trollkhmer news

សង្គមនិងជីវិត

ថៃ៖ អ្នកជំងឺកូវីដ-១៩ ចំនួន២៧នាក់ទៀតស្លាប់ និងរកឃើញករណីឆ្លងថ្មីៗ២,០៤៤នាក់

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១៤:១៨

(បាងកក)៖ នៅថ្ងៃសុក្រនេះ អាជ្ញាធរថៃបានប្រកាសពី ការរកឃើញករណីឆ្លងថ្មីៗនៃជំងឺ COVID-19 ចំនួន២,០៤៤នាក់ ហើយអ្នកជំងឺ២៧នាក់ទៀត ទើបតែបាត់បង់ជីវិត។ នេះបើតាមការចេញផ្សាយដោយ សារព័ត៌មាន The Nation Thailand នៅថ្ងៃសុក្រ ទី០៧ ខែឧសភា ឆ្នាំ២០២១។សម្រាប់ករណីឆ្លងថ្មីៗទាំងនោះ គឺត្រូវបានរកឃើញភាគច្រើនបំផុត នៅរាជធានីបាងកកដដែល ជាមួយចំនួន៨៦៩នាក់។ បន្ទាប់មកទៀត គឺនៅខេត្ត Nonthaburi ដែលមានចំនួន២០១ករណី និងនៅខេត្ត Samut Prakan ដែលមាន១៦៥ករណី។ ករណីឆ្លងថ្មីៗដែលថៃប្រកាស រកឃើញនៅថ្ងៃសុក្រនេះ គឺមានតែ០៤ករណីប៉ុណ្ណោះ ដែលជាករណីនាំចូល។ ដោយឡែក សម្រាប់ករណីអ្នកជំងឺទើបតែស្លាប់ទាំង២៧នាក់ មាន១៨ករណីនៅទីក្រុងបាងកក, ០២ករណីនៅខេត្ត Samut Prakan, ០២ករណីនៅខេត្ត Nonthaburi ខណៈខេត្ត Chaiyaphum, Chachoengsao, Ranong, Rayong និង Pathum Thani មាន០១ករណីដូចគ្នា ហើយអ្នកទាំងនោះ មានអាយុចន្លោះ៣០-៩០ឆ្នាំ និងភាគច្រើនជាអ្នកមានជំងឺរ៉ាំរ៉ៃប្រចាំកាយ។គួរបញ្ជាក់ថា នៅថ្ងៃដដែលនេះ ថៃក៏បានប្រកាសពីករណីអ្នកជំងឺជាសះស្បើយជាង ២,៣០០នាក់ផងដែរ។ សរុបមកគិតត្រឹមថ្ងៃសុក្រនេះ ថៃមានករណីឆ្លង COVID-19 សរុបកើនដល់ ៧៨,៨៥៥នាក់ ក្នុងនោះស្លាប់៣៦៣នាក់ និងជាសះស្បើយ ៤៩,១៧២នាក់។ ចំណែកយុទ្ធនាការចាក់វ៉ាក់សាំងបង្ការវិញ គឺវ៉ាក់សាំងសរុបចំនួន១,៦៥១,៧៨២ដូស ត្រូវបានចាក៕

ក្រសួងសុខាភិបាល បន្តរកឃើញអ្នកឆ្លងកូវីដ១៩ថ្មី ចំនួន៦៥០នាក់ ខណៈជាសះស្បើយ ៧៣៩នាក់

ថ្ងៃទី ០៦ ខែ ឧសភា ឆ្នាំ ២០២១ ម៉ោង ១១:៤៧

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី០៦ ខែឧសភា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ ថ្មី ចំនួន ៦៥០នាក់ ខណៈអ្នកជំងឺ៧៣៩នាក់ជាសះស្បើយ។គួរបញ្ជាក់ផងដែរថា គិតត្រឹមព្រឹកថ្ងៃទី០៦ ខែឧសភា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ១៧,៦២១នាក់ ក្នុងនោះអ្នកជាសះស្បើយ ៦៨៤៣នាក់ និងស្លាប់សរុបចំនួ១១៤នាក់៕

អ្នកឆ្លង COVID-19 លើលោកកើនដល់ជាង ១៥៥លាន ៨២ម៉ឺននាក់ ស្លាប់ជាង ៣លាន ២៥ម៉ឺននាក់ និងជាសះស្បើយជាង ១៣៣លាន ២៥ម៉ឺននាក់

ថ្ងៃទី ០៦ ខែ ឧសភា ឆ្នាំ ២០២១ ម៉ោង ១១:១៤

(បរទេស)៖ គិតត្រឹមម៉ោង ៨ព្រឹកថ្ងៃព្រហស្បតិ៍ ទី០៦ ខែឧសភា ឆ្នាំ២០២១នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ១៥៥,៨២៧,៩៤១នាក់ហើយ។ ក្នុងនោះអ្នកស្លាប់មានចំនួន ៣,២៥៥,៣៩៩នាក់ និងជាសះស្បើយឡើងវិញ ១៣៣,២៥៤,៨១៥នាក់។យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។ សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ៣៣,៣២១,២៤៤នាក់ ស្លាប់ចំនួន ៥៩៣,១៤៨នាក់ និងជាសះស្បើយចំនួន ២៦, ០៣៥,៣១៤នាក់។ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសឥណ្ឌា។ ឥណ្ឌាមានអ្នកឆ្លង ២១, ០៧០,៨៥២នាក់ ស្លាប់ចំនួន ២៣០,១៥១នាក់ និងជាសះស្បើយ ១៧,២៦៩, ០៧០នាក់។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល។ ប្រេស៊ីល មានអ្នកឆ្លង ១៤,៩៣៦,៤៦៤នាក់ ស្លាប់ ៤១៤,៦៤៥នាក់ និងជាសះស្បើយ ១៣,៥២៩, ៥៧២នាក់៕

ឥណ្ឌា៖ រកឃើញអ្នកឆ្លងកូវីដ-១៩ជាង ៣៦០,០០០នាក់ទៀត និងអ្នកជំងឺ ៣,៤១៧នាក់ស្លាប់

ថ្ងៃទី ០៣ ខែ ឧសភា ឆ្នាំ ២០២១ ម៉ោង ១៣:៥២

(ញូដេលី)៖ អ្នកឆ្លងជំងឺ COVID-19 ចំនួន ៣៦៨,១៤៧នាក់ត្រូវបានរកឃើញ និងអ្នកជំងឺ ៣,៤១៧នាក់ទៀតស្លាប់ នៅក្នុងរយៈពេល ២៤ម៉ោងកន្លងទៅនេះ នៅទូទាំងប្រទេសឥណ្ឌា។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ីនហួរ នារសៀលថ្ងៃចន្ទ ទី០៣ ខែឧសភា ឆ្នាំ២០២១។ក្រោយការបូកបន្ថែមទិន្នន័យខាងលើនេះ ធ្វើឲ្យចំនួនករណីឆ្លង COVID-19 សរុបទូទាំងប្រទេសឥណ្ឌាកើនជិតដល់ ២០លានករណី ក្នុងនោះមានអ្នកស្លាប់សរុប ២១៨,៩៤៩នាក់ និងជាសះស្បើយឡើងវិញ ១៦.៣លាននាក់ ខណៈអ្នកជំងឺរហូតដល់ទៅជាង ៣,៤០០,០០០នាក់ កំពុងស្ថិតក្នុងការព្យាបាល។គួរបញ្ជាក់ថា ទិន្នន័យខាងលើនេះ គឺនៅតែស្ថិតក្នុងកម្រិតខ្ពស់ដដែល ខណៈអ្នកជំនាញជាច្រើនបានបន្តព្រមានថា តួលេខឆ្លងជាក់ស្តែងអាចនឹងមានច្រើន ជាងតួលេខដែលត្រូវបានប្រកាសជាផ្លូវការ ប្រសិនបើការធ្វើតេស្ត ត្រូវបានធ្វើឡើងដោយគ្រប់ជ្រុងជ្រោយនោះ។ដោយឡែកសម្រាប់យុទ្ធនាការចាក់វ៉ាក់សាំង ដែលជាក្តីសង្ឃឹមធំមួយសម្រាប់ឥណ្ឌា ក្នុងការទប់ទល់នឹងវិបត្តិ COVID-19 គិតត្រឹមថ្ងៃអាទិត្យចុងសប្តាហ៍មុន បានសម្រេចប្រមាណ ១៥៧លានដូសហើយ ខណៈប្រជាជនឥណ្ឌាសរុបមានរហូតដល់ទៅជាង ១,៣០០លាននាក់៕

សៀមរាប៖ រកឃើញអ្នកជំងឺកូវីដ១៩ម្នាក់ នៅមន្ទីរពេទ្យខេត្តសៀមរាប

ថ្ងៃទី ២៩ ខែ មេសា ឆ្នាំ ២០២១ ម៉ោង ១១:៣០

(សៀមរាប)៖ រដ្ឋបាលខេត្តសៀមរាប បានរកឃើញជំងឺកូវីដ១៩ម្នាក់ទៀត ដែលជាអ្នកខេត្តកំពង់ធំ ទៅចូលសម្រាកព្យាបាលជំងឺ នៅមន្ទីរពេទ្យបង្អែកខេត្តសៀមរាប។លោក ក្រុស សារ៉ាត់ ប្រធានមន្ទីរសុខាភិបាលខេត្តសៀមរាប ថ្លែងប្រាប់បណ្ដាញព័ត៌មាន Fresh News នៅព្រឹកថ្ងៃទី២៩ ខែមេសា ឆ្នាំ២០២១ថា អ្នកវិជ្ជមានជំងឺកូវីដ១៩រូបនេះ អាយុ ៤៧ឆ្នាំ មានជំងឺខូចតម្រងនោម មានអាសយដ្ឋាននៅភូមិលាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ។ គាត់មកទទួលសេវាលាងឈាមនៅក្នុងមន្ទីរពេទ្យបង្អែកខេត្តសៀមរាប។ដោយមានការសង្ស័យ ក្រុមគ្រូពេទ្យបានយកសំណាកធ្វើតេស្ដរហ័ស ហើយរកឃើញវិជ្ជមានតែម្ដង។ លោកប្រធានមន្ទីរសុខាភិបាល បានឱ្យដឹងទៀតថា អ្នកជំងឺរូបនេះ បានចូលសម្រាកនៅមន្ទីរពេទ្យខេត្ត តាំងពីយប់ថ្ងៃទី២៦ ខែមេសា។ លុះថ្ងៃទី២៧ ទើបធ្វើការលាងឈាម ប៉ុន្ដែពេលនោះដោយមានការសង្ស័យ ទើបនៅថ្ងៃទី២៨ ខែមេសា ក្រុមគ្រូពេទ្យធ្វើតេស្ដរហ័សតែម្ដង។លោក ក្រុស សារ៉ាត់ បានបញ្ជាក់ថា ក្រោយឃើញលទ្ធផលវិជ្ជមានបែបនេះ មន្ដ្រីសុខាភិបាលបានធ្វើតេស្ដភ្លាមៗបន្ដទៀត ទៅលើអ្នកពាក់ព័ន្ធជាង២០០នាក់ នៅក្នុងមន្ទីរពេទ្យ ហើយលទ្ធផលបង្ហាញថា អវិជ្ជមានទាំងអស់។ ជាមួយគ្នានេះ មន្ដ្រីជំនាញក៏បានស្រាវជ្រាវ និងបិទទីតាំងផ្សេងមួយចំនួនទៀត ដែលក្រុមគ្រួសាររបស់អ្នកវិជ្ជមានជំងឺកូវីដ១៩នេះបានទៅដល់ នៅក្នុងមូលដ្ឋានខេត្តសៀមរាប ដើម្បីទប់ស្កាត់ការឆ្លងរីករាលដាលបន្ថែមទៀត។សូមបញ្ជាក់ថា ព្រឹត្តិការណ៍សហគមន៍២០កុម្ភៈ ខេត្តសៀមរាប បានរកឃើញអ្នកជំងឺកូវីដ១៩ សរុប ២១នាក់ហើយ ក្នុងនោះ ១២នាក់ បានព្យាបាលជាសះស្បើយ៕

សហរដ្ឋអាមេរិក៖ មនុស្ស ៥.៦ម៉ឺននាក់ទៀតឆ្លងកូវីដ-១៩ និងអ្នកជំងឺ ៩៥៤នាក់ស្លាប់ នៅក្នុងរយៈពេល១ថ្ងៃ

ថ្ងៃទី ២៩ ខែ មេសា ឆ្នាំ ២០២១ ម៉ោង ១០:៤៣

(វ៉ាស៉ីនតោន)៖ នៅក្នុងរយៈពេល ២៤ម៉ោងកន្លងទៅនេះ មនុស្សសរុប ៥៦,៦០៤នាក់ទៀតបានឆ្លងជំងឺ COVID-19 ខណៈអ្នកជំងឺ ៩៥៤នាក់បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។ នេះបើតាមការដកស្រង់ទិន្នន័យ ចេញពីគេហទំព័រ Worldometers នាព្រឹកថ្ងៃព្រហស្បតិ៍ ទី២៩ ខែមេសា ឆ្នាំ២០២១។ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៣២,៩៨៣,៦៩៥ករណី ក្នុងនោះមានអ្នកស្លាប់សរុបចំនួន ៥៨៨,៣៣៧នាក់ និងជាសះស្បើយឡើងសរុប ២៥,៥៨៤,៧៤៧នាក់។ សម្រាប់ចំនួនប្រជាជនសរុប ដែលកំពុងរស់នៅលើទឹកដីសហរដ្ឋអាមេរិក គឺជាង ៣៣១លាននាក់។មជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក (CDC) នៅថ្ងៃអង្គារនេះបានចេញសេចក្ដីណែនាំសុខាភិបាលថ្មីមួយ ដោយអនុញ្ញាតឲ្យអ្នកដែលបានចាក់វ៉ាក់សាំងពេញលេញ ឬ ២ដូស ធ្វើសកម្មភាពនៅខាងក្រៅដូចជា «ដើរលេង ឬហាត់ប្រាណ» ដោយមិនចាំបាច់ពាក់ម៉ាស់ តែត្រូវពួកគេត្រូវបន្តអនុវត្ត ការពាក់ម៉ាសនៅតាមទីសាធារណៈ ឬទីប្រជុំដដែល។គួរបញ្ជាក់ថា គិតត្រឹមថ្ងៃទី២៨ ខែមេសា ឆ្នាំ២០២១ សហរដ្ឋអាមេរិកបានចាក់វ៉ាក់សាំងបង្ការជំងឺ COVID-19 សរុបជិត ២៣០លានដូសហើយ ជូនដល់ប្រជាជនទូទាំងប្រទេស ក្នុងនោះមនុស្សសរុប ១៤១.៧៥លាននាក់ (៤៣.២%នៃចំនួនប្រជាជនសរុប) បានទទួលការចាក់យ៉ាងហោចណាស់ ១ដូស និង ៩៦.៧៥លាននាក់ (២៩.៥% នៃចំនួនប្រជាជនសរុប) បានទទួលការចាក់គ្រប់ដូស៕

អ្នកឆ្លង COVID-19 លើលោកកើនដល់ជាង ១៤៩លាន ៣២ម៉ឺននាក់ ស្លាប់ជាង ៣លាន ១៤ម៉ឺននាក់ និងជាសះស្បើយជាង ១២៦លាន ៩៨ម៉ឺននាក់

ថ្ងៃទី ២៨ ខែ មេសា ឆ្នាំ ២០២១ ម៉ោង ១០:៣៥

(បរទេស)៖ គិតត្រឹមម៉ោង ៨ព្រឹកថ្ងៃពុធ ទី២៩ ខែមេសា ឆ្នាំ២០២១នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ១៤៩,៣២៨,៨៥៨នាក់ហើយ។ ក្នុងនោះអ្នកស្លាប់មានចំនួន ៣,១៤៨,៧៨១នាក់ និងជាសះស្បើយឡើងវិញ ១២៦,៩៨២,១៣៧នាក់។យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។ សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ៣២, ៩២៧,០៩១នាក់ ស្លាប់ចំនួន ៥៨៧,៣៨៤នាក់ និងជាសះស្បើយចំនួន ២៥, ៥២១,៩១៣នាក់។ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសឥណ្ឌា។ ឥណ្ឌាមានអ្នកឆ្លង ១៧, ៩៨៨,៦៣៧នាក់ ស្លាប់ចំនួន ២០១,១៦៥នាសក់ និងជាសះស្បើយ ១៤,៨០៧, ៧០៤នាក់។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល។ ប្រេស៊ីល មានអ្នកឆ្លង ១៤,៤៤៦,៥៤១នាក់ ស្លាប់ ៣៩៥,៣២៤នាក់ និងជាសះស្បើយ ១២,៩៩២, ៤៤២នាក់៕

រកឃើញកម្មករ-កម្មការិនី នៅរោងចក្រស្តារម៉ាស្ទ័រ & ហ្វ្រេង នៅស្រុកអង្គស្នួល ២៣២នាក់បន្ថែមទៀតមានវិជ្ជមានកូវីដ១៩

ថ្ងៃទី ២៧ ខែ មេសា ឆ្នាំ ២០២១ ម៉ោង ១៣:២៥

(កណ្ដាល)៖ ក្រោយលទ្ធផលតេស្តពីវិទ្យាស្ថានប៉ាស្ទ័រ បានបញ្ជាក់ថា កម្មករកម្មការិនី បម្រើការងាររោងចក្រស្តារម៉ាស្ទ័រ & ហ្វ្រេង នៅស្រុកអង្គស្នួល មានវិជ្ជមានជំងឺកូវីដ១៩ ចំនួន២៣២នាក់, លោក គង់ សោភ័ណ្ឌ អភិបាលខេត្តកណ្ដាល បានកោះហៅមន្ត្រីពាក់ព័ន្ធទាំងអស់ បើកអង្គប្រជុំបន្ទាន់នៅវេលាម៉ោង ២យប់ឈានចូលថ្ងៃទី២៧ ខែមេសា ឆ្នាំ២០២១ នៅឯសាលាស្រុកអង្គស្នួល ខេត្តកណ្ដាល។ស្ថិតក្នុងអង្គជុំនេះ លោកអភិបាខេត្តលើកឡើងថា ដោយស្ថានការណ៍ នៃការផ្ទុះរាលដាលជំងឺកូវីដ-១៩ មានការឆ្លងរាលដាលកាន់តែខ្លាំង ទៅលើកម្មករ-កម្មការិនី បម្រើការងារនៅរោងចក្រមួយចំនួនស្ថិតនៅស្រុកអង្គស្នួល ទើបចុះមកត្រួតពិនិត្យសភាពការណ៍ និងធ្វើការប្រជុំជាបន្ទាន់ នៅក្នុងបរិវេណសាលាស្រុកអង្គស្នួល ដើម្បីពិភាក្សាបន្ថែម រិះរកមធ្យោបាយបន្តកំណត់មុខសញ្ញាស្រាវជ្រាវស្វែងរកអ្នកសង្ស័យជាប់ពាក់ព័ន្ធដោយផ្ទាល់ ដោយប្រយោលយកសំណាកធ្វើតេស្តរកវីរុសកូវីដ-១៩។គួរជម្រាបជូនថា រោងចក្រដែលពាក់ព័ន្ធនឹងបញ្ហានេះមានចំនួន៦រោងចក្រ មានកម្មករ-កម្មការនីខ្ទង់ម៉ឺននាក់ឯណោះ ដែលជាទីបារម្ភយ៉ាងខ្លាំង។ រោងចក្រសរុបទាំងអស់នៅស្រុកអង្គស្នួល មានចំនួន ១១៦រោងចក្រ និងមានកម្មករ-កម្មការិនីធ្វើការជាង ៦ម៉ឺននាក់ ក៏ស្ថិតក្នុងការប្រុងប្រយ័ត្នខ្ពស់ផងដែរ ដោយសារពួកគាត់ជិះឡានទៅផ្ទះ និងមកធ្វើការឡូកឡំគ្នាជាមួយអ្នកកើតកូវីដ១៩។គួរជម្រាបថា របាយការណ៍អ្នកដែលជាប់ពាក់ព័ន្ធនឹងព្រឹត្តិការណ៍ «សហគមន៍ ២០កុម្ភៈ» ទូទាំងខេត្តកណ្ដាល គិតត្រឹមថ្ងៃទី២៦ ខែមេសា ឆ្នាំ២០២១ម្សិលមិញ មានអ្នកជាប់ពាក់ព័ន្ធដោយផ្ទាល់ និងប្រយោលចំនួន ២៣,៨៥៦នាក់។ក្នុងនោះមានអ្នកវិជ្ជមានចំនួន ៧៤៧នាក់, ជាសះស្បើយចំនួន ៤២១នាក់, កំពុងព្យាបាល ២៣៩នាក់ ក្នុងនោះមានម្នាក់លាប់ជំងឺកូវីដ-១៩ ជាអ្នកមកពីស្រុកល្វាឯម, ស្លាប់ចំនួន ៣នាក់, យកសំណាក់ធ្វើតេស្តចំនួន ២១,១០៧នាក់, កំពុងធ្វើចត្តាឡីស័កនៅមណ្ឌលចំនួន ២,៥៤៨នាក់, កំពុងធ្វើចិត្តាឡីស័កនៅផ្ទះចំនួន ៦,៧៣៤នាក់ និងបញ្ចប់ការធ្វើចត្តាឡីស័កនៅមណ្ឌលចំនួន ៣,០៣៥នាក់ និងនៅផ្ទះចំនួន១០,៩៩៦នាក់៕

ក្រសួងធនធានទឹក៖ ចាប់ពីថ្ងៃទី២៨ ខែមេសា ដល់ ថ្ងៃទី០៤ ខែឧសភា ឆ្នាំ២០២១ នឹងមានភ្លៀងធ្លាក់រាយប៉ាយពីមធ្យមទៅច្រើន

ថ្ងៃទី ២៧ ខែ មេសា ឆ្នាំ ២០២១ ម៉ោង ០៩:១៩

(ភ្នំពេញ)៖ ក្រសួងធនធានទឹក និងឧតុនិយម នៅថ្ងៃទី២៧ ខែមេសា ឆ្នាំ២០២១នេះ បានចេញសេចក្តីជូនដំណឹង ស្តីពីស្ថានភាពធាតុអាកាស នៅកម្ពុជា ចាប់ពីថ្ងៃទី២៨ ខែមេសា ដល់ថ្ងៃទី០៤ ខែឧសភា ឆ្នាំ២០២១។ក្រសួងបញ្ជាក់ថា ជ្រលងសម្ពាធទាបឥណ្ឌា កាន់តែបង្កើនឥទ្ធិពលគ្របដណ្តប់មកលើព្រះរាជាណាចក្រកម្ពុជា ជាមួយនឹងខ្យល់ប្តូរទិសបណ្តើរៗ មកពីនិរតី ដែលជាសញ្ញាបង្ហាញថា រដូវវស្សានឹងចាប់នៅសប្តាហ៍ទី១ នៃខែឧសភាខាងមុខនេះ។ ស្ថានភាពបែបនេះ នឹងធ្វើឲ្យកម្ពុជា អាចនឹងមានភ្លៀងធ្លាក់រាយប៉ាយ ក្នុងកម្រិតធម្យទៅច្រើន តាមតំបន់។ជាមួយនឹងធាតុអាកាសបែបនេះ ក្រសួងធនធានទឹក នៅតែបន្តអំពាវនាវដល់បងប្អូនប្រជាពលរដ្ឋ ប្រុងប្រយ័ត្នចំពោះបាតុភូផ្គររន្ទះ និងខ្យល់កន្ត្រាក់ ដែលអាចកើតមានជាពិសេស នៅបណ្តាខេត្តនៃទំនាបកណ្តាល៕