trollkhmer news

សង្គមនិងជីវិត

តើអាចទៅរួចដែរទេ ដែលរដ្ឋាភិបាលគ្រោងយកលុយ ៥០០៛ បន្ធែមទៅលើមុខទំនិញដែលប្រើប្រាស់ថង់ប្លាស្ទិក ?

ថ្ងៃទី ២៤ ខែ មិថុនា ឆ្នាំ ២០១៦ ម៉ោង ០៣:៣៧

អត្ថបទទាំងស្រុងពីវិទ្យុបារាំង ៖ មន្ត្រី​ក្រសួង​បរិស្ថាន​បាន​បញ្ជាក់​ប្រាប់​អ្នក​សារព័ត៌មាន​ថា អន្តរ​ក្រសួង​នឹង​សម្រេច​យក​៥០០​រៀល​ បន្ថែម​លើ​តម្លៃ​មុខ​ទំនិញ​សម្រាប់​ការ​ប្រើ​ថង់​ប្លាស្ទិក​មួយ បន្ទាប់​ពី​បញ្ចប់​សិក្ខាសាលា​ពិគ្រោះ​យោបល់​រួម​គ្នា​រវាង​អន្តរក្រសួង​កាល​ពី​ថ្ងៃ​ទី​២២ មិថុនា​ម្សិល​មិញ​មក។ ការ​សម្រេច​យក​តម្លៃ​​៥០០​រៀល​បន្ថែម​នៅ​ពេល​ខាង​មុខ​នេះ គឺ​ដើម្បី​ចូល​រួម​កាត់​បន្ថយ​ការ​ប្រើប្រាស់​ថង់​ប្លាស្ទិក​នៅ​កម្ពុជា ខណៈ​ដែល​ការ​ប្រើប្រាស់​នៅ​ពេល​បច្ចុប្បន្ន​មាន​ការ​កើន​ឡើង​រហូត​ដល់ ១០​លាន​ថង់​ ក្នុង​មួយ​ថ្ងៃ។អន្តរ​ក្រសួង ដែល​មាន​ក្រសួង​បរិស្ថាន ក្រសួង​មហាផ្ទៃ ក្រសួង​សេដ្ឋកិច្ច និង​ហិរញ្ញវត្ថុ និង​ក្រសួង​ទេសចរណ៍ បាន​កំពុង​ធ្វើ​ការ​រួម​គ្នា ដើម្បី​កាត់​បន្ថយ​ការ​ប្រើប្រាស់​ថង់​ប្លាស្ទិក​នៅ​កម្ពុជា។ អន្តរ​ក្រសួង​បាន​ប្រកាស​នៅ​ក្នុង​សេចក្តី​ព្រាង​របស់​ខ្លួនថា​ នឹង​កាត់​បន្ថយ​ការ​ប្រើប្រាស់​ថង់​ប្លាស្ទិក​ឲ្យ​បាន​៥០​ភាគរយ នៅ​ឆ្នាំ​២០១៩ និង​៧០​ភាគ​រយ​នៅ​ក្នុង​ឆ្នាំ​២០២៥។សេចក្តី​ថ្លែងការ​រួម​របស់​សហភាព​អឺរ៉ុប និង​អង្គការ​ដៃគូ ACRA Foundation បាន​ឲ្យ​ដឹង​ថា​ប្រជាជន​កម្ពុជា​ម្នាក់​ប្រើ​ថង់​ប្លាស្ទិក​ចំនួន ២​ពាន់​ថង់​ក្នុង​មួយ​ឆ្នាំ។ ហើយ​ចំនួន​នេះ​គឺ​ច្រើន​ជាង ១០​ដង ធៀប​ទៅ​នឹង​បណ្តា​ប្រជាជន​នៅ​ក្នុង​តំបន់​អឺរ៉ុប​និង​ប្រទេស​ចិន។ មន្ត្រី​ក្រសួង​បរិស្ថាន​បាន​ថ្លែង​ប្រាប់​ក្រុម​អ្នក​សារព័ត៌មាន​ថា អន្តរ​ក្រសួង​នឹង​សម្រេច​យក​តម្លៃ​៥០០​រៀល​បន្ថែម​សម្រាប់​ការ​ប្រើ​ថង់​ប្លាស្ទិក​មួយ ហើយ​ប្រើប្រាស់​កាន់​តែ​ច្រើន​គឺ​តម្លៃ​បន្ថែម​ក៏​កាន់​តែ​ច្រើន​តាម​ហ្នឹង​ដែរ។ លោក​ស្រី Elodie Maria Sube អនុព័ន្ធ​ប្រតិភូ​សហភាព​អឺរ៉ុប បាន​លើក​ឡើង​ថា ការ​យក​តម្លៃ​បន្ថែម​សម្រាប់​ថង់​ប្លាស្ទិក​មួយ ៥០០​រៀល​នេះ គឺ​សមស្រប​ទៅ​នឹង​បរិបទ​នៅ​កម្ពុជា ខណៈ​ដែល​បណ្តា​ប្រទេស​នៅ​ក្នុង​តំបន់​អឺរ៉ុប​យក​តម្លៃ​ជិត​១ អឺរ៉ូ ឬ​មួយ​ក៏​ជាមួយ​ដុល្លារ​ឯ​ណោះ។ លោក​ស្រី​បាន​បន្ត​ថា ការ​កាត់​បន្ថយ បាន​ចំពោះ​ការ​ប្រើប្រាស់​ថង់​ប្លាស្ទីក​នេះ​ពិត​ជា​មាន​សារៈ​សំខាន់​ណាស់ ខណៈ​ដែល​ថង់​ប្លាស្ទីក​នេះ មាន​សារធាតុគីមី​ពុល​ប៉ះពាល់​ដល់​សុខភាព និង​បរិស្ថាន​យ៉ាង​ធ្ងន់ធ្ងរ​ហើយ​មាន​អាយុ​កាល​វែង មិន​ងាយ រលាយ​រហូត​ដល់​ជាង​៥០០​ឆ្នាំ ចំណែក​លទ្ធភាព​នៃ​ការ​កែច្នៃ​ឡើង​វិញ​បាន​ត្រឹមតែ​៣​ភាគ​រយ​ប៉ុណ្ណោះ។ សូម​ជម្រាប​ជូន​ផង​ដែរ​ថា នេះ​គឺ​ជា​វិធានការ​មួយ​ថ្មី​បន្ថែម​ទៀត បន្ទាប់​ពី​យុទ្ធនាការ​ប្រើ​ថង់​កំណាត់ និង​ការ​វេច​ខ្ចប់​ដោយ​ប្រើប្រាស់​ស្លឹក​ឈូក ដែល​ក្រសួង​បរិស្ថាន​ធ្លាប់​បាន​ធ្វើ​កន្លង​មក។ ប៉ុន្តែ​យុទ្ធ​នេះ​ការ​ហាក់​ដូចជា​មិន​ទទួល​បាន​ការ​គាំទ្រ​ និង​ចូល​រួម​ពី​ប្រជាពលរដ្ឋ​នោះ​ទេ។ ដោយ​ឡែក​គោល​ការ​យក​តម្លៃ​បន្ថែម​៥០០ សម្រាប់​ការ​ប្រើប្រាស់​ថង់​ប្លាស្ទិក​មួយ​នេះ អាច​នឹង​ត្រូវ​ចាប់​ផ្តើម​អនុវត្ត​នៅ​តាម​ផ្សារ​ទំនើប​ធំៗ និង​តូច​ៗ នានា​ជាមុន​សិន៕ 

ជំនួយមនុស្សធម៌របស់ UN បានទៅដល់មនុស្ស ២៥០០០ នាក់ក្នុងទីក្រុង ដែលស្ថិតក្រោមការឡោមព័ទ្ធក្នុងប្រទេសស៊ីរី

ថ្ងៃទី ២៣ ខែ មិថុនា ឆ្នាំ ២០១៦ ម៉ោង ១៦:៥៤

ទីភ្នាក់ងារសារព័ត៌មានចិនស៊ីនហួបានឱ្យដឹងថា អ្នកនាំពាក្យ អង្គការ សហប្រជាជាតិ Stepphane Dujarric បាននិយាយកាលពីថ្ងៃពុធថា ក្បួនរថយន្តរបស់អន្តរភ្នាក់ងារដឹកជញ្ជូនជំនួយសង្រ្គោះជីវិតដល់មនុស្ស ២៥០០០ នាក់ក្នុងទីក្រុង Bloudan ដែលពិបាកចូលទៅដល់ ស្ថិតនៅជាយក្រុងដាម៉ាសក្នុងប្រទេសស៊ីរី។លោក Dujarric បាននិយាយថា ជំនួយទាំងនោះរួមមានម្ហូបអាហារ ថ្នាំពេទ្យ និងសម្ភារៈសង្គ្រោះបន្ទាន់ផ្សេងទៀតសម្រាប់មនុស្ស ២៥០០០ នាក់ដែលកំពុងត្រូវការចាំបាច់ និងថា នេះជាការផ្តល់ជំនួយ របស់អន្តរភ្នាក់ងារលើកទីបីទៅដល់ទីក្រុង Bloudan នៅក្នុងឆ្នាំនេះ។គួរបញ្ជាក់ថា ចាប់តាំងពីដើមឆ្នាំ២០១៦ មនុស្សជិត ៨៥០០០០ នាក់ បានទទួលជំនួយ ហើយភាគច្រើនបានទទួលលើសពីម្តង តាមរយៈ ប្រតិបត្តិការរបស់អន្តរភ្នាក់ងាររបស់អង្គការសហប្រជាជាតិក្នុងតំបន់ដែលស្ថិតក្រោមការឡោមព័ទ្ធនិងពិបាកចូលទៅដល់។ លោក Dujarric បានឱ្យដឹងថា ចំនួនមនុស្សក្នុងប្រទេសស៊ីរី ដែលកំពុងត្រូវបានជួយសង្រ្គោះដោយក្បួនរថយន្តឆ្លងព្រំដែនអង្គការសហប្រជាតិពីប្រទេសតួកគី និងហ្សកដានីបន្តកើនឡើង៕

ចំនួនអ្នកស្លាប់ពីគ្រោះទឹកជំនន់ និងការរអិលបាក់ដីក្នុងប្រទេសឥណ្ឌូនេស៊ីកើនដល់ ៥៦នាក់

ថ្ងៃទី ២៣ ខែ មិថុនា ឆ្នាំ ២០១៦ ម៉ោង ១៦:៤៨

មន្ត្រីពីទីភ្នាក់ងារគ្រប់គ្រងគ្រោះមហន្តរាយបាននិយាយនៅថ្ងៃព្រហស្បតិ៍នេះថា ការរអិលបាក់ដី និងទឹកជំនន់នៅខេត្តJava ភាគកណ្តាលប្រទេសឥណ្ឌូនេស៊ីកាលពីចុងសប្តាហ៍បានបណ្តាលឱ្យមនុស្ស ៥៦នាក់ស្លាប់ និង ៩នាក់កំពុងបាត់ខ្លួន និងមនុស្ស ២២នាក់បានរងរបួស។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មានចិនស៊ីនហួ។អ្នកនាំពាក្យទីភ្នាក់ងារគ្រប់គ្រងគ្រោះមហន្តរាយលោក Sutopo Purwo Nugroho បាននិយាយថា អ្នកភូមិប្រមាណ ៣៩៥ នាក់បានស្នាក់នៅជំរកបណ្តោះអាសន្ន ខណៈគ្រោះមហន្តរាយធម្មជាតិបានបំផ្លាញផ្ទះសម្បែងជាង ១៤៣ ខ្នង និងហេដ្ឋារចនាសម្ព័ន្ធមួយចំនួន។លោកបាននិយាយថា ប្រតិបត្តិការជួយសង្រ្គោះដែលមានការចូលរួមពីកងទ័ព ប៉ូលិស អ្នកស្ម័គ្រចិត្ត និងមន្ត្រីក្នុងមូលដ្ឋានកំពុងបន្តធ្វើ។ និងថា ភ្លៀងធ្លាក់ខ្លាំងកាលពីថ្ងៃសៅរ៍បានបណ្តាលឱ្យមានការរអិលបាក់ដី និងទឹកជំនន់ខ្លាំងបំផុតក្នុងស្រុក Purworejo, Banjarnegara និង Kebumen។គួរបញ្ជាក់ថា ឥណ្ឌូនេស៊ីជាញឹកញាប់ត្រូវបានវាយប្រហារដោយទឹកជំនន់ និងការរអិលបាក់ដី អំឡុងពេលដែលមានភ្លៀងធ្លាក់ខ្លាំង៕

តើអ្នកធ្លាប់ពុលឡានដែរអត់ ? បើធ្លាប់ពុលឡាន អានពីវិធីទប់ស្កាត់នៅទីនេះ

ថ្ងៃទី ២៣ ខែ មិថុនា ឆ្នាំ ២០១៦ ម៉ោង ១៦:០៤

តើហេតុអ្វី បានជាអ្នកពុលឡាន? អ្នកមិនបានបរិភោគវាឯណា ម្តេចក៏ពុលវាទៅកើត? យើង​មិន​បាន​បរិភោគ​ក៏​ពិត​មែន ក៏ប៉ុន្តែនៅពេលដែលយើងចូលទៅដល់ក្នុងឡាន យើងជិះឡាន អ្នកដំណើរ​ មាន​អារម្មណ៍​មិន​ស្រួល​ ឈឺក្បាលវិលមុខ បែកញើសស្រស្រាក់ រកកល់ចង់ក្អួតភ្លៀម ដូចបរិភោគ​អ្វីខុសអញ្ចឹង។ អ្នកខ្លះគ្រាន់តែចូលទៅដល់ក្នុងឡាន ចេះដំណើរមិន​ទា​ន់ទាំង​បាន​១០០ម៉ែតផង ក៏តាំង​ពុលច្រងាត់ច្រងិលទៅហើយ។ ការពិតអាការៈនេះ​ស្តែងឡើង ដោយហេតុថា ព័ត៌មាន​ដែល​ខួ​ក្បាល​បាន​ទទួល​ ព័ត៌​មាន​ដែល​ភ្នែក​មើល​ឃើញ ត្រជាក់ស្តាប់ឮ និងរាងកាយដែលសាច់ដុំ​ប៉ះ​ពាល់​មានសភាព​មិនច្បាស់លាស់​ច្របួក​ច្របល់​ប្រឆាំង​គ្នា និយាយ​ជារួមគឺខ្លួនប្រាណយើងបាត់​លំ​នឹង​ បង្កទៅជាការភ័យព្រួយគិតច្រើន ទោះ​បី​ជាការ​គិត​នោះ​​ធ្វើឡើយ​ដោយ​មិន​បាន​ប្រឹង​ មិនបានដឹងខ្លួនក៏ដោយ ក៏​អាការៈ​ពល​ឡាន​នេះ​ បាន​ស្តែង​ចេញ​ឡើង​មក​ដែរ​។ ខ្លិនផ្សេងៗ កំដៅ សម្លេងម៉ាស៊ីនឡាន ក៏ជាកត្តា​បន្ទាប់​បន្សំ​នាំ​ឲ្យ​ពុល​​ឡាន​ដែរ​ ដូច្នេះបានជាអ្នកវិទ្យាសាស្ត្រ និងគ្រូពេទ្យមួយចំនួន គិតថា ការពុលឡាន មិន​មែន​ជា ជម្ងឺនោះទេ។ ជនគ្រប់រូប អាចមានអាការៈពុលឡានទាំងអស់ មិនថាក្មេងចាស់ប្រុសស្រី ដែល​ធ្លាប់​ជិះ​​ឡាន​​តាំង​​ពី​​តូច រឺមិនធ្លាប់​ជិះឡាន​នោះទេ​ ក៏ប៉ុន្តែ អ្នកជិះឡានពុល​ទូទៅ ​គឺកុមារ និងស្រ្តីភេទ។ ទោះបីជាយើងដឹងច្បាស់ថា ការពុលឡាននេះបណ្តាលមក ខួរក្បាលមិនអាចវិនិច្ឆ័យ ព័ត៌មាន​ដែល​មាន​លក្ខណប្រឆាំងគ្នាក៏ដោយ ក៏ការតាំងចិត្តតាំងកាយ តាំងអារម្មណ៍មិនអាចឲ្យយើងបញ្ចៀស​ផុត ពីការពុល​ឡាន​នេះ​បានដែរ។ មធ្យោបាយ​សាមញ្ញនិង មានប្រសិទ្ធភាពនោះ គឺការប្រើប្រាស់​ថ្នាំ​នៅមុនពេលធ្វើដំណើរពីបីថ្ងៃមុន រឺនៅពេលមុនចេញដំណើរ។ កាលដែលគេ​និយាយថា កុំញ៉ាំ​អាហារ​ច្រើន​មុនពេលចេញ​ធ្វើដំណើរ ដែលវាអាចធ្វើឲ្យយើងក្អួត គឺវាជាការផ្ទុយស្រលះ តាមពិត​អ្នក​គួរតែបរិភោគឲ្យឆ្អែតកុំឲ្យក្រពះទំនេរ។គេមានវិធីងាយៗ ជាច្រើនដើម្បីជួយកុំឲ្យពុលឡាន ទាំង​មុនពេល និងពេលកំពុងធ្វើដំណើរ៖ការប្រើថ្នាំ ពេលមុន រឺក៏ពេលចេញដំណើរបើការធ្វើដំណើរផ្លូវឆ្ងាយ គួរឧស្សាហ៍ឈប់សម្រាកឲ្យបានច្រើនដងជៀសវាងកុំមើលទេសភាព រឺមើលវត្ថុអ្វីដែលមានចលនានៅចំហៀងកញ្ចក់ឡានត្រូវផ្តោតភ្នែកមើលទៅមុខរថយន្ត សម្លឹងមើលជើងមេឃអ្នកឈប់ពុលឡានបើអ្នក ជាអ្នកបើកបររថយន្តខ្លួនឯងត្រូវបើកបង្អូច ដើម្បីឲ្យមានខ្យល់ចេះចូលគ្រប់គ្រាន់មិនត្រូវបើកសម្លេងចម្រៀងឮៗពេក តែបើគាត់អាចច្រៀងបានជាការប្រសើរមិនត្រូវបើកលឿនពេក ជាពិសេស គឺពេលដំឡើងល្បឿន និងពេលបន្ថយល្បឿន​។ 

ខ្មាន់កំាំភ្លើងម្នាក់បើកការបាញ់រះនៅក្នុងរោងភាពយន្តមួយនៅប្រទេសអាល្លឺម៉ង់

ថ្ងៃទី ២៣ ខែ មិថុនា ឆ្នាំ ២០១៦ ម៉ោង ១៥:២៤

ខ្មាន់កាំភ្លើងពាក់មុខម្នាក់បានបើកការវាយប្រហារនៅក្នុងរោងកុនមួយកន្លែងក្នុងតំបន់ Viernheim នៅប្រទេសអាល្លឺម៉ង់ និងបានចាប់មនុស្សជាច្រើនធ្វើជាចំណាប់ខ្មាំង នេះបើយោងតាមសារពត៌មានក្នុងស្រុករបស់អាល្លឺម៉ង់ ។ ករណីខាងលើបានកើតឡើងនៅវេលាម៉ោង ៣រសៀល ម៉ោងនៅក្នុងស្រុក ។ បន្តិចក្រោយមកប៉ូលិសបានទៅដល់កន្លែងកើតហេតុហើយបានបើកប្រត្តិបត្តិការអន្តរាគមន៍ ក្រោយមកក៏មានរបាយការណ៍មកថា ជនសង្ស័យត្រូវបានប៉ូលិសបាញ់ស្លាប់នៅនឹងកន្លែង ចំណែកឯអ្នកស្លាប់ផ្សេងទៀតមិនទាន់មានការបញ្ចាក់នៅឡើយទេ តែមានមនុស្សចំនួន ២០នាក់ បានរងរបួសដោយសារឧស្ម័នបង្ហូរទឹកភ្នែករបស់ប៉ូលិស។ 

ព្យុះ cyclone វាយប្រហារខេត្ត Jiangsu ប្រទេសចិនបណ្តាលអោយមនុស្ស ៥១នាក់បានស្លាប់

ថ្ងៃទី ២៣ ខែ មិថុនា ឆ្នាំ ២០១៦ ម៉ោង ១៥:១១

យ៉ាងហោចណាស់មនុស្ស 51 នាក់ត្រូវបានសម្លាប់នៅក្នុងទីក្រុង Yancheng ខេត្ត Jiangsu ប្រទេសចិន បន្ទាប់ពីមានខ្យល់ព្យុះ cyclone បានបោកបក់មកតំបន់មានមនុស្សដ៏ច្រើនរស់នៅ ។  អគាររោងចក្រកាត់ដេរបានបំផ្លាញខ្ទេច និងរថយន្តត្រូវបានរងការបំផ្លាញយ៉ាងតំណំ ដោយសារព្យុះភ្លៀងដ៏កាចសាហាវមួយនៅល្ងាចថ្ងៃព្រហស្បតិ៍នេះ ។ ប្រត្តិបត្តិការជួយសង្គ្រោះកំពុងតែជួយកន្លែងដែលរងគ្រោះនោះ ។ 

វៀតណាម ហាមឃាត់រាល់ការកាប់ព្រៃធម្មជាតិទាំងអស់នៅទូទាំងប្រទេស ជាពិសេសគឺក្រុមហ៊ុនឯកជនដែលកាប់បំផ្លាញ

ថ្ងៃទី ២៣ ខែ មិថុនា ឆ្នាំ ២០១៦ ម៉ោង ១០:២៧

ដើម្បីទប់ស្កាត់រាល់ការលួចអនុញ្ញាតឲ្យក្រុមហ៊ុនកាប់ព្រៃធម្មជាតិដែលកំពុងរងការបំផ្លិចបំផ្លាញស្រាប់នោះ នាយករដ្ឋមន្ត្រីវៀតណាមលោក Nguyen Xuan Phuc បានសម្រេចដាក់បទបញ្ជាម៉ឺងម៉ាត់មួយសំដៅបញ្ចប់រាល់ការកាប់ព្រៃធម្មជាតិដែលនៅសល់ប្រហែល ២.២៥ លានហិកតាទូទាំងប្រទេស។យោងតាមប្រភពសារព័ត៌មានមួយក្នុងប្រទេសវៀតណាមបានឱ្យដឹងពីនាយករដ្ឋមន្ត្រីបានថ្លែងថា ចាប់ពីថ្ងៃនេះទៅអាជ្ញាធរមូលដ្ឋានលែងមានសិទ្ធិអំណាចចេញលិខិតអនុញ្ញាតឲ្យមានការកាប់ព្រៃទៀតហើយ។ វិធានការនេះមានគោលដៅធ្វើយ៉ាងណាដើម្បីទប់ស្កាត់ការបំពានគោលនយោបាយរដ្ឋដោយលួចបើកដៃឲ្យក្រុមហ៊ុនឈូសឆាយព្រៃឈើដើម្បីដាំដើមឈើធ្វើអាជីវកម្មវិញ។គួររម្លឹកដែរថា នៅចន្លោះពីឆ្នាំ ២០១០ដល់ ២០១៤ ព្រៃធម្មជាតិ មានទំហំ ១១ម៉ឺនហិកតា ត្រូវបានគេឈូសឆាយសម្រាប់ដាំដើមឈើធ្វើអាជីវកម្ម ហើយ ៣៧០០០ហិកតាផ្សេងទៀតត្រូវបានគេឈូសឆាយសម្រាប់សាងសង់វារីអគ្គិសនីនិងផ្លូវ។ ក្រៅពីនេះ ព្រៃឈើមានទំហំ ១២៣០០០ហិកតាផ្សេងទៀតត្រូវបានគេកាប់បំផ្លាញខុសច្បាប់។ក្រៅពីបញ្ជាក់ប្រាប់ពីវិធានការថ្មីរបស់រដ្ឋាភិបាលក្នុងការដោះស្រាយបញ្ហាកាប់ព្រៃឈើ ប្រមុខរដ្ឋាភិបាលវៀតណាមខាងលើក៏បានបន្ទោសដល់មន្ត្រីពាក់ព័ន្ធដែលទទួលបន្ទុកកិច្ចការគ្រប់គ្រងព្រៃឈើ ដែលរវល់ឈ្លក់វង្វេងជាមួយអំពើពុករលួយ ហើយឃុបឃិតជាមួយក្រុមរំលោភច្បាប់នាំគ្នាកាប់ព្រៃឈើ៕

ក្រសួងសាធារណការអំពាវនាវដល់ម្ចាស់រថយន្តចង្កូតស្តាំទាំងអស់ឲ្យរួសរាន់មកចុះបញ្ជី

ថ្ងៃទី ២៣ ខែ មិថុនា ឆ្នាំ ២០១៦ ម៉ោង ០៩:៥៧

ភ្នំពេញ៖សេចក្តីជូនដំណឹងរបស់ក្រសួងកាលពីថ្ងៃទី២២ ខែមិថុនា បានបញ្ជាក់ថារថយន្តចង្កូតស្តាទាំងឡាយណាដែលមិនទាន់បានចុះបញ្ជី មេត្តារួសរាន់មកចុះបញ្ជី ដើម្បីទទួលបាន ប័ណ្ណសម្គាល់ និងស្លាកលេខស្របច្បាប់ នៅតាមមន្ទីរសាធារណការ និងដឹកជញ្ជូនទូទាំង ២៥រាជធានី-ខេត្ត។ក្រសួងសាធារណការនិងដឹកជញ្ជូនបានសង្កេតឃើញថាម្ចាស់រថយន្តចង្កូត ស្តាំដែល ទទួលបានភាពអនុគ្រោះពីរាជរដ្ឋាភិបាល មកធ្វើការបង់ពន្ធនាំចូល និងចុះបញ្ជី ដើម្បីទទួលបានបណ្ណសម្គាល់ និងស្លាកលេខយានយន្តជាបន្តបន្ទាប់ នៅតាមមន្ទីរ សាធារណការ និងដឹកជញ្ជូននៅទូទាំងរាជធានី-ខេត្ត។ទន្ទឹមនេះក៏មានម្ចាស់រថយន្តចង្កូតស្តាំមួយចំនួនមិនទាន់មកទទួលសេវាចុះបញ្ជី ផ្តល់បណ្ណសម្គាល់ និងស្លាកលេខយានយន្ត។ សេចក្តីជូនដំណឹងបានបញ្ជាក់ថាក្រសួងបានអនុញ្ញាតឲ្យមន្ទីរសាធារណការនិងដឹកជញ្ជូនទូទាំងប្រទេសពន្យាពេលផ្តល់សេវាចុះបញ្ជីផ្តល់បណ្ណសម្គាល់និងស្លាកលេខយានយន្តសម្រាប់តែរថយន្តដែលមាននៅក្នុងបញ្ជីបង់ពន្ធនៃអគ្គនាយកដ្ឋានគយ និងរដ្ឋាករកម្ពុជា។ក្រសួងសាធារណការនិងដឹកជញ្ជូនសង្ឃឹមថាសាធារណជនជាម្ចាស់រថយន្តចង្កូតស្តាំទាំងអស់ចូលរួមសហការនិងរួសរាន់បំពេញកាតព្វកិច្ចពន្ធសម្រាប់រថយន្តរបស់ខ្លួននិងបន្តធ្វើការចុះបញ្ជី ផ្តល់បណ្ណ សម្គាល់ និងស្លាកលេខយានយន្ត ឲ្យបានចប់សព្វគ្រប់។រាជរដ្ឋាភិបាលកម្ពុជាបានផ្តល់ភាពអនុគ្រោះដល់រថយន្តចង្កូតស្តាំទាំងអស់ធ្វើចរាចរនៅក្នុងប្រទេសកម្ពុជាប៉ុន្តែត្រូវធ្វើការចុះបញ្ជីដើម្បីទទួលបានបណ្ណសម្គាល់និងស្លាកលេខយានយន្តដោយបញ្ជាក់ថារថយន្តចង្កូតស្តាំ ដោយមានផ្ទៃស្គាល់ស្លាកលេខពណ៌ក្រហម ហើយអក្សរ និងលេខមានផ្ទៃសម្គាល់ពណ៌ស៕

ក្រុមហ៊ុនប្រេងថ្មីមួយរបស់លោក ឧកញ៉ាទ្រី ភាព ត្រៀមប្រឡូកក្នុងទីផ្សារប្រេងក្នុងប្រទេសកម្ពុជា

ថ្ងៃទី ២៣ ខែ មិថុនា ឆ្នាំ ២០១៦ ម៉ោង ០៤:៤២

ក្រុមហ៊ុនប្រេងថ្មីមួយទៀតឈ្មោះប៉ាប៉ាភេត្រូលៀម នឹងប្រតិបត្តិការអាជីវកម្មក្នុងទីផ្សារប្រទេសកម្ពុជា ជាមួយនិងក្រុមហ៊ុនប្រេងដ៍ទៃទៀតដែលកំពុងប្រតិបត្តិការអាជីវកម្មរាល់ថ្ងៃនេះ។លោកឧកញ៉ាទ្រី ភាពដែលជានាយកក្រុមហ៊ុនប្រេងប៉ាប៉ា ភេត្រូលៀមមានប្រសាសន៍អោយដឹងថា តាមការគ្រោងទុក ចរាចរណ៍ប្រេងថ្មីរបស់ក្រុមហ៊ុនប៉ាប៉ា ភេត្រូលៀមនិងនាំចូលមកកាន់ទីផ្សារកម្ពុជា ជាលេីកដំបូង តាមច្រកអានសេះ ខេត្តព្រះវិហារ នៅថ្ងៃ១៥កក្កដា២០១៦។បេីតាមលោកឧកញ៉ាទ្រី ភាពថ្លែងបញ្ជាក់ថា ក្រុមហ៊ុនប្រេងប៉ាប៉ា ភេត្រូលៀមនិងចូលរួមផ្គត់ផ្គង់ទីផ្សារប្រេងគ្រប់ខេត្តក្រុងក្នុងព្រះរាជាណាចក្រកម្ពុជា ហេីយអនាគតប្រេងនេះក៍នឹងធ្វេីការនាំចូលតាមច្រកកំពង់ផែពហុវិសយ័ថ្មីមួយទៀតដែលកំពុងសាងសង់នៅក្នុងឃុំព្រែកត្នោតស្រុកទឹកឈូខេត្តកំពតក្នុងគំរោងទឹកប្រាក់វិនិយោគជាង៣០០លានដុល្លាអាមេរិក ហេីយការដឹកជញ្ជូនប្រេងចេញពីកំពង់ផែនឹងប្រេីប្រាស់តាមផ្លូវរថភ្លេីងជាអាទិភាព៕