trollkhmer news

សង្គមនិងជីវិត

សេចក្ដីជូនដំណឹង! រដ្ឋាករទឹកស្វយ័តក្រុងភ្នំពេញ នឹងផ្អាកផ្គត់ផ្គង់ទឹករយៈពេលខ្លី នៅតបន់មួយចំនួន ក្នុងខណ្ឌចំនួន៣ នៅយប់ថ្ងៃទី១៦,១៨ និងថ្ងៃទី២១ ខែមករា

ថ្ងៃទី ១៦ ខែ មករា ឆ្នាំ ២០១៩ ម៉ោង ១៧:១៥

ភ្នំពេញ៖ រដ្ឋាករទឹកស្វយ័តក្រុងភ្នំពេញ នឹងផ្អាកផ្គត់ផ្គង់ទឹកស្អាតរយៈពេលខ្លី នៅតំបន់មួយចំនួនក្នុងខណ្ឌចំនួន៣រួមមាន៖ ខណ្ឌឫស្សីកែវ ខណ្ឌច្បារអំពៅ និងខណ្ឌសែនសុខ នៅយប់ថ្ងៃទី១៦,១៨ និងថ្ងៃទី២១ ខែមករា ឆ្នាំ២០១៩ ដោយសារតែអ្នកជំនាញនឹងកាត់ភ្ជាប់បំពង់ចែកចាយទឹកថ្មី។

មន្រ្តី​ជលផល​ខេត្ត​កោះកុង ជូន​ដំណឹង​បន្ថែម​ស្តីអំពី​ការហាម​នេសាទ​ត្រីកាម៉ុង សម្រាប់​រដូវត្រីពង​ឆ្នាំ២០១៩

ថ្ងៃទី ១៦ ខែ មករា ឆ្នាំ ២០១៩ ម៉ោង ១៥:២១

កោះកុង៖ ក្រោយពីក្រសួងកសិកម្ម រុក្ខាប្រមាញ់ និងនេសាទ ព្រមទាំងអគ្គនាយកដ្ឋានរដ្ឋបាលជលផល បានសេចក្តីជូនដំណឹងស្តីពី ការបិទធ្វើនេសាទត្រីកាម៉ុង សម្រាប់រដូវនេសាទឆ្នាំ២០១៩ ជូនដល់ប្រជានេសាទទាំងអស់ ដើម្បីឲ្យពួកគាត់ផ្អាកនេសាទ ព្រោះដល់រដូវពងកូនបន្តពូជរបស់ត្រីកាម៉ុង «ផ្លាធូ» នៅក្នុងដែននេសាទ សមុទ្រកម្ពុជា ចាប់ពីថ្ងៃទី១៥ ខែមករា រហូដល់ថ្ងៃទី៣១ ខែមិនា ឆ្នាំ២០១៩ ជាកំហិតនោះ នៅថ្ងៃនេះ ខាងមន្រ្តីជលផលខេត្តកោះកុង បានបញ្ជាក់បន្ថែម និងជូនដំណឹងដល់ប្រជានេសាទសមុទ្រអំពីបំរាមនេះ។លោក ឡាំង គីរី ប្រធានរដ្ឋបាលជលផលខេត្តកោះកុង បានប្រាប់នៅថ្ងៃទី១៦ ខែមករានេះថា ចំពោះសេចក្តីជូនដំណឹងរដ្ឋបាលជនផល បានជូនដំណឹង ដល់ប្រជានេសាទរួចរាល់អស់ហើយ គឺចាប់ផ្តើមអនុវត្តន៍ចាប់ពីថ្ងៃ ដែលរដ្ឋបាលជលផល ចេញសេចក្តីជូនដំណឹងមកម្ល៉េះ ព្រោះដល់រដូវពងកូនបន្តពូជរបស់ត្រីកាម៉ុង មួយរយៈខ្លីសិន ដើម្បីឲ្យពូជត្រីកាម៉ុង បានបន្តពូជបង្កើនទិន្នផលច្រើននឹងធំធាត់។លោកបានបញ្ជាក់ថា ចំពោះការមិនឲ្យនេសាទត្រីកាម៉ុងនេះ ខាងរដ្ឋបាលបានហាមនេសាទត្រីកាម៉ុង ទូកនេសាទធំៗ ដែលឧបករណ៍មងអូសលើផ្ទៃសមុទ្រ និងកន្លែងរបស់សហគមន៍នេសាទ នៅជិតឡាំដាំ។ ហាមដាច់ខាតប្រជានេសាទណាម្នាក់ ហើយបើមិនគោរពទៅតាមការជូនដំណឹងរបស់រដ្ឋជលផលខាងជលផល នឹងមាន វិធានការទៅផ្លូវច្បាប់។ លោកបានបញ្ជាក់យ៉ាងច្បាស់ថា ចំពោះការនេសាទផ្សេងៗ រដ្ឋបាលជលផលមិនហាមឃាត់ឡើយ (ក្រៅពីត្រីកាម៉ុង ឬហៅថា ផ្លាធូ)៕

អាសូរណាស់! ឪពុកម្តាយមិននៅផ្ទះ កុមារ២នាក់បងប្អូនអាយុទើប៧ឆ្នាំ និង៣ឆ្នាំ បង្កាត់ភ្លើងដាំទឹកឆុងមី បណ្តាលឲ្យឆេះផ្ទះ ស្លាប់យ៉ាងអាណោចអាធ័ម

ថ្ងៃទី ១៦ ខែ មករា ឆ្នាំ ២០១៩ ម៉ោង ១១:៣៧

ពោធិ៍សាត់៖ យ៉ាងហោចណាស់មានកុមារ២នាក់ ប្អូនបង្កើតបានស្លាប់បាត់ជីវិត យ៉ាងអាណោចអាធ័ម នៅក្នុងករណីគ្រោះអគ្គិភ័យ ឆាបឆេះផ្ទះ១ខ្នង កាលពីវេលាម៉ោង០៤៖១០នាទីល្ងាច ថ្ងៃទី១៥ ខែមករា ឆ្នាំ២០១៩ ស្ថិតនៅក្នុងភូមិអូរថ្កូវ សង្កាត់រលាប ក្រុងពោធិ៍សាត់។តើតាមភ្នាក់ងារព័ត៌មាន Fresh News ប្រចាំខេត្តពោធិ៍សាត់ បានឱ្យដឹងថា ជនរងគ្រោះទាំងពីរនាក់ជាបងប្អូនបង្កើននឹងគ្នា មានឈ្មោះទី១៖ ឈ្មោះ ឯល ម៉ាត់ ភេទប្រុស អាយុ០៧ឆ្នាំ និងទី២៖ ឈ្មោះ ឯល ម៉ៃ ភេទស្រី អាយុ០៣ឆ្នាំ បានស្លាប់ក្នុងភ្លើងតែម្តង។ករណីនេះបណ្តាលឱ្យផ្ទះ១ខ្នង ទំហំ៣ម៉ែត្រ គុណ៤ម៉ែត្រ ដំបូលប្រក់ស្បូវជញ្ជាំងស័ង្កសី កម្ពស់២មែត្រ ជាផ្ទះរបស់ឈ្មោះ ត ឯល ភេទប្រុស​អាយុ៣៥ឆ្នាំ ជនជាតិខ្មែរឥស្លាម នឹងប្រពន្ធឈ្មោះ សី ធាង អាយុ៣១ឆ្នាំ រស់នៅម្តុំចំណុចអណ្តូងតាជុគ (ក្បាលខ្មោច ) ភូមិអូរថ្កូវ សង្កាត់រលាប ក្រុងពោធិ៍សាត់ ឆេះអស់ទាំងស្រុង។ប្រភពព័ត៌មានពីឪពុក ម្តាយក្មេងជនរងគ្រោះ បានឱ្យដឹងថា នៅពេលដែលម្តាយទៅច្រូតស្បូវចម្ងាយពីផ្ទះប្រហែល៥០០ម៉ែត្រ និងឪពុកទៅមើលក្របី ចំងាយប្រហែល០៣គីឡូម៉ែត្រ និងកូនប្រុសច្បងអាយុ០៩ឆ្នាំ ទៅចងគោហើយពួកគាត់បានទុកកូនតូចទាំងពីរនៅផ្ទះ ហើយកន្លែងកើតហេតុនៅឆ្ងាយដាច់ៗពីផ្ទះគេ ដូច្នេះហើយបានជាមិនមានអ្នកណាដឹងមិនអាចមកជួយទាន់ពេលវេលា។តាមការសន្និដ្ឋានរបស់សមត្ថកិច្ច និងប្រជាពលរដ្ឋ បានឱ្យដឹងថា អគ្គិភ័យនេះ គឺកើតឡើងប្រហែលជាក្មេងទាំងពីរនាក់ បានយកដែកកេះបង្កាត់ភ្លើង​ដាំទឹកឆុងមី ទើបបណ្តាលឱ្យមានអគ្គិភ័យកើតឡើងដូច្នេះ។ រីឯសម្ភារខូចខាតមាន៖ ស្រូវ១០ការ៉ុង អង្ករ២០ការ៉ុង នឹងសំភារៈមួយចំនួនទៀត៕

ក្រសួងសាធារណការ បង្ហាញពីសមត្ថភាពរបស់រថភ្លើងថ្មី និងមុខងារសំខាន់ៗ ដែលទើបនាំចូលពី​ប្រទេស​ម៉ិចស៊ីកូ

ថ្ងៃទី ១៦ ខែ មករា ឆ្នាំ ២០១៩ ម៉ោង ១១:១៧

ភ្នំពេញ៖ លោក ស៊ុន​ ចាន់ថុល​ ទេសរដ្ឋមន្ត្រីរដ្ឋមន្រ្តីក្រសួងសាធារណការ និងដឹកជញ្ជូន នៅរសៀលថ្ងៃទី១៥ ខែមករា ឆ្នាំ២០១៩ បានចុះពិនិត្យក្បាលរថភ្លើងប្រភេទថ្មី ដែលនាំមកពីប្រទេសម៉ិចស៊ីកូ និងបង្ហាញអំពីសមត្ថភាពរបស់រថភ្លើងថ្មី និងមុខងារសំខាន់ៗរបស់រថភ្លើងថ្មីមួយនេះ មានសមត្ថភាពក្នុងការធ្វើដំណើរបានលឿន និងផ្ដល់សុវត្ថិភាពដល់អ្នកដំណើរបែបណាផងដែរ។បើតាមបណ្ដាញសង្គម Facebook របស់ក្រសួងសាធារណការ និងដឹកជញ្ជូន បានឲ្យដឹង​​ថា ​រថភ្លើង​ធុនស្រាល​ដែល​ក្រុមហ៊ុន​រ៉ូយ៉ាល់រេលវេ បញ្ជា​ទិញ​ពី​ប្រទេស​ម៉ិចស៊ិកចំនួន៣គ្រឿងនោះ គឺ​មាន​តម្លៃ ២លាន​ដុល្លារ​ក្នុង ១​គ្រឿងផងដែរ។ ចំពោះសមត្ថភាពរបស់រថភ្លើងនេះដែរ រួមមាន៖- ផ្ទុកមនុស្សបាន​ ៥៦នាក់​-មានម៉ាស៊ីនត្រជាក់- កៅអីអង្គុយធំទូលាយ- មានបំពាក់ប្រព័ន្ធ Wi-Fi- ប្រព័ន្ធហ្វ្រាំងចាប់បានលឿន រហ័ស- បង្កើនល្បឿនបានលឿន​ ដល់​ ៨០-៩០គម/ម៉- មានទ្វារ និងជណ្តើរចុះដោយស្វ័យប្រវត្តិ- មានបំពាក់ប្រព័ន្ធគ្រប់គ្រងរំយោល មិនរលាក់- ប្រតិបត្តិការអាចបញ្ជាបានទាំងសងខាង- មានទូរទស្សន៍ ១២គ្រឿងក្នុងមួយទូរថភ្លើង- បង្គន់អនាម័យ៕

ភ័យខ្លាចពេក! ទីភ្នាក់ងារជនភៀសខ្លួនកាណាដាជួលអង្គរក្សការពារសុវត្ថិភាពនារីអារ៉ាប៊ីសាអូឌីត

ថ្ងៃទី ១៦ ខែ មករា ឆ្នាំ ២០១៩ ម៉ោង ១០:១៧

ចំពេលមានការគំរាមកំហែងសុវត្ថិភាពរបស់នារីអារ៉ាប៊ីសាអ៊ូឌីត នាង Rahaf Mohammed ដែលប្រទេសកាណាដាផ្តល់សិទ្ធិជ្រកកោន។ ទីភ្នាក់ងារជនភៀសខ្លួនបានជួលសន្តិសុខដើម្បីធានាថា “នាងមិននៅម្នាក់ឯង” ហើយអាចចាប់ផ្តើមជីវិតធម្មតា។ នេះបើយោងតាមនាយកប្រតិបត្តិទីភ្នាក់ងារជនភៀសខ្លួន។នាង Mohammed វ័យ ១៨ឆ្នាំបានល្បីល្បាញពេញសារព័ត៌មានអន្តរជាតិ បន្ទាប់ពីនាងបានសំងំនៅក្នុងបន្ទប់សណ្ឋាគារព្រលានយន្តហោះ នៅរដ្ឋធានីបាងកកប្រទេសថៃ ដើម្បីគេចពីការបញ្ជូនទៅផ្ទះរបស់នាងដោយសារតែភ័យខ្លាចត្រូវគេធ្វើបាប ឬសម្លាប់។ លោក Mario Calla នាយកប្រតិបតិ្ត Costi ដែលជាទីភ្នាក់ងារជនភៀសខ្លួនចុះហត្ថលេខា ដោយរដ្ឋាភិបាលកាណាដា ដើម្បីជួយនាងឱ្យទៅរស់នៅក្នុងទីក្រុងតូរ៉ុនតូបាននិយាយថា នាងត្រូវបានគំរាមកំហែងជាច្រើនលើកនៅលើអនឡាញដែលធ្វើឱ្យនាងព្រួយបារម្ភចំពោះសុវត្ថិភាពរបស់ខ្លួនឯង។ទីភ្នាក់ងារជនភៀសខ្លួន Costi បានជួលសន្តិសុខ ដើម្បីឱ្យប្រាកដថា “នាងមិននៅម្នាក់ឯង”។ "វាពិបាកក្នុងការនិយាយថាតើការគំរាមកំហែងទាំងនេះធ្ងន់ធ្ងរប៉ុនណា។ យើងកំពុងយកចិត្តទុកដាក់យ៉ាងខ្លាំង"៕

ជ្រូកនាំចូលពីវៀតណាមតាមច្រករបៀងធ្លក ក្រុងបាវិត ត្រូវ​មន្ត្រីជំនាញចុះឃាត់, ពេទ្យសត្វថា កំពុងយកឈាមជ្រូកទៅពិនិត្យនៅភ្នំពេញ

ថ្ងៃទី ១៥ ខែ មករា ឆ្នាំ ២០១៩ ម៉ោង ១៧:១០

ស្វាយរៀង៖ សត្វជ្រូកជាច្រើនក្បាល ត្រូវបាន​សមត្ថកិច្ចជំនាញចុះប្រតិបត្តិការ​ទប់ស្កាត់ការនាំចូលខុសច្បាប់ ពីប្រទេសវៀតណាម មកកាន់ប្រទេសកម្ពុជា តាមច្រករបៀងធ្លក ក្រុងបាវិត ខេត្តស្វាយរៀង ហើយត្រូវ​កម្លាំងជំនាញនាំយកសត្វជ្រូកមករក្សាទុកនៅការិយាល័យផលិតកម្ម និងបសុព្យាបាលខេត្ត។លោក ឈិន សៅ មន្ត្រីពេទ្យសត្វខេត្ត ​បានឲ្យដឹង​កាលពីម្សិលមិញនេះថា សត្វជ្រូកដែលក្រុមការងារបង្ក្រាបបទល្មើសចលនាសត្វ និងផលិតផលសត្វ របស់អគ្គនាយកដ្ឋានសុខភាពសត្វ និងផលិតកម្មសត្វ សហការជាមួយការិយាល័យផលិតកម្ម និងបសុព្យាបាល នៃមន្ទីរកសិកម្ម ខេត្តស្វាយរៀង កាលពីយប់ថ្ងៃទី១២ ខែមករា ឆ្នាំ២០១៩កន្លងទៅនេះ ឥឡូវនាំមករក្សាទុកនៅការិយាល័យផលិតកម្ម និងបសុព្យាបាលខេត្តស្វាយរៀងហើយ ដើម្បីយកឈាមជ្រូកទៅពិនិត្យនៅភ្នំពេញថា តើមានមេរោគដែរឬទេ?លោក ឈិន សៅ បានបញ្ជាក់ថា សត្វជ្រូកជាក់ស្តែងមានចំនួនតែ១៩ក្បាល មិនមែន១០០ក្បាលនោះទេ ហើយពេលនេះ រង់ចាំលទ្ធផលការពិនិត្យឈាមទើប សម្រេចត្រូវធ្វើយ៉ាងណា។សូមបញ្ជាក់ថា កាលពីយប់ថ្ងៃទី១២ ខែមរា ឆ្នាំ២០១៩កន្លងទៅនេះ ក្រុមការងារបង្ក្រាបបទល្មើសចលនាសត្វ និងផលិតផលសត្វ របស់​អគ្គនាយកដ្ឋានសុខភាពសត្វ និងផលិតកម្មសត្វ សហការជាមួយការិយាល័យផលិតកម្ម និងបសុព្យាបាល នៃមន្ទីរកសិកម្មខេត្តស្វាយរៀង បានឃាត់រថយន្ត​១គ្រឿង ដឹកសត្វជ្រូករស់ជាច្រើនក្បាល ចេញមកពីប្រទេសវៀតណាម បំណងដឹកទៅកាន់រាជធានីភ្នំពេញ ដោយចូលមកតាមច្រករបៀងធ្លក ឬហៅថាច្រកម្ទេស ភូមិម្ទេស សង្កាត់ច្រកម្ទេស ក្រុងបាវិត ខេត្តស្វាយរៀង ដោយគ្មានលិខិតអនុញ្ញាត ឬឯកសារអ្វីទាំងអស់។​មន្ត្រីជំនាញបន្តថា ក្រោយពីក្រុមការងារបានឃាត់រថយន្តនោះមក ក្រុមការងារ​បានប្រគល់វត្ថុតាងបទល្មើស ជូនទៅការិយាល័យផលិតកម្ម និងបសុព្យាបាល នៃមន្ទីរកសិកម្មខេត្តស្វាយរៀង ដើម្បីអនុវត្តតាមនីតិវិធីច្បាប់៕

រដ្ឋបាលជលផល ជូនដំណឹងឲ្យបញ្ឈប់សកម្មភាពការនេសាទត្រីកាម៉ុង «ប្លាធូ» ចាប់ពីថ្ងៃនេះ ដល់ថ្ងៃទី៣១ ខែមីនា ដោយសារជារដូវត្រីពង

ថ្ងៃទី ១៥ ខែ មករា ឆ្នាំ ២០១៩ ម៉ោង ១៦:៥៩

ភ្នំពេញ៖ រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១៤ ខែមករា ឆ្នាំ២០១៩នេះ បានចេញសេចក្តីជូនដំណឹងមួយ ស្ដីពីការបិទធ្វើនេសាទត្រីកាម៉ុង សម្រាប់រដូវនេសាទ ឆ្នាំ២០១៩ នា រដូវពងកូនបន្តពូជរបស់ត្រីកាម៉ុង «ប្លាធូ» នៅក្នុងដែននេសាទសមុទ្រកម្ពុជា ចាប់ពីថ្ងៃទី១៥ ខែមករា រហូតដល់ថ្ងៃទី៣១ ខែមីនាឆ្នាំ២០១៩។ សូមអានសេចក្តីជូនដំណឹង របស់រដ្ឋបាលជលផល ដែលមានខ្លឹមសារទាំងស្រុង នៅខាងក្រោម៖

ស្ត្រីម្នាក់ត្រូវចោរប្លន់សម្លាប់យកទ្រព្យសម្បត្តិអស់ជិត៤ម៉ឺនដុល្លារ នៅខេត្តកណ្តាល

ថ្ងៃទី ១៥ ខែ មករា ឆ្នាំ ២០១៩ ម៉ោង ១២:១២

(កណ្តាល)៖ ស្ត្រីវ័យ៥៦ឆ្នាំម្នាក់ ត្រូវបានចោរដៃឆៅប្លន់សម្លាប់យកទ្រព្យសម្បត្តិអស់ជិត៤ម៉ឺនដុល្លារ កាលពីវេលាម៉ោង៥ល្ងាចថ្ងៃទី១៤ ខែមករា ឆ្នាំ២០១៩ ដែលមានទីតាំងស្ថិតនៅភូមិបឹង ឃុំរកា ស្រុកកណ្ដាលស្ទឹង ​ខេត្តកណ្ដាល។ស្ត្រីរងគ្រោះឈ្មោះ ឈុន ទូ អាយុ៥៦ឆ្នាំ មុខរបរមេផ្ទះ មានស្រុកកំណើត ស្ថិតនៅឃុំស្រៃអំបិល ស្រុកបុទុមសាគរ ខេត្តកោះកុង។ បច្ចុប្បន្នស្នាក់នៅភូមិបឹង ឃុំរកា ស្រុកកណ្ដាលស្ទឹង ខេត្តកណ្ដាល។ សម្ភារដែរត្រូវបាត់បង់រួមមានទី១៖ លុយដុល្លារចំនួន៣០,០០០ដុល្លារ, ទី២៖ លុយខ្មែរចំនួន២លានរៀល, ទី៣៖ ខ្សែកមាស២ដំឡឹង, ទី៤៖ ចិញ្ចៀនមាស៥ជី និងទី៥៖ ខ្សែដៃមាស៥ជី។ក្រុមគ្រួសារស្ត្រីរងគ្រោះ បានប្រាប់ឱ្យដឹងថា មុនពេលកើតហេតុ ប្ដីរបស់គាត់បានត្រលប់មកពីធ្វើការវិញ ស្រាប់តែអត់ឃើញប្រពន្ធរបស់គាត់ ភ្លាមៗនោះគាត់បានហៅពីរទៅបីដងតែអត់តបវិញសោះ ហើយទ្វារផ្ទះបើកចំហរទៀត។ចំណែកឯបុរសជាប្ដី ក៏មិនចាំអារម្មណ៍ដែរ ហើយគាត់បានចូលទៅក្នុងផ្ទះ ដើម្បីទុកសម្ភារមួយរួចក៏ដើរចេញមកវិញ ដើម្បីទៅកាត់សក់ តែពេលទៅដល់ផ្ទះជាងៗថា រវល់ហើយ មិនបានកាត់ឲ្យទេភ្លាមៗនោះ។ រួចមកគាត់ក៏បានធ្វើដើរត្រឡប់មកផ្ទះវិញ គាត់បានស្រែកហៅប្រពន្ធរបស់គាត់ម្ដងទៀត តែនៅតែមិនឃើញ ក៏បានដើររកជុំវិញផ្ទះនៅតែអត់ឃើញទៀត ហើយទ្វារផ្ទះនៅតែបើកចំហរដដែល។មួយសន្ទុះក្រោយមក គាត់បានដើរចូលទៅក្នុងផ្ទះ ហើយបើកទ្វារបន្ទប់ ដើរចូលស្រាប់តែឃើញប្រពន្ធរបស់គាត់ បានដេកស្លាប់នៅពីមុខទូលុយយ៉ាងអាណោចអាធ័ម។ ភ្លាមៗនោះគាត់បានស្រែកឆោឡោ ឱ្យអ្នកជិតខាងជួយប្រពន្ធគាត់ផង ព្រោះប្រពន្ធរបស់គាត់បានស្លាប់បាត់បង់បាត់ទៅហើយ ចំណែកឯទូដាក់លុយ និងគ្រឿងអលង្ការមួយចំនួន ត្រូវបានបាត់បង់គ្មានសល់ឡើយ។ក្រោយកើតហេតុ សមត្ថកិច្ចមូលដ្ឋាន បានចុះមកដល់កន្លែងកើតហេតុរួច បានធ្វើការទាក់ទងទៅសមត្ថកិច្ចជំនាញ ដើម្បីចុះមកធ្វើកោសល្យវិច័្ចយ នឹងប្រគល់សាកសពទៅឱ្យក្រុមគ្រួសារ យកទៅធ្វើបុណ្យតាមប្រពៃណី។ ចំណែកជនសង្ស័យសមត្ថកិច្ចកំពុងតែធ្វើការស្រាវជ្រាវ និងតាមចាប់ខ្លួនយកមកផ្ដន្ទាទោសទៅតាមផ្លូវច្បាប់៕

កាណាដាថា ចិនកាត់ទោសមនុស្សតាមអំពើចិត្ត និងព្រមានពលរដ្ឋរបស់ខ្លួនពីការធ្វើដំណើរទៅប្រទេសចិន

ថ្ងៃទី ១៥ ខែ មករា ឆ្នាំ ២០១៩ ម៉ោង ១១:៥៥

ចិន៖ កាណាដាព្រមានពលរដ្ឋរបស់ខ្លួនឱ្យប្រុងប្រយ័ត្នខ្ពស់ នៅពេលធ្វើដំណើរទៅប្រទេសចិន បន្ទាប់ពីបុរសជនជាតិកាណាដាម្នាក់ត្រូវបានកាត់ទោសប្រហារជីវិតពាក់ព័ន្ធនឹងករណីចោទប្រកាន់ជួញដូរគ្រឿងញៀន។ការព្រមានធ្វើឡើងតែប៉ុន្មានម៉ោង បន្ទាប់ពីតុលាការចិនកាលពីថ្ងៃចន្ទបានផ្តន្ទាទោសប្រហារជីវិតបុរសកាណាដា លោក Robert Lloyd Schellenberg បន្ទាប់ពីដំបូងឡើយ កាត់ទោសឱ្យជាប់ពន្ធនាគាររយៈពេល ១៥ឆ្នាំប៉ុណ្ណោះ។ នាយករដ្ឋមន្ត្រីកាណាដា លោក Justin Trudeau បានចោទប្រកាន់ក្រុងប៉េកាំងថា កាត់ទោសមនុស្សតាមអំពើចិត្ត ដោយធ្វើឱ្យទំនាក់ទំនងការទូតរវាងប្រទេសទាំងពីរកាន់តែប្រេះឆា។ការកាត់ទោសនេះធ្វើឡើង ស្របពេលក្រុងប៉េកាំងខឹងសម្បារចំពោះការចាប់ខ្លួននាយកប្រតិបត្តិកំពូលម្នាក់ពីក្រុមហ៊ុនទូរគមនាគមន៍ Huawei ដោយប្រទេសកាណាដាពី កាលពីខែមុន តាមសំណើរបស់សហរដ្ឋអាមេរិកទាក់ទងនឹងការរំលោភទណ្ឌកម្មលើអ៊ីរ៉ង់៕