trollkhmer news

កម្សាន្ត

ក្រោយគ្រាំគ្រាច្រើនឆ្នាំ Selena Gomez មានទំនាក់ទំនងស្នេហាជាមួយកីឡាករបាល់បោះ Jimmy Butler

ថ្ងៃទី ១៧ ខែ វិច្ឆិកា ឆ្នាំ ២០២០ ម៉ោង ១៣:៥៩

បរទេស៖ ថ្មីៗនេះ តារាចម្រៀង Selena Gomez បានជាប់ទាក់ទងទៅនឹងរឿងរ៉ាវព័ត៍មានទំនាក់ទំនងស្នេហាជាមួយនឹង កីឡាករបាល់បោះស្បែកខ្មៅម្នាក់យ៉ាងខ្លាំង ក្រោយពីបានបដិសេធទទួលយកសេចក្តីស្រលាញ់អស់ជាច្រើនឆ្នាំមកហើយ។  ដោយឡែក តារាស្រីម្នាក់នេះគឺសង្ស័យថាបានទាក់ទងជាមួយនឹងកីឡាករបាល់បោះ Jimmy Butler ដោយមានមនុស្សជាច្រើននាក់អះអាងដូចៗគ្នាថា បានឃើញពួកគេទាំងពីរនាក់បាន Date ជាមួយគ្នាស្ងាត់ៗតាមរបៀប Private ដោយមិនបានបើកចំហរតាមបណ្តាញសង្គមនោះឡើយ ដោយសេចក្តីថ្លែងការណ៍របស់អ្នកគាំទ្រមានដូចតទៅ៖មតិមហាជន៖ Selena Gomez និង Jimmy Butler គឺជាគូស្នេហ៍នឹងគ្នា ខ្ញុំបានឃើញដោយផ្ទាល់ភ្នែកមតិមហាជន៖ Selena Gomez និង Jimmy Butler បាន Date ជាមួយគ្នានៅ Lucian មតិមហាជន៖ ខ្ញុំក៏បានឃើញពួកគេដែរមតិមហាជន៖ តើពួកគេបានថើបគ្នាឬទេ?មតិអ្នកគាំទ្រ៖ ទោះបីជាយ៉ាងណាក៏ដោយ មានហ្វេនមួយចំនួននៅតែមិនទាន់ជឿជាក់ ១០០ភាគរយនោះទេ ដោយសារតែនៅការអះអាងមួយនេះគឺគ្មានប្រភពនិង គ្មានភស្តុតាងជារូបភាពឬ ជាអ្វីសម្គាល់មួយច្បាស់លាស់ ដែលអាចយកជាការបាននោះឡើយ៕

ផលិតកម្ម SM Entertainment ទើបតែប្រកាស បើកគណនី Instagram ថ្មីរបស់ YoonA មិនបានប៉ុន្មានថ្ងៃផង ត្រូវបានហ្វេនៗសរសើរថា...

ថ្ងៃទី ១៦ ខែ វិច្ឆិកា ឆ្នាំ ២០២០ ម៉ោង ១៤:៥០

កូរ៉េខាងត្បូង៖ កាលពីថ្ងៃទី ១៣ ខែវិច្ឆិកា កន្លងទៅ ផលិតកម្ម SM ទើបតែបានប្រកាស ការបើកគណនី Instagram ថ្មីមួយជាផ្លូវការរបស់តារាចម្រៀង YoonA សម្រាប់បង្ហាញកាលវិភាគ និងសកម្មភាពថ្មីៗរបស់តារាស្រីរូបនេះផងដែរ។ លើសពីនេះ បន្ទាប់ពីបានបើកគណនីថ្មីជាផ្លូវការហើយ YoonA ក៏បានបង្ហោះរូបភាពស្អាតៗជាច្រើនសន្លឹក ដែលធ្វើឲ្យហ្វេនៗរបស់នាងឃើញហើយ នាំគ្នាចូលទៅចុច Like និង Comment ជាមួយពាក្យសរសើរហូរហែរ។ដោយរូបភាពថ្មីៗរបស់ YoonA ទាំងនោះ ទោះបីជានាងមានការតែងខ្លួនសាមញ្ញៗ ស្លៀកពាក់បែបធម្មតាៗ ប៉ុន្តែសម្រស់របស់នាងពិតជាលេចធ្លោ ជាមួយផ្ទៃមុខសម៉ត់រលោង និងម៉ូតសក់ថ្មីខ្លីត្រឹមស្មារ មើលទៅស្ទាយ៍ថ្មីរបស់ YoonA មួយនេះ កាន់តែធ្វើឲ្យនាង ស្អាតក្មេងជាងវ័យ។ អ្នកណាៗឃើញហើយ ក៏សរសើរពីនាងគ្រប់គ្នា ខណៈអាយុរបស់នាងពេលនេះ កាន់តែឈានទៅមុខទៅហើយក៏ដោយ តែការថែរក្សាសម្រស់ YoonA នៅតែស្អាតមិនចាស់តាមអាយុនោះទេ៕

អីយ៉ា! តារា៤ក្រុមត្រៀមខ្លួនធ្វើជាម្ចាស់ពានរង្វាន់កម្មវិធី«សង្វៀនម្ហូប»រដូវកាលទី១

ថ្ងៃទី ១៦ ខែ វិច្ឆិកា ឆ្នាំ ២០២០ ម៉ោង ១៤:៣២

ឆ្លងកាត់ការប្រកួតចម្អិនម្ហូបយ៉ាងស្វិតស្វាញពីសំណាក់តារាសម្តែង និង តារាចម្រៀងអស់ជាច្រើនសប្តាហ៍ នៅពេលនេះកម្មវិធីសង្វៀនម្ហូបបានរកឃើញក្រុមឆ្នើមចំនួន៤ក្រុម  ត្រៀមខ្លួនប្រកួតក្នុងវគ្គផ្តាច់ព្រ័ត្រ ដើម្បីដណ្តើមយកទឹកប្រាក់២០លានរៀល និង ពានរង្វាន់សង្វៀនម្ហូបរដូវកាលទី១។នៅសល់តែប៉ុន្មានថ្ងៃទៀតប៉ុណ្ណោះ ពោលគឺថ្ងៃទី១៩ ខែវិច្ឆិការខាងមុខនេះ កម្មវិធីប្រកួតប្រជែងចម្អិនម្ហូបខ្មែរដែលមានតែមួយគត់នៅក្នុងប្រទេសកម្ពុជា នោះគឺកម្មវិធី«សង្វៀនម្ហូប» នឹងឈានជើងចូលដល់វគ្គផ្តាច់ព្រ័ត្រ។  ក្នុងនោះវត្តមានតារាចម្រៀង និង តារាសម្តែងចំនួន៤ក្រុម នឹងមានវត្តមានប្រកួតប្រជែង បន្ទាប់ពីពួកគេឆ្លងកាត់ការប្រកួតចម្អិនម្ហូបយ៉ាងស្វិតស្វាញអស់ជាច្រើនសប្តាហ៍។ តារាទាំង៤ក្រុមនោះមានដូចជា៖ ក្រុមទី១៖ កញ្ញា យ៉េយ៉េ និង កញ្ញា Pancake ក្រុមទី២៖ លោក ចន ច័ន្ទដារ៉ា និង កញ្ញា ពៅ លីដាក្រុមទី៣៖ លោក ប៉ែន ភ័ក្រ្តសុធារិទ្ធ និង កញ្ញា រឿនណាតក្រុមទី៤៖ លោក ធាន និង អ្នកនាង ឡោម លក្ខិណាផលិតករកម្មវិធី «សង្វៀនម្ហូប» អ្នកនាងយុគ ចិន្តាបានលើកឡើងថាក្រៅពីការបង្ហាញសម្ថតភាពចម្អិន របស់តារាល្បី ៗដែលជាIdol របស់មហាជន កម្មវិធីនេះមានទិសដៅសំខាន់ក្នុងការគាស់កកាយនូវរបៀបចម្អិនម្ហូបរបស់ខ្មែរ  ដែរជាប្រពៃណី និង វប្បធម៌ដែលមានតាំងពីយូរឡុងណាស់មកហើយ អោយអ្នកទស្សនាបានស្គាល់។ ក្នុងនោះកម្មវិធីបានស្រាវជ្រាវម្ហូបខ្មែរនៅតាមតំបន់នានា យកមកធ្វើជាវិញ្ញសារសម្រាប់ការប្រកួត។ ជាការកត់សម្គាល់តារា និង អ្នកទស្សនាមួយចំនួនបានស្គាល់ពីឈ្មោះមុខម្ហូប ប៉ុន្តែមិនទាន់យល់ច្បាស់ពីរបៀបនៃការចម្អិន។ ក្រៅពីនេះកម្មវិធី «សង្វៀនម្ហូប» ក៏ជាស្ពានតផ្ជាប់រវាងភ្ញៀវអន្តរជាតិ និងប្រពៃណីម្ហូបខ្មែរ ដែលជាផ្នែកមួយជួយដល់វិស័យទេសចរណ៍ ព្រោះថាវិស័យម្ហូបអាហារគឺដើរទន្ទឹមគ្នានឹងវិស័យទេសចរណ៍។សូមរំលឹកឡើងវិញថាការប្រកួតវគ្គផ្តាច់ព្រ័ត្រនៃកម្មវិធី «សង្វៀនម្ហូប» នឹងធ្វើឡើងថ្ងៃទី១៩ ខែវិច្ឆិការ ដោយមានការចាក់ផ្សាយក្នុងស្ថានីយទូរទស្សន៍CTN វេលាម៉ោង៨នាទីយប់។  ក្នុងនោះចំណោមតារាទាំង៤ក្រុមគឺមានតែមួយក្រុមតែប៉ុណ្ណោះដែលនឹងក្លាយទៅជាម្ចាស់ទឹកប្រាក់២០លានរៀល ម្ចាស់មេដាយមាស និង ពានរង្វាន់កម្មវិធី «សង្វៀនម្ហូប» រដូវកាលទី១៕ដោយ៖ រៀម ចំរើន

រូបថតបង្ហោះចូលរួមខួបកំណើតមួយសន្លឹក របស់តារាស្រី Zhao Wei ហៅ ត្រចៀកកាំ បានធ្វើឲ្យមហាជននិងអ្នកគាំទ្រនៅតែជាប់មន្ទិលសង្ស័យ

ថ្ងៃទី ១៦ ខែ វិច្ឆិកា ឆ្នាំ ២០២០ ម៉ោង ១៤:១៤

ចិន៖  រូបថតមួយសន្លឹក របស់ តារាស្រី Zhao Wei ហៅ ត្រចៀកកាំ និង តារាសម្តែងប្រុស Huang Xiaoming ដែលបានថតរូបជុំគ្នា ក្នុងទិវាខួបកំណើតរបស់លោក ឈានចូលវ័យ ៤៣ឆ្នាំ កំពុងតែទទួលបានការចាប់អារម្មណ៍ជាខ្លាំង។យោងតាមរូបភាពមួយនេះ តារាស្រីរូបនេះ ក៏បានសរសេរនូវពាក្យជូនពរប៉ុន្មានម៉ាត់ទៅកាន់រូបលោក​ ឲ្យមានមានសុខភាពល្អ និង កាន់តែសប្បាយចិត្តទៀតផង មិនត្រឹមតែប៉ុណ្ណោះ តារាស្រីរូបនេះ បានហៅតារាសម្តែងប្រុសរូបនេះ យ៉ាងមានភាពស្និទ្ធស្នាលផងដែរ។យ៉ាងណាមិញ វាមិនចម្លែកនោះទេ ព្រោះអ្នកទាំងពីរ ជាមិត្តភក្តិជិតស្និទ្ធអស់រយៈពេលជាច្រើនឆ្នាំមកហើយ ហេតុដូច្នេះនៅថ្ងៃខួបកំណើតរាល់ឆ្នាំ ពួកគេទាំងពីរមិនភ្លេចនោះទេ តែងតែផ្ញើរពាក្យជូនពរទៅវិញ ទៅមកតាមរយៈបណ្តាញសង្គម ក៏ដូចជា ចូលរួមពិធីជប់លៀងជាដើម។យ៉ាងណាមិញ រហូតមកដល់ពេល Angelababy នៅតែមិនទាន់បង្ហោះ ក៏ដូចជាបង្ហាញមុខ ជាមួយស្វាមីរបស់នាងនៅឡើយ ចាប់តាំងថ្ងៃខួបកំណើតរបស់​តារាសម្តែងប្រុស​ Huang Xiaoming បានធ្វើឲ្យ មហាជន និងអ្នកគាំទ្រនៅតែជាប់មន្ទិលសង្ស័យ ថាអ្នកទាំងពីរ មានរឿងអ្វីកើតឡើងឲ្យពិតប្រាកដ៕

វីដេអូ! តារារ៉េប Mo3 ប្រចាំ Dallas ត្រូវគេបាញ់សម្លាប់ទាំងកណ្ដាលថ្ងៃលើផ្លូវ Highway

ថ្ងៃទី ១៣ ខែ វិច្ឆិកា ឆ្នាំ ២០២០ ម៉ោង ១៦:០៩

ប៉ូលីសក្រុង​ Dallas កំពុង​ធ្វើ​ការ​យ៉ាង​យក​ចិត្ត​ទុកដាក់​ក្នុង​ការ​ស៊ើប​អង្កេត​ករណី​បាញ់​ប្រហារ​ចំពោះ​តារា​រ៉េប​ Mo3 រហូត​បាត់បង់ជីវិតទាំង​កណ្ដាល​ថ្ងៃ កាល​ពី​ថ្ងៃទី​១១ ខែវិច្ឆិកា ឆ្នាំ២០២០ លើកំណាត់ផ្លូវ Highway។ជន​សង្ស័យ​ដែល​ប្រព្រឹត្តិអំពើ​ឃោរឃៅ​នោះ​ ត្រូវ​បាន​ប៉ូលីស​បង្ហើប​ថា​ជា​ បុរស​ជំទង់ស្បែក​ខ្មៅ ដែល​បាន​ធ្វើ​សកម្មភាព​ ដោយ​ចុះ​ពីឡាន ហើយ​បាន​ទៅ​ជិត Mo3 ដែលកំពុង​អង្គុយ​ក្នុង​ឡាន។ យោង​តាម​ប៉ូលីស Mo3 បាន​រត់​ចេញ​ពី​ឡាន ហើយ​ចាប់​ផ្ដើម​រត់​ ស្របពេល​ជនដៃដល់ព្យាយាម​ដេញតាមពីក្រោយ និង​បាញ់​ប្រសាច​មក​លើ​ Mo3។ ក្រោយ​ពេល​សម្រុក​បាញ់​ជា​ច្រើន​ដង​ហើយ​ បុរស​ដែល​ប៉ុនប៉ង​សម្លាប់​នោះ​ក៏​បាន​គេច​ខ្លួន​រត់​ចូល​ឡាន​ពណ៌​ខ្មៅ។ក្រោយ​រង​នូវ​សន្ធឹក​គ្រាប់​កាំភ្លើង​ហើយ​ Mo3 ក៏​ត្រូវ​បាន​គេ​បញ្ជូន​បន្ទាន់​ទៅ​មន្ទីរពេទ្យ​ដែល​នៅ​ជិត​នោះ​ ប៉ុន្តែ​ជា​អកុសល លោក​បាន​បាត់បង់​ជីវិត​ដោយសារ​វា​មាន​សភាព​ធ្ងន់ធ្ងរពេក។ នេះ​បើ​តាម​ប៉ូលីស​បាន​និយាយ៕

តាមពិតប្រុសស្អាតក្នុងបទ Lovesick Girls របស់ BLACKPINK ជាកូនប្រុសស្ថាបនិក NAVER ដ៏ល្បីសោះ

ថ្ងៃទី ១៣ ខែ វិច្ឆិកា ឆ្នាំ ២០២០ ម៉ោង ១៥:៤៣

កូរ៉េខាងត្បូង ៖ សិល្បករទោលថ្មី ដែលទើបនឹងបង្ហាញខ្លួន លោក LØREN ដែលបានលេចមុខក្នុង MV បទ Lovesick Girls របស់ក្រុម BLACKPINK គឺជាកូនប្រុសរបស់ស្ថាបនិករបស់ Naver លោក Lee Hae Jin។ថ្មីៗនេះ យោងតាមសេចក្តីរាយការណ៍ របស់ប្រព័ន្ធផ្សព្វផ្សាយ នៅថ្ងៃទី ១៣ ខែវិច្ឆិកានេះ សិល្បករទោលថ្មីលោក LØREN ( Lee Seung Joo ) ត្រូវបានគេនិយាយថា គឺជាកូនប្រុសរបស់ស្ថាបនិក Naver និងជាប្រធានផ្នែកវិនិយោគសកល (GIO)  គឺលោក Lee Hae Jin ។ ជាមួយគ្នានេះដែរ LØREN នឹងធ្វើការសម្តែងលើកដំបូងរបស់លោក នៅថ្ងៃទី ១៣ ខែវិច្ឆិកា វេលាម៉ោង ៦ ល្ងាច (ម៉ោងនៅប្រទេសកូរ៉េ) ជាមួយនឹងបទចម្រៀងទោលលើកទី ១ របស់លោកគឺបទ Empty Trash ហើយការសម្តែងរបស់សិល្បកររូបនេះ បានប្រមូលផ្តុំ ការចាប់អារម្មណ៍ទូទាំងពិភពលោក ខណៈដែល The Black Label របស់ផលិតកម្ម YG Entertainment បានលើកស្ទួយ ក្នុងការផ្សព្វផ្សាយរបស់ LØREN យ៉ាងខ្លាំង ដោយលោកត្រូវបានបង្ហាញខ្លួន នៅក្រោម Fire Exit Records ប៉ុន្តែនឹងត្រូវធ្វើការជាមួយ The Black Label ដោយមាន Black Label ទទួលបន្ទុកក្នុងការផលិតមាតិការបទចម្រៀង។ គួរបញ្ជាក់ផងដែរថា កាលពីមុន LØREN ក៏ទទួលបានការចាប់អារម្មណ៍ខ្លាំង ពីអ្នកទស្សនាដូចគ្នា ព្រោះលោកបានលេចមុខនៅក្នុង MV បទ Lovesick Girls  របស់ក្រុមតារាចម្រៀង BLACKPINK។ មិនត្រឹមតែប៉ុណ្ណោះទេ លោកថែមទាំងត្រូវបាន គេចុះបញ្ជីជាអ្នកនិពន្ធបទចម្រៀង របស់ក្រុមចម្រៀង BLACKPINK ថែមទៀតផង ក្នុងនោះរួមមានបទ Pretty Savage និងបទ You Never Know។ រង់ចាំតាមដានការ Debut ដំបូងរបស់ LØREN បទ Empty Trash នៅថ្ងៃ ១៣ នេះ៕

រឿងព្រេងបុរាណខ្មែរជាខ្សែភាពយន្តភាគ រហូតដល់ទៅ ៥រឿង នឹងមាននៅលើកញ្ចក់ទូរទស្សន៍ CTN ក្នុងពេលឆាប់ៗនេះ

ថ្ងៃទី ១៣ ខែ វិច្ឆិកា ឆ្នាំ ២០២០ ម៉ោង ១០:៣៣

កម្សាន្ត៖ ថ្មីៗនេះ ស្ថានីយទូរទស្សន៍ CTN បានរៀបចំពិធីក្រុងពលីដ៏ធំ សម្រាប់ការផលិតរឿងភាគបុរាណខ្មែរថ្មីៗចំនួន ៥រឿង ដែលក្នុងកម្មវិធីក្រុងពលីនោះ ក៏មានវត្តមានថ្នាក់ដឹកនាំ នាយកប្រតិបត្តិរង ព្រមទាំងក្រុមការងារបុគ្គលិករបស់ក្រុមហ៊ុន CBS និងតារាសម្តែងល្បីៗដែលកំពុងតែទទួលបានការគាំទ្រពីសំណាក់ទស្សនិកជនជាច្រើននាក់ផងដែរ។ចំពោះខ្សែភាពយន្តបុរាណខ្មែររបស់ស្ថានីយទូរទស្សន៍ CTN ក៏មានវត្តមានតួអង្គសម្តែងល្បីចូលរួមសម្តែងជាច្រើន ក៏ដូចជាបច្ចេកទេសក្នុងការផលិត កម្រិតខ្ពស់ (HD) គឺយើងសម្រិតសម្រាំង ធ្វើយ៉ាងណាឱ្យរឿងភាគបុរាណខ្មែរទាំង ៥ នេះទទួលបានគុណភាពល្អ ច្បាស់ត្រជាក់ភ្នែក សម្រាប់ទស្សនិកជនដែលទស្សនាហើយសរសើរមិនដាច់ពីមាត់។ ក្នុងកម្មពិធីក្រុងពលីនោះគឺផ្តោតសំខាន់លើរឿងភាគបុរាណខ្មែរមួយគឺរឿង "ដើមរលួសមាស" គឺជារឿងដែលមានប្រវត្តិពីព្រេងនាយដំណាលមកថា មាននាងជាម្តាយមានចិត្តដែលជាមនុស្សមានសទ្ធា ស្មោះត្រង់នឹងគ្រួសារ សាងតែអំពើល្អពេលជួបគ្រោះភ័យម្តងៗ នាងតែងរួចចាកទុក្ខសោក តែជាអកុសលក៏បានលាចាកលោកទៅកើតជាអរុក្ខទេវតា តាមថែរក្សាកូនស្រី ទោះបីមានជនចិត្តអាក្រក់ធ្វើបាបនាងយ៉ាងណាក៏គង់វិនាសខ្លួនឯង។រឿងនេះផងដែរគឺសំដៅលើភាពទុក្ខសោកវេទនារបស់កុមារីកម្សត់មួយរូប ត្រូវម្តាយ និងកូនចុង ធ្វើបាបមិនចេះចប់មិនចេះហើយ បន្ទាប់ពីនាងបានបាត់បង់ម្តាយជាទីស្រលាញ់ ប៉ុន្តែកុមារីម្នាក់នេះមិនរួញរា ខិតខំតស៊ូពុះពាររហូតរួចចាក់ផុតទុក្ខ ដោយមានវិញ្ញាណអរុក្ខទេវតាជាម្តាយតាមថែរក្សា ហើយក៏ទទួលបានការអាណិតស្រលាញ់ពីសំណាក់អ្នកជិតខាង រហូតមានវាសនាបានចូលរស់នៅក្នុងព្រះបរមរាជវាំង។គួរបញ្ជាក់ថា មិនត្រឹមតែរឿង "ដើមរលួសមាស"នោះទេ ស្ថានីយទូរទស្សន៍ CTN ក៏មានរឿងភាគបុរាណខ្មែរជាច្រើនទៀតដូចជា៖- រឿងភាគបុរាណខ្មែរសម័យលង្វែក "នគរមាស"- រឿងភាគខ្មែរសម័យអាណានិគមបារាំង "និស្ស័យស្នេហ៍បេះដូង៤"- រឿងភាគព្រេងនិទានបុរាណខ្មែរ "នាងកែវមុខសេះ" - រឿងភាគព្រេងនិទានបុរាណខ្មែរ “ពុទ្ធិសែននាងកង្រី”ពិតជាមិនធ្វើឱ្យទស្សនិកជនដែលកំពុងរង់ចាំទស្សនា ខកបំណងនោះឡើយ។ រឿងព្រេងភាគបុរណខ្មែរដែលល្បីៗទាំង៥រឿងនេះ គ្រោងនឹងចាក់បញ្ចាំងក្នុងពេលឆាប់ៗនេះ តាមរយៈកញ្ចក់ទូរទស្សន៍ CTN និង Page CTN ផងដែរ៕អត្ថបទ៖ MYTV Plus

វីដេអូ! តួប្រុសក្នុងរឿងកប៉ាល់ Titanic លោក Leonardo Dicaprio កាន់តែបាក់សម្រស់ ពេលឈានចូលវ័យ៤៦ឆ្នាំ

ថ្ងៃទី ១២ ខែ វិច្ឆិកា ឆ្នាំ ២០២០ ម៉ោង ១៦:០៦

បរទេស៖ យោងតាមការសែត ​​Mirror បានរាយការណ៍ឲ្យដឹងថា តារាសម្តែងហូលីវូដ​ លោក Leonardo DiCaprio បានរៀបចំពិធីខួបកំណើតឈានចូលវ័យ​៤៦ឆ្នាំ នៅលើឆ្នេរខ្សាច់ក្នុងទីក្រុង Malibu រដ្ឋ California នៃសហរដ្ឋអាមេរិក។តាមប្រភពដដែល បាននិយាយថា រូបលោក ពិតជារីករាយ សម្រាប់ពេលវេលាផ្ទាល់ខ្លួនរបស់លោក បានចំណាយពេល ហែលទឹកជាមួយមិត្តភក្តិយ៉ាងរីករាយ រួមទាំងតារាសម្តែង Emile Hirsch ទៀតផង។ មិនត្រឹមតែប៉ុណ្ណោះ គេបានសង្កេតឃើញថា ឪពុករបស់ Leo គឺលោក George DiCaprio ក៏មានវត្តមាននៅក្នុងដំណើរកម្សាន្តនោះដែរ។ទន្ទឹមនឹងនេះដែរ អ្នកនិយមលេងអ៉ីនធើណែត ក៏ដូចជាអ្នកគាំទ្រ របស់តារាសម្តែងក្នុងរឿង «Titanic» មានការភ្ញាក់ផ្អើលសាជាថ្មីម្តងទៀត ជាមួយរូបរាង ដុះក្បាលពោះ របស់តារាសម្តែងប្រុសរូបនេះ បានបង្ហាញយ៉ាងមានទំនុកចិត្ត ដើរកាត់ឆ្នេរខ្សាច់ បង្អួតរាង បានធ្វើឲ្យ ហ្វេននារីលើពិភពលោក មានការខកចិត្តដដែល ជាមួយរូបរាង ដូចប៉ាអ៉ុំបែបនេះ។មិនថាយ៉ាងណា ក្នុងនោះក៏មានអ្នកគាំទ្រមួយចំនួន បានលើកឡើងថា Leonardo វ័យរបស់លោក ចូលជិត៥០ ទៅហើយ ហេតុអ្វីនៅរំពឹងថា រូបរាងនៅតែសង្ហារដូចដើម ថ្ងៃនេះជាថ្ងៃខួបកំណើតលោក ហេតុអ្វីបានជាមករិះគន់នឹងរូបរាងគេបែបនេះ។មិនត្រឹមតែប៉ុណ្ណោះ ក៏មានមតិមួយចំនួន បន្ថែមថា ស្តាយរាងតារាប្រុសនេះណាស់ ធ្លាប់ជាប្រុសស្អាតម្នាក់ ក្នុងវិស័យខ្សែរភាគយន្ត តែបែរជាសម្រស់បាក់ ប្រៀបបានដូចជាប៉ាអ៉ុំ នាំកូនមកលេងសមុទ្រទៅវិញ៕

រូបថតផ្សាយឲ្យទស្សនាវដ្ដីកូរ៉េថ្មីៗជាច្រើនសន្លឹករបស់តារាស្រី Yeri សមាជិកក្រុម Red Velvet កំពុងពង្វក់បេះដូងហ្វេនៗមិនស្ទើរទេ

ថ្ងៃទី ១២ ខែ វិច្ឆិកា ឆ្នាំ ២០២០ ម៉ោង ១៥:០១

កូរ៉េខាងត្បូង ៖ ជាក់ស្ដែង នៅក្នុងការថតផ្សាយឲ្យទស្សនាវដ្ដីកូរ៉េមួយ ឈ្មោះថា Noblesse Men Korea តារាស្រី Yeri សមាជិកក្រុម Red Velvet កំពុងតែធ្វើឲ្យបណ្ដាអ្នកគាំទ្ររបស់នាង ភ្ញាក់ផ្អើលយ៉ាងខ្លាំង​ ជាមួយរូបថតប៉ុន្មានសន្លឺកនេះរបស់នាង។សូមបញ្ជាក់ផងដែរថា ក្រៅពីភាពលេចធ្លោ ក្នុងការបង្ហាញក្បាច់រាំដ៏ទាក់ទាញ ទាំងការច្រៀង និងការសម្ដែងហើយនោះ ជាពិសេសទៅទៀតស្ដាយ៏លេងម៉ូតសម្លៀកបំពាក់របស់នា​ង ក៏ធ្វើឲ្យហ្វេនៗចាប់ចិត្ត មិនធម្មតាដែរ។ ជាការពិតណាស់ ថ្មីៗនេះ ការបង្ហាញខ្លួនរបស់តារាស្រីរូបនេះ​ ក្នុងសម្លៀកបំពាក់ជាច្រើនម៉ូត ច្រើនពណ៌ និងការផាត់មុខ ធ្វើសក់ស្ទីលនេះ ពិតជាសាកសម ជាមួយរូបរាងរបស់នាងយ៉ាងចម្លែកតែម្ដង។ជាមួយគ្នានេះដែរ ក្រៅពីតារាស្រីមា្នក់នេះ មានរូបសម្រស់ល្អឥតទាស់ហើយ បើក្រលេកមើលស្ទីលថតរូបរបស់នាងវិញ ក៏ឡួយប្លែក ល្មមធ្វើឲ្យហ្វេនៗ ទន់ជង្គង់បាន។​ ស្របនឹងនេះដែរ សកម្មភាពថតរូបរបស់នាង ឃើញថានាងបានប្រើប្រាស់ ក្រសែភ្នែកដ៏ទន់ភ្លន់ អមដោយស្នាមញញឹមដ៏ផ្អែមល្ហែម រួមទាំងការលេងទឹកមុខធ្មឹងៗ ស្មើៗ ធ្វើឲ្យសម្រស់របស់នាងកាន់ ស្អាត ស៊ិចស៊ី ថែមមួយកម្រិតទៀត៕