trollkhmer news

សង្គមនិងជីវិត

អ្នកបើកបរ​ធ្វើ​ឲ្យ​ខូច​យានយន្ត​ក្បួន​អ្នកធំ នឹង​ពិន័យ​ពី​២​រយ​ដុល្លា​ដល់​១​ពាន់​ដុល្លារ

ថ្ងៃទី ០៣ ខែ មករា ឆ្នាំ ២០១៦ ម៉ោង ១៥:២៩

យោងតាមការចុះផ្សាយគេហទំព័រថ្មីៗ ​៖  ច្បាប់​ចរាចរណ៍​ផ្លូវគោក​ថ្មី ដែលមាន​ចំនួន ១២ ជំពូក និង​៩២ មាត្រា នឹង​ពិន័យ​ជា​ប្រាក់​ពី ២ រយ​ដុល្លា ដល់​១ ពាន់​ដុល្លា និង​ជាប់ពន្ធនាគារ ពី​១ ខែ ដល់​៦​ខែ ចំពោះ​ជន​ណា ដែល​មិន​គោរព​សញ្ញា​របស់​មន្ត្រី​មាន​សមត្ថកិច្ច ដែល​ធ្វើ​ឲ្យ​ខូចខាត​ដល់​ក្បួន​យានយន្ត របស់      គណៈប្រតិភូ ឬ​ថ្នាក់ដឹកនាំ​ជាន់ខ្ពស់​។​សូមបញ្ជាក់ថា ច្បាប់​ចរាចរណ៍​ផ្លូវគោក​ឆ្នាំ​២០១៥ ដែល​ត្រូវ​អនុវត្តន៍​នៅ​ដើមឆ្នាំ​២០១៦​នេះ មាត្រា​៨១ បាន​ចែងថា​៖ ជន​ណា​បើកបរ​មិន​គោរព​សញ្ញា​បញ្ជា​របស់​ម​ន្ត្រី​មាន​សមត្ថ​កិច្ចការពារ​ក្បួន​ដំណើរ​គណៈប្រតិភូ ឬ​ថ្នាក់ដឹកនាំ​ជាន់ខ្ពស់ បង្ក​ការខូចខាត​ដល់​យានយន្ត​របស់​ក្បួន ត្រូវ​ផ្តន្ទាទោស​ដាក់ពន្ធនាគារ ពី ១ (​មួយ​) ខែ ទៅ ៦ (​ប្រាំមួយ​) ខែ និង​ពិន័យ​ជា​ប្រាក់ ពី ៨០០ ០០០ (​ប្រាំបី​សែន​) រៀល ទៅ ៤០០០ ០០០ (​បួន​លាន​) រៀល​៕អត្ថបទដើមចុចទីនេះ

អនុវត្តន៍ច្បាប់ចរាចរណ៍ថ្មី២ថ្ងៃផាកបានជាង៧៦លានរៀល

ថ្ងៃទី ០៣ ខែ មករា ឆ្នាំ ២០១៦ ម៉ោង ០៨:៥៧

យោង​តាម​របាយការណ៍​របស់​នាយកដ្ឋាន​នគរបាល​ចរាចរណ៍ និង​សណ្តាប់ធ្នាប់​សាធារណៈ​នៃ​អគ្គស្នងការដ្ឋាន​នគរបាល​ជាតិ បាន​ឲ្យ​ដឹង​ថា យាន​យាន្ត​ដែល​ល្មើសច្បាប់​នេះ មាន​រថយន្ត​៣.៨៣៦​គ្រឿង ម៉ូតូ​៤.១២៧​គ្រឿង​។ការ​ផាកពិន័យ​លើ​យានយន្ត​ល្មើសច្បាប់​ចរាចរណ៍​បាន​ចំនួន​រហូត​ដល់​ជាង​៧៦​លាន​រៀល ។ ផាកពិន័យ​ពី​រថយន្ត​បាន​ជាង​៤០​លាន​រៀល និង​ផាកពិន័យ​ពី​ម៉ូតូ​បាន​ជាង​៣៥​លាន​រៀល ក្នុង​ការ​អនុវត្តន៍​ច្បាប់​ចរាចរណ៍​ផ្លូវគោក​ថ្មី​នោះ នគរបាល​បាន​រឹត​បន្តឹង​លើ​ការ​ផាកពិន័យ​អ្នកបើកបរ​ម៉ូតូ និង​ឡាន​ចាប់ពី​ទាប​បំផុត​១៥.០០០​រៀល រហូត​ដល់​១២៥.០០០​រៀល បន្ទាប់ពីការអនុវត្តន៍ច្បាប់ចរាចរណ៏ថ្មីត្រឹមតែរយៈ២ថ្ងៃប៉ុណ្ណោះ។ ការ​អនុវត្តផាកពិន័យនោះរួមមាន ការមិន​ពាក់មួក​សុវត្ថិភាព​ពេល​បើកបរ ​, ម៉ូតូ​មិន​មាន​កញ្ចក់​មើល​ក្រោយ​, បើកបរ​ឡាន​មិន​ពាក់​ខ្សែ​ក្រ​វ៉ា​ត់​សុវត្ថិភាព និង​មិន​មាន​ភ្ជាប់​ឯកសារ​ដើម​តាម​ខ្លួន​ជាដើម ។  ចុចទីនេះដើម្បីអានអត្ថបទពេញពីប្រភពដើម

បារាំង​បញ្ជា​ទិញ​យន្តហោះ​ដឹក​សម្ភារៈ​បរិក្ខារ​យោធា​ពី​អា​មេ​រិ​ក​៤​គ្រឿង​ តម្លៃ​ជិត​១​ពាន់​លាន​ដុល្លារ​

ថ្ងៃទី ០៣ ខែ មករា ឆ្នាំ ២០១៦ ម៉ោង ០១:២៩

​សារព័ត៌មាន​សិង្ហ​បុរី​ Channel​ News​ Asia​ បាន​ផ្សព្វផ្សាយ​ឲ្យ​ដឹង​នៅ​ថ្ងៃ​ទី​០២​ ខែមករា​ ឆ្នាំ​២០១៦​នេះ​ថា​ រដ្ឋាភិបាល​បារាំង​បាន​បញ្ជា​ទិញ​យន្តហោះ​ដឹក​សម្ភារៈ​បរិក្ខារ​យោធា​ប្រភេទ​ Lockheed​ Martin​ C-130J​ Super​ Hercules​ ពី​រដ្ឋាភិបាល​សហរដ្ឋអាមេរិក​ចំនួន​៤​គ្រឿង​ សម្រាប់​បម្រើ​ឲ្យ​ការ​ធ្វើ​ទំនើប​កម្មវិស័យ​ដឹក​ជញ្ជូន​សម្ភារៈ​បរិក្ខារ​យោធា​របស់​បារាំង​ ដែល​មាន​តម្លៃ​សរុប​ជិត​១​ពាន់​លាន​ដុល្លារ​អា​មេ​រិ​ក​ ។​​លោក​ Jean-Yves​ Le​ Drian​ រដ្ឋមន្ត្រី​ក្រសួងការពារជាតិ​បារាំង​ បាន​បញ្ជាក់​ប្រាប់​បណ្តាញសារព័ត៌មាន​ កាលពី​ថ្ងៃ​សុក្រ​ ទី​០១​ ខែមករា​ ឆ្នាំ​២០១៦​ម្សិលមិញ​ថា​ សហរដ្ឋអាមេរិក​បាន​ព្រមព្រៀង​លក់​យន្តហោះ​ប្រភេទ​ Lockheed​ Martin​ C-130J​ Super​ Hercules​ ដល់​បារាំង​ កាលពី​ខែវិច្ឆិកា​ ឆ្នាំ​២០១៥​កន្លង​ទៅ​ ហើយ​បារាំង​ពិតជា​បាន​យល់ព្រម​ទិញ​យន្តហោះ​ប្រភេទ​នេះ​ចំនួន​៤​គ្រឿង​ពី​អា​មេ​រិ​ក​ប្រាកដ​មែន​ ដែល​មាន​តម្លៃ​សរុប​៦៥០​លាន​ដុល្លារ​អា​មេ​រិ​ក​ ។​​យន្តហោះ​ប្រភេទ​ Lockheed​ Martin​ C-130J​ Super​ Hercules​ ផលិត​ដោយ​ក្រុមហ៊ុន​ Lockheed​ Martin​ សហរដ្ឋអាមេរិក​ មានមុខ​ងារ​សំខាន់​សម្រាប់​ដឹក​ជញ្ជូន​សម្ភារៈ​បរិក្ខារ​យោធា​យ៉ាង​មាន​ប្រសិទ្ធភាព​ ដែល​ជាទី​ពេញ​និយម​របស់​កងកម្លាំង​យោធា​សហរដ្ឋអាមេរិក​បច្ចុប្បន្ន​ ៕​ធូដេខេអេជប្រែសំរួលដោយ Justin

«Samsung's Galaxy Note 5 បានជាប់ឈ្មោះជាកាមេរ៉ាស្មាតហ្វូនដែលល្អលំដាប់ទីបី» នេះបើយោងតាមក្រុមហ៊ុន DxOMark

ថ្ងៃទី ០៣ ខែ មករា ឆ្នាំ ២០១៦ ម៉ោង ០១:២៤

ទូរស័ព្ទ Samsung's Galaxy Note 5 មានកាមេរ៉ាដែលថតបានស្អាតនិងកម្រិតគុណភាពរបស់វាក៏បានប្រកាសជាផ្លូវការថាល្អដែរ។ DxOMark បានប្រកាសថាវាជាទូរស័ព្ទដែលមនុស្សគ្រប់គ្នាចូលចិត្តហើយក៏បានជាប់ឈ្មោះជាកាមេរ៉ាស្មាតហ្វូនដែលល្អលំដាប់ទីបីនៅលើទីផ្សារផងដែរ។DxOMark គឺជាក្រុមហ៊ុនដែលត្រួតពិនិត្យនិងប្រៀបធៀបកម្រិតគុណភាពរូបភាព។ពួកគេបានផ្តល់ឲ្យទូរស័ព្ទ Samsung's Galaxy Note 5 86ពិន្ទុដែលជាប់ចំណាប់ថ្នាក់ក្រោមទូរស័ព្ទ Samsung's Galaxy S6 Edge Plus និង Sony Xperia Z5 ដែលមាន87ពិន្ទុស្មើគ្នា។តើអ្វីដែលធ្វើឲ្យកាមេរ៉ារបស់ទូរស័ព្ទ Samsung's Galaxy Note 5 លេចធ្លោយ៉ាងនេះ? DxOMark បានលើកឡើងថាដោយសារវាមានកាមេរ៉ា 16 មេហ្គាភិចសែលដែលមានសមត្ថភាពអាចទប់លំនឹងមុខងារ Contrast និង Exposure នៅពេលមានពន្លឺខ្លាំងបានល្អ។ Galaxy Note 5 បានធ្វើឡើងជាមួយនឹងសមត្ថភាពពិសេសដែលអាចការពារពីការឡើង Exposure ហួសនៅក្នុងស្ថានភាពខ្ពស់និងបើកមុខងារ HDR ដើម្បីធានាថានឹងរក្សានូវកម្រិតគុណភាពរបស់រូបភាពទាំងស្រមោលនិងកន្លែងដែលចាំងដោយពន្លឺ។គួរឲ្យកត់សម្គាល់ផងដែរថា Galaxy Note 5 ទទួលពិន្ទុច្រើនគួរសមក្នុងការផ្តល់ឲ្យឃើញថាវាជាកាមេរ៉ាដ៏ល្អដែលអាចថតច្បាស់ក្នុងកន្លែងមានពន្លឺខ្លាំងដែលក្រុមហ៊ុន DxOMark បានជួបប្រទះក្នុងទីផ្សារស្មាតហ្វូនមកទល់ឥឡូវ។កន្លែងតែមួយគត់ដែលកាមេរ៉ាសំដៅនៅក្នុងទីតាំងធំគឺពណ៌តែមួយគត់ ដូចជា ផ្ទៃមេឃជាដើម។មើលទៅ Samsung's Galaxy Note 5 នៅតែមានសមត្ថភាព ដែលអាចបន្តនិងប្រកួតប្រជែងជាមួយទូរស័ព្ទផ្សេងៗទៀតនៅលើទីផ្សារក្នុងឆ្នាំ 2016។ទោះបីជាវាមិនមែនជាទូរស័ព្ទដ៏ខ្លាំងក្លាមួយពិតមែន ប៉ុន្តែវាបានបង្ហាញឲ្យឃើញថាវាមិនត្រឹមតែផ្តល់ភាពរលូននិងដំណើរការងាយស្រួលនៅលើកញ្ចក់ 5.7 អ៊ីង ប្រភេទ AMOLED ដ៏ស្រស់ស្អាតប៉ុណ្ណោះទេ វាក៏មានកម្មវិធីនិងការរចនាម៉ូដដែលធ្វើឲ្យការទំនាក់ទំនងគ្នារបស់យើងមានអារម្មណ៍បែបធម្មជាតិផងដែរ។បើសិនជាអ្នកចង់រកស្មាតហ្វូនណាដែលថតរូបបានល្អមកជំនួសការមេរ៉ា Digital របស់អ្នក នោះអ្នកនឹងមិនខកបំណងក្នុងការជ្រើសរើសវាយកមកប្រើប្រាស់ឡើយ។ប្រភព: Android Authorityប្រែសម្រួលដោយ: William

ការអនុវត្ត​​ច្បាប់​ចរាចរណ៍​ផ្លូវ​គោកថ្មី​ក្នុង​ថ្ងៃ​ដំបូង​រកឃើញ​យានយន្តល្មើសលើស​ថ្ងៃ​ធម្មតា​​៧ដង​

ថ្ងៃទី ០២ ខែ មករា ឆ្នាំ ២០១៦ ម៉ោង ១០:៣៦

យោងតាមគេហទំព័រ VOD: មន្ត្រី​ជាន់​ខ្ពស់នគរបាល​ចរាចរណ៍​ផ្លូវគោកឲ្យ​ដឹង​ថា ​ក្នុង​​ថ្ងៃ​ទី១ ខែមករា ឆ្នាំ​២០១៦ ដែល​ជា​ថ្ងៃ​ចាប់​ផ្ដើម​អនុវត្តច្បាប់​ចរាចរណ៍​ផ្លូវ​គោកថ្មី មានករណី​​ល្មើស​នឹង​ច្បាប់​ចរារចរណ៍​​ជាង​៧៥០០ករណី​ ​លើស​ថ្ងៃ​ធម្មតា​ប្រមាណ​​៧​ដង។​ប្រធាន​នាយកដ្ឋាន​ចរាចរណ៍​ផ្លូវគោកនៃ​អគ្គស្នងការដ្ឋាន​នគរបាលជាតិលោក ហ៊ឹម យ៉ាន់ បាន​ថ្លែង​ប្រាប់​អ្នក​សារព័ត៌មាន​ថា យានយន្ត​ល្មើស​ច្បាប់​ចរាចរណ៍​ក្នុង​មួយ​ថ្ងៃ​ម្សិល​មិញ​មាន​ចំនួន​៧៥១៩​គ្រឿងនៅ​ទូទាំង​ប្រ​ទេស ដែល​ក្នុង​នោះ​យានយន្ត៤៥៤៣​គ្រឿង​ត្រូវ​បាន​សមត្ថកិច្ច​ធ្វើ​ការ​អប់​រំ​ដល់ម្ចាស់​យានយន្ត និង២៩២៥​គ្រឿង​ផ្សេងទៀត​ ត្រូវសមត្ថកិច្ច​ធ្វើ​ការពិន័យ​ដល់​​ម្ចាស់​យានយន្ត។ ​លោក​ថា ដោយ​ឡែកម៉ូតូចំនួន​១១០គ្រឿងដែល​គ្មាន​ផ្លាក​លេខ​ត្រូវ​អាជ្ញាធរ​​ឃាត់​ទុក។ចុចទីនេះដើម្បីអានអត្ថបទពេញពីទំព័រដើម

មន្រ្តីចរាចរណ៍៖ អ្នកខ្ចីម៉ូតូ ឬរថយន្តអ្នកដទៃប្រើប្រាស់ អាចរួចផុតពីការផាកពិន័យ ប្រសិនមានលិខិតពីអាជ្ញាធរមូលដ្ឋាន

ថ្ងៃទី ០២ ខែ មករា ឆ្នាំ ២០១៦ ម៉ោង ០៩:២៦

Freshnewsasia: មន្រ្តីនគរបាលចរាចរណ៍ជាន់ខ្ពស់ បានអះអាងថា ទោះបីជាច្បាប់ចរាចរណ៍ថ្មី ត្រូវបានដាក់ឱ្យអនុវត្ត​ នៅក្នុងឆ្នាំ២០១៦នេះ ជាមួយនឹងវិធានការតឹងរឹងក៏ដោយ ប៉ុន្តែសម្រាប់អ្នកបើករថយន្តរបស់អ្នកដទៃ នៅតែអាចបើករថយន្តនោះបាន ដោយគ្មានការផាកពិន័យ ឬបន្ធូរបន្ថយ នៅពេលដែលពួកគេ មានលិខិតបញ្ជាក់ជាផ្លូវការ ពីអាជ្ញាធរមូលដ្ឋានរបស់ពួកគេ។មាត្រា៥៥ នៃច្បាប់ចរាចរណ៍ផ្លូវគោកថ្មី នឹងចាប់ផ្តើមអនុវត្តន៍ នៅដើមឆ្នាំ២០១៦ខាងមុខនេះ បានតម្រូវឲ្យអ្នកធ្វើដំណើរ តាមយានយន្តទាំងអស់ ត្រូវដាក់ឯកសារសំគាល់យានយន្តនោះ តាមខ្លួន ដែលមាត្រានេះ ហាក់ដាក់សម្ពាធដល់អ្នកប្រើប្រាស់ យានយន្តអ្នកដទៃ។មាត្រានេះបានចែងថា៖ «គ្រប់យានយន្ត ឬរ៉ឺម៉កដែលកំពុងធ្វើ សកម្មភាពអាជីវកម្មដឹកជញ្ជូន ត្រូវមាន៖ ក-បណ្ណសម្គាល់យានយន្ត ឬ បណ្ណសម្គាល់រ៉ឺម៉ក និងស្លាកលេខ ខ-បណ្ណបើកបរត្រឹមត្រួវតាមប្រភេទយានយន្ត គ- វិញ្ញាបនបត្រត្រួតពិនិត្យ លក្ខណៈបច្ចេកទេសយានយន្ត ឃ- លិខិតឲ្យអនុញ្ញាតឲ្យយានយន្ត ឬ រ៉ឺម៉កធ្វើអាជីវកម្ម ង- វិញ្ញាបនបត្រធានារ៉ាប់រង ចេញដោយក្រុមហ៊ុនធានារ៉ាប់រង ច- លិខិតអនុញ្ញាតផ្សេងទៀត ចេញដោយស្ថាប័ន មានសមត្ថកិច្ចពាក់ព័ន្ធ»។មន្រ្តីនគរបាលចរាចរជាន់ខ្ពស់បានប្រាប់ Fresh News ឱ្យដឹងថា ពេលនេះនីតិវិធីមួយ សម្រាប់សម្រួលដល់ ប្រជាពលរដ្ឋ ដោយមិនបាច់ចាំដាក់ ឯកសារយានយន្ត នៅតាមខ្លួនឬរថយន្ត រហូតនោះទេ ប៉ុន្តែពួកគេត្រូវបំពេញបែបបទ ចម្លងឯកសារច្បាប់ដើម យានយន្តទាំងនោះ ដោយមានការទទួលស្គាល់ត្រឹមត្រូវ ពីអាជ្ញាធរ និងសមត្ថកិច្ច។ចុចទីនេះដើម្បីអានអត្ថបទពេញពីទំព័រដើម

មានការភ្ញាក់ផ្អើលពីបាតុភូតដីឆេះនៅស្រុងត្បូងឃ្មុំ ខេត្តត្បូងឃ្មុំ

ថ្ងៃទី ០២ ខែ មករា ឆ្នាំ ២០១៦ ម៉ោង ០៧:២៩

នេះគឺជាទិដ្ឋភាពដីឆេះ នៅក្នុងភូមិកំពង់ឫស្សី ឃុំជីរោទិ៍ទី១ ស្រុកត្បូងឃ្មុំ ខេត្តត្បូងឃ្មុំ ។ ករណីនេះបានកើតឡើងនៅចំណុចមុខផ្ទះប្រជាជនម្នាក់ឈ្មោះ សំ អុន បន្ទាប់ពីលោកពូម្នាក់ឈ្មោះ ប្រុស និងក្រុមការងាររបស់គាត់ បានជីអណ្តូងស្នប់ បន្ទាប់មកគាត់ក៏ប្រទះឃើញ ទឹកពុះឡើងមកលើ នៅពេលដែលយើងយកដែកកេះអុជនៅលើបំពង់ទុយោ គឺបណ្តាលអោយមានអណ្តាតភ្លើងឆេះឡើង ហើយវឌីអូឃ្លីបមានការចែកចាញតៗគ្នានៅតាមបណ្តាញសង្គមហ្វេសប៊ុក។ប្រភពពីហ្វេសប៊ុក

ស្ត្រីម្នាក់បាត់បង់ជីវិតដោយសារទូរស័ព្ទដៃខ្លួនឯង!

ថ្ងៃទី ០២ ខែ មករា ឆ្នាំ ២០១៦ ម៉ោង ០៧:១៦

សស្រីម្នាក់បានឈ្លក់វង្វេងចុចទូរស័ព្ទបណ្តាលអោយលង់ទឹកស្លាប់បន្ទាប់ពីការបាត់ខ្លួនរបស់នាងដោយការធ្លាក់ចុះចូលទៅក្នុងទន្លេកាលពីល្ងាចថ្ងៃអង្គារនៅតំបន់ Wenzhou ក្នុងទីក្រុង Zhejiang ប្រទេសចិន ។ វីដេអូការកាមេរ៉ា បានបង្ហាញថាស្ត្រីដែលបានតស៊ូអស់រយៈពេលជាងមួយនាទីមុនពេលនាងបាត់ខ្លួនពីផ្ទៃទឹកនោះ។ស្ត្រីម្នាក់មានឈ្មោះថាវ៉ាងអាយុ២៨ឆ្នាំ ជាកម្មករចំណាកស្រុកនិងមានកូនពីរនាក់បានដើរនៅកណ្តាលនៃផ្លូវតែម្នាក់ឯងប៉ុន្តែនាងកំពុងផ្តោតការយកចិត្តទុកដាក់ផងដែរនៅលើទូរស័ព្ទរបស់នាងដើរបណ្តើរលេងបណ្តើរឆ្ពោះទៅរកការគែមនៃមាត់ទឹកដោយមិនដឹងខ្លួនដែលការនាំឱ្យមានសោកនាដកម្មនេះកើតឡើង។រាងកាយរបស់ Wang ត្រូវបានរកឃើញបន្ទាប់ពីប្តីរបស់នាងលោក Yang បានប្រទះឃើញអណ្តែតទឹកនៅស្បែកជើងរបស់នាងខណៈពេលដែលគាត់បានស្វែងរកនាងនៅព្រឹកថ្ងៃបន្ទាប់។ លោក Zhou Renjun មន្ត្រីប៉ូលីសក្នុងការទទួលបន្ទុករឿងក្តីនេះបានប្រាប់ thepaper.cn ថាទន្លេនេះគឺទឹកជ្រៅត្រឹមទ្រូងនោះទេប៉ុន្តែភក់ខាប់ក្រាស់ក្នុងទឹកអាចបណ្តាលឱ្យមានមនុស្សធ្លាក់ចុះរើបម្រាស់ពំរួច។សូមមើលវីឌីអូប្រែសំរួលដោយ សិទ្ធា

អគារ​ទីស្ដី​ការ​ថ្មី​នៃ​ក្រសួងបរិស្ថាន ​តម្លៃ ៨​លាន​ដុល្លារ​អាមេរិកនឹងដាក់អោយប្រើប្រាស់ដើមឆ្នាំ២០១៦

ថ្ងៃទី ០២ ខែ មករា ឆ្នាំ ២០១៦ ម៉ោង ០៤:០៣

តាមគេហទំព័ររបស់ខ្មែរប៉ុស្តិ៍បានស្រង់សម្តី មន្ត្រី​នាំ​ពាក្យ​នៃ​ក្រសួង​បរិស្ថាន បាន​ឲ្យ​ដឹង​ថា អគារ​ទីស្ដី​ការ​ថ្មី​នៃ​ក្រសួង បរិស្ថាន ​តម្លៃ ៨​ លាន​ដុល្លារ​អាមេរិក ដែល​ស្ថិត​នៅ​ជាប់​នឹង​មជ្ឈមណ្ឌល​កាស៊ីណូ​ ណាហ្គាវើល គ្រោង​នឹង​សម្ពោធ​ដាក់​ឲ្យ​ប្រើ​ប្រាស់​ជា​ផ្លូវ​ការ​នៅ​ក្នុង​ខែ កុម្ភៈ ​ឆ្នាំ​ក្រោយ ដើម្បី​បំពេញ​តម្រូវ​ការ​ការិយា​ល័យ​របស់​មន្ត្រី​រាជ​ការ​នៃ​ក្រសួង​មួយ​នេះ និង​ធ្វើ​ទំនើប​កម្ម​ស្ថាប័ន​របស់​រដ្ឋាភិបាល។លោក សៅ សុភាព អ្នក​នាំ​ពាក្យ​នៃ​ក្រសួង បរិស្ថាន បាន​ប្រាប់​ថា៖ «យើង​គ្រោង​បញ្ចប់​ការ​សាង​សង់​នៅ​ដំណាច់​ឆ្នាំ​ ២០១៥ ​នេះ។ តាម​ផែន​ការ វា​សឹង​តែ​រួចរាល់​ជា​ស្ថាបពរ​ហើយ។ ឥឡូវ​នេះ យើង​កំពុង​តែ​ចាប់​គ្រឿង​សង្ហារិម និង​ជូត​សម្អាត​។ មន្ត្រី​តាម​ជំនាញ​ការិយាល័យ​នីមួយៗ អាច​ជញ្ជូន​សម្ភារ​ចូល​បណ្ដើរៗ​។ ដូច្នេះ​យើង​​គ្រោង​រៀបចំ​ពិធី​សម្ពោធ​បើក​ឲ្យ​ប្រើ​ប្រាស់​ជា​ផ្លូវការ​នៅក្នុង​ខែ កុម្ភៈ ​ឆ្នាំ​ ២០១៦»។អគារ​ទីស្ដីការ​ថ្មី​នៃ​ក្រសួង​បរិស្ថាន​នេះ ត្រូវបាន​ប្រសិទ្ធ​នាម​ថា «​អគារ​មរតក​តេជោ» បាន​ចាប់​ផ្ដើម​​សាងសង់​ដោយ​ក្រុមហ៊ុន Daun Penh Construction Co., Ltd. កាល​ពី​ខែ កក្កដា ឆ្នាំ​ ២០១៤ នៅ​លើ​ផ្ទៃដី ៦ ៧៥០ ​ម៉ែត្រ​ការ៉េ។បើ​តាម​មន្ត្រី​នាំពាក្យ​រូប​នេះ​ អគារ​ថ្មី​នេះ​ផ្ដល់​ទីធ្លា​ធំ​ទូលាយ​សម្រាប់​មន្ត្រី​រាជការ​បម្រើ​ការ​នៅ​ក្នុង​ក្រសួង និង​ចំណត​យាន​យន្ត​ធំ​នៅ​ជាន់​ក្រោម​ដី ដែល​អាច​បញ្ចៀស​ការ​ចត​រថយន្ត​នៅ​លើ​​ផ្លូវ​សាធារណៈ។ មន្ត្រី​នាំ​ពាក្យ​រូប​នេះ​បាន​បន្ថែម​ថា​៖ «​អគារ​ថ្មី​ពណ៌​ ស ដែល​ត្រូវ​បាន​​ប្រសិទ្ធ​នាម​ថា អគារ​មរតក​តេជោ គឺជា​ទីស្ដីការ​ថ្មី​នៃ​ក្រសួង​ បរិស្ថាន​។ វា​ត្រូវ​បាន​សាងសង់​លើ​ផ្ទៃដី ៦ ៧៥០ ​ម៉ែត្រ​ការ៉េ និង​មាន​កម្ពស់ ៧ ​ជាន់​បូក​រួម​ទាំង​ជាន់​ផ្ទាល់​ដី​ដែល​ជា​ចំណត​យានយន្ត និង​មាន​បន្ទប់​មួយ​ចំនួន​សម្រាប់​ប្រើប្រាស់​ក្នុង​គោល​បំណង​ផ្សេងៗ​។ អគារ​ទាំង​មូល​មាន​​ផ្ទៃ​ក្រឡា ១៨ ៣០០ ​ម៉ែត្រ​ការ៉េ ហើយ​អាច​ផ្ដល់​ទីធ្លា​សម្រាប់​ធ្វើជា​ការិយាល័យ​ទំហំ ១៥ ០០០ ​ម៉ែត្រ​ការ៉េ»។បើតាម​មន្ត្រី​នាំពាក្យ​រូបនេះ អគារ​​ថ្មី​គឺជា​ផ្នែក​មួយ​នៃ​ការ​កែ​ទម្រង់ និង​ទំនើបនីយកម្ម​ស្ថាប័ន ដែល​​បាន​ផ្ដួច​ផ្ដើម​ដោយ​លោក សាយ សំអាល់ រដ្ឋមន្ត្រី​នៃ​ក្រសួង​បរិស្ថាន ដើម្បី​ជំរុញ​ប្រសិទ្ធ​ភាព​ការងារ និង​ផលិត​ភាព​នៃ​មន្ត្រី​រាជ​ការ​នៅ​ក្នុង​ក្រសួង​មួយ​នេះ ខណៈ​អគារ​ទីស្ដី​ការ​បច្ចុប្បន្ន ពុំ​អាច​ផ្ដល់​ទីធ្លា​ធំ​ទូលាយ និង​ការិយាល័យ​គ្រប់គ្រាន់​សម្រាប់​បុគ្គលិក​ក្រសួង​មួយ​នេះ​។​លោក សុភាព មាន​ប្រសាសន៍​ថា ៖ «​យើង​បាន​ខិតខំ​ធ្វើ​ការងារ​ជាច្រើន​សម្រាប់​ទំនើបកម្ម​ស្ថាប័ន ការ​កែ​សម្រួល​រចនា​សម្ព័ន្ធ ប៉ុន្តែ​យើង​ខ្វះ​ហេដ្ឋា​រចនា​សម្ព័ន្ធ​រូបវន្ត ការិយា​ល័យ​សម្រាប់​មន្ត្រី​ជំនាញ និង​ថ្នាក់​ដឹក​នាំ​ធ្វើ​ការងារ​។ ដូច​យើង​ឃើញ​ស្រាប់​ហើយ អគារ​នេះ​ចាស់​ទ្រុឌ​ទ្រោម ទំហំ​តូច បន្ទប់​ការិយាល័យ​តិច មិន​អាច​ឆ្លើយតប​ទៅ​នឹង​តម្រូវ​ការ​ការងារ​ជាក់​ស្ដែង​របស់​យើង​ទេ​។ យើង​ជួបប្រទះ​បញ្ហា​មន្ត្រី​អវត្តមាន​ពី​ការងារ ប៉ុន្តែ​យើង​ពិបាក​ស្តី​បន្ទោស​ពួកគាត់ ដោយសារ​យើង​ពុំមាន​កន្លែង​អង្គុយ​ធ្វើការ​គ្រប់គ្រាន់​។ ប្រសិន​បើ​ពួក​គាត់​មក​ទាំង​អស់​គ្នា ក៏​រក​កន្លែង​អង្គុយ​ពុំ​បាន​ដែរ​។ វា​ប៉ះពាល់​ដល់​ល្បឿន​ការងារ និង​ប្រសិទ្ធ​ភាព​ការងារ​របស់​យើង»។ចុចទីនេះដើម្បីអានអត្ថបទពេញពីទំព័រដើម