trollkhmer news

កីឡា

ស្ងាត់ៗ! Emmanuel Adebayor ស៊ុតបាន​ Hat-Trick លត់ Galatasaray ៤-០ (មានវីដេអូ)

ថ្ងៃទី ១១ ខែ មេសា ឆ្នាំ ២០១៧ ម៉ោង ១៧:០៩

ខ្សែប្រយុទ្ធ Emmanuel Adebayor រកបាន៣គ្រាប់ម្នាក់ឯងជួយឲ្យ Istanbul Basaksehir យកឈ្នះ Galatasaray ៤ទល់នឹង០ នៅក្នុង Super Lig ក្នុងសប្តាហ៍ទី៣១។អតីតកីឡាករ Arsenal និង Tottenham ស៊ុត២គ្រាប់នៅវគ្គទី១មុនថែមបាន១គ្រាប់ទៀតនៅនាទីទី៥៧ ខណៈ Mustafa Pektemek បន្ថែម១គ្រាប់ទៀត។ គួររំលឹកថា គ្រាប់បាល់ Hat-Trick ចុងក្រោយរបស់ Adebayor នៅឆ្នាំ២០១១​ ពេលលេងឲ្យ Real Madrid ស្របពេលកីឡាករ៣៣ឆ្នាំខាងលើរកបាន៥គ្រាប់ហើយឲ្យ Basaksehir ចាប់តាំងពីចុះកិច្ចសន្យានៅខែមករាមក។ក្រោយពីឈ្នះម្សិលមិញ Istanbul Basaksehir តាមពីក្រោយក្រុមកំពូលតារាង Besiktas ៥ពិន្ទុប៉ុណ្ណោះ​ ខណៈនៅសល់៧ប្រកួតទៀត។

Dortmund ជួប Monaco លើកដំបូងក្នុង Champion League (មានស្ថិតិ)

ថ្ងៃទី ១១ ខែ មេសា ឆ្នាំ ២០១៧ ម៉ោង ១៦:២០

ក្រុមអាវលឿង Borussia Dortmund ត្រូវស្វាគមន៍ក្រុមចាយលុយធំ AS Monaco នៃការប្រកួតបាល់ទាត់ពានរង្វាន់ Uefa Champion League វគ្គ៨ក្រុមចុងក្រោយជើងទី១ នាវេលាម៉ោង១:៤៥នាទីទៀបភ្លឺនៅកីឡដ្ឋាន Westfalenstadion។កំណត់ត្រា៖ជួបក្រុមបារាំងនៅក្នុងផ្ទះខ្លួនឯង៨លើក Dortmund ឈ្នះ៤​ ស្មើ៣ និងចាញ់១លើកគត់ ខណៈដែល Monaco ទៅទឹកដីអាល្លឺម៉ង់៩ដង ឈ្នះ៤ ស្មើ៣ និងចាញ់២​ ហើយនេះគឺជាលើកដំបូងផងដែរសម្រាប់ជំនួបរវាងក្រុមទាំងពីរ។ជើងកីឡាករ៖ក្រុមម្ចាស់ផ្ទះត្រូវលេងដោយគ្មាន Götze (មានជំងឺ), Schürrle (កែងជើង) និង Durm (សាច់ដុំ) ខណៈ Reus មិនទាន់ច្បាស់ថាអាចបង្ហាញខ្លួនបានឬយ៉ាងណា។Bakayoko (ជាប់ពិន័យ), Sidibé (រលាកពោះវៀន), Boschilia (កជើង), Carrillo (ក្រលៀន)​ មិនអាចលេងឲ្យ Monaco បានឡើយ។ប្រវត្តិជួបគ្នា៖Dortmund ឈ្នះវគ្គ៨ក្រុម៤លើកចុងក្រោយនៅក្នុងផ្ទះ ចំណែកឯ Monaco ឡើងមកដល់វគ្គនេះ២លើកក្នុងរយៈពេល៣ឆ្នាំចុងក្រោយ។ ចំាមើលថាក្រុមណានឹងទទួលបានជ័យជម្នះនៅជើងទី១នេះ?អត្ថបទ៖​ ឆើត

Juventus មិនដែលចាញ់ Barca ឡើយក្នុងដីខ្លួនឯង! ចុះយប់នេះវិញ? (មានស្ថិតិ)

ថ្ងៃទី ១១ ខែ មេសា ឆ្នាំ ២០១៧ ម៉ោង ១៥:៥៧

ក្រុមនារីវ័យចំណាស់ Juventus ត្រូវបើកទ្វារផ្ទះ​របស់ខ្លួនស្វាគមន៍ក្រុមអ្នកមានបុណ្យ FC Barcelona នៃការប្រកួតបាល់ទាត់ពានរង្វាន់ Uefa Champion League វគ្គ៨ក្រុមចុងក្រោយជើងទី១ នាវេលាម៉ោង១:៤៥នាទីទៀបភ្លឺដែលមានផ្សាយបន្តផ្ទាល់តាមកញ្ចក់ទូរទស្សន៍ CBC (CTN, CNC & MYTV)។កំណត់ត្រា៖Juventus មិនដែលស្គាល់ពាក្យថាបរាជ័យឡើយនៅ Turin ពេលប៉ះជាមួយ Barca ហើយមានកំណត់ត្រាមិនដែលចាញ់ក្នុងក្នុងដីខ្លួនឯងចំនួន២១ដងនៅក្នុងពានរង្វាន់ UCL នេះ។​ ចំណែកឯ Barcelona វិញឆ្លងមកដល់វគ្គនេះ១០ដងជាប់ៗគ្នា ហើយមិនដែលធ្លាក់ឡើយនៅវគ្គ៨ក្រុមក្នុងរយៈពេល៩ឆ្នាំចុងក្រោយ។ជើងកីឡាករ៖សមាសភាពរបស់ក្រុម Massimiliano Allegri ថ្ងៃនេះអវត្តមានតែខ្សែបម្រើ Pjaca ម្នាក់ប៉ុណ្ណោះ​ដោយសារជង្គង់ ស្របពេលកីឡាករផ្សេងៗទៀតពេញជើង១០០ភាគរយ។Busquets (ជាប់ពិន័យ), Rafinha (ជង្គង់), Aleix Vidal (កែងជើង), Arda Turan (ក្រលៀន) សុទ្ធតែមិនមានវត្តមានសម្រាប់ជំនួបនេះ។ប្រវត្តិជួបគ្នា៖ក្រុមទាំង២ធ្លាប់ប៉ះគ្នា៣លើកតែប៉ុណ្ណោះ​ ដោយ Juvents ឈ្នះ១ Barca ឈ្នះ១ នឹងស្មើគ្នា១លើក ខណៈជួបគ្នាលើកចុងក្រោយ FC Barcelona យកឈ្នះ Juventus ដោយលទ្ធផល៣ទល់នឹង១លើកពាន Champion League ឆ្នាំ២០១៥។គិតថាយប់នេះក្រុមមួយណានឹងទទួលបានជ័យជម្នះ?អត្ថបទ៖​ ឆើត

ក្រុមនៅលីគកំពូលកម្ពុជាទាំងអស់សម្រាកថ្ងៃចូលឆ្នាំខ្មែរ លើកលែងតែបឹងកេតមួយ

ថ្ងៃទី ១១ ខែ មេសា ឆ្នាំ ២០១៧ ម៉ោង ១៥:២២

ការប្រកួតជម្រើសជើងឯកជាតិឆ្នាំ២០១៧ សម្រាប់សប្តាហ៍ទី ៨ នឹងត្រូវសម្រាក ដោយត្រូវចាប់ផ្តើមប្រកួតវិញនៅថ្ងៃទី ២២-២៣ ខែមេសា ឆ្នាំ២០១៧ ព្រោះសហព័ន្ធបាល់ទាត់ ផ្តល់ឪកាសអោយកីឡាករបានសម្រាកក្នុងឪកាសបុណ្យចូលឆ្នាំខ្មែរប្រពៃណីជាតិថ្ងៃទី ១៤ ១៥ និង ១៦ ខែមេសានេះ ខណៈក្រុមបឹងកេតអង្គរត្រូវមានភារកិច្ចពានរង្វាន់ AFC Cup។ ក្នុងការប្រកួតជម្រើសជើងឯកជាតិ ( Cambodian League ) ៧សប្ដាហ៍កន្លងមកក្រុមកំពូលតារាងបានទៅលើក្រុមព្រះខ័នរាជស្វាយរៀង ដោយ៧ប្រកួតមានចំនួន១៩ពិន្ទុក្នុងនោះឈ្នះ៦ស្មើ១។ ខណៈក្រុមលេខ២បានទៅលើក្រុម ក្រសួងការពារជាតិមាន១៧ពិន្ទុក្នុងចំណោម៧ប្រកួតឈ្នះ៥ និងស្មើ២ ស្របពេលក្រុមលេខ៣បានទៅបឹងកេតមាន១៤ពិន្ទុដោយក្នុងចំណោម៧ប្រកួតឈ្នះ៤ស្មើ២ និងចាញ់១ប្រកួត។ គ្រូបង្វឹកបឹងកេតលោក  John McGlynn   អនុញ្ញាតឲ្យសមាជិកក្នុងក្រុមឈប់សម្រាកលំហែរយៈពេល៣ថ្ងៃ គឺពីថ្ងៃចន្ទ ដល់ថ្ងៃអង្គារ ហើយនៅថ្ងៃព្រហស្បតិ៍ ទី១៣ ខែមេសា នឹងវិលចូលទីលានហ្វឹកហាត់វិញ ធម្មតា ដើម្បីត្រៀមការប្រកួត AFC Cup ទល់នឹង Johor Darul Ta'zim នៅថ្ងៃពុធ ទី១៩ ខែមេសា។ ការប្រកួតរវាងក្រុមទាំង២នឹងធ្វើឡើងនៅពហុកីឡដ្ឋានជាតិ រាជធានីភ្នំពេញ។ ដោយឡែក បឹងកេត ទើបស្មើ Magwe នៅប្រទេសមីយ៉ាន់ម៉ា ១ទល់នឹង១ និងមានកំពុងមាន ៤ ពិន្ទក្នុងពូល ដោយចាញ់ ២ ឈ្នះ ១ និង ស្មើ ១ ។អត្តបទ៖ អូស្ការូបភាព៖​ CNCC

អ្នកដឹកនាំគុនខ្មែរ នៅបារាំងនិយាយអ្វីខ្លះពីការត្រៀមប្រកួតរបស់ សេន ប៊ុនថេន, ម៉ឺន សុភា និង ឡៅ ចន្ទ្រា នៅបារាំង (វិដេអូ)

ថ្ងៃទី ១១ ខែ មេសា ឆ្នាំ ២០១៧ ម៉ោង ១២:៥២

ម្ចាស់ក្លិបប្រដាល់គុនខ្មែរ នៅបារាំង បានបង្ហាញការសប្បាយចិត្ត និង អរគុណដល់សហព័ន្ធប្រដាល់គុនខ្មែរដែលយល់ព្រមអោយកីឡាករខ្មែរ ទាំង៣ បានទៅចូលរួមប្រកួតដណ្តើរខ្សែក្រវាត់ប្រដាល់ខ្មែអន្តរជាតិ នៅប្រទេសបារាំង ។អ្នកប្រយុទ្ធគុនខ្មែរទាំង៣គឺ ម៉ឺន សុភា នឹងត្រូវតតាំងជាមួយកីឡាករបារាំង Pennington Lawson, សេន ប៊ុនថេន នៃសាលាគុនតាព្រហ្មមានជ័យត្រូវប៉ះកីឡាករបារាំង Kevin Yapi និង ឡៅ ចន្ទ្រា ជួបកីឡាករបារាំង Celestin Memdes ការប្រកួតធ្វើឡើងនៅថ្ងៃទី ១៥ ខែមេសា ២០១៧ ក្នុងកម្មវិធី Raho Fight ដើម្បីអបអរពិធីបុណ្យឆ្នាំខ្មែរប្រពៃណីជាតិនៅទឹកដីប្រទេសបារាំង។ អត្តបទ៖ អូស្កា

កូនស្រី អេ ភូថង ចេញទៅប្រកួតនៅប្រកួតថៃ ក្នុងឱកាសចូលឆ្នាំខ្មែរ

ថ្ងៃទី ១១ ខែ មេសា ឆ្នាំ ២០១៧ ម៉ោង ១២:៤៣

កីឡាការនី អេ យ៉ានុត ដែលជាកូនស្រីកំពូលអ្នកប្រដាល់គុនខ្មែរ អេ ភូថង នឹងចេញទៅប្រកួតនៅខេត្តសុរិន្ទ ប្រទេសថៃ នៅថ្ងៃទី ១៣ ខែមេសា ឆ្នាំ ២០១៧ នេះក្នុងកម្មវិធីអបអរចូលឆ្នាំថ្មីនៅ ខេត្តសុរិន្ទ ប្រទេសថៃ ។យ៉ានុត បានអោយដឹងថា៖ "ខ្ញុំនឹចេញទៅនៅថ្ងៃទី១១ ខែមេសានេះដើម្បីទៅប្រកួតនៅប្រទេសថៃក្នុងឪកាសចូលឆ្នាំថ្មីហើយ ហើយមិនទាន់ដឹងច្បាស់ពីដៃគូនៅឡើយទេ ប៉ុន្តែខ្ញុុំបានត្រៀមខ្លួនរួចជាស្រេចហើយ។"យុវសិស្សថ្នាក់ទី១០នៃសាលាបាក់ទូករូបនេះ មិនទាន់ដឹងច្បាស់ពីដៃប្រកួតនៅឡើយទេដោយដឹងត្រឹមតែការប្រកួតនៅខេត្តសុរិន្ទហើយត្រូវជួបកីឡាការនីថៃ  ដោយឡែកកីឡាករ ឡុង សុវណ្ណឌឿន មិនបានចូលរួមទេដោយសារមានបញ្ហារបួសជើង ប៉ុន្តែ អ៊ុំ ចំរើន និង ចាន់ គង់រាជ នឹងធ្វើដំណើរទៅប្រកួតដ៏ដែល។អត្ថបទ៖ អូស្ការូបភាព៖ ផ្តល់ឲ្យ

Arsenal អាចមិនជាប់ Top4 ក្រោយចាញ់ Crystal Palace ៣-០ (វីដេអូ )

ថ្ងៃទី ១១ ខែ មេសា ឆ្នាំ ២០១៧ ម៉ោង ០៩:១៥

ក្តីសង្ឃឹមរបស់ក្រុមកាំភ្លើងធំ Arsenal ថានឹងអាចជាប់ Top 4 នៅចប់រដូវកាល ពេលនេះប្រហែលជារលាយសាបសូន្យ បន្ទាប់ចាញ់ក្រោមថ្វីជើង Crystal Palace ទៅដល់ ៣ទល់០ កាលពីយប់មិញ។ទោះបីនៅចំណាត់គៀតបាតតារាងក៏ពិតមែន តែ Crystal បង្ហាញទម្រង់បានយ៉ាងល្អក្នុងនាមជាម្ចាស់ផ្ទះ ដោយលត់ក្រុមភ្ញៀវ  Arsenal មិនងើបមុខរួច។ ខ្សែបម្រើស្លាប Andros Townsend ស៊ុតគ្រាប់បើកឆាកនៅនាទី ១៦ ចំណែក Yohan Cabaye រកបាននៅនាទី ៦៣ មុននឹង Luka Milivojevic បន្ថែមគ្រាប់ប៉េណាល់ទី បន្ទាប់អ្នកចាំទី Arsenal ធ្វើឲ្យមានកំហុសនៅប្រអប់គ្រោះថ្នាក់។យោលតាមលទ្ធផលខាងលើ  Arsenal បន្តរក្សាលេខរៀងទី ៦ ដែលមាន ៥៤ ពិន្ទុ រីឯ Crystal Palace នៅលេខរៀងទី ១៦ មាន ៣៤ពិន្ទុ។ 

វីរបុរស Arsenal មួយរូបទៅដឹកនាំនៅ LaLiga ទោះសល់៧ប្រកួត

ថ្ងៃទី ១១ ខែ មេសា ឆ្នាំ ២០១៧ ម៉ោង ០០:០០

ក្រុមបាល់ទាត់ Granada របស់ប្រទេសអេស៉្បាញ បានប្រកាសតែងតាំងអតីតសមាជិកក្រុម Arsenal គឺលោក Tony Adams ជាគ្រូបង្វឹកផ្លូវាការរហូតដល់ចប់រដូវកាលនេះ បន្ទាប់ពីលោក Lucas Alcaraz អស់សិទ្ធ កាលពីម្សិលមិញ។ ជាក់ស្តែង Granada កំពុងតែដុនដាបខ្លាំងមែនទែន ដោយស្ថិតនៅលេខរៀងទី ១៩ នៅក្របខណ្ឌ La Liga ដែលជាតំបន់ត្រូវកាត់ទៅលេងនៅលីគកម្រិតទី២ ទោះបីជាដូរគ្រូបង្វឹកអស់ ៤ហើយក៏ដោយ។ ទម្ងន់ខាងលើ បានធ្លាក់មកដល់ Adams ដើម្បីរកវិធីដោះស្រាយរើឲ្យផុតពីចំណាត់បាតតារាង ស្របពេលសល់ ៧ប្រកួតទៀតនៅក្នុងដៃ។ មតិមួយចំនួន រំពឹងថាបុរសវ័យ ៥០ឆ្នាំ នឹងមិនមានវាសនាដូចនឹងមិត្តរួមលីគនៅអង់គ្លេស Gary Neville ដែលជាន់ដីអេស្ប៉ាញបានតែ៤ខែប៉ុណ្ណោះ ពេលដឹកនាំប្រចៀខ្មៅ Valencia។ ក្នុងនាមជាអតីតប្រធានក្រុម Arsenal, Tony Adams ធ្លាប់ជួយក្រុមកាំភ្លើងធំឈ្នះពាន Premier League បាន ៤រដូវកាល និង FA Cup ៣រដូវកាល និងពានរង្វាន់ផ្សេងទៀតជាច្រើន នាអំឡុងឆ្នាំ ១៩៨៣-២០០២៕

ឡូយ!!! ឈ្មោះ Messi​ និងកីឡាករ២៣៧នាក់ទៀតធ្វើចេញជាបទ Shape of you (មានវីដេអូ)

ថ្ងៃទី ១០ ខែ មេសា ឆ្នាំ ២០១៧ ម៉ោង ២៣:៣៥

បទ​ "Shape of You" គឺ​ជា​បទ​ចម្រៀង​មួយ​បទ​ ដែល​ទទួល​បាន​ការ​គាំទ្រ និង​កំពុង​តែ​ពេញ​និយម​យ៉ាង​ខ្លាំង​ ទូទាំង​ពិភព​លោក ព្រម​ទាំង​ជាប់​ចំណាត់​ថ្នាក់​លេខ១ លើ​តារាង​ Billboard របស់​សហរដ្ឋ​អាមេរិក ចំនួន​១០​សប្ដាហ៍​ជាប់​គ្នា​ហើយ​។ប៉ុន្តែអ្វីដែលគួរឲ្យចាប់អារម្មណ៍ថែមទៀតនោះគឺមានឈ្មោះកីឡាករនឹងអតីតកីឡាករចំនួន២៣៨នាក់បានផលិតចេញជាបទចម្រៀងមួយនេះ ដោយមានដូចជា Messi, Suarez, Neymar, Bale, Maldini, Zidane, Drogba និង​បុគ្គលនៅក្នុងពិភពបាល់ទាត់ជាច្រើនទៀត។បទចម្រៀងដែលធ្វើឡើងនឹងច្រៀង​ដោយ​ Ed Sheeran កំពុងតែ​ពេញ​ល្បី​ខ្លាំង ជា​ហេតុ​ធ្វើ​ឲ្យ​មាន​អ្នក​ច្រៀង​តាម​ (Cover) ទូទាំង​ពិភព​លោកផងដែរ។តោះមកស្តាប់ Version ឈ្មោះកីឡាករបាល់ទាត់ទាំងអស់គ្នា៖