trollkhmer news

សង្គមនិងជីវិត

ប៉េអឹមផ្ទៃប្រទេសប្រជុំ ផ្សព្វផ្សាយប្រគល់ភារកិច្ចទទួលខុសត្រូវជួយមេបញ្ជាការលើការងារជំនាញ

ថ្ងៃទី ០៣ ខែ កុម្ភះ ឆ្នាំ ២០១៧ ម៉ោង ១០:២២

ភ្នំពេញ៖ នៅទីបញ្ជាការកងរាជអាវុធហត្ថលើផ្ទៃប្រទេស បានបើកកិច្ចប្រជុំផ្សព្វផ្សាយសេចក្តីសម្រេចស្តីពីការបែងចែកភារកិច្ចទទួលខុសត្រូវជួយមេបញ្ជាការលើការងារតាមផែនជំនាញនីមួយៗ ក្រោមអធិបតីភាពលោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងមានការចូលរួមពីសំណាក់ ឯកឧត្តម ឧត្តមសេនីយ៍ មេបញ្ជាការរង នាយរងសេនាធិការដ្ឋាន ស្នងការ នាយកសាលា មេបញ្ជាការកងរាជអាវុធហត្ថរាជធានី ខេត្ត ស្នងការរង ព្រមទាំងនាយទាហាននៃកងរាជអាវុធហត្ថលើផ្ទៃប្រទេសជាច្រើនរូបបានអញ្ជើញចូមរួមផងដែរ។កិច្ចប្រជុំផ្សព្វផ្សាយសេចក្តីសម្រេចស្តីពីការបែងចែកភារកិច្ចទទួលខុសត្រូវជួយមេបញ្ជាការលើការងារតាមផែនជំនាញនីមួយៗ បានធ្វើឡើងនៅព្រឹកថ្ងៃទី០៣ ខែមករាឆ្នាំ២០១៧នេះ នៅតីបញ្ជាការដ្ឋានកងរាជអាវុធហត្ថលើផ្ទៃប្រទេស។ កងរាជអាវុធហត្ថជាផ្នែកមួយនៃកងយោធពលខេមរភូមិន្ទ គឺជាទ័ពជំនាញដែលមានតួនាទី ភារកិច្ច រក្សាការពារសន្តិសុខ សណ្នាប់ធ្នាប់សាធារណៈ ស្រាវជ្រាវទប់ស្កាត់ បង្ក្រាបបទល្មើស សហការពង្រឹងការអនុវត្តច្បាប់ និងជួយសង្គ្រោះប្រជាពលរដ្ឋរងគ្រោះមហន្តរាយផ្សេងៗ។ ដើម្បីសម្រេចបាននូវភារកិច្ចខាងលើ ចាប់ពីឆ្នាំ១៩៩៩ មកដល់បច្ចុប្បន្នកងរាជអាវុធហត្ថបានធ្វើការកែទម្រង់ជាបន្តបន្ទាប់ ជាពិសេសបានធ្វើការកែសម្រួលរចនាសម្ពន្ធក្របខណ្ឌ ចាត់តាំងកងរាជអាវុធហត្ថ។

ប្រជាពលរដ្ឋ៦គ្រួសារមានជម្លោះដីធ្លីជាមួយក្រុមហ៊ុន ស៊ីវីសុខា សុំអន្តរាគមន៍ពីនាយករដ្ឋមន្ត្រី

ថ្ងៃទី ០៣ ខែ កុម្ភះ ឆ្នាំ ២០១៧ ម៉ោង ០៩:៥៩

ភ្នំពេញ៖ ប្រជាពលរដ្ឋចំនួន៦គ្រួសារ ដែលមានជម្លោះដីធ្លីជាមួយក្រុមហ៊ុន ស៊ីវីសុខា អ៊ិនវេសម៉ិន ខូអិលធីឌី ស្ថិតនៅភូមិព្រៃមូល សង្កាត់ក្រាំងឃ្នង់ ខណ្ឌសែនសុខ ដែលបានអូសបន្លាយពេលជាយូរមកហើយ បានធ្វើការទទូចសុំអន្តរាគមន៍ពីសម្តេចតេជោ ហ៊ុន សែន ប្រមុខដឹកនាំរាជរដ្ឋាភិបាលឲ្យផ្តល់យុត្តិធម៌ដល់ពួកគាត់។ ពីព្រោះរឿងដីនេះ បានប្តឹងផ្តល់នៅតុលាការដោះស្រាយមិនទាន់ចប់ផល ស្រាប់តែមានជនទី៣ បានមកចាក់ដីនៅលើដីរបស់ប្រជាពលរដ្ឋ។ ការតវ៉ារបស់ប្រជាពលរដ្ឋបានធ្វើឡើងកាលពីរសៀលថ្ងៃទី០២ ខែកុម្ភៈ ឆ្នាំ២០១៧ បន្ទាប់ពីមានមន្ត្រីមានឥទ្ធិពលម្នាក់ (សុំមិនបញ្ចេញឈ្មោះ) បានទៅចាក់ដីលើដីទំនាស់របស់ប្រជាពលរដ្ឋទាំង៦គ្រួសារ ដែលកំពុងតែមានការប្តឹងផ្តល់គ្នានៅតុលាការនៅឡើយ។ តំណាងប្រជាពលរដ្ឋបានអះអាងថា ដីនេះពួកគាត់បានទិញត្រឹមត្រូវ និងមានឯកសារទិញលក់ថែមទៀតផង និងបានកាត់ឈ្មោះត្រឹមត្រូវទៅតាមច្បាប់។ ហើយរឿងនេះកំពុងតែស្ថិតនៅតុលាការកំពូលនៅឡើយ និងកំពុងតែដំណើរការ រឿងអីបានជាមកចាក់ដីលើដីរបស់ប្រជាពលរដ្ឋ។ ដោយតំណាងរាស្ត្ររូបនោះបានបញ្ជាក់ថា “យើងមានទាំង សជណ របស់សម្តេចតេជោ ហ៊ុន សែន ឯកភាព និងគណៈរដ្ឋមន្ត្រីចេញ សជណ មកឲ្យយើងជាដីពួកខ្ញុំពិតប្រាកដ ខ្ញុំមានឯកសារសំអាងគ្រប់គ្រាន់។ ហើយរឿងនេះដីរបស់ប្រជាពលរដ្ឋសោះ ហេតុអ្វីបានជាពួកគាត់ មិនទាន់ចប់នីតិវិធីសោះ ហើយហេតុអីបានជាចាក់ដីលើដីប្រជាពលរដ្ឋ ពីព្រោះនីតិវិធីអត់ទាន់ចប់ទេ ហើយគាត់ចាក់នេះ រំលោភលើប្រជាពលរដ្ឋហើយ។ ប្រជាពលរដ្ឋមានឯកសារគ្រប់គ្រាន់ទាំងអស់ ជាក់ស្តែងជាមួយក្រុមហ៊ុន ស៊ីវីសុខា ទេ អត់មានពាក់ព័ន្ធជាមួយអ្នកណាទេ”។ តំណាងប្រជាពលរដ្ឋបានបញ្ជាក់ទៀតថា “កាលពីប្រជាពលរដ្ឋទិញ ក្រុមហ៊ុន ស៊ីវីសុខា មានសាលក្រម ៤០៥ កាត់ឲ្យយើងចាញ់ តែឥឡូវយើងស្នើឲ្យទៅក្រសួងយុត្តិធម៌ ក្រសួងយុត្តិធម៌ ស្នើទៅព្រះមហាក្សត្រ ឲ្យសុំសើរើរឿងនេះឡើងវិញ ពីព្រោះពួកខ្ញុំទទួលភាពអយុត្តិធម៌ ព្រោះដីជារបស់យើងខ្ញុំ អ្វីជារបស់យើងខ្ញុំ រឿងនេះនីតិវិធីកំពុងតែដំណើរការនៅតុលាការកំពូល ហើយបែរជាមានអ្នកមកចាក់ដីលើដីរបស់ពួកខ្ញុំ ហើយពួកខ្ញុំហាមចាក់ដីសិន ចាំនីតិវិធីចប់ អ្នកណាឈ្នះអ្នកនោះធ្វើទៅ”។ ពាក់ព័ន្ធករណីនេះ គឺមានលិខិតអន្តរាគមន៍ពីស្ថាប័នពាក់ព័ន្ធមួយចំននដូចជា ទីស្តីការគណៈរដ្ឋមន្ត្រី ក្រសួងរៀបចំដែនដី នគរូបនីយកម្មនិងសំណង់ ក្រសួងយុត្តិធម៌ នាយករដ្ឋមន្ត្រី និងជាពិសេសព្រះមហាក្សត្រថែមទៀតផង។ ចំពោះសំណើរបស់ប្រជាពលរដ្ឋទាំង៦គ្រួសារ ដែលបានទូលស្នើព្រះមហាក្សត្រ ព្រះរាជអន្តរាគមន៍មកសម្តេចនាយករដ្ឋមន្ត្រី ហ៊ុន សែន ដើម្បីឲ្យក្រសួងរៀបចំដែនដី នគរូបនីយកម្មនិងសំណង់ ជួយស្រាវជ្រាវបញ្ជាក់ភាពត្រឹមត្រូវនៃប័ណ្ណសំគាល់សិទ្ធិចំនួន០៦ប័ណ្ណ ដែលបានចុះបញ្ជីផ្ទេរសិទ្ធិរបស់ប្រជាពលរដ្ឋរួចហើយ តែត្រូវបានភាគីម្ខាងទៀតប្តឹងទាមទារនោះ។បើយោងតាមលិខិតចុះថ្ងៃទី២៧ ខែឧសភា ឆ្នាំ២០១០ រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ បានធ្វើរបាយការណ៍រាយការណ៍ជូនសម្តេចនាយករដ្ឋមន្ត្រីថា ផ្អែកលើព័ត៍មានដែលបានចុះក្នុងសៀវភៅចុះបញ្ជីអចលនវត្ថុ គឺដីមានប័ណ្ណសំគាល់សិទ្ធិចំនួន៦ប័ណ្ណដែរមានលេខឆ II0050 ភព០៦៣៩៧ (ឆII0051) ភព ០៦៣៩៨ (ឆII0052) ភព ០៦៣៩៩ (ឆII0053) ០៦៤០០ (ឆII0054) ភព ០៦៤០១ (ឆII0055) ចុះថ្ងៃទី០៣ ខែសីហា ឆ្នាំ២០០៤ពិតជាបានចុះបញ្ជីផ្ទេរសិទ្ធិមកឈ្មោះរបស់ម្ចាស់សំណើខាងលើពិតប្រាកមែន៕

ទូតស៊ុយអ៊ែតថ្មីសរសើរ រាជរដ្ឋាភិបាលកម្ពុជាចំពោះការធ្វើកំណែទម្រង់ពិសេសចំនួន៣

ថ្ងៃទី ០៣ ខែ កុម្ភះ ឆ្នាំ ២០១៧ ម៉ោង ០៨:៤៨

ភ្នំពេញ៖  កាលពីរសៀលថ្ងៃទី២ ខែកុម្ភៈ ឆ្នាំ២០១៧នេះសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានអនុញ្ញាតឲ្យលោកជំទាវ ម៉ារៀ សាហ្គែន( Maria Sargren)ឯកអគ្គរាជទូតស៊ុយអ៊ែតទើបតែងតាំងថ្មីប្រចាំកម្ពុជាចូលជួបសវនាការនិងពិភាក្សាការងារនៅទីស្តីការក្រសួងមហាផ្ទៃ។ នាជំនួបនោះលោកជំទាវ ម៉ារៀ សាហ្គែន( Maria Sargren)បានលើកឡើងពីទំនាក់ទំនងរវាងកម្ពុជានិងស៊ុយអ៊ែតនេះគឺមានតាំងពីយូរណាស់មកហើយនៅឆ្នាំ១៩៦១ដោយក្រោយមកកម្ពុជាជួបបញ្ហាសង្គ្រាមត្រូវបានខកខានហើយចាប់ផ្តើមជួយដល់កម្ពុជាឡើងវិញនៅឆ្នាំ១៩៧៩ក្រោយពីរបបខ្មែរក្រហមបានដួលរលំ។ ស៊ុយអ៊ែតបានបើកទូតជាផ្លូវការនៅកម្ពុជាក្នុងឆ្នាំ២០១០ដែលក្នុងរយៈពេលកន្លងមកនេះការពង្រីកទំនាក់ទំនងនិងកិច្ចសហប្រតិបត្តិការពីដំបូងជួយតែលើការងារសង្គ្រោះបន្ទាន់ក្រោយពីកម្ពុជាបានជ័យជំនះលើរបបប្រល័យពូជសាសន៍ពង្រីកមកជាដៃគូរអភិវឌ្ឍយូរអង្វែងលើការអភិវឌ្ឍដែលរាប់ចាប់តាំងពីវិស័យសំខាន់ៗដូចជាសិទ្ធិមនុស្ស លិទ្ធិប្រជាធិបតេយ្យ នីតិរដ្ឋ វិស័យអប់រំ បញ្ហាប្រែប្រួលអាកាសធាតុ និងការគ្រប់គ្រងធនធានធម្មជាតិ ហើយក្នុងនោះស៊ុយអ៊ែតក៏ជាដៃគូរជំនួយផងដែរលើសាលាក្តីខ្មែរក្រហម។ ក្រៅពីវិស័យបានលើកឡើងស៊ុយអ៊ែតនិងកម្ពុជាក៏មានទំនាក់ទំនងកិច្ចសហប្រតិបត្តិការជាមួយគ្នាលើការបង្ក្រាបបទល្មើសឆ្លងដែនរវាងកម្លាំងអនុវត្តច្បាប់នៃប្រទេសទាំងពីរ។ ជាមួយគ្នានោះលោកជំទាវបានសម្តែងនូវការរីករាយដោយឃើញពីវឌ្ឍនភាពនៅកម្ពុជាពាក់ព័ន្ធនឹងកំណែទម្រង់វិមជ្ឈការនិងវិសហមជ្ឈការហើយស៊ុយអ៊ែតកំពុងតែសម្លឹងមើលថាតើអាចជួយគាំទ្រលើផ្នែកណាមួយទៀតលើកំណែទម្រង់មជ្ឈការនិងវិសហមជ្ឈការនេះចាប់ពីឆ្នាំ២០១៨ដល់ឆ្នាំ២០២០ខាងមុខនេះ។លោកជំទាវទូតក៏បានកោតសរសើរចំពោះការប្តេជ្ញាចិត្តរបស់រាជរដ្ឋាភិបាលកម្ពុជាក្នុងការធ្វើកំណែទម្រង់សំខាន់ៗជាច្រើន ជាពិសេសកំណែទម្រង់ចំនួន៣គឺកំណែទម្រង់ហិរញ្ញវត្ថុសាធារណៈ កំណែទម្រង់រដ្ឋាបាលសាធារណៈ និងកំណែទម្រង់មជ្ឈការនិងវិសហមជ្ឈការដែលក្រសួងមហាផ្ទៃកម្ពុជាបាននឹងកំពុងដឹកនាំធ្វើ។ សម្តេចក្រឡាហោម ស ខេង បានថ្លែងអំណរគុណដល់ប្រជាជននិងរាជរដ្ឋាភិបាលស៊ុយអ៊ែតដែលបានជួយកម្ពុជាក្នុងការកសាងសន្តិភាពតាំងពីសម័យសង្គ្រាមមកដល់ពេលបច្ចុប្បន្នជាពិសេសជួយលើវិស័យសំខាន់ៗនានាក្នុងនោះក៏មានកំណែទម្រង់មជ្ឈការនិងវិសហមជ្ឈការផងដែរ។សម្តេចក្រឡាហោម បានជម្រាបជូនថា ពាក់ព័ន្ធនឹងកំណែទម្រង់មជ្ឈការនិងវិសហមជ្ឈការនេះកម្ពុជាបានសម្រេចលទ្ធផលធំៗជាច្រើនក្នុងពេលដំណើរការកន្លងមកនេះ ទី១ គឺបានបង្កើតឡើងនូវក្របខណ្ឌច្បាប់និងបទដ្ឋានគិតិយុត្តផ្សេងៗដើម្បីបម្រើឲ្យការងារកំណែទម្រង់នេះ។ ទី២ គឺបានធ្វើការបោះឆ្នោតក្រុមប្សឹក្សាឃុំ សង្កាត់ រាជធានី.ខេត្ត ក្រុង ស្រុក ខណ្ឌហើយក៏បានរៀបចំឲ្យមានការត្រៀមផ្ទេរមុខងារនិងអំណាចមួយចំនួនទៅដល់រដ្ឋាបាលថ្នាក់ក្រោមជាតិដើម្បីម្ចាស់ការដឹកនាំ។ សម្តេចក្រឡាហោមបានសំណូមពរដល់ស៊ុយអ៊ែតបន្តជួយដល់កម្ពុជាលើវិស័យកំណែទម្រង់មជ្ឈការនិងវិសហមជ្ឈការនេះជាពិសេសតាមរយៈការបណ្តុះបណ្តាលធនធានមនុស្សដើម្បីធ្វើយ៉ាងណាឲ្យមន្ត្រីរដ្ឋាបាលថ្នាក់ក្រោមជាតិមានសមត្ថភាពក្នុងការទទួលទ្រទ្រង់មុខងារដែលថ្នាក់ជាតិប្រគល់ជូន៕

អីយ៉ាស ! មានគ្រូជនជាតិស្បែកខ្មៅម្នាក់មានស្ទាយប្លែកជាមួយសិស្សមិនចាញ់លោកគ្រូ Zhang Yi Qun ទេ

ថ្ងៃទី ០២ ខែ កុម្ភះ ឆ្នាំ ២០១៧ ម៉ោង ២២:៥៣

យោងតាមវីឌីអូខាងក្រោមនេះ លោកគ្រូស្បែកខ្មៅមួយនេះមានឈ្មោះថា Barry មានស្ទាយប្លែកជាមួយសិស្សដោយការស្វាគមន៍មុនពេលចូលសិក្សា តែយ៉ាងណាមិញគេមិនដឹងថាតើលោកគ្រូម្នាក់ណឹងមានវិធីសាស្រ្តបង្រៀនសិស្សឡូយដូចលោកគ្រូ Zhang Yi Qun ប៉ុណ្ណាទេ ។ សូមទស្សនាវីឌីអូខាងក្រោមនេះ និង រំលឹកវីឌីអូអនុស្សាវរីយ៍របស់លោកគ្រូ Zhang Yi Qun ៖

តំបន់គ្រឿងញៀននៅបឹងឈូក រដ្ឋមន្ត្រីក្រសួងមហាផ្ទៃ ដាក់ឱសានវាទ១ខែ បំបែកសំបុកឲ្យបាន

ថ្ងៃទី ០២ ខែ កុម្ភះ ឆ្នាំ ២០១៧ ម៉ោង ១៧:៤៣

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងជាប្រធានយុទ្ធនាការប្រយុទ្ធប្រឆាំងគ្រឿងញៀនលើកទី១ បានដាក់ឱសានវាទរយៈពេលមួយខែ ដល់អាជ្ញាធររាជធានីភ្នំពេញក្នុងការបំបែកសំបុកគ្រឿងញៀននៅតំបន់ត្រពាំងឈូក ស្ថិតនៅសង្កាត់ទឹកថ្លា ខណ្ឌសែន រាជធានីភ្នំពេញ ឲ្យខាងតែបាន។ ការដាក់ឱសានវាទធ្វើឡើង កាលពីព្រឹកថ្ងៃទី២ ខែកុម្ភៈ ឆ្នាំ២០១៧ នៅក្នុងកិច្ចប្រជុំបូកសរុបលទ្ធផល យុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ ​ប្រចាំខែមករាឆ្នាំ២០១៧និងផ្សព្វផ្សាយសេចក្តីសម្រេចរាជរដ្ឋាភិបាលស្តីពីការបង្កើតគណៈកម្មការចម្រុះប្រយុទ្ធ ប្រឆាំងគ្រឿងញៀនខុសច្បាប់នៅទីស្តីការក្រសួងមហាផ្ទៃ។សម្តេចក្រឡាហោម ស ខេង បាន ជំរុញឲ្យអាជ្ញាធររាជធានីភ្នំពេញ សហការជាមួយអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ក្នុងរយៈពេល១ខែ ពោលគឺក្នុងខែកុម្ភៈនេះតែម្តងត្រូវបោសសម្អាតទីតាំងត្រពាំងឈូក ដែលសម្បូរទៅដោយបញ្ហាគ្រឿងញៀនដោយបង្កើតទីបញ្ជាការស្រាលមួយប្រចាំនៅទីនោះក៏បានមិនបាច់បង្កើតក៏បានតែធ្វើម៉េចត្រូវដោះស្រាយឲ្យបាន។ ជាមួយគ្នានោះសម្តេចក៏បានជំរុញឲ្យកងកម្លាំងមានសមត្ថកិច្ចទាំងអស់ចាប់មេក្លោងជួញដូរចែកចាយគ្រឿងញៀនឲ្យបានព្រោះថាពួកនេះមិនមានច្រើនប៉ុន្មាននោះទេ។ សម្តេចក្រឡាហោម ក៏បានស្នើឲ្យអភិបាលខេត្ត និងជាប្រធានគណៈកម្មាការប្រយុទ្ធប្រឆាំងគ្រឿងញៀនខេត្តទាំងអស់ខិតខំបង្កើតមជ្ឈមណ្ឌលព្យាបាលនិងស្តានីតិសម្បទាយ៉ាងហោចណាស់ក្នុង១ខេត្តឲ្យបានមួយ។ បន្ថែមពីលើនេះសម្តេចក្រឡាហោម ក៏បានដាក់ចេញនូវវិធានការចំនួន៥ ៖ ១.វិធានការអប់រំ, ២.វិធានការរដ្ឋបាល ៣.វិធានការអនុវត្តច្បាប់ ៤.វិធានការព្យាបាល និងស្តានីតិសម្បទា និង៥.កិច្ចសហប្រតិបត្តិការអន្តរជាតិ។ ពាក់ព័ន្ធនឹងតំបន់ត្រពាំងឈូកនេះ នាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិនិងជាស្នងការរាជធានីភ្នំពេញបានមានប្រសាសន៍មកកាន់អ្នកសារព័ត៌មានថា បញ្ហាបង្ក្រាបគ្រឿងញៀននេះគឺជាកញ្ចប់បញ្ហាមិនមែនមានតែស្ថាប័ននគរបាលមួយអាចបញ្ចប់បទល្មើសគ្រឿងញៀនបាននោះទេ ។ បញ្ហាតំបន់ត្រពាំងឈូកនេះកន្លងមកយើងបានខិតខំនិងបានអនុវត្តជាប្រចាំលើការងារនេះប៉ុន្តែស្ថានភាពភូមិសាស្ត្រតំបន់នោះគឺជាសំណង់អាណាធិបតេយ្យលំបាកក្នុងការគ្រប់គ្រងគឺមានផ្ទះឈើ ផ្ទះស្លឹកហើយវាបណ្តែតលើទឹកថែមទៀតផង អីចឹងពេលណាយើងចុះអនុវត្តឃើញថាជនល្មើសតែងតែលោតចូលទៅក្នុងទឹកនិងគាស់ជញ្ជាំងលួចចូលទោះបីយើងឃ្លុំបេក៏ដោយនោះ។ ហើយយើងជឿជាក់ថាអភិបាលរាជធានីភ្នំពេញដែលជាប្រធានគណៈបញ្ជាការឯកភាពក៏ដូចជាប្រធានត្រួតពិនិត្យគ្រឿងញៀនរាជធានីភ្នំពេញលោកនឹងយកអនុសាសន៍របស់សម្តេចក្រឡាហោមហើយបង្កើតជាយន្តការមួយដើម្បីដោះស្រាយតំបន់ត្រពាំងឈូកនេះ។

​ទស្សន៍ទាយ​ឧបនិស្ស័យមនុស្ស តាមឥរិយាបថ​នៃ​ការ​គេង

ថ្ងៃទី ០២ ខែ កុម្ភះ ឆ្នាំ ២០១៧ ម៉ោង ១៧:១៧

ជារៀងរាល់ថ្ងៃមនុស្សគ្រប់គ្នាមាន ឥរិយាបថនៃការគេងខុសៗគ្នា ប៉ុន្តែអ្នកដឹងទេ? ឥរិយាបថនៅការគេងវាអាចឆ្លុះបញ្ជាំងឲ្យឃើញនូវឧបនិស្ស័យនៃការ​គេង​សម្រាក​ក្នុង​ឥរិយាបថ​មួយ​ណា​ដែល​ទម្លាប់​ប្រចាំ​ថ្ងៃ របស់អ្នក​អាច​បញ្ជាក់​ប្រាប់​អំពី​និស្ស័យ​ចិត្ដ​គំនិត​របស់​អ្នក​បាន។១-គេង​អង្គុយ ៖ ជាមនុស្ស​អផ្សុក​ដោយ​ងាយ និង​ឆាប់​ក្រៀម​ក្រំ​ក្នុង​ចិត្ដ ព្រោះ​គិត​ច្រើន​ពី​រឿង​អតីត​កាល​របស់​ខ្លួន​ថែម​ទាំង​មាន​ការ​មន្ទិល​សង្ស័យ​ច្រើន​ស្ទាក់​ស្ទើរក្នុង​ចិត្ដ​ខ្វះ​ការ​ជឿ​ជាក់​លើ​ខ្លួន​ឯង។២-គេង​ផ្ងារ ៖ ជាមនុស្ស​ស្រលាញ់​សេរី​ភាព​មាន​ភាព​ម្ចាស់​ការ​ខ្លួន​ឯង​ខ្ពស់ស្រលាញ់​ភាព​ស្អាត​បាត និង​ចូល​ចិត្ដ​ការ​សប្បាយ​ពូកែ​រក​ប្រាក់ ហើយ​ក៏ពូកែ​ចាយ​វាយ​ប្រាក់​ដែរ។៣-គេង​សង្កត់​លើ​ដៃ​ខ្លួន​ឯង ៖ ជា​មនុស្ស​សុភាព​ទន់​ភ្លន់​ ស្មោះ​ត្រង់​ប្រាកដ​ប្រជា ប៉ុន្ដែ​ខ្វះ​ការ​ជឿជាក់​ និង​ខ្វះ​ភាព​កក់​ក្ដៅ។៤-គេង​យក​ដៃ​ទ្រក្បាល ៖ ជាមនុស្ស​វៃ​ឆ្លាត​មាន​បញ្ញា​ស្មារតី​ល្អ ចូល​ចិត្ដ​រៀន​សូត្រ​នូវ​អ្វី​ថ្មីៗ មាន​គំនិត​ប្លែកៗ ស្រលាញ់​ក្រុម​គ្រួសារ​ ប៉ុន្ដែ​ពិបាក​ស្រលាញ់​មនុស្ស​បន្ដិច។៥-គេង​ដាក់​ជើង​គង​ខ្វែង​គ្នា ៖ ជាមនុស្ស​មិន​ហ៊ាន​ទទួល​ស្គាល់​ការ​ផ្លាស់​ប្ដូរ​ ចូល​ចិត្ដ​វិល​វល់​តែ​អំពី​រឿង​របស់​ខ្លួន ប៉ុន្ដែ​ជាមនុស្ស​មាន​ភាព​អត់​ធ្មត់​ខ្ពស់។៦-គេង​ចំកោង​ខ្លួន ៖ ជាមនុស្ស​ពូកែ​ច្រណែន​មិន​ចង់​អោយ​អ្នក​ដ៏ទៃ​ល្អ​ជាង​ខ្លួន​ ជាមនុស្ស​អត្មានិយម​មាន​គំនិត​គុំ​កួន​ និង​ចង​អាឃាត​ព្យាបាទ។៧-គេង​ផ្អៀង ៖ ជាមនុស្ស​មាន​ការ​ជឿ​ជាក់​លើ​ខ្លួន​ឯង​តែងតែ​ទទួល​បាន​ជោគ​ជ័យ​ដោយ​សារ​ការ​ប្រឹង​ប្រែង​ព្យាយាម។ បើ​ចូល​ចិត្ដ​គេង​ផ្អៀង​ ស្ដាំ និង​បោះ​ដៃ​ទៅ​ផុត​លើ​ក្បាល​តែង​តែ​មាន​បុណ្យ​វាសនា​ល្អ។៨-គេង​ទទូរ​ភួយ ៖ ជាមនុស្ស​មាន​ការ​ខ្មាស​អៀន​ ទន់​ជ្រាយ តែង​តែ​រក្សា​ទុក​អាថ៌​កំបាំង​ក្នុង​ចិត្ដ​មិន​ព្រម​បង្ហើប​អោយ​អ្នក​ផ្សេង​ដឹង​រួច​យក​ទៅ​គិត​ខ្វាយ​ខ្វល់​តែ​ម្នាក់​ឯង។៩-គេ​ផ្កាប់​មុខ ៖ បើ​ចូល​ចិត្ដ​គេង​បែប​នេះ​រហូត​មក​បង្ហាញ​អោយ​ឃើញ​ថា ជាមនុស្ស​ចិត្ដ​ចង្អៀត​ធ្វើ​តាម​ទំនើង​ចិត្ដ​របស់​ខ្លួន និង​ចូល​ចិត្ដ​អោយ​អ្នក​ដទៃ​ធ្វើ​តាម​តម្រូវ​ការ​របស់​ខ្លួន​ថែម​ទាំង​ជាមនុស្ស​ឆ្វេស​ប្រហែស​មិន​សូវ​ទទួល​ខុស​ត្រូវ​ទៀត​ផង។

ថតរូបចុះឡើង ដោយរូបសត្វចម្លែក UFO

ថ្ងៃទី ០២ ខែ កុម្ភះ ឆ្នាំ ២០១៧ ម៉ោង ១៦:៣៧

រូបភាពមួយដែលគេថតបាននៅព្រៃ Parque ក្នុង Santiago ប្រទេស Chile ធ្វើអោយអ្នកថតរូបម្នាក់ឈ្មោះ Germán Pereira ជាវិស្វករស៊ីវិលស្ទើរតែមិនជឿថា គាត់ថតដោយរូបសត្វចម្លែកនេះនៅពីក្រោយសេះស្របពេលដែលគាត់កំពុងថតរូបប៉ូលីសទាំងនោះ ហើយគេសង្ស័យថាវាគឺសត្វចម្លែករបស់ UFO ។ រូបថតនេះត្រូវបានថតនៅម៉ោង 05:40 PM មកពីមេឃរាងស្រទុំ ហើយកាមេរ៉ា Low Speed ពេកធ្វើអោយគាត់ពិបាក Zoom រហូតដល់រូបណឹងព្រាល (Blur) ។ គាត់បានបន្ថែមទៀតថា គាត់ពិតជាចាប់អារម្មណ៍លើរូបនេះ ហើយគាត់បានអះអាងថាវាជាការពិត គ្មានប្រឌិតឡើយ គាត់ជឿជាក់លើវិទ្យាសាស្រ្ត ធម្មជាតិ តែឥឡូវធ្វើអោយគាត់ភ្លឺភ្នែកដោយសាររូបថតមួយនេះ ៕

អគ្គិភ័យឆាបឆេះផ្ទះសំអាងការនិងកាត់ដេរ នៅសង្កាត់បឹងកេងកង១

ថ្ងៃទី ០២ ខែ កុម្ភះ ឆ្នាំ ២០១៧ ម៉ោង ១៥:៤៩

ភ្នំពេញ៖ កាលពីវេលាម៉ោងជាង១២ថ្ងៃត្រង់ ថ្ងៃទី០២ ខែកុម្ភៈ ឆ្នាំ២០១៧ អគ្គីភ័យកើតឡើងនៅផ្ទះលេខ០៣ ផ្លូវលេខ៥៧ ភូមិ ០៤ សង្កាត់បឹងកេងកង១ ខណ្ឌចំការមន រាជធានីភ្នំពេញ។ ម្ចាស់ឈ្មោះ សុង ធីតា ភេទស្រី អាយុ៣៧ឆ្នាំ មានមុខរបរ បើកហាងសំអាងការ និងកាត់ដេរ។ មូលហេតុ នៃការបណ្តាលឲ្យឆេះនេះ សមត្ថកិច្ចកំពុងស្រាវជ្រាវ។ ខូចខាត ឆេះបន្ទប់កាត់សម្លៀកបំពាក់សំអាងការជាន់ទី១ទំហំ 4ម×7ម អស់ទាំងស្រុង។ របួសមនុស្ស ឫស្លាប់គ្មាន។ រថយន្តការិយាល័យអគ្គីភ័យ ចំនួន ០៦គ្រឿង ប្រើប្រាស់ទឹក អស់៤ឡាន ស្មើនឹង ១៦ម៉ែត្រគូប ។ រថយន្តនាយកដ្ឋានអគ្គិភ័យ នៃក្រសួងមហាផ្ទៃចំនួន០១គ្រឿងពុំបានប្រើប្រាស់ទឹក។

ទិញសំបុត្រ Couple Run ហើយឬនៅ?

ថ្ងៃទី ០២ ខែ កុម្ភះ ឆ្នាំ ២០១៧ ម៉ោង ១៤:២៥

កម្មពីធីរត់ប្រណាំជាគូដ៏ធំហើយប្លែក Couple Run នឹងប្រព្រឹត្តឡើងជាលើកទី២នៅថ្ងៃ ១៤ កុម្ភៈ ឆ្នាំ២០១៧ ខាងមុខនេះហើយ!!! កម្មវីធីនេះជាការរត់កំសាន្ត បែបសប្បុរសរួមចំនែកជួយដល់សង្គមតាមការបរិច្ចាកថវិការមួយផ្នែកដល់មន្ទីពេទ្យគន្ធបុប្ផា និងមួយផ្នែកទៀតឧបត្ថមដល់សហពន្ធ័អត្តពលកម្មស្ម័គ្រចិត្តដែលថវិការទាំងនោះទទួលបានពីការលក់សំបុត្រ ។ មិនត្រឹមតែប៉ុណ្ណោះ Couple Run មានអត្តន័យបង្កប់កាន់តែជ្រាលជ្រៅ ក្នុងគោលបំណងផ្លាស់ប្តូរថ្ងៃ ១៤ កុម្ភៈ ដែលយុវវ័យមួយចំនួនតែងប្រព្រឹត្តខុសប្រពៃណី ជ្រើសរើសយកផ្ទះសំណាក់ រឺសណ្ឋាគារដើម្បីផ្តល់នូវក្តីស្រលាញ់មិនត្រឹមត្រូវ មកចាប់អារម្មណ៍ចូលរួមកម្មវីធី Couple Run រត់ចងដៃជាមួយមនុស្សជាទីស្រលាញ់ ដូចជាបងប្អូន មិត្តភក្តិ ញាតិសន្តាន និងគូស្នេហ៍ជាដើម រួមទាំងទស្សនាការប្រគុំតន្រីដែលចូលរួមពីក្រុមតារាចំរៀង Original Song ជាច្រើននាក់មានដូចជា កញ្ញា Adda ក្រុម Khmer idol ក្រុម MustcheBand លោក Hak Record  លោក Vanda និងអ្នកចំរៀងជាច្រើនទៀត ជាមួយនិងការសំដែងប្លែកបែបកំប្លែងពីសំណាក់តារាសំដែងមួយចំនួនទៀត។ កាន់តែគួរអោយចាប់អារម្មណ៍ក្នុងពេលរត់ ក៏មានល្បែង កំសាន្តផ្សេងៗទៀតផងដែរ ។ ជាមួយគ្នាផង ដែល កម្មវិធី  couple run 2017 បានបង្កើតដោយក្រុមហ៊ុននាឡិកា ice watch. ក្រោមកាគាំទ្ររបស់ក្រសួង អប់រំយុវជននិងកីឡា និង  សហពន្ធ័អត្តពលិកម្មស្មគ្រ័ចិត្ត  រួមជាមួយ ការឧបត្ថម្ភធំ  ដោយក្រុមហ៊ុន Berroca និង ភេសជ្ជះ Pocariswet និងសហការឧបត្ថម្ភកម្មវិធី  ដោយក្រុមហ៊ុន Reme cosmetics,ក្រុមហ៊ុន internet digi , Libresse , smile mini mart , រោពុម្ព cam idea ព្រមទាំងដៃគូរផ្សព្វផ្សាយមាន sabay, វិទ្យុ វាយោ និង TrollKhmer  ។លោកអ្នកនឹងរីករាយជាមូយល្បែងកំសាន្តប្លែកៗដូចជារត់ចងដៃ ចងជើង រត់ជាមួយតន្រ្តី ជាន់ប៉េងប៉ោង បាញ់ទឹក និងផ្សេងៗទៀត។ សំបុត្រចូលរួមមួយសន្លឹកតំលៃត្រឹមតែ ៩ដុល្លា រាល់ការជាវ ៕