trollkhmer news

កីឡា

ក្រុមខ្លាំងទាំង៤នៅអង់គ្លេសបានម្នាក់មួយពិន្ទុ ខណៈពេល Spur ចាញ់Leicester ក្នុងផ្ទះខ្លួនឯង

ថ្ងៃទី ១៤ ខែ មករា ឆ្នាំ ២០១៦ ម៉ោង ០១:៣១

យប់មិញនេះមានការប្រកួតបាល់ទាត់ក្របខ័ណ្ឌ Barclay Premiere League របស់អង់គ្លេសមានចំនួន 7គូ ដែលក្នងបានបញ្ចប់ទៅដោយលទ្ធផលមិនគួរអោយជឿគឺក្រុមខា្លំងដូចជា Arsenal , Liverpool , Manchester City , Chelsea សុទ្ធតែទទួលបានលទ្ធផលមួយពិន្ទុទាំងអស់គ្នាដោយលេងបានត្រឹមតែស្មើរគ្នាជាមួយនិងដៃគូប្រកួតរបស់ពួកគេនិមួយៗខណៈពេលដែលក្រុមមាន់ខ្នាយមាស Tottenham Hotspur ត្រូវបានក្រុមកំពុងឡើងជើងខ្លាំង Leicester City ស៊ីដល់ក្នុងផ្ទះខ្លួនដោយបញ្ចប់ទៅដោយលទ្ធផល ០ទល់១ ។ ខាងក្រោមនេះគឺជាលទ្ធផលនិងវីឌីអូហាយឡាយកាលពីយប់មិញFT Liverpool 3 - 3 ArsenalFT Chelsea 2 - 2 West Bromwich AlbionFT Manchester City 0 - 0 EvertonFT Southampton 2 - 0 WatfordFT Stoke City 3 - 1 Norwich CityFT Swansea City 2 - 4 SunderlandFT Tottenham Hotspur 0 - 1 Leicester City

ក្រុមហ៊ុន Adidas ថាចង់យកទាំង Messi និង Pep Guardiola មកចូលរួមជាមួយ Man Utd

ថ្ងៃទី ១៣ ខែ មករា ឆ្នាំ ២០១៦ ម៉ោង ០៣:១៨

ក្រុមហ៊ុនកីឡាដ៏ធំលំដាប់ពិភពលោក Adidas ដែលជាអ្នកឧបត្ថមចំពោះលោក Pep Guardiola និងកីឡាករ Messi កំពុងតែចង់រកឳ្យកាសដើម្បីនាំយកទាំងគ្រូបង្វឹកក្លិប Bayern លោក Pep និងកីឡាករ Messi មកចូលរួមជាមួយក្លិប Manchester United នេះបើយោងតាមប្រភពកាសែតមានប្រជាប្រិយភាព Marca របស់អេស្ប៉ាញដែលបានលើកយកពត៌មានចចាមរ៉ាមនេះមកចុះផ្សាយ។ លោក Pep Guardiola ត្រូវបានគេដឹងលោកនឹងត្រូវបញ្ចប់តំណែងជាគ្រូបង្វឹកក្លិប Bayern Munich នៅចប់រដូវកាលនេះ ហើយលោកមានគំរោងមកដឹកនាំក្លិបមួយនៅក្របខ័ណ្ឌបាល់ទាត់របស់ប្រទេសអង់គ្លេស ប៉ុន្តែលោកមិនទាន់ច្បាស់ថាមកដឹកនាំក្លិបណាមួយអោយពិតប្រាកដនោះទេ ខណៈពេលដែលមានក្លិប Chelsea , Man City , Arsenal និង Man Utd កំពុងចង់ទាក់ទងយកលោកមកដឹកនាំក្តី។ កត្តានេះហើយត្រូវបានគេសង្ឃឹមថានៅពេលដែលលោកដឹកនាំក្រុម Man Utd នោះលោកនឹងនាំមកយកនៅជាមួយកូនក្រុមរបស់លោកកីឡាករ Messi មកចូលរួមជាមួយ។ បើតាមអ្នកវិភាគផ្សេងទៀតបានលើកឡើងថាវាមិនអាចទៅរួចនោះទេដែលកីឡាករ Messi នឹងចាកចេញពីក្លិប Barcelona នោះបើទោះបី Messi មានការអាក់អន់ចិត្តចំពោះគ្រូបង្វឹក Enrique កាលពីឆ្នាំមុនយ៉ាងណាក៏ដោយ ។ ប្រភពពី Marcaប្រែសំរួលដោយ Justin

Manchester United បាត់២ពិន្ទុជិតចប់តង់ក្រោយ Newcastle វាយបកតាមស្មើរ

ថ្ងៃទី ១៣ ខែ មករា ឆ្នាំ ២០១៦ ម៉ោង ០២:២២

ការប្រកួតពាក់កណ្តាលអាទិត្យក្របខ័ណ្ឌ Barclay Premier League របស់អង់គ្លេសកាលពីយប់មិញនេះ បិសាចក្រហម Manchester United បានធ្វើដំណើរទៅដល់ផ្ទះរបស់ Newcastle ដោយបញ្ចប់ទៅដោយលទ្ធផល ៣ទល់៣ ។ ក្រុម Man U មានឳ្យកាសនាំមុខក្រុមម្ចាស់នៅតង់ទី១ ដល់ទៅ២គ្រាប់ដែលធ្វើបានដោយកីឡាករ Rooney សុតបាល់ពិន័យ១១ម៉ែត្រនៅនាទទី៩ និងមួយគ្រាប់ទៀតរកបានដោយកីឡាករ Lingard នៅនាទីទី៣៨ តែនៅជិតចប់តងទី១ក្រុម Newcastle បានវាយបកយកបាន១គ្រាប់វិញនៅនាទីទី៤២ដោយកីឡាករ Wijnaldum ។ នៅតង់ទី២នាទីទី៦៧ក្រុម Newcastle បានបាល់ពិន័យ១១ម៉ែត្រវិញម្តងហើយក៏សុតតាមស្មើរ ២ទល់២ ក្រោយមកក្រុមបិសាចក្រហមបានវាយសំរុកបាន១គ្រាប់វិញដោយកីឡាករ Rooney នៅនាទីទី៧៩  តែនៅជិតចប់ការប្រកួតទៅហើយ Newcastle ដាក់មួយគ្រាប់តាមស្មើរ៣ទល់៣រហូតចប់ការប្រកួត ធ្វើអោយបិសាចក្រហមបាត់បង់២ពិន្ទុទាល់តែបាន។ ទស្សនាវីឌីអូហាយឡាយរវាង Newcastle 3-3 Manchester United AFC Bournemouth 1 - 3 West Ham United Aston Villa 1 - 0 Crystal Palace

Messi បានពាន FIFA Ballon d'Or ជាលើកទី៥ តែកីឡាករ៣០រូបទៀតមិនបានបោះឆ្នោតជូនទេ

ថ្ងៃទី ១២ ខែ មករា ឆ្នាំ ២០១៦ ម៉ោង ០២:៤៥

កីឡាករបាល់ទាត់ខ្សែប្រយុទ្ធក្រុមជំរើសជាតិអាហ្សង់ទីននិងក្លិប Barcelona បានសាងកេរ្តិ៍ល្បីមួយកំរិតថែមទៀតដោយទទួលបានពានរង្វាន់ជាកីឡាករឆ្នើមប្រចាំឆ្នាំ២០១៥ (FIFA Ballon d'Or ) ជាលើកទី៥របស់ខ្លួន។ តាម​ទិន្នន័យ​សរុបដែលទទួលបានឲ្យ​ឃើញ​ថា​ Messi​ ទទួលបានសំលេងបោះឆ្នោត​គាំទ្រ​ចំនួន​៤១,៣៣​ភាគរយ​ ចំណែក​ឯ​គូ​ប្រជែង​ពីរ​រូប​ទៀត​គឺ​ Ronaldo​ និង​ Neymar​ ទទួល​បាន​ភាគរយ​គាំទ្រ​ចំនួន​ ២៧,៧៦​ និង​ ៧,៨៦​ ។​Meiss ថ្លែងថា: << វាគឺជាឱកាសពិសេសណាស់សម្រាប់ខ្ញុំក្នុងការត្រឡប់មកវិញនៅទីនេះលើដំណាក់កាលនេះដោយឈ្នះជាថ្មីម្តងទៀត d'Or មួយផ្សេងទៀតបន្ទាប់ពីត្រូវបានមើលកីឡាករ Cristiano ទទួលជ័យជម្នះក្នុងនាមជាទស្សនិកជនកាលពីលើកមុន "។ ជាវាមិនគួរឱ្យជឿនេះគឺជាលើកទីប្រាំរបស់ខ្ញុំ។ វាជាការបានច្រើនជាងអ្វីដែលខ្ញុំបានសុបិនតាំងពីក្មេង ។ ជាចុងក្រោយខ្ញុំសូមអរគុណដល់អ្នករាល់គ្នាដែលបានបោះឆ្នោតអោយខ្ញុំ >>។ចំពោះការបោះឆ្នោតត្រូវបានគេផ្តល់ទិន្ន័យពីកីឡាករ៣០រូបទៀតដែលមិនបានបោះឆ្នោតជូន Messi រួមមាន Mile Jedinak (Australia), Christian Fuchs (Austria), Stephane Mbia (Cameroon), Bastian Schweinsteiger (Germany), Michael Mifsud (Malta), Chris Wood (New Zealand), Per Ciljan Skelbred (Norway), Robert Lewandowski (Poland), Cristiano Ronaldo (Portugal), Scott Brown (Scotland), Diego Godin (Uruguay).ប្រភព Goalប្រែសំរួលដោយ Justin

កីឡាករ ចាន់ វឌ្ឍនាកា ក្លាយជាទូតសុឆន្ទៈរបស់ក្រុមហ៊ុន SEATEL

ថ្ងៃទី ១១ ខែ មករា ឆ្នាំ ២០១៦ ម៉ោង ១០:៥១

នៅវេលាម៉ោង៣រសៀលថ្ងៃនេះនៅក្រុមហ៊ុន SEATEL បានធ្វើសន្និសិទសារពត៌មានមួយស្តីពីការចុះហត្ថលេខាតែងតាំងទូតសុច្ឆន្ទៈតំណាងអោយក្រុមហ៊ុន SEATEL ផ្ទាល់គឺកីឡាករ ចាន់ វឌ្ឍនាកា ខ្សែប្រយុទ្ធជំរើសជាតិកម្ពុជានិងជាខ្សែប្រយុទ្ធក្លឹប បឹងកេតអង្គរ ដែលប្រព្រឹត្តទៅនៅទីស្នាក់ការកណ្តាលក្រុមហ៊ុនតែម្តង។ នៅក្នុងសន្និសិទសារពត៌មាននេះដែរក៏មានការចូលរួមពីថ្នាក់ដឹកនាំរបស់ក្រុមហ៊ុនដូចជា លោកអគ្គនាយកក្រុមហ៊ុន លោកអគ្គនាយករង ព្រមទាំងអគ្គនាយកផ្នែកទីផ្សារ និងមានលោក បែ មករា ដែលជានាយកគ្រប់គ្រងក្លិប បឹងកេតអង្គរ ផងដែរ។ ហើយក្នុងនោះដែរក៏មានការចូលរួមពីបណ្តាញសារពត៌មាននៅក្នុងស្រុកនិងក្រៅស្រុកជាច្រើនទៀត។គូសបញ្ចាក់ផងដែរថាកីឡាករ ចាន់ វឌ្ឍនាកា ជាខ្សែប្រយុទ្ធដ៏ឆ្នើមរបស់ជំរើសជាតិកម្ពុជា និងក្លិបបឹងកេតអង្គរ ហើយបានជួយអោយក្លិបបឹងកេតអង្គរ ឡើងទៅដល់វគ្គផ្តាច់ព្រ័តពានរង្វាន់ TOYOTA Mekong Club 2015 ជាមួយនិងក្លិប Buriram United របស់ថៃ ដែលក្លិបបឹងកេតបានចាញ់ Buriram ដោយលទ្ធផល ១ទល់០ បានត្រឹមតែតំណែងលេខ២ប៉ុណ្ណោះ ប៉ុន្តែកីឡាករ ចាន់ វឌ្ឍនាកា បានពានរង្វាន់កិត្តិយសជាប់ជាកីឡាករឆ្នើមប្រចាំពានរង្វាន់នោះ៕

ក្រុមកីឡាបាល់ទាត់ជម្រើសជាតិកម្ពុជា ប៉ះ មាល់ឌីវ ម៉ោង ៣:៤៥នាទីល្ងាច (ផ្សាយផ្ទាល់នៅទូរទស្សន៍ MYTV)

ថ្ងៃទី ១១ ខែ មករា ឆ្នាំ ២០១៦ ម៉ោង ០៤:១៨

ក្រុមបាល់ទាត់​ជម្រើសជាតិ កម្ពុជា នឹង​ប្រកួត​បើកឆាក​របស់ខ្លួន​ជាមួយ​ក្រុម ម៉ា​ល់​ឌី​វ នា​ការប្រកួត​ពានរង្វាន់ Bangabandhu Gold Cup  2016 នៅ​បង់​ក្លា​ដេ​ស នា​វេលា​ម៉ោង ៣:៤៥​នាទី​រសៀល (​ម៉ោង​នៅ​កម្ពុជា​) ថ្ងៃទី​១១ ខែមករា នេះ​។ ​ក្រុមបាល់ទាត់​របស់ កម្ពុជា ដែល​ឈរ​ក្នុង​ពូ​ល B នឹងធ្វើ​ការប្រកួត​បើកឆាក​របស់ខ្លួន​ក្នុង​វគ្គ​ជម្រុះ​សន្សំ​ពិន្ទុ​ជាមួយ​ក្រុម​ម៉ា​ល់​ឌី​វ នៅលើ​ទឹកដី​នៃ​ពហុ​កីឡដ្ឋាន Shams UI Huda Staduim Jessore នា​វេលា​ម៉ោង​៣:៤៥​នាទី​រសៀល​ថ្ងៃទី​១១ ខែមករា នេះ នា​ការប្រកួត​ពានរង្វាន់ Bangabandhu Gold Cup 2016​។ គួរ​បញ្ជាក់ថា ការប្រកួត​ក្នុង​ពូ​ល B បានចាប់ផ្ដើម​មួយ​ប្រកួត​ហើយ​កាលពី​ថ្ងៃទី​១០ ខែមករា រវាង​ក្រុម U-23 បង់​ក្លា​ដេ​ស និង​ក្រុម​ជម្រើសជាតិ​បា​រ៉ែ​ន ក្នុង​លទ្ធផល ១-១ ។​ ​ក្រុម​ជម្រើសជាតិ​កម្ពុជា​បាន​ចាក​ចេញពី​ទឹកដី​របស់ខ្លួន ដើម្បី​ទៅ​ចូលរួម​ប្រកួត​ពានរង្វាន់ Bangabandhu Gold Cup  2016 នៅ​ប្រទេស​បង់​ក្លា​ដេ​ស កាលពី​ថ្ងៃទី​៩ ខែមករា ឆ្នាំ​២០១៦ ប៉ុន្តែ​ការចេញដំណើរ​លើក​នេះដែរ ដោយ​អវត្តមាន​កីឡាករ​សំខាន់ៗ​មួយចំនួន ព្រោះ​ពួកគេ​ទាំងនោះ​ជាប់​ភារកិច្ច​ក្នុង​ក្រុម K-Cement Cambodian All Stars ដើម្បី​ប្រកួត​មិត្តភាព​អន្តរជាតិ​ជាមួយ​ក្រុម​ជើងឯក​រង​ថៃ SCG Muangthong United និង​ក្រុម​ជើងឯក Buriram United​។  ​គួរ​បញ្ជាក់ថា ការប្រកួត​ពានរង្វាន់ Bangabandhu Gold Cup 2016 ដែល​រៀបចំ​ដោយ​សហព័ន្ធ​កីឡាបាល់ទាត់​បង់​ក្លា​ដេ​ស មាន​ក្រុម​ចូលរួម​ប្រកួត​ចំនួន ៨​ក្រុម​(​ម៉ាឡេស៊ី​, ស្រី​សង្កា​, បង់​ក្លា​ដេ​ស​, នេ​ប៉ាល់​, ប៉ា​រ៉ែ​ន​, ម៉ា​ល់​ឌី​វ​, កម្ពុជា និង Bangladesh Olympic Team) ការប្រកួត​បែងចែក​ជា ២ ពូ​ល A និង B​។ ការប្រកួត​នេះ​នឹង​ប្រព្រឹត្តទៅ​ចាប់ពី​ថ្ងៃទី​៨ ដល់​ថ្ងៃទី​២០ ខែមករា ឆ្នាំ​២០១៦ ៕  ​*៥ប្រកួតចុងក្រោយរបស់ក្រុមជម្រើសជាតិម៉ាល់ឌីវ-ថ្ងៃទី១២ ខែវិច្ឆិកា ឆ្នាំ២០១៥ ម៉ាល់ឌីវ ០-១ ហុងកុង ( FIFA WORLD CUP 2018 RUSSIA វគ្គជម្រុះតាមតំបន់អាស៊ី )-ថ្ងៃទី២៤ ខែធ្នូ ឆ្នាំ២០១៥ ម៉ាល់ឌីវ ៣-១ ប៊ូតាន់ ( SAFF SUZUKI CUP 2015 )-ថ្ងៃទី២៦ ខែធ្នូ ឆ្នាំ២០១៥ បង់ក្លាដែស ១-៣ ម៉ាល់ឌីវ ( SAFF SUZUKI CUP 2015 )-ថ្ងៃទី២៨ ខែធ្នូ ឆ្នាំ២០១៥ អាហ្គានីស្ថាន ៤-១ ម៉ាល់ឌីវ ( SAFF SUZUKI CUP 2015 )-ថ្ងៃទី៣១ ខែធ្នូ ឆ្នាំ២០១៥ ឥណ្ឌា ៣-២ ម៉ាល់ឌីវ ( SAFF SUZUKI CUP 2015 )*ប្រវត្តិជួបគ្នារវាងក្រុមជម្រើសជាតិម្ពុជា & ក្រុមជម្រើសជាតិម៉ាល់ឌីវ៖-ថ្ងៃទី ០១ ខែមេសា ឆ្នាំ២០០១ ម៉ាល់ឌីវ ៦-០ កម្ពុជា ( FIFA WORLD CUP វគ្គជម្រុះ )-ថ្ងៃទី ១៥ ខែមេសា ឆ្នាំ២០០១ កម្ពុជា ១-១ ម៉ាល់ឌីវ ( FIFA WORLD CUP វគ្គជម្រុះ )-ថ្ងៃទី ២១ ខែមិនា ឆ្នាំ២០១១ ម៉ាល់ឌីវ ៤-០ កម្ពុជា ( AFC Challenge Cup )ប្រភព thmeythmey , wearefootball​ 

តើ Messi , Neymar និង Ronaldo អ្នកណាឈ្នះពានរង្វាន់កីឡាករឆ្នើមនៅយប់នេះ? ( វីឌីអូ )

ថ្ងៃទី ១១ ខែ មករា ឆ្នាំ ២០១៦ ម៉ោង ០២:០៤

បេក្ខភាពកីឡាករបាល់ទាត់ឆ្នើមប្រចាំឆ្នាំ២០១៥ នឹងត្រូវប្រកាសនៅវេលាយប់នេះហើយ ដែលមានកីឡាករឆ្នើម៣រូបដូចជា Lionel Messi , Neymar និង Cristiano Ronaldo ប្រជែងយកពានរង្វាន់ដែលគេនិយមហៅថា Fifa Ballon d'Or ។  ទាំង Messi និង Neymar សុទ្ធតែអ្នកជួយអោយក្លិប Barcelona លើកពានចំនួន៥ក្នុងមួយរដូវកាល ចំណែក Ronaldo វិញគឺគាត់មិនបានជួយអោយ Real Madrid លើកពានណាមួយសោះនៅរដូវកាលមុន ។ អ្នកវិភាគជាច្រើនសុទ្ធតែបានទស្សន៍ទាយថាបេក្ខភាពកីឡាករឆ្នើម ( Fifa Ballon d'Or ) នឹងធ្លាក់ទៅលើកីឡាករ Messi ។ សូមបញ្ចាក់ផងដែរថា កីឡាករ Leonel Messi បានពានរង្វាន់នេះ ៤ដងមកហើយគឺនៅឆ្នាំ ២០០៩ ២០១០ ២០១១ និង ២០១២ រីឯ Ronaldo វិញបានលើកពានរង្វាន់នេះ៣ដងដែរ នៅឆ្នាំ ២០០៨ ២០១៣ និង២០១៤ ។ចង់ដឹងថាតើនរណានឹងឈ្នះ Fifa Ballon d'Or សូមរងចាំតាមដានទស្សនាទាំងអស់គ្នាជាមួយ គេហទំព័រ ធូដេខេអេជ និង ទំព័រហ្វេសប៊ុក ត្រូលខ្មែរនៅយប់នេះទាំងអស់គ្នា៕សូមមើលវីឌីអូហាយឡាយខ្លះរបស់កីឡាករទាំង៣នាក់ខាងក្រោមនេះ ៖

កីឡាករ កុក បូរីស ប្រធានក្រុមភ្នំពេញក្រោនបានចុះកុងត្រាថ្មី២ឆ្នាំទៀតជាមួយក្លិប!

ថ្ងៃទី ០៨ ខែ មករា ឆ្នាំ ២០១៦ ម៉ោង ០៣:២៩

យោងតាមប្រភពពីទំព័រហ្វេសប៊ុករបស់អ្នកគាំទ្រក្លឹបភ្នំពេញក្រោនបានអោយដឹងថា ៖ ដំណឹងដ៏ល្អបំផុតមួយទៀតសម្រាប់គ្រួសារភ្នំពេញក្រោន! ប្រធានក្រុមរបស់យើង កុក បូរីស បានចុះកុងត្រាថ្មី២ឆ្នាំទៀតជាមួយភ្នំពេញក្រោន ដើម្បីបន្តលេងនៅក្លឹបជើងឯកកម្ពុជាមួយនេះ រហូតដល់ឆ្នាំ២០១៧។ខ្សែការពារដ៏រឹងមាំ និងជាប្រធានក្រុមដ៏ល្អរូបនេះ បានចាប់ផ្ដើមអាជីពបាល់ទាត់នៅកម្ពុជា ជាមួយភ្នំពេញក្រោន តាំងពីឆ្នាំ២០១២ ដោយជួយក្រុមលើកពានលីគកំពូលកម្ពុជា២រដូវកាលជាប់គ្នា។នៅក្នុងទំព័រហ្វេសប៊ុករបស់ខ្លួន បូរីស បានបង្ហាញអារម្មណ៍រំភើបយ៉ាងខ្លាំង ហើយប្ដេជ្ញាជួយក្លឹបឲ្យកាន់តែខ្លាំងថែមទាំង ដោយនិយាយថា៖ "គោលបំណងរបស់ខ្ញុំពេលនេះ គឺជួយបង្កើនកេរ្តិ៍ឈ្មោះក្រុម និងកម្រិតនៃការលេងពីមួយថ្ងៃទៅមួយថ្ងៃ។ ខ្ញុំមិនអាចចាកចេញ ក្រោយធ្វើប្រធានក្រុមបានត្រឹម១ឆ្នាំនោះឡើយ។ ខ្ញុំត្រូវតែជួយបាល់ទាត់កម្ពុជាបន្ថែមទៀត។។ ខ្ញុំគិតថានេះជាទំនួលខុសត្រូវមួយ ដោយត្រូវជួយកីឡាករក្មេងៗ ទាំងការលេង និងស្មារតីប្រកួត (លេងអស់ពីបេះដូង និងស្មោះត្រង់នឹងគ្នាទៅវិញទៅមក) ព្យាយាមអស់លទ្ធផលដើម្បីឈ្នះពានជាលើកទី៧.."។ប្រភពពីទំព័រហ្វេសប៊ុកអ្នកគាំទ្រភ្នំពេញក្រោន

Mesut Ozil ជាប់ឈ្មោះជាកីឡាករល្អបំផុតរបស់អាល្លឺម៉ង់

ថ្ងៃទី ០៨ ខែ មករា ឆ្នាំ ២០១៦ ម៉ោង ០១:៥១

កីឡាករ Ozil បានយកឈ្នះទៅលើកីឡាករ Bastian Schweinsteiger ក្នុងក្របខ័ណ្ឌ Premier League ដូចគ្នាដែលបានដណ្តើមចំណាត់ថ្នាក់ជាប់ឈ្មោះជាកីឡាករបាល់ទាត់ដ៏ល្អបំផុតដែលលេងនៅក្រៅស្រុករបស់ប្រទេសអាល្លឺម៉ង់។ កីឡាករ Mesut Ozil ត្រូវបានគេដាក់ឈ្មោះជាកីឡាករល្អបំផុត "អាល្លឺម៉ង់នៅក្រៅស្រុក" ដោយទស្សនាវដ្តី Kicker បន្ទាប់បានបង្ហាញទំរង់លេគួរឱ្យភ្ញាក់ផ្អើលរបស់លោកសម្រាប់ក្រុម Arsenal ។ កីឡាកររូបនេះបានបញ្ចូនបាល់ទៅអោយក្រុមរបស់គាត់សុតបញ្ចូលទីបានសំរេចចំនួន១៦ដងច្រើនជាងគេនៅក្នុងក្របខ័ណ្ឌ Premier League ប្រទេសអង់គ្លេសនៅរដូវកាលនេះ ។ Ozil គឺជាកីឡាកររបស់អាល្លឺម៉ង់ក្រៅស្រុកតែមួយគត់ដើម្បីត្រូវបានដាក់នៅក្នុងចំណាត់ថ្នាក់អន្ដរជាតិនិងបានផ្តួលកីឡាករលេងនៅក្រៅស្រុកក្នុងក្របខ័ណ្ឌផ្សេងៗទៀតមានដូចជា Toni Kroos,  Shkodran Mustafi, Bastian Schweinsteiger និងខ្សែបម្រើ Sami Khedira បាន។ ក្នុងខណៈពេលដែលកីឡាកររបស់ Bayern Munich ៧រូបទៀតត្រូវបានជាប់ចំណាត់ថ្នាក់ប្រចាំក្របខ័ណ្ឌ Bundesliga ដែលជាកីឡាករល្អតាមតំណែងរបស់ពួកគេនិមួយៗនោះគឺ អ្នកចាំទី Manuel Neuer, ខ្សែការពារស្លាប Phillip Lahm, ខ្សែការពារកណ្តាល Jerome Boateng, ខ្សែបម្រើ Xabi Alonso, ខ្សែបំរើប្រយុទ្ធស្លាប Douglas Costa, ខ្សែបំរើប្រយុទ្ធ Thomas Muller និងខ្សែប្រយុទ្ធ Robert Lewandowski ។ប្រភព Goalប្រែសំរួលដោយ Justin