trollkhmer news

កីឡា

អតីតកីឡាករBayern Munich ប្រាប់ Lewandowski "បានមិនគួរចូលរួមជាមួយក្លិប Real Madrid ឬ Barcelona"

ថ្ងៃទី ០៤ ខែ កុម្ភះ ឆ្នាំ ២០១៦ ម៉ោង ១៧:២០

ខ្សែប្រយុទ្ធអន្តរជាតិប៉ូឡូញត្រូវបានគេទាក់ទងនឹងការផ្លាស់ប្តូរនៅរដូវក្តៅទៅកាន់កីឡដ្ឋាន Santiago Bernabeu របស់ក្រុម Real Madrid ប៉ុន្តែគាត់ត្រូវបានគេជម្រុញឱ្យស្នាក់នៅជាមួយក្លិប Bayern Munich បន្តទៀត ដោយអតីតកីឡាករមួយរបស់ក្លិប Bayern Munich ។ អតីតខ្សែប្រយុទ្ធក្លិប Bayern Munich កីឡាករ Giovane Elber និយាយថាកីឡាករ Robert Lewandowski មិនគួរទៅចូលរួមជាមួយក្លិប Real Madrid ឬក្លិប Barcelona នោះឡើយ ពីព្រោះគាត់អាចនិងគ្មានឳ្យកាសលេងបានជាទៀងទាត់រាល់សប្តាហ៍ដូចនៅទីនេះឡើយ។ កីឡាករវ័យ 27 ឆ្នាំរូបនេះបានផ្លាស់ប្តូរទៅនៅ Allianz Arena បន្ទាប់ពីការចាកចេញពីក្លិប Borussia Dortmund ក្នុងខែកក្កដាឆ្នាំ 2014 ប៉ុន្តែសេចក្តីរាយការណ៍មួយបានបញ្ចាក់ពីការផ្លាស់ប្តូរនៅរដូវក្តៅរបស់លោកមួយជាមួយក្រុមនៅអេស្ប៉ាញ។ លោក Elber ប្រាប់បន្តទៀតថា: « Lewandowski មិនគួរគិតអំពីរឿងចាកចេញនិងចុះអត្ថលេខជាមួយក្លិបផ្សេងទៀតនោះទេ ពីព្រោះគាត់អាចឈ្នះពានជាច្រើនជាមួយក្រុម Bayern Munich បាន » ។ " ហើយខ្ញុំសង្ឃឹមថាកីឡាករ Lewandowski និងបន្តស្នាក់នៅជាមួយ Bayern Munich តទៅទៀត " ។ ប្រភពពី Goalប្រែសំរួលដោយ Justin

ខ្សែប្រយុទ្ធ Daniel Sturridge ត្រលប់មកវឹកហាត់វិញដើម្បីត្រៀមជួយក្រុម Liverpool

ថ្ងៃទី ០៤ ខែ កុម្ភះ ឆ្នាំ ២០១៦ ម៉ោង ០២:៣៣

កីឡាករ Daniel Sturridge បាលវិលមកវឹកហាត់ម្តងទៀតហើយដើម្បីជួយក្រុម Liverpool អោយបានប្រសើរឡើងវិញបន្ទាប់ពីត្រូវបានក្រុម Leicester បំបាក់ដោយលទ្ធផល ២ទល់០ កាលពីថ្ងៃអង្គារកន្លងទៅនេះ។ Sturridge ជាកីឡាករខ្សែប្រយុទ្ធដ៏ល្អក្នុងសម័យគេចាប់ដៃគូជាមួយ Luis Suarez ដែលបានធ្វើអោយកក្រើក Premier League ផងដែរ តែជាអកុសលកីឡាករខ្សែប្រយុទ្ធម្នាក់នេះមិនបានចូលលេងជាប់លាប់នោះទេដោយសារតែរបួសបានញាំញី ធ្វើអោយរូបគេលេងបានតែ ១ ឬ ២ប្រកួតបន្ទាប់ជាសើសស្បើយនោះ ក៏ត្រូវបានរងរបួសជាបន្តបន្ទាប់រហូតមក។ ការវិលត្រលប់របស់ Sturridge អាចជាផ្នែកមួយដើម្បីជួយក្រុម Liverpool ក្នុងការប្រកួតសំខាន់ៗជាច្រើនទៀតនៅក្នុងក្របខ័ណ្ឌ Premier League , FA Cup , Europa League និងការប្រកួតវគ្គផ្តាច់ព្រ័តដណ្តើមពានរង្វាន់ Capital One Cup ដែលត្រូវប្រកួតជាមួយក្រុមមេឃខៀវ Manchester City ផងដែរ។ ប្រភពពី Mirrorប្រែសំរួលដោយ Justin

Jackson Martinez ត្រៀមផ្ទេរទៅកាន់ចិនក្នុងតម្លៃខ្លួន៤៥លានអឺរ៉ូ

ថ្ងៃទី ០៣ ខែ កុម្ភះ ឆ្នាំ ២០១៦ ម៉ោង ១៦:២២

ខ្សែប្រយុទ្ធ Jackson Martinez របស់ក្លិប Atletico Madrid ត្រូវបានគេរាយការណ៍ថា នឹងចូលរួមជាមួយនឹងក្លិបចិន Guangzhou Evergrande របស់ក្របខ័ណ្ឌ Chinese Super League ក្នុងតម្លៃខ្លួន៤៥លានអឺរ៉ូ (ស្មើនឹង៤៩លានដុល្លារអាមេរិក)។ ខ្សែប្រយុទ្ធអន្តរជាតិកូឡុំប៊ីរូបនេះ បានទទួលបរាជ័យក្នុងការបង្កើតឲ្យមានការចាប់អារម្មណ៍នៅកីឡដ្ឋាន Vicente Calderon បើគិតចាប់តាំងពីផ្ទេរមកពីក្លិប Porto កាលពីរដូវក្តៅមុន ហើយអាចនឹងចាកចេញពីអេស្ប៉ាញ។ ការសែត Caden SER បានចេញផ្សាយថា Martinez វ័យ២៩ឆ្នាំ នឹងក្លាយជាកីឡាករដ៏ល្បីចុងក្រោយគេក្នុងការផ្ទេរទៅកាន់ប្រទេសចិន ក្រោយពីកីឡាករឆ្នើមៗដូចជា Ramires និង Gervinho បានចាកចេញពីអឺរ៉ុបទៅកាន់អាស៊ី កាលពីខែមករា។ ប្រសិនបើរូបគេពិតជាផ្ទេរទៅកាន់ក្លិប Guangzhou Evergrande កីឡាករ Martinez នឹងត្រូវស្ថិតក្រោមការដឹកនាំរបស់អតីតគ្រូបង្វឹកនៃក្រុមជម្រើសជាតិប្រេស៊ីលគឺលោក Luiz Felipe Scolari ដែលកំពុងតែដឹកនាំក្លិបនេះចាប់តាំងពីខែមិថុនា មកម្ល៉េះ។ បើយោងទៅតាមកាសែតអេស្ប៉ាញ AS កីឡាករ Martinez មិនមានវត្តមានក្នុងពេលហ្វឹកហាត់កាលពីថ្ងៃចន្ទឡើយ ខណៈដែលការអវត្តមានរបស់គេត្រូវបានបញ្ជាក់ថា «ដោយសារតែមានហេតុផលផ្ទាល់ខ្លួនក្រោមការអនុញ្ញាតរបស់ក្លិប»។ លោក Jorge Mendes ដែលជាភ្នាក់ងារតំណាងឲ្យ Martinez បានចាប់ផ្តើមចរចាជាមួយនឹងក្លិប Atletico នៅល្ងាចដដែលនោះ ប៉ុន្តែ មិនអាចឈានដល់ការព្រមព្រៀងគ្នាណាមួយឡើយ នៅមុនពេលក្លិបនេះយល់ព្រមលក់ Martinez កាលពីល្ងាចថ្ងៃអង្គារ។ ទីផ្សារដោះដូរកីឡាកររបស់ចិននៅតែបើកចំហររហូតដល់ថ្ងៃទី២៦ ខែកុម្ភៈ ហើយខណៈដែលក្លិប Jiangsu Suning បានចុះហត្ថលេខាជាមួយ Ramires ពីក្លិប Chelsea ក្នុងតម្លៃខ្លួន២៥លានផោន (ស្មើនឹង៣៦លានដុល្លារអាមេរិក) រួចជាស្រេច ការទិញចូលកីឡាករជាច្រើនទៀតអាចនឹងកើតឡើង៕ប្រភពពី Goal

ប៉ូលិសចាប់ខ្លួនយុវជនអាយុ១៥ឆ្នាំម្នាក់ពីបទរើសអើងពូជសាសន៍ក្នុងជំនួប Everton ជាមួយ Carlisle United

ថ្ងៃទី ០៣ ខែ កុម្ភះ ឆ្នាំ ២០១៦ ម៉ោង ១៦:១៨

ប៉ូលីសបានចាប់ខ្លួនយុវជនអាយុ 15 ឆ្នាំម្នាក់ក្នុងការជាប់ពាក់ព័ន្ធជាមួយនឹងការរំលោភបំពានប្រកាន់ជាតិសាសន៍ដែលបានប្រព្រឹត្តិក្នុងអំឡុងពេលកីឡាករក្រុម Everton ប្រកួតជាមួយក្រុម Carlisle Man United ក្នុងការប្រកួតពានរង្វាន់ FA Cup របស់ប្រទេសអង់គ្លេស។កីឡាករ Arouna Kone និង Steven Pienaar បានបង្ហាញអារម្មណ៍តូចចិត្តដោយការស្រែកពីហ្វូងអ្នកគាំទ្រនៅពេលពួកគេសប្បាយរីករាយនៅពេលបានសុតគ្រាប់បាល់បើកឆាកក្នុងការទទួលជ័យជម្នះ 3-0 កាលពីថ្ងៃអាទិត្យនៅឯ Brunton Park ។ "ប៉ូលីសបានចាប់ខ្លួនយុវជននោះដែលជាផ្នែកមួយនៃការស៊ើបអង្កេតទាក់ទងនឹងការចោទប្រកាន់ឥរិយាបថប្រកាន់ជាតិសាសន៍ចំពោះកីឡាករបាល់ទាត់នៅក្នុងការប្រកួតក្របខ័ណ្ឌ FA Cup ជុំទីបួននៅក្នុងការប្រកួតរវាង Carlisle United ជាមួយក្លិប Everton " យោងតាមសេចក្តីថ្លែងការណ៍មួយដែលចេញផ្សាយរបស់ប៉ូលីសបានបញ្ជាក់កាលពីថ្ងៃពុធ។ « ប៉ូលីសកំពុងធ្វើការយ៉ាងជិតស្និទ្ធជាមួយ Carlisle ជាផ្នែកនៃការសាកសួរដើម្បីកំណត់អត្តសញ្ញាណជនសង្ស័យណាមួយផ្សេងទៀត»។ប្រភពពី Goalប្រែសំរួលដោយ សិទ្ធា

Leicester កំពុងរៀបចំកិច្ចសន្យាថ្មីនិងប្រាក់រង្វាន់បន្ថែមទៀតដើម្បីរក្សាទុកកីឡាករ Jamie Vardy

ថ្ងៃទី ០២ ខែ កុម្ភះ ឆ្នាំ ២០១៦ ម៉ោង ១៦:៤០

ខ្សែប្រយុទ្ធកីឡាករ Jamie Vardy ត្រូវបានក្រុម Leicester ស្នើរផ្តល់កិច្ចសន្យាថ្មីក្រុមបូករួមតំលៃប្រាក់ខែនៅ Champions League ប្រសិនបានក្រុមមានឳ្យកាសឈានបានទៅលេងនៅក្របខ័ណ្ឌ Champions League មែននោះ។ ក្រុមដែលកំពុងឡើងជើងខ្លាំង Leicester ក្របខ័ណ្ឌ Premier League សង្ឃឹមថា Vardy នឹងចុះហត្ថលេខាថ្មីជាមួយក្លិបដើម្បីទប់ស្កាត់ការចាប់អារម្មណ៍ពីក្លិបនៅ Premier League ទៀតហើយជឿថា Vardy មិនចង់ចាកចេញពីទីនេះទេ ទោះបីជាគាត់អាចទទួលបានប្រាក់ឈ្នួលច្រើនជាងនេះនៅកន្លែងផ្សេងក្តី នេះបើយោងតាមសារពត៌មាន Mirror ។ បច្ចុប្បន្នប្រាក់ឈ្នួលរបស់ Vardy គឺនៅជុំវិញ 45,000ផោន ក្នុងមួយសប្តាហ៍ ហើយកិច្ចព្រមព្រៀងរបស់លោកនិងផុតកំណត់ក្នុងឆ្នាំ 2018 ខណៈដែលក្រុម Leicester កំពុងតែរៀបចំប្រាក់រង្វាន់លើកទឹកចិត្តចំពោះរូបគាត់ចំពោះទំរង់លេងដ៏ល្អរបស់គាត់កន្លងមក។ ប្រភពពី Mirrorប្រែសំរួលដោយ Justin

Pep ទទួលបានប្រាក់ឈ្នួល១៥លានផោនក្នុងមួយឆ្នាំពី Man City រីឯ Klopp ស្ថិតនៅលំដាប់ទី២

ថ្ងៃទី ០២ ខែ កុម្ភះ ឆ្នាំ ២០១៦ ម៉ោង ១០:៤៩

បន្ទាប់ពីបានចុះកិច្ចសន្យាដឹកនាំក្រុម Manchester City រយៈពេល៣ឆ្នាំរួចមកលោក Pep Guardiola ត្រូវបានអ្នកសារពត៌មានចុះផ្សាយអោយដឹងអំពីប្រាក់ឈ្នួលប្រចាំឆ្នាំដែលលោកត្រូវទទួលបានពីក្រុម Manchester City គឺ ១៥លានផោនក្នុង១ឆ្នាំ ដែលជាតំលៃប្រាក់ឈ្នួលគ្រូបង្វឹកខ្ពស់ជាងគេនៅបង្អស់នៅលើពិភពលោក ខណៈដែលលោក  Jurgen Klopp គ្រូបង្វឹកក្រុមហង្សក្រហម Liverpool នៅលំដាប់ទី២ទទួលបាន 10.6លានផោនក្នុង១ឆ្នាំ។ ខាងក្រោមនេះគឺជាតំលៃប្រាក់ឈ្នួលប្រចាំឆ្នាំរបស់គ្រូបង្វឹកក្រុមផ្សេងទៀត៖8. Laurent Blanc, PSG - 5.1លានផោន7. Luis Enrique, Barcelona - 5.7លានផោន6. Sven-Goran Eriksson, Shanghai SIPG - 5.9លានផោន5. Andre Villas-Boas, Zenit - 6.25លានផោន4. Louis van Gaal, Manchester United - 7.3លានផោន3. Arsene Wenger, Arsenal - 8.3លានផោន2. Jurgen Klopp, Liverpool - 10.6លានផោន1. Pep Guardiola, Manchester City - 15លានផោនប្រភពពី Mirrorប្រែសំរួលដោយ សិទ្ធា

Oumar Niasse ចុះកិច្ចព្រមព្រៀងជាមួយ Everton ក្លាយជាកីឡាករតំលៃខ្លួនថ្លៃបំផុតរបស់ក្លិប

ថ្ងៃទី ០២ ខែ កុម្ភះ ឆ្នាំ ២០១៦ ម៉ោង ០២:១៣

នៅថ្ងៃចុងក្រោយក្នុងទីផ្សាយដោះដូរកីឡាករនេះ ក្លិប Everton បានចុះកិច្ចព្រមព្រៀងរយៈ ៤ឆ្នាំកន្លះ រួចរាល់ហើយក្នុងទិញយកកីឡាករ Oumar Niasse វ័យ២៥ឆ្នាំ សញ្ជាតិសេនីហ្គាល់ពីក្លិប Lokomotiv Moscow នៅប្រទេសរុស្ស៊ីក្នុងតំលៃខ្លួន 13.5លានផោន បានក្លាយជាកីឡាករមានតំលៃខ្លួនថ្លៃបំផុតរបស់ក្លិបនៅក្នុងការផ្ទេរខ្លួន។ Oumar Niasse បានជាប់ឈ្មោះជាកីឡាករល្អបំផុតឆ្នាំ២០១៥ ប្រចាំក្របខ័ណ្ឌបាល់ទាត់ប្រទេសរុស្ស៊ីដោយបង្ហាញខ្លួនបាន ២៣ប្រកួតរកគ្រាប់បាល់បាន១៣គ្រាប់។ គាត់បាននិយាយថា " វាគឺជាថ្ងៃល្អណាស់សំរាប់ខ្ញុំដែលបានមកលេងនៅក្លិបដ៏ល្បីមួយក្នុងប្រទេសអង់គ្លេស ហើយក្របខ័ណ្ឌ Premier League គឺជាក្របខ័ណ្ឌបាល់ទាត់ដ៏ល្បីបំផុតមួយផងដែរនៅពិភពលោក " ។ " Everton មានកីឡាករល្អ និងមានទស្សនិកជនដ៏ល្អផងដែរ ខ្ញុំចូលចិត្តពួកគេ " ។ បន្ទាប់ពីចុះកិច្ចព្រមព្រៀងរួចរាល់ Oumar Niasse អាចនិងត្រូវបង្ហាញខ្លួនពេលប៉ះក្រុម Stoke City នៅប្រកួតក្រោយនេះហើយ ។ ប្រភពពី Mirrorប្រែសំរួលដោយ សិទ្ធា

ក្លិបនៅ Premier League បានចំណាយលុយអស់១ពាន់លានដុល្លារហើយសំរាប់ការដោះដូរកីឡាករ

ថ្ងៃទី ០១ ខែ កុម្ភះ ឆ្នាំ ២០១៦ ម៉ោង ១៧:១១

ក្លិបបាល់ទាត់អាជីពនៅក្របខ័ណ្ឌកំពូលរបស់ប្រទេសអស់គ្លេសបានចំណាយយ៉ាងច្រើនដែលមានចំនួនប្រមាណ ១ពាន់លានដុល្លារ ហើយសំរាប់ការដោះដូរកីឡាករនៅក្នុងរដូវកាលនេះដែលលើសពីរដូវកាលមុនៗទៀតដែលមានត្រឹមតែ 965លានផោន ប៉ុណ្ណោះ។ ២០ក្លិបដែលបានចំណាយអស់ ១២០លានផោន ទៅហើយសំរាប់ទីផ្សារដោះដូរកីឡាករក្នុងខែមករានេះ ខណៈដែលក្រុម Newcaslte តែឯងចំណាយអស់២៩លានផោនដែលបាននាំយកកីឡាកររួមមាន Jonjo Shelvey, Andros Townsend , Henri Saivet នៅចុងក្រោយនេះដែរ Newcaslte កំពុងតែដាក់ដេញថ្លៃកីឡាករ Saido Berahino របស់ West Ham ក្នុងតំលៃ២១លានផោនទៀតផង ។ខាងក្រោមនេះជាតារាងតំលៃចំណាយក្នុងការផ្លាស់ប្តូរកីឡាកររបស់ក្លិបនៅក្របខ័ណ្ឌ Premier League ៖ ប្រភពពី BBCប្រែសំរួលដោយ Justin

ច្បាស់ហើយ! លោក Pep Guardiola ចុះកិច្ចសន្យា៣ឆ្នាំដឹកនាំក្រុម Manchester City

ថ្ងៃទី ០១ ខែ កុម្ភះ ឆ្នាំ ២០១៦ ម៉ោង ១៦:៣៩

បន្ទាប់ពីមានពត៌មានជាច្រើនបានចុះផ្សាយអំពីលោក Pep Guardiola នឹងត្រូវបញ្ចប់កិច្ចសន្យាជាមួយក្លិប Bayern Munich នៅចុងរដូវកាលនេះ ហើយលោកត្រូវបានចាប់អារម្មណ៍ពីក្លិបជាច្រើនក្នុងការនាំយកមកដឹកនាំក្លិបរបស់ពួកគេ ឥលូវនេះច្បាស់មែនទែនហើយគឺលោក Pep Guardiola នឹងចុះកិច្ចសន្យា៣ឆ្នាំក្នុងតំណែងជាគ្រូបង្វឹករបស់ក្លិប Manchester City ជំនួសតំណែងរបស់លោក Manuel Pellegrini នៅពេលដែលលោកចាកចេញពីក្លិប Bayern Munich នៅចុងរដូវកាលនេះ។ ការចុះកិច្ចសន្យារបស់លោក Pep Guardiola ជាមួយក្លិប Manchester City នេះបានធ្វើអោយក្តីសង្ឃឹមរបស់ក្រុម Chelsea និង Manchester United ត្រូវរលាយភ្លាមៗ ដោយសារតែក្រុមទាំង២នេះបានធ្វើការទំនាក់ទំនងលោក Guardiola ដើម្បីមកជំនួសតំណែងគ្រូបង្វឹករបស់ក្លិបពួកគេដែលកំពុងតែរកាំរកូសស្រាប់ផងនាពេលបច្ចុប្បន្ននេះ។ លោក Pep Guardiola បានចំណាយពេល៤ឆ្នាំក្នុងតំណែងជាគ្រូបង្វឹកក្រុម FC Barcelona ពីឆ្នាំ ២០០៨ ដល់ឆ្នាំ ២០១២ ហើយជួយអោយ Barcelona ទទួលបានពានរង្វាន់ដល់ទៅ ១៤ពានរង្វាន់ផ្សេងៗគ្នាក្នុងរយៈពេល៤ឆ្នាំ ។ បន្ទាប់ពីការចាកចេញពីក្លិប FC Barcelona រួចមកលោកក៏បានធ្វើវិស្សមកាលផ្ទាល់ខ្លួនអស់រយៈពេលមួយឆ្នាំមុននឹងចូលទៅដឹកនាំក្លិប Bayern Munich នៅឆ្នាំ២០១៣ រួចក៏បានជួយអោយក្លិប Bayern Munich  ឈ្នះពានរង្វាន់ ៥ផ្សេងគ្នាផងដែរ។ ប្រភពពី Goalប្រែសំរួលដោយ សិទ្ធា