trollkhmer news

សង្គមនិងជីវិត

មន្ទីរពេទ្យមិត្តភាពខ្មែរ-សូវៀត ចេញសេចក្តីបញ្ចាក់ទៅលើអ្នកលេងហ្វេសប៊ុកម្នាក់ដែលរិះគន់ពីសេវាកម្មយឺតយ៉ាវចំពោះអ្នកក្រ

ថ្ងៃទី ២០ ខែ កុម្ភះ ឆ្នាំ ២០១៦ ម៉ោង ១៥:២៤

បន្ទាប់ពីមានការរិះគន់ពីអ្នកលេងហ្វេសប៊ុកម្នាក់ដែលមានគណនីឈ្មោះ Ka Ka Juices ទៅលើមន្ទីរពេទ្យមិត្តភាពខ្មែរ-សូវៀត អំពីការផ្តល់សេវកម្មជូនអតិថិជនយឺតយ៉ាវសំរាប់អ្នកក្ររួចមក ខាងគណៈកម្មការមន្ទីរពេទ្យបានចេញសេក្តីបញ្ចាក់នៅហ្វេសប៊ុកដោយបានបញ្ចាក់ថា៖ ក្នុងនាមគណៈកម្មការមន្ទីរពេទ្យ សុំបញ្ជាក់ប្រាប់ប្អូនស្រីដែលមាន Account Facebook ឈ្មោះ Ka Ka Juices ថា ករណីដែលបងស្រី រងចាំ គឺដោយសារប្រព័ន្ធ Computer មានការរអាក់រអួល ដូច្នេះ ផ្នែកបំរើសេវា បានអោយគាត់រងចាំក្នុងរយៈប្រហែល ២០ នាទី ហើយប្រព័ន្ធចុះឈ្មោះបានដំណើរជាធម្មតាវិញ ការបំរើសេវា ក៏ប្រព្រឹត្តទៅជាប្រក្រតី។ម្យ៉ាងទៀត អ្នកជម្ងឺក៏បានទទួលពិនិត្យរួចរាល់ ហើយការ យឺតយាវគ្រាន់តែចាំបំពេញបែបបទតាមក្រោយតែបុណ្ណោះ។ ប្អូនត្រូវយល់ថា អតិថន រឺ អ្នកជម្ងឺដែលបានមកពិនិត្យ ព្យាបាលនៅក្នុងមន្ទីរពេទ្យមិត្តភាពខ្មែរ-សូវៀតមានច្រើនប្រភេទខុសៗគ្នា ៖១- អ្នកជម្ងឺដែលមកពិនិត្យ និងព្យាបាលបង់ប្រាក់ ដោយខ្លួនឯងផ្ទាល់ ជាទូទៅពុំមានការយឺតយ៉ាវទេ។២- ប្រភេទអ្នកជម្ងឺដែលជាសមាជិកអង្គការហើយមកទទួល ពិនិត្យ ព្យាបាលនៅទីនោះច្រើនតែជួបប្រទះនូវការរងចាំ ពីព្រោះគាត់ត្រូវបំពេញបែបបទ អ្វីដែលខាងអង្គការតម្រូវមក។៣- ប្រភេទទី៣ អ្នកជម្ងឺដែលពុំមានលទ្ធភាពបង់ប្រាក់ អ្នកជម្ងឺក្រីក្រ អ្នកជម្ងឺអនាថា ក៏ត្រូវបានទទួលការពិនិត្យ និង ព្យាបាល ដោយក្រុមគ្រូពេទ្យរបស់យើង ដោយរាល់សោហុយ ចំណាយរបស់គាត់ ត្រូវបានបង់ប្រាក់ដោយថវិការរបស់រដ្ឋ។ហេតុនេះ ប្អូនត្រូវយល់អំពីដំណើរការរបស់មន្ទីរពេទ្យ ឲ្យបានច្បាស់។ កុំថាឡើយគ្រាន់តែការរងចាំនូវមន្ទីរ ពេទ្យមិត្តភាពខ្មែរ-សូវៀត សម្បីតែអ្នកជម្ងឺដែលមានលទ្ធភាព ទៅពិនិត្យព្យាបាលនៅបរទេស ដូចជាប្រទេសថៃ វៀតណាម សិង្ហបុរី ... ក៏ត្រូវចំណាយពេលរង់ចំាយូដូចគ្នា មិនថាឡើយ តំលៃព្យាបាលថ្លៃប៉ុណ្ណាក៏ដោយ។ប្អូនជានិស្សិតសាកលវិទ្យាល័យ រូបសម្បត្តិ មុខមាត់ ស្អាតបាត តែការប្រើពាក្យសំដីរបស់ប្អូនដែលប្រើលើទំព័រ Facebook មិនសមជានិស្សិត សាកលវិទ្យាល័យទេ។ ពាក្យថា “ ងាប់ ” គេមិនប្រើជាមួយមនុស្សទេ គេប្រើជាមួយនឹងសត្វ ហើយម្យ៉ាងទៀត ប្អូនក៏មិនទាន់ដឹងច្បាស់ អំពីដំណើររឿង យ៉ាងណាដែរ មិនអាចគ្រាន់តែលឺអ្នកជម្ងឺម្នាក់និយាយ ហើយយកមកផ្សព្វផ្សាយ។ តើប្អូនដឹងទេថា ក្នុងមួយថ្ងៃ មន្ទីរពេទ្យមិត្តភាពខ្មែរ-សូវៀត បានជួយ សង្គ្រោះ ពិនិត្យ ព្យាបាល វះកាត់អ្នកជម្ងឺប៉ុន្មាននាក់? ថ្ងៃក្រោយមុននឹងចុះផ្សព្វផ្សាយ លើទំព័រ Facebook សូមប្អូនពិចារណា និងក្តាប់សាច់រឿងឲ្យ បានច្បាស់ ជៀសវាងការយល់ច្រលំដល់ ប្រជាពលរដ្ឋដទៃទៀត។ ទោះជាយ៉ាងណា ក្នុងនាមជាអ្នកទទួលខុសត្រូវក្នុង ការផ្តល់សេវា ពិនិត្យ និងព្យាបាល ដល់ប្រជាពលរដ្ឋទូទៅ យើងនឹងព្យាយាមពង្រឹងសេវារបស់មន្ទីរពេទ្យឲ្យមានលក្ខណៈប្រសើរឡើង។ប្រភពពីហ្វេសប៊ុក មន្ទីរពេទ្យមិត្តភាពខ្មែរ-សូវៀតរៀបចំដោយ ធូដេខេអេជ

ហ្គេមសាមញ្ញៗទាំង 13 ដែលអ្នកអាចលេងនៅលើកុំព្យូរទ័រអ្នកបានឥឡូវនេះ

ថ្ងៃទី ២០ ខែ កុម្ភះ ឆ្នាំ ២០១៦ ម៉ោង ០៣:២៨

គេហទំព័រមួយឈ្មោះ Archive.Org ត្រូវបានគេស្គាល់ថាជាគេទំព័រមួយដែលប្រមូលផ្តុំនូវហ្គេមចាស់ៗជំនាន់មុនកុំឲ្យបាត់បង់ហើយក៏បានរក្សានិងប្រមូលផ្តុំនូវភាពយន្តនិងចម្រៀងជាច្រើនបទដែលអ្នកទាំងអស់គ្នាអាចទស្សនា កម្សាន្តស្តាប់ លេងបាននៅលើកុំព្យូទ័ររបស់អ្នកឥឡូវនេះ។ប៉ុន្តែថ្ងៃនេះយើងនឹងបង្ហាញពីហ្គេមសាមញ្ញៗដែលល្បីក្នុងជំនាន់ឆ្នាំ 90' ដែលអ្នកអាចលេងបានឥឡូវនេះដោយគ្រាន់តែចូលទៅកាន់តំណរនោះរួចអ្នកនឹងឃើញប៉ូតុងមួយលោតចេញមក ចុចប៉ូតុងនោះហើយរងចាំវាធ្វើការដំឡើងជាការស្រេច។1. The Oregon Trail ចុចទីនេះដើម្បីលេង 2. Prince Of Persia ចុចទីនេះដើម្បីលេង 3. Sim City ចុចទីនេះដើម្បីលេង 4. Super Street Fighter II ចុចទីនេះដើម្បីលេង5. Ms. Pac Man ចុចទីនេះដើម្បីលេង6. Tetris ចុចទីនេះដើម្បីលេង 7. Maniac Mansion ចុចទីនេះដើម្បីលេង 8. Donkey Kong ចុចទីនេះដើម្បីលេង 9. Teenage Mutant Ninja Turtles ចុចទីនេះដើម្បីលេង 10. Bubble Bobble ចុចទីនេះដើម្បីលេង 11. Gauntlet ចុចទីនេះដើម្បីលេង 12. Mega Man ចុចទីនេះដើម្បីលេង 13. Ultimate VI: The False Prophet ចុចទីនេះដើម្បីលេង ប្រភព: Business Insiderអត្ថបទដោយ: William

អ្នកនឹងអាចប្រើប្រាស់បានច្រើនគណនីក្នុងកម្មវិធី Facebook Messenger តែមួយលើ Android ចាប់ពីថ្ងៃនេះ

ថ្ងៃទី ២០ ខែ កុម្ភះ ឆ្នាំ ២០១៦ ម៉ោង ០២:២៤

អស់រយៈពេលមួយរយៈក្រោយក្រុមហ៊ុន Facebook បានធ្វើការសាកល្បងដាក់និងសាកល្បងនូវមុខងារថ្មីដែលនឹងអនុញ្ញាតឲ្យអ្នកប្រើប្រាស់និងដាក់បានច្រើនគណនីរួចមក ឥឡូវគឺមានវត្តមានមុខងារនេះនៅក្នុងកម្មវិធី Facebook Messenger របស់ប្រព័ន្ធប្រតិបត្តិការ Android ហើយចាប់ពីថ្ងៃនេះទោ។មុខងារនេះពិតជាសម្រួលការលំបាកដល់យើងមែន បើសិនជាយើងមានគណនី Facebook ច្រើនហើយតែងតែធ្វើការទំនាក់ទំនងប្រាស្រ័យគ្នាតាមកម្មវិធីនេះទៀតវាជាមុខងារមួយដ៏ល្អដល់អ្នកហើយ អ្នកអាចធ្វើការបន្ថែមគណនីនិងផ្លាស់ប្តូរពីគណនីមួយទៅមួយទៀតបានយ៉ាងស្រួលក្នុងកម្មវិធីនេះតែមួយ។ម្យ៉ាងទៀតបើសិនជាអ្នកខ្លាចមាននរណាម្នាក់ឬក្រុមគ្រួសារលួចមើលសាររបស់អី វាក៏មានមុខងារការពារពិសេសដែរដែលវានឹងតម្រូវឲ្យអ្នកវាយបញ្ចូលលេខសម្ងាត់គណនីរបស់អ្នកនៅពេលអ្នកធ្វើការផ្លាស់ប្តូរគណនីមួយទៅគណនីមួយទៀតជាលើកដំបូង។ហើយនៅទីនោះអ្នកក៏អាចកែតម្រូវឲ្យវាសួរឬតម្រូវឲ្យវាយបញ្ចូលលេខសម្ងាត់រហូតរាល់ពេលផ្លាស់ប្តូរគណនីក៏បានដែរ។តើអ្នកយល់យ៉ាងណាដែរចំពោះមុខងារថ្មីរបស់កម្មវិធី Facebook Messenger នៅលើប្រព័ន្ធប្រតិបត្តិការ Android នេះ?បើអ្នកស្តាប់ហើយយល់ថាវាមានភាពងាយស្រួលចំពោះអ្នកខ្លាំងណាស់អ្នកអាចធ្វើការចូលទៅ Play Store ហើយធ្វើការអាប់ដេតឥឡូវនេះឬ ចុចទីនេះដើម្បីអាប់ដេតភ្លាមៗប្រភព: Engadgetប្រែសម្រួលដោយ: William

អាមេរិចវាយប្រហារពីលើអាកាសសំលាប់ពួក ISIS 30នាក់នៅលីប៊ីរួមមានជនសង្ស័យវាយប្រហាប្រទេសទុយនីសីុ

ថ្ងៃទី ១៩ ខែ កុម្ភះ ឆ្នាំ ២០១៦ ម៉ោង ១៥:០៣

យន្តហោះចម្បាំងអាមេរិកបានធ្វើប្រត្តិបត្តិការវាយប្រហារទៅលើពួកសកម្មប្រយុទ្ធរដ្ឋអ៊ីស្លាមដែលគេហៅថា (ISIS) នៅក្នុងប្រទេសលីប៊ីបានសម្លាប់មនុស្សយ៉ាងហោចណាស់ 30 នាក់។ អភិបាលក្រុង Sabratha បាននិយាយថាអគារនៅក្នុងទីក្រុងមួយភាគខាងលិចនៃរដ្ឋធានីទ្រីប៉ូលីបានត្រូវបានរងគ្រោះ។ ការវាយប្រហារទៅលើជំរំហ្វឹកហាត់មួយរបស់ពួក ISIS និងបានសម្លាប់មេដឹកនាំជ្រុលនិយមទុយនេស៊ីមួយនេះបើយោងតាមមន្ត្រីអាមេរិកជាន់ខ្ពស់បាននិយាយ។Noureddine Chouchane បានជាប់ពាក់ព័ន្ធទៅនឹងការវាយប្រហារពីរនៅទុយនេស៊ីកាលពីឆ្នាំមុនក្នុងនោះមានទាំងការវាយប្រហារដែលបានសម្លាប់មនុស្ស 30 នាក់ជាជនជាតិអង់គ្លេសមួយ។ ក្រុម ISIS បានប្រតិបត្តិការនៅក្នុងប្រទេសលីប៊ីប្រហែលមួយឆ្នាំហើយ រីឯអាមេរិកបានប៉ាន់ប្រមាណថាមានរហូតដល់យុទ្ធជនប្រយុទ្ធរបស់ពួកនោះគឺចំនួន 6.000 នាក់នៅទីនោះ។ លីប៊ីនៅតែស្ថិតក្នុងភាពវឹកវរជាងបួនឆ្នាំបន្ទាប់ពីការផ្តួលរលំអតីតមេដឹកនាំលោក Muammar Gaddafi ដែលបាននឹងកំពុងវាយប្រយុទ្ធគ្នាដោយក្រុមជាច្រើនរួមជាមួយនិងក្រុម ISIS ផងដែរ ។ ប្រភពពី BBCប្រែសំរួលដោយ សិទ្ធា

លេចចេញលក្ខណៈសម្បត្តិនិងរូបភាពទូរស័ព្ទ Elite X3 របស់ក្រុមហ៊ុន HP

ថ្ងៃទី ១៩ ខែ កុម្ភះ ឆ្នាំ ២០១៦ ម៉ោង ១០:០១

កាលពីប៉ុន្មានថ្ងៃមុនយើងបានឮពីពាក្យមួយចំនួនដែលថាក្រុមហ៊ុន HP កំពុងដំណើរធ្វើការលើទូរស័ព្ទថ្មីរបស់ខ្លួនដែលនឹងដំណើរដោយប្រព័ន្ធប្រតិបត្តិការ Window 10 ដែលគេហៅថា Elite X3។យ៉ាងណាក្រុមហ៊ុន HP គ្រោងនឹងដាក់បង្ហាញវានៅព្រឹត្តិការណ៍ MWC 2016 នៅសប្តាហ៍ក្រោយនេះឯង ប៉ុន្តែមុនពេលព្រឹត្តិការណ៍នោះចាប់ផ្តើមអ្នកអាចមើលពីលក្ខណៈសម្បត្តិខ្លះៗនិងកម្រងរូបភាពដែលបានលេចចេញមុននៅទីនេះ។យើងសង្ឃឹមថា Elite X3 អ្នកអាចជាគូរប្រជែងដ៏ធំជាមួយ Lumia 950 XL របស់ក្រុមហ៊ុន Microsoft ដែលជាគូរប្រើប្រាស់ប្រព័ន្ធ Window 10 ដូចគ្នា។Elite X3 នេះអាចនឹងបំពាក់ដោយអេក្រង់ទំហំ 5.96 អ៊ីញដែលអាចបង្ហាញរូបភាពបានច្បាស់ល្អ QHD ក្នុងកម្រិត 2560 x 1440 ភិចសែល វាម៉ាស៊ីនវាដំណើរការដោយឈីប Snapdragon 820 របស់ក្រុមហ៊ុន Qualcommm អមជាមួយនឹងរ៉េមទំហំ 4GB។ចំណែកកាមេរ៉ារបស់វាវិញមានទំហំ 16 មេហ្គាភិចសែលសម្រាប់កាមេរ៉ាក្រោយនឹងកាមេរ៉ាមុខទំហំ 8 មេហ្គាភិចសែល។អង្គផ្ទុកទិន្នន័យរបស់វាមានទំហំ 32 GB និងមានផ្នែកផ្សេងៗជាច្រើនទៀតដូចជារន្ធដោត USB ប្រភេទ C ដែលអាចដំណើរកាបានជាមួយ USB 3.0 ឆ្នាំងសាកឥតខ្សែ ទ្រនាប់ស្កេនក្រយៅដៃ (ដែលអាចបង្កប់នៅក្រោមអេក្រង់ត្រង់កន្លែងប៉ូតុង Home) Iris សេនស័រ ឧបករណ៍ភ្ជាប់បណ្តាញពិសេស សញ្ញាបត្រ IP67 ដែលបានទទួលស្គាលនូវការការពារការជ្រាបទឹកនិងធូលី និងការទទួលស្គាល MIL-STD-810G ដែលធន់នឹងការធ្លាក់កម្ពស់ 1 ម៉ែត្រឬតិចជាងនេះ។ទូរស័ព្ទនេះមានកម្រាស់ត្រឹម 7.8 មីលីម៉ែត្រហើយប្រហែលជាអាចនឹងមានមុខងារ Continuum របស់ Microsoft ផងដែរ។ប្រភព: GSMarenaអត្ថបទដោយ: William

ចាំកាលទៀត!!ហ្គេមអនឡាញជាច្រើននៅលើ PS4 នឹងអាចលេងដោយឥតគិតថ្លៃចាប់ពីថ្ងៃនេះ

ថ្ងៃទី ១៩ ខែ កុម្ភះ ឆ្នាំ ២០១៦ ម៉ោង ០៥:០៥

បើសិនជាអ្នកមាន PlayStation 4 ហើយមិនបានភ្ជាក់នូវសេវាកម្ម PlayStation Plus ឥឡូវវាជាឱកាសល្អសម្រាប់អ្នកទាំងអស់គ្នាហើយពីព្រោះថាហ្គេមទាំងនេះតម្រូវឲ្យអ្នកបង់លុយភ្ជាប់សេវាកម្ម PlayStation Plus ដើម្បីលេងហ្គេមអនឡាញពេញនិយមទាំងនេះ។នៅចុងសប្តាហ៍នេះអ្នកទាំងអស់គ្នានឹងអាចលេងវាដោយឥតគិតថ្លៃហើយវាជាព្រឹត្តិការណ៍ «Free Multiple Player Weekend» របស់ក្រុមហ៊ុន SONY និយាយរួមទៅអ្នកដែលប្រើប្រាស់ PS4 គឺអាចលេងអនឡាញទាំងអស់នេះដោយគ្មានការបង់ថ្លៃអ្វីឡើយហើយការលេងដោយឥតគិតថ្លៃនេះចាប់ផ្តើមគឺចំពេលដែលហ្គេម Street Fighter 5 ចេញល្មមចឹងច្បាស់សប្បាយដៃយើង។អ្នកដែលប្រើប្រាស់ PlayStation 4 នឹងទទួលបាននូវ ហ្គេមឥតគិតថ្លៃទាំងនេះចាប់ផ្តើមពីថ្ងៃសុក្រនេះតទៅ នេះបើសិនជាអ្នកមិនបានភ្ជាប់សេវាកម្ម PlayStation Plus។ពោលវានឹងចាប់ផ្តើមជាផ្លូវការនៅនេះដែលជាថ្ងៃសុក្រទី 19 ខែកុម្ភៈម៉ោង 12:01 AM (ម៉ោងនៅប៉ាស៊ីហ្វីក) ដែលត្រូវនឹងម៉ោង 3 រសៀលថ្ងៃនេះក្នុងប្រទេសកម្ពុជាយើងហើយនឹងត្រូវចប់នៅថ្ងៃអាទិត្យទី 21 សប្តាហ៍នៅម៉ោង 11:59 PM (ម៉ោងនៅប៉ាស៊ីហ្វីក) ដែលត្រូវនឹងម៉ោង 2:59 រសៀលនៅថ្ងៃចន្ទទី 22 សប្តាហ៍ក្រោយ។អ្នកប្រើប្រាស់ក៏ដូចជាមាន PS4 ច្បាស់ជាសប្បាយដៃជាមិនខានព្រោះហ្គេមខាងលើសុទ្ធតែជាហ្គេមមានប្រជាប្រិយភាពខ្លាំងដូចជា Call Of Duty: Black Ops III - Awaken ដែលជាហ្គេមទើបនឹងចេញនូវវគ្គ Awaken នេះថ្មីច្រើនក៏ដូចជាមានហ្គេមជាច្រើនទៀតដូចជា Street Fighter 5 ដែលទើបចេញកាលប៉ុន្មានថ្ងៃមុនសោះ ហ្គេមសប្បាយៗជាច្រើនទៀត។គួរបញ្ជាក់ដែរថា SONY តែងបង្កើតព្រឹត្តិការណ៍ Free Multiple Player នេះឡើងដើម្បីអបអរការចេញនូវហ្គេមថ្មីដូចជាកាលពីខែធ្នូឆ្នាំ 2015 គឺពេលចេញ DLC Star Wars Battlefront Battle Of Jakku ហើយពេលនេះគឺដើម្បីអបអរហ្គេមដែលល្បីល្បាញតាំងពីឆ្នាំ 90' គឺហ្គេមប្រភេទវាយគ្នា Street Fighter 5។ហើយ SONY បានបង្កើតព្រឹត្តិការណ៍ទាំងនេះឡើងក្នុងគោលបំណងទាក់ទាញឲ្យអ្នកមនុស្សជាច្រើនប្រើ PS4 ក៏ដូចជាទាក់ទាញឲ្យអ្នកប្រើប្រាស់ PS4 ភ្ជាប់នូវកញ្ចប់សេវាកម្មលេងហ្គេម PlayStation Plus របស់ខ្លួន។ប្រភព: PC, Geeky Gadgetអត្ថបទដោយ: William

កូនផ្សោតមួយក្បាលបានស្លាប់ដោយសារតែភ្ញៀវទេសចរណ៍ថតរូប Selfie យូរពេក

ថ្ងៃទី ១៨ ខែ កុម្ភះ ឆ្នាំ ២០១៦ ម៉ោង ១៥:៥៩

សប្តាហ៍មុនផ្សោត Franciscana វ័យក្មេងត្រូវបានសម្លាប់នៅលើឆ្នេរខ្សាច់នៅក្នុងប្រទេសអាហ្សង់ទីនដោយសារហ្វូងភ្ញៀវទេសចរណ៍មួយក្រុមបានកាន់វាដែលធ្វើអោយវាខ្វះជាតិទឹកបណ្តាលអោយស្លាប់នេះបានយោងតាមការរាយ៍ការពីសារពត៌មាន dodo ។ ក្នុងសេចក្តីរាយការណ៍បានបន្តទៀតថាសត្វផ្សោត១ដែលស្លាប់នេះត្រូវបានយកចេញពីទឹកជាមួយផ្សោតផ្សេងទៀត ហើយវាត្រូវបានដាក់បង្ហាញនិងអោយភ្ញៀវទេសចរណ៍ចូលថតរូបជាមួយវាដើម្បីបង្ហោះចូលក្នុងហ្វេសប៊ុក ដោយសារតែមានភ្ញៀវច្រើនពេកនិងកាន់វាចេញពីទឹកយូរពេកទើបបណ្តាលអោយស្លាប់បែបនេះ រីឯផ្សោតមួយផ្សេងទៀតមិនទាន់ដឹងថាវាស្លាប់រឺក៏រស់នៅឡើយទេ។ សត្វផ្សោត Franciscana បានរកឃើញតែនៅក្នុងទឹកនៃភាគអាគ្នេយ៍ទ្វីបអាមេរិកខាងត្បូង ត្រូវបានចាត់ថ្នាក់ជាប្រភេទសត្វដែលងាយរងគ្រោះដោយសហភាពអន្តរជាតិដើម្បីការអភិរក្ស ធម្មជាតិ (IUCN) ។ មូលនិធិសត្វព្រៃអាហ្សង់ទីនឥឡូវនេះបានចេញសារជាការរំលឹកសាធារណជនអំពីសត្វផ្សោតងាយរងគ្រោះ ដែលមានតែ 30.000 ក្បាល់ប៉ុណ្ណោះនៅទូទាំងពិភពលោក។ ប្រភពពី បរទេសអត្ថបទដោយ ធូដេខេអេជ

ក្មេងប្រុសម្នាក់ត្រូវពួក ISIS កាត់ក្បាលគ្រាន់តែស្តាប់ចំរៀងប្រទេសលោកខាងលិច

ថ្ងៃទី ១៨ ខែ កុម្ភះ ឆ្នាំ ២០១៦ ម៉ោង ១៥:៣៧

ក្មេងប្រុសជំទង់អាយុ១៥ឆ្នាំម្នាក់ឈ្មោះ Ayham Hussein ត្រូវបានតុលាការកង់ហ្គូរូរបស់ក្រុមរដ្ឋអីុស្លាម ISIS នៅមុខហ្វូងមហាជនដោយចោទពីបទស្តាប់ចំរៀងប៉ុបរបស់ប្រទេសលោកខាងលិចនៅក្នុងម៉ាស៊ីនចាក់ឌីសមួយ ដែលហេតុការណ៍នេះបានកើតឡើងនៅរដ្ឋធានី Mosul របស់ប្រទេសអីុរ៉ាក់។ អ្នកនាំពាក្យមជ្ឈមណ្ឌលប្រព័ន្ធផ្សព្វផ្សាយនីនីវេបានប្រាប់សារពត៌មាន ARA News ថាក្មេងឈ្មោះ Hussein ត្រូវបានចាប់ខ្លួនដោយពួកជីហាតរដ្ឋអីុស្លាមខណៈពេលដែលក្មេងនោះបានស្តាប់តន្ត្រីនៅហាងលក់គ្រឿងទេសរបស់ឪពុករបស់លោកនៅក្នុងទីផ្សារ Nabi Younis នៅភាគខាងលិចទីក្រុង Mosul ។ ហើយចំពោះរាងកាយរបស់គេត្រូវបានប្រគល់ទៅអោយក្រុមគ្រួសារវិញ។ ប្រភពពី Dailymailប្រែសំរួលដោយ សិទ្ធា

WOW!! ទូរស័ព្ទមួយនេះមានតម្លៃទាបជាងគេបំផុតក្នុងពិភពលោកគឺថ្លៃ 4$ ប៉ុណ្ណោះ

ថ្ងៃទី ១៨ ខែ កុម្ភះ ឆ្នាំ ២០១៦ ម៉ោង ១០:១១

ថ្មីៗនេះក្រុមហ៊ុនផលិតទូរស័ព្ទមួយរបស់ប្រទេសឥណ្ឌាគឺ Ringing Bells បានចេញលក់ទូរស័ព្ទម៉ូដែល Freedom 251 របស់ខ្លួនក្នុងតម្លៃ 251 INR ដែលគិតទៅមានតម្លៃទាបមែនតែនគឺត្រឹម 4 ដុល្លារ សឹងមិនដល់បួនដុល្លារផង។ចំពោះលក្ខណៈសម្បតិ្តរបស់ Freedom 251 នេះវិញគឺមានរាងកោងស្រដៀងទៅនឹងទូរស័ព្ទ iPhone 6s ជាមួយនឹង Home ប៉ូតុងដែលមានកងព័ទ្ធជុំវិញដូចនឹងទ្រនាប់ស្កេនមេដៃ។ជាមួយនឹងតម្លៃដែលថោកជាងគេបំផុតក្នុងទីផ្សារស្មាតហ្វូននេះអ្នកនឹងទទួលបាននូវ កញ្ចក់អេក្រង់ទំហំ 4 អ៊ីញ ដែលអាចបង្ហាញរូបភាព qHD ក្នុងកម្រិត 540 x 960 ភិចសែល ចំណែកវាដំណើរដោយប្រព័ន្ធដំណើរកា quad core ក្នុងល្បឿន SoC clocked 1.3 Ghz អមជាមួយនឹងរ៉េមទំហំ 1GB ផងដែរ វាក៏មានអង្គផ្ទុកទិន្នន័យទំហំ 8GB ដែលអាចបន្ថែម micro SD card ដល់ 32 GB ផងដែរ។ចំពោះកាមេរ៉ាវិញវាមានកាមេរ៉ាក្រោយទំហំ 3.2 មេហ្គាភិចសែលនិងកាមេរ៉ាមុខ 0.3 មេហ្គាភិចសែលមានថ្មទំហំ 1450 mAh ប្រព័ន្ធបញ្តាញផ្សេងៗវិញគឺមាន 3G, WiFi, Bluetooth រួចទាំង GPS ផងដែរ។ទូរស័ព្ទនេះគឺអាចបើកសន្ទះក្រោយទូរស័ព្ទបានដើម្បីដោះដូរថ្ម ដាក់បានសីមកាត 2 និង micro SD card ផងដែរ។Free 251 នេះដំណើរការដោយប្រព័ន្ធប្រតិបត្តិការ Android 5.1 Lollipop ប៉ុន្តែកម្មវិធីមួយចំនួនធំគឺយករូបភាពតាមប្រតិបត្តិការ iOS ដូចជា: Safari, Calculator, Clock, Music ក៏ដូចជា Gallery, Email និងច្រើនទៀតដូចដែលបានឃើញក្នុងទូរស័ព្ទ។ចំណែកផ្នែកផ្សេងៗទៀតដូចជា ប៉ូតុងសម្លេងនិងរន្ធដោតកាសក៏ស្រៀងទៅនឹងទូរស័ព្ទ iPhone ដែរ។ចំពោះទូរស័ព្ទនេះគឺមានលក់តែនៅក្នុងប្រទេសឥណ្ឌាប៉ុណ្ណោះដូចដែលបានអធិប្បាយចឹងវាមានតម្លៃត្រឹម 4 ដុល្លារប៉ុណ្ណោះព្រោះក្រុហ៊ុន Ringing Bells នេះត្រូវបានសហការដោយរាជរដ្ឋាភិបាលនិងលោកនាយករដ្ឋមន្ត្រីប្រទេសឥណ្ឌាដូច្នេះហើយទើបវាមានតម្លៃទាបយ៉ាងនេះ។ប្រភព: GSMarena, Gadget Ndtvអត្ថបទដោយ: William