trollkhmer news

កីឡា

Recharlison ស៊ុតបាន ៣គ្រាប់ជួយជម្រើសជាតិប្រេស៊ីល U23 យកឈ្នះអាល្លឺម៉ង់ ៤-២ នៅក្នុងព្រឹត្តិការណ៍កីឡាអូឡាំពិក

ថ្ងៃទី ២៣ ខែ កក្តដា ឆ្នាំ ២០២១ ម៉ោង ១០:១៩

(តូក្យូ)៖ ខ្សែប្រយុទ្ធដែលត្រូវជ្រើសរើសចេញពីក្លិប Everton, Recharlison រកបាន ៣គ្រាប់ត្រឹមវគ្គទី១ ក្នុងជំនួបបើកឆាកវិញ្ញាសាបាល់ទាត់ផ្នែកបុរស U23 ដែលធ្វើឲ្យសាំបាប្រេស៊ីលយកឈ្នះគូប្រជែងអាល្លឺម៉ង់ ៤-២ នៃវគ្គសន្សំពិន្ទុប្រចាំពូល D។Recharlison រកបានគ្រាប់ទី១ របស់គេត្រឹមចាប់ផ្តើមលេងតែ ៧នាទីប៉ុណ្ណោះនៃវគ្គទី១ និងគ្រាប់ទី២ និងទី៣ នៅនាទី២២ និងនាទី៣០ នៅមុនពេលមិត្តរួមក្រុម Matheus Cunha មានឱកាសទាត់បាល់ពិន័យ ១១ម៉ែត្រ ១គ្រាប់ដែរ តែធ្វើមិនបានសម្រេចមុនបញ្ចប់វគ្គទី១ រយៈពេល ៤៥នាទី។ នេះក៏ជាគូសងសឹកផងដែរ នៅពេលប្រេស៊ីលឈ្នះមេដាយមាសកាលពីព្រឹត្តិការណ៍ក្នុងទឹកដីរបស់ពួកគេ នៅពេលឈ្នះអាល្លឺម៉ង់ដោយបាល់ ១១ម៉ែត្រកាត់សេចក្តីកាលពី ៥ឆ្នាំមុន។តែយ៉ាងណាក្រុម U23 ឥន្រ្ទីដែកអាល្លឺម៉ង់ក៏បានធ្វើការវាយបកបាន ២គ្រាប់វិញផងដែរនៅវគ្គទី២ បើទោះបីជានៅសល់មាសជិកតែ ១០នាកក៏ដោយ នៅពេលកីឡាករ Paulinho មកពីក្លិប Baey Leverkusen បានបន្ថែមគ្រាប់ទី៤ នៅនាទីចុងម៉ោង គ្រាដែលក្នុងពូល D ដូចគ្នា ខ្សែបម្រើមកពីក្លិបអ៉ីតាលី AC Milan, Franck Kessie ក៏បានគ្រាប់ជ័យជម្នះឲ្យកូដឌីវ័រឈ្នះក្រុមអារ៉ាប៊ីសាអូឌីត ២-១ ផងដែរ៕

Arsenal លុបចោលការធ្វេីដំណើរទៅប្រកួត Pre-Season នៅសហរដ្ឋអាមេរិក ដោយសារ COVID-19

ថ្ងៃទី ២១ ខែ កក្តដា ឆ្នាំ ២០២១ ម៉ោង ១៥:៥៥

(ឡុងដ៏)៖ សមាជិកមួយចំនួនបានតេស្តវិជ្ជាមាន COVID-19 បានធ្វើឲ្យក្រុមកាំភ្លើងធំ Arsenal លុបចោលការធ្វេីដំណើរកម្សាន្ត Pre-Season នៅសហរដ្ឋអាមេរិក មុនឈានដល់ការប្រកួតរដូវកាលថ្មីនៃលីគ Premier League 2021-2022។ បើតាមគម្រោងក្រុមខ្លាំងប្រចាំលីគអង់គ្លេស Arsenal នឹងត្រូវលេងក្នុងកម្មវិធី Florida Cup ដែលត្រូវជួបក្រុម Inter Milan, Everton និងក្រុមរបស់កូឡ៊ុប៊ី Millonarios ខណៈកាំភ្លើងធំក៏មិនបានបញ្ជាក់ចំនួនសមាជិក ឬកីឡាករដែលបានតេស្តវិជ្ជមាន COVID-19 នោះទេ គ្រាដែលនេះជាការសម្រេចចិត្តដ៏លំបាកមួយ ចំពោះការធានាដល់សុខភាពសមាជិកទាំងអស់នៃក្រុម។បច្ចុប្បន្នសមាជិកដែលតេស្តវិជ្ជមានក៏ត្រូវបានសម្រាកនៅដាច់ដោយឡែកនៅឯផ្ទះរបស់ពួកគេ នៅពេលដែលការប្រកួតពាន Florida Cup ខាងគណៈកម្មការរៀបចំកម្មវិធីក៏មិនទាន់បានបង្ហាញថា ក្រុមណានឹងជំនួស Arsenal នោះទេ ចាប់ពីថ្ងៃទី២៥ ដល់ ២៨ ខែកក្កដា ឆ្នាំ២០២១៕

ព្រឹត្តិការណ៍កីឡាអូឡាំពិក ចាប់ផ្តើមជាផ្លូវការ ដោយកីឡាបាល់គប់ប្រកួតមុនគេនៅខេត្តហ្វូគូស៊ីម៉ា

ថ្ងៃទី ២១ ខែ កក្តដា ឆ្នាំ ២០២១ ម៉ោង ១០:២៨

(តូក្យូ)៖ ព្រឹត្តិការណ៍កីឡាចម្រុះ អូឡាំពិក ទីក្រុងតូក្យូ បានចាប់ផ្តើមប្រកួតជាផ្លូវការហើយ ក្រោយពេលពន្យារ១ឆ្នាំដោយសារជំងឺកូវីដ-១៩ ដោយប្រភេទកីឡាបាល់គប់ (softball) ចាប់ផ្តើមមុនគេនាព្រឹកថ្ងៃពុធ ទី២១ ខែកក្កដា ឆ្នាំ២០២១ នៅឯកីឡដ្ឋាន Azuma ដែលស្ថិតក្នុងខេត្ត Fukushima ប្រទេសជប៉ុន។ការប្រកួតកីឡាការិនីម្ចាស់ផ្ទះជប៉ុន ទល់នឹងស្រ្តីអូស្រា្លលីនាព្រឹកថ្ងៃពុធនេះ ដែលជាលើកដំបូងផងដែរនៅអូឡាំពិកដែល កីឡាផ្សេងចាប់ផ្តើមប្រកួតមុនគេ ក្រៅពីបាល់ទាត់គិតចាប់តាំងពីអូឡាំពិកឆ្នាំ១៩៩៦ មក។វាមានរយៈចម្ងាយប្រហែល ១៥០ម៉ាយពីទីក្រុង Tokyo ជាទីដែលកីឡាអូឡាំបើកសម្ពោធនៅ ២ថ្ងៃបន្ទាប់ គ្រាដែលកីឡដ្ឋានជាតិដែលស្ថិតក្នុងទីក្រុងតូក្យូនោះ ត្រៀមរៀបតម្រង់ជួរសម្រាប់ការដង្ហែទង់ជាតិ អមដោយភ្លេងជាតិដែលអ្នកចូលរួមសរុបជាង ៣ម៉ឺនមានទាំងអ្នកគាំទ្រ អត្តពលិក គ្រូបង្វឹក ក្រុមមន្រ្តីអូឡាំពិក និងបូករួមទាំងប្រព័ន្ធផ្សព្វផ្សាយផងដែរ។អ្នកគាំទ្រត្រូវបានហាមឃាត់មិនឲ្យចូលរួមទស្សនាប្រកួតកីឡាអូឡាំពិកនេះទេ ដោយសារខ្លាចឆ្លងរាលដាលនៃ COVID-19 គ្រាដែលមនុស្សជាច្រើននៅក្នុងប្រទេសជប៉ុនបានចោទសួរថា តើព្រឹត្តិការណ៍អូឡាំពិកគួរតែប្រព្រឹត្តទៅដោយមានការចាក់វ៉ាក់សាំងកម្រិតទាបនៅក្នុងប្រទេសដែរឬទេ?

Arsenal ទិញបានខ្សែបម្រើប្រយុទ្ធ Albert Sambi Lokonga ពីក្លិបAnderlecht ក្នុងតម្លៃប្រមាណ ១៧.២លានផោន

ថ្ងៃទី ២០ ខែ កក្តដា ឆ្នាំ ២០២១ ម៉ោង ០៩:២២

ក្រុមកាំភ្លើងធំ Arsenal បានចុះកិច្ចព្រមព្រៀងជាមួយខ្សែបម្រើប្រយុទ្ធ Albert Sambi Lokonga រយៈពេលវែងពីក្លិប Anderlecht របស់ប៊ែលហ្សិកជាផ្លូវការក្នុងតម្លៃប្រមាណ ១៧.២លានផោន។ នេះបើយោងតាមការចេញផ្សាយដោយ BBC នៅថ្ងៃអង្គារ ទី២០ ខែកក្កដា ឆ្នាំ២០២១។រវាងក្លិបទាំងពីរមិនបានបង្ហាញពីតម្លៃផ្ទេររបស់ Sambi ឡើយ តែគេបានដឹងថា មានកិច្ចសន្យារយៈពេលវែងនៅទឹកដី Emirates ជាមួយនឹងតម្លៃខ្លួន ១៧.២លានផោន នៅពេលត្រូវបានតែងតាំងធ្វើជាប្រធានក្រុមក្នុងក្លិប Anderlecht កាលពីរដូវកាលមុន ក្រោមការបង្វឹករបស់លោក Vincente Kompany ដែលជាអតីតខ្សែការពាររបស់ក្លិបអង់គ្លេស Manchester City។Sambi ដែលមានសញ្ជាតិប៊ែលហ្សិកផងនោះ បានចូលរួមជាមួយ Anderlecht តាំងពីគេមានអាយុ ១៥ឆ្នាំនោះ នឹងពាក់លេខ ២៣នៅក្លិបថ្មី Arsenal របស់អង់គ្លេស ហើយក៏ជាកីឡាករទី២ ដែលទើបទិញបានផងដែរ មុនរដូវកាលថ្មីឆ្នាំ២០២១-២០២២ ចាប់ផ្តើមនាខែក្រោយនេះ។ដូចគ្នានោះដែរ Arsenal ក៏ជិតឈានដល់ការចុះកិច្ចព្រមព្រៀងរវាងកីឡាករខ្សែការពារអង់គ្លេស Ben White ក្នុងតម្លៃ ៥០លានផោនមកពីក្លិបរួម Premier League, Brighton & Hove Albion ផងដែរ ក្រោយការយកបានខ្សែការពារស្លាបឆ្វេង Nuno Tavares មកពីក្លិប Benfica ក្នុងតម្លៃតែ ៨លានផោនប៉ុណ្ណោះ៕

ប្រធានក្រុមបាល់ទាត់ជប៉ុន ស្នើឲ្យការប្រកួត Tokyo Olympic Games 2020 មានអ្នកគាំទ្រចូលរួមទស្សនា

ថ្ងៃទី ១៩ ខែ កក្តដា ឆ្នាំ ២០២១ ម៉ោង ១១:២៣

(តូក្យូ)៖ កីឡាករ Maya Yoshida បានស្នើសុំឲ្យអ្នករៀបចំព្រឹត្តិការណ៍អូឡាំពិករដូវក្តៅ ឆ្នាំ២០២០ ពិចារណាឡើងវិញ អំពីអ្នកគាំទ្របានចូលរួមទស្សនាក្នុងទីលានសម្រាប់យុទ្ធនាការដែលមាន ៤ឆ្នាំម្តងនេះ ជាជាងប្រកួតបិទទ្វារគ្រប់ប្រភេទកីឡាទាំងអស់នោះ។Yoshida ដែលជាប្រធានក្រុម U23 ជប៉ុនក៏បានចូលលេងបានផងដែរ ពេលជប៉ុនបញ្ចប់ក្នុងលទ្ធផលស្មើ ១-១ ទល់នឹង U23 អេស្ប៉ាញដោយមានអ្នកគាំទ្រចូលទស្សនាទៀតផង ក្នុងជំនួបមិត្តភាពកំដៅសាច់ដុំ មុនលេងពាន Tokyo Olympic Games 2020 ដែលនឹងចាប់ផ្តើមនាសប្តាហ៍ក្រោយនេះ។ភ្លាមៗនោះដែរ ក្រោយចប់ការប្រកួត Yoshida បានថ្លែងប្រាប់ Live score ថា «ខ្ញុំគិតថា អ្នកគាំទ្រភាគច្រើនបានបង់ពន្ធ និងទិញសំបុត្ររួចរាល់ហើយ និងដឹងពីវិធីការពារកូវីដផងដែរ តើហេតុអ្វីពួកគេនៅតែមិនអាចចូលទស្សនាព្រឹត្តិការណ៍ក្នុងទីលាន? តើអូឡាំពិកធ្វើឡើងដើម្បីអ្វី និងសម្រាប់អ្នកណាទៅ ដ្បិតអត្តពលិកគ្រប់រូបប្រកួតនៅមុខអ្នកទស្សនាទៀតផង»។សំណើនេះត្រូវបានធ្វើឡើង ក្រោយពេលជប៉ុនសម្រេចចុងក្រោយមិនឲ្យអ្នកគាំទ្រចូលរួមទស្សនាក្នុងទីលាននាដើមខែកក្កដានេះ នៅពេលដែលទីក្រុងសំខាន់ៗបានដាក់ក្នុងភាពអាសន្ន ដោយសាររីករាលដាលខ្លាំងពីមេរោគ COVID-19 ហើយការពីថ្ងៃសៅរ៍សប្តាហ៍មុននេះដែរ នៅឯកីឡាដែលជាទីអត្តពលិកអូឡាំពិកស្នាក់នៅនោះ ក៏បានរកឃើញវិជ្ជមាននៃជំងឺ COVID-19 ចំនួន ២ករណីផងដែរ៕

Giroud ​សម្រេច​ផ្ទេរ​ទៅ​កាន់​ក្លឹប AC Milan ​​ក្នុង​តម្លៃ​ខ្លួន​ ១​លាន​ផោន​

ថ្ងៃទី ១៥ ខែ កក្តដា ឆ្នាំ ២០២១ ម៉ោង ១៣:១៦

Olivier Giroud ​​​ខ្សែ​ប្រយុទ្ធ​របស់ក្លឹប  Chelsea សម្រេច​ផ្ទេរ​ទៅ​កាន់​ក្លឹប AC Milan ​ហើយក្នុង​តម្លៃ​ខ្លួន​ប្រមាណ​ជា​ ១​លាន​ផោន។​លោក Paolo Maldini ​ថ្នាក់​ដឹក​នាំ​ក្លឹប AC Milan ​បាន​ប្រកាស​មុន​តែ​ម្ដង ​ថា​ក្លឹប​សម្រេច​ទិញ​បាន Giroud ​មក​រួម​ក្រុម​ហើយ​នៅ​ក្នុង​តម្លៃ​១​លាន​ផោន​ពី​ក្រុម Chelsea ​។ ​រូបគេ​នឹង​មក​ដល់ ​ហើយ​ចុះ​កុងត្រា​នៅ​ថ្ងៃ​នេះ​តែ​ម្ដង។ ​បុរស​វ័យ​៣៤​ឆ្នាំ​ខាង​លើ​នេះ ​ទើប​តែ​បន្ដ​កុងត្រា​១​ឆ្នាំ​ជាមួយ​ក្រុម​តោ​ខៀវ​ទេ ប៉ុន្តែ​ដោយសារ​មិន​ស្ថិត​ក្រោម​ការ​ប្រើប្រាស់​របស់​លោក Thomas Tuchel ​ទើប​រូបគេ​សម្រេច​ចិត្ត​ចាកចេញ​ទៅ​រក​ក្លឹប​ថ្មី​លេង​។​កីឡាករ​ជម្រើស​ជាតិ​បារាំង​ខាង​លើ ​បាន​ចំណាយ​ពេល​៩​ឆ្នាំ​នៅ​អង់គ្លេស ​ដោយ​លេង​ឱ្យ​ក្រុម Arsenal ​ពី​ឆ្នាំ​២០១២​ដល់​២០១៨ ​បន្ទាប់​មក​ក៏​ចូល​រួម​ជាមួយ​ក្រុម Chelsea ​រហូត​មក​ដល់​ពេល​នេះ។ ​នៅ​កាំភ្លើង​ធំ Arsenal ​និង​ Chelsea ​រូបគេ​បាន​ឈ្នះ​ពាន​រង្វាន់​ជា​ច្រើន ​ជា​ពិសេស​នៅ​ចុង​ក្រោយ​នេះ ​ឈ្នះ Champions League ​ដែល​ជា​ពាន​រង្វាន់​ធំ​នៅ​អឺរ៉ុប​៕​

Messi បានបន្តកិច្ចសន្យា ៥ឆ្នាំទៀតជាមួយក្លឹប Barcelona តែត្រូវកាត់ប្រាក់ពលកម្ម ៥០ភាគរយ

ថ្ងៃទី ១៥ ខែ កក្តដា ឆ្នាំ ២០២១ ម៉ោង ០៩:០០

(បាសេឡូណា)៖ កីឡាករខ្សែប្រយុទ្ធជួរមុខ Lionel Messi បានយល់ព្រមបន្តកិច្ចសន្យាថ្មី ៥ឆ្នាំទៀតជាមួយក្លិបអេស្ប៉ាញ FC Barcelona តែត្រូវបាត់កាត់ប្រាក់ពលកម្មចំនួន ៥០ភាគរយផងដែរ។កីឡាករអាហ្សង់ទីន វ័យ ៣៤ឆ្នាំខាងលើនេះបានព្រមព្រៀងបន្តកិច្ចសន្យាលេងនៅទឹកដី Camp Nou រហូតដល់ឆ្នាំ២០២៦ ជាបន្តទៀត និងបានព្រមព្រៀងកាត់ប្រាក់ខែចំនួនពាក់កណ្តាលនៃប្រាក់ដែលធ្លាប់ទទួលបានពីមុន។ នេះជាកិច្ចសន្យាថ្មីដែលត្រូវបានធ្វើឡើងរវាង Lionel Messi និងប្រធានក្លិប FC Barcelona នៅថ្ងៃពុធ ទី១៤ ខែកក្កដា ឆ្នាំ២០២១ នៅពេលកិច្ចសន្យាចាស់បានផុតកំណត់កាលខែមិថុនា ឆ្នាំ២០២១ នេះ ដែលទទួលបានប្រាក់ឈ្នួល ១២៣លានផោនក្នុង ១ឆ្នាំ។កិច្ចសន្យាថ្មីនេះដែរ នឹងធ្វើឲ្យក្លិបនៅបារាំង Paris Saint-Germain និង Manchester City ក្រោមការបង្វឹករបស់លោក Pep Guardiola រួមទាំងក្លិបនៅ Major League Soccer ផងដែរ ដ្បិតទាក់ទង Messi ជាយូរមកហើយ នៅពេល Top scorer ក្នុងក្លិបអ្នកមានបុណ្យមួយនេះបន្តរួមរស់ជាមួយ Barcelona បន្តទៀត៕

De Paul បានផ្លាស់ទៅចូលរួមជាមួយក្លឹប Atletico ក្រោយជួយអាហ្សង់ទីនឈ្នះពាន Copa 2021

ថ្ងៃទី ១៣ ខែ កក្តដា ឆ្នាំ ២០២១ ម៉ោង ១០:៣៦

(ម៉ាឌ្រីដ)៖ Rodrigo de Paul ដែលជាអ្នក Assist ឲ្យមិត្តរួមក្រុម Angel Di Maria ស៊ុតបញ្ចូលទីគូប្រកួតប្រេស៊ីលឈ្នះ ១-០ គ្រងជើងឯកពានប្រចាំតំបន់អាមេរិកឡាទីន Copa America 2021 ជាមួយក្រុមជម្រើសជាតិអាហ្សង់ទីននោះ បានផ្ទេរទៅក្លិបអេស្ប៉ាញ Atletico Madrid ជាផ្លូវការហើយ ក្រោមកិច្ចសន្យារយៈពេល ៥ឆ្នាំ។De Paul ដែលត្រូវបានជ្រើសរើសចេញពីក្លិប Udinese របស់អ៉ីតាលីនោះ ធ្វើបានល្អមែនទែនជាមួយក្រុមរបស់លោក Lionel Scolari នៅយុទ្ធនាការ Copa America 2021 ដែលមានប្រេស៊ីលធ្វើម្ចាស់ផ្ទះ រហូតធ្វើឲ្យ Atletico ទៅចូលរួមក្រុម ដើម្បីការពារជើងឯក La Liga ជាមួយពួកគេ។Rodrigo de Paul ដែលលេងក្នុងតំណែងបម្រើប្រយុទ្ធ វ័យ ២៧ឆ្នាំនោះ ក៏ធ្លាប់លេងនៅក្របខណ្ឌ La Liga ផងដែរក្នុងក្លិប Valencia នៅចន្លោះឆ្នាំ២០១៤ ដល់ឆ្នាំ២០១៦។ បណ្តាញសារព័ត៌មាននៅអេស្ប៉ាញបានចេញផ្សាយថា តម្លៃផ្ទេររបស់ De Paul គឺមាន ៣៥លានអឺរ៉ូ ដែលស្មើនឹង ២៩.៩លានផោនផងដែរ ក្រោយបញ្ចប់កិច្ចសន្យា ៥ឆ្នាំលេងឲ្យ Udinese៕

ក្រុមជម្រើសជាតិអ៉ីតាលី លើកពាន Euro 2020 ក្រោយយកឈ្នះអង់គ្លេស ដោយបាល់ប៉េណាល់ទី ៣-២

ថ្ងៃទី ១២ ខែ កក្តដា ឆ្នាំ ២០២១ ម៉ោង ០៩:៣៥

ក្រុមជម្រើសជាតិអ៉ីតាលី បានឈ្នះពានរង្វាន់ជើងឯកប្រចាំទ្វីបអឹរ៉ុប UEFA European Championship 2020 ជាលើក២ ជាប្រវត្តិសាស្រ្តនៅពេលយកឈ្នះគូប្រជែងអង់គ្លេសដោយបាល់ ១១ម៉េត្រកាត់សេចក្តី ៣-២ នៅវគ្គផ្តាច់ព្រ័ត្រនារាត្រីឆ្លងចូលថ្ងៃចន្ទ ទី១២ ខែកក្កដា (ម៉ោងនៅកម្ពុជា)។ការប្រកួតដែលត្រូវបានធ្វើឡើងនៅកីឡដ្ឋាន Wembley ស្ថិតក្នុងទីក្រុង London នោះ ក្រុមម្ចាស់ផ្ទះបានបើកការនាំមុខ ១គ្រាប់តាំងពីចាប់ផ្តើមបាន ២នាទីប៉ុណ្ណោះនៃវគ្គទី១ ពីការស៊ុតកីឡាករខ្សែការពារ Luke Shaw ដែលត្រូវបានជ្រើសរើសចេញពីក្លិបបិសាចក្រហម Manchester United ពីការបញ្ជូនរបស់មិត្តរួមក្រុម Kieran Trippier នៅពីមុខអ្នកទស្សនាផ្ទាល់ប្រមាណជិត ៧ម៉ឺននាក់ផងដែរ មុនពេលអ៉ីតាលីបានស្មើវិញនៅវគ្គទី២ រហូតដល់ចប់ការប្រកួត ១២០នាទី។គួរបញ្ជាក់ផងថា នេះគឺជាឡើងមកដល់វគ្គផ្តាច់ព្រ័ត្រជាលើកទី២ និងឈ្នះពានជាលើកទី២ ទៀត ក្រោយពេលរង់ចាំអស់រយៈពេល ៥៥ឆ្នាំ គិតចាប់តាំងពីពួកគេបានឈ្នះពាន FIFA World Cup 1966 និងបន្តខកចិត្តទៀតក្នុងពានអឺរ៉ុបនេះដោយបាល់ ១១ម៉េត្រនៅពេល Marcus Rashford និង Jadon Sancho ទាត់បាល់ប៉េណាល់ទីអត់ចូល៕