trollkhmer news

កីឡា

អស្ចារ្យ! Budweiser ក្រុមហ៊ុនស្រាបៀដ៏ធំរបស់សហរដ្ឋអាមេរិក បានអបអរការបំបែកកំណត់ត្រារបស់ Lionel Messi ដោយជូនកាដូស្រាបៀដល់អ្នកចាំទីចំនួន១៦០នាក់

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ១០:០៣

បរទេស៖ កីឡាករវ័យ៣៣ឆ្នាំ Lionel Messi ទើបតែបំបែកកំណត់ត្រាថ្មីដោយការស៊ុតគ្រាប់បាល់ទី៦៤៤ របស់ខ្លួន​កាលពីថ្ងៃពុធកន្លងទៅ​ ក្នុងជំនួបទល់នឹងក្រុម Real Valladolid ដែលចំនួនគ្រាប់នេះ លើសវីរបុរសប្រេស៊ីល ពោលគឺលោកតា Pele (៦៤៣គ្រាប់)។ថ្មីៗនេះ Budweiser ដែលជាក្រុមហ៊ុនស្រាបៀដ៏ធំរបស់សហរដ្ឋអាមេរិក បានអបអរកំណត់ត្រាថ្មីរបស់ Messi ដោយផ្តល់ជូនឡាប់យ៉េរដល់អ្នកចាំទីសរុប១៦០នាក់ ដែលធ្លាប់រងគ្រោះដោយសារការស៊ុតបញ្ចូលទីរបស់ម្ចាស់អាវ លេខ១០ខាងលើ។គួរបញ្ជាក់ផងដែរថា ក្នុងចំណោមអ្នកចាំទីទាំង១៦០នាក់នោះ នឹងទទួលបានស្រាបៀទៅតាមចំនួនគ្រាប់ដែល Messi ធ្លាប់ស៊ុតបញ្ចូលទីពួកគេ ខណៈអ្នកខ្លះទទួលបានសឹងតែមួយកេះទៅហើយ៕

Berbatov អតីតកីឡាកររបស់ Manchester United ថា ក្លិបអាចឈ្នះពាន Premier League បើអាចធ្វើរឿងមួយនេះបាន

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ០៩:៤២

អង់គ្លេស៖ Manchester United ទំនងនឹងត្រូវរុះរើខ្នាតធំនៅតំបន់ការពាររបស់ខ្លួន ក្នុងខែមករាខាងមុខនេះហើយ។ បិសាចក្រហមបានចំណាយប្រាក់យ៉ាងច្រើននៅក្នុងតំបន់ការពាររបស់ខ្លួន។ ក្នុងរយៈពេលប៉ុន្មានឆ្នាំចុងក្រោយនេះ ដោយធ្វើកិច្ចព្រមព្រៀងក្នុងទំហំទឹកប្រាក់ដ៏ច្រើនសម្រាប់កីឡាករ Harry Maguire, Victor Lindelof និង Eric Bailly នាពេលកន្លងមក។អតីតកីឡាកររបស់ Man Utd កីឡាករ Berbatov បានប្រាប់សារព័ត៌មាន Betfair ថា៖ " Manchester United ប្រហែលជាចូលចិត្តស្ថិតនៅក្រោមរ៉ាដាយូរជាងនេះបន្តិច ក្នុងការប្រជែងដណ្តើមពាន Premier League ពួកគេគួតែស្វែងរកខ្សែការពារបន្ថែមក្នុងខែមករាខាងមុខនេះ ដើម្បីពង្រឹងតំបន់មួយនេះ។ គ្មាននរណាម្នាក់យកចិត្តទុកដាក់ច្រើនចំពោះរបៀបដែល United បានឡើងដល់កំពូលជាបណ្តើរៗ។ "Berbatov បានបន្តទៀតថា៖ " ភ្លាមៗនោះពួកគេឈរនៅលេខ ៣ ដោយសល់មួយប្រកួតនៅក្នុងដៃ ហើយលេងដូចជាប្រជែងដណ្តើមជើងឯកអ៊ីចឹង។ កាលពីថ្ងៃអាទិត្យ Leeds បានផ្តល់ឲ្យ United ជាច្រើននៅ Old Trafford ដូចជា Bruno Fernandes និង Marcus Rashford អាចកេងចំណេញបានទម្រង់បែបនេះ United មានសមត្ថភាពអាចឈ្នះពានលីគបាន៕ "

Paul Burgess ប្រធានផ្នែកថែទាំទីលានរបស់ក្រុមអធិរាជស Real Madrid បានសម្រេចចិត្តលាឈប់ពីតំណែង

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ០៩:២៥

អេស្បា៉ញ៖ យោងតាមសារព័ត៌មានរបស់ Marca បានចុះផ្សាយកាលពី ថ្ងៃទី២៣ ខែ ធ្នូ បានឱ្យដឹងថាលោក Paul Burgess ប្រធានផ្នែកថែទាំទីលានរបស់ក្រុមអធិរាជស Real Madrid បានសម្រេចចិត្តលាឈប់ពីតំណែង។​អតីតបុគ្គលិករបស់ក្រុមកាំភ្លើងធំ Arsenal សញ្ជាតិអង់គ្លេស បានចាកចេញពីទីក្រុង London មកចូលធ្វើការនៅ Real Madrid និង Valdebebas អស់រយៈពេល១២ឆ្នាំមកហើយ និងបានរួមចំណែកយ៉ាងធំធេងក្នុងការជួយថែរក្សាគុណភាពទីលានរបស់ក្រុម Real Madrid ដែលអាចឱ្យក្រុមយក្សសមួយនេះទទួលបាននូវសមិទ្ធផលជាច្រើនដូចជាឈ្នះពានរង្វាន់ UEFA Champions League និង La Liga ចាប់តាំងពីលោកចូលមករួមរស់ជាមួយក្រុមជើងឯក UEFA Champions League ១៣ សម័យមក។លោក Paul Burgess បានរៀបរាប់ដូច្នេះថា " ថ្ងៃនេះជាថ្ងៃចុងក្រោយរបស់ខ្ញុំសម្រាប់ ​Real Madrid ដែលរយៈពេល១២ឆ្នាំមកនេះជាពេលវេលាដ៏ជោគជ័យមួយសម្រាប់ក្លិប។ ១២ឆ្នាំមកនេះគឺពិតជាអស្ចារ្យខ្លាំងណាស់សម្រាប់អាជីបការងាររបស់ខ្ញុំ។ ក្រោយរួមចំណែកទទួលបានផ្លែផ្ការួចមក ខ្ញុំចង់ស្វែងរកការប្រកួតប្រជែងថ្មីមួយទៀត។ ខ្ញុំសូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំក្លិប ក្រុមការងារទាំងអស់ និងកីឡាករ ជាពិសេសអ្នកនៅក្រោមឱវាទរបស់ខ្ញុំ។ ខ្ញុំសូមជូនពរឱ្យក្លិបទទួលបាននូវភាពជោគជ័យជាបន្តទៀត៕"

Manchester United កំពុងបង្វែរគោលដៅមករកកីឡាករឆ្នើមរបស់ Everton រូបនេះ

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ០៩:១២

បរទេស៖ បើយោងតាមគេហទំព័រ The Athletic បានឲ្យដឹងថាក្លិបបិសាចក្រហម Manchester United គ្រោងបង្វែរគោលដៅពីខ្សែប្រយុទ្ធ Erling Haaland របស់ក្លិប Borussia Dortmund មករកតារាឆ្នើម Dominic-Calvert Lewin របស់ក្លិប Everton វិញនៅទីផ្សារដោះដូរកីឡាករខែមករាខាងមុខនេះ។គួរឲ្យដឹងដែរថាសម្រាប់ការបង្ហាញខ្លួន ១៤ប្រកួតឲ្យ Everton នៅក្រមខ័ណ្ឌ Premier League រដូវកាល២០២០/២១នេះ Calvert Lewin រកបានដល់ទៅ ១១គ្រាប់រួចមកហើយ។ យ៉ាងណាមិញលោកគ្រូបង្វឹក Carlos Ancelotti មិនចង់ឲ្យតារាឆ្នើមវ័យ ២៣ឆ្នាំរូបនេះចាកចេញទៅណានោះទេ ខណៈដែលរូបគេនៅសល់កុងត្រាជាមួយ Everton រហូតដល់ឆ្នាំ២០២៥ ឯណោះ និងកំពុងមានតម្លៃខ្លួនប្រមាណ ៧៥លានផោន (ឬ១០២លានដុល្លារ)៕

Mauricio Pochettino គឺជាបេក្ខភាពដែលនឹងត្រូវធ្វើជាគ្រូបង្វឹកជំនួសតំណែងលោក Thomas Tuchel

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ០៨:៤៨

បរទេស៖ គ្រូបង្វឹកវ័យ ៤៧ឆ្នាំ សញ្ជាតិអាល្លឺម៉ង់លោក Tomas Tuchel ត្រូវបានក្រុម Paris Saint-Germain បណ្តេញចេញពីតំណែងបន្ទាប់ពីដឹកនាំទទួលបានជ័យជម្នះលើក្រុម Strasbourg ដោយលទ្ធផល ៤ទល់នឹង០ កាលពីយប់មិញនេះ។បុរសសញ្ជាតិអាល្លឺម៉ង់រូបនេះបានដឹកនាំក្រុម PSG ឡើងទៅកាន់វគ្គផ្តាច់ព្រ័តនៃពានរង្វាន់ UEFA Champions Leage ដោយទទួលបានជើងឯករង បន្ទាប់ពីបរាជ័យក្រោមថ្វីជើងក្រុមយក្សនៅអាល្លឺម៉ង់ FC Bayern Munich ១ទល់នឹង០កាលពីថ្មីៗនេះ។អតីតគ្រូបង្វឹករបស់ក្រុម Borussia Dortmund បានដឹកនាំ PSG អស់រយៈពេល ២រដូវកាលមកហើយចាប់តាំងពីឆ្នាំ២០១៨ និងបានជួយឱ្យក្រុមអ្នកមានបារាំងឈ្នះពាន League 1 , Trophée des Champions ២ ,Coupe de la Ligue និង Coupe de France ១។ លោក Tomas បានដឹកនាំ PSG បាន១២៧ ប្រកួត ក្នុងនោះ ឈ្នះ ៩៥ប្រកួត ចាញ់ ១៩ប្រកួត និង ស្មើ ១៣ប្រកួត។យ៉ាងណាមិញ ទន្ទឹមនឹងនេះផងដែរ លោក Mauricio Pochettino គឺជាបេក្ខភាពដែលនឹងត្រូវធ្វើជាគ្រូបង្វឹកជំនួសតំណែងលោក Tomas ដែលជាគ្រូបង្វឹក ត្រូវបានបណ្តេញចេញដោយក្លិបបាល់ទាត់ PSG ៕

ទម្រង់លេងល្អជាងគេ! Dominic Calvert-Lewin ត្រូវបានគេប្រៀបធៀបទៅនឹងកីឡាករឆ្នើមពិភពលោក Cristiano Ronaldo

ថ្ងៃទី ២៤ ខែ ធ្នូ ឆ្នាំ ២០២០ ម៉ោង ១៦:៥៤

អង់គ្លេស៖ ខ្សែប្រយុទ្ធវ័យត្រឹមតែ២៣ឆ្នាំ Dominic Calvert-Lewin ដែលបច្ចុប្បន្នកំពុងលេងឲ្យក្លិបស្ករគ្រាប់ Everton ត្រូវបានកូនប្រុសលោកគ្រូបង្វឹក Carlo Ancelotti របស់ក្លិបយកទៅប្រៀបធៀបនឹងខ្សែប្រយុទ្ធឆ្នើម Cristiano Ronaldo ដោយសារគេបានបង្ហាញទម្រង់លេងបានយ៉ាងលេចធ្លោដោយស៊ុតបញ្ចូលទីបាន១៤គ្រាប់ នៅរដូវកាលថ្មីនេះធ្វើឲ្យរូបគេក្លាយជាទីទទួលស្គាល់ពីសំណាក់មហាជន។កូនប្រុសរបស់លោកគ្រូបង្វឹក Carlo Ancelotti គឺ Davide Ancelotti ក៏បាននិយាយបន្ថែមទៀតថាគេមើលឃើញលក្ខណៈស្រដៀងគ្នាជាច្រើនរវាង ខ្សែប្រយុទ្ធវ័យក្មេងម្នាក់នេះនិង Ronaldo ពេលដែលគេមានវ័យ២៣ឆ្នាំដែរ ។នរណាៗក៏ល្បីថា Cristiano Ronaldo ជាកំពូលកីឡាករឆ្នើមម្ចាស់ពាន Ballon d'or ដល់ទៅ៥ ហើយកន្លងមករូបគេតែងតែត្រូវអ្នកគាំទ្រនិងអ្នកវិភាគបាល់ទាត់ជាច្រើនប្រៀបធៀបនឹង Lionel Messi ខ្សែប្រយុទ្ធសញ្ជាតិអាហ្សង់ទីនប៉ុន្តែ Davide Ancelotti បែរជាជឿជាក់ថា Calvert-Lewin នឹងដើរតាមគន្លងរបស់ Ronaldo ។Davide Ancelotti បានថ្លែងប្រាប់ talkSPORT ថា៖ ខ្ញុំគិតថាគេ (Calvert-Lewis) មានលក្ខណៈសម្បត្តិគ្រប់យ៉ាងដូចទៅនឹង Ronaldo អ៊ីចឹង ប្រាកដណាស់ថាគេទើបនឹងចាប់ផ្ដើមដើរលើផ្លូវមួយនេះ ប៉ុន្តែដូចខ្ញុំនិយាយពីខាងដើមអ៊ីចឹង ពីមួយប្រកួតទៅមួយប្រកួត ខ្ញុំឃើញថាគេពិតជាធ្វើបានល្អខ្លាំងឡើងៗ សូម្បីតែពេលហ្វឹកហាត់ក៏គេខំប្រឹងណាស់ដែរ។ សមត្ថភាពពិសេសរបស់គេគឺគេមានទេពកោសល្យណាស់ គេដឹងថារាងកាយរបស់គេយ៉ាងម៉េចខ្លះ គេសិក្សាពីអារម្មណ៍ខ្លួនឯង ដែលនេះមិនមែនជារឿងធម្មតាឡើយ។Davide បានបន្ថែមទៀតថា៖ ឧទាហរណ៍ដូចជា Ronaldo អ៊ីចឹង គេធ្លាប់ជាកីឡាករបែបនេះ គេបានសិក្សាស្វែងយល់ពីរាងកាយខ្លួនឯង។ គ្រាប់បាល់របស់ខ្សែប្រយុទ្ធ Calvert-Lewin បានជួយឲ្យក្លិបស្ករគ្រាប់ Everton ធ្វើបានល្អក្នុងក្របខណ្ឌ Premier League ដោយពេលនេះកំពុងឈរនៅលេខរៀងទី៤ មាន២៦ពិន្ទុក្នុងដៃ ចាញ់ក្រុមកំពូលតារាង Liverpool ៥ ពិន្ទុប៉ុណ្ណោះ៕

ក្តៅៗ! Paul Pogba កីឡាកររបស់ Manchester United រូបនេះ នឹងទៅលេងឲ្យក្លិបបាល់ទាត់ Real Madrid នៅខែក្រោយនេះ

ថ្ងៃទី ២៤ ខែ ធ្នូ ឆ្នាំ ២០២០ ម៉ោង ១៦:១៥

អង់គ្លេស៖ អនាគតរបស់ Paul Pogba ចាប់អារម្មណ៍ក្លិបកំពូលៗ ជាច្រើន។ ភ្នាក់ងារ Mario Cenolli ដែលជាមិត្តភក្តិរបស់ Mino Raiola និយាយថាខ្សែបម្រើសញ្ជាតិបារាំងរូបនេះនឹងមិនទៅលេងនៅ Juventus ទេ ប៉ុន្តែនឹងទៅ Real Madrid ។ ក្លិប Man Utd, Juventus និង Real Madrid គឺជាកន្លែងសំខាន់របស់កីឡាករ Paul Pogba ។ មើលទៅដូចជា ខ្សែបម្រើជម្រើសបារាំងនឹងទៅ Santiago Bernabeu ។ នោះគឺជាអ្វីដែលភ្នាក់ងារ Mario Cenolli ដែលជាមិត្តភក្តិរបស់ Mino Raiola បានប្រាប់ 'CMI TV' ថាគាត់ជឿជាក់ថា Pogba នឹងបញ្ចប់នូវអាជីពរបស់គេដោយការពាក់អាវរបស់ក្រុម Real Madrid ។ Mario Cenolli បាននិយាយថា " Pogba ទៅ Juve? ទេគាត់នឹងទៅ Real Madrid ។ មិត្តល្អរបស់ខ្ញុំ Raiola នឹងដកខ្លួនចេញហើយបញ្ជូន Pogba ទៅ Real Madrid" ។ នោះបាននិយាយថាភ្នាក់ងារជឿជាក់ថាវានឹងក្លាយជាផ្នែកមួយនៃកិច្ចព្រមព្រៀងដោះដូរពីព្រោះខ្ញុំដឹងថា Man Utd ចង់បានកីឡាករ Real Madrid មួយចំនួន។យ៉ាងណាមិញ អនាគតរបស់ Pogba នៅ Man Utd មិនច្បាស់ទេ។ ខណៈដែល Raiola បានច្រានចោលការចាកចេញរបស់ Pogba នៅក្នុងខែមករា ទីផ្សារដោះដូររដូវក្តៅគឺថាកុងត្រារបស់កីឡាករ Pogba នៅសល់តែ ៦ខែទៀតទេ ហើយគាត់អាចទៅបាន។ រំលឹកផងដែរថា ការចាកចេញរបស់ Pogba អាចទៅបាន ទោះបីកុងត្រានៅសល់ទៀតក៏ដោយ៕

អតីតកីឡាករម្នាក់របស់ក្លិបតោខៀវ Chelsea នឹងចាកចេញពីក្លិប Atletico Madrid នៅខែមករាខាងមុខ

ថ្ងៃទី ២៤ ខែ ធ្នូ ឆ្នាំ ២០២០ ម៉ោង ១៥:៥៥

អេស្ប៉ាញ៖ អតីតកីឡាករម្នាក់របស់ក្លិបតោខៀវ Chelsea គឺ ខ្សែប្រយុទ្ធ Diego Costa ដែលបច្ចុប្បន្ននៅលេងឲ្យក្លិប Atletico Madrid នឹងចាកចេញពីទឹកដីកីឡដ្ឋាន Wanda Metropolitano នៅរដូវក្ដៅខាងមុខនេះហើយ។កុងត្រារបស់ Costa ជាមួយនឹងក្រុមកំពុងឈរនៅកំពូលតារាង La Liga នេះនឹងផុតនៅចុងរដូវកាលប៉ុន្តែយោងតាមអ្នកសារព័ត៌មាន លោក Fabrizio Romano កីឡាករសញ្ជាតិប្រេស៊ីល កាត់អេស្ប៉ាញ រូបនេះមិនបន្តកុងត្រាជាមួយក្លិបទៀតឡើយហើយនេះជាលើកទី៣ហើយដែល Costa មានគំនិតចង់ចាកចេញ។ទោះយ៉ាងណាក៏ដោយ At.Madrid នឹងលក់ខ្សែប្រយុទ្ធរូបនេះនៅពេលទីផ្សារដោះដូរកីឡាករខែមករាបើកទ្វារតែបើសិនមិនមានក្លិបណាចាប់អារម្មណ៍ចង់ទិញគេទេ At.Madrid នឹងបើកភ្លើងខៀវឲ្យគេចាកចេញដោយគ្មានតម្លៃខ្លួននៅរដូវក្ដៅខាងមុខ។Costa បានរងរបួសសាច់ដុំនិងមានដុំឈាមកកនៅក្នុងជើងរបស់គេ ដែលបានធ្វើឲ្យរូបគេមិនសូវស្រួលក្នុងផ្លាស់ទីប៉ុន្មានហើយនៅរដូវកាលនេះ គេបង្ហាញខ្លួនបានតែ ៧ប្រកួតនិងលេងបានតែ២០៤នាទី ប៉ុណ្ណោះតែ Costa រកបាន២គ្រាប់ គឺជ័យជំនះទល់នឹង Granada និង Elche ដែលធ្វើឲ្យក្រុមរបស់លោកគ្រូបង្វឹក Diego Simeone បានឡើងកាន់កំពូលតារាងនេះឯង។Costa បានចូលរួមជាមួយ Aletico Madrid ជាលើកទី២ ដោយផ្ទេរពីក្លិបតោខៀវ Chelsea នៅឆ្នាំ២០១៨ ខែមករាកន្លងទៅមុននឹងបានឈ្នះពាន Europa League ,La Liga និង Copa Del Rey ជាមួយក្លិបដោយកាលពីលើកដំបូង Costa បានចូលរួមជាមួយ At.Madrid នៅឆ្នាំ២០០៧ ប៉ុន្តែត្រូវដាក់ឲ្យខ្ចីជើងមុននឹងផ្ទេរទៅលេងនៅ Valladolid ក្នុងឆ្នាំ២០០៩ ហើយចុងក្រោយគេក៏ត្រឡប់មកចូលរួមជាមួយ At.Madrid វិញក្នុងឆ្នាំ២០១០។Diego Costa បង្ហាញខ្លួនបាន២១៥ប្រកួតនិងរកគ្រាប់បាល់បាន៨៣គ្រាប់ ប៉ុន្តែពេលនេះគេកំពុងប្រឈមនឹងការប្រកួតប្រជែងជាមួយ Luis Suarez ដែលផ្ទេរពីក្លិបអ្នកមានបុណ្យ Barcelona ដោយគ្មានតម្លៃខ្លួននៅពាក់កណ្ដាលឆ្នាំនេះ៕

បន្ទាប់ពី Messi រកបាន ៦៤៤គ្រាប់ Carles Puyol ថា វាជាការលំបាកបំផុតសម្រាប់អ្នកគាំទ្រ Real Madrid ទទួលស្គាល់ថា Messi គឺជាកីឡាករល្អជាងគេ

ថ្ងៃទី ២៤ ខែ ធ្នូ ឆ្នាំ ២០២០ ម៉ោង ១៤:៥៥

អេស្ប៉ាញ៖ អតីតកីឡាកររបស់ Barcelona លោក Carles Puyol បានប្រាប់គេហទំព័រ Goal ថា "ប្រសិនបើអ្នកសួរខ្ញុំថា Michael Jordan ជានរណាខ្ញុំនឹងនិយាយថា គាត់គឺជាអ្នកលេងបាល់បោះល្អបំផុតក្នុងប្រវត្តិសាស្ត្រ"។ខ្ញុំគិតថា Messi នឹងមានឋានៈដូចគ្នាកីឡាករបាល់ទាត់ល្អបំផុតគ្រប់ពេលវេលា។ វាត្រូវបានគេនិយាយផងដែរថាតើ Michael Jordan គឺល្អបំផុតនៅក្នុងប្រវត្តិសាស្ត្រហើយទាំងនេះគឺជាគំនិតហើយពេលខ្លះវាពិបាកក្នុងគោលបំណងនេះទៅលើចិត្តរបស់អ្នកគាំទ្រ។ វាពិបាកសម្រាប់អ្នកគាំទ្រ Real Madrid ទទួលស្គាល់ថា Messi គឺល្អបំផុត។នៅលើកំណត់ត្រាដ៏គួរឱ្យចាប់អារម្មណ៍មួយទៀតរបស់ Messi អតីតប្រធានក្រុមបានបន្ថែមថា "យើងមានសំណាងណាស់ដែលមានគាត់ ប៉ុន្តែខ្ញុំពិតជានិយាយដោយដកអារម្មណ៍ថាជាលេខ គ្រាប់បាល់រកបានច្រើនថាលេខនៅទីនោះទាំងនេះមិនត្រូវបានបង្កើតទេមកដោយឯងៗ ហើយពួកគេបង្ហាញថា Messi ល្អបំផុត”។យ៉ាងណាមិញ Messi បានបំបែកកំណត់ត្រារបស់ Pele ដែលរកបានគ្រាប់បាល់ច្រើនជាងគេសម្រាប់ក្លិបតែមួយដែលមាន ៦៤៤គ្រាប់ ។ Messi មិនមែនជាអ្នករកគ្រាប់បាល់បានល្អជាងគេនោះទេ៖ ឧទាហរណ៍ Cristiano Ronaldo បានគ្រប់គ្រងគោលដៅអាជីពចំនួន ៧៥៦ ខណៈ Messi មាន ៤០គ្រាប់តិចជាងនេះ។ អ្នកគាំទ្រប្រហែលពួកគេអាចនឹងយល់នៅពេលដែល Messi បានបំបែកកំណត់ត្រាគ្រាប់បាល់លេងក្នុងក្លិបតែមួយនេះ ហើយអ្នកគាំទ្រ Madrid និងថា Messi ជាកីឡាករល្អបំផុត៕