trollkhmer news

កម្សាន្ត

តារាប្រុសស្រី២ ដួង លេងស្ទីលស៊ីអារម្មណ៍ នៅលើគ្រែ ធ្វើឲ្យអ្នកនិយមលេងបណ្ដាញសង្គម ភ្ញាក់ផ្អើលខ្លាំង(មានវីដេអូ)

ថ្ងៃទី ០៦ ខែ មិថុនា ឆ្នាំ ២០១៨ ម៉ោង ១១:៤៤

កាលពីម្សិលមិញនេះ មានវីដេអូខ្លីចំនួន២ នៅក្នុងការថតសម្តែងរបស់តារាប្រុសស្រី២ ដួង ដែលតួអង្គស្រីត្រូវបានគ្រប់គ្នាស្គាល់ថា ជាតារាសម្តែងស្រីដ៏មានប្រជាប្រិយភាព និងនិយមសម្តែងតួកាច ស៊ិចស៊ីកញ្ញា វ៉ាន់ វល័ក្ខ បានចែកចាយនៅក្នុងបណ្តាញសង្គមជាច្រើន ដោយសារតែឈុតទាំងនោះ តួអង្គទាំង២ បានសម្តែងនៅលើគ្រែនឹងគ្នា ជាមួយនឹងឈុតឆាករោលរាលពិតៗ ដោយមិនកាត់.តសូម្បីតែបន្តិច។តាមរយៈវីដេអូមួយនេះ បានធ្វើឲ្យអ្នកលេងបណ្តាញសង្គម មានការភ្ញាក់ផ្អើលយ៉ាងខ្លាំង ដោយមិននឹកស្មានថា ការសម្តែងនេះពិតជាធ្វើបានយ៉ាងល្អ និងសាកសម។ ក៏ប៉ុន្តែ ក៏មានអ្នកគាំទ្រមួយចំនួន មិនបានពេញចិត្តផងដែរ៕ទស្សនាវីដេអូខាងក្រោមនេះទាំងអស់គ្នា៖

បទ «ផ្សារ​កាប់​គោ» មិន​ត្រឹម​តែ ជា​អ្នក​បក​ស្រាយ​ទេ កាតុ ថែម​ទាំង​បង្កើត​ក្បាច់​រាំ បាន​ខ្លួន​ឯង​ថែម​ទៀត (មានវីដេអូ)

ថ្ងៃទី ០៦ ខែ មិថុនា ឆ្នាំ ២០១៨ ម៉ោង ១០:៣៧

(ភ្នំពេញ)៖ តារាចម្រៀង ព្រមទាំងជាតារា កំប្លែង ដ៏មានប្រជាប្រិយភាព មួយដួង គឺ អ្នកនាង សុខ ច័ន្ទធីតា ដែលទស្សនិកជន តែងតែហៅថា កាតុ មិនត្រឹមតែមានសមត្ថភាព សម្ដែង និងធ្វើឲ្យប្រិយមិត្តទស្សនិកជន ផ្ទុះសំណើចបាននោះទេ នាងថែមទាំង ចេះបង្កើតក្បាច់រាំខ្លួនឯងបានថែមទៀតផង ខណៈដែល បទ «ផ្សារកាប់គោ» ដែលទទួលបានការគាំទ្រខ្លាំងជាបន្តបន្ទាប់នោះ ចំពោះក្បាច់រាំនៅក្នុងវីដេអូនៃបទចម្រៀងនោះ គឺនាងជាអ្នកបង្កើតដោយខ្លួនឯងតែម្ដង។យ៉ាងណាមិញ អ្នកនាង សុខ ច័ន្ទធីតា បានប្រាប់គេហទំព័រ Khmer talking ឲ្យដឹងថា «ចាសបង! ក្បាច់រាំនៅក្នុងបទ «ផ្សារកាប់គោ» គឺខ្ញុំច្នៃការរាំពីគំនិតខ្លួនឯងតែម្ដង ហើយក្បាច់រាំនេះ ទាក់ទងទៅនឹង អត្ថន័យនៃបទចម្រៀងផង និងជាក្បាច់ដែលឲ្យបងប្អូនទស្សនិកជន រាំតាមបានងាយស្រួលផងដែរ»។គួរបញ្ជាក់ថា បន្ទាប់ពី បទ «ផ្សារកាប់គោ» កំពុងទទួលបានការចាប់អារម្មណ៍ខ្លាំង ហើយ អ្នកនាង សុខ ច័ន្ទធីតា ហៅ កាតុ ក៏នឹងត្រៀមចេញជាមួយនឹងបទចម្រៀងថ្មី សម្រាប់ឆ្នាំ ២០១៨នេះដែរ គឺមានដូចជាបទ «បែកសាច់» «រាំជាន់អាចម៍គោ២០១៨» និងបទ «ឆ្ងាញ់ទេ»៕

Lee Seung Gi និង​ Suzy វិល​ជួប​​គ្នា​ជា​ថ្មី ក្រោយខកខានសម្ដែងរឿងភាគរួមគ្នា ៥ឆ្នាំ

ថ្ងៃទី ០៦ ខែ មិថុនា ឆ្នាំ ២០១៨ ម៉ោង ០៩:៤៣

កាលពីម្សិលមិញនេះ សារព័ត៌មានក្នុងប្រទេសកូរ៉េ មានការចុះផ្សាយថា តារាសម្ដែង Lee Seung Gi និងស្រីស្អាត Suzy នឹងក្លាយជាដៃគូសម្តែង នៅក្នុងខ្សែភាពយន្តថ្មីរឿង «Vagabond» ដែលសាច់រឿងនេះ រៀបរាប់ពីជីវិតរស់នៅរបស់បុរសសាមញ្ញម្នាក់ ចូលរួមក្នុងការស៊ើបអង្កេត លើករណីធ្លាក់យន្តហោះ ដ៏អាថ៌កំបាំងមួយ បន្ទាប់មកសាច់រឿងដដែល ក៏បានចាប់ផ្តើមឆ្លុះបញ្ចាំងពីអំពើពុករលួយ នៅក្នុងប្រទេសផងដែរ។Lee Seung Gi ជាតួអង្គប្រុសឈ្មោះ Cha Gun ចំណែកតារាស្រី Suzy ដើរតួជា ភ្នាក់ងារស៊ើបការណ៍សម្ងាត់ជាតិ Go Hae Ri បន្ទាប់ពីការស្លាប់របស់ឪពុកនាង Go Hae Ri បានតស៊ូក្នុងជីវិត ដើម្បីម្តាយនិងប្អូនប្រុស ដែលមិនដឹងរឿងរ៉ាវនៅក្នុងពិភពលោក ពិតថាមានភាពប្រែប្រួលយ៉ាងណា។ ក្នុងរឿង «Vagabond» Suzy ដើរជាតួអង្គស្រី ដែលត្រូវលាក់អាថ៌កំបាំង ពីអត្តសញ្ញាណខ្លួនឯង ដើម្បីធ្វើការស៊ើបអង្កេតពីអ្វីដែលបានកើតឡើង នាពេលកន្លងមក។ តួអង្គទាំងអស់បានជួបគ្នា ដើម្បីអានខ្លឹមសារសាច់រឿងជាលើកដំបូង កាលពីថ្ងៃទី២ ខែមិថុនា។តំណាង Celltrion Entertainment ដែលជាក្រុមហ៊ុនខ្សែភាពយន្តនេះ បាននិយាយថា ផលិតករ និងអ្នកនិពន្ធកំពុងធ្វើការរួមគ្នាដើម្បីឲ្យរឿង «Vagabond» ចេញមកទទួលបានការគាំទ្រខ្លាំង ពីទស្សនិកជនហើយក្រុមហ៊ុន Sony Pictures ដែលទទួលបន្ទុកចែកចាយ «Vagabond» ក៏មានបំណងចាក់ផ្សាយរឿងនេះ រួមគ្នាទាំងនៅទឹកដីកូរ៉េ សហរដ្ឋអាមេរិក និងជប៉ុន ផងដែរ៕

ស្រីស្រស់ ពេជ្រ ចរណៃ កាន់​តែ​លេច​ធ្លោ លើ​សកម្មភាព​មនុស្ស​ធម៌!

ថ្ងៃទី ០៦ ខែ មិថុនា ឆ្នាំ ២០១៨ ម៉ោង ០៩:២៥

(ភ្នំពេញ)៖ តារាសម្តែងស្រីល្បីខាងវាយទាត់ធាក់ កញ្ញា ពេជ្រ ចរណៃ ថ្វីត្បិតតែការងារសិល្បៈ មានការមមាញឹកយ៉ាងណាក្កី តែតារាស្រីរូបនេះ នៅតែឆ្លៀតឱកាសបង្ហាញមុខ ក្នុងសកម្មភាពមនុស្សធម៌ជួយសង្គម តាមរយៈការចុះជួយដល់កុមារ តាមសហគមន៍ និងចាស់ជរាជាដើម។យ៉ាងណាមិញ កាលពីពេលថ្មីៗនេះ តារាសម្តែងស្រស់ស្អាត កញ្ញា ពេជ្រ ចរណៃ បានចុះយកសម្ភារៈប្រើប្រាស់ រួមទាំងគ្រឿងឧបភោគ- បរិភោគ ជួយដល់ចាស់ៗជរាចំនួន៤គ្រួសារ ស្ថិតនៅក្នុងស្រុកស្វាយជ្រំ និងស្រុករមាសហែក ខេត្តស្វាយរៀង។ សកម្មភាពចុះចែកអំណោយនេះ គឺធ្វើឡើងដោយមានការរួមគ្នា រវាងតារាស្រីកញ្ញា ពេជ្រ ចរណៃ ,លោកគ្រូ វីរៈ (គ្រូគុណខ្មែរក្បាច់ល្បុក្កតោក្មេងវត្តថាន់) និងព្រះតេជគុណនាម បូរី។ចំពោះសម្ភារៈ ដែលត្រូវបាន ពេជ្រ ចរណៃ និងក្រុមការងារចុះចែក ដល់ចាស់ជរាទាំង៤គ្រួសារនោះ រួមមាន អង្ករ ,ទឹកក្រូច ,មី ,ទឹកត្រី ,ទឹកស៊ីអ៊ីវ ,ស្ករស ,ចានស្រាក់ ,តែ ,ទឹកដោះគោ ព្រមទាំងថវិកាមួយចំនួនទៀត។ ពេជ្រ ចរណៃ បានបង្ហាញអារម្មណ៍ថា នាងពិតជាមានទឹកចិត្តសប្បាយរីករាយខ្លាំងណាស់ ចំពោះសកម្មភាពមនុស្សធម៌ មួយនេះ។តារាស្រី ពេជ្រ ចរណៃ បានប្រាប់ Khmer Talking ថា «គិតមកទល់ពេលនេះ ខ្ញុំបានធ្វើសកម្មភាពមនុស្សធម៌ ពុំមែនជាលើកទី១នោះទេ ខណៈកន្លងមក ខ្ញុំក៏ធ្លាប់ចុះទៅដល់តំបន់ ដាច់ស្រយាលមួយចំនួន ដូចជាខេត្តតាកែវ ក្រចេះ និងលើកនេះ គឺខេត្តស្វាយរៀង។ ខ្ញុំនិងបន្តការងារនេះ ជាបន្តបន្ទាប់ទៀត ទោះបីជាអាជីពសិល្បៈរបស់ខ្ញុំ រវល់ខ្លាំងយ៉ាងណាក៏ដោយ តែនេះគឺជាការងារជួយសង្គម ដែលខ្ញុំចូលចិត្ត និងស្រឡាញ់តាមរយៈការចែករំលែកទាន ដល់អ្នកដែលខ្វះខាត»។គួរបញ្ជាក់ផងដែរថា កាលពីពេលកន្លងទៅ តារាសម្ដែង ពេជ្រ ចរណៃ បានដេកសម្រាកព្យាបាល នៅមន្ទីពេទ្យប្រទេសថៃ ដោយត្រូវបានគេដឹងថា ដូចដេករង់ចាំថ្ងៃស្លាប់ ដោយសារគ្មានលទ្ធភាព ក្នុងការបង់ថ្លៃព្យាបាលជំងឺ ប៉ុន្ដែជីវិតកញ្ញា ពេជ្រ ចរណៃ ហាក់មានរស្មី និងក្ដីសង្ឃឹមឡើងវិញ ខណៈតារាសម្ដែងជើងចាស់លោក ខៃ ប្រសិទ្ធ ដែលតែងតែមានចិត្តធម៌នោះ បានមកជួយសង្រ្គោះជីវិតរបស់នាង ដោយចេញថ្លៃព្យាបាលលើនាងទាំងស្រុង និងមកសួរសុខទុក្ខនាង ដល់ប្រទេសថៃទៀតផង៕

បទ​ «បើ​នាង​បុក​ស្រូវ» ច្រៀង​ដោយ​​នារី​​​ជន​ជាតិ​​បរទេស អម​ដោយ​ចាប៉ី​ខ្មែរ ធ្វើ​​ឲ្យ​​មិត្ត​ក្នុង​បណ្តាញ​សង្គម សរ​សើរ​​មិន​ដាច់​ពី​មាត់​! (មានវីដេអូ)

ថ្ងៃទី ០៥ ខែ មិថុនា ឆ្នាំ ២០១៨ ម៉ោង ១៦:៤៨

(ភ្នំពេញ)៖ បទចម្រៀងប្រពៃណីខ្មែរ ដែលមានចំណងជើងថា «បើនាងបុកស្រូវ» ត្រូវបានប្រជាជនខ្មែរគ្រប់រូបនិយមស្តាប់ ជាពិសេសនោះ គឺនារីតែម្តង ខណៈចម្រៀងមួយនេះ បានបង្កប់ដោយអត្ថន័យអប់រំជាច្រើន ចំពោះស្រ្តីខ្មែរ ដោយជារឿយៗគេតែងតែឮចម្រៀងនេះ ច្រៀងដោយនារីខ្មែរ។ ដោយឡែក ថ្មីៗនេះ គេសង្កេតឃើញថា មានជនបរទេសជាច្រើន បានបង្ហាញការគោរពស្រឡាញ់ចំពោះសិល្បៈខ្មែរ ដោយក្នុងនោះ មាននារីបរទេសមួយរូប ដែលមានឈ្មោះថា Emily Howe បានបកស្រាយនូវចម្រៀង «បើនាងបុកស្រូវ» ជាចម្រៀងភាសាខ្មែរ ដោយអមជាមួយនឹងឧបករណ៍ភ្លេងបុរាណខ្មែរ គឺចាប៉ីផងនោះ ពិតជាល្អណាស់ ពោលគឺសំនៀងពីរោះរណ្តំ និងទទួលបានការកោតសរសើរ ជាខ្លាំង ពីសំណាក់មហាជន ក្នុងបណ្តាញសង្គម។ជាក់ស្តែងក្នុងវីដេអូចម្រៀង ដែលបកស្រាយដោយ នាង Emily Howe និងមានអ្នកលេងចាប៉ី គឺលោក នូ សំណាង ទទួលបានការគាំទ្រ និងកោតសរសើរយ៉ាងច្រើនលើសលុប ពីសំណាក់បងប្អូនប្រជាជនខ្មែរ ទាំងក្នុងនិងក្រៅប្រទេស ព្រមទាំងត្រូវបានចែករំលែកតៗគ្នា ជាច្រើន ដោយសារតែវាបានបង្ហាញថា ចម្រៀងរបស់ខ្មែរពិតជាមានអត្ថន័យ និងបង្កប់ដោយខ្លឹមសារអប់រំជាច្រើន នៅក្នុងចម្រៀងមួយបទនេះ រួមផ្សំទាំងជនជាតិបរទេស ចេះឲ្យឱ្យតម្លៃលើសិល្បៈខ្មែរផងនោះ។យ៉ាងណាមិញ ចង់ដឹងថាចម្រៀង «បើនាងបុកស្រូវ» ច្រៀងដោយនារីបរទេស ពីរោះយ៉ាងណានោះ សូមទស្សនាវីដេអូខាងក្រោម ទាំងអស់គ្នា!

ទីបំផុត​ លោក​ អីុណូ ​សម្រេច​ចិត្ត​បង្ហាញ​​មុខ​មាត់​ពិត ​នារី​ជាគូ​ស្នេហ៍​ហើយ​!

ថ្ងៃទី ០៥ ខែ មិថុនា ឆ្នាំ ២០១៨ ម៉ោង ១៥:២៨

(ភ្នំពេញ)៖ តារាចម្រៀងបែបយុវវ័យ លោក អីុណូ បន្ទាប់ពីលោកបានប្រឡូកចូលក្នុងវិស័យសិល្បៈ អស់រយៈពេលយូរមកហើយរួចមក នៅពេលនេះលោកក៏បានសម្រេចចិត្ត បង្ហាញមុខមាត់ពិតគូស្នេហ៍ របស់លោកជាផ្លូវការហើយ ខណៈដែលលោកបានសរសេរថា «មិនមានអ្វីត្រូវខ្មាស់ ក្នុងការបង្ហាញស្ត្រីម្នាក់ ដែលថ្លៃថ្នូរ ជាពិសេសនោះ គឺមានគម្រោងថែទាំគ្នាអស់មួយជីវិត»។កន្លងមក ក៏មានពាក្យចចាមអារ៉ាមជាច្រើន បានលេចឮថា លោក អីុណូ មានទំនាក់ទំនងស្នេហា ជាមួយនារីដទៃទៀតជាច្រើនដែរ តែត្រូវបានលោក ចេញមុខបដិសេធជារឿយៗ។ យ៉ាងណាក៏ដោយ នៅពេលនេះ អ្វីដែលច្បាស់លាស់នោះ គឺលោកក៏បានបង្ហាញមុខមាត់ពិតគូស្នេហ៍ ឲ្យទស្សនិកជនបានស្គាល់ហើយ ដែលនារីដ៏ស្រស់ស្អាត ត្រូវជាអនាគតភរិយារបស់លោក ត្រូវបានគេដឹងថា មានអាជីពជាអ្នកគ្រូពេទ្យ។ដំណឹងនេះដ៏គួរឲ្យភ្ញាក់ផ្អើលនេះ ត្រូវបានបង្ហើបឲ្យដឹង តាមរយៈហ្វេសប៊ុក មានឈ្មោះថា Kla Sor បានសរសេររៀបរាប់ប្រាប់ឲ្យដឹងថា «Ratanak Socheata ដល់ពេលហើយ មានអ្វីត្រូវខ្មាស់ សំរាប់ការបង្ហាញ ស្រ្តីម្នាក់ដែរថ្លៃថ្នូរ ជាពិសេស សមជាស្រ្តីម្នាក់ នៅក្នុងជីវិតយើង មានគម្រោងថែទាំគ្នាអស់មួយជីវិត ជាពិសេសជាងនេះទៅទៀត អាចមើលថែខ្ញុំពេលចាស់ទៅ អស់មួយជីវិតដូចគ្នា មិនចង់បានឡើយ អ្វីដែលជាភាពអស្ចារ្យទេ ចង់បានតែមួយមុខ គឺការគោរពតម្លៃគ្នា ស្រឡាញ់គ្នាដោយភាពស្មោះត្រង់ ជាពិសេសផ្តល់តម្លៃឲ្យ គ្រួសារគ្នាទៅវិញទៅមក ក្រមានមិនសំខាន់សំរាប់ខ្ញុំ (អ្នកគ្រូពេទ្យ ដ៏អាក្រក់របស់បង)»។យ៉ាងណាមិញ ចំពោះការបង្ហាញមុខមាត់ពិតគូស្នេហ៍របស់លោក នៅពេលនេះ ក៏មានមហាជនជាច្រើន ចូលរួមត្រេកអរ និងខ្លះទៀតមានការកោតសរសើរ ចំពោះអ្នកទាំងពីរ ថា ស័ក្តិសមគ្នា បើទោះបីពួកគេមិនមែន ជាតារាដូចគ្នាក៏ដោយ។គួរបញ្ជាក់ថា តារាចម្រៀងដែលចូលចិត្តច្រៀងបទបែប មនោសញ្ចេតនា និងជាពិសេសគឺពូកែខាងស្រែកបានខ្ពស់ លោក អីុណូ  ត្រូវបានទស្សនិកជន មិត្តៗយុវវ័យ ជាច្រើនមានការគាំទ្រ តាមរយៈបទចម្រៀង ជាច្រើនរបស់លោក ដែលមានការផ្ទុះខ្លាំង ជាពិសេសនោះគឺបទ «អូនកុំយំ» ទទួលបានការគាំទ្រខ្លាំងពីទស្សនិកជន៕

តារា​កូរ៉េ​ល្បីៗ​ ៦ ដួងនេះ និយាយថា ខ្លួនស្គម​ ខំញ៉ាំ​យ៉ាង​ណា​ក៏​មិន​ចេះ​ធាត់!

ថ្ងៃទី ០៥ ខែ មិថុនា ឆ្នាំ ២០១៨ ម៉ោង ១៤:៣៣

មានមនុស្សមួយចំនួនដែលកំពុងពិបាកចិត្ត រិះរកវិធីដើម្បីធ្វើអោយឡើងទម្ងន់ ដោយគិតថាខ្លួនឯងពិតជាស្គមខ្លាំង ញ៉ាំយ៉ាងណាក៏មិនចេះធាត់ កុំពិបាកចិត្តអី ព្រោះតារាៗកូរ៉េទាំងនេះក៏មានបញ្ហាអីចឹងដូចគ្នា។១. តារាចម្រៀង SooyoungSooyoung ត្រូវ​បាន​គេ​ដឹង​ថា​ជា​តារា​ស្រី​មួយ​រូប​ដែល​មាន​រូបរាង​ ស្គម​ស្រឡូន​ស្អាត​និង​មិន​ងាយ​ឡើង​ទម្ងន់។ ក្នុង​កិច្ច​សម្ភាសន៍​ជាមួយ​ទស្សនាវដ្ដី​ តារា​រូប​នេះ​បាន​និយាយ​ថា "ខ្ញុំ​ទទួល​បាន​ការ​សរសើរ​ជា​ច្រើន​ពី​រូប​រាង​របស់​ខ្ញុំ ប៉ុន្តែ​ពេល​នេះ​ខ្ញុំ​ក៏​ចង់​ឡើង​ទម្ងន់​ដែរ ដោយ​ប្រើ​វិធី​សាស្ត្រ​ផ្សេងៗ​ដូច​ជា Yoga ជា​ដើម។"២. តារាចម្រៀង Yoonaជាមួយ​រូប​រាង​ស្គម​​របស់​នាង មនុស្ស​ជា​ច្រើន​មិន​ដែល​ដឹង​ទេ​ថា​នាង​មាន​ភាព​លំបាក​ក្នុង​ការ​ឡើង​ទម្ងន់។ តារា​រូប​នេះ​បាន​ព្យាយាម​ប្រើ​វិធីសាស្ត្រ​ជា​ច្រើន​ដើម្បី​សម្រេច​គោល​បំណង។ ថ្មីៗ​នេះ​ Yoona បាន​ប្រើ​វិធីសាស្រ្ត​មួយ​ដែល​នាង​រៀន​ពី​កម្មវិធី "Hyori's Home Stay”។៣.តារាចម្រៀង Seulgi ទម្រាំ​នាង​បាន​បង្ហាញ​ខ្លួន​នៅ​ផលិតកម្ម SM សមាជិក​ក្រុមRed Velvet រូប​នេះ​ចំណាយ​ពេល​ហ្វឹកហាត់ ដល់​ទៅ​៧​ឆ្នាំ​ឯណោះ។ ក្នុង​អំឡុង​ពេល​នោះ​នាង​ត្រូវ​ថែ​រក្សា​រាង​យ៉ាង​ណា​ឲ្យ​នៅ​តែ​ស្អាត ប៉ុន្តែ​ទោះ​បី​ជា​ខិត​ខំ​យ៉ាង​ណា​ក៏​នាង​មើល​ទៅ​មិន​ងាយ​ឡើង​ទម្ងន់​ទាល់​តែ​សោះ។៤.តារាចម្រៀង Sojinសមាជិក​ក្រុម Girl's Day ទាំង​អស់​ច្រណែន​នឹង​ Sojin ខ្លាំង​ដោយ​សារ​តែ​នាង​មាន​រូបរាង​ស្រស់​ស្អាត​រហូត។ នាង​បាន​និយាយ​ថា​ នាង​មិន​មែន​ជា​មនុស្ស​ដែល​ងាយ​ឡើង​គីឡូ​នោះ​ទេ។​ មុន​ពេល​ Comeback ម្ដង​ៗ​សមាជិក​ក្រុម​ទាំង​អស់​ព្យាយាម​តម​អាហារ​ ចំណែក​ឯ​នាង​វិញ​គឺ​ខិត​ខំ​ញ៉ាំ​ឲ្យ​កាន់​តែ​ច្រើន​ជាង​ធម្មតា​ទៅ​វិញ។៥.តារាចម្រៀង Sandara ParkDara ក៏​ជា​តារា​មួយ​រូប​ដែល​មិន​ងាយ​ឡើង​ទម្ងន់​ដូច​គ្នា។ ពេល​ទើប​តែ​ចូល​សិល្បៈ​ដំបូង​ នាង​ពិត​ជា​ស្គម​ខ្លាំង​ដោយ​មាន​ទម្ងន់​តែ ៣៩​គីឡូ​ប៉ុណ្ណោះ។ ក្រោយ​មក​នាង​ព្យាយាម​ញ៉ាំ​ឲ្យ​ច្រើន​រហូត​ឡើង​ដល់​ ៤៣គីឡូ។ Dara និយាយ​ថា​ នាង​មិន​ងាយ​ឡើង​គីឡូ ដោយ​សារ​ញ៉ាំ​អាហារ​រើស​ពេក និង​មិន​សូវ​ញ៉ាំ​ច្រើន។៦.តារាចម្រៀង SunmiSunmi ល្បី​ខ្លាំង​ត្រង់​នាង​មាន​រូបរាង​ស្អាត​មិន​ចេះ​ធាត់​ នាង​បញ្ជាក់​ថា ពេល​នាង​អផ្សុក​នាង​តែង​ញ៉ាំ​រហូត ប៉ុន្តែ​ញ៉ាំ​យ៉ាង​ណា​ក៏​មិន​ចេះ​ធាត់។ ទម្រាំ​តែ​នាង​ឡើង​គីឡូ​ដល់​៤៧​ នាង​ខិត​ខំ​មិន​តិច​នោះ​ទេ៕

សំបុត្រការប្រគុំតន្រ្តីក្រុម BTS លក់អស់រយៈពេលមិនដល់ ១០ នាទី និងកើនថ្លៃរហូត ១៥០ ដងនៃតម្លៃសំបុត្រធម្មតា

ថ្ងៃទី ០៥ ខែ មិថុនា ឆ្នាំ ២០១៨ ម៉ោង ១១:៣៦

ក្រុមអ្នកគាំទ្រ BTS ខឹងសម្បារយ៉ាងខ្លាំង បន្ទាប់ពីសំបុត្រការប្រគុំតន្ត្រី BTS World Tour នៅចក្រភពអង់គ្លេសបានលក់អស់ ហើយក្រោយមក បានលក់បន្តក្នុងតម្លៃរហូតដល់ ១២,០០០ ផោន (ប្រហែលជា ១៦,០០០ ដុល្លារ) ក្នុងមួយសំបុត្រ។ សំបុត្រសម្រាប់ការប្រគំតន្ត្រីក្រុម BTS នៅថ្ងៃទី ៩ និងទី ១០ តុលានៅទីក្រុងឡុងដ៍ដែលមានលក់នៅ O2 Arena ដំបូងមានតម្លៃពី ៦២,៥០ផោន - ១៦០ផោន ($ 83 - $ 214 USD) បានលក់អស់រយៈពេលមិនដល់១០ នាទីផង បន្ទាប់មានលក់នៅកន្លែងលក់បន្តដោយកើនតម្លៃ រហូតដល់ ១៥០ដង។ អ្នកគាំទ្រកំពុងធ្វើការតវ៉ាចំពោះការកើនថ្លៃកប់ពពក ហើយបានចោទប្រកាន់ O2 ថាបានទាញយកអត្ថប្រយោជន៍ពីអ្នកគាំទ្រដោយអនុញ្ញាតឱ្យតម្លៃសំបុត្រកើនឡើងបែបនេះ៕

YG សម្រេចចាប់ដៃគូជាផ្លូវការ ជាមួយក្រុមឌីជេរបស់ Seungri សម្រាប់អាជីវកម្មថ្មី

ថ្ងៃទី ០៥ ខែ មិថុនា ឆ្នាំ ២០១៨ ម៉ោង ០៩:៥៥

Yang Hyun Suk បានប្រកាសថា YG Entertainment នឹងសហការជាដៃគូ ជាមួយក្រុមឌីជេរបស់ BIGBANG Seungri ដែលមានឈ្មោះថា Natural High Records (NHR) ។ YG បានបង្ហោះប្រកាស នៅលើគណនី Instagram ដែលបង្ហាញពីការកកើតក្រុមហ៊ុនថ្មី ឈ្មោះថា YGX ដែល Seungri បានចុះបញ្ជីជានាយកប្រតិបត្តិ។YGX នឹងក្លាយជាថ្នាលថ្មីមួយ នៃការកកើតតារាល្បីៗ ទៅថ្ងៃអនាគតដែលទីនេះ នឹងរួមបញ្ចូលគ្នានូវចំណេះដឹង និងជំនាញរបស់ YG Entertainment និង NHR ដើម្បីផ្តល់ការហ្វឹកហាត់ ដល់តារា K-Pop ទាំងឡាយ។ YGX នឹងចាប់ដំណើរការនៅ Hongdae ក្នុងអំឡុង ខែសីហា ដែលទីនោះជាតំបន់ ដ៏ទាក់ទាញមួយស្ថិតនៅក្បែរក្រុមហ៊ុន YG ផងដែរ។នាយកគ្រប់គ្រង Yang Hyun Suk តែងតែផ្តល់ឱកាសដល់តារាជាច្រើន ក៏ដូចជាអ្នកមកទទួលការហ្វឹកហាត់ ឲ្យចេះប្រើទេពកោសល្យរបស់ខ្លួន ដើម្បីក្លាយជាតារា K-Pop ដ៏ល្បីទៅថ្ងៃអនាគត។ ជាមួយគ្នានេះ YG Entertainment ក៏បានធ្វើសេចក្តីថ្លែងការណ៍មួយ បង្ហាញពីភាពជាដៃគូថ្មីរវាង Yang Hyun Suk និង Seungri ព្រមទាំងត្រៀមបើកវេទិកាថ្មីមួយ ដើម្បីបង្ហាញទៅដល់អ្នកគាំទ្រនៅ ទូទាំងពិភពលោកទៀតផង៕