trollkhmer news

សង្គមនិងជីវិត

រដ្ឋមន្ត្រីការបរទេសកម្ពុជាស្នើឡាវពង្រឹងកិច្ចសហប្រតិបត្តិការប្រយុទ្ធប្រឆាំងគ្រឿងញៀនតាមបណ្តោយព្រំដែន

ថ្ងៃទី ២៤ ខែ មករា ឆ្នាំ ២០១៧ ម៉ោង ១៧:៥៥

ភ្នំពេញ៖ លោកទេសរដ្ឋមន្រ្តី ប្រាក់ សុខុន នៅក្រសួងការបរទេសនិងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានជួបពិភាក្សាលោក សាលើមសៃ គុំម៉ាស៊ីត រដ្ឋមន្រ្តីការបរទេស នៃសាធារណរដ្ឋប្រជាធិបតេយ្យប្រជាមានិតឡាវ កាលពីរសៀលថ្ងៃទី២៤ ខែមករា ឆ្នាំ២០១៧ នៅទីស្តីការក្រសួងការបរទេស។ កិច្ចប្រជុំនេះ បានផ្តោតលើទំនាក់ទំនងនិងពង្រឹងពង្រីកកិច្ចសហប្រតិបត្តិការលើគ្រប់វិស័យរវាងប្រទេសទាំងពីរនិងជាពិសេសលើការរត់ពន្ធគ្រឿងញៀនតាមបណ្តោយព្រំដែននិងការពិនិត្យទីតាំងដើម្បីសាងសង់ស្ពានឆ្លងកាត់ទន្លេល្ពៅ។លោកជុំ សុន្ទរី អ្នកនាំពាក្យក្រសួងការបរទេសនិងសហប្រតិបត្តិការអន្តរជាតិបានប្រាប់កក្រុមអ្នកកាសែតបន្ទាប់ពីជំនួបចប់ថា កិច្ចប្រជុំនេះ គឺដើម្បីពង្រឹងបន្ថែមទៀតនៅកិច្ចសហប្រតិបត្តិការទ្វេភាគី គឺការជម្រុញផ្លាស់ប្តូរព័ត៍មាន បទពិសោធន៍គ្នារវាងមន្ត្រីជាន់ខ្ពស់កម្រិតថ្នាក់អគ្គនាយក។ លោកទេសរដ្ឋមន្ត្រី ប្រាក់ សុខុន ក៏បានលើកឡើងពីបទពិសោធន៍របស់ក្រសួងការបរទេស ក្នុងការបង្កើតឡើងនៅតេឡាក្រាម និងវើសអាប់សម្រាប់ទំនាក់ទំនងរវាងមន្ត្រីបណ្តាសំខាន់ៗ នេះជាបទពិសោធន៍ជាគន្លឹះសម្រាប់ពិនិត្យពិចារណាបង្កើតឡើងក្បាលម៉ាស៊ីនសម្រាប់ទំនាក់ទំនងរវាងមន្ត្រីជាន់ខ្ពស់ក្រសួងការបរទេសទាំងពីរ កម្រិតថ្នាក់អគ្គនាយក។លោកទេសរដ្ឋមន្ត្រី ប្រាក់ សុខុន បានជម្រាបជូនលោករដ្ឋមន្ត្រីកក្រសួងការបរទេសឡាវអំពីការត្រៀមខ្លួនរួចជាស្រេចរបស់កម្ពុជា ដើម្បីចូលរួមក្នុងកិច្ចប្រជុំលើកទី១៣ របស់គណៈកម្មការចម្រុះសហប្រតិបត្តិការទ្វេភាគី ហើយរង់ចាំការកំណត់ពេលវេលារបស់ភាគីឡាវសម្រាប់កិច្ចប្រជុំនេះ។ លោកក៏បានវាយតម្លៃខ្ពស់ចំពោះការខិតខំរួមគ្នារវាងប្រទេសទាំងពីរក្នុងការប្រយុទ្ធប្រឆាំងរត់ពន្ធគ្រឿងញៀន ក៏ដូចជាការជួញដូរមនុស្ស។ ជាមួយគ្នានោះ លោកទេសរដ្ឋមន្ត្រី ក៏បានស្នើឲ្យរដ្ឋមន្ត្រីក្រសួងការបរទេសឡាវជួយជម្រុញបន្ថែមទៀតនៅកិច្ចសហប្រតិបត្តិការរវាងប្រទេសទាំងពីរ ពិសេសការប្រយុទ្ធប្រឆាំងគ្រឿងញៀននៅតាមបណ្តោយព្រំដែនប្រទេសទាំងពីរ។ លោក សាលើមសៃ គុំម៉ាស៊ីត រដ្ឋមន្រ្តីការបរទេសឡាវបានឯកភាពចំពោះសំណូមពររបស់លោកទេសរដ្ឋមន្ត្រី ប្រាក់ សុខុន នឹងពិភាក្សាជាមួយបណ្តាស្ថាប័នពាក់ព័ន្ធក្នុងការជម្រុញឲ្យបានខ្លាំងក្លារវាងប្រទេសទាំងពីរក្នុងការប្រយុទ្ធប្រឆាំងគ្រឿងញៀន។

មើលទម្រង់ភ្នែក អាចប្រាប់ពីអ្វីខ្លះដល់ខ្លួនអ្នក?

ថ្ងៃទី ២៤ ខែ មករា ឆ្នាំ ២០១៧ ម៉ោង ១៧:១៥

តើ​អ្នក​ត្រូវដឹងទេថា​ទម្រង់​ភ្នែក​នីមួយៗ​អាច​ប្រាប់​ពី​បុគ្គលិក​លក្ខណៈ​របស់អ្នក? បើ​ចង់ដឹង​កាន់តែ​ច្បាស់សូម​មើល​ការ​បង្ហាញ​ខ្លីៗ​ដូច​ខាង​ក្រោម៖ភ្នែកតូចជាមនុស្ស​ដែលឧ​ស្សាហ៍​ព្យាយាម​នឹងការងារ។ ជាពិសេស​អ្នកចង់​ចំណាយ​ពេល​វេលា​របស់ខ្លួន ដើម្បី​រៀន​ធ្វើ​អ្វីមួយ​ដោយ​សន្សឹមៗ ដូចជា​ការសាង​ចំណង​មិត្តភាព ឬទំនាក់​ទំនង​ស្នេហា​ក៏​ចាប់ផ្តើម​បន្តិច​ម្តងៗដែរ៕ភ្នែកធំអ្នកជាមនុស្ស​ដែលមាន​ហេតុផល, ឆាប់យល់​ចិត្ត​អ្នកដទៃ, អាច​ឆ្លើយតប​បាន​យ៉ាង​រហ័ស, ពូកែធ្វើ​ការងារ និង​មាន​ទេព្យ​កោសល្យ​ខ្ពស់។

អ្នកគួរតែដឹង របស់១០យ៉ាង ដាច់ខាតមិនគួរឲ្យគេ នៅថ្ងៃចូលឆ្នាំចិន

ថ្ងៃទី ២៤ ខែ មករា ឆ្នាំ ២០១៧ ម៉ោង ១៦:៥៣

ថ្ងៃចូលឆ្នាំចិន ជិតចូលមកដល់ ទន្ទឹមនឹងនេះអ្នកដែលមានមិត្តភក្តិជាជនជាតិចិន ពិតជារឿងមួយដ៏សប្បាយរីករាយ ប៉ុន្តែយ៉ាងណាអ្នកអាចនឹងទិញកាដូជូនដល់ពួកគេក៏អាចថាបាន។ តើអ្នកមានដឹងទេថា កាដូដែលគេហាមដាច់ខាត និង មិនអោយជូនគេសម្រាប់ពិធីបុណ្យចូលឆ្នាំចិននោះជាអ្វីទេ?ខាងក្រោមនេះជារបស់ទាំង១០ ដែលហាមដាច់ខាត និង មិនគូរដាក់ធ្វើជាកាដូ សម្រាប់ពិធីបុណ្យចូលឆ្នាំចិន៖១ កញ្ចក់ៈ ទាក់ទាញ​ខ្មោចការ​ជូន​កញ្ចក់​ជា​កាដូ គឺ​ជា​គំនិត​អាក្រក់​មួយ​សម្រាប់​ជនជាតិ​អាស៊ី ព្រោះ​គេ​ជឿជាក់​ថា កញ្ចក់​ទាក់ទាញ​ខ្មោច​មក​ព្យាបាទ។ មិនតែប៉ុណ្ណោះ វា​ងាយ​នឹង​បែក ហើយ​របស់​បែកបាក់ គឺ​ជា​ប្រផ្នូល​មិន​ល្អ៕២ របស់​ពណ៌​ខ្មៅ ឬ សៈ ភាគ​ច្រើន​ត្រូវ​បាន​ប្រើ​ក្នុង​ពិធី​បុណ្យ​សពខ្មៅ និង ស គឺ​ជា​ពណ៌​សំខាន់​សម្រាប់​ប្រើ​ក្នុង​ពិធី​បុណ្យ​សព ដូច្នេះ​ត្រូវ​ជៀសវាង​កាដូ ដែល​មាន​ពណ៌​ខ្មៅ ឬ ស។ ជា​មួយ​គ្នា​នេះ​ដែរ ការ​វិច​ខ្ចប់​ក្រដាស ឬ ស្រោម​សំបុត្រ ប្រើ​ពណ៌​ទាំង​២​នេះ ក៏​គួរ​តែ​ជៀសវាង​ដែរ។ ក្រហម គឺ​ជា​ពណ៌​នាំ​សំណាង ដូច្នេះ​ពណ៌​ក្រហម តែងតែ​ជា​ជម្រើស​ដ៏​អស្ចារ្យ។៣ ឆ័ត្រៈ បែកគ្នានៅ​ក្នុង​ភាសា​ចិន ពាក្យ «ឆ័ត្រ» មាន​សំឡេង​ដូច​ពាក្យ «បែកគ្នា»។ ការ​ជូន​ឆត្រ​ជា​កាដូ ប្រៀប​បាន​ដូច​ជា​បង្ហាញ​អារម្មណ៍​របស់​អ្នក​ថា អ្នក​ចង់​បែក​គ្នា​ជា​មួយ​គេ​អីចឹង។៤ ផ្កា​កាត់​ចេញ​ពី​ដើមៈ តំណាង​ពិធី​បុណ្យ​សពផ្កា​ដែល​ត្រូវ​គេ​កាត់​ចេញ​ពី​ដើម ជាទូទៅ តំណាង​ឲ្យ​ពិធី​បុណ្យ​សព។ ជាពិសេស ផ្កា​ស្បៃរឿង និង ផ្កា​ពណ៌ស​ដទៃ​ទៀត ព្រោះ​ពណ៌​ស តំណាង​ឲ្យ​សេចក្ដី​ស្លាប់។ ស គឺ​ជា​ពណ៌​ដែល​នាំ​សំណាង​អាក្រក់ នៅ​ក្នុង​ប្រពៃណី​ចិន។៥ ផ្លែ​សារីៈ បែកបាក់ការ​ជូន​ផ្លែឈើ​ជា​កាដូ គឺ​ជា​រឿង​ល្អ ប៉ុន្តែ​ហាម​ជូន​ផ្លែ​សារី​ឲ្យ​សោះ ដោយសារ​តែ​នៅ​ក្នុង​ភាសា​ចិន ពាក្យ «ផ្លែ​សារី» មាន​សំឡេង​ដូច​នឹង​ពាក្យ «ចាកចេញ» ឬ «បែកបាក់»។៦ នាឡិកាៈ សំណាងអាក្រក់នៅ​ក្នុង​ភាសា​ចិន ការ​និយាយ​ពាក្យ​ថា «ជូន​នាឡិកា» មាន​សំឡេង​ដូច​គ្នា​បេះបិទ​នឹង​ពាក្យ «ចូល​រួម​ពិធី​បុណ្យ​សព» ដូច្នេះ​ការ​ជូន​កាដូ​នាឡិកាប៉ោល ឬ នាឡិកាដៃ គឺ​ជា​សំណាង​អាក្រក់។ មិន​តែ​ប៉ុណ្ណោះ នាឡិកា ក៏​ជា​និមិត្តសញ្ញា​នៃ​ការ​អស់​ពេល​វេលា ផង​ដែរ ជា​ពិសេស​សម្រាប់​មនុស្ស​វ័យ​ចំណាស់។៧ កន្សែងដៃៈ និមិត្តសញ្ញា​នៃ​ការ​និយាយ​លា​គ្នា​ជា​រៀង​រហូតជាទូទៅ គេ​តែង​ឲ្យ​កន្សែង​ដៃ នៅ​ចុង​បញ្ចប់​នៃ​ពិធីបុណ្យ​សព​មួយ ហើយ​វា​ជា​និមិត្តសញ្ញា​នៃ​ការ​និយាយ​លា​គ្នា​ជា​រៀង​រហូត។៨ ស្បែកជើងៈ សំណាងអាក្រក់ ឬ បិសាចការ​ជូន​ស្បែកជើង​ជា​កាដូ សម្រាប់​ពិធី​បុណ្យ​ចូល​ឆ្នាំ​ចិន គឺ​ជា​គំនិត​អាក្រក់​មួយ ព្រោះ​ពាក្យ «ស្បែកជើង» មាន​សំឡេង​ដូច​បេះបិទ​នឹង​ពាក្យ «សំណាងអាក្រក់» ឬ «បិសាច» នៅ​ក្នុង​ភាសាចិន។ មិន​តែ​ប៉ុណ្ណោះ ស្បែកជើង គឺ​ជា​របស់​ដែល​អ្នក​ដើរ​ជាន់​ពី​លើ​ទៀត​ផង។៩ លេខ ឬ ចំនួន​៤ៈ មាន​ការ​បញ្ចេញ​សំឡេង​ដូច ពាក្យ «ស្លាប់»នៅ​ក្នុង​ភាសា​ចិន «លេខ​៤» មាន​សំឡេង​ស្រដៀង​គ្នា​នឹង​ពាក្យ «ស្លាប់»។ ដូច្នេះ​អ្វី​ដែល​មាន​លេខ ឬ​ចំនួន​៤ ត្រូវ​បាន​ចាត់​ទុក​ថា​ជា សំណាង​អាក្រក់។១០ វត្ថុ​មុត​ស្រួចៈ កាត់​ផ្ដាច់​ទំនាក់ទំនងការ​ជូន​វត្ថុ​មុត​ស្រួច ទៅ​ឲ្យ​នរណា​ម្នាក់ ហាក់​បី​ដូច​ជា​បង្ហាញ​ថា អ្នក​ចង់​កាត់​ផ្ដាច់​ទំនាក់ទំនង​របស់​អ្នក ជា​មួយ​ពួកគេ​អីចឹង។

ត្រាំចូលនៅក្នុងសេតវិមាន គ្រប់យ៉ាងគឺដូរថ្មីទាំងអស់

ថ្ងៃទី ២៤ ខែ មករា ឆ្នាំ ២០១៧ ម៉ោង ១៤:១៧

លោកដូណាល់ត្រាំ បានចូលកាន់តំណែងជាប្រធានាធិបតីទី 45 របស់សហរដ្ឋអាមេរិក បន្ទាប់ពីលោក បារ៉ាក់អូបាម៉ា។ ប្រធានាធិបតីអាមេរិកលោក ដូណាល់ត្រាំ បានកែលម្អការិយាល័យរបស់ខ្លួននិងសេតវិមាន ដែលមើលទៅគ្រឿងសង្ហារឹមប្ដូរថ្មីទាំងអស់ សូម្បីតែវាំងននពណ៌ឈាមជ្រូកពីមុនក៏ត្រូវប្ដូរជាពណ៌មាសចែងចាំងផងដែរ ។ នៅក្នុងការិយាល័យនោះគឺសុទ្ធសឹងជាសម្ភារៈថ្មីៗទាំងអស់ ប៉ុន្តែលោកមិនបានប្ដូរតុ Resolute Desk នោះទេ ព្រោះវាត្រូវបានគេប្រើប្រាស់អស់រយៈពេលជាច្រើនទសវត្យរ៍មកហើយ។

ស្រាបៀរ អានឆ័រ រៀបចំពិធីប្រគល់រង្វាន់លាភមង្គលលើកទី ១ ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ឆ្នាំ ២០១៧

ថ្ងៃទី ២៤ ខែ មករា ឆ្នាំ ២០១៧ ម៉ោង ១៣:០៨

រាជធានីភ្នំពេញ : កាលពីថ្ងៃទី ២០ ខែមករា ឆ្នាំ ២០១៧ ស្រាបៀរអានឆ័របានរៀបចំពិធីប្រគល់រង្វាន់លើកទីមួយដល់គូស្វាមីភរិយា នៅក្រុមហ៊ុនរោងចក្រផលិតស្រាបៀរកម្ពុជា (CBL) ដោយមានការអញ្ជើញចូលរួមពីថ្នាក់ដឹកនាំ បុគ្គលិកក្រុមហ៊ុន CBL គូស្វាមីភរិយាថ្មីទាំងអស់ដែលត្រូវរង្វាន់ និងភ្ញៀវកិត្តិយសជាច្រើន។ ការចាប់រង្វាន់នេះ បានធ្វើឡើងនៅថ្ងៃទី ១៥ មករា ឆ្នាំ២០១៧ នៅក្នុងកម្មវិធី Anchor Fun Zone នៅស្ថានីយ៍ទូរទស្សន៍ PNN ។ រង្វាន់រួមមាន ដំណើរកម្សាន្តក្រេបចន្ទទឹកឃ្មុំនៅឆ្នេរឋានសួគ៌ Krabi ចំនួន ១៥ រង្វាន់  ទូរទស្សន៍ Sony Android ទំហំ 55 អ៊ីញចំនួន១០ រង្វាន់ និងកាម៉េរ៉ា Digital Sony Alpha ចំនួន ១០ រង្វាន់។ កម្មវិធីប្រគល់រង្វាន់នេះបានរៀបចំឡើងក្នុងគោលបំណងថ្លែងអំណរគុណដ៏ជ្រាលជ្រៅដល់អតិថិជន ដែលបានជាវស្រាបៀរអានឆ័រសម្រាប់កម្មវិធីអាពាហ៍ពិពាហ៍។ លោក នួន ផានុត និងលោកស្រី ភេម ប៉ន ដែលបានឈ្នះដំណើរកម្សាន្តក្រេបចន្ទទឹកឃ្មុំនៅឆ្នេរឋានសួគ៌ Krabi បាននិយាយទាំងក្តីរំភើបថា ពួកគាត់ទាំងពីរមានអារម្មណ៍ រំភើបខ្លាំងដែលបានត្រូវរង្វាន់ធំពីស្រាបៀរអានឆ័រ ហើយបញ្ជាក់ថា ស្រាបៀរអាន់ឆ័រពិតជាបានប្រគល់រង្វាន់ពិតប្រាកដមែនជូនពួកគាត់ទាំងពីរ ។ កម្មវិធីប្រូម៉ូសិនអាពាហ៍ពិពាហ៍របស់ស្រាបៀរ អាន់ឆ័រ :- រាល់ការជាវស្រាបៀរ អាន់ឆ័រ ចំនួន 20-49 កេស ថែមជូនសៀវភៅកត់ចំណងដៃចំនួន 2 ក្បាល ប៊ិច 2ដើម និងកាបូប1។- រាល់ការជាវស្រាបៀរ អាន់ឆ័រ ចំនួន 50-119 កេស ថែមជូនសៀវភៅកត់ចំណងដៃចំនួន 2 ក្បាល ប៊ិច 2ដើម កាបូប1 និង ប័ណ្ណផ្សងសំណាង 2 សន្លឹក។- រាល់ការជាវស្រាបៀរ អាន់ឆ័រ ចំនួន 120 កេសឡើងទៅ ថែមជូនសៀវភៅកត់ចំណងដៃចំនួន 2 ក្បាល ប៊ិច 2ដើម កាបូប1 និង ប័ណ្ណផ្សងសំណាង 3 សន្លឹក។- រាល់ការជាវចាប់ពី 120កេសឡើងទៅនឹងទទូលបានកញ្ចប់ក្រេបច័ន្ទទឹកឃ្មុំនៅខេត្តព្រះសីហនុរយះពេល 2ថ្ងៃ1យប់ (ការផ្តល់ជួននេះសំរាប់តែគូស្វាមីភរិយា 1000គូដំបូងប៉ុណ្ណោះ)។កម្មវិធីនេះមានសុពលភាពពីថ្ងៃ 01 តុលា 2016 ដល់ ថ្ងៃទី 30 កញ្ញា 2017។ចំពោះព័ត៌មានបន្ថែមសូមទំនាក់ទំនង៖ 011 222 400 និង 011 333 500 ។  សូមទទួលយកភាពសប្បាយរីករាយយ៉ាងពិតប្រាកដជាមួយរស់ជាតិដ៏ស្រទន់នៃស្រាបៀរអាន់ឆ័រក្នុងថ្ងៃអាពាហ៍ពិពាហ៍របស់លោកអ្នក។ ជាពិសេសជាងនេះទៀត លោកអ្នក អាចមានឱកាសឈ្នះរង្វាន់ដំណើរកម្សាន្តក្រេបច័ន្ទទឹកឃ្មុំនៅឆ្នេរឋានសួគ៌ Krabi  ទូរទស្សន៍ Sony Android ទំហំ 55 អ៊ីញ និង កាម៉េរ៉ា Digital Sony Alpha ជាច្រើនរង្វាន់ទៀត។ ការចាប់រង្វាន់បន្ទាប់នឹងធ្វើឡើងនៅលើកទី2 ថ្ងៃទី 23 មេសា 2017 លើកទី3 ថ្ងៃទី 16 កក្តដា 2017 លើកទី4 ថ្ងៃទី 15 តុលា 2017។នេះពិតជាការបង្កើនភាពអស្ចារ្យបន្ថែមទៀតដល់អាពាហ៍ពិពាហ៍របស់លោកអ្នក។ អាចទទួលទានស្រាបៀរដ៍ឆ្ងាញ់ពិសា ព្រមទាំងមានឱកាសឈ្នះរង្វាន់អស្ចារ្យជាច្រើនសន្ធឹក សន្ធាប់។ នៅពេលដែលលោកអ្នកមានរៀបចំអាពាហ៍ពិពាហ៍ សូមកុំភ្លេចស្រាបៀរ អាន់ឆ័រ !!! សូមរីករាយពិសាស្រាបៀរអាន់ឆ័រ ដោយការទទួលខុសត្រូវ។

ហេតុអ្វីបានជាគេជ្រើសរើសពណ៌ទាំង ៣ សម្រាប់ភ្លើងចរាចរណ៍ ?

ថ្ងៃទី ២៤ ខែ មករា ឆ្នាំ ២០១៧ ម៉ោង ១២:៣៨

ភ្លើងចរាចរណ៍អាចចាត់ទុកថាជាប៉ូលីសចរាចរណ៍មួយដែលជួយសម្រួលចរាចរណ៍សម្រាប់ការធ្វើដំណើររបស់បងប្អូនប្រចាំថ្ងៃ ។ ដំបូងឡើយគេប្រើឧស្ម័នដើម្បីបំភ្លឺភ្លើងចរាចរណ៍បញ្ជាដោយដៃ តែក្នុងរយះពេលខ្លីប៉ុណ្ណោះ ហើយកាលពីឆ្នាំ ១៨៦៨ មានការផ្ទុះហ្គាសដោយភ្លើងចរាចរណ៍បានបណ្តាលអោយប៉ូលីសរងរបួស និង ស្លាប់ នៅក្នុងទីក្រុង London ។ ការបញ្ជាភ្លើងចរាចរណ៍ដោយដៃកាលពីសម័យដើមដោយសារកំហុសបច្ចេកទេសនេះហើយ បានធ្វើអោយគេសម្រេចចិត្តមកប្រើប្រព័ន្ធគ្រប់គ្រងអោយស្វ័យប្រវត្តិក្នុងឆ្នាំ ១៩១០ វិញ ។ ឥឡូវនេះ TrollKhmer និងពន្យល់មូលហេតុអ្វីបានគេជ្រើសរើសពណ៌ទាំងបីនេះ ៖ក្រហម:  ពណ៌នេះមានន័យថា "ឈប់" ពីព្រោះតែបើយើងមិនឈប់វាប្រាកដធ្វើអោយយើងមានគ្រោះថ្នាក់អាចចេញឈាម ហើយពណ៌ឈាមគឺក្រហម  បៃតង: ពណ៌នេះមានន័យថា "អាចទៅបានដោយសុវត្ថិភាព" ពីព្រោះតែពណ៌វាមើលទៅជាពណ៌ធម្មជាតិ ការលូតលាស់ សន្តិភាព ភាពស្រស់បំព្រង និង សុខុដមរមនា លឿង: ពណ៌នេះមានន័យថា "ប្រុងប្រយ័ត្ន​ (អាចទៅបានប៉ុន្តែសូមយឺតៗ)" វាផ្សំដោយសារការបញ្ចូលគ្នារវាងពណ៌ក្រហម និង បៃតង ៕

យន្តហោះដឹកអ្នកដំណេីររបស់ចិនមួយគ្រឿងដែលមានអ្នកដំណើរ១២២នាក់ បែកកង់ពេលកំពុងចុះចតនៅអាកាសយានដ្ឋាន សៀមរាប

ថ្ងៃទី ២៤ ខែ មករា ឆ្នាំ ២០១៧ ម៉ោង ១២:០៦

ខេត្តសៀមរាប-សេចក្តីរាយការណ៍ពីសមត្ថកិច្ចក្នុងអាកាសយានដ្ឋានអន្តរជាតិខេត្តសៀមរាបអោយដឹងថា យន្តហោះដឹកអ្នកដំណេីររបស់ចិនមួយគ្រឿងដែលមានអ្នកដំណើរ១២២នាក់ បានបែកកង់ពេលកំពុងចុះចតនៅអាកាសយានដ្ឋានអន្តរជាតិសៀមរាប កាលពីម៉ោងជិត៥ព្រឹកថ្ងៃទី២៤ ខែមករា ឆ្នាំ២០១៧នេះប៉ុន្តែពុំមានអ្នករងគ្រោះទេ។ បណ្តាញផ្សព្វផ្សាយនានាផ្សាយថាយន្តហោះនេះ មានជើងហោះហើរលេខ ZA484 មកពីខេត្ត WUHAN ប្រទេសចិន ហេីយពេលចុះចតយន្តហោះមានបញ្ហាបច្ចេកទេសជាប់ហ្រ្វាំងកង់មិនវិល អូសកង់លេីផ្លូវរត់ទេីបបណ្តាលអោយបែកកង់ក្រោយទាំង៤នៅចុងផ្លូវរត់ ចំពេលយន្តហោះខ្សោយល្បេឺន៕

ពិធីករ ពិធីការនី របស់វិទ្យុ ABC ធ្វើការឆ្លើយតបទៅនឹងរដ្ឋមន្រ្តីក្រសួងព័ត៌មានវិញ

ថ្ងៃទី ២៤ ខែ មករា ឆ្នាំ ២០១៧ ម៉ោង ១០:៤៩

បន្ទាប់ពីរដ្ឋមន្ត្រីក្រសួងព័ត៌មាន លោក ខៀវ កញ្ញារិទ្ធ ធ្លាប់បានបោះសំដីដោយប្រយោលមកលើទង្វើរពិធីការនីរបស់កម្មវិធី ABC 3 ស្ព្រីង ក្នុងទូរទស្សន៍ប៉ុស្តិ៍លេខ ៣ រួចមក ពេលនេះ ពិធីករ ពិធីការនី របស់វិទ្យុ ABC បានធ្វើការឆ្លើយតបវិញ ។ ចង់ដឹងថាពួកគាត់ឆ្លើយតបម៉េច សូមទស្សនាទាំងអស់គ្នា ៖

ភ្ញៀវទេសចរណ៍នឹងទៅលេងកម្សាន្តនៅខេត្តមណ្ឌលគិរី មានកំណើនច្រើនក្នុងឆ្នាំ២០១៧

ថ្ងៃទី ២៤ ខែ មករា ឆ្នាំ ២០១៧ ម៉ោង ១០:២៩

លោក ងិន សុវិមាន ប្រធានមន្ទីរទេសចរណ៍ខេត្តមណ្ឌលគិរី បានឲ្យដឹងថាមូលហេតុដែលធ្វើឲ្យលោកហ៊ានរំពឹងថា ភ្ញៀវទេសចរណ៍នឹងមកលេងខេត្តមណ្ឌលគិរីច្រើនក្នុងឆ្នាំ២០១៧នេះ ពីព្រោះបច្ចុប្បន្នប្រទេសកម្ពុជាបាននិងកំពុងមាន ការរីកចម្រើនរៀងរាល់ថ្ងៃ ធ្វើឲ្យជីវភាពរបស់ប្រជាពលរដ្ឋក៏មានការរីកចម្រើនដូចគ្នា ដូច្នេះពួកគាត់អាចមានលទ្ធភាព គ្រប់គ្រាន់សម្រាប់ការដើរលេងកម្សាន្ត។ ហើយនៅមានកត្តាជាច្រើនទៀតដូចជា ខេត្តមណ្ឌលគិរីមានរមណីដ្ឋានស្អាតៗ និង កំពុងរីកចំរើន រីឯបញ្ហាសន្តិសុខក៏ល្អប្រសើរ កត្តាមួយទៀតនោះគឺ បណ្ដាញសារព័ត៌មានតែងផ្សព្វផ្សាយពីសក្ដានុពលទេសចរណ៍ពីខេត្តមណ្ឌលគិរីឲ្យប្រជាជាតិកម្ពុជាបានដឹងក៏ដូចជាទូទាំងសកលលោកជាពិសេស សព្វថ្ងៃនេះប្រព័ន្ធផ្លូវថ្នល់ នៅតំបន់ភូមិភាគឥសាន្តល្អ អាចធ្វើឲ្យភ្ញៀវទេសចរណ៍ធ្វើដំណើរបានស្រួល ។លោកបន្តថា នាឱកាសបុណ្យទានម្ដងៗ ខេត្តមណ្ឌលគិរីតែងមានកំណើនភ្ញៀវទេសចរណ៍ច្រើន ហើយជាក់ស្ដែង កាលពីអំឡុងបុណ្យឆ្លងឆ្នាំសកលដែលទើបកន្លងផុតថ្មីៗនេះនៅខេត្តមណ្ឌលគិរីក៏មានកំណើនភ្ញៀវប្រមាណជិត២ពាន់នាក់ផងដែរ ទើបលោកអាចសន្និដ្ឋានបានថាក្នុងឆ្នាំ២០១៧នេះ លំហូរភ្ញៀវទេសចរណ៍មកខេត្តនាភូមិភាគឥសាន្តមួយនេះ នឹងមានកំណើនជាងឆ្នាំ២០១៦ ។ បច្ចុប្បន្នសម្រាប់ខេត្តមណ្ឌលគិរីក៏មានផ្ទះសំណាក់ សណ្ឋាគារ ភោជនីយដ្ឋាន ច្រើនកន្លែង អាចផ្គត់ផ្គង់តបតាមតម្រូវការរបស់ភ្ញៀវទេសចរណ៍ដែលមកកម្សាន្តបាន ហើយក្នុងឆ្នាំ២០១៧នេះដែរ មន្ទីរក៏នឹងកែលំអររម្មណីដ្ឋាននានាក្នុងខេត្តឲ្យកាន់តែមានភាពទាក់ទាញជាងនេះទៀតដែរ ។ប្រធានមន្ទីរទេសចរណ៍ខេត្តមណ្ឌលគិរីក៏បានបញ្ជាក់ពីចំនួនភ្ញៀវទេសចរណ៍ដែលមកលេងកម្សាន្តនៅខេត្តមណ្ឌលគិរី កាលពីឆ្នាំ២០១៦កន្លងទៅដោយក្នុងនោះសម្រាប់ភ្ញៀវសរុបមានចំនួនប្រមាណ ជាង១៥ម៉ឺននាក់ ភ្ញៀវជាតិ មានចំនួន ជាង១៤ម៉ឺននាក់ ភ្ញៀវអន្តរជាតិមានចំនួនជិត ៩ពាន់នាក់ ។ ហើយតួលេខនេះបើប្រៀបធៀប និងឆ្នាំ២០១៥ នោះ សម្រាប់ភ្ញៀវសរុប មានការកើនឡើងជិត១ម៉ឺន៤ពាន់នាក់ ក្នុងនោះភៀវជាតិកើនឡើងជាង ១ម៉ឺន២ពាន់នាក់ រីឯភ្ញៀវ អន្តរជាតិកើនឡើងប្រមាណ ១ពាន់៤ រយនាក់ ៕