trollkhmer news

កីឡា

ដឹងឯកសណ្ឋានថ្មីក្រុម Krabi FC របស់ ធារី ចន្ថាប៊ីន តម្លៃប៉ុន្មានទេ?

ថ្ងៃទី ២៣ ខែ កុម្ភះ ឆ្នាំ ២០១៧ ម៉ោង ២៣:៥៦

ក្រុមបាល់ទាត់ Krabi FC ដែលស្ថិតនៅលីគលំដាប់ទី ២ របស់ថៃ បានបង្ហាញឯកសណ្ឋានថ្មីទាំង ៣ ឈុតសំរាប់ប្រើប្រាស់រដូវកាលថ្មីឆ្នាំ ២០១៧ នេះ ។កីឡាករខ្មែរ-បារាំង ធារី ចន្ថាប៊ីន ដែលបានបង្ហាញមុខក្នុងឈុតថ្មីនេះបានអោយដឹងថា៖ ឯកសណ្ឋានថ្មីសំរាប់ប្រកួតក្នុងរដូវកាលថ្មី ២០១៧ នេះមានតម្លៃ ២៣ ដុល្លារ ។ប៉ុន្តែក្លឹប Krabi FC បានបញ្ចេញឯកសណ្ឋានថ្មីដូចរបស់កីឡាករដែរ សំរាប់លក់ដល់អ្នកគាទ្រដែលមិនមានលម្អិត ឡូហ្គូ, ការប្រកួត, ក៏ដូចជា ឈ្មោះ ដែលមាន៣ពណ៌ លឿង , ស និង ខៀវ  ក្នុងតម្លៃ ៣៥០ បាត ( ១០ ដុល្លារ ) ។ ឯកសណ្ឋានថ្មីរបស់ក្រុម អតីតកីឡាករភ្នំពេញក្រោនរូបនេះ គឺផលិតដោយក្រុមហ៊ុនកីឡា PoomPlanet Sport ៕

សេដ្ឋីចិននឹងក្លាយជាម្ចាស់ក្លិប AC Milan ក្នុងពេលឆាប់ៗ បើហ៊ានចាយ ៦២២លានផោន

ថ្ងៃទី ២៣ ខែ កុម្ភះ ឆ្នាំ ២០១៧ ម៉ោង ២០:៥៤

លោក Silvio Berlusconi បានលក់ក្លិប AC Milan ទៅសេដ្ឋីចិនក្នុងតម្លៃ ៦២២លានផោន អតីតប្រធានាធិបតីអ៊ីតាលីនិងជាប្រធានក្លិប AC Milan គឺលោក Silvio Berlusconi បានព្រមព្រៀងលក់ក្លិបធំល្បីល្បាញមួយនេះ ទៅឲ្យមហាសេដ្ឋីមកពីទីក្រុងប៉េកាំង ប្រទេសចិន ក្នុងតម្លៃដ៏ច្រើនសន្ធឹកសន្ធាប់ ៦២២លោនផោន។ ជាស្តែងក្រុមហ៊ុន Sino-Europe Sports Investment Management Changxing (SES) បានយកសំណើរតម្លៃខាងលើទៅពិចារណា ស្របពេលថ្ងៃទី៣ ខែមិនាគឺជាពេលសម្រេចចុងក្រោយរវាងភាគីទាំង២។  ពិតណាស់ អ្នកជំនួញ Berlusconi បានកាន់កាប់ក្លិប AC Milan តាំងពីឆ្នាំ ១៩៨៦ ដោយនាំក្រុមបាល់អ៊ីតាលីមួយនេះ មានប្រជាប្រិយភាពទៅកាន់ពិភពលោកឲ្យស្គាល់។ Silvio Berlusconiសូមរំលឹកបន្តិចថា ម្ចាស់ជើងឯក Serie A ១៨សម័យ បានបង្កើតនៅឆ្នាំ ១៨៩៩ ពោលអស់រយៈពេល ១១៧ឆ្នាំហើយ ដែលមានកីឡដ្ឋាន San Siro ជាទឹកដីផ្ទាល់ខ្លួន ហើយក៏ជាកីឡដ្ឋានធំជាងគេនៅអ៊ីតាលី និងលំដាប់ទី ៧ ប្រចាំទ្វីបអ៊ឺរ៉ុប ដោយគ្រប់ដោយក្រុមហ៊ុន Fininvest។ 

ដឹងអត់ថាលោក Wenger និយាយអ្វីខ្លះពេលប៉ះទង្គិចជាមួយអជ្ញាកណ្តាលទី៤ (មានវីដេអូ)

ថ្ងៃទី ២៣ ខែ កុម្ភះ ឆ្នាំ ២០១៧ ម៉ោង ២០:៣៥

អ្នកចាត់ការ Arsenal លោក Arsene Wenger ត្រូវសហព័ន្ធកីឡាបាល់ទាត់អង់គ្លេស (FA) ដាក់បម្រាមមិនឱ្យនៅកន្លែងបញ្ជាកូនក្រុម(តំបន់បច្ចេកទេស)ចំនួន៤ប្រកួត និងពិន័យជាប្រាក់២៥,០០០ផោន(៣១,៣៣៥ដុល្លារ) បន្ទាប់ពីច្រានមន្ត្រីទី៤អំឡុងការប្រកួត Premier League ឈ្នះ Burnley ២-១ កាលពីថ្ងៃទី២២ខែមករាឆ្នាំ២០១៧។បុរសវ័យ៦៧ឆ្នាំខាងលើទទួលបានកាតក្រហម ហើយត្រូវបានបណ្ដេញឱ្យទៅអង្គុយនៅខាងលើកៅអ្នកគាំទ្រ ក្រោយពីមានប្រតិកម្មនៅម៉ោងបន្ថែម ពេលដែល Burnley ទទួលបានបាល់ពិន័យ១១ម៉ែត្រតាមស្មើ Arsenal មុន Alexis Sanchez ស៊ុតវាយបកយកឈ្នះវិញនៅនាទី៩០+៧។ នៅក្នុងរបាយការណ៍សរសេរទៅកាន់ FA លោក Anthony Taylor បានលម្អិតថា អតីតអ្នកចាត់ការ Monaco បាននិយាយថា “Fuck off” មកកាន់លោកពីរដង មុនពេលនិយាយថា “You are dishonest to your federation” ដែលមានន័យថា (អ្នកមិនស្មោះត្រង់ជាមួយសហព័ន្ធអ្នកទេ) ខណៈដែលលោក Taylor បានឆ្លើយតបមកវិញថា “គិតឲ្យស្រួលបួលមុននឹងលោកនិយាយអ្វី”។ក្រោយចប់ការប្រកួត គ្រូជនជាតិបារាំងបានសូមទោសនិងបានបង្ហាញភាពសោកស្ដាយចំពោះការប្រតិកម្មរបស់ខ្លួន ប៉ុន្តែយ៉ាងណាក៏ដោយ FA នៅតែសម្រេចចោទប្រកាន់មុនពេលចេញលិខិតពិន័យជាផ្លូវការដដែល។

លោក Jose Mourinho រិះគន់​លើកាលវិភាគពានរង្វាន់ FA Cup

ថ្ងៃទី ២៣ ខែ កុម្ភះ ឆ្នាំ ២០១៧ ម៉ោង ១៧:២៤

លោក Jose Mourinho បាន​រិះគន់​ការ​សម្រេច​ចិត្ត​​របស់ក្បាលម៉ាស៊ីនបាល់ទាត់អង់គ្លេស ដែល​ដាក់​ឱ្យ Manchester United ទៅ​ប្រកួត​វគ្គ​៨​ក្រុម​ចុង​ក្រោយ FA Cup ទល់​នឹង Chelsea នៅ​​យប់​ថ្ងៃ​ចន្ទ​​ទី​១៣​ខែ​​មីនា​ គឺ​​ត្រឹម​តែ​៣​ថ្ងៃ​មុន​ប្រកួត​វគ្គ​១៦​ក្រុម​ចុង​ក្រោយ UEFA Europa League​ ដោយ​​ចោទ​ថា​មិន​​​យក​ចិត្ត​ទុក​ដាក់​ចំពោះ​​ផល​ប្រយោជន៍​របស់​ក្លិប​។​អ្នកចាត់ការ​សញ្ជាតិ​ព័រទុយហ្គាល់​ និយាយ​ថា​៖ “ខ្ញុំ​ពិតជា​ភ្ញាក់​ផ្អើល​ដែល​ការ​សម្រេច​ចិត្ត​(FA Cup)​ធ្វើ​ឡើង​នៅ​មុន​ការ​ចាប់​ឆ្នោត Europa League ព្រោះ​ថា​​នៅ​​ខណៈ​នេះ​​មិន​ទាន់​មាន​នរណា​ដឹង​ថា​​យើង​នឹង​លេង​ជុំ​បន្ទាប់​(UEL)​នៅ​ទីនេះ ឬ​ក៏​ជើង​ទី​១​នៅ​ឯណា ជើងទី​២នៅ​ទីណា​នៅឡើយ​ទេ​។ ខ្ញុំ​មិន​អាច​ប្រើ​កីឡាករ​បម្រុង​លេង​ជាមួយ Chelsea ទេ ខ្ញុំ​មិន​អាច​ដាក់ U21​លេង​ជាមួយ Chelsea ដូច Man City ធ្វើ​រដូវ​កាល​មុន​បាន​ឡើយ​។ ខ្ញុំ​មិនអាច​ធ្វើ​បែប​នេះ​បាន​ទេ​ ព្រោះ​យើង​ជា Manchester Untied"។Man Utd ឡើង​ដល់​វគ្គ​១៦ក្រុមចុងក្រោយ​ ពានរង្វាន់ Europa League ជាមួយ​ជ័យជម្នះ​​គ្រាប់​បាល់​សរុប​៤-០​លើ Saint Etienne ក្រោយធ្វើការប្រកួត២ជើង ហើយកំពុង​រង់​ចាំ​អ៊ុត​គូ​ប្រកួត​នៅ​ជុំ​បន្ទាប់​នៅ​ពេល​ចាប់​ឆ្នោត​នៅ​ទីក្រុង Nyon ថ្ងៃ​សុក្រ​សប្ដាហ៍​នេះ​។

ឈិន ឈឿន ៖ ទីលាន មិនមែនជាបញ្ហា សំរាប់ក្រសួងការពារជាតិ ពេលប៉ះ ខេមបូឌានថៃហ្គឺរ ទេ

ថ្ងៃទី ២៣ ខែ កុម្ភះ ឆ្នាំ ២០១៧ ម៉ោង ១៣:៣១

ឈិន ឈឿន សមាជិកក្រុមបាល់ទាត់ក្រសួងការពារជាតិបានអោយដឹងថា ទីលានមិនមែនជាបញ្ហាសំរាប់ក្រុមរបស់ខ្លួន ពេលត្រូវប៉ះក្រុមខេមបូឌានថៃហ្គឺរ នៅថ្ងៃទី ២៥ កុម្ភៈ ២០១៧ នៃការប្រកួតជម្រើសជើងឯកជាតិរដូវកាល ២០១៧ នេះនោះទេ ។ខ្សែការពាររូបនេះបញ្ជក់ថា៖ ទីលានខេត្តសៀមរាបរបស់ក្រុម ខេមបូឌានថៃហ្គឺរ ដែលពិបាកលេងមិនជាបញ្ហានោះទេ អ្វីមានផលប៉ះពាល់ខ្លះៗមែន  ប៉ុន្តែបើពិបាកលេងគឺពិបាកដូចគ្នា ក្រុមយើងក៏ពិបាក ក្រុមគេក៏ពិបាក ដូចច្នេះអ្វីដែលសំខាន់ គឺការខិតខំប្រឹងប្រែង ការហ្វឹកហាត់  ការប្រមូលអារម្មណ៏ និងការសហការគ្នានៅលើទីលាន ។ ការលើកឡើងបែបនេះបន្ទាប់ពីកីឡដ្ឋានសៀមរាបរបស់ក្រុមដែលមានអ្នកគ្រប់គ្រងជនជាតិ ជប៉ុនត្រូវបានជួសជុលក្រោយបានប្រកួត១ប្រកួតរវាង ខេមបូឌានថៃហ្គឺរ និង ក្រុមស៊ីម៉ាក់ កាលពីបើកឆាកជម្រើសជើងឯកជាតិរដូវកាល ២០១៧ ។សូមបញ្ជក់ថា៖ ការប្រកួតរវាងរបស់លោក ទេព ឡុងរចនា  ជាមួយក្រុម លោក Kenichi Yatsuhashi  ត្រូវប្តូរមកប្រកួតនៅកីឡដ្ឋានស្តាតចាស់វិញ ខណៈពេលវេលាមិនមានការផ្លាស់ប្តូរនោះទេ ។កីឡដ្ឋានសៀមរាបកំពុងជួសជុល

អ្នកប្រយុទ្ធ Liverpool, Adam Lallana បន្តកុងត្រា ៤ឆ្នាំ ជាមួយប្រាក់១សប្តាហ៍១៥ម៉ឺនផោន

ថ្ងៃទី ២៣ ខែ កុម្ភះ ឆ្នាំ ២០១៧ ម៉ោង ១១:០៦

ខ្សែបម្រើប្រយុទ្ធ  Adam Lallana បានបន្តកុងត្រាជាមួយក្រុមហង្សក្រហម Liverpool រយៈពេល ៤ឆ្នាំបន្ថែមទៀត ដោយបានផ្តល់ប្រាក់នឿយហត់លើទីលាន ១៥ម៉ឺនផោនក្នុង១សប្តាហ៍ ដូច្នេះបុរសវ័យ ២៨ឆ្នាំ ត្រូវរស់នៅទឹកដី Anfield រហូតដល់២០២១។  រដូវកាលនេះ ជម្រើសអង់គ្លេសអាចរកគ្រាប់បាល់បាន ៧គ្រាប់ ក្នុងការបង្ហាញខ្លួន ២៧ប្រកួត ហើយចំនួនរកបាន ២០គ្រាប់ ក្នុងការបង្ហាញទាំងអស់ ១១៧ប្រកួត។  គួររំលឹកថា អតីតគ្រូបង្វឹកហង្សក្រហម Liverpool លោក Brendan Rodgers បាននាំយក Adam Lallana ពីក្រុមព្រះម៉ារី Southampton ក្នុងតម្លៃ ២០១៤ ក្នុងនាមជាអ្នកបន្តតំណែង Steven Gerrard ។

ខ្សែការពារ Hector Bellerin នៅតែជាគោលដៅលេខ១ របស់ FC Barcelona

ថ្ងៃទី ២៣ ខែ កុម្ភះ ឆ្នាំ ២០១៧ ម៉ោង ០៩:៤៤

រនាំងកាពារកាំភ្លើងធំ Arsenal គឺកីឡាករ Hector Bellerin នៅតែជាគោលដៅលេខ១ របស់ FC Barcelona  នារដូវក្តៅនេះ ក្នុងអំឡុងពេលទីផ្សាដោះដូរកីឡាករបើកសារជាថ្មី។ FC Barcelona ពិតជាមានការសោកស្តាយជាពន់ពេកអំពីលក់កីឡាករ Bellerin ឲ្យក្រុម Arsenal កាលពីឆ្នាំ ២០១១ ដូច្នេះហើយទើបក្រុមយក្សអេស្ប៉ាញតាមដាក់សំណើរម្តងហើយម្តងទៀត ដើម្បីយកសមាជិកអេស្ប៉ាញរូបនេះត្រលប់ទៅកាន់ទឹកដី Camp Nou វិញ។បច្ចុប្បន្ននេះ កីឡាករវ័យ ២១ឆ្នាំគឺជាកូនសោរយ៉ាងសំខាន់របស់លោក Arsene Wenger ជាពិសេស ទើបតែបន្តកុងត្រារហូតដល់ឆ្នាំ ២០២២ ដោយកើនប្រាក់ប្រចាំសប្តាហ៍រហូតដល់ ១០ម៉ឺនផោន។ 

Man Utd ឆ្លងទៅវគ្គ១៦ក្រុមពាន Europa League បើទោះបីសល់គ្នា១០នាក់ (មានវីដេអូ)

ថ្ងៃទី ២៣ ខែ កុម្ភះ ឆ្នាំ ២០១៧ ម៉ោង ០៩:៣៧

ក្រុមបិសាចក្រហម Manchester United បានឆ្លងទៅវគ្គ១៦ក្រុមនៃពានរង្វាន់ Uefa Europa League ក្រោយពីយកឈ្នះក្រុមម្ចាស់ផ្ទះបារាំង Saint-Etienne ដោយលទ្ធផល១ទល់នឹង០ ខណៈសរុបទាំង២ជើង ក្រុមលោក Jose Mourinho ឈ្នះ៤គ្រាប់។នៅក្នុងការប្រកួតនាកីឡដ្ឋាន Geoffroy Guichard ក្រុមភ្ញៀវរកបានគ្រាប់បាល់របស់ខ្លួននៅនាទីទី១៧ ដោយខ្សែបម្រើ Henrik Mkhitaryan ហើយអតីតសមាជិក Dortmund ក៏ត្រូវបានប្តូរចេញពីទីលានផងដែរដោយសារបញ្ហារបួសនៅនាទីទី២៥។បើទោះបីជានៅសល់គ្នា១០នាក់ក្តី ប៉ុន្តែក្រុមភ្ញៀវបានធ្វើការវាយសម្រុកទៅលើក្រុមម្ចាស់ផ្ទះជារឿយៗប៉ុន្តែមិនអាចមានគ្រាប់បាល់កើតឡើងឡើយ។ ការចាប់ឆ្នោតពានរង្វាន់ Uefa Europa League វគ្គ១៦ក្រុមចុងក្រោយនឹងធ្វើឡើងនៅថ្ងៃទី២៤ ខែកុម្ភៈ ដោយជើងទី១នឹងលេងនៅថ្ងៃទី៩ ខែមិនា ហើយជើងទី២ លេងនៅថ្ងៃទី១៦ ខែមិនា។

Real ចាញ់ Valencia ២-១ មែន តែនៅរក្សាតំណែងកំពូលតារាង

ថ្ងៃទី ២៣ ខែ កុម្ភះ ឆ្នាំ ២០១៧ ម៉ោង ០៩:៣៤

ក្រុមអធិរាជសា Real Madrid បានភ្លាត់ស្នៀតចាញ់ក្រុមប្រចៀវខ្មៅ Valencia ដោយលទ្ធផល ២ទល់នឹង ១ នាការប្រកួតបង្គ្រប់ La Liga ហើយក៏ជាបរាជ័យទី២ ផងដែរ ចំណោមទាំង ២២ប្រកួតក្នុងលីគកំពូលអេស្ប៉ាញ។ កីឡដ្ឋាន Mestalla ពិតជាអំណោយផលដល់ក្រុមម្ចាស់ផ្ទះ Valencia ពោលត្រឹមនាទី៩ សោះអាចបំប៉ោងសំណាញ់ទីបានទៅដល់ ២គ្រាប់ ជាស៊ុតរបស់ ខ្សែប្រយុទ្ធ Simone Zaza  នាទី ៤ និង Fabian Orellana  នាទី ៩។ ខ្វះ១នាទីបញ្ចប់វគ្គទី១ Cristiano Ronaldo អាចតែតឲ្យ Real Madrid តាមសងបាន១គ្រាប់វិញ។  ទោះបីជាចាញ់លើកនេះ ប៉ុន្តែ Real Madrid នៅតែឈរកំពូលតារាង La Liga ដដែល ស្របពេលជារឿងល្អរបស់ក្រុមលេខ២ Barcelona មានគំលាតគ្នាត្រឹម ១ពិន្ទុ ខណៈ Real នៅសល់១ប្រកួតក្នុងដៃទៀត៕