trollkhmer news

កីឡា

មកដឹងក្លិបដែលចំណាយលើប្រាក់ឈ្នួលកីឡាករច្រើនជាងគេក្នុងឆ្នាំ ២០១៧

ថ្ងៃទី ២២ ខែ មករា ឆ្នាំ ២០១៩ ម៉ោង ១៥:៣១

បរទេស៖ តើអ្នកដឹងទេថា ក្លិបធំៗមួយណាដែលចំណាយលើថ្លៃឈ្នួលកីឡាករឆ្នាំ ២០១៧ ច្រើងជាងគេបង្អស់? ជារៀងរាល់ឆ្នាំ UEFA បានចេញផ្សាយរបាយការណ៍កំណត់គោលនយោបាយរបស់ខ្លួន ខណៈដែលគណៈគ្រប់គ្រងនៅតែបន្តវិភាគហិរញ្ញវត្ថុ។ ខាងក្រោមនេះគឺជាក្លិបដែលចំណាយច្រើនជាងគេបង្អស់៖ #10Arsenal ចំណាយលើប្រាក់ឈ្នួលសម្រាប់ឆ្នាំ ២០១៧ = ២៣៤លានអឺរ៉ូ (ផោន ២០៦,៧៥ លានផោន)#9 Liverpool ចំណាយលើប្រាក់ឈ្នួលសម្រាប់ឆ្នាំ ២០១៧ = ២៤៤ លានអឺរ៉ូ (ផោន ២១៥,5៥៨ លានដុល្លារ)#8 Chelsea ចំណាយលើប្រាក់ឈ្នួលសម្រាប់ឆ្នាំ ២០១៧ = ២៥៦លានអឺរ៉ូ (២២៦,១៩ លានផោន)#7 Juventus ចំណាយលើប្រាក់ឈ្នួលសម្រាប់ឆ្នាំ ២០១៧ = ២៦៤លានអឺរ៉ូ (ផោន ២៣៣,២៥លានផោន)#6 Paris Saint-Germain ចំណាយលើប្រាក់ឈ្នួលសម្រាប់ឆ្នាំ ២០១៧ = 2២៧២លានអឺរ៉ូ (ផោន ២៤០.៣២ លានផោន)#5  Bayern Munich ចំណាយលើប្រាក់ឈ្នួលសម្រាប់ឆ្នាំ ២០១៧ = ២៧៦លានអ៊ឺរ៉ូ (២៤៣,៨៦ លានផោន)#4 Manchester United ចំណាយលើប្រាក់ឈ្នួលសម្រាប់ឆ្នាំ ២០១៧ = ៣០៦លានអឺរ៉ូ (២៧០,៣៦ លានផោន)#3 Manchester City ចំណាយលើប្រាក់ឈ្នួលសម្រាប់ឆ្នាំ ២០១៧ = ៣៣៤លានអឺរ៉ូ (ផោន ២៩៥,១០ លានផោន)#2 Barcelona ចំណាយលើប្រាក់ឈ្នួលសម្រាប់ឆ្នាំ ២០១៧ = ៣៧៨លានអឺរ៉ូ (៣៣៣,៩៨ លានផោន)#1  Real Madrid ចំណាយលើប្រាក់ឈ្នួលសម្រាប់ឆ្នាំ ២០១៧ = ៤០៦លានអឺរ៉ូ (៣៥៨.៧២ លានផោន)

បណ្ដឹងរបស់ Levante រឿង Barcelona ដាក់កីឡាករពិន័យឲ្យចូលលេងត្រូវបានច្រានចោល

ថ្ងៃទី ២២ ខែ មករា ឆ្នាំ ២០១៩ ម៉ោង ១៤:៤២

អេស៉្បាញ៖ បណ្ដឹងរបស់ក្លិប Levante ត្រូវបានច្រានចោលដោយគណៈកម្មាធិការបណ្តឹងនៃសហព័ន្ធកីឡាបាល់ទាត់អេស្ប៉ាញ (RFEF) ទាក់ទងទៅនឹងរឿង Barcelona ដាក់កីឡាករពិន័យឲ្យចូលលេង។កីឡាករ Chumi នៅខាងស្ដាំកីឡាករ Chumi ត្រូវបានពិន័យមិនឲ្យចូលលេងការប្រកួត ខណៈពេលលេងឲ្យក្រុម Barcelona B ហើយកីឡាកររូបនេះក៍បានចូលលេងក្នុងការប្រកួតជើងទី១ នៃ Copa del Rey វគ្គ១៦ក្រុមចុងក្រោយរវាង Levante និង Barcelona ដោយក្រុមអ្នកមានបុណ្យគិតថា ការហាមឃាត់នេះត្រូវបានអនុវត្តតែនៅក្នុងឈុត B ប៉ុណ្ណោះ។ក្នុងករណីនេះមានរយៈពេល ៤៨ម៉ោងដែលអាចប្តឹងឧទ្ធរណ៍បាន ប៉ុន្តែក្រុម Levante បានដាក់ពាក្យប្ដឹងនៅប៉ុន្មានម៉ោង បន្ទាប់ពីពួកគេបានចាញ់ ៣-០ នៅក្នុងជើងទី២ ដែលកាលពីជើងទី១ គេបានឈ្នះ ២-១ នៅផ្ទះខ្លួនឯង។ ហើយចៅក្រមនៃការប្រកួតដែលទាក់ទងនឹងសំណុំរឿងនេះ លោក Carmen Perez បានចាត់ទុកថា រយៈពេលប្ដឹងនេះ យឺតពេល៕

Kroos និង Llorente ត្រៀមខ្លួនជាស្រេចសម្រាប់ជំនួបជាមួយក្រុម Girona តែកីឡាករសំខាន់២នាក់ទៀតត្រូវរង់ចាំរហូតដល់សប្តាហ៍ក្រោយ

ថ្ងៃទី ២២ ខែ មករា ឆ្នាំ ២០១៩ ម៉ោង ១៤:០៥

អេស៉្បាញ៖ វិបត្តិរបួសកីឡាកររបស់ Real Madrid មើលឃើញថា ពួកគេបានធូរស្រាលខ្លះហើយ ក្រោយពេល Toni Kroos និង Marcos Llorente ចូលហ្វឹកហាត់ត្រៀមខ្លួនជួបជាមួយក្រុម Girona នៅ Copa del Rey នាថ្ងៃព្រហស្បតិ៍ខាងមុខនេះ។កីឡាករទាំងពីរបានហ្វឹកហាត់ជាមួយមិត្តរួមក្រុមរបស់ពួកគេកាលពីសប្តាហ៍មុន ដោយមានអារម្មណ៍ល្អ ដូច្នេះនេះគឺជាដំណឹងល្អសម្រាប់គ្រូបង្វឹកលោក Santiago Solari មុនពេលប្រកួតជើងទី១ វគ្គ ១/៤ នៃ Copa del Rey នៅឯកីឡដ្ឋាន Santiago Bernabeu ។ ក្រុមដែលមានរហស្សនាម Los Blancos ត្រូវតែរង់ចាំបន្តិចទៀតសម្រាប់ការវិលត្រឡប់របស់កីឡាករ Gareth Bale និង Marco Asensio ដោយសារពួកគេមិនរំពឹងថា នឹងត្រៀមខ្លួនរួចរាល់ ១០០% ទេ រហូតដល់សប្តាហ៍ក្រោយ។ ពួកគេបានចាប់ផ្តើមធ្វើការនៅលើទីលានហ្វឹកហាត់ ទោះបីជាទើបជាសះស្បើយហើយក្ដី តែមានការប្រុងប្រយ័ត្នជាច្រើនជាពិសេស Bale៕

Ashley Cole ចូលរួមក្រុមដែលដឹកនាំដោយអតីតមិត្តរួមក្រុមរបស់គេ Frank Lampard នៅលីហ្គ Championship

ថ្ងៃទី ២២ ខែ មករា ឆ្នាំ ២០១៩ ម៉ោង ១០:២៧

អង់គ្លេស៖ ​Ashley Cole បានចូលរួមក្រុមដែលកំពុងដឹកនាំដោយអតីតមិត្តរួមក្រុមរបស់គេ Frank Lampard នៅលីហ្គ Championship ពោលគឺក្លិប Derby ក្នុងកិច្ចសន្យាជួយក្រុមរហូតដល់ចប់រដូវកាល។អតីតខ្សែការពារ Arsenal, Chelsea និង ក្រុមជម្រើសជាតិអង់គ្លេសវ័យ ៣៨ឆ្នាំរូបនេះបានចាកចេញពី LA Galaxy កាលពីខែវិច្ឆិកា ហើយឥឡូវនេះ គេនឹងជួបជុំជាមួយអតីតមិត្តរួមក្រុមរបស់គេ Frank Lampard នៅឯ Pride Park នៅលីហ្គលំដាប់ទី២ អង់គ្លេស។Cole បានបង្ហាញខ្លួន ១០៧ដងសម្រាប់ប្រទេសអង់គ្លេស និងឈ្នះពានរង្វាន់ក្របខ័ណ្ឌ Premier League ចំនួន៣ និង FA Cup ៧លើក ច្រើនជាងកីឡាករផ្សេងទៀត។ បន្ទាប់ពីចាកចេញពី Chelsea នៅក្នុងឆ្នាំ២០១៤ គេបានចំណាយពេល ១៨ខែនៅក្រុម Roma មុនពេលចូលរួមជាមួយ LA Galaxy នៅខែមករាឆ្នាំ ២០១៦៕

Kevin-Prince Boateng ចូលរួមជាមួយក្លិប Barcelona ក្នុងលក្ខខណ្ឌខ្ចីជើង

ថ្ងៃទី ២២ ខែ មករា ឆ្នាំ ២០១៩ ម៉ោង ០៩:៤៧

អេស៉្បាញ៖ Barcelona នាំយកខ្សែការពារកណ្ដាល Kevin-Prince Boateng ពីក្លិប Sassuolo នៃក្របខ័ណ្ឌ Serie A ក្នុងលក្ខណៈខ្ចីជើងរហូតដល់ចប់រដូវកាល។ក្រុមកំពូលតារាង La Liga មានជម្រើសក្នុងការទិញផ្ដាច់អតីតកីឡាកររបស់ Spurs វ័យ៣១ឆ្នាំក្នុងតម្លៃ ៧,១លានផោន នៅពេលទីផ្សារដោះដូរបើកនៅរដូវក្ដៅខាងមុខ។ Boateng ចូលរួមជាមួយ Spurs ពី Hertha Berlin ក្នុងឆ្នាំ២០០៧ ប៉ុន្តែត្រូវឲ្យខ្ចីជើងភ្លាមៗទៅ Dortmund ហើយរសាតទៅលេងដល់ក្រុម Portsmouth។ កីឡាករជម្រើសជាតិហ្គាណាកើតនៅអាល្លឺម៉ង់រូបនេះធ្លាប់លេងនៅក្លឹបជាច្រើនទៀតក្នុងអាជីពដូចជា AC Milan, Schalke, Las Palmas និង Frankfurt៕

Bellerin នឹង​ត្រូវសម្រាកព្យាបាល​របួសពេញ១រដូវ​កាល​នេះ

ថ្ងៃទី ២២ ខែ មករា ឆ្នាំ ២០១៩ ម៉ោង ០៩:២៩

អង់គ្លេស៖ Hector Bellerin នឹងអវត្តមានរហូតដល់ចប់រដូវកាល ក្រោយស្កេនរកឃើញថា រូបគេបានរងរបួសជង្គង់ធ្ងន់ធ្ងរទាមទារឱ្យសម្រាកព្យាបាលរយៈពេលយូរ។ខ្សែការពារស្លាបស្ដាំសញ្ជាតិអេស្ប៉ាញត្រូវបានសែងចេញពីទីលានប្រកួតនៅនាទី៧២ ក្នុងការប្រកួតដែល Arsenal បានយកឈ្នះ Chelsea នៅកីឡដ្ឋាន Emirates កាលពីថ្ងៃសៅរ៍ ក្រុមគ្រូពេទ្យរំពឹងថា កីឡាករវ័យ ២៣ឆ្នាំរូបនេះនឹងនៅក្រៅទីលានពីចន្លោះ៦ ទៅ៩ខែឯណោះ ។ នេះគឺជារបួសទីពីរហើយនៅរដូវកាល២០១៨-១៩ របស់ Bellerin ដែលរូបគេទើបជាពីរបួសកំភួនជើងបានរយៈពេល ៥សប្តាហ៍ក្នុងប្រកួតទល់ Southampton កាលពីខែធ្នូ៕

ចាន់ វឌ្ឍនាកា ខំប្រឹងហ្វឹកហាត់យ៉ាងសស្រាក់សស្រាំ ពេលទៅដល់ក្លឹប PKNS FC

ថ្ងៃទី ២១ ខែ មករា ឆ្នាំ ២០១៩ ម៉ោង ១៦:៤៣

ម៉ាឡេស៊ី៖ កីឡាករឆ្នើមកម្ពុជា ចាន់ វឌ្ឍនាកាបានសម្រេចចិត្ត ចូលរួមជាមួយក្រុម PKNS FC នៃលីហ្គកំពូលម៉ាឡេស៊ីសារជាថ្មីម្ដងទៀត ក្រោយរួមរស់ជាមួយក្លឹប Pahang FC បានត្រឹមពាក់កណ្ដាលរដូវកាល កាលពីឆ្នាំមុន។កាលពីឆ្នាំ២០១៩ កីឡាកររហស្សនាម CV11 បានផ្ទេរពីក្លឹបបឹងកេតអង្គរនៃលីហ្គកំពូលកម្ពុជា ទៅកាន់ក្លឹប Pahang FC។ យ៉ាងណាក៏ដោយ បានត្រឹមពាក់កណ្ដាលរដូវកាល ចាន់ វឌ្ឍនាកា និងក្លឹបបានចែកផ្លូវគ្នា។ ដោយឡែកនៅដើមឆ្នាំ២០១៩ ពោលនៅប៉ុន្មានថ្ងៃមុននេះ ចាន់ វឌ្ឍនាកាបានសម្រេចចិត្តចូលជាមួយក្រុមPKNS FC ហើយបច្ចុប្បន្នគេកំពុងធ្វើការហ្វឹកហាត់យ៉ាងសស្រាក់សស្រាំ៕

Unai Emery បញ្ជាក់ថា Ozil នៅតែមានអនាគតនៅឯ Arsenal

ថ្ងៃទី ២១ ខែ មករា ឆ្នាំ ២០១៩ ម៉ោង ១៦:២០

អង់គ្លេស៖ លោក Unai Emery បានបញ្ជាក់ថា Mesut Ozil នៅតែមានអនាគតនៅក្រោមការដឹកនាំរបស់លោកនៅឯ Arsenal ។Ozil គឺជាកីឡាករដែលមិនបានដាក់ឲ្យចូលលេងសម្រាប់ការទទួលជ័យជម្នះ ២-០ លើក្រុមតោខៀវ Chelsea នៅក្នុងក្របខ័ណ្ឌ Premier League កាលពីថ្ងៃសៅរ៍ និងបានខកខានការប្រកួតថ្ងៃអាទិត្យនៅលើទឹកដី West Ham កាលពី ៧ថ្ងៃមុន។  ប៉ុន្មានប្រកួតចុងក្រោយនេះកីឡាករ Aaron Ramsey បានបង្ហាញខ្លួនជាប់រហូតសូម្បីតែការប្រកួតសំខាន់ជាមួយ Chelsea ដែលធ្វើឲ្យ Ozil មិនសូវពេញចិត្តចំពោះរឿងនេះ។ ប៉ុន្តែអតីតគ្រូបង្វឹករបស់ PSG ជឿជាក់ថា ខ្សែបម្រើអន្តរជាតិអាល្លឺម៉ង់ដែលដែលទទួលបានប្រាក់ឈ្នួលខ្ពស់បំផុតរបស់ Arsenal នៅតែរីកចម្រើននៅឯកីឡដ្ឋាន Emirates ។លោក Emery បានប្រាប់ក្រុមអ្នកយកព័ត៌មានថា " Ozil នៅថ្ងៃសៅរ៍មិនអីទេក្នុងការលេង ប៉ុន្តែយើងមិនសម្រេចចិត្តដាក់គាត់ឲ្យលេងទេ ព្រោះចង់ឲ្យជា ១០០% សិន។ ខ្ញុំបាននិយាយជាមួយគាត់ ហើយចង់ឲ្យគាត់ត្រៀមខ្លួនសម្រាប់ការប្រកួតទល់នឹង Chelsea ឫ ManUtd  ដូចជាកីឡាករទាំងអស់នៅក្នុងក្រុម៕

Henry ពន្យល់ពីហេតុផលដែលរូបលោកជេរប្រមាថកីឡាករ Lala របស់ក្លិប Strasbourg

ថ្ងៃទី ២១ ខែ មករា ឆ្នាំ ២០១៩ ម៉ោង ១៥:១៥

បារាំង៖ គ្រូបង្វឹករបស់ក្លិប Monaco លោក Thierry Henry មិនសប្បាយចិត្ត និងបានជេរប្រមាថកីឡាករ Kenny Lala អំឡុងពេលក្រុមរបស់ខ្លួនទទួលបរាជ័យ ៥-១ ក្រោមថ្វីជើងក្រុម Strasbourg។Thierry Henry បានខឹងសម្បារយ៉ាងខ្លាំងចំពោះកីឡាករ Kenny Lala រឿងស៊ីម៉ោងបោះបាល់ច្រើនពេក បន្ទាប់ពីកាមេរ៉ាទូរទស្សន៍បានចាប់គ្រូបង្វឹកក្រុម Monaco រូបនេះបានប្រើប្រាស់ពាក្យសម្ដីមិនសមរម្យទៅលើខ្សែការពាររបស់គូប្រកួតនៅក្នុងតង់ទី១។ Henry បានស្រែកទៅកាន់ Lala "វាជានាទីទី៤៣ " ហើយបន្ថែមថា "ឈប់ស៊ីម៉ោងឥឡូវនេះទៅ វាគ្រប់គ្រាន់ហើយ"។ រូបលោកក៍បានប្រើការប្រមាថជាភាសាបារាំងដែលបកប្រែថា "ចៅប្រុសរបស់ស្រីរកស៊ី"ផងដែរ។ទោះបីជាយ៉ាងណាក៏ដោយអាជ្ញាធរកីឡាបាល់ទាត់បារាំងនឹងរកមើលឯកសារដែលទាក់ទងនឹងរឿងនេះ បន្ទាប់ពីទូរទស្សន៍ Canal Plus ចាប់បានការផ្លាស់ប្តូរនៅលើមីក្រូហ្វូនរបស់ខ្លួន និងបានចេញផ្សាយឈុតខ្លីមួយនៅលើ Twitter៕