trollkhmer news

កីឡា

Real Madrid ត្រូវលេងដោយគ្មាន Ronaldo និង Benzema នៅថ្ងៃសៅរ៍ នេះជាមួយក្រុម Real Sociedad

ថ្ងៃទី ៣០ ខែ មេសា ឆ្នាំ ២០១៦ ម៉ោង ០៤:៤៩

ក្រុម Real Madrid នឹងត្រូវធ្វើដំណើរទៅប្រកួតជាមួយក្រុម Real Sociedad នៅថ្ងៃសៅរ៍ នេះក្នុងការប្រកួតក្របខ័ណ្ឌ Laliga សប្តាហ៍ទី36 ។ ហើយអ្វីដែលចាប់អារម្មណ៍នោះគឺកីឡាករ Ronaldo និង Benzema មិនមានវត្តមានក្នុងប្រកួតនេះនោះទេ សូម្បីតែនៅទីលានហ្វឹកហាត់ក៏មិនមានរូបគេផងដែរ។ បញ្ហានេះបានធ្វើក្រុម Real Madrid រងសម្ពាធធ្ងន់ណាស់ដែរក្នុងដំណើរប្រជែងយកពានរង្វាន់អេស្ប៉ាញជាមួយនិងក្រុម Barcelona និង At Madrid ខណៈដែលក្រុមទាំងពីរនេះមានពិន្ទុលើសក្រុម Real Madrid តែមួយពិន្ទុប៉ុណ្ណោះ ។ Ronaldo បានរបួសសសៃពួរមិនបានចូលលេងតាំងពីសប្តាហ៍មុនពេលប៉ះជាមួយក្រុម Man City ការប្រកួតពាក់កណ្តាលផ្តាច់ព្រ័ត Champion League រីឯ Benzema វិញចូលលេងបានត្រឹមតែពាក់កណ្តាលប្រកួតតែប៉ុណ្ណោះ ក៏ត្រូវផ្លាស់ចេញផងដែរ។ បើទោះបីជារងរបួសក្តីកីឡាករ Ronaldo នៅតែបន្តវឹកហាត់ដើម្បីអោយជាសើសស្បើយទាន់ការប្រកួតជើងទីពីរជាមួយក្រុម Man City នៅទឹករបស់ក្រុម Real Madrid នេះបើយោងតាមការបង្ហោះរូបមួយសន្លឹកនៅលើគណនី Instagram របស់កីឡាករ Ronaldo ។ Real Madrid មានក្តីសង្ឃឹមឈ្នះច្រើនពីព្រោះ 5 ប្រកួតចុងក្រោយនៃជំនួបជាមួយក្រុម Real Sociedad គឺក្រុម Real Madrid បានយកឈ្នះ 4 ប្រកួតបាត់ទៅហើយ ។ ការទស្សន៍លទ្ធផលរវាងក្រុមទាំងពីរគឺ Real Sociedad 0-4 Real Madrid ដែលការប្រកួតនឹងធ្វើឡើងនៅម៉ោង 9យប់នេះ ម៉ោងនៅក្នុងប្រទេសកម្ពុជា។ 

គ្រូបង្វឹកថ្មីរបស់ Chelsea លោក Antonio Conte ផ្តល់ភ្លើងខៀវអោយអ្នកចាំទី Courtois ចាកចេញ

ថ្ងៃទី ៣០ ខែ មេសា ឆ្នាំ ២០១៦ ម៉ោង ០៣:២៦

លោក Antonio Conte ដែលជាគ្រូបង្វឹកថ្មីរបស់ក្រុម Chelsea បានផ្តល់សញ្ញាភ្លើងខៀវក្នុងការលក់ Thibaut Courtois ប្រសិនបើមានក្លិបណាផ្សេងផ្តល់ជូនការស្នើរសុំដោយសមហេតុផលមួយ។ ការសំរេចចិត្តរបស់លោក  Conte នេះស្របពេលដែលអ្នកចាំទីរូបនោះបានបញ្ចាក់ប្រាប់ថា គាត់ចង់ចាកចេញពីក្លិប។ ទំនាក់ទំនងយ៉ាងល្អក់កកររវាងកីឡាករអន្តរជាតិបែលហ្ស៊ិករូបនេះ ជាមួយគ្រូបង្វឹកអ្នកចាំទីលោក Christophe Lollichon គឺជាកត្តាមួយដែលនៅពីក្រោយការមិនសប្បាយចិត្តរបស់គាត់ រួមជាមួយនិងការបាត់បង់នៅក្នុងក្របខ័ណ្ឌ Champions League នៅរដូវកាលក្រោយរបស់ក្លិប Chelsea ទៀតផង។ ក្រុម Chelsea ក៏បានសំលឹងមើលផងដែរទៅលើអ្នកចាំទីរបស់ក្រុម Southampton កីឡាករ Fraser Forster ដែលជាជម្រើសជាតិរបស់អង់គ្លេស ខណៈដែលក្រុម Real Madrid និង Paris Saint-Germain ក៏មានការចាប់អារម្មណ៍លើអ្នកចាំទីរូបនោះ។ Thibaut Courtois ត្រូវបានក្លិប Chelsea ទិញយកមកពីក្លិប Genk នៅឆ្នាំ 2011 រួចក៏បានអោយក្រុម Atlético Madrid ខ្ចីជើងយកទៅបន្តក្នុងរយៈពេល 3ឆ្នាំ រហូតដល់ឆ្នាំ​ 2014 ទើប Chelsea យកត្រលប់មកវិញស្របពេលដែលអ្នកចាំទីរូបនេះបានឡើងទំរង់លេងគួរអោយកត់សំគាល់ពេលនៅអេស្ប៉ាញផងដែរ។ 

វីវរហើយ! Ronaldo និង​ Benzema អាចអវត្តមានពេលប្រកួតជើងទី២ជាមួយក្រុម Man City

ថ្ងៃទី ២៨ ខែ មេសា ឆ្នាំ ២០១៦ ម៉ោង ១៥:៤១

ក្លិប Real Madrid បានបញ្ជាក់ថាខ្សែប្រយុទ្ធ Karim Benzema ត្រូវបានទទួលរងពីរបួសសរសៃពួរជើងដែលបានប៉ះទង្គិចកាលពីប្រកួតជើងទីមួយជាមួយក្រុម Man City កាលពីថ្ងៃអង្គារ៍កន្លងទៅនេះ ឥលូវកីឡាកររូបនេះប្រហែលជានឹងអវត្តមានសំរាប់សប្តាហ៍ខាងមុខទៀតពោលគឺអាចមិនបានចូលលេងការប្រកួតជើងទីពីរវគ្គពាក់កណ្តាលផ្តាច់ព្រ័ត Champion League ជាមួយក្រុម Man City បានទៀតផង។ Benzema ត្រូវបានជំនួសដោយ Jese Rodriguez នៅពេលដែលក្រុម Real Madrid លេងបានត្រឹមស្មើ 0-0 នៅឯកីឡដ្ឋាន Etihad ។ ក្រុម Real Madrid បានចេញមកបញ្ចាក់នៅថ្ងៃព្រហស្បតិ៍នេះបន្ថែមពីលើរបួសកីឡាករអាយុ 28ឆ្នាំ ថាក្តីរពឹងទុកនៃការវិលត្រលប់មកកាន់ក្រុមវិញគឺមិនទាន់អាចបញ្ចាក់ពេលវេលាបាននៅឡើយនោះទេ។ រីឯកីឡាករ C.Ronaldo វិញក៏មានបញ្ហារបួសស្រដៀងគ្នាទៅនិងកីឡាករ Karim Benzema ផងដែរ ហើយប្រហែលជាមិនអាចវិលមកជួយក្រុមវិញបាននៅពេលប៉ះជាមួយក្រុម Man City នៅទឹកដី Santiago Bernabeu បានទាន់ពេលវេលាឡើយ ។ 

សហព័ន្ធកីឡាបាល់ទាត់ត្រៀមបញ្ជូនក្រុមយុវជនក្រោមអាយុ១៤ឆ្នាំចូលរួមក្នុងកម្មវិធី AFC U-14 Festival of Football 2016

ថ្ងៃទី ២៧ ខែ មេសា ឆ្នាំ ២០១៦ ម៉ោង ១០:១៦

សហព័ន្ធកីឡាបាល់ទាត់កម្ពុជា ត្រៀមបញ្ជូនក្រុមយុវជនក្រោមអាយុ១៤ឆ្នាំរបស់ខ្លួន( U-14) ទៅចូលរួមប្រកួតជម្រុះក្នុងពានរង្វាន់កម្រិតយុវជនក្រោមអាយុ១៤ឆ្នាំទ្វីបអាស៊ី ប្រចាំតំបន់អាស៊ាន AFC U-14 Festival of Football 2016 ដែលរៀបចំឡើងប្រទេសប្រ៊ុយណេ ក្នុង ខែកក្កដា ខាងមុខ។យោងតាមប្រភពមកពីសហព័ន្ធកីឡាបាល់ទាត់កម្ពុជាបានឲ្យដឹងថា លោក មាស សំអឿន ដែលទទួលតំណែងជាគ្រូបង្វឹកក្នុងក្រុមសាលាបាល់ទាត់ជាតិវគ្គទី២ កាលពីពេលថ្មីៗ នឹងទទួលតំណែងដឹកនាំក្រុមចូលរួមក្នុងព្រឹត្តិការណ៍នេះ។សូមបញ្ជាក់ផងដែរថា ៖ ពានរង្វាន់ AFC U-14 Festival of Football 2016 ក្នុងវគ្គជម្រុះប្រចាំតំបន់អាស៊ាន នឹងរៀបចំពីថ្ងៃ១៨ ដល់៣១ ខែកក្កដា ឆ្នាំ២០១៦ នៅប្រទេសប្រ៊ុយណេ ខណៈប្រទេសចូលរួមមានមកពីកម្ពុជា វៀតណាម ថៃ ឡាវ មីយ៉ាន់ម៉ា ហ្វីលីពីន ម៉ាឡេស៊ី សិង្ហបុរី ទីម័រខាងកើត និងម្ចាស់ផ្ទះប្រ៊ុយណេខណៈទំនងមិនមានវត្តមានប្រទេសឥណ្ឌូណេស៊ីនោះទេ ព្រោះប្រទេសនេះនៅជាប់ពិន័យរបស់សហព័ន្ធកីឡាបាល់ទាត់អន្តរជាតិ (FIFA) នៅឡើយ៕

ខ្សែការពាររបស់ក្លិបDortmund កីឡាករ Mats Hummels អាចនឹងវិលទៅកាន់ Bayern Munich វិញ

ថ្ងៃទី ២៧ ខែ មេសា ឆ្នាំ ២០១៦ ម៉ោង ០៤:៥៥

ខ្សែការពាររបស់ក្លិប Borussia Dortmund កីឡាករ Mats Hummels កំពុងពិចារណាអំពីលទ្ធភាពនៃការវិលត្រឡប់ទៅកាន់ក្លិប Bayern Munich វិញនេះបើយោងតាមនាយកប្រតិបត្តិលោក Karl-Heinz Rummenigge ក្លិប Bayern Munich ។ កីឡាករវ័យ 27 ឆ្នាំរូបនេះកំពុងពិរចារណាជាមួយនិងការចាកចេញពីកីឡាដ្ឋាន Signal Iduna Park នៅចុងបញ្ចប់នៃរដូវកាលនេះ ដោយសារតែកិច្ចសន្យារបស់កីឡាកររូបនេះនឹងត្រូវផុតកំណត់នៅឆ្នាំ 2017 ។ មានការរំពឹងទុកដែរថាខ្លាំងដែរថា Mats Hummels អាចនឹងត្រលប់ទៅក្លិបដើមរបស់គាត់វិញជាទីកន្លែងដែលការលេងរបស់គាត់រីកចម្រើនក្នុងកម្រិតយុវជនអោយក្រុម ។ លោក Rummenigge បាននិយាយបន្តទៀតថាកីឡាករ Hummels មិនទាន់មានការចរចាណាមួយដែលធ្វើជាមួយក្លិប Dortmund នោះទេ ប៉ុន្តែបានអះអាងថាកីឡាកររូបនេះគឺបើកចំហដើម្បីផ្ទេរចេញនៅរដូវកាលនេះហើយ ។ 

Thierry Henry វិលមកក្រុម Arsenal វិញក្នុងតំណែងជាជំនួយការគ្រូបង្វឹកឈុតយុវជន U-18

ថ្ងៃទី ២៧ ខែ មេសា ឆ្នាំ ២០១៦ ម៉ោង ០៣:០៣

កីឡាករ Thierry Henry ដែលជាអតីតកីឡាកររបស់ក្រុមកាំភ្លើងធំ Arsenal និងត្រូវបានគេអោយរហស្សនាមថាជាវីរៈបុរសរបស់ក្រុមនោះបានវិលមកកាន់ក្រុម Arsenal វិញដោយនៅក្នុងតំណែងជាជំនួយការគ្រូបង្វឹកឈុតយុវជនក្រោមអាយុ 18ឆ្នាំ របស់ក្រុមនៅរដូវកាលថ្មីខាងមុខនេះ។ ក្រុម Arsenal មានការរីករាយយ៉ាងខ្លាំងចំពោះការវិលមកវិញរបស់លោក Thierry Henry ក្នុងតំណែងជាជំនួយការគ្រូបង្វឹក ដែលលោកទើបតែបានសិក្សាបញ្ចប់និងបានអាជ្ញាប័ណ្ណបង្វឹករបស់ UEFA កំរិត A ទៀតផង។ កាលអំឡុងពេលស្នាក់នៅក្រុម Arsenal ចាប់តាំងពីឆ្នាំ​ 1999–2007 Thierry Henry បានបង្ហាញខ្លួនចំនួន 254 ប្រកួត និងសុតបញ្ចូលទីបានចំនួន 174 គ្រាប់ ដែលបានក្លាយជាអ្នកសុតបញ្ចូលទីច្រើនគ្រាប់ជាងគេប្រចាំក្រុម Arsenal ។ 

Man City យប់នេះអាចបង្កើតប្រវត្តិសាស្រ្តយកឈ្នះ Real Madrid បានអត់មើលទៅ?

ថ្ងៃទី ២៦ ខែ មេសា ឆ្នាំ ២០១៦ ម៉ោង ០៣:០៦

ក្រុមមេឃខៀវ Man City នឹងបើកទ្វារផ្ទះស្វាគមន៍ក្រុម Real Madrid ក្នុងការប្រកួតពាក់កណ្តាលផ្តាច់ព្រ័តពានរង្វាន Champion League ជើងទីមួយនៅវេលាម៉ោង 1:45នាទី រំលងអាធ្រាតយប់នេះ ។ ក្រុម Man City ឈានជើងចូលវគ្គពាក់កណ្តាលផ្តាច់ព្រ័ត Champion League ជាលើកដំបូងរបសខ្លួនក្រោយពីបានទំលាក់ក្រុម PSG របស់បារាំង។ Man City បានចេញសេចក្តីប្រកាសអំពីកីឡាករសំខាន់គឺ  Yaya Toure ត្រូវអវត្តមានសំរាប់ប្រកួតនេះ ខណៈពេលដែលកីឡាករ Ronaldo និង Benzema ជាសះពីរបួសអាចចូលរួមបានវិញជាមួយ Real Madrid ។ ក្រុមទាំងពីរនេះកាលពីជួបគ្នានៅរដូវកាល 2012 - 2013 ក្រុម Man City មិនធ្លាប់ស្គាល់ពាក្យថាឈ្នះក្រុម Real Madrid នៅឡើយទេ ដែលលទ្ធផលលើកមុននៅទឹកដីរបស់ Real Madrid បានបំបាក់ក្រុម Man City ដោយលទ្ធផល 3-2 រីឯនៅទឹកដី Man City វិញពួកគេលេងបានត្រឹមតែស្មើរគ្នា 1ទល់1 ។ 5 ប្រកួតចុងក្រោយរបស់ Man City គឺ ឈ្នះ4 និងស្មើរ 1ប្រកួត ចំណែកក្រុម Real Madrid វិញគឺ ឈ្នះទាំង 5 ប្រកួតចុងក្រោយ ។ ការទស្សន៍ទាយជាសកលក៍បានបង្ហាញថាក្រុម Man City ប្រហែលជាមិនអាចយកឈ្នះទៅលើក្រុម Real Madrid បានឡើយ។ ចុះអ្នកទាំងអស់គ្នាវិញគិតបែបណាចំពោះលទ្ធផលយប់នេះ?

ក្រុម Everton ត្រៀមបញ្ចីឈ្មោះគ្រូបង្វឹកថ្មីមួយចំនួនប្រសិនបើដេញលោក Roberto Martinez ចេញពីតំណែង

ថ្ងៃទី ២៥ ខែ មេសា ឆ្នាំ ២០១៦ ម៉ោង ០២:៥០

ក្រុម Everton បានត្រៀមបញ្ចីឈ្មោះគ្រូបង្វឹកមួយចំនួនរួចហើយ ប្រសិនបើក្រុមនឹងត្រូវដេញគ្រូបង្វឹកបច្ចុប្បន្នលោក  Roberto Martinez ចេញពីតំណែង បន្ទាប់ពីលោកបានដឹកនាំក្រុមនៅប៉ុន្មានប្រកួតចុងក្រោយមិនបានល្អសោះ ហើយបានជ្រុះចេញពីប្រកួត FA Cup វគ្គពាក់កណ្តាលផ្តាច់ព្រ័តទៀតនោះ។ឥលូវនេះក្រុមបានចាប់ផ្តើមស្វែងរកគ្រូបង្វឹកថ្មីសំរាប់ជំនួសតំណែង ហើយបញ្ចីឈ្មោះគ្រូបង្វឹកថ្មីនោះរួមមានលោក Manuel Pellegrini​​ គ្រូបង្វឹកក្រុម Man City, លោក Frank de Boer គ្រូបង្វឹកក្រុម Ajax  និងលោក Ronald Koeman គ្រូបង្វឹកក្រុម Southampton ខណៈដែរអតីតគ្រូបង្វឹកក្រុម Marseille លោក Marco Bielsa មានចំណាប់អារម្មណ៍លើការងារនេះផងដែរ។Manuel PellegriniFrank de BoerRonald KoemanMarco Bielsa

Barcelona បង្ហាញផែនការអភិវឌ្ឍពហុកីឡដ្ឋាន Nou Camp ដែលផ្ទុកអ្នកទស្សនាបានដល់ 105,000នាក់

ថ្ងៃទី ២២ ខែ មេសា ឆ្នាំ ២០១៦ ម៉ោង ០៧:២០

ដូចទៅនិងលើកមុនដែលសារពត៌មានបានចុះផ្សាយពីគំរោងពង្រីកកីឡាដ្ឋានរបស់ក្លិប Barcelona ហើយឥលូវនេះផងដែរ ប្រធានក្លឹប Barcelona លោក Josep Maria Bartomeu បានបង្ហាញនូវគំរោងផែនការសម្រាប់ការកែកុនឡើងវិញនិងធ្វើអោយប្រសើរឡើងនៃពហុកីឡដ្ឋាន Nou Camp ។ គម្រោងនេះត្រូវបានរចនាឡើងដោយក្រុមហ៊ុនជប៉ុននឹងបង្កើនសមត្ថភាពពីអ្នកចូលទស្សនា 99,000 ទៅដល់ជាង 105.000 ជាមួយនិងការធ្វើដំបូលមួយផ្សេងទៀត។វានឹងត្រូវចាប់ផ្តើមសាងសង់ឡើងនៅឆ្នាំ 2017 ខាងមុខនេះហើយ ដែលគំរោងនេះនឹងបញ្ចប់នៅឆ្នាំ 2021 ដែលភាគច្រើននៃការងារគឺធ្វើក្នុងអំឡុងពេលបិទរដូវកាលតែប៉ុណ្ណោះ ដើម្បីជៀសវាងការប្រកួតនៅក្នុងដីរបស់ក្លិប Barcelona ។ លោក Bartomeu បាននិយាយបន្ថែមថា "ក្លិបដូចយើងត្រូវការកីឡដ្ឋានល្អបំផុត ហើយយើងទាំងអស់គ្នានឹងឈ្នះជាមួយពហុកីឡដ្ឋាន Nou Camp ថ្មី" ។ប្រភពពី Dailymailប្រែសម្រួលដោយ Justin