trollkhmer news

សង្គមនិងជីវិត

ក្រសួងសុខាភិបាល បន្តរកឃើញអ្នកឆ្លងកូវីដ១៩ថ្មីចំនួន ៩១១នាក់ ខណៈជាសះស្បើយ ១០០២នាក់

ថ្ងៃទី ១២ ខែ កក្តដា ឆ្នាំ ២០២១ ម៉ោង ១១:៣៩

(ភ្នំពេញ)៖ ក្រសួងសុខាភិបាល នៅថ្ងៃទី១២ ខែកក្កដា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ថ្មីចំនួន៩១១នាក់ ខណៈអ្នកជំងឺចំនួន១០០២នាក់ជាសះស្បើយ។សូមជម្រាបថា គិតត្រឹមព្រឹកថ្ងៃទី១២ ខែកក្កដា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៦១,៨៧០នាក់ ក្នុងនោះអ្នកជាសះស្បើយសរុបចំនួន ៥៣,៤៧៧នាក់ និងស្លាប់សរុបចំនួន ៩២៥នាក់៕

អ្នកជំងឺកូវីដ១៩ ចំនួន១០៣៣នាក់ ត្រូវបានដាក់ឱ្យព្យាបាលនៅតាមផ្ទះក្នុងរាជធានីភ្នំពេញ ក្នុងនោះមាន ២៦៨នាក់ ត្រូវបានព្យាបាលជាសះស្បើយ

ថ្ងៃទី ១២ ខែ កក្តដា ឆ្នាំ ២០២១ ម៉ោង ១០:៥០

(ភ្នំពេញ)៖ រហូតមកដល់ពេលនេះ មានអ្នកជំងឺកូវីដ១៩ កម្រិតស្រាលចំនួន១០៣៣នាក់ហើយ ត្រូវបានដាក់ឱ្យព្យាបាលនៅតាមផ្ទះ នៅក្នុងរាជធានីភ្នំពេញ ហើយក្នុងនោះមានអ្នកជំងឺប្រមាណ២៦៨នាក់ផងដែរ ដែលបានជាសះស្បើយ។ នេះបើតាម លោក ហេង សុទ្ធី អនុរដ្ឋលេខាធិការក្រសួងសុខាភិបាល បញ្ជាក់នៅក្នុងសន្និសីទកាសែត នៅព្រឹកថ្ងៃទី១២ ខែកក្កដា ឆ្នាំ២០២១នេះ។សន្និសីទនេះ ត្រូវបានរៀបចំឡើងដើម្បីផ្សព្វផ្សាយពីនីតិវិធី និងយន្តការដាក់ព្យាបាលតាមផ្ទះ ចំពោះអ្នកជំងឺកូវីដ១៩ កម្រិតស្រាល និងគ្មានរោគសញ្ញា សម្រាប់ភូមិសាស្ត្ររាជធានីភ្នំពេញ។

ក្រសួងសុខាភិបាល បន្តរកឃើញអ្នកឆ្លងកូវីដ១៩ថ្មីចំនួន ៩៣៣នាក់ ខណៈជាសះស្បើយ៧៤៣នាក់

ថ្ងៃទី ១០ ខែ កក្តដា ឆ្នាំ ២០២១ ម៉ោង ១២:០៧

(ភ្នំពេញ)៖ ក្រសួងសុខាភិបាល នៅថ្ងៃទី១០ ខែកក្កដា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ថ្មីចំនួន៩៣៣នាក់ ខណៈអ្នកជំងឺចំនួន៧៤៣នាក់ជាសះស្បើយ។សូមជម្រាបថា គិតត្រឹមព្រឹកថ្ងៃទី១០ ខែកក្កដា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៥៩,៩៧៨នាក់ ក្នុងនោះអ្នកជាសះស្បើយសរុបចំនួន ៥១,៦៦០នាក់ និងស្លាប់សរុបចំនួន៨៨១នាក់៕

សហរដ្ឋអាមេរិក៖ មនុស្សជាង ២៧,០០០នាក់ឆ្លងកូវីដ-១៩ និងអ្នកជំងឺ ៣៦៦នាក់ស្លាប់ក្នុង ១ថ្ងៃ

ថ្ងៃទី ១០ ខែ កក្តដា ឆ្នាំ ២០២១ ម៉ោង ១០:៣៩

(វ៉ាស៉ីនតោន)៖ នៅក្នុងរយៈពេល ២៤ម៉ោងកន្លងទៅនេះ មនុស្សសរុប ២៧,២៣៧នាក់ទៀតបានឆ្លងជំងឺ COVID-19 ខណៈអ្នកជំងឺ ៣៦៦នាក់បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។ នេះបើតាមការដកស្រង់ទិន្នន័យ ចេញពីគេហទំព័រ Worldometers នាព្រឹកថ្ងៃសៅរ៍ ទី១០ ខែកក្កដា ឆ្នាំ២០២១។ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៣៤,៧១១,៤១៦ករណី ក្នុងនោះមានអ្នកស្លាប់សរុបចំនួន ៦២២,៧០៨នាក់ និងជាសះស្បើយឡើងសរុប ២៩.២២លាននាក់។ សម្រាប់ចំនួនប្រជាជនសរុប ដែលកំពុងរស់នៅលើទឹកដីសហរដ្ឋអាមេរិកគឺជាង ៣៣២លាននាក់។ក្រុមហ៊ុនផលិតវ៉ាក់សាំង Pfizer គ្រោងនឹងស្នើសុំការអនុញ្ញាតពី អាជ្ញាធរនិយតករអាមេរិក ដើម្បីអាចចាក់វ៉ាក់សាំង COVID-19 របស់ខ្លួនសម្រាប់ដូសទី ៣ ឬ booster dose នៅខែក្រោយនេះ។ ការស្នើនេះកើតមានឡើង ដោយផ្អែកលើភស្តុតាងនៃហានិភ័យក្នុងការឆ្លងវីរុស COVID-19 កើតមានសាជាថ្មី ក្រោយការចាក់វ៉ាក់សាំងគ្រប់ដូសបាន ០៦ខែ និងដោយសារការព្រួយបារម្ភ អំពីការឆ្លងរាលដាលនៃវីរុសបម្លែងថ្មី Delta។គួរបញ្ជាក់ថា គិតត្រឹមថ្ងៃទី០៩ ខែកក្កដា ឆ្នាំ២០២១ សហរដ្ឋអាមេរិកបានចាក់វ៉ាក់សាំងបង្ការជំងឺ COVID-19 សរុបជាង ៣៣២លានដូសហើយ ជូនដល់ប្រជាជនទូទាំងប្រទេស ក្នុងនោះមនុស្សសរុប ១៨៣.២៣លាននាក់ (៥៥.៨%នៃចំនួនប្រជាជនសរុប) បានទទួលការចាក់យ៉ាងហោចណាស់ ១ដូស និង ១៥៨.២៩លាននាក់ (៤៨.២% នៃចំនួនប្រជាជនសរុប) បានទទួលការចាក់គ្រប់ដូស៕

ថៃ៖ មនុស្ស ៩,២៧៦នាក់ឆ្លងកូវីដ-១៩ និងអ្នកជំងឺ ៧២នាក់ស្លាប់

ថ្ងៃទី ០៩ ខែ កក្តដា ឆ្នាំ ២០២១ ម៉ោង ១១:០៩

(បាងកក)៖ ក្រសួងសុខាភិបាលថៃនៅព្រឹកថ្ងៃសុក្រ ទី០៩ ខែកក្កដា ឆ្នាំ២០២១នេះបានរាយការណ៍ពីការរកឃើញអ្នកឆ្លង COVID-19 ដល់ទៅ ៩,២៧៦នាក់ និងអ្នកជំងឺ ៧២នាក់នាក់់ទៀតស្លាប់ នៅក្នុងរយៈពេល ២៤ម៉ោងកន្លងទៅ។ នេះបើតាមការចេញផ្សាយ ដោយសារព័ត៌មាន Bangkok Post។បើតាមក្រសួងសុខាភិបាលថៃ នៅក្នុងករណីឆ្លងទាំងអស់ខាងលើ មាន ៨,៩៩៨នាក់ ត្រូវបានរកឃើញនៅលើប្រជាជនទូទៅ និង ២៧៨ករណីទៀតរកឃើញនៅតាមពន្ធនាគារ។ នេះជាចំនួនករណីឆ្លង កើនឡើងយ៉ាងគំហុកបន្ថែមទៀត ដែលកំពុងដាក់សម្ពាធកាន់តែខ្លាំង ទៅលើវិស័យសុខាភិបាល ជាពិសេសនៅទីក្រុងបាងកក ដែលមានករណីឆ្លង COVID-19 ខ្លាំងក្លាជាងគេ រហូតដល់អ្នកជំងឺមួយចំនួន ត្រូវគេងនៅក្រៅអគារមន្ទីរពេទ្យ ដើម្បីរង់ចាំការព្យាបាល។គួរបញ្ជាក់ថា បើគិតចាប់តាំងពីជំងឺ COVID-19 បានឆ្លងរីករាលដាលចូលមកដល់ជាលើកដំបូង កាលពីដើមឆ្នាំ២០២០ រហូតមកទល់ពេលនេះប្រទេសថៃបានកត់ត្រា នូវករណីឆ្លងជំងឺ COVID-19 សរុបនៅទូទាំងប្រទេស ៣១៧,៥០៦ករណី ក្នុងនោះមានអ្នកស្លាប់ ២,៥៣៤នាក់ និងអ្នកជាសះស្បើយ ២៤០,០៧៧នាក់។ សម្រាប់អត្រាចាក់វ៉ាក់សាំងវិញ ថៃសម្រេចបាន ១១.៦១លានដូស៕

ក្រសួងសុខាភិបាល បន្តរកឃើញអ្នកឆ្លងកូវីដ១៩ថ្មីចំនួន៩៥៤នាក់ ខណៈជាសះស្បើយ១០៤៦នាក់

ថ្ងៃទី ០៨ ខែ កក្តដា ឆ្នាំ ២០២១ ម៉ោង ១១:៤៨

(ភ្នំពេញ)៖ ក្រសួងសុខាភិបាល នៅថ្ងៃទី០៨ ខែកក្កដា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ថ្មីចំនួន៩៥៤ នាក់ ខណៈអ្នកជំងឺចំនួន ១០៤៦នាក់ជាសះស្បើយ។សូមជម្រាបថា គិតត្រឹមព្រឹកថ្ងៃទី០៨ ខែកក្កដា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៥៨,០៥៧នាក់ ក្នុងនោះអ្នកជាសះស្បើយសរុបចំនួន ៥០,០២០នាក់ និងស្លាប់សរុបចំនួន ៨២៥នាក់៕

សហរដ្ឋអាមេរិក៖ មនុស្សជាង ១៦,៤០០នាក់ឆ្លងកូវីដ-១៩ និងអ្នកជំងឺ ២៤៤នាក់ស្លាប់នៅក្នុងពេល ១ថ្ងៃ

ថ្ងៃទី ០៨ ខែ កក្តដា ឆ្នាំ ២០២១ ម៉ោង ១១:១២

(វ៉ាស៉ីនតោន)៖ នៅក្នុងរយៈពេល ២៤ម៉ោងកន្លងទៅនេះ មនុស្សសរុប ១៦,៤២៩នាក់ទៀតបានឆ្លងជំងឺ COVID-19 ខណៈអ្នកជំងឺ ២៤៤នាក់បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។ នេះបើតាមការដកស្រង់ទិន្នន័យ ចេញពីគេហទំព័រ Worldometers នាព្រឹកថ្ងៃព្រហស្បតិ៍ ទី០៨ ខែកក្កដា ឆ្នាំ២០២១។ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៣៤,៦៤៣,៩០២ករណី ក្នុងនោះមានអ្នកស្លាប់សរុបចំនួន ៦២១,៨៧៣នាក់ និងជាសះស្បើយឡើងសរុប ២៩.១៧លាននាក់។ សម្រាប់ចំនួនប្រជាជនសរុប ដែលកំពុងរស់នៅលើទឹកដីសហរដ្ឋអាមេរិកគឺជាង ៣៣២លាននាក់។ប្រធានាធិបតីអាមេរិក លោក ចូ បៃដិន នៅក្នុងសប្ដាហ៍នេះ បានលើកទឹកចិត្តដល់ប្រជាជនអាមេរិក ដែលមិនទាន់បានទទួលការចាក់វ៉ាក់សាំងបង្ការជំងឺ COVID-19 ឱ្យទៅទទួលការចាក់ឱ្យបានឆាប់តាមដែលអាចធ្វើទៅបាន ដើម្បីការពារពួកគេពីការឆ្លងជំងឺនេះ ក៏ដូចជាវីរុស COVID-19 បម្លែងខ្លួនថ្មី Delta (មានប្រភពដើមពីឥណ្ឌា) ដែលមានសមត្ថភាពចម្លង រហ័សជាងវីរុសបម្លែងខ្លួនថ្មីនានា នៅពេលបច្ចុប្បន្ននេះ។គួរបញ្ជាក់ថា គិតត្រឹមថ្ងៃទី០៧ ខែកក្កដា ឆ្នាំ២០២១ សហរដ្ឋអាមេរិកបានចាក់វ៉ាក់សាំងបង្ការជំងឺ COVID-19 សរុបជាង ៣៣១លានដូសហើយ ជូនដល់ប្រជាជនទូទាំងប្រទេស ក្នុងនោះមនុស្សសរុប ១៨២.៧១លាននាក់ (៥៥.៧%នៃចំនួនប្រជាជនសរុប) បានទទួលការចាក់យ៉ាងហោចណាស់ ១ដូស និង ១៥៧.៦៣លាននាក់ (៤៨% នៃចំនួនប្រជាជនសរុប) បានទទួលការចាក់គ្រប់ដូស៕

ក្រសួងសុខាភិបាល បន្តរកឃើញអ្នកឆ្លងកូវីដ១៩ថ្មីចំនួន៦១៦នាក់ ខណៈជាសះស្បើយចំនួន៧៥៣នាក់

ថ្ងៃទី ០១ ខែ មិថុនា ឆ្នាំ ២០២១ ម៉ោង ១១:៥១

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី០១ ខែមិថុនា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មីចំនួន៦១៦នាក់ ខណៈអ្នកជំងឺចំនួន ៧៥៣នាក់ជាសះស្បើយ។សូមជម្រាបថា គិតត្រឹមព្រឹកថ្ងៃទី០១ ខែមិថុនា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៣០,៧១០នាក់ ក្នុងនោះអ្នកជាសះស្បើយសរុបចំនួន ២៣,៣៨៩នាក់ និងស្លាប់សរុបចំនួន២២០នាក់៕

ចាប់ពីថ្ងៃទី២៦ ខែឧសភា ដល់ថ្ងៃទី១ ខែមិថុនា នៅកម្ពុជានឹងមានភ្លៀងធ្លាក់ពីតិចទៅច្រើន

ថ្ងៃទី ២៥ ខែ ឧសភា ឆ្នាំ ២០២១ ម៉ោង ០៩:២៤

(ភ្នំពេញ)៖ ក្រសួងធនធានទឹក និងឧតុនិយម នៅថ្ងៃទី២៥ ខែឧសភា ឆ្នាំ២០២១នេះ បានចេញសេចក្តីជូនដំណឹង ស្តីពីស្ថានភាពធាតុអាកាសនៅកម្ពុជា ចាប់ពីថ្ងៃទី២៦ ខែឧសភា ដល់ថ្ងៃទី១ ខែមិថុនា ឆ្នាំ២០២១។ក្រសួងធនធានទឹកបានបញ្ជាក់ថា ប្រព័ន្ធសម្ពាធទាប បន្តអូសបន្លាយកាត់នៅប៉ែកខាងលើនៃតំបន់ជួរភ្នំដងរែក និងខ្ពស់រាបឦសាន។ ជាមួយគ្នានេះ ខ្យល់មូសុងនិរតីខ្លាំងបក់លើប្រទេសកម្ពុជា ដែលស្ថានភាពបែបនេះធ្វើឲ្យកម្ពុជា នឹងមានភ្លៀងធ្លាក់ខ្លាំង ទៅតាមតំបន់។ជាមួយគ្នានេះ ក្រសួងក៏បានអំពាវនាវ ដល់ប្រជាពលរដ្ឋ សូមប្រុងប្រយ័ត្នចំពោះបាតុភូត ភ្លៀងធ្លាក់ខ្លាំង ផ្គរ រន្ទះ និងខ្យល់កន្ត្រាក់។ សម្រាប់ប្រជានេសាទ និងអ្នកដំណើរតាមសមុទ្រ សូមបន្តបង្កើនការប្រុងប្រយ័ត្នខ្ពស់ ចំពោះភ្លៀង ខ្យល់បក់ខ្លាំង និងរលកសមុទ្រ ដែលអាចមានកម្ពស់១-២.៥ម៉ែត្រ ចាប់ពីថ្ងៃទី២៦-២៩ ខែឧសភា៕