trollkhmer news

កីឡា

អតីតខ្សែប្រយុទ្ធបិសាចក្រហម Hernandez ផ្ទេរទៅលីហ្គ MLS ទទួលថ្លៃឈ្នួលច្រើនជាងកាល Zlatan នៅលេង

ថ្ងៃទី ២២ ខែ មករា ឆ្នាំ ២០២០ ម៉ោង ១៣:២៣

អាមេរិក៖ LA Galaxy ដែលជាសមាជិកនៃក្របខ័ណ្ឌ Major League Soccer បានចុះហត្ថលេខាលើអតីតខ្សែប្រយុទ្ធក្រុម West Ham និងក្រុមបិសាចក្រហម Manchester United គឺកីឡាករ Javier Hernandez ។កីឡាករសញ្ជាតិម៉ិកស៊ិកវ័យ ៣១ ឆ្នាំបានតស៊ូយ៉ាងខ្លាំងសម្រាប់ការប្រកួតជាមួយក្លិប Sevilla បន្ទាប់ពីការផ្ទេររដូវក្តៅរបស់គាត់ពីក្រុមញញួរធំ។ យោងតាមសារព័ត៌មាន LA Times ដែលបានប្រកាសពីការចុះហត្ថលេខានោះ Hernandez នឹងក្លាយជាកីឡាករដែលទទួលបានប្រាក់ឈ្នួលខ្ពស់ជាងគេនៅ MLS  ពោលគឺគាត់នឹងរកចំណូលបានច្រើនជាងអតីតខ្សែប្រយុទ្ធរបស់ Galaxy គឺ Zlatan Ibrahimovic ដែលរកបាន ៧,២ លានដុល្លារ ក្នុងមួយឆ្នាំ កាល ២០១៩ ។Galaxy មិនបានបញ្ចប់ចំណាត់ថ្នាក់ខ្ពស់ជាងលំដាប់ទី ៥ នៅក្នុងពាន Western Conference ចាប់តាំងពីឆ្នាំ ២០១៦ និងបានឈ្នះពានរង្វាន់ MLS Cup ចុងក្រោយរបស់ពួកគេកាលពីឆ្នាំ ២០១៤ ទៀតផង ៕

Ronaldo ឡើង១ចំណាត់ថ្នាក់ទៀតក្នុងបញ្ជីកីឡាករស៊ុតបញ្ចូលទីច្រើនជាងគេក្នុងប្រវត្ដិសាស្រ្ដបាល់ទាត់

ថ្ងៃទី ២២ ខែ មករា ឆ្នាំ ២០២០ ម៉ោង ១០:១៧

បរទេស៖ តារាឆ្នើម Cristiano Ronaldo កំពុងស្ថិតនៅចំណាត់ថ្នាក់ទី៥ ក្នុងនាមជាកីឡាករដែលរកគ្រាប់បាល់បានច្រើនជាងគេក្នុងប្រវតិ្ដសាស្រ្ដបាល់ទាត់ ក្រោយបន្ថែម ២គ្រាប់កាលពីចុងសប្ដាហ៍ទល់នឹងក្រុម Parma។ប្រធានក្រុមជម្រើសជាតិព័រទុយហ្គាល់រូបនេះ អាចស៊ុតបញ្ចូលទីច្រើនជាងវីរបុរសបាល់ទាត់អាឡឺម៉ង់ Muller  ក្នុងនាមជាកីឡាកររកគ្រាប់បាល់ច្រើនជាងគេទី៦ គិតទាំងការស៊ុតឲ្យក្លឹប និងក្នុងក្រុមជម្រើសជាតិ។កីឡាករវ័យ៣៤ឆ្នាំ គិតត្រឹមបច្ចុប្បន្នអាចរកបានដល់ទៅ ៧៣៦គ្រាប់ ក្នុងការប្រកួតចំនួន ១០២៨ ខណៈដៃគូរប្រជែងរបស់គេបច្ចុប្បន្នគឺ Lionel Messi ស្ថិតនៅលេខ៧ ដោយមាន៧១៧គ្រាប់ ក្នុង៩០១ប្រកួត៕

ក្លិបណាហ៊ានបោះ ៣០ លានផោនសម្រាប់ខ្សែប្រយុទ្ធអេស្បាញ Dortmund នឹងលក់ភ្លាម

ថ្ងៃទី ២២ ខែ មករា ឆ្នាំ ២០២០ ម៉ោង ០៩:៥៩

អាឡឺម៉ង់៖ យោងតាមគេហទំព័រ Bild បានឱ្យដឹងថា ក្រុម Borussia Dortmund ចង់បានប្រាក់ ៣០ លានផោនសម្រាប់ខ្សែប្រយុទ្ធ Paco Alcácer ដែលចង់ចាកចេញពីក្លិប Bundesliga នៅខែមករានេះ។ទំនាក់ទំនងរវាង Lucien Favre និង Alcácer បានរសាត់ចាប់តាំងពីការមកដល់របស់ខ្សែប្រយុទ្ធថ្មី Erling Braut Haaland ដោយកីឡាករវ័យ ២៦ ឆ្នាំរូបនេះហ្វឹកហាត់មិនសូវល្អ និងឯកោពីមិត្តរួមក្រុម។ Borussia Dortmund មិនទាន់ទទួលបានការផ្តល់ជូនសម្រាប់កីឡាករអន្តរជាតិអេស្បាញនៅឡើយទេ ទោះបី Atletico Madrid និង Valencia បានចុះឈ្មោះចាប់អារម្មណ៍លើខ្សែប្រយុទ្ធរូបនេះក៏ដោយ៕

Chelsea បានត្រឹមស្មើជាមួយ Arsenal ទោះបីក្រុមភ្ញៀវសល់គ្នា១០នាក់ (មានវីដេអូ)

ថ្ងៃទី ២២ ខែ មករា ឆ្នាំ ២០២០ ម៉ោង ០៩:១៤

អង់គ្លេស៖ វាជារាត្រីដ៏រំភើបមួយនៅឯ Stamford Bridge នៅពេលដែលក្រុម Arsenal មានគ្នា ១០ នាក់បានចាប់ផ្តើមការវាយបកដ៏គួរឱ្យភ្ញាក់ផ្អើលមួយដើម្បីតាមបានស្មើក្រុមតោខៀវ Chelsea ២-២ ។Luiz ត្រូវបានបណ្តេញចេញពេលលេងទល់នឹងក្រុមចាស់របស់ខ្លួន ក្រោយបង្កកំហុសលើ Tammy Abraham ក្នុងប្រអប់គ្រោះថ្នាក់ ហើយខ្សែបម្រើ Jorginho ជាពេជឃាតទាត់បាល់១១ម៉ែត  មុនពេលដែលកីឡាករ Gabriel Martinelli វ័យ ១៨ ឆ្នាំបានរកគ្រាប់បាល់តាមស្មើ ១-១ យ៉ាងអស្ចារ្យ។ ជិតចប់ម៉ោងក្រុមម្ចាស់ផ្ទះក័បាននាំមុខសារជាថ្មី ដោយកីឡាករ Cesar Azpilicueta ទោះបីជាយ៉ាងណាក៏ដោយ កីឡាករ ១០ នាក់របស់ក្រុមកាំភ្លើងធំបានបង្ហាញពីទម្រង់លេងដ៏គួរឱ្យចាប់អារម្មណ៍នៅពេលដែល Hector Bellerin ដែលទើបវិលត្រឡប់ពីរបួសរកគ្រាប់បាល់តាមបានស្មើ ។Arsenal នៅតែខ្វះ ១០ ពិន្ទុសម្រាប់រកកៅអីទៅលេងក្របខ័ណ្ឌ Champions League បើទោះបីជាការប្រកួតដ៏ស្វិតស្វាញពួកគេបានឈ្នះត្រឹមតែ ១ ប្រកួតប៉ុណ្ណោះក្នុងចំណោមការប្រកួតក្របខ័ណ្ឌ Premier League ចំនួន ៨ លើកចុងក្រោយរបស់ពួកគេ៕ 

ក្លិបស្ដង់ដាបង្ហាត់ដោយ បឺត ខាំ​ មានប្រាក់ខែ និងមានឱកាសចេញទៅប្រកួតនៅចិន

ថ្ងៃទី ២១ ខែ មករា ឆ្នាំ ២០២០ ម៉ោង ១៥:១៤

ភ្នំពេញ៖ ឱកាសល្អសម្រាប់អ្នកចង់ក្លាយជាកីឡាករប្រដាល់គុនខ្មែរអាជីពបានមកដល់ក្លិបប្រដាល់ដែលមានសម្ភារៈគ្រប់បែបយ៉ាងមានការបង្ហាត់ដោយកំពូលអ្នកប្រដាល់គុនខ្មែរជាច្រើនរូប រួមទាំងអាចធ្វើការមានប្រាក់ខែ និងមានឱកាសចេញទៅប្រកួតនៅប្រទេសផ្សេងផងដែរ។កំពូលអ្នកប្រដាល់គុនខ្មែរប្របច្ចេកទេស បឺត ខាំ បានរៀបរាប់ពីការបង្ហាត់សិស្សនៅក្លិបប្រដាល់គុណខ្មែរស្ដង់ដារមួយដែលមានសម្ភារៈដ៍សំបូរបែប មានប្រាក់ខែ និងមានឱកាសចេញប្រកួតក្រៅប្រទេសបាន ជាពិសេសប្រកួតក្នុងប្រទេសសិនដែលជាម្ចាស់ក្លិបដ៍ទំនើបមួយនេះ។ ក្លិបប្រដាល់មួយនេះកំពុងស្នើសុំបើកជាផ្លូវការពីសហព័ន្ធប្រដាល់គុនខ្មែរដើម្បីឱ្យកីឡាករក្នុងក្លិបចេញប្រកួតតាមសង្វៀនបាន សម្រាប់ទីតាំងស្ថិតនៅម្ដុំសម្ការដូងដែលបច្ចុប្បន្ននៅតែងន្តជ្រើសរើសសិស្សឱ្យហ្វឹកហាត់ដើម្បីក្លាយជាកីឡាករប្រដាល់គុនខ្មែរទៅថ្ងៃខាងមុខ៕

ក្រោយបាត់មុខ២ខែ ពេលនេះ Dembele មកហ្វឹកហាត់វិញបានហើយ

ថ្ងៃទី ២១ ខែ មករា ឆ្នាំ ២០២០ ម៉ោង ១៤:២៣

អេស៉្បាញ៖ Ousmane Dembele បានត្រលប់ទៅ Barcelona វិញ ហើយកំពុងហ្វឹកហាត់ឡើងវិញ បន្ទាប់ពីសម្រាកព្យាបាលនៅប្រទេសកាតា ដែលបានបញ្ចប់ដំណាក់កាលដំបូងនៃការជាសះស្បើយឡើងវិញ។Dembele បានរងរបួសជើងខាងស្តាំ និងខកខានសកម្មភាពរយៈពេលពីរខែប៉ុន្តែឥឡូវនេះបានឈានដល់ដំណាក់កាលបន្ទាប់នៃការជាសះស្បើយរបស់គាត់នៅឯមជ្ឈមណ្ឌលបណ្តុះបណ្តាលរបស់ Los Cules ។ ការអភិវឌ្ឍរបស់គាត់មានការយឺតយ៉ាវ ប៉ុន្តែឥឡូវនេះគាត់នឹងបង្កើនការហ្វឹកហាត់ជាពិសេសផ្តោតលើវគ្គហ្វឹកហាត់ពេញលេញជាមួយក្រុមដែលនៅសល់។មុនពេលរងរបួសអតីតខ្សែប្រយុទ្ធក្រុម Borussia Dortmund ធ្លាប់ជាកីឡាករ១១នាក់ដំបូងសម្រាប់ Ernesto Valverde ប៉ុន្តែមិនទាន់ច្បាស់ថាតើ Quique Setien ផ្ដល់តម្លៃប៉ុន្មានចំពោះរូបគេឡើយ៕

Conte នាំយកអតីតខ្សែបម្រើរបស់ខ្លួនពី Chelsea មកចូលរួមនៅ Inter

ថ្ងៃទី ២១ ខែ មករា ឆ្នាំ ២០២០ ម៉ោង ១៣:៣៧

អ៊ីតាលី៖ កីឡាករ Victor Moses នឹងត្រូវពិនិត្យសុខភាពនៅ Inter នៅព្រឹកថ្ងៃអង្គារនេះ ក្រោយ Inter ខ្ចីជើង ជាមួយជម្រើសក្នុងការទិញក្នុងតម្លៃ ១០ លានផោនពីក្រុមតោខៀវ Chelsea ខណៈដែលគាត់កំពុងស្ថិតនៅក្នុងទីក្រុង Milan ។កីឡាករអន្តរជាតិនីហ្សេរីយ៉ាវ័យ ២៩ ឆ្នាំរូបនេះបានចូលរួមជាមួយក្រុម Fenerbahce ក្នុងលក្ខខណ្ឌខ្ចីជើងកាលពីខែមករាឆ្នាំ ២០១៩ ប៉ុន្តែគ្រប់ភាគីទាំងអស់បានយល់ព្រមកុតត្រានេះ ដើម្បីឱ្យគាត់អាចជួបជុំជាមួយអតីតគ្រូបង្វឹក Chelsea លោក Antonio Conte នៅឯ San Siro ។Moses ពិតជាអន្ទះសាចង់ធ្វើការផ្ទេរ ដែលគាត់បានហោះហើរទៅអ៊ីតាលីទាំងយប់។ ក្នុងរយៈពេល ១៨ ខែខ្សែបម្រើរូបនេះបានបង្ហាញខ្លួនបានតែ ២៣ ប្រកួតប៉ុណ្ណោះសម្រាប់ Fenerbahce ដោយស៊ុតបញ្ចូលទីបាន ៥ គ្រាប់៕

Dybala៖ ខ្ញុំចង់អបអរជាមួយ Pogba ម្តងទៀត

ថ្ងៃទី ២១ ខែ មករា ឆ្នាំ ២០២០ ម៉ោង ១០:៥២

អ៊ីតាលី៖​ Paulo Dybala និយាយថា គាត់ចង់អបអរជាមួយ Paul Pogba ម្តងទៀតពេលលេងឱ្យ Juventus គឺជាក្តីសុបិន្ត។អ្នកទាំងពីរបានលេងជាមួយគ្នានៅរដូវកាល ២០១៥-១៦ ហើយបង្កើតបានជាចំណងមិត្តភាពរឹងមាំ ទាំងក្នុងទីលាន និងក្រៅទីលាន។ តែក្រោយពេល Pogba បានផ្ទេរទៅលេងនៅអង់គ្លេស ជាមួយក្រុម Manchester United មក ពេលនេះ Dybala បានចាប់ដៃគូរជាមួយម្ចាស់ Ballon d’Or ៥សម័យ Ronaldo វិញម្ដង ទោះជាយ៉ាងណាក៍រូបគាត់នៅតែនឹងមិត្តចាស់ដដែរ។  Dybala បានប្រាប់ Calciomercato ថា៖  « Paul និងខ្ញុំមានទំនាក់ទំនងល្អ ហើយនៅពេលដែលគាត់លេងនៅទីនេះយើងតែងតែស្វែងរកវិធីថ្មីដើម្បីអបអរគ្រាប់បាល់ស៊ុតចូល ។  យើងតែងរកគ្រាប់បាល់បានច្រើន ដូច្នេះវិធីអបអរបានផ្លាស់ប្តូរជាញឹកញាប់។ ខ្ញុំសង្ឃឹមថា នៅថ្ងៃណាមួយយើងនឹងអាចអបអររួមគ្នាម្តងទៀត»៕

Real Madrid ចុះហត្ថលេខាលើកីឡាករប្រេស៊ីលវ័យ១៨ ឆ្នាំពីក្លិប Flamengo

ថ្ងៃទី ២១ ខែ មករា ឆ្នាំ ២០២០ ម៉ោង ០៩:៤០

អេស៉្បាញ៖ Real Madrid បានបញ្ចប់ការចុះហត្ថលេខាលើខ្សែបម្រើសញ្ជាតិប្រេស៊ីល កីឡាករ Reinier Jesus វ័យ ១៨ ឆ្នាំក្នុងតម្លៃ ២៦ លានផោន ពីក្លិប Flamengo ។Reinier ដែលទើបចុះកុងត្រារយៈពេល ៦ ឆ្នាំជាមួយក្លិបយក្សអេស្បាញមួយនេះ ទើបតែបានបង្ហាញខ្លួនជាកីឡាករឈុតធំរបស់ខ្លួនសម្រាប់ក្លិប Flamengo កាលពីថ្ងៃទី ៣១ ខែកក្កដាឆ្នាំទៅ ហើយគាត់គឺជាផ្នែកមួយនៃក្រុមដែលបានឈ្នះលីហ្គប្រេស៊ីល និង Copa Libertadores កាលពីរដូវកាលមុនផងដែរ។ខ្សែបម្រើវ័យក្មេងរូបនេះគឺជាអ្នករកគ្រាប់បាល់បានច្រើនជាងគេក្នុងព្រឹត្តិការណ៍ប្រកួត Dubai Under-16 World Cup កាលឆ្នាំ ២០១៨ ដែលក្លិបបានយកឈ្នះក្រុម Real Madrid នៅវគ្គផ្តាច់ព្រ័ត្រ៕