trollkhmer news

កីឡា

Messi បានទាត់បញ្ចូលទី ២គ្រាប់ម្នាក់ឯងនាំ Barcelona យកឈ្នះ Getafe ៥ទល់នឹង២ ឡើងមកលេខ៣ ក្នុងតារាងពិន្ទុ La Liga

ថ្ងៃទី ២៣ ខែ មេសា ឆ្នាំ ២០២១ ម៉ោង ១០:០៥

អេស្ប៉ាញ៖ Lionel Messi បាន​ទាត់​បញ្ចូល​ទី​២​គ្រាប់​ម្នាក់​ឯង​នាំ Barcelona យក​ឈ្នះ Getafe ៥-២ ឡើង​មក​លេខ​៣​ក្នុង​តារាង​ពិន្ទុ La Liga។សរុប​​ទាំង​៥​គ្រាប់​របស់ Barcelona រក​បាន​ដោយ​ Messi ២​គ្រាប់​នាទី​ទី​៨​និង​៣៣, Ronald Araujo និង Griezmann ធ្វើ​បាន​ម្នាក់​មួយ​គ្រាប់​ និង​ Sofian Chakla របស់ Getafe ធ្វើ​ឲ្យ​ចូល​ទី​ខ្លួន​ឯង​មួយ​គ្រាប់។ ចំណែក​២​គ្រាប់របស់ Gatafe សម្រេច​ទី​ដោយ Enes Unal ទាត់​ប៉េណាល់​ទី និង Clememnt Lenglet របស់ Barca ធ្វើ​ឲ្យ​ចូល​ទី​ខ្លួន​ឯង។សម្រាប់​ការ​ទទួល​បាន​៣​ពិន្ទុ​នេះ​បាន​ជួយ Barcelona មាន​៦៨​ពិន្ទុ​ឈរ​នៅ​លេខ​៣ ក្រោម​ក្រុម​លេខ​២ Real Madrid តែ​២​ពិន្ទុ​ប៉ុណ្ណោះ។ ប៉ុន្ត​ Barca នៅ​សល់​មួយ​ប្រកួត​ក្នុង​ដៃ​ទៀត។ ២​គ្រាប់​បន្ថែម​​ Messi បាន​កើ់ន​គ្រាប់​បាល់​ដល់​ទៅ​២៥​គ្រាប់ បន្ត​ឈរ​ជា​អ្នក​ទាត់​បញ្ចូល​ទី​ច្រើន​ជាង​គេ​ក្នុង​លីគ​នៅ​រដូវ​កាល​នេះ៕

Man City កំពុងប្រជែងជាមួយ Liverpool ក្នុងការទិញយកកីឡាករ Kayky កំពុងឡើងជើងរបស់ក្រុម Fluminense

ថ្ងៃទី ២២ ខែ មេសា ឆ្នាំ ២០២១ ម៉ោង ១៦:១៦

អង់គ្លេស៖ តាមសេចក្តីរាយការណ៍បានឱ្យដឹងថា ក្លិបមេឃខៀវ Manchester City កំពុងចូលរួមប្រជែងជាមួយក្លិបហង្សក្រហម Liverpool ក្នុងការចូលចែចូវយុវជនកំពុងឡើងជើងរបស់ក្រុម Fluminense កីឡាករ Kayky។គួរបញ្ជាក់ថា យុវជនដែលមានវ័យទើបតែ ១៧ ឆ្នាំរូបនេះបានវិវឌ្ឍន៍ខ្លួនយ៉ាងឆាប់រហ័ស ដោយរូបគេបានក្លាយជាកីឡាករអាជីពពេញលេញកាលពីខែមីនាកន្លងទៅ ក្នុងនោះដែរកីឡាករវ័យក្មេងរូបនេះស៊ុតបញ្ចូលទីបាន ២ គ្រាប់ និង បញ្ជូនឱ្យមិត្តរួមក្រុមសម្រេចគោលដៅបាន ១ លើក ក្រោយបង្ហាញខ្លួនបាន ៨ ដងឱ្យក្រុមដែលមានមូលដ្ឋាននៅប្រទេសប្រេស៊ីល។ជាការពិតណាស់ ក្លិប Man City មិនបានបញ្ជាក់ព័ត៌មានជាផ្លូវការអំពីទំនាក់ទំនងជាមួយ Kayky ទេ ប៉ុន្តែយោងតាមរបាយការណ៍បានឱ្យដឹងថា លោក Pep Guardiola កំពុងបើកកិច្ចចរចារស្ងាត់ៗ ដែលព័ត៌មានដដែលបានអះអាងថា សម្រាប់ការចុះកុងត្រាផ្លូវការនឹងធ្វើឡើងនៅខែ មករា ឆ្នាំ ២០២២។ដោយយោងទៅលើការចុះផ្សាយរបស់កាសែត Globo Esporte បានឱ្យដឹងថា ក្លិប Liverpool កំពុងដាក់ចំណាប់អារម្មណ៍ចង់បានយុវជនរូបនេះ ខណៈពេលនេះក្រុមហង្សក្រហមក៏កំពុងតែបើកការចរចារចង់បានរូបគេមកកាន់ទឹកដី Anfield ផងដែរ។Man City គ្រោងចាយលុយធំរហូតដល់ទៅ ២១.៥ លានផោន ឬ ប្រមាណជា (៣០ លានដុល្លាអាមេរិក) ដើម្បីទិញផ្តាច់លើតម្លៃសរុប បូករួមទាំងប្រាក់ឧបត្ថម្ភផ្សេងៗ៕

Florentino Perez៖ ខ្ញុំមិនមែនជាប្រធាន Super League ទេ សូមហៅខ្ញុំថាប្រធាន Real Madrid

ថ្ងៃទី ២២ ខែ មេសា ឆ្នាំ ២០២១ ម៉ោង ១៦:១៦

អេស្ប៉ាញ៖ Florentino Perez សារភាពចំពោះការខកចិត្តរបស់លោកដែលក្របខណ្ឌ European Super League ទើបនឹងចាប់កំណើតក៏បានដួលរលំទៅវិញ។ ប្រធានក្លិប Real Madrid បានមានប្រសាសន៍ទៀតថា ទម្រង់ក្របខណ្ឌ UEFA Champions League គួរតែលែងយកប្រើហើយត្រូវតែផ្លាស់ប្តូរ។ លោក Perez បញ្ជាក់ថាការចាកចេញពីក្របខណ្ឌ La Liga មិនដែលមាននៅក្នុងផែនការរបស់គាត់នោះទេ។លោក El Larguero បានសួរលោក Perez ពីស្ថានភាពបច្ចុប្បន្នរបស់គាត់ថា៖ “Florentino Perez ប្រធានក្លឹប Real Madrid និង Super League តើខ្ញុំនៅតែនិយាយដែរឬទេ?”។ លោក Perez បានឆ្លើយតបថា៖ “ទេ ប្រធានក្លិប Real Madrid គឺល្អ។ ខ្ញុំពិបាកចិត្តនិងខកចិត្តបន្តិច។ យើងបានធ្វើការលើគម្រោង Super League នេះអស់រយៈពេល ៣ ឆ្នាំមកហើយដើម្បីប្រយុទ្ធប្រឆាំងនឹងស្ថានភាពសេដ្ឋកិច្ចដែលយើងកំពុងឆ្លងកាត់។ វាងាយស្រួលយល់អ្នកមិនអាចប៉ះ La Liga បានទេ ដូច្នេះអ្នករកមើលប្រាក់បន្ថែមនៅពាក់កណ្តាលសប្តាហ៍ ហើយទំរង់ UCL គឺហួសសម័យហើយ”។មហាសេដ្ឋីវ័យ ៧៤ឆ្នាំរូបនេះបន្តទៀតថា៖ “ក្រុមទាំង១២ ដែលស្ថិតក្នុងលីគកាលពីម្សិលមិញបានបាត់បង់ ៦០០លានអឺរ៉ូកាលពីឆ្នាំមុន។ ទម្រង់បច្ចុប្បន្នមិនដំណើរការទេ។ យើងចង់បានទម្រង់មួយដែលយើងលេងជាមួយគ្នា។ ដូច្នេះជាជាងការលេងជាមួយគ្នាឥឡូវនេះនៅក្នុងខែកុម្ភៈឬខែមីនា ហើយយើងអាចចាប់ផ្តើមនៅដើមរដូវកាល”។គួរជម្រាបជូនថា គម្រោងថ្មីនេះរលាយទៅវិញត្រឹមតែ ៤៨ ម៉ោងបន្ទាប់ពីវាបានបង្កើតឡើងមក ខណៈដែលក្រុមយក្សទាំង ៦ នៃក្របខណ្ឌ Premier League បានសម្រេចចិត្តជាឯកច្ឆ័ន្ទក្នុងការដកខ្លួនចេញពីក្របខណ្ឌ European Super League៕

Pep Guardiola ថាខ្សែបម្រើ Phil Foden ជាកីឡាករដ៏សំខាន់របស់ក្លឹប Man City ហើយនៅពេលនេះ

ថ្ងៃទី ២២ ខែ មេសា ឆ្នាំ ២០២១ ម៉ោង ១៦:១៦

អង់គ្លេស៖ លោក Pep Guardiola អ្នកចាត់ការ​ក្លិប Manchester City បាន​និយាយ​កាល​ពីពេល​ថ្មីៗ​នេះ​ថា​ ខ្សែបម្រើ​ Phil Foden ជា​កីឡាករ​ដ៏​សំខាន់​របស់​ក្លិប​លោក​ហើយ​នៅ​ពេល​នេះ​។លោក​ Pep បាន​និយាយ​ថា​៖ "Foden ឥឡូវ​នេះ​គេ​ឡើង​ជើង​ណាស់។ គេ​ឥឡូវ​នេះ​អាច​ជួយ​ដល់​ការ​ប្រកួត​របស់​ក្លិប​យើង​ច្រើន​ណាស់​"។លោក​បាន​បន្ត​ថា​៖ "គេ​បាន​ក្លាយខ្លួន​ជា​កីឡាករ​ ដែល​យើង​អត់ខ្វះ​អត់​បាន​ហើយពេល។ គេ​ជា​កីឡាករ​សំខាន់​មួយ​រូប​របស់​យើង​ ជា​ពិសេស​នៅ​ពេល​ ៣​ប្រកួត​ចុង​ក្រោយ​ខាង​មុខ​នេះ"។គួរឱ្យដឹងដែរថា Man City បាន​ប្រកួត​ឈ្នះ​ Aston Villa ២-១ ក្នុង​ប្រកួត Premier League ដោយ​ Foden ជួយ​បាន​ ១គ្រាប់​ និង​ Rodri ជួយ​បាន​១គ្រាប់​បន្ថែម​៕

Liverpool ចង់បានខ្សែប្រយុទ្ធ Ollie Watkins ពី Aston Villa

ថ្ងៃទី ២២ ខែ មេសា ឆ្នាំ ២០២១ ម៉ោង ១៦:១៦

អង់គ្លេស៖ ខ្សែប្រយុទ្ធក្លិប Aston Villa កីឡាករ Ollie Watkins ត្រូវបានពាក្យចចាមអារ៉ាមជាច្រើនលើកឡើងថាកាល​ពី​ពេលថ្មីៗនេះថា អាច​នឹងមក​លេងនៅក្លិប Liverpool នេះ​បើយោងតាមការចុះផ្សាយរបស់ Transfermarket។បើ​តាមប្រភពខាងលើបានឲ្យ​ដឹងថា ក្លិប Liverpool នេះនឹងចំណាយលុយជាង ៣៨លានដុល្លារទិញ​យកកីឡាករ​ខាងលើសម្រាប់រដូវកាលក្ដៅខាងមុខ។យ៉ាងណាក្ដី មិនទាន់មានប្រភពណាមួយបញ្ជាក់ពីប្រាក់ខែ ក៏​ដូចជារយៈ​ពេល​កុងត្រាលេង ដែលភាគីទាំងសងខាងលើបម្រុងនឹងធ្វើនៅឡើយទេ។ គួរជម្រាបថា Watkins បាន​មក​លេង​ឲ្យ Aston Villa នៅ​ដើមរដូវកាលឆ្នាំ២០២០/២១នេះ ដោយ​ចូល​រួម​លេង​បាន ១៤ប្រកួត និង​រកគ្រាប់បាល់បាន ៣៣គ្រាប់៕    

ក្លឹបទាំងអស់នៅអ៊ីតាលីកើនចំណូល ៤លានអឺរ៉ូ ក្រោយ Ronaldo ផ្លាស់ទៅ Juventus

ថ្ងៃទី ២២ ខែ មេសា ឆ្នាំ ២០២១ ម៉ោង ១០:៣២

អ៊ីតាលី៖ លោក Andrea Agnelli បានការពារការសម្រេចចិត្តរបស់ Juventus ក្នុងការចុះហត្ថលេខាលើកីឡាករ Cristiano Ronaldo ដោយទទូចថាវត្តមានរបស់ម្ចាស់ពានរង្វាន់ Ballon d’Or ៥ សម័យកាលបានធានាដល់ក្លិបដទៃទៀតនៅ Serie A ចំនួន ៤ លានអឺរ៉ូក្នុងប្រាក់ចំណូលបន្ថែម។Juventus បានចំណាយប្រាក់ ៩៩ លានផោន (១៣៨ លានដុល្លារអាមេរិក) ដើម្បីទាក់ទាញ Ronaldoពី Real Madrid ក្នុងឆ្នាំ ២០១៨ ដោយសង្ឃឹមថាគាត់អាចជំរុញពួកគេឲ្យទទួលបានជ័យជំនះក្នុងក្របខ័ណ្ឌ Champions League ជាលើកដំបូងចាប់តាំងពីរដូវកាល ១៩៩៥-៩៦ ។ ក្រុមយក្សអ៊ីតាលីចាប់តាំងពីពេលនោះមកមិនអាចឆ្លងផុតវគ្គ ៨ ក្រុមចុងក្រោយបានឡើយ ហើយទោះបីជា Ronaldo មិនបានបង្ហាញភាពខ្លាំងរបស់ខ្លួនដូចកាលពីនៅ Real Madrid ក៏ដោយ ប៉ុន្តែត្រូវបានគេលើកឡើងថា តារាព័រទុយហ្កាល់នៅជាកម្លាំងសំខាន់បំផុតសម្រាប់ក្រុម។ប្រធានក្លិប Juve ក៏បានចេញមុខការពារគ្រូបង្វឹក Andrea Pirlo ដោយប្រាប់ Corriere dello Sport និង La Repubblica ថា៖ “មិនត្រឹមត្រូវទេក្នុងការយក Ronaldo? ខ្ញុំនឹងធ្វើវាម្តងទៀតនៅថ្ងៃស្អែកហើយ Pirlo ក៏ដូចគ្នាដែរ។ ស្ថេរភាពអនុញ្ញាតឱ្យយើងដើរតាមមាគ៌ានៃកំណើនតាមរយៈការវិនិយោគលើកីឡាករវ័យក្មេង និងគ្រូបង្វឹក សូម្បីតែបទពិសោធន៍ដំបូងរបស់ពួកគេក៏ដោយ”។លោក Agnelli បានបន្ថែមទៀតថា៖ “យើងបាននាំ Cristiano ទៅកាន់ប្រទេសអ៊ីតាលី ហើយវត្តមានរបស់គាត់តែម្នាក់ឯងបានធានាដល់ក្លឹបផ្សេងទៀតចំនួន ៤ លានអឺរ៉ូបន្ថែម។ យើងមានបំណងចង់បន្តការនាំចូលម្ចាស់ជើងឯកផ្សេងទៀត ជាមួយនឹងគុណប្រយោជន៍សម្រាប់បាល់ទាត់គ្រប់លំដាប់ថ្នាក់ចាប់ពីក្មេងៗរហូតដល់អ្នកស្ម័គ្រចិត្ត”៕

Thomas Tuchel បានស្នើសុំឲ្យថ្នាក់លើរបស់ក្លឹប Chelsea ទិញយក ខ្សែការពារ Raphael Varane ពី Real Madrid

ថ្ងៃទី ២២ ខែ មេសា ឆ្នាំ ២០២១ ម៉ោង ១០:២៦

អង់គ្លេស៖ យោងតាមការរាយការណ៍ លោកគ្រូបង្វឹក Thomas Tuchel បានស្នើសុំឲ្យថ្នាក់លើរបស់ក្លិបតោខៀវ Chelsea ទិញយក ខ្សែការពារ Raphael Varane ពីក្លិប Real Madrid ។បើទោះបីជាតំបន់ការពាររបស់ Chelsea មើលទៅរឹងមាំដោយបិទមិនឲ្យគូប្រកួតស៊ុតបញ្ចូលទីដល់ទៅ១០ប្រកួតក៏ដោយក៏លោកគ្រូTuchel នៅតែគិតថាត្រូវពង្រឹងតំបន់នេះបន្ថែមទៀតដូច្នេះ Varane គឺជាជម្រើសចម្បងគេដែលលោកគ្រូសម្លឹងឃើញ។ម្យ៉ាងទៀតកីឡាករសញ្ជាតិបារាំងរូបនេះនឹងផុតកុងត្រាជាមួយក្លិប Real Madrid នៅចុងបញ្ចប់រដូវកាលនេះហើយ ដោយយោងតាមប្រភពមួយបានបង្ហើបថា Varane ចង់ចាកចេញមកស្វែងរកបទពិសោធន៍ថ្មី។Real Madrid មិនចង់ឲ្យគេចាកចេញដោយគ្មានតម្លៃខ្លួននោះឡើយទើបក្លិបបានដាក់តម្លៃខ្លួនគេត្រឹម ៥១លានផោន(ស្មើនឹងប្រមាណ ៧១.២លានដុល្លារ)ប៉ុន្តែឧបសគ្គរបស់ Chelsea គឺ ក្លិបបិសាចក្រហម Manchester United ក៏ចង់បានកីឡាករវ័យ២៧ឆ្នាំនេះផងដែរ។យោងតាមសារព័ត៌មាន Bild លោកគ្រូ Tuchel បានស្នើឲ្យ Chelsea ធ្វើអ្វីគ្រប់យ៉ាងដើម្បីទិញយកខ្សែការពាររូបនេះវ៉ាដាច់ Man UTD ឲ្យបាន ខណៈដែលក្លិបរបស់លោកគ្រូត្រូវជួបជាមួយ Real Madrid នៅវគ្គពាក់កណ្ដាលផ្ដាច់ព្រ័ត្រពាន Champions League ។Raphael Varane សឹងតែផ្ទេរមកចូលរួមជាមួយ Manchester United កាលពីឆ្នាំ២០១១ ទៅហើយបើកុំតែ Real Madrid ទិញយកគេបានមុន ហើយចំណាយពេលជាង ១០ឆ្នាំមកនេះគឺ គេឈ្នះបាន Champions League បាន៤ដង, La Liga បីដង, Copa Del Rey និង Club World Cup ៤ដងហើយគេក៏បានលើកពានបាល់ទាត់ពិភពលោកឆ្នាំ២០១៨ ជាមួយបារាំងផងដែរ៕

Real Madrid នឹងចូលប្រជែងជាមួយ Man United ក្នុងការទិញយកខ្សែការពារ Jules Kounde តម្លៃ៥០លានផោន ពី Sevilla

ថ្ងៃទី ២២ ខែ មេសា ឆ្នាំ ២០២១ ម៉ោង ១០:១៩

អេស្ប៉ាញ៖ ក្លិបអធិរាជស Real Madrid ត្រូវបានគេរាយការណ៍ថានឹងចូលប្រជែងជាមួយក្លិបបិសាចក្រហម Manchester United ក្នុងការទិញយកខ្សែការពារ Jules Kounde ពីក្លិប Sevilla ។ កីឡាករសញ្ជាតិបារាំងរូបនេះបានក្លាយជាតារាឆ្នើមម្នាក់ប្រចាំក្រុមទើបក្លិបធំៗនៅអឺរ៉ុបជាច្រើនកំពុងសម្លឹងឃើញសមត្ថភាពរបស់គេ។យោងតាមសារព័ត៌មាន Don Balon គឺ Real Madrid ចង់ទិញយក Kounde ដើម្បីយកមកជំនួស ខ្សែការពារ Raphael Varane ដែលត្រៀមនឹងចាកចេញពីក្លិប។ ប៉ុន្តែ Man UTD ក៏កំពុងដាក់គោលដៅចង់បាន Jules Kounde ដែរដោយកីឡាករវ័យ២២ឆ្នាំរូបនេះមានតម្លៃខ្លួនប្រមាណ ៥០លានផោន(ស្មើនឹងប្រមាណ ៦៩.៧លានដុល្លារ)។យ៉ាងណាមិញ Man UTD សង្ឃឹមថានឹងអាចទិញយករូបគេ មកចាប់ដៃគូជាមួយ Harry Maguire ព្រោះខ្សែការពារ Victor Lindelof និង Eric Bailly លេងមិនសូវបានល្អនោះឡើយ៕

Fede Valverde ខ្សែបម្រើឆ្នើមរបស់ Real Madrid តេស្តវិជ្ជមាន កូវីដ-១៩

ថ្ងៃទី ២២ ខែ មេសា ឆ្នាំ ២០២១ ម៉ោង ១០:១៣

អេស្ប៉ាញ៖ Real Madrid បានចេញសេចក្តីថ្លែងការណ៍មួយកាលពីថ្ងៃពុធដោយបានបញ្ជាក់ថាកីឡាករ Fede Valverde របស់ខ្លួនបានធ្វើតេស្តឃើញវិជ្ជមានកូវីដ-១៩ ។ មុនពេលតេស្តឃើញវិជ្ជមាន Fede Valverde ត្រូវបានជំលាស់ឲ្យនៅដាច់ដោយឡែកដើម្បីការពារ ខណៈដែលកីឡាកររូបនេះធ្លាប់បានប៉ះពាល់ជាមួយនឹងអ្នកដែលមានវិជ្ជមានវីរុសនេះ។Fede Valverde មិនត្រូវបានស្ថិតនៅក្នុងបញ្ជីរកីឡាកររបស់ Real Madrid ទេបន្ទាប់ពីត្រូវបានគេដឹងថាបានមានទំនាក់ទំនងជិតស្និទជាមួយនឹងអ្នកមានវិជ្ជមានកូវីដ ហើយកីឡាកររូបនេះបានតេស្តឃើញវិជ្ជមានមួយថ្ងៃមុនពេល Real Madrid ប្រកាសដំណឹងជាផ្លូវការ និងពីរបីម៉ោងមុនពេល Real Madrid ប៉ះក្រុម Cadiz ។ក្លិប Real Madrid ក៏បានជូនដំណឹងនៅលើគេហទំព័រផ្លូវការរបស់ខ្លួនផងដែរថា៖ "Real Madrid C. F. សូមគោរពជូនដំណឹងថាកីឡាកររបស់យើង Fede Valverde បានធ្វើតេស្តវិជ្ជមានកូវីដ-១៩។" វាជាករណីវិជ្ជមានមួយដែលនឹងបង្ខំឲ្យខ្សែបំរើសញ្ជាតិអ៊ុយរូហ្គាយរូបនេះត្រូវដាក់ឲ្យនៅដាច់ដោយឡែកពីគេរយៈពេល ២ សប្តាហ៍នៅផ្ទះ៕