trollkhmer news

កីឡា

Liverpool គឺជាក្រុមអង់គ្លេសតែមួយគត់ដែលឡើងទៅដល់វគ្គផ្តាច់ព្រ័តដណ្តើមពានរង្វាន់ទី្វបអឺរ៉ុបក្រោយពីយកឈ្នះ Villarreal

ថ្ងៃទី ០៦ ខែ ឧសភា ឆ្នាំ ២០១៦ ម៉ោង ០២:០៣

ក្រុមហង្សក្រហម Liverpool បានយកឈ្នះទៅលើក្រុម Villarreal ដោយលទ្ធផល 3ទល់0 នៅក្នុងជំនួបពាក់កណ្តាលផ្តាច់ព្រ័តពានរង្វាន់ Europa League ខណៈដែលក្រុម Sevilla ក៏បានយកឈ្នះទៅលើក្រុម Shakhtar Donetsk ដូចគ្នាផងដែរដោយលទ្ធផល 3ទល់1 ធ្វើអោយក្រុម Liverpool និង Sevilla ធ្វើដំណើរទៅជួបគ្នានៅវគ្គផ្តាច់ព្រ័តដែលនឹងធ្វើឡើងនៅទីក្រុង Basel នៅថ្ងៃទី 19ខាងមុខនេះ ។ ក្រុមហង្សក្រហម Liverpool ជាក្រុមតែមួយគត់របស់ប្រទេសអង់គ្លេសដែលបានឡើងទៅវគ្គផ្តាច់ព្រ័តដណ្តើមពានរង្វាន់ទ្វីបអឺរ៉ុប្រចាំរដូវកាលនេះ ។ សូមទស្សនាវីឌីអូហាយឡាយខាងក្រោម Liverpool 3 - 0 Villarrea Sevilla 3 - 1 Shakhtar Donetsk

ដោយសារល្បីពេក ក្មេងប្រុសពាក់អាវ​Messi​ច្នៃ​ពី​ថង់​ប្លា​ស្ទិ​ក​ចាក​ចេញពី​អា​ហ្វ​ហ្គា​នី​ស្ថាន​ព្រោះខ្លាចគេចាប់ពង្រត់

ថ្ងៃទី ០៦ ខែ ឧសភា ឆ្នាំ ២០១៦ ម៉ោង ០១:២៩

ក្មេង​ប្រុស Murtasa  Ahmadi អាយុ​៥​ឆ្នាំ ជនជាតិ​អា​ហ្វ​ហ្គា​នី​ស្ថាន​ដែល​ជា​អ្នកគាំទ្រ​កីឡាករ​Lionel Messi ខ្សែប្រយុទ្ធ​ជនជាតិ​អា​ហ្ស​ង់​ទី​ន​របស់​ក្លិប​Barcelona​បាន​ចាក​ចេញពី​ស្រុក​កំណើត​ទៅ​រស់នៅ​ប្រទេស​ប៉ា​គី​ស្ថាន ដោយសារ​ក្រុម​គ្រួសារ​បារម្ភ​ខ្លាច​រូបគេ​ត្រូវ​ក្រុម​ភេរវ​ករ​ចាប់ពង្រត់ ក្រោយ​ពី​ក្លាយជា​មនុស្ស​ល្បី​តាម​ប្រព័ន្ធ​អី​ុ​ន​ធើ​រ​ណេ​ត ដោយសារ​ពាក់អាវ​លេខ​១០​របស់​Messi​ច្នៃ​ពី​ថង់​ប្លា​ស្ទិ​ក​មាន​ឆ្នូត​ផ្ទៃមេឃ​-​ស ដែល​ជា​អាវ​របស់​ក្រុម​ជម្រើសជាតិ​អា​ហ្ស​ង់​ទី​ន ។ គួរបញ្ចាក់ផងដែរថាបន្ទាប់ពីក្មេងនោះបានពាក់ថងមានឈ្មោះ Messi ធ្វើជាអាវរួចមក រូបថតមួយសន្លឹកនោះបានធ្វើអោយល្បីដល់កីឡាករ Messi រួចហើយ កីឡាករ​ Messi ក៏បានទំនាក់ទំនងសហ័ព្ធបាល់ទាត់ប្រទេស អា​ហ្វ​ហ្គា​នី​ស្ថាន​ ដើម្បីបញ្ចូនអាវជម្រើសជាតិអាហ្សង់ទីនដែលមានហត្ថលេខារូបគេផងយកអោយក្មេងម្នាក់នោះ។

ម្ចាស់ក្លិប Leicester City ជូនរង្វាន់រថយន្ត Mercedes ដល់កីឡាករក្នុងក្រុមម្នាក់មួយគ្រឿងៗ

ថ្ងៃទី ០៥ ខែ ឧសភា ឆ្នាំ ២០១៦ ម៉ោង ០៤:១២

លោក Vichai Srivaddhanaprabha ម្ចាស់ក្លិបកញ្រ្ចោង Leicester City ដែលទើបលើកពាន Premier League កាលពីថ្មីៗនេះ នឹងផ្តល់កាដូរជូននៅរថយន្ត Mercedes B-Class Electric Drive ដែលមិនប្រើសាំង ដោយប្រើថាមពលអគ្គិសនីជំនួសវិញ មានតំលៃ 32,670ផោន ជូនកីឡាករ 30នាក់ ក្នុងក្រុមម្នាក់មួយគ្រឿងៗ ជាការលើកទឹកចិត្តសំរាប់ពួកគេ ។ លោកម្ចាស់ក្លិបក៏បានសន្យាទៀតថាលោកនឹងចំណាយរ៉ាប់រងទាំងអស់ក្នុងដំណើរកំសាន្តរបស់ក្រុមទៅកាន់ទីក្រុង  Las Vegas របស់សហរដ្ឋអាមេរិកនៅពេលខាងមុខនេះ។ គួរអោយកត់សម្គាល់ផងដែរថាក្រុម  Leicester City បានធ្វើអោយពិភពបាល់ទាត់ភ្ញាក់គ្រប់ៗគ្នាដោយសារទម្រង់លេងរបស់គេក្នុងមួយឆ្នាំនេះដែលបានធ្វើបានយ៉ាងល្អ ក្លាយទៅជាជើងឯក Premier League លើកទីមួយជាប្រវត្តិសាស្រ្តរបស់ក្លិប ហើយរដូវកាលក្រោយពួកគេមានតំណែងមួយលេងនៅ Champion League ទៀតដែលធ្វើអោយចំណូលរបស់ក្លិបនេះកើនឡើងមួយកំរិតថែមទៀត។ 

Real Madrid ឡើងទៅវគ្គផ្តាច់ព្រ័ត Champion League ដោយសារបាល់ខ្មោចអោយមួយគ្រាប់យកឈ្នះ Man City

ថ្ងៃទី ០៥ ខែ ឧសភា ឆ្នាំ ២០១៦ ម៉ោង ០១:៤៧

ការប្រកួត Champion League វគ្គពាក់កណ្តាលផ្តាច់ព្រ័តបានបញ្ចប់ទៅជាស្ថាពរហើយចំពោះមួយគូរទៀតកាលពីយប់មិញដោយក្រុម Real Madrid បានយកឈ្នះទៅលើក្រុម Man City ដោយលទ្ធផល 1ទល់0 ដែលធ្វើបានដោយសារការសុតរបស់កីឡាករ​ Bale ហើយបាល់ប៉ះជាមួយកីឡាករ Fernando របស់ក្រុម Man City ធ្វើអោយបាល់ចូលទីក្រុមខ្លួនឯង។ រីឯក្រុម At Madrid បានឡើងដល់វគ្គផ្តាច់ព្រ័តការប្រកួត Champion League គឺដោយសារឈ្នះគ្រាប់បាល់ Away Goal ជាមួយក្រុម Bayern Munich កាលពីថ្ងៃអង្គារកន្លងទៅបើទោះជាចាញ់ក្នុងទឹកដី Bayern Munich ដោយលទ្ធផល 2ទល់1 ក៏ដោយ នាំអោយក្រុមយក្សអេស្ប៉ាញពីរប៉ះគ្នារវាង Real Madrid និង At Madrid នៅវគ្គផ្តាច់ព្រ័តដែលការប្រកួតនឹងធ្វើឡើងនៅថ្ងៃទី 28 ខែឧសភា ខាងមុខនេះនៅទីក្រុង Milan របស់ប្រទេសអីុតាលី ។ 

តំលៃខ្លួនរបស់កីឡាករក្រុម Leicester City កើនឡើងខ្ពស់ក្រោយពីទទួលបានជើងឯក Premier League

ថ្ងៃទី ០៣ ខែ ឧសភា ឆ្នាំ ២០១៦ ម៉ោង ០៤:២៦

ក្រុម Leicester City បានយកលើកពានរង្វាន់ Premier League កាលពីយប់មីញហើយ បន្ទាប់ក្រុមលេខ2 Tottenham Hotspur បានលេងត្រឹមតែស្មើរគ្នា 2-2 ជាមួយក្រុមតោខៀវ Chelsea ។ លោកអ្នកប្រាកដជាមិនបានដឹងច្បាស់នោះទេអំពីតម្លៃខ្លួនកីឡាករជំរើស 11នាក់ ដំបូងរបស់ក្រុម Leicester City មុនពេលដែលពួកគេលើកពានគឺមានតម្លៃសរុបទាំងអស់ក្រោម 21លានផោន តែប៉ុណ្ណោះ ខណៈពេលឥលូវនេះដែរតំលៃខ្លួនរបស់ពួកគេបានឡើងថ្លៃដែលគ្រប់គ្នានឹកស្មានមិនដល់។ យើងខ្ញុំសូមបកស្រាយនៅតម្លៃប្រហាក់ប្រហែលរបស់កីឡាករនិមួយៗខាងក្រោមនេះ ៖ អ្នកចាំទី Kasper Schmeichel តំលៃខ្លួនពីមុនគ្មាន , ឥលូវ 12 លានផោនខ្សែការពារកីឡាករ Danny Simpson  តំលៃខ្លួនពីមុន 2លានផោន , ឥលូវ 5 លានផោនខ្សែការពារកីឡាករ Christian Fuchs តំលៃខ្លួនពីមុន គ្មាន , ឥលូវ 6 លានផោនខ្សែការពារកីឡាករ Robert Huth តំលៃខ្លួនពីមុន 3លានផោន , ឥលូវ 7 លានផោនខ្សែការពារកីឡាករ Wes Morgan តំលៃខ្លួនពីមុន 1លានផោន , ឥលូវ 10 លានផោនខ្សែបំរើស្លាបកីឡាករ Marc Albrighton តំលៃខ្លួនពីមុន គ្មាន , ឥលូវ 7 លានផោនខ្សែបំរើកណ្តាលកីឡាករ N'Golo Kante តំលៃខ្លួនពីមុន 5.6លានផោន , ឥលូវ 20 លានផោនខ្សែបំរើកណ្តាលកីឡាករ Danny Drinkwater តំលៃខ្លួនពីមុន 1 លានផោន , ឥលូវ 12 លានផោនខ្សែបំរើប្រយុទ្ធកីឡាករ Riyad Mahrez ដែលទើបតែឈ្នះពានរង្វានកីឡាករល្អបំផុតប្រចាំរដូវកាលដែលមានតំលៃខ្លួនកាលពីមុន 35មឺុនផោន ,  ឥលូវ 35លានផោនខ្សែប្រយុទ្ធកីឡាករ Jamie Vardy តំលៃខ្លួនពីមុន 1លានផោន , ឥលូវ 25លានផោន ខ្សែប្រយុទ្ធសញ្ចាតិជប៉ុនកីឡាករ Shinji Okazaki តំលៃខ្លួនពីមុន 7លានផោន , ឥលូវ 16 លានផោន 

ទីបំផុតក្រុមកញ្ច្រោង Leicester City លើកពាន Premier League ជាលើកដំបូងក្នុងប្រត្តិសាស្រ្តរបស់ក្លិប

ថ្ងៃទី ០៣ ខែ ឧសភា ឆ្នាំ ២០១៦ ម៉ោង ០១:៥៣

បន្ទាប់ពីក្រុម Tottenham លេងបានត្រឹមតែស្មើរគ្នា 2-2 ជាមួយក្រុមតោខៀវ Chelsea បានធ្វើអោយក្តីសុបិន្តរបស់ក្រុម Leicester City ក្លាយទៅជាការពិតដោយបានលើកពាន Premier League ជាលើកដំបូងក្នុងប្រវត្តិសាស្រ្តប្រចាំក្លិបរបស់ខ្លួន។ ដូចតែយើងខ្ញុំបានចុះផ្សាយតាំងពីថ្ងៃអាទិត្យកន្លងទៅរួចមកហើយប្រសិនបើក្រុម Tottenham លេងបានត្រឹមតែស្មើរ ឬចាញ់នោះ ក្រុម Leicester City នឹងលើកពានហើយ ដោយសារតែក្រុមលេខមួយមានពិន្ទុលើសដល់ទៅ 7ពិន្ទូឯណោះ ហើយនៅសល់តែ2ប្រកួតទៀតនឹងបញ្ចប់រដូវកាល។ ខ្ញុំមិនចាំបាច់បរិយាយច្រើនទេឥលូវយើងទៅមើលទិដ្ឋភាពខាងក្រោមនេះដែលបានថតចេញពីផ្ទះរបស់កីឡាករ Vardy និងនៅតាមផ្លូវក្នុងតំបន់របស់ក្រុម  Leicester City ដែលមានអ្នកគាំទ្រជាច្រើនចេញមកអបអរសាទរនៃជ័យជំនះជាប្រវត្តសាស្រ្ត៖ 

Ronaldo ត្រលប់មកកន្លែងហ្វឹកហាត់វិញដើម្បីអោយជាទាន់ពេលប្រកួតជាមួយ Man City

ថ្ងៃទី ០២ ខែ ឧសភា ឆ្នាំ ២០១៦ ម៉ោង ០៤:០៦

កីឡាករ C.Ronaldo បានវិញត្រលប់មកកន្លែងវឹកហាត់របស់ក្លិប Real Madrid វិញហើយបន្ទាប់ពីរបួសសម្រាក់ព្យាបាលថែទាំសុខភាពនៅផ្ទះអស់ជាច្រើនថ្ងៃ ។ ការវិលត្រលប់មកវឹកហាត់នេះគឺរូបគេធ្វើយ៉ាងណាអោយជាទាន់ការប្រកួតពាក់កណ្តាលផ្តាច់ព្រ័តពានរង្វាន់ Champion League តទល់ជាមួយនិងក្រុម Man City នៅក្នុងទឹកដីរបស់ Real Madrid កីឡដ្ឋាន Bernabeu ជើងទីពីរ ដែលនឹងប្រកួតនៅយប់ថ្ងៃពុធទី 5 ឈានចូលថ្ងៃព្រហស្បតិ៍ទី 6 ម៉ោងនៅក្នុងប្រទេសកម្ពុជា។ Ronaldo មិនបានចូលលេងអោយក្រុម Real Madrid ពេលយកឈ្នះទៅលើក្រុម Real Sociedad ដោយលទ្ធផល 1ទល់0 កាលពីថ្ងៃសៅរ៍កន្លងទៅនោះទេ ។ ក្នុងការបង្ហាញខ្លួន 10 ប្រកួតនៅ Champion League កីឡាករ Ronaldo បានសុតបាល់បញ្ចូលទីចំនួន 16គ្រាប់ ដែលឥលូវនេះជាកីឡាករសុតបាល់បញ្ចូលទីបានច្រើនជាងគេ។ 

Leicester City ត្រៀមលើកពាន Premier League រួចហើយប្រសិនបើឈ្នះ Man U នៅរាត្រីនេះ

ថ្ងៃទី ០១ ខែ ឧសភា ឆ្នាំ ២០១៦ ម៉ោង ០៤:៥៥

នៅរាត្រីថ្ងៃអាទិត្យនេះ វេលាម៉ោង 8:05 នាទី ម៉ោងនៅក្នុងប្រទេសកម្ពុជា ក្រុមបិសាច Manchester United នឹងបើកទ្វារផ្ទះស្វាគមន៍ក្រុមលំដាប់កំពូលប្រចាំតារាង Leicester City ។ អ្វីដែលគួរអោយកត់សំគាល់គឺប្រសិនបើក្រុម Leicester ឈ្នះក្រុម Man U នៅការប្រកួតនេះ ពួកគេនឹងលើកពានរង្វាន់ Barclay Premier League លើកទីមួយជាប្រវត្តិសាស្រ្តប្រចាំក្លិបនៅលើទឹកដី Old Trafford  ទោះបីជាក្រុមចំណាត់លេខ2 Tottenham Hotspur យកឈ្នះ ឬក៍ចាញ់ក្រុម Chelsea នៅក្នុងជំនួបថ្ងៃនេះក្តី ស្របពេលដែលអ្នកគាំទ្ររបស់ក្រុម Leicester នៅតាមបណ្តាផ្ទះត្រៀមរៀបចំរួចរាល់អស់ហើយ។  ក្រុមលេខ1 Leicester មានពិន្ទុលើសក្រុម Tottenham Hotspur ដល់ទៅ 7ពិន្ទុ ខណៈដែលការប្រកួតនៅសល់តែចំនួន 2ប្រកួតទៀតប៉ុណ្ណោះ (មិនរាប់ការប្រកួតថ្ងៃនេះ)។ លុះត្រាណាតែក្រុម Leicester ស្មើរ ឬចាញ់ក្រុម Man U ហើយក្រុម Tettenham Hotspur ឈ្នះដាច់ខាតទៅលើក្រុម Chelsea ទើបការប្រជែងយកពានរង្វាន់បន្តទៅសប្តាហ៍ក្រោយទៀត។ និយាយពីក្រុម Man U វិញគឺត្រូវការឈ្នះជាចាំបាច់ផងដែរដើម្បីប្រជែងយកកៅមួយសំរាប់លេងពានរង្វាន់ Champion League នៅរដូវកាលក្រោយ ស្របពេលដែល Man U កំពុងឈរតំណែងលេខ 6 មាន 59ពិន្ទុ ស្មើរគ្នាជាមួយក្រុម West Ham ដែលនៅពីក្រោមក្រុមលេខ 4 Man City មាន 64ពិន្ទុ ។ Jamie Vardy មិនមានវត្តមាននៅក្នុងជំនួបនេះទេ ដោយសារតែរូបគេជាប់បម្រាមរបស់សហព័ន្ធ ចំពោះការសម្តែងអាកប្បកិរិយាមិនសមរម្យទៅលើអាជ្ញារកណ្តាល កាលពីប្រកួតជាមួយក្រុម West Ham ។ សំរាប់ការប្រកួតជើងមុននៅទឹកដីរបស់  Leicester ក្រុមទាំងពីរប្រកួតត្រឹមតែស្មើរគ្នាដោយលទ្ធផល 1ទល់1 តែប៉ុណ្ណោះ។

ប្រភពពី Sky Sport : ក្រុម Manchester United គ្មានកិច្ចព្រមព្រៀងណាមួយជាមួយលោក Jose Mourinho នោះទេ

ថ្ងៃទី ៣០ ខែ មេសា ឆ្នាំ ២០១៦ ម៉ោង ១០:២៥

យោងតាមប្រភពពី Skysport បានអោយដឹងថា ក្រុមបិសាចក្រហម Manchester United គ្មានកិច្ចព្រមព្រាងណាជាមួយ និងលោក Jose Mourinho នោះទេ។ អតីតគ្រូបង្វឹកក្រុម Chelsea និង Real Madrid ត្រូវបានសារព័ត៌មានជាច្រើនរាយការណ៍ថា មានបំណងចង់បានតំណែងជាគ្រូបង្វឹកជំនួសលោក Louis van Gaal នៅរដូវក្តៅនេះ។ បើនិយាយពIអានាគតគ្រូបង្វឹករបស់ Man U បច្ចុប្បន្នលោក Louis van Gaal នេះវិញក៏មិនទាន់ច្បាស់ផងដែរ បើទោះបីជាលោកដឹកនាំក្រុមឆ្ពោះទៅកាន់វគ្គផ្តាច់ព្រ័តពានរង្វាន់ FA Cup ក្នុងរយៈពេល 4ឆ្នាំចុងក្រោយនេះ និងនៅមានឳ្យកាសប្រកួតប្រជែងយកតំណែងក្រុមកំពូលទាំង 4 នៅ Premier League ដើម្បីបានទៅលេង Champion League រដូវកាលក្រោយ។ លោក Laurent Blanc គ្រូបង្វឹកក្រុម Paris Saint-Germain ត្រូវបានផ្សារភ្ជាប់ជាមួយនឹងការមកកាន់ទឹកដី Old Trafford ផងដែរ ខណៈដែលលោក Mauricio Pochettino គ្រូបង្វឹកក្រុម Tottenham ក៏ត្រូវបានពត៌មានជាច្រើនចុះផ្សាយផងដែរ តែឥលូវលោកបានចុះកិច្ចសន្យាបន្តដឹកនាំក្រុម Tottenham រហូតដល់ឆ្នាំ 2021 ថែមទៀត។ បើយោងតាម Skysport បាននិយាយបន្ថែមទៀតថាលោក  Ed Woodward កំពុងតែគិតដោយប្រុងប្រយ័ត្នសំរាប់តំណែងគ្រូបង្វឹក ហើយចំពោះលោក  Louis van Gaal គឺនៅសល់រយៈពេល 12ខែ ទៀតទើបផុតកំណត់កិច្ចសន្យារយៈពេល 3ឆ្នាំ របស់លោក។ប្រភពពី Sky Sport