trollkhmer news

កីឡា

បន្ទាប់ពី Liverpool ឥលូវដល់អ្នកគាំទ្រក្រុម Dortmund បោះគ្រាប់បាល់តឺនីសប្រឆាំងការឡើងថ្លៃសំបុត្រ

ថ្ងៃទី ១១ ខែ កុម្ភះ ឆ្នាំ ២០១៦ ម៉ោង ០៤:០១

បន្ទាប់ពីក្លិប Liverpool មានគំរោងការតំលើងថ្លៃសំបុត្រក្នុងការប្រកួតរបស់ពួកគេ ប៉ុន្តែត្រូវបានអ្នកគាំទ្រខឹងសម្បាចំពោះការតំលើងថ្លៃនាំអោយមានការតវ៉ានៅក្រៅកីឡាដ្ឋាននៅពេលការប្រកួតរវាងក្រុម Liverpool ជាមួយនិង Sunderland កាលពីថ្ងៃសៅរ៍កន្លងមកនេះ។ តែកាលពីម្សិលមិញម្ចាស់ក្លិបរបស់ Liverpool បានចេញសេចក្តីសំរេច សុំទោសចំពោះមានគំរោងតំលើងថ្លៃសំបុត្រ និងបានរក្សាតំលៃសំបុត្រនៅដដែលវិញ។ ហើយឥលូវយើងងាកមកមើលក្រុម  Dortmund ក៏មានគំរោងតំលើងថ្លៃសំបុត្រផងដែរ ប៉ុន្តែត្រូវបានអ្នកគាំទ្រមិនពេញចិត្តនិងធ្វើការប្រឆាំងដូចទៅនិងអ្នកគាំទ្រក្រុម Liverpool ដែរ។ អ្នកគាំទ្រក្រុម Dortmund បានធ្វើការប្រឆាំងដោយបានចោលគ្រាប់បាល់កីឡាវាយតឺនីសទៅលើលានក្នុងអំឡុងការប្រកួតអាល្លឺម៉ង់ Cup ជាមួយនិងក្រុម Stuttgart រំខានការប្រកួតដើម្បីប្រឆាំងទៅនិងការតំលើងថ្លៃសំបុត្រទស្សនា។ 

អតីតកីឡាករ Man City ថា៖ Busquets ជាជំរើសដ៏ល្អសំរាប់ Man City

ថ្ងៃទី ១០ ខែ កុម្ភះ ឆ្នាំ ២០១៦ ម៉ោង ១៧:៤៨

Dietmar​ Hamann បានជំរុញឱ្យក្រុម Man City ដើម្បីចុះហត្ថលេខាខ្សែបម្រើក្រុម Barcelona កីឡាករ Sergio Busquets, ដែលទំនងជាមកនៅក្របខ័ណ្ឌ Premier League ដោយសារតែការមកដល់របស់លោក Pep Guardiola ។ ខ្សែបំរើរូបនេះបានសារភាពថាលោកត្រូវបានប្រពន្ធរបស់លោកនិងគ្រូបង្វឹក Guardiola បញ្ចុះបញ្ចូលឱ្យលោកចាកចេញពីទឹកដី Camp Nou,ទៅកាន់ទឹកដី Man City នៅក្នុងទីផ្សារដោះដូរកីឡាករនៅពេលចប់រដូវកាលនេះ។ Hamann ជាអតីតកីឡាកររបស់ក្រុម Man City បាននិយាយថា « កីឡាករ Busquets មានទំរង់លេងល្អឥតខ្ចោះ ជាមួយទេព្យកោសល្យរបស់គាត់សំរាប់ក្រុម Man City » ។ ់Man City កំពុងតែរកអ្នកជំនួសតំបន់កីឡាករ​ Yaya Toure ដែលប្រុងនិងចាកទៅរកក្លិបថ្មីទៀតនៅខាងមុខដូចនេះហើយទើប Busquets ជាជំរើសមួយសាកសមសំរាប់ Man City ។ ប្រភពពី Goal ប្រែសំរួលដោយ សិទ្ធា

Johnson ខ្សែបំរើ Sunderland ឡើងតុលាការពីបទរួមភេទជាមួយក្មេងក្រោមអាយុ១៨ឆ្នាំ

ថ្ងៃទី ១០ ខែ កុម្ភះ ឆ្នាំ ២០១៦ ម៉ោង ១៦:៥១

ខ្សែបំរើក្លិបឆ្មាខ្មៅ Sunderland កីឡាករ  Adam Johnson បានត្រូវឡើងទៅតុលាការ Bradford Crown នៅថ្ងៃពុធម្សិលមិញ ដោយរងការចោទប្រកាន់ពីបទរួមភេទជាមួយនិងក្មេងក្រោមអាយុ១៨ឆ្នាំ ដែលបានកើតឡើងរវាងខែធ្នូឆ្នាំ 2014 និងខែកុម្ភៈឆ្នាំមុនហើយលោកបានទទួលស្គាល់ថាលោកបានប្រព្រឹត្តទៅលើក្មេងម្នាក់អាយុ១៥ឆ្នាំ។ប៉ុន្តែ Adam Johnson ក៏បានបដិសេធនៅតុលាការអំពីការរួមភេទពីរលើកជាមួយក្មេងមិនទាន់គ្រប់អាយុផ្សេងទៀតផងដែរ។ គាត់បានផ្លាស់ប្តូរទៅកាន់កីឡដ្ឋានរបស់ក្លិប Manchester City ទៅកាន់ក្លិប Sunderland នៅឆ្នាំ២០១២ Johnson ត្រូវបានផ្អាកដំបូងដោយក្រុមឆ្មាខ្មៅ Sunderland បន្ទាប់ពីការចាប់និងការធានានៅក្រៅឃុំជាបន្តបន្ទាប់របស់លោកនៅក្នុងខែមីនា។ ប្រភពពី Goalប្រែសំរួលដោយ សិទ្ធា

ក្រុមហ៊ុនអាមេរិកមួយជិតក្លាយជាអ្នកកាន់កាប់ក្លិប Everton

ថ្ងៃទី ០៩ ខែ កុម្ភះ ឆ្នាំ ២០១៦ ម៉ោង ១៦:០៩

ក្លិប Everton កំពុងតែស្ថិតយ៉ាងប្រកៀកក្នុងការស្ថិតក្រោមការកាន់កាប់មួយក្នុងតម្លៃទឹកប្រាក់២០០លានផោន (ស្មើនឹង២៨៨,៦៧លានដុល្លារអាមេរិក) ក្រោយពីការពិភាក្សាផ្សេងៗជាមួយនឹងក្រុមបណ្តាក់ទុនសហរដ្ឋអាមេរិក។ ក្រុមបណ្តាក់ទុនមួយនេះ ដែលត្រូវបានដឹកនាំដោយអតីតម្ចាស់ក្លិប San Diego Padres គឺលោក John Jay Moores និងដៃគូសហគ្រិនរបស់លោកគឺលោក Charles Noell បានធ្វើការពិភាក្សាជាមួយនឹងលោក Bill Kenwright ម្ចាស់ក្លិប Everton ក្នុងរយៈពេលប៉ុន្មានខែថ្មីៗនេះ។ កាលពីមុន លោក Moores និងលោក Noell បានចាប់អារម្មណ៍ទៅលើការបណ្តាក់ទុនលើក្លិប Swansea។ ពាណិជ្ជករទាំងពីររូបនេះបានចំណាយរយៈពេលចំនួន៦សប្តាហ៍ក្នុងការត្រួតពិនិត្យទៅលើគណនីរបស់ក្លិប Everton។ ក្នុងការបន្ថែមទៅលើការពិភាក្សាជាមួយនឹងលោក Kenwright ពួកគេបានពិភាក្សាជាមួយនឹងម្ចាស់ភាគហ៊ុនធំរបស់ក្លិបពីរនាក់ផ្សេងទៀតគឺលោក Robert Earl និងលោក Jon Woods។ ប្រភពព័ត៌មានផ្សេងៗបានចេញផ្សាយថា ក្រុមអ្នកបណ្តាក់ទុនសហរដ្ឋអាមេរិកមួយនេះ កំពុងតែសម្លឹងរកការឈាននូវការព្រមព្រៀងគ្នាមួយក្នុងតម្លៃជាទឹកប្រាក់២០០លានផោន (ស្មើនឹង២៨៨,៦៧លានដុល្លារអាមេរិក) នៅប៉ុន្មានសប្តាហ៍ខាងមុខនេះ។ វាក៏មានការចាប់អារម្មណ៍សំណាក់ភាគីជាច្រើនផ្សេងទៀតដែរ ប៉ុន្តែ មិនមាននរណាម្នាក់បង្ហាញពីភាពច្បាស់លាស់ឡើយ។ ក្លិប Everton មិនបានធ្វើការបកស្រាយអ្វីទៅលើការលើកឡើងទាក់ទងនឹងការកាន់កាប់នេះឡើយ ប៉ុន្តែ ក្នុងមហាសន្និបាទប្រចាំឆ្នាំរបស់ក្លិបមួយនេះ លោក Robert Elstone ដែលជាប្រធានប្រតិបត្តិ បានឲ្យដឹងថា៖ «វាមានមនុស្សជាច្រើនកំពុងតែចាប់អារម្មណ៍ទៅលើការបណ្តាក់ទុនក្នុងក្លិប Everton ហើយប្រធានក្លិបជឿជាក់ថា ការបណ្តាក់ទុននេះ នឹងត្រូវបានធានានាពេលឆាប់ៗខាងមុខនេះ»៕ប្រភពព័ត៌មាន៖ BBC

Ronaldo និយាយថា " ស្នាក់នៅ Real Madrid ២ឆ្នាំទៀតទើបចេញ "

ថ្ងៃទី ០៨ ខែ កុម្ភះ ឆ្នាំ ២០១៦ ម៉ោង ១៥:២៤

កីឡាករ Cristiano Ronaldo ត្រូវបានសារពត៌មានជាច្រើនលើកឡើងអំពីក្លិប PSG បានមានចំណាប់អារម្មណ៍ចង់ទាក់ទង Ronaldo ក្នុងឆ្នាំនេះទៅលេងនៅក្លិបនៅឯប្រទេសបារាំង។ ប៉ុន្តែកីឡាករ Ronaldo បាននិយាយថាគាត់គឺគាត់បើកចំហពីាការផ្លាស់ប្តូរពីក្លិប Real Madrid ទៅក្លិបដ៍ទៃទៀតនៅចុងបញ្ចប់នៃកិច្ចសន្យារបស់លោកនៅក្នុងឆ្នាំ 2018 នេះ។ កីឡាករអន្ដរជាតិព័រទុយហ្គាល់បាននិយាយនៅកម្មវិធីប្រគល់ពានរង្វាន់ Marca ថា « ខ្ញុំបានមកនៅប្រទេសអេស្ប៉ាញប្រាំមួយឆ្នាំ ហើយបាននៅក្រុម Man U អស់រយៈពេល ៦ឆ្នាំដូចគ្នា ហើយនោះគឺជាបទពិសោធមួយ និងឈ្នះជើងឯកផងដែរ ប៉ុន្តែសម្រាប់ខ្ញុំនេះគឺជាការប្រកួតលីកល្អបំផុតនៅក្នុងពិភពលោក»  ។ «ខ្ញុំចង់នៅទីនេះសម្រាប់ពីរឆ្នាំទៀតហើយបន្ទាប់មកអ្នកទាំងអស់គ្នានឹងឃើញ។​ " សំរាប់ឱ្យកាសចុងក្រោយនៃកិច្ចសន្យានៅទីនេះ ខ្ញុំនិងផ្តល់អ្វីៗគ្រប់យ៉ាងដែលខ្ញុំមានទាំងអស់ "។ « ខ្ញុំសង្ឃឹមថាអ្នកគាំទ្រនិងរក្សាការគាំទ្រដូចដែលពួកគេបានធ្វើកន្លងមក ពួកគេគឺមានភាពអស្ចារ្យ។ យើងនឹងផ្តល់អ្វីគ្រប់យ៉ាងនៅលើទីលានដើម្បីព្យាយាមឈ្នះពានរង្វាន់ផ្សេងៗនិងជាពិសេសពាន Champions League ជាថ្មីម្តងទៀត»។ប្រភពពី Goalប្រែសំរួលដោយ សិទ្ធា

Costar សុតជួយអោយ Chelsea បានត្រឹមស្មើរ ១ទល់១ ជាមួយ Man U

ថ្ងៃទី ០៨ ខែ កុម្ភះ ឆ្នាំ ២០១៦ ម៉ោង ០៣:៣៥

ខ្សែប្រយុទ្ធអន្តរជាតិអេស្ប៉ាញ Diego Costa បានរកគ្រាប់បាល់តាមស្មើយ៉ាងល្អនៅនាទីបន្ថែមដើម្បីការពារកំណត់ត្រានៃការមិនស្គាល់ចាញ់សោះរបស់គ្រូបង្វឹកបណ្តោះអាសន្នលោក Guus Hiddink។ Man United ហាក់ដូចជាស្ថិតយ៉ាងប្រកៀកក្នុងការដេញតាមពីក្រោយក្រុមស្ថិតក្នុងចំណាត់ថ្នាក់កំពូលតារាងទាំង៤នៃក្របខ័ណ្ឌ Premier League ចំនួន៤ពិន្ទុទៅហើយ ក្រោយពីគ្រាប់បាល់ស៊ុតបញ្ចូលទីរបស់កីឡាករ Jesse Lingard នៅនាទី ទី៦១បានធ្វើឲ្យក្រុមរបស់លោក Louis van Gaal ស្ថិតនៅលើផ្លូវទៅកាន់ការទទួលជ័យជម្នះជាលើកទី៣ជាប់ៗគ្នាក្នុងរាល់ការប្រកួតទាំងអស់។ ប៉ុន្តែ នៅនាទី ទី១នៃនាទីបន្ថែម៦នាទី ដែលត្រូវបានបន្ថែមដោយសារតែបញ្ហារបួសជង្គង់របស់ខ្សែការពារ Kurt Zouma នៃក្រុម Chelsea ខ្សែប្រយុទ្ធ Costa បានបណ្តើរបាល់ផុតអ្នកចាំទី David de Gea ក្នុងការរកគ្រាប់បាល់ស៊ុតបញ្ចូលទីដើម្បីបន្តកំណត់ត្រានៃការមិនស្គាល់ចាញ់របស់លោក Hiddink បើគិតចាប់តាំងពីចូលជំនួសតំណែងលោក Jose Mourinho រហូតដល់ទៅ១០ប្រកួត។ លោក Hiddink បានឲ្យដឹងថា៖ «ខ្ញុំពិតជារីករាយណាស់ជាមួយនឹងប្រតិបត្តិរបស់ក្រុមនេះ។ Manchester United មិនមែនជាក្រុមងាយស្រួលក្នុងការផ្តួលឡើយ ប៉ុន្តែ យើងពិតជាស័ក្តិសមក្នុងការទទួលបានមួយពិន្ទុ»។ ទាក់ទងនឹងបញ្ហារបួសរបស់ Zouma លោក Hiddink បានឲ្យដឹងថា៖ «នៅថ្ងៃស្អែកនេះ យើងនឹងដឹងកាន់តែច្បាស់ ប៉ុន្តែ ប្រសិនបើអ្នកមានរបួសបែបនេះ ហើយគ្រប់គ្នាបានមើលឃើញថា វាសភាពធ្ងន់ធ្ងរបែបនេះ កម្រិតនៃការរងរបួសនឹងមានភាពធ្ងន់ធ្ងរ។ ខ្ញុំធ្លាប់មានបញ្ហាបែបនេះម្តង ហើយវាឈឺចុកចាប់ខ្លាំងណាស់»។ ជាមួយគ្នានេះ លោក Van Gaal បានប្រាប់ទូរទស្សន៍ Sky Sports ថា៖ «នៅពេលដែលគោលបំណងរបស់គឺការឡើងទៅឈរក្នុងចំណា់ថ្នាក់លេខ៣ លេខ២ ឬលេខ១ នោះអ្នកត្រូវតែឈ្នះ ពីព្រោះគម្លាតគឺពិតជាធំ។ បច្ចុប្បន្ន គម្លាតកាន់តែធំជាងមុនទៅទៀត ហេតុនេះ វាមិនមានភាពល្អប្រសើរឡើយ»៕ វីឌីអូហាយឡាយខាងក្រោម ៖

ឪពុក Neymar និយាយថា៖ Man U ធ្លាប់ដាក់សំណើរទិញ Neymar ក្នុងតំលៃខ្លួន១៩០លានអឺរ៉ូ

ថ្ងៃទី ០៦ ខែ កុម្ភះ ឆ្នាំ ២០១៦ ម៉ោង ០៣:៥៣

ក្លិបយក្សអង់គ្លេស Manchester United បានដាក់សំណើក្នុងទឹកប្រាក់១៩០លានអឺរ៉ូ (ស្មើនឹង២១២,៩លានដុល្លារអាមេរិក) ដើម្បីទិញតារាឆ្នើម Neymar របស់ក្លិប Barcelona អំឡុងពេលបើកទីផ្សារដោះដូរកីឡាករកាលពីរដូវក្តៅមុន។ នេះបើយោងទៅតាមឪពុករបស់កីឡាកររូបនេះ។ ក្រុមបិសាចក្រហមមួយនេះ បានត្រៀមរួចជាស្រេចក្នុងការចំណាយទៅលើតម្លៃខ្លួនជាកំណត់ត្រាពិភពលោកនេះដើម្បីរំលាយកិច្ចសន្យារបស់ខ្សែប្រយុទ្ធអន្តរជាតិប្រេស៊ីល Neymar ប៉ុន្តែ ក្លិប និងកីឡាករបានរក្សាជំហរយ៉ាងមានលំនឹង ហើយឪពុករបស់ Neymar រំពឹងទុកថា ខ្សែប្រយុទ្ធរូបនេះនឹងបន្តនៅសម្រាប់អនាគតដ៏ល្អប្រសើរមួយ។ លោកបានប្រាប់កាសែត COPE ថា៖ «Manchester United គឺជាក្រុមដែលបានផ្តល់សំណើក្នុងតម្លៃខ្លួន១៩០លានអឺរ៉ូសម្រាប់ Neymar។ រូបគេនៅសល់រយៈពេល២ឆ្នាំទៀតនៅលើកិច្ចសន្យារបស់គេ ប៉ុន្តែ អ្នកបណ្តាញសារព័ត៌មានទាំងអស់អាចស្ងប់អារម្មណ៍ ខណៈដែលកូនប្រុសរបស់ខ្ញុំពិតជារីករាយនៅទីនេះ»។ ក្លិប Man United បានចំណាយប្រាក់ចំនួន១៨០លានផោន (ស្មើនឹង២៦២,៥លានដុល្លារអាមេរិក) ទៅលើកីឡាករថ្មីក្នុងពេលបើកទីផ្សារដោះដូរកីឡាករកាលពីរដូវក្តៅមុន បើទោះបីប្រាក់ភាគច្រើនបានមកពីការលក់ចេញកីឡាករជាច្រើន ក្នុងនោះរាប់បញ្ចូលទាំងការចាកចេញរបស់ Angel Di Maria ទៅកាន់ក្លិប Paris Saint-Germain ប៉ុន្តែ សំណើដេញថ្លៃដ៏ជោគជ័យមួយសម្រាប់តារាឆ្នើមរបស់ Barca រូបនេះ នឹងស្ថិតក្នុងតម្លៃខ្លួនដ៏ខ្ពស់ថ្មីមួយ៕ប្រភពពី Goal

Gary Neville ខ្ញុំនឹងមិនលាលែងពីតំណែងគ្រូបង្វឹក Valencia នោះទេ

ថ្ងៃទី ០៥ ខែ កុម្ភះ ឆ្នាំ ២០១៦ ម៉ោង ១៦:៣៣

លោក Gary Neville បានបញ្ជាក់ថា លោកមិនមានបំណងក្នុងការលាលែងពីតំណែងក្នុងនាមជាអ្នកចាត់ការទូទៅរបស់ Valencia ក្រោយពីក្រុមរបស់លោកបានរងបរាជ័យយ៉ាងចាស់ដៃក្នុងលទ្ធផល ៧-០ នៅកីឡដ្ឋាន Camp Nou ក្រោមស្នាដៃក្រុម Barcelona កាលពីរាត្រីថ្ងៃពុធ។ ប៉ុន្តែ ទោះបីជាយ៉ាងណា លោក Suso García Pitarch ប្រធានផ្នែកកីឡារបស់ក្លិប Valencia បានចាត់ទុកថា វាជា «លទ្ធផលមួយក្នុងចំណោមលទ្ធផលដ៏អាក្រក់បំផុតក្នុងប្រវត្តិសាស្ត្ររបស់យើង» និងបានគេចចេញពីការចោទសួរផ្សេងៗអំពីអនាគតរបស់គ្រូបង្វឹកសញ្ជាតិអង់គ្លេសរូបនេះនៅកីឡដ្ឋាន Mestalla។ ក្លិប Valencia មិនត្រូវបានរំពឹងទុកថា នឹងធ្វើការសម្រេចចិត្តដ៏មានប្រសិទ្ធភាពមួយភ្លាមៗឡើយ។ លោក Neville ត្រូវបានគេចោទសួរចំនួន៣លើកថា តើលោកគិតពីការលាលែងពីតំណែង ឬយ៉ាងណា ក្រោយពីគ្រាប់បាល់ស៊ុតបញ្ចូលទី៤គ្រាប់ពីសំណាក់ខ្សែប្រយុទ្ធ Luis Suárez និង៣គ្រាប់ពី Lionel Messi បានធ្វើឲ្យក្រុមរបស់លោកស្ថិតក្នុងការធ្លាក់ចេញក្នុងការប្រកួតវគ្គពាក់កណ្តាលផ្តាច់ព្រ័ត្រជើងទី១ក្នុងការប្រកួតពាន Copa del Rey។ គ្រូបង្វឹករូបនេះបានផ្តល់ចម្លើយចំពោះសំណួរទីមួយតាមរយៈការនិយាយដោយសាមញ្ញថា៖ «អត់ទេ»។ នៅពេលដែលបញ្ហានេះត្រូវបានគេលើកឡើងម្តងទៀត ខណៈដែលលោក Neville ត្រូវបានគេចោទសួរថា លោកនឹងទួលស្គាល់វា ឬទេ ប្រសិនបើលោកត្រូវបានបណ្តេញចេញ លោកបានឆ្លើយថា៖ «សំណួរបន្ទាប់ទៀត។ ក្នុងពេលសួរជាលើកទី៣ លោកនៅតែឆ្លើយថា៖ «សំណួរបន្ទាប់ទៀត។ ខ្ញុំបានឆ្លើយសំណួរនោះពីមុនមកហើយ។ ខ្ញុំគិតថ ខ្ញុំមានភាពច្បាស់លាស់ហើយ»។ ក្រោយពីក្រុម Valencia ត្រូវបានទម្លាក់ចេញពីការប្រកួត Copa del Rey បើទោះបីនៅសល់ការប្រកួតជើងទី២ នៅកីឡដ្ឋាន Mestalla នៅថ្ងៃពុធសប្តាហ៍ក្រោយក៏ដោយ អតីតខ្សែការពាររបស់ក្លិប Manchester United រូបនេះបានប្រាប់បន្ថែមទៀតថា៖ «នេះគឺជារាត្រីមួយក្នុងចំណោមរាត្រីដ៏ឈឺចាប់បំផុតរបស់ខ្ញុំក្នុងកីឡាបាល់ទាត់»៕ប្រភពពី Goal

ក្លិបនៅចិនផ្តួល Liverpool ក្នុងការទិញយកកីឡាករ Alex Teixeira ក្នុងតំលៃខ្លួន ៤០លានផោន

ថ្ងៃទី ០៥ ខែ កុម្ភះ ឆ្នាំ ២០១៦ ម៉ោង ០៤:៣៤

កីឡាករ Alex Teixeira ជាគោលដៅក្រុមហង្សក្រហម Liverpool ហើយត្រូវបានបដិសេធតំលៃខ្លួននៃការផ្ទេរដោយប្រធានក្លិប Shakhtar Donetsk ដោយអោយតំលៃទាបពេក ឥឡុវបានក្លាយជាកីឡាករថ្មីបំផុតដែលផ្លាស់ទៅក្លិបអ្នកមានធំនៅចិន Super League គឺក្លិប Jiangsu Suning ក្នុងកិច្ចព្រមព្រៀងផ្ទេរខ្លួនតំលៃខ្ពស់បំផុតនៃឆ្នាំនេះដែលមានរហូតដល់ 40លានផោន។ ការផ្លាស់ប្តូរគួរឱ្យភ្ញាក់ផ្អើលរបស់កីឡាករសញ្ចាតិប្រេស៊ីលមួយរូបទៀត ដូចដែលបានឃើញពីការលើកមុននៅកីឡាករសញ្ចាតិប្រេស៊ីលកីឡាករ  Ramires របស់ក្រុម Chelsea ដែលបានផ្លាស់ទៅក្លិប Jiangsu Suning ក្នុងតំលៃខ្លួន 19.8លានផោនផងដែរ។ ទូរទស្សន៍ ESPN ប្រេស៊ីលបានរាយការណ៍ Teixeira នឹងក្លាយជាឈ្មោះដែលធំចុងក្រោយបំផុតដើម្បីផ្លាស់ទីទៅចិនសម្រាប់តម្លៃ 50 លានអឺរ៉ូ ហើយបានដកស្រង់សំដីរបស់អ្នកចាត់ការទូទៅរបស់ក្រុម Shakhtar លោក Mircea Lucescu: "យើងបានយល់ព្រមលក់កីឡាករ Alex Teixeira ទៅប្រទេសចិន។ ប្រភពពី Dailymailប្រែសំរួលដោយ សិទ្ធា