trollkhmer news

កីឡា

Zinedine Zidane៖​ កុំទាន់សួររឿងរៀបចំក្រុមឆ្នាំក្រោយ​​ ព្រោះខ្ញុំមិនដឹងថាបាននៅទៀតឬអត់

ថ្ងៃទី ១០ ខែ មេសា ឆ្នាំ ២០១៧ ម៉ោង ១៦:២៦

អ្នកចាត់ការទូទៅរបស់ Real Madrid លោក Zinedine Zidane បាននិយាយថា​ លោកមិនទាន់បានគិតគូររឿងរៀបចំក្រុមនៅឆ្នាំក្រោយឡើយ​​ ព្រោះលោកមិនទាន់ដឹងថាអាចនៅបន្តដឹកនាំក្រុមអធិរាជសបានបន្តទៀតឬយ៉ាងណា។ការឆ្លើយបែបនេះស្របពេលដែល​​ ក្រុមជើងឯកទ្វីបអឺរ៉ុប១១សម័យត្រូវបានពាក់ព័ន្ធនឹងការដោះដូរកីឡាករជាច្រើនរូបដូចជា Eden Hazard​​ របស់ Chelsea​  David De Gea របស់ Manchester United Aubameyang របស់ Dortmund និង​​ Paulo Dybala របស់ Juventus ជាដើម។អតីតសមាជិក្រុមមាន់គករបស់បារាំងបានឲ្យដឹងថា៖​ "អ្នកគ្រប់គ្នាតែងសួរអំពីគម្រោងការរបស់ខ្ញុំនៅឆ្នាំក្រោយ​ ហើយអ្វីដែលខ្ញុំអាចនិយាយបាននោះគឺខ្ញុំកំពុងតែខិតខំធ្វើការងាររបស់ខ្ញុំរហូត​ដល់​ថ្ងៃ​ចុងក្រោយ​ដែល​ខ្ញុំ​ធ្វើ​ការ​នៅ​ទីនេះ"។គួររំលឹកថា Zidane បានចូលមកដឹកនាំ Real Madrid ជំនួសតំណែងលោក Rafael Benitez កាលពីពាក់កណ្តាលរដូវកាលឆ្នាំ២០១៦ ដោយជួយឲ្យក្រុមអធិរាជសឈ្នះពានរង្វាន់ UCL លើកទី១១ជាប្រវត្តិសាស្រ្តរបស់ក្លឹបផងដែរ។

ណាហ្គាវើល និង បឹងកេត ត្រូវបានអញ្ជើញចូលរួមពានរង្វាន់ RHB Singapore Cup 2017

ថ្ងៃទី ១០ ខែ មេសា ឆ្នាំ ២០១៧ ម៉ោង ១៦:០៩

សហព័ន្ធបាល់ទាត់កម្ពុជាបានជូនដំណឹងដល់ក្រុមបាល់ទាត់នៅលីគកំពូលកម្ពុជាចំនួនពីរ គឺក្រុមបាល់ទាត់បឹងកេតអង្គរ និង ណាហ្គាវើល ដើម្បីទៅចូលរួមព្រឹត្តិការណ៍នៃពានរង្វាន់ RHB Singapore Cup 2017  តាមការអញ្ជើញរបស់សហពន្ធ័បាល់ទាត់សឹង្ហបុរី ។សំរាប់ការប្រកួតគ្រោងធ្វើឡើងនៅថ្ងៃទី ២៩ ខែ ឧសភា ឆ្នាំ ២១០៧ តទៅ នៅឯប្រទេសសឹង្ហបុរីផ្ទាល់ផងដែរ។ ណាហ្គាវើល ធ្លាប់មានបទពិសោធចូលរួមក្នុងពានរង្វាន់ RHB Singapore Cup កាលពីឆ្នាំ ២០១៦ ដោយបានចាញ់ក្រុមរបស់ភីលីពីន Global FC ក្នុងលទ្ធផល ៥ទល់០ ក្នុងវគ្គជម្រុះ ខណៈ បឹងកេតអង្គរ គឺជាលើកដំបូងសំរាប់ពានរង្វាន់នេះ៕អត្តបទ៖ អូស្កា

Ronaldo និង Neymar អាចអត់បានលេង El Classico ជើងទី២នេះ

ថ្ងៃទី ១០ ខែ មេសា ឆ្នាំ ២០១៧ ម៉ោង ១៥:១៧

Cristiano Ronaldo របស់​ Real Madrid ​និង Neymar របស់ FC Barcelona អាច​អវត្តមាន​នៅក្នុងជំនួបប្រចាំប្រទេសអេស្ប៉ាញ​ El Clasico ​​នៃការប្រកួតបាល់ទាត់ក្របខ័ណ្ឌ​ La Liga ​នា​ថ្ងៃ​ទី​២៣ ខែ​មេសា​ខាង​មុខ​នេះ។ប្រធាន​ក្រុម​ជម្រើស​ជាតិ​ព័រទុយហ្គាល់​ បាន​ទទួល​​កាត​លឿង​សរុប​៤​ហើយ​ នៅ​ La Liga ​ដូច្នេះ​បើ​ប្រកួត​ក្នុង​លីគ​បន្ទាប់​ ពេល​ប៉ះ​ Sporting ​ទទួល​បាន​​កាត​លឿង​មួយ​ទៀត​ ​នឹង​ត្រូវ​អវត្តមាន​ ពេល​ប៉ះ​ Barcelona ​ជា​មិន​ខាន។ ចំណែកឯប្រធានក្រុមជម្រើសជាតិប្រេស៊ីលវិញ​ ទទួលបានកាតក្រហមពេល​ Barcelona ចាញ់​ Malaga ២ទល់នឹង០​​ ដោយ​សារ​តែ​ការ​ចងខ្សែ​ស្បែក​ជើង​យូរពេក ដែល​ទំនង​ជា​ការ​ចង់ពន្យាពេល​​ ដោយទង្វើរបស់​កីឡាករ​វ័យ២៦​ឆ្នាំនេះ អាច​ប្រឈម​នឹង​អវត្តមាន​លើស​ពី​មួយ​ប្រកួត។គិតមកទល់ពេលនេះ Real ​Madrid កំពុង​នាំ​មុខ​ Barcelona ​៣​ពិន្ទុ​ ឈរ​លើ​កំពូល​តារាង​ La Liga ​​ដោយ​សល់​១​ប្រកួត​ក្នុង​ដៃ​ទៀត ដូច្នេះ​​ការ​​ប៉ះ​គ្នា​​នៅ​កីឡដ្ឋាន​ Santiago Bernabeu ​ចុង​ខែ​នេះ​គឺជាការប្រកួតដែលអាចកាត់សេចក្តីក្នុងការប្រជែងពានរវាងក្រុមទាំង២ផងដែរ។

លោក Oleg Starynskyi គ្រូបង្វឹកភ្នំពេញក្រោន និយាយអ្វីខ្លះក្រោយចាញ់វេស្ទើន (មានវីដេអូ)

ថ្ងៃទី ១០ ខែ មេសា ឆ្នាំ ២០១៧ ម៉ោង ១៤:៤៨

លោក Oleg Starynskyi គ្រូបង្វឹកក្រុមភ្នំពេញក្រោនបានលើកឡើងថា ការចាញ់ក្រុម វើស្ទើនភ្នំពេញ ៣ ទល់ ១ ក្នុងទឹកដីខ្លួនឯងកាលពីថ្ងៃសៅរទី ៨ ខែមេសា ក្នុងការប្រកួតជម្រើសជើងឯកជាតិឆ្នាំ ២០១៧   ព្រោះ ទំនុកចិត្ត និងស្មារតីថយចុះជាលំដាប់ ។គ្រូបង្វឹកសញ្ជាតិអ៊ុយក្រែន បានលើកឡើងនូវមតិយោបល់អំពីការប្រកួតថា ៖"បាល់ទាត់គឺជាល្បែងចិត្តសាស្ត្រមួយ! បន្ទាប់ពីបាននាំមុខគូប្រកួត ១-០ រួចមកយើងក៏បានបាត់បង់ឱកាសជាបន្តបន្ទាប់ ជាពិសេសទំនុកចិត្ត និងស្មារតីក្រុមក៏ត្រូវថយចុះជាលំដាប់ ហើយក្រុមវេស្ទើនបានពង្រឹងខ្លាំងឡើងៗ ជាពិសេសកូនក្រុមរបស់យើងបានបង្កើតឡើងនូវកំហុសធំៗជាច្រើនដែលបានបណ្តាលឱ្យគ្រាប់បាល់ ២គ្រាប់ត្រូវរបូតទៅបាន។" លោកបានបន្ថែមថា៖ "កំហុសឆ្គងបាននាំឱ្យគូប្រកួតកាន់តែមានឱកាសច្រើនឡើងៗ ចំណែកក្រុមរបស់យើងក៏ត្រូវបាត់បង់ភាពរឹងមាំ ហើយមិនអាចស្តារស្ថានភាពឱ្យប្រសើរបានឡើយ។ គ្រាប់បាល់ជាច្រើនបានកន្លងហួសទៅហើយក្នុងនោះយើងបានខុសឆ្គងត្រង់ការបណ្តោយឱ្យគូប្រកួតនាំមុខមុនដល់ទៅ ២-១ ក្នុងវគ្គទី១ ។ ខ្ញុំយល់ថា យើងត្រូវពង្រឹងប្រព័ន្ធប្រយុទ្ធឡើងវិញ ព្រោះនាពេលកន្លងមកយើងបានបង្កើតឱកាសដែលអាចរកគ្រាប់បាល់បាន ប៉ុន្តែយើងនៅតែមិនអាចទាត់បញ្ចូលទីតាមការគ្រោងទុកឡើយ វាជាហេតុផលដែលនាំឲ្យយើងបាត់បង់ពិន្ទុនៅទីបញ្ចប់។"ការចាញ់នេះធ្វើអោយក្រុមភ្នំពេញក្រោនធ្លាក់មកនៅលេខរៀងទី ៥ ដោយមានត្រឹម ១០ពិន្ទុ ដោយការប្រកួត ៦ ដង ឈ្នះ ៣ ចាញ់ ២ និង ស្មើ ១ ។  អត្តបទ៖ អូស្កាប្រភព ៖ ភ្នំពេញក្រោន

៨ក្រុមប៉ះគ្នាមានគ្រាប់បាល់១៣គ្រាប់ ក្នុងការប្រកួតជម្រើសជើងឯកបិទបញ្ចប់សប្តាហ៍ទី៧

ថ្ងៃទី ១០ ខែ មេសា ឆ្នាំ ២០១៧ ម៉ោង ០១:២២

ការប្រកួតជម្រើសជើងឯកជាតិឆ្នាំ២០១៧ នៅថ្ងៃអាទិត្យ ទី ០៩ ខែមេសា មានចំនួន ៤ គូ ដែលមានការស៊ុតបញ្ចូលទីគ្នារហូតដល់១៣គ្រាប់  ក្នុងនោះ បឹងកេត, ក្រសួងការពារជាតិ, ណាហ្គាវើល និង អគ្គស្នងការនរគបាលជាតិ សុទ្ធតែទទួលបានជ័យជំនះ ។ការប្រកួតបិទសប្តាហ៍ទី ៧ក្រុមបឹងកេត បានយកឈ្នះលើអគ្គីសនីកម្ពុជា ៤ ទល់នឹង ០ នាកីឡដ្ឋានអូឡាំពិក ខ្សែការពារ សុខ សុវណ្ណ, TOMOKI, OMOGBA  និង លី មីហ្សាន រកបានម្នាក់១គ្រាប់អោយគ្រូបង្វឹក Jonh Mcglynn ទទួលបាន៣ពិន្ទុ ។ក្រសួងការពារបានរក្សាការឈ្នះរបស់ខ្លួន បន្ទាប់ពីទៅយកឈ្នះគីរីវង្សសុខសែន ដល់ខេត្តតាកែវ ក្នុងលទ្ធផល ២ ទល់ ០ កីឡាករម្ចាស់ផ្ទះ ហែម ស្រេង ធ្វើអោយចូលទីខ្លួន១គ្រាប់ និង ខ្សែប្រយុទ្ធកូរ៉េខាងជើង Choe Myongho រកបាន១គ្រាប់នៅមុនចប់ការប្រកួត ។ចំណែក អគ្គស្នងការដ្ឋាននគរបាលជាតិ បានយកឈ្នះក្រុម ខេមបូឌានថៃហ្គឺរ ៥ ទល់ ២ ក្នុងនោះខ្សែប្រយុទ្ធ AFANWI រកបាន៤គ្រាប់ម្នាក់ឯង ខណៈ Sangmin ស៊ុតបាន១គ្រាប់ ចំណែកពីរគ្រាប់របស់ក្រុមដែលមានម្ចាស់សញ្ជាតិជប៉ុន រកបានដោយ Bata និង Kawabata Yugo ។ចុងក្រោយក្រុមណាហ្គាវើល បានលត់ក្រុម អាស៊ី អឺរ៉ុប ៤ ទល់ ០ អ្នកដែលរកគ្រាប់បាល់ជួនគ្រូបង្វឹក មាស ចាន់ណា រួមមាន Kipson ២គ្រាប់ Kento និង Kelechi រកបានម្នាក់១គ្រាប់  នាពហុកីឡាដ្ឋានជាតិអូឡាំពិក ។អត្តបទ៖ អូស្កា

អបអរថ្ងៃកំណើតកូនស្រីដំបូង ឈិន ឈឿន បង្កើតកម្មវីធីបាល់ទាត់សប្បុរសធម៌

ថ្ងៃទី ១០ ខែ មេសា ឆ្នាំ ២០១៧ ម៉ោង ០១:១៥

ខ្សែបម្រើក្រុមបាល់ទាត់ក្រសួងការពារជាតិ ឈិន ឈឿន បានបង្កើតក្រុមការងារសប្បុរសធម៌ ដើម្បីធ្វើកម្មវិធីបាល់ទាត់សប្បុរសធម៌  យុវជន និង បាល់ទាត់ ក្នុងការចែករលែកបទពិសោធន៍បាល់ទាត់របស់ខ្លួន ដល់ក្មេងៗ តាមបណ្តាខេត្តនានា ក្នុងប្រទេសកម្ពុជា ។អតីតកីឡាករជម្រើសជាតិកម្ពុជា រូបនេះបានអោយដឹងថា៖ ដោយសង្កេតឃើញការយល់ដឹងពីរបៀបលេងបាល់ទាត់របស់កម្ពុជានៅមានកម្រិតទាប ទើបរូបគេសំរេចចិត្តបង្កើតកម្មវិធីនេះ ឡើង ចែករំលែកបទពិសោធន៍របស់ខ្លួន ទៅក្មេងនៅតាមសាលា និង តំបន់ដាច់ស្រយាល មួយចំនួន ។ឈិន ឈឿន បានប្រកាសការធ្វើកម្មវិធីនេះ ឡើងដើម្បី អបអរដល់ថ្ងៃដែលកូនស្រីដំបូង របស់ខ្លួនបានចាប់កើត នៅថ្ងៃទី ៩ ខែ មេសា ឆ្នាំ ២០១៧ វេលាម៉ោង ៧: ១៧នាទី ដែលមានឈ្មោះថា អ៊ីឡា។ សូមបញ្ជក់ថា៖ កម្មវិធីរប់សខ្សែបម្រើការពារកំពូលល្បឿន រូបនេះនឹងដំណើរការណ៍ ចាប់ពីបុណ្យចូលឆ្នាំខ្មែរ ប្រពៃណីជាតិចប់ ៕អត្តបទ៖ អូស្កា

គ្រូបង្វឹក Man City នៅតែកាន់ជើងអ្នកចាំទី Claudio Bravo ក្រោយបង្កើតកំហុសថ្មីៗ

ថ្ងៃទី ១០ ខែ មេសា ឆ្នាំ ២០១៧ ម៉ោង ០១:០៦

គ្រូបង្វឹកលោក Pep Guardiola របស់ក្រុមមេឃខៀវ Man Cityនៅមានភាពជឿកជាក់លើកីឡាករ Claudio Bravo ថានូវតែជាអ្នកចាំទីឆ្នើមនៅក្នុងពិភពបាល់ទាត់នាពេលបច្ចុប្បន្ន ទោះបីជាបានបង្កើតកំហុសថ្មីមួយទៀតនៅប៉ះជាមួយ Hull City ក៏ដោយ។ ជាក់ស្តែង កំហុសរបស់ Bravo គឺនៅពេលគេភ្លាត់មិនអាចចាប់បាល់ពីការស៊ុតបាល់ស្រាលៗរបស់សមាជិក Hull កីឡាករ Andrea Ranocchia ក្នុងការប្រកួតដំបូងបន្ទាប់ពីអង្គុយនៅកន្លែងបម្រុង ៨ប្រកួតកន្លងមក។លោក Pep Guardiola បញ្ចេញចំណាប់អារម្មណ៍ថា៖ Claudio គឺជាអ្នកចាំទីឆ្នើមម្នាក់នៅក្នុងពិភពបាល់ទាត់ ដូចនឹង Ter Stegen និង Manuel Neuer ហើយរូបគេបានជួយក្រុមជាច្រើន ក្នុងការសាងក្រុមឲ្យមានភាពល្អប្រសើរ។ ៧ប្រកួតចុងក្រោយ អតីតសមាជិក Barcelona គឺមិនអាចរក្សាសំណាញ់ឲ្យបានល្អឡើយ ដោយលេង៧ប្រកួត គេស៊ុតចូលទាំង៧ប្រកួត។ 

Real តាមប្រម៉ាញ់កីឡាករ Chelsea ម្នាក់ទៀត បន្ទាប់ពី Hazard

ថ្ងៃទី ១០ ខែ មេសា ឆ្នាំ ២០១៧ ម៉ោង ០០:៥៧

ក្រុមអធិរាជស Real Madrid កំពុងតែត្រៀមប្រាក់ប្រមាណ ៥០លានផោន ដើម្បីនាំយកខ្សែបម្រើ N’Golo Kante របស់ក្រុម Chelsea នៅពេលទីផ្សាដោះដូរកីឡាករនៅរដូវក្តៅខាងមុខនេះ។ ដោយបង្ហាញថ្វីជើងក្នុងការបញ្ជូនបាល់យ៉ាងមានប្រសិទ្ធភាពរបស់ Kante អ្នកចាត់ការក្រុម Real លោក Zinedine Zidane ពិតជាពេញចិត្តមែនទែន ស្របមិត្តរួមក្រុមម្នាក់ទៀតគឺ Eden Hazard ក៏នៅក្នុងរ៉ាដារបស់ក្រុមយក្សអេស្ប៉ាញដូចគ្នា។ ជាក់ស្តែងណាស់ ជម្រើសជាតិបារាំងគឺកូនសោរសំខាន់របស់ Chelsea ដែលជួយឲ្យក្រុមគ្រងតំណែងកំពូលតារាងរយៈពេលជាង ២០សប្តាហ៍ និងប្រហែលជាអាចលើកពាន Premier League  នៅរដូវកាលនេះ ក៏ថាបាន។ក្រុម Real Madrid ទំនងនឹងចាយប្រាក់មិនក្រោម ១០០លានផោនទេ ត្រៀមនាំយកកីឡាករទាំង ២ខាងលើទៅកាន់កីឡដ្ឋាន Santiago Bernabeu ដើម្បីជំនួស James Rodriguez និង Isco ដែលនឹងអាចចាកចេញៀនៅចប់រដូវកាល។ សូមបញ្ជាក់ថា កីឡាករឆ្នើមប្រចាំ Premier League ឆ្នាំមុន ត្រូវបានក្រុម Chelsea ទិញមកពីក្រុម Leicester City ក្នុងតម្លៃខ្លួន ៣២ លានផោនជាមួយកុងត្រារយៈពេល ៥ឆ្នាំ បន្ទាប់ជួយ Leicester លើកពានលីគកំពូលអង់គ្លេសជាលើកដំបូងក្នុងប្រវត្តិសាស្ត្រ។ 

Man UTD ឈ្នះ Sunderland ៣-០ ឡើងមកលេខ៥បណ្តោះអាសន្ន (មានវីដេអូហាយឡាយ)

ថ្ងៃទី ១០ ខែ មេសា ឆ្នាំ ២០១៧ ម៉ោង ០០:៣៣

ក្រុមបិសាចក្រហម Manchester United អាចឡើងមកឈរនៅលេខ៥បណ្តោះអាសន្នសិន ក្រោយពីយកឈ្នះក្រុមម្ចាស់ផ្ទះ Sunderland ដែលមានគ្នា១០នាក់ដោយលទ្ធផល៣ទល់នឹង០។៣គ្រាប់របស់ក្រុមលោក Jose Mourinho រកបានដោយ Zlatan Ibrahimovic (30') Henrik Mkhitaryan (46') និងកីឡាករវ័យក្មេង Marcus Rashford (89') ដោយ Sebastain Lasson​ របស់ Sunderland ទទួលបានកាតនៅនាទីទី៤០៕ងាកមកការប្រកួតនៅក្នុង Goodison Park វិញមានគ្រាប់បាល់កេីតឡេីងដល់ទៅ៦គ្រាប់​ ដោយនៅនាទីទី១ដេាយកីឡាករ Davies ធ្វេីអេាយ Everton នាំមុខមុន។ នាំមុខបាន៣នាទីខ្សែប្រយុទ្ធ Slimani រកបានគ្រាប់បាល់តាមស្មេី។ នៅនាទីទី១០កីឡាករ Albrighton ស៊ុតបាល់ហ្វ្រីឃីកយ៉ាងស្អាតនាំមុខក្រុមម្ចាស់ផ្ទះ ១-២។  នៅនាទី២៣ខ្សែប្រយុទ្ធ Lukaku រកបានគ្រាប់បាល់តាមស្មេី Leicester វិញ ហើយជិតចប់តង់ទីមួយទៅហេីយ Phil Jagieka រកបានមួយគ្រាប់ជួយអេាយ​​ Everton នាំមុខ ៣-២។  ចូលដល់តង់ទីពីរពេាលគឺនាទី៥៧ខ្សែប្រយុទ្ធ Lukaku រកបានគ្រាប់ទីពីរក្នុងការប្រកួតជួយអេាយក្រុម Everton យកឈ្នះ Leicester ក្នុងលទ្ធផល ៤-២។ ដោយបរាជ័យមួយនេះធ្វេីអេាយក្រុម Leicester ស្គាល់រសជាតិចាញ់លេីកដំបូងក្រេាមការដឹកនាំរបស់លេាកគ្រូបង្វឹកថ្មី Craig Shakespares៕អត្ថបទ៖ ឆើត