trollkhmer news

កីឡា

Man Utd ប៉ះ FC Rostov ខណៈ Lyon ជួប Roma វគ្គ ១៦ ក្រុម Europa League

ថ្ងៃទី ២៥ ខែ កុម្ភះ ឆ្នាំ ២០១៧ ម៉ោង ០៩:៥០

លទ្ធផល នៃ ការ ចាប់ ឆ្នោត គូ ប្រកួតបាល់ទាត់ កម្មវិធី UEFA Europa League វគ្គ ១៦ ក្រុម ចុង ក្រោយ បាន ចេញហើយ កាលពីល្ងាច ថ្ងៃ សុក្រ ម្សិលមិញនេះ ដោយក្រុមបិសាចក្រហម Manchester United របស់ អង់គ្លេស នឹងត្រូវជួប ក្រុមរុស្ស៊ី FC Rostov​ ខណៈដែល Lyon ត្រូវជួបជាមួយ​ AS Roma។ការប្រកួត វគ្គ ១៦ ក្រុម ជើងទី១នឹងចាប់ ផ្ដើម ថ្ងៃទី០៩ ខែ មីនា ខណៈដែលជើងទី២នឹងធ្វើឡើងនិង ថ្ងៃទី១៦​ ខែ មិនា ៕

អតីតកីឡាករបារាំង Petit ព្យាករណ៍ថា Griezmann នឹងមក Man Utd នៅឆ្នាំក្រោយដោយសារមូលហេតុមួយ

ថ្ងៃទី ២៤ ខែ កុម្ភះ ឆ្នាំ ២០១៧ ម៉ោង ២១:៤៦

អតីតខ្សែបម្រើក្រុមមាន់គកបារាំង Emmanuel Petit ព្យាករណ៍ថាខ្សែប្រយុទ្ធ Antoine Griezmann នឹងចុះកិច្ចសន្យាជាមួយ Manchester United នៅឆ្នាំក្រោយដោយសារហេតុផលតែមួយគត់នោះគឺទំនាក់ទំនងជាមួយខ្សែបម្រើ Paul Pogba។សមាជិកដែលឈ្នះពានបាល់ទាត់ពិភពលោកនៅឆ្នាំ១៩៩៨ បានឲ្យដឹងថា អតីតកីឡាករ Real Sociedad នឹងចេញពី Atletico Madrid មកកាន់ប្រទេសអង់គ្លេសនៅឆ្នាំក្រោយ ដោយអះអាងថាកីឡាករវ័យ២៥ឆ្នាំរូបនេះនឹងកាន់តែជោគជ័យពេលលេងរួមគ្នាជាមួយខ្សែបម្រើ Pogba។Antoine Griezmann អាចនឹងមានតម្លៃខ្លួនប្រមាណជាង៨៥លានផោនស្មើនឹងមិត្តរួមជាតិ Paul Pogba ក្នុងនាមជាកីឡាករថ្លៃលើលោក បើសិនជាយល់ព្រមចុះហត្ថលេខាមកកាន់ទឹកដី Old Trafford។

ខ្សែប្រយុទ្ធណាហ្គាវើល ឃឹម បូរី និយាយអ្វីខ្លះពេលប៉ះក្រុមចាស់របស់ខ្លួនក្នុងសប្តាហ៍នេះ

ថ្ងៃទី ២៤ ខែ កុម្ភះ ឆ្នាំ ២០១៧ ម៉ោង ២១:៣៦

ការប្រកួតសប្តាហ៍ទី ២ ជម្រើសជើងឯកជាតិរដូវកាល ២០១៧ ថ្ងៃទី ២៥ កុម្ភៈ ២០១៧ ក្រុម បាល់ទាត់ណាហ្គាវើល នឹងត្រូវប៉ះក្រុម ភ្នំពេញក្រោន នាពហុកីឡដ្ឋានជាតិអូឡាំពិកកម្ពុជា វេលាម៉ោង ៦ ល្ងាច ។ក្នុងជំនួបនេះ ឃឹម បូរី ខ្សែប្រយុទ្ធណាហ្គាវើល បានអោយដឹងថា៖បន្ទាប់ពីទទួលបានជ័យជំនៈលើក្រុម អគ្គីសនីកម្ពុជា ៤ ទល់នឹង ១ ក្រុមរបស់យើងនៅមានចំនុចខ្វៈខាតខ្លះៗដែលត្រូវកែប្រែបន្ថែម ។ អតីតកីឡាករភ្នំពេញក្រោន រូបនេះបន្តថា ក្រុមភ្នំពេញក្រោនបច្ចុប្បន្នសំបូរកីឡាករក្មេងៗច្រើន ដែលមានទេពកុសល្យ និង ភាពឆ្លាតវៃនៅលើទីលានប្រកួត ប៉ុន្តែលោកជឿថា ក្រុមលោកនឹងរកបាន ៣ ពិន្ទុបន្ថែម ទៀត ។សូមបញ្ជក់ថា៖ ក្រុមរបស់លោក មាស ចាន់ណា ឆ្លងកាត់មួយប្រកួតមាន ៣ ពិន្ទុ ខណៈក្រុមដែលដឹងនាំដោយបុរសជនជាតិអុញក្រែន Oleg Starynskyi  ក៏មាន ៣ ពិន្ទុដូចគ្នាផងដែរ បន្ទាប់ពីបើកឆាកឈ្នះអាស៊ី អឺរ៉ុប ៣ ទល់នឹង ០ ៕

អ្នកប្រដាល់អង់គ្លេសអាចជាដៃគូលើសង្វៀនបន្ទាប់របស់ Manny Pacquiao នាពេលខាងមុខនេះ

ថ្ងៃទី ២៤ ខែ កុម្ភះ ឆ្នាំ ២០១៧ ម៉ោង ១៦:២៨

តាមការបញ្ជាក់របស់កាសែតកីឡារបស់សហរដ្ឋអាមេរិក កំពូលអ្នកប្រដាល់អាស៊ី Manny Pacquiao អាចនឹងមានលទ្ធភាពប៉ះជាមួយអ្នកប្រដាល់អង់គ្លេស Amir Khan នៅពេលខាងមុខនេះ។មានពាក្យចចាមអារ៉ាមជាច្រើនមកហើយថា Pacquio អាចនឹងវ៉ៃជាមួយ Khan  ប៉ុន្តែអ្នកផ្គូផ្គងការប្រកួតរបស់ PacMan លោក Bob Arum បានចេញមុខមកបដិសេធថាជារឿងមិនពិត។ យ៉ាងណាក្ដី នៅថ្ងៃនេះអ្នកប្រដាល់ហ្វីលីពីន បានបង្ហើបលើបណ្ដាញសង្គម Twitter ថា ពួកគេកំពុងចរចាពីការប្រកួតនេះ។ “ក្រុមការអាររបស់ខ្ញុំ និងខ្ញុំកំពុងចរចាជាមួយ Amir Khan សម្រាប់ការឡើងវ៉ៃនៅប្រកួតបន្ទាប់។ អ្វីៗនឹងបានដឹងក្នុងពេលឆាប់ៗនេះ”។ ចំណែកឯ Amir Khan វិញបានចេញមុខមកបដិសេធអំពីបញ្ហានេះដោយបាននិយាយថា៖ “ខ្ញុំមិនបានដឹងរឿងអ្វីឡើយ អ្វីៗគ្រាន់តែជាពាក្យចចាមអារ៉ាមតែប៉ុណ្ណោះ។គួរបញ្ជាក់ផងដែរថា  ក្រោយពីត្រលប់មកពីចូលនិវត្តន៍វិញ Manny Pacquiao បានប្រកួតឈ្នះទៅលើកីឡាករ Jessi Vargas ខណៈដែល Amir Khan បានចាញ់កីឡាករ Canelo Álvarez ក្នុងទឹកទី៦។

Philippe Coutinho ឈ្នះ Neymar និង Marcelo លើកពានកីឡាករប្រេស៊ីលឆ្នើមជាងគេនៅទ្វីបអឺរ៉ុប

ថ្ងៃទី ២៤ ខែ កុម្ភះ ឆ្នាំ ២០១៧ ម៉ោង ១៤:២០

កាលពីពេលថ្មីៗនេះខ្សែបម្រើ Philippe Coutinho បានប្រជែងឈ្នះមិត្តរួមជាតិ Neymar, Casemiro និង Marcelo ដើម្បីឈ្នះពានរង្វាន់ Samba Gold ក្នុងនាមជាកីឡាករប្រេស៊ីលឆ្នើមជាងគេនៅទ្វីបអឺរ៉ុបប្រចាំឆ្នាំ២០១៦។កីឡាករកម្ពស់១.៧១ម៉ែត្រខាងលើបានដើរតួយ៉ាងសំខាន់ក្នុងការជួយក្រុមជម្រើសជាតិប្រេស៊ីលឈរលេខ១ក្នុងវគ្គជម្រុះ FIFA World Cup ឆ្នាំ 2018 នៅអាមេរិកខាងត្បូង ហើយបំប៉ោងសំណាញ់ទីបាន១៣គ្រាប់ឲ្យក្រុមហង្សក្រហម Liverpool នៅក្របខ័ណ្ឌ Premier League នារដូវកាលនេះផងដែរ។អតីតកីឡាករ Inter Milan បានឈ្នះពានកិត្តិសយសនេះតាំងពីខែធ្នូឆ្នាំមុនម្ល៉េះ ប៉ុន្តែរង់ចាំរហូតដល់ថ្ងៃព្រហស្បតិ៍ទី២៣ខែកុម្ភៈឆ្នាំ២០១៧ ទើបទទួលបានពានជាផ្លូវការ ដោយបានបង្ហាញនៅទីលានហ្វឹកហាត់របស់ក្រុមជើងឯកលីគកំពូលអង់គ្លេស១៨សម័យ។

Man Utd ជាក្រុមអង់គ្លេសតែមួយគត់ឆ្លងទៅវគ្គ ១៦ក្រុម UEL

ថ្ងៃទី ២៤ ខែ កុម្ភះ ឆ្នាំ ២០១៧ ម៉ោង ១៣:៤០

ការប្រកួតបាល់ទាត់ពានរង្វាន់ទ្វីបអឺរ៉ុបលំដាប់ទី២ UEFA Europa League បានរកឃើញក្រុមជើងខ្លាំងទាំង១៦ ហើយ ស្របពេលឆ្នាំនេះក្រុមមកពីអង់គ្លេសមានតែ១ក្រុមគឺ Manchester United។ ជាក់ស្តែង ក្រុមប៊ែលហ្សិកច្រើនជាងគេរហូតដល់ ៣ក្រុម ( Anderlecht, Genk និង Gent ) រីឯ អាល្លឺម៉ង់មាន ២ក្រុម ( Monchengladbach និង Schalke 04 ) ចំពោះរុស្ស៊ីមាន ២ក្រុមដែរ  ( Krasnodarនិង Rostov) ក្រៅពីនោះ ក្រុម Ajax របស់ហូឡង់ ក្រុម APOEL របស់ប្រទេសស៊ីប, ក្រុមរបស់តួកគីគឺ Besiktas ក្រុម Celta Vigo មកពីអេស្ប៉ាញ ក្រុម Copenhagen មកពីដាណាម៉ាក  ក្រុម Lyon របស់បារាំង ក្រុមមកពីក្រិក Olympiacos ក្រុមចចកអ៊ីតាលី Roma។ជើងទី១នៃវគ្គ១៦ក្រុមក្រោយ ចាប់ផ្តើមនៅថ្ងៃទី ៩ មិនា ខណៈដែល ជើងទី២ នៅថ្ងៃទី ១៦ មិនា៕ 

ភួង សុខសាណា អាចវិលចូលទីលានហ្វឹកហាត់វិញបន្ទាប់ពីសំរាករយៈ៦ខែ

ថ្ងៃទី ២៤ ខែ កុម្ភះ ឆ្នាំ ២០១៧ ម៉ោង ១១:០១

ខ្សែប្រយុទ្ធក្រុមបាល់ទាត់ជម្រើសជាតិកម្ពុជា ភួង សុខសាណា អាចវិលចូលទីលានហ្វឹកហាត់បានវិញហើយក្នុងសប្តាហ៍នេះ បន្ទាប់ពីសំរាកព្យាបាលអស់រយៈពេល៦ ខែ ចាប់តាំងពីមានបញ្ហារបួសជង្គង់ក្នុងអំឡុងការប្រកួតមិត្តភាពរវាងជម្រើសជាតិកម្ពុជា ជាមួយ ទីម័រ កាលពីថ្ងៃទី ២៩ ខែឧសភា ឆ្នាំ ២០១៦ ដែលរូបគេរកបាន១គ្រាប់ក្នុងជ័យជំនៈ ២ ទល់នឹង ០។កីឡាករដែលលេងអោយក្រុមក្រសួងការពារជាតិរូបនេះ បានអោយថា៖ បន្ទាប់ពីវះកាត់ក្នុងប្រទេសវៀតណាម អស់រយៈ៦ខែហើយដែលគេខកខានចូលទីលានប្រកួត ហើយការចូលហ្វឹកហាត់នេះក៏មិនទាន់អាចចូលរួមជាមួយសមាជិកក្នុងក្រុមបាននោះដែរ ពោលគឺត្រឹមហាត់ចលនាបានតិចៗ និង ហាត់នៅ (Gym) តែប៉ុនណ្ណោះ ព្រោះមិនទាន់ជា១០០% ។កីឡាករកូនមួយរូបនេះ រពឹងថា ការប្រកួតជុំទី២ជម្រើសជើងឯកជាតិរដូវកាល ២០១៧ និង ពានរង្វាន់ ហ៊ុន សែន ខាប់ ចាប់ផ្តើមទើបគេអាចចូលទីលានប្រកួតវិញបាន ៕

អ្នកប្រយុទ្ធគុនខ្មែរ ៤ រូបត្រូវបញ្ចេញសមត្ថភាពក្នុងទឹកដី ៣ កម្មវិធីផ្សេងគ្នានៅសប្តាហ៍នេះ

ថ្ងៃទី ២៤ ខែ កុម្ភះ ឆ្នាំ ២០១៧ ម៉ោង ១០:២០

អ្នកប្រយុទ្ធគុនខ្មែរ ៤ រូបនឹងត្រូវធ្វើការប្រកួតក្នុងទឹកដីប្រទេសថៃ ៣ កម្មវិធីផ្សេងគ្នាក្នុងសប្តាហ៍នេះ ក្នុងនោះរូបមាន ថុល មករា , មាស ម៉ើ , អេ យ៉ានុត និង មឿន សុខហ៊ុច ។អ្នកប្រដាល់នៃសាលាគុន ឃ្លាំងមឿងកីឡា ថុល មករា ប្រកួតជាមួយកីឡាករថៃ ផិតដាំ ខេមមួយថា ក្នុងប្រភេទទម្ងន់ ៦៥ គីឡូក្រាម ក្នុងកម្មវិធី MX MUAY XTREME នាថ្ងៃទី ២៤ កុម្ភៈ ២០១៧ ។ អ្នកប្រដាល់គុនជម្រុះ មាស ម៉ើ និង កីឡាការនី អេ យ៉ានុត ត្រូវចូលរួមក្នុងកម្មវិធីប្រកួតក្នុងទ្រុង Full Metal Dojo នៅថ្ងៃទី ២៥ កុម្ភៈ នាទីក្រុម បាងកក ។ សំរាប់ដៃគូ គេមិនទាន់ដឹងច្បាស់ថានរណានោះទេ ។មឿន សុខហ៊ុច ត្រូវប្រជែងយកខ្សែក្រវាត់មាសប្រភេទទម្ងន់ ៦៥ គីឡូក្រាម ក្នុងកម្មវិធី Max Muay Thai នៅថ្ងៃទី ២៦ កុម្ភៈ ២០១៧ នាទីក្រុង ផាតាយ៉ា ដោយប្រកួតវិលជុំ ( ម៉ារ៉ាតុង ) ដោយបេក្ខភាព ៣ នាក់ផ្សេងទៀត ដូចជា៖ Guillaume Pascal ជនជាតិបារាំង , Fabrice Delannon ជនជាតិ France Guiana និង កីឡាករសញ្ជតិវេល Luke Bar ៕

គ្រូបង្វឹក Leiceister លោក Claudio Ranieri អស់តំណែង បន្ទាប់ពីសាងប្រវត្តិសាស្រ្តបាន ៩ខែ

ថ្ងៃទី ២៤ ខែ កុម្ភះ ឆ្នាំ ២០១៧ ម៉ោង ០៩:១៦

លោក Claudio Ranieri ត្រូវបានដកហូតតំណែងជាគ្រូបង្វឹក Leicester City ក្រោយពីជួយក្រុមឈ្នះតំណែងជើងឯក Premier League បានរយៈពេល៩ខែ។ជាការពិតបច្ចុប្បន្ននេះ ក្រុមកញ្ជ្រោងខៀវស្ថិតនៅពីលើតំបន់គេកាត់ចោលតែមួយពិន្ទុប៉ុណ្ណោះ ខណៈរដូវកាល២០១៦-១៧ នៅសល់១៣ប្រកួតទៀត។ ការបណ្តេញពីតំណែងជាអ្នកចាត់ការទូទៅ បានកើតឡើងមិនដល់២៤ម៉ោងផងក្រោយចាញ់ Sevilla ២ទល់នឹង១នៅជើងទី១ វគ្គ១៦ក្រុម UEFA Champions League។ក្រុមម្ចាស់ជាមហាសេដ្ឋីថៃបានឈ្នះពាន Premier League ដោយលើសគូប្រជែង១០ពិន្ទុ ប៉ុន្តែរដូវកាលនេះពួកគេអាចក្លាយជាក្រុមការពារតំណែងកំពូលលើកដំបូង ចាប់តាំងពីឆ្នាំ១៩៣៨មក ដែលត្រូវធ្លាក់ទៅលីគក្រោមភ្លាមៗ៕ម្ចាស់ក្លិប Leicester City