trollkhmer news

សង្គមនិងជីវិត

ប្រទេសចិនពង្រាយមីសីុលការពារដែនអាកាសនៅសមុទ្រចិនខាងត្បូងស្របពេលស្ថានការកំពុងតានតឹង

ថ្ងៃទី ១៧ ខែ កុម្ភះ ឆ្នាំ ២០១៦ ម៉ោង ១៥:០៧

ប្រទេសចិនកាន់តែឡើងសំលេងកាន់តែខ្លាំងនៅការទាមទារកាន់កាប់កោះដែលកំពុងមានជម្លោះនៅសមុទ្រចិនខាងត្បូងដែលកំពុងតែប្រទាញប្រទង់ជាមួយប្រទេសពីរផ្សេងទៀត ហើយឥលូវនេះស្រាប់តែផ្កាយរណបរបស់ប៉ុស្តិ៍ Fox News បានបង្ហាញពីការបញ្ចូនមីសីុលទៅដល់កោះមួយនៅតំបន់នោះបាត់ទៅហើយ។ នេះបើយោងតាមរូបថតពី ImageSat International បានបង្ហាញពីជើងទម្រ២នៃគ្រាប់មីសីុលចំនួន៨ដើមត្រូវបានដាក់ពង្រាយនៅលើកោះ woody នេះបើយោងតាមរបាយការណ៍ពី Fox News បានបញ្ចាក់។ កោះ Woody ជាកោះមួយក្នុងចំណោមប្រជុំកោះមានជម្លោះ  Paracel ដែលត្រូវបានអះអាងទាមទារដោយកោះតៃវ៉ាន់និងប្រទេសវៀតណាម។ មីស៊ីលនេះត្រូវបានគេជឿថាបានមកដល់ក្នុងរយៈពេលមួយសប្តាហ៍កន្លងមកនេះដោយមានរូបថតនៅថ្ងៃទី៣ខែកុម្ភៈនេះ ។ សហរដ្ឋអាមេរិកបានបញ្ជាក់អះអាងជាផ្លូវការមួយនៃរូបភាពរបស់ Fox News ថាពិតជាត្រឹមត្រូវចំពោះប្រទេសចិនពិតជាបានដាក់ពង្រាយប្រព័ន្ធការពាមីសីុលដែនអាកាស HQ-9 ដែលសមត្ថភាពរបស់វាអាចបាញ់បានគ្រប់យន្តហោះនៅក្នុងចំងាយ១២៥ម៉ាល។ ប្រទេសចិនបានអះអាងថាភាគច្រើននៃសមុទ្រចិនខាងត្បូងដែលជាទឹកដីអធិបតេយ្យភាពរបស់ខ្លួន តែការអះអាងត្រូវបានជំទាស់ដោយប្រទេសវៀតណាមតៃវ៉ាន់ហ្វីលីពីនម៉ាឡេស៊ីនិងប៊្រុយណេផងដែរ ។ ប្រភពពី TIMEប្រែសំរួលដោយ Justin

ឆាប់ៗនេះ Instagram និងអាចអោយឃើញចំនួនអ្នកចុចមើលវីឌីអូរបស់យើង

ថ្ងៃទី ១៧ ខែ កុម្ភះ ឆ្នាំ ២០១៦ ម៉ោង ១៤:៣៨

វីដេអូដែលអ្នកប្រើប្រាស់បានបង្ហោះនៅលើ Instagram ឆាប់ខាងមុខនេះក្រុមហ៊ុនដ៍ធំមួយនេះនិងធ្វើការវិវឌ្ឍន៍ថ្មីមួយទៀតដែលអាចអោយយើងមើលឃើញចំនួនអ្នកដែលបានចុចមើលលើវិឌីអូរបស់យើង ដូចទៅនិងការបង្ហោះវីឌីអូនៅលើហ្វេសប៊ុកផងដែរ ដែលនេះជាការប្រកាសរបស់ក្រុមហ៊ុនបណ្តាញសង្គមដ៍ធំកាលពីសប្តាហ៍មុននេះ។ គំរោងដាក់អោយឃើញចំនួនអ្នកមើលវីឌីអូរបស់អ្នកបង្ហោះនៅលើ Instagram គឺមិនមានផលប៉ះពាល់ទៅលើចំនួនអ្នកដែលចុច Like នោះទេ ពោលគឺចំនួនអ្នកចុច Like នៅមើលឃើញដដែល។ ការធ្វើវិវឌ្ឍន៍ថ្មីនេះពិតជាពិសេសណាស់សំរាប់អ្នកដែលចូលចិត្តបង្ហោះវីឌីអូនៅលើ Instagram ដែលអាចអោយពួកគេដឹងអំពីវីឌីអូរបស់គេ ល្អ រឺមួយក៏មានអ្នកមើលច្រើនដែរឬអត់។ ក្រុមហ៊ុន Instagram បាននិយាយផងដែរថាពេលដែលអ្នកប្រើប្រាស់បានចំណាយពេលមើលវីដេអូនៅលើ Instagram បានកើនឡើងច្រើនជាង 40 ភាគរយក្នុងរយៈពេលប្រាំមួយខែចុងក្រោយ។ ក្រុមហ៊ុនបាននិយាយថានិងធ្វើឱ្យទាន់សម័យជាច្រើនទៀតនៅពេលឆាប់ៗខាងមុខ។ប្រភពពី TIMEប្រែសំរួលដោយ សិទ្ធា

អ្នកអាចលេងហ្គេមដែលមានលើ PS1, N64, GB និង PSP នៅក្នុង iPhone របស់អ្នកដោយមិនចាំបាច់ Jailbreak

ថ្ងៃទី ១៧ ខែ កុម្ភះ ឆ្នាំ ២០១៦ ម៉ោង ១០:៥៨

បច្ចុប្បន្នមនុស្សជាច្រើនតែងលេងហ្គេមដែលមាននៅលើហ្គេមតេលេបញ្ជាដូចជានៅលើ PS1, Nintendo 64, GameBoy ក្នុងទូរស័ព្ទ iPhone បានប៉ុន្តែវាតម្រូវឲ្យ Jailbreak ទើបទាញយកវាមកលេងបាន។ប៉ុន្តែថ្ងៃនេះ ធូដេខេអេជ នឹងនែនាំនូវកម្មវិធីមួយឈ្មោះថា NewGamePad ដែលនឹងអនុញ្ញាតឲ្យអ្នកលេងហ្គេមដែលមាននៅលើហ្គេមតេលេបញ្ជាដូចជា PS1, Nintendo 64, Nintendo DS, NES, GameBoy, GameBoy Advance, GameBoy Color, SNES, Sega Genesis, PSP ព្រមទាំងឧបករណ៍ហ្គេមជាច្រើនទៀតក្នុងកម្មវិធីនេះតែមួយ។អ្វីដែលពិសេសនោះគឺវាមិនតម្រូវឲ្យទូរស័ព្ទធ្វើការ Jailbreak ក៏លេងបានដែរហើយអ្នកអាចទាញយកវាដោយឥតគិតថ្លៃទៀត មិនត្រឹមតែប៉ុណ្ណោះ NewGamePad នេះបានឲ្យអ្នកធ្វើការ Save ហ្គេមរបស់អ្នកទុកដើម្បីលេងបន្តដូចនៅលើឧបករណ៍ហ្គេមគេប្រើប្រាស់ ROM បានទៀតផង។បើយើងរំលឹកពីហ្គេមអតីតកាលវិញក៏មានដែរដូចជា: Pokémon, Dragon Ball Adventure, Harvest Moon ហ្គេមទាំងនោះសុទ្ធតែសប្បាយៗលេងទាំងអស់ បើទោះបីជាកម្មវិធីនិងហ្គេមមានអក្សរជាអក្សរចិនមែនប៉ុន្តែអ្នកអាចធ្វើការស្វែងរកហ្គេមជាភាសាអង់គ្លេសបាន។តោះកុំឲ្យខាតពេលយូរ យើងនឹងបង្ហាញពីការទាញយកកម្មវិធី NewGamePad នេះវិញម្តង:ដំបូងត្រូវចូលទៅកាន់ Safari របស់អ្នករួចវាយគេហទំព័រនេះ: iemulators.com/newgamepadបន្ទាប់មកអ្នកនឹងឃើញរូបកម្មវិធីដៃបញ្ជាហ្គេមនៅខាងក្រោមចុចលើវា ហើយយកពាក្យ Install ដើម្បីដំឡើងក្រោយពេលវាបានដោនឡោតរាល់អស់ហើយសូមចូលទៅកាន់ Setting --> General --> Profile រួចរក Profile ណាដែលទើបនឹងមានមកថ្មីហើយចុចលើវាពេលនោះអ្នកនឹងឃើញពាក្យមួយចំនួនពណ៌ទឹកសមុទ្រដែលមានអក្សរ «Trust» នៅពីមុខចុចលើអក្សរនោះទៅហើយ Trust រួចរាល់អស់ហើយអ្នកបើកកម្មវិធីនេះបានហើយ។ចុងក្រោយពេលអ្នកចូលទៅក្នុងកម្មវិធី NewGamePad នេះហើយសូមក្រឡេកមើលរបាខាងក្រោមរួចចុចពាក្យ «Category» ហើយវាយបញ្ចូលឈ្មោះហ្គេមណាដែលអ្នកចង់លេង វានឹងលោតចេញមករួចចុចលើហ្គេមណាមួយដែលអ្នកចង់លេងហើយធ្វើការ Install វាជាការស្រេច។*ចំណាំ:​ ក៏ដូចជាបំរាម បើមានបញ្ហាអ្វីទាក់ទងនឹងការគាំងទូរស័ព្ទឬកម្មវិធីនេះមិនដំណើរ យើងមិនទទួលខុសត្រូវទេ ដោយសារតែវាវាជាកម្មវិធីខាងក្រៅផ្លូវការរបស់ក្រុមហ៊ុន Apple ទើបវាតម្រូវឲ្យយើង Trust វា។អ្នកក៏អាចមើលវីដេអូខាក្រោមនេះបន្ថែមពីការដំណើរការ NewGamePad អ្វីៗផ្សេងទៀតទាក់ទងនឹងកម្មវិធីនេះ:ប្រភព: Redmondpieអត្ថបទដោយ: William

មិនទាន់ដល់ថ្ងៃប្រកាសផង លេចចេញរូបរាងរបស់ Samsung Galaxy S7 Edge និង LG G5 ជាមួយនឹងប្រអប់បាត់

ថ្ងៃទី ១៧ ខែ កុម្ភះ ឆ្នាំ ២០១៦ ម៉ោង ០៥:១៤

អ្នកគ្រប់គ្នាច្បាស់ជាមានចម្ងាស់ហើយមិចបានជាទូរស័ព្ទស្មាតហ្វូនដែលជា Flagship ទាំងពីរខាងលើមិនទាន់ប្រកាសជាចេញផងមានអ្នកទិញបានបាត់ ហើយទូរស័ព្ទទាំងពីរដែលនឹងត្រូវប្រកាសចេញនៅព្រឹត្តិការណ៍ MWC 2016 ក្នុងទីក្រុង Barcelona ខាមុខ។ហើយទូរស័ព្ទទាំងនេះត្រូវបានគេទិញនៅទីក្រុង Dubai ដែលអាចទិញតាមអនឡាញការផ្សព្វផ្សាយផ្សេងៗ ទិញក្នុងតំបន់ ហើយពួកវាគឺជាទូរស័ព្ទថ្មីទាំងអស់ដែលភ្ជាប់មកជាមួយនូវប្រអប់វេចខ្ចប់និងមានលេខកូដ IMEI ត្រឹមត្រូវ។ដែល Samsung Galaxy S7 នេះនឹងចេញដំបូងក្នុងតម្លៃ AED 4500 ដែលមានតម្លៃប្រហែល 1225 ដុល្លារចំណែក Galaxy S7 គឺមានតម្លៃថោកជាង S7 Edge AED 300 ដែលមានតម្លៃប្រហែល 1140 ដុល្លារ។ខណៈ LG G5 គឺមានតម្លៃដំបូង AED 2500 ដែលគិតទៅថ្លៃ 680 ដុល្លារ។ដោយឡែកអ្វីដែលយើងបានឃើញនៅក្នុងប្រអប់របស់ Galaxy S7 គឺមិនមានអ្វីប្លែកទេគឺដូចទៅនឹងប្រអប់ Flagship ទូរស័ព្ទមុនរបស់ក្រុមហ៊ុន Samsung ចឹងគឺមាន ឆ្នាំសាក ក្បាលដោត USB ប៉ុន្តែអ្វីដែលយើងឆ្ងល់បន្តិចនោះគឺហេតុអ្វីបានជា Samsung ភ្ជាប់មកជាមួយនូវប្រដាប់ដោត USB OTG ក្នុងប្រអប់នេះ។ចំពោះអ្វីដែលមាននៅក្នុងប្រអប់របស់ទូរស័ព្ទ LG G5 វិញគឺយើងមិនប្រាកដទេ ប៉ុន្តែអ្វីដែលយើងបានឃើញថ្មីប្លែកនៅផ្នែកខាងក្រោយរបស់ទូរស័ព្ទថ្មីរបស់ LG មួយនេះគឺមាន LEN កាមេរ៉ាភ្លោះអមសងខាង។ហើយស្មាតហ្វូនទាំងអស់នេះត្រូវបានបញ្ជូនមកពីសហរដ្ឋអាមេរិចទាំងអស់នេះបើតាមក្រដាសនៅក្នុងប្រអប់ នេះគ្រាន់ការសន្មត់ព្រោះយើងគ្មានអ្វីមកបញ្ជាក់ថាវាពិតឡើយ។យ៉ាងណាយើងនឹងរងនូវការប្រកាសជាផ្លូវការវិញ ចៀសវាងចំណាយលុយទៅលើទូរស័ព្ទដែលបានលេចចេញនេះដែល Galaxy S7 Edge នឹងចេញក្នុងរយៈពេលមួយខែខាងមុខ។ប្រភព: GSMarenaប្រែសម្រួលដោយ: William

ហូលីវូដ ថតកុននៅខេត្តបាត់ដំបងចប់ផ្ទុះបាតុកម្ម ?

ថ្ងៃទី ១៧ ខែ កុម្ភះ ឆ្នាំ ២០១៦ ម៉ោង ០៤:១២

បិតផ្ទះផ្អាកលក់ដូរពី ៧ ទៅ ១០ ថ្ងៃ ចៅហ្វាយក្រុងបាត់ដំបងបើកលុយអោយ ៤០ ដុល្លា ?ប្រភពពីប្រជាពលរដ្ឋដែលរស់នៅភូមិកំពង់ក្របី ផ្លូវលេខ ១ និងភូមិស្វាយប៉ោ ផ្លូវលេខ ២ ប្រមាណ២០០ គ្រួសារដែលបានបិតផ្ទះផ្អាកអាជីវកម្មចំនួនពី ៧ ថ្ងៃដល់ ១០ ថ្ងៃ ដើម្បីទុកជូនអាជ្ញាធរផ្ដល់ជូនខាងលោកស្រី អេនជូលីណា ជូលី ថតកុននោះបានផ្ទុះការតវ៉ាកើតទុក្ខមិនសុខចិត្តចំពោះអាជ្ញាធរក្រុងបាត់ដំបងដែលបានបើកប្រាក់អោយពួកគាត់ សរុបទាំង ៧ ថ្ងៃ និង ១០ ថ្ងៃ នោះតែ ៤០ ដុល្លា តែប៉ុណ្ណោះ ។ប្រភពពីប្រជាពលរដ្ឋដដែលបានអោយដឹងទៀតថា ផ្ទះប្រជាពលរដ្ឋដែលបិតផ្អាករកសីុលក់ដូរទុកអោយគេថតកុននោះខ្លះលក់គុយទាវ លក់បាយ លក់ភេសជ្ជៈ លក់គ្រឿងអេឡិចត្រូនិច គ្រឿងសំណង់ ។ ល ។ បានព្រមផ្អាកលក់ព្រោះតែជឿតាមការអះអាងរបស់មន្ត្រីដែលចុះធ្វើស្ថិតិតាមផ្ទថា ខាងក្រុមហ៊ុនថតកុននឹងផ្ដល់ប្រាក់ពី ១០០ ដុល្លាទៅ ៣០០ ដុល្លា សម្រាប់មួយផ្ទះក្នុងមួយថ្ងៃ ។ លុះពេលថតចប់យកលុយ ៤០ ដុល្លាមកបើកអោយ ពួកគាត់មិនសុខចិត្តទេ ។ប្រភពបានអោយដឹងទៀតថា នៅថ្ងៃស្អែកវេលាម៉ោង ២ រសៀល ប្រជាពលរដ្ឋទាំងនោះនឹងនាំគ្នាទៅតវ៉ាដល់សាលាក្រុងតែម្ដង ។ ប្រជាពលរដ្ឋបាននិយាយថាពេលលោកស្រីអេនជូលីណា ថតកុននៅខេត្តសៀមរាបបានផ្ដល់អោយប្រជាពលរដ្ឋក្នុងមួយផ្ទះ ៤០០ ដុល្លាឯណោះ គឺតាមប្រភេទផ្ទះប្រកបអាជីវកម្មតូចឬធំ ។ជាយោបល់ខ្ញុំ បើបងប្អូនប្រជាពលរដ្ឋចង់ដឹងច្បាស់ សូមដាក់ពាក្យបណ្ដឹងទៅក្រុមហ៊ុនថតកុនរបស់លោកស្រី អេនជូលីណា ជោលី នឹងដឹងច្បាស់ជាក់ជាពុំខាន ។ ពេលនោះមន្ត្រីណាខ្លះលេបប្រាក់របស់ពលរដ្ឋសូមអោយក្អួតចេញមកវិញអោយអស់ ហើយថ្នាក់លើគួរតែដកមន្ត្រីធុននឹងក្រវាត់ ចោលដើម្បីព្រមានដល់មន្ត្រីផ្សេងទៀតកុំអោយប្រព្រឹត្តអំពើកឹបកេងលុយប្រជាពលរដ្ឋ ។ប្រភពពីហ្វេសប៊ុកផេក លោក ផែង វណ្ណៈ

បង្គន់នោមទំនើបលើទីសាធារណៈជាប់ដងផ្លូវសម្រាប់បុរសដាក់នៅតាមផ្លូវប្រទេសអូស្រ្តាលី

ថ្ងៃទី ១៧ ខែ កុម្ភះ ឆ្នាំ ២០១៦ ម៉ោង ០៣:១២

បង្គន់នោមទំនើបលើទីសាធារណៈជាប់ដងផ្លូវសម្រាប់បុរស គឺជាគំនិតថ្មីយកគំរូតាមប្រទេសមួយនៅអឺរ៉ុប។ បង្គន់នេះត្រូវគេសាងសង់ដំឡើងនៅក្រុង Perth រដ្ឋអូស្ដ្រាលីខាងលិច ចំណាយប្រាក់១សែន៧ម៉ឺន៥ពាន់ដុល្លារអូស្ដ្រាលី ហើយត្រូវសាលាក្រុងដាក់ឲ្យប្រើប្រាស់ ដើម្បីជួយសម្រួលដល់ការលំបាករបស់បុរសពេលទប់មិនជាប់។ 

កាមេរ៉ាមួយនេះមានសមត្ថភាពខ្ពស់មិនចាញ់កាមេរ៉ា DSLR និង GoPro ប៉ុន្មានឡើយ

ថ្ងៃទី ១៦ ខែ កុម្ភះ ឆ្នាំ ២០១៦ ម៉ោង ១០:១៧

សព្វថ្ងៃយុវវ័យជាច្រើនចាប់ផ្តើមចូលចិត្តការថតនិងការថត Selfie ជាដើមហើយអ្នកខ្លះក៏ប្រើកាមេរ៉ាប្រភេទ DSLR ទៅឯខ្លះទៀតប្រើកាមេរ៉ាតូចដូចជា SJ និង Go Pro ចំណែកម៉ាកកាមេរ៉ាមួយនេះវិញគឺមិនសូវមាននរណាស្គាល់ទេ។ប៉ុន្តែថ្ងៃនេះ ធូដេខេអេជ នឹងបង្ហាញពីកាមេរ៉ាមួយដែលមានសមត្ថភាពសឹងតែឈ្នះកាមេរ៉ា SJ និង GoPro បាត់ទៅហើយគឺ DJI Osmo។គួរបញ្ជាក់ផងដែរថា DJI ត្រូវបានមនុស្សជាច្រើនស្គាល់ថាជាក្រុមហ៊ុន Drone ដ៏ខ្លាំងខ្លាមួយទេ វាក៏ជាក្រុមហ៊ុនដែលផលិតកាមេរ៉ាមានសមត្ថភាពពិសេសៗដូច Osmo ដែលមានឧបករណ៍ទប់លំនឹងនេះជាដើម។បើយើងចូលទៅនិយាយពីលក្ខណៈសម្បត្តិរបស់ DJI Osmo នេះវិញគឺវាមាន 4 ផ្នែក: Zenmuse X3 ដែលមានឧបករណ៍សម្រាប់ទប់កាមេរ៉ា 3 axis ដងកាន់ដែលមានប៉ូតុងមុខងារជាច្រើន ថ្មទំហំ 10.8 Wh និងកន្លែងដាក់ទូរស័ព្ទដែលវាមានទម្ងន់ 422 ក្រាម។បើអ្នកណាដែលធ្លាប់ប្រើប្រាស់ Drone Inspire 1 និងកាមេរ៉ា Zenmuse X3 ហើយច្បាស់ជាដឹងខ្លះអំពី Osmo នេះហើយ។កាមេរ៉ារបស់ DJI Osmo នេះគឺបំពាក់ដោយកាមេរ៉ា 1/2.3  អ៊ីញទំហំ 12 មេហ្គាភិចសែលសេនស័ររបស់ក្រុមហ៊ុន Sony ដែលអាចថតវីដេអូបានដល់ 4K ក្នុងកម្រិត 4096 x 2160 បានក្នុងល្បឿន 24fps ឬ 3840 x 2160 បានក្នុងល្បឿន 30fps/24fps។អ្នកក៏អាចប្រើវាក្នុងការថតវីដេអូបែប Slow Motion ក៏បានដែរក្នុងល្បឿន 120fps នៅកម្រិតរូបភាព 1080 ភិចសែល។ចំណែកវាក៏បានភ្ជាប់មកជាមួយនូវទម្រដាក់ទូរស័ព្ទនៅខាងឆ្វេងដៃផងដែរដែលវាផលិតឡើងពីលោហធាតុដែកហើយនឹងជ័រប្លាស្ទិកដាក់គែមជ្រុងដូច្នេះអ្នកនឹងមិនមានបញ្ហាឆ្កូតកើតឡើងនៅពេលដាក់ទូរស័ព្ទអ្នកឡើយ។នៅផ្នែកខាងក្រោយដងកាមេរ៉ានេះក៏មាននូវរន្ធដោតកាសមួយទំហំ 3.5 មីលីម៉ែត្រផងដែរ ម៉្យាងទៀតបើនិយាយពីប៉ូតុងនៅខាងក្រោយនេះវិញមានប៉ូតុងដែលមានមុខងារបីគឺ: បង្វែរចុះក្រោមដើម្បីធ្វើការបិទទិសទៅ (Orientation) របស់វា ចុចពីរដងដើម្បីឲ្យវាត្រឡប់មកដូចដើមនិងចុចបីដងសម្រាប់បង្វែរឲ្យកាមេរ៉ាត្រឡប់ក្រោយមកមុខយើងដើម្បីធ្វើការថត Selfie វាអាចជាដងកាមេរ៉ាមួយដ៏អស្ចារ្យហើយមានតម្លៃថ្លៃផងដែរមើលទៅ។មិនត្រឹមតែប៉ុណ្ណោះក្រុមហ៊ុន DJI ក៏បានអភិវឌ្ឍន៍ឡើងនូវកម្មវិធី DJI GO សម្រាប់បើកនៅពេលអ្នកភ្ជាប់ជាមួយនឹងទូរស័ព្ទអ្នក ជាមួយនឹងកម្មវិធីនេះអ្នកអាចកែតម្រូវគុណភាពរូបភាព កម្រិត ISO កម្រិត Exposure និងការថតជាលក្ខណៈបែប Slow Motion ព្រមទាំង Panorama ជា 360 ឬ 180 ដឺក្រេបាន។ចំពោះការផ្ទេរនិងបញ្ជូនរូបភាពឬវីដេអូវិញគឺបានអាចបញ្ជូនពីកាមេរ៉ាទៅទូរស័ព្ទក្នុងកម្រិតរូបភាព 1080 ភិចសែលប៉ុណ្ណោះ បើសិនជាអ្នកចង់បាន 4K អ្នកទាល់តែបញ្ជូនតាម micro SD card។អ្វីដែលពិសេសជាងកាមេរ៉ាផ្សេងៗទៀតដែលមិនមាននោះគឺវាមានដងនេះដែលជាឧបករណ៍ទប់លំនឹងបានល្អបំផុតដែលបានភ្ជាប់មកជាមួយនូវពេលអ្នកទិញកាមេរ៉ា។ចំពោះតម្លៃវិញគឺថ្លៃជាងកាមេរ៉ា Go Pro Hero 4 Black ដែលអាចថតបានក្នុងកម្រិត 4K ដូចគ្នាប្រហែលជា 100 ដុល្លារជាង។ខណៈ Go Pro Hero 4 Black មានតម្លៃ 500 ដុល្លារចំណែក DJI Osmo គឺតម្លៃ 649 ដុល្លារ ទោះជាយ៉ាងណាតម្លៃនេះគឺវាសមរម្យទៅនឹងសមត្ថភាពពិសេសដែលអាចទប់លំនឹងបានខ្ពស់និងសម្ភារៈពិសេសជាច្រើនទៀតហើយ។ប៉ុន្តែគួរឲ្យសោកស្តាយដែលកាមេរ៉ា DJI Osmo មានលក់នៅទីផ្សារប្រទេសកម្ពុជាទេ។ឥឡូវយើងនឹងទៅទស្សនាវីដេអូមួយដែលគេបានថតដោយប្រើប្រាស់ DJI Osmo នេះមើលទៅឡើងត្រជាក់ភ្នែកតែម្តង:មើលវីដេអូនេះហើយតើអ្នកទាំងអស់គ្នាយល់យ៉ាងណាដែលចំពោះកាមេរ៉ា DJI Osmo មួយនេះ?ប្រភព: Engadgetអត្ថបទដោយ: William

លេចចេញរូបរាងរបស់ថេប្លេតថ្មីរបស់ Samsung ហើយដែលគេហៅថា Galaxy Tab E

ថ្ងៃទី ១៦ ខែ កុម្ភះ ឆ្នាំ ២០១៦ ម៉ោង ០៥:៤៦

ការរាយការណ៍កាលពី 3 ខែបានចេញថាក្រុមហ៊ុនទូរស័ព្ទយក្សមួយនេះដែលកំពុងតែធ្វើការលើថេប្លេតទំហំកណ្តាល ម៉ូដែល SM-T280 និង SM-T285 ដែលមានទាំងប្រើប្រាស់ WiFi និង 4G ហើយគេហៅវាថា Samsung Galaxy Tab E។ដោយកាលពីខែមុនគឺបានត្រឹមតែមានពត៌មានលេចចេញអំពីថា Samsung កំពុងសិក្សាលើវានិងលក្ខណៈសម្បត្តិរបស់វាមួយចំនួនប៉ុណ្ណោះ ប៉ុន្តែថ្ងៃនេះយើងបានឃើញរូបរាងរបស់វាទាំងស្រុងហើយ។ចំពោះលក្ខណៈសម្បត្តិរបស់វាដែលបានលេចចេញគឺថាវានឹងម៉ាស៊ីនរបស់វានឹងដំណើរក្នុងល្បឿន 1.3 Ghz អមជាមួយនឹងរ៉េមទំហំ 1.5 GB។ចំណែកកញ្ចក់អេក្រង់របស់វាវិញនឹងមានទំហំ 7 អ៊ីញ ដែលអាចបង្ហាញរូបភាពក្នុងកម្រិត 1280 x 800 ភិចសែល ជាមួយនឹងអង្គផ្ទុកទិន្នន័យទំហំ 8GB ហើយអាចបន្ថែម micro SD card បានទៀតផង។កាមេរ៉ារបស់វាវិញកាមេរ៉ាមុខមានទំហំ 2 មេហ្គាភិចសែល ចំណែកកាមេរ៉ាក្រោយមានទំហំ 5 មេហ្គាភិចសែល ពត៌មានបានបន្តទៀតថាវានឹងមានទម្ងន់ត្រឹម 283 ក្រាមហើយនិងមានកម្រាស់ស្តើងត្រឹម 8.7 មីលីម៉ែត្រ។ថ្មរបស់វាវិញនឹងមានទំហំ 4000 mAh និងដំណើរការដោយប្រព័ន្ធប្រតិបត្តិការណ៍ Android 5.1 Lollipop។យ៉ាងណាមិញចំពោះថេប្លេតនេះគឺអាចនឹងជាថេប្លេត Galaxy Tab E 7.0 ឬ Galaxy Tab A 7.0 ក្រុមហ៊ុន Samsung ក៏មិនទាន់បានប្រកាសថ្ងៃចេញនូវថេប្លេតនេះនៅឡើយទេប៉ុន្តែគេបានរំពឹងថាវានឹងចេញនៅចុងខែមិនាឬដើមខែមេសាខាងមុខនេះឯងហើយនឹងមានពណ៌សនិងខ្មៅព្រមទាំងមកជាមួយនូវតម្លៃប្រហែល 188$ មើលទៅសមរម្យល្មមនឹងលក្ខណៈសម្បត្តិរបស់វាដែរ។ប្រភព: SAMMOBILEប្រែសម្រួលដោយ: William

រុស្សីវាយប្រហារតាមអាកាសទៅលើមន្ទីរពេទ្យបណ្តាលអោយមនុស្សស្លាបនិងរបួសរាប់សិបនាក់

ថ្ងៃទី ១៥ ខែ កុម្ភះ ឆ្នាំ ២០១៦ ម៉ោង ១៥:៥៩

មន្ទីរពេទ្យចំនួនពីរត្រូវបានគេសង្ស័យថារងការវាយប្រហារដោយទ័ពអាកាសប្រទេសរុស្ស៊ីនៅភាគខាងជើងស៊ីរីបានបណ្តាលអោយមនុស្សយ៉ាងហោចណាស់ 20 នាក់ស្លាប់និងរាប់សិបនាក់រងរបួស។ យ៉ាងហោចណាស់មានមនុស្សប្រាំពីរនាក់ត្រូវបានសម្លាប់នៅមន្ទីរពេទ្យ Marat Al Numan ដែលរងការវាយប្រហារនៅថ្ងៃម្សិលមិញនេះ ហើយក្នុងនោះមានបុគ្គលិកពេទ្យ 8 នាក់ត្រូវបានបាត់ខ្លួននេះបើយោងតាមការរាយការណ៍ពីក្រុមគ្រូពេទ្យគ្មានព្រំដែន។ នៅក្នុងខេត្ត Aleppo  មីស៊ីលមួយបានវាយប្រហារមន្ទីរពេទ្យកុមារមួយនៅក្នុងទីក្រុង Azaz នេះដោយបានសម្លាប់មនុស្សយ៉ាងហោចណាស់ចំនួនប្រាំនាក់និងរាប់សិបនាក់រងរបួស។នៅក្នុងភូមិមួយនៅក្បែរនោះផងដែរក៏មានការវាយឆ្មក់តាមអាកាសទៅលើសាលារៀនមួយបានសម្លាប់មនុស្សប្រាំពីរនាក់ទៀតផ្សេងទៀត។ អង្គការ MSF បាននិយាយថាមន្ទីរពេទ្យមានគ្រែនៅ 30 គ្រែនៅតំបន់ Idlib ត្រូវបានរងការវាយប្រហារផ្ទួនៗគ្នាពីលើអាកាស។ ប្រភពពី independentប្រែសំរួលដោយ Justin