trollkhmer news

កម្សាន្ត

ស្ងាត់ៗ! តារា​កំប្លែង នីឡា បង្ហាញ​រូប Pre Wedding ជាមួយ​គូស្នេហ៍

ថ្ងៃទី ២២ ខែ កុម្ភះ ឆ្នាំ ២០១៩ ម៉ោង ០៩:៤៨

ភ្នំពេញ៖ មានរូបថតគួរអោយចាប់អារម្មណ៏ពេញបណ្ដាញសង្គម ហ្វេសប៊ុក ខណៈដែល ស្ងាត់ៗ តារាកំប្លែងស្រីវ័យក្មេង កញ្ញា វ៉ាន់ នីឡា បានបង្ហាញរូបថត Pre Wedding ជាមួយគូស្នេហ៍ថ្មី និងត្រៀមខ្លួនចូលរោងជ័យ នាពេលឆាប់ៗនេះ ដោយកន្លងមក អ្នកទាំងពីរ មិនធ្លាប់លេចឮដំណឹង ភ្ជាប់ពាក្យជាមួយគ្នា ពីមុនមកនោះទេ។គេចាំបានថា ក្រោយពីនាងបានផ្ដាច់ពាក្យ ជាមួយអតីតគូដណ្ដឹង ដែលជាកូនម្ចាស់វង់ល្ខោនបាសាក់ ភី សុគន្ធី លោក ផន រង្សី អស់រយៈយ៉ាងយូររួចមក តារាស្រីវ័យក្មេងរូបនេះ ហាក់បីដូចជា មិនដែលលេចឮព័ត៌មានថា មានទំនាក់ទំនងស្នេហា ជាមួយបុរសណានោះឡើយ ទើបតែមួយរយៈចុងក្រោយនេះ នាងដាច់ចិត្ត ទម្លាយមុខមាត់គូស្នេហ៍ថ្មី ឲ្យមហាជន អ្នកគាំទ្របានស្គាល់ តែមិនបានបញ្ជាក់ថា អ្នកទាំងពីរ និងភ្ជាប់ពាក្យនៅពេលណានោះទេ។ ស្រាប់តែថ្មីៗនេះ កញ្ញា វ៉ាន់ នីឡា បានបង្ហាញរូបថត Pre Wedding ជាមួយគូស្នេហ៍ថ្មី បង្កឲ្យមហាជនភ្ញាក់ផ្អើល ខណៈដែលមិនធ្លាប់លេចឮដំណឹងភ្ជាប់ពាក្យទាល់តែសោះ។ យ៉ាងណាក្ដី មានប្រិយមិត្តទស្សនិកជន អ្នកលេងបណ្ដាញសង្គមហ្វេសប៊ុក ជាច្រើន បានចូលរួមសម្ដែងក្ដី រំភើបនឹងរីករាយ ជំនួស នីឡា ដែលនាងបានរកឃើញស្នេហ៍ថ្មី និងបានសម្ដែងការ ជូនពរឲ្យនាងនិងអនាគតស្វាមី មានក្ដីសុខ ជារៀងរហូតផងដែរ។ដោយឡែក ស្ថិតក្នុងឈុតសម្លៀកបំពាក់ថត Pre Wedding ត្រៀមចូលរោងការ ជាមួយប្រុសស្នេហ៍ថ្មីនេះ នីឡា បានគ្រងឈុតកូនក្រមុំស្រស់ស្អាត និងទន់ភ្លន់ សាកសមជានារីខ្មែរពិតៗតែម្ដង៕

ស៊ឹម ថៃណា បរិច្ចាគ​​​ឈាម​​ជួយ​​ក្មេង​ប្រុស​ ​ជួប​​គ្រោះថ្នាក់​​ចរាចរណ៍

ថ្ងៃទី ២១ ខែ កុម្ភះ ឆ្នាំ ២០១៩ ម៉ោង ១៦:៥១

ភ្នំពេញ៖ ដោយមើលឃើញពីការអាណិត និងដើម្បីចូលរួមសង្គ្រោះជីវិតក្មេងប្រុសម្នាក់ ដែលបានជួបគ្រោះថ្នាក់ចរាចរណ៍ត្រូវរថយន្តធន់ធំបុក បណ្តាលឲ្យរងរបួស និងត្រូវការឈាមជាចំបាច់ដើម្បីសង្គ្រោះជីវិតនោះ តារាសម្តែងស្រីកញ្ញា ស៊ឹម ថៃណា ភ្លាមៗនោះក៏បានសម្រេចច្តិតធ្វើដំណើរពីភ្នំពេញ ទៅចូលរួមបរិច្ចាគឈាមដល់ក្មេងប្រុសខាងលើដល់ខេត្តកំពត។ការប្រកាសផ្តល់ឈាមពីសំណាក់តារាស្រីកញ្ញា ស៊ឹម ថៃណា នេះដែរ បានធ្វើឲ្យទស្សនិកជន និងអ្នកលេងបណ្តាញសង្គមហ្វេសប៊ុកជាច្រើន បង្ហាញការគាំទ្រ និងលើកសរសើរខ្លាំង ចំពោះទឹកចិត្តដ៏ល្អក្នុងការចែករំលែកក្តីស្រលាញ់ ដើម្បីជួយសង្គ្រោះអាយុជីវិតរបស់ក្មេងប្រុសរងគ្រោះរូបនេះ។ កញ្ញា ស៊ឹម ថៃណា បញ្ជាក់ថា «ករណីគ្រោះថ្នាក់របស់ក្មួយប្រុសដែលពួកខ្ញុំជួយ មិនមែននៅទីក្រុងភ្នំពេញទេ គឺនៅខេត្តកំពត»។ តាមរយៈនេះដែរភ្លាមៗនោះក្រុមគ្រួសាររបស់ក្មេងប្រុសរងគ្រោះ ក៏បានបង្ហាញការអរគុណ និងលើកសរសើរខ្លាំងលើទឹកចិត្តកញ្ញា ស៊ឹម ថៃណា «ពួកយើងខ្ញុំព្រមទាំងក្រុមគ្រួសារ សូមថ្លៃអំណរគុណដល់តារាចម្រៀង និងសម្តែងកញ្ញា ស៊ឹម ថៃណា ដែលបានបរិច្ចាគឈាមជួយដល់ក្មូនប្រុសរបស់ខ្ញុំ ដែលជួបគ្រោះថ្នាក់ចរាចរណ៍។ សូមឲ្យកញ្ញាជួបតែសំណាងល្អ និងមានអ្នកគាំទ្រកាន់តែច្រើនឡើង»។សូមបញ្ជាក់ថា ការសម្រេចចិត្តដើម្បីបរិច្ចាគឈាម ជួយជីវិតក្មេងប្រុសខាងលើរបស់កញ្ញា ស៊ឹម ថៃណា នេះ បានធ្វើឡើងស្របពេលដែលមានការបង្ហោះនៅលើបណ្តាញសង្គមហ្វេសប៊ុក ក្នុងការអំពាវនាវស្វែងរកឈាមជួយដល់ក្មេងរងគ្រោះ ដោយសាររថយន្តធន់ធំបុកបណ្តាលឲ្យបាក់ជើងនិងរបួសធ្ងន់៕

បទ «គ្រាប់ភ្លៀង» សំនៀង​រួមគ្នា របស់​តារា​ស្រីស្រស់​ស្អាត ០៥ដួង ឌីណែត Ft. ឈិន ម៉ានិច្ច – ប៉ាច គីមមួយ – រ៉េត ស៊ូហ្សាណា – ឈីន រតនៈ​ ពិត​ជា​ពិរោះ​មែន (មានវីដេអូ)

ថ្ងៃទី ២១ ខែ កុម្ភះ ឆ្នាំ ២០១៩ ម៉ោង ១៥:៣៩

ភ្នំពេញ៖ ទស្សនិកជនសម្តែងនូវការចាប់អារម្មណ៍គ្រប់គ្នា ព្រមទាំងកោតសរសើរនូវស្នាដៃចម្រៀងថ្មី របស់តារាស្រីចំនួន ០៥ រូបគឺកញ្ញា វី ឌីណែត, ឈិន ម៉ានិច្ច, ប៉ាច គីមមួយ,រ៉េត ស៊ូហ្សាណា និង ឈីន រតនៈ ដែលអ្នកទាំង ប្រាំបានចាប់ដៃគ្នា បកស្រាយនូវចម្រៀងមួយបទ ដែលមានចំណងជើងថា «គ្រាប់ភ្លៀង» បានយ៉ាងពិរោះ និងទាក់ទាញ។ អ្វីដែលពិសេស ជាមួយនឹងស្នាដៃថ្មីមួយនេះ គឺពិតជាប្លែងអារម្មណ៍ ទាំងចង្វាក់ភ្លេង និងទំនុងច្រៀង ពោលគឺឆក់យកបេះដួងទស្សនិកជនយ៉ាងច្រើនតែម្តង។តាមរយៈបទចម្រៀង «គ្រាប់ភ្លៀង» ថ្មីមួយនេះ ត្រូវបានទស្សនិកជនសង្កេតឃើញថា មិនត្រឹមតែមានអត្ថន័យ ល្អនោះទេ ថែមទាំងមានការបង្ហាញនូវឧបករណ៍ភ្លេងបុរាណខ្មែរ និងស្លៀកនូវសម្លៀកបំពាក់ប្រពៃណីយ៉ាងសម សួន សុភាពរាបសារ ទឹកមុខញញឹម សមជានារីខ្មែរ ពីសំណាក់តារាស្រីវ័យក្មេងស្អាតៗទាំងប្រាំខាងលើផងដែរ។ តារាស្រីទាំងប្រាំ សុទ្ធតែបង្ហើរសំនៀង ដ៏មានទឹកដម ពិរោះមួយបែបម្នាក់ ដើម្បីធ្វើឱ្យបទចម្រៀងមួយបទនេះ ពិសេស និងល្អឥតខ្ចោះ សម្រាប់កំដរអារម្មណ៍ទស្សនិកជន។គួរបញ្ជាក់ផងដែរថា នេះគឺជាលើកទី១ហើយ ដែលមហាជនបានឃើញតារាស្រីវ័យទាំង០៥ដួងនេះ ចាប់ដៃគូ ចេញចម្រៀងរួមគ្នាបែបនេះ។ ដូច្នេះ ចង់ដឹងថាបទនេះពិរោះ និងគួរឲ្យចាប់អារម្មណ៍ខ្លាំងយ៉ាងណានោះ ទៅទស្សនាវីដេអូខាងក្រោមនេះ៖

Kim So Hyun តុបតែងខ្លួនយ៉ាងទាក់ទាញ នៅព្រលានយន្តហោះ ធ្វើឲ្យអ្នកគាំទ្រសរសើរមិនដាច់

ថ្ងៃទី ២១ ខែ កុម្ភះ ឆ្នាំ ២០១៩ ម៉ោង ១៥:០១

កូរ៉េខាងត្បូង៖ តារាសម្ដែងស្រីវ័យក្មេង Kim So Hyun កាលពីម្សិលមិញ បានបង្ហាញវត្តមានរបស់នាង នៅឯព្រលានយន្តហោះអន្តរជាតិក្នុងប្រទេសកូរ៉េ បង្កជាការភ្ញាក់ផ្អើលយ៉ាងខ្លាំងលើបណ្ដាញអ៊ីនធឺណេត ដោយសារតែ សម្រស់ស្រស់ស្អាត និងរូបរាងដ៏ទាក់ទាញគួរឲ្យសរសើររបស់តារាស្រីរូបនេះ។ការបង្ហាញខ្លួនរបស់តារាស្រីស្អាត Kim So Hyun ខណៈពេលនោះ នាងពិតជាសម្រស់លេចធ្លោយ៉ាងខ្លាំង ក្នុងឈុតសម្លៀកបំពាក់យុវវ័យបែបទាន់សម័យ ទាក់ទាញជាទីបំផុត។ ភាពស្រស់ស្អាត និងទាក់ទាញរបស់តារាស្រីរូបនេះ បានបង្កជាព្យុះភ្លៀងពេញ លើបណ្ដាញអ៊ីនធឺណេត អ្នកគាំទ្រពិត មិនអាចនឹងទប់អារម្មណ៍បាននោះទេ ព្រោះស្រីស្អាតរូបនេះ រាល់ពេលដែល នាងបង្ហាញវត្តមានជាសាធារណៈម្ដងៗ សម្រស់របស់នាងកាន់តែទទួលបានការចាប់អារម្មណ៍ខ្លាំង គួរឲ្យកត់សម្គាល់ពីអ្នកគាំទ្រ និងអ្នកនិយមលេងអ៊ីនធឺណេត។

មិន​​នឹក​​ស្មាន​​ថា ពេជ្រ សោភា ខ្លាច​​សត្វ​​ជីងចក់ ដល់​​ថ្នាក់​​ហ្នឹង​​សោះ! (Video Inside)

ថ្ងៃទី ២១ ខែ កុម្ភះ ឆ្នាំ ២០១៩ ម៉ោង ១២:១៥

ភ្នំពេញ៖ ទស្សនិកជនធ្លាប់តែឃើញ តារាចម្រៀង ពេជ្រ សោភា ឡើងច្រៀងនៅលើឆាកតន្ត្រី យ៉ាងសប្បាយរីករាយ ប៉ុន្តែពាក់ព័ន្ធជាមួយនឹងជីវិតឯកជន ជាពិសេសការរស់នៅប្រចាំថ្ងៃ ទស្សនិកជនពិតជាមិនបានដឹងទេថា នាងមានសកម្មភាពអ្វីខ្លះ ចូលចិត្តសត្វចិញ្ចឹមអ្វីខ្លះ និងខ្លាចសត្វប្រភេទណាខ្លះ? តាមរយៈវីដេអូ ដែលបានបង្ហាញ នៅលើផេកហ្វេសប៊ុករបស់នាងផ្ទាល់ បានឲ្យឃើញថា នាងខ្លាចសត្វជីងចក់ឡើងញ័រខ្លួន រហូតដល់ថ្នាក់បងប្អូនបន្លាច ហើយឲ្យនាងធ្វើអ្វី ក៏នាងព្រមដែរ សំខាន់ឲ្យតែយកសត្វជីងចក់នោះ ចេញឲ្យឆ្ងាយពីនាង។តាមរយៈវីដេអូ បានបង្ហាញថា តារាចម្រៀង ពេជ្រ សោភា ពិតជាខ្លាចសត្វជីងចក់ឡើងញ័រខ្លួន រហូតធ្វើឲ្យតារាចម្រៀងស្រីរូបនេះ ព្រមធ្វើតាមអ្វីដែលបងប្អូនរបស់នាង ឲ្យធ្វើ ដោយក្នុងវីដេអូនោះ គេសង្កេតឃើញថា ពេជ្រ សោភា បង្ហាញសកម្មភាព ច្រៀងផង រ៉េបផង ថែមទាំងរាំផង ទាំងខ្លួនខ្លាច សត្វជីងចក់ ឡើងញ័រពេញខ្លួន។ ចង់ដឹងថា តារាចម្រៀង ពេជ្រ សោភា ខ្លាចសត្វជីងចក់ឡើងញ័រ ដល់ថ្នាក់ណានោះ សូមប្រិយមិត្តទស្សនិកជន ទស្សនាវីដេអូទាំងអស់គ្នា៖

ដោយសារតែមូលហេតុមួយនេះ ទើបRain និងភរិយា មិនដែលបង្ហាញព័ត៌មានទាក់ទងពីកូនស្រីដំបូងរបស់ខ្លួន

ថ្ងៃទី ២១ ខែ កុម្ភះ ឆ្នាំ ២០១៩ ម៉ោង ១១:០៤

កូរ៉េខាងត្បូង៖ កាលពីឆ្នាំ២០១៧ តារាសម្ដែងស្រី Kim Tae Hee បានផ្ដល់កំណើតដល់កូនស្រីម្នាក់របស់ខ្លួនជាមួយនឹងលោក Rain បន្ទាប់ពីតារាប្រុសស្រីទាំងពីរបានរៀបអាពាហ៍ពិពាហ៍។ ក្នុងការផ្ដល់កំណើតដល់កូនស្រីដំបូងរបស់ក្រុមគ្រួសារតារាដ៏ល្បីល្បាញរបស់កូរ៉េមួយគូនេះ មកដល់ពេលនេះ អ្នកទាំងពីរ មិនដែលបើកចំហអំពីព័ត៌មាន និងរូបភាពទាក់ទងនឹងកូនស្រីរបស់ពួកគេ មួយសន្លឹកឡើយជាសាធារណៈ។ខណៈដែល Rain លោកបានធ្វើការបង្ហាញខ្លួន ក្នុងឱកាសសន្និសីទសារព័ត៌មាន ខ្សែភាពយន្តដែលលោក បានថតសម្ដែងកាលពីម្សិលមិញនេះ ក៏មានសំណួរជាច្រើនបានចោតសួរទៅកាន់តារាប្រុសរូបនេះ អំពីមូលហេតុអ្វីដែលប្ដីប្រពន្ធពួកគេ លាក់បាំងព័ត៌មានកូនស្រីដំបូងរបស់ខ្លួន មិនឱ្យលេចធ្លាយជាសាធារណៈ។ដើម្បីជាការឆ្លើយអំពីចម្ងល់ដែលបានងឿងឆ្ងល់អស់រយៈពេលជាយូរហើយដែរ Rain លោកក៏បានបញ្ជាក់អំពីបញ្ហានេះ នៅចំពោះមុខក្រុមអ្នកសារព័ត៌មានឱ្យដឹងថា លោកបានផ្លាស់ប្ដូរច្រើន បន្ទាប់ពីខ្លួនបានរៀបការ និងមានកូនហើយ។ សម្រាប់សេចក្ដីសុខ និងសុភមង្គល បើនិយាយនៅពេលនេះ បំណងប្រាថ្នារបស់ក្រុមគ្រួសាររបស់លោក គឺជាសន្ដិភាព ដោយសារតែពិភពលោកនេះ មានរឿងគួរឱ្យភ័យខ្លាចច្រើនណាស់ ប្រសិនបើលោក បង្ហាញដោយចំហអំពីអ្វីដែលទាក់ទងនឹងកូនស្រីរបស់ខ្លួន នៅលើប្រព័ន្ធផ្សព្វផ្សាយ។Rain បានបន្តថា " ដោយសារតែលោក មិនចង់ឱ្យប៉ះពាល់ដល់ក្រុមគ្រួសារ ទើបលោកសម្រេចបង្កើតរនាំងមួយ រវាងការងារ និងជីវិតគ្រួសារផ្ទាល់ ដោយលោកបានជ្រើសរើសយកការងាររបស់លោក ដោយមិនចង់ចែករំលែកព័ត៌មានអ្វីច្រើនពេកពីគ្រួសារ ដែលលោកតែងតែយកចិត្តទុកដាក់គ្រប់ពេល គ្រប់ស្ថានភាពទាំងអស់នោះទេ។ មនុស្សភាគច្រើន អាចនឹងមានការយល់ច្រឡំលើគ្រួសាររបស់លោក ដោយសារតែ លោក ជាអ្នកល្បីល្បាញម្នាក់ក្នុងវិស័យសិល្បៈ ពេលខ្លះពួកគេ អាចយកលោក និយាយលេងសើចបាន ប៉ុន្តែលោក មិនអាចអោយគេ បោះពាក្យសម្ដីប៉ះពាល់លើគ្រួសារលោកបានទេ"។ ទាំងនេះ ជាសម្ដីរបស់ Rain ដោយបានអះអាងពីគំនិតផ្ទាល់របស់បុរស ជាមេគ្រួសារ បន្ទាប់ពីបានរៀបការហើយ។

ហេតុតែ Jungkook ជាបុរសសង្ហា សូម្បីតែការគេង ក៏អាចធ្វើឲ្យអ្នកគាំទ្ររង្គើចិត្តបានដែរ

ថ្ងៃទី ២០ ខែ កុម្ភះ ឆ្នាំ ២០១៩ ម៉ោង ១៦:៣២

កូរ៉េខាងត្បូង៖ តារាចម្រៀងប្រុស Jungkook សមាជិករបស់ BTS ដែលត្រូវបានអ្នកគាំទ្រភាគច្រើនហៅថា "Golden Maknae" នៃ BTS ដ៏ល្បីល្បាញក្នុងវិស័យកម្សាន្តរបស់ Kpop។ Jungkook តារាប្រុសស្អាតសង្ហា ក្នុងចំណោមសមាជិកទាំង ៧ របស់BTS រូបនេះ ជាធម្មតា លោកតែងតែទទួលបានការចាប់អារម្មណ៍មិនដាច់ពីក្រុមអ្នកគាំទ្រ តាមរយៈសកម្មភាពតិចតួចក្រៅឆាក ដែលហ្វេនៗរបស់ BTS ចង់ដឹងនិងទស្សនាជារៀងរាល់ថ្ងៃ។Jungkook លោកពិតជាសក្ដិសមបំផុត ដែលទទួលបានចំណាត់ថ្នាក់តារាប្រុសសង្ហា ទូទាំងពិភពលោក ព្រោះថា មិនថាក្នុងសភាពបែបណាក៏ដោយ តារាប្រុសរូបនេះ នៅតែរក្សាបាននូវភាពទាក់ទាញ ស្អាតគួរឲ្យចាប់អារម្មណ៍ សូម្បីតែពេលដែលលោក គេងលក់ភ្លេចខ្លួន ត្រូវសមាជិកក្រុមលួចផ្ដិតយកបាន ចែករំលែកច្រើនជាបន្តបន្ទាប់ រាល់ពេលដែលលោក គេងលក់ភ្លេចខ្លួនម្ដងៗក៏នៅតែមើលទៅគួរឲ្យស្រឡាញ់។

Go Junhee ជាតារាស្រីបន្ទាប់ ដែលចាកចេញពី YG Entertainment

ថ្ងៃទី ២០ ខែ កុម្ភះ ឆ្នាំ ២០១៩ ម៉ោង ១៥:០៧

កូរ៉េខាងត្បូង៖ នៅថ្ងៃទី២០ ខែកុម្ភៈនេះ មានសេចក្ដីរាយការណ៍មួយបានឲ្យដឹងថា កិច្ចសន្យាផ្តាច់មុខរបស់តារាម៉ូឌែល និងសម្ដែងស្រី Go Junhee ជាមួយ YG Entertainment ត្រូវបញ្ចប់ នៅក្នុងខែនេះ។គួររម្លឹកថា Go Junhee តារាស្រីរូបនេះ បានចូលជាសមាជិករបស់ YG Entertainment កាលពីឆ្នាំ២០១៧ និងបានធ្វើការចេញផ្សព្វផ្សាយយ៉ាងសកម្មចាប់តាំងពីពេលនោះមក ផងដែរ។ ទោះបីជាយ៉ាងណា នាងក៏មិនបានជ្រើសរើសបន្តកិច្ចសន្យាជាមួយនឹង YG តទៅទៀត ដោយសម្រេចចិត្តធ្វើជាតារាស្រីឯករាជ្យ។ទន្ទឹមនឹងនេះ តារាស្រី Go Junhee បច្ចុប្បន្ននាងក៏កំពុងតែ លេចវត្តមានរបស់ខ្លួន បង្ហាញជាតួឯកស្រីស្អាត ក្នុងខ្សែភាពយន្ត "Possessed" របស់ OCNផងដែរ។

Rain និង Kang Sora បង្ហាញវត្តមានរួមគ្នាម្ដងនេះ ទទួលបានការចាប់អារម្មណ៍ពីអ្នកគាំទ្រផ្សេងៗគ្នា

ថ្ងៃទី ២០ ខែ កុម្ភះ ឆ្នាំ ២០១៩ ម៉ោង ១១:៣៥

កូរ៉េខាងត្បូង៖ កាលពីថ្ងៃទី១៩ ខែកុម្ភៈនេះ កំពូលតារាប្រុសកូរ៉េដ៏ល្បីល្បាញ លោក Rain និងតារាស្រីកំពូលសម្រស់ Kang Sora បានក្លាយជាចំណុចផ្តោតសំខាន់មួយនៃសន្និសីទសារព័ត៌មាន ក្នុងការចាប់ផ្តើមថតសម្ដែងខ្សែភាពយន្តថ្មីរួមគ្នា ដោយបង្ហាញវត្តមានរបស់អ្នកទាំងពីរ នៅឯរោងភាពយន្ត Yongsan ទីក្រុងសេអ៊ូល។ដើម្បីជៀសវាងពាក្យចចាមអារ៉ាម សាកសួរទាក់ទងអំពី Kim Tae Hee ជាភរិយារបស់លោក Rain តារាប្រុសរូបនេះ បានទាក់ទាញការចំណាប់អារម្មណ៍ពីបណ្ដាលអ្នកសារព័ត៌មាន និងអ្នកគាំទ្រនៅទីនោះ ជាមួយនឹងការរៀបចំខ្លួនយ៉ាងសង្ហា និងទាន់សម័យជាទីបំផុត។ ទន្ទឹមនឹងនេះ តារាស្រីស្អាត Kang Sora ផងដែរ បន្ទាប់ពីបានបង្ហាញវត្តមានស្រស់ស្អាត និងការចាប់អារម្មណ៍ខ្លាំងពីអ្នកគាំទ្រ ជាមួយនឹងឈុតរ៉ូបសម្លៀកបំពាក់ខ្លីស្អាតទាក់ទាញរបស់តារាស្រីរូបនេះ ជាពិសេស ជើងដ៏វែងស្រឡូន ដែលទាំងអស់គ្នាស្ទើរមិនគួរអោយជឿ។