trollkhmer news

កម្សាន្ត

Hwasa សមាជិក MAMAMOO សុខចិត្តចំណាយលុយផ្ទាល់ខ្លួន ទិញកាដូជូនក្រុមការងារ សម្រាប់ឆ្នាំថ្មី

ថ្ងៃទី ១៤ ខែ មករា ឆ្នាំ ២០២០ ម៉ោង ១១:៤៩

កូរ៉េខាងត្បូង៖ ពិតជាគួរឲ្យសរសើរពីទឹកចិត្ត ស្រឡាញ់ក្រុមការងាររបស់តារាចម្រៀង Hwasa សមាជិករបស់ MAMAMOO យ៉ាងខ្លាំង ដែលបានផ្ដល់ជាកាដូឆ្នាំថ្មីដល់ក្រុមការងារ ជាកាបូបម៉ាកល្បីប្រណិតៗ ដោយចំណាយប្រាក់ផ្ទាល់ខ្លួន សម្រាប់ឆ្នាំថ្មីនេះ។កាលពីថ្មីៗនេះ បន្ទាប់ពីតារាចម្រៀងវ័យក្មេងរូបនេះ បានបញ្ចប់ការសម្ដែងទោលរបស់ខ្លួន នៅឆាកកម្មវិធី 'Gaon Music Awards' លើកទី ៩ ភ្លាម នាងក៏បានថ្លែងអំណរគុណដល់ក្រុមការងារ និងក្រុមរាំផ្ទាល់ សម្រាប់ការខិតខំរួមគ្នារបស់ពួកគេ។ដោយឃើញមានអំណោយជាកាដូជាច្រើន សុទ្ធសឹងជារបស់ម៉ាកល្បីផ្សេងៗគ្នា ផ្ដល់ជូនដល់អ្នករាល់គ្នា។ 

Kyuhyun សមាជិក Super Junior បង្ហាញរូបក្មួយតូចៗគួរឲ្យក្នាញ់លើកដំបូង នៅលើបណ្ដាញសង្គម

ថ្ងៃទី ១៤ ខែ មករា ឆ្នាំ ២០២០ ម៉ោង ១០:០១

កូរ៉េខាងត្បូង៖ លោក Kyuhyun សមាជិកក្រុម Super Junior ត្រូវបានគេប្រទះឃើញ នៅលើអ៊ីនធឺណេតនូវរូបថតមួយចំនួនរបស់លោក ជាមួយនឹងក្មួយៗទាំងពីរគួរឲ្យក្នាញ់ កាលពីថ្ងៃទី ១៣ ខែមករា ឆ្នាំ ២០២០ ម្សិលមិញនេះ។តារាចម្រៀងប្រុស ដែលជាអាយដលសម្បូរប្រជាប្រិយភាពរូបនេះ បានបង្ហោះរូបថតសន្លឹកជាច្រើន នៅលើគណនី Instagram ផ្ទាល់របស់លោក ដោយបានសរសេរ “ អបអរថ្ងៃកំណើតដំបូងក្មួយៗរបស់ខ្ញុំ” ពិតជាកម្រនឹងបានឃើញ លោក បង្ហាញទាក់ទងសមាជិកក្នុងគ្រួសារសាច់ញាតិ ពីមុនមកណាស់។ជាមួយនឹងរូបថតទាំងនោះដែរ Kyuhyun លោក ត្រូវបានអ្នកគាំទ្រចាប់អារម្មណ៍ ដោយបង្ហាញពីក្ដីស្រឡាញ់ និងមោទនភាព ទៅកាន់ក្មួយប្រុសរបស់លោក និងបានបំពេញតួនាទី ជាលោកពូ ក៏ដូចជាសមាជិកគ្រួសាររបស់ក្មេងៗទាំងពីរ ផងដែរ។

Lisa ធ្វើឲ្យអ្នកគាំទ្រព្រួយបារម្ភ ក្រោយប្រទះឃើញ ស្លៀកឈុតធម្មតា ខណៈធាតុអាកាសចុះត្រជាក់

ថ្ងៃទី ១៣ ខែ មករា ឆ្នាំ ២០២០ ម៉ោង ១៥:២៤

កូរ៉េខាងត្បូង៖ នៅរសៀលថ្ងៃទី ១៣ ខែមករានេះ សមាជិកក្រុមរបស់ BLACKPINK ទាំង ៤ ត្រូវបានគេ ប្រទះឃើញនៅអាកាសយានដ្ឋានអន្តរជាតិអ៊ិនឈុន ក្នុងប្រទេសកូរ៉េខាងត្បូង ឆ្ពោះដំណើរទៅកាន់ប្រទេសឥណ្ឌូនេស៊ី ដើម្បីចូលរួមកម្មវិធី 'BLACKPINK Fanmeeting with Samsung'។ សង្កេតឃើញថា ទោះបីអាកាសធាតុត្រជាក់យ៉ាងណាក៏ Lisa នាង នៅតែស្លៀកឈុតសម្លៀកបំពាក់ស្ដើងធម្មតា ជាមួយនឹងអាវក្រៅដៃវែង ម៉ាក CELINE ដែលធ្វើឲ្យអ្នកគាំទ្រមួយចំនួនបង្ហាញភាពការព្រួយបារម្ភចំពោះសុខភាពរបស់នាង។មានវីដេអូខាងក្រោមនេះ៖

បុគ្គលិកព្រលានយន្តហោះវៀតណាមម្នាក់ ត្រូវបានបណ្តេញចេញ ដោយសារលួចថតលិខិតឆ្លងដែនរបស់សមាជិក EXO

ថ្ងៃទី ១៣ ខែ មករា ឆ្នាំ ២០២០ ម៉ោង ១១:២៩

កាលពីថ្ងៃទី ១១ ខែមករា មានព័ត៌មានដែលបានចុះផ្សាយអំពីការលេចធ្លាយរូបថតលិខិតឆ្លងដែនរបស់សមាជិក EXO លោក Sehun និងលោក Chanyeol នៅលើគេហទំព័រផេកផ្សព្វផ្សាយមួយចំនួន។ដោយរូបទាំងនេះ ត្រូវបានគេរាយការណ៍មកថា វាត្រូវបានបែកធ្លាយដោយបុគ្គលិកដែលធ្វើការក្នុងព្រលានម្នាក់ នៅប្រទេសវៀតណាម ជាអ្នកលួចថត និងផ្ញើទៅអោយមិត្តភក្តិរបស់ពួកគេ ដែលជាអ្នកគាំទ្ររបស់ EXO  បន្ទាប់មកបានចែករំលែកពាសពេញនៅលើបណ្ដាញសង្គមយ៉ាងឆាប់រហ័ស។ នេះបើយោងតាមពាក្យសម្ដីរបស់បុគ្គលិករូបនេះផ្ទាល់ បានចេញមកធ្វើការសុំទោសជាសាធារណៈ នៅលើបណ្តាញសង្គម។ បន្ទាប់មកគណនីមួយនោះ ត្រូវបានលុបចោល ក្រោយពីបុគ្គលិកអាកាសយានដ្ឋានរូបនេះ ត្រូវបានឃាត់ខ្លួន ដើម្បីសាកសួរចម្លើយ។ តើប្រិយមិត្ត គិតយ៉ាងណាអំពីបញ្ហានេះ?

អាល់ប៊ុមរូបថតថ្មីរបស់ Lisa កំពុងទទួលការចាប់អារម្មណ៍ពីអ្នកគាំទ្រយ៉ាងខ្លាំង

ថ្ងៃទី ១១ ខែ មករា ឆ្នាំ ២០២០ ម៉ោង ១០:៥៣

Lisa តារាចម្រៀងរបស់សមាជិកក្រុម BLACKPINK ត្រូវបានអ្នកគាំទ្ររាប់លាននាក់បានដាក់រហ័សនាមថា “រាជនី Instagram” ដោយក្នុងគណនីផ្លូវការរបស់នាង មានចំនួនការគាំទ្រកើនឡើងរហូតជាង ២៨លាននាក់ ឯណោះ ពិតជាគួរឲ្យកោតសរសើរយ៉ាងខ្លាំង។សមាជិកវ័យក្មេងរបស់ BLACKPINK រូបនេះ នាងតែងទទួលបានការកោតសរសើរពីសំណាក់មហាជន ចំពោះមុខមាត់ដូចតុក្កតា និងរាងកាយស្ដង់ដាដ៏ឥតខ្ចោះរបស់នាង ដែលនារីៗប្រាថ្នាចង់បាន។ហើយថ្មីៗនេះដែរ Lisa នាងក៏បានបង្ហាញវត្តមានជាថ្មីម្ដងទៀត ក្នុងនាមជាតារាស្រីពេញនិយមបំផុតក្នុងវិស័យកម្សាន្ត របស់ Kpop ក្លាយជាអ្នកតំណាងម៉ាកល្បីៗ ថតផ្សព្វផ្សាយលើទស្សនាវដ្ដីម៉ូដរបស់ចិន ប្រចាំខែមករា ឆ្នាំ ២០២០នេះ។អ្វីដែលគួរឲ្យកត់សម្គាល់ជាមួយនឹងភាពលេចធ្លោររបស់តារាស្រីរូបនេះ ដែលធ្វើឱ្យអ្នកទស្សនាកោតសរសើរ មិនដាច់ពីមាត់ម្ដងហើយម្ដងទៀត ដោយសម្រស់ស្អាតបែបធម្មជាតិ មានចំណុចទាក់ទាញប្លែក ជាពិសេសចង្កេះតូច និងជើងវែងស្រឡូនទាំងគូរបស់នាង។

Seungri អតីតសមាជិកក្រុម Big Bang ប្រឈមនឹងការចាប់ខ្លួនជាថ្មី ៧ខែបន្ទាប់ពីតុលាការបដិសេធការស្នើសុំចាប់ខ្លួនដំបូងរបស់ប៉ូលីស

ថ្ងៃទី ១០ ខែ មករា ឆ្នាំ ២០២០ ម៉ោង ១២:១០

យោងតាមសេចក្តីរាយការណ៍របស់ប្រព័ន្ធផ្សព្វផ្សាយនៅថ្ងៃទី១០ ខែមករានេះ តំណាងអយ្យការនៃការិយាល័យព្រះរាជអាជ្ញាប្រចាំក្រុងសេអ៊ូល បានចេញដីកាចាប់ខ្លួនអតីតសមាជិកក្រុម Big Bang គឺលោក Seungri ជាថ្មីម្ដងទៀត។ ការចេញដីការចាប់ខ្លួនថ្មីនេះធ្វើឡើង ៧ខែ បន្ទាប់ពីតុលាការបានបដិសេធដីកាចាប់ខ្លួន Seungri ដំបូង ដែលបានស្នើសុំដោយប៉ូលីសមុនពេលមានការចូលរួមពីអយ្យការ។ ត្រលប់ទៅខែឧសភា ឆ្នាំ ២០១៩ ប៉ូលីសបានស្នើសុំដីកាចាប់ខ្លួន Seungri ពីបទចោទប្រកាន់រួមមានជំនួញពេស្យាចារ ការរំលោភច្បាប់អនាម័យចំណីអាហារ ការរំលោភច្បាប់ប្រតិបត្តិការអាជីវកម្ម និងការគេចពន្ធ។ ដីកាចាប់ខ្លួនដំបូង ត្រូវបានបដិសេធជាហេតុនាំឱ្យរឿងក្ដីរបស់ Seungri ត្រូវបានបញ្ជូនបន្តទៅដំណាក់កាលអយ្យការដោយគ្មានការឃុំខ្លួន។ ឥឡូវនេះរដ្ឋអាជ្ញានឹងស្វែងរកការចោទប្រកាន់ Seungri ពីបទចោទប្រកាន់ជាច្រើនដែលធ្វើឡើងដោយប៉ូលីសខាងលើក៏ដូចជាការរំលោភបំពានផ្លូវភេទចំពោះការផ្សព្វផ្សាយរូបថតខុសច្បាប់របស់ជនរងគ្រោះស្រី ៣នាក់, ល្បែងស៊ីសងខុសច្បាប់, ការដោះដូររូបិយវត្ថុបរទេសខុសច្បាប់, បម្រើសេវាពេស្យាចារសម្រាប់ជនបរទេស និងច្រើនទៀត។ ដីកាចាប់ខ្លួនមានបទឧក្រិដ្ឋសរុបចំនួន ៧ ។តុលាការនឹងវាយតម្លៃដីកាចាប់ខ្លួនចុងក្រោយរបស់ Seungri នៅថ្ងៃទី ១៣ ខែមករានេះ៕

Justin Bieber អរគុណដល់ក្រុម BTS ដែលគាំទ្របទចម្រៀងថ្មី 'Yummy' របស់លោក

ថ្ងៃទី ១០ ខែ មករា ឆ្នាំ ២០២០ ម៉ោង ១១:៤១

កាលពីម្សិលមិញនេះ សង្កេតឃើញថា Jungkook សមាជិកក្រុម BTS បានយកគណនី Twitter ផ្លូវការរបស់ក្រុម ធ្វើការចែករំលែកតំណភ្ជាប់ទៅកាន់ MV បទចម្រៀងថ្មីរបស់ Justin Bieber មានចំណងជើងថា “ Yummy” ។ ដោយមានបន្ថែមជាសញ្ញាពីរ គួរឲ្យចាប់អារម្មណ៍ មានដូចជា សញ្ញាមេដៃ និងរូបបេះដូង។បន្តិចក្រោយមក ក៏បានឃើញគណនី Twitterផ្លូវការរបស់ Justin Bieber វិញម្ដង ដោយបានសរសេរពាក្យអរគុណ ទៅកាន់តារាប្រុសរូបនេះ ក៏ដូចជាក្រុម BTS ទាំង ៧ ផងដែរ។ គួររម្លឹកផងដែរថា កាលពីឆ្នាំមុន Justin Bieber បានធ្វើឱ្យមានការភ្ញាក់ផ្អើលដល់អ្នកគាំទ្រយ៉ាងខ្លាំង ដោយជូនពរ ថ្ងៃកំណើត របស់ Jungkook សមាជិកក្រុម BTS មើលទៅពួកគេ ហាក់ដូចជាកំពុងតែរក្សាមិត្តភាពដ៏ល្អជាមួយនឹងគ្នាហើយ។

ស្ងាត់យូរមកហើយ! ពេលនេះ Ahn Jae Hyun ស្រាប់តែបង្ហោះទំនុកច្រៀងមួយហាក់ដូចជាសំដៅទៅអតីតភរិយា

ថ្ងៃទី ០៨ ខែ មករា ឆ្នាំ ២០២០ ម៉ោង ១០:៥៦

កូរ៉េខាងត្បូង៖ បន្ទាប់ពីលេចធ្លាយដំណឹងលែងលះ រវាងប្ដីប្រពន្ធតារាសម្ដែងល្បីមួយគូរបស់តារាសម្ដែងកូរ៉េ អ្នកនាង Goo Hye Sun និងលោក Ahn Jae Hyun បានធ្វើឲ្យសាធារណជនមានការភ្ញាក់ផ្អើលជាខ្លាំង ព្រមទាំងនិយាយអំពីរឿងនៃអតីតស្វាមីរបស់អ្នកនាងរឿយៗ ខណៈដែលលោក Ahn Jae Hyun បែរជារក្សាភាពស្ងប់ស្ងៀមទៅវិញ។ក្រោយពីស្ងាត់អស់មួយរយៈ មិនយូរប៉ុន្មានតារាសម្ដែងប្រុសរូបនេះ ក៏បានបង្ហោះរូបភាពនៃទំនុកច្រៀង "Love Yourself" របស់ Justin Bieber ។ ហើយបទចម្រៀងមួយបទនេះដែរ គឺជាបទចម្រៀងដ៏មានប្រជាប្រិយភាព និងមានការគាំទ្រខ្លាំងបំផុត ដែលមានទស្សនិជនជាច្រើននិយមចូលចិត្តស្ដាប់។ ហើយទំនុកច្រៀងនៃបទចម្រៀងដែលតារាប្រុសរូបនេះ បានបង្ហោះ ត្រូវបានអ្នកគាំទ្រគិតថា ទំនុកច្រៀងនេះ ហាក់ដូចជាមានន័យសំដៅទៅ អតីតភរិយារបស់លោក។

ធ្លាប់តែឃើញ Jennie តែងខ្លួនបែបសិចស៊ី លើកនេះ ស្លៀកពាក់ជិតឈឹងប្លែកខុសសព្វមួយដង

ថ្ងៃទី ០៦ ខែ មករា ឆ្នាំ ២០២០ ម៉ោង ១៦:៥២

កូរ៉េខាងត្បូង៖ Jennie តែងតែធ្វើឱ្យមនុស្សកោតសរសើរពីរាងដ៏សិចស៊ី និងទាក់ទាញ មិនចេះរីងស្ងួតរបស់នាង រាល់ពេលដែលតារាចម្រៀងស្រីរូបនេះ បង្ហាញនៅលើឆាកប្រគុំតន្រ្តី ក៏ដូចជាដំណើរទៅក្រៅប្រទេស និងកម្សាន្តផ្សេងៗជាមួយនឹង Black Pink។ ប៉ុន្តែលើកនេះ អាចជាករណីលើកលែង Jennie ត្រូវបានគេចាប់អារម្មណ៍ខ្លាំងជាងធម្មតា ដោយសារតែ សម្លៀកបំពាក់របស់នាង បានស្លៀកនៅឯអាកាសយានដ្ឋាន ដើម្បីចេញទៅកាន់ប្រទេសជប៉ុន សម្រាប់វិភាគការងារក្នុងឆ្នាំថ្មី។ ដូចសព្វមួយដង សង្កេតឃើញថា Jennie តារាស្រីរូបនេះ តែងតែនិយមលេងស្ទីលតុបតែងខ្លួន បែបសិចស៊ី គួរឲ្យស្រឡាញ់ ប៉ុន្តែក្នុងលើកនេះ នាង បែរជាតុបតែងខ្លូនបែបសាមញ្ញយ៉ាងសុភាព ជាមួយនឹងអាវក្រៅធំក្រាស់ ដែលធ្វើឲ្យអ្នកគាំទ្រ ភ្ញាក់ផ្អើល និងប្លែកភ្នែក ដោយសារតែការផ្លាស់ប្ដូរស្ទីលអាយដលរបស់ពួកគេ ផងដែរ។