trollkhmer news

កីឡា

Chelsea ចាប់ផ្ដើមបើកកិច្ចចរចាផ្ទេរយក ជម្រើសជាតិអង់គ្លេស ម្នាក់នេះហើយ

ថ្ងៃទី ០៦ ខែ មិថុនា ឆ្នាំ ២០២០ ម៉ោង ០៩:៣០

យោងតាមសេចក្ដីរាយការណ៍ បានឲ្យដឹងថា ក្លិបតោខៀវ Chelsea បានចាប់ផ្ដើម បើកកិច្ចចរចាជាមួយក្លិប Leicester City ពិភាក្សាផ្ទេរយកខ្សែការពារស្លាបឆ្វេង Ben Chilwell មកកាន់កីឡដ្ឋាន Stamford Bridge ។កីឡាករ Ben Chilwellកីឡាករ Timo Werner ក្លិបនៅភាគខាងលិចទីក្រុងឡុងដ៍ បានបាញ់រ៉ាដា ទៅលើខ្សែការពារស្លាបឆ្វេងជម្រើសទី ១ របស់ក្រុមរហស្សនាមកញ្ជ្រោងខៀវរូបនេះ អស់រយៈពេល៣រដូវកាលមកហើយ។ជាមួយគ្នានេះ បើយោងតាមកការបញ្ជាក់របស់អ្នកជំនាញផ្នែកទីផ្សារដោះដូរកីឡាករ លោក Fabrizio Romano បានឲ្យដឹងថា ក្លិប Chelsea កំពុងធ្វើការចរចាជាមួយក្លិប Leicester ផ្ទេរយក Chilwell ដើម្បីមកជំនួសតំណែងកីឡាករ Marcos Alonso និង Emerson Palmieri។កីឡាករ Marcos Alonso និង Emerson Palmieriប្រភពដដែលបានបន្ថែមទៀតថា ប្រសិនការចរចា បរាជ័យ ក្រុមលោក Frank Lampard នៅមានគោលដៅម្នាក់ទៀត ដែលជាជម្រើសបន្ទាប់ពី Chilwell នោះគឺខ្សែការពារស្លាបឆ្វេងក្រុម Ajax កីឡាករ Nicolas Tagliafico ដែលជម្រើសជាតិអាហ្សង់ទីនរូបនេះ ត្រូវបានគេរាយការណ៍មកថា មានតម្លៃខ្លួនប្រមាណ ២២លានផោន​ ។គួរឲ្យដឹងដែរថា Chelsea ក៏នឹងខិតជិតក្នុងការផ្ទេររយក ខ្សែប្រយុទ្ធក្រុម RB Leipzig កីឡាករ Timo Werner ផងដែរ ក្រោយជើងស៊ុតវ័យ ២៤ឆ្នាំ ព្រមព្រៀងទទួលយកប្រាក់ពលកម្ម ២សែនផោន ក្នុង ១សប្ដាហ៍ លេងឲ្យក្រុមតោខៀវ នៅរដូវកាលក្រោយ៕ កីឡាករ Nicolas Tagliafico

ចូល​ហាត់​មិន​ទាន់​បាន​ប៉ុន្មាន​ផង​ Messi មាន​របួស​បាត់

ថ្ងៃទី ០៦ ខែ មិថុនា ឆ្នាំ ២០២០ ម៉ោង ០៨:១០

ខ្សែ​ប្រយុទ្ធ​ Lionel Messi ត្រូវ​បាន​ខាង​ក្លិប Barcelona ប្រកាស​ជា​ផ្លូវ​ការ​នៅ​ក្នុង​ថ្ងៃ​នេះ​ថា​ កីឡាករ​រូប​នេះ​កំពុង​តែ​​មាន​បញ្ហា​ត្រង់​ ជង្គង់​ខាង​ស្ដាំ​។ក្លិប​ខាង​លើ​ថែម​ទាំង​បាន​បញ្ជាក់​ផង​ដែរ​ថា​ Messi នឹង​ទទួល​នូវ​ការ​ហ្វឹកហាត់​តែ​ម្នាក់​ឯង​​ និង​លំហាត់​ប្រាណ​ណា​ ដែល​មិន​ប៉ះពាល់​ទៅ​មុខ​របួស​របស់​គេ​។ យ៉ាង​ណា​មិញ​ ខ្សែ​ប្រយុទ្ធ​រូប​នេះ​ ត្រូវ​បាន​គេ​សន្និដ្ឋាន​ នឹង​អាច​ត្រលប់​មក​ហ្វឹកហាត់​ជា​ក្រុម​វិញ​ នៅ​ប៉ុន្មាន​ថ្ងៃ​ដ៏​ខ្លី​ខាង​មុខ​នេះ​។ មិន​តែ​ប៉ុណ្ណោះ​ខាង​ក្លិប​នេះ ក៏​អះ​អាង​ថា ខ្សែ​ប្រយុទ្ធ​រូប​នេះ​នឹង​អាច​ជា​សះ​ស្បើយ​ទាន់​ មុន​ពេល​ដែល​ការ​ប្រកួត​ចាប់​ផ្ដើម​នៅ​ក្នុង​ថ្ងៃ​ទី​១៣​ ខែ​មិថុនា​ ឆ្នាំ​២០២០​ខាង​មុខ​។ គួរ​បញ្ជាក់​ផង​ដែរ​ថា​ ក្លិប​ Barcelona ទើប​តែ​ត្រលប់​មក​ហ្វឹកហាត់​នៅ​ក្នុង​ថ្ងៃ​ទី​០៨ ខែ​មិថុនា​ ឆ្នាំ​២០២០​ នេះ​បន្ទាប់​សម្រាក​អស់​រយៈ​ពេល​ជាង​ ៣​​ ខែ​ដោយ​សារ​ជំងឺ​កូវីដ-១៩៕

ក្តៅៗ! ពានរង្វាន់ Coppa Italia នឹងវិលត្រឡប់មកវិញនៅសប្តាហ៍ក្រោយនេះហើយ

ថ្ងៃទី ០៥ ខែ មិថុនា ឆ្នាំ ២០២០ ម៉ោង ១៧:១៤

ក្រុមសេះបង្កង់ Juventus និងក្រុម AC Milan នឹងក្លាយជាក្រុមដំបូងដែលត្រូវប្រកួត បន្ទាប់ពីការផ្អាកដោយសារការរាតត្បាតនៃវីរុស Covid-19 ហើយក្រុម Napoli ត្រូវជួបប្រកួតជាមួយនឹងក្រុម Inter នៅថ្ងៃបន្ទាប់។ លោក Vincenzo Spadafora រដ្ឋមន្រ្តីក្រសួងកីឡារបស់អ៊ីតាលីបានបញ្ជាក់ថា បាល់ទាត់អ៊ីតាលីនឹងវិលត្រឡប់មកវិញនៅថ្ងៃទី ១២ ខែមិថុនា ដែលជាការប្រកួតជើងទី ២ នៃវគ្គពាក់កណ្តាលផ្តាច់ ព្រ័ត្រពានរង្វាន់ Coppa Italia ។គួរបញ្ជាក់ផងដែរថា ក្រុមសេះបង្កង់ Juventus និងក្រុម AC Milan នឹងធ្វើការប្រកួតជើងទី ២ របស់ពួកគេនៅថ្ងៃទី ១២ ខែមិថុនា ចំណែកឯក្រុម Napoli និងក្រុម Inter នឹងត្រូវជួបគ្នាថ្ងៃទី ១៣ ខែមិថុនា មួយថ្ងៃបន្ទាប់ ហើយការប្រកួតផ្តាច់ព្រ័ត្រនឹងធ្វើឡើងតែប៉ុន្មានថ្ងៃក្រោយនៅថ្ងៃទី ១៧ ខែមិថុនា៕

Real Madrid ថាចង់បានកីឡាករល្បីបំផុត និងជាម្ចាស់ពានកីឡាករឆ្នើម ៣ដងនៅអាស៊ីរូបនេះ...

ថ្ងៃទី ០៥ ខែ មិថុនា ឆ្នាំ ២០២០ ម៉ោង ១៧:១០

យោងសារព័ត៌មានដែលចុះផ្សាយជាភាសាអេស្ប៉ាញដោយ Don Balon បានឱ្យដឹងថា ក្លិបស្តេចស Real Madrid បានដាក់ការចាប់អារម្មណ៍ទៅលើខ្សែប្រយុទ្ធស្លាបរបស់ក្លិប Spurs និងជម្រើសជាតិកូរ៉េខាងត្បូង Son Heung-min។ប្រធានក្លិបស្តេចស លោក Florentino Perez គឺជាអ្នកគាំទ្រមួយរូបរបស់កីឡាករអាស៊ីល្អបំផុតនាពេលបច្ចុប្បន្ននេះ ខណៈដែលកីឡាករវ័យ ២៧ឆ្នាំ រូបនេះ បាន និងកំពុងតែធ្វើព្យុះធ្វើភ្លើងនៅក្លិប Spurs និងក្នុងក្របខណ្ឌ Premier League ជាច្រើនរដូវកាលមកហើយនោះ។ទោះជាយ៉ាងណា ក្លិបមាន់ខ្នាយមាស Spurs មិនមានចំណាប់អារម្មណ៍ក្នុងការលក់គ្រាប់ពេជ្ររបស់ខ្លួនឡើយ ហើយក៏មិនពិចារណាសំណើណាមួយក្នុងតម្លៃទាបជាង ១៥០លានផោន ដូចគ្នាស្របពេលដែល Son នៅសល់កុងត្រាជាមួយក្លិបរហូតដល់ឆ្នាំ២០២៣ ឯណោះ។តារាអាស៊ីរូបសង្ហាឈ្នះពានកីឡាករល្អបំផុតប្រចាំទ្វីបអាស៊ី ៣សម័យកាល​ រូបនេះ បានចូលរួមជាមួយក្លិប Spurs កាលពីដើមរដូវកាល២០១៥-២០១៦ ពីក្លិប Bayer Leverkusen ក្នុងតម្លៃត្រឹម ៣០លានផោន។ រយៈពេល ៥រដូវកាល​ នៅក្លិបដែលមានមូលដ្ឋាននៅទីក្រុងឡុងដ៍ រូបគេបានបង្ហាញខ្លួនឱ្យក្លិប Spurs បានចំនួន ២២០ប្រកួត ជាមួយគ្រាប់បាល់ ៨៣គ្រាប់ និងបញ្ជូនបាល់ ៤៤គ្រាប់ ផងដែរ៕

Griezmann សារភាពត្រង់ៗថា ចង់បញ្ចប់អាជីពនៅលីគមួយនេះ តែមិនមែន La Liga ទេ

ថ្ងៃទី ០៥ ខែ មិថុនា ឆ្នាំ ២០២០ ម៉ោង ១៦:៥០

អេស្ប៉ាញ៖ ខ្សែប្រយុទ្ធក្រុម Barcelona កីឡាករ Antoine Griezmann បានសារភាពថា រូបគេចង់ព្យួរជើង ពីសមរភូមិលើវាលស្មៅ នៅលីគកំពូលអាមេរិក Major League Soccer (MLS)។ក្របខណ្ឌ MLS ត្រូវបានគេមើលឃើញថា ជាកន្លែងដែលកីឡាករល្បីៗ តែងទៅប្រកបអាជីព មុនពេលពួកគេចូលនិវត្តន៍។ ជាក់ស្ដែងកីឡាករល្បីៗដែលធ្លាប់ទៅលេងនៅទីនោះរួមមាន កីឡាករ David Beckham, Zlatan Ibrahimovic, Andrea Pirlo និង Wayen Rooney ជាដើម។ ជាមួយគ្នានេះ ជម្រើសជាតិបារាំង Griezmann ក៏មានគម្រោងទៅបញ្ចប់អាជីពនៅទីនោះផងដែរ នៅពេលដែលគេឈានដល់វ័យជិតចូលនិវត្តន៍ពីបាល់ទាត់។ពាក់ព័ន្ធទៅនឹងរឿងខាងលើ ម្ចាស់អាវលេខ ១៧​ របស់ក្រុម Barca បាននិយាយលម្អិតយ៉ាងដូច្នេះថា៖ ឈ្នះពាន Champions League និង La Liga ជាមួយ Barca ជាក្ដីសុបិនរបស់ខ្ញុំ។ ហើយគោលដៅបន្ទាប់របស់ខ្ញុំគឺពាន World Cup នៅកាតា បន្ទាប់មកគឺការផ្លាស់ទៅ MLS។ ខ្ញុំមិនដឹងថា ក្រុមមួយណាដែលខ្ញុំនឹងទៅចូលរួមទេ ប៉ុន្តែខ្ញុំពិតជាចង់ទៅលេងនៅទីនោះ។ សម្រាប់ខ្ញុំ ការទៅបញ្ចប់អាជីពនៅអាមេរិក ជាមួយនឹងសមត្ថភាពនៅលេងបានល្អ អាចរួមចំណែកជួយក្រុមឈ្នះពានរង្វាន់បាន ជាគោលបំណងរបស់ខ្ញុំ។ខ្សែប្រយុទ្ធជួយបារាំងលើកពាន World Cup ឆ្នាំ ២០១៨ រូបនេះ បានបន្តទៀតថា៖ ខ្ញុំមិនដឹងថា ខ្ញុំនឹងទៅលេងនៅ MLS នៅអាយុប៉ុន្មានទេ វាអាស្រ័យទៅលើថា ពានរង្វាន់ប៉ុន្មានដែលខ្ញុំនឹងត្រូវឈ្នះ ជាមុនសិន។ និយាយទៅប្រសិនបើអាច នៅអាយុ ៣២ ទៅ ៣៣ ខ្ញុំចង់ផ្លាស់ទៅទីនោះ ព្រោះវ័យប៉ុណ្ណោះ ខ្ញុំនៅអាចបង្ហាញសមត្ថភាពលើទីលានបាន។

ក្ដៅៗ! Cristiano Ronaldo បានក្លាយជាកីឡាករបាល់ទាត់ទី១ដែលរកចំណូលបានសរុបដល់ទៅ...

ថ្ងៃទី ០៥ ខែ មិថុនា ឆ្នាំ ២០២០ ម៉ោង ១៦:២៨

បរទេស៖ បើតាមទស្សនាវត្តី Forbes បានឲ្យដឹងថ្មីៗនេះ តារាបាល់ទាត់ជនជាតិព័រទុយហ្គាល Cristiano Ronaldo បានបំបែកកំណត់ត្រាពិភពលោក ដោយបានក្លាយជាកីឡាករបាល់ទាត់ដំបូងគេបង្អស់ ដែលអាចរកប្រាក់ចំណូលបានដល់ទៅ​ ១ពាន់លានដុល្លារ ក្នុងអាជីព។Floyd Mayweather Jr             Tiger Woods                               Cristiano Ronaldo  ក្នុងវ័យ ៣៥ឆ្នាំ Ronaldo បានចូលតារាងអត្តពលិកដែលរកប្រាក់ចំណូលបានដល់ ១ពាន់លានដុល្លារ ដូចគ្នានឹងកីឡាករវាយកូនហ្គោល Tiger Woods និង ស្ដេចប្រដាល់អាមេរិកកីឡាករ Floyd Mayweather Jr ផងដែរ។បើតាមទស្សនាវត្តី Forbes ដ៏ដែលបានឲ្យដឹងថា ម្ចាស់អាវលេខ ៧ក្រុម Juventus រូបនេះរកប្រាក់ចំណូលបានចំនួន ១០៥លានដុល្លារ កាលពីឆ្នាំមុន តាមពីក្រោយដោយខ្សែប្រយុទ្ធរបស់ Barcelona គឺ Lionel Messi ដែលរកបានចំនួន ១០៤លានដុល្លារ។

ហេតុផលពីក្រោយ? ក្លិប​តោ​ខៀវ​ Chelsea​ លែង​ចាប់​អា​រម្មណ៍​​​​​លើ​ ​Aubameyang​​ តែ​ងាក​​មក​ផ្តោត​​លើ​​កីឡាករ​​រូប​​នេះ​​វិញ​

ថ្ងៃទី ០៥ ខែ មិថុនា ឆ្នាំ ២០២០ ម៉ោង ១៦:១៦

ក្រុមតោខៀវ Chelsea ត្រូវបានគេរាយការណ៍ថាមានបំណងបញ្ចប់ចំណាប់អារម្មណ៍របស់ពួកគេក្នុងការចុះ​ហត្ថលេខា​​លើកិច្ចព្រមព្រៀងមួយសម្រាប់ខ្សែប្រយុទ្ធ Pierre-Emerick Aubameyang។ ដោយសារតែ​កីឡាករអន្តរជាតិហ្គាបុង នៅកុងត្រាត្រឹមជាងមួយឆ្នាំទៀត ប្រាកដណាស់ថាខ្សែប្រយុទ្ធដ៏មាន​ទេព​កោសល្យ​រូបនេះអាចនឹងមានឱកាសផ្លាស់ទៅក្លិបធំៗផ្សេងៗនៅក្នុងទីក្រុងឡុងដ៍។ទោះយ៉ាងណាបើយោងតាម ESPN ក្រុមតោខៀវនឹងមិនចុះកុងត្រាយកកីឡាករវ័យ ៣០ ឆ្នាំរូបនេះទេ ប្រសិនបើក្លិប​អាចចុះហត្ថលេខាយកកីឡាករ Timo Werner ពី RB Leipzig ។​ កាលពីថ្ងៃព្រហស្បតិ៍នេះ គេបានគេអះអាងថាក្រុមតោខៀវ Chelsea បានត្រៀមខ្លួនព្រមព្រៀងលើលក្ខខណ្ឌ​នៃការផ្ទេរកីឡាករជម្រើសជាតិអាល្លឺម៉ង់ឱ្យបានមុនថ្ងៃទី ១៥ ខែមិថុនានេះ។ដោយក្លិបបាននាំយក Hakim Ziyech ពី Ajax ដោយជោគជ័យ នោះការចុះកុងត្រានាំយក Timo Werner នឹងអាចជំនួសកន្លែង Willian និង Pedro ។ ប្រសិនបើ Werner មិនផ្លាស់ទៅ Stamford Bridge ទេ នោះដំណាក់កាលចុងក្រោយ Chelsea និងសម្រេចចិត្តនាំយក Aubameyang វិញជាក់ជាមិនខាន៕

ខ្លាំងៗណាស់ដែរ បុ៉ន្តែកីឡាករទាំងអស់នេះមិនដែលឈ្នះពាន​ Champions League សូម្បីម្ដង

ថ្ងៃទី ០៥ ខែ មិថុនា ឆ្នាំ ២០២០ ម៉ោង ១៥:៥២

បរទេស៖ បើតាមកាសែត Sky Sports បានបញ្ជាក់ថា ទោះបីជាកីឡាករទាំងអស់នេះបានធ្វើព្យុះធ្វើភ្លៀងនៅលីគកំពូលៗអឺរ៉ុបយ៉ាងណាក៏ដោយ ក៏ពួកគេមិនដែលឡើយស្គាល់ក្លិនពាន Champions League (UCL) សូម្បីម្តង ដោយពួកគេទាំងនោះមានដូចជា៖                                       1. កីឡាករ Roberto Mancini   កីឡាករ Roberto Manciniបន្ទាប់ពីចាញ់ Barcelona ១-០​ កាលពីវគ្គផ្តាច់ព្រាត់ កាលពីឆ្នាំ១៩៩២ រួចមក ធ្វើឲ្យអតីតកីឡាកររបស់ក្លិប Sampdoria និងជាអតីតគ្រូបង្វឹកក្លិប Man Cityរូបនេះអស់់ឱកាសស្គាល់រស់ជាតិពាន UCL ។                                          2. កីឡាករ Dimitar Berbato  កីឡាករ Dimitar Berbato  កីឡាកររូបនេះធ្លាប់ឈានដល់វគ្គផ្ដាច់ព្រាត់ UCL បាន ៣ដង ពោលគឺ៖                    ចាញ់ Real Madrid ២-១ ពេលលេងឲ្យ Bayer Leverkusen ឆ្នាំ២០០២ចាញ់ Barcelona ២-០​​ ពេលលេងឲ្យ Man Utd ឆ្នាំ២០០៩    ចាញ់ Barcelona ៣-១ ពេលលេងឲ្យ Man Utd ឆ្នាំ២០១១។                                        3. កីឡាករ Fabio Cannavaro  កីឡាករ Fabio Cannavaroអតីតសមាជិកលើកពាន World Cup ឆ្នាំ២០០៦ រូបនេះមិនកាក់កបទាល់តែសោះជាមួយពានUCL ពោលគឺធ្លាប់ទៅដល់វគ្គពាក់កណ្តាលផ្តាច់ព្រាត់ម្តងប៉ុណ្ណោះពេលលេងឲ្យ Inter Milan ។                                        4. កីឡាករ Hernan Crespoកីឡាករ Hernan Crespoកីឡាកររូបនេះធ្លាប់ចាញ់ Liverpool ក្នុងវគ្គទាត់បាល់កាត់សេចក្ដី ១១ម៉ែត្រ​ នៅវគ្គផ្ដាច់ព្រាត់ឆ្នាំ២០០៥ ពេលលេងឲ្យ AC Milan ។                                         5. កីឡាករ Paul Pogba  កីឡាករ Paul Pogbaអតីតសមាជិកលើកពាន World Cup ឆ្នាំ ២០១៨រូបនេះធ្លាប់ឡើងវគ្គផ្ដាច់ព្រ័ត្របានម្តងគត់ ពោលគឺចាញ់ Barcelona ៣-១ ពេលលេងឲ្យ Juventus ។                                       6. កីឡាករ​ Michael Ballack កីឡាករ​ Michael BallackMichael Ballack ធ្លាប់ឡើងដល់វគ្គផ្ដាច់ព្រ័ត្របាន ២ដង ពោលគឺចាញ់ Real Madrid ២-១ ពេលលេងឲ្យ Bayer Leverkusen ឆ្នាំ ២០០២ និង​ចាញ់ Manchester United នៅវគ្គទាត់បាល់ ១១ម៉ែត្រ ឆ្នាំ ២០០៨។                                          7. កីឡាករ Robert Piresកីឡាករ Robert PiresPires ធ្លាប់ឡើងដល់វគ្គផ្ដាច់ព្រាត់បានម្តងគត់ ហើយក៏ចាញ់ Barcelona ២-១ នៅឆ្នាំ ២០០៦។                                        8. កីឡាករ Ruud Van Nistelrooy  កីឡាករ Ruud Van Nistelrooyខ្សែរប្រយុទ្ធមុតស្រួចរូបនេះឡើងបានត្រឹមវគ្គពាក់កណ្តាលផ្ដាច់ព្រាត់តែម្តងគត់ ពេលចូលលេងឲ្យ​ Man Utd រដូវកាលដំបូង។                                         9. កីឡាករ Sergio Aguero កីឡាករ Sergio Agueroខ្សែរប្រយុទ្ធសញ្ជាតិអាហ្សង់ទីនរូបនេះ មិនដែលស្គាល់ឡើយសូម្បីតែវគ្គពាក់កណ្តាលផ្ដាច់ព្រ័ត្រ។                                          10. កីឡាករ Francesco Tottiកីឡាករ Francesco Tottiខ្សែប្រយុទ្ធស្លាប់រស់លេងឲ្យក្លិប Roma រូបនេះមិនដែលឡើយសូម្បីតែឆ្លងផុតវគ្គ ៨ក្រុម ចុងក្រោយ។                                         11. កីឡាករ​ Dennis Bergkampកីឡាករ​ Dennis Bergkampកីឡាកររូបនេះអាចនឺងឈ្នះពាន UCL បើគាត់សម្រេចចិត្តផ្លាស់ទៅលេងឲ្យ Real Madrid កាលឆ្នាំ១៩៩៨​។                                        12. កីឡាករ Zlatan Ibrahimovic   កីឡាករ Zlatan Ibrahimovicកីឡាករដែលបងប្អូនយើងស្គាល់ថា "លោកព្រះ" ធ្លាប់លេងឲ្យAjax, Juventus, Inter Milan, Barcelona, AC Milan, PSG និង Man Utd ប៉ុន្តែនៅតែមិនដែលស្គាល់រសជាតិពាន UCL ។                                         13. កីឡាករ Eric Cantona កីឡាករ Eric Cantonaបន្ទាប់ពីកីឡាកររូបនេះចូលនិវត្តន៏បាន ២ឆ្នាំ Man Utd ក៏បានឈ្នះពាន UCL នៅឆ្នាំ ១៩៩៩។​នេះបើកីឡាកររូបនេះទ្រាំលេងតែ ២ឆ្នាំ ទៀតមុខនឹងបានស្គាល់រសជាតិពាន ​UCL នឹងគេដែរហើយ។                                        14. កីឡាករ​ Robert Lewandowski    កីឡាករ​ Robert Lewandowskiខ្សែរប្រយុទ្ធសញ្ជាតិប៉ូឡូញ រូបនេះធ្លាប់ឡើងដល់វគ្គផ្ដាច់ព្រាត់បានម្តងដែរក្នុងឆ្នាំ២០១៣ ហើយក៏ចាញ់ Bayern Munich ២-១​ ពេលលេងឲ្យ Dortmund​ ។                                        15. អ្នកចាំទី​ Gianluigi Buffon   កីឡាករ​ Gianluigi Buffonអ្នកចាំទីដៃស្អិតរូបនេះធ្លាប់ឡើងដល់វគ្គផ្ដាច់ព្រាត់៣ដង ហើយក៏ចាញ់ទាំង៣ដងដែរ។​                                                                ពោលគឺ៖​                                                                            ចាញ់ AC Milan ក្នុងឆ្នាំ២០០៣                                                                            ចាញ់ Barcelona ក្នុងឆ្នាំ២០១៥                                                                            ចាញ់ Real Madrid ក្មុងឆ្នាំ២០១៧។                                        16. កីឡាករ​ Ronaldo (ប្រេស៊ីល)    កីឡាករ​ Ronaldoម្ចាស់ពានរង្វាន់ Ballon d’Or ពីរសម័យរូបនេះ មិនដែលឈ្នះពាន UCL សូម្បីម្តង ក្រោយពីបានលេងឲ្យក្លិបធំៗនៅអឺរ៉ុបជាច្រើនដូចជា PSV , Barcelona, Inter Milan និង Real Madrid ជាដើម។                                          17. កីឡាករ Diego Maradona កីឡាករ Diego Maradonaក្រៅពីជួយឲ្យអាហ្សង់ទីនឈ្នះពាន​ World Cup ឆ្នាំ១៩៨៦​ Maradona ដូចជាមិនកាក់កបទេ ក្នុងការជួយឲ្យក្លិបរបស់ខ្លួនឈ្នះពាន UCL ។

Man City កំពុងបើកកិច្ចចរចាជាមួយ Barcelona ពិភាក្សាផ្ទេរយកកីឡាករឆ្នើមម្នាក់មកកាន់ Premier League

ថ្ងៃទី ០៥ ខែ មិថុនា ឆ្នាំ ២០២០ ម៉ោង ១៤:៣៧

អង់គ្លេស៖  យោងតាមប្រភពព័ត៌មានក្នុងប្រទេសអេស្ប៉ាញ បានឲ្យដឹងថា ក្លិបមេឃខៀវ Manchester City បានធ្វើការទាក់ទងទៅក្លិប Barcelona ពិភាក្សាផ្ទេរយកខ្សែការពារស្លាបស្ដាំ Sergi Roberto។Roberto ធ្លាប់ធ្វើការ ជាមួយគ្រូបង្គោលក្រុម Man City លោក Pep Guardiola ម្ដងរួចទៅហើយ កំឡុងឆ្នាំ២០១២។ ប៉ុន្តែកាលនោះខ្សែការពារវ័យ ២៨ឆ្នាំ ត្រូវបានគ្រូបង្វឹកសញ្ជាតិអេស្ប៉ាញ ផ្ដល់ឱកាសឲ្យចូលលេងក្នុងក្រុមឈុតធំរបស់ Barcelona បាន ៦ប្រកួត ប៉ុណ្ណោះ។ក្រោយពីលោក​ Pep ចាកចេញពី Barca ទៅដឹកនាំក្រុម Bayern Munich កីឡាករ Roberto បានចាប់ផ្ដើមអភិវឌ្ឍន៍ក្លាយជាកីឡាករសំខាន់ម្នាក់ ក្នុងក្រុមយក្សតំបន់កាតាឡាន់ ដោយរូបគេ អាចលេងក្នុងតំណែងខ្សែបម្រើផង និងខ្សែការពារស្លាបផង។យ៉ាងណាមិញ របាយការណ៍របស់កាសែត Mundo Deportivo បានបញ្ជាក់ថា លោក Pep មានបំណងចង់រួមការងារជាមួយ​ Roberto ម្ដងទៀតនៅកីឡដ្ឋាន Etihad។ មិនត្រឹមតែប៉ុណ្ណោះ ប្រភពដដែលបានបន្ថែមទៀតថាក្លិប Man City បានធ្វើការទាក់ទងទៅ Barcelona រួចរាល់ហើយ ជុំវិញការចរចាផ្ទេរយកម្ចាស់អាវលេខ ២០ រូបនេះ នៅពេលទីផ្សារដោះដូរ រដូវក្ដៅបើកទ្វារ។គួរឲ្យដឹងដែរថា ក្នុងរដូវកាលនេះ Roberto បង្ហាញខ្លួនឲ្យក្លិបជើងឯក La Liga ២៦ សម័យ បានចំនួន ២៩ប្រកួត គិតរាល់ព្រឹត្តិការណ៍ទាំងអស់ ក្នុងនោះគេស៊ុតបញ្ចូលទីបាន ១គ្រាប់ និងបញ្ជូន​បាល់ឲ្យមិត្តរួមក្រុមបញ្ចប់ទីបាន ២ដង៕