trollkhmer news

សង្គមនិងជីវិត

កៅ អីម៉ាស្សា SPACEMAN តម្លៃ 13888$ ដោយអតិថិជនដែលប្រើប្រាស់ភាគច្រើនជាអ្នកមាន និងជាមនុស្សដែលកតញ្ញូ

ថ្ងៃទី ១៤ ខែ ធ្នូ ឆ្នាំ ២០២១ ម៉ោង ១០:៣១

កៅ អីម៉ាស្សាDaiwaនាំមុខគេនៅសហរដ្ឋអាមេរិកហើយប្រភេទកៅអីម៉ាស្សា KAHUNA ត្រូវបានតារាអាមេរិកជាច្រើនចូលចិត្ត http://www.kahunachair.com/celebrity-gallery/ ម៉ាកទាំងពីរខាងលើរនេះបានសហការគ្នាបង្កើតបានជាប្រភេទកៅអីម៉ាស្សា SPACEMAN ដែលធ្វើអោយកាន់តែមានភាពជឿនលឿន។ពាក្យស្លោករបស់សហស្ថាបនិកSPACEMAN គឺ៖ វ័យក្មេង,សេរីភាព កំពុងពេញនិយមលើរអតិថិជនវ័យក្មេង និងអភិជន ។កៅ អីម៉ាស្សាសេរីថ្មី Space-X9 បានឈ្នះពានរង្វាន់ច្នៃម៉ូតប្រភេទ Smart Home ពិព័រណ៍គ្រឿងអេឡិចត្រូនិកអន្តរជាតិ (CES) ឆ្នាំ 2021 Space-X9 មានតម្លៃ 13888$  ជាស្នាដៃរចនាដំបូងរបស់លោក Christophe Lemaire ដែលជានាយកសិល្បៈនៃម៉ាកយីហោប្រណីតដូចជា Prada និង Hermes ក្នុងឧស្សាហកម្មកៅ អីម៉ាស្សាឆ្លងប្រទេសហើយការកែលម្អជាច្រើនត្រូវបានធ្វើឡើងតាមរចនាប័ទ្មបុរាណ។ ការរួមបញ្ចូលគ្នាពិតប្រាកដនៃប្រណីតភាពនិងបច្ចេកវិទ្យាខ្ពស់។រហូតមកដល់ពេលនេះនៅមិនទាន់រកឃើញកៅអីម៉ាស្សាដែលល្អប្រណិតជាង Space-X9 នោះទេ។ការរចនានេះត្រូវបានបំផុសគំនិតដោយបទពិសោធន៍នៃរថយន្តស្ព័រទំនើប និងលំហអាកាស ដែលមានចង្វាក់ស្រាល និងបង្កើនប្រសិទ្ធភាពម៉ាស្សា។ កម្មវិធីម៉ាស្សាដោយស្វ័យប្រវត្តិចំនួន 11 កម្មវិធី ម៉ាស្សាពោងសុវត្ថិភាពសម្រាប់ស្មា ចង្កេះ ដៃ ឆ្អឹងអាងត្រគាក និងជើង បញ្ចេញនូវសម្ពាធ និងភាពអស់កម្លាំងនៃរាងកាយទាំងមូលធ្វើអោយអតិថិជនមានភាពរីករាយនឹងការម៉ាស្សាប្រកបដោយផាសុកភាពនៅតាមគេហដ្ធាន។ Spaceman "Paris Flagship Store" ត្រូវបានគេរំពឹងថានឹងបើកនៅ ខែមីនាឆ្នាំ 2022 ដែលមានទីតាំងនៅមហាវិថី Haussmann ដ៏ល្បីល្បាញក្នុងទីក្រុងប៉ារីសដែលមានផ្ទៃដី 475 ម៉ែត្រការ៉េ។ នេះជាហាងលក់ទំនិញទីបីបន្ទាប់ពីសហរដ្ឋអាមេរិក និងអ៊ីតាលី។ ទស្សនាវីដេអូខាងក្រោម៖អ្នកទទួលបន្ទុក Spaceman បាននិយាយថា "ការលក់នៅសហរដ្ឋអាមេរិក និងអ៊ីតាលីបានកើនឡើងគួរឱ្យកត់សម្គាល់ក្នុងឆ្នាំនេះ។ មនុស្សជាច្រើនផ្តល់កៅ អីម៉ាស្សា spaceman ជាអំណោយដល់មនុស្សចាស់របស់ពួកគេការបញ្ជូនសុខភាពនិងយុវវ័យគឺជាវិធីដ៏ល្អបំផុតដើម្បីបង្ហាញពីភាពស្មោះត្រង់។ បច្ចុប្បន្ន Spaceman ទទួលបានការកម្មង់ពីអតិថិជនកម្ពុជា រំពឹងថានឹងដឹកជញ្ជូនដល់អតិថិជនក្នុងរយៈពេល60ថ្ងៃ។ មាន2ម៉ូដែលដែលអាចកម្ម៉ង់ទុកមុន:Pace-X9(13888$)Space-X7(8888$)Contact Us:1. facebook page: spacemanhealthy2. Cambodia VIP hotline: 086705442/ 090665128/ 089957488 http://www.spaceman1954.com/

អង្គការទស្សនៈពិភពលោក សហការជាមួយនឹងផ្សារទំនើបអូឡាំព្យា រៀបចំកម្មវិធីពិព័រណ៍សប្បុរសធម៌ ដើម្បីជាផ្តល់ជូននូវទឹកស្អាត ទឹកអនាម័យ ជូនទៅដល់កុមារដែលងាយរងគ្រោះ

ថ្ងៃទី ០៣ ខែ ធ្នូ ឆ្នាំ ២០២១ ម៉ោង ១២:១៧

អង្គការទស្សនៈពិភពលោក សហការជាមួយនឹងផ្សារទំនើបអូឡាំព្យា បានរៀបចំកម្មវិធីពិព័រណ៍សប្បុរសធម៌ឈ្មោះ “Magical Christmas: A Fair for A Cause” ដើម្បីជាផ្តល់ជូននូវទឹកស្អាត ទឹកអនាម័យ ជូនទៅដល់កុមារដែលងាយរងគ្រោះបំផុតចំនួន ៣០០នាក់ នៅក្នុងខេត្តកំពង់ឆ្នាំង។កម្មវិធីពិព័រណ៍សប្បុរសធម៌នេះ នឹងធ្វើឡើងនៅផ្សារទំនើបអូឡាំព្យា នៅថ្ងៃទី ២៤ និង២៥ ខែធ្នូ។ អ្នកចូលរួមអាចមកមើលតូបលក់កាដូបុណ្យណូអែលជាច្រើន ដែលមានទាក់ទងជាមួយនឹង អនាម័យ ទឹកស្អាត វិស័យអប់រំ រួមទាំងការសម្តែងពីសិល្បករដ៏ឆ្នើមរបស់ប្រទេសកម្ពុជាផងដែរ។លោកស្រី លឹម លីជិន សហនាយិកានៃក្រុមហ៊ុនមេហ្គា អាសិត មេនេចមេន ជឿជាក់ទៅលើការវិនិយោគដ៏យូរអង្វែងនៅលើការរីកចម្រើនរបស់ប្រទេសកម្ពុជា ហើយការផ្តល់ជូនវិញទៅកាន់ប្រជាពលរដ្ឋនិងកុមារ ដោយជួយបំពេញតម្រូវការរបស់ពួកគាត់។“យើងចូលរួមបង្កើតកម្មវិធីនេះឡើង ព្រោះយើងចង់បានការចូលរួមពីអ្នកទាំងអស់គ្នា។ អ្នកទាំងអស់គ្នាដើរតួយ៉ាងសំខាន់ក្នុងការជួយតបទៅសហគមន៍យើងវិញ។ ផ្សារទំនើបអូឡាំព្យា មានភាពរីករាយមែនទែនដែលបានចូលរួមក្នុង “Magical Christmas: A Fair for A Cause” ដើម្បីជាការគាំទ្រនិងរៃអង្គាសថវិកាសម្រាប់ គម្រោងទឹកស្អាតរបស់អង្គការទស្សនៈពិភពលោក ក្នុងការផ្តល់ជូនទឹកស្អាតនិងមានអនាម័យជូនទៅដល់សហគមន៍និងតាមបណ្តាផ្ទះឲ្យបានប្រើប្រាស់។ លោកស្រី លឹម លីជិន បានចែករម្លែក។លោក Nong Davith Senior Specialist for WASH: Water and Sanitation at World Vision បានប្រាប់ថា៖ “គោលដៅរបស់កម្មវិធី គម្រោងទឹកស្អាតនិងអនាម័យរបស់ អង្គការទស្សនៈពិភពលោក គឺសម្រាប់ធានាទៅដល់ការលូតលាស់របស់កុមារ ដើម្បីឲ្យពួកគាត់មានសុខភាពល្អ ហើយនិងសម្រាប់ក្រុមគ្រួសារទទួលបាននូវទឹកស្អាតផងដែរ”។“មូលនិធិទទួលបានមកពីកិច្ចសហប្រតិបត្តិការជាមួយនឹងផ្សារទំនើបអូឡាំព្យា នឹងយកទៅសម្រាប់សាងសង់អណ្តូងទឹកនៅ សាលាបឋមសិក្សា A’ Leng នៅខេត្តកំពង់ឆ្នាំង។ តាមការវាយតម្លៃរបស់អង្គការទស្សនៈពិភពលោក បានបង្ហាញថា សិស្សានុសិស្សសរុបចំនួន ៣៩១នាក់ (១៩៧ ជាសិស្សស្រី) និងគ្រូចំនួន ១៥នាក់ មិនមានទឹកស្អាតសម្រាប់បរិភោគ និងបោកគក់ និងការប្រើប្រាស់បង្គន់អនាម័យនោះទេ។ យើងត្រូវការចូលរួមពីអ្នកទាំងអស់គ្នាដើម្បីជួយនិងធានាទៅលើការអភិវឌ្ឍន៍របស់កុមារគ្រប់រូប។” នេះបើយោងតាមលោក Nong Davith។ផ្សារទំនើប អូឡាំព្យា មានការរៀបចំកម្មវិធីជាច្រើនពេញមួយខែនៃខែធ្នូ ដោយក្នុងនោះមានដូចជា៖ “Challenge for a Cause” នៅថ្ងៃទី២៥ ខែធ្នូ។ កម្មវិធី “Tree of Luck” នៅថ្ងៃទី ១ដល់ថ្ងៃទី២៥ និងកម្មវិធី “Letter to Santa” នៅថ្ងៃទី២៤ និង២៥។លោក ឈី សាង ប្រធានគ្រប់គ្រងទូទៅនៃផ្សារទំនើបអូឡាំព្យា បានលើកឡើងថា៖ “ពួកយើងសូមអំពាវនាវទៅដល់អ្នកទាំងអស់គ្នា ដើម្បីចូលរួមជាផ្នែកមួយនៃយុទ្ធនាការនេះ និងគាំទ្រតាមទម្រង់ដូចជាការផ្តល់ជាមូលនិធិ ការជួលស្តង់ ឬការបរិច្ចាគដោយសប្បរុស។ ប្រអប់អំណោយនឹងមានបង្ហាញនៅឯមជ្ឈមណ្ឌលព័ត៌មានរបស់ផ្សារទំនើបហើយប្រាក់ចំណេញពីការជួលស្តង់ ១០០% នឹងត្រូវបានបរិច្ចាគទៅអង្គការទស្សនៈពិភពលោក។ មនុស្សជាច្រើននាក់រួមទាំងកុមារងាយរងគ្រោះត្រូវការជំនួយពីពួកយើង ដើម្បីចូលរួមផ្លាស់ប្តូរជីវិតពួកគាត់ សូមចូលរួមជាមួយអង្គការទស្សនៈពិភពលោក តាមរយៈកម្មវិធីជំនួយសង្គម តាមគណនី ABA: 000 880 848 (World Vision International) ឬ ទាក់ទងមកកាន់ប្រធានផ្នែករៃអង្គាសថវិកាក្នុងស្រុករបស់អង្គការទស្សនៈពិភពលោក តាមរយៈ៖ +855 (0) 935 353 ឬតាមអ៊ីម៉ែល៖ [email protected] ដើម្បីជួលស្តង់ សូមទាក់ទងអ្នកគ្រប់គ្រងព្រឹត្តិការណ៍ ផ្សារទំនើប អូឡាំព្យា ពិសី អ៊ុំ តាមរយៈលេខ +85511503053 ឬតាមរយៈអ៊ីមែល [email protected]

សណ្ឋាគារអូឡាំព្យាស៊ីធី និង​ សណ្ឋាគារតូយ៉ូកូអ៉ីន ឥឡូវនេះគឺជាសណ្ឋាគារដែលទទួលស្គាល់ដោយរដ្ឋាភិបាល ក្នុងការទទួលភ្ញៀវអោយស្នាក់នៅសម្រាប់ធ្វើចត្តាឡីស័ក

ថ្ងៃទី ២៥ ខែ តុលា ឆ្នាំ ២០២១ ម៉ោង ០៩:០៩

ភ្នំពេញថ្ងៃទី២២ ខែតុលា ឆ្នាំ២០២១ — សណ្ឋាគារអូឡាំព្យាស៊ីធី និង​ សណ្ឋាគារតូយ៉ូកូអ៉ីន ត្រូវបានគ្រប់គ្រងដោយគ្រុបសណ្ឋាគារដ៏ធំមួយនៅប្រទេសកម្ពុជា គឺសណ្ឋាគារតារា​ បានប្រកាសចូលរួមក្នុងកម្មវិធីរបស់រាជរដ្ឋាភិបាល ក្នុងការដាក់អោយធ្វើចត្តាឡីស័ក​នៅកម្ពុជា សហការជាមួយគណៈកម្មាធិការអន្តរក្រសួងប្រយុទ្ធប្រឆាំងនឹងជំងឺកូវីដ-១៩ ក្រសួងសុខាភិបាល និងក្រសួងទេសចរណ៍ ។សណ្ឋាគារទាំងពីរនេះ ផ្តល់ជូននូវកញ្ចប់ស្នាក់នៅសម្រាប់ចត្តាឡីស័ក (ASQ) ដែលអនុម័តដោយរាជរដ្ឋាភិបាលសម្រាប់ពលរដ្ឋកម្ពុជា អ្នកដំណើរអន្តរជាតិ និងជនបរទេសដែលកំពុងរស់នៅប្រទេសកម្ពុជា ហើយត្រូវធ្វើដំណើរត្រឡប់មកកម្ពុជាវិញ។សណ្ឋាគារ អូឡាំព្យាស៊ីធី ផ្តល់ជូនកន្លែងស្នាក់នៅដែលមានបំពាក់សម្ភារបរិក្ខារទំនើបៗ និងមានបន្ទប់ធំទូលាយ ដែលមានផ្ទះបាយ និងរានហាលនៅគ្រប់បន្ទប់ទាំងអស់។ ជាមួយនឹងទីតាំងស្ថិតនៅចំកណ្តាលរាជធានីភ្នំពេញ ភ្ញៀវអាចស្នាក់នៅដោយសុវត្ថិភាព និងសម្រាកលំហែកាយប្រកបដោយផាសុកភាព ជាមួយនឹងសេវាកម្មបដិសណ្ឋារកិច្ចដ៏ល្អឥតខ្ចោះ។ សណ្ឋាគារនេះក៏ផ្តល់ជូននូវជម្រើសម្ហូបអាហារដ៏ឈ្ងុយឆ្ងាញ់ រួមមានម្ហូបខ្មែរ ម្ហូបអឺរ៉ុប និងម្ហូបបារាំងផងដែរ។ ចំណែកឯសណ្ឋាគារ តូយ៉ូកូអ៉ីន ផ្តល់ជូននូវទេសភាពដ៏ស្រស់ស្អាតនៃទន្លេមេគង្គដែលស្ថិតនៅក្បែរទីក្រុងកោះពេជ្រ។ សណ្ឋាគារនេះផ្តល់ជូននូវបទពិសោធន៍ស្នាក់នៅដ៏ងាយស្រួលជាមួយនឹងការរចនាបែបជប៉ុនយ៉ាងទាក់ទាញ។ ភ្ញៀវទាំងអស់នឹងទទួលបានទិដ្ឋភាពដ៏ស្រស់ស្អាត និងបរិក្ខារទំនើបៗនៅក្នុងបន្ទប់នីមួយៗនៃសណ្ឋាគារ។កញ្ចប់សេវាកម្មនេះចាប់ផ្តើមពីតម្លៃ ៣០០ ដុល្លា (សម្រាប់ភ្ញៀវក្នុងស្រុក) និង ៤២៧ ដុល្លា (សម្រាប់ភ្ញៀវបរទេស) សម្រាប់ការធ្វើចត្តាឡីស័ករយៈពេល ៣ ថ្ងៃ នៅសណ្ឋាគារ អូឡាំព្យាស៊ីធី។ ជាមួយនឹងតម្លៃ​ ២៧០ ដុល្លា  (សម្រាប់ភ្ញៀវក្នុងស្រុក) និង ៣៩៧ ដុល្លា (សម្រាប់ភ្ញៀវបរទេស) សម្រាប់ ការស្នាក់នៅ ជាមួយ សណ្ឋាគារ តូយ៉ូកូអ៉ីន ។ កញ្ចប់សេវាកម្មនេះ  មានរួមបញ្ចូលទាំងការស្នាក់នៅ និង អាហារ (ពេលព្រឹក ថ្ងៃត្រង់ និងល្ងាច) ជាមួយនឹងជម្រើសម្ហូបធម្មតា និងម្ហូបបួស ការទទួលភ្ញៀវពីអាកាសយានដ្ឋានមកសណ្ឋាគារ និង ការផ្តល់ជូនឧបករណ៍ហាត់ប្រាណក្នុងតម្លៃសមរម្យ។ភ្ញៀវអាចស្វែងរកកញ្ចប់ស្នាក់នៅសម្រាប់ចត្តាឡីស័ក (ASQ) ផ្សេងៗនៅសណ្ឋាគារ អូឡាំព្យាស៊ីធី និង តូយ៉ូកូអ៊ី តាមរយ: គេហទំព័រ www.darahotels.com ឬអាចស្វែងរកព័ត៌មានលម្អិតតាមលេខទំនាក់ទំនងខាងក្រោម។អូឡាំព្យាស៊ីធី តូយ៉ូកូអ៉ីន   ការិយាល័យលក់ អ៉ីម៉េល: [email protected]ទូរស័ព្ទ: +855 12 904 903ធ្វើការកក់សណ្ឋាគារ អូឡាំព្យា តាមរយ:Email: [email protected] Phone: +855 12 983 499ធ្វើការកក់សណ្ឋាគារតូយ៉ូកូអ៉ីន តាមរយ:Email: [email protected] Phone: +855 12 248 048អំពីសណ្ឋាគារតារាសណ្ឋាគារតារាគឺជាឈ្មោះមួយដែលកើតចេញពីគំនិតផ្តួចផ្តើមរបស់វិនិយោគិនខ្មែរ នៅដើមទសវត្សឆ្នាំ២០២០ ដោយបានសម្រេចចិត្តចូលរួមបង្កើតមុខជំនួញបដិសណ្ឋារកិច្ចមួយនៅក្នុងប្រទេសកម្ពុជា។ ចក្ខុវិស័យរបស់សណ្ឋាគារតារាគ្រុប គឺដើម្បីជំរុញការអភិវឌ្ឍវិស័យសណ្ឋាគារអោយមានគុណភាពស្តង់ដារនៅតាមទីតាំងសក្តានុពលនីមួយៗនៅទូទាំងប្រទេសកម្ពុជា។ បច្ចុប្បន្នតារាគ្រុបមានជំនួញឯកជនចំនួនប្រាំបី (៨) ដែលកំពុង​បើកដំណើរការ រួមមានដូចជាសណ្ឋាគារ Independence Hotel by Dara, Dara Airport City Hotel & Spa, Olympia City Hotel By Dara, Toyoko-inn.com with Dara, The Sixties by Dara – Service Apartments, The Elysee Koh Pich​ និងក្លឹបហាត់ប្រាណ Jouvence Fitness by Dara.  

សណ្ឋាគារ តារាគ្រុប បានដាក់ឲ្យដំណើរការការធ្វើតេស្ដរហ័សរកមេរោគកូវីដ-១៩ នៅតាមបណ្ដាទីតាំងរបស់ខ្លួននៅទូទាំងប្រទេសកម្ពុជា

ថ្ងៃទី ១៤ ខែ កញ្ញា ឆ្នាំ ២០២១ ម៉ោង ១០:៥២

សណ្ឋាគារ តារាគ្រុប បានដាក់ឲ្យដំណើរការការធ្វើតេស្ដរហ័សរកមេរោគកូវីដ-១៩ នៅតាមបណ្ដាទីតាំងរបស់ខ្លួននៅទូទាំងប្រទេសកម្ពុជា ក្នុងគោលបំណងផ្ដល់នូវទំនុកចិត្តក៏ដូចជាភាពកក់ក្ដៅដល់ភ្ញៀវសម្រាប់ការមកស្នាក់នៅ អំឡុងពេលរីករាលដាលនៃជំងឺកូវីដ១៩ ។

មជ្ឈមណ្ឌលវេជ្ជសាស្ត្រ អូឡាំព្យានិងមជ្ឈមណ្ឌលវេជ្ជសាស្ត្រអ៊ីនធើឃែ នៃក្រុមហ៊ុន OCIC បានធ្វើកិច្ចសហការប្រតិបត្តិការជាមួយ ក្រសួងសុខាភិបាលនិងសាលាក្រុងរាជធានីភ្នំពេញក្នុងការបើកយុទ្ធនាការចាក់វ៉ាក់សាំងសម្រាប់យុវជនកម្ពុជា។

ថ្ងៃទី ១៧ ខែ សីហា ឆ្នាំ ២០២១ ម៉ោង ១១:៥៧

ក្រុមហ៊ុន OCIC បានដឹកនាំមជ្ឈមណ្ឌលវេជ្ជសាស្ត្រអូឡាំព្យា និងមជ្ឈមណ្ឌលវេជ្ជសាស្ត្រអ៊ីនធើឃែរ បង្កើតកន្លែងចាក់វ៉ាក់សាំងដំបូងលើយុវជនជាមួយសកម្មភាពចាក់វ៉ាក់សាំងសាកល្បង ដោយចាប់ផ្តើមនៅផ្សារទំនើបអូឡាំព្យា ដំណាក់កាលទី២ ក្រោមការសហការពីក្រុមការងារនៃសណ្ឋាគារតារា ហូថែល ធ្វើឡើងនៅទីក្រុងភ្នំពេញកាលពីថ្ងៃសុក្រ ទី ០៦ ខែសីហា ឆ្នាំ ២០២១ កន្លងមកនេះ។ការបន្តកិច្ចសហការជាមួយរាជរដ្ឋាភិបាលធ្វើឡើងក្នុងគោលបំណង ជំរុញការចាក់វ៉ាក់សាំងការពារជំងឺកូវីដ ១៩ នៅកម្ពុជា តាមរយៈការចាក់ថ្នាំវ៉ាក់សាំងស៊ីណូវ៉ាក់ដល់យុវជនចាប់ពីអាយុ ១២ឆ្នាំ ដល់ ១៧ឆ្នាំសម្រាប់ដូសទី១ និងទី២ ។ មិនតែប៉ុណ្ណោះក្រុមហ៊ុនក៏ធ្លាប់បានផ្តល់ជូននូវទីតាំងនៅកោះពេជ្រ រួមទាំងសាលាអន្តរជាតិ CIS ជាកន្លែងចាក់វ៉ាក់សាំងសម្រាប់បម្រើជូនមនុស្សពេញវ័យប្រមាណជា ៣ម៉ឺននាក់ នៅក្នុងយុទ្ធនាការចាក់វ៉ាក់សាំងកូវីដលើកទី ១ និងទី ២នាពេលកន្លងមក ។ តាមរយៈកិច្ចខិតខំប្រឹងប្រែងទាំងនេះ ក្រុមហ៊ុន OCIC ក៏បានបញ្ចប់នូវការចាក់វ៉ាក់សាំងដល់បុគ្គលិករបស់ខ្លួនជាង ៨០ភាគរយ ដែលភាគច្រើននៅរាជធានីភ្នំពេញ ដែលនេះស្មើនឹងចំនួនជាង ១៥.០០០ នាក់ ដែលបច្ចុប្បន្នអ្នកទាំងនោះបាននឹងកំពុងបំរើការងារនៅតាមស្ថាប័ននានា ។“យើងប្តេជ្ញាពង្រីក និងពង្រឹង ក៏ដូចជាប្រើប្រាស់ធនធានរបស់យើងឱ្យបានច្រើនបំផុតតាមដែលអាចធ្វើបាន ដើម្បីជួយប្រទេសកម្ពុជានៅក្នុងយុទ្ធនាការចាក់វ៉ាក់សាំង ដែលមានសារៈសំខាន់បំផុត ក្នុងការបង្កើតភាពស៊ាំក្នុងសហគមន៏ ក៏ដូចជាឆ្ពោះទៅរកការស្តារសេដ្ឋកិច្ចឡើងវិញផងដែរ។ យើងជឿជាក់ថា បរិយាកាសដ៏មានសុវត្ថិភាព និង ការមានមជ្ឈមណ្ឌលចាក់វ៉ាក់សាំងត្រឹមត្រូវមិនមែនជាឯកសិទ្ធិ ប៉ុន្តែជាសិទ្ធិរបស់ប្រជាជនកម្ពុជាគ្រប់រូប” ប្រសាសន៏របស់អ្នកឧកញ៉ាបណ្ឌិត ពុង ឃាវសែ ប្រធានក្រុមហ៊ុនកាណាឌីយ៉ាគ្រុប និងក្រុមហ៊ុន OCIC ។ ចាប់តាំងពីការចាប់ផ្តើមនៃវិបត្តិសេដ្ឋកិច្ចមក លោកអ្នកឧកញ៉ាបណ្ឌិត ពុង ឃាវសែ តំណាងអោយក្រុមហ៊ុនកាណាឌីយ៉ាគ្រុប និងក្រុមហ៊ុន OCIC បានធ្វើការបោះជំហានមុនគេ ដើម្បីឆ្លើយតបនឹងជំងឺរាតត្បាតនៅកម្ពុជា ដោយបរិច្ចាគទឹកប្រាក់ចំនួន ៨.៥ លានដុល្លារអាមេរិកជូនដល់រាជរដ្ឋាភិបាលកម្ពុជាដឹកនាំដោយ សម្តេចអគ្គមហាសេនាបតីតេជោ ហ៊ុន សែន នៅក្នុងការទិញវ៉ាក់សាំងការពារជំងឺកូវីដ -១៩ និងផ្តល់ជូននូវមជ្ឃមណ្ឌលអាពាហ៏ពិពាហ៏របស់ខ្លួននៅកោះពេជ្រដើម្បីប្រែក្លាយទៅជាមណ្ឌលព្យាបាលអ្នកជំងឺកូវីដ -១៩ ។ បន្ថែមពីលើនេះទៀត ក្រុមហ៊ុនក៏បានលើកលែងនូវការបង់ប្រាក់ជួលមួយកម្រិត សម្រាប់ដៃគូអាជីវកម្ម និង អ្នកជួលរបស់ខ្លួន មិនថាជាក្រុមហ៊ុនធំ ក្រុមហ៊ុនខ្នាតតូច និង មធ្យម ក៏ដូចជាការគាំទ្រនូវកម្មវិធីសប្បុរសធម៌ផ្សេងៗ រួមមានការផ្តល់ជាទឹកប្រាក់ ២ លានដុល្លារអាមេរិកដល់ កម្មវិធីជំនួយស្បៀងអាហារដល់ប្រជាជននៅតំបន់ក្រីក្រជាង ៥.០០០ គ្រួសារ។“ក្រុមហ៊ុន OCIC មានការប្តេជ្ញាយ៉ាងមុតមាំថានឹងបន្តដើរតួនាទីយ៉ាងសកម្មក្នុងវិស័យឯកជន ដើម្បីគាំទ្រដល់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងវិបត្តិកូវីដ -១៩ រួមមានគម្រោងសហប្រតិបត្តិការជាមួយក្រសួងសុខាភិបាល និងសាលាក្រុងរាជធានីភ្នំពេញ ដើម្បីសម្រេចបាននូវគោលដៅរបស់ប្រទេសក្នុងការជួយសង្គ្រោះ និង កាត់បន្ថយផលប៉ះពាល់នៃជំងឺរាតត្បាត” បន្ថែមដោយលោកទូច សំណាង អគ្គនាយករងក្រុមហ៊ុន OCIC។សម្រាប់ព័ត៌មានបន្ថែមអំពីយុទ្ធនាការចាក់វ៉ាក់សាំងយុវជននេះ សូមទាក់ទង 023 996 900 ។

ក្រសួងសុខាភិបាល៖ រកឃើញអ្នកឆ្លងកូវីដ១៩ថ្មីចំនួន៥៥៦នាក់, ជាសះស្បើយ៧១៦នាក់, ស្លាប់ចំនួន១៤នាក់

ថ្ងៃទី ១៧ ខែ សីហា ឆ្នាំ ២០២១ ម៉ោង ១១:៥២

(ភ្នំពេញ)៖ ក្រសួងសុខាភិបាល នៅថ្ងៃទី១៧ ខែសីហា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ថ្មីចំនួន ៥៥៦នាក់, អ្នកជំងឺចំនួន៧១៦នាក់ជាសះស្បើយ និងអ្នកស្លាប់ថ្មីចំនួន១៤នាក់។គិតថ្ងៃទី១៧ ខែសីហា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩៖ សរុបចំនួន៨៦,៥៩៧នាក់, អ្នកជាសះស្បើយសរុបចំនួន ៨១,៩១៨នាក់, ស្លាប់សរុបចំនួន១,៧១៨នាក់៕

អ្នកឆ្លង COVID-19 លើលោកកើនដល់ជាង ២០៦លាន ២២ម៉ឺននាក់ ស្លាប់ជាង ៤លាន ៣៤ម៉ឺននាក់ និងជាសះស្បើយជាង ១៨៥លាននាក់

ថ្ងៃទី ១៣ ខែ សីហា ឆ្នាំ ២០២១ ម៉ោង ១០:៣១

(បរទេស)៖ គិតត្រឹមម៉ោង ៨ព្រឹកថ្ងៃសុក្រ ទី១៣ ខែសីហា ឆ្នាំ២០២១នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ២០៦, ២២៩,៤៤៩នាក់ហើយ។ ក្នុងនោះអ្នកស្លាប់មានចំនួន ៤,៣៤៧,៨៨៨នាក់ និងជាសះស្បើយឡើងវិញ ១៨៥,០៧៦,៨៦៨នាក់។យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។ សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ៣៧,២០៣,៦៤៩នាក់ ស្លាប់ចំនួន ៦៣៦,២៩៨នាក់ និងជាសះស្បើយចំនួន ៣០,០៩៧,៨៩៨នាក់។ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសឥណ្ឌា។ ឥណ្ឌាមានអ្នកឆ្លង ៣២,១១៧,០៥២នាក់ ស្លាប់ចំនួន ៤៣០,២៨៥នាក់ និងជាសះស្បើយ ៣១,២៩៤, ៣១៨នាក់។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល។ ប្រេស៊ីល មានអ្នកឆ្លង ២០, ២៨៥,០៦៧នាក់ ស្លាប់ ៥៦៦,៩៨៨នាក់ និងជាសះស្បើយ១៩,១៥១,០២១នាក់។

ក្រសួងសុខាភិបាល បន្តរកឃើញអ្នកឆ្លងកូវីដ១៩ថ្មី៥៩១នាក់ ខណៈជាសះស្បើយ៦១៨នាក់

ថ្ងៃទី ០៥ ខែ សីហា ឆ្នាំ ២០២១ ម៉ោង ១៣:០២

ភ្នំពេញ)៖ ក្រសួងសុខាភិបាល នៅថ្ងៃទី០៥ ខែសីហា ឆ្នាំ២០២១នេះ បានចេញសេចក្តីប្រកាសព័ត៌មានបញ្ជាក់ ពីការបន្តរកឃើញអ្នកឆ្លងកូវីដ១៩ថ្មីចំនួន៥៩១នាក់ ខណៈអ្នកជំងឺ៦១៨ នាក់ជាសះស្បើយ។សូមជម្រាបថា គិតត្រឹមព្រឹកថ្ងៃទី០៥ ខែសីហា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៨០,២២៥នាក់ ក្នុងនោះអ្នកជាសះស្បើយសរុបចំនួន ៧៣,៤២១នាក់ និងស្លាប់សរុបចំនួន ១,៥០៧នាក់៕

EDC ជូនដំណឹងពីការរអាក់រអួលចរន្តនៅថ្ងៃនេះ ដល់ថ្ងែទី០៨សីហា ដើម្បីជួសជុល ផ្លាស់ប្តូរ និងរុះរើគន្លងខ្សែបណ្តាញ

ថ្ងៃទី ០៥ ខែ សីហា ឆ្នាំ ២០២១ ម៉ោង ០៩:២៨

(ភ្នំពេញ)៖ អគ្គិសនីកម្ពុជា (EDC) បានចេញសេចក្តីជូនដំណឹង ស្តីពីការអនុវត្តការងារជួសជុល ផ្លាស់ប្តូរ តម្លើងបរិក្ខារនានា និងរុះរើគន្លង ខ្សែបណ្តាញអគ្គិសនី របស់អគ្គិសនីកម្ពុជា ដើម្បីបង្កលក្ខណៈងាយស្រួល ដល់ការដ្ឋានពង្រីកផ្លូវ ចាប់ពីថ្ងៃទី០៥ ខែសីហា ឆ្នាំ២០២១ ដល់ថ្ងៃទី០៨ ខែសីហា ឆ្នាំ២០២១ នៅតំបន់មួយចំនួន ទៅតាមពេលវេលា និងទីកន្លែងដូចសេចក្តី ជូនដំណឹងលម្អិតខាងក្រោម ។អគ្គិសនីកម្ពុជា បានអោយដឹងថា ទោះជាមានការខិតខំថែរក្សា មិនឲ្យមានការប៉ះពាល់ ដល់ការផ្គត់ផ្គង់ អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនី នៅតំបន់ខាងលើ អាចនឹងមានការរអាក់រអួលខ្លះៗជៀសមិនផុត ដែលអគ្គិសនីកម្ពុជា សុំអភ័យទោសទុកជាមុន៕