trollkhmer news

សង្គមនិងជីវិត

ក្រសួងសុខាភិបាល៖ បន្តរកឃើញអ្នកឆ្លងកូវីដ១៩ ចំនួន ៣០៣នាក់ថែមទៀត ខណៈអ្នកជំងឺ ២៣៩នាក់ជាសះស្បើយ

ថ្ងៃទី ២១ ខែ មេសា ឆ្នាំ ២០២១ ម៉ោង ១៣:១២

(ភ្នំពេញ)៖ ក្រសួងសុខាភិបាល នៅថ្ងៃទី២១ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មី ចំនួន ៣០៣នាក់ថែមទៀត ខណៈអ្នកជំងឺចំនួន២៣៩នាក់បានជាសះស្បើយ និងអនុញ្ញាតឲ្យចេញពីមន្ទីរពេទ្យ៕

អ្នកឆ្លង COVID-19 លើលោកកើនដល់ជិត ១៤៣លាន ៥៤ម៉ឺននាក់ ស្លាប់ជាង ៣លាននាក់ និងជាសះស្បើយជាង ១២១លាន ៨៩ម៉ឺននាក់

ថ្ងៃទី ២១ ខែ មេសា ឆ្នាំ ២០២១ ម៉ោង ០៩:៣៦

(បរទេស)៖ គិតត្រឹមម៉ោង ៨ព្រឹកថ្ងៃពុធ ទី២១ ខែមេសា ឆ្នាំ២០២១នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ១៤៣,៥៤២,៥៥០នាក់ហើយ។ ក្នុងនោះអ្នកស្លាប់មានចំនួន ៣,០៥៧,៥៤១នាក់ និងជាសះស្បើយឡើងវិញ ១២១,៨៩៦,១៥៧នាក់។យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។ សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ៣២, ៥៣៦,៤៧០នាក់ ស្លាប់ចំនួន ៥៨២,៤៥៦នាក់ និងជាសះស្បើយចំនួន ២៥, ១០៥,៥៣៥នាក់។ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសឥណ្ឌា។ ឥណ្ឌាមានអ្នកឆ្លង ១៥,៦០៩,០០៤នាក់ ស្លាប់ចំនួន ១៨២,៥៧០នាក់ និងជាសះស្បើយ ១៣,២៦៩, ៨៦៣នាក់។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល។ ប្រេស៊ីល មានអ្នកឆ្លង ១៤,០៥០,៨៨៥នាក់ ស្លាប់ ៣៧៨,៥៣០នាក់ និងជាសះស្បើយ ១២,៥៦១, ៦៨៩នាក់៕

ឥណ្ឌា៖ រកឃើញអ្នកឆ្លងកូវីដ១៩ ករណីថ្មី ជិត ២៦ម៉ឺននាក់ និងអ្នកជំងឺ១,៧៦១ នាក់ទៀតបានស្លាប់

ថ្ងៃទី ២០ ខែ មេសា ឆ្នាំ ២០២១ ម៉ោង ១៥:២១

(ញូដេលី)៖ ក្រសួងសុខាភិបាលឥណ្ឌានៅថ្ងៃអង្គារនេះ បានប្រកាសថា ករណីឆ្លងថ្មីៗនៃជំងឺ COVID-19 សរុប២៥៩,១៧០នាក់ថែមទៀត ត្រូវបានរាយការណ៍នៅទូទាំងប្រទេសឥណ្ឌា។ នេះបើតាមការចេញផ្សាយដោយ ទីភ្នាក់ងារព័ត៌មាន ស៉ីនហួរ នៅថ្ងៃអង្គារ ទី២០ ខែមេសា ឆ្នាំ២០២១។ប្រការនេះធ្វើឲ្យចំនួនករណីឆ្លងសរុបកើនដល់ ១៥,៣២១,០៨៩នាក់។ ទន្ទឹមគ្នា អ្នកជំងឺ១,៧៦១នាក់ទៀត ក៏ត្រូវគេរាយការណ៍ថា បានស្លាប់ផងដែរ នាំឲ្យចំនួនអ្នកជំងឺស្លាប់សរុបកើនដល់ ១៨០,៥៣០នាក់។ មានអ្នកជំងឺ ២,០៣១,៩៧៧នាក់ ដែលកំពុងបន្តទទួលការព្យាបាល នៅទូទាំងប្រទេសឥណ្ឌា ខណៈ១៣,១០៨,៥៨២នាក់ ត្រូវបានព្យាបាលជាសះស្បើយ និងចាកចេញពីមន្ទីរពេទ្យ។គួរបញ្ជាក់ថា តួលេខករណីឆ្លងប្រចាំថ្ងៃ នៅតែបន្តស្ថិតនៅកម្រិតខ្ពស់ក្នុងប្រទេសឥណ្ឌា ហើយរដ្ឋាភិបាលឥណ្ឌា ក៏បានចេញវិធានការជាបន្តបន្ទាប់ ដើម្បីព្យាយាមគ្រប់គ្រងការរាតត្បាតផងដែរ ដោយកាលពីថ្ងៃចន្ទម្សិលមិញ រដ្ឋធានីញូដេលី ត្រូវបានដាក់ឲ្យស្ថិតក្រោម ការបិទខ្ទប់រយៈពេលមួយសប្តាហ៍ គឺដល់ថ្ងៃទី២៦ ខែមេសា។ ឥណ្ឌាបានចាប់ផ្តើមយុទ្ធនាការចាក់វ៉ាក់សាំងបង្ការ COVID-19 កាលពីខែមករា ហើយមកទល់ពេលវ៉ាក់សាំងជាង១២៧លានដូស ត្រូវបានចាក់នៅទូទាំងប្រទេស៕

ក្រសួងសុខាភិបាល៖ រកឃើញអ្នកឆ្លងកូវីដ១៩ ចំនួន ៤៣១នាក់ថែមទៀត ខណៈអ្នកជំងឺ ៣១នាក់ជាសះស្បើយ

ថ្ងៃទី ២០ ខែ មេសា ឆ្នាំ ២០២១ ម៉ោង ១៣:១៥

(ភ្នំពេញ)៖ ក្រសួងសុខាភិបាល នៅថ្ងៃទី២០ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មី ចំនួន៤៣១នាក់ថែមទៀត ខណៈអ្នកជំងឺចំនួន៣១នាក់បានជាសះស្បើយ និងអនុញ្ញាតឲ្យចេញពីមន្ទីរពេទ្យ។សេចក្តីប្រកាសព័ត៌មាន បានបញ្ជាក់ថា អ្នកឆ្លងទាំង៤៣១នាក់ ក្នុងនោះមាន២នាក់ ជាអ្នកដំណើរមកពីក្រៅប្រទេស និងចំនួន ៤២៩នាក់ផ្សេងទៀត សុទ្ធសឹងជាករណីឆ្លងក្នុងសហគមន៍២០កុម្ភៈ ដែលរួមមានរាជធានីភ្នំពេញ ២៧១នាក់, ខេត្តកំពង់ចាម ៤នាក់, ខេត្តកំពង់ឆ្នាំង ១នាក់, ខេត្តកំពង់ធំម្នាក់ ១នាក់, ខេត្តកំពត ១នាក់, ខេត្តព្រៃវែង ២នាក់, ខេត្តស្វាយរៀង ១នាក់, ខេត្តតាកែវ ៤នាក់, ខេត្តត្បូងឃ្មុំ ១នាក់, ខេត្តកណ្តាល ១០នាក់ និងខេត្តព្រះសីហនុ ១៣៣នាក់។សម្រាប់អ្នកជាសះស្បើយទាំង ៣១នាក់វិញ សុទ្ធសឹងជាអ្នកឆ្លងក្នុងសហគមន៍ នៃព្រឹត្តិការណ៍២០កុម្ភៈ ដោយទទួលទ្ធផលធ្វើតេស្តអវិជ្ជមាន២លើក ត្រូវបានអនុញ្ញាតឲ្យចេញពីមន្ទីរពេទ្យ ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។សូមជម្រាបថា គិតត្រឹមម៉ោង៧ព្រឹក ថ្ងៃទី២០ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងសរុបចំនួន ៧ ៤៤៤នាក់ ក្នុងនោះករណីសហគមន៍២០កុម្ភៈ ចំនួន ៦ ៨៩៩នាក់, អ្នកជាសះស្បើយចំនួន ២ ៥៥៥នាក់, អ្នកកំពុងសម្រាកព្យាបាលចំនួន ៤៨៣៥នាក់, អ្នកស្លាប់ចំនួន ៤៩នាក់ និងស្លាប់ដោយជំងឺផ្សេង ពេលកំពុងព្យាបាលកូវីដ១៩ចំនួន ៥នាក់៕

ក្រសួងធនធានទឹក៖ ឥទ្ធិពលជ្រលងសម្ពាធទាប នឹងធ្វើឲ្យកម្ពុជា មានភ្លៀងធ្លាក់ពីតិចទៅច្រើន ចាប់ពីថ្ងៃទី២១-២៧ ខែមេសា ២០២១

ថ្ងៃទី ២០ ខែ មេសា ឆ្នាំ ២០២១ ម៉ោង ០៩:៤៦

(ភ្នំពេញ)៖ ក្រសួងធនធានទឹក និងឧតុនិយម នៅថ្ងៃទី២០ ខែមេសា ឆ្នាំ២០២១នេះ បានចេញសេចក្តីជូនដំណឹង ស្តីពីស្ថានភាពធាតុអាកាសនៅកម្ពុជា ចាប់ពីថ្ងៃទី២១ ដល់ ថ្ងៃទី២៧ ខែមេសា ឆ្នាំ២០២១។ក្រសួងធនធានទឹកបានបញ្ជាក់ថា ជ្រលនៃសម្ពាធទាបឥណ្ឌា បាននឹងកំពុងបង្កើនឥទ្ធិពលគ្របដណ្តប់មកលើកកម្ពុជា ជាមួយនឹងខ្យល់ប្រែប្រួល បក់មកពីភាគខាងត្បូង និងភាពអាគ្នេយ៍ ដែលស្ថានភាពបែបនេះ ធ្វើឲ្យកម្ពុជានឹងមានភ្លៀងធ្លាក់ពីតិចទៅច្រើន។ក្រសួងក៏អំពាវនាវដល់បងប្អូនប្រជាពលរដ្ឋ បន្តប្រុងប្រយ័ត្នចំពោះបាតុភូតផ្គររន្ទះ ខ្យល់កន្ត្រាក់ និងរលកសមុទ្រខ្ពស់ ផងដែរ៕

ក្រសួងសុខាភិបាល៖ រកឃើញអ្នកឆ្លងកូវីដ១៩ រហូតដល់ ៦២៤នាក់ ខណៈអ្នកជំងឺចំនួន ៤៨នាក់ជាសះស្បើយ

ថ្ងៃទី ១៩ ខែ មេសា ឆ្នាំ ២០២១ ម៉ោង ១៦:២៦

(ភ្នំពេញ)៖ ក្រសួងសុខាភិបាល នៅរសៀលថ្ងៃទី១៩ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មីរហូតដល់ ៦២៤នាក់ ដែលភាគច្រើនបំផុត ជាអ្នករស់នៅរាជធានីភ្នំពេញ ខណៈអ្នកជំងឺចំនួន៤៨នាក់បានជាសះស្បើយ និងអនុញ្ញាតឲ្យចេញពីមន្ទីរពេទ្យ។សេចក្តីប្រកាសព័ត៌មាន ដែលបណ្តាញព័ត៌មាន Fresh News ទទួលបានបញ្ជាក់ថា អ្នកឆ្លងទាំង៦២៤នាក់ សុទ្ធសឹងជាករណីឆ្លងក្នុងសហគមន៍២០កុម្ភៈ ដែលរួមមានរាជធានីភ្នំពេញ ៤៦៥នាក់, ខេត្តកំពង់ចាម ១នាក់, ខេត្តពោធិ៍សាត់ ១នាក់, ខេត្តស្វាយរៀង ៣នាក់, ខេត្តតាកែវ ១០នាក់ និង ខេត្តព្រះសីហនុ ១៤៤នាក់។សម្រាប់អ្នកជាសះស្បើយទាំង ៤៨នាក់វិញ សុទ្ធសឹងជាអ្នកឆ្លងក្នុងសហគមន៍ នៃព្រឹត្តិការណ៍២០កុម្ភៈ ដោយទទួលទ្ធផលធ្វើតេស្តអវិជ្ជមាន២លើក ត្រូវបានអនុញ្ញាតឲ្យចេញពីមន្ទីរពេទ្យ ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។សូមជម្រាបថា គិតត្រឹមម៉ោង៧ព្រឹក ថ្ងៃទី១៩ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងសរុបចំនួន ៧ ០១៣នាក់ ក្នុងនោះករណីសហគមន៍២០កុម្ភៈ ចំនួន ៦ ៤៧០នាក់, អ្នកជាសះស្បើយចំនួន ២៥២៤នាក់, អ្នកកំពុងសម្រាកព្យាបាលចំនួន ៤៤៣៩នាក់, អ្នកស្លាប់ចំនួន ៤៥នាក់ និងស្លាប់ដោយជំងឺផ្សេង ពេលកំពុងព្យាបាលកូវីដ១៩ចំនួន ៥នាក់៕

ថៃ៖ រកឃើញអ្នកឆ្លងកូវីដ-១៩ ជិត១,៤០០នាក់ទៀត ខណៈជំងឺ ៣បាននាក់ស្លាប់

ថ្ងៃទី ១៩ ខែ មេសា ឆ្នាំ ២០២១ ម៉ោង ១៤:២៨

(បាងកក)៖ មជ្ឈមណ្ឌលគ្រប់គ្រងជំងឺ COVID-19 របស់ប្រទេសថៃហៅកាត់ថា CCSA បានរាយការណ៍ថ្ងៃចន្ទនេះថា អ្នកឆ្លងជំងឺ COVID-19 សរុប ១,៣៩០នាក់ទៀតត្រូវបានរកឃើញ តែក្នុងរយៈពេល ២៤ម៉ោងកន្លងទៅនេះប៉ុណ្ណោះ។ ក្នុងរយៈពេលដូចគ្នានេះ អ្នកជំងឺ COVID-19 ចំនួន ០៣នាក់ទៀតក៏បានបាត់បង់ជីវិតផងដែរ ដោយក្នុងនោះម្នាក់ជាបុរសវ័យ ៥៦ឆ្នាំ និងពីរនាក់ទៀតជាស្ត្រីអាយុ ៨៤ឆ្នាំ និង ៦១ឆ្នាំ។ បើតាមទិន្នន័យពី CCSA នៅក្នុងចំណោមករណីឆ្លងថ្មីៗទាំង ១,៣៩០នាក់ខាងលើនេះ ០៦នាក់ជាករណីនាំចូលមកពីក្រៅប្រទេស, ២៩៣នាក់រកឃើញនៅទីក្រុងបាងកក, ១៩៧នាក់នៅខេត្តឈៀងម៉ៃ, ៩៨នាក់នៅខេត្តឈុនបុរី និង ៨២នាក់នៅខេត្ត សាមុត ប្រាកាន។គិតត្រឹមថ្ងៃចន្ទនេះ ប្រទេសថៃមានករណីឆ្លង COVID-19 សរុប ៤៣,៧៤២ករណី ក្នុងនោះមានអ្នកស្លាប់សរុប ១០៤នាក់ និងជាសះស្បើយឡើងវិញ ២៨,៧៨៧នាក់ ខណៈអ្នកជំងឺដែលកំពុងសម្រាកព្យាបាល នៅតាមមន្ទីរពេទ្យនានា បានកើនឡើងរហូតដល់ ១៤,៨៥១នាក់។គួរបញ្ជាក់ថា នៅទីក្រុងបាងកក ដែលមានករណីឆ្លងផ្ទុះឡើងខ្លាំងជាងគេនោះ សាលធំៗមួយចំនួនត្រូវបានច្នៃ ទៅជាមន្ទីរពេទ្យបណ្តោះអាសន្ន ដើម្បីព្យាបាលអ្នកជំងឺ COVID-19 និងជាកន្លែងធ្វើតេស្តរកអ្នកឆ្លង ដោយមិនគិតថ្លៃ។ ប្រទេសថៃមានការព្រួយបារម្ភចំពោះការទប់ស្កាត់រលកថ្មី នៃការឆ្លងរាតត្បាតនាពេលនេះ ព្រោះតែវាជាករណីឆ្លងវីរុស COVID-19 បំប្លែងថ្មីដែលមានប្រភពដើមមកពីចក្រភពអង់គ្លេស៕

ឥណ្ឌា៖ រកឃើញអ្នកឆ្លងកូវីដ-១៩ជាង ២៧៣,០០០នាក់ និងអ្នកជំងឺជាង ១,៦០០នាក់ស្លាប់ក្នុង១ថ្ងៃ

ថ្ងៃទី ១៩ ខែ មេសា ឆ្នាំ ២០២១ ម៉ោង ១៣:០៩

(ញូដេលី)៖ អ្នកឆ្លងជំងឺ COVID-19 រហូតដល់ ២៧៣,៨១០នាក់ទៀត ត្រូវបានរកឃើញនៅក្នុងរយៈពេលតែ ២៤ម៉ោងកន្លងទៅនេះប៉ុណ្ណោះ ដែលនាំឲ្យចំនួនករណីឆ្លងទូទាំងប្រទេស កើនឡើងដល់លើស ១៥លានករណីហើយ។ នេះបើតាមការចេញផ្សាយ ដោយសារព័ត៌មាន CNA នារសៀលថ្ងៃចន្ទ ទី១៩ ខែមេសា ឆ្នាំ២០២១។នៅក្នុងរយៈពេលដូចគ្នានេះ អ្នកជំងឺ COVID-19 ចំនួន ១,៦១៩នាក់ទៀត ក៏បានបាត់បង់ជីវិតផងដែរ នាំឲ្យចំនួនមនុស្សស្លាប់សរុប ដោយសារជំងឺក៏កាចសាហាវនេះទូទាំងប្រទេសឥណ្ឌា កើនឡើងដល់ ១៧៨,៧៦៩នាក់។ អត្រាឆ្លង និងស្លាប់ដោយសារ COVID-19 របស់ឥណ្ឌា ដែលជាប្រទេសមានប្រជាជនសរុបជាង ១,៣០០លាននាក់ ពេលនេះគឺស្ថិតក្នុងកម្រិតខ្ពស់ជាងគេបំផុតក្នុងលោក។គួរបញ្ជាក់ថា អាជ្ញាធរឥណ្ឌាកំពុងតែព្យាយាមបង្កើន ចំនួនគ្រែសម្រាប់អ្នកជំងឺព្យាបាល នៅតាមរដ្ឋមួយចំនួន ដែលមានផ្ទុះករណីឆ្លង នៅក្នុងកម្រិតធ្ងន់ធ្ងរដូចជា មហារ៉ាស្ត្រា (Maharashtra), កាណាតាកា (Karnataka), កឺរ៉ាឡា (Kerala), អ៊ូតតាប្រាដែស (Uttar Pradeh) និង វែសត៍ ប៊ែងហ្គាល់ (West Bengal) ជាដើម ដែលសុទ្ធសឹងតែជារដ្ឋមានករណីឆ្លង COVID-19 រាប់លានករណីដូចៗគ្នា។កត្តាចម្បងនៃការឆ្លងរាតត្បាតខ្លាំង ឬចាត់ទុកជារលកទី ៣នៃ COVID-19 ក្នុងប្រទេសឥណ្ឌាពេលនេះ នៅតែត្រូវគេស្តីបន្ទោសទៅលើ ការជួបជុំគ្នាយ៉ាងកកុញនៅក្នុងឱកាសប្រារព្ធពិធីបុណ្យ គុម មេឡា (Kumbh Mela) នៃសាសនាហិណ្ឌូដែលនឹងត្រូវអូសបន្លាយ ពេញមួយខែមេសានេះតែម្តង។ គិតត្រឹមថ្ងៃចន្ទនេះ ឥណ្ឌាមានករណីឆ្លង COVID-19 សរុបជាង ១៥,០៥៧,០០០ករណី ក្នុងនោះមានអ្នកស្លាប់សរុប ១៧៨,៧៦៩នាក់ និងជាសះស្បើយឡើងវិញជិត ១៣,០០០,០០០នាក់៕

សហរដ្ឋអាមេរិក៖ នៅក្នុងពេល១ថ្ងៃមនុស្ស ៤.៣ម៉ឺននាក់ទៀតឆ្លងកូវីដ-១៩ និងអ្នកជំងឺ ៣១០នាក់ស្លាប់

ថ្ងៃទី ១៩ ខែ មេសា ឆ្នាំ ២០២១ ម៉ោង ១១:០១

(វ៉ាស៉ីនតោន)៖ នៅក្នុងរយៈពេល ២៤ម៉ោងកន្លងទៅនេះ មនុស្សសរុប ៤៣,១៧៤នាក់ទៀតបានឆ្លងជំងឺ COVID-19 ខណៈអ្នកជំងឺ ៣១០នាក់បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។ នេះបើតាមការដកស្រង់ទិន្នន័យចេញពីគេហទំព័រ Worldometers នាព្រឹកថ្ងៃចន្ទ ទី១៩ ខែមេសា ឆ្នាំ២០២១។ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៣២,៤០៤,៤៥៤ករណី ក្នុងនោះមានអ្នកស្លាប់សរុបចំនួន ៥៨១,០៦១នាក់ និងជាសះស្បើយឡើងសរុប ២៤,៩៦១,២២៩នាក់។ សម្រាប់ចំនួនប្រជាជនសរុប ដែលកំពុងរស់នៅលើទឹកដីសហរដ្ឋអាមេរិក គឺជាង ៣៣១លាននាក់។គួរបញ្ជាក់ថា គិតត្រឹមថ្ងៃទី១៥ ខែមេសា ឆ្នាំ២០២១ (ពេលវេលានៅវ៉ាស៊ីនតោន) សហរដ្ឋអាមេរិកសម្រេចបានការចាក់វ៉ាក់សាំងជាង ១៩៨លានដូស ជូនប្រជាជនរបស់ខ្លួន ដោយក្នុងនោះ ១២៥.៨លាននាក់ បានទទួលការចាក់យ៉ាងហោចណាស់ ១ដូស (ស្មើនឹង ៣៨.៣% នៃចំនួនប្រជាជនសរុប) និង ៧៨.៥លាននាក់ទៀត បានទទួលការចាក់គ្រប់ដូស (ស្មើនឹង ២៣.៩% នៃចំនួនប្រជាជនសរុប)៕