trollkhmer news

សង្គមនិងជីវិត

អស់ពីក្តៅអត់ទឹករួចមក ឥលូវនេះភ្លៀងដាក់មួយមេមកលិចផ្សារទៀតនៅខេត្តបន្ទាយមានជ័យ

ថ្ងៃទី ៣០ ខែ មេសា ឆ្នាំ ២០១៦ ម៉ោង ០៧:៥៦

បន្ទាប់ពីអាកាសធាតុក្តៅប៉ុន្មានថ្ងៃនេះធ្វើអោយខេត្តខ្លះនៅក្នុងប្រទេសកម្ពុជាខ្វះប្រភពទឹក និងស្ទឹង បឹងបួរ រីងហួតអស់ ស្រាប់តែថ្ងៃនេះនៅខេត្តបន្ទាយមានជ័យ ឯណោះវិញព្រះភិរុណបានដាក់មួយមេមកបណ្តាលអោយត្រជាក់ត្រជុំ មិនត្រឹមតែត្រជាក់ត្រជុំប៉ុណ្ណោះទេ ថែមទាំងធ្វើអោយទឹកភ្លៀងក្លាយជាទឹកលិចផ្សាយនៅខេត្តនោះទៀតផង នេះបើយោងតាមការបង្ហោះរូបភាពរបស់ផេកហ្វេសប៊ុកឈ្មោះ បន្ទាយមានជ័យស្រុកកំណើតខ្ញុំ ។ សូមបញ្ចាក់ផងដែរថារូបខាងក្រោមនេះមិនទាន់ដឹងច្បាស់ថាជាផ្សារមួយណានៅខេត្តបន្ទាយមានជ័យនៅឡើយទេ តែបើយោងតាមអ្នករស់ខេត្តបន្ទាយមានជ័យបានប្រាប់ថាគឺពិតជាមានភ្លៀងធ្លាក់យ៉ាងខ្លាំងមែននៅថ្ងៃនេះ។ 

ព្រះរាជ​ពិធី​ច្រត់ព្រះនង្គ័ល​ឆ្នាំ​នេះ​នឹង​ប្រារព្ធ​នៅ​ទី​លានជល់ដំរី​ខេត្តសៀមរាប

ថ្ងៃទី ៣០ ខែ មេសា ឆ្នាំ ២០១៦ ម៉ោង ០៧:៣៤

ព្រះរាជ​ពិធី​ច្រត់​ព្រះ នង្គ័ល​ឆ្នាំ​២០១៦​នេះ នឹង​ប្រារព្ធ​ធ្វើ​នៅ​ទី​លានជល់ដំរី នៃ​ខេត្តសៀមរាប ។ ស្ដេច​មាឃ​នឹង​តំណាង​ដោយ​លោក​បណ្ឌិត​ឃឹម ប៊ុ​ន​សុង អភិបាលខេត្ត និង​លោក​ជំទាវ​គួ​យ ណា​លី​ន ឃឹម ប៊ុ​ន​សុង ជា​ព្រះ​មេ​ហួ ។ព្រះរាជ​ពិធី​ច្រត់ព្រះនង្គ័ល និង​ពិធី​តាំងពិព័រណ៍​ផលិតផល​កសិកម្ម​ក្នុងស្រុក​នឹង​ត្រូវ​គណៈកម្មាធិការ​ជាតិ​រៀបចំ​បុណ្យ​ជាតិ​-​អន្តរជាតិ​ប្រារព្ធ​ធ្វើ​ឡើង​នា​ថ្ងៃ​ទី​២៤​ខែឧសភា ឆ្នាំ​២០១៦ នៅ​ទី​លានជល់ដំរី នៃ​ខេត្តសៀមរាប ក្រោម​ព្រះ​រាជាធិបតី​ភាព​ដ៏​ខ្ពង់ខ្ពស់​របស់​ព្រះករុណា​ព្រះបាទ​សម្ដេចព្រះ​បរមនាថ នរោត្ដម សីហ​មុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ។ព្រះរាជ​ពិធី​ច្រត់ព្រះនង្គ័ល​ឆ្នាំ​នេះ ស្ដេច​មាឃ តំណាង​ដោយ​លោក​បណ្ឌិត​ឃឹម ប៊ុ​ន​សុង អភិបាល​នៃ​គណៈ​អភិបាលខេត្ត​សៀមរាប និង​លោក​ជំទាវ​គួ​យ ណា​លី​ន ឃឹម ប៊ុ​ន​សុង ជា​ព្រះ​មេ​ហួ ។លោក​បណ្ឌិត​ឃឹម ប៊ុ​ន​សុង  កាលពី​ពេល ថ្មី​ៗ​កន្លង​មក​ឱ្យ​ដឹង​ថា ព្រះរាជ​ពិធី​ច្រត់ព្រះនង្គ័ល ជា​ព្រះ​រាជប្បវេណី​ដ៏​មាន​សារសំខាន់​ក្នុង​បណ្ដា​ព្រះរាជ​ពិធីបុណ្យ​ទ្វាទសមាស​ប្រចាំឆ្នាំ ចាត់​ទុក​ថា ជា​វប្បមង្គល​មួយ​ដ៏​ប្រសើរ​របស់​ប្រជារាស្ត្រ​ខ្មែរ​ដែល​ព្រះមហាក្សត្រ​គ្រប់​ព្រះ​អង្គ​តែង​ដឹកនាំ​ប្រារព្ធ​ពុំដែល​ខកខាន​តាំងពី​បុរាណកាល     មក ។ សម្រាប់​ព្រះរាជ​ពិធី​ច្រត់ព្រះនង្គ័ល​ដែល​នឹង​រៀបចំ​ធ្វើ​ឡើង​នៅ​ខេត្តសៀមរាប​ឆ្នាំ​នេះ​នឹង​ធ្វើ​ឱ្យ​មានការ​ទាក់ទាញ់​អ្នកទេសចរ​ផង​ដែរ ។សម្រាប់​ខេត្តសៀមរាប​ជា​លើក​ទី​២​ហើយ ដែល​គណៈកម្មាធិការ​ជាតិ​រៀបចំ​បុណ្យ​ជាតិ​-​អន្តរជាតិ​ជ្រើស​រើ​យក​ធ្វើ​ទីតាំង​សម្រាប់​រៀបចំ​ព្រះរាជ​ពិធី​ច្រត់ព្រះនង្គ័ល ដោយ​កាលពី​លើក​ទី​១ ធ្វើ​នៅ​ឆ្នាំ​២០១០ ៕

កងទ័ពហ្វីលីពីន វាយប្រហារពួកសកម្មប្រយុទ្ធ Abu Sayyaf លើកោះ Jolo

ថ្ងៃទី ៣០ ខែ មេសា ឆ្នាំ ២០១៦ ម៉ោង ០៦:០៥

នៅរយៈពេលចុងក្រោយនេះរដ្ឋាភិបាលហ្វីលីពីន បានបញ្ជូនយន្តហោះនិងឧទ្ធម្ភាគចក្រយោធាដើម្បីវាយប្រហារពួកខ្មាន់កាំភ្លើងក្រុម Abu Sayyaf លើកោះ Jolo។ យោធា បាននិយាយថា កាលពីថ្ងៃព្រហស្បតិ៍យន្តហោះចម្បាំងហ្វីលីពីន បានវាយប្រហារពួកសកម្មប្រយុទ្ធ ដែលកំពុងឃុំខ្លួនចំណាប់ខ្មាំងបរទេសចំនួន ២០នាក់ នៅលើកោះភាគខាងត្បូងដាច់ស្រយាលមួយ ប៉ុន្តែមិនមានសញ្ញានៃចំណាប់ខ្មាំងឡើយ។យោធាហ្វីលីពីនបានបាញ់ កាំភ្លើងធំលើពួកខ្មាន់កាំភ្លើងនៃក្រុម Abu Sayyaf នៅតំបន់ភ្នំមួយនៃកោះ Jolo ខណៈដែលយន្តហោះ និងឧទ្ធម្ភាគចក្រ បានហោះទាបលើព្រៃដើម្បីទម្លាក់គ្រាប់បែក អតីតកន្លែង ដែលគ្រប់គ្រងដោយក្រុម Abu Sayyaf និងជាកន្លែង ដែលសាកសពរបស់ លោក Ridsdel ត្រូវបានរកឃើញ។ខ្មាន់កាំភ្លើងចំនួន ១៤ នាក់ត្រូវបានសម្លាប់ ប៉ុន្តែសាកសពមិនទាន់ត្រូវបានគេរកឃើញទេ។ លោក Detoyato បាននិយាយថា ការវាយលុក ដែលបានកំណត់គោលដៅ លើអតីតមេបញ្ជាការក្រុម Abu Sayyaf លោក Radullan Sahiron នេះ បានបង្ហាញពីភាពជោគជ័យ។ទោះជាយ៉ាងណាក៏ដោយ លោកបាននិយាយថា គេមិនបានមើលឃើញពីចំណាប់ខ្មាំង ដែលនៅសេសសល់ទេ ហើយថា ពួកសកម្មប្រយុទ្ធមួយចំនួន បានគេចខ្លួនចេញពីតំបន់ ដែលជាគោលដៅនៃការវាយប្រហារ។គួរបញ្ជាក់ថា ៖ Abu Sayyaf គឺជាក្រុមរ៉ាឌីកាល់មូស្លីមបះបោរ នៅភាគខាងត្បូងនៃប្រទេសហ្វីលីពីន ដែលបានសម្លាប់ជីវិតមនុស្សជាង ១០០.០០០ នាក់ ចាប់តាំងពីទសវត្សរ៍ឆ្នាំ ១៩៧០ មក។ វាត្រូវបានគេជឿថា មានសកម្មប្រយុទ្ធត្រឹមតែពីរបីរយនាក់ប៉ុណ្ណោះ ប៉ុន្តែបានប្រឆាំងម្តងហើយម្តងទៀត ចំពោះការវាយលុកយោធា ដែលគាំទ្រដោយអាមេរិក។ ក្រុមនេះរស់រានមានជីវិតដោយប្រើជួរភ្នំ ដីព្រៃនៃកោះ Joloនិងកោះនៅក្បែរនោះ ដើម្បីផលប្រយោជន៍របស់ខ្លួន៕

ពួកសកម្មប្រយុទ្ធ ២០នាក់ត្រូវបានសម្លាប់នៅភាគខាងជើង ប្រទេសអាហ្វហ្គានីស្ថាន

ថ្ងៃទី ៣០ ខែ មេសា ឆ្នាំ ២០១៦ ម៉ោង ០៣:៣៣

ទីភ្នាក់ងារសារព័ត៌មានចិនស៊ីនហួបានឱ្យដឹងថា ពួកសកម្មប្រយុទ្ធ ប្រមាណ ២០នាក់ត្រូវបានសម្លាប់ ក្នុងពេលដែលកងកម្លាំងសន្តិសុខ អាហ្វហ្គានីស្ថានបើកប្រតិបត្តិការបោសសំអាតនៅភាគខាងជើងខេត្ត Takhar។អ្នកនាំពាក្យប៉ូលិសខេត្តលោក Abdul Khalil Aseer បានប្រាប់ បណ្តាញ សារព័ត៌មាននៅថ្ងៃសុក្រនេះថា ប្រតិបត្តិការរយៈពេលមួយ ថ្ងៃ បានបញ្ចប់នៅភូមិ Zadran និង Nawabad ស្រុក Ishakamish កាលពីយប់ថ្ងៃព្រហស្បតិ៍។ការវាយឆ្មក់បានធ្វើឡើងបន្ទាប់ពីពួកសកម្មប្រយុទ្ធធ្វើការវាយប្រហារលើប៉ុស្តិ៍ត្រួតពិនិត្យសន្តិសុខជាច្រើនកន្លែងក្នុងស្រុកនេះកាលពីព្រឹកថ្ងៃព្រហស្បតិ៍ និងថាការវាយឆ្មក់បានសម្លាប់ពួកសកម្មប្រយុទ្ធ ប្រមាណ ២០នាក់។បើតាមការបញ្ជាក់របស់មន្ត្រីប៉ូលិសបានឱ្យដឹងថា ក្នុងការប៉ះទង្គិចគ្នានេះក៏បានបណ្តាលឱ្យប៉ូលិសម្នាក់ស្លាប់ និង កម្លាំងសន្តិសុខ ៥នាក់ទៀតរងរបួស។គួរបញ្ជាក់ថា ខេត្ត Takhar ដែលស្ថិតនៅចំងាយ ២៤៥គីឡូម៉ែត្រ ភាគខាងជើងរដ្ឋធានីកាប៊ុល ប្រទេសអាហ្វហ្គានីស្ថាន បានកើតមានការប្រយុទ្ធគ្នារវាងពួកសកម្មប្រយុទ្ធតាលីបង់ និងកងកម្លាំងសន្តិសុខរយៈពេលជាច្រើនខែមកហើយ។កងកម្លាំងសន្តិសុខអាហ្វហ្គានីស្ថានបានបើកប្រតិបត្តិការរឹតបន្តឹងសន្តិសុខប្រឆាំងនឹងពួកសកម្មប្រយុទ្ធក្នុងរដូវក្តៅ ដែលត្រូវបានគេដឹងថាជារដូវប្រយុទ្ធគ្នា៕

ចង្ការខួច ឬចង្ការព្រែក អាចមើលដឹងពីចរិកលក្ខណៈរបស់អ្នកបាន

ថ្ងៃទី ៣០ ខែ មេសា ឆ្នាំ ២០១៦ ម៉ោង ០៣:០១

តើអ្នកមានចង្ការព្រែកមែនទេ ហើយតើវាមានអត្ថន័យយ៉ាងណា? អត្ថបទនេះនឹងបង្ហាញអ្នកពីមូលហេតុ អត្ថន័យ និងចរិកលក្ខណៈរបស់មនុស្សចង្ការព្រែក។តែទោះបីជាយ៉ាងណាមនុស្សភាគច្រើនជាពិសេសស្ត្រីៗដែលមានចង្ការព្រែក តែងតែមានភាពទាក់ទាញ។ ហើយចរិកលក្ខណៈរបស់មនុស្សទាំងនេះ ក៏គួរឲ្យចាប់អារម្មណ៍ផងដែរ។មនុស្សចង្ការព្រែកមើលទៅគួរឲ្យកត់សម្គាល់ ព្រោះវាមើលទៅប្លែកត្រង់តំបន់ចង្ការ។មានតារាល្បីជាច្រើនមានចង្ការព្រែក ឬចង្ការខួច។ ដូច្នេះគ្មានអ្វីត្រូវអៀនខ្មាស់ឡើយចំពោះចង្ការព្រែក ឬចង្ការខួចរបស់អ្នកព្រោះវាមើលទៅស្អាត និងធ្វើឲ្យអ្នកកាន់តែមានភាពទាក់ទាញខ្លាំងឡើង។ហ្សែន និងចង្ការខួចចង្ការព្រែកអាចបណ្តាលមកពីហ្សែន។ សាច់ដុំមិនបានបំពេញសាច់ចង្ការ ធ្វើឲ្យចង្ការមានចន្លោះ។ ប៉ុន្តែហ្សែននេះមិនមែនមានន័យថាកូនៗរបស់អ្នកនឹងទទួលយកចង្ការព្រែកពីអ្នកដោយស្វ័យប្រវត្តិបានទេ ព្រោះហ្សែនត្រូវតែលេចឡើង និងមិនចេះអន់ខ្សោយ។ សែនលេចឡើងបណ្តាលឲ្យចង្ការខួច។បើទោះបីជាអ្នកមានចង្ការព្រែកតែឪពុកម្តាយរបស់អ្នកអាចនឹងគ្មានវា។ នេះមានន័យថាសាច់ញាតិបងប្អូនដទៃទៀតអាចមានចង្ការព្រែកបែបនេះដែរ។ វាត្រូវចំណាយច្រើនជាង ៥ជំនាន់មុននឹងកើតមានមនុស្សចង្ការព្រែកក្នុងគ្រួសាររបស់អ្នក។តើចង្ការខួចប៉ះពាល់ដល់ចរិកលក្ខណៈរបស់អ្នកយ៉ាងណា?មនុស្សចង្ការព្រែកជាមនុស្សដែលគេចាប់អារម្មណ៍ច្រើន ប៉ុន្តែអ្នកដទៃមិនស្អប់នឹងវាទេព្រោះមនុស្សចង្ការព្រែកជាមនុស្សចូលចិត្តលេងសើចច្រើន។ហើយមនុស្សទាំងនេះចូលចិត្តញ៉ែ និងពូកែខាងញ៉ែ។ ចំណង់ផ្លូវភេទពីធម្មជាតិរបស់ពួកគេមានឥទ្ធិពល និងជាការកំសាន្ត។ លើសពីនេះទៀតមនុស្សចង្ការព្រែកងាយនឹងរំជួលចិត្តជាងមនុស្សដទៃ។ ពួកគេងាយនឹងយំមិនថាពួកគេក្រៀមក្រំ សប្បាយចិត្ត សម្រើប ឬតណ្ហាទេ។ភាពខុសគ្នារវាងចង្ការខួច និងចង្ការព្រែក។ ចង្ការខួចច្រើនតែមើលទៅគួរឲ្យកត់សម្គាល់ និងអ្វីដែលគេពេញនិយមបំផុតគឺ ចង្ការព្រែកដូច្នេះហើយវាធ្វើឲ្យមនុស្សចង់បាននិងសរសើរវា។ ជាធម្មតាអារម្មណ៍របស់មនុស្សចង្ការខួចអាចមានការឈឺចាប់ខ្លាំង នៅពេលគូស្នេហ៍ពួកគេមិនចង់បង្កើតភាពស្និទ្ធស្នាលជាមួយគ្នា។ ហើយមនុស្សទាំងនេះ តែងតែជួបនឹងបញ្ហាបែកបាក់ ឬបដិសេធការរួមភេទពីដៃគូជារៀងរហូត។ ពួកគេជឿថាស្នេហាខាងផ្លូវកាយជាអារម្មណ៍ពិត និងជាស្នេហាក្នុងចិត្ត។លើសពីនេះទៀតមនុស្សទាំងនេះភ័យខ្លាចនឹងការបដិសេធដែលអាចធ្វើឲ្យពួកគេឈឺចាប់ជាពិសេសការបដិសេធពីគូស្នេហ៍។ នេះមិនមែនមានន័យថាមនុស្សចង្ការខួចគ្រប់គ្នាសុទ្ធតែមានចំណង់តណ្ហា ឬញៀននឹងផ្លូវភេទទាំងអស់នោះទេ៕

រដ្ឋមន្ត្រីការបរទេសអង់គ្លេសធ្វើដំណើរទស្សនកិច្ចទៅកាន់ប្រទេសគុយបាជាលើកទីមួយចាប់តាំងពីឆ្នាំ១៩៥៩

ថ្ងៃទី ៣០ ខែ មេសា ឆ្នាំ ២០១៦ ម៉ោង ០២:៥៥

ទីភ្នាក់ងារសារព័ត៌មានចិនស៊ីនហួបានឱ្យដឹងថា រដ្ឋមន្ត្រីការបរទេស អង់គ្លេស Philip Hammond កាលពីថ្ងៃព្រហស្បតិ៍បានក្លាយជារដ្ឋមន្ត្រី ការបរទេសអង់គ្លេសទីមួយដែលបានធ្វើដំណើរទស្សនកិច្ចទៅកាន់ប្រទេសគុយបាក្នុងរយៈពេលជាងកន្លះសតវត្សរ៍។ការិយាល័យការបរទេសអង់គ្លេសបានឱ្យដឹងថា លោក Hammond ដែលធ្វើទស្សនកិច្ចទៅកាន់អាម៉េរិកឡាទីននឹងជួបជាមួយសមភាគីរបស់គាត់គឺលោក Bruno Rodriguez និងមេដឹកនាំរដ្ឋាភិបាលផ្សេង ទៀត ដើម្បីពិភាក្សាពីការផ្លាស់ប្តូរសង្គម និងសេដ្ឋកិច្ចនាពេលថ្មីៗ នេះក្នុងប្រទេសគុយបា។អំឡុងពេលទស្សនកិច្ចនេះលោក Hammond ត្រូវបានគេរំពឹងថានឹង ចុះហត្ថលេខាលើកិច្ចព្រមព្រៀងទ្វេភាគីលើការកែសម្រួលបំណុលរបស់គុយបាដែលជំពាក់អង់គ្លេស និងពង្រឹងកិច្ចសហ ប្រតិបត្តិការរវាងគុយបា និងអង់គ្លេសលើសេវាហិរញ្ញវត្ថុ ថាមពល វប្បធម៌ និងការអប់រំ។គួរបញ្ជាក់ថា ដំណើរទស្សនកិច្ចរបស់លោក Hammond ធ្វើឡើងក្នុងរយៈពេលមួយខែ បន្ទាប់ពីលោក បារ៉ាក់ អូបាម៉ា ក្លាយជាប្រធានាធិបតីអាម៉េរិកទីមួយក្នុងតំណែង ទៅទស្សនកិច្ចនៅប្រទេសគុយបាក្នុងរយៈពេលជិត ៩០មកនេះ៕

នំប័ុងដាក់ប្រហិតអនឡាញស្រុកខ្មែរដាក់រូបបង្ហោះលក់ផ្សេង តែដល់ពេលកុហ្មង់ទិញមកដល់ផ្ទះបានហួសចិត្ត

ថ្ងៃទី ២៩ ខែ មេសា ឆ្នាំ ២០១៦ ម៉ោង ១១:០៤

មិនប្រាកដថាការលក់អ្វីមួយនៅតាមបណ្តាញសង្គមសុទ្ធតែល្អទាំងអស់នោះទេ ពីព្រោះយើងមិនទាន់ឃើញច្បាស់នៅនឹងភ្នែកដូចការលក់ផ្ទាល់នៅផ្សារ ឬតាមកន្លែងផ្សេងទៀត។ តួយ៉ាងដូចអ្វីដែលគេហទំព័រយើងខ្ញុំលើកមកបង្ហាញជូននៅពេលនេះគឺការលក់នុំប័ងព្រហិតតាមបណ្តាញសង្គមរបស់ហាងមួយដែលគាត់លក់ថតផ្សាយបង្ហោះផ្សេង តែពេលមកដល់ទីតាំងអតិថិជនគឺមិនដូចក្នុងរូបសោះ។ ខាងក្រោមនេះគឺជាសំដីរបស់អ្នកទិញម្នាក់ដែលបានបង្ហោះសារជូនមិត្តភក្តិរបស់គាត់នៅបណ្តាញសង្គមហ្វេសប៊ុក ៖នំប័ុងonlineមួយកំណាត់៣,០០០រៀល,មិនបានរំពឹងថាអោយដូចក្នុងរូបទេតែវាហួសហេតុពេកប្រហិតមួយគ្រាប់កាត់ជា៤ហើយថែមមួយចំនិតបន្ដិច៣,០០០រៀល, បន្លែវិញចិតសាប់ដូចក្មេងលេងឡុកឡរនេះមិនមែនកោរទេគឺថាកាប់យកតែម្ដង.លក់នេះលក់ប្រញាប់រត់ចោលស្រុករឺក៏ម៉េច ? 

ចិន​អនុម័ត​ច្បាប់​ អង្គការ​សង្គម​ស៊ី​វិល​ ដែល​មាន​លក្ខណៈ​រឹតត្បិត​សេរីភាព​យ៉ា​ខ្លាំង​

ថ្ងៃទី ២៩ ខែ មេសា ឆ្នាំ ២០១៦ ម៉ោង ១០:៣៩

​សភា​ប្រទេស​ចិន​កាលពី​ថ្ងៃ​ព្រហស្បតិ៍​បាន​អនុម័ត​ច្បាប់​សមាគម​អង្គការ​សង្គម​ស៊ី​វិល​ ដែល​ក្រុម​សិទ្ធិ​មនុស្ស​និង​អា​មេ​រិ​ក​រិះគន់​ថា​មាន​លក្ខណៈ​រឹតត្បិត​សេរីភាព​យ៉ាង​ខ្លាំង​ទោះជា​មានការ​បន្ធូរ​បន្ថយ​ខ្លះ​ក៏​ដោយ​ ។​​ក្រសួងការបរទេស​អា​មេ​រិ​ក​ និង​ក្រុម​សិទ្ធិ​មនុស្ស​ បាន​ហៅ​ច្បាប់​ថ្មី​នេះ​ថា​ជា​ឧបករណ៍​មួយ​ដើម្បី​បង្ក្រាប​សង្គម​ស៊ី​វិល​ព្រោះ​មាត្រា​ខ្លះ​បាន​តម្រូវ​ឱ្យ​ដាក់​ពាក្យសុំ​មុន​ធ្វើ​សកម្មភាព​អ្វីមួយ​កំណត់​អាណត្តិ​ ៥​ឆ្នាំ​ម្ដង​ និង​ត្រូវ​ប្រកាស​ហិរញ្ញវត្ថុ​ហើយនឹង​ត្រូវ​បង្ក្រាប​បើ​សកម្មភាព​ប្រឆាំង​នឹង​រដ្ឋ​។​​តាម​ទីភ្នាក់ងារសារព័ត៌មាន​ចិន​ស៊ី​ន​ហួ​ សមាគម​អង្គការ​សង្គម​ស៊ី​វិល​នៅ​ប្រទេស​ចិន​មាន​ជាង​ ៧០០០​។​ ប្រភព​ដដែល​នេះបានឱ្យ​ដឹង​ថា​សភា​មិន​បាន​ពិភាក្សា​លម្អិត​ច្រើន​ទេ​។​​​ប្រទេស​ចិន​ដឹកនាំ​ដោយ​បក្សកុម្មុយនិស្ត​ដែល​មិន​បើក​ឱ្យ​មាន​សេរីភាព​សម្ដែង​មតិ​ឬ​សេរីភាព​ពហុបក្ស​ឡើយ​ ៕

ក្រសួងព័ត៌មានប្រកាសជ្រើសរើសមន្ត្រីក្របខណ្ឌថ្មីចំនួន៩២នាក់

ថ្ងៃទី ២៩ ខែ មេសា ឆ្នាំ ២០១៦ ម៉ោង ០៦:៣៣

ភ្នំពេញ៖សម្រាប់ឆ្នាំ២០១៦នេះក្រសួងព័ត៌មានប្រកាសជ្រើសរើសមន្ត្រីក្របខណ្ឌថ្មីចំនួន៩២នាក់ ដើម្បីបំពាញការងារនៅថ្នាក់ជាតិ និងថ្នាក់ក្រោមជាតិក្នុងនោះមានជ្រើសរើសអ្នកជំនាញភាសាចិនចំនួន២នាក់ផងដែរ៕