trollkhmer news

កម្សាន្ត

ទីបំផុត! សំណុំរឿងក្ដីរបស់ Yang Hyun Suk ត្រូវបញ្ជូនទៅកាត់ទោស ហើយពេលនេះ ប៉ូលិសកំពុងស៊ើបអង្កេតបន្តលើករណីអាគាររបស់ Daesung

ថ្ងៃទី ០៣ ខែ កញ្ញា ឆ្នាំ ២០១៩ ម៉ោង ១១:៣៤

កូរ៉េខាងត្បូង៖ សំណុំរឿងក្ដីរបស់អតីតនាយកប្រតិបត្តិរបស់ផលិតកម្ម YG លោក Yang Hyun Suk ត្រូវបានគេរំពឹងទុកថា នឹងត្រូវកាត់ទោសនៅចុងខែកញ្ញា ដើមខែតុលា ឆាប់ៗនេះ។នេះបើយោងតាមរយៈមន្រ្តីប៉ូលិសម្នាក់មកពីភ្នាក់ងារប៉ូលិសក្រុងសេអ៊ូល បានបង្ហើបនៅក្នុងសន្និសីទកាសែតនៅថ្ងៃទី ២ កញ្ញា ឲ្យដឹងថា៖ «លក្ខន្តិកៈនៃការដាក់កម្រិតលើករណី ពេស្យាចារ ដែលបានចោទប្រកាន់ទៅកាន់ លោក Yang Hyun Suk នឹងផុតសុពលភាព នៅចុងខែកញ្ញា ដើមខែតុលានេះហើយ។ ពួកយើង នឹងបញ្ចប់ការត្រួតពិនិត្យមើលឡើងវិញនូវទិន្នន័យសុវត្ថិភាព តាមរយៈសេចក្តីថ្លែងការណ៍របស់លោក Yang ហើយបញ្ជូនករណីនេះទៅកាត់ទោស តាមផ្លូវច្បាប់»។មន្ត្រីរូបនោះ ក៏បានបង្ហើបបន្តឲ្យដឹងថា៖ «ពួកយើងបានកំណត់មុខសញ្ញា និងសាកសួរចម្លើយមនុស្ស ១០ នាក់រួចមកហើយ ក្នុងនោះ មាននិយោជក ៥ នាក់ ជុំវិញលើការចោទប្រកាន់ ទៅលើមជ្ឈមណ្ឌលកម្សាន្តអាថ៌កំបាំងមួយកន្លែង ដែលកំពុងបើកដំណើរការ នៅអគារមួយនៅភាគខាងត្បូងនៃទីក្រុងសេអ៊ូល គ្រប់គ្រងដោយសមាជិកក្រុម Big Bang គឺលោក Daesung»។ប៉ូលិសកំពុងតែធ្វើការវិភាគលើវីដេអូរបស់ CCTV, កុំព្យូទ័រយួរដៃ និងទូរស័ព្ទដៃ ដែលបានទទួលការឆ្មក់ចូល ក៏ដូចជាតាមដានលើគណនីធនាគារផងដែរ។នៅពេលនោះដែរ ក៏មានសំណួរបានសួរទៅកាន់មន្រ្តីប៉ូលីសថា តើកំពុងតាមដានគណនីធនាគាររបស់ Daesung ផ្ទាល់ដែរឬទេ? ចម្លើយរបស់មន្រ្តីប៉ូលីស បាននិយាយថា "យើងកំពុងតាមដានគណនីទាំងអស់ ដែលចាំបាច់សម្រាប់ការស៊ើបអង្កេតជាបន្តបន្ទាប់"៕

អ្នកគាំទ្រទប់ចិត្តរំភើបមិនបាន! ក្រោយបានឃើញរូបថ្មីរបស់ Key សមាជិក SHINee ជាយោធា យ៉ាងស្រស់សង្ហា

ថ្ងៃទី ០៣ ខែ កញ្ញា ឆ្នាំ ២០១៩ ម៉ោង ១០:២៥

កូរ៉េខាងត្បូង៖ កាលពីខែមីនា កន្លងទៅនេះ តារាចម្រៀងប្រុស Key សមាជិករបស់ក្រុម SHINee បានចូលបម្រើការងារ ក្នុងជួរយោធាដោយបានបំពេញកាតព្វកិច្ច និងពេលវេលាបម្រើយោធាជូនដល់ប្រទេសជាតិរបស់លោក។ បច្ចុប្បន្ននេះ តារាប្រុសរូបនេះ ត្រូវបានគេដឹងថា លោក កំពុងមានតួនាទីយ៉ាងសកម្ម និងចូលរួមសកម្មភាពសម្ដែងនៅក្នុងព្រឹត្តិការណ៍ផ្សេងៗដែលជាផ្នែកមួយនៃក្រុមយោធា ដោយសកម្មភាពរបស់លោកជាច្រើន រួមជាមួយលោក Changsub សមាជិករបស់ក្រុម BTOB ត្រូវបានចែកចាយផ្ដល់ទៅកាន់ក្រុមអ្នកគាំទ្ររបស់លោកឱ្យបានឃើញផងដែរ។ដូចជាកាលពីថ្មីៗនេះ គ្រប់គ្នាបានប្រទះឃើញរូបភាពសន្លឹកថ្មីរបស់ Key ថតរួមជាមួយនឹងមិត្តរួមការងារ ជាទាហាន បង្ហោះនៅលើបណ្ដាញសង្គម។ នៅក្នុងរូបភាពទាំងនេះ បានធ្វើឲ្យអ្នកគាំទ្រ និងអ្នកនិយមលេងអ៊ីនធឺណេត មិនអាចទប់ចិត្តរំភើប បាននោះទេ ក្រោយបានឃើញរូបរបស់អាយដលសំណព្វចិត្តរបស់ពួកគេ ស្អាតយ៉ាងស្រស់សង្ហា ក្នុងឯកសណ្ឋានមុខងាររបស់លោក។ គួរបញ្ជាក់ផងដែរថា សម្រាប់ថ្ងៃបរិច្ឆេទកំណត់ពីការចាកចេញរបស់ Key ពីការបម្រើយោធា គឺនៅក្នុងឆ្នាំ ២០២០៕

Soohyun របស់ក្រុម U-Kiss ត្រៀមផ្សព្វផ្សាយអាល់ប៊ុមទោលដំបូង ក្រោយរំសាយចេញពីយោធា

ថ្ងៃទី ០២ ខែ កញ្ញា ឆ្នាំ ២០១៩ ម៉ោង ១៧:១៤

កូរ៉េខាងត្បូង៖ កាលពីថ្ងៃទី១ កញ្ញានេះ លោក Soohyun របស់ក្រុម U-Kiss ត្រូវបានរំសាយចេញពីការបំពេញកាតព្វកិច្ចយោធាជាផ្លូវការហើយ។ដោយបានបង្ហាញទិដ្ឋភាពទាំងស្រុងនៅលើគណនី Instagram ផ្ទាល់របស់តារាប្រុសរូបនេះ ជាមួយនឹងក្រុមអ្នកគាំទ្រជាច្រើនរបស់លោក ដែលរង់ចាំទទួលអបអរសាទរការវិលត្រឡប់មកវិញរបស់ Soohyun ក្នុងថ្ងៃនោះផងដែរ។ដើម្បីជំនួសការអរគុណ និងប៉ះប៉ូវសងជាកម្លាំងចិត្តដល់ក្រុមអ្នកគាំទ្ររបស់លោក ដែលរង់ចាំអស់រយៈពេលជាង ២ឆ្នាំ នាកន្លងមក។ Soohyun បានគ្រោងនឹងផ្តោតលើសកម្មភាពតន្រ្តីទោលរបស់លោក ដើម្បីជាការស្វាគមន៍ការវិលត្រឡប់មកវិញរបស់ខ្លួន។

ខែកញ្ញា បានមកដល់! តើតារាស្រីរបស់ K-Pop រូបណាខ្លះ ដែលកើតក្នុងខែនេះ

ថ្ងៃទី ០២ ខែ កញ្ញា ឆ្នាំ ២០១៩ ម៉ោង ១៥:២៤

កូរ៉េខាងត្បូង៖ រដូវក្តៅបានកន្លងផុតទៅ ហើយរដូវស្លឹកឈើជ្រុះក៏បានមកដល់។ រដូវស្លឹកឈើជ្រុះ ត្រូវបានគេស្គាល់ថាជារដូវកាលមួយដែលមានបរិយាកាសរ៉ូមែនទិកបំផុត ជាមួយនឹងខ្យល់អាកាសត្រជាក់បរិសុទ្ធ។ ដើម្បីជាការស្វាគមន៍រដូវស្លឹកឈើជ្រុះនៅក្នុងប្រទេសកូរ៉េ ថ្ងៃនេះ យើងក៏បានប្រមូលផ្គុំវត្តមានរបស់តារាស្រីរបស់ K-Pop មួយចំនួន ដែលមានថ្ងៃខួបកំណើត នៅក្នុងខែកញ្ញា នេះ។ចង់ដឹងថា ជាតារាស្រីស្អាត ស្ថិតនៅក្នុងក្រុមចម្រៀងរូបណាខ្លះ តាមដានទស្សនាខាងក្រោមនេះ៖ ១. Ahn Yujin សមាជិក IZ*ONE ថ្ងៃ ១ កញ្ញា ២. Joy សមាជិក Red Velvet's ថ្ងៃទី៣ កញ្ញា ៣. Binnie សមាជិក OH MY GIRL ថ្ងៃទី ៩ កញ្ញា ៤. Amber សមាជិក f(x) ថ្ងៃទី ១៨ កញ្ញា ៥. Hyoyeon សមាជិក Girls' Generation ថ្ងៃទី ២២ កញ្ញា ៦. Nayeon សមាជិក TWICE ថ្ងៃទី ២២ កញ្ញា ៧. Yuqi សមាជិក (G)I-DLE ថ្ងៃទី ២៣ កញ្ញា ៨. Mijoo សមាជិក Lovelyz ថ្ងៃទី ២៣ កញ្ញា ៩. Kwon Eunbi សមាជិក IZ*ONE ថ្ងៃទី ២៧ កញ្ញា១០. Choi Yena សមាជិក IZ*ONE ថ្ងៃទី ២៩ កញ្ញា  

ដើរបង្ហញម៉ូដលើកនេះ! Taew ប្លែកទាំងស្រុង ក្នុងឈុតពណ៌ខ្មៅភ្លឺចាំងយ៉ាងសិចស៊ី

ថ្ងៃទី ០២ ខែ កញ្ញា ឆ្នាំ ២០១៩ ម៉ោង ១២:៤៥

ថៃ៖ មួយរយៈចុងក្រោយនេះ សង្កេតឃើញតារាសម្ដែងស្រីប្រជាប្រិយភាព Taew Nathaphon កំពុងដូចជាមមាញឹកខ្លាំងក្នុងវិស័យឧស្សាហកម្មកម្សាន្ត ក្នុងការថតសម្ដែងរឿងភាគថ្មីៗបន្តបន្ទាប់ និងចូលរួមជាតារាកិត្តិយសពិសេសក្នុងព្រឹត្តិការណ៍ផ្សេងៗទាក់ទងនឹងសិល្បៈជាច្រើន។រហូតធ្វើឲ្យអ្នកគាំទ្រមួយចំនួនរបស់នាង មានការព្រួយបារម្ភអំពីសុខភាពរបស់តារាស្រីរូបនេះ ជាខ្លាំង ក្រោយបានឃើញថា Taew នាងហាក់ដូចជាស្រកទម្ងន់គួរកត់សម្គាល់ ដែលធ្វើឲ្យរាងកាយរបស់នាងមើលទៅកាន់តែស្គមច្រើនជាងមុន។ ទោះបីជាយ៉ាងណា កាលពីមុន តារាស្រីរូបនេះ នាងធ្លាប់បានឆ្លើយតប និងពាក្យអរគុណ ទៅកាន់អ្នកគ្រប់គ្នា ដែលតែងតែព្រួយបារម្ភពីសុខទុក្ខ និងបញ្ហាសុខភាពរបស់នាងកន្លងមក។ អ្វីទាំងនោះ គឺដោយសារតែ ការលំហាត់ប្រាណជាប្រចាំរបស់ខ្លួន ដើម្បីទទួលសាចដុំ និងសុខភាពល្អរឹងមាំ ហើយចំពោះសុខភាពរបស់នាង គឺល្អប្រសើរដូចធម្មតាទេ។ហើយថ្មីៗនេះ តារាស្រីរូបនេះ ក៏បានលេចវត្តមាននៅលើឆាកបង្ហាញម៉ូដលំដាប់មួយផងដែរ សម្រាប់ការដើរម៉ូដអោយម៉ាកសម្លៀកបំពាក់របស់ Landmee។ ឈុតពណ៌ខ្មៅភ្លឺចែងចាំងចុងក្រោយ ដែលតារាស្រី Taew បានស្លៀកបង្ហាញក្នុងពេលបិទកម្មវិធីនោះ បានធ្វើឲ្យមនុស្សម្នាជាច្រើន ស្រឡាំងកាំង និងមានសូរទះដៃយ៉ាងលាន់រំពង នាំគ្នាសរសើរហើយសរសើរទៀតថា នាងពិតជាសិចស៊ី ទាក់ទាញ ប្លែកភ្នែកប្លែកអារម្មណ៍យ៉ាងខ្លាំង។

Lisa ចេញដំណើរទៅកាន់ទឹកដីកំណើតម្ដងនេះ មានការចាប់អារម្មណ៍ខ្លាំងពីអ្នកគាំទ្រ

ថ្ងៃទី ០២ ខែ កញ្ញា ឆ្នាំ ២០១៩ ម៉ោង ១១:១៩

កូរ៉េខាងត្បូង៖ កាលពីថ្មីៗនេះ តារាចម្រៀងស្រី Lisa សមាជិកក្រុម BLACKPINK នៅលើបណ្ដាញអ៊ីនធឺណេត ក៏ដូចជាក្រុមអ្នកគាំទ្រសមាគមន៍អនឡាញផ្តោតការចាប់អារម្មណ៍ទៅលើរូបនាង ខណៈការបង្ហាញវត្តមាននៅឯព្រលានយន្តហោះ តែម្នាក់ឯងប៉ុណ្ណោះ ធ្វើដំណើរទៅកាន់ប្រទេសថៃ ដែលជាប្រទេសកំណើតរបស់នាង។Lisa សមាជិកក្រុម BLACKPINK មើលទៅនាង នៅពេលនោះ ពិតជារៀបចំតុបតែងខ្លួនបានយ៉ាងស្រស់ស្អាត ជាមួយនឹងសំពត់វែង កម្រនឹងឃើញ ដោយស្អាតប្លែកភ្នែក និងគួរឲ្យចាប់អារម្មណ៍។ក្រឡែកមើលមកទឹកមុខរបស់តារាស្រីរូបនេះវិញ ស្នាមញញឹមគួរឲ្យស្រឡាញ់ និងភាពរីករាយ ពោញដោយថាមពល សម្ដែងភាពរាក់ទាក់ទៅកាន់ក្រុមអ្នកគាំទ្រជាច្រើនរបស់នាងនៅទីនោះ។

អាយដលទាំង១២ រូបដែលមើលទៅសង្ហាមែនទែនក្នុងឯកសណ្ឋានយោធា

ថ្ងៃទី ៣១ ខែ សីហា ឆ្នាំ ២០១៩ ម៉ោង ១២:២១

បុរសទាំងងអស់នៅកូរ៉េខាងត្បូង ត្រូវតម្រូវឱ្យបំពេញកាតព្វកិច្ចយោធារយៈពេល ២ឆ្នាំ។  នេះមានន័យថា អ្នកគាំទ្រ ត្រូវឃ្លាតឆ្ងាយពីអាយដលរបស់ពួកគេរយៈពេលយូរ។ ហើយយូរៗម្ដង ពួកគេបានបង្ហាញវត្តមាននៅលើបណ្ដាញសង្គម។អាយដលទាំងនោះ បានចែករំលែកថាតើពួកគេសាកសមប៉ុនណាជាមួយនឹងឯកសណ្ឋានយោធា។ ខាងក្រោមនេះ គឺអាយដលទាំង ១២រូប ជាមួយនឹងឯកសណ្ឋានយោធារបស់ពួកគេ៖១. N សមាជិកក្រុម VIXX២. Ryeowook សមាជិកក្រុម Super Junior ៣. Onew សមាជិកក្រុម SHINee៤. Changsub សមាជិកក្រុម BTOB៥. Eunkwang សមាជិកក្រុម BTOB៦. Minhyuk សមាជិកក្រុម BTOB៧. Xiumin សមាជិកក្រុម EXO៨. D.O សមាជិកក្រុម EXO៩. Doojoon សមាជិកក្រុម HIGHLIGHT១០. Dongwoon សមាជិកក្រុម HIGHLIGHT១១. Sunggyu សមាជិកក្រុម INFINITE១២. Taecyeon សមាជិកក្រុម 2PM

តារា K-Pop ៥ រូប ដែលនឹងឈានចូលវ័យ៣០ នៅឆ្នាំក្រោយហើយ ប៉ុន្តែសម្រស់វិញ មិនបាច់និយាយ

ថ្ងៃទី ៣១ ខែ សីហា ឆ្នាំ ២០១៩ ម៉ោង ១១:១៥

កូរ៉េខាងត្បូង៖ នៅតែសល់ ៤ ខែទៀតប៉ុណ្ណោះ ក្នុងឆ្នាំ ២០១៩ សម្រាប់អ្នកដែលកើតនៅឆ្នាំ ១៩៩១ គឺឈានចូលដល់អាយុ ៣០ ឆ្នាំហើយនៅឆ្នាំក្រោយ។ ហើយក្នុងនោះ ក៏មានតារាចម្រៀងស្រីមួយចំនួនរបស់ K-Pop ដែលត្រូវបានអ្នកគាំទ្រដាក់រហ័សនាមថាជា Idol "មុខវ័យក្មេង" នោះ អ្នកទាំងនេះ ក៏នឹងត្រៀមខ្លួនទទួលបានអាយុកើនឡើងមួយឆ្នាំទៀតរបស់ពួកគេ ផងដែរ។ប៉ុន្តែបើនិយាយអំពីរូបសម្រស់របស់តារាស្រី ៥ រូបខាងក្រោមនេះ គឺពិតជាមិនគួរឲ្យជឿនោះទេថា ពួកគេ មានអាយុ ក្បែរ ៣០ឆ្នាំ ទៅហើយ។ Irene មេក្រុមរបស់ Red VelvetSeohyun សមាជិកក្រុម Girls GenerationPark Chorong សមាជិកក្រុម A PinkSolar សមាជិកក្រុម MAMAMOONana សមាជិកក្រុម After School

Taemin សមាជិកក្រុម SHINee ធ្វើឲ្យហ្វេននារីមួយចំនួនសុំចាញ់ ព្រោះតែជើងវែងស្អាតរបស់លោក

ថ្ងៃទី ៣១ ខែ សីហា ឆ្នាំ ២០១៩ ម៉ោង ១០:២៧

កូរ៉េខាងត្បូង៖ ថ្មីៗនេះ Taemin សមាជិកក្រុម SHINee កំពុងតែមមាញឹក ជាមួយនឹងការប្រគំតន្ត្រីនៅក្រៅប្រទេស និងព្រឹត្តិការណ៍ផ្សេងៗដទៃទៀត។ ហើយការចាកចេញទៅក្រៅប្រទេសជាញឹកញាប់របស់លោក បានទាក់ទាញចំណាប់អារម្មណ៍របស់អ្នកគាំទ្រយ៉ាងខ្លាំង រាល់ពេលដែលលោក បង្ហាញខ្លួននៅអាកាសយានដ្ឋាន។អ្វីដែលលេចធ្លោរបស់ Taemin សម្រាប់អ្នកគាំទ្រ គឺមិនមែនជាមុខមាត់សង្ហារបស់លោកនោះទេ ប៉ុន្តែជាជើងវែងដ៏ស្រឡូនរបស់លោកទៅវិញទេ ដែលធ្វើអោយគ្រប់គ្នាតាមសម្លឹងមិនដាក់ភ្នែក ជាពិសេសនៅពេលដែលតារាប្រុសរូបនេះ ទីនុយជាមួយនឹងខោខូវប៊យ ឃើញថា ជើងវែងស្រឡូនរបស់លោក ដែលមើលទៅស្អាតជាងមនុស្សស្រីភាគច្រើនទៅទៀត។ទោះជាយ៉ាងណាក៏មានអ្នកនិយមលេងអ៊ីនធឺណេតមួយចំនួន បានបង្ហាញពីប្រតិកម្មផ្សេងៗពីគ្នារបស់គេ ទៅលើជើងស្រឡូនស្អាតរបស់ Taemin បង្វែរប្រធានបទជាបារម្ភសុខភាពរបស់លោក ទៅវិញ៕