trollkhmer news

កីឡា

Bayern Munich ចង់បាន Leroy Sane មកបំពេញតំបន់ប្រយុទ្ធស្លាបនៅរដូវក្ដៅនេះ

ថ្ងៃទី ២៥ ខែ ឧសភា ឆ្នាំ ២០១៩ ម៉ោង ១១:៣៤

អាល្លឺម៉ង់៖ ប្រធានក្លិប Bayern Munich លោក Uli Hoeness បានបញ្ជាក់ថា កីឡាករ Leroy Sane របស់ក្រុម Manchester City គឺជាកីឡាករស្លាបដែលជាម្ចាស់ជើងឯកអាល្លឺម៉ង់ចង់ចុះហត្ថលេខា។Bayern កំពុងតែស្វែងរកកីឡាករថ្មីសម្រាប់ជំនួសកន្លែង Arjen Robben និង Franck Ribery ដែលអ្នកទាំងពីរកំពុងនឹងចាកចេញពីក្លិប ក្រោយពីការប្រកួតវគ្គផ្តាច់ព្រ័ត្រនៃក្របខ័ណ្ឌ German Cup ទល់នឹង RB Leipzig ។ ហើយកាលពីថ្ងៃព្រហស្បតិ៍នៅពេលសួរថាតើក្រុម Bayern ចង់ឲ្យ Sane វិលត្រឡប់ទៅកាន់ក្របខ័ណ្ឌ Bundesliga វិញទេ លោក Hoeness បាននិយាយថា បាទ! យើងកំពុងដោះស្រាយបញ្ហានោះនៅពេលនេះ។ ខណៈ ក្រុមម្ចាស់ជើងឯកអង់គ្លេសចង់ចងជើង Sane ចាប់តាំងពីខែកញ្ញាឆ្នាំមុន ប៉ុន្តែកីឡាកររូបនេះនៅមិនទាន់យល់ព្រមបន្តកុងត្រាថ្មី ដែលស្ថិតលើតុរងចាំតែការចុះហត្ថលេខា។គួរបញ្ជាក់ផងដែរថា Sane បានចុះហត្ថលេខាជាមួយ Mancity នៅឆ្នាំ ២០១៦ ពីក្លិប Schalke ក្នុងតម្លៃ ៣៧លានផោន ហើយក៍ជាផ្នែកមួយសំខាន់ក្នុងការឈ្នះពានរង្វាន់ Premier League ជាលើកដំបូងក្រោមការដឹកនាំរបស់លោក Pep Guardiola នៅឆ្នាំ ២០១៧-១៨ ៕

Messi ឈ្នះស្បែកជើងមាសទ្វីបអឺរ៉ុបជាលើកទី៦ ដោយរកបាន ៣៦គ្រាប់ឲ្យ Barcelona

ថ្ងៃទី ២៥ ខែ ឧសភា ឆ្នាំ ២០១៩ ម៉ោង ១០:៣៦

ខ្សែប្រយុទ្ធ Lionel Messi បានឈ្នះស្បែកជើងមាសអឺរ៉ុបទី៦ របស់ខ្លួន ដោយរកបាន ៣៦គ្រាប់ សម្រាប់ក្រុមម្ចាស់ជើងឯកអេស្ប៉ាញ Barcelona។Messi បានឈ្នះពានរង្វាន់ស្បែកជើងមាសទ្វីបអឺរ៉ុបរយៈពេល ៣ឆ្នាំជាប់ៗគ្នាដោយបានផ្តួលកីឡាករ Kylian Mbappe ដែលត្រូវការ ៥គ្រាប់នៅក្នុងក្របខ័ណ្ឌ Ligue 1 ដើម្បីដណ្ដើមពាននេះ ប៉ុន្តែគួរឲ្យស្ដាយខ្សែប្រយុទ្ធវ័យក្មេងរូបនេះរកបានតែ ១គ្រាប់ក្នុងការប្រកួត PSG ចាញ់ ៣-១ នៅទឹកដី Reims ។សូមបញ្ជាក់ផងដែរថា Messi បច្ចុប្បន្នមានស្បែកជើងមាសច្រើនជាងប្រយុទ្ធរបស់ក្រុម Juventus កីឡាករ Cristiano Ronaldo ពីរ ដែលកីឡាករសញ្ជាតិព័រទុយហ្គាលបានឈ្នះពានរង្វាន់ចុងក្រោយក្នុងឆ្នាំ ២០១៤-១៥ ៕

Manchester United ដាក់សំណើ ៤០លានអឺរ៉ូ យកតារាជើងស៊ុតវ័យក្មេងម្នាក់បស់ Lyon

ថ្ងៃទី ២៥ ខែ ឧសភា ឆ្នាំ ២០១៩ ម៉ោង ១០:១៦

អង់គ្លេស៖ Manchester United ត្រូវបានរាយការណ៍ថា បានដាក់សំណើដេញថ្លៃ ៤០លានអឺរ៉ូ ដើម្បីចុះហត្ថលេខាលើខ្សែប្រយុទ្ធរបស់ក្លិប Lyon កីឡាករ Moussa Dembélé។Dembéléបានចូលរួមជាមួយក្រុមនៅបារាំងកាលពីរដូវក្តៅមុនពីក្លិប Celtic ហើយបានបង្ហាញទម្រង់លេងដ៏គួរឲ្យកត់សម្គាល់ក្នុងការប្រកួត ២៤លើក។ ប៉ុន្តែឥឡូវនេះ គេអាចចាកចេញពី Lyon  បន្ទាប់ពីលេងបានត្រឹមតែ ១២ខែប៉ុណ្ណោះ ជាមួយនឹងការចុះផ្សាយមួយតាមកាសែត Goal ដែលអះអាងថា ក្រុមបិសាចក្រហមបានចាប់ផ្តើមដេញថ្លៃជាផ្លូវការដើម្បីចុះហត្ថលេខាលើកីឡាករវ័យ ២២ឆ្នាំ។ក្រុមរបស់ Ole Gunnar Solskjaer បានផ្តល់ប្រាក់ចំនួន ៤០លានអឺរ៉ូ សម្រាប់កីឡាករជើងស៊ុតវ័យក្មេងរូបនេះ ប៉ុន្តែមិនមានបំណងចង់ចំណាយខ្ពស់ពីនឹងឡើយ។ ពេលនេះក្រុមបិសាចក្រហមកំពុងតែតាមរកខ្សែប្រយុទ្ធថ្មី បន្ទាប់ពីមានពាក្យចចាមអារ៉ាមជាច្រើននៅក្នុងសារពត៌មានអ៊ីតាលីថា   Lukaku នឹងចូលរួមជាមួយក្រុម Inter នៅប៉ុន្មានសប្តាហ៍ខាងមុខទៀត៕

ក្លិប Manchester ទាំងពីរកំពុងចាំដំណឹងល្អពីភ្នាក់ងាររបស់ de Ligt ក្រោយចរចាជាមួយ Barcelona មិនត្រូវរឿងប្រាក់ឈ្នួល

ថ្ងៃទី ២៤ ខែ ឧសភា ឆ្នាំ ២០១៩ ម៉ោង ១៦:០១

 បរទេស៖ សំណើរបស់ Matthijs de Ligt ដែលត្រូវបានស្នើឡើងទៅកាន់ Barcelona ហាក់ដូចជាត្រូវបានរសាត់ទៅឆ្ងាយដោយសារតែការទាមទារប្រាក់ឈ្នួលខ្ពស់របស់ខ្សែការពាររូបនេះ។នោះហើយជាអ្វីដែលកាសែតកាតាឡាន់បានចុះផ្សាយនៅថ្ងៃព្រហស្បតិ៍ថា ប្រាក់ឈ្នួលរបស់ប្រធានក្រុម Ajax ជាបញ្ហាពិតប្រាកដសម្រាប់ក្រុមប្រឹក្សាភិបាលដល់ក្លិប ។ ប៉ុន្តែនៅតែមានក្ដីសង្ឃឹមថា ក្រុមម្ចាស់ជើងឯកក្របខ័ណ្ឌ Liga អាចបញ្ចុះបញ្ចូល De Ligt ឲ្យចូលរួមជាមួយមិត្តរួមក្រុមបច្ចុប្បន្ន Frenkie de Jong មកលេងនៅ Camp Nou ។ហើយ Barcelona ត្រូវបានរាយការណ៍ថា បានដាក់សំណើរដំបូងហើយនឹងនិយាយជាមួយកីឡាករវ័យក្មេងនេះក្នុងពេលប៉ុន្មានសប្តាហ៍ ដើម្បីបញ្ចុះបញ្ចូលថា ការចូលរួមជាមួយក្រុមរបស់លោក Ernesto Valverde គឺជាជម្រើសល្អបំផុត។ទោះជាយ៉ាងណាក៏ដោយក្មេងប្រុសអាយុ ១៩ ឆ្នាំដែលត្រូវបានដឹកនាំដោយភ្នាក់ងារ លោក Mino Raiola កំពុងស្នើសុំលុយច្រើនពេក ដែលត្រូវបានគេគិតថា កីឡាករអន្តរជាតិហូឡង់រូបនេះចង់បានដល់ទៅ ១០លានអឺរ៉ូក្នុងមួយរដូវកាល។ បេលនេះដែរលោក Raiola ក៍បានប្រាប់ភាគីអេស៉្បាញថា ក្លិប Manchester ទាំងពីរកំពុងរង់ចាំដំណឹងល្អពីយើង ហើយពួកគេក៍បានយល់សំណើរប្រាក់ឈ្នួលរបស់យើងដើម្បីទិញកីឡាករផងដែរ៕ 

បុរសម្នាក់ចំណាយ៥ផោន ទស្សន៍ទាយលទ្ធផលការប្រកួតចុងក្រោយរបស់លីហ្គអង់គ្លេសឈ្នះទឹកប្រាក់ជិត ១២ម៉ឺនផោន

ថ្ងៃទី ២៤ ខែ ឧសភា ឆ្នាំ ២០១៩ ម៉ោង ១៤:៥៣

អង់គ្លេស៖ វាតែងតែជាការសោកសៅ នៅពេលដែលរដូវកាលក្របខ័ណ្ឌ Premier League បញ្ចប់ក្នុងរយៈពេលមួយឆ្នាំ ប៉ុន្តែសម្រាប់អ្នកមានសំណាងឈ្នះទស្សន៍ទាយលទ្ធផលពីការប្រកួតគឺជាថ្ងៃសប្បាយរីករាយមួយ។អ្នកគាំទ្រម្នាក់មកពី Derbyshire បានចំណាយប្រាក់ ៥ផោន ដើម្បីទស្សន៍ទាយលទ្ធផលនៃការប្រកួតចុងក្រោយរបស់លីហ្គកំពូលអង់គ្លេស អ្វីដែលនឹកស្មានមិនដល់នោះគឺ គាត់ទាយត្រូវទាំង១០គូតែម្ដង។ តើអ្នកជឿទេថាគាត់ឈ្នះរង្វាន់ដលទៅ ១១៧,៤៨៥.១៦ ផោន។Paddy Power ដែលជាវែបផ្សាយផ្នាល់កីឡាបានចេញសេចក្តីថ្លែងការណ៍មួយថា៖ "គាត់បានទាយពីលទ្ធផលនៃការប្រកួតទាំងអស់របស់ PL រួមទាំង Man United ចាញ់ Cardiff ដែលជាការរំពឹងទុកអាចជារឿងដែលច្បាស់បំផុត។ ប៉ុន្តែគាត់មិនបានដឹកថាខ្លួនឯងឈ្នះនោះទេ រហូតដល់ ១០ថ្ងៃ បន្ទាប់ពីព្រឹត្តិការណ៍នេះ!"៕នេះគឺជាជម្រើសដែលឈ្នះរបស់គាត់៖Arsenal ផ្តួលក្រុម BurnleyCrystal Palace ផ្តួលក្រុម BournemouthNewcastle ផ្តួលក្រុម FulhamWest Ham ផ្តួល WatfordCardiff ផ្តួល Manchester UnitedLiverpool ផ្តួល WolvesMan City ផ្តួល BrightonLeicester និង Chelsea ស្មើគ្នាSouthampton និង Huddersfield ស្មើគ្នាTottenham និង Everton ស្មើគ្នា 

មិនទាន់ប្រកួតផង Spurs បង្ហាញពីក្បួនដង្ហែរឡានក្រុងសម្រាប់ពានរង្វាន់ Champions League បាត់ទៅហើយ

ថ្ងៃទី ២៤ ខែ ឧសភា ឆ្នាំ ២០១៩ ម៉ោង ១៤:០៦

អង់គ្លេស៖ មិនទាន់ដល់ថ្ងៃប្រកួតផង ក្រុម TottenhamHot Spurs  បានបញ្ជាក់ពីផែនការឡានក្រុងសម្រាប់ហែរពាននៅក្នុងទីក្រុងឡុងដ៍ ប្រសិនបើពួកគេបានផ្តួល Liverpool ក្នុងវគ្គផ្តាច់ព្រ័ត្រ Champions League ។ក្រុមមាន់ខ្នាយមាសនឹងត្រូវឈានទៅប្រកួតវគ្គផ្តាច់ព្រ័ត្រនៃក្របខ័ណ្ឌ Champions League ជាលើកដំបូងរបស់ពួកគេនៅចុងសប្តាហ៍ក្រោយ នៅពេលពួកគេប៉ះគូប្រជែងក្នុងលីហ្គអង់គ្លេស ក្រុមហង្សក្រហមនៅឯកីឡដ្ឋាន Wanda Metropolitano របស់ក្លិប Atlético Madrid ។កីឡដ្ឋាន Wanda Metropolitanoផ្លូវឡានក្រុងនឹងជួបជុំគ្នា និងចាប់ផ្ដើមហែរចាកចេញពីកីឡាដ្ឋាន Northumberland Park នៅម៉ោងប្រមាណជាម៉ោង ២:៣០ នាទីរសៀល (ម៉ោងនៅអង់គ្លេស) ហើយ បញ្ចប់នៅ Tottenham High Road (Northbound) ៕

Sarri៖ បើអនាគតរបស់ខ្ញុំសម្រេចដោយលទ្ធផលការប្រកួត Europa League នោះ ខ្ញុំនឹងដើរចេញភ្លាម

ថ្ងៃទី ២៤ ខែ ឧសភា ឆ្នាំ ២០១៩ ម៉ោង ១១:១០

អង់គ្លេស៖ លោក Maurizio Sarri គ្រូបង្វឹកក្រុម Chelsea បាននិយាយថា អនាគតរបស់គាត់មិនគួរត្រូវបានសម្រេចដោយលទ្ធផលចុងក្រោយនៃក្របខ័ណ្ឌ Europa League ទេ តែបើពិតមែននោះ រូបលោកនឹងចាកចេញភ្លាម។  Sarri ក៍បានបង្ហើបដែរថា គាត់សប្បាយចិត្តខ្លាំងណាស់ក្នុងការដឹកនាំនៅក្នុងក្របខ័ណ្ឌ Premier League ហើយពេលនេះកំពុងផ្តោតអារម្មណ៍ការប្រកួតជាមួយ Arsenal នៅទីក្រុងបាគូ នៅថ្ងៃទី២៩ ខែឧសភា។ ហើយក្រោយចប់ការប្រកួតនេះ គាត់នឹងពិភាក្សាពីអនាគតជាមួយក្លិបដើម្បីដឹងថាតើពួកគេសប្បាយរីករាយជាមួយរូបលោកដែរ ឬទេ។ហើយនៅពេលសួរថា តើអនាគតរបស់លោកអាស្រ័យលើលទ្ធផលនៃការប្រកួតវគ្គផ្តាច់ព្រ័ត្រ អតីតគ្រូបង្វឹកក្លិប Napoli ឆ្លើយតបថា៖ "ប្រសិនបើអនាគតរបស់លោកអាស្រ័យលើលទ្ធផលនៃការប្រកួតវគ្គផ្តាច់ព្រ័ត្រ ខ្ញុំនឹងចាកចេញទៅភ្លាម ព្រោះអ្នកមិនអាចបំពេញការងាររយៈពេល ១០ខែមកទទួលលទ្ធផលក្នុងរយៈពេល ៩០នាទីឡើយ។សូមបញ្ជាក់ផងដែរថា Chelsea នឹងត្រូវប៉ះ Arsenal ក្នុងការប្រកួតវគ្គផ្តាច់ព្រ័ត្រនៃក្របខ័ណ្ឌ Europa League នៅក្នុងប្រទេសអាស៊ែបៃហ្សង់ជាមួយនឹងអ្នកគាំទ្រជាច្រើនដែលមិនអាចចូលរួមប្រកួតបានដោយសារតែការលំបាកនៃការធ្វើដំណើរ៕

Antonio Conte ត្រូវបានតែងតាំងជាអ្នកចាត់ការថ្មីរបស់ក្លិបមួយនៅអ៊ីតាលី

ថ្ងៃទី ២៤ ខែ ឧសភា ឆ្នាំ ២០១៩ ម៉ោង ១០:២៦

អ៊ីតាលី៖ អតីតគ្រូបង្វឹកក្រុមតោខៀវ Chelsea លោក Antonio Conte ត្រូវបានតែងតាំងជាអ្នកចាត់ការថ្មីរបស់ក្រុម Inter Milan ។បុរសសញ្ជាតិអ៊ីតាលីវ័យ ៤៩ឆ្នាំរូបនេះ គ្មានការងារធ្វើចាប់តាំងពីគាត់ត្រូវបានបណ្តេញចេញពីក្លិបតោខៀវ កាលពីខែកក្កដាឆ្នាំមុន ដោយបញ្ចប់ការប្រកួតចម្រូងចម្រាសរយៈពេលពីរឆ្នាំនៅជាមួយក្លិបអង់គ្លេស។  Inter ស្ថិតនៅលំដាប់ទីបួនក្នុងក្របខ័ណ្ឌ Serie A ហើយនឹងមានសិទ្ធិចូលលេងក្នុងក្របខ័ណ្ឌ Champions League រដូវកាលក្រោយ ប្រសិនបើពួកគេផ្តួលក្លិប Empoli នៅថ្ងៃអាទិត្យ។ តែទោះជាយ៉ាងណាត្រូវបានគេយល់ថា នឹងមិនគ្រប់គ្រាន់ដើម្បីរក្សាកៅអីគ្រូបង្វឹក Luciano Spalletti នៅក្នុងការងារទេ។គួរបញ្ជាក់ផងដែរថា ពីមុនមក Conte បានឈ្នះពានរង្វាន់ចំនួន ៣លើកជាមួយក្រុម Juventus មុននឹងចំណាយពេលពីរឆ្នាំទៅដឹកនាំក្រុមជម្រើសជាតិអ៊ីតាលី៕

Arsene Wenger ត្រៀមខ្លួនប្រឡូកក្នុងបាល់ទាត់វិញ តែមិនមែនជាគ្រូបង្វឹក

ថ្ងៃទី ២៤ ខែ ឧសភា ឆ្នាំ ២០១៩ ម៉ោង ១០:០៧

បរទេស៖ លោក Arsene Wenger អតីតគ្រូបង្វឹក Arsenal បាននិយាយថា លោកត្រៀមខ្លួនរួចរាល់ហើយក្នុងការទទួលយកតួនាទីថ្មីនៅក្នុងកីឡាបាល់ទាត់ ហើយក៍បង្ហើបដែរថា រូបលោកអាចនឹងមិនវិលត្រឡប់ទៅកាន់តួនាទីជាគ្រូបង្វឹកវិញនោះទេ។ លោក Wenger បានបញ្ចប់អាជីពដឹកនាំ ២២ឆ្នាំជាមួយក្រុមកាំភ្លើងធំ បន្ទាប់ពីរដូវកាល ២០១៧-១៨ និងបានបញ្ជាក់ថា គាត់មានបំណងទទួលខុសត្រូវក្លិបថ្មីនៅដើមឆ្នាំ ២០១៩ ប៉ុន្តែបុរសជនជាតិបារាំងវ័យ ៦៩ឆ្នាំរូបនេះបានប្រាប់ទៅ BBC ថា៖ "ខ្ញុំធ្លាប់គិតថា ខ្ញុំនឹងត្រលប់ទៅគ្រប់គ្រងក្លិបវិញយ៉ាងលឿន ប៉ុន្តែខ្ញុំរីករាយនឹងវិស្សមកាលរៀងយូរបន្តិច វាដូចជាយឿតពេលក្នុងការដឹកនាំ។ គាត់បានបន្ថែមថា៖ "អ្នកនឹងឃើញខ្ញុំម្តងទៀតនៅក្នុងកីឡាបាល់ទាត់ តែមិនដឹងក្នុងនាមជាអ្នកគ្រប់គ្រង ឫក៍តួនាទីផ្សេង... ខ្ញុំមិនដឹងទេ ។ កីឡាបាល់ទាត់នៅតែជាចំណង់ចំណូលចិត្តរបស់ខ្ញុំ ហើយខ្ញុំនឹងត្រលប់មកវិញឆាប់ៗនេះ ប៉ុន្តែខ្ញុំមិនអាចប្រាប់អ្នកឲ្យច្បាស់ថាតើកាន់មុខតំណែងអ្វីនោះទេ"៕