trollkhmer news

សង្គមនិងជីវិត

សហរដ្ឋអាមេរិកលក់មីស៊ីលទៅឱ្យឈីលីតម្លៃ ១៤០លានដុល្លារ

ថ្ងៃទី ០៨ ខែ កក្តដា ឆ្នាំ ២០១៦ ម៉ោង ០២:២០

ទីភ្នាក់ងារសារព័ត៌មានចិនស៊ីនហួបានឱ្យដឹងថា រដ្ឋាភិបាលសហរដ្ឋអាមេរិកកាលពីថ្ងៃពុធបានអនុម័តការលក់មីស៊ីលចំនួន ៤២គ្រាប់ និងប្រព័ន្ធគាំទ្រជាច្រើន ដល់កងទ័ពជាតិឈីលីក្នុងតម្លៃសរុប ១៤០លានដុល្លារសហរដ្ឋអាមេរិក។សេចក្ដីរាយការណ៍របស់វិទ្យុឈីលីបានឱ្យដឹងថាសំណើនេះត្រូវបានអនុម័តដោយសភាសហរដ្ឋអាមេរិកាលពីថ្ងៃទី១ ខែកក្កដា ដែលរួមមាន មីស៊ីល RIM-162 (ESSM) ចំនួន ៣៣គ្រាប់ មីស៊ីលESSM Telemetryចំនួន ៦គ្រាប់ និងប្រព័ន្ធមីស៊ីល MK41 ប្រភេទបញ្ឈរចំនួនបី ។លើសពីនេះទៀតសហរដ្ឋអាមេរិកនឹងផ្តល់នូវគ្រឿងបន្លាស់និងការជួសជុល និងបណ្តុះបណ្តាលបុគ្គលិកឈីលីប្រើប្រាស់សម្ភារៈផងដែរដូចជាការដំឡើងនិងជំនួយបច្ចេកទេសនៅពេលខាងមុខ។គួរបញ្ជាក់ថា មីស៊ីលនេះនឹងត្រូវដាក់លើនាវាចម្បាំងកងទ័ពជើងទឹកឈីលីប្រភេទ២៣ ដែលនឹងត្រូវផ្តល់ដោយក្រុមហ៊ុន Raytheon និង Bae៕

រឿងរ៉ាវមួយចំនួនដែលអ្នកគួរតែយល់ដឹង មុននឹងសម្រេចចិត្តធ្វើការពត់ធ្មេញ

ថ្ងៃទី ០៧ ខែ កក្តដា ឆ្នាំ ២០១៦ ម៉ោង ០៥:៣៩

ការពត់​ធ្មេញ មិន​ត្រឹមតែ​ជា​រឿង​ម៉ូដ​និយម​បន្ថែម​សម្រស់​ប៉ុណ្ណោះ​ទេ តែ​វា​បាន​បន្ថែម​ការជឿជាក់​ដ​ល់​អ្នក​ថែមទៀត មិន​ថា​អ្នក​អាយុ​ប៉ុន្មាន​នោះទេ​។ ប៉ុន្តែ មុននឹង​សម្រេចចិត្ត​ពត់​ធ្មេញ​អ្នក​គួរស្វែងយល​ពី​ចំណុច​មួយចំនួន​សិន​...​។​អាយុ​ប៉ុន្មាន​ក៏​អាច​ពត់​ធ្មេញ​បាន :​ប្រសិនបើជា​កុមារ គ្រូពេទ្យ​តម្រូវ​ឲ្យ​មានការ​ពិនិត្យ​ជាមុនសិន ដើម្បី​ប៉ាន់​ស្មានថា គួរ​ដល់ពេល​ល្មម​នឹង​ពត់​ធ្មេញ​ឬ​នៅ​? តែ​ប្រសិនបើ​ចូលដល់​វ័យ​ជំទង់​ហើយ​ហេតុផល​ដែល​គ្រូពេទ្យ​ណែនាំ​ឲ្យ​ពត់ មិនមែន​ដោយសារ​ភាពស្រស់​ស្អា​ត់​នោះទេ តែ​មកពី​ធ្មេញ​ដុះ​មិន​ត្រង់​ជួរ​។​ចាស់​អាច​នឹង​ពត់​យូរ​ជាង​ក្មេង :​ចំពោះ​មនុស្ស​វ័យ​ជំទង់ ឬ​ចំណាស់​បន្តិច ការពត់​ធ្មេញ ប្រើពេល​យូរ​ជាង​ធ្មេញ​របស់​ក្មេង​។ វា​ត្រូវការ​ប្រើពេល​ប្រហែល ២-៣ ឆ្នាំ អាស្រ័យ​លើស​ភាព​ធ្មេញ​របស់​អ្នក រួមទាំង​អ្នក​ផ្ទាល់​ផល​ដែរ ដូចជា ការ​ទៅ​ជួប​គ្រូពេទ្យ​ទៀត​ទាត់​ដែរឬទេ​? តើ​ឧបករណ៍​នោះ​ខូចខាត​ត្រង់ណា​ដែរឬទេ​? តើ​អ្នក​ប្រើ​ឧបករណ៍​ពត់​ធ្មេញ​នោះ​ត្រឹមត្រូវ​ដែរឬទេ​?គ្រូពេទ្យ​ជំនាញ​បាន​ឲ្យ​ដឹងថា មូល​ហេតុដែល​មនុស្ស​មួយចំនួន​ពត់​ធ្មេញ​យូរហើយ​នៅតែ​មិនបាន​ផល វា​អាច​បណ្តាលមកពី​ការ​ស្រោប​ធ្មេញ ឬ​ឆ្អឹងថ្គាម​របស់​ពួកគេ មាន​លក្ខណៈ​ខុសពី​មនុស្ស​ធម្មតា ឬ​ប្រព័ន្ធ​សាច់ដុំ​ធ្វើការ​ខុសធម្មតា​ជាដើម​។​អាច​ពត់​ធ្មេញ មើលទៅ​ដូច​មិន​ពត់ :​នាពេល​បច្ចុប្បន្ន បច្ចេកវិទ្យា​កាន់តែ​រីកចម្រើន ឧបករណ៍​ដែល យកមកប្រើ​ប្រាស់​ក្នុងការ​ពត់​ធ្មេញ​មាន​ច្រើនបែប សម្រាប់​ឲ្យ​អ្នក​ជ្រើសរើស មាន​ទាំង​ប្រភេទ​អាច​ដោះ​បាន ប្រភេទ​មិនអាច​ដោះ​បាន និង​ជា​ប្រភេទ​សេ​រ៉ា​មិ​ក​ថ្លាៗ ធ្វើ​ឲ្យ​មើលទៅ​មិន​ឃើញថា អ្នក​កំពុងតែ​ពាក់​ឧបករណ៍​ពត់​ធ្មេញ​នោះឡើយ​។ ក្រៅពីនេះ មាន​ឧបករណ៍​ពត់​ធ្មេញ​ពី​ខាងក្នុង ប៉ុន្តែ​វា​អាច​ប៉ះពាល​ដល់​អណ្តាត​បាន​។​​ប្រើ​ដែក​អប​ជានិច្ចបន្ទាប់ពី​ពត់​ធ្មេញ​រួច និង​ដក​ដែកពត់​ចេញ អ្នក​ត្រូវ​ប្រើ​ដែក​អប​ធ្មេញ​ជាប់​ជានិច្ច ហើយ​ក្រោយមក​ទើប​អាច​បន្ថយ​ការប្រើប្រាស់​ម្តងៗ​បន្តិចៗ តាម​ការណែនាំ​របស់​គ្រូពេទ្យ ព្រោះ​ធ្មេញ តែងតែមាន​ចលនា​រហូត​។ ប្រសិនបើ​អ្នក​មិន​ប្រើ នោះ​ធ្មេញ​អា​នឹង​វិលត្រឡប់​ទៅរក​សភាព​ដើម​វិញ​បាន​។​ពត់​ធ្មេញ​រួច មុខ​ស្គម​វែង​ជាមុន មែនឬ​? :​អាចជា​ការពិត​។ ការពត់​ធ្មេញ​ក្នុងពេល​ដំបូងៗ អាចធ្វើ​ឲ្យ​អ្នក​ឈឺ តែ​ប៉ុន្មាន​ថ្ងៃ​ក្រោយមក វា​នឹងមាន​សភាព​ធម្មតា អាច​ទទួលទាន​អាហារ​បាន​តាម​ធម្មតា​។ ចំពោះ​វិធី​បំបាត់​ការឈឺចាប់​ដែល​ល្អ​បំផុត​គឺ​ទំពារ​អាហារ​ដែល​មិនសូវ​រឹង នឹងមិន​ទន់​ពេក ក្នុង​រយៈពេល ៨​ម៉ោង​ដំបូង​។​ ចំពោះ​បញ្ហា​ទម្រង់​មុខ វា​អាស្រ័យ​លើ​ការ​វៈ​កាត់​ថ្ពា​ម​ផងដែរ ហើយ​ពេលខ្លះ វា​អាចធ្វើ​ឲ្យ​ទម្រង់​មុខ​ប្តូរ​បាន​។​គុណ​ស​ម្ប​ត្ត​នៃ​ការពត់​ធ្មេញ :មុននឹង​សម្រេចចិត្ត​ពត់​ធ្មេញ អ្នក​គួរ​សាកសួរ​គ្រូពេទ្យ​ឲ្យ​ច្បាស់លាស់​ជាមុនសិន​ថា តើ​គួរ​ពត់​ធ្មេញ​តាម​វិធី​ណា​? ប្រើ​ពេលវេលា​ប៉ុន្មាន​? រួមទាំង​ប្រាក់​ចំណាយ និង​គុណវិបត្តិ​នៃ​ការពត់​ធ្មេញ​ផងដែរ​។​ប្រសិនបើ​ប្រើ​ឧបករណ៍​ដែល​ជាប់​ណែន និង​មិនអាច​ថែទាំ​សុខភាព​មាត់​ធ្មេញ​បានល្អ ដុសធ្មេញ​មិនបាន​សព្វ វា​អាច​បណ្តាល​ឲ្យ​អ្នក​កើត​ជំងឺ​អញ្ចាញធ្មេញ ពុក​ធ្មេញ និង​មាន​ស្នាម​កំណ​កសៗ នៅលើ​ធ្មេញ​បាន​។​ចំពោះ​អ្នក​ដែលមាន​បញ្ហា​ចុង ឬ​ធ្មេញ​រលាយ​ដែល​នឹង​ឆ្លុះ​ឃើញ​នៅពេល​ថត​កាំរស្មី​អ៊ី​កស៍ វា​មិន​បណ្តា​ឲ្យ​មាន​គ្រោះថ្នាក់​នោះឡើយ វា​អា​បណ្តាល មកពី​តំណពូជ ឬ​ពត់​ធ្មេញ​រយៈពេល​យូរ​ឆ្នាំ​ពេក​។​ ពត់​ធ្មេញ​ខុស​បែបបទ អាច​បណ្តាល​ឲ្យ​គ្រោះថ្នាក់​បាន : ការពត់​ធ្មេញ ត្រូវបាន​ចាត់ទុកថា ជាការ​ព្យាបាល​មួយ មិនមែនជា​ការធ្វើ​ទូទៅ​នោះឡើយ​។ ប្រសិនបើ​អ្នក​ពត់​ធ្មេញ​មិនត្រូវ​តាម​បែបបទ វា​អាច​បង្ក​ជា​បញ្ហា​នៅក្នុង​ប្រអប់មាត់​ជាច្រើន ដូចជា ពុក​ធ្មេញ ធ្មេញ​វៀច​មិន​ត្រង់​ជូរ ឬ​ធ្វើ​ឲ្យ​ខូច​ធ្មេញ​តែម្តង​។ ដូចនេះ មុននឹង​សម្រេចចិត្ត​ពត់​ធ្មេញ អ្នក​គួរ​ពិភាក្សា​ជាមួយ​គ្រូពេទ្យ​ឲ្យ​ច្បា​ស់សិន​៕

​អាជ្ញាធរ​ប្រទេស​ម៉ា​ឡេ​ស៊ី​ រឹត​បន្ដឹង​សន្ដិសុខ​យ៉ាង​រឹង​មាំ​ ព្រោះខ្លាច ISIS វាយប្រហារដូច បង់ក្លាដេស

ថ្ងៃទី ០៧ ខែ កក្តដា ឆ្នាំ ២០១៦ ម៉ោង ០៤:៤២

​អាជ្ញាធរ​ប្រទេស​ម៉ា​ឡេ​ស៊ី​ រឹត​បន្ដឹង​សន្ដិសុខ​យ៉ាង​រឹង​មាំ​នៅ​តាម​ចំណុច​សំខាន់ៗ​ជា​ច្រើន​ ដូច​ជា​នៅ​ព្រ​លាន​យន្ដហោះ​ នៅ​ស្ថានីយ​រថភ្លើង​ បន្ទាប់​ពី​ប្រទេស​ឥ​ស្លា​ម​មួយ​នេះ​នៅ​បន្ដ​រង​ការ​គំរាមកំហែង​ថ្មីៗ​ទៀត​ពី​សំណាក់​ពួក​សកម្មប្រយុទ្ធ​ISIS​ ។​​បណ្ដាញ​ផ្សាយ​ព័ត៌មាន​ Channel​ News​ Asian​ បាន​រាយការណ៍​ថា​កង​សន្ដិសុខ​ជា​ច្រើន​រយ​នាក់​បាន​ដាក់​ពង្រាយ​គ្រប់​ចំណុច​ជា​ច្រើន​ ជា​ពិសេស​នៅ​ព្រ​លាន​យន្ដហោះ​អន្ដរជាតិ​ក្រុង​កូ​ឡា​ឡាំ​ពួរ​និង​ស្ថានីយ​រថភ្លើង​។​ ​កាលពី​ថ្មីៗ​នេះ​ពួក​សកម្មប្រយុទ្ធ​រដ្ឋ​ឥ​ស្លា​ម​បាន​ព្រមាន​ថា​ ពួក​គេ​នឹង​ធ្វើសង្គ្រាម​មួយ​លើ​ប្រទេស​ម៉ា​ឡេ​ស៊ី​ និង​ឥណ្ឌូ​នេ​ស៊ី​ ។​​កាលពី​ថ្ងៃ​សៅរ៍​ស​ប្ដា​ហ៍​មុន​ប្រទេស​បង់​ក្លា​ដេ​ស​ស្ថិត​នៅ​តំបន់​អាស៊ី​ខាងត្បូង​ បាន​រង​ការ​វាយប្រហារ​ពី​ពួក​សកម្មប្រយុទ្ធ​ផង​នោះ​ បាន​បណ្ដាល​ឲ្យ​មនុស្ស​យ៉ាងតិច​២០​នាក់​បាន​ស្លាប់​ហើយ​ភាគច្រើន​ ពួក​គេ​ជា​ជនបរទេស​ដែល​ជា​គោលដៅ​នៃ​ការ​វាយប្រហារ​របស់​ពួក​ភេរវកម្ម​នៃ​បណ្ដាញភេរវកម្ម​រដ្ឋ​ឥ​ស្លា​ម​ និង​អាល់​កៃ​ដា​៕​

ឱកាសការងារមន្ត្រីក្របខណ្ឌថ្មីចំនួន ៩៤កន្លែង នៅក្រសួងរៀបចំដែនដី នគរូបនីយកម្ម និងសំណង់

ថ្ងៃទី ០៧ ខែ កក្តដា ឆ្នាំ ២០១៦ ម៉ោង ០៣:៤០

ក្រសួងរៀបចំដែនដី នគរូបនីយកម្ម និងសំណង់សូមជូនដំណឹងស្តីពីការប្រឡងជ្រើសរើសមន្ត្រីក្របខណ្ឌថ្មីចំនួន ៩៤កន្លែង សម្រាប់និស្សិតដែលមានអាយុមិនលើសពី ៣០ ឆ្នាំ និងមានសញ្ញបត្រចាប់ពីបរិញ្ញាបត្រឡើងទៅ ។ កាលបរិច្ឆេទប្រឡងគឺនៅថ្ងៃទី ២៥ ខែកញ្ញា ឆ្នាំ ២០១៦ និងចាប់ផ្តើមទទួលពាក្យពីថ្ងៃទី ១១ ខែកក្កដា ដល់ថ្ងៃទី ២៦ សីហា ឆ្នាំ ២០១៦ នៅនាយកដ្ឋានបុគ្គលិក (ជាន់ទី ២ បន្ទប់លេខ ២១៨) នៅទីស្តីការក្រសួង ។

ក្រសួងព័ត៌មាន ហាមដាច់ខាត់មិនអោយទូរទស្សន៍ទាំងអស់នៅប្រទេសកម្ពុជា ចាក់បទចម្រៀង សុីបានចេះតែសុីទៅ និងទាល់តែយូរទើបសុីអូនបាន

ថ្ងៃទី ០៧ ខែ កក្តដា ឆ្នាំ ២០១៦ ម៉ោង ០៣:១៥

ថ្ងៃនេះក្រសួងព័ត៌មាន ហាមដាច់ខាត់មិនអោយទូរទស្សន៍ទាំងអស់នៅប្រទេសកម្ពុជា ចាក់បទចម្រៀង សុីបានចេះតែសុីទៅ ច្រៀងដោយលោក កែវ វាសនា និងបទ ទាល់តែយូរទើបសុីអូនបាន ច្រៀងដោយកញ្ញា ម៉ាលីស ។ គួរបញ្ចាក់ផងដែរថា បទចម្រៀងទាំងពីរបទនេះកំពុងតែទទួលរងការរិះគន់យ៉ាងចាស់ដៃពីបណ្តាអ្នកលេងបណ្តាញសង្គមហ្វេសប៊ុកក្នុងរយៈពេល ២ ៣ថ្ងៃនេះ ដោយសារតែអត្ថន័យនៃបទច្រៀងនេះស្តាប់ទៅមិនមានសីលធម៌បន្តិចសោះ ហើយមិនតែប៉ុណ្ណោះទេ បទចម្រៀងទាំងពីរនេះក៏រងការរិះគន់ដែលបានចម្លងបទចម្រៀងរបស់ថៃទៀតផង ។ 

ក្រុមអ្នកការពារល្ខោនខោល អំពាវឲ្យពលរដ្ឋខ្មែឬទៅទស្សនាទស្សនីយភាពល្ខោនខោល ដោយតឥគិតថ្លៃនៅថ្ងៃទី១១កក្កដានេះ

ថ្ងៃទី ០៧ ខែ កក្តដា ឆ្នាំ ២០១៦ ម៉ោង ០១:៥៨

ភ្នំពេញ៖ ក្រុមអ្នកការពារល្ខោនខោល គ្រោងលើកយកវគ្គ ថលតយន្ត័(ថៈល័ត យ័ន្ត) នៃរឿង រាមកេរ្តិ៍ មកសម្តែង ហើយការសម្តែងនេះ នឹងត្រូវធ្វើឡើងនៅថ្ងៃទី ១១ ខែ កក្តដា ឆ្នាំ២០១នៅសាលនៃសាលាមធ្យមវិចិត្រសិល្បៈដែលមានទីតាំងស្ថិតនៅផ្លូវឧញ៉ា ម៉ុង ឬទ្ធី សង្កាត់ភ្នំពេញថ្មី ខណ្ឌ សែនសុខ រាជធានីភ្នំពេញ វេលាម៉ោង៨និង៣០នាទីព្រឹក។លោក ថុន ច័ន្ទសិទ្ធិការ្យ គ្រូបង្រៀនរបាំផ្នែកល្ខោនខោល នៃសាលាមធ្យម វិចិត្រ សិល្បៈ និងជាតំណាងក្រុមយុវជនល្ខោនខោល ដែលអតីតនិស្សិតផ្នែកល្ខោនខោល អោយដឹងនៅថ្ងៃទី ៦ ខែ កក្តដានេះថា គម្រោងសម្តែងសិល្បៈ ល្ខោនខោល ដោយឥតគិតថ្លៃនេះធ្វើឡើងដើម្បីឱ្យប្រជាពលរដ្ឋបានស្គាល់ច្បាស់ល្ខោនខោលខ្មែរហើយមានចិត្តថែរក្សា និងការពារសម្បត្តិវប្បធម៌អរូបិយរបស់ជាតិនេះ។ម៉្យាងវិញទៀតការបង្ហាញទស្សនីយភាពល្ខោនខោលនៅសាលាមធ្យមវិចិត្រសិល្បៈនេះគឺដើម្បីលើកទឹកចិត្តដល់មនុស្សជំនាន់ក្រោយឱ្យស្រឡាញ់ចូលចិត្ត ហើយជួយលើកស្ទួយសិល្បៈអរូបិយល្ខោនខោលនេះ ។លោក ថៃ នរៈសត្យា រដ្ឋលេខាធិការ និងជាអ្នកនាំពាក្យក្រសួងវប្បធម៌ និងវិចិត្រសិល្បៈបានសម្តែងនូវអារម្មណ៍រីករាយ ចំពោះកិច្ចខិតខំប្រឹងប្រែងជួយផ្សព្វផ្សាយបន្ថែមអំពីល្ខោនខោល ខ្មែរជាមួយក្រសួងវប្បធម៌នេះ។លោកបន្តថា ជាមួយនឹងការផ្សព្វផ្សាយអំពីល្ខោនខោលក្រសួងវប្បធម៌បានជួយអប់រំ និងបណ្តុះបណ្តាលសិស្សិនិស្សិតជារៀងរាល់ឆ្នាំដើម្បីបង្កើនចំនួនអ្នកសម្តែង ល្ខោនខោលនេះ។អ្នកជំនាញខាងសិល្បៈវប្បធម៌អរូបិយ បានបញ្ជាក់ថា ខ្មែរបានយករឿងរាមកេរ្តិ៍មកសម្តែងជាល្ខោនខោល ដែលល្ខោនប្រភេទនេះសម្តែង ដោយតួអង្គប្រុសទាំងអស់ ហើយពាក់របាំងមុខ ជាតួអង្គយក្ស ព្រះរាម ព្រះលក្ខណ៍ ហើយតួសម្តែងប្រុសម្នាក់ទៀត ផាត់មុខ ពាក់ម្កុដ សម្តែងជាតួជាព្រះនាងសីដា ។ អ្នកសិល្បៈបុរាណខ្មែរ បានឱ្យដឹងថា លោ្ខនខោលខ្មែរមានចារនៅក្នុងប្រវត្តិសាស្ត្រជាយូរលង់ណាស់មកហើយ។សូមបញ្ជាក់ថា គ្រោងបង្ហាញទស្សនីយភាពល្ខោនខោល ដោយឥតគិតថ្លៃជូន ប្រជាពលរដ្ឋគ្រប់មជ្ឈដ្ឋាននេះ ធ្វើឡើងខណៈពេលថ្មីៗនេះ មានផ្ទុះឡើងនូវការថ្នាំងថ្នាក់ចំពោះប្រទេសថៃ ដែលមានគោលបំណងដាក់ល្ខោនខោលដែលថៃហៅថា ល្ខោនKhonក្នុងបញ្ជីបេតិកភណ្ឌពិភពលោកនៃអង្គការយូនីស្កូ៕

អាជ្ញាធរជាតិអប្សរានឹងចាត់វិធានការចំពោះ ភ្ញៀវទេសចរស្លៀកពាក់មិនសមរម្យ ពេលចូលទស្សនាអង្គរ

ថ្ងៃទី ០៦ ខែ កក្តដា ឆ្នាំ ២០១៦ ម៉ោង ០៩:៣៦

ដើម្បីលើកតម្លៃរមណីយដ្ឋានអង្គរឲ្យសក្តិសមជាទីសក្ការៈនៃដួងព្រលឹងវប្បធម៌ជាតិ និងជាសម្បត្តិបេតិកភណ្ឌពិភពលោក អាជ្ញាធរជាតិអប្សរានឹងចាត់វិធានការចាប់ពីថ្ងៃទី០៤ ខែសីហា ឆ្នាំ២០១៦តទៅ ដោយតម្រូវឲ្យភ្ញៀវទេសចរគ្រប់រូបត្រូវតែស្លៀកពាក់ឲ្យបានសមរម្យខណៈពេលមកទិញសំបុត្រ ដើម្បីចូលទស្សនារមណីយដ្ឋានអង្គរ។អាជ្ញាធរបានបញ្ជាក់ថា ទោះបីក្រមប្រតិបត្តិអង្គរត្រូវបានផ្សព្វផ្សាយយ៉ាងទូលំទូលាយរយៈពេលជាច្រើនខែមកហើយក្តី តែភាពឆកល្វែងរបស់ភ្ញៀវទេសចរមួយចំនួនតូចនៅតែបន្តកើតមាន ដូចជាការស្លៀកពាក់ខ្លីមិនសមរម្យក្នុងពេលចូលទស្សនាតាមប្រាសាទជាដើម។សូមអានលម្អិតអំពីសេចក្តីជូនដំណឹងស្តីពីការកំណត់ឲ្យភ្ញៀវទេចរស្លៀកពាក់សមរម្យក្នុងអំឡុងពេលចូលទស្សនារមណីយដ្ឋានអង្គរខាងក្រោម ៖

ទឹកទន្លេមេគង្គនឹងបន្តហក់ឡើងក្នុងរយៈពេល ០៤ ទៅ ០៥ ថ្ងៃខាងមុខ

ថ្ងៃទី ០៦ ខែ កក្តដា ឆ្នាំ ២០១៦ ម៉ោង ០៩:២៦

បើយោងតាមហ្វេសប៊ុកផេករបស់ក្រសួងធនធានទឹក និងឧតុនិយម បានបញ្ចាក់ថា ទឹកទន្លេមេគង្គនឹងបន្តហក់ឡើងក្នុងរយៈពេល ០៤ ទៅ ០៥ ថ្ងៃខាងមុខ ទឹកនឹងហូរចូលតាមព្រែក និងធ្វើឲ្យលិចតំបន់ទំនាបនានា ។ សូមបងប្អូនប្រជាកសិករ ប្រមូលផលឲ្យបានរួសរាន់ ៕ 

ហ្វីលីពីន​ត្រៀម​ខ្លួន​​ដើម្បី​​បើក​កិច្ចសន្ទនា​ជាមួយ​ចិន​ក្នុង​ជម្លោះ​នៅ​សមុទ្រចិន​ខាងត្បូង

ថ្ងៃទី ០៦ ខែ កក្តដា ឆ្នាំ ២០១៦ ម៉ោង ០៤:៥២

​ប្រធានាធិបតី​ថ្មី​នៃ​ប្រទេស​ហ្វី​លី​ពី​ន​និយាយ​ថា​ ទីក្រុង​ម៉ានីល​ ត្រៀមខ្លួន​រួច​ជា​ស្រេច​ហើយ​ ដើម្បី​ចរចា​ជាមួយ​ទីក្រុង​ប៉េ​កាំ​ង​ បើ​ទោះជា​ សាលដីការ​ នៃ​តុលាការ​ម​ជ្ឈិ​ត​ការ​អន្ដរជាតិ​ ឲ្យ​ខ្លួន​ឈ្នះក្ដី​ ឬ​ក៏​មាន​ប្រៀប​លើ​ទីក្រុង​ប៉េ​កាំ​ង​ក៏​ដោយ​។លោក Rodrigo​ Duterte​ បាន​និយាយ​ទៀតថា​ សាលដីការ​ នឹង​ធ្វើ​ឱ្យ​ទីក្រុង​ម៉ានីល​ពេញចិត្ត​ ហើយ​ បើ​ទោះបី​មិន​ផ្ដល់​ឱ្យ​ទីក្រុង​ម៉ានីល​ឈ្នះក្ដី​ក៏​ដោយ​ គឺ​ខ្លួន​នៅ​តែ​ប្រកាន់​ភ្ជាប់​ថា​ ខ្លួន​និង​ចរចា​ ជាមួយ​និង​ទីក្រុង​ប៉េ​កាំ​ង​។​​លោក​ប្រធានាធិបតី​ បាន​បញ្ជាក់​ថា​ យើង​មិន​ត្រៀមខ្លួន​ដើម្បី​ធ្វើសង្គ្រាម​ទេ​ ព្រោះ​វា​បង្ករ​ឱ្យ​មានការ​ឈឺចាប់​ខ្លាំង​ណាស់​។​ ហើយ​ពាក្យ​ថា​សង្គ្រាម​ គឺ​មិន​អាច​ទទួលយក​បាន​ទេ​ ព្រោះ​ ពាក្យ​នេះ​ អាក្រក់​ខ្លាំង​ណាស់​។​ យ៉ាងណា​ក៏​ដោយ​ លោក​ Rodrigo​ Duterte​ ប្រទេស​របស់​លោក​នឹង​សម្របសម្រួល​ដើម្បី​ឱ្យ​ភាគី​ជាប់​ពាក់ព័ន្ធ​ ទទួលស្គាល់​សេចក្ដីសម្រេច​របស់​តុលា​ ការ​អន្ដរជាតិ​នេះ​។​តាម​សេចក្ដីរាយការណ៍​ តុលាការ​ម​ជ្ឈិ​ត​ការ​អន្ដរជាតិ​របស់​អង្គការសហប្រជាជាតិ​ ដែល​មាន​ មូលដ្ឋាន​ នៅ​ទីក្រុង​ឡា​អេ​  និង​ធ្វើការ​ផ្សព្វផ្សាយ​សាលដីការ​របស់​ខ្លួន​ លើ​ករណី​ជម្លោះ​សមុទ្រ​ចិន​ខាងត្បូង​ នៅ​ថ្ងៃ​ទី​១២​ កក្កដា​។​​សូម​ជម្រាប​ថា​ ប្រទេស​ដែល​មាន​ជម្លោះ​ជាមួយ​ចិន​ករណី​សមុទ្រ​ចិន​ខាងត្បូង​ មាន​ប្រទេស​ វៀតណាម​ ភី​លី​ពី​ន​ ម៉ា​ឡេ​ស៊ី​ ប្រុយ​ណេ​ និង​កោះ​តៃវ៉ាន់​ ៕​