trollkhmer news

សង្គមនិងជីវិត

ក្រសួងសុខាភិបាល៖ រកឃើញអ្នកឆ្លងកូវីដ១៩ថ្មី ចំនួន ៥៥៦នាក់ ខណៈជាសះស្បើយ ៦៥៨នាក់

ថ្ងៃទី ២៤ ខែ ឧសភា ឆ្នាំ ២០២១ ម៉ោង ១១:៤៥

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី២៤ ខែឧសភា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មី ចំនួន៥៥៦នាក់ ខណៈអ្នកជំងឺ៦៥៨នាក់ជាសះស្បើយ។សូមជម្រាបថា គិតត្រឹមព្រឹកថ្ងៃទី២៤ ខែឧសភា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន២៥,៧៦១នាក់ ក្នុងនោះអ្នកជាសះស្បើយសរុបចំនួន១៨,៣៥៩នាក់ និងស្លាប់សរុបចំនួន១៧៩នាក់៕

ក្រសួងសុខាភិបាល៖ បន្តរកឃើញអ្នកឆ្លងកូវីដ១៩ថ្មីចំនួន ៤១៥នាក់ ខណៈជាសះស្បើយ ៧៤៥នាក់

ថ្ងៃទី ២០ ខែ ឧសភា ឆ្នាំ ២០២១ ម៉ោង ១១:៤៥

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី២០ ខែឧសភា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ថ្មី ចំនួន ៤១៥នាក់ ខណៈអ្នកជំងឺចំនួន ៧៤៥នាក់ជាសះស្បើយ។គួរបញ្ជាក់ផងដែរថា គិតត្រឹមព្រឹកថ្ងៃទី២០ ខែឧសភា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន២៣,៦៩៧នាក់ ក្នុងនោះអ្នកជាសះស្បើយសរុបចំនួន ១៥,៧០០នាក់ និងស្លាប់សរុបចំនួន១៦៤នាក់៕

EDC ជូនដំណឹងពីការរអាក់រអួលផ្គត់ផ្គង់ចរន្ត នៅតំបន់មួយចំនួន ចាប់ពីថ្ងៃនេះ ដល់ថ្ងៃទី២៣ ខែឧសភា​ ឆ្នាំ២០២១

ថ្ងៃទី ២០ ខែ ឧសភា ឆ្នាំ ២០២១ ម៉ោង ០៩:៤៦

(ភ្នំពេញ)៖ អគ្គិសនីកម្ពុជា (EDC) បានចេញសេចក្តីជូនដំណឹង ស្តីពីការអនុវត្តការងារជួសជុល ផ្លាស់ប្តូរ តម្លើងបរិក្ខារនានា និងរុះរើគន្លងខ្សែបណ្តាញអគ្គិសនី របស់អគ្គិសនីកម្ពុជា ដើម្បីបង្កលក្ខណៈងាយស្រួល ដល់ការដ្ឋានពង្រីកផ្លូវ រយៈពេល៤ថ្ងៃ ចាប់ពីថ្ងៃនេះ ដល់ថ្ងៃទី២៣ ខែឧសភា ឆ្នាំ២០២១ នៅតំបន់មួយចំនួនទៅ តាមពេលវេលា និងទីកន្លែង។ទោះជាមានការខិតខំថែរក្សា មិនឲ្យមានការប៉ះពាល់ ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនី នៅតំបន់មួយចំនួន អាចនឹងមានការ រអាក់រអួលខ្លះៗ ជៀសមិនផុតដែលអគ្គិសនីកម្ពុជា ស្នើសុំអភ័យទោសទុកជាមុន ៕

មន្ទីរសំរាកព្យាបាល អូឡាំព្យា មេឌីខល ទទួលបានការអនុញ្ញាតពីក្រសួងសុខាភិបាល ក្នុងការប្រើប្រាស់តេស្តរហ័សរកអង់ទីហ្សែនកូវីដ-១៩

ថ្ងៃទី ១៩ ខែ ឧសភា ឆ្នាំ ២០២១ ម៉ោង ១១:៥៩

មន្ទីរសំរាកព្យាបាល អូឡាំព្យា មេឌីខល ទទួលបានការអនុញ្ញាតពីក្រសួងសុខាភិបាល ក្នុងការប្រើប្រាស់តេស្តរហ័សរកអង់ទីហ្សែនកូវីដ-១៩ សម្រាប់ការធ្វើរោគវិនិច្ឆ័យជំងឺកូវីដ-១៩៕

ក្រសួងសុខាភិបាល៖ បន្តរកឃើញអ្នកឆ្លងកូវីដ១៩ថ្មី ចំនួន៤៤៦ នាក់ ខណៈជាសះស្បើយ ៩៨០នាក់

ថ្ងៃទី ១៣ ខែ ឧសភា ឆ្នាំ ២០២១ ម៉ោង ១១:៤៨

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី១៣ ខែឧសភា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មី ចំនួន៤៤៦នាក់ ខណៈអ្នកជំងឺ៩៨០នាក់ជាសះស្បើយ។សូមជម្រាបថា គិតត្រឹមព្រឹកថ្ងៃទី១៣ ខែឧសភា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ២១,១៤១ នាក់ ក្នុងនោះអ្នកជាសះស្បើយសរុបចំនួន ៩,៥១៩នាក់ និងស្លាប់សរុបចំនួន ១៤២នាក់៕

ថៃ៖ រកឃើញករណីឆ្លងកូវីដ-១៩ ច្រើនបំផុតរហូតដល់ ៤,៨៨៧នាក់ ក្រោយផ្ទុះករណីឆ្លងក្នុងពន្ធនាគារ

ថ្ងៃទី ១៣ ខែ ឧសភា ឆ្នាំ ២០២១ ម៉ោង ១០:២១

(បាងកក)៖ ក្រសួងសុខាភិបាលថៃនៅព្រឹកថ្ងៃព្រហស្បតិ៍ ទី១៣ ខែឧសភា ឆ្នាំ២០២១នេះបានប្រកាសពីការរកឃើញអ្នកឆ្លង COVID-19 រហូតដល់ទៅ ៤,៨៨៧នាក់ និងអ្នកជំងឺ ៣២នាក់ទៀតស្លាប់ ក្នុងរយៈពេល ២៤ម៉ោងចុងក្រោយនេះ។ វាជាតួលេខអ្នកឆ្លង COVID-19 ប្រចាំថ្ងៃខ្ពស់់បំផុត ដែលប្រទេសថៃមិនធ្លាប់ជួបប្រទះនោះឡើយ។ តួលេខឆ្លងយ៉ាងគំហុកខាងលើកើនឡើង ក្រោយអាជ្ញាធរថៃបានទទួលស្គាល់ថា កាលពីកំឡុងពេល ២៤ម៉ោងកន្លងទៅ ពួកគេបានរកឃើញអ្នកទោសជិត ៣,០០០នាក់ក្នុងពន្ធនាគារបានឆ្លង COVID-19 ក្នុងនោះមានអ្នកទោស ១,៧៩៥នាក់ត្រូវបានរាយការណ៍ចេញពីពន្ធនាគារបាងកក (Bangkok Remand) និង ១,០៤០នាក់ ត្រូវបានរកឃើញនៅឯមណ្ឌលកែប្រែមួយទៀត (Central Women’s Correctional Institution)។ក្រោយបូកបញ្ចូលតួលេខថ្មីខាងលើ ធ្វើឱ្យចំនួនអ្នកឆ្លង COVID-19 នៅទូទាំងប្រទេសថៃកើនដល់ ៩៣,៧៩៤នាក់ ក្នុងស្លាប់កើនដល់ ៥១៨នាក់៕

ឥណ្ឌា៖ បន្តមានករណីឆ្លងកូវីដ-១៩ថ្មីៗ ជិត៣៥០,០០០នាក់ និងស្លាប់ជាង៤,២០០នាក់

ថ្ងៃទី ១២ ខែ ឧសភា ឆ្នាំ ២០២១ ម៉ោង ១៤:៥៨

(ញូដេលី)៖ ទិន្នន័យផ្លូវការពីក្រសួងសុខាភិបាលឥណ្ឌា នៅថ្ងៃពុធនេះបានបង្ហាញថា ចំនួនអ្នកស្លាប់ដោយសារជំងឺ COVID-19 ក្នុងប្រទេសមានប្រជាជន ១.៣ពាន់លាននាក់ មួយនេះ បានបន្តកើនលើស២៥០,០០០នាក់ហើយ។ នេះបើតាមការចេញផ្សាយដោយ ទីភ្នាក់ងារព័ត៌មន AFP នៅថ្ងៃពុធ ទី១២ ខែឧសភា ឆ្នាំ២០២១។យោងតាមក្រសួងសុខាភិបាលឥណ្ឌា ក្នុងរយៈពេល២៤ម៉ោងចុងក្រោយ អ្នកជំងឺ COVID-19 ចំនួន៤,២០៥នាក់ទៀតបានបាត់បង់ជីវិត ដែលវាគឺជាកំណត់ត្រាថ្មី ហើយធ្វើឲ្យតួលេខអ្នកស្លាប់សរុបកើនដល់ ២៥៤,១៩៧នាក់។ ចំណែក តួលេខករណីឆ្លងសរុបវិញបានកើន ៣៤៨,៤២១នាក់ ក្នុងរយៈពេលដូចគ្នា ដោយឡើងដល់២៣.៣លាននាក់។ ជាមួយគ្នានេះ អ្នកជំងឺសរុបជាង១៩លាននាក់ ត្រូវបានព្យាបាលឲ្យជាសះស្បើយឡើងវិញ។គួរបញ្ជាក់ថា បច្ចុប្បន្នក្រៅពីនៅតាមទីក្រុងធំៗ ការឆ្លងរាតត្បាតជំងឺ COVID-19 នៅតាមទីជនបទនៃប្រទេសឥណ្ឌា ក៏មានសភាពខ្លាំងក្លាផងដែរ។ ឥណ្ឌាបានចាប់ផ្តើមយុទ្ធនាការចាក់វ៉ាក់សាំងបង្ការជំងឺ COVID-19 កាលពីពាក់កណ្តាលខែមករា ដើមឆ្នាំនេះ ហើយមកទល់ឥឡូវវ៉ាក់សាំងជាង ១៧៥លានដូសត្រូវបានចាក់ ខណៈប្រជាជនជាង៣៦លាននាក់ ដែលស្មើនឹងជាង២ភាគរយប៉ុណ្ណោះ នៃចំនួនប្រជាជនសរុប ទទួលបានគ្រប់ដូស៕

ក្រសួងសុខាភិបាល៖ រកឃើញអ្នកឆ្លងកូវីដ១៩ថ្មី ចំនួន៤៨០នាក់ ខណៈជាសះស្បើយ ៣៥០នាក់

ថ្ងៃទី ១១ ខែ ឧសភា ឆ្នាំ ២០២១ ម៉ោង ១១:៣៩

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី១១ ខែឧសភា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មី ចំនួន៤៨០នាក់ ខណៈអ្នកជំងឺ៣៥០នាក់ជាសះស្បើយ។សូមជម្រាបថា គិតត្រឹមព្រឹកថ្ងៃទី១១ ខែឧសភា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ២០,២២៣នាក់ ក្នុងនោះអ្នកជាសះស្បើយសរុបចំនួន ៨,១៧០នាក់ និងស្លាប់សរុបចំនួ ១៣១នាក់៕

វៀតណាម៖ រកឃើញករណីឆ្លងកូវីដ-១៩ ចំនួន២៨នាក់ទៀត នៅតំបន់បិទខ្ទប់ភាគខាងជើងប្រទេស

ថ្ងៃទី ១១ ខែ ឧសភា ឆ្នាំ ២០២១ ម៉ោង ១១:២៦

(ហាណយ)៖ ក្រសួងសុខាភិបាលវៀតណាម បានប្រកាសពីការរកឃើញ ករណីឆ្លងថ្មីៗនៃជំងឺ COVID-19 ចំនួន ២៨ករណីបន្ថែមទៀត នៅតំបន់ភាគខាងជើងដែលជាតំបន់បិទខ្ទប់ គិតចាប់តាំងពីម៉ោង ០៦៖០០នាទីល្ងាចថ្ងៃចន្ទ ដល់ម៉ោង ០៦៖០០នាទីព្រឹកព្រលឹមថ្ងៃអង្គារ ដែលនាំឱ្យករណីឆ្លងសរុបនៅទូទាំងប្រទេស កើនឡើងដល់ ៣,៤៨៩ករណី។ នេះបើតាមការចេញផ្សាយ ដោយសារព័ត៌មានចិនស៉ីនហួរ នៅព្រឹកថ្ងៃអង្គារ ទី១១ ខែឧសភា ឆ្នាំ២០២១។ក្រសួងសុខាភិបាលវៀតណាមបានគូសបញ្ជាក់ថា ក្នុងចំណោមករណីឆ្លងថ្មីៗខាងលើនេះ មាន ១៣ករណីត្រូវបានរកឃើញនៅខេត្ត បាក នីញ (Bac Ninh) ភាគខាងជើង, ០៧ករណីនៅខេត្ត វិញ ហ្វ៊ុក (Vinh Phuc) ភាគខាងជើង, ០៥ករណីទៀតនៅខេត្ត បាក ហ្គៀង (Bac Giang) ភាគខាងជើង និង ០៣ករណីទៀតនៅខេត្តផ្សេងៗ។ ករណីភាគច្រើន គឺមានជាប់ទាក់ទងជាមួយអ្នកជំងឺ ដែលត្រូវបានរាយការណ៍កាលពីមុន ឬមានជាប់ទាក់ទងជាមួយចង្កោមអ្នកចម្លង នៅតាមមូលដ្ឋាន។ក្រសួងសុខាភិបាលវៀតណាម ក៏បានគូសបញ្ជាក់បន្ថែមថា មនុស្សប្រហែល ៨៩២,៥០០នាក់ដែលធ្វើការនៅជួរមុខក្នុងការប្រយុទ្ធប្រឆាំងនឹងជំងឺ COVID-19 ដែលភាគច្រើនជាបុគ្គលិកសុខាភិបាល បានទទួលការចាក់វ៉ាក់សាំងបង្ការជំងឺឆ្លងរាតត្បាត ដ៏កាចសាហាវនេះរួចរាល់។ គួរបញ្ជាក់ថា គិតត្រឹមម៉ោង ០៦៖០០នាទីព្រឹកថ្ងៃអង្គារនេះ ប្រទេសវៀតណាម បានកត់ត្រានូវករណី COVID-19 សរុបចំនួន ៣,៤៨៩ករណី ក្នុងនោះមានអ្នកស្លាប់ ៣៥នាក់ និងជាសះស្បើយវិញ ២,៦១៨នាក់៕