trollkhmer news

សង្គមនិងជីវិត

យន្តហោះមួយគ្រឿងទៀតដឹកមនុស្ស ៩នាក់បានបាត់ការទាក់ទង ក្នុងប្រតិបត្តិការជួយសង្រ្គោះចម្បាំងដែលបាត់ខ្លួន ក្នុងប្រទេសវៀតណាម

ថ្ងៃទី ១៧ ខែ មិថុនា ឆ្នាំ ២០១៦ ម៉ោង ០១:៤៦

ទីភ្នាក់ងារសារព័ត៌មានចិនស៊ីនហួបានឱ្យដឹងនៅយប់ថ្ងៃព្រហស្បតិ៍ថា យន្តហោះ CASA មួយគ្រឿងដឹកមនុស្ស ៩នាក់បានបាត់ការទាក់ទងនៅរសៀលថ្ងៃព្រហស្បតិ៍ ក្នុងពេលដែលកំពុងបំពេញបេសកកម្មជួយសង្គ្រោះក្នុងដែនទឹកភាគខាងជើងទីក្រុង Hai Phong ក្នុងប្រទេសវៀតណាម។មន្ត្រីគណៈកម្មាធិការជាតិស្វែងរកនិងជួយសង្គ្រោះបានឱ្យដឹងថា យន្តហោះនេះកំពុងបំពេញបេសកកម្មស្វែងរកយន្តហោះចម្បាំង SU-30 ដែលបានបាត់ការទាក់ទងកាលពីព្រឹកថ្ងៃអង្គារ។ និងថា យន្តហោះ CASA បានបាត់ការទាក់ទង ខណៈពេលកំពុងហោះហើរលើតំបន់ទឹក Bach Long Vi ក្នុងទីក្រុង Hai Phong (ប្រមាណ ៩០គីឡូម៉ែត្រភាគខាងកើតរដ្ឋធានីហាណូយ)។គួរបញ្ជាក់ថា កាលពីព្រឹកថ្ងៃអង្គារ យន្តហោះចម្បាំងផលិតនៅរុស្ស៊ីមួយគ្រឿងម៉ាក SU-30 របស់កងកម្លាំងទ័ពអាកាសវៀតណាមបានបាត់ចេញពីរ៉ាដា ជាមួយនឹងពីឡុតពីរនាក់នៅលើយន្តហោះខណៈពេលកំពុងអនុវត្តការហ្វឹកហាត់លើសមុទ្រ នៅភាគកណ្តាលខេត្ត Nghe An ប្រមាណ ២៦០ ភាគខាងត្បូងរដ្ឋធានីហាណូយ។ក្រសួងការពារជាតិតាមរយៈវេបសាយរបស់ខ្លួនបានឱ្យដឹងថា នៅថ្ងៃព្រហស្បតិ៍តំបន់ស្វែងរកយន្តហោះSU-30 និងពីឡុតដែលបាត់ខ្លួនត្រូវបានពង្រីក។ ឧបករណ៍តាមដានប្រអប់ខ្មៅយន្តហោះក៏ត្រូវបានដាក់ពង្រាយផងដែរ។មនុស្ស ១៥៦៤ នាក់មកពីក្រុមទាហានជើងទឹក ឆ្មាំសមុទ្រ ឆ្មាំព្រំដែន កងកម្លាំងទ័ពអាកាស យោធាតំបន់៤ និងអ្នកនេសាទ រួមជាមួយនាវា ១០២គ្រឿង និងយន្តហោះ៥គ្រឿងបានចូលរួម ក្នុងប្រតិបត្តិការស្វែងរក និងជួយសង្គ្រោះ ដែលបានឈានចូលដល់ថ្ងៃទីបី។ វៀតណាមបានទិញយន្តហោះចម្បាំងផលិតនៅរុស្ស៊ី SU-30 ចំនួន ៣២គ្រឿង។ ករណីនេះជាលើកទីមួយដែលឧប្បត្តិហេតុទាក់ទងនឹងយន្តហោះចម្បាំង SU-30 ក្នុងប្រទេសវៀតណាមត្រូវ បានផ្សព្វផ្សាយជាសាធារណៈ៕

តោះកម្សាន្តអារម្មណ៍ម្តងទៀតហើយជាមួយនឹងហ្គេមបាល់ទាត់ដែលមានលាក់ក្នុងកម្មវិធី Messenger អ្នក

ថ្ងៃទី ១៦ ខែ មិថុនា ឆ្នាំ ២០១៦ ម៉ោង ០៩:១០

ប៉ុន្មានខែមុននេះអ្នកអភិវឌ្ឍន៍កម្មវិធីក្នុងក្រុមហ៊ុន Facebook បានបង្កើតហ្គេមសមញ្ញៗនិងងាយស្រួលលេងនៅលើកម្មវិធីសម្រាប់ទាក់ទងគ្នាគឺកម្មវិធី Messenger។ដោយកាលពីថ្មីៗកន្លងផុតទៅនេះយើងបានឃើញនូវហ្គេមអុក (Chess) ក៏ដូចជាហ្គេមបោះបាល់ Basket Ball បានបង្កើតឲ្យលេងយ៉ាងស្ងាត់ៗ ឥឡូវនេះយើងក៏អាចកម្សាន្តអារម្មណ៍សារជាថ្មីម្តងទៀតជាមួយនឹងចំណីអារម្មណ៍ប្លែកគឺហ្គេមទាត់បាល់ឲ្យឡងនឹងជញ្ជាំង។អ្នកដែលជាអ្នកគាំទ្រនិងចូលចិត្តកម្មវិធី Facebook និងជាពិសេសអ្នកដែលស្នេហាកីឡាបាល់ទៀត  ច្បាស់ជាចូលចិត្ត ដោយឡែកហ្គេមដែលមាននៅក្នុងកម្មវិធីនេះអ្នកអាចលេងបានទាំងនៅទូរស័ព្ទដែលប្រើប្រាស់ប្រព័ន្ធប្រតិបត្តិការណ៍ iOS និង Android។ឥឡូវនេះយើងនឹងបង្ហាញពីរបៀបលេងវាទាំងនៅលើ Android និង iOS ដោយគ្រាន់តែអនុវត្តន៍វិធីខ្លីៗខាងក្រោមនេះអ្នកនឹងអាចលេងបានហើយ:ដំណាក់កាលទី1: ត្រូវបើកកម្មវិធី Messenger នៅលើទូរស័ព្ទរបស់អ្នកដំណាក់កាលទី2: ផ្លាស់ប្តូរក្តារចុចរបស់អ្នកទៅជាក្តារចុច Emoji រួចរក Emoji រូបបាល់ទាត់ពណ៌ខ្មៅស ឬអាចប្រើប្រស់ Emoji នៅក្នុងកម្មវិធី Messengerផ្ទាល់ក៏បានដែរហើយចុចលើវារួចធ្វើការផ្ងើរទៅកាន់មិត្តណាម្នាក់ក៏បានដំណាក់កាលទី3: ពេលនោះអ្នកនឹងឃើញដូចរូបខាងក្រោមនេះ តែអ្នកវាតម្រូវឲ្យអ្នកចុចបាល់នោះរហូត ប៉ុន្តែវាមានរាងពិបាកបន្តិចដោយសារបាល់នោះក្រឡាច់ពីខាងឆ្វេងទៅខាងស្តាំទៅវិញទៅមក។យើងដឹងថាហ្គេមនេះមិនមែនជាហ្គេមដ៏ធំនិងល្អលេងដូចហ្គេមដទៃទេ ប៉ុន្តែវាជាហ្គេមមួយដែលជួយសម្រួលការស្មុកស្មាញពីការធ្វើការងារនិងការសិក្សារបស់អ្នកបាន។ពេលអ្នកលេងចាញ់វាក៏មានតារាង High Score ពិន្ទុរបស់យើងដែលបានខ្ពស់បំផុតបន្ទាប់ពីលេងចាញ់កាលពីលើកមុនផងដែរ។

ចិនបើកនាវាសើុបការណ៍ដេញតាម នាវាដឹកយន្តហោះចម្បាំងអាមេរិក នៅមហាសមុទ្រប៉ាស៊ីហ្វិក

ថ្ងៃទី ១៦ ខែ មិថុនា ឆ្នាំ ២០១៦ ម៉ោង ០៦:៥៨

នាវាស៊ើបការណ៍របស់ចិនបើក ដេញតាមនាវាដឹកយន្តហោះ John C. Stennis របស់សហរដ្ឋអាមេរិកនៅភាគខាងលិចមហាសមុទ្រប៉ាស៊ីហ្វិក ប៉ុន្តែមិនបានធ្វើអ្វីឲ្យហួសពីសកម្មភាពបើកដេញតាមនេះឡើយ។ការបើកដេញតាមរបស់នាវាស៊ើបការណ៍របស់ប្រទេសចិននេះ ធ្វើឡើងខណៈសហរដ្ឋអាមេរិកកំពុងបង្ហាញឥទ្ធិពលរបស់ខ្លួនតាមរយៈការធ្វើសមយុទ្ធជាមួយនាវាចម្បាំងរបស់ប្រទេសជប៉ុននិងឥណ្ឌា ក្បែរដែនទឹកដែលចិនចាត់ទុកថាជារបស់ខ្លួន។រីឯការបង្ហាញឥទ្ធិពលកងទ័ពជើងទឹករបស់សហរដ្ឋអាមេរិកវិញ ធ្វើឡើងខណៈប្រទេសជប៉ុននិងសហរដ្ឋអាមេរិកកំពុងព្រួយបារម្ភថា ចិនកំពុងតែពង្រីកឥទ្ធិពលរបស់ខ្លួនចូលតំបន់ភាគខាងលិចមហាសមុទ្រប៉ាស៊ីហ្វិក តាមរយៈការដាក់ពង្រាយនាវាមុជទឹកនិងនាវាចម្បាំង។ប្រទេសចិនបានសំដែងការខឹងសម្បាយ៉ាងខ្លាំង ចំពោះអ្វីដែលខ្លួនមើលឃើញថា ជាការល្បាតបង្កជម្លោះរបស់កងទ័ពជើងទឹកសហរដ្ឋអាមេរិក ក្បែរកោះរបស់ខ្លួន ប៉ុន្តែសហរដ្ឋអាមេរិកបានលើកឡើងថា ការល្បាតនេះគឺគ្រាន់តែដើម្បីការពារសេរីភាពនៃការធ្វើដំណើរតាមផ្ទៃសមុត្រប៉ុណ្ណោះ។លោក Gregory C. Huffman ដែលជាមេបញ្ជាការគ្រប់គ្រងនាវាដឹកយន្តហោះ John C. Stennis បានមានប្រសាសន៍ថា លោកមិនច្បាស់ទេ ថា តើនាវាស៊ើបការរបស់ចិននៅត្រង់ចំណុចណា ប៉ុន្តែវាប្រហែលជាមានចម្ងាយចន្លោះពី៤ទៅ៨គីឡូម៉ែត្រពីនាវារបស់លោក ហើយថានាវារបស់ចិនបានដេញតាមនាវារបស់លោកតាំងពីសមុទ្រចិនខាងត្បូងមកម៉្លេះ។ មេបញ្ជារូបនេះបានបន្ថែមថា ទោះជាយ៉ាងណាក៏ដោយ នាវាស៊ើបការណ៍របស់ចិនមិនបានជ្រៀតជ្រែកចូលក្នុងការសមយុទ្ធឡើយ។

ការដាក់តាំង​លំអរដើមឈើតូចៗនៅ​កន្លែងធ្វើការ​ជួយ​ឱ្យ​យើងមាន​អារម្មណ៍​ស្រស់ថ្លា

ថ្ងៃទី ១៦ ខែ មិថុនា ឆ្នាំ ២០១៦ ម៉ោង ០៣:០០

ការ​សិក្សា​ថ្មី​មួយ​បាន​រក​ឃើញ​ថា ការ​ដាក់​តាំង​រុក្ខជាតិ ឬ​ដើម​ផ្កា​ដែល​ដាំ​ក្នុង​ផើង​នៅ​ក្នុង​ការិយាល័យ​ធ្វើការ​ផ្តល់​ផល​ល្អ​ដល់​សុខភាព​របស់​អ្នក ។ ការ​ស្រាវជ្រាវ​បាន​រក​ឃើញ​ថា វត្តមាន​រុក្ខជាតិ​ដាំ​ក្នុង​ផើង​នៅ​តាម​ការិយាល័យ​ធ្វើការ​អាច​ជួយ​កាត់​បន្ថយ​ការ​អស់កម្លាំង ភាព​តានតឹង​ក្នុង​អារម្មណ៍ (Stress) ការ​ស្ងួត​.​ក  ឈឺក្បាល ក្អក ព្រមទាំង​ការពារ​ស្បែក​បុគ្គលិក​មិន​ឱ្យ​ស្ងួត​ទៀត​ផង ។នៅ​ក្នុង​ការ​ពិសោធ​លើ​បុគ្គលិក​ការិយាល័យ​៣៨៥​នាក់ បណ្តា​អ្នក​ស្រាវជ្រាវ​មក​ពី​សាកលវិទ្យាល័យ​វិទ្យាសាស្ត្រ​ជីវិត​ប្រទេស​ណ័​រវេ​ស​និង​សាកលវិទ្យាល័យ Uppsala University​ប្រទេស​ស៊ុ​យ​អែ​ត​បាន​ពិនិត្យ​អត្រា​ធូរស្បើយ​ពី​ជំងឺ​និង​ចំនួន​នៃ​រុក្ខជាតិ​ដែល​បុគ្គលិក​ម្នាក់​ៗ​បាន​មើលឃើញ​អំឡុង​ពេល​បំពេញការងារ​របស់​ពួក​គេ ។ ជា​លទ្ធផល​បាន​បង្ហាញ​ថា បុគ្គលិក​ដែល​ឃើញ​រុក្ខជាតិ​ទាំងនោះ​កាន់តែ​ច្រើន​ដង អត្រា​ប្រឈម​នឹង​ជំងឺ​របស់​ពួក​គេ​កាន់តែ​តិច​ទៅ​ៗ ។មូលហេតុ​ខាងលើ​នេះ តាម​ការ​ពន្យល់​មួយ​បាន​បញ្ជាក់​ថា គឺ​ដោយសារ​តែ​រុក្ខជាតិ​និង​អតិសុខុមប្រាណ​នៃ​ដី​ក្នុង​ផើង​អាច​ស្រូប​យក​បាន​យ៉ាង​ល្អ​នូវ​សារធាតុ​ហើរ​ក្នុង​ខ្យល់​ដែល​ជា​សមាសធាតុ​បង្ក​ការ​ប៉ះពាល់​ដល់​សុខភាព ។លោកស្រី​វេជ្ជបណ្ឌិត​ប្រ៊ី​ង​ស្ល៊ីម៉ាក​បាន​និយាយ​ថា ការ​ពន្យល់​តាម​បែប​ចិត្តសាស្ត្រ​មួយទៀត​គឺថា នៅ​ក្នុង​ជំនឿ​មនុស្ស​យើង រុក្ខជាតិ​គឺជា​អ្វី​ដែល​ធ្វើ​ឱ្យ​ពួក​គេ​មាន​សុខភាព ។

យន្តហោះដឹកអ្នកដំណើរបង្ខំចិត្តចុះចតបន្ទាន់នៅភាគខាងត្បូងប្រទេសឥណ្ឌាបន្ទាប់ពីមានភ្លើងឆេះ

ថ្ងៃទី ១៥ ខែ មិថុនា ឆ្នាំ ២០១៦ ម៉ោង ១៧:២៦

ទីភ្នាក់ងារសារព័ត៌មានចិនស៊ីនហួបានឱ្យដឹងថា យន្តហោះដឹកអ្នកដំណើរមួយគ្រឿង ដែលមានអ្នកដំណើរ ៦៩នាក់នៅលើយន្តហោះបានធ្វើការចុះចតបន្ទាន់ក្រោយពីមានភ្លើងឆេះបន្ទាប់ពីហោះចេញពីអាកាសយានដ្ឋាន Bengaluruនៅភាគខាងត្បូងប្រទេសឥណ្ឌានៅថ្ងៃពុធនេះ។ក្នុងរបាយការណ៍មួយ ក្រុមហ៊ុនអាកាសចរណ៍ឯកជន Jet Airways ដែលប្រតិបត្តិការហោះហើរក្នុងស្រុកបាននិយាយថា យន្តហោះរបស់ខ្លួនដែលចេញដំណើរពីទីក្រុង Bengaluru ឆ្ពោះទៅកាន់ទីក្រុង Mangalore ត្រូវត្រឡប់ទៅកាន់ព្រលានយន្តហោះវិញប៉ុន្មាននាទីបន្ទាប់ពីបានហោះឡើង ហើយមានភ្លើងឆេះនៅក្នុងកាប៊ីន។បើតាមក្រុមហ៊ុនអាកាសចរណ៍បានឱ្យដឹងថា ជើងហោះហើរ9W2839 ដែលមានអ្នកដំណើរ ៦៥នាក់ និងសមាជិកអាកាសយានិក៤នាក់នៅលើយន្តហោះ បានហោះចេញពីអាកាសយានដ្ឋានBengaluru នៅម៉ោង ១០៖០០ព្រឹក និងបានត្រឡប់មកវិញនៅម៉ោង ១០៖២០នាទី។ក្រុមហ៊ុនអាកាសចរណ៍បានឱ្យដឹងថា អ្នកដំណើរទាំងអស់ និងសមាជិកអាកាសយានិកមានសុវត្ថិភាព។ និងថា វិធានការណ៍ជម្លៀសអ្នកដំណើរ និងអាកាសយានិកត្រូវបានធ្វើឡើងភ្លាមៗ បន្ទាប់ពីចុះចត។គួរបញ្ជាក់ថា អាកាសយានដ្ឋាន Bengaluru ត្រូវបានបិទមួយរយៈមិនឱ្យមានការចុះចត និងហោះឡើង ដោយសារការចុះចតបន្ទាន់របស់ជើងហោះហើរក្រុមហ៊ុនអាកាសចរណ៍Jet Airways។ នេះបើតាមការបញ្ជាក់របស់មន្ត្រីអាកាសចរណ៍ឥណ្ឌា៕

អាសូរសត្វស្វាព្រៃជិត១០០ក្បាល ត្រូវបានស្លាប់ដោយសារ ភ្លៀង និងខ្យល់កន្ត្រាក់ដ៏អាក្រក់

ថ្ងៃទី ១៥ ខែ មិថុនា ឆ្នាំ ២០១៦ ម៉ោង ០៩:៣១

នៅក្នុងទឹកដីនៃខេត្តច័ន្ទបុរី ប្រទេសថៃ ភ្លៀងមួយមេយ៉ាងធំ អមដោយខ្យល់កន្ត្រាក់ផងនោះ បានសម្លាប់ និងបង្កឲ្យរងរបួសដល់អំបូរសត្វស្វាព្រៃ ទាំងពូជប្រមាណជិត១០០ក្បាល ដែលធ្វើឲ្យមានការព្រួយបារម្ភយ៉ាងខ្លាំងពីសំណាក់អាជ្ញាធរ និងក្រុមអភិរក្សសត្វព្រៃ។តាមប្រភពពី ព្រះសង្ឃក្នុងទីអារាមនៅក្នុងតំបន់នោះ បានឲ្យដឹងថា កាលពីវេលាម៉ោង១រំលងអធ្រាត្រ ឈានចូលថ្ងៃទី១៤ ខែមិថុនា ឆ្នាំ២០១៦គឺមានភ្លៀងមួយមេយ៉ាងធំ អមដោយខ្យល់កន្ត្រាក់បានបោកបក់មកជាមួយផង ដោយបានកួចបំបាក់នូវដើមឈើមួយដើមដែលធំ ហើយខ្ពស់ជាងគេនៅក្នុងទីអារាមនេះ។ សត្វស្វាព្រៃប្រមាណ ១០០ ទៅ ២០០ក្បាល ដែលតែងតែមកស្នាក់នៅលើដើមឈើដ៏ធំមួយដើមនេះ ដោយពួកវាបាននាំគ្នាទាំងតូច ទាំងធំ ដោយសារតែដើមឈើនេះបានផ្តល់នូវភាពសុខសាន្តដល់ពួកវា។បន្ទាប់ពីដើមឈើមួយដើមនេះបានដួលរលំដល់ដីរួចមក គឺមានប្រជាពលរដ្ឋអាជ្ញាធរព្រះសង្ឃ និងអង្គការអភិរក្សសត្វព្រៃ បានចុះមកត្រួតពិនិត្យដោយសង្កេតឃើញថា មានសត្វស្វាទាំងតូច ទាំងធំ ងាប់ប្រមាណជាង៥០ក្បាល និងមួយចំនួនធំទៀតបានរងរបួស៕

មណ្ឌលប្តូរ និងពន្យារបណ្ណបើកបរយានយន្ត នៅផ្សារទំនើបអីុអន ក្រុងភ្នំពេញ ត្រូវបានបើកសម្ពោធជាផ្លូវការណ៍ព្រឹកមិញនេះ

ថ្ងៃទី ១៥ ខែ មិថុនា ឆ្នាំ ២០១៦ ម៉ោង ០៧:១២

មណ្ឌលប្តូរ និងពន្យារបណ្ណបើកបរយានយន្ត ស្ថិតនៅជាន់ទី១ នៃផ្សារទំនើប AEON ត្រូវបានបើកដាក់ឲ្យដំណើរការជាផ្លូវការ ហើយនៅវេលាម៉ោង១០៖០០នាទីព្រឹក ថ្ងៃទី១៥ ខែមិថុនា ឆ្នាំ២០១៦នេះ ក្រោមអធិបតីភាព លោក ស៊ុន ចាន់ថុល រដ្ឋមន្ត្រីក្រសួងសាធារណៈការនិងដឹកជញ្ចូននៃប្រទេសកម្ពុជា។ប្រភពពីក្រសួងបានឲ្យដឹងថា មណ្ឌល ប្តូរ និងពន្យារ បណ្ណបើកបរយានយន្តនេះ ត្រូវបានបង្កើតឡើង ដើម្បីសម្រួលដល់សេវាសាធារណៈឲ្យមានភាពងាយស្រួល និងឆាប់ រហ័ស ក៏ដូចជាធ្វើឲ្យប្រសើរឡើងនូវតម្លាភាព ចំណេញពេលវេលា និង កាត់បន្ថយការចំណាយលើសេវាប្តូរ ឬ ពន្យារបណ្ណបើកបរយានយន្ត សម្រាប់ប្រជាជនកម្ពុជាមកពី២៥ រាជធានី-ខេត្ត។មណ្ឌលនេះនឹងចាប់ផ្តើមដំណើរការផ្តល់សេវាប្តូរ និងពន្យារ បណ្ណបើកបរយានយន្តគ្រប់ប្រភេទ ជូនសាធារណជន ចាប់ពីម៉ោង១០ព្រឹក ដល់ ម៉ោង ១០យប់ ជារៀងរាល់ថ្ងៃ ចាប់ពីថ្ងៃទី ១៦ មិថុនា តទៅ។ សូមបញ្ជាក់ថា ការប្តូរ និងពន្យារបណ្ណបើកបរនេះ សម្រាប់បណ្ណបើករថយន្តតម្លៃសេវា ៣០០០០រៀល រីឯ ទោចក្រយានយន្តតម្លៃ ២០០០០រៀល។លោក ស៊ុន ចាន់ថុល បានថ្លែងឲ្យដឹងនាឱកាសនោះថា បន្ទាប់ពីសម្ពោធមជ្ឈមណ្ឌលនេះរួច ក្រសួងសាធារណការនឹងត្រៀមចុះបញ្ចីយាន្តយន្ត និងធ្វើប័ណ្ណបើកបរតាមអនឡាញ ព្រមទាំងនំាចូល រថយន្តដែលអាចត្រួតពិនិត្យ និង ផ្តល់សេវាឈៀកជូនដល់ ប្រជាពលរដ្ឋនៅតាម បណ្តាខេត្តដោយ មិនចំាបាច់មកធ្វើនៅក្រសួង ដើម្បីបន្តកំណែទម្រង់១០០ថ្ងៃរបស់ក្រសួងសាធារណការនៃកម្ពុជា៕សាធារណជន អាចទាញយកពាក្យស្នើសុំប្តូរ ឬ ពន្យារបណ្ណបើកបរបានពីទំព័រ Facebook របស់ក្រសួង www.facebook.com/mpwt.gov.kh ឬ តាមរយៈគេហទំព័ររបស់ក្រសួងសាធារណការ និងដឹកជញ្ជូន www.mpwt.gov.kh។

រដ្ឋមន្ត្រីក្រសួងការបរទេសបារាំងនឹងធ្វើដំណើរទស្សនកិច្ចទៅកាន់ប្រទេសមីយ៉ាន់ម៉ាសប្តាហ៍នេះ

ថ្ងៃទី ១៥ ខែ មិថុនា ឆ្នាំ ២០១៦ ម៉ោង ០៦:៣០

ទីភ្នាក់ងារសារព័ត៌មានចិនស៊ីនហួបានឱ្យដឹងថា ស្ថានទូតបារាំងប្រចាំទីក្រុងយ៉ាំងហ្គោននៅថ្ងៃអង្គារនេះបាននិយាយថា រដ្ឋមន្ត្រីការបរទេស និងអភិវឌ្ឍន៍អន្តរជាតិបារាំង Jean Marc Ayrault នឹងធ្វើបំពេញទស្សនកិច្ចរយៈពេលបីថ្ងៃក្នុងប្រទេសមីយ៉ាន់ម៉ាចាប់ពីថ្ងៃសុក្រដល់ថ្ងៃអាទិត្យ។រដ្ឋមន្ត្រីការបរទេសបារាំងនឹងជួបជាមួយប្រធានាធិបតីមីយ៉ាន់ម៉ា U Htin Kyaw និងសមភាគីរបស់គាត់គឺលោកស្រី Aung San Suu Kyi ក្នុងទីក្រុងណៃពិដោរនៅថ្ងៃសុក្រ។លោក Jean Marc Ayrault ក៏នឹងជួបជាមួយប្រមុខកងទ័ព លោក Min Aung Hlaing នៅថ្ងៃជាមួយគ្នាផងដែរ។លេខាទីមួយស្ថានទូតបារាំងប្រចាំមីយ៉ាន់ម៉ាលោកស្រី Sonia Tebbakhបានឱ្យដឹងថា គោលបំណងនៃដំណើរទស្សនកិច្ចនេះគឺចង់បង្ហាញការគាំទ្ររបស់រដ្ឋាភិបាលបារាំងចំពោះដំណើរការប្រជាធិបតេយ្យក្នុងប្រទេសមីយ៉ាន់ម៉ា និងដើម្បីប្រកាសពីការផ្តល់ជំនួយអភិវឌ្ឍន៍របស់បារាំងតាមរយៈទីភ្នាក់ងារអភិវឌ្ឍន៍បារាំងសម្រាប់បណ្តាឆ្នាំខាងមុខ។គួរបញ្ជាក់ថា ប្រទេសបារាំងឈរនៅលំដាប់ទី១២ ដែលមានអ្នកវិនិយោគច្រើនបំផុតក្នុងចំណោមវិនិយោគទុនបរទេសក្នុងប្រទេសមីយ៉ាន់ម៉ា ដោយមានទឹកប្រាក់វិនិយោគ ៥៤១,៦១០លានដុល្លារអាម៉េរិកក្នុងឆ្នាំសារពើពន្ធ ២០១៥-២០១៦៕

តោះទៅមើល iOS 10 ដែលទើបប្រកាសដោយក្រុមហ៊ុន Apple មានអ្វីប្លែកខ្លះទៅ?

ថ្ងៃទី ១៥ ខែ មិថុនា ឆ្នាំ ២០១៦ ម៉ោង ០៥:០៤

ព្រឹត្តិការណ៍មួយរបស់ក្រុមហ៊ុនបច្ចេកវិទ្យាយក្ស Apple បានធ្វើឡើងកាលពីយប់មិញ WWDC 2016 ឬហៅថា សន្និសិទសម្រាប់អ្នកអភិវឌ្ឍន៍ទូទាំងពិភពលោក លើកទី 27 ក្នុងនោះក្រុមហ៊ុន Apple មិនបានដាក់បង្ហាញឬបញ្ចេញឧបករន៍អេឡិចត្រូនិចរបស់ខ្លួនអ្វីថ្មីទេ ប៉ុន្តែគឺមាន Software ជាច្រើនបានបង្ហាញ។ក្នុងមានការកែប្រែឲ្យដំណើរការបានរលូនជាងមុន មុខងារថ្មីៗសម្រាប់ប្រព័ន្ធប្រតិបត្តិការនាឡីកាឆ្លាតវៃ watchOS សម្រាប់ប្រព័ន្ធប្រតិបត្តិការកុំព្យូទ័រ macOS សម្រាប់ tvOS ជាពិសេសនោះគឺប្រព័ន្ធប្រតិបត្តិការថ្មីសម្រាប់ iPhone, iPad, iPod គឺ iOS 10 ជាអ្វីដែលអ្នកទាំងអស់គ្នាកំពុងទន្ទឹមរងចាំ។ដោយនៅថ្ងៃនេះយើងនឹងបង្ហាញពីមុខងារថ្មីៗក៏ដូចជាអ្វីថ្មីប្លែកដែលមាននៅលើ iOS 10 :យើងឃើញមានការរចនាថ្មីប្លែកសម្រាប់ Lock Screen និងកាមេរ៉ានៅលើ Lock Screenវាមានរយៈពេលយូរដែរហើយដែលកម្មវិធីកាមេរ៉ានៅលើ Lock Screen ឧបករណ៍អេឡិចត្រូនិចរបស់ Apple តម្រូវឲ្យអូសពីក្រោមដើម្បីបើក ប៉ុន្តែឥឡូវខុសប្លែកថ្មីនៅលើ iOS 10 នេះដោយក្រុមហ៊ុន Apple តម្រូវឲ្យអូសពីខាងស្តាំមកឆ្វេងវិញ។ មួយទៀតនោះគឺយើងមិនអាចបើកទូរស័ព្ទដោយអូស Slide To Open ទៀតនោះទេ គឺយើងចុចលើប៉ូតុង Home ដើម្បីបើកជំនួសវិញ។គ្រាន់តែលើកទូរស័ព្ទ នោះ Lock Screen នឹងភ្លឺភ្លាមជាមួយនឹងយោបល់ពី iOS 10 អ្នកប្រើប្រាស់ iPhone ទាំងឡាយនឹងអាចធ្វើឲ្យស្គ្រីនទូរស័ព្ទរបស់អ្នកភ្លឺភ្លាមដោយគ្រាន់តែលើកទូរស័ព្ទឡើង ជាមួយនឹងប្រដាប់ទប់និងឈ្នាន់ល្បឿនក្នុង iPhone ទូរស័ព្ទរបស់អ្នកអាចប្រាប់បានភ្លាមៗតើមានអ្វីកើតឡើង ក៏ដូចជាអាចឲ្យអេក្រង់ទូរស័ព្ទភ្លឺភ្លាមៗផងដែរ។Widgets ដែលទើបនឹងមកដល់វាអាចបានថាយឺតបន្តិចហើយសម្រាប់ក្រុមហ៊ុន Apple ដាក់បញ្ចូលនូវមុខងារ Widgets នេះដែលមានភាពរហ័ស ប្លែកនិងឆ្លាតវៃខុសគេ។ឧទាហរណ៍: កម្មវិធី ESPN អ្នកអាចមើលការសង្ខេបលទ្ធផលការប្រកួតណាមួយបានភ្លាមៗនៅលើអេក្រង់នោះតែម្តងដោយមិនចាំបាច់បើកកម្មវិធី ប៉ុន្តេ​ Widgets ទាំងនេះបានដាក់បញ្ចូលតែនៅលើកម្មវិធីដែលអាចប្រើប្រាស់បច្ចេកវិទ្យា 3D Touch ប៉ុណ្ណោះ។របារ Widgets ផ្សេងៗទៀតពី Spotlight Search, Calender និង Siri ជាដើមអ្នកអាចប្រើប្រាស់ 3D Touch ពី Notifications ដែលលោតឡើងនៅលើអេក្រង់ទូរស័ព្ទតែម្តង ឧទាហរណ៍ដូចជា Message ចឹងកម្មវិធីថ្មីមួយហៅថា Home សម្រាប់បញ្ជាគ្រឿងអេឡចត្រូនិចផ្សេងៗនៅក្នុងផ្ទះរបស់យើងកម្មវិធី Music នៅលើ iOS 10 ត្រូវបានរចនាឡើងវិញជាមួយនឹង Interface ថ្មីព្រមទាំងអ្នកអាចមើល Lyrics របស់ចម្រៀងបាននៅផ្នែកខាងក្រោមទៀតផងដែរកម្មវិធី News នៅ iOS 10 ត្រូវបានរចនាឡើងវិញថ្មីដែរដែលមើលទៅសាមញ្ញនិងងាយស្រួលជាងមុនកម្មវិធី Photos នៅលើ iOS មានភាពឆ្លាតវៃជាងមុន ដោយអាចចងចាំនៅទីកន្លែង កាលបរិច្ឆេទ ពេលវេលាថត មិនត្រឹមតែប៉ុណ្ណោះវាក៏អាចប្រមូលផ្តុំរូបភាពឬរូបថតមួយចំនួនបង្កើតជាអាល់ប៊ុមនិងខ្សែភាពយន្តខ្លីជាដើមកម្មវិធី Maps ក៏ឆ្លាតជាងមុនដែលអនុញ្ញាតឲ្យអ្នកកក់សំបុត្រ ឬកក់តុអាហារនៅភោជនីយដ្ឋានបានកម្មវិធី Message នៅលើ iOS ថ្មីប្លែកជាច្រើនដូចជាអ្នកអាចសរសេរអក្សរដោយដៃ ធ្វើអក្សរជាមួយនឹង​ Effects ផ្សេងៗដូចជាខួបកំណើត ជប់លៀងជាដើមកម្មវិធី Message ក៏ទើបមាននូវ Stickers ស្អាតៗនិង Emoji ធំជាងមុន 3 ដងផងដែរ