trollkhmer news

កីឡា

ក្នុង​អាជីព​របស់ Ramos ទទួល​បានកាតក្រហម​ ២៦ ដង (វីដេអូ)

ថ្ងៃទី ០១ ខែ មិថុនា ឆ្នាំ ២០២០ ម៉ោង ០៩:២០

Sergio Ramos ត្រូវបាន​គេ​ចាត់ទុក​ថា​ជា​ខ្សែការពារ​ដ៏ល្អបំផុត​មួយរូប​ក្នុង​ប្រវត្តិសាស្រ្ដ​បាល់ទាត់ ហើយក៏ជា​ខ្សែការពារ​ដែល​កាច និង​លះបង់ខ្ពស់ ដើម្បី​រារាំងគូប្រកួត មិន​ឲ្យ​ស៊ុត​បញ្ចូលទី។ ដោយសារតែ​បែបនេះហើយ ទើប​ខ្សែការពារ​សញ្ជាតិ​អេស្ប៉ាញ ដែល​កំពុង​ប្រកប​អាជីព​នៅ Real Madrid រូបនេះ ធ្លាប់​ទទួល​កាត​ក្រហម​យ៉ាង​ច្រើន គឺ​ចំនួន ២៦។ក្នុង​ចំណោម​កាត​ក្រហម​ទាំង ២៦ នោះ គឺមាន ២០ដង​ នៅ La Liga ច្រើនជាង​កីឡាករ​ណាៗទាំងអស់។ កាត​ក្រហម​ដំបូង​បំផុត​របស់កីឡាករ​វ័យ ៣៤ឆ្នាំ រូបនេះ គឺ​កាលពីឆ្នាំ ២០០៥ ពេល Real Madrid ចាញ់ Espanyol ១-០ ដែលជា​រដូវវកាល​ដំបូង​របស់​ Ramos នៅ Real។ ចំណែក​កាត​ក្រហម​ចុងក្រោយ (ទី២៦) គឺ​ពេល Real Madrid ចាញ់ Manchester City ១-២ នៅ Champions League កាលពី​ខែកុម្ភៈ ឆ្នាំ ២០២០។ចង់ដឹង​ថា Ramos កាតក្រហម​របៀបណា​ខ្លះនោះ សូមទស្សនា​វីដេអូ​ខាងក្រោម៖

Ibrahimovic ធ្លាប់​​សាក់​ឈ្មោះ​ជាភាសា​ខ្មែរ​ "លីដា" លើដងខ្លួន

ថ្ងៃទី ០១ ខែ មិថុនា ឆ្នាំ ២០២០ ម៉ោង ០៩:០៥

កាលពី​ដើមឆ្នាំ ២០១៥ Zlatan Ibrahimovic ដែលកាលនោះ លេងនៅក្លឹបបារាំង PSG បាន​ដោះអាវ​ដើម្បី​អបអរ​ការ​ស៊ុត​បញ្ចូល​ទី​របស់​ខ្លួន លេចចេញស្នាមសាក់ថ្មីៗជាច្រើន ដែលក្នុងនោះ ក៏មានស្នាមសាក់ជាភាសាខ្មែរថា "លីដា ឈើយ" ផងដែរ។ ប្រិយមិត្ត​ភាគច្រើន​ប្រហែលជា​នៅចាំបាន តែក៏មានអ្នកមិនធ្លាប់បានឃើញផងដែរ។ តើ​ហេតុអ្វី​បាន​ជា​ខ្សែ​ប្រយុទ្ធ​ស៊ុយអែត​រូប​នេះ​ សម្រេច​សាក់​ជា​អក្សរ​​ខ្មែរ ហើយ​តើ​ពាក្យ​ថា "លីដា ឈើយ" ដែល​សាក់​នោះ ​ជា​ឈ្មោះ​អ្នក​ណា?តាម​ពិត​ទៅ​ ពេលនោះ មិន​ត្រឹម​តែ​ប្រិយមិត្ត​ស្រុក​ខ្មែរ​ទេ​ដែល​ឆ្ងល់ សូម្បី​តែ​អ្នក​មើល​បាល់​ទូទាំង​ពិភពលោក​ក៏​ឆ្ងល់​ស្រដៀង​គ្នា​នេះ​ដែរ ដោយ​សារ​តែ Ibrahimovic មិន​មាន​ស្នាម​សាក់​ច្រើន​ពេញ​ខ្លួន​អ៊ីចឹងទេ។ ​Zlatan បាន​ចេញ​មក​​ទម្លាយ​អាថ៌កំបាំង​នាពេលនោះថា ការ​សាក់​ឈ្មោះ​ជា​ភាសា​ផ្សេងៗ​គ្នា​នេះ គឺ​ដើម្បី​គាំទ្រ​ដល់​​កម្មវិធី​ស្បៀង​អាហារ​ពិភពលោក​ (WFP) របស់​អង្គការ​សហប្រជាជាតិ​។ឈ្មោះ "លីដា ឈើយ" គឺ​ជា​ឈ្មោះ​មួយ​ ក្នុង​ចំណោម​ឈ្មោះជាច្រើនទៀត ​ដែលត្រូវវ​​បាន​សាក់​បណ្ដោះអាសន្ន លើ​ដង​ខ្លួន Zlatan។ ឈ្មោះ​ទាំង​ ៥០ នាក់​នោះ គឺ​ជ្រើស​ចេញ​ពី​ក្នុង​ចំណោម​មនុស្ស​ ៨០៥លាន​នាក់ ​ជុំវិញ​ពិភពលោក ដែល​កំពុង​រង​គ្រោះ​​ដោយ​កង្វះ​ស្បៀង​អាហារ​។Ibrahimovic បាន​និយាយ​នាពេលនោះ​ថា៖ “នៅ​ពេល​ខ្ញុំ​ដោះ​អាវ​ពេល​ប្រកួត​ទល់​នឹង​ក្រុម Caen គ្រប់ៗ​គ្នា​បាន​សួរ​ខ្ញុំ​អំពី​ស្នាម​សាក់​ថ្មី​ជា​ច្រើន។ ខ្ញុំ​មាន​ស្នាម​សាក់បណ្ដោះអាសន្ន (លុប​​ជ្រះ) ចំនួន​១៥ នៅ​លើ​ដង​ខ្លួន ដែល​ស្នាម​សាក់​ទាំង​នោះ គឺ​តំណាង​ឲ្យ​ឈ្មោះ​មនុស្ស​ពិត​ដែល​បាន​រង​គ្រោះ​ដោយ​ការ​អត់​ឃ្លាន​នៅ​លើ​ពិភពលោក។ ទោះ​បី​ជា​ស្នាម​សាក់​ត្រូវ​រលុប​ទៅវិញ តែ​មនុស្ស​ទាំង​នោះ​នៅ​តែ​មាន​ជីវិត... ខ្ញុំ​សង្ឃឹម​ថា​អ្នក​អាច​ឃើញ​ពួក​គេ​តាម​រយៈ​ខ្ញុំ"។ ក្នុង​ចំណោម​ឈ្មោះ​ដែល​សាក់​បណ្ដោះ​អាសន្ន​ទាំង​នោះ គេ​សង្កេត​ឃើញ​មួយ​ចំនួន ដូច​ជា Carmen, Mariko, Antoine, លីដា ឈើយ, Rahma និង Yaae ជា​ដើម៕

Bale ថាពេល Fan ហួច​ឌឺគេ​​កាន់​តែ​បាត់​ទំនុក​ចិត្ត និង​លេង​មិន​ល្អ

ថ្ងៃទី ២៩ ខែ ឧសភា ឆ្នាំ ២០២០ ម៉ោង ១៧:១២

Gareth Bale ខ្សែ​ប្រយុទ្ធ​របស់ Real Madrid ជា​កីឡាករ​មួយ​រូប ត្រូវ​បាន​អ្នកគាំទ្រ​រាប់​ម៉ឺន​នាក់ ហួច​ដាក់ (ក្នុង​ន័យ​ចំអក) ដែល​ធ្វើ​ឱ្យ​គេ​បាត់​ទំនុក​ចិត្តនៅលើទីលាន។ ការ​រំពឹង​​មក​លើ Bale គឺ​ខ្ពស់​ណាស់​នៅ Real Madird ប៉ុន្តែ​បរាជ័យ​របស់​គេ​​បាន​កើត​ឡើង ក្រោយ​ការ​ចាកចេញ​របស់ Cristiano Ronaldo កាល​ពី​ឆ្នាំ​២០១៨ ជា​ពិសេស​ជម្រើស​ជាតិ​វេល ​តែង​មាន​មុខ​លើ​សារព័ត៌មាន ពេល​គេ​​អង្គុយ​នៅ​កៅអី​បម្រុង។អតីត​ខ្សែ​​ប្រយុទ្ធ​​របស់ Spurs បាន​ឱ្យ​ដឹង​បែប​នេះ ៖«ពួក​យើង​មាន​សម្ពោធ​ច្រើន​រាល់​ការប្រកួត។ បើ​អ្នក​លេង​មិន​ល្អ នឹង​មាន​ការ​​ផ្ដោត​មក​លើ​អ្នក។ មនុស្ស ៨០ ០០០នាក់​នៅ​កីឡាដ្ឋាន បាន​ហួច​ដាក់​ខ្ញុំ ពី​ព្រោះ​ខ្ញុំ​លេង​មិន​ល្អ។ ខ្ញុំ​​ជួប​រឿង​បែប​នេះ​​​ច្រើន​ដង​ដែរ! វា​មិន​ល្អ​ទេ ហើយ​វា​ធ្វើ​ឱ្យ​អ្នក​បាន​បង់​ទំនុក​ចិត្ត»។ មិន​ដូច​នៅ​អង់គ្លេស​ទេ អ្នកគាំទ្រ​នៅ​អេស្ប៉ាញ​បាន​បង្ហាញ​ការ​មិន​ពេញ​ចិត្ត តាម​រយៈ​ការ​ហួច ដែល​ជា​រឿង​មួយ​ធ្វើ​ឱ្យ​ខ្សែ​ប្រយុទ្ធ​រូប​នេះ​មិន​យល់។រូប​គេ​បន្ត​ថា ៖«(នៅ​អង់គ្លេស) អ្នក​នឹង​រំពឹង​ថា ពេល​អ្នក​លេង​មិន​ល្អ​លើ​ទីលាន អ្នក​គាំទ្រ​របស់​អ្នក​​ដើរ​ពី​ក្រោយ​អ្នក ហើយ​ជួយ​អ្នក​ឱ្យ​​លេង​បាន​ល្អ​ប្រសើរ ព្រោះ​ទង្វើ​បែប​នេះ ធ្វើ​ឱ្យ​ពួកគេ​សប្បាយ​ចិត្ត។ ប៉ុន្តែ​នៅ​ទី​នេះ​បែរ​ជា​ផ្ទុយ។ ពួកគេ​ហួច​ចំអក​អ្នក ដែល​ធ្វើ​ឱ្យ​អ្នក​កាន់​តែ​មាន​​អារម្មណ៍​​​​​មិន​ល្អ អ្នក​បាត់​បង់​ទំនុក​ចិត្ត អ្នក​លេង​មិន​ល្អ ដែល​ធ្វើ​ឱ្យ​ពួកគេ​មិន​សប្បាយ​ចិត្ត»។អតីត​កីឡាករ Southampton វ័យ​ ៣០​ឆ្នាំ បាន​បញ្ជាក់​ទៀត​ថា ក្នុង​បាល់​ទាត់​បើ​អ្នក​លេង​ល្អ តែ​រក​គ្រាប់​មិន​បាន​ ៥​ប្រកួត នោះ​អ្នក​គាំទ្រ​នឹង​និយាយ​ថា​អ្នក​ពិត​ជា​មិន​លេង​អន់បំផុត។Bale ពន្យល់ ៖«អ្នក​គិត​លើ​ខ្លួន​ឯង​ថា អ្នក​លេង​ល្អ អ្នក​គ្រាន់​តែ​មិន​​ទាន់​​ស៊ុត​បញ្ចូល​ទី ឬ Assist ប៉ុន្តែ​អ្នក​គាំទ្រ​ចូល​ចិត្ត​ឃើញ​គ្រាប់​បាល់ Assist ហ៊ោ​អបអរ។ ពេល​ខ្លះ​រឿង​ទាំង​នេះ មិន​ចេះ​តែ​កើត​មាន​ឡើយ»៕

Rey Mysterio នឹង​ចូល​និវត្តន៍​ បន្ទាប់​ពី​​​ការ​ប្រកួតដ៏​ពិសេស​​ជា​លើកចុង​ក្រោយ​មួយ​

ថ្ងៃទី ២៩ ខែ ឧសភា ឆ្នាំ ២០២០ ម៉ោង ១៧:០០

សហរដ្ឋអាមេរិក ៖ អ្នក​កីឡាកាស Rey Mysterio របស់​ស្ថាប័ន WWE ត្រូវ​បាន​រាយការណ៍​ថា នឹង​ត្រៀម​ប្រកាស​ចូល​និវត្តន៍​ពី​វិស័យ​មួយ​នេះ ក្នុង​ការ​ប្រកួត​ដ៏​ពិសេស​ចុង​ក្រោយ​មួយ នៅ​រាត្រី​ថ្ងៃ​ច័ន្ទ​ស​ប្តា​ហ៍​ក្រោយ (​ម៉ោង​ក្រៅ​ស្រុក​) ។ បុរស​ជនជាតិ​ម៉ិ​ក​ស៊ី​កូ​កម្ពស់ ១,៦៨​ម៉ែត្រ ​ដែល​មានឈ្មោះ​ពិត​ថា Oscar Gutierrez រូប​នេះ បច្ចុប្បន្ន​ឈាន​ដល់​វ័យ ៤៥​ឆ្នាំ និង​ត្រូវ​បាន​គេ​ចាត់​ទុក​ថា ជា​អ្នក​កីឡាកាស​ដែល​មាន​មាឌ​ល្អិត​តែ​ខ្លាំង​អស្ចារ្យ និង​ល្បីល្បាញ​ជាងគេ​ក្នុង​ប្រវត្តិសាស្ត្រ​របស់ WWE ។សេចក្តីថ្លែងការណ៍​មួយ​នៅ​លើ​បណ្តាញ​សង្គម Twitter របស់ WWE បាន​សរសេរ​ថា « @WWERollins (​អ្នក​កីឡាកាស Seth Rollins) នឹង​ក្លាយជា​ដៃគូ​ប្រកួត​នៃ​ពិធី​ចូល​និវត្តន៍​របស់ @reymysterio (Rey Mysterio) នៅ​ស​ប្តា​ហ៍​ក្រោយ​» ។សូម​រំលឹក​ជូន​ថា Rey Mysterio បាន​ក្លាយជា​កីឡាករ​ចំបាប់​ចាប់តាំងពី​មាន​វ័យ ១៤​ ឆ្នាំ​នៅ​ប្រទេស​ម៉ិ​ក​ស៊ិ​ក​។ ឈ្មោះ Rey Mysterio ត្រូវ​បាន​បង្កើត​ដោយ​រូបគេ​ផ្ទាល់ នៅ​ឯការ​ប្រកួត World Championship Wrestling 1995 ។ ក្នុង​ឆ្នាំ ២០០១ Rey Mysterio បាន​ចូលរួម​ជាមួយ​ស្ថាប័ន WWE ហើយ​មួយ​ឆ្នាំ​ក្រោយ រូបគេ​បាន​ក្លាយជា​អ្នក​កីឡាកាស​ដ៏​អស្ចារ្យ​ម្នាក់ ជាមួយ​ក្បាច់​សម្លាប់​ដែល​គ្រប់​គ្នា​ស្គាល់​ថា Six One Nine (619) រហូត​មក​ដល់​បច្ចុប្បន្ន​។ ព្រមទាំង​បាន​ឈ្នះ​ពានរង្វាន់​ជា​ច្រើន រហូត​ដល់​គ្រប់​គ្នា​ហៅ​រូបគេ​ថា ជា​វីរបុរស WWE ៕

ព្រឹត្តិការណ៍ប្រដាល់សកល​អនុញ្ញាត​ឱ្យ​បើក​ឡើង​វិញ​នៅ​ទីក្រុង Las Vegas

ថ្ងៃទី ២៩ ខែ ឧសភា ឆ្នាំ ២០២០ ម៉ោង ១៦:៤៤

សហរដ្ឋអាមេរិក ៖ ព្រឹត្តិការណ៍​ប្រដាល់សកល និង​គុន​ចម្រុះ MMA នឹង​វិល​ត្រឡប់​មក​កាន់​សកម្មភាព​ប្រកួត​របស់​ខ្លួន​វិញ នៅ​ទីក្រុង Las Vegas ចាប់ពី​ចុង​ស​ប្តា​ហ៍​នេះ​តទៅ បន្ទាប់​ពី​អាជ្ញាធរ​រដ្ឋ Nevada សម្រេច​ដក​បម្រាម​លើ​ប្រភេទ​កីឡា​បែប​វាយ​ប្រយុទ្ធ​។ សូម​បញ្ជាក់​ជូន​ថា ព្រឹត្តិការណ៍​ទាំងអស់​ខាងលើ នឹង​ប្រព្រឹត្ត​ទៅ​ដោយ​គ្មាន​អ្នកគាំទ្រ​ទស្សនា​ផ្ទាល់ ដែល​វា​ជា​ផ្នែក​មួយ​នៃ​វិធាន​ការណ៍ ដើម្បី​ប្រយុទ្ធ​ប្រឆាំង​នឹង​ការ​រីក​រាលដាល​នៃ​វីរុស​ កូ​វី​ដ​-១៩ ។ព្រឹត្តិការណ៍​ប្រកួត​គុន​ចម្រុះ MMA ដំបូង​បង្អស់​គឺ UFC Card នឹង​ធ្វើ​ឡើង​នៅ​ថ្ងៃ​សៅរ៍ នៅ​ឯម​ជ្ឃ​មណ្ឌល UFC APEX ដែល​ការ​ប្រកួត​បើក​ឆាក​រវាង​កីឡាករ​អា​មេ​រិ​ក Tyron Woodley និង​កីឡាករ​ប្រេ​ស៊ី​ល Gilbert Burns នៅ​ក្នុង​ប្រភេទ​ទម្ងន់ Welterweight ។ដោយឡែក​ព្រឹត្តិការណ៍​ប្រដាល់សកល​លើក​ដំបូង ត្រូវ​បាន​គេ​រំពឹង​ថា នឹង​ក្លាយជា​កម្មវិធី​ផ្សព្វផ្សាយ Top Rank ដែល​នឹង​ប្រព្រឹត្ត​ទៅ​នា​ថ្ងៃ​ទី​៩ មិថុនា ២០២០ ។សូម​រំលឹក​ថា ប្រភេទ​កីឡា​បែប​វាយ​ប្រយុទ្ធ​ទាំងអស់ ត្រូវ​បាន​ផ្អាក​ទាំងស្រុង​នៅ​ក្នុង​រដ្ឋ​នេះ ចាប់តាំងពី​ថ្ងៃ​ទី ១៤ មីនា មក​​ម៉្លេះ​ ដោយសារ​តែ​ការ​ផ្ទុះ​ឡើង​នៃ​វីរុស​ កូ​វី​ដ​-១៩ ។ក្នុង​នោះ​ស្ថាប័ន UFC បាន​ក្លាយជា​ស្ថាប័ន​ដំបូង​គេ​ក្នុង​ប្រទេស​នេះ ដែល​បាន​វិល​ត្រឡប់​ទៅ​កាន់​សកម្មភាព​ប្រកួត​របស់​ខ្លួន​វិញ ដោយ​មិន​អនុញ្ញាត​ឱ្យ​មាន​អ្នកគាំទ្រ​ទស្សនា​ផ្ទាល់ សម្រាប់​ព្រឹត្តិការណ៍​ចំនួន ៣ ដែល​ធ្វើ​ឡើង​នៅ​ទីក្រុង Jacksonville រដ្ឋ Florida​។ ហើយ​រាល់​ការ​ប្រកួត​ទាំងអស់ មាន​វិធានការ​ជា​ច្រើន ដើម្បី​កំនត់​អំពី​ហានិភ័យ នៃ​ការ​រីក​រាលដាល​នៃ​វីរុស​ពិភពលោក​មួយ​នេះ ៕

គូ​ដណ្ដឹង​បែប​នឹង​សោះ ទើប​កីឡាការិនី​ជើង​ឯក ស៊ន សៀវ​ម៉ី បង្ហោះ​ពេល​ណា​ក៏​​ស្អាត

ថ្ងៃទី ២៩ ខែ ឧសភា ឆ្នាំ ២០២០ ម៉ោង ១៦:០៩

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា បន្ទាប់​ពី​ជើងឯក​តៃ​ក្វា​ន់​ដូ​ប្រចាំ​ទ្វីប​អាស៊ី​កីឡាការិនី ស៊ន សៀវ​ម៉ី បាន​ធ្វើ​ពិធី​ភ្ជាប់ពាក្យ​រួច​ហើយ​កាលពី​ថ្ងៃ​ទី​ ២៨ ខែឧសភា ឆ្នាំ​២០២០​។ អ្វី​ដែល​មហាជន​ចង់​ដឹង​នៅ​ក្នុង​ពេល​នេះ គឺ​ចង់​ដឹ​ងថា តើ​បុរស​ជា​គូ​អនាគត​របស់​នាង គឺជា​អ្នក​ណា ហើយ​ហេតុ​អ្វី​បានជា​ឈាន​ដល់​ការ​ភ្ជាប់​ចិត្ត​ជាមួយ​គ្នា? អ្នកគាំទ្រ​មិន​តិច​ទេ បារម្ភ​ថា អាយ​ដល សន សៀ​ប​ម៉ី នឹង​ពិបាក​ស្វែងរក​គូស្នេហ៍ ដោយ​ភាគី​ខាង​សាមីខ្លួន ក៏​លើក​ឡើង​ពី​ការ​បារម្ភ​បែប​នេះ ដោយសារ​តែ​កញ្ញា​ធ្លាប់​អះអាង​ថា ខ្លួន​ខ្ពស់ និង​ពូកែ​ក្បាច់គុន គឺ​អាច​ពិបាក​រក​អ្នក​ស្រលាញ់​ពិតប្រាកដ ស្រប​ពេល​ដែល​នាង និង​បុរស​ជា​មន្ត្រីរាជការ​មួយ​រូប ដែល​អះអាង​ថា កំពុង​តែ​មើលចិត្ត​គ្នា ស្រាប់តែ​ក្រោយមក​ក៏​ស្ងប់ស្ងាត់​ទៅ​វិញ ហើយ​មាន​ដំណឹង​ថា​បែក​គ្នា ដោយសារ​តែ​ហេតុផល សៀវ​ម៉ី ប្រាប់​ថា មិន​ទាន់​ចង់​រៀប​ការ ហើយ​ភាគី​ខាង​ប្រុស​មិន​ចង់​ចាំ​។អ៊ីចឹង​ហើយ ទើប​ម្នាក់​ៗ​មានការ​ភ្ញាក់ផ្អើល​នៅ​ពេល​ដែល​នាង​ស្ងាត់​ៗ ឈប់​បង្ហាញ​ពី​ចំណង​ស្នេហ៍​មួយ​រយៈ ក៏​បង្ហាញ​ពិធី​ភ្ជាប់ពាក្យ​តែ​ម្ដង ដោយ​គូស្នេហ៍​របស់​នាង​ក៏​កាលី​ប ព្រោះ​ជា​ជាង​ថតរូប​អាជីព ដែល​មាន​ជំនាញ និង​ក្រេ​ឌី​ត​។ អនាគត​ស្វាមី​របស់​នាង ក៏​ជា​ថៅកែ​វ័យក្មេង និង​មាន​សមត្ថភាព​រក​ចំណូល​បាន​ច្រើន​នោះ​ផង​។ គូ​ដណ្ដឹង​របស់​នាង គឺ លោក កែវ ដេ​វីត ម្ចាស់​ហាង​ថតរូប អា​ស្វា ( Ah Sva ) ដែល​ត្រូវ​បាន​គេ​ស្គាល់​ថា ជា​អ្នកមាន​ឯកទេស​ខាង​ផ្នែក​ថតរូប​ដ៏​ចំណាន​មួយ​រូប​នៅ​ក្នុង​ប្រទេស​កម្ពុជា​។លោក​គឺជា​បុរស​តែ​ម្នាក់ ដែល​មាន​សមត្ថភាព​ឆក់​យក​បេះដូង​កីឡាការិនី ស៊ន សៀវ​ម៉ី រហូត​ឈាន​ដល់​មាន​ពិធី​ភ្ជាប់ពាក្យ ដោយ​ចំណង​ស្នេហ៍​របស់​អ្នក​ទាំង​ពីរ គឺ​ផ្ដើម​ចេញ ពី​លោក កែវ ដេ​វីត បាន​រួមការ​ងារ​ចុះ​ថតរូប​ឱ្យ​នាង ហើយ​ក្រោយមក​ក៏​មាន​ទំនាក់ទំនង​ជាមួយ​នាង ដោយ​ជួយ​ថតរូប​ឱ្យ​នាង​ក្នុង​អាជីព​អន​ឡាញ​។ ដ្បិត ថា​ភាគី​ខ្ពស់​បន្តិច​មែន ប៉ុន្តែ​គូស្នេហ៍​មួយគូ​នេះ នៅ​តែ​ទទួល​ការ​ចាប់អារម្មណ៍ និង​ត្រូវ​បាន​គេ​សរសើរ​ថា សម​គ្នា​។ ទស្សនិកជន​បាន​លើក​ពាក្យ​សរសើរ​ផង និង​ចំអន់​ផង ដល់​កីឡាការិនី​រូប​នេះ​ថា កុំ​ឆ្ងល់​ហេតុ​អ្វី​ទើប​រូបភាព​របស់ ស៊ន សៀវ​ម៉ី ស្រស់​ស្អាត​ត្រជាក់​ភ្នែក ការ​ពិត​នាង​មាន​ម្ចាស់​បេះដូង​ជា​ជាង​ថតរូប​សោះ​។ ទាំងនេះ​ហើយ គឺ​សុទ្ធតែ​ជា​ហេតុផល ដែល​ធ្វើ​ឱ្យ​គូស្នេហ៍​របស់​នាង​មាន​ភាព​ទាក់ទាញ​ខ្លាំង​។ម្យ៉ាង​មក​ពី​បុរស​ជា​គូស្នេហ៍​របស់​នាង ក៏​មើលទៅ​សង្ហារ​មិនធម្មតា​ផង ទើប​រឹតតែ​ធ្វើ​ឱ្យ​អ្នកខ្លះ មិនមែន​ចំអន់​ទេ តែ​ទៅ​ជា​ច្រណែន​ទៅ​វិញ ដែល​នាង​ស្ថិត​នៅ​ក្នុង​អាជីព​ដែល​បុរស​ភាគច្រើន​មិនសូវ​ហ៊ាន​ក្បែរ តែ​បែរជា​អាច​រកបាន​បុរស​យ៉ាង​ល្អ​ទាំង​អាជីព និង រូបសម្បត្តិ​។ មក​ទល់​ពេល​នេះ កុំ​ថា​ឡើង​គម្រោង​រៀប​ការ​ពេល​ណា សូ​ម្បី​តែ​រូបថត​ពី​ពិធី​ភ្ជាប់ពាក្យ ក៏​មិន​ទាន់​ឃើញ​នាង និង​គូស្នេហ៍​បង្ហោះ​អួត​នោះ​ដែរ ដែល​ម្នាក់​ៗ​កំពុង​ចោទ​គ្នា​ថា តើ​រហូត​ដល់​ពេល​ណា ទើបបាន​រូបថត​ស្អាត​ៗ ពី​គូស្នេហ៍​របស់​នាង​មើល? យ៉ាងណាមិញ អ្នក​ទាំង​ពីរ​ហាក់​មាន​សភាព​ស្ងៀមស្ងាត់ ពុំ​ទាន់​បាន​ធ្វើការ​បង្ហោះ​រូបភាព​ក្នុង​ពិធី​ភ្ជាប់ពាក្យ​នៅ​លើ​បណ្ដា​ញា​ង្គ​ម​នៅឡើយ​ទេ ។ មិនតែប៉ុណ្ណោះ​អ្នក​ទាំង​ពីរ​ក៏​មិន​ទាន់​បញ្ជាក់​ថា នឹង​រៀប​អាពាហ៍ពិពាហ៍​នៅ​ពេល​ណា​ឱ្យ​ប្រាកដ​នោះ​ដែរ ។ 

ម្ចាស់មេដាយ​មាស​កម្ពុជា លោកស្រី កែ ឡេង សម្រេចចិត្ត​លាឈប់​ពី​អាជីព​កីឡា​ប៉េតង់​ហើយ​

ថ្ងៃទី ២៩ ខែ ឧសភា ឆ្នាំ ២០២០ ម៉ោង ១៥:២៦

ម្ចាស់មេដាយមាសពិភពលោក ៤ ជំនាន់ជាប់ៗគ្នា លោកស្រី កែ ឡេង សម្រេចចិត្ត​លាឈប់​ពី​អាជីព​កីឡា​ប៉េតង់​ហើយ​។ បើ​តាម Page Cambodia Sea Games 2023 ​បាន​បញ្ជាក់​ថា​ម្ចាស់​មេដាយ​មាសជើងឯកពិភព​លោក ៤​ ជំនាន់ជាប់ៗគ្នា វីរកីឡាការិនី កែ ឡេង បានប្រកាសលាឈប់ពីអាជីពកីឡាប៊ូល និងប៉េតង់​កម្ពុជា​ហើយ​ ដោយសារ​បញ្ហាសុខភាពរបស់លោកស្រីថាមិនអាចទ្រាំទ្រតទៅមុខទៀតបាន។ ថ្លែងប្រាប់ក្រុមការងារព័ត៌មាន CAMSOC, លោកស្រី កែ ឡេង បន្ថែម ទៀតថា ការសម្រេច​ចិត្តលាឈប់ពីវិស័យកីឡាប៉េតង់នេះ គឺអាស្រ័យ​ដោយស្ថានភាពសុខភាព​របស់លោកស្រីផ្ទាល់​ចុះ​ខ្សោយ​មិនអាចបន្តស៊ូទ្រាំនឹងការហ្វឹកហាត់​ ដើម្បីត្រៀមការប្រកួតតទៅមុខទៀតបាន។ ស្ថិតនៅក្នុងវ័យ ៥៧ឆ្នាំ លោកស្រី កែ ឡេង បានអះ​អាងទៀតថា ​បច្ចុប្បន្នវ័យកាន់តែចាស់ទៅ ហើយពុំអាច​បន្តការចូលរួមប្រកួតលើឆាកអន្តរជាតិ ដណ្តើមកិត្យានុភាពជាតិ មេដាយមាស ដូចកាល​ពីមុន​ៗទៀតឡើយ ពីព្រោះការត្រៀមចូលរួមប្រកួតម្តងៗ ត្រូវតែមានការ ហ្វឹកហាត់យូរម៉ោង ក្នុង១ថ្ងៃៗ។ម្យ៉ាងទៀត​លោកស្រីក៏ជាប់រវល់ច្រើននៅអង្គភាពរបស់ខ្លួនក្រោម ក្រសួងការពារជាតិ ក្នុង​ឋានៈ​ជាមន្ត្រីយោធា​ផ្កាយពីរ។ ទោះយ៉ាងនេះក្តី ក៏លោកស្រីមិនទាន់បញ្ជាក់ថា ក្រោយ​ពី​បញ្ចប់​អាជីពកីឡាការិនីប៉េតង់​ ដ៏ឆ្នើមបំផុតរបស់កម្ពុជារូបនេះអាចទៅធ្វើជាគ្រូបង្វឹក ឬយ៉ាង​ណានោះដែរ។ កន្លងមក​ វីរកីឡាការិនីប៉េតង់កម្ពុជា លោកស្រី កែ ឡេង ដែលលេចធ្លោ​យ៉ាងខ្លាំងលើ​វិញ្ញាសា​វាយយក​ពិន្ទុតែងតែប្រាប់ថា ការហ្វឹកហាត់ និងការប្រកួតលក្ខណៈ អន្តរជាតិម្តងៗ លោកស្រី​សម្លឹងមើលគោលដៅ​ (ប៊ី) ដើម្បីវាយឲ្យចំគោលដៅ​ ហើយ​លោកស្រីតែងតែ​ទទួលបានការ​កោត​សរសើរ​ពីមហាជនថា ម្ចាស់មេដាយមាស ៤ ជំនាន់ជាប់ៗគ្នារបស់ពិភពលោករូបនេះ វាយ​ចំគោលដៅបានយ៉ាងល្អបំផុត ដោយមិនទាន់មានកីឡាការិនីអន្តរជាតិណាម្នាក់បំបែកកំណត់ត្រា គ្រប់គ្រងម្ចាស់មេដាយមាសពីការប្រកួតជើងឯកពិភពលោករហូតដល់ ៤ សម័យកាលជាប់ៗគ្នាបែបនេះឡើយ។ លោកស្រីបន្ថែមថា​ មកដល់ពេល​នេះលោកស្រីមិនទាន់សម្លឹង​ឃើញ​មាន​កីឡាការិនី​ប៊ូល ​និងប៉េតង់កម្ពុជាណា ម្នាក់អាច​ស្នងដំណែង​របស់លោក​ស្រីបាននៅឡើយទេ។សូមរម្លឹកថា វីរកីឡាការិនី កែ ឡេង បានឈ្នះ​មេដាយមាសពីការ​ប្រកួតជើងឯកពិភពលោក ៤ជំនាន់ ជាប់ៗគ្នា ពោលគឺ​ចាប់តាំងពីឆ្នាំ ២០១៣​ មកម្លេះ ឆ្នាំ ២០១៥ ឆ្នាំ ២០១៧ និងរហូតដល់ឆ្នាំ ២០១៩ ដែលភាព​ល្បីល្បាញនេះ​បានធ្វើឲ្យព្រះរាជាណាចក្រកម្ពុជា លើវិស័យកីឡាប៉េតង់មានភាពលេចធ្លោយ៉ាងខ្លាំង ហើយសហព័ន្ធ​កីឡាប៉េតង់អន្តរជាតិបានផ្តល់សិទ្ធិឲ្យកម្ពុជាទទួលសិទ្ធិធ្វើជាម្ចាស់ផ្ទះ ការប្រកួតជើងឯកពិភពលោក នៅក្នុងឆ្នាំ ២០១៩ កន្លងទៅថ្មីៗនេះ។ នៅក្នុងឋានៈជាម្ចាស់ផ្ទះ ជើងឯកពិភពលោកយុវជន និងស្ត្រី លើកទី ១៧ ឆ្នាំ ២០១៩ កីឡាការិនីជម្រើសជាតិ កែ ឡេង បានឈ្នះមេដាយមាសលើវិញ្ញាសា វាយយកពិន្ទុ ដែលជាមេដាយមាសពិភពលោកជំនាន់ទី ៤ ចុងក្រោយបង្អស់របស់លោកស្រី។ វិញ្ញាសាវាយយកពិន្ទុនារីនេះ ម្ចាស់មេដាយមាស កីឡាការិនី កែ ឡេង បានយកឈ្នះលើកីឡាការិនីប្រទេសឡាវ នៅវគ្គផ្តាច់ព្រ័ត្រ ដោយកីឡាការិនីឡាវបានត្រឹមមេដាយប្រាក់ រីឯម្ចាស់មេដាយសំរឹទ្ធ និងសំរឹទ្ធស្ទួនបានទៅលើកីឡាការិនីមីយ៉ាន់ម៉ា និង ចិន។ កីឡាការិនី កែ ឡេង ក៏បានជួយក្រុមយកឈ្នះមេដាយសំរឹទ្ធ ១វិញ្ញាសា ក្រុមដែរ គឺវិញ្ញាសា៣ទល់ ៣ នាក់ នារី មាន កីឡាការិនី កែ ឡេង, អ៊ុក ស្រីមុំ, អ៊ុន ស្រីយ៉ា និង កែវ សុវណ្ណា។ ក្រៅពីការឈ្នះមេដាយមាសជើងឯកពិភពលោក លោកស្រី ក៏ធ្លាប់បានឈ្នះមេដាយស៊ីហ្គេម និងការប្រកួតអន្តរជាតិមួយចំនួនទៀតដែរ៕

អតីត​ប្រធាន​ក្លិប Barcelona ថា Neymar ជា​កីឡាករ​ល្អ​លំដាប់​ទី​២​លើ​លោក​បន្ទាប់​ពី Messi

ថ្ងៃទី ២៩ ខែ ឧសភា ឆ្នាំ ២០២០ ម៉ោង ១៤:៥៣

អតីត​ប្រធាន​ក្លិប Barca លោក Sandro Rosell បាន​និយាយ​ថា Neymar ជា​កីឡាករ​ល្អ​លំដាប់​លេខ​២​លើ​លោក បន្ទាប់​ពី Messi ហើយ​បើ​សិន​​លោក​ជា​ប្រធាន​ក្លិប​បច្ចុប្បន្ន​វិញ លោក​នឹង​​ចុះ​កុងត្រា​យក​ខ្សែ​ប្រយុទ្ធ​ប្រេស៊ីល​រូប​នេះ​មក​វិញ។ «បើ​ខ្ញុំ​ជា​ប្រធាន​ក្លិប​ Barca វិញ ខ្ញុំ​នឹង​ព្យាយាម​ចុះ​កុងត្រា​យក Neymar មក​វិញ»។ គាត់​ជា​កីឡាករ​ល្អ​លំដាប់​ទី​២​ បន្ទាប់​ពី Messi ហើយ​គាត់​លេង​ត្រូវ​ជាមួយ​​ចិត្ត​សាស្ត្រ​របស់​ក្លិប»។ លោក Rosell ប្រាប់​ទៅ​កាន់​ COPE និង​វិទ្យុ Marca។លោក Sandro Rosell និង Neymar Jr.ទោះបី​ជាយ៉ាងណា ជាមួយ​នឹង​បទ​ពិសោធន៍ បុរស​ធ្លាប់​យក Neymar ពី​ក្លិប Santos ក្នុង​ឆ្នាំ​២០១៣ បាន​ឱ្យ​ដឹង​ថា ប្រធាន​ក្លិប​អ្នក​មាន​បុណ្យ គួរ​ចុះ​កុងត្រា​ជាមួយ​គេក្នុង​ពីរ​លក្ខខណ្ឌ ទី​មួយ​គឺ​ចុះ​លើ​ផ្នែក​កីឡា និង​ទី​ពីរ​ចុះ​លើ​ផ្នែក​អាកប្បកិរិយា។ចាប់​តាំង​​ចេញ​ពី Barcelona ទៅ PSG ឆ្នាំ​២០១៧ ក្នុង​តម្លៃ​ខ្លួន ២៤៦​លាន​ដុល្លារ ខ្សែ​ប្រយុទ្ធ​វ័យ​២៨​ឆ្នាំ បាន​ឈ្នះ​ពាន Ligue 1 បី​លើក ឈ្នះ​ពាន Coupe de France, Coupe de la Ligue និង Trophee des Champions។កីឡាករ​ជម្រើស​ជាតិ​ប្រេស៊ីល រក​បាន​ ១៣​គ្រាប់ មុន Ligue 1 ត្រូវ​បាន​ផ្អាកជាបណ្ដោះអាសន្ន ដោយសារ​វិរុស​កូរ៉ូណា និង​ PSG ក៏​ត្រូវ​បាន​ប្រកាស​ជា​ជើងឯក​តែ​ម្ដង ដើម្បី​បញ្ចប់​រដូវកាល។ ថ្មីៗនេះ​​មាន​ព័ត៌មាន​ភ្ជាប់​ជា​ហូរហែ​ថា រូប​គេ​​​​មក​ក្លិប Barcelona វិញ៕

Chanathip៖ ការស៊ុតរបស់ខ្ញុំ កាន់តែមានកម្លាំង និងច្បាស់ជាងមុន

ថ្ងៃទី ២៩ ខែ ឧសភា ឆ្នាំ ២០២០ ម៉ោង ១៤:២៦

លេងនៅ J. League បានជិត ៣ រដូវកាល តើខ្សែបម្រើឆ្នើមមកពីប្រទេសថៃ Chanathip Songkrasin យល់យ៉ាងណាដែរចំពោះសមត្ថភាពរបស់គេ? ឆ្លើយនឹងសំណួរនេះទៅកាន់អ្នកសារព័ត៌មានជប៉ុន Yoichi Igawa តារាឆ្នើមរហស្សនាម Messi ថៃ លើកឡើងថាសមត្ថភាពរបស់គេ មានការអភិវឌ្ឍយ៉ាងល្អប្រសើរ។អតីតកីឡាករ Muangthong United បញ្ជាក់ថា ៖«ខ្ញុំមានការអភិវឌ្ឍច្រើន ជាពិសេសក្រោមការដឹកនាំរបស់ Mischa (Mihailo Petrovic អ្នកចាត់ការក្រុម Sapporo) តួនាទីរបស់ខ្ញុំកាន់តែមានប្រសិទ្ធភាព ខ្ញុំបានរៀនពីរបៀបការពារ និងវិន័យ។ ចំណែកការស៊ុតរបស់ខ្ញុំ កាន់តែមានកម្លាំង ហើយច្បាស់។ សរុបមកស្តាយលេងរបស់ Mischa ត្រូវជាមួយការប្រយុទ្ធរបស់កីឡាករ និងចូលគ្នាយ៉ាងរលូន។ ខ្ញុំចូលចិត្តការលេងប្រយុទ្ធខ្លាំងបែបនេះ។ កីឡាករទាំងអស់ចូលចិត្តស្តាយនេះ ហើយវាផ្ដល់ភាពល្អមើលដល់អ្នកគាំទ្រ»។ គួរបញ្ជាក់ថា កីឡាករវ័យ ២៦ឆ្នាំ កម្ពស់ ១,៥៨ Chanathip Songkrasin បានចេញពីក្លិប Muangthong United ទៅលេងឱ្យក្លិបជប៉ុន Hokkaido Consadole Sapporo ក្នុងលក្ខខណ្ឌខ្ចីជើង នៅឆ្នាំ ២០១៧។ រដូវកាល ២០១៧ (ពាក់កណ្ដាលរដូវកាល) គេមិនអាចរកគ្រាប់បាល់បានទេ ប៉ុន្តែ Assist បាន១លើក រដូវកាលទី២ឆ្នាំ២០១៨ រកបាន ៨គ្រាប់ ធ្វើបាន ២ Assist និងរដូវកាលទី៣ ឆ្នាំ២០១៩ គេរកបាន ៤គ្រាប់ និង៦ Assist៕