trollkhmer news

សង្គមនិងជីវិត

វិធិសាស្រ្តនិយាយពាក្យ សុំទោសដ៏ត្រឹមត្រូវ ដើម្បីទំនាក់ទំនងដ៏ល្អជាមួយដៃគូ

ថ្ងៃទី ០៦ ខែ មិថុនា ឆ្នាំ ២០១៦ ម៉ោង ១៦:៥០

មិន​ថា​ហេតុការណ៍​ដែល​ធ្វើឱ្យ​អ្នក និង​គេ (ឬ​នាង) ត្រូវ​ដើរ​បែរខ្នង​ដាក់គ្នា​ធ្ងន់ធ្ងរ​ប៉ុនណា​ក៏ដោយ តែបើ​សិន​ជាមាន​ពាក្យ “សុំទោស” បន្លឺ​ចេញមក​ពី​មាត់​របស់​អ្នក​ដែល​ដឹងខ្លួន​ថា​ខុស​វិញ​នោះ សម្ពន្ធភាព​ដែល​មើលទៅ​ហាក់ដូចជា​បម្រុង​នឹង​ដាច់​ភឹង​ទៅហើយនោះ អាច​នឹង​ងាក​មក​ផ្គុំ​គ្នា​ជាថ្មី​ម្តងទៀត​ឡើងវិញ​បាន ព្រោះ​ពាក្យ “សុំទោស” ប្រៀបដូចជា​អាគម​គាថា​ចងភ្ជាប់​ភ្ជិត​ស្នាម​ប្រេះ ​បែក​របស់​គូស្នេហ៍​គ្រប់រូប​ដូច្នោះ​ដែរ។ ចូរ​សាកល្បង​យកពាក្យ​ណែនាំ​ខាងក្រោម​នេះ ​ទៅប្រើ​ប្រាស់​សាកល​មើល ក្រែងលោ​ទាស់ចិត្ត​គ្នា​លើក​ក្រោយ អ្នកនឹង​ហ៊ាន​សម្រេចចិត្ត​ធ្វើជា​អ្នក​ ចូលទៅ​សុំទោស​បាន​មិន​ទើសទាល់។1 – រំឭក​ហេតុការណ៍​ឡើងវិញ ​ក្នុងខណៈ​ពេលដែល​អ្នកមាន​អារម្មណ៍​ត្រជាក់​ឡើងវិញ​ហើយ បូក​ជាមួយ​សេចក្តីស្រឡាញ់ ​ដែល​អ្នក​នៅមាន​ចំពោះ​រូបគេ​ផង​នោះ នឹងធ្វើ​ឱ្យ​អ្នក​មើលឃើញ​ហេតុការណ៍​ពេល​ឈ្លោះទាស់ទែង​គ្នា ​នោះ​យ៉ាង​យុត្តិធម៌ និង​ច្បាស់លាស់​ឡើង ហើយ​មាន​អារម្មណ៍​ពេញចិត្ត និង​ស្ម័គ្រចិត្ត​ក្នុងការ​ពោល​ពាក្យ “សុំទោស។2 – បើ​អ្នកមាន​អារម្មណ៍​ថា​ញាប់​ញ័រ ឬ​ភ័យ អ្នក​អាច​ហាត់​និយាយ​មើល​សិន​ក៏បាន ដោយនិយាយ​ឱ្យបាន​តាម​ចំណុច​ដែល​បាន​កត់​ត្រាទុក វា​នឹង​ធ្វើឱ្យ​អ្នក​អាច​គ្រប់គ្រង​ស្ថានការណ៍​នៅពេល​នោះបាន។3 – ការទទួលស្គាល់​កំហុស​ដែល​ត្រូវចំ​ចំណុច ក្រៅពី​ជួយ​ផ្គុំ​ភ្ជិត​ស្នាម​ប្រេះឆា​បាន​ឆាប់​ហើយ នៅ​ជាការ​បង្ហាញ​នូវ​ភាព​ប្រកាន់ខ្ជាប់​លើ​គំនិត ​ដែល​ត្រឹមត្រូវ​របស់​អ្នក​ទៀតផង។4 – កុំ​គិត​និយាយ​ដោះសារ​កែខ្លួន​ឱ្យសោះ ព្រោះ​បើ​អ្នក​ដោះសារ​កែខ្លួន ឬ​អាង​នេះ​អាង​នោះ អ្នក​មិនចាំបាច់​ទៅសុំ​ទោស​គេ (ឬ​នាង)ទេ ព្រោះ​វា​នឹងធ្វើ​ឱ្យក្លាយ​ជា​រឿង​វែងឆ្ងាយ​ឥតប្រយោជន៍។5 – ខណៈពេលដែល​គេ (ឬ​នាង)និយាយ អ្នក​គួរ​ឈប់ និង​ស្តាប់​យ៉ាង​តាំងចិត្ត ហើយ​គិត​ទៅតាម​អ្វីដែល​គេ (ឬ​នាង)និយាយ វា​នឹង​ធ្វើឱ្យ​អ្នក​យល់​ពី​អារម្មណ៍​របស់គេ (ឬ​នាង) ហើយ​អាច​កែសម្រួល​ភាព​យល់ដឹង​អំពី​គ្នា​បាន​កាន់តែ​ងាយ​ឡើង។6 – មិន​ថា​គេ (ឬ​នាង) ជះខ្លាំងៗមក​យ៉ាងណា ឬ​មានប្រតិកម្ម​មិន​ពេញចិត្ត​រូបអ្នក​យ៉ាងណាក៏ដោយ ក៏​អ្នក​ចាំបាច់​ត្រូវតែ​ទទួលយក និង​នៅ​ស្ងៀម​ឱ្យបាន​ខ្លាំង​បំផុត​តាម​ដែល​អាច​ធ្វើបាន ព្រោះ​ការ​នៅ​ស្ងៀម​របស់​អ្នកនឹង​ជួយ​ឱ្យ​អារម្មណ៍​របស់គេ(ឬ​នាង) ស្ងប់​ទៅវិញ​បាន​រហូតដល់​អ្នក​ចាប់ផ្តើម ​មានឱកាស​ក្នុងការ​និយាយ​នូវ​អ្វីដែល​អ្នក​បាន​ត្រៀម​មក។7 – សាកល្បង​សួរ​គេ​ទៅ​មើល៍ថា តើ​មាន​វិធី​ណាខ្លះ​ដែល​អ្នក​ល្មម​អាចធ្វើ​បាន ដើម្បី​ជាការ​សង​ទៅ​គេ (ឬ​នាង)វិញ​បាន​តាម​ដែល​អ្នក​អាចធ្វើ​ទៅបាន ដើម្បី​ជាការ​ផ្សារ​ភ្ជិត​ស្នាម​ប្រេះឆា និង​ធ្វើឱ្យ​សម្ពន្ធភាព​រវាង​រូបអ្នក និង​គេ (ឬ​នាង)វិលត្រឡប់​មក​ដូច​ពី​ដើម​វិញ យ៉ាងហោចណាស់​ក៏​ដើម្បី​កូន​ដែរ។8 – កុំ​ធ្វើ​ខុស​ក្នុង​រឿងដដែលៗ ព្រោះ​មិនមាន​នរណា​គេ​អភ័យទោស​ឱ្យ​អ្នក​ក្នុង​រឿងដដែលៗ បាន​គ្រប់​តែ​ពេល​នោះទេ ដែល​សំខាន់បំផុត​គឺ ការធ្វើ​ខុស​ក្នុង​រឿងដដែលៗ មិនអាច​និយាយបានថា​ជា​កំហុសឆ្គង​នោះទេ តែ​ជា​រឿង​ដែល​អ្នកមាន​ចេតនា​ចង់​ធ្វើ​តែម្តង ទាំង​ដឹង​ច្បាស់​ហើយ​ថា​វា​មិន​ត្រឹមត្រូវ។ បើ​វា​ដូច្នោះ​មែន ធានាថា “ពាក្យ​សុំទោស” មិនអាច​ជួយ​អ្វី​អ្នក​បានឡើយ មានតែ​សង្ឃឹមថា ​ច្បាស់​ជា​បាន​លែងលះគ្នា​នៅ​ថ្ងៃ​ណាមួយ​មិន​ខាន៕

ស្ថាន​ភាព​អាកាស​ធាតុ​អាក្រក់​កំពុង​យាយី​ឆ្នេរ​ខាង​កើត​នៃ​ប្រទេស​អូស្ដ្រាលី​

ថ្ងៃទី ០៦ ខែ មិថុនា ឆ្នាំ ២០១៦ ម៉ោង ១៤:៣៩

ស្ថានភាព​អាកាស​ធាតុ​អាក្រក់​នៅ​តាម​តំបន់​ឆ្នេរ​ខាង​កើត​នៃ​ប្រទេស​ អូស្ដ្រាលី​កំពុង​បន្ដ​ធ្វើ​ឲ្យ​មាន​គ្រោះ​មហន្ដរាយ​ដល់​សហគមន៍​ក្បែរ​តំបន់ ​ទាំង​នោះ។ ប៉ែក​ខាង​ជើង​រដ្ឋ Tasmania កំពុង​ជួប​ប្រទះ​នឹង​បញ្ហា​គ្រោះ​ធម្មជាតិ​ទឹក​ជំនន់​ធ្ងន់​ធ្ងរ ខណៈ​ពេល​ដែល​នៅ​ព្រឹកមិញ​នេះ​នៅ​រដ្ឋធានី​ខេនបេរ៉ា​ឯណោះ​វិញ គេ​បាន​រក​ឃើញ​សាក​សព​មនុស្ស​ម្នាក់​ដែល​បាន​ទៅ​តាម​ទឹក​កាល​ពី​យប់​មិញ​។ទីភ្នាក់ងារ​ជួយ​សង្គ្រោះ​គ្នា​អាសន្ន​នៃ​រដ្ឋ Tasmania និយាយ​ថា​កម្រិត​ទឹក​ស្ទឹក​នៅ​ក្រុង Launceston បាន​កើន​ឡើង​ហួស​កម្រិត​ឆ្នាំ​១៩២៩​ទៅ​ទៀត ដែល​កាល​នោះ​បាន​ធ្វើ​ឲ្យ​ពលរដ្ឋ​ប្រមាណ​៥ពាន់​នាក់​អត់​មាន​ផ្ទះ​ជ្រក​កោន។ឥឡូវ​នេះ​អាជ្ញាធរ​កំពុង​ព្រមាន​ពលរដ្ឋ​ឲ្យ​ដឹង​អំពី​បញ្ហា​ស្ថាន​ភាព​ទឹក​ជំនន់​នៅ​ស្ទឹង​ចំនួន​៥​នៅ​ប៉ែក​ខាង​កើត​នៃ​រដ្ឋ​នេះ ក្រោយ​ពី​តំបន់​អាង​ផ្ទុក​ទឹក​បាន​ទទួល​កម្រិត​ទឹក​ភ្លៀង​ជាង​២០០​មីលីម៉ែត្រ​ក្នុង​រយៈ​ពេល​២៤ម៉ោង។មជ្ឈមណ្ឌល​ជា​ច្រើន​សម្រាប់​ជន​ភៀស​ខ្លួន​នៅ​បើក​បន្ដ​មនុស្ស​នៅ​ឡើយ​ ប៉ុន្ដែ​សាលា​រៀន​ត្រូវ​គេ​បិទ ហើយ​ផ្ទះ​សម្បែង​ពល​រដ្ឋ​ប្រហែល​២ពាន់​ខ្នង​អត់​ទាន់​មាន​អគ្គិសនី​ប្រើ​នៅ​ឡើយ។នៅ​គ្រា​នេះ​ដែរ រលក​ធំៗ​នៅ​តាម​ឆ្នេរ​សមុទ្ទ​ប៉ែក​ខាង​ជើង​ក្រុង​ស៊ីដនីយ៍​កំពុង​គំរាម​បង្ក​ការ​ខូច​ខាត​ជា​ច្រើន​ទៀត​លើ​ទ្រព្យ​សម្បត្ដិ​ពល​រដ្ឋ​ ក្រោយ​ពី​តំបន់​នោះ​បាន​រង​ការ​បំផ្លាញ​រួច​ទៅ​ហើយ​កាល​ពី​យប់​មិញ។លោក​បណ្ឌិត​សាស្ដ្រាចារ្យ Ian Turner អ្នក​ជំនាញ​ស្រាវ​ជ្រាវ​ទឹក​ពី​សកល​វិទ្យាល័យ NSW និយាយ​ថា​កាល​ពី​យប់​មិញ​​អាកាស​ធាតុ​បាន​ធ្វើ​ឲ្យ​មាន​រលក​ខ្លាំង​ដល់​ទៅ​១៣​ម៉ែត្រ​ថែម​ពី​លើក​រលក​ទឹក​ជោរ​២ម៉ែត្រ​ថែម​ទៀត​​ផង។ចំណែក​ឯ​នៅ​ដែន​ដី​ខាង​ជើង​អូស្ដ្រាលី​ឯណោះ​វិញ​កាល​ពី​ចុង​សប្ដាហ៍​កន្លង​ទៅ​នេះ​ អាកាស​ធាតុ​ក្ដៅ​សម្រាប់​ខែ​មិថុនា​បាន​កើន​ឡើង​ខ្ពស់​មិន​ធ្លាប់​មាន​សម្រាប់​តំបន់​នោះ។ អ្នក​ជំនាញ​ពី​ក្រសួង​ឧតុនិយម​អូស្ដ្រាលី​និយាយ​ថា ស្ថានភាព​សំណើម​នឹង​បន្ដ​មាន​ជាប់​រហូត​នៅ​ក្នុង​សប្ដាហ៍​នេះ៕

ឧបទ្ទវហេតុរន្ទះបាញ់​ចំកន្លែង​ប្រគំ​តន្ត្រី​នៅ​ប្រទេសអា​ល្លឺ​ម៉​ង់ធ្វើអោយមនុស្សរងរ​បួស​ 71​នាក់

ថ្ងៃទី ០៦ ខែ មិថុនា ឆ្នាំ ២០១៦ ម៉ោង ១៤:៣២

រន្ទះបាញ់​បណ្តាល​ឱ្យ​មាន​ជន​រង​គ្រោះ​ថ្មី​ថែម​ទៀត​នៅ​អា​ល្លឺ​ម៉​ង់ ។ កាលពី​យប់​ថ្ងៃ​ទី​៣ មក​ទី​៤ មិថុនា រន្ទះបាញ់​បណ្តាល​ឱ្យ​មនុស្ស​៨​នាក់​របួសធ្ងន់ ពេល​វា​បាញ់​ចំ​កន្លែង​ប្រគំ​តន្ត្រី​មួយ​នៅ​ទីក្រុង MENDIG ភាគ​ខាងលិច​ប្រទេស​។អ្នកនាំពាក្យ​ម្នាក់​របស់​ប៉ូលិស​តំបន់ RHENANIE PALATINAT ថ្លែង​ថា សរុប​មនុស្ស​៧១​នាក់​រង​របួស​បញ្ជូន​ទៅ​មន្ទីរពេទ្យ​តំបន់​តែ​ភាគច្រើន​អាច​ចាកចេញ​ទៅ​វិញ ។ មនុស្ស​៨​នាក់​កំពុង​ស្ថិត​ក្នុង​ស្ថានភាព​ធ្ងន់ធ្ងរ ។ប៉ូលិស​និយាយ​ថា អាជ្ញាធរ​ព្យាករណ៍​ពី​ព្យុះ​ភ្លៀង​ថ្មី​ៗ​ទៀត ។ ការ​ប្រគំ​តន្ត្រី​រ៉ុ​ក ROCK AM RING មាន​មនុស្ស​ចូលរួម​ទស្សនា​ដល់​ទៅ​ប្រមាណ​ជា​៩០.០០០​នាក់ ត្រូវ​បាន​ផ្អាក ហើយនឹង​ត្រូវ​លុប​ចោល ។ អាជ្ញាធរ​ណែនាំ​ដល់​ទស្សនិកជន​ឱ្យ​នាំ​គ្នា​ចាក​ចេញពី​ទីនោះ ។ កាលពី​យប់​ថ្ងៃ​ទី​៤ មិថុនា ភ្លៀង​ធ្លាក់​ខ្លាំង​ប្រែក្លាយ​ទីលាន​ប្រគំ​តន្ត្រី​ទៅ​ជាទី​លាន​ភក់​មួយ ដោយ​តង់​ជា​ច្រើន​ដំឡើង​សម្រាប់​ទស្សនិកជន​ត្រូវ​ដួល​រលំ ។នៅ​ប្រទេស​អា​ល្លឺ​ម៉​ង់ ភ្លៀង​ផ្គរ​កើត​មាន​ប៉ុន្មាន​ថ្ងៃ​ចុង​ក្រោយ​នេះ​ជាប់​ៗ​គ្នា ។ មនុស្ស​៧​នាក់​ស្លាប់​នៅ BAVIERE ភាគ​ខាងត្បូង​ប្រទេស ក្រោយ​ទឹកជំនន់​កាលពី​យប់​ថ្ងៃ​ទី​១ មិថុនា ហើយ​មនុស្ស​៤​នាក់​ស្លាប់​កាលពីដើម​ស​ប្តា​ហ៍​កន្លង​ទៅ នៅ BAGE-WURTEMBERG ភាគ​និរតី​អា​ល្លឺ​ម៉​ង់ ៕

តើនឹងមានអ្វីខ្លះដែលក្រុមហ៊ុន Apple គ្រោងបង្ហាញនៅក្នុងព្រឹត្តិការណ៍ WWDC ថ្ងៃទី ១៧ ខែមិថុនាខាងមុខនេះ ?

ថ្ងៃទី ០៦ ខែ មិថុនា ឆ្នាំ ២០១៦ ម៉ោង ០២:៣៨

ក្រុមហ៊ុន​Apple បាន​បោះលិខិត​អញ្ជើញ​សម្រាប់​ព្រឹត្តិការណ៍​ប្រចាំឆ្នាំ​របស់​ខ្លួនទៅដល់បណ្តាដៃគូអ្នកអភិវឌ្ឍន៍ សម្រាប់សន្និសីទ​អ្នក​ភិ​វ​ឌ្ឍ​ទូ​ទាំង​ពិភពលោក​ហៅ​កាត់​ថា WWDC ជា​កន្លែង​ក្រុមហ៊ុន​ប្រកាស​ផលិតផល​ថ្មី រួមមាន កម្មវិធីថ្មី កុំព្យូទ័រ និង​លក្ខណៈ ពិសេស​ៗ​មួយ​ចំនួន​បន្ថែម​លើ​ផលិត​ដែល​មាន​ស្រាប់ ។ ថ្ងៃ​ទី​១៣ មិថុនា ២០១៦ នេះ​នឹង​ធ្វើ​ឱ្យ​អតិថិជន​របស់​ខ្លួន​នូវ​ភាព​ភ្ញាក់ផ្អើល​ដោយ​រំពឹង​ថា ផលិត ថ្មី​ៗ​នឹង​បំពេញតម្រូវការ​របស់​ពួក​គេ ។អតិថិជន​រំពឹង​ថា ក្រុមហ៊ុន Apple នឹង​បញ្ចេញ​ឡេ​ប​ថប MacBook Pro ជំនាន់​ថ្មី កម្មវិធី iOS ជំនាន់​ទី​១០ ជា​ពិសេស​គឺ iPhone  7 ដែល​កំពុង​ទន្ទឹងរង់ចាំ​យ៉ាង​អន្ទះសា ។ ក្រុមហ៊ុន​កំណត់​យក​ថ្ងៃ​ទី​១៣ មិថុនា គឺជា​ការ​ស្តារ​ទីផ្សារ​ភាគហ៊ុន​របស់​ខ្លួន​បន្ទាប់​ពី​មានការ​ធ្លាក់​ចុះ​កាលពីដើម​ត្រីមាស​២០១៦ ។ យ៉ាងណាក៏ដោយនេះគ្រាន់តែជាការរំពឹងទុករបស់អ្នកទស្សន៍ទាយ និងអតិថិជនប៉ុណ្ណោះ បើចង់ជ្រាបច្បាស់សូមកុំភ្លេចរងចាំតាមដានជាមួយយើងខ្ញុំទាំងអស់គ្នា ។ 

លោកតាជនជាតិជប៉ុនអាយុ ៩៦ឆ្នាំហើយ ទើបទទួលបានសញ្ញាប័ត្រពីសាកលវិទ្យាល័យ

ថ្ងៃទី ០៦ ខែ មិថុនា ឆ្នាំ ២០១៦ ម៉ោង ០២:១៣

លោកតាស៊ីហ្សីមីហ៊ីរាតាជនជាតិជប៉ុនអាយុ៩៦ឆ្នាំត្រូវបានប្រកាសថាលោកតាទើបទទួលសញ្ញប័ត្រចខាងសិល្បៈស៊ីរ៉ាមិចលើក្អមឆ្នាំងពីសកលវិទ្យាល័យក្យូតូរបស់ជប៉ុនកាលពីខែមីនាកន្លងមកនេះនិងត្រូវបានសៀវភៅហ្គីណេសប៊ុកពិភពលោកចុះកំណត់ត្រាថាជាមនុស្សបំផុតបានទទួលសញ្ញប័ត្រ។នេះបើតាមកាសែតជប៉ុនបានផ្សាយនៅថ្ងៃនេះ។លោកស៊ីហ្សីមីហ៊ីរាតាបានមានប្រសាសន៍ថា៖”និស្សិតនៅក្នុងសកលវិទ្យាល័យមិនស្គាល់ថាខ្ញុំជានរណទេពេលសកលវិទ្យាល័យធ្វើពិធីចែកសញ្ញប័ត្រនិងហៅឈ្មោះមកទទួលសញ្ញប័ត្រ។ខ្ញុំចំណាយពេល១១ឆ្នាំរៀនសូត្រការងារសិល្បៈស៊ីរ៉ាមិចលើក្អមឆ្នាំងនេះក្នុងនាមមនុស្សចូលនិវត្ដន៍។ក្រោយទទួលភាពល្បីល្បាញនេះលោកតាប្រកាសថាគាត់ចង់រស់នៅអោយបាន១០០ឆ្នាំ។មនុស្សនៅជុំវិញខ្ញុំគេកោតសរសើរខ្ញុំខ្លាំងណាស់និងអបអរសាទរចំពោះរូបខ្ញុំ។ជាមួយគ្នានេះលោកតាបានអោយដឹថាខ្ញុំរីករាយណាស់រៀនអ្វីថ្មីសម្រាប់ជីវិត”។បើតាមកាសែតបានផ្សាយថាកាលពីឆ្នាំទៅមិញមានជនជាតិជប៉ុនម្នាក់ដែរលោកមីកូអាយុ១០០ឆ្នាំអាចហែលទឹកបាន១៥០០ម៉ែត្របន្ទាប់ពី២០ឆ្នាំគាត់ចុះឈ្មោះចូលរៀនវគ្គហែលទឹក។មនុស្សលើលោកមានតិចណាស់អាចបំបែកឯកត្តកម្មនិងទទួលបានភាពល្បីល្បាញរបស់ខ្លួន។នាពេលកន្លងមកមានជប៉ុនម្នាក់លោក Hidekichi Miyazaki,អាចមូលជើងខ្លួនបានដោយឈរដូចប៊ូឡុងបាន។ប្រទេសជប៉ុនបានជាប់ចំណាត់ថ្នាក់ខាងមនុស្សមានអាយុច្រើនក្នុងនោះមាន៥៩០០០នាក់មានអាយុ១០០ឆ្នាំឡើងក្នុងឆ្នាំ២០១៥កន្លងមកហើយក្នុងនោះមាន៤៦នាក់ក្នុងចំណោមមួយសែននាក់មានអាយុ១០០ឆ្នាំឬ១០០ឆ្នាំឡើងនៃពលរដ្ឋជប៉ុនសរុប។ខ្មែរតែងតែនិយាយថាការរៀនសូត្រមិនថាចាស់ក្មេងទេនិងមិនគិតអាយុទេអោយតែចង់រៀន៕

ទឹកជំនន់កំពុងវាយប្រហារទីក្រុងប៉ារីស ស្របពេលដែលការប្រកួត Euro 2016 ជិតមកដល់

ថ្ងៃទី ០៦ ខែ មិថុនា ឆ្នាំ ២០១៦ ម៉ោង ០១:៥៧

ទឹកជំនន់​ដែល​ជន់​លិច​មួយ​ផ្នែក​នៃ​ប្រទេស​បារាំង​ចាប់តាំងពី​១​ស​ប្តា​ហ៍​មក​ហើយ បាន​មក​ដល់​តំបន់ ILE-DE-FRANCE ដែល​នៅ​ទីនោះ​ទឹកទន្លេ  SEINE ឡើង​ខ្ពស់​បំផុត​គំរាមកំហែង​ក្រុងប៉ារីស ញ៉ាំង​ឱ្យ​អាជ្ញាធរ​តម្លើង​កម្រិត​ប្រកាស​អាសន្ន​ដល់​ពណ៌​ទឹកក្រូច ។ ទឹកទន្លេ  SEINE នា​ពាក់កណ្តាល​ថ្ងៃ​ទី​២ មិថុនា បាន​ឡើង​ដល់​កម្ពស់​៥,១០​ម៉ែត្រ ញ៉ាំង​ឱ្យ​គេ​បិទផ្លូវ​គនា​គម​ន៍​នានា តាម​មាត់ទន្លេ​នោះ ។ អ្នកនាំពាក្យ​ប៉ូលិស​ក្រុងប៉ារីស​និយាយ​ថា ទឹកទន្លេ  SEINE នា​ថ្ងៃ​ទី​៣ មិថុនា អាច​ឡើង​ដល់​កម្ពស់​៦​ម៉ែត្រ​ក្នុង​ក្រុងប៉ារីស ។ ការ​ប្រកាស​អាសន្ន​ពណ៌​ក្រហម​នឹង​ប្រកាស​ពេល​ទឹក​ន្លេ​នោះ​ឡើង​ដល់​កម្ពស់​ចាប់ពី​៧,៣០​ម៉ែត្រ​ទៅ​។ សារមន្ទីរ LOUVRE និង ORSAY នឹង​ត្រូវ​បិទទ្វារ​នា​ថ្ងៃ​ទី​៣ មិថុនា ។ ទឹកជំនន់​នៅ​បារាំង​ដែល​នាំ​ឱ្យ​មានការ​ជម្លៀស​មនុស្ស​ចេញ​ជា​ច្រើន​ពាន់​នាក់​បណ្តាល​ឱ្យ​មនុស្ស​ម្នាក់​ស្លាប់​នៅ  EVRY-GREGY-SUR- YERRE ដោយ​អ្នក​ជិះសេះ​ម្នាក់​ត្រូវ​ទឹក​កួច​នាំ​យក​ទៅ ។ ចំណែក​នារី​ម្នាក់​អាយុ​៨៦​ឆ្នាំ​បាន​ស្លាប់​ក្នុងផ្ទះ​របស់​គាត់​ដោយ​ទឹកជំនន់​លិច នៅ SOUPPES_SUR-LOING ។ប្រធានាធិបតី​បារាំង​លោក​ហ្វ្រ​ង់​ស្វ័​រ​ហូ​ឡង់ ប្រកាស​ថា ការ​ប្រកាស​ពី​ស្ថានភាព​គ្រោះ​មហន្តរាយ​ធម្មជាតិ​នឹង​ធ្វើ​នា​ថ្ងៃ​ទី​៨ មិថុនា ខាង​មុខ​នេះ​ក្នុង​តំបន់​ជា​ច្រើន​ដែល​រង​ការ​ប៉ះពាល់ខ្លាំង ៕

គួរតែសម្រាកខាងអារម្មណ៍ខ្លះទៅ បើអ្នករកឃើញសញ្ញាទាំង3យ៉ាងនេះ

ថ្ងៃទី ០៤ ខែ មិថុនា ឆ្នាំ ២០១៦ ម៉ោង ០៣:២០

នឿយ​ល្វើយ​រ៉ាំរ៉ៃ អ្នក​អាច​កើត​សភាវ Burnout Syndrome ឬ​សភាវ​នឿយហត់​ខាង​អារម្មណ៍ គឺជា​អាការ​ដែល​ប្រទះឃើញ​ញឹកញាប់​ នៅលើ​មនុស្ស​ក្នុង​វ័យ​ធ្វើ​ការងារ ដូច្នេះ​ចូរ​សាកល្បង​ពិនិត្យមើល​សញ្ញា 3យ៉ាងនេះ​ទៅ​មើល៍ បើសិនជា​យើង​នឿយហត់​ញឹកញាប់​នោះ។ការងារ​សាង​ប្រាក់ និង​ស្ថិរភាព​ដល់​ជីវិត តែបើ​ខ្វះ​តុល្យការ​ក្នុង​ការធ្វើការងារ​នោះ ច្បាស់​ជា​ធ្វើឱ្យ​កើត​សភាវ​នឿយហត់​ខាង​អារម្មណ៍​មិន​ខាន ដូច្នេះយើងសូម​នាំយក​ព័ត៌មាន​របស់​វេជ្ជបណ្ឌិត​ជំនាញ​ខាង​ចិត្ត​វិទ្យា ​ដែល​បាន​ណែនាំ​អំពី​វិធី​សង្កេតមើល​សភាវ​ទាំងនោះ ​ដល់​មនុស្ស​ក្នុង​វ័យ​ធ្វើ​ការងារ​ទាំងឡាយ ដើម្បី​នាំគ្នា​សង្កេតមើល​អាការ​របស់​ខ្លួនឯង ដោយ​សភាវ​នឿយហត់​ខាង​អារម្មណ៍​នេះ​ អាចបែងចែក​ទៅតាម​កម្រិត​ភាព​ធ្ងន់ធ្ងរ​របស់​អាការ​ដូច​ខាងក្រោម​នេះ ៖កម្រិត​ចាប់ផ្តើមនឿយហត់​ល្វើយ​រ៉ាំរ៉ៃ គ្មាន​កម្លាំង ឆាប់​ហត់​ជាង​ប្រក្រតី អស់កម្លាំង​ល្វើយ​ទាំង​ទើបនឹង​ភ្ញាក់​ពី​ដំណេក​ដោយ​គ្មាន​មូលហេតុ ឬ​ដោយ​មិនមាន​អាការ​ឈឺ​ថ្កាត់​អ្វី​ទាំងអស់។កម្រិត​មធ្យមភ្លេចភ្លាំង បើ​អ្នកមាន​អាយុ​តិចជាង 50ឆ្នាំ តែ​ចាប់ផ្តើម​ភ្លេចភ្លាំង​រឿង​សំខាន់ផ្សេងៗ ដូចជា កូនសោ​ផ្ទះ កាបូប​លុយ ឬ​សូម្បីតែ​ទូរស័ព្ទដៃ​នោះ គឺជា​រឿង​ខុស​ប្រក្រតី​ហើយ។អាការ​ខាង​កាយ ដូចជា ឈឺ​ដើមទ្រូង មាន​អារម្មណ៍​ថា​បេះដូង​លោត​ខុស​ប្រក្រតី ដក់ដង្ហើម​មិន​ស្រួល វិលមុខ ក្អួតចង្អោរ ឈឺក្បាល តែ​មិនអាច​រក​មូលហេតុ​ឃើញ។ល។កម្រិត​ធ្ងន់ធ្ងរប្រព័ន្ធ​ប្រឆាំង​ជំងឺ​ចុះខ្សោយ បើ​លោក​អ្នកមាន​អាការ​ក្នុង​កម្រិត​ចាប់ផ្តើម និង​កម្រិត​មធ្យមជាប់ៗគ្នា 1ខែ​នោះ រាងកាយ​នឹង​ចាប់ផ្តើម​តវ៉ា ដោយ​បង្ហាញ​ចេញ​ខាង​ប្រព័ន្ធ​ប្រឆាំង​ជំងឺ ​ដែល​ចុះខ្សោយ ដូចជា ឆាប់​កើត​ជំងឺ​ផ្តាសាយ បើ​មាន​របួស​នឹង​ក្រ​ជា ជាដើម។បង្ហាញ​ច្បាស់​ថា មាន​អារម្មណ៍​បែប​អវិជ្ជមាន មិនថាតែ​ស្រងូតស្រងាត់ ចូលចិត្ត​នៅតែ​ឯង ឆាប់​មួម៉ៅ ឬ​ចាប់ផ្តើម​រក​ដំណោះស្រាយ​ដោយ​ការប្រើប្រាស់​គ្រឿងញៀន មិនថាតែ​សុរា បារី ឬ​សារធាតុ​ញៀនផ្សេងៗទៀត​នោះទេ។ចូរ​ឧស្សាហ៍​រៀប​ផែនការ​ការធ្វើការងារ និង​ការរស់នៅ ព្រោះ​វា​អាច​នឹង​ជួយ​កាត់បន្ថយ​សភាវ​នឿយហត់​ខាង​អារម្មណ៍​បាន តែ​ប៉ុណ្ណឹង​សេចក្តីសុខ និង​សុខភាព​រឹងប៉ឹង​ក៏​នឹង​ស្ថិតនៅ​ជាមួយ​អ្នក​រហូត​តទៅ​មិន​ខាន៕

ចង់ឱ្យធ្មេញស ត្រូវដឹងពីគន្លឹះល្អៗ ដែលអាចជួយអ្នកបានយ៉ាងងាយស្រួល

ថ្ងៃទី ០៤ ខែ មិថុនា ឆ្នាំ ២០១៦ ម៉ោង ០១:៤៧

អ្នកណាៗក៏​ចង់​មាន​ធ្មេញ​ស​ស្អាត​ដែរ ព្រោះ​ញញឹម​ឃើញ​ធ្មេញ​សវា​ជួយ​បង្កើន​បុគ្គលភាព និង​ភាពជឿជាក់​ក្នុង​ចិត្ត តែ​នៅពេល​បច្ចុប្បន្ននេះ ​មាន​ច្រើន​បច្ច័យ​ណាស់​ដែល​ធ្វើឱ្យ​ធ្មេញសៗ ក្លាយជា​ពណ៌​លឿង​បាន​យ៉ាង​ងាយ ទើប​មនុស្ស​ជាច្រើន​ព្យាយាម​រិះរក​វិធី​ក្នុង​ការជួយ​ធ្វើឱ្យ​ធ្មេញ​ស​ឡើងវិញ។ តើ​មាន​វិធី​ណាខ្លះ​ដែលមាន​សុវត្ថិភាព ហើយ​តើ​យើង​អាច​ការពារ និង​មើលថែទាំ​ធ្មេញ​ឱ្យ​ស​យ៉ាងណា​បាន?ជា​ប្រក្រតី​ទៅ​ធ្មេញទឹកដោះ ​ដែល​ដុះ​ឡើង​ចំពោះ​ក្មេង​តូច នឹងមាន​ពណ៌​រាង​ស  ធ្មេញ​ពិតប្រាកដ​នឹងមាន​ពណ៌​រាង​លឿង​ស្រាល ឬ​លឿងខ្ចី សម្រាប់​មូលហេតុ​ដែល​ធ្វើឱ្យ ​ពណ៌​ធ្មេញ​មានការ​ប្រែប្រួល អាច​ចែកចេញជា2ចំណុច​គឺ ៖1 – ពណ៌​របស់​ធ្មេញ​ ធម្មជាតិគ្រោង​សាង​របស់​ធ្មេញ ប្រកបដោយ​ស្រទាប់​ស្រោប​ធ្មេញ​ ដែល​នៅ​ផ្នែក​ខាងក្រៅ​ជា​ស្រទាប់​ដែល​ថ្លា គ្មាន​ពណ៌ ចំណែក​ពណ៌​ដែល​យើង​មើលឃើញ គឺ​ពណ៌​របស់​ស្រទាប់​សាច់​ធ្មេញ ដែល​នៅលើ​មនុស្សម្នាក់ៗ ឬ​ធ្មេញនីមួយៗមាន​កម្រាស់​របស់​ស្រទាប់​ស្រោប​ធ្មេញ​មិន​ស្មើគ្នា​ទេ ធ្វើឱ្យ​ពណ៌​ធ្មេញ​របស់​មនុស្សម្នាក់ៗមិន​ដូចគ្នា​ឡើយ។ ពេល​អាយុ​ច្រើនឡើង ធ្មេញ​ដែល​ត្រូវ​ប្រើការ​មក​យូរហើយ​នោះ នឹង​កើតការ​សឹក​រេច​រិល ធ្វើឱ្យ​ស្រទាប់​ស្រោប​ធ្មេញ​ស្តើង មើលឃើញ​ស្រទាប់​សាច់​ធ្មេញ​ដែលមាន​ពណ៌​លឿង​កាន់តែច្បាស់​ឡើង តែ​ក៏មាន​ករណី​ធ្មេញ​ពិតប្រាកដ​ដែល​ដុះ​ឡើង​មកហើយ ​មាន​ពណ៌​ខុស​ប្រក្រតី​ផងដែរ ដូចជា អ្នក​ដែល​បានទទួល​ថ្នាំ​ប្រភេទ  Tetracycline ច្រើន ដូចជា​ស្ត្រី​មានគភ៌ ឬ​កំពុង​បំបៅ​ដោះ​កូន ឬ​ក្មេង​ដែល​បានទទួល​សារធាតុ​ហ្លូ​៊​អ័​រ​រ៉ា​យ​ច្រើន​ជ្រុល​ពេក​ជាដើម។2 – កំណក​ពណ៌ ​ដែល​មក​ជាប់​នឹង​ធ្មេញបណ្តាលមកពី​ការមើល​ថែទាំ​សុខភាព និង​អនាម័យ​ក្នុង​មាត់​មិនល្អ​គ្រប់គ្រាន់ ធ្វើឱ្យ​កើតមាន​កំណក​ពណ៌ កំណកកំបោ​ឡើង​បាន។ ការបានទទួល​ថ្នាំ​ប្រភេទ​ខ្លះ ​ក៏​ធ្វើឱ្យ​កើត​កំណក​ពណ៌​ជាប់​នៅលើ​ធ្មេញ​បានដែរ ដូចជា ថ្នាំ​ខ្ពុរមាត់​ប្រភេទ  Cholrhexidine ជាដើម។បើ​ចង់​ធ្វើឱ្យ​ធ្មេញ​ស​ឡើង​នោះ យើង​អាច​ធ្វើបាន តែ​ត្រូវ​វាយតម្លៃ​ជាមុនសិន​ថា តើ​ពណ៌​ធ្មេញ​ដែល​ស្រអាប់​នោះ​កើតឡើង​ដោយសារ​មូលហេតុ​អី? បើ​បណ្តាលមកពី​កំណក​ពណ៌ និង​កំណកកំបោរ​នោះ គ្រាន់តែ​កោស​កំណកកំបោ និង​ខាត់​ធ្មេញ​ចេញ ក៏​អាចធ្វើឱ្យ​ធ្មេញ​ស​ឡើង​បាន​ទៅហើយ តែ​ការព្យាបាល​នេះ​ទទួលបាន​លទ្ធផល​ខ្លាំង​បំផុត​ ត្រឹមតែ​ស្មើនឹង​ពណ៌​ធ្មេញ​ពី​ធម្មជាតិ​របស់​សា​ម៉ី​ខ្លួន​ប៉ុណ្ណោះ បើ​ត្រូវការ​ភាព​ស​ដែល​ខ្លាំង​ជាង​ពណ៌​ធ្មេញ​ពី​ធម្មជាតិ​របស់ខ្លួន​នោះ ក៏​នឹង​នាំ​ឆ្ពោះទៅរក​ការលាង​សម្អាត​ធ្មេញ តែ​សម្រាប់​អ្នក​ដែល​ចង់​មាន​ធ្មេញ​ស​ស្អាត ដោយ​មិនចាំបាច់​លាង​សម្អាត​ធ្មេញ​នោះ អាចធ្វើ​បាន​ដោយ​វិធីងាយៗដូចជា ៖1 – ដុសធ្មេញ​ឱ្យ​ស្អាត​យ៉ាងតិច​មួយថ្ងៃ2ដង គឺ ភ្ញាក់​ពី​គេង និង​មុន​ចូល​គេង បើ​ដុសធ្មេញ​ក្រោយ​ពេលបាយ​គ្រប់ពេល​បាន​ផង​នោះ គឺជា​ការប្រសើរ​ណាស់ តែ​គួរ​ដុះ​ក្រោយ​ពេលបាយ​យ៉ាងតិច 30នាទី បើសិន​ទទួលទាន​អាហារ​ពពួក​ម្សៅ ស្ករ និង​អាហារ​ដែលមាន​ភាពជា​អាស៊ីត​ខ្ពស់។2 – ប្រើ​ខ្សែ​អំបោះ​ខាត់​ធ្មេញ​រៀងរាល់ថ្ងៃ យ៉ាងហោចណាស់​មួយថ្ងៃ​ម្តង មុនពេល​គេង ឬ​ក្រោយ​ពេលបាយ​គ្រប់ពេល​គឺ​កាន់តែ​ល្អ។3 – ចៀសវាង​អាហារ បន្លែ​ផ្លែឈើ ភេសជ្ជៈ​ណា​ដែលមាន​ពណ៌​ចាស់​ខ្លាំង ព្រោះ​នឹង​ងាយ​កើត​កំណក​ពណ៌​តោង​ជាប់​ នៅលើ​ស្រទាប់​ស្រោប​ធ្មេញ តែបើ​ត្រូវការ​ទទួលទាន​វិញ​នោះ ចូរ​ខ្ពុរមាត់​ក្រោយពេល​ទទួលទាន​ហើយ ញ៉ាំ​ទឹក​ឱ្យ​ច្រើន និង​ដុសធ្មេញ ប្រើ​ខ្សែ​អំបោះ​ខាត់​ធ្មេញ​បន្ទាប់ពី​ទទួលទាន​ហើយ30នាទី។4 – ទៅ​ជួប​ពេទ្យធ្មេញ​រៀងរាល់6ខែម្តង ដើម្បី​ពិនិត្យមើល​ធ្មេញ កោស​កំណកកំបោរ និង​ខាត់​ធ្មេញ៕ 

ការវាយប្រហារគ្នាបង្ហូរឈាមថ្មីៗ នេះនៅប្រទេសលីប៊ីបានសម្លាប់មនុស្សរាប់រយនាក់

ថ្ងៃទី ០៤ ខែ មិថុនា ឆ្នាំ ២០១៦ ម៉ោង ០១:៤០

ទីភ្នាក់ងារសារព័ត៌មានចិនស៊ីនហួបានឱ្យដឹងថា ទាហានពីរនាក់របស់រដ្ឋាភិបាលបង្រួបបង្រួមប្រទេសលីប៊ីត្រូវបានសម្លាប់ និង ១២នាក់ទៀតបានរងរបួសនៅថ្ងៃព្រហស្បតិ៍ ដោយសារការវាយប្រហារអត្តឃាតមួយពីសំណាក់ពួករដ្ឋអ៊ីស្លាម ISIS នៅក្បែរទីក្រុង Sirte។ការិយាល័យព័ត៌មានរបស់ប្រធានាធិបតីបានឱ្យដឹងថា ការវាយប្រហារនេះបានកើតឡើងខណៈដែលទាហានបានវាយលុកចូលទៅក្នុងទីក្រុង Sirte ដោយប្រើកាំភ្លើងធំ និងកម្លាំងទ័ពអាកាស។និងថា ទាហានរងរបួសកំពុងទទួលការព្យាបាលជំងឺក្នុងមន្ទីរពេទ្យក្បែរនោះ។ការប៉ះទង្គិចគ្នាជាមួយពួករដ្ឋអ៊ីស្លាម ISIS នៅភាគខាងលិចទីក្រុង Sirte កាលពីថ្ងៃពុធបានសម្លាប់ទាហាន១០នាក់ និង៤០ នាក់ទៀតរងរបួស។ ពួករដ្ឋអ៊ីស្លាម ISIS បានវាយប្រហារដោយប្រើរថយន្តបំផ្ទុះគ្រាប់បែកអត្តឃាតចំនួន ៤គ្រឿង ខណៈរថយន្តពីរគ្រឿងមិនផ្ទុះ។ការិយាល័យព័ត៌មានបានបញ្ជាក់នៅក្នុងគណនី Twitter របស់ខ្លួនថា រោងចក្រថាមពលភាគខាងលិចនៃក្រុង Sirte ត្រូវបានកាន់កាប់ដោយកងកម្លាំងរដ្ឋាភិបាល។រដ្ឋាភិបាលបង្រួបបង្រួមលីប៊ីដែលគាំទ្រដោយអង្គការសហប្រជាជាតិបានបង្កើតភ្នាក់ងារសន្តិសុខប្រធានាធិបតីដើម្បីប្រយុទ្ធប្រឆាំងនឹងពួករដ្ឋអ៊ីស្លាម ISIS នៅក្នុងទីក្រុង Sirte ដែលស្ថិតនៅប្រមាណ ៤៥០គីឡូម៉ែត្រភាគខាងកើតរដ្ឋធានីទ្រីប៉ូលី។ការប៉ះទង្គិចគ្នាជាមួយក្រុមភេរវករបណ្តាលឱ្យមនុស្សមកពីភាគីទាំងពីរចំនួន ២០០ នាក់ស្លាប់និងមនុស្សប្រមាណ ៣០០ នាក់ផ្សេងទៀតបានរងរបួសចាប់តាំងពីដើមខែឧសភាមក។គួរបញ្ជាក់ថា លីប៊ីបានជួបប្រទះនឹងការកើនឡើងនៃអំពើហិង្សាចាប់តាំងពីការដួលរលំនៃរបបរបស់លោក Muammar Gaddafi ក្នុងឆ្នាំ២០១១ ដែលបណ្តាលឱ្យរដ្ឋមួយមានភាពចលាចល និងបានបង្កើនឥទ្ធិពលនៃក្រុមរដ្ឋអ៊ីស្លាម ISIS៕