trollkhmer news

កីឡា

ក្រសួងការពារជាតិ បន្តប៉ះជាមួយក្លិប Army United ម៉ោង៥ល្ងាចនេះ

ថ្ងៃទី ២៦ ខែ មករា ឆ្នាំ ២០១៧ ម៉ោង ១២:០៨

ក្រុមបាល់ទាត់ក្រសួងការពារជាតិ នឹងបន្តការប្រកួតលក្ខណៈមិត្តភាពអន្តរជាតិជាមួយនិងក្រុម Army United វេលាម៉ោង ១៧:០០ នាទីល្ងាច លើកីឡដ្ឋាន Army Sport Stadium មុនវិលមកកាន់មាតុភូមិវិញនៅថ្ងៃស្អែក។គួររំលឹកផងដែរថា កាលពីថ្ងៃទី ២២ ខែ មករា ឆ្នាំ ២០១៧ ក្រុមលោក ទេព​ ឡុងរចនា បានចាញ់ Buriram United ដោយលទ្ធផល ៣ ទល់នឹង ០ នៅកីឡដ្ឋាន New i-mobiles Stadium ហើយបានបន្តចាញ់ Udorn Thani ដោយលទ្ធផល ២ ទល់នឹង ១ កាលពីថ្ងៃទី ២៤ ខែ មករា ឆ្នាំ ២០១៧។សម្រាប់វត្តមាននៅប្រទេសថៃនេះ គឺជាឱកាសដ៏ល្អមួយសម្រាប់ក្រុមក្រសួងការពារជាតិដែលបានទៅដកស្រង់បទពិសោធនៅ នឹងដើម្បីត្រៀមខ្លួនការពារពានរង្វាន់សម្ដេច ហ៊ុន សែន និង ជាពិសេសស្វាគមន៍រដូវកាលថ្មី នៃលីគកំពូលកម្ពុជា ឆ្នាំ២០១៧ផងដែរ។

កីឡាករល្បឿនលឿន Paul Omogba មកចូលរួមជាមួយបឹងកេតអង្គរវិញហើយ

ថ្ងៃទី ២៦ ខែ មករា ឆ្នាំ ២០១៧ ម៉ោង ១២:០៦

ខ្សែបម្រើសញ្ជាតិនីហ្សេរីយ៉ា Esoh Paul Omogba ដែលបានជួយអោយបឹងកេតអង្គរ លើកពានលីគ កំពូលកម្ពុជា កាលពីរដូវកាលមុន បានវិលមកចូលរួមជាមួយក្រុម បឹងកេតវិញហើយ បន្ទាប់ពីផ្លាស់ទៅលេងនៅក្លឹប Yadanbon FC របស់មីយ៉ាន់ម៉ា ក្នុងការចូលរួមប្រកួតប្រជែងក្នុងពានរង្វាន់ Toyota Mekong Club Championship ។បើតាមលោក បែ មករា អ្នកចាត់ការទូទៅរបស់ក្លឹបខាងលើបានឲ្យដឹងថា មូលហេតុសម្រេចនាំយកកីឡាកររូបនេះត្រឡប់មកបឹងកេតវិញ ដោយសារលោកគិតថា ខ្សែបម្រើរូបនេះស្គាល់ទម្រង់លេងក្នុងក្រុមកម្ពុជាមួយនេះច្បាស់ និងអាចជួយក្រុមបានច្រើន ព្រមទាំងអាចនាំលទ្ធផលល្អដល់ក្រុមផងដែរ។ Paul បានត្រឡប់ពីមីយ៉ាន់ម៉ាមកហាត់នៅបឹងកេតជិតមួយសប្ដាហ៍មកហើយ។ការវិលត្រលប់របស់កីឡាករល្បឿនលឿន រូបនេះមិនទាន់ច្បាស់ថា អាចបានបង្ហាញខ្លួនក្នុង វគ្គជម្រុះ AFC Cup 2017 ឬយ៉ាងណានោះទេ ដោយត្រូវរង់ចាំក្លឹបរបស់មីយ៉ាន់ម៉ាបញ្ជូនឯកសារមកបឹងកេតសិន ដោយក្រុមដែលមានមូលដ្ឋានមកពីខេត្តកំពង់ចាមខាងលើ ត្រូវប៉ះក្រុមខ្លាំងរបស់ឡាវ Lao Toyota នាថ្ងៃទី៣១ នៅពហុកីឡដ្ឋានជាតិក្នុងជើងទី១ ៕

Real Madrid ធ្លាក់ចេញពីពាន Copa del Rey ក្រោមថ្វីជើង Celta Vigo (មានវីដេអូ)

ថ្ងៃទី ២៦ ខែ មករា ឆ្នាំ ២០១៧ ម៉ោង ១០:២៣

Celta Vigo ទម្លាក់ Real Madrid ចេញពីពាន Copa del Rey ក្រោយស្មើគ្នា ២ទល់នឹង២ ខណៈកជើង ទី១នៅ Real Madrid ចាញ់២ទល់នឹង១។Celta បើកការនាំមុខ ក្នុងនាទី ៤៤ បន្ទាប់ពីការស៊ុតរបស់ John Guidetti ឡងពីអ្នកចាំទី Francisco Casilla ហើយបុកជើងខ្សែការពារ Danilo ចូលទី ។ Cristiano Ronaldo ស៊ុតបាល់ពិន័យយ៉ាងស្អាត ក្នុងនាទី ៦២ យកស្មើឱ្យ Real វិញប៉ុន្តែនៅ នាទី ៨៥ Daniel Wass ធ្វើឱ្យម្ចាស់ផ្ទះនាំមុខម្ដងទៀត។ Lucas Vazquez តែ តបាល់លើកចេញពីជ្រុង យកស្មើ ២-២ ក្នុងនាទី ៩០ ប៉ុន្តែក្រុមលោក Zidane មិនអាចរកថែម ១ គ្រាប់ទៀតបានឡើយ ។ ចាប់ផ្តើមឆ្នាំថ្មីនេះក្រុមលោក Zinedine Zidane មិនសូវជាសមប្រកបប៉ុន្មាន ក្រោយបញ្ចប់កំណត់ត្រាមិនចាញ់៤០លើករួចមក។ទស្សនាវីដេអូខាងក្រោមនេះ៖

Liverpool ជ្រុះចេញពីការប្រកួតដណ្តើមពានរង្វាន់ EFL Cup កាលពីយប់មិញ (វីឌីអូហាយឡាយ)

ថ្ងៃទី ២៦ ខែ មករា ឆ្នាំ ២០១៧ ម៉ោង ០៨:៥១

Liverpool បានរងការបរាជ័យផ្ទួនៗ បើទោះបីជាមកលេងលើទឹកដីខ្លួនឯងក៏ដោយ ក្នុងការប្រកួតវគ្គពាក់កណ្តាលផ្តាច់ព្រ័ត EFL Cup ដោយបានចាញ់ក្រុម Southampton ដោយលទ្ធផល ០ទល់១ កាលពីយប់មិញនេះ។ មួយគ្រាប់ដែលធ្វើអោយ Liverpool ចុកចាប់នោះគឺបានកើតឡើងនៅនាទីទី ៩០ ទៅហើយ ដោយកីឡាករ Shane Long ខណៈដែលកាលពីជើងទីមួយ Liverpool ក៏បានចាញ់ដោយលទ្ធផល ០ទល់១ ដូចគ្នានេះដែរ។ ការបរាជ័យជាបន្តបន្ទាប់នេះបានកើតឡើងក្រោយពេលដែលការប្រកួតក្នុងពានរង្វាន់ Premier League កាលពីសប្តាហ៍មុននោះគឺ Liverpool បានចាញ់ក្រុម Swansea នៅក្នុងទឹកដីខ្លួនឯងដោយលទ្ធផល ២ទល់៣ ធ្វើអោយធ្លាក់ពីចំណាត់ថ្នាក់ពីលេខ ២ មកនៅត្រឹមលេខ ៤ ។ ក្រុម Southampton ត្រូវឡើងទៅដល់វគ្គផ្តាច់ព្រ័តដោយត្រូវរងចាំការប្រកួតរវាងក្រុម Hull City និង Manchester United នៅយប់ថ្ងៃព្រហស្បតិ៍នេះបន្តទៀត។

រដូវកាលក្រោយលីគកំពូលអាល្លឺម៉ង់ នឹងប្រើវីឌីអូជំនួយដល់អាជ្ញាកណ្តាលកាត់សេចក្តី

ថ្ងៃទី ២៦ ខែ មករា ឆ្នាំ ២០១៧ ម៉ោង ០០:០៦

ក្របខ័ណ្ឌ Bundesliga អាល្លឺម៉ង់ និងសមាគមបាល់ទាត់របស់ប្រទេសអាល្លឺម៉ង់ (DFB) បានអះអាងដូចគ្នាថាពួកគេនឹងប្រើរូបភាពវីដេអូជាជំនួយដល់អាជ្ញាកណ្ដាល ឬហៅម្យ៉ាង ទៀតថាអាជ្ញាកណ្ដាលជំនួយជាវីដេអូ (VAR) នៅរដូវកាលក្រោយ ដែលចាប់ផ្ដើមក្នុងខែ សីហាខាងមុខ។Bundesliga បានចាប់ផ្ដើមធ្វើការសាកល្បងវិធីនេះ ក្នុងរដូវកាលនេះ ហើយក្រោយ ទទួលបានផលជាវិជ្ជមានពីការធ្វើតេស្ត អំឡុងពាក់កណ្ដាលរដូវកាល ២០១៦-២០១៧ នេះ ពួកគេក៏សម្រេចជ្រើសរើសប្រើប្រព័ន្ធនេះតែម្ដង ដែលការសម្រេចនេះ ធ្វើឱ្យលីគកំពូលមួយ នេះ ក្លាយជាលីគដ៏ធំដំបូងគេក្នុងលោកដែលអនុវត្តបច្ចេកទេសនេះ។អនុប្រធានគ្រប់គ្រងអាជា្ញកណ្ដាល លោក Ronny Zimmermann បាននិយាយនៅឯ សន្និសីទសារព័ត៌មាន នាក្រុងហ្វ្រែងហ្វឺតថាគ្រប់គ្នារីករាយជាមួយនឹងការសាកល្បងនេះ ហើយគ្នាគ្រប់គ្នា ក៏ចង់ឱ្យវាដំណើរការឆាប់ៗ ខណៈរូបលោកសង្ឃឹមដែរថាអ្វីៗ នឹងរៀបចំរួច រាល់មុនរដូវកាល ២០១៧-២០១៨ ចាប់ផ្ដើម។ចំណែកអាជ្ញាកណ្ដាលរបស់ FIFA លោក Felix Zwayer ដែលជាអ្នកគ្រប់គ្រងការ ប្រកួតនៅ Bundesliga បានឱ្យដឹងដែរថាវិធីនេះនឹងជួយអាជ្ញាកណ្ដាលឱ្យសម្រេចចិត្តបាន ត្រឹមត្រូវ នៅពេលមានកំហុសណាមួយកើតឡើង ហើយរូបគាត់មើលមិនច្បាស់ ដោយសារ នៅឆ្ងាយពេក ដូចជាការផ្ដល់បាល់ពិន័យ១១ម៉ែត្រជាដើម។ អូស្រ្តាលី ប្រេស៊ីល អាល្លឺម៉ង់ អ៊ីតាលី ហូឡង់ ព័រទុយហ្គាល់​ និងសហរដ្ឋអាមេរិក គឺ ស្ថិតក្នុងចំណោមប្រទេសដំបូងគេ ដែលអនុវត្តប្រព័ន្ធនេះ ខណៈ FIFA បានសម្រេចជាចុង ក្រោយថានឹងប្រើបច្ចេកទេសនេះ ក្នុងព្រឹត្តិការណ៍ World Cup 2018 នៅរុស្ស៊ី៕

Zinedine មិនខ្វល់ការរិះគន់ទម្រង់លេង ខណៈកីឡាកររបួសច្រើនពេលប៉ះ Celta យប់នេះ

ថ្ងៃទី ២៥ ខែ មករា ឆ្នាំ ២០១៧ ម៉ោង ១៦:៤២

ក្រុមអធិរាជស Real Madrid នឹងត្រូវធ្វើដំណើរទៅផ្ទះរបស់ Celta Vigo នៃការប្រកួតបាល់ទាត់ពានរង្វាន់ King Cup ឆ្នាំ២០១៧ ជើងទី២ ខណៈដែលគ្រូបង្គោល Zinedine Zidane បដិសេធមិនខ្វល់ពីការរិះគន់អំពីទម្រង់របស់ក្រុមនាពេលបច្ចុប្បន្នក្រោយពីចាញ់ក្នុងដីកាលពីជើងទី១។ក្រោយពីប្រមូលផ្តុំកីឡាករនឹងធ្វើការហ្វឹកហាត់លើកចុងក្រោយរួច អ្នកចាត់ការជនជាតិបារាំងបានឲ្យដឹងថា៖ ‘អ្វីដែលគួរឲ្យបារម្ភនាពេលបច្ចុប្បន្ននោះគឺមិនមែនលទ្ធផលមិនល្អរបស់យើងឡើយ នៅក្នុងវិស័យបាល់ទាត់រឿងបែបនេះតែងតែកើតឡើង ហើយលោកកំពុងតែដោះស្រាយបញ្ហាទាំងនេះហើយ។ អ្វីដែលលោកកំពុងតែពិបាកនោះគឺបញ្ហារបួសកីឡាករជាច្រើន ខណៈដែលក្រុមលោកត្រូវប្រកួតជាបន្តបន្ទាប់ទៀត’។“Ronaldo នឹងចូលលេងថ្ងៃស្អែក, គេនឹងរួមដំណើរជាមួយយើង។ គេមានបញ្ហាខ្លះប៉ុន្តែខ្ញុំជឿថាគេនឹងដោះស្រាយបាន ប៉ុន្តែមិនជាបញ្ហារបួសឡើយ ហើយគេនឹងជួយឲ្យយើងទទួលបានជ័យជម្នះនៅក្នុងជំនួបនេះ’ នេះបើតាមការបន្ថែមរបស់បុរសវ័យ៤៤ឆ្នាំ។ក្រោយពីទទួលជោគជ័យនៅ Santiago Bernabeu ក្នុងពាន King Cup ជើងទី១ Celta Vigo បានចាញ់ Real Sociedad ១ទល់នឹង០ នៃក្របខ័ណ្ឌ LaLiga ខណៈដែលកីឡាករសំខាន់ៗមួយចំនួនធំត្រូវបានឲ្យសម្រាកដើម្បីត្រៀមប៉ះជាមួយ Real Madrid។

ដឹងថាកីឡាករខ្មែរ បារាំង កួច ដានី ចំណាយអស់ប៉ុន្មានប៉ាក់ ឈ្មោះ និង ទង់ជាតិខ្មែរ លើស្បែកជើងថ្មី

ថ្ងៃទី ២៥ ខែ មករា ឆ្នាំ ២០១៧ ម៉ោង ១៥:៤៣

កីឡាករបារាំងកាត់ខ្មែរ កួច ដានី ដែលមកប្រលូកក្នុងវិស័យបាល់ទាត់ខ្មែរ ជាច្រើនឆ្នាំកន្លងមក ពេលនេះរូបគេ កំពុងលេងអោយក្រុមបាល់ទាត់ហ្វូតសាលមួយក្នុងប្រទេសបារាំង ។បច្ចុប្បន្នកីឡាករដើមកំណើតខ្មែរ កើតនៅបារាំង កំពុងលេងអោយក្រុម Nantes Bela Futsal ដែលស្ថិតនៅក្របខ័ណ្ឌទី ២ នៃលីគហ្វូតសាល ក្នុងទីក្រុង Nantes នៃប្រទេសបារាំង ។ ក្នុងជ័យជំនះលើកក្រុម Victoire a Roubaix 5 ទល់ 1 ដានី បានបង្ហាញស្បែកជើងថ្មីរបស់គេមានប៉ាក់ឈ្មោះ និង ទង់ជាតិខ្មែរ ។ អតីតកីឡាករភ្នំពេញក្រោន រូបនេះបានអោយដឹងពីបារាំងថា ៖ លោកចំណាយមិនច្រើនទេ ត្រឹម25 ដុល្លារ ប៉ុន្តែលោកចង់បង្ហាញពីការស្រលាញ់ខ្មែរ ព្រោះលោកជាកូនខ្មែរ កាត់បារាំង ។ដានី បានអោយដឹងថា កិច្ចសន្យារបស់គេនឹងបញ្ចប់ក្នុងខែមេសា ឆ្នាំ២០១៧ ហើយរូបគេប្រហែលត្រលប់មកប្រកបអាជីពក្នុងទឹកដីកម្ពុជាបន្តទៀត ដោយមានក្លិបមួយចំនួនបានទាក់ទងរូបគេផងដែរ ៕

លោកប្រាក់ សុវណ្ណរ៉ា វិលមកកាន់ការងារថ្មីមួយនៅក្នុងសហព័ន្ធបាល់ទាត់កម្ពុជា

ថ្ងៃទី ២៥ ខែ មករា ឆ្នាំ ២០១៧ ម៉ោង ១៤:៣៦

អតីតគ្រូបង្គោលជម្រើសជាតិកម្ពុជា លោក ប្រាក់ សុវណ្ណារ៉ា បានបង្ហើបថាលោកនឹងវិលមកកាន់ការងារដ៏សំខាន់មួយក្នុងវិស័យបាល់ទាត់កម្ពុជានៅពេលខាងមុខបន្តិចទៀត ខណៈលោកបដិសេធមិនបញ្ជាក់នៅក្នុងតំណែងអ្វីនៅឡើយទេ ត្បិតរង់ចាំការចុះហត្ថលេខាប្រកាសជាផ្លូវការសិន។តំណែងថ្មីរបស់លោក ប្រាក់ សុវណ្ណារ៉ា មិនជាការដឹកនាំក្រុមជម្រើសជាតិឡើយ ពោលគឺលោកនឹងកាន់តួនាទីថ្មីមួយដែលមានឥទ្ធិពលជាមួយបាល់ទាត់ខ្មែរជាមួយសហព័ន្ធបាល់ទាត់តែម្តង។ការបង្ហើបការងារថ្មីពេលនេះ គឺធ្វើឡើងក្រោយលោក ប្រាក់ សុវណ្ណារ៉ា ចែកផ្លូវគ្នាពីក្រុមជើងឯក២សម័យបឹងកេតអង្គរ កាលដើមខែមករាយ៉ាងគួរឲ្យភ្ញាក់ផ្អើលនៅក្នុងពិភពបាល់ទាត់ខ្មែរតែម្តង។ គួរបញ្ជាក់ថាលោក ប្រាក់ សុវណ្ណរ៉ា ធ្លាប់បង្វឹកក្លិបបាល់ទាត់ធំៗនៅកម្ពុជាជាច្រើនដូចជា ភ្នំពេញអឹមផាយអឺ, ណាហ្គាវើល, បឹងកេតអង្គរ និង ជាអតីតគ្រូបង្វឹកក្រុមជម្រើសជាតិផងដែរ។ 

Shanghai Shenhua ជះលុយ៥សែនផោន ក្នុង១សប្តាហ៍ឲ្យ Rooney ចាប់ដៃគូជាមួយ Tevez ម្តងទៀត

ថ្ងៃទី ២៥ ខែ មករា ឆ្នាំ ២០១៧ ម៉ោង ១៤:០៤

ក្រុមបាល់ទាត់ Shanghai Shenhua ត្រៀមជះលុយ៥សែនផោន១សប្តាហ៍ឲ្យប្រធានក្រុម Wayne Rooney ចាកចេញពីទឹកដីអង់គ្លេសមកកាន់ប្រទេសចិនដោយចាប់ដៃគូជាមួយមិត្តរួមក្រុមចាស់ Carlos Tevez នេះបើយោងតាមការចេញផ្សាយរបស់កាសែត mirror។គ្រូបង្គោលរបស់ Shenhua លោក Gus Poyet ក៏ត្រូវបានគេរាយការណ៍ថាកំពុងតែដុតដៃដុតជើងយ៉ាងខ្លាំងក្នុងការបញ្ចុះបញ្ចូលកីឡាករវ័យ៣១ឆ្នាំមកធ្វើការជាមួយខ្លួនផងដែរ ស្របពេលដែលលោក Jose Mourinho បានបញ្ជាក់ថាទ្វារចាកចេញបើកជានិច្ច បើសិនជា Rooney ចង់ទៅ ខណៈដែលកុងត្រារបស់កីឡាករកូនប្រុស៣រូបនៅកីឡដ្ឋាន Old Trafford ដល់ឆ្នាំ២០១៩។ ការផ្ទេរទៅចិនរបស់កីឡាករដែលស៊ុតឲ្យ Man Utd បានច្រើនជាងគេបង្អស់អាចនឹងទៅរួចក្រោយពីប្រធានប្រតិបត្តិក្រុមជើងឯក២០សម័យក៏បានធ្វើការទាក់ទងជាមួយកីឡាករបារាំង Antoine Griezmann មកជំនួសដំណែងរូបគេផងដែរសម្រាប់រដូវកាលក្រោយ។