trollkhmer news

កីឡា

Marcelo និយាយទៅកាន់ Neymar៖ អ្នកលេងល្អជាង Mbappe

ថ្ងៃទី ២៧ ខែ វិច្ឆិកា ឆ្នាំ ២០១៩ ម៉ោង ១៤:៣៨

អេស៉្បាញ៖ Marcelo បានឆ្លៀតពេល ដើម្បីសន្ទនាជាមួយ Neymar មុនពេល Real Madrid ប៉ះជាមួយ Paris Saint-Germain នៅឯ Estadio Santiago Bernabeu ។មួយរយៈចុងក្រោយនេះពាក្យចរចាមអារ៉ាមក៍បានកើតឡើងម្ដតទៀត រឿង Real ចង់បាន Neymar មកលេងនៅដឹកដីអេស៉្បាញវិញ ហើយមុនការប្រកួតរវាងក្រុមខ្លាំង Real  និង PSG មិត្តរួមជាតិរបស់អតីតខ្សែប្រយុទ្ធ Barcelona គឺ Marcelo ឆ្លៀតសរសើរគ្នាទៀតផង។ នៅពេលដែលពួកគេកំពុងសន្ទនាគ្នាក៍ត្រូវបានថតដោយកាមេរ៉ារបស់ Movistar ដែលបង្ហាញថា Marcelo បាននិយាយទៅកាន់ Neymar ថា៖ « អ្នកលេងបានល្អជាង [Kylian] Mbappe»។អ្នកទាំងពីរមិនបានជួបគ្នាមួយរយៈធំដោយពួកគេទាំងពីរមិនបានលេងឱ្យក្រុមជម្រើសជាតិប្រេស៊ីលនៅ Copa America និង Neymar លែងរស់នៅក្នុងប្រទេសអេស្ប៉ាញទៀតដែរ៕

លោក Mourinho សុំទោសជាសាធារណៈចំពោះកីឡាករម្នាក់ដែលលោកបានប្ដូរគេចេញក្នុងតង់ទី១

ថ្ងៃទី ២៧ ខែ វិច្ឆិកា ឆ្នាំ ២០១៩ ម៉ោង ១៤:០៥

អង់គ្លេស៖ អ្នកចាត់ការក្រុម Tottenham  Hotspur លោក Jose Mourinho បានធ្វើការសុំទោសជាសាធារណៈចំពោះកីឡាករEric Dier បន្ទាប់ពីប្តូរកីឡាកររូបនេះចេញក្នុងតង់ទី ១ ក្នុងការប្រកួតវាយបកយកឈ្នះ ៤-២ លើក្រុម Olympiakos ។ក្រុមមាន់ខ្នាយមាសមានកៅអីទៅវគ្គជម្រុះរបស់ខ្លួនដោយផ្តួលក្រុមមកពីក្រិកនៅឯកីឡដ្ឋាន Tottenham Hotspur ប៉ុន្តែពួកគេបានខិតខំប្រឹងប្រែងយ៉ាងខ្លាំង ដើម្បីដណ្តើមបានជ័យជំនះ បន្ទាប់ពីបានរបូត ២ គ្រាប់ត្រឹមនាទី ១៩ ។ លោក Mourinho ក៍បានប្ដូរទម្រង់លេងភ្លាមៗ បន្ទាប់ពីក្រុមចាប់ផ្តើមប្រកួតមិនល្អហើយបានធ្វើការផ្លាស់ប្តូរ Dier ជំនួសដោយ Christian Eriksen ។ថ្លែងនៅក្នុងបទសម្ភាសន៍ក្រោយការប្រកួតជាមួយ BT Sport លោក Mourinho បាននិយាយថា៖ «រឿងដំបូងដែលខ្ញុំចង់និយាយគឺ សាធារណៈនូវអ្វីដែលខ្ញុំបានធ្វើនៅក្នុងបន្ទប់ផ្លាស់សំលៀកបំពាក់គឺសុំទោសដល់ Eric Dier ។ វាមិនងាយស្រួលទេសម្រាប់កីឡាករ ប៉ុន្តែក៏មិនមែនសម្រាប់បុគ្គលិក គ្រូបង្វឹកដែរ វាគឺសម្រាប់ក្រុមហើយយើងត្រូវការដំណោះស្រាយភ្លាមៗ។លោកបានបន្ថែមថា៖ យើងបានកំពុងចាញ់ ២-០ ខ្ញុំត្រូវការកីឡាករម្នាក់ទៀតដូចជា Dele Alli ដើម្បីស្ថិតក្នុងប្រអប់ប្រយុទ្ធ ដូច្នេះរវាងលោក Dier និង Harry Winks ត្រូវប្ដូរចេញម្នាក់ ដើម្បីដាក់ Eriksen ចូល ប៉ុន្តែជាការសម្រេចចិត្តដ៏លំបាកមួយ៕

គ្រូ PSG លោក Tuchel ឆ្លើយតបយ៉ាងឡូយទៅកាន់ Zidane រឿង Mbappe

ថ្ងៃទី ២៦ ខែ វិច្ឆិកា ឆ្នាំ ២០១៩ ម៉ោង ១៦:២៦

អេស៉្បាញ៖ ថ្មីៗនេះ លោក Zinedine Zidane បានបង្ហាញពីក្តីស្រលាញ់របស់គាត់ចំពោះ Kylian Mbappe ហើយលោក Thomas Tuchel បានឆ្លើយតបដោយលើកឡើងថា មានពេលខ្លះមនុស្សចង់បានរបស់ដែលពួកគេមិនអាចមាន។លោក Tuchel បានប្រាប់សន្និសីទកាសែតថា៖ «ខ្ញុំមិនដឹងថា Zidane ស្រលាញ់ Mbappe ប៉ុន្មានទេ ប៉ុន្តែគាត់គឺជាកីឡាករសំខាន់បំផុតរបស់យើង ហើយយើងរីករាយដែលគាត់បាននៅជាមួយយើង ។ ពេលខ្លះមិនដូចបំណងនោះទេ មនុស្សម្នាក់ស្រលាញ់កីឡាករដែលគេមិនអាចមាន ប៉ុន្តែជាអកុសលរបស់ Zidane ព្រោះ Mbappe គឺជាកីឡាកររបស់យើង ហើយ Zidane ក៍មានកីឡាករជាច្រើនដែលគាត់ស្រលាញ់នៅក្នុងក្រុមរបស់គាត់ដែរ។ គាត់ជាជនជាតិបារាំងហើយវាជារឿងធម្មតាទេ ក្នុងការឆ្លើយតបដូចនេះ ប្រសិនបើពួកគេសួរគាត់អំពី Mbappe»។ក្រុមអធិរាជស Real Madrid នឹងប្រកួតជាមួយ Paris Saint-Germain នៅឯកីឡដ្ឋាន Estadio Santiago Bernabeu នៅយប់ថ្ងៃអង្គារសម្រាប់ការប្រកួតដ៏អស្ចារ្យនៃវគ្គចែកពូលនៃក្របខ័ណ្ឌ Champions League៕

Zlatan ធ្វើឱ្យអ្នកគាំទ្រភ្ញាក់ផ្អើលពេលឃើញឃ្លីបវីដេអូ Twitter របស់គេ

ថ្ងៃទី ២៦ ខែ វិច្ឆិកា ឆ្នាំ ២០១៩ ម៉ោង ១៥:០៥

បរទេស៖ Zlatan Ibrahimovic បានធ្វើឱ្យអ្នកគាំទ្របាល់ទាត់មានភាពស្រឡាំងកាំង ក្រោយបានបង្ហោះឃ្លីបវីដេអូមួយដែលបង្ហាញថា គាត់កំពុងចូលរួមជាមួយក្រុមនៅលីហ្គ Allsvenskan របស់ប្រទេសស៊ុយអែត គឺ Hammarbyតែនេះមិនទាន់ជាផ្លូវការនៅឡើយទេ។ខ្សែប្រយុទ្ធសញ្ជាតិស៊ុយអែតរូបនេះបានបញ្ចប់នូវទំនាក់ទំនងរយៈពេល ២ ឆ្នាំរបស់គាត់ជាមួយក្រុម Los Angeles Galaxy កាលពីដើមខែនេះ ហើយជាមួយនឹងការរំពឹងទុកនៃការវិលត្រឡប់ទៅកាន់ប្រទេសអ៊ីតាលីវិញ ហើយគាត់ត្រូវបានផ្សារភ្ជាប់ជាមួយនឹងការផ្ទេរទៅកាន់ក្របខ័ណ្ឌ Premier League ផងដែរ ទាំង Manchester United និង Tottenham Hotspur សុទ្ធសឹងតែជាក្រុមមានការចាប់អារម្មណ៍។ យ៉ាងណាមិញការបង្ហោះឃ្លីបពីអតីតតារាឆ្នើម AC Milan បានធ្វើឱ្យមានការភ្ញាក់ផ្អើលយ៉ាងខ្លាំងសម្រាប់អ្នកគាំទ្រគាត់ និងអ្នកគាំទ្របាល់ទាត់ទូទៅផងដែរ។ Ibrahimovic ធ្លាប់បានចំណាយពេលពីរឆ្នាំនៅក្លិប Malmo នៅចន្លោះឆ្នាំ ១៩៩៩ និង ២០០១ ហើយបានអះអាងថា ប្រសិនបើគាត់វិលត្រឡប់ទៅប្រទេសស៊ុយអែតវិញ  គាត់នឹងនៅចូលរួមជាមួយក្លិបកុមារភាពរបស់គាត់តែប៉ុណ្ណោះ៕

លោក Nuno Espírito Santo ជាមានភាគរយខ្ពស់ក្លាយជាគ្រូថ្មីរបស់ Arsenal

ថ្ងៃទី ២៦ ខែ វិច្ឆិកា ឆ្នាំ ២០១៩ ម៉ោង ១៤:៣០

អង់គ្លេស៖ លោក Nuno Espírito Santo បាននាំក្រុម Wolve ឈរលេខ ៥ក្នុងតារាងលីហ្គកំពូលអង់គ្លេស ហើយនេះមិនមែនជារឿងគួរឱ្យភ្ញាក់ផ្អើលទេដែលគាត់ត្រូវបានផ្សារភ្ជាប់ជាមួយនឹងការដឹកនាំ Arsenal ។នៅពេលដែលក្រុម Arsenal ទទួលលទ្ធផលមិនល្អមួយទៀតពេលប៉ះនឹងក្រុម Southampton តំណែងរបស់លោក Unai Emery ក៍កាន់តែក្ដៅ ហើយការភ្នាល់នានានៅថ្ងៃច័ន្ទធ្វើឱ្យ លោក Nuno មានភាគរយខ្ពស់ក្នុងការកាន់តំណែងមួយនេះ។បុរសវ័យ ៤៥ ឆ្នាំដែលដឹកនាំក្រុមចចកខ្មៅមានភាគរយខ្ពស់ក្នុងវែបសាយ SkyBet ដោយសារ ៦/៤ នឹងក្លាយជាគ្រូថ្មីរបស់កាំភ្លើងធំ ដោយមានអតីតប្រធានក្រុម Arsenal និងបច្ចុប្បន្នជាជំនួយការរបស់ Pep គឺលោក Mikel Arteta មាន ៧/២ ហើយអតីតគ្រូបង្វឹក Juventus លោក Allegri បច្ចុប្បន្នជាមនុស្សទី ៣ ដែលគេគិតថា ជាអ្នកស្នងតំណែង ដោយ៥/១ ។នៅក្នុងសន្និសីទសារព៌តមាន ក្រោយ Wolves បានទទួលជ័យជម្នះយ៉ាងលំបាកក្នុងលទ្ធផល ២-១ នៅដីរបស់ Bournemouth លោក Nuno បានបង្ហាញពីមោទនភាព បន្ទាប់ពីក្រុមរបស់គាត់បានពង្រីកការប្រកួតមិនស្គាល់ចាញ់របស់ពួកគេដល់ទៅ ៨ប្រកួត៕

Simeone ប្រាប់កូនក្រុមឱ្យប្រយ័ត្ន Ronaldo ខ្លាំង បន្ទាប់ពីឈឺចាប់ច្រើនដង

ថ្ងៃទី ២៦ ខែ វិច្ឆិកា ឆ្នាំ ២០១៩ ម៉ោង ១១:៥២

អេស៉្បាញ៖ លោក Diego Simeone បានជំរុញឱ្យក្រុម Atletico Madrid ប្រយ័ត្នចំពោះតារាឆ្នើមរបស់ក្លិប Juventus កីឡាករ Cristiano Ronaldo ដែលតែងតែធ្វើឱ្យពួកគេឈឺចាប់។ទាំងសងខាងនឹងតទល់គ្នានៅយប់ថ្ងៃអង្គារជាមួយ Juventus ដែលបានឆ្លងផុតវគ្គជម្រុះក្នុងពូលរួចហើយ ទោះបីយ៉ាងណាក្រុម A.T ក៍មានភាគរយខ្ពស់គ្រប់គ្រាន់សម្រាប់ឆ្លងទៅវគ្គ ១៦ ក្រុមចុងក្រោយ។ ទោះយ៉ាងណាបុរសអេស្បាញនឹងត្រូវប្រឈមមុខនឹងសត្រូវចាស់ដែលធ្លាប់ស៊ុតបាល់បញ្ចូលទីចំនួន ២២គ្រាប់ទល់នឹងពួកគេនៅក្នុងការប្រកួតទាំងអស់ឱ្យ Real Madrid និង Old Lady ។លោកបាននិយាយថា៖ «យើងត្រូវតែប្រជែងគ្រប់ការប្រកួត ហើយព្យាយាមឈ្នះរាល់ការប្រកួតទាំងអស់។  Ronaldo គឺជាជើងឯក គាត់តែងតែធ្វើឱ្យយើងឈឺចាប់។ គាត់គឺជាម្ចាស់ជើងឯកមិនធម្មតាម្នាក់ ដូច្នេះយើងត្រូវប្រុងប្រយ័ត្នចំពោះគាត់។ គាត់មានវិធីផ្សេងៗជាច្រើន ដើម្បីធ្វើឱ្យស្ថានភាពលើទីលានប្រែប្រួល»៕

លោក ហ៊ុន ចាន់រាជ ត្រៀមបញ្ជូនកីឡាករ ៤ប្រភេទទម្ងន់ចេញទៅក្រៅប្រទេស

ថ្ងៃទី ២៦ ខែ វិច្ឆិកា ឆ្នាំ ២០១៩ ម៉ោង ១០:២៧

ភ្នំពេញ៖ ម្ចាស់ក្លិប Cambodia Top  Team លោក ហ៊ុន ចាន់រាជ ត្រៀមបញ្ជូនកីឡាករចំនួន ៤រូបចេញទៅប្រកួតនាប្រទេសថៃ ក្នុងនោះលោកបានជ្រើសរើសកីឡាករបានចំនួន ៣នាក់រួចរាល់ហើយ ខណៈប្រភេទទម្ងន់ ៦៩គីឡូក្រាមកំពុងស្វែងរកមិនទាន់បាន។ប្រធានប្រតិភូដឹកនាំកីឡាករចេញក្រៅប្រទេសរូបនេះបានបញ្ជាក់ថា សម្រាប់កីឡាករ ៣នាក់ដែលចេញទៅប្រកួតប្រភេទទម្ងន់ ៥៣ , ៦៣ និង ៦៥ គីឡូក្រាម ប៉ុន្តែលោកសុំមិនបញ្ចេញឈ្មោះ ព្រោះរង់ចាំការសម្រេចផ្លូវការរបស់ខាងកម្មវិធីរបស់ប្រទេសថៃជាមុនសិនទាំងការកំណត់ថ្ងៃប្រកួតផងដែរ។ លោកបានបន្ថែមថា ការជ្រើរើសកីឡាករ លោកផ្ដោតលើកីឡាករដែលកំពុងឡើងសមត្ថភាព និងពិសេសអ្នកប្រដាល់រលកក្រោយ ព្រោះចង់បណ្ដុះពួកគេឱ្យទទួលបានបទពិសោធប្រកួតក្រៅប្រទេស។សូមបញ្ជាក់លោក ហ៊ុន ចាន់រាជ បានប្រកាសលើបណ្ដាញសង្គមនៅថ្ងៃម្សិល ដើម្បីស្វែងរកកីឡាករប្រភេទទម្ងន់ ៦៩ ដើម្បីចេញទៅប្រកួតនៅក្រៅប្រទេស៕ 

Pogba បដិសេធមិនលេងឱ្យ ManUtd ដើម្បីបង្ខំឱ្យផ្ទេរចេញនៅខែមករា

ថ្ងៃទី ២៦ ខែ វិច្ឆិកា ឆ្នាំ ២០១៩ ម៉ោង ០៩:៥៧

អង់គ្លេស៖ Paul Pogba ត្រូវបានគេឱ្យដឹងថា កំពុងបដិសេធក្នុងការលេងឱ្យ Manchester United ខណៈដែលរូបគេកំពុងជំរុញឱ្យផ្ទេរទៅ Real Madrid នៅខែមករានេះ។ បើយោងតាមរបាយការណ៍ពីប្រទេសអេស្ប៉ាញ។ខ្សែបម្រើរូបនេះបានបញ្ជាក់កាលពីរដូវក្តៅថា គាត់ចង់បានការប្រកួតប្រជែងថ្មី បន្ទាប់ពីនៅ Old Trafford អស់ ៣ឆ្នាំកន្លងមក។ អ្នកគាំទ្ររបស់ក្រុមបិសាចក្រហមមិនបានឃើញបុរសជនជាតិបារាំងរូបនេះរយៈពេលប៉ុន្មានសប្ដាហ៍មកហើយ ដោយសារតែរបួសជើងកាលពីខែសីហា។ប៉ុន្តែយោងទៅតាមកាសែត Cope បានឱ្យដឹងថា Pogba មិនមានរងរបួសអ្វីទាំងអស់ ហើយផ្ទុយទៅវិញគាត់បដិសេធមិនចូលរួមលេងឱ្យក្រុមបិសាចក្រហមរហូតដល់ខែមករាមកដល់៕

អ្នកចាត់ការទូទៅ Premier League ៣រូបទៀត អាចនឹងមានវាសនាមិនខុសពីលោក Pochettino

ថ្ងៃទី ២៥ ខែ វិច្ឆិកា ឆ្នាំ ២០១៩ ម៉ោង ១៦:៣៥

អង់គ្លេស៖ អាកាសធាតុកាន់តែចុះត្រជាក់ នៅពេលខែធ្នូខិតជិតមកដល់ ប៉ុន្តែការបណ្ដេញគ្រូបង្វឹកនៃក្របខ័ណ្ឌ Premier League កំពុងតែក្តៅគគុក ខណៈ Tottenham Hotspur បានបើកឆាកមុនគេ ដោយដក លោក Pochettino យកលោក Jose កាលពីសប្តាហ៍មុន។ ខាងក្រោមនេះគឺជាអ្នកចាត់ការទូទៅចំនួន ៣រូបទៀតដែលមានការរំពឹងថា នឹងមានវាសនាមិនខុសពីលោក Pochettino៖Marco Silva៖ ការប្រកួតជ័យជម្នះរបស់ Everton នៅទឹកដីរបស់ក្លិប Southampton មុនពេលការប្រកួតអន្តរជាតិ អ្នករាល់គ្នាគិតថា ជាការប្រកួតចុងក្រោយរបស់គ្រូបង្វឹករូបនេះ តែផ្ទុយទៅវិញរូបគាត់បានឈរនៅតំបន់គ្រូបង្វឹកក្នុងការប្រកួតបរាជ័យក្រោមថ្វីជើងក្រុមបាតតារាង Norwich ទៅវិញ។Manuel Pellegrini៖ គិតត្រឹមសប្ដាហ៍នេះ វាជាការប្រកួតក្នុងលីហ្គទី ៧ ហើយដែលក្រុម  West Ham   និងចាញ់ ៣ប្រកួតជាប់គ្នា។ ដោយសារតែបានឈ្នះ ៣ប្រកួតក្នុងចំណោម ៦ប្រកួតដំបូងនៃរដូវកាលនេះ ទើបក្រុមញញួរមួយនេះស្ថិតនៅខាងលើតំបន់កាត់ចោល ២ពិន្ទុ។Unai Emery៖លទ្ធផលស្មើក្នុងផ្ទះជាមួយក្រុម Southampton បានដាក់សម្ពាធលើលោក Emeryកាន់តែខ្លាំងឡើង ។ ក្រុមកាំភ្លើងធំស្ថិតនៅលេខ ៣ កាលពីប៉ុន្មានសប្តាហ៍មុន ប៉ុន្តែសប្ដាហ៍នេះពួកគេស្ថិតនៅលេខ៧ ដែលធ្វើឱ្យអ្នកគាំទ្រមានការខឹងសម្បាចំពោះអ្នកចាត់ការសញ្ជាតិអេស៉្បាញ ដែលមិនដាក់ Mustafi ,  Xhaka និង  Mesut Özil ជាដើម។