trollkhmer news

កីឡា

Barcelona បណ្តេញអ្នកគ្រប់គ្រងថ្នាលយុវជន ក្រោយពីហ៊ានរិះគន់ Messi

ថ្ងៃទី ១៤ ខែ មករា ឆ្នាំ ២០១៧ ម៉ោង ១១:៥៥

ក្រុមអ្នកមានបុណ្យ FC Barcelona សម្រេចបណ្តេញលោក Pere Gratacos ពីតំណែងជាអ្នកគ្រប់គ្រងថ្នាលយុវជននិងទីលានហ្វឹកហាត់ បន្ទាប់ពីបានរិះគន់ទៅលើកីឡាករ Lionel Messi ។ ក្រោយក្រុមកាតាឡាន់អាចបន្តទៅវគ្គ ៨ក្រុមចុងក្រោយទាំងប្រផិតប្រផើយ នាពានរង្វាន់ Copa del Rey ខណៈដែលលោក Gratacos បានបង្ហាញគំនិតអវិជ្ជមានចំពោះខ្សែប្រយុទ្ធអាហ្សង់ទីនថា៖  Messi គឺសមាជិកដ៏សំខាន់ក្នុងក្រុម ប៉ុន្តែការលេងបាល់របស់គេមិនបានល្អសោះ បើសិនមិនមានជំនួសពីសមាជិកដ៏ទៃ។  Messi ជាកីឡាករឆ្នើម តែបើគ្មានសហការពី Neymar, Luis Suarez, Andres Iniesta, Gerard Pique និងកីឡាករផ្សេងទៀតក៏មិនអាចទៅរួចដែរ។ ការរិះគន់ខាងលើបង្ហោះគេហទំព័រសង្គម មិនប៉ុន្មានម៉ោងផង ស្រាប់តែក្លិប Barcelona បានបញ្ចេញសេចក្តីថ្លែងការណ៍បណ្តេញអ្នកគ្រប់គ្រង់ជនជាតិអេស្ប៉ាញតែម្តង ៕

Zlatan Ibrahimovic ទទួលនាមជាកីឡាករឆ្នើមប្រចាំខែធ្នូ នៅ Premier League

ថ្ងៃទី ១៤ ខែ មករា ឆ្នាំ ២០១៧ ម៉ោង ១១:១៣

ខ្សែប្រយុទ្ធបិសាចក្រហម Zlatan Ibrahimovic ទទួលនាមជាកីឡាករឆ្នើមប្រចាំខែធ្នូ ក្នុងក្របខ័ណ្ឌកំពូលអង់គ្លេស Premier League ស្របពេលសមាជិក Manchester United ម្នាក់ទៀតគឺ Henrikh Mkhitaryan ក្លាយជាអ្នកស៊ុតបញ្ចូលទីល្អជាងគេ។ Z. Ibrahimovic អាចស៊ុតបញ្ចូលទី ៥គ្រាប់ និងបញ្ជូនបាល់ទៅដៃគូ ៣លើក ក្នុងចំណោម ៦ប្រកួត កាលពីខែមុន និងបានជួយឲ្យក្រុមលោក Jose Mourinho  មិនស្គាល់ពាក្យថាចាញ់ឡើយនា ១១ ប្រកួតចុងក្រោយ នៅលីគ PL។ចំណែកឯ ក្បាច់ខ្យាដំរីរបស់ខ្សែបម្រើ H. Mkhitaryan ដែលទំលាយសំណាញ់ក្រុមឆ្មៅ Sunderland នៅថ្ងៃ Boxing Day បានជ្រើសរើសជាគ្រាប់បាល់បញ្ចូលទីល្អជាងគេបំផុតប្រចាំខែ។ ដោយឡែក គ្រូបង្វឹកក្រុមតោខៀវ Chelsea លោក Antonio Conte ក្លាយជាអ្នកដឹកនាំឆ្នើមចំនួន ៣ខែជាប់គ្នាតែម្តងពោល ខែតុលា ខែវិច្ឆិកា និង ខែធ្នូ ៕   

ប្រធាន UFC ឲ្យ Floyd ២៥លានដុល្លារ បើហ៊ានវ៉ែជាមួយ McGregor

ថ្ងៃទី ១៤ ខែ មករា ឆ្នាំ ២០១៧ ម៉ោង ១១:០៣

ប្រធានស្ថាប័នក្បាច់គុនចម្រុះ UFC លោក Dana White ប្រកាសអំពើការដាក់សំណើរជាផ្លូវការទៅកាន់អតីតអ្នកប្រដាល់មិនដែលចាញ់ Floyd Mayweather ទៅកាន់សង្វៀនឈឺសាច់សារជាថ្មី ដោយត្រូវប៉ះជាមួយដៃគូសារសងសម្តីរបស់គេគឺ Conor McGregor។ ប្រសិនបើ ការប្រកួតរវាងកំពូលអ្នកប្រដាល់ទាំង ២រូប អាចកើតឡើងមែន បុរសវ័យ ៤៧ ឆ្នាំរូបនេះ នឹងត្រូវចំណាយប្រាក់មិនក្រោម ៥០លានដុល្លារទេ សម្រាប់ពួកគេ។ Dana White ៖ “ ខ្ញុំប្រាប់ឯង Floyd នេះជាសំណើរផ្លូវការ។  ខ្ញុំជាអ្នករៀបចំសំណើរ ហើយក៏ជាអ្នកធ្វើឲ្យសំណើរខាងលើក្លាយជាការពិត។ ខ្ញុំនឹងឲ្យតម្លៃខ្លួនឯងចំនួន ២៥ លានដុល្លារ ចំណែក Conor ក៏ ២៥ លានដុល្លារដូចគ្នា បូកផ្សំជាមួយប្រាក់ដែលទទួលបានពីការ  View និង ចំនួនទស្សនិកជនជាក់ស្តែង ” ។ សូមរំលឹកថា Floyd Mayweather និង Conor McGregor ធ្លាប់បានប៉ះសម្តីខ្លាំងៗនៅគេហទំព័រសង្គម Twitter។ យើងចាប់ផ្តើមពាក្យរបស់ Floyd មុន៖ “ ខ្ញុំនឹងទះកំផ្លៀង Conor McGregor នៅពេលខ្ញុំបានជួបគេ” ។ ចំណែកឯ  Conor បានតបមកវិញថា៖ “ ប្រសិនបើ Floyd ចង់ទះកំផ្លៀងខ្ញុំពេលណា ខ្ញុំនឹងទីដល់ទីនោះ។  ខ្ញុំសន្យាជាមួយឯង Floyd ។ ជាក់ស្តែង ជនជាតិអៀកឡង់ដ៍ បានបន្ថែមនូវពាក្យមួយឃ្លាចុងក្រោយមួយទៀតថា រូបគេចង់បំបែកមុខ Floyd ៕ហើយភ្លាមៗនោះ Floyd Mayweather ក៏បានឆ្លើយតបវិញដែរមើលតាមរូបខាងក្រោម :

ទៅជប៉ុន ចាន់ វឌ្ឍនាកា មិនចាញ់តារាបាល់ទាត់អឺរ៉ុបនោះទេ

ថ្ងៃទី ១៤ ខែ មករា ឆ្នាំ ២០១៧ ម៉ោង ១០:៣៩

បើយើងប្រៀបធៀបកីឡាករអាស៊ី និង អឺរ៉ុប ខ្សែប្រយុទ្ធ ចាន់ វឌ្ឍនាកា របស់កម្ពុជាដែលត្រូវបានក្លឹបលំដាប់ទី 3 លីគជប៉ុន Fujieda MYFC ខ្ចីជើងទៅមួយរដូវកាលទទួលថ្លៃនឿយហត់មិនចាញ់កីឡាករអឺរ៉ុបនោះទេ ។កីឡាករនៃក្រុមបឹងកេតអង្គរនឹងទទួលប្រាក់ខែខ្ទង់មឺនដុល្លារក្នុងមួយខែ និង ឡានទំនើបសំរាប់ធ្វើដំណើរ អ្នកបកប្រែភាសា បន្ទប់ស្នាក់នៅដ៏ប្រណិតផងដែរ ។​ ក្នុងសន្និសិទសារព័ត៌ម្សិលមិញ កីឡាករទីមួយក្នុងប្រវិត្តសាស្ត្រខ្មែរដែលទៅលេងនៅជប៉ុន បាននិយាយថានេះជាក្តីស្រមៃរបស់គេហើយនេះត្រឹមជំហានទីមួយតែប៉ុនណ្ណោះគេពេញចិត្តការហ្វឹកហាត់ និង គ្រូបង្វឹកនៅទីនេះ ៕

ព័ត៌មានចុងក្រោយបង្អស់ពីអនាគតរបស់ខ្សែប្រយុទ្ធ ចាន់ វឌ្ឍនាកា

ថ្ងៃទី ១៣ ខែ មករា ឆ្នាំ ២០១៧ ម៉ោង ១៦:០១

ចាន់ វឌ្ឍនាកា : ក្នុងសន្និសិទសារព័ត៌នៅល្ងាចនេះ នាសណ្ឋាគារភ្នំពេញ បានបង្ហាញច្បាស់ថា ខ្សែប្រយុទ្ធ ចាន់ វឌ្ឍនាកា របស់ក្រុមបឹងកេតអង្គរបានសំរេចចិត្តផ្ទេរទៅក្លឹប Fujieda MYFC ក្នុងក្របខណ្ឌលីកទី៣ របស់ប្រទេសជប៉ុនហើយ ក្នុងលក្ខខណ្ឌខ្ចីជើង រយៈពេល ១រដូវកាល ។មូលហេតុដែល ចាន់ វឌ្ឍនាកា ផ្ទេរទៅកាន់ Fujieda របស់លីគទី៣នៅប្រទេសជប៉ុន ព្រោះអតីតកីឡាករស្វាយរៀងខាងលើក្លាយជាកីឡាករកម្ពុជាទី១ដែលផ្លាស់ទៅលេងនៅជប៉ុន ដែលអ្វីកាន់តែពិសេសនោះគឺបច្ចេកទេសហ្វឹកហាត់បាល់ទាត់នៅទីនោះមានកំរឹតខ្ពស់ជាងគេនៅលីគកំពូលផ្សេងៗរបស់តំបន់អាស៊ាន។យ៉ាងណាក្តីកាលពីចុងឆ្នាំ២០១៥ កន្លងទៅកីឡាករដែលរកគ្រាប់បាល់បានច្រើនជាងគេនៅក្នុងក្រុមជម្រើសជាតិនិងនៅក្នុងលីគកំពូលកម្ពុជាខាងលើបានធ្វើដំណើរទៅជប៉ុនហ្វឹកហាត់ ស្របពេលដែលវិបសាយផ្លូវការរបស់សហព័ន្ធកីឡាបាល់ទាត់ថៃ Thaileague វិញបានដាក់ វឌ្ឍនាកា ចូលក្នុងបញ្ជីកីឡាករក្នុងតំបន់អាស៊ាន១០រូបដែលគួរតែបង្ហាញខ្លួនក្នុងលីគរបស់គេ ខណៈប្រព័ន្ធផ្សព្វផ្សាយមួយចំនួនរបស់ម៉ាឡេស៊ី ហាក់ចាប់អារម្មណ៍ច្រើនពីកីឡាករខាងលើក្នុងអំឡុងពេលប្រកួតពានរង្វាន់ AFF Suzuki Cup 2016 កាលពីពេលថ្មីៗនេះ ៕

ការពិតខ្សែប្រយុទ្ធក្រុមកងរាជអាវុធហត្ថខេត្តកំពត គឺកូនខ្មែរកាត់អារ៉ាប់

ថ្ងៃទី ១៣ ខែ មករា ឆ្នាំ ២០១៧ ម៉ោង ១៤:៣៤

កីឡាករ សេង ឡេះ ដែលជាខ្សែប្រយុទ្ធក្រុមបាល់ទាត់កងរាជអាវុធហត្ថខេត្តកំពតដែលលេងនៅក្របខ័ណ្ឌទី២របស់កម្ពុជាត្រូវបានអ្នកគាំទ្រជាច្រើនកំពុងឆ្ងល់ពីមុខមាត់របស់គេដែលដូចកីឡាករបរទេស ។អតីតយុវជនក្រុមបឹងកេតអង្គរបានប្រាប់ Khmer Troll ថា៖ ពិតណាស់រូបគេគឺកូនកាត់ដោយឪពុករបស់គេគឺជាជនជាតិអារ៉ាប់មានឈ្មោះថា ដូលី(ឈ្មោះនៅខ្មែរ)ដែលបានរៀបការជាមួយម្តាយរបស់គេជនជាតិខ្មែរ។ កីឡាករមកពីខេត្តកោះកុងបន្តថាឪពុករបស់គេក៏ជាអតីតកីឡាករបាល់ទាត់ដែរប៉ុន្តែមិនល្បីល្បាញនោះទេហើយលោកជាអតីតគ្រូបង្រៀននៅសាលាប៊ែលធី រាជធានីភ្នំពេញនិងបច្ចុប្បន្នលោកបានទៅបង្រៀននៅខេត្តកោះកុង។កីឡាករវ័យ២០ឆ្នាំរូបកំពុងត្រៀមចូលធ្វើតេស្ថនៅក្លឹបអាស៊ី អឺរ៉ុបផងដែរ។

មុនសន្និសិទរសៀលនេះ ចាន់ វឌ្ឍនាកា មានភាគរយខ្ពស់ផ្លាស់ទៅជប៉ុន

ថ្ងៃទី ១៣ ខែ មករា ឆ្នាំ ២០១៧ ម៉ោង ១២:៣២

នាវេលាម៉ោង៣រសៀលថ្ងៃនេះនៅសណ្ឋាគារភ្នំពេញ ក្រុមបាល់ទាត់បឹងកេតអង្គរនឹងធ្វើសន្និសិទសារព័ត៌មានស្តីអំពីអានាគតរបស់ខ្សែប្រយុទ្ធវ័យក្មេង ចាន់ វឌ្ឍនាកា ដែលត្រៀមចាកចេញទៅលេងនៅក្រៅប្រទេសនៅដើមឆ្នាំ២០១៧នេះ។ លោក បែ មករា អ្នកចាត់ការទូទៅក្រុមបឹងកេត បានអោយដឹងថា៖ “យើងចង់បង្ហាញអោយច្បាស់ពីកីឡាករឆ្នើម ចាន់ វឌ្ឍនាកា ថាទៅលេងនៅប្រទេសណាលីគណា ដូចច្នេះហើយទើបយើងធ្វើសន្និសិទសារព័ត៌មានដូចនេះ “។ក្រោយពីហ្វឹកហាត់នៅ Fujieda របស់ជប៉ុនបាន១សប្តាហ៍ តាមប្រភពជិតស្និតរបស់ក្រុមបឹងកេតអង្គរបានឲ្យដឹងថា ចាន់ វឌ្ឍនាកា មានភាគរយខ្ពស់ជាងគេដោយអាចនឹងផ្ទេរទៅកាន់ Fujieda របស់លីគទី៣នៅប្រទេសជប៉ុន ព្រោះអតីតកីឡាករស្វាយរៀងខាងលើអាចក្លាយជាកីឡាករកម្ពុជាទី១ដែលផ្លាស់ទៅលេងនៅជប៉ុន ដែលអ្វីកាន់តែពិសេសនោះគឺបច្ចេកទេសហ្វឹកហាត់បាល់ទាត់នៅទីនោះមានកំរឹតខ្ពស់ជាងគេនៅលីគកំពូលផ្សេងៗរបស់តំបន់អាស៊ាន។យ៉ាងណាក្តីកាលពីចុងឆ្នាំ២០១៥ កន្លងទៅកីឡាករដែលរកគ្រាប់បាល់បានច្រើនជាងគេនៅក្នុងក្រុមជម្រើសជាតិនិងនៅក្នុងលីគកំពូលកម្ពុជាខាងលើបានធ្វើដំណើរទៅជប៉ុនហ្វឹកហាត់ ស្របពេលដែលវិបសាយផ្លូវការរបស់សហព័ន្ធកីឡាបាល់ទាត់ថៃ Thaileague វិញបានដាក់ វឌ្ឍនាកា ចូលក្នុងបញ្ជីកីឡាករក្នុងតំបន់អាស៊ាន១០រូបដែលគួរតែបង្ហាញខ្លួនក្នុងលីគរបស់គេ ខណៈប្រព័ន្ធផ្សព្វផ្សាយមួយចំនួនរបស់ម៉ាឡេស៊ី ហាក់ចាប់អារម្មណ៍ច្រើនពីកីឡាករខាងលើក្នុងអំឡុងពេលប្រកួតពានរង្វាន់ AFF Suzuki Cup 2016 កាលពីពេលថ្មីៗនេះ។

ទើបឈ្នះ Ballon d’Or ថ្ងៃមុនសោះ ឥឡូវ Ronaldo ឈ្នះ Salon d’Or មួយទៀតបាត់

ថ្ងៃទី ១៣ ខែ មករា ឆ្នាំ ២០១៧ ម៉ោង ១២:៣០

បន្ទាប់ពីឈ្នះពានរង្វាន់ Ballon d’Or ជាលើកទី៤នៅក្នុងអាជីពមិនទាន់បានប៉ុន្មានផង ឥឡូវនេះ Cristiano Ronaldo បានជាប់ឈ្មោះជាកីឡាករបាល់ទាត់សក់ស្អាតបំផុតប្រចាំឆ្នាំ២០១៦ (Salon d'Or 2016) បន្ទាប់ពីទទួលបានសំឡេងឆ្នោតលើ Lionel Messi និង Paul Pogba ទៀត។យោងតាមការបោះឆ្នោតដោយវិបសាយព័ត៌មានកីឡា Goal.com បានឲ្យឃើញថាម្ចាស់ស្បែកជើងមាស៤លើកទទួលបានសំឡេងឆ្នោតច្រើនជាងគេគឺ២១ភាគរយ ខណៈដែល Messi ជាប់លេខ២ បានសំឡេងឆ្នោត១៦ភាគរយ បន្ទាប់ពីបានលេងពណ៌សក់កាលពីពេលថ្មីៗនេះ ហើយ Paul Pogba ដែលដូរម៉ូដសក់រាប់មិនអស់ស្ថិតនៅលេខ៣បាន១២ភាគយ។ ចំណែកឯបុរសសង្ហា Olivier Giroud របស់  Arsenal វិញត្រូវបានគេបោះឆ្នោតឲ្យបាន១០ភាគរយនៅលេខ៤ ហើយ Ivan Perisic របស់  Inter Milan លេខ៥ និង Adam Lallana របស់ក្រុមហង្សក្រហម Liverpool ស្ថិតនៅលេខ៦។

សប្តាហ៍នេះការប្រកួតប្រដាល់គុនខ្មែរមានគូអន្តរជាតិរហូត ១៩ គូ

ថ្ងៃទី ១៣ ខែ មករា ឆ្នាំ ២០១៧ ម៉ោង ១២:១៧

 ថ្ងៃ សុក្រ , សៅរ៍ និង អាទិត្យ ក្នុងសប្តាហ៍នេះមានការប្រកួតប្រដាល់គុនខ្មែររហូត ១៩ គូ ទាំងការប្រកួតលក្ខណមិត្តភាពអន្តរជាតិ និង ប្រកួតដណ្តើមខ្សែក្រវាត់ ។ ខាងក្រោមនេះ ជាតារាងការប្រកួតគ្រប់ស្ថានីយ៍ទូរទស្សន៍៖