trollkhmer news

កីឡា

Messi និង Neymar អាចលេងជាមួយគ្នាម្តងទៀត បើ Laporta យល់ព្រមលើកិច្ចព្រមព្រៀងដៃគូរឧបត្ថម្ភថ្មីចំនួន ៥០០ លានអឺរ៉ូ

ថ្ងៃទី ២៩ ខែ មេសា ឆ្នាំ ២០២១ ម៉ោង ១១:០៧

អេស្ប៉ាញ៖ ប្រធានក្លឹប Barcelona លោក Joan Laporta កំពុងតែយល់ព្រមលើកិច្ចព្រមព្រៀងឧបត្ថម្ភចំនួន ៥០០ លានអឺរ៉ូដែលអាចឱ្យក្លឹបអាចបំពេញតំរូវការហិរញ្ញវត្ថុរបស់កីឡាករ Lionel Messi ហើយក៏បានចុះហត្ថលេខាជាមួយ Neymar ពី PSG ផងដែរ នេះបើយោងតាម Elchiringuito TV ។ព័ត៌មានលម្អិតនៃកិច្ចព្រមព្រៀងនៅតែមិនទាន់ច្បាស់នៅឡើយទេនៅពេលនេះ ព្រោះពួកគេមិនត្រូវបានប្រភពបញ្ជាក់ឱ្យដឹងទេ។ ក្លឹបបាសេឡូណា កំពុងតែមានបញ្ហាហិរញ្ញវត្ថុយ៉ាងធ្ងន់ធ្ងរជាមួយនឹងក្លឹបដែលបានជំពាក់បំណុលទឹកប្រាក់ចំនួន ១ ពាន់លានអឺរ៉ូឯណោះ។ទោះបីជាយ៉ាងណាក៏ដោយ លោក Laporta បានប្តេជ្ញាចិត្តនាំយក Barca ត្រឡប់មកវិញក្នុងនាមជាអ្នកប្រជែងដណ្តើមជើងឯកក្របខ័ណ្ឌ Champions League ។ ឈ្មោះរបស់ Neymar ត្រូវបានផ្សារភ្ជាប់យ៉ាងខ្លាំងទៅនឹង Barcelona ក្នុងប៉ុន្មានសប្តាហ៍ថ្មីៗនេះ ដោយប្រធាន Barca បានបញ្ជាក់ថាគាត់ចូលចិត្តអតីតខ្សែប្រយុទ្ធស្លាបរបស់ខ្លួនរូបនេះ។ទន្ទឹមនឹងនេះដែរ Messi កំពុងស្ថិតក្នុងសប្តាហ៍ចុងក្រោយនៃកិច្ចសន្យារបស់គាត់ជាមួយ Barca ខណៈដែល PSG នៅតែបន្តបង្ហាញចំណាប់អារម្មណ៍ចង់បាន។ មានសេចក្ដីរាយការណ៍ថា ក្រុមយក្សបារាំង PSG បានរៀបចំកិច្ចព្រមព្រៀងដ៏ធំមួយសម្រាប់ប្រធានក្រុម Barcelona រូបនេះរួចរាល់ហើយ៕

អ៊ីស្រាអែល បានក្លាយជាប្រទេសមានអាជ្ញាកណ្តាលប្តូរភេទដំបូងគេបំផុត ក្នុងប្រវត្តិសាស្ត្របាល់ទាត់

ថ្ងៃទី ២៩ ខែ មេសា ឆ្នាំ ២០២១ ម៉ោង ១១:០៣

អ៊ីស្រាអែល៖ សមាគមបាល់ទាត់អ៊ីស្រាអែល បានក្លាយជាស្ថាប័នគ្រប់គ្រងបាល់ទាត់ដំបូងគេនៅលើពិភពលោក ដែលបានតែងតាំងអាជ្ញាកណ្តាលប្តូរភេទ។ លោក Sapir Berman ក្លាយជាអាជ្ញាកណ្តាលប្តូរភេទដំបូងគេក្នុងប្រវត្តិសាស្ត្របាល់ទាត់។ FA របស់អ៊ីស្រាអែលបានសរសេរនៅលើ Twitter អំពីរឿងនោះដោយបញ្ជាក់ថា៖ “យើងពិតជាមានមោទនភាពណាស់”។មុនពេលកែភេទពីបុរសទៅជានារី លោក Berman ជាអាជ្ញាកណ្តាលបាល់ទាត់ដែលមានឈ្មោះដំបូងថា ‘Sagi’ បន្ទាប់ពីការផ្លាស់ប្តូរភេទមក ឥឡូវនេះនាងត្រូវបានប្ដូរឈ្មោះទៅជា ‘Sapir’ វិញ។នាង Berman ត្រូវបានដកស្រង់សម្តីដោយកាសែត Times of Israel ថា៖ “ខ្ញុំតែងតែឃើញខ្លួនឯងជាមនុស្សស្រីតាំងពីនៅក្មេង។ ដំបូងខ្ញុំមិនដឹងពីរបៀបដាក់ឈ្មោះ ខ្ញុំមិនដឹងថាត្រូវហៅវាយ៉ាងម៉េចទេ។ ប៉ុន្តែតែងតែមានការចាប់អារម្មណ៍ចំពោះភេទស្ត្រី។ ហើយមានការច្រណែននឹងស្ត្រីដទៃទៀត ហើយខ្ញុំបានរស់នៅជាមួយវា ខ្ញុំបានរស់នៅជាមួយវា ជាបុគ្គលិកលក្ខណៈបុរសខ្លាំងម្នាក់”៕

Barcelona កំពុងចាប់អារម្មណ៍ចង់ទិញខ្សែការពារ Matthijs de Ligt របស់ Juventus

ថ្ងៃទី ២៩ ខែ មេសា ឆ្នាំ ២០២១ ម៉ោង ១០:៥៨

បរទេស៖ ខ្សែការពារសញ្ជាតិហូឡង់ Matthijs de Ligt របស់ក្រុម Juventus ត្រូវបានគេរាយការណ៍ថាបានក្លាយជាគោលដៅផ្ទេរដ៏មានសក្តានុពលមួយរបស់ក្រុមខ្លាំង Barcelona ។ ខ្សែការពារតម្លៃខ្លួនកប់ពពករបស់ Juventus រូបនេះមិនទាន់បានសាងភាពលេចធ្លោឲ្យសមនឹងតម្លៃខ្លួននៅឡើយ បើទោះបីជាបង្ហាញខ្លួនបាន ៦៩ ប្រកួតចាប់តាំងពីការផ្ទេរមកក្នុងតម្លៃខ្លួន ៦៧.៥ លានផោនពីក្លឹប Ajax ក្នុងឆ្នាំ ២០១៩ ។បញ្ហាផ្នែកហិរញ្ញវត្ថុ ក៏ដូចជារឿងរ៉ាវទាក់ទងនឹងជំងឺរាតត្បាតបាននាំឲ្យក្លិបសេះបង្កង់ Juventus ឈានដល់ការពិចារណាលើការលក់កីឡាករខ្លះចេញដើម្បីស្តាស្ថានការណ៍ហិរញ្ញវត្ថុរបស់ខ្លួន ខណៈដែល​ក្លិប Barcelona កំពុងតែចាប់អារម្មណ៍លើខ្សែការពាររូបនេះ។យោងតាមកាសែត El Chiringuito បានអោយដឹងថាក្រុម Barcelona អាចនឹងកំពុងតែប៉ុនប៉ងក្នុងការជះលុយទិញយកខ្សែការពារវ័យ២១ឆ្នាំរូបនេះនៅចុងរដូវកាលខាងមុខនេះ។ចំពោះ Barcelona វិញទាក់ទងនឹងបញ្ហាហរញ្ញវត្ថុក្លឹបពួកគេអាចនឹងធ្វើការដោះដូរកីឡាករខ្លះចេញ និងទិញចូលថ្មីឲ្យសមស្របទៅនឹងការចំណាយរបស់ក្លិប៕

Neymar៖ ខ្ញុំមិនខ្វល់ពីរឿង Ballon d'Or នោះទេ

ថ្ងៃទី ២៩ ខែ មេសា ឆ្នាំ ២០២១ ម៉ោង ១០:៤៨

បារំាង៖ ខ្សែ​ប្រយុទ្ធ​ប្រេស៊ីល​កីឡាករ Neymar បាន​លើកឡើង​កាល​ពី​ពេល​ថ្មីៗ​នេះ​ថា ខ្លួន​មិន​ខ្វល់​ពី​រឿង​ Ballon d'Or នោះ​ទេ។កីឡាករ​រូប​នេះ​បាន​លើកឡើង​ថា៖ " ឆ្នាំ​នេះ​ខ្ញុំ​សប្បាយ​ចិត្ត​ជាមួយ​ក្លឹប PSG ណាស់។ ខ្ញុំ​មិន​ទាំង​ខ្វល់​ពី​រឿង Ballon d'Or អ្វី​ផង និយាយ​ទៅ​ខ្ញុំ​មិន​ដែល​គិត​នោះ​ទេ។ ខ្ញុំ​ឈប់​គិត​ពី​រឿង​នេះ​យូរ​ហើយ " ។Neymar បាន​បន្ត​ថា៖ " ខ្ញុំ​មិន​ខ្វល់​ទេ។ ខ្ញុំ​ចង់​ឈ្នះ Champions League ដែល​ផ្លាស់​ប្ដូរ​ជីវិត​របស់​ខ្ញុំ ជាពិសេស​អាជីព។ ពេល​ដែល​ខ្ញុំ​ចាស់​ទៅ ខ្ញុំ​ចង់​មើល​មក​ក្រោយ​វិញ​ថា ខ្ញុំ​បាន​ឈ្នះ​ Champions League ម្ដង ២ដង ៣ដង ឬ​ក៏ ៤ដង​។ ហ្នឹង​ហើយ​ជា​រឿង​សំខាន់ " ៕

Hazard នឹងក្លាយជាកីឡាករឆ្នើមជាងគេលើលោកបើមកលេងនៅក្លឹប Barcelona

ថ្ងៃទី ២៨ ខែ មេសា ឆ្នាំ ២០២១ ម៉ោង ១៦:១២

បរទេស៖ លោក​ John Bico អតីត​ភ្នាក់ងារ​កីឡាករ​របស់​ខ្សែ​ប្រយុទ្ធ​ Eden Hazard បាន​និយាយ​កាល​ពីពេល​ថ្មីៗ​នេះ​ថា​ Hazard នឹង​ក្លាយ​ជា​កីឡាករ​ឆ្នើម​ជាង​គេ​នៅ​លើ​ពិភពលោក​ ប្រសិន​ជា​ពេល​នោះ​គេ​សម្រេច​មក​លេង​ឲ្យ​ Barcelona ហើយ​បោះ​ចោល​ក្ដី​ស្រមៃ​មក​ Real Madrid ។លោក​ Bico បាន​និយាយ​ថា​៖" និយាយ​ទៅ​មនុស្ស​យើង​អត់​យល់​ ហើយ​ភ្លេច​គិត​ថា​ Real Madrid ទាម​ទារ​តម្រូវការ​ធ្ងន់​ណាស់​។ នៅហ្នឹង​មាន​របៀប​របប​ច្រើន​ ទាម​ទារ​កាយ​សម្បទា​ខ្លាំង​ រឹង​មាំ​ លឿន​រហ័ស​ណាស់​។ មនុស្ស​ខ្លាំង​ៗ​ដូច​ Jame Rodriguez ហើយ​ហ្នឹង​នៅ​តែ​សម្រប​ជា​មួយ​ក្លឹប​នេះ​មិន​បាន​ទេ​។ អញ្ចឹង​ហើយ​ត្រង់​ចំណុច​ Hazard គេ​មិន​សម​ជា​កីឡាករ​ Real ទេ​ គេ​សាក​សម​នឹង​ Barca ជាង​ "។លោក​បាន​បន្ត​ថា​៖" Barca ជា​ក្លឹប​ដែល​គេ​គួរ​តែ​ទៅ​ ព្រោះ​នៅ​ទី​នោះ​គ្រាប់​បាល់​លឿន​ជាង​កីឡាករ​។ នៅ​ Barca គេ​មាន​សេរីភាព​ក្នុង​ការ​បញ្ចេញ​សមត្ថភាព​លើ​ទីលាន​ប្រកួត​ជាង​។ គេ​អាច​នឹង​យក​បាល់​មក​នៅ​ជើង​គេ​បាន​រហូត​ អញ្ចឹង​ហើយ​គេ​នឹង​ក្លាយ​ជា​កីឡាករ​ឆ្នើម​ជាង​គេ​លើ​លោក​នេះ​បាន​តែ​ម្ដង​ "។Hazard បាន​សម្រេច​ចិត្ត​មក​លេង​ឲ្យ​ Real ហើយ​បោះ​ចោល​ការ​ទៅ​លេង​នៅ​ Barca ក្រោយ​ចាកចេញ​ពី Chelsea នៅ​ឆ្នាំ​២០១៩ ដោយ​មក​ទល់​នឹង​ពេល​នេះ​កីឡាករ​ចូល​រួម​លេង​ឲ្យ​ក្លឹប​នេះ​បាន​ ៣៧​ប្រកួត​ និង​រកគ្រាប់​បាល់​បាន​ ៤គ្រាប់​៕

Inter Milan ក្លាយជាក្រុមមួយផ្សេងទៀតចូលរួមតាមទិញ Sergio Aguero ពី Man City

ថ្ងៃទី ២៨ ខែ មេសា ឆ្នាំ ២០២១ ម៉ោង ១៦:០៦

បរទេស៖ យោងតាមគេហទំព័រ Calcio Mercato បានឱ្យដឹងថាក្រុម Inter Milan បានចូលរួមក្នុងការប្រណាំងដើម្បីចុះហត្ថលេខាលើខ្សែប្រយុទ្ធ Sergio Aguero របស់ក្រុម Manchester City ។ក្រុម Barcelona និង Juventus ក៏កំពុងតែដេញតាមខ្សែប្រយុទ្ធជម្រើសជាតិអាហ្សង់ទីនវ័យ ៣២ឆ្នាំរូបនេះដែលគ្រោងចាកចេញពីកីឡដ្ឋាន Etihad ក្នុងនាមជាភ្នាក់ងារឥតគិតថ្លៃនៅរដូវក្តៅនេះ។ ស្របពេលក្លិបដែលត្រូវបានផ្សាភ្ជាប់ខ្លាំងជាងគេពោលគឺ Barcelona ហើយក៏លេចព័ត៌មានថា Aguero ទទួលបានកិច្ចសន្យារយៈពេល ២ឆ្នាំរួចរាល់ហើយនៅទឹកដីអេស្ប៉ាញ។តែទោះជាយ៉ាងណា ក្រុមកំពូលតារាងក្របខណ្ឌ Serie A ក្លិប Inter Milan គិតថាបទពិសោធន៍របស់ Aguero អាចជួយឱ្យពួកគេឈានទៅរកការរីកចម្រើនក្នុងក្របខណ្ឌ UEFA Champions League នៅរដូវកាលនេះ ប៉ុន្តែពួកគេក៏កំពុងសម្លឹងមើលខ្សែប្រយុទ្ធជើងចាស់ដូចជា Edin Dzeko និង Olivier Giroud ជាគោលដៅជំនួសផងដែរ ប្រសិនបើពួកគេបរាជ័យចុះហត្ថលេខាលើកីឡាករ Manchester City រូបនេះ៕

Diego Lugano៖ បើ Messi ជាជនជាតិអ៊ុយរូហ្គាយ យើងនឹងឈ្នះពាន World Cup ចំនួនពីរដង

ថ្ងៃទី ២៨ ខែ មេសា ឆ្នាំ ២០២១ ម៉ោង ១៦:០១

បរទេស៖ វីរបុរសរបស់អ៊ុយរូហ្គាយលោក Diego Lugano ដែលបានបង្ហាញខ្លួន ៩៥ប្រកួតសម្រាប់ប្រទេសរបស់គាត់បានអះអាងថា ប្រសិនបើ Lionel Messi ជាមិត្តរួមជាតិរបស់គាត់ គេនឹងឈ្នះពានរង្វាន់ World Cup ចំនួនពីរលើក។អតីតកីឡាករក្លិប Paris Saint-Germain លោក Lugano ដែលបានប្រកបអាជីនៅក្លិប Malaga និង West Brom គឺប្រាកដថា តារាឆ្នើមរបស់ Barcelona រូបនេះអាចធ្វើឱ្យមានភាពខុសគ្នាសម្រាប់ជម្រើសជាតិអ៊ុយរូហ្គាយ ទាំងពីរលើកនៅពានរង្វាន់ពិភពលោក។ លោក Lugano បានប្រាប់លោក Tea y Deportea ថា៖ “ប្រសិនបើ Messi ជាជនជាតិអ៊ុយរូហ្គាយ នៅក្នុងព្រឹត្តិការណ៍ World Cup ឆ្នាំ ២០១០ នោះយើងប្រាកដជាឈ្នះហើយ។ ហើយប្រសិនបើ Messi ជាជនជាតិអ៊ុយរូហ្គាយ នៅប្រេស៊ីល (ឆ្នាំ ២០១៤) ហើយពួកគេមិនបានបណ្ដេញ Suarez ចេញទេ ដូចពួកគេបានធ្វើជាមួយជំនាន់នោះ ហើយយើងមានគាត់យើងនឹងឈ្នះវាផងដែរ”៕

Neymar ថា គេកំពុងនិយាយរឿងកុងត្រាថ្មីជាមួយ PSG ហើយ

ថ្ងៃទី ២៨ ខែ មេសា ឆ្នាំ ២០២១ ម៉ោង ១៥:៥៤

បារាំង​៖ ខ្សែប្រយុទ្ធ Paris Saint Germain កីឡាករ Neymar បាន​និយាយ​កាលពីពេលថ្មីៗនេះថា នៅ​ក្នុងពេល​នេះ​គេ​កំពុង​និយាយ​រឿង​កុងត្រា​ថ្មីជា​មួយក្លិប​នេះហើយ។Neymar បាន​និយាយថា​៖" ខ្ញុំ​កំពុង​តែពិភាក្សាកុងត្រា​ថ្មី​ជា​មួយ PSG ហើយ។ វា​គ្មាន​បញ្ហា ឬក៏សម្ពាធ​អ្វី​ទាក់ទិន​នឹង​រឿង​ហ្នឹង​ទេ។ អ្វី​ៗជិត​ចប់​ហើយ ខ្ញុំ​មាន​អារម្មណ៍ស្រួល ពេញចិត្ត ព្រោះ​ថា​ ខ្ញុំ​ពិត​ជា​រីករាយ​នឹង​នៅ​ទី​នេះ​ខ្លាំង​ "។កីឡាករ​នេះ​បន្ត​ថា​៖" អ្វី​ដែល​ខ្ញុំ​ចង់​បាន​ពេល​នេះគឺ អ្នកគាំទ្រ​ត្រលប់មកមើលយើង​ដោយផ្ទាល់វិញ ខ្ញុំ​រង់ចាំសឹងតែមិនចង់​បាន​ ព្រោះថា​ពេល​មាន​ពួក​គេ​ យើង​នឹង​ទទួល​បាន​ការគាំទ្រ និង​លើក​ទឹកចិត្ត​ច្រើន"។Neymar នឹង​ចប់​កុងត្រា​ជា​មួយ PSG នៅ​ថ្ងៃទី៣០ ខែមិថុនា ឆ្នាំ២០២២ ក្រោយ​ចូល​លេង​ឲ្យ​ក្លិប​នេះ​តាំងពីឆ្នាំ២០១៧មក៕

ធារី ចន្ថាប៊ីន ថា ខ្លួនពិតជាសប្បាយចិត្តណាស់ បើអាចប៉ះជាមួយក្លឹបចាស់ម៉ាឡេស៊ី Terengganu FA ក្នុងពាន AFC Cup

ថ្ងៃទី ២៨ ខែ មេសា ឆ្នាំ ២០២១ ម៉ោង ១៥:២៦

កម្ពុជា៖ ខ្សែបម្រើការពារក្លិប វិសាខា​​ កីឡាករ  ធារី ចន្ថាប៊ីន បានលើកឡើងថា ខ្លួនពិតជាសប្បាយចិត្តណាស់ប្រសិនបើអាចប៉ះជាមួយក្លិបចាស់ គឺ ក្លិបម៉ាឡេស៊ី Terengganu FA ក្នុងការប្រកួតពានរង្វាន់ AFC Cup។ ជាការពិតណាស់ កីឡាករសញ្ជាតិកូនកាត់ខ្មែរ-បារាំងខាងលើ គឺ ជាអតីតសមាជិករបស់ Terengganu នៅចន្លោះឆ្នាំ ២០១៨-២០១៩ ក្នុងក្របខណ្ឌលីគកំពូលម៉ាឡេសុី។អ្វីដែលសំខាន់ គឺ ធារីនឹងត្រូវមានភារកិច្ចចាំបាច់ជាមួយវិសាខាក្នុងពានរង្វាន់ AFC Cup ដោយពួកគេនឹងត្រូវប្រកួតជម្រុះជាមួយក្លិបមកពីលីគកំពូលទីម័រ Lalenok United FC ហើយ ប្រសិនបើពួកគេទទួលបានជ័យជម្នះ នោះក្លិបនឹងទទួលបានកៅអីឡើងទៅកាន់់វគ្គចែកពូលដែលមានបីក្រុមរង់ចាំរួចជាស្រេចរួមមាន ក្លិបហ្វីលីពីន Kaya FC-IIoilo, ក្លិបម៉ាឡេស៊ី Terengganu FC និងក្លិបសិង្ហបុរី Geylang International FC។ធារី បាននិយាយថា៖ ខ្ញុំប្រាកដជាសប្បាយចិត្ត និងមានមោទកភាព ប្រសិនបើបានលេងប៉ះក្រុមចាស់ Terengganu ហើយសង្ឃឹមថា ក្រុមទាំងពីរនឹងធ្វើបានល្អក្នុងពាន AFC Cup។ មុនដល់រឿងហ្នឹង យើងត្រូវតែផ្ដោតលើការប្រកួតជាមួយក្លិបរបស់ទីម័រខាងកើតសិនព្រោះវាមិនមែនជាការប្រកួតងាយស្រួលទេ។ ណាមួយយើងអត់បានលេងលីគ អត់បានហាត់ អ៊ីចឹងខ្ញុំសង្ឃឹមថា ស្ថានភាពនៅស្រុកយើងនឹងល្អឡើងវិញ ដើម្បីបានប្រកួតកាន់តែឆាប់ៗវិញដែរ។ ខ្ញុំ សង្ឃឹមថា គណៈកម្មការក៏យល់ពីរឿងហ្នឹងដែរ ព្រោះការប្រកួតនេះមិនមែនសំខាន់តែសម្រាប់វិសាខាទេ គឺសម្រាប់កម្ពុជាតែម្ដង ព្រោះយើងលេងតំណាងប្រទេស អ៊ីចឹងរំពឹងថា នឹងមានដំណោះស្រាយសមស្របណាមួយដើម្បីអាចរៀបចំខ្លួនបានល្អ៕