trollkhmer news

កីឡា

Arsenal កំពុងពិចារណាផ្តល់កិច្ចសន្សាថ្មីដល់ខ្សែការពារដែលមានបទពិសោធន៍គឺកីឡាករ David Luiz

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១៥:៤៩

អង់គ្លេស៖ បើតាមរបាយការណ៏មួយបានអោយដឹងថា ក្លិប Arsenal កំពុងពិចារណានូការផ្តល់ជូននៅកិច្ចសន្សាថ្មីដល់ខ្សែការពារដែលមានបទពិសោធន៍គឺកីឡាករ David Luiz ។កិច្ចព្រមព្រៀងដែលមានស្រាប់របស់ខ្សែការពារវ័យ ៣៤ ឆ្នាំរូបនេះនៅឯកីឡដ្ឋាន Emirates នឹងត្រូវផុតកំណត់នៅចុងខែមិថុនាហើយការសម្រេចចុងក្រោយលើអនាគតរបស់ប្រេស៊ីលមិនត្រូវបានគេរំពឹងថានឹងត្រូវធ្វើឡើងរហូតដល់ចុងបញ្ចប់នៃការប្រកួតនៅឆ្នាំ ២០២០-២១នោះទេ។បើយោងតាមគេហទំព័រ Jorge Nicola បានអោយដឹងថា ក្លឹប Arsenal កំពុងថ្លឹងថ្លែងនូវលទ្ធភាពនៃការផ្តល់នូវកុងត្រាថ្មីសម្រាប់ខ្សែការពាររូបនេះរហូតដល់ខែមិថុនាឆ្នាំ ២០២២ខាងមុខនេះ។ Luiz ទោះបីជាជួបបញ្ហារបួសនៅរដូវកាលនេះក្ដី ប៉ុន្តែរូបគេនៅតែអាចបង្ហាញខ្លួន 30 លើកនៅក្នុងការប្រកួតទាំងអស់សម្រាប់ក្រុមលោក Mikel Arteta បានស៊ុតបាល់បញ្ចូលទីពីរដងនៅប្រកួតនោះ។ខ្សែការពាររូបនេះបានខកខានការប្រកួតតង់ទី ២ វគ្គពាក់កណ្ដាលផ្ដាច់ព្រ័ត្រក្នងការដណ្ដើមពាន Europa League របស់ក្រុមខ្លួនពេលប៉ះជាមួយក្រុម Villarreal កាលពីល្ងាចថ្ងៃព្រហស្បតិ៍ដែលបានបញ្ចប់ដោយលទ្ធផលចាញ់ ២-១៕

Lautaro ថា ខ្លួនពិតជាចង់ទៅ Barcelona ណាស់ ប៉ុន្តែពួកគេគ្មានលុយទិញទេ

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១៥:៤៤

បរទេស៖ កីឡាករ Lautaro Martinez មានទំនាក់ទំនងយ៉ាងខ្លាំងជាមួយនឹងការផ្លាស់ទៅ Barcelona ពេញមួយរដូវកាល ២០១៩/២០ ។ កីឡាករសញ្ជាតិអាហ្សង់ទីនរូបនេះមើលទៅហាក់ដូចជាគាត់កំពុងដើរចេញពីទឹកដី Stadio Giuseppe Meazza ដើម្បីចាកចេញពីក្រុម Inter Milan ជាមួយការផ្លាស់ទៅកាន់ទឹកដី Camp Nou ហើយខ្សែប្រយុទ្ធឆ្នើមវ័យក្មេងរូបនេះ បានសារភាពថាការផ្លាស់ប្តូរនេះខិតជិតនឹងកើតឡើងទៅហើយ ប៉ុន្តែបែរបរាជ័យទៅវិញ។Lautaro បានប្រាប់ ESPN អាហ្សង់ទីនថា៖ “ខ្ញុំពិតជាខិតជិតផ្លាស់ទៅ Barcelona មែន។ ខ្ញុំបានពិភាក្សាជាមួយ Lionel Messi ប៉ុន្តែពួកគេមានបញ្ហាហិរញ្ញវត្ថុហើយខ្ញុំសម្រេចចិត្តនៅបន្តទៀត”។ការស្នើសុំផ្លាស់ទៅ Barcelona មិនមែនជាលើកទី ១ ទេ ដែល Martinez ខិតជិតចូលរួមផ្ទេរទៅប្រទេសអេស្ប៉ាញ ខណៈក្រុមគូរប្រជែង Real Madrid ក៏បានបង្ហាញចំណាប់អារម្មណ៍លើតារាវ័យក្មេងរូបនេះផងដែរ៕     

Bruno ថា Pogba និង Edinson Cavani ជាកីឡាករពីររូបដែល Man United ខ្វះមិនបាន

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១៥:៣៩

អង់គ្លេស៖ ខ្សែបម្រើ Bruno Fernandes បានចាត់ទុក Paul Pogba និង Edinson Cavani ជា កីឡាករពីររូបដែល Manchester United មិនអាចខ្វះបាន។ជាការពិតណាស់ Man Utd នឹងត្រូវធ្វើការពិភាក្សាលើកុងត្រាថ្មីជាមួយ Cavani និង Pogba ក្រោយបញ្ចប់រដូវកាលនេះ។ កីឡាករទាំងពីរត្រូវបានគេជឿជាក់ថាកំពុងរង់ចាំក្នុងការបន្តកិច្ចសន្យាថ្មី ស្របពេលអ្នកចាត់ការក្រុមលោក Ole Gunnar Solskjaer ក៏ចង់រក្សាអ្នកទាំងពីរដូចគ្នា។Bruno បាននិយាយថា៖ កីឡាករដែលមានគុណភាពតែងតែនាំមកនូវគុណភាពសម្រាប់ក្រុម។ ពួកយើងដឹងហើយពីអ្វីដែល Pogba និង Cavani អាចផ្តល់មកកាន់ក្រុម។ ពួគេទាំងពីរ គឺ ពិតជាសំខាន់ណាស់សម្រាប់ពួកយើង ហើយ វាពិតជាពិបាកណាស់ក្នុងការស្វែករកកីឡាករដែលមានសមត្ថភាពបែបនេះក្នុងតម្លៃខ្លួនល្អ៕

Valenti Guardiola ថា Pep មិនដែលចង់ធ្វើបាប Barcelona ដោយចុះហត្ថលេខាយក Messi នោះទេ

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១៥:៣១

បរទេស៖ ទោះបីជាលោក Pep Guardiola ពិតជាចង់ឱ្យ Lionel Messi ធ្វើការក្រោមបញ្ជារបស់គាត់ម្តងទៀតនៅឯ Manchester City ក៏ដោយ ប៉ុន្តែឪពុករបស់គ្រូបង្វឹករូបនេះបាននិយាយថា Pep មិនដែលចង់ធ្វើបាប Barcelona ដោយការនាំយកតារាអាហ្សង់ទីននោះទេ។កុងត្រារបស់ Messi នៅឯក្លិបបាសេឡូណានឹងត្រូវបញ្ចប់នៅរដូវក្តៅខាងមុខនេះ ហើយនៅតែមានការសង្ស័យនៅលើអនាគតរបស់គាត់ ខណៈដែលក្រុមលោក Guardiola ត្រូវបានគេចាត់ទុកជាគោលដៅមួយដែលអាចទៅរួច បន្ទាប់ពីក្លិបយក្សបារាំង PSG។លោក Valenti Guardiola បាននិយាយទៅកាន់អ្នកកាសែត Emiliano Nunia ថា៖ “មិនមានក្លឹបណាមួយនៅលើពិភពលោកដែលមិនចង់បាន Messi នោះទេ។ ខ្ញុំបានឃើញគាត់លេងនៅអាយុ ១២ ឬ ១៣ ឆ្នាំ ហើយខ្ញុំមានការភ្ញាក់ផ្អើលយ៉ាងខ្លាំង”។ឪពុកគ្រូបង្វឹករូបនេះបន្តទៀតថា៖ “គាត់ពិតជាអស្ចារ្យណាស់នៅកម្រិតនោះ។ មានកីឡាករតិចតួចណាស់ដូច Messi ហើយខ្ញុំប្រាកដថា Pep នឹងមិនចូលចិត្តមានគាត់នៅ City ទេ។ Pep តែងតែមើលឃើញថា Messi ពូកែជាងគេតែគាត់នៅ Barcelona ។ Josep មិនដែលចង់ធ្វើឱ្យក្លឹបណាឈឺចាប់ ដោយយកកីឡាករចេញនោះទេ”៕ 

Bayern Munich ចង់បានខ្សែការពារ Achraf Hakimi ពី Inter Milan

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១១:០៦

អាល្លឺម៉ង់៖ ខ្សែការពារ Achraf Hakimi ត្រូវបានពាក្យចចាមអារ៉ាមលើកឡើងថា កំពុងត្រូវបាន​ក្លិប Bayern Munich ​ទាក់ទង​​ចង់បានពី​ក្លិប Inter Milan សម្រាប់រដូវកាល​ក្ដៅ​ខាង​មុខ នេះ​បើយោងតាមការចុះ​ផ្សាយរបស់ Transfermarket ​កាលពី​ពេលថ្មីៗនេះ​។បើតាម​ប្រភពខាង​លើ Bayern មាន​លទ្ធភាពឲ្យ​តម្លៃខ្លួនខ្សែការពារខាង​លើ​ជាង ៦០លានដុល្លារ។ យ៉ាង​ណាមិញ ក្លិបនេះមិនបានបញ្ជាក់ពីប្រាក់ខែ និង​រយៈពេលកុងត្រា​ដែលឲ្យ​ទៅ​កាន់​Hakimi នោះទេ​។ Hakimi បាន​មកលេង​ឲ្យ​ក្លិប Inter Milan នៅដើមរដូវកាលឆ្នាំ២០២០/២១នេះ ដោយចូលរួមលេង​បាន៤១ប្រកួត រកគ្រាប់​បាល់បាន៧គ្រាប់ ​និង​ចប់កុងត្រា​ទៅវិញនៅថ្ងៃទី៣០ ខែមិថុនា ឆ្នាំ២០២៥ឯណោះ៕     

Gabby Agbonlahor៖ Man United នឹងឈ្នះពាន Premier League និង Champions League បើទិញយក Harry Kane និង Sancho

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១០:៣៧

អង់គ្លេស៖ ក្រុមបិសាចក្រហម Manchester United នឹងឈ្នះពានរង្វាន់ Premier League និង Champions League ប្រសិនបើពួកគេចុះហត្ថលេខាលើ Harry Kane និង Jadon Sancho ។នោះគឺជាទស្សនៈរបស់អតីតកីឡាករក្រុម Aston Villa និងជាអតីតខ្សែប្រយុទ្ធអង់គ្លេសលោក Gabby Agbonlahor ដែលជឿជាក់ថាប្រធានក្លឹប Tottenham Hotspur លោក Daniel Levy នឹងទាមទារច្រើនជាង ៩០ លានផោនសម្រាប់ Kane ។វិរបុរសអង់គ្លេសរូបនេះបានប្រាប់ talkSPORT ថា៖ “Harry Kane មានតម្លៃជាង ៩០ លានផោនជាមួយនឹងអ្វីដែលគាត់អាចនាំយកទៅឱ្យក្រុម Manchester United ។ អ្នកនឹងមិនទទួលបាន Harry Kane ក្នុងតម្លៃ ៩០ លានផោនពីលោក Daniel Levy ទេ។ វានឹងថ្លៃជាង ១១០ លានផោន។ គ្រាន់តែដោយសារតែគាត់ជាកីឡាករល្អ។ គាត់ជាអ្នកបញ្ចប់ទីធម្មជាតិនៅកំពូលនៃអាជីពរបស់គាត់។ ខ្ញុំគ្រាន់តែមិនអាចមើលឃើញថាវាកើតឡើងសម្រាប់ ៩០លានផោនទេ”។លោក Agbonlahor បានបញ្ជាក់ថា៖ “គាត់អាចឈ្នះអ្វីៗទាំងអស់នៅទីនោះ។ បិសាចក្រហមប្រហែលជាត្រូវការខ្សែបម្រើស្លាបស្តាំ ខ្សែប្រយុទ្ធនិងខ្សែការពារកណ្តាលម្នាក់។ ប្រសិនបើពួកគេអាចយក Harry Kane បាន ប្រហែលជា Sancho និងខ្សែការពារកណ្តាលលំដាប់ពិភពលោកម្នាក់ ហើយគ្មានហេតុផលណាដែលពួកគេមិនអាចឈ្នះពាន Premier League និង Champions League បាននោះទេ”៕   

Gianni Infantino៖ យើងត្រូវតែប្រយ័ត្ននៅពេលនិយាយអំពីការដាក់ទណ្ឌកម្មក្លឹបដែលពាក់ព័ន្ធនឹង Super League

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១០:៣១

បរទេស៖ ប្រធានសហព័ន្ធបាល់ទាត់ពិភពលោក FIFA លោក Gianni Infantino បានព្រមានអំពីផលប៉ះពាល់នៃការដាក់ទណ្ឌកម្មដល់ក្លិបដែលពាក់ព័ន្ធនឹងការបង្កើតក្របខ័ណ្ឌ European Super League ដែលកំពុងពិភាក្សា។ការដាក់ទណ្ឌកម្មត្រូវបានគេនិយាយអំពីការស្តីបន្ទោសដែលអាចធ្វើទៅបានសម្រាប់ក្លឹបដូចជា Real Madrid និង Barcelona ដែលស្ថិតក្នុងចំណោមក្លិបទាំង ១២ ដែលបានផ្ដើមគំនិតសម្រាប់គម្រោងបរាជ័យនេះ។លោក Infantino បានប្រាប់ L’Equipe ថា៖ “ការបង្កើតលីគផ្តាច់ខ្លួនមិនត្រឹមតែមិនអាចទទួលយកបានទេ ប៉ុន្តែវាមិនអាចនឹកស្មានដល់នោះទេ។ យើងត្រូវតែចៀសវាងនិយាយអំពីសង្គ្រាមនៅពេលយើងនិយាយអំពីបាល់ទាត់ និងនៅពេលដែលពិភពលោកកំពុងទទួលរងពីជំងឺរាតត្បាតដែលមិនធ្លាប់មាន”។ប្រធាន FIFA រូបនេះបន្តទៀតថា៖ “សកម្មភាពខ្លះត្រូវតែមានផលវិបាក ហើយមនុស្សគ្រប់គ្នាត្រូវតែទទួលខុសត្រូវ ប៉ុន្តែអ្នកត្រូវតែប្រយ័ត្នប្រយែងពេលនិយាយពីទណ្ឌកម្ម។ ការដាក់ទណ្ឌកម្មលើក្លឹបក៏ដូចជាការដាក់ទណ្ឌកម្មដល់កីឡាករគ្រូបង្វឹកនិងអ្នកគាំទ្រដែលសុទ្ធសឹងតែគ្មានអ្វីដែលត្រូវធ្វើជាមួយនេះ”៕    

Aguero សុខចិត្តកាត់ប្រាក់ខែ ដើម្បីបានលេងជាមួយកីឡាករ Lionel Messi នៅ Barcelona

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១០:២៥

បរទេស៖ Sergio Aguero នឹងត្រៀមខ្លួនទទួលយកការកាត់ប្រាក់ឈ្នួលដើម្បីទទួលបានឱកាសលេងជាមួយ Lionel Messi នៅឯក្លិប Barcelona នៅរដូវក្តៅនេះ។ នេះបើយោងតាមអ្នកការសែតអ៊ីតាលីដ៏ល្បីលោក Fabrizio Romano ដែលដកស្រង់សម្ដីអ្នកកាសែត Sky Sport Italia លោក Matteo Moretto ។Aguero នឹងចាកចេញពី Manchester City ក្នុងការផ្ទេរដោយឥតគិតថ្លៃនៅពេលកិច្ចសន្យារបស់គាត់ផុតកំណត់នៅខែមិថុនា ពោលគឺសល់តែមួយខែទៀតប៉ុណ្ណោះ។ ទោះយ៉ាងណាក្រុមកាតាឡានមិនទាន់បានចុះកិច្ចព្រមព្រៀងជាមួយកីឡាករវ័យ ៣២ ឆ្នាំរូបនេះនៅឡើយទេ។យោងតាមលោក Romano បានឱ្យដឹងថា Barca នឹងរង់ចាំរហូតដល់ចុងបញ្ចប់នៃរដូវកាលនេះដើម្បីធ្វើការសម្រេចចិត្តរវាងកីឡាករ Aguero និងខ្សែប្រយុទ្ធ Memphis Depay ដែលជាកីឡាកររបស់ក្រុម Lyon ដែលនឹងក្លាយជាភ្នាក់ងារឥតគិតថ្លៃនៅរដូវក្តៅនេះដូចគ្នា៕

Thomas Tuchel ស្នើឲ្យ Chelsea តាមទិញយក Marquinhos អតីតកូនក្រុមរបស់ខ្លួនម្នាក់ទៀតមករួមក្រុម

ថ្ងៃទី ០៧ ខែ ឧសភា ឆ្នាំ ២០២១ ម៉ោង ១០:១៨

អង់គ្លេស៖ ក្រោយយកបានខ្សែការពារជើងចាស់ Thiago Silva ពីក្លិប Paris Saint-Germain មករួមក្រុមកាលពីឆ្នាំមុន ពេលនេះក្លិបតោខៀវ Chelsea កំពុងតែតាមចរចាទិញយកខ្សែការពារ របស់ក្លិបបារាំងមួយនេះម្នាក់ទៀតនោះគឺកីឡាករ Marquinhos ។បើតាមគេហទំព័រ Sunday World បានបន្ថែមទៀតថាលោក Thomas Tuchel ជាអ្នកដែលបានប្រាប់ទៅថ្នាក់ដឹកនាំក្លិប Chelsea ឲ្យតាមផ្ទេរយកកីឡាករជម្រើសជាតិប្រេស៊ីលរូបនេះ ដែលជាអតីតកូនក្រុមរបស់លោកកាលនៅដឹកនាំ PSG មករួមក្រុមឲ្យបាននៅទីផ្សារដោះដូររដូវក្ដៅខាងមុខ។ គួរឲ្យដឹងដែរថាកីឡាករវ័យ២៦ឆ្នាំ Marquinhos អាចនឹងមានតម្លៃខ្លួនដល់ទៅជាង៧០លានផោន ខណៈដែលកុងត្រារបស់គេជាមួយ PSG នៅសល់ដល់ឆ្នាំ២០២៤ខាងមុខឯណោះ៕