trollkhmer news

កីឡា

Marco Verratti បន្តកុងត្រាថ្មីរយៈពេលវែងជាមួយក្លិបអ្នកមានបារាំង PSG

ថ្ងៃទី ៣១ ខែ តុលា ឆ្នាំ ២០១៩ ម៉ោង ១៥:១៧

បារាំង៖ Paris Saint-Germain បានប្រកាសនៅលើបណ្តាញសង្គមថា ពួកគេបានព្រមព្រៀងជាមួយ Marco Verratti ដើម្បីបន្តកុងត្រាឱ្យខ្សែបម្រើរូបនេះរហូតដល់ថ្ងៃទី៣០ ខែមិថុនា ឆ្នាំ២០២៤ ។ខ្សែបម្រើសញ្ជាតិអ៊ីតាលីរូបនេះនៅសល់តែ ១៤ខែទៀតទេលើកិច្ចព្រមព្រៀងមុន ដូច្នេះ PSG បានចងជើងកីឡាកររូបនេះឱ្យចុះកិច្ចសន្យាថ្មី។ Verratti បានចូលរួមជាមួយក្រុមយក្សបារាំងពីក្លិប Pescara នៅងអ៊ីតាលីក្នុងតម្លៃ ១២លានអឺរ៉ូកាលពីឆ្នាំ ២០១២ ហើយចាប់តាំងពីពេលនោះមក គាត់បានបង្ហាញខ្លួន ២៩០ប្រកួត ដោយរកបាន ៩គ្រាប់ និងបញ្ជូនបាល់ឱ្យមិត្តរួមក្រុម ៤៨លើក។បញ្ចាក់ផងដែរថា កីឡាករវ័យ ២៦ឆ្នាំរូបនេះបានឈ្នះពានរង្វាន់ Ligue 1 ចំនួន ៦ដង, Coupes de France ៤ដង, Coupes de la Ligue ៥ដង និង Trophees des Champions ចំនួន ៧ដង៕

គ្រូ Juventus ថា ក្រុមខ្វះខ្សែប្រយុទ្ធសំណព្វចិត្តគាត់មិនបាន ទោះមាន Ronaldo ក៍ដោយ​

ថ្ងៃទី ៣១ ខែ តុលា ឆ្នាំ ២០១៩ ម៉ោង ១៤:៥៩

អ៊ីតាលី៖  Maurizio Sarri បាននិយាយថា Juventus ពិតជាខ្វះ Gonzalo Higuain មិនបាន ជាជាង Miralem Pjanic ក្នុងការប្រកួតដែល Ronaldo ជួយឱ្យក្រុមជ័យជម្នះ ២-១ លើក្រុម Genoa ។ការប្រកួតសប្ដាហ៍មុនក្រុមសេះបង្កង់បានត្រឹមលទ្ធផល ១ទល់នឹង១ ជាមួយក្លិប Lecce ហើយការប្រកួតពាក់កណ្ដាលសប្ដាហ៍នេះសឹងតែកើតឡើងម្តងទៀត នៅពេលប្រកួតជាមួយ Genoa តែសំណាងក្រុមពួកគេទទួលបានបាល់ពិន័យ ១១ ម៉ែត្រ ដែលកីឡាករ Cristiano Ronaldo បានជួយសង្គ្រោះពួកគេ។ ក្រោយចប់ការប្រកួតគ្រូបង្វឹកក្រុមសេះបង្កង់បាននិយាយថា៖ « ក្រុមយើងពិតជានឹក  Higuain ព្រោះគាត់គឺជាខ្សែប្រយុទ្ធតែម្នាក់គត់ដែលមានលក្ខណៈពិសេសនៃខ្សែប្រយុទ្ធកណ្តាល។ ទោះបីជាមានការគ្រប់គ្រងបាល់បានច្រើនក៍ដោយ យើងតែងតែគ្មានលក្ខណៈពេញលេញ ព្រោះមិនមានវត្តមានខ្សែប្រយុទ្ធកណ្ដាលនៅក្នុងប្រអប់ដូចជា Higuain » ៕

កីឡាករបាល់ទាត់ល្បីឈ្មោះ ៦រូប ដែលអ្នកគាំទ្រស្អប់បំផុត

ថ្ងៃទី ៣១ ខែ តុលា ឆ្នាំ ២០១៩ ម៉ោង ១៤:២៧

បរទេស៖ ប្រជាប្រិយភាពរបស់ Granit Xhaka នៅ Arsenal បានធ្លាក់ជាខ្លាំងដល់កម្រិតថ្មីមួយ ដែលជាប្រតិកម្មខឹងសម្បាររបស់ខ្សែបម្រើកណ្តាលចំពោះការប្រទូសរ៉ាយជាមួយអ្នកគាំទ្រអំឡុងពេលប្រកួតនៅថ្ងៃអាទិត្យជាមួយ Crystal Palace ។ការសម្រេចចិត្តមិនត្រឹមត្រូវរបស់ Xhaka ដែលធ្វើកាយវិកាមិនសមរម្យទៅកាន់អ្នកគាំទ្រ បានធ្វើឱ្យតួនាទីនៅឯក្លិបមានភាពស្រពិចស្រពិល ដោយសារតែគាត់ត្រូវបានតែងតាំងជាប្រធានក្រុម មុនយុទ្ធនាការថ្មី។ កីឡាករអន្តរជាតិស្វីសមិនមែនជាកីឡាករតែម្នាក់គត់ដែលបានជួបប្រទះការលំបាកជាមួយអ្នកគាំទ្រនោះទេ ហើយគាត់ទំនងក៍មិនមែនជាមនុស្សចុងក្រោយនោះដែរ។ខាងក្រោមនេះ គឺជាកីឡាករដែរត្រូវបានអ្នកគាំទ្រស្អប់ខ្ពើមបំផុត៖ #1. Gareth Bale – Real Madrid#2. Joleon Lescott – Aston Villa#3. Charles Itandje – LiverpoolItandje រូបនៅខាងឆ្វេង#4. Adebayor – Arsenal #5. Mauro Icardi – Inter Milan #6. Granit Xhaka – Arsenal 

Liverpool នឹងមិនលេងវគ្គ ៨ ក្រុមចុងក្រោយនៃពាន Carabao ទេ លើកលែងតែមានការផ្លាស់ប្តូរកាល​វិភាគ​

ថ្ងៃទី ៣១ ខែ តុលា ឆ្នាំ ២០១៩ ម៉ោង ១១:០៧

អង់គ្លេស៖ លោក Jurgen Klopp គ្រូបង្វឹកក្រុមហង្សក្រហមបានឱ្យដឹងថា ក្រុមរបស់លោក នឹងមិនអាចលេងការប្រកួតវគ្គ ៨ក្រុមចុងក្រោយនៃពាន Carabao បានទេ ប្រសិនបើការប្រកួតមិនអាចត្រូវបានរៀបចំឡើង ដើម្បីកុំឱ្យជាន់គ្នាជាមួយព្រឹត្តិការណ៍ Fifa Club World Cup។ ក្រុមម្ចាស់ជើងឯកអឺរ៉ុបមួយនេះបានផ្តួលក្រុម Arsenal ក្នុងការស៊ុតបាល់ប៉េណាល់ទី បន្ទាប់ពីបានបញ្ចប់ក្នុងលទ្ធផលស្មើចំនួន ១០គ្រាប់ កាលពីថ្ងៃពុធ ហើយការប្រកួតវគ្គ ១/៤ ផ្តាច់ព្រ័ត្រ នឹងត្រូវចាប់ផ្តើមសប្តាហ៍ចាប់ពីថ្ងៃទី១៦ ខែធ្នូ ខណៈក្រុមហង្សក្រហមនឹងត្រូវធ្វើដំណើរចម្ងាយជាង១ម៉ឺនគីឡូម៉ែត្រទៅប្រទេសកាតា ដើម្បីលេងវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ Club World Cup នៅថ្ងៃទី ១៨ ខែធ្នូ ដែលការប្រកួតធ្វើឡើងរៀងរាល់ខែធ្នូ និងមានក្រុមចំនួន៧ មកពីសហព័ន្ធចំនួន៦។ Klopp បាននិយាយថា៖ «ប្រសិនបើពួកគេមិនរកកន្លែងសម្រាប់យើងទេនោះ យើងនឹងមិនបានលេងពាន Carabao ទេ ។ អ្នកត្រូវតែគិតពីរឿងទាំងនេះ។ ប្រសិនបើអ្នកមានបញ្ជីប្រកួតដែលក្រុមមួយមិនអាចចូលរួមក្នុងការប្រកួតទាំងអស់នោះ អ្នកត្រូវតែគិតពីវា»។ Liverpool មានកាលវិភាគការប្រកួតចំនួន ៧ រួចមកហើយនៅក្នុងខែធ្នូ បូករួមនឹងការប្រកួតវគ្គ ៨ក្រុមចុងក្រោយនៃពានរង្វាន់ខារ៉ាបាវ និងវគ្គពាក់កណ្តាលផ្តាច់ព្រ័ត្រ ឬវគ្គផ្តាច់ព្រ័ត្រនៃព្រឹត្តិការណ៍ Club World Cup នៅថ្ងៃទី ២១ ធ្នូ៕

Juventus វិលទៅឈរកំពូលតារាង Serie A ក្រោយ Ronaldo ស៊ុតបាល់ពិន័យ ១១ម៉ែត (មានវីដេអូ)

ថ្ងៃទី ៣១ ខែ តុលា ឆ្នាំ ២០១៩ ម៉ោង ១០:២១

អ៊ីតាលី៖ កីឡាករ Cristiano Ronaldo បានស៊ុតបាល់ពិន័យ ១១ម៉ែត្រនៅម៉ោងបន្ថែម ដើម្បីជួយឱ្យក្រុមទទួលបានជ័យជំនះ ២-១ លើក្លិប Genoa និងនាំ Juventus វិលទៅឈរនៅលើកំពូលតារាង Serie A។ម្ចាស់ផ្ទះ Juventus ជាអ្នករកគ្រាប់បានមុនដោយកីឡាករ Leonardo Bonucci មុនពេលកីឡាករ Christian Kouame តាមស្មើឲ្យ Genoa វិញ។ យ៉ាងណាចុងម៉ោងវគ្គទីពីរទៅហើយ ពោលនាទី៩០ បូកសេះបង្កង់ Juventus ទទួលបានឱកាសប៉េណាល់ទីសម្រេចបានដោយខ្សែប្រយុទ្ធ Cristiano Ronaldo។ក្នុងការប្រកួតនោះដែរ Buffon ដែលមានវ័យ ៤១ឆ្នាំ បានបង្កើតកំណត់ត្រាលីហ្គទី៥១៣ សម្រាប់ក្រុមម្ចាស់ជើងឯក ៣៥សម័យកាលដែលធ្វើឱ្យគាត់ឈានដល់កម្រិតមួយជាមួយនឹងខ្សែប្រយុទ្ធ Alessandro del Piero៕

Liverpool ឡើងវគ្គ ៨ក្រុមចុងក្រោយ បន្ទាប់ពីស៊ីគ្នាជាង ១០ គ្រាប់ជាមួយ Arsenal (មានវីដេអូ)

ថ្ងៃទី ៣១ ខែ តុលា ឆ្នាំ ២០១៩ ម៉ោង ០៩:៥៦

អង់គ្លេស៖ ជ័យជម្នះក្នុងការស៊ុតបាល់ប៉េណាល់ទីយ៉ាងអស្ចារ្យរបស់ក្រុមហង្សក្រហម Liverpool ទៅលើក្រុម Arsenal បានធ្វើឱ្យពួកគេឈរនៅវគ្គ ៨ក្រុមចុងក្រោយនៃពានរង្វាន់ Carabao Cup បន្ទាប់ពីស៊ីសាច់ហុតឈាមគ្នាជាង ១០គ្រាប់នៅក្នុងការប្រកួតដ៏រំភើបមួយនៅឯ Anfield។ក្នុងការប្រកួតនេះ ក្រុម Arsenal សឹងតែមានឱកាសយកឈ្នះបានទៅហើយ ព្រោះពួកគេតែងតែរកគ្រាប់បាល់នាំមុខបានរហូត។ តែគួរឱ្យស្ដាយនៅនាទី ៩០+៤ គ្រាដែលកាំភ្លើងធំនាំមុខ ៥-៤ នោះស្រាប់តែ Origi រកបាន ១គ្រាប់ទៀតឱ្យក្រុមហង្សក្រហម ដែលធ្វើឱ្យលទ្ធផលស្មើគ្នា ៥-៥ តែម្ដង។អ្នកចាំទី Liverpool ឈ្មោះ Caoimhin Kelleher អាយុត្រឹម ២០ ឆ្នាំបានសង្គ្រោះបាល់ប៉េណាល់ទីរបស់ Dani Ceballos ដើម្បីដណ្តើមបានជ័យជម្នះ ៥-៤ ។ក្រុមហង្សក្រហម Liverpool នឹងស្វែងរកគូប្រកួតវគ្គ ១/៤ ផ្តាច់ព្រ័ត្ររបស់ពួកគេ នៅពេលដែលការចាប់ឆ្នោតធ្វើឡើងនៅថ្ងៃព្រហស្បតិ៍៕

លោក Jose Mourinho ចង់ក្លាយជាអ្នកដឹកនាំដំបូងគេដែលឈ្នះពានរង្វាន់ធំៗនៅក្លិបអង់គ្លេស ៣ផ្សេងគ្នា

ថ្ងៃទី ៣០ ខែ តុលា ឆ្នាំ ២០១៩ ម៉ោង ១៧:០៣

អង់គ្លេស៖ លោក Jose Mourinho ចង់ក្លាយជាអ្នកចាត់ការទូទៅដំបូងគេដែលឈ្នះពានរង្វាន់ធំៗនៅក្លិបអង់គ្លេសចំនួន ៣ដែលអាចនឹងមកកាន់ Arsenal ឬ Spurs ។យោងទៅតាមសារព័ត៌មាន The Sun បានឱ្យដឹងថា បុរសវ័យ ៥៦ឆ្នាំរូបនេះមានចំណាប់អារម្មណ៍ចង់ត្រលប់ទៅគ្រប់គ្រងក្លិបនៅ Premier League មួយផ្សេងទៀត ដោយក្រុម Arsenal ទំនងជាបេក្ខជនឈានមុខ ខណៈដែលក្រុមរបស់លោក Emery មិនសូវទទួលបានផលល្អគាប់ចិត្តនៅរដូវកាលនេះ។ ដោយឡែកសារព័ត៌មាន Sportsmail បានបង្ហើបឱ្យដឹងកាលពីដើមខែនេះថា លោក Mourinho ក៍កំពុងតាមដានស្ថានភាពរបស់ក្រុមមាន់ខ្នាយមាស ខណៈដែលគាត់កំពុងស្វែងរកផ្លូវត្រឡប់ចូលទៅក្នុងការដឹកនាំក្រុមកំពូលវិញ។បញ្ជាក់ផងដែរថា លោក Mourinho បានឈ្នះពានរង្វាន់ Europa League និង League Cup ជាមួយក្រុម Manchester United ក៏ដូចជាពានរង្វាន់ធំៗចំនួន ៧ នៅឯក្លិប Chelsea ៕

លេចឭថា Juventus ចង់នាំយកតារាឆ្នើម ៣រូបពីអង់គ្លេសទៅចូលរួមជាមួយខ្លួន

ថ្ងៃទី ៣០ ខែ តុលា ឆ្នាំ ២០១៩ ម៉ោង ១៥:០៩

អ៊ីតាលី៖ ទោះបីជាមានឥទ្ធិពលក្នុងស្រុកក៏ដោយ ក៏ Juventus នៅតែចិញ្ចឹមចិត្តចង់ឈ្នះពានក្របខ័ណ្ឌ Champions League ជាលើកដំបូងចាប់តាំងពីឆ្នាំ ១៩៩៥ ដោយពួកគេសម្លឹងឃើញតារាឆ្នើម ៣រូបនៅ Premier League។អ្នកឃ្លាំមើលកីឡាកររបស់ក្រុមសេះបង្កង់បានទៅមើលការប្រកួតរបស់កីឡាករ Mohamed Salah, Son Heung-min និង Christian Eriksen អំឡុងការប្រកួតលីហ្គ Premier League របស់ Liverpool ជាមួយ Tottenham។ នេះបើយោងតាមសារព័ត៌មាន Tuttosport ។Juventus ស្វែងរកជើងឯក Scudetto ជាបន្តបន្ទាប់លើកទី៩ ហើយក្រុមម្ចាស់ជើងឯក Serie A មួយនេះបានត្រៀមខ្លួនចំណាយប្រាក់យ៉ាងច្រើនសន្ធឹកសន្ធាប់ដើម្បីស្វែងរកការលើកពាន Champions League ជាមួយលុយចំណេញដែលពួកគេទទួលបានពីវត្តមានរបស់ Ronaldo ដូច្នេះពួកគេសង្ឃឹមថា នឹងនាំយល់តារាឆ្នើមម្នាក់ក្នុងចំណោម ៣រូបខាងលើ៕

Ibrahimovic អាចនឹងត្រលប់ទៅលេងនៅ LaLiga Santander វិញ

ថ្ងៃទី ៣០ ខែ តុលា ឆ្នាំ ២០១៩ ម៉ោង ១៤:១៧

ស្របពេលដែលក្លិប LA Galaxy មានការខកចិត្តក្នុងការប្រកួតជម្រុះ MLS កីឡាករ Zlatan Ibrahimovic ក៍មិនបន្តកុងត្រា ហើយខ្សែប្រយុទ្ធជើងចាស់រូបនេះបានធ្វើឱ្យអ្នកគាំទ្របាល់ទាត់អេស្ប៉ាញមានការភ្ញាក់ផ្អើលជាខ្លាំង ដោយនិយាយថា គាត់នឹងត្រឡប់ទៅវិញ ។Ibrahimovic បានចំណាយពេលមួយឆ្នាំនៅលីហ្គកំពូលអេស៉្បាញ LaLiga Santander ជាមួយ Barcelona បើទោះបីជាពេលវេលារបស់គាត់នៅឯ Camp Nou មានទំនាក់ទំនងមិនល្អជាមួយ Pep Guardiola ក៏ដោយ។ខណៈដែលមនុស្សជាច្រើនប៉ាន់ស្មានពីទិសដៅបន្ទាប់របស់គាត់ជាមួយនឹងកុងត្រាបច្ចុប្បន្នជាមួយក្លិបនៅ MLS ផុតកំណត់នៅខែធ្នូ អតីតតារាឆ្នើមរបស់ក្រុមបិសាចក្រហមរូបនេះបានបង្ហោះវីដេអូឃ្លីបមួយទៅកាន់បណ្តាញព័ត៌មានសង្គមដោយបាននិយាយថា“ សួស្តីអេស្បាញខ្ញុំត្រឡប់ទៅវិញហើយ “  ។បញ្ជាក់ផងដែរថា នៅក្នុងការប្រកួតចំនួន ៥៨ ជាមួយក្រុម Galaxy ខ្សែប្រយុទ្ធរហស្សនាម លោកព្រះរូបនេះរកបាន ៥៣ គ្រាប់ និងបញ្ជូនឱ្យមិត្តរួមក្រុម ១៥លើក ក៏ដូចជាការផ្តល់នូវអនុស្សាវរីយ៍ជាច្រើនសម្រាប់អ្នកគាំទ្រ៕