថមថយចុះ បែរជាសកម្មភាពដឹកជញ្ជូនប្រេងនៅតំបន់ខាងលើនេះ កើនឡើងទៅវិញ ៕ប្រភព DTN7

ស្រ្តីម្នាក់ចូលអុកឡុកបន្ទប់សមត្ថកិច្ចនឹងប្រើពាក្យមើលងាយសមត្ថកិច្ច

ថ្ងៃទី ២៦ ខែ ធ្នូ ឆ្នាំ ២០១៥ ម៉ោង ០៧:៣៨

រាជធានីភ្នំពេញ៖វីដេអូឃ្លីបមួយដែលមានរយ:ពេល២នាទី៥១វិនាទី ត្រូវបានគេចាយចាយនឹងបង្ហោះតៗគ្នាតាមបណ្តាញសង្គម Facebook ដែលបានផ្តិតនូវរូបភាពរបស់ស្រ្តីម្នាក់ ដែលបានចូលមក បន្ទប់ផ្នែកព្រហ្មទណ្ឌនៃអធិការដ្ឋាននគរបាលខណ្ឌឬស្សីកែវ ស្រែកឡូឡារ នឹងប្រើពាក្យសម្តីមិនសមរម្យ មើលងាយសមត្ថកិច្ច ខណ:ដែលសមត្ថកិច្ច កំពុងតែធ្វើការ ក្រោយពីបានធ្វើការឃាត់ខ្លួនជនសង្ស័យម្នាក់ រួមជាមួយថ្នាំញៀនជាច្រើនកញ្ចប់ផងដែរ។សូមបញ្ជាក់ថាកាលពីវេលាម៉ោង១០ព្រឹកថ្ងៃទី១៧ វិច្ឆិកា ឆ្នាំ២០១៥ នៅចំណុច ផ្លូវជាតិលេខ៥ ភូមិ២ សង្កាត់ច្រាំងចំរេះ១ សមត្ថកិច្ចខណ្ឌឬស្សីកែវបានធ្វើការឃាត់ខ្លួន ជនសង្ស័យម្នាក់ឈ្មោះសេត ខួច ភេទប្រុស អាយុ២៩ឆ្នាំ ស្នាក់នៅ ភូមិឃ ក្រុម១ សង្កាត់ច្រាំងចំរេះ២ ខណ្ឌឬស្សីកែវ ពាក់ព័ន្ធនឹងករណីគ្រឿងញៀន ក្នុងនោះសមត្ថកិច្ចបានដកហូតថ្នាំញៀនចំនួន០៧កញ្ចប់(៤កញ្ចប់ធំ+៣កញ្ចប់តូច)ជញ្ជីងថ្លឹងគ្រឿងញៀនមួយនឹងឧបករណ៍ប្រើប្រាស់គ្រឿងញៀនមួយចំនួនទៀត។ ស្រាប់តែវេលាម៉ោង៦និង៣០នាទីល្ងាច នៅពេលដែលសមត្ថកិច្ចកំពុងកសាងសំណុំរឿង ស្ត្រីរូបនេះ បានសំរុកចូលមកបន្ទប់ព្រហ្មទណ្ឌដោយមានម្តាយម្នាក់មកជាមួយផងដែរ បានប្រើពាក្យអសុរសជាច្រើនព្រមទាំងប្រើហិង្សាទៅលើសំភារៈក្នុងបន្ទប់ធ្វើការរបស់រដ្ឋទៀតផងខណ:ដែលក្រុមសមត្ថកិច្ចបានរារាំងគាត់មិនអោយចូលព្រោះផុតម៉ោងចូលសួរសុខទុក្ខជនសង្ស័យ។បើតាមការអះអាងរបស់សមត្ថកិច្ចខណ្ឌឬស្សីកែវបានឲ្យដឹងថា ស្ត្រីដែលបានចូលមកស្រែក នឹងមើលងាយសមត្ថកិច្ចបែបនេះ ត្រូវជាបងស្រីបង្កើតរបស់ឈ្មោះសេត ខួច ជាជនសង្ស័យខាងលើនេះ ។លោកម៉ៅ ចាន់ថន នាយរងផ្នែកព្រហ្មទណ្ឌបានឲ្យដឹងថាដោយសមត្ថកិច្ចបានយល់ពីអារម្មណ៏របស់ស្ត្រីរូបនេះទោះយ៉ាងនេះក្តីសមត្ថកិច្ចក៏មិនបានប្រកាន់ខឹងចំពោះទង្វើរបស់បងស្រីរូបនោះដែរ ព្រោះតែការខឹងនេះអាចមកពី មានសមាជិកក្នុងគ្រួសាររបស់គាត់នឹងត្រូវជាប់ពន្ធនាគារដោយសារការអនុវត្តន៍ភារកិច្ចរបស់នគរបាលខណ្ឌឬស្សីកែវនោះឯង។តែរូបលោកបានឲ្យដឹងថា ដោយឡែកស្រ្តីរូបនេះបានចោទប្រកាន់រូបលោក នឹងសរសេរពាក្យចោទថា “ខ្ញុំបាទធ្វើប៉ូលីស អោយកូនចៅអាលីមភ្នែក3 លក់ម៉ាសេរីនៅដើមត្នោត km9ត្រង់ចំណុចនេះលោកសូមអោយបងស្រីពិចារណា នឹងបងប្អូនជួយគិតថា” អាលីមភ្នែក3 គឺជាមុខសញ្ញាប្លន់ កាច់ ករ ម៉ូតូ នឹងពាក់ព័ន្ធគ្រឿងញៀន បើសិនវាជាកូនចៅខ្ញុំ ចឹងមានតែខ្ញុំ គឺជាមេក្លោងក្រុមចោរប្លន់ប្រដាប់អាវុធពាក្យនេះវាធ្ងន់ធ្ងរពេកណាស់ចំពោះការចោទប្រកាន់ដែលលោកមិនអាចនៅស្ងៀមបានហើយលោកសូមបញ្ជាក់ថា អាលីមភ្នែក3នេះ ក្រុមរបស់លោកក៏តាមប្រមាញ់វាដូចគ្នា តែវាជាមួយបក្សពួកមិនបានធ្វើសកម្មភាពក្នុងភូមិសាស្រ្តខណ្ឌឬស្សីកែវឡើយ គឺវាធ្វើនៅខណ្ឌផ្សេង មិនអាចរកបទល្មើសរបស់វាដើម្បីបង្ក្រាប ហើយថ្មីៗនេះអាលីមភ្នែក3ព្រមទាំងបក្សពួកត្រូវបានកម្លាំងរាជអាវុធហត្ថក្រុងបង្ក្រាប នឹងបាញ់ស្លាប់បាត់ទៅហើយនៅខណ្ឌព្រែកភ្នៅ។លោកនៅតែបន្តពាក្យដោយក្តីគោរពថាលោកសំណូមពរអោយបងស្រីខាងលើកុំប្រឌិតព័ត៌មានមិនពិតធ្វើអោយប៉ះពាល់ដល់តម្លៃភាពរបស់នគរបាលជាតិទៀតអី“បើខឹងគោសូមកុំវៃរទេះ”។បើមិនដូចនេះទេរូបលោកនឹងដាក់ពាក្យបណ្តឹងចាត់ការទៅតាមផ្លូវច្បាប់ប្រសិនបើស្រ្តីរូបនេះនៅតែមិនដឹងពីកំហុសដែលខ្លួនកំពុងតែធ្វើអ្វីនោះទេ។សូមបញ្ជាក់ថា លោកម៉ៅ ចាន់ថន នាយរងផ្នែកព្រហ្មទណ្ឌក្នុងរយ:ពេលកន្លងទៅថ្មីៗនេះបានដឹកនាំក្រុមការងារចុះបង្ក្រាបបានជាច្រើនករណីធំៗដែលក្នុងនោះរួមទាំងបានឃាត់ខ្លួនជនសង្ស័យដែលជាមុខសញ្ញាគ្រឿងញៀនដ៏សកម្មជាប្អូនប្រុសរបស់ស្រ្តីខាងលើនេះផងដែរ៕ប្រភពពីផេក TVFB 

មេដឹកនាំឧទ្ទាមស៊ីរីកំពូលត្រូវបានសម្លាប់នៅក្នុងការវាយប្រហារពីលើអាកាសនៅក្បែរទីក្រុងដាម៉ាស

ថ្ងៃទី ២៦ ខែ ធ្នូ ឆ្នាំ ២០១៥ ម៉ោង ០៦:៥៩

អ្នកអង្កេតការណ៍សិទ្ធិមនុស្សស៊ីរីបាននិយាយថាប្រមុខនៃក្រុមឧទ្ទាមមួយដែលមានឥទ្ធិពលបំផុតរបស់ប្រទេសស៊ីរី Jaish al-Islam និងមេបញ្ជាការច្រើននាក់ទៀតរបស់ពួកគេ ត្រូវបានគេសម្លាប់នៅក្នុងការវាយប្រហារតាមអាកាសមួយនៅថ្ងៃសុក្រនេះនៅជាយក្រុងដាម៉ាស។ ក្នុងសេចក្តីថ្លែងការណ៍ចេញផ្សាយកាលពីថ្ងៃសុក្រអគ្គបញ្ជាការទូទៅស៊ីរីបាននិយាយថាកងកម្លាំងអាកាសរបស់ស៊ីរីបានធ្វើប្រតិបត្ដិការពិសេសក្នុងហ្គូតាភាគខាងកើតដែលជាលទ្ធផលបានសំលាប់លោក Zahran Alloush អាយុ 44 ឆ្នាំជាមេដឹកនាំរបស់ក្រុមឧទ្ទាមរួមនិងមេដឹកនាំធំច្រើននាក់ផ្សេងទៀតនេះបើយោងតាមទីភ្នាក់ងារស៊ីរីអារ៉ាប់។ សេចក្តីថ្លែងការណ៍នេះបានអះអាងថាក្រុមរបស់ Alloush ជាអ្នកទទួលខុសត្រូវចំពោះការបាញ់គ្រាប់ផ្លោងគ្រាប់រ៉ុក្កែតនៅជនស៊ីវិលនៅក្រុងដាម៉ាស់និងតំបន់ជាយក្រុង។ តំបន់ជាយក្រុងនៅភាគខាងកើតនៃទីក្រុងដាម៉ាសដែលស្ថិតក្រោមការដឹកនាំរបស់ពួកឧទ្ទាមត្រូវបានស្ថិតនៅក្រោមការបាញ់ផ្លោងធ្ងន់ធ្ងរដោយយោធាស៊ីរីសម្រាប់រយៈពេលបួនឆ្នាំចុងក្រោយនេះ។ប្រភព buzzfeedប្រែសំរួលដោយ សិទ្ធា