trollkhmer news

កីឡា

Zlatan Ibrahimovic ថា មានអារម្មណ៍ល្អនៅ AC Milan ខណៈដែលក្លិបគ្រោងនឹងផ្តល់នូវការបន្តកិច្ចសន្យាថ្មី

ថ្ងៃទី ២៨ ខែ ធ្នូ ឆ្នាំ ២០២០ ម៉ោង ០៩:២២

អុីតាលី៖ Zlatan Ibrahimovic បានរីករាយនឹងការចាប់ផ្ដើមជាមួយអាជីពជាថ្មីនៅទឺកដីអឺរ៉ុបជាមួយក្រុម AC Milan កាលពីខែធ្នូឆ្នាំ ២០១៩ កន្លងមក។ អតីតកីឡាករជម្រើសជាតិស៊ុយអ៊ែតរូបនេះ បានវិលត្រឡប់ទៅកាន់អឺរ៉ុបវិញបន្ទាប់ពីទទួលបានជោគជ័យពីរឆ្នាំនៅ MLS ជាមួយ LA Galaxy ហើយចាប់តាំងពីពេលនោះមកគាត់បានបង្ហាញថាគាត់នៅតែអាចប្រកួតប្រជែងបានក្នុងកម្រិតខ្ពស់បំផុត។កីឡាករវ័យ ៣៩ ឆ្នាំរូបនេះត្រូវបាន AC Milan ផ្តល់កិច្ចសន្យារយៈពេល ៦ ខែនៅឯ San Siro នឹងបានស៊ុតបាល់បញ្ចូលទី ១១ គ្រាប់ក្នុងការបង្ហាញ់ខ្លួនចំនួន ២០ ប្រកួតសម្រាប់ Milan បានទទួលបានសិទ្ធិប្រកួតក្នុងក្របខ័ណ្ឌ Europa League ថែមទៀតផង។ Ibrahimovic បានស៊ុតបញ្ចួលទី ១១ គ្រាប់ក្នុងការបង្ហាញខ្លួន ១០ លើកចុងក្រោយសម្រាប់ក្រុម AC Milan នឹងក្រោមការដឹកនាំរបស់លោក Pioli ចំនួន ១៤ ប្រកួតកន្លងមក Milan បានឡើងមកកំពូលតារាងនៃក្របខ័ណ្ឌ Serie A ដោយមិនទាន់ស្គាល់ពាក្យថាចាញ់។Ibrahimovic បានឈានដល់ ៦ ខែចុងក្រោយនៃកិច្ចព្រមព្រៀងបច្ចុប្បន្នរបស់លោកនៅ San Siro ហើយឥឡូវនេះលោកបានសារភាពថា លោកមានអារម្មណ៍ថាសប្បាយចិត្តណាស់នឹងនៅទីនេះបន្ត ខណៈដែល Milan កំពុងពិភាក្សាក្នុងការផ្ដល់េជូននូវការបន្តកិច្ចសន្យាថ្មីដល់លោកព្រះផងដែរ ។Ibrahimovic បានប្រាប់សារព័ត៌មាន Gazzetta Dello Sport ថា " ខ្ញុំបានលេងជាមួយក្លិបជាច្រើននិងគោរពក្លិបរបស់ខ្ញុំទាំងអស់ជាអនុស្សាវរីយ៍ដ៏អស្ចារ្យ ។ Milan ដូចជាផ្ទះរបស់ខ្ញុំចឹង ខ្ញុំមានអារម្មណ៍ដូចនេះជាលើកទី ១ ពេលដែលខ្ញុំបានមកដល់ Milan កាលឆ្នាំ ២០១០ ។ ជាមួយ Galliani និង Berlusconi ជាមួយក្រុមអ្នករាល់គ្នាដែលធ្វើការនៅទីនោះ ខ្ញុំមានមានអារម្មណ៍មួយផ្សេងទៀតបរិយាកាសនៅទីនេះដូចជាផ្ទះរបស់ខ្ញុំអ៊ីចឹង។ នេះជាមូលហេតុដែល AC Milan ជាក្លិបធំបំផុតនៅលើពិភពលោក នៅក្នុងចិត្តរបស់ខ្ញុំជានិច្ច”៕ 

អស្ចារ្យ! Cristiano Ronaldo បានជាប់ឈ្មោះជាកីឡាករឆ្នើមជាងគេមួយទៀតហើយ

ថ្ងៃទី ២៨ ខែ ធ្នូ ឆ្នាំ ២០២០ ម៉ោង ០៩:០៦

បរទេស៖ ការលេងដ៏ល្អរបស់កីឡាករ Cristiano Ronaldo បានធ្វើឱ្យគាត់ក្លាយជាវីរៈបុរសមួយនៅក្នុងប្រវត្តិសាស្ត្របាល់ទាត់ ព្រោះគាត់បានរកគ្រាប់បាល់បានគ្រប់ទីកន្លែង។ គាត់ធ្លាប់បានធ្វើដូច្នេះជាមួយក្លិប Juventus និង Real Madrid និងជាមួយ Manchester United ផងដែរ។ ការផ្លាស់ប្តូររបស់គាត់ពីក្រុម Sporting CP ទៅក្រុមនៅអង់គ្លេសក្នុងឆ្នាំ ២០០៣ បានកត់សម្គាល់មុននិងក្រោយ។ ម្ចាស់អាវលេខ ៧នេះគឺអស្ចារ្យ ហើយការចុះហត្ថលេខារបស់គាត់នេះត្រូវបានជាប់ឈ្មោះថាល្អបំផុតក្នុងប្រវត្តិសាស្ត្រក្របខ័ណ្ឌ Premier League ដោយ Sky Sports ។យ៉ាងណាមិញ Thierry Henry និង Eric Cantona ធ្វើតាម ខណៈដែល David Silva គឺជាជនជាតិអេស្ប៉ាញតែមួយគត់នៅក្នុងចំណោមកំពូលទាំង ២០៕

Mbappe ថ្លែងអំណរគុណលោក Tuchel ក្រោយបាត់បង់តំណែងពីក្លិប PSG

ថ្ងៃទី ២៦ ខែ ធ្នូ ឆ្នាំ ២០២០ ម៉ោង ០៩:៣៤

ខ្សែប្រយុទ្ធ Mbappe ក្លិប Paris Saint Germain បានសំដែងអារម្មណ៍សោកស្តាយ និងដឹងគុណចំពោះលោក Thomas Tuchel បន្ទាប់ពីត្រូវបានក្លិបបញ្ចប់តំណែងកាលពីថ្ងៃព្រហស្បតិ៍ ទី២៤ ខែធ្នូ មុនថ្ងៃបុណ្យ X’mas ១ថ្ងៃ។កីឡាករវ័យមានវ័យទើបតែជាង ២០ឆ្នាំខាងលើនេះបានថ្លែងប្រាប់ Channel News Asia ថា «វាជាថ្ងៃដ៏ Sad មួយក្នុងបាល់ទាត់។ ពួកយើងនឹងចងចាំអានុស្សាវរីយ៍ល្អជាមួយគ្នានៅទីនេះដែលបានចារទុកជាប្រវត្តិសាស្រ្ត។ អរគុណណាស់លោកគ្រូ»។គួរបញ្ជាកផងថា មុនបញ្ចប់តួនាទីរបស់គ្រូបង្វឹកសញ្ជាតិអាល្លឹម៉ង់ដោយពុំដឹងមូលហេតុនេះដែរ លោក Thomas Tuchel បានបន្សល់នូវស្នាដៃជាច្រើនក្នុងក្លិបក្នុងនោះដឹកនាំ PSG ឈ្នះជើងឯក Ligue 1 ចំនួន ២រដូវកាលជាប់គ្នា ក្រៅពីពាន French League Cup និង French Cup ១ដងដូចគ្នា និងជាគ្រូបង្វឹកតែម្នាក់គត់បានដែលបានដឹកនាំក្លិបបារាំង ឈានមកដល់វគ្គផ្តាច់ព្រ័ត្រនៃ UEFA Champions League ទោះចាញ់ក្រុមអាល្លឺម៉ង់ Bayern Munich ក៏ដោយ។លើសពីនេះទៀត ក្នុងការដឹកនាំ PSG ១៧ប្រកួតនារដូវកាលថ្មីនេះ រកបាន ៣៥ពិន្ទុចាញ់ក្រុមកំពូលតារាង Lyon និង Lille តែ ១ពិន្ទុប៉ុណ្ណោះក្នុងចំណាត់ថ្នាក់លេខ៣ បណ្តោះអាសន្នក្នុងនាមជាក្រុមការពារតំណែងជើងឯកផងនោះ៕

ពេលនឹកដល់អ្នកចាំទីល្អបំផុតម្នាក់នៅលើពិភពលោក Messi ចុចយកឈ្មោះកីឡាករម្នាក់នេះ

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ១៦:៣១

អេស្ប៉ាញ៖ ខ្សែប្រយុទ្ធក្រុមអ្នកមានបុណ្យ Barcelona កីឡាករ Lionel Messi បានលើកសរសើរ កីឡាករ Jan Oblak របស់ក្លិប Atletico Madrid ថាជាអ្នកចាំទីល្អបំផុតម្នាក់នៅលើពិភពលោក ថែមទាំងសារភាពថា គេពេញចិត្តរាល់ពេលលេងតទល់នឹង អ្នកចាំទីរូបនេះ។Oblak ត្រូវបាន ក្លិប At. Madrid ផ្ទេរយកពីក្លិប Benfica ក្នុងតម្លៃ ១៦លានអឺរ៉ូ (ឬប្រមាណ ១៩លានដុល្លារ) កាលពីឆ្នាំ២០១៤ ។​ ហើយតាំងពីពេលនោះមក គេបានរក្សាតំណែងដៃទី១ យ៉ាងជាប់លាប់ ដោយសារទម្រង់លេងដ៏លេចធ្លោរបស់គេ។ហើយនៅរដូវកាលនេះ អ្នកចាំទីសញ្ជាតិស្លូវេនី នៅតែបន្តបង្ហាញទម្រង់លេងបានល្អ ជាក់ស្ដែងក្នុងចំណោម១៣ប្រកួតកន្លងទៅ Oblak រក្សាសំណាញ់ទីមិនឲ្យរបូតគ្រាប់បាល់ (Clean Sheets) បាន៩ដង និងជួយ At. Madrid គ្រងកំពូលតារាង La Liga គិតត្រឹមសប្ដាហ៍១៥ នេះទៀតផង។​ មិនត្រឹមតែប៉ុណ្ណោះ Oblak ទើបរបូត៥គ្រាប់ ក្នុងលីគរដូវកាលនេះ ក្នុងនោះមានតែអ្នកចាំទី៣រូបគត់ ដែលមានស្ថិតិសង្គ្រោះបាល់បានច្រើនដងជាងម្ចាស់អាវលេខ១៣របស់ At.Madrid រូបនេះ (៣៩ដង)។ហើយជាពិសេស គេបានបង្ហាញទឹកដៃល្អបំផុតគឺកំឡុងពេលប្រកួត យកឈ្នះ Barca ១-០ កាលពីខែមុន ដោយកាលនោះ គេសង្គ្រោះបាល់បាន៤លើក និងបិទមិនឲ្យ Messi មានឱកាសបំបែកពងមាន់បាននោះទេ ខណៈទម្រង់លេងនេះ បានទទួលការសរសើរមិនដាច់ពីមាត់ ពីសំណាក់ម្ចាស់អាវលេខ១០ របស់ក្រុម Barca។Messi បានសរសើរពីសមត្ថភាពរបស់ Oblak កំឡុងពេលផ្ដល់បទសម្ភាសជាមួយ Bud Football ថា៖ គាត់គឺជាអ្នកចាំទីដ៏ឆ្នើមម្នាក់នៅលើពិភពលោកនាពេលបច្ចុប្បន្ននេះហើយវាពិតជាល្អណាស់ក្នុងការ តទល់នឹងកីឡាករឆ្នើមៗ។ ការលេងទល់នឹងកីឡាករឆ្នើម ប្រៀបដូចជាការលើកទឹកចិត្តបន្ថែម ក្នុងការរកគ្រាប់បាល់ ហើយវាពិតជាមានន័យ និងពិបាក ព្រោះរាលល់ដង គាត់តែបង្ហាញឲ្យឃើញនៅពេលដែលគាត់លេង។ ដូច្នេះ វាពិតជាល្អ ដែលជួបគាត់ មិនថាក្រៅឬលើទីលាន៕

Klopp គ្រូបង្វឹករបស់ក្លិបបាល់ទាត់ Liverpool ច្រានចោលរឿងថា Salah មិនសប្បាយចិត្តជាមួយក្លិប

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ១៤:៣៤

អង់គ្លេស៖ លោក Jurgen Klopp អ្នកចាត់ការទូទៅរបស់ក្រុមហង្សក្រហម Liverpool បានធ្វើការទាត់ចោលចំពោះព័ត៌មានដែលបានចុះផ្សាយថា ខ្សែប្រយុទ្ធ Mohamed Salah មិនសប្បាយចិត្តជាមួយក្លិប។ថ្មីៗនេះ Salah បានប្រាប់កាសែតអេស្ប៉ាញមួយថា គាត់មានការខកចិត្តដែលមិនបានធ្វើជាប្រធានក្រុម Liverpool នៅពេលប៉ះគូប្រជែង FC Midtjylland របស់ដាណឺម៉ាកនៅ UEFA Champions League ដែល Trent-Alexander Arnold ត្រូវបានតែងតាំងជាប្រធានក្រុមទៅវិញ។កីឡាករអន្តរជាតិអេហ្ស៊ីបវ័យ ២៨ឆ្នាំខាងលើនេះ ក៏ធ្លាប់បានបដិសេធមិនព្រមផ្ទេរទៅក្លិបអេស្ប៉ាញ Real Madrid ឬក៏ FC Barcelona ទៀត នៅពេលកំពុងមានភាពកក់ក្តៅជាមួយក្លិបអង់គ្លេស Liverpool នៅពេលកិច្ចសន្យារបស់គេនឹងផុតកំណត់នៅ Anfield រហូតដល់ឆ្នាំ២០២៣ ឯណោះ។ទាក់ទងនឹងបញ្ហានេះ លោក Klopp បានថ្លែងប្រាប់ថា «Mo កំពុងស្ថិតក្នុងទម្រង់លេងដ៏ល្អក្នុងក្រុម។ នោះគឺជារឿងសំខាន់បំផុតសម្រាប់ខ្ញុំ។ យើងមិនមានរូបភាព [ពីកន្លែងហ្វឹកហាត់] នៅព្រឹកនេះទេ ប៉ុន្តែប្រសិនមាន អ្នកនឹងបានឃើញគាត់សើចច្រើន»។តែយ៉ាងណា Salah បានចូលលេងក្នុងនាមជាកីឡាករបម្រុង ហើយរកបាន ២គ្រាប់ក្នុងជ័យជម្នះ ៧-០ ទៅលើម្ចាស់ផ្ទះ Crystal Palace នៅ Premier League កាលពីសប្តាហ៍មុន ដែលធ្វើឲ្យក្រុមការពារតំណែងជើងឯក Liverpool បន្តក្តោបក្តាប់កំពូលតារាងដដែល៕

កីឡាករវ័យ១៦ឆ្នាំ ម្នាក់នេះត្រូវបានក្លិបយក្ស Liverpool នៅ Premier League ទិញយកហើយ

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ១៣:៥៣

អង់គ្លេស៖ ក្លិបហង្សក្រហម Liverpool កំពុងនាំមុខក្នុងការប្រេដេញយកខ្សែការពារវ័យក្មេងរបស់ ក្រុម Celta Vigo ឈុត B ដែលមានឈ្មោះថា Stefan Bajcetic ខណៈដែល Manchester United បានព្យាយាមបើកការចរចាជាមួយ Celta Vigo ដើម្បីនាំយកកីឡាករវ័យក្មេងម្នាក់នេះមកកាន់ទឹកដី Old Trafford ដែរ។ប៉ុន្តែយោងតាមការរាយការណ៍មួយបានឲ្យដឹងថា ម្ចាស់ជើងឯកពានរង្វាន់ Premier League រដូវកាល ២០១៩-២០២០ កំពុងមានប្រៀបជាបិសាចក្រហម Manchester United ហើយ។​ លោកគ្រូបង្វឹក Jurgen Klopp កំពុងចាប់អារម្មណ៍សមត្ថភាពរបស់ Bajcetic ដែលទើបបានលេងឲ្យក្រុមឈុត B របស់ Celta Vigo បាន២ប្រកួតប៉ុណ្ណោះក្នុងរដូវកាលនេះ បន្ទាប់ពីថ្នាក់ដឹកនាំក្លិបទើបតែដំឡើងរូបគេ។Liverpool កំពុងប្រញាប់ប្រញាល់តាមទិញយកខ្សែការពារ Stefan Bajcetic ម្នាក់នេះឲ្យបានមុនថ្ងៃទី១ ខែមករាដោយសារតែបញ្ហាផ្នែកនយោបាយពោលគឺចក្រភពអង់គ្លេសនឹងចាកចេញពីសហភាពអឺរ៉ុប អ៊ីចឹងហើយទើបមានច្បាប់មួយចែងឡើងថា ក្លិបបាល់ទាត់ទាំងអស់នៅអង់គ្លេសមិនអាចចុះកិច្ចព្រមព្រៀងទិញយកកីឡាករមកពីប្រទេសក្រៅ នៅក្រោមអាយុ១៨ឆ្នាំនោះឡើយ។សារព័ត៌មាន Faro De Vigo ក៏បានបញ្ជាក់ថាមានអ្នកតំណាងរបស់ Liverpool ម្នាក់បានធ្វើដំណើរទៅទីក្រុង Vigo កាលពីដើមសប្តាហ៍នេះដើម្បីធ្វើការចរចាយកខ្សែការពារវ័យក្មេងរូបនេះ។ គួរបញ្ជាក់ផងដែរថា RB Leipzig ក៏កំពុងសម្លឹងឃើញសមត្ថភាពរបស់ Bajcetic ដែរប៉ុន្តែ Liverpool កាន់តែកៀកក្នុងការទិញយករូបគេហើយ៕

Scott Parker នឹងអវត្តមានក្នុងការដឹកនាំក្រុម Fulham ប្រកួតទល់នឹង Southampton នៅ Premier League ចុងសប្តាហ៍នេះ

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ១១:៣៦

អង់គ្លេស៖ លោក Scott Parker នឹងអវត្តមានក្នុងការដឹកនាំក្រុម Fulham ប្រកួតទល់នឹង Southampton នៅ Premier League ចុងសប្តាហ៍នេះ ដោយសារសមាជិកក្នុងគ្រួសាររបស់លោក បានតេស្តវិជ្ជមាននៃជំងឹ Covid-19។តែយ៉ាងណា គ្រូបង្វឹកអាយុ ៤០ឆ្នាំខាងលើនេះ បានធ្វើតេស្តអវិជ្ជមាន ប៉ុន្តែបានរស់នៅដាច់ដោយឡែកពីគេមួយរយៈសិន។ ជំនួយការរបស់លោក គឺលោក Stuart Gray និងគ្រូបង្វឹកក្រុមទី១ លោក Matt Wells នឹងទទួលបន្ទុកដឹកនាំក្រុមនៅថ្ងៃសៅរ៍ស្អែកក្នុងការជួបប្រកួតទល់នឹងក្រុមដែលកំពុងឡើងជើង Southampton។ Parker នឹងវិលមកដឹកនាំក្រុម Fulham វិញ ពេលប៉ះ Tottenham Hotspur នៅថ្ងៃទី៣០ ខែធ្នូ ឆ្នាំ២០២០។Fulham ដែលត្រូវបានលោក Parker ដឹកនាំឡើងមកលេង Premier League រដូវកាលឆ្នាំ២០២០-២០២១ នេះ បានកំពុងតែត្រដាបត្រដួសនៅក្បែរបាតតារាង បន្ទាប់ពីរកបានតែ ១០ពិន្ទុពីការប្រកួតចំនួន ១៤លើករបស់ពួកគេ៕

អ្នកចាំទីធ្លាក់កូដ Loris Karius​ អាចនឹងត្រឡប់មកកាន់ទឹកដី Liverpool វិញនៅខែមករាខាងមុខ

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ១១:១៧

អង់គ្លេស៖ បើតាមគេហទំព័រ Kicker របស់អាល្លឺម៉ង់បានឲ្យដឹងថាអ្នកចាំទីសញ្ជាតិអាល្លឺម៉ង់វ័យ២៧ឆ្នាំ Loris Karius​ អាចនឹងត្រូវចប់កុងត្រាជាមួយក្លិប Union Berlin នៅលីកកំពូល Bundesliga និងត្រឡប់មកក្លិបហង្សក្រហម Liverpool វិញនៅខែមករាខាងមុខនេះ។គួរបញ្ជាក់ដែរថា​ Karius​​ ទើបតែត្រូវបានក្លិប Union Berlin ខ្ចីជើងពី Liverpool នៅរដូវក្ដៅឆ្នាំ២០២០ នេះប៉ុណ្ណោះ បន្ទាប់ពីចំណាយពេលលេងឲ្យក្លិប Besiktas របស់ប្រទេសគួកគីចំនួន ២រដូវកាលក្នុងកិច្ចសន្យាខ្ចីជើងដូចគ្នា។ ក្នុងនោះដែររូបគេក៏នៅសល់កុងត្រាជាមួយ Liverpool រហូតដល់ឆ្នាំ២០២២ ឯណោះ៕

ក្លិបអ្នកជិតខាង! នៅ​សល់​ក្លិប​បាល់ទាត់តែ២ទេ ដែល​អនុញ្ញាត​ឲ្យ​អ្នក​គាំទ្រ​ចូល​ទស្សនា​បាល់ទាត់ដោយ​ផ្ទាល់​ នៅ​ Premier League ពេល​នេះ

ថ្ងៃទី ២៥ ខែ ធ្នូ ឆ្នាំ ២០២០ ម៉ោង ១០:៥៣

អង់គ្លេស៖ នៅ​ក្នុង​ Premier League ពេល​នេះ​មាន​ក្លិប​ចំនួន​ ២​ប៉ុណ្ណោះ​ ដែល​ត្រូវ​បាន​អនុញ្ញាត​ឲ្យ​អ្នក​គាំទ្រ​ចូល​រួម​ទស្សនា​ ការ​ប្រកួត​ដោយ​ផ្ទាល់​ នេះ​បើ​យោង​តាម​ការ​ចុះ​ផ្សាយ​របស់​ Sky Sports ។ក្លិប​ទាំង​ ២​នេះ​មាន​ដូច​ជា​ ក្លិប​ Liverpool និង​ក្លិប​ Everton ដែល​កំណត់​ឲ្យ​អ្នកគាំទ្រ​ចូល​ទស្សនា​ដោយ​ផ្ទាល់​ ត្រឹម​តែ​ ២,០០០នាក់​ទេ​។ មូល​ហេតុ​ដែល​ក្លិប​ខាង​លើ​ ត្រូវ​បាន​អនុញ្ញាត​ឲ្យ​មាន​អ្នកគាំទ្រ​ចូល​មើល​ដោយ​ផ្ទាល់​បែបនេះ​ ដោយ​សារ​តែ​ ទីតាំង​ក្លិប​ទាំង​ពីរ​នេះ​មាន​ករណី​អ្នក​ឆ្លង​ជំងឺ​កូវីដ-១៩ ទាប។គួរ​បញ្ជាក់​ផង​ដែរ​ថា​ ទាក់ទិន​នឹង​ដំណើរ​ការ​បើក​ឲ្យ​អ្នក​គាំទ្រ​ចូល​រួម​ដោយ​ផ្ទាល់​វិញ​នេះ​​ អង់គ្លេស​នឹង​ធ្វើ​ការ​បើក​ឡើង​វិញ​ចែកជា​ ៣តំបន់ ដោយ​តំបន់ទី​១ ឲ្យ​មានអ្នកទស្សនា​ដោយ​ផ្ទាល់​ចំនួន​ ៤,០០០នាក់​ តំបន់ទី២ ចំនួន​ ២,០០០នាក់​ និង​តំបន់ទី​៣ មិន​ឲ្យ​មាន​ចូល​រួម​ដោយ​ផ្ទាល់​៕