trollkhmer news

សង្គមនិងជីវិត

សាកសព​ជនអន្តោប្រវេសន៍ជាង​450​នាក់​ទាញ​យក​ចេញពី​នាវាមួយ​ដែល​លិច​កាលពី​ឆ្នាំ​2015

ថ្ងៃទី ១៨ ខែ កក្តដា ឆ្នាំ ២០១៦ ម៉ោង ០២:៤១

កង​ម៉ា​រី​ន​អ៊ី​តា​លី​រាយការណ៍​នា​ថ្ងៃ​ទី​១៤ កក្កដា ថា សាកសព​មនុស្ស​ជាង​៤៥០​នាក់​ទៀត​ត្រូវ​បាន​ទាញ​យក​ចេញពី​នាវា​មួយ​គ្រឿង​ដែល​លិច ហើយ​ស្រង់​យក​មក​កាន់​អ៊ីតា​លី​ជាង​១​ឆ្នាំ​ក្រោយ​ពេល​លិច​ជាមួយ​ជនអន្តោប្រវេសន៍​ជិះ​ក្នុង​នោះ​ជា​ច្រើន​រយ​នាក់ ។ សរុប​សាកសព​មនុស្ស​ដល់​ទៅ​៦៧៥​នាក់​ត្រូវ​រកឃើញ ។មេបញ្ជាការ​កង​ម៉ា​រី​ន លោក NOCOLA DE FELICE ពេល​បង្ហាញ​ប្រាប់​សារព័ត៌មាន​ពី​លទ្ធផល​នៃ​ប្រតិបត្តិការ​នោះ ដែល​ចប់​នា​ថ្ងៃ​ទី​១៤ កក្កដា ថ្លែង​ថា សរុប​យើង​រក​ឃើញ​សាកសព​មនុស្ស​៦៧៥​នាក់ ដែល​យើង​យក​មក​ដាក់​ក្នុង​ថង់ ។ នាយទាហាន​រូប​នេះ​បញ្ជាក់​ថា សាកសព​មនុស្ស​ទាញ​យក​ចេញពី​ខ្មោច​នាវា​តូច​មួយ​រលួយ​អស់ ដោយ​សាកសព​៤៥៨​នាក់​យក​ចេញពី​ក្នុង​នាវា​ក្រោយ​ស្រង់ ហើយ​សាកសព​មនុស្ស​១៦៩​នាក់​ស្រង់​ចេញពី​ជុំវិញ​ខ្មោច​នាវា​រយៈពេល​ប៉ុន្មាន​ខែ​ចុង​ក្រោយ រួច​សាកសព​មនុស្ស​៤៨​នាក់​ទៀត​ទើប​ស្រង់បាន​នា​ពេល​ថ្មី​ៗ​នេះ​ដោយ​នាវា​យោធា​មួយគ្រឿង ។នា​យប់​ថ្ងៃ​ទី​១៨ មក​១៩ មេ​សា ឆ្នាំ​២០១៥ នាវា​នេះ​ដែល​ចាក​ចេញពី​លី​ប៊ី​បាន​លិច ក្រោយ​ពី​បុក​ជាមួយ​នាវា​កា​ហ្គោ​ព័រ​ទុ​យ​ហ្គា​ល់​មួយ​គ្រឿង ដែល​មាន​បំណង​មក​ជួយ​សង្គ្រោះ ។ មាន​អ្នក​នៅ រស់រាន​មានជីវិត​២៨​នាក់ ដែល​រៀបរាប់​ថា លើ​នាវា​នេះ​មាន​មនុស្ស​ជិះ​ដល់​ទៅ​ប្រមាណ​ជា​៨០០​នាក់ ពេល​ចេញដំណើរ ៕

ចិនសាកល្បងរថភ្លើងល្បឿនលឿនដែលអាចបើកបានល្បឿនរហូតដល់ទៅ៤២០គីឡូម៉ែត្រក្នុងមួយម៉ោង

ថ្ងៃទី ១៨ ខែ កក្តដា ឆ្នាំ ២០១៦ ម៉ោង ០២:២០

ក្រុង Zhengzhou៖ ប្រទេសចិនសាកល្បងរថភ្លើងរថភ្លើងល្បឿនលឿនមិនធ្លាប់មាន ដែលអាចបើកបានរហូតដល់ទៅ៤២០ គីឡូម៉ែត្រក្នុងមួយម៉ោង នៅក្រុង Zhengzhou ខេត្ត Henan ។យោងតាមប្រព័ន្ធផ្សព្វផ្សាយរដ្ឋចិនបានឲ្យដឹងថា ពេលរថភ្លើងល្បឿនលឿននេះចំនួនពីរគ្រឿងបើកវ៉ាគ្នា ល្បឿននៃរថភ្លើងនីមួយៗដែលអាចបើកបានរហូតដល់ទៅ៤២០គីឡូម៉ែត្រក្នុងមួយម៉ោងនោះ នឹងអាចកើនឡើងទ្វេរដងពោលគឺកើនឡើងដល់៨៤០គីឡូម៉ែត្រ ជាល្បឿនមួយដែលស្មើនឹងល្បឿនយន្តហោះ។អ្នកជំនាញម្នាក់ស្ថិតក្នុងចំណោមក្រុមវិស្វករដែលបានបង្កើតរថភ្លើងល្បឿនលឿននេះបានលើកឡើងថា ចរន្តខ្យល់ដែលបង្កើតឡើងដោយរថភ្លើងល្បឿនលឿន មានកម្លាំងជំរុញយ៉ាងខ្លាំងទៅលើរថភ្លើងមួយផ្សេងទៀត ហើយរថភ្លើងមួយផ្សេងទៀតនោះ បានផ្តល់កម្លាំងជំរុញត្រឡប់មកវិញ។លោក Wang Yueming ប្រធានក្រុមអ្នកសិក្សាស្រាវជ្រាវនៃមជ្ឈមណ្តលវិទ្យាសាស្រ្តផ្លូវដែកចិនបានឲ្យដឹងបន្ថែមថា ពេលរថភ្លើងមួយគ្រឿងបើកបញ្ច្រសទិសគ្នានឹងរថភ្លើងមួយគ្រឿងផ្សេងទៀត កម្លាំងម៉ាស៊ីននៃរថភ្លើងទាំងពីរប្រាកដជាចុះខ្សោយ ដោយសារកម្លាំងខ្យល់ដែលរថភ្លើងទាំងពីរគ្រឿងនេះបានបង្កើតឡើង ហេតុដូច្នេះក្រុមអ្នកសិក្សាស្រាវជ្រាវបានយកអ្វីដែលរកឃើញនេះ ប្រើបញ្ច្រាសមកវិញ ដោយយកកម្លាំងខ្យល់ជួយកម្លាំងខ្យល់។លោកបានបន្ថែមថា ទោះជាយ៉ាងលទ្ធនៃការសាកល្បងកំពុងស្ថិតក្នុងការសិក្សាស្រាវជ្រាវបន្ថែមនៅឡើយ។ប្រធានក្រុមអ្នកស្រាវជ្រាវរូបនេះបានបញ្ជាក់ជាចុងក្រោយថា ការសាកល្បងនេះដែលទើបតែមានជាលើកដំបូងលើពិភពលោក នឹងជួយផ្តល់ទិន្នន័យមិនធ្លាប់មាន សម្រាប់ការសិក្សាស្រាវជ្រាវបន្តទៀតនាពេលអនាគត៕

កំពូលស្មាតហ្វូន Galaxy S7 ផ្តួល iPhone 6S លើ​ទឹកដី​អា​មេ​រិ​ក

ថ្ងៃទី ១៨ ខែ កក្តដា ឆ្នាំ ២០១៦ ម៉ោង ០២:១៨

តួលេខ​ថ្មី​ពី​ការ​លក់​ស្មា​ត​ហ្វូ​ន​នៅ​អា​មេ​រិ​ក បាន​បង្ហាញ​ឱ្យ​ឃើញ​ថា ក្រុមហ៊ុន Samsung Electronics បាន​ផ្តួល​គូប​ដិ​បក្ស​របស់​ខ្លួន​គឺ Apple ក្នុង​រយៈពេល​ពី​ខែមីនា ដល់​មិថុនា ២០១៦ ។ ទិន្នន័យ​នេះ​បាន​មក​ពី​ក្រុមហ៊ុន​ស្រាវជ្រាវ Kantar WorldPanel ដោយ​បង្ហាញ​ថា ស្មា​ត​ហ្វូ​ន​ម៉ូ​ដែល Galaxy S7 បាន​យក​ប្រៀប​លើ​ផលិតផល iPhone 6S និង iPhone 6S Plus របស់ Apple នៅ​ចន្លោះ​ខែមីនា និង​ខែមិថុនា ។ក្រុមហ៊ុន​ដដែល​នេះ​និយាយ​ថា Samsung Electronic គឺជា​ក្រុមហ៊ុន​ជាប់​ចំណាត់ថ្នាក់​ទី​១ ដែល​មាន​ភាគហ៊ុន​ប្រមាណ​៣៧% ខណៈ​ក្រុមហ៊ុន Apple មាន​២៩% ។ មន្ត្រី និង​ជា​អ្នកវិភាគ​ប្រចាំ​ក្រុមហ៊ុន​សាំ​ស៊ុ​ង​និយាយ​ថា លទ្ធផល​ចុង​ក្រោយ​នេះ​មិនមែន​មាន​ន័យ​ថា​សាំ​ស៊ុង​គឺជា​ក្រុមហ៊ុន​ឈានមុខ​គេ​នៅ​អា​មេ​រិ​ក​ទេ តែ​ក្រុមហ៊ុន Apple បាន​ធ្វើ​ឱ្យ​បាត់បង់​ប្រជាប្រិយភាព​លើ​ទឹកដី​របស់​ខ្លួន ។ក្នុង​លក្ខខណ្ឌ​ភាគហ៊ុន​នៃ​ការ​លក់​ស្មា​ត​ហ្វូ​ន​របស់​ពួក​គេ​ដោយ Galaxy S7 បាន​ច្បាម​យក ១៦% ខណៈ iPhone 6S និង iPhone 6S Plus នៅ​តែ​មាន​ភាគហ៊ុន​ដដែល​១៤,៦% ។ ទន្ទឹម​គ្នា​នោះ​ដែរ ៥%​នៃ​អតិថិជន Apple បាន​ផ្លាស់​មក​ប្រើ Galaxy វិញ ។ ទោះជា​យ៉ាងណា​ក៏​ដោយ​អ្នក​ប្រើប្រាស់​មាន​ភក្តីភាព​ជាមួយ Apple ពោល​គឺ​មាន​ចំនួន​៨៨% ខណៈ Samsung មាន ៨៦% ៕

Breakingnews: ក្រុមយោធាតួកគីបានធ្វើរដ្ឋប្រហារទម្លាក់រដ្ឋាភិបាល ខណៈប្រទេសទាំងមូលស្ថិតនៅក្នុងភាពចលាចល

ថ្ងៃទី ១៦ ខែ កក្តដា ឆ្នាំ ២០១៦ ម៉ោង ០១:៥៧

ប្រទេសតួកគី-បណ្តាញផ្សព្វជាតិនិងអន្តរជាតិចេញផ្សាយថា ក្រុមកងទ័ពបានធ្វើរដ្ឋប្រហារទម្លាក់ប្រធានាធិបតី នៃប្រទេសតួកគី ដណ្តើមអំណាច និងកំពុងបង្កភាពចលាចលពេញផ្ទៃប្រទេសកាលពីយប់មិញ(15.07.2016)។សេចក្តីរាយការណ៍ស្រដៀងៗគ្នាបន្ថែមថា ភាពចលាចលពេញផ្ទៃប្រទេសនិងការដាក់ប្រទេសក្នុងច្បាប់អាជ្ញាសឹកបន្ទាប់ពីរដ្ឋប្រហារដោយក្រុមយោធា ដោយក្នុងព្រឹត្តិការណ៍នៃរដ្ឋប្រហារនេះ យន្តហោះ F-16 បានបាញ់ទម្លាក់ឧទ្ធម្ភាគចក្រមួយគ្រឿងស្លាប់មនុស្ស១៧នាក់ និងរដ្ឋសភារងការបំផ្ទុះគ្រាប់បែក។ក្រុមទាហានបានដណ្តើមអំណាច និងកំពុងគ្រប់គ្រងប្រទេសតួកគីដោយកម្លាំងយោធា ដាក់ពង្រាយចំណុចសំខាន់ៗ និងអមដោយឧទ្ធម្ភាគចក្រហោះការពារពីខាងលើផងដែរ។ក្រុមទាហានដែលដណ្តើមស្ថានីយ៍ទូរទស្សន៍ បានធ្វើសេចក្តីថ្លែងការណ៍តាមទូរទស្សន៍ដោយនិយាយថា ឥឡូវប្រទេសកំពុងស្ថិតក្នុងបម្រាមគោចរ និងជាច្បាប់អាជ្ញាសឹក។ មន្រ្តីយោធាកំពូលៗមួយចំនួន ត្រូវបានត្រូវបានឃុំខ្លួន។ក្រុមកងទ័ពនៅក្នុងប្រទេសតួកគីបាននិយាយថា ពួកគេបានគ្រប់គ្រងនៅទូទាំងប្រទេស ដោយមានទាហាននៅចំណុចយុទ្ធសាស្រ្ត ក្នុងទីក្រុងអុីស្តង់ប៊ុល

ប្រទេសចិនប្រកាសផ្តល់ជំនួយឥតសំណងជិត ៦០០លានដុល្លារអាមេរិក ដល់កម្ពុជា

ថ្ងៃទី ១៥ ខែ កក្តដា ឆ្នាំ ២០១៦ ម៉ោង ០៦:៣៩

សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាឲ្យដឹងថា រដ្ឋាភិបាលចិនបានសម្រេចផ្តល់ជំនួយឥតសំណងដល់កម្ពុជា ចំនួនជិត៦០០លានដុល្លារ សម្រាប់រយៈពេល៣ឆ្នាំ។ ការប្រកាសនេះធ្វើឡើង ក្នុងពេលដែលសម្តេចតេជោ បានជួបពិភាក្សាការងារទ្វេភាគីជាមួយលោក លីខឺឈាង នាយករដ្ឋមន្ត្រីចិន នាប្រទេសម៉ុងហ្គោលី។តាមរយៈបណ្តាញសង្គមហ្វេសបុកផ្លូវការណ៍របស់សម្តេចថ្ងៃទី ១៥ កក្តដា ២០១៦នេះ សម្តេចបានរៀបរាប់ថា « មុននេះបន្តិចខ្ញុំបានជួបទ្វេរភាគីជាមួយនាយករដ្ឋមន្ត្រីចិន លី ខឺឈានដើម្បីពិភាក្សាលើការពង្រឹងទំនាក់ទំនងសហប្រតិបត្តិការកម្ពុជា ចិននិងបញ្ហាតំបន់និងអន្តរជាតិដែលភាគីទាំងពីរយកចិត្តទុកដាក់។នាយករដ្ឋមន្ត្រីចិនបានប្រកាសផ្តល់ជំនួយឥតសំណងឱយកម្ពុជាចំនួន៣៦០០លានយន់ប្រហាក់ប្រហែលជិត៦០០លានដុល្លាអាមេរិកសំរាប់រយះពេល៣ឆ្នាំ គឺពីឆ្នាំ២០១៦ដល់២០១៨។តាមសំណូមពររបស់ខ្ញុំមិត្តចិនបានយល់ព្រមផ្តល់ថវិកាសំរាប់ដំណើការបោះឆ្នោតដល់វិស័យសុខាភិបាល អប់រំ ទឹកស្អាតដូចជាស្រះទឹក អណ្តូងទឹកដែលជាផលប្រយោជន៏សំរាប់ប្រជាជនយើង៕ »

ឆ្ងល់ដែរទេហេតុអ្វី​បានជា​ស្បែក​ឡើង​ជ្រួញ​ពេល​នៅ​ក្នុង​ទឹក​?

ថ្ងៃទី ១៥ ខែ កក្តដា ឆ្នាំ ២០១៦ ម៉ោង ០៦:១៨

តើ​អ្នក​ធ្លាប់​នៅក្នុង​អាង​ហែល​ទឹក​ក្នុង​រយៈពេល​យូរ​ដែល​ម្រាមដៃ​របស់​អ្នក​ប្រែជា​ជ្រួញ​ដែរឬទេ​? នេះ​ជា​រឿង​ធម្មតា​នោះទេ ហើយ​វា​ក៏​អាច​ប៉ះពាល់​លើ​ម្រាមជើង​របស់​អ្នក​ផងដែរ​។ ហេតុអ្វី​បានជា​វា​កើត​ឡើង​?​ទោះបីជា​អ្នក​មិន​អាច​ឃើញ​វា​, ប៉ុន្តែ​ស្បែក​របស់​អ្នក​ត្រូវបាន​គ្របដណ្តប់​ដោយ​ប្រេង​ពិសេស​ម្យ៉ាង​ដែល​ត្រូវបាន​គេ​ហៅថា សេ​ប៊ូ​ម​។ សេ​ប៊ូ​ម​ត្រូវបាន​គេ​រកឃើញ​នៅលើ​ស្រទាប់​ក្រៅ​គេ​បង្អស់​នៃ​ស្រទាប់​ស្បែក​។ សេ​ប៊ូ​ម​ធ្វើអោយ​សើ​ម ឬ​ធ្វើអោយ​មាន​រំអិល និង​ការពារ​ស្បែក​របស់​អ្នក​។ វា​ក៏​អាចធ្វើអោយ​ស្បែក​របស់​អ្នក​មិន​ជ្រាប​ទឹក​ផងដែរ​។ នេះ​ហើយ​ជា​មូលហេតុ​ដែល​ទឹក​មិន​ជ្រាប​ចូលទៅក្នុង​ស្បែក​នៅពេល​ដែល​អ្នក​លាង​ដៃ​។​​ប៉ុន្តែ​ការ​នៅ​រយៈពេល​យូរ​នៅក្នុង​ទឹក​ធ្វើអោយ​លាង​ជំ​រះ​សេ​ប៊ូ​ម​នេះ​។ បន្ទាប់មក​, ទឹក​អាច​ចូលទៅ​ក្នុង​ស្រទាប់​ខាងលើ​នៃ​ស្បែក​។ នេះ​បណ្តាលអោយ​ស្បែក​របស់​អ្នក​ប្រែក្លាយ​ជា​ពោរពេញ​ទៅ​ដោយ​ទឹក​។ ដូចនេះ​តើ​វា​នាំ​អោយ​កើត​មាន​ការ​ជ្រួញ​យ៉ាងដូចម្តេច​? មិន​មាន​នរណា​ម្នាក់​ដឹង​នោះទេ​។​​មនុស្ស​មួយចំនួន​គិតថា វា​ដោយសារតែ​ស្បែក​រីក​ដើម្បី​អនុញ្ញាត​អោយ​មាន​ទឹក​នៅ​ខាងក្នុង​។ ស្បែក​រីក​ត្រូវបាន​បញ្ចប់​នោះ​នាំ​អោយ​ឃើញ​ថា​មាន​ស្បែក​ជ្រួញ​។​ដូចនេះ អ្នកនឹង​គួរ​ធ្វើ​ដូចម្តេច​នៅពេល​ដែល​វា​កើតមានឡើង​? មិនបាច់​ធ្វើ​អ្វី​ទាំងអស់​, វា​នឹង​បាត់​ទៅ​វិញ​ភ្លាមៗ​, អ្នក​នឹង​មាន​សេ​ប៊ូ​ម​មកវិញ​៕

ប្រទេសអ៊ីរ៉ង់នឹងមិនបោះបង់ចោលកម្មវិធីមីស៊ីលរបស់ខ្លួនទេ

ថ្ងៃទី ១៥ ខែ កក្តដា ឆ្នាំ ២០១៦ ម៉ោង ០១:៤៦

ទីភ្នាក់ងារសារព័ត៌មានចិនស៊ីនហួបានឱ្យដឹងថា មន្ត្រីអ៊ីរ៉ង់ម្នាក់ មកពីក្រសួងការបរទេសអ៊ីរ៉ង់បាននិយាយកាលពីថ្ងៃពុធថា កម្មវិធីមីស៊ីលបានផ្តល់ផលប្រយោជន៍ដល់ប្រទេសជាតិ ហើយដែលនឹងមិនត្រូវបានហាមឃាត់។អ្នកចរចាបញ្ហានុយក្លេអ៊ែរអ៊ីរ៉ង់លោក Hamid Baeedinejad បាននិយាយឆ្លើយតបទៅនឹងការជំទាស់របស់ប្រទេសលោកខាងលិចមួយចំនួនកាលពីពេលថ្មីៗ នេះចំពោះកម្មវិធីមីស៊ីលថា កម្មវិធីមីស៊ីលរបស់អ៊ីរ៉ង់ត្រូវបានអភិវឌ្ឍន៍ឡើងសម្រាប់គោលបំណងការពារខ្លួន និងថាយើងមិនអាចកំណត់ផលប្រយោជន៍ប្រទេសជាតិតាមគំនិតយល់ឃើញរបស់អ្នកដទៃឡើយ។លោក Baeedinejad និយាយថា ប្រទេសនានាដែលជំទាស់នឹងកម្មវិធីមីស៊ីលអ៊ីរ៉ង់កុំសង្ឃឹមថាអ៊ីរ៉ង់នឹងបោះបង់ការការពារ និងផលប្រយោជន៍សន្តិសុខរបស់ខ្លួន។ កម្មវិធីមីស៊ីលរបស់អ៊ីរ៉ង់មិនបានគំរាមកំហែងដល់ប្រទេសក្នុងតំបន់ និងនៅតំបន់ផ្សេងឡើយ។គួរបញ្ជាក់ថា កាលពីថ្ងៃចន្ទ អ្នកនាំពាក្យក្រសួងការបរទេសអ៊ីរ៉ង់លោក Bahram Qasemi ក៏បានច្រានចោលនូវការព្រួយបារម្ភដែលបានលើកឡើងដោយសមាជិកអង្គការណាតូជុំវិញការធ្វើតេស្តមីស៊ីលរបស់អ៊ីរ៉ង់ផងដែរ៕

ហ្វីលីពីនដុតបំផ្លាញគ្រឿងញៀនខុសច្បាប់ប្រមាណ ៣៧លានដុល្លារអាម៉េរិក

ថ្ងៃទី ១៥ ខែ កក្តដា ឆ្នាំ ២០១៦ ម៉ោង ០១:៣៧

ទីភ្នាក់ងារសារព័ត៌មានចិនស៊ីនហួបានឱ្យដឹងថា រដ្ឋាភិបាលហ្វីលីពីននៅថ្ងៃព្រហស្បតិ៍ម្សិលមិញនេះបានបំផ្លាញគ្រឿងញៀនគ្រោះថ្នាក់ដែលមានតម្លៃប្រមាណ ៣៧,៦៥ លានដុល្លារអាម៉េរិក។ ប្រធានភ្នាក់ងារប្រឆាំងថ្នាំញៀនហ្វីលីពីន (PDEA) លោក Isidro Lapena បាននិយាយថា ថ្នាំញៀនទំងន់ ៤០០ ៣៥៦, ២៥ ក្រាម ដែលរួមមាន មេតាហ្វេតាមីន កូកាអ៊ីន កេតាមីន និងសារធាតុញៀនចំនួន ៦៦២៥០ មីលីលីត្រត្រូវបានបំផ្លាញចោល។លោកបាននិយាយថា ថ្នាំញៀនដែលបានដុតបំផ្លាញប្រមាណ ១៨០៩០៣,១០ ក្រាម បានរឹបអូសពីតំបន់លម្ហែមាត់សមុទ្រក្នុងទីក្រុង Claveria នៅខេត្តCagayan កាលពីដើមខែនេះ។លោក Lapena បាននិយាយថា យើងចង់ឱ្យសាធារណជនធ្វើជាសាក្សីចំពោះការបំផ្លាញថ្នាំញៀនដែលមានគ្រោះថ្នាក់ ហើយដែលមន្ត្រីប្រឆាំងគ្រឿងញៀនរឹបអូសបានមិនត្រូវបាន យកទៅប្រើប្រាស់ឡើងវិញ ឬ លក់នៅតាមផ្លូវវិញទេ។ប្រធានាធិបតី Rodrigo Duterte បានប្រកាសពីយុទ្ធនាការប្រឆាំងនឹងថ្នាំញៀនខុសច្បាប់ នៅក្នុងប្រទេស៕

ប្រទេសម៉ាឡេស៊ី និងសិង្ហបុរីចុះហត្ថលេខា លើ អនុស្សរណៈយោគយល់គ្នាអំពីគម្រោងផ្លូវរថភ្លើងល្បឿនលឿន

ថ្ងៃទី ១៥ ខែ កក្តដា ឆ្នាំ ២០១៦ ម៉ោង ០១:៣៣

ទីភ្នាក់ងារសារព័ត៌មានចិនស៊ីនហួបានឱ្យដឹងថា ម៉ាឡេស៊ីនិងសិង្ហបុរីនឹងចុះហត្ថលេខាលើអនុស្សរណៈនៃការយោគយល់គ្នា (MoU) លើផ្លូវរថភ្លើងល្បឿនលឿនដែលតភ្ជាប់គ្នារវាងប្រទេសទាំងពីរ។បើតាមសេចក្តីរាយការណ៍របស់ប្រព័ន្ធផ្សព្វផ្សាយក្នុងស្រុកនៅថ្ងៃព្រហស្បតិ៍បានឱ្យដឹងថា ការចុះហត្ថលេខានេះនឹងត្រូវបានធ្វើជាសាក្សីដោយនាយករដ្ឋមន្ត្រីម៉ាឡេស៊ីលោក ណាជីប រ៉ាហ្សាក់ និងសមភាគីសិង្ហបុរីលោក លី សៀនឡុង។កាសែត The News Strait Times បានរាយការណ៍ថាអនុស្សរណៈនេះនឹងត្រូវបន្តដោយការចរចាលម្អិតនៅលើបញ្ហានានាដូចជាការធ្វើផែនការ ការអភិវឌ្ឍ ការប្រតិបត្តិនៃគម្រោងនិងប្រតិបត្ដិការនាពេលអនាគត ដែលផ្ដោតសំខាន់ទៅលើកិច្ចព្រមព្រៀងទ្វេភាគីជាផ្លូវការនៅចុងឆ្នាំនេះ។កាសែត The News Straits Times បានរាយការណ៍មុននេះថាគម្រោងនេះត្រូវបានគេរំពឹងថានឹងចាប់ផ្តើមអនុវត្តន៍នៅឆ្នាំ ២០១៨។ ផ្លូវរថភ្លើងល្បឿនលឿនដែលបានស្នើឡើងនោះត្រូវគេរំពឹងថានឹងកាត់បន្ថយពេលវេលាធ្វើដំណើររវាងរដ្ឋធានីនៃប្រទេសម៉ាឡេស៊ីនិងទីក្រុងសិង្ហបុរីប្រមាណ៩០ នាទី៕