trollkhmer news

សង្គមនិងជីវិត

រដ្ឋាភិបាលតួកគីចាប់ខ្លួនជំនួយការដ៏សំខាន់របស់លោក Gulen ដែលបានធ្វើរដ្ឋប្រហារមិនបានសម្រេច

ថ្ងៃទី ២៦ ខែ កក្តដា ឆ្នាំ ២០១៦ ម៉ោង ០១:៥៩

ទីភ្នាក់ងារសារព័ត៌មានចិនស៊ីនហួបានឱ្យដឹងថា ប្រទេសតួកគីបានចាប់ខ្លួនជំនួយការដ៏សំខាន់របស់បុព្វជិតមូស្លីមលោក Fethullah Gulen ដែលត្រូវបានចោទប្រកាន់ដោយរដ្ឋាភិបាលទីក្រុងអង់ការ៉ាចំពោះគម្រោងការប៉ុនប៉ងធ្វើរដ្ឋប្រហារបរាជ័យ។សេចក្តីរាយការណ៍បានឱ្យដឹងថា Halis Hanci ដែលត្រូវបានគេកំណត់ថាជំនួយការរបស់លោក Gulen បានធ្វើដំណើរមកដល់ប្រទេសតួកគីរយៈពេលពីរថ្ងៃមុនពេលប៉ុនប៉ងធ្វើរដ្ឋប្រហារ។លោក Halis Hanci ដែលរស់នៅសហរដ្ឋអាម៉េរិកតាំងពីឆ្នាំ១៩៩៩ បានផ្តល់លុយទៅឱ្យ Gulen។ទូរទស្សន៍ NTV បានរាយការណ៍ថា អាជ្ញាធរតួកគីកាលពីថ្ងៃសៅរ៍បានឃុំខ្លួន Mohammet Sait Gulen ដែលជាក្មួយប្រុសរបស់ Gulen ។លោកប្រធានាធិបតីតួកគី Recep Tayyip Erdogan បានទាមទារម្តងហើយម្តងទៀតចំពោះការធ្វើបត្យាប័នបព្វជិតរូបនោះ ហើយរដ្ឋាភិបាលបានដាក់សំណើជាផ្លូវការរបស់ខ្លួនជាមួយសហរដ្ឋអាមេរិក។គួរបញ្ជាក់ថា ការប៉ុនប៉ងធ្វើរដ្ឋប្រហារដែលបរាជ័យបានចាប់ផ្តើមនៅថ្ងៃទី១៥ ខែកក្កដាហើយត្រូវបានកំទេចនៅថ្ងៃបន្ទាប់។ អាជ្ញាធរបាននិយាយថា យ៉ាងហោចណាស់មនុស្ស ២៩០នាក់ក្នុងនោះមានជាង ១០០នាក់ "ជាអ្នកធ្វើរដ្ឋប្រហារ" ត្រូវបានសម្លាប់៕

ធ្វើ​ម៉េច​ដឹងថា អ្នក​កំពុង​ញៀន​កាហ្វេ​មិនអាចអត់វាបាន?

ថ្ងៃទី ២៥ ខែ កក្តដា ឆ្នាំ ២០១៦ ម៉ោង ០៩:១២

​បើទោះបីជា គេ​ណែនាំ មិន​អោយ​អ្នក​ទទួល​ទាន​កាហ្វេ លើស​ពី​បួន​ពែង​ក្នុង​មួយ​ថ្ងៃ​ក៏​ដោយ ប៉ុន្តែ​មាន​មនុស្ស​មួយចំនួន​អាច​ទទួល​ឥទ្ធិពល​យ៉ាងខ្លាំង សូម្បី​តែ​ការញុំាកា​ហ្វេ​តិចតួច​បំផុត​។ ប្រសិនបើ​អ្នក​ជា​មនុស្ស​ដែល​ឆាប់​ទទួលរង​ឥទ្ធិពល​ពី​កាហ្វេ នោះ​អ្នក​គួរតែ​កំណត់​ការ​ទទួលទាន​កាហ្វេ​របស់​អ្នក​ឱ្យបាន​នៅ​ត្រឹម​តែ​មួយ​ពែង​ឬ​តែ​មួយ​ពែង​ទៅ​បាន​ហើយ​។ ជា​ពិសេស​ប្រសិនបើ​អ្នក គ្រាន់តែ​ទទួល​ទាន​នៅ​ក្នុង​បរិមាណ​តិច​ប៉ុណ្ណោះ ប៉ុន្តែ​វា​អាច​ធ្វើឱ្យ​អ្នក​នៅ​មិន​សុខ ពិបាក​នៅក្នុង​ខ្លួន ឬ​គេង​មិន​លក់​។ វា​ជា​ការសំខាន់​ណាស់​ដែល​អ្នក​គួរតែ​តាមដាន​ការទទួល​ទាន​កាហ្វេ​ប្រចាំថ្ងៃ​របស់​អ្នក​។​​សម្រាប់​មនុស្ស​មួយចំនួន​ដែល​ទទួល​ទាន​កាហ្វេ ម្តង​ម្កាល នៅពេល​ដែល​អ្នក​ទទួល​ទាន​វា​តែង​បង្ក​ឱ្យ​អ្នក​មាន​អា​ការៈមិន​សូវ​ស្រួលខ្លួន​។ លើសពី​នេះ​កត្តា​មួយចំនួន​ដែល​អាច​ជះ​ឥទ្ធិពល​ដល់​កម្រិត នៃ​ការ​ទទួលទាន​កាហ្វេ​របស់​អ្នក​គឺ អាយុ ទម្ងន់​ដងខ្លួន លក្ខខណ្ឌ​សុខភាព និង​ការប្រើប្រាស់​ថ្នាំ​។ មួយវិញទៀត​អ្នក​ស្រារ​ជ្រាវ​បានបង្ហាញ​ថា បុរស​គឺ​ងាយ​នឹង​ទទួលរង​ឥទ្ធិពល​ពី​ការ​ទទួលទាន​កាហ្វេ​ជាង​ស្ត្រី​៕

ការវាយប្រហារដ៏សហាវរបស់ ISIS បានសម្លាប់មនុស្សដល់ទៅ ៨០នាក់ នៅក្រុង​កា​ប៊ុល អាហ្គានីស្ថាន

ថ្ងៃទី ២៥ ខែ កក្តដា ឆ្នាំ ២០១៦ ម៉ោង ០៧:៥០

ការ​វាយប្រហារ​អត្តឃាត​២​កាលពី​ថ្ងៃ​ទី​២៣ កក្កដា ក្នុង​បាតុកម្ម​មួយ ដែល​ប្រមូលផ្តុំ​មនុស្ស​ជា​ច្រើន​ពាន់​នាក់​នៅ​ក្រុង​កា​ប៊ុល ហើយ​ប្រកាស​ទទួលខុសត្រូវ​ដោយ​ក្រុម​រដ្ឋ​អ៊ិ​ស្លា​ម បើ​តាម​តុល្យការ​មួយ​របស់​ក្រសួងមហាផ្ទៃ​អា​ហ្វ​ហ្គា​នី​ស្ថាន​ថា​អ្នក​ស្លាប់​ឡើង​ដល់​យ៉ាងតិច​៨០​នាក់ ហើយ​មនុស្ស​២៣១​នាក់​ទៀត​រង​របួស ។សមាជិក​ជនជាតិភាគតិច​ស៊ី​អ៊ី​ត HAZARA ជា​ច្រើន​ពាន់​នាក់​បាន​នាំ​គ្នា​ដើរ​ហែ​ក្បួន​តាម​ដង​វិ​ថី​នានា​នៃ​ទីក្រុង​កា​ប៊ុល ដើម្បី​តវ៉ា​ប្រឆាំង​ការ​រើសអើង​ដែល​ពួក​គេ​ជា​អ្នក​រង​គ្រោះ ហើយ​រង​ការ​វាយប្រហារ​ដោយ​ការ​បំផ្ទុះ​យ៉ាង​ខ្លាំង​២ ។នេះ​ជា​ការ​វាយប្រហារ​យ៉ាង​បង្ហូរឈាម​បំផុត​នៅ​ក្រុង​កា​ប៊ុល​ចាប់តាំងពី​ខែមេសា​មក ពេល​ដែល​មនុស្ស​ជាង​៦០​នាក់​ស្លាប់​ក្នុង​ការ​វាយប្រហារ​មួយ​ប្រឆាំង​ការិយាល័យ​របស់​ភ្នាក់ងារ​សន្តិសុខ ។តាម​រយៈ​ទីភ្នាក់ងារ​ព័ត៌មាន​របស់​ខ្លួន AMAQ ក្រុម​រដ្ឋ​អ៊ិ​ស្លា​ម​ប្រកាស​ទទួលខុសត្រូវ​ចំពោះ​ការ​វាយប្រហារ​នេះ ដែល​ក្រុម​នេះ​អះអាង​ថា ធ្វើ​ឡើង​ដោយ​សមាជិក​ក្រុម​គេ​២​នាក់ ដែល​មាន​គ្រឿងផ្ទុះ​ដាក់​នៅ​នឹង​ចង្កេះ ។ពួក​តា​លី​បង់​ជាស​ត្រូវ​ធំ​របស់​ក្រុម​រដ្ឋ​អ៊ិ​ស្លា​ម​បាន​បដិសេធ​រាល់​ការ​ឡូ​កឡុំ​ក្នុង​រឿង​នេះ ហើយ​និយាយ​ថា ការ​វាយប្រហារ​នោះ​ជា​ការ​រួមគំនិត​មួយ​សំដៅ​ឱ្យ​ផ្ទុះ​សង្គ្រាមស៊ីវិល​មួយ ។

លោកស្រី អ៊ុងសានស៊ូជី នឹងធ្វើដំណើរទស្សនកិច្ចទៅកាន់អាមេរិក

ថ្ងៃទី ២៥ ខែ កក្តដា ឆ្នាំ ២០១៦ ម៉ោង ០៥:២៨

តបការអញ្ជើញរបស់ប្រធានាធិបតីអាមេរិកលោក បារ៉ាក់ អូបាម៉ា់ ចំពោះ លោកស្រី អ៊ុងសានស៊ូជី ដើម្បីទៅបំពេញទស្សនកិច្ចនៅអាមេរិក វានឹងក្លាយជាលើកដំបូងហើយដែលម្ចាស់ពានរង្វាន់ណូបែលសន្តិភាព និងជាមាតាប្រជាធិបតេយ្យមីយ៉ាន់យ៉ារូបនេះ មានវត្តមាននៅទឹកដីអាមេរិក ក្រោយនៃជ័យជម្នះនៃការបោះឆ្នោត និងជាចំណុចរបត់ប្រវត្តិសាស្ត្រនយោបាយមីយ៉ាន់ម៉ាឆ្ពោះទៅរកលទ្ធិប្រជាធិបតេយ្យ។សេចក្តីថ្លែងការណ៍របស់ក្រសួងការបរទេស ត្រូវបានធ្វើឡើងបន្ទាប់ពី ទីប្រឹក្សាសន្តិសុខជាតិអាមេរិក លោក Ben Rhodes បានថ្លែងឲ្យដឹងពីការអញ្ជើញរបស់លោកប្រធានាធិបតីអាមេរិកបារ៉ាក់ អូបាម៉ា នាជំនួបជាមួយនឹងលោស្រី អ៊ុងសាន ស៊ូជី នៅថ្ងៃទី២០ ខែកក្កដា ដែលស្ថិតនៅក្នុងអំឡុងពេលនៃដំណើរទស្សនកិច្ចរបស់លោកមកកកាន់មីយ៉ាន់ម៉ា។គួរបញ្ជាក់ដែរថា ៖ ក្រោយឃើញដំណើរឆ្ពោះទៅមុខនៃប្រជាធិបតេយ្យ គេសង្កេតឃើញថា អាមេរិកហាក់បីដូចជា រួសរាយជាមួយមីយ៉ាន់ម៉ា និងបានប្រកាសបន្ធូរបន្ថយទណ្ឌកម្មសេដ្ឋកិច្ចលើមីយ៉ាន់ម៉ាដើម្បីជាយន្តការមួយជួយអភិវឌ្ឍសេដ្ឋកិច្ចជាតិមីយ៉ាន់ម៉ាដែលបានដាក់តាំងពីពេលដែលក្រុមយោធាដឹកនាំ។ ការបន្ធូរបន្ថយនេះ ក៏ជាឆ្លើយតបទៅនឹងដំណើរទៅមុខនៃលទ្ធិប្រជាធិបតេយ្យមីយ៉ាន់ម៉ាផងដែរ។នៅក្នុងអតីតកាល ភាគីទាំងពីរ បានជួបគ្នា ក្នុងឆ្នាំ២០១៤ នៅក្នុងទឹកដីមីយ៉ាន់ម៉ា នាឱកាសដែលប្រធានាធិបតីបារ៉ាក់ អូបាម៉ាបានចូលរួមកិច្ចប្រជុំកំពូលអាស៊ានដែលមីយ៉ាន់ម៉ាធ្វើជាប្រធានអាស៊ាន។ ក្នុងពេលនោះ លោកស្រី ស៊ូជី នៅតែជាប្រមុខបក្សប្រឆាំងនៅឡើយនោះទេ៕

ឧបទ្ទវហេតុនាវាមុជទឹក​ដើរដោយថាមពលនុយក្លេអ៊ែរ​អង់គ្លេស និង​នាវា​កា​ហ្គោ​មួយ​គ្រឿងបុកគ្នា

ថ្ងៃទី ២៥ ខែ កក្តដា ឆ្នាំ ២០១៦ ម៉ោង ០២:១០

ក្នុង​ឱកាស​ធ្វើ​សមយុទ្ធ​យោធា​មួយ​នៅ​ដែនទឹក GIBRALTAR នាវាមុជទឹក​នុយក្លេអ៊ែរ​អង់គ្លេស​មួយ​គ្រឿង គឺ​នាវា HMS AMBUSH ពេល​មុជ​ក្នុង​ទឹកបាន​បុក​ប៉ះ​នឹង​នាវា​ពាណិជ្ជកម្ម​មួយ​គ្រឿង​កាលពី​ថ្ងៃ​ទី​២០ កក្កដា កន្លង​មកនេះ នា​វេលា​ម៉ោង​ប្រមាណ​ជា​១៣​និង​៣០​នាទីម៉ោង​ក្នុងស្រុក ។រ៉ូ​យ៉ា​ល់​ណា​វី​តាម​រយៈ​សេចក្តី​ប្រកាស​មួយគូ​សបញ្ជាក់​ថា នាវាមុជទឹក​នេះ​រង​ការ​ខូចខាត​ខ្លះ​នៅ​ផ្នែក​ខាងក្រៅ ក៏​ប៉ុន្តែ​រេ​អាក់​ទ័​រ​នុយក្លេអ៊ែរ​របស់​វា​ពុំ​រង​ការ​ខូចខាត​ណាមួយ​ឡើយ រួច​ក៏​គ្មាន​សមាជិក​ក្រុម​នាវិក​ណា​ម្នាក់​រង​របួស​ដែរ​ក្នុង​ឧប្បត្តិ​ហេតុនេះ ។ ដោយ​ពុំ​ផ្តល់​ភាព​លម្អិត​ផ្សេង​ទៀត​លើ​នាវា​ស៊ី​វិល កង​ម៉ា​រី​ន​អង់គ្លេស​អះអាង​ថា យើង​បាន​ទាក់ទង​ជាមួយ​នាវា​កា​ហ្គោ ហើយ​ព័ត៌មាន​ដំបូង​ៗ​ដែល​ទទួល​បាន​គឺថា នាវា​នេះ​ពុំ​រង​ការ​ខូចខាត​ឡើយ ។ទោះបី​យ៉ាងណា​សម្បក​នាវាមុជទឹក HMS, AMBUSH រង​ការ​ខូចខាត​ខ្លាំង​គួរសម ។ យ៉ាង​ហោច​ណាស់​នាវាមុជទឹក​នេះ​ក៏​ត្រូវ​បង្ខំចិត្ត​ឈប់​សំចត​ដោយ​គ្មាន​គ្រោងទុក​នៅ GIBRALTAR ដែរ ។ ម្យ៉ាងវិញទៀត ក្រសួងការបរទេស​អេ​ស្ប៉ា​ញ​ក៏​បាន​ស្នើ​ឱ្យ​មានការ​ពន្យល់​ជា​បន្ទាន់​លើ​ការ​វង្វេង​របស់​នាវាមុជទឹក HMS AMBUSH បែប​នេះ ព្រមទាំង​ផ្តល់​រាល់​ព័ត៌មាន​ចាំបាច់​ទាក់ទិន​នឹង​ឧប្បត្តិហេតុ​នោះ ។ ខាង​អង្គការ​ការពារ​បរិស្ថាន​ក៏​ស្នើ​ឱ្យ​មានការ​បំភ្លឺ​ដែរ​។ លោក ANTONIO MUNOZ អ្នកនាំពាក្យ​របស់​អង្គការ ECOLOGISTAS EN ACCION បញ្ចេញ​ប្រតិកម្ម​ថា យើង​ពុំ​ដឹង​ពី​កន្លែង​ដែល​មានការ​បុក​គ្នា​នេះ​ឡើយ​រួច ប្រសិនបើ​នាវា​កា​ហ្គោ​នេះ​ជានា​វា​ដឹក​ប្រេង រង​ការ​បុក ហើយ​ធ្លាយ​ប្រេង​វា​ពិតជា​ធ្វើ​ឱ្យ​ប៉ះពាល់​ខ្លាំង​បំផុត​ដល់​បរិស្ថាន ។ ដែលនេះពុំ​មែន​ជា​លើក​ដំបូង​ទេ​ដោយ​នាវាមុជទឹក​មួយ​គ្រឿង​របស់​អង់គ្លេស​ទៅ​កាន់ GIBRALTAR ដោយសារ​ហេតុផល​បច្ចេកទេសនោះ ៕

មនុស្ស ៩នាក់ត្រូវបានសម្លាប់ និង ១៦នាក់រងរបួស ដោយសារការបាញ់ប្រហារក្នុងទីក្រុងមុយនិក

ថ្ងៃទី ២៤ ខែ កក្តដា ឆ្នាំ ២០១៦ ម៉ោង ០៥:២៩

ទីភ្នាក់ងារសារព័ត៌មានចិនស៊ីនហួបានឱ្យដឹងថា ប៉ូលិសទីក្រុងមុយនិកបាននិយាយនៅព្រឹកថ្ងៃសៅរ៍នេះថា មនុស្ស ៩នាក់ត្រូវបានសម្លាប់ និង ១៦នាក់ផ្សេងទៀតបានរងរបួសក្នុងហេតុការណ៍បាញ់ប្រហារនៅផ្សារទំនើបមួយកន្លែងកាលពីល្ងាចថ្ងៃសុក្រ ក្នុងទីក្រុងមុយនិក ភាគខាងត្បូងអាល្លឺម៉ង់។មេប៉ូលិសក្រុងមុយនិក Hubertus Andrae បានប្រាប់ឱ្យដឹងក្នុងសន្និសីទសារព័ត៌មានថា អ្នកបាញ់ប្រហារត្រូវបានកំណត់អត្តសញ្ញាណបុរសអាយុ ១៨ឆ្នាំ ជនជាតិអាល្លឺម៉ង់កាត់អ៊ីរ៉ង់ កាន់អត្តសញ្ញាណបណ្ណអាល្លឺម៉ង់ និងអ៊ីរ៉ង់ និងបានរស់នៅក្នុងទីក្រុងមុយនិករយៈពេលជាងពីរឆ្នាំ។លោក Andrae បាននិយាយថា អ្នករងរបួសបីនាក់មានសភាពធ្ងន់ធ្ងរ និងថា អ្នកវាយប្រហារទំនងជាធ្វើតែម្នាក់ឯង។ បច្ចុប្បន្នមិនមានភស្តុតាងពីអ្នកវាយប្រហារផ្សេងទៀតទេ ខណៈព័ត៌មានពីសាវតា និងការជំរុញរបស់អ្នកវាយប្រហារមិនមានភាពច្បាស់លាស់។បើតាមលោក Andrae បានឱ្យដឹងថា ប៉ូលិសនិងកងកម្លាំងពិសេស ២៣០០នាក់ត្រូវបានដាក់ពង្រាយបន្ទាប់ពីមានហេតុការណ៍កើតឡើង ដោយរួមមានទាំងកងកម្លាំងពីរដ្ឋសហព័ន្ធដែលនៅជិតខាង និងអូទ្រីស។ គួរបញ្ជាក់ថា សេវាដឹកជញ្ជូនសាធារណៈក្នុងទីក្រុងត្រូវបានផ្អាកដំណើរការបន្ទាប់ពីមានហេតុការណ៍វាយប្រហារ។៕

កម្ពុជាសង្ឃឹមថានឹងទទួលបានភ្ញៀវទេសចរ៧លាននាក់ក្នុងឆ្នាំ២០២០

ថ្ងៃទី ២៤ ខែ កក្តដា ឆ្នាំ ២០១៦ ម៉ោង ០៥:២៦

ភ្នំពេញ៖ រដ្ឋមន្រ្តីក្រសួងទេសចរណ៍ លើកឡើងថា កម្ពុជាសង្ឃឹមថានឹង ទទួលបាន ភ្ញៀវទេសចរបាន៧លាននាក់ក្នុងឆ្នាំ២០២០ ដែលនឹងផ្តល់ ការងារជូនប្រជាពលរដ្ឋកម្ពុជា កាន់តែច្រើន។ថ្លែងក្នុងពិធីប្រគល់វិញ្ញាបនបត្របញ្ជាក់ការសិក្សាដល់សិក្សានុស្សសាលាសណ្ឋាគារ សាលាបាយនៅខេត្តសៀមរាប លោក ថោង ខុន រដ្ឋមន្រ្តី ក្រសួងទេសចរណ៍ បានមានប្រសាសន៍ថា កម្ពុជានៅតែត្រូវការអ្នក ជំនាញផ្នែកទេសចរណ៍ជាច្រើនទៀតដើម្បីបំពេញទៅតាមកំណើនភ្ញៀវដែលមកទស្សនាកម្ពុជានិងធ្វើឲ្យការផ្តល់សេវាក្នុងវិស័យមួយនេះមានស្តង់ដាអាស៊ាន។លោករដ្ឋមន្រ្តី បញ្ជាក់ថា បើតាមការព្យាករណ៍របស់ក្រសួងទេសចរណ៍ នៅឆ្នំា២០២០ កម្ពុជានិងទទួលបានភ្ញៀវទេសចរអន្តរជាតិ ប្រមាណ ចំនួន៧លាននាក់ជាមួយនិងប្រាក់ចំណូលប្រមាណជា៥ពាន់លានដុល្លានិងផ្តល់ការងារដល់ប្រជាពលរដ្ឋដោយផ្ទាល់ប្រមាណជា១លាននាក់។លោករដ្ឋមន្រ្តី បន្តថា ហើយពេលនោះប្រជាពលរដ្ឋកម្ពុជាជាធនធាន មនុស្សស្នូលក្នុងការទ្រទ្រង់និងផ្តល់សេវាដល់អ្នកទេសចរទំាងនេះ ខណៈពេលបច្ចុប្បន្នយើងនៅមិនទាន់មានធនធានមនុស្សគ្រប់គ្រាន់សម្រាប់បំរើឲ្យវិស័យទេសរណ៍នៅឡើយ៕

អ្នកដឹងទេថាការសាកមិនបានត្រឹមត្រូវរបស់អ្នកប្រចាំថ្ងៃ កំពុងតែបំផ្លាញគុណភាពថ្មទូរស័ព្ទដោយប្រយោល

ថ្ងៃទី ២៣ ខែ កក្តដា ឆ្នាំ ២០១៦ ម៉ោង ០១:៥៣

តើ​អ្នកដឹង​ទេ​ថា ជា​រៀងរាល់ថ្ងៃ អ្នក​កំពុង​បំផ្លាញ​គុណភាព​ថ្ម​ទូរស័ព្ទ​របស់​អ្នក ដោយសារ​ការ​បញ្ចូល​ថ្ម​មិន​បាន​ត្រឹមត្រូវ ? ខាងក្រោម​នេះ ជា​វិធីសាស្ត្រ​មួយ​ចំនួន ដែល​អ្នក​ប្រើប្រាស់​ស្មា​ត​ហ្វូ​ន គួរ​យល់​ដឹង​ដើម្បី​ជួយ​រក្សា​ឱ្យ​គុណភាព​ថ្ម​ទូរស័ព្ទ​របស់​អ្នក​អាច​ប្រើ​បាន​យូរ និង​មិនឆាប់​ខូច ៖១-​កុំ​បន្ត​ដោត​សាក​ថ្ម នៅ​ពេល​ដែល​ថ្ម​ទូរស័ព្ទ​របស់​អ្នក​ពេញ ៖ យោង​តាម​ក្រុមហ៊ុន​ផលិត​ថ្ម​ទូរស័ព្ទ​Cadex បានឱ្យ​ដឹង​ថា ប្រសិនបើ​យើង​សាក​ថ្ម​ទុក​ចោល​នៅ​ពេល​ដែល​វា​ពេញ ឬ​ទុក​ចោល​ពេញ​មួយ​យប់​នោះ វា​នឹង​ធ្វើ​ឱ្យ​គុណភាព​ថ្ម​របស់​អ្នក​បាត់បង់​បន្តិច​ម្តង​ៗ ។នៅ​ពេល​ដែល​អ្នក​សាក​ថ្ម​បាន​ពេញ​១០០%​ហើយ​អ្នក​មិន​បាន​ដក​វា​ចេញ​នោះ នឹង​ធ្វើ​ឱ្យ​ថ្ម​ទូរស័ព្ទ​របស់​អ្នក​កាន់តែ​ក្តៅ ដែល​បណ្តាល​ឱ្យ​ធាតុគីមី​ក្នុង​នោះ​ចុះ​ខ្សោយ ។ក្រុមហ៊ុន Cadex បាន​ពន្យល់​ដោយ​ធ្វើការ​ប្រៀបធៀប​ថា នៅ​ពេល​ដែល​ថ្ម​ទូរស័ព្ទ​របស់​អ្នក​ពេញ អ្នក​ត្រូវ​តែ​ឈប់​បញ្ចូល គឺ​ដូច​យើង​គួរតែ​សម្រាក បន្ទាប់​ពី​យើង​ហាត់ប្រាណ​អស់កម្លាំង​អីចឹង​ដែរ ។ យ៉ាងណាមិញ អ្នក​ច្បាស់​ជា​អស់កម្លាំង​ល្ហិតល្ហៃ​ជា​មិន​ខាន ប្រសិនបើ​អ្នក​ធ្វើ​លំ​ហាត់ប្រាណ​ជាប់ មិន​សម្រាក​សោះ​។២-​កុំ​ព្យាយាម​សាក​ថ្ម​ឱ្យ​ពេញ​១០០% ៖ យោង​តាម​ក្រុមហ៊ុន Cadex ថាមពល​ថ្ម Li-ion មិន​ចាំបាច់​ត្រូវ​តែ​បញ្ចូល​ឱ្យ​ពេញ​នោះ​ទេ តែ​ក៏​មិន​ត្រូវធ្វើ​រាល់ពេល​ដូច្នេះ​ដែរ ។ ជា​ការ​ពិត វា​ជា​ការ​ប្រសើរ​ទៅ​វិញ នៅ​ពេល​ដែល​អ្នក​បញ្ចូល​វា​មិន​បាន​ពេញ ដោយសារ​តែ​សម្ពាធ​តង់ស្យុង​ខ្ពស់​នៃ​ថ្ម នឹង​ធ្វើ​ឱ្យ​វា​អន់​ថយ​បន្តិច​ម្តង​ៗ ។អ្នក​មិន​គួរ​ព្យាយាម​បញ្ចូល​ថ្ម​ទូរស័ព្ទ​ពេញ​មួយ​ថ្ងៃ​នោះ​ទេ ប៉ុន្តែ​បើ​អ្នក​គ្រាន់តែ​បញ្ចូល​នៅ ពេល​ចាំបាច់​ណាមួយ នោះ​វា​មិនជា​បញ្ហា​អ្វី​ឡើយ​។៣-​សាក​ថ្ម​ទូរស័ព្ទ​របស់​អ្នក​ពេល​ណា​ក៏​បាន​ប្រសិនបើ​មានឱកាស ៖ ការ​ស្រាវជ្រាវ​របស់​ក្រុមហ៊ុន Cadex រក​ឃើញ​ថា វា​ជា​ការ​ប្រសើរ ប្រសិនបើ​អ្នក​បញ្ចូល​ថ្ម​មួយ​ភ្លែត​ៗ ជា​ជាង​បញ្ចូល​វា​នៅ​ពេល​ដែល​អស់​ថាមពល​០%-៥% ។សាក​ថ្ម​ទូរស័ព្ទ​របស់​អ្នក​នៅ​ពេល​វា​អស់ ១០% នឹង​ក្លាយជា​សេណា​រី​យ៉ូ​ល្អ​បំផុត ប៉ុន្តែ​ជាក់ស្តែង​មនុស្ស​ភាគច្រើន​មិន​បាន​អនុវត្ត​បែប​នេះ​ទេ ។ ដូច្នេះ ប្រសិនជា​អាច អ្នក​បញ្ចូល​ថ្ម​ទូរស័ព្ទ​របស់​អ្នក​ពេល​ណា​ក៏​បាន ។ វា​មិន​មាន​អ្វី​ជា​បញ្ហា​ចោទ​ឡើយ បើ​ទោះជា​អ្នក​សាក​ថ្ម​ច្រើន​ដង​ក្នុង​មួយ​ថ្ងៃ​ក្តី ។៤-​ទុក​ទូរស័ព្ទ​របស់​អ្នក​ឱ្យ​ត្រជាក់ ៖ ថ្ម​ទូរស័ព្ទ​ស្មា​ត​ហ្វូ​ន គឺ​ងាយ​នឹង​ឆាប់​ក្តៅ​ណាស់ ហេតុនេះ​ហើយ​ទើប​ក្រុមហ៊ុន Apple បាន​ណែនាំ​ឱ្យ​អតិថិជន​របស់​ខ្លួន​ឈប់​ប្រើប្រាស់​ស្រោម​ទូរស័ព្ទ​មួយ​ចំនួន​ដែល​ងាយ​ស្រូប​កម្តៅ​ពី iPhone នៅ​ពេល​ដែល​អ្នក​កំពុង​សាក​ថ្ម​។ « ប្រសិនបើ​សម្គាល់​ឃើញ​ថា ទូរស័ព្ទ​របស់​អ្នក​កាន់តែ​ក្តៅ​នៅ​ពេល​កំពុង​បញ្ចូល​ថ្ម ដំបូង​អ្នក​ត្រូវ​ដោះ​ស្រោម​វា​ចេញ​សិន » ។ប្រសិនបើ​អ្នក​ស្ថិត​ក្រោម​កម្តៅ​ព្រះអាទិត្យ អ្នក​គួរតែ​ទុក​ទូរស័ព្ទ​របស់​អ្នក​កុំឱ្យ​ត្រូវ​ពន្លឺ​ថ្ងៃ​ឱ្យ​សោះ ឬ​យក​អ្វីមួយ​រុំ​ឱ្យ​ជិត ទើប​វា​អាច​ជួយ​ការពារ​ថាមពល​ថ្ម​ទូរស័ព្ទ​បាន ៕

យន្តហោះចម្បាំងបារាំងសម្លាប់ពួកសកម្មប្រយុទ្ធ១៦នាក់ក្នុងទីក្រុង Benghazi ប្រទេសលីប៊ី

ថ្ងៃទី ២៣ ខែ កក្តដា ឆ្នាំ ២០១៦ ម៉ោង ០១:៤៨

មន្ត្រីលីប៊ីបាននិយាយកាលពីថ្ងៃព្រហស្បតិ៍ថា យន្តហោះចម្បាំងបារាំងបានទម្លាក់គ្រាប់បែកនៅភាគខាងកើតក្រៅទីក្រុង Benghazi។ បើតាមសេចក្ដីរាយការណ៍របស់ទីភ្នាក់ងារសារព័ត៌មានចិនស៊ីនហួនៅថ្ងៃសុក្រម្សិលមិញនេះ។បើតាមមន្ត្រីលីប៊ី ការទម្លាក់គ្រាប់បែកបានបង្ខំឱ្យពួកសកម្មប្រយុទ្ធរត់គេចទៅកាន់ទីក្រុង Edjabia ដែលនៅក្បែរនោះ។ដោយឡែក រដ្ឋាភិបាលបារាំងកាលពីថ្ងៃពុធបានប្រកាសថា ទាហានបារាំងបីនាក់ត្រូវបានសម្លាប់ក្នុងប្រទេសលីប៊ី ដែលការប្រកាសនេះធ្វើឡើងភ្លាមៗ បន្ទាប់ពីមានការបង្ហាញជាលើកដំបូងដែលថាកងទ័ពបារាំងបានជាប់ពាក់ព័ន្ធជាមួយនឹងប្រតិបត្តិការយោធាក្នុងប្រទេសលីប៊ី ចាប់តាំងពីមានយុទ្ធនាការយោធាប្រឆាំងនឹងរបបលោក Muammar Gaddafi។ប្រធានាធិបតីបារាំងលោក ហ្វ្រង់ស័រ ហូឡង់ បាននិយាយថា ពេលនេះយើងកំពុងបំពេញប្រតិបត្តិការប្រកបដោយគ្រោះថ្នាក់ក្នុងប្រទេសលីប៊ី។ និងថា ទាហាន បារាំងបីនាក់បានស្លាប់ក្នុងឧប្បតិ្តហេតុធ្លាក់ឧទ្ធម្ភាគចក្រមួយគ្រឿង។គួរបញ្ជាក់ថា បណ្តាប្រទេសលោកខាងលិចបានបង្ហាញការគាំទ្រដល់រដ្ឋាភិបាលលីប៊ីដែលគាំទ្រដោយអង្គការសហប្រជាជាតិក្នុងការប្រយុទ្ធប្រឆាំងនឹងពួករដ្ឋអ៊ីស្លាម៕