trollkhmer news

កីឡា

PSG និង​ Man City​ ប្រជែងគ្នាតាមប្រមាញ់ខ្សែការពារ Real Madrid

ថ្ងៃទី ០៤ ខែ មេសា ឆ្នាំ ២០១៧ ម៉ោង ២៣:០២

ក្រុមមហាសេដ្ឋីអារ៉ាបទាំងពីរ Paris Saint-Germain និង Manchester City​ កំពុងតែប្រជែងគ្នាដណ្តើមយកខ្សែការពារ Pepe ដែលអស់កុងត្រាជាមួយ Real Madrid ក្រោយចប់រដូវកាលនេះ។​ កីឡាករព័រទុយហ្គាល់ត្រូវគេរាយការណ៍ថាបានបដិសេធសំណើរទឹកប្រាក់១២លានអឺរ៉ូក្នុង១ឆ្នាំជាមួយ Habei China Fortune ដើម្បីផ្ទេរទៅកាន់លីគកំពូលបងធំនៅអាស៊ីនារដូវកាលក្រោយ។តាមសារព័ត៌មាន Marca បានបន្ថែមទៀតថា គ្រូបង្វឹក Pep Guardiola និង អ្នកចាត់ការ Unai Emery​ កំពុងតែដុតដៃដុតជើងក្នុងការទាក់ទងជាមួយនឹងភ្នាក់ងាររបស់ Pepe លោក Jorge Mendes ដោយរំពឹងថានឹងអាចយកខ្សែការពារខាងលើមកជួយក្រុមបាននៅឆ្នាំក្រោយ។ក្រៅពីក្រុមចាយលុយធំទាំងពីរខាងលើ កាសែតនៅទួរគី Fanatik (h/t AS) បានឲ្យដឹងថា Galatasaray ក៏ចាប់អារម្មណ៍លើកីឡាករវ័យ៣៤ឆ្នាំខាលើនេះផងដែរដោយកំពុងតែរៀបចំសំណើរនឹងលក្ខខ័ណ្ឌផ្ទាល់ខ្លួន។Pepe រំពឹងថានឹងអាចបន្តកុងត្រាថ្មី២ឆ្នាំទៀតនៅ Santiago Bernabeu រួចនឹងចូលនិវត្តន៍តែម្តង ខណៈប្រធានក្លឹប Florentino Perez សម្រេចឲ្យបន្តតែ១ឆ្នាំទៀតតែប៉ុណ្ណោះ ដែលនេះជាហេតុធ្វើឲ្យរូបគេចង់ចាកចេញពីក្លឹបតែម្តងដើម្បីស្វែងរកទ្រនំថ្មី។

Zlatan Ibrahimovic ត្រៀមចុះកុងត្រាជាមួយក្លឹបមួយនៅសហរដ្ឋអាមេរិកក្រោយចប់រដូវកាលនេះ

ថ្ងៃទី ០៤ ខែ មេសា ឆ្នាំ ២០១៧ ម៉ោង ២២:១៦

តាមសារព័រមាន Fox Deportes ប្រចាំប្រទេសអេស្ប៉ាញបានឲ្យដឹងថា​ ខ្សែប្រយុទ្ធ Zlatan Ibrahimovic ត្រៀមចុះកុងត្រាជាមួយ LA Galaxy នៅរដូវក្រៅនេះ ក្រោយពីកិច្ចសន្យាជាមួយ Manchester United​​ អស់សុពលភាព។កាសែតភាសាអេស្ប៉ាញក៏បានធ្វើរូបកីឡាករស៊ុយអែតពាក់អាវ Galaxy ផងដែរ ប៉ុន្តែភ្នាក់ងារ EPSN លោក Jeff Carlisle ចេញមុខមកបញ្ជាក់ថារឿងនេះអាចនិយាយបានត្រឹម ៥០-៥០ នៅឡើយទេ, ព្រោះការសម្រេចចិត្តគឺឋិតនៅលើ Zlatan ទាំងស្រុង។អតីតសមាជិក PSG និង Barcelona​ ធ្លាប់បាននិយាយប្រាប់ Manchester Evening News ថា៖ "គេអាចនឹងបន្តកុងត្រាថ្មីទៀតនៅអង់គ្លេស ព្រោះគេមិនចេះរត់ចោលការងារដែលមិនទាន់បញ្ចប់នោះឡើយ។ គេនៅអាចធ្វើរឿងជាច្រើនទៀតនៅទីនេះ ដូចនេះរងចាំមើលសិនទៅព្រោះនៅសល់ពេលយូរទៀត។"កីឡាករចម្រុះស្រួច Zlatan Ibrahimovic អាចរកគ្រាប់បាល់បំប៉ោងសំណាញ់បាន២៦គ្រាប់ហើយក្នុងការបង្ហាញខ្លួន៤១លើក ដោយជួយឲ្យ​ Manchester United ឈ្នះពានរង្វាន់ Community Shield និង EFL Cup មួយផងដែរ។ 

Lionel Messi ផ្តល់កាដូពិសេសដល់អ្នកថតរូបពេល Barca ឈ្នះ PSG 6-1

ថ្ងៃទី ០៤ ខែ មេសា ឆ្នាំ ២០១៧ ម៉ោង ២១:៥៣

ការឈ្នះទៅលើ PSG ៦ទល់នឹង១​ ក្នុងទឹកដី Nou Camp គឺជាការប្រកួតវាយបកឡើងទៅវគ្គបន្ទាប់ដ៏អស្ចារ្យនៅពានរង្វាន់ Uefa Champion League ដែលក្រុមអ្នកមានបុណ្យ FC Barcelona ក្លាយជាក្រុមដំបូងគេក្នុងប្រវត្តិសាស្រ្តដែលអាចធ្វើបាន។នៅក្នុងជំនួបនោះគឺជាថ្ងៃដែលមិនអាចបំភ្លេចបានរបស់អ្នកគាំទ្រ Barca​​​ ខណៈដែលអ្នកថតរូប Santiago Garces​ បានផ្តិតជាប់រូបភាពរបស់ Lionel Messi មួយដែលធ្វើឲ្យអ្នករាល់គ្នាកាន់តែចងចាំនៅអារម្មណ៍នោះគ្មានថ្ងៃភ្លេចផងដែរ។ក្រោយពីបានឃើញរូបនោះតាមបណ្តាញសង្គមហើយ ម្ចាស់បាល់មាស៥សម័យបានចាប់អារម្មណ៍ហើយបានផ្តល់កាដូយ៉ាងពេញចិត្តមួយទៅដល់ Garces នោះគឺការផ្តល់ហត្ថលេខានៅលើរូបភាពនោះដែលមានភ្ជាប់ស៊ុមរូបថតជាមួយ។Garces បានបង្ហាញពីចំណាប់អារម្មណ៍របស់ខ្លួនតាម Marca ថា៖ "នេះគឺជារូបដ៏អស្ចារ្យនៅក្នុងជីវិត។ ខ្ញុំស្រលាញ់រូបថតកូនៗរបស់ខ្ញុំណាស់​​ ប៉ុន្តែរូបមួយនេះ (Messi)​​ មិនអាចយកមកប្រៀបធៀបគ្នាបានឡើយ។​​ នេះគឺជារូបភាពប្រវត្តិសាស្រ្ត​ ហើយក៏ជាលើកដំបូងក្នុងឆាកជីវិតខ្ញុំផងដែរ​ដែលបានឃើញ Messi អបអរបែបនេះ"។គួរបញ្ជាក់ថា​ បុរសជនជាតិម៊ិចស៊ិចកូខាងលើបានផ្លាស់លំនៅមកកាន់តំបន់កាតាឡាននៅឆ្នាំ២០០០ ដោយបានចូលធ្វើការនៅ Barcelona ក្នុងផ្នែកទីផ្សារ។

ហង្សក្រហម Liverpool នឹងអាចបាត់កម្លាំងសំខាន់ដល់ចប់រដូវកាលនេះ

ថ្ងៃទី ០៤ ខែ មេសា ឆ្នាំ ២០១៧ ម៉ោង ១៧:២៦

ខ្សែបម្រើ Sadio Mane អាចនឹងអវត្តមានពីការប្រកួតរហូតដល់ចប់រដូវកាល ដោយសារតែរបួសជង្គង់ ខណៈក្រុមហង្សក្រហម Liverpool កំពុងរកវិធីយ៉ាងណាដើម្បីមានឈ្មោះនៅ UCL រដូវកាលក្រោយ។ កីឡាករវ័យ ២៤ ឆ្នាំបានប៉ះទង្គិចជាមួយខ្សែការពារ Leighton Baines ក្នុងជំនួបឈ្នះ Everton ៣-១ កាលពីថ្ងៃសៅរ៍កន្លងទៅ។ ជាដំបូងអ្នកចាត់ការទូទៅ Jurgen Klopp យល់ថារបួសរបស់  Mane មិនមានអ្វីគួរអោយព្រួយបារម្ភឡើយ ប៉ុន្តែក្រោយពីការត្រួតពិនិត្យផ្នែកវេជ្ជសាស្ត្រ បង្ហាញថារបួសរបស់គេគឺធ្ងន់ធ្ងរព្រោះវាមានសភាពហើម ខណៈដែលការវះកាត់អាចនឹងធ្វើឡើងដើម្បីព្យាបាលរបួសនេះ។គួរបញ្ជាក់ថា Sadio Mane គឺជាកីឡាករដែលរកបានគ្រាប់បាល់អោយ Liverpool ច្រើនជាងគេនៅ Premier League រដូវកាលនេះ ពោលគឺ ១៣ គ្រាប់៕

ជួបគ្នា២៣លើកចុងក្រោយក្នុងដី Man UTD ចាញ់ Everton តែម្តងគត់ (មានស្ថិតិ)

ថ្ងៃទី ០៤ ខែ មេសា ឆ្នាំ ២០១៧ ម៉ោង ១៧:០១

Manchester United ត្រូវបើកទ្វារផ្ទះ​របស់ខ្លួនស្វាគមន៍ក្រុមភ្ញៀវ Everton នៃការប្រកួតបាល់ទាត់ក្របខ័ណ្ឌ​ Premier League សប្តាហ៍ទី៣១ នាវេលាម៉ោង១:៣០ទៀបភ្លឺ ដោយមានផ្សាយបន្តផ្ទាល់តាមកញ្ចក់ទូរទស្សន៍ CTN & MYTV។ស្ថិតិផ្សេងៗ៖Man UTD ឈ្នះការប្រកួត៣៣លើកពេលប៉ះជាមួយ Everton ហើយការជួបគ្នា២៣លើកចុងក្រោយនៅ Old Trafford ក្រុមបិសាចក្រហមចាញ់តែម្តងគត់ពោលគឺនៅក្នុងខែធ្នូ ឆ្នាំ២០១៣ (១ទល់នឹង០)។ លោក Ronald Koeman អាចនឹងក្លាយជាអ្នកចាត់ការដំបូងគេបង្អស់នៅក្នុងក្របខ័ណ្ឌ Premier League ដែលអាចឈ្នះការប្រកួតបាន៣លើកជាប់ៗគ្នានៅទឹកដី Man UTD។ជើងកីឡាករ៖Zlatan Ibrahimovic និង Ander Herrera អាចវិលមកជួយលោក Mourinho វិញបានហើយ ក្រោយផុតពិន័យ ខណៈដែល Paul Pogba មិនទាន់ច្បាស់ថាអាចចូលលេងបានទេនៅប្រកួតនេះ។ Phil Jone (ជើង) និង​ Chris Smalling (ជង្គង់) ហើយ Mata (ក្រលៀន) ត្រូវអវត្តមានពេញរដូវកាល។ Everton ត្រូវអវត្តមាន Aaron Lennon (សាច់ដុំ), Morgan Schneiderlin (កំភួនជើង), James McCarthy (សរសៃរពួរ) ហើយ Seamus Coleman (បាក់ជើង), Ramiro Funes Mori និង Yannick Bolasie (ជង្គង់)។ប្រវត្តិជួបគ្នា៥លើកចុងក្រោយ៖ប៉ះគ្នា៥លើកចុងក្រោយ​ Man UTD ឈ្នះ៣ Everton ឈ្នះ១ នឹងស្មើគ្នា១លើក ខណៈជួបគ្នាលើកចុងក្រោយ ក្រុមលោក Jose Mourinho បានត្រឹមស្មើគ្នាដោយលទ្ធផល១ទល់នឹង១ នៅទឹកដី Goodison Park។គិតថាយប់នេះក្រុមណានឹងទទួលបានជ័យជម្នះ?អត្ថបទ៖​ ឆើត

Magwe របស់មីយ៉ាន់ម៉ា ដែលត្រូវប៉ះ បឹងកេតអង្គរ ទើបបង្កើតឡើងបាន៨ឆ្នាំ

ថ្ងៃទី ០៤ ខែ មេសា ឆ្នាំ ២០១៧ ម៉ោង ១៦:២១

ក្រុម Magwe របស់មីយ៉ាន់ម៉ា ដែលត្រូវប៉ះក្រុមបាល់ទាត់ បឹងកេត ក្នុងពានរង្វាន់ AFC Cup នៅថ្ងៃទី ៥ ខែមេសា នេះទើបបង្កើតឡើងក្នុងឆ្នាំ ២០០៩ ដោយដំបូងមានឈ្មោះថា Magway Football Club ក្នុងឆ្នាំ ២០១២ បានប្តូទៅ Magwe វិញ ដែលគិតមកដល់បច្ចុប្បន្នមានរយៈពេល៨ឆ្នាំ ។ ក្រុមដែលស្ថិតនៅលីគកំពូលរបស់មីយ៉ាន់ម៉ា មួយនេះបង្កើតឡើងដោយលោក Htun Myint Naing ដែលជានាយកគ្រប់គ្រងក្រុមហ៊ុន Asia World Co., Ltd., ដែល បច្ចុប្បន្នមានគ្រូបង្វឹកលោក U Soe Min និងមានកីឡដ្ឋានផ្ទាល់ខ្លួនឈ្មោះ Magway Stadium ដែលអាចផ្ទុកអ្នកទស្សនាបានចំនួន៧ពាន់នាក់ ។ក្នុងឆ្នាំ ២០១៦ ក្រុមដែលមានមូលដ្ឋាននៅ Magwe ក្លាយជាជើងឯកពានរង្វាន់ MFF Cup បន្ទាប់ពីបានយកឈ្នះក្រុម Yangon United ក្នុងលទ្ធផល ២ ទល់នឹង ១។ ឆ្នាំ ២០១៧ នេះគេប្រើប្រាស់កីឡាករក្រៅស្រុកចំនួន ៣ នាក់ ក្នុងនោះមានខ្សែការពារសញ្ជាតិម៉ាលី Jean Paul Hinako Oulai ខ្សែប្រយុទ្ធហ្គីណេ Sekou Sylla និងកីឡាករ Micheal Henry Alloysius ជនជាតិ នីហ្សេរីយ៉ា ។វគ្គជម្រុះពូល F នៃពានរង្វាន់ AFC Cup នៅទឹកដីរបស់មីយ៉ាន់ម៉ា នាកីឡដ្ឋាន Youth Training Centre ថ្ងៃទី ៥ ខែមេសា នេះ Magwe ប្រកួតជាមួយ បឹងកេត ខណៈការប្រកួតមានការផ្សាយបន្តផ្ទាល់តាម BTV Cambodia វេលាម៉ោង ៤:០០ ល្ងាច (ម៉ោងនៅកម្ពុជា) ។អត្តបទ៖ អូស្កា

Real ត្រៀមលក់ខ្សែបម្រើមួយរូបចេញ​ ក្រោយប្រធានក្លឹប Perez បើកភ្លើងខៀវ (វីដេអូ)

ថ្ងៃទី ០៤ ខែ មេសា ឆ្នាំ ២០១៧ ម៉ោង ១៦:០១

យោងតាមកាសែតកីឡានៅអេស្ប៉ាញ Don Balon បានឲ្យដឹងថាប្រធានក្លឹប Florentino Perez និងគ្រូបង្វឹក Zinedine Zidane បានព្រមព្រៀងគ្នាសម្រេចរឿងមួយយ៉ាងគួរឲ្យភ្ញាក់ផ្អើលពោលគឺលក់ខ្សែបម្រើ Luka Modric ​ចេញនារដូវកាលក្រោយ។កីឡាករវ័យ៣១ឆ្នាំគឺជា Keyplayer ដ៏សំខាន់សម្រាប់ក្រុមអធិរាជសនៅតំបន់កណ្តាលប៉ុន្មានឆ្នាំចុងក្រោយមកនេះ​​ ប៉ុន្តែដោយសារបញ្ហារបួសញឹកញាប់នៅដើមរដូវកាលនេះបានធ្វើឲ្យ Modric ធ្លាក់ទម្រង់លេង។ នេះមិនមែនជាលើកដំបូងឡើយដែលប្រធានក្លឹប Perez សម្រេចចិត្តលក់សមាជិកល្អៗបែបនេះ​ ព្រោះ Real Madrid បានលក់ចេញកីឡាករជាច្រើនដូចជា វីរបុរសក្លឹប Iker Casillas, Raul, Kaka, Xabi Alonso, Di Maria និង Ozil ជាដើម។គួររំលឹកផងដែរថា Luka Modric បានផ្ទេរពីក្រុមមាន់ក្នាយមាស Tottenham Hotspur មកកាន់ទឹកដី Santiago Bernabeu នាឆ្នាំ២០១២ក្នុងតម្លៃ៣០លានអឺរ៉ូ​ ដោយបានអភិវឌ្ឍន៍ខ្លួនទៅជាស្នូលកណ្តាលដ៏សំខាន់សម្រាប់ Real Madrid។

ប្លែកៗ! តឹងចិត្តនឹងមិត្តរួមក្រុមតែងខ្លួនយូរពេក រត់ពីចម្ងាយទៅស៊ុតចូលទីជំនួស (វីដេអូ )

ថ្ងៃទី ០៤ ខែ មេសា ឆ្នាំ ២០១៧ ម៉ោង ១៥:២២

រឿងប្លែកមួយបានឡើងនៅលីគបាល់ទាត់ប្រេស៊ីល Serie C នៅពេលខ្សែប្រយុទ្ធ Flavio Caca Rato បានលួចឱកាសស៊ុតបានបញ្ចូលទីពីមិត្តរួមក្រុម Jaja ក្នុងអំឡុងពេលក្រុម Tupi និង America Mineiro ស្មើគ្នា ១-១។ ជាក់ស្តែង Jaja បានបង្ហាញជំនាយលេងនៅមុខអ្នកចាំទីក្រុម America យ៉ាងល្អ ដោយត្រៀមបែរខ្នងដើម្បីសម្រេចគ្រាប់បាល់។ ភ្លាមនោះ Caca Rato ដែលជាសមាជិករួមមិត្តក្រុម បានឆក់ឱកាសមាស រត់ពីចម្ងាយស៊ុតជំនួសឲ្យតែម្តង។ 

សម្តេចតេជោ ហ៊ុន សែន នឹងអញ្ជើញពិសារអាហារជាមួយអត្តពលិកជាង៣ពាន់នាក់នៅរសៀលនេះ

ថ្ងៃទី ០៤ ខែ មេសា ឆ្នាំ ២០១៧ ម៉ោង ១១:២៨

បន្ទាប់ពីបើកសម្ពោធដាក់ឲ្យប្រើប្រាស់នូវប្រព័ន្ធហេដ្ឋារចនាសម្ព័ន្ធកីឡាមួយចំនួននៅពហុកីឡដ្ឋានមរតកតេជោ ព្រមទាំងបើកការដ្ឋានសាងសង់កីឡដ្ឋានបាល់ទាត់ នៅព្រឹកថ្ងៃទី ៤ ខែមេសា ឆ្នាំ២០១៧ ។ នៅពេលរសៀលថ្ងៃដដែលនេះ សម្តេចតេជោ ហ៊ុន សែន នឹងអញ្ជើញពិសារអាហារ ជាមួយកីឡាករ កីឡាការិនី អត្តពលិក និងមន្រ្តី នៃគណៈកម្មាធិការជាតិអូឡាំពិកកម្ពុជា (NOCC) ជាង ៣ពាន់នាក់នៅមជ្ឈមណ្ឌលកោះពេជ្រ។ហេដ្ឋារចនាសម្ព័ន្ធកីឡា ដែលបានសាងសង់រួចរាល់ក្នុងដំណាក់កាលទី១ ហើយបើកសម្ពោធដាក់ឲ្យដំណើរការនេះ រួមមាន៖ មជ្ឈមណ្ឌលអាងហែលទឹក, មជ្ឈមណ្ឌលកីឡាក្នុងសាល, ទីលានបាល់បោះ, ទីលានបាល់ទះ និង អគារស្នាក់នៅរបស់អត្តពលិក។ ចំណែក ពហុកីឡដ្ឋានបាល់ទាត់ ដែលបើកការដ្ឋានសាងសង់នៅថ្ងៃនេះ ធ្វើឡើងលើផ្ទៃដីទំហំជាង ១៦ហិកតា ដោយអាចផ្ទុកអ្នកទស្សនាបានរហូតដល់ទៅ ៦ម៉ឺននាក់។ ពហុកីឡដ្ឋាននេះ ប្រើសម្រាប់ជាទីលានប្រកួតបាល់ទាត់ កីឡាបាល់ឱប និងកីឡាអត្តពលកម្ម ជាដើម។សូមបញ្ជាក់ថា ពហុកីឡដ្ឋានជាតិមរតកតេជោ ស្ថិតនៅសង្កាត់ព្រែកតាមាក់ ខណ្ឌឬស្សីកែវ រាជធានីភ្នំពេញ។ ពហុកីឡដ្ឋាននេះ មានចម្ងាយ ១២គីឡូម៉ែត្រ ពីវត្តភ្នំ សាងសង់លើផ្ទៃដីទំហំជាង ៨៥ហិកតា ដែលគ្រោងចំណាយថវិកាសាងសង់ចន្លោះពី ១០០លាន ទៅ២០០លានដុល្លារអាមេរិក ដែលថវិកាមួយភាគធំ ជាជំនួយឥតសំណងរបស់រដ្ឋាភិបាលចិន ៕អត្តបទ៖ អូស្ការូបភាព៖ SPM