trollkhmer news

សង្គមនិងជីវិត

ស្រាបៀរ អានឆ័រ រៀបចំពិធីប្រគល់រង្វាន់លាភមង្គលលើកទី ១ ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ឆ្នាំ ២០១៧

ថ្ងៃទី ២៤ ខែ មករា ឆ្នាំ ២០១៧ ម៉ោង ១៣:០៨

រាជធានីភ្នំពេញ : កាលពីថ្ងៃទី ២០ ខែមករា ឆ្នាំ ២០១៧ ស្រាបៀរអានឆ័របានរៀបចំពិធីប្រគល់រង្វាន់លើកទីមួយដល់គូស្វាមីភរិយា នៅក្រុមហ៊ុនរោងចក្រផលិតស្រាបៀរកម្ពុជា (CBL) ដោយមានការអញ្ជើញចូលរួមពីថ្នាក់ដឹកនាំ បុគ្គលិកក្រុមហ៊ុន CBL គូស្វាមីភរិយាថ្មីទាំងអស់ដែលត្រូវរង្វាន់ និងភ្ញៀវកិត្តិយសជាច្រើន។ ការចាប់រង្វាន់នេះ បានធ្វើឡើងនៅថ្ងៃទី ១៥ មករា ឆ្នាំ២០១៧ នៅក្នុងកម្មវិធី Anchor Fun Zone នៅស្ថានីយ៍ទូរទស្សន៍ PNN ។ រង្វាន់រួមមាន ដំណើរកម្សាន្តក្រេបចន្ទទឹកឃ្មុំនៅឆ្នេរឋានសួគ៌ Krabi ចំនួន ១៥ រង្វាន់  ទូរទស្សន៍ Sony Android ទំហំ 55 អ៊ីញចំនួន១០ រង្វាន់ និងកាម៉េរ៉ា Digital Sony Alpha ចំនួន ១០ រង្វាន់។ កម្មវិធីប្រគល់រង្វាន់នេះបានរៀបចំឡើងក្នុងគោលបំណងថ្លែងអំណរគុណដ៏ជ្រាលជ្រៅដល់អតិថិជន ដែលបានជាវស្រាបៀរអានឆ័រសម្រាប់កម្មវិធីអាពាហ៍ពិពាហ៍។ លោក នួន ផានុត និងលោកស្រី ភេម ប៉ន ដែលបានឈ្នះដំណើរកម្សាន្តក្រេបចន្ទទឹកឃ្មុំនៅឆ្នេរឋានសួគ៌ Krabi បាននិយាយទាំងក្តីរំភើបថា ពួកគាត់ទាំងពីរមានអារម្មណ៍ រំភើបខ្លាំងដែលបានត្រូវរង្វាន់ធំពីស្រាបៀរអានឆ័រ ហើយបញ្ជាក់ថា ស្រាបៀរអាន់ឆ័រពិតជាបានប្រគល់រង្វាន់ពិតប្រាកដមែនជូនពួកគាត់ទាំងពីរ ។ កម្មវិធីប្រូម៉ូសិនអាពាហ៍ពិពាហ៍របស់ស្រាបៀរ អាន់ឆ័រ :- រាល់ការជាវស្រាបៀរ អាន់ឆ័រ ចំនួន 20-49 កេស ថែមជូនសៀវភៅកត់ចំណងដៃចំនួន 2 ក្បាល ប៊ិច 2ដើម និងកាបូប1។- រាល់ការជាវស្រាបៀរ អាន់ឆ័រ ចំនួន 50-119 កេស ថែមជូនសៀវភៅកត់ចំណងដៃចំនួន 2 ក្បាល ប៊ិច 2ដើម កាបូប1 និង ប័ណ្ណផ្សងសំណាង 2 សន្លឹក។- រាល់ការជាវស្រាបៀរ អាន់ឆ័រ ចំនួន 120 កេសឡើងទៅ ថែមជូនសៀវភៅកត់ចំណងដៃចំនួន 2 ក្បាល ប៊ិច 2ដើម កាបូប1 និង ប័ណ្ណផ្សងសំណាង 3 សន្លឹក។- រាល់ការជាវចាប់ពី 120កេសឡើងទៅនឹងទទូលបានកញ្ចប់ក្រេបច័ន្ទទឹកឃ្មុំនៅខេត្តព្រះសីហនុរយះពេល 2ថ្ងៃ1យប់ (ការផ្តល់ជួននេះសំរាប់តែគូស្វាមីភរិយា 1000គូដំបូងប៉ុណ្ណោះ)។កម្មវិធីនេះមានសុពលភាពពីថ្ងៃ 01 តុលា 2016 ដល់ ថ្ងៃទី 30 កញ្ញា 2017។ចំពោះព័ត៌មានបន្ថែមសូមទំនាក់ទំនង៖ 011 222 400 និង 011 333 500 ។  សូមទទួលយកភាពសប្បាយរីករាយយ៉ាងពិតប្រាកដជាមួយរស់ជាតិដ៏ស្រទន់នៃស្រាបៀរអាន់ឆ័រក្នុងថ្ងៃអាពាហ៍ពិពាហ៍របស់លោកអ្នក។ ជាពិសេសជាងនេះទៀត លោកអ្នក អាចមានឱកាសឈ្នះរង្វាន់ដំណើរកម្សាន្តក្រេបច័ន្ទទឹកឃ្មុំនៅឆ្នេរឋានសួគ៌ Krabi  ទូរទស្សន៍ Sony Android ទំហំ 55 អ៊ីញ និង កាម៉េរ៉ា Digital Sony Alpha ជាច្រើនរង្វាន់ទៀត។ ការចាប់រង្វាន់បន្ទាប់នឹងធ្វើឡើងនៅលើកទី2 ថ្ងៃទី 23 មេសា 2017 លើកទី3 ថ្ងៃទី 16 កក្តដា 2017 លើកទី4 ថ្ងៃទី 15 តុលា 2017។នេះពិតជាការបង្កើនភាពអស្ចារ្យបន្ថែមទៀតដល់អាពាហ៍ពិពាហ៍របស់លោកអ្នក។ អាចទទួលទានស្រាបៀរដ៍ឆ្ងាញ់ពិសា ព្រមទាំងមានឱកាសឈ្នះរង្វាន់អស្ចារ្យជាច្រើនសន្ធឹក សន្ធាប់។ នៅពេលដែលលោកអ្នកមានរៀបចំអាពាហ៍ពិពាហ៍ សូមកុំភ្លេចស្រាបៀរ អាន់ឆ័រ !!! សូមរីករាយពិសាស្រាបៀរអាន់ឆ័រ ដោយការទទួលខុសត្រូវ។

ហេតុអ្វីបានជាគេជ្រើសរើសពណ៌ទាំង ៣ សម្រាប់ភ្លើងចរាចរណ៍ ?

ថ្ងៃទី ២៤ ខែ មករា ឆ្នាំ ២០១៧ ម៉ោង ១២:៣៨

ភ្លើងចរាចរណ៍អាចចាត់ទុកថាជាប៉ូលីសចរាចរណ៍មួយដែលជួយសម្រួលចរាចរណ៍សម្រាប់ការធ្វើដំណើររបស់បងប្អូនប្រចាំថ្ងៃ ។ ដំបូងឡើយគេប្រើឧស្ម័នដើម្បីបំភ្លឺភ្លើងចរាចរណ៍បញ្ជាដោយដៃ តែក្នុងរយះពេលខ្លីប៉ុណ្ណោះ ហើយកាលពីឆ្នាំ ១៨៦៨ មានការផ្ទុះហ្គាសដោយភ្លើងចរាចរណ៍បានបណ្តាលអោយប៉ូលីសរងរបួស និង ស្លាប់ នៅក្នុងទីក្រុង London ។ ការបញ្ជាភ្លើងចរាចរណ៍ដោយដៃកាលពីសម័យដើមដោយសារកំហុសបច្ចេកទេសនេះហើយ បានធ្វើអោយគេសម្រេចចិត្តមកប្រើប្រព័ន្ធគ្រប់គ្រងអោយស្វ័យប្រវត្តិក្នុងឆ្នាំ ១៩១០ វិញ ។ ឥឡូវនេះ TrollKhmer និងពន្យល់មូលហេតុអ្វីបានគេជ្រើសរើសពណ៌ទាំងបីនេះ ៖ក្រហម:  ពណ៌នេះមានន័យថា "ឈប់" ពីព្រោះតែបើយើងមិនឈប់វាប្រាកដធ្វើអោយយើងមានគ្រោះថ្នាក់អាចចេញឈាម ហើយពណ៌ឈាមគឺក្រហម  បៃតង: ពណ៌នេះមានន័យថា "អាចទៅបានដោយសុវត្ថិភាព" ពីព្រោះតែពណ៌វាមើលទៅជាពណ៌ធម្មជាតិ ការលូតលាស់ សន្តិភាព ភាពស្រស់បំព្រង និង សុខុដមរមនា លឿង: ពណ៌នេះមានន័យថា "ប្រុងប្រយ័ត្ន​ (អាចទៅបានប៉ុន្តែសូមយឺតៗ)" វាផ្សំដោយសារការបញ្ចូលគ្នារវាងពណ៌ក្រហម និង បៃតង ៕

យន្តហោះដឹកអ្នកដំណេីររបស់ចិនមួយគ្រឿងដែលមានអ្នកដំណើរ១២២នាក់ បែកកង់ពេលកំពុងចុះចតនៅអាកាសយានដ្ឋាន សៀមរាប

ថ្ងៃទី ២៤ ខែ មករា ឆ្នាំ ២០១៧ ម៉ោង ១២:០៦

ខេត្តសៀមរាប-សេចក្តីរាយការណ៍ពីសមត្ថកិច្ចក្នុងអាកាសយានដ្ឋានអន្តរជាតិខេត្តសៀមរាបអោយដឹងថា យន្តហោះដឹកអ្នកដំណេីររបស់ចិនមួយគ្រឿងដែលមានអ្នកដំណើរ១២២នាក់ បានបែកកង់ពេលកំពុងចុះចតនៅអាកាសយានដ្ឋានអន្តរជាតិសៀមរាប កាលពីម៉ោងជិត៥ព្រឹកថ្ងៃទី២៤ ខែមករា ឆ្នាំ២០១៧នេះប៉ុន្តែពុំមានអ្នករងគ្រោះទេ។ បណ្តាញផ្សព្វផ្សាយនានាផ្សាយថាយន្តហោះនេះ មានជើងហោះហើរលេខ ZA484 មកពីខេត្ត WUHAN ប្រទេសចិន ហេីយពេលចុះចតយន្តហោះមានបញ្ហាបច្ចេកទេសជាប់ហ្រ្វាំងកង់មិនវិល អូសកង់លេីផ្លូវរត់ទេីបបណ្តាលអោយបែកកង់ក្រោយទាំង៤នៅចុងផ្លូវរត់ ចំពេលយន្តហោះខ្សោយល្បេឺន៕

ពិធីករ ពិធីការនី របស់វិទ្យុ ABC ធ្វើការឆ្លើយតបទៅនឹងរដ្ឋមន្រ្តីក្រសួងព័ត៌មានវិញ

ថ្ងៃទី ២៤ ខែ មករា ឆ្នាំ ២០១៧ ម៉ោង ១០:៤៩

បន្ទាប់ពីរដ្ឋមន្ត្រីក្រសួងព័ត៌មាន លោក ខៀវ កញ្ញារិទ្ធ ធ្លាប់បានបោះសំដីដោយប្រយោលមកលើទង្វើរពិធីការនីរបស់កម្មវិធី ABC 3 ស្ព្រីង ក្នុងទូរទស្សន៍ប៉ុស្តិ៍លេខ ៣ រួចមក ពេលនេះ ពិធីករ ពិធីការនី របស់វិទ្យុ ABC បានធ្វើការឆ្លើយតបវិញ ។ ចង់ដឹងថាពួកគាត់ឆ្លើយតបម៉េច សូមទស្សនាទាំងអស់គ្នា ៖

ភ្ញៀវទេសចរណ៍នឹងទៅលេងកម្សាន្តនៅខេត្តមណ្ឌលគិរី មានកំណើនច្រើនក្នុងឆ្នាំ២០១៧

ថ្ងៃទី ២៤ ខែ មករា ឆ្នាំ ២០១៧ ម៉ោង ១០:២៩

លោក ងិន សុវិមាន ប្រធានមន្ទីរទេសចរណ៍ខេត្តមណ្ឌលគិរី បានឲ្យដឹងថាមូលហេតុដែលធ្វើឲ្យលោកហ៊ានរំពឹងថា ភ្ញៀវទេសចរណ៍នឹងមកលេងខេត្តមណ្ឌលគិរីច្រើនក្នុងឆ្នាំ២០១៧នេះ ពីព្រោះបច្ចុប្បន្នប្រទេសកម្ពុជាបាននិងកំពុងមាន ការរីកចម្រើនរៀងរាល់ថ្ងៃ ធ្វើឲ្យជីវភាពរបស់ប្រជាពលរដ្ឋក៏មានការរីកចម្រើនដូចគ្នា ដូច្នេះពួកគាត់អាចមានលទ្ធភាព គ្រប់គ្រាន់សម្រាប់ការដើរលេងកម្សាន្ត។ ហើយនៅមានកត្តាជាច្រើនទៀតដូចជា ខេត្តមណ្ឌលគិរីមានរមណីដ្ឋានស្អាតៗ និង កំពុងរីកចំរើន រីឯបញ្ហាសន្តិសុខក៏ល្អប្រសើរ កត្តាមួយទៀតនោះគឺ បណ្ដាញសារព័ត៌មានតែងផ្សព្វផ្សាយពីសក្ដានុពលទេសចរណ៍ពីខេត្តមណ្ឌលគិរីឲ្យប្រជាជាតិកម្ពុជាបានដឹងក៏ដូចជាទូទាំងសកលលោកជាពិសេស សព្វថ្ងៃនេះប្រព័ន្ធផ្លូវថ្នល់ នៅតំបន់ភូមិភាគឥសាន្តល្អ អាចធ្វើឲ្យភ្ញៀវទេសចរណ៍ធ្វើដំណើរបានស្រួល ។លោកបន្តថា នាឱកាសបុណ្យទានម្ដងៗ ខេត្តមណ្ឌលគិរីតែងមានកំណើនភ្ញៀវទេសចរណ៍ច្រើន ហើយជាក់ស្ដែង កាលពីអំឡុងបុណ្យឆ្លងឆ្នាំសកលដែលទើបកន្លងផុតថ្មីៗនេះនៅខេត្តមណ្ឌលគិរីក៏មានកំណើនភ្ញៀវប្រមាណជិត២ពាន់នាក់ផងដែរ ទើបលោកអាចសន្និដ្ឋានបានថាក្នុងឆ្នាំ២០១៧នេះ លំហូរភ្ញៀវទេសចរណ៍មកខេត្តនាភូមិភាគឥសាន្តមួយនេះ នឹងមានកំណើនជាងឆ្នាំ២០១៦ ។ បច្ចុប្បន្នសម្រាប់ខេត្តមណ្ឌលគិរីក៏មានផ្ទះសំណាក់ សណ្ឋាគារ ភោជនីយដ្ឋាន ច្រើនកន្លែង អាចផ្គត់ផ្គង់តបតាមតម្រូវការរបស់ភ្ញៀវទេសចរណ៍ដែលមកកម្សាន្តបាន ហើយក្នុងឆ្នាំ២០១៧នេះដែរ មន្ទីរក៏នឹងកែលំអររម្មណីដ្ឋាននានាក្នុងខេត្តឲ្យកាន់តែមានភាពទាក់ទាញជាងនេះទៀតដែរ ។ប្រធានមន្ទីរទេសចរណ៍ខេត្តមណ្ឌលគិរីក៏បានបញ្ជាក់ពីចំនួនភ្ញៀវទេសចរណ៍ដែលមកលេងកម្សាន្តនៅខេត្តមណ្ឌលគិរី កាលពីឆ្នាំ២០១៦កន្លងទៅដោយក្នុងនោះសម្រាប់ភ្ញៀវសរុបមានចំនួនប្រមាណ ជាង១៥ម៉ឺននាក់ ភ្ញៀវជាតិ មានចំនួន ជាង១៤ម៉ឺននាក់ ភ្ញៀវអន្តរជាតិមានចំនួនជិត ៩ពាន់នាក់ ។ ហើយតួលេខនេះបើប្រៀបធៀប និងឆ្នាំ២០១៥ នោះ សម្រាប់ភ្ញៀវសរុប មានការកើនឡើងជិត១ម៉ឺន៤ពាន់នាក់ ក្នុងនោះភៀវជាតិកើនឡើងជាង ១ម៉ឺន២ពាន់នាក់ រីឯភ្ញៀវ អន្តរជាតិកើនឡើងប្រមាណ ១ពាន់៤ រយនាក់ ៕

មេប៉េអឹមឲ្យយកចិត្តទុកដាក់បញ្ហាគ្រឿងញៀន ការទន្ទ្រានដី ការនេសាទ អាជីកម្មរ៉ែ ធនធានធម្មជាតិ ការកាប់ឈើនិងការដាក់កុងត្រូលយកលុយ

ថ្ងៃទី ២៤ ខែ មករា ឆ្នាំ ២០១៧ ម៉ោង ០៩:៤៨

ភ្នំពេញ៖ លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេសនិងជាអគ្គមេបញ្ជាការរងកងយោធពលខេមរភូមិន្ទបានថ្លែងនៅក្នុងកិច្ចប្រជុំបូកសរុបលទ្ធផលការងារឆ្នាំ២០១៦ និងទិសដៅការងារឆ្នាំ២០១៧ កាលពីថ្ងៃទី២៣ ខែមករា ថាមន្ត្រីអាវុធហត្ថត្រូវស្គាល់អំពីតួរនាទី ភារកិច្ច ត្រូវចេះជំនាញ មានសមត្ថភាព មានចំណេះដឹង ត្រូវមានឆន្ទៈការងារ  ត្រូវមានស្មារតីម្ចាស់ការ ទទួលខុសត្រូវ ត្រូវមានផែនការច្បាស់លាស់ ត្រូវមានរបៀបរបបការងារ ត្រូវគោរពម៉ោងការងារ ការស្លៀកពាក់ ការធ្វើអនាម័យអង្គភាព និងមានការសហការល្អ។លោកនាយឧត្តមសេនីយ៍ សៅ សុខា បានបន្តថាសភាពការណ៍សន្តិសុខសណ្ដាប់ធ្នាប់ ត្រូវដឹងហើយយកចិត្តទុកដាក់ដែលមានក្នុងសង្គមយើង ដូចជាបញ្ហាគ្រឿងញៀនការទន្ទ្រានដី ការនេសាទ អាជីកម្មរ៉ែ ធនធានធម្មជាតិ ការកាប់ឈើនិងការដាក់កុងត្រូលយកលុយដោយខុសច្បាប់ដែលនឹងកើតមានឡើងក្នុងដែនសមត្ថកិច្ចរបស់ខ្លួន ដើម្បីទទួលបានលទ្ធផលល្អ និងប្រសិទ្ធិភាពខ្ពស់ ។មេបញ្ជាការកងរាជអាវុធហត្ថលើផ្ទៃប្រទេសបានសង្កត់ធ្ងន់ថាបញ្ហាការសាមគ្គីបែកបាក់បញ្ហាបក្ខពួកនិយម គិតតែបងប្អូនឯង និង បក្សពួកខ្លួនគិតតែប្រយោជន៌ខ្លួនឯងមិនគិតពីអ្នកដ៏ទៃ៕

ប្រជាពលរដ្ឋ7ភូមិ នៅស្រុកត្បូងឃ្មុំតវ៉ាប្រឆាំងជាមួយក្រុមហ៊ុន សុភក្តិនីការ

ថ្ងៃទី ២៤ ខែ មករា ឆ្នាំ ២០១៧ ម៉ោង ០៩:២៤

នៅព្រឹកថ្ងៃទី24 ខែមករា នេះប្រជាពលរដ្ឋចំនួន ៧ភូមិ គឺភូមិក្បាលអូ ភូមិទំនប់សែនជ័យ ភូមិទេពនិមិត្ត ភូមិទួលថ្មី ភូមិធ្នួង ភូមិវាលទឹកចេញ ភូមិវាលឃ្មុំ ស្រុកត្បូងឃ្មុំ ខេត្តត្បូងឃ្មុំ បានធ្វើការតវ៉ាប្រឆាំងជាមួយក្រុមហ៊ុន សុភក្តិនីការ ដែលប្រើប្រាស់កម្លាំងសមត្ថកិច្ចបង្ក្រាបប្រជាពលរដ្ឋ ដើម្បីឲ្យចេញពីលើដីក្រុមហ៊ុន។សូមជម្រាបថា លោក ហាក់ សុខមករា អភិបាលរងខេត្តត្បូងឃ្មុំ និងលោកកេង ប៊ុនណា អភិបាលស្រុកត្បូងឃ្មុំ កាលពីថ្ងៃទី២២ ខែមករា ឆ្នាំ២០១៧ បានចេញលិខិតជូនដំណឹងស្តីពីការចូលទន្ទ្រានកាន់កាប់ដោយខុសច្បាប់លើដីវិនិយោគ ក្រុមហ៊ុនសុភក្តិនីការ អិនវេសមេនគ្រុប ខូអិលធីឌី នៅចំណុចឡូតិ៍ ៤១៧ ៥១៧ ៥១៦ ឃុំគរ មានប្រជាពលរដ្ឋចំនួន ៧ភូមិ គឺភូមិក្បាលអូ ភូមិទំនប់សែនជ័យ ភូមិទេពនិមិត្ត ភូមិទួលថ្មី ភូមិធ្នួង ភូមិវាលទឹកចេញ ភូមិវាលឃ្មុំ ចំនួនប្រហែល ៣០០នាក់ បានមកបោះព្រំដីនៅលើដីចំនួន ២៩៥,៧៨ហិចតា ដែលក្រុមហ៊ុនចំការកៅស៊ូជប់ បានកាប់ដើម កៅស៊ូចេញ ។ ប្រជាពលរដ្ឋបានបោះបង្គោល ទំហំទទឹង ២៥ ម៉ែត្រ បណ្តោយ៥០ម៉ែត្រ ។ សកម្មភាពខាងលើ គឺមិនមានតំណាងក្រុមហ៊ុនមកជួបពលរដ្ឋ និងបង្កអោយមានបាតុភាព ជម្លោះទេ ហើយសមត្ថកិច្ចបានពន្យល់ណែនាំដល់បងប្អូន ប្រជាពលរដ្ឋអោយមានសណ្តាប់ធ្នាប់ល្អ ក្នុងការធ្វើសកម្មភាព អ្វីមួយដែលបង្កជម្លោះនិងខុសច្បាប់ ៕

មនុស្ស​ជិត២លាននាក់​ទទួលរងផលប៉ះពាល់នៅប្រទេសថៃ ដោយសារទឹកជំនន់វាយប្រហារ

ថ្ងៃទី ២៤ ខែ មករា ឆ្នាំ ២០១៧ ម៉ោង ០០:០៤

នាយកដ្ឋាន​ការពារ​គ្រោះមហន្តរាយ​ និង​ឧតុនិយម​ប្រទេសថៃ​បាន​រាយការណ៍​នៅថ្ងៃទី​២៣ ខែមករា ឆ្នាំ២០១៧នេះ​ ឲ្យដឹងថា ទឹកជំនន់​ដែល​បាន​វាយ​ប្រហារ​មក​លើ​តំបន់​ភាគខាងត្បូង​ប្រទេសថៃ​ចាប់តាំង​ពី​ថ្ងៃទី០១ ខែធ្នូ ឆ្នាំ២០១៦កន្លងទៅមកនោះ បាន​បង្កឲ្យ​ខេត្ត​ Prachuap Khiri Khan និងបណ្តាខេត្ត​ចំនួន​១១ទៀត​ទទួល​រង​ផលប៉ះពាល់​យ៉ាងខ្លាំង​ ក្នុងនោះ​មនុស្ស​ចំនួន​៨៥នាក់​ បាន​ស្លាប់ ​និងចំនួន៤នាក់ទៀតបាន​បាត់ខ្លួននៅឡើយ​។សេចក្តីរាយការណ៍​បាន​ឲ្យដឹងថា ថ្វីដ្បិត​ស្ថានភាពទឹកជំនន់​នៅបណ្តាខេត្តមួយចំនួន​ដូចជា​ ខេត្ត Ranong​​ ខេត្ត Kribi ខេត្ត​ Trang ខេត្ត​ Prachuap Khiri Khan និងខេត្ត​ Chumphon បាន​ធូរស្រាលមក​វិញ​ ប៉ុន្តែ​បណ្តាខេត្ត​មួយ​ចំនួនទៀត​ដូចជា ខេត្ត Nakhon Si Thammarat ខេត្ត​ Surat Thani ខេត្ត​ Pha​tthalung ខេត្ត​ Yala ខេត្ត​ Songkhla ខេត្ត​ Narashiwat និង​ខេត្ត Pattani នៅ​បន្តការ​ជន់លិច​នៅឡើយ​ ដែលបណ្តាល​ឲ្យ​មនុស្ស​ចំនួន​១,៧លាននាក់​ បាន​ទទួល​រងផលប៉ះពាល់​ ព្រមទាំង​ហេដ្ឋា​រចនាសម្ព័ន្ធ​​ផ្សេងទៀត​៕

កងទ័ពតួកគីនិយាយថា ពួកសកម្មប្រយុទ្ធរដ្ឋអ៊ីស្លាម ៦៥ នាក់ត្រូវបានសម្លាប់នៅភាគខាងជើងស៊ីរី

ថ្ងៃទី ២៣ ខែ មករា ឆ្នាំ ២០១៧ ម៉ោង ២៣:៤៨

ប្រទេសតួកគីកាលពីថ្ងៃចន្ទបាននិយាយថា ពួកភេរវកររដ្ឋអ៊ីស្លាម ៦៥ នាក់ត្រូវបានសម្លាប់ដោយកងទ័ពតួកគីនៅតំបន់ Al-Bab ភាគខាងជើងប្រទេសស៊ីរីក្នុងរយៈពេល ២៤ម៉ោងចុងក្រោយនេះ។ បើតាមសេចក្តីរាយការណ៍របស់ទីភ្នាក់ងារសារព័ត៌មានចិនស៊ីនហួ។បើតាមកងទ័ពតួកគីបាននិយាយថា គោលដៅវាយប្រហារដែលគ្រប់គ្រងដោយពួកភេរវករចំនួន ១៩៤ ទីតាំងត្រូវបានបាញ់ផ្លោង ដែលក្នុងនោះមានកន្លែងលាក់ខ្លួន ទីតាំងការពារ បញ្ជាការដ្ឋាន អាវុធនិងរថយន្ត។យន្តហោះចម្បាំងរបស់សម្ព័ន្ធមិត្តក៏បានវាយប្រហារគឺជាគោលដៅនានាក្នុងតំបន់Tadif, Abu Jabbar និងតំបន់ Uwayshiyah និងបានបំផ្លាញរថក្រោះមួយគ្រឿង រថយន្តផ្ទុកអាវុធ រថយន្តចំនួនបីគ្រឿងផ្សេងទៀត និងកាំភ្លើងផ្លោងមួយ។មន្ត្រីយោធាបានបន្ថែមថា ឧបករណ៍បំផ្ទុះចំនួន ៣១១៣ និងមីនចំនួន ៥៥ គ្រាប់ត្រូវបានបំផ្លាញចាប់តាំងពីការចាប់ផ្តើមប្រតិបត្ដិការយោធា។គួរបញ្ជាក់ថា កងកម្លាំងប្រដាប់អាវុធតួកគីបានចាប់ផ្តើមប្រតិបត្ដិការប្រឆាំងពួកសកម្មប្រយុទ្ធរដ្ឋអ៊ីស្លាមចាប់តាំងពីខែសីហា៕