trollkhmer news

កម្សាន្ត

បើ Share បាន ១០K អាចារ្យធំនឹងធ្វើរឿងមួយឱ្យបងប្អូន ដើម្បីស្វាគមន៍ឆ្នាំថ្មី

ថ្ងៃទី ០៥ ខែ មិនា ឆ្នាំ ២០១៩ ម៉ោង ១១:៣០

ភ្នំពេញ៖ សល់តែមួយខែជាងទៀតប៉ុណ្ណោះ ពិធីបុណ្យចូលឆ្នាំថ្មី ប្រពៃណីខ្មែរ នឹងឈានចូលមកដល់ ទន្ទឹមនឹងនេះ ផលិតកម្មជាច្រើន បានប្រឹងដុតដៃដុតជើងត្រៀមបទច្រៀង និងថត MV បណ្ដើរៗ ដើម្បីស្វាគមន៍ឆ្នាំថ្មី។ ងាកមកលោកអាចារ្យធំឯណេះវិញ ឆ្នាំនេះ លោកចង់ផ្លាស់ប្ដូរបរិយាកាស ធ្វើឱ្យបងប្អូនប្លែកអារម្មណ៍ ក៏ដូចជាអភិរក្សចង្វាក់រាំវង់ខ្មែរ ដោយចង់ចេញបទចម្រៀងមួយ មានចំណងជើងថា៖ «រាំរង់ខ្មែរ»។យោងតាមគណនីហ្វេសប៊ុករបស់លោកអាចារ្យធំបានសរសរថា ៖ «បាន 10K Shares យើងខ្ញុំនឹងថត MV ជូនបងប្អូនភ្លាម!។ ជិតដល់ ថ្ងៃបុណ្យចូលឆ្នាំប្រពៃណីជាតិខ្មែរ ចូលមកដល់ ក៏នឹកឃើញដល់បទចម្រៀង១បទ ដែលពួកយើងបានធ្វើរួមគ្នា ទុកមិនបានសម្រួលជាង១ឆ្នាំហើយ មានចំណងជើងថា៖ «រាំវង់ខ្មែរ» ដែលបទនេះនិពន្ធទាំងភ្លេង និងទំនុកច្រៀងថ្មី ដោយបងប្រុស សួន ពិសិដ្ឋ ច្រៀងរួមគ្នាដោយ ប្អូនស្រី អេដា សម្លាញ់ ហេង ពិទូ បងប្រុស សួន ពិសិដ្ឋ និងខ្ញុំបាទ អាចារ្យធំប្រសិនបើលោកអ្នកគាំទ្រ ចែករំលែកផងណ៎ា»៕រីករាយស្ដាប់បទចម្រៀងនៅខាងក្រោមនេះ៖

Sulli កំពុងតែធ្វើឲ្យអ្នកគាំទ្រចាប់អារម្មណ៍ ពីការច្នៃម៉ូដសម្លៀកបំពាក់ដោយខ្លួនឯង

ថ្ងៃទី ០៤ ខែ មិនា ឆ្នាំ ២០១៩ ម៉ោង ១៧:១៥

កូរ៉េខាងត្បូង៖ ថ្មីៗនេះ Sulli អតីតសមាជិកក្រុម f(x)បានចែករំលែកវីដេអូឃ្លីបខ្លីនៃការច្នៃម៉ូដសម្លៀកបំពាក់បង្កើតថ្មីរបស់នាងនៅលើគណនី Instagram ផ្ទាល់តែម្ដង ដែលចង់បង្ហាញពីចំណង់ចំណូលចិត្តរបស់នាង ទៅកាន់អោយអ្នកគាំទ្រទាំងអស់រីករាយទស្សនា។នៅក្នុងវីដេអូដែលតារាស្រីរូបនេះ បានបង្ហោះចេញនោះ ត្រូវបានគេមើលឃើញថា Sulli នាងដូចជាកំពុងតែផ្ដោតអារម្មណ៍យ៉ាងខ្លាំង ទៅលើដេរជាម៉ូដសម្លៀកបំពាក់ផ្ទាល់ដោយខ្លួនឯង ភ្នែកតាមសម្លឹងយ៉ាងប្រុងប្រយ័ត្មពីម្ជុលកំពុងដេរ។ ក្រោយពីបង្ហោះវីដេអូឃ្លីបប៉ុន្មានម៉ោងក្រោយមក ឃ្លីបវីដេអូខ្លីមួយទៀតរបស់នាងក៏បានបង្ហោះឡើងជាបន្ត បង្ហាញឲ្យឃើញជាលទ្ធផលក្នុងការដេរ និងច្នៃម៉ូដដោយស្នាដៃរបស់នាងផ្ទាល់ ធ្វើឲ្យពីអាវយឺតបីពណ៌ផ្សេងគ្នា ភ្ជាប់ជាឈុតរ៉ូបមួយ សុទ្ធសឹងតែជាម៉ាករបស់ J'Eunesse ជាជម្រើសដែលនាងពេញចិត្ត និងរីករាយទៅតាមចំណូលចិត្តរបស់ខ្លួន។

អ្នកគាំទ្រភ្ញាក់ផ្អើលមិនតិចទេ! ក្រោយបានឃើញទំរង់មុខ Park Shin Hye ពេញខ្លាំងបែបនេះ

ថ្ងៃទី ០៤ ខែ មិនា ឆ្នាំ ២០១៩ ម៉ោង ១៤:២៥

កូរ៉េខាងត្បូង៖ កាលពីម្សិលមិញ តារាសម្ដែងស្រី Park Shin Hye បានបង្ហាញវត្តមានរបស់ខ្លួន នៅឯព្រលានយន្តហោះអន្តរជាតិក្នុងប្រទេសកូរ៉េ ដើម្បីធ្វើការហោះហើរទៅកាន់ទីក្រុងប៉ារីស សម្រាប់ការចូលរួមក្នុងព្រឹត្តិការណ៍បង្ហាញម៉ូដសម្លៀកបំពាក់ម៉ាកល្បីៗឆ្នាំ២០១៩។គួរឲ្យកត់សម្គាល់បន្ទាប់ពីការបង្ហាញខ្លួនរបស់ Park Shin Hye ដែលធ្លាប់តែអ្នកគាំទ្រជនជាតិកូរ៉េជាច្រើនលើកសរសើរអំពី រូបសម្រស់ស្រស់ស្អាតវ័យក្មេងរបស់នាង ពេលនេះត្រូវបានអ្នកនិយមលេងបណ្ដាញអ៊ីនធឺណេតមួយចំនួនធំ ដាក់ការចាប់អារម្មណ៍លើមុខមាត់របស់នាងយ៉ាងខ្លាំង ព្រោះថា Park Shin Hye នាងនៅពេលនេះ សម្រាប់ការតុបតែងខ្លួន ក៏ដូចជាទំរង់មុខមាត់បច្ចុប្បន្នរបស់នាង ត្រូវបានគេមើលឃើញច្បាស់ពីផ្ទៃមុខពេញសាច់ មិនសូវជាបានសម្រស់ដូចពីមុនប៉ុន្មានឡើយ ហើយការស្លៀកសម្លៀកបំពាក់វិញ បែរជាមើលទៅចាស់ជាងវ័យរបស់នាងទៅទៀត។

សុះ ម៉ាច៖ បុគ្គល​ដែល​កែច្នៃ​កាឡៃ​ខុស​សាច់​ភ្លេង និង​ទំនុក​ច្រៀង​ កំពុង​មាន​ចេតនា​បំផ្លាញ​​ស្នាដៃ​បទ​មរតកដើម

ថ្ងៃទី ០៤ ខែ មិនា ឆ្នាំ ២០១៩ ម៉ោង ១០:១២

ភ្នំពេញ៖ អតីតប្រធានសមគមសិល្បករខ្មែរពីរអាណត្តិ និងជាតារាចម្រៀងជើងចាស់លោក សុះ ម៉ាច បានបញ្ចេញប្រតិកម្មដោយគ្មានការលើកលែងចំពោះបុគ្គល ដែលជាអ្នកនិពន្ធ អ្នកចម្រៀង និងតន្រ្តីករមួយចំនួន ដែលបាននឹងកំពុងតែមានចេតនាយកបទចម្រៀងមរតកដើម ទៅកែច្នៃកាឡៃឲ្យខុសសាច់ភ្លេង ឬទំនុកច្រៀង ដោយលោកចាត់ទុកថាជាការបំផ្លាញ និងជាន់ឈ្លីវិរៈសិល្បករជំនាន់ដើម។លោក សុះ ម៉ាច បានថ្លែងប្រាប់ឲ្យដឹងនៅរសៀលថ្ងៃទី០២ ខែមិនា ឆ្នាំ២០១៩នេះ ថាឯណាទៅពាក្យថាអភិរក្ស និងអភិវឌ្ឍន៍វិស័យសិល្បៈចម្រៀង?​ ចំណែកឯក្រសួងវប្បធម៌ និងវិចិត្រសិល្បៈហាក់ដូចជាស្ងាត់ពេកហើយ ពោលគឺមិនឃើញមានបញ្ចេញប្រតិកម្មអ្វីសោះឡើយលើករណីនេះ។កាលពីអាណត្តិរបស់ខ្ញុំកាន់ជាប្រធានសមាគមសិល្បករខ្មែរ ក្រសួងធ្លាប់ដាក់ចេញក្តីណែនាំម្តងរួចមកហើយ គឺហាមមិនឲ្យយកបទចម្រៀងមរតកដើមមកកែច្នៃកាឡៃទំនុកច្រៀង តែឥឡូវបែរជាមានអ្នកចម្រៀងច្រៀងយ៉ាងព្រោងព្រាត បែរជាក្រសួងដេកលក់ដូចចោរលួចសេះទៅវិញ។តារាចម្រៀងជើងចាស់មានប្រជាប្រិយភាពលោក សុះ ម៉ាច បានសង្កត់ធ្ងន់ទៀតថា ករណីនេះគឺកំពុងតែនាំគ្នាបំផ្លាញស្នាដៃរបស់វិរៈសិល្បៈ និងកវីជំនាន់ដើម ហើយក៏បានធ្វើឲ្យក្មេងៗជំនាន់ក្រោយ កាន់តែមានការយល់ច្រឡំរាល់ស្នាដៃបទមរតកដើមទាំងអស់។ បើពួកគាត់យក​មកច្រៀងតាមលំនាំដើមគឺគ្មានបញ្ហាអ្វីទេ ប៉ុន្តែបែរជាយកមកកែច្នៃកាឡៃទំនុកច្រៀង បទភ្លេង បណ្តាលឲ្យខូចនូវបទចម្រៀង​មរតកដើមស្ទើរទាំងស្រុង បទខ្លះស្រែកយក ជួនប្តូរពីស្រីទៅជាប្រុស ប្រុសមកជាស្រី តើពួកគាត់កំពុងមានចេតនាអ្វី? លោក សុះ ម៉ាច បានបញ្ជាក់ថា សកម្មភាពនេះអាចចាត់ទុកថា ជាចេតនាបំផ្លាញស្នាដៃបទមរតកដើម ហើយកាន់តែធ្វើឲ្យវិស័យសិល្បៈខ្មែរ គឺហាក់ងើបឡើងមិនរួចនោះឡើយ ព្រោះពួកគាត់គ្មានឆន្ទៈ ក្នុងការខិតខំផលិតបទចម្រៀងថ្មីៗ សម្រាប់យុគសម័យរបស់ពួកគាត់ផង។ ដូច្នេះ​មានន័យថាវិស័យសិល្បៈក៏គ្មានអ្វីរីកចម្រើនជឿនលឿនទៅមុខទេ ដោយសារតែគំណិតអត់មានការផ្លាស់ប្តូរ គឺនៅតែអង្គុយចាំចម្លងបទចម្រៀង ដែលគេមានស្រាប់ៗមកច្រៀង ឬយកបទបរទេសមកកែច្នៃ កាឡៃច្រៀងធ្វើរបស់ខ្លួនឯង។តារាចម្រៀងលោក សុះ ម៉ាច បានបន្ថែមថា ការអំពាវនាវ ឬបញ្ចេញមតិរបស់ខ្ញុំ បានត្រឹមតែគេស្អប់ តែខ្ញុំគិតថា ទោះបីជានណាស្អប់ក៏ស្អប់ទៅ ព្រោះអ្វីដែលខ្ញុំនិយាយនេះដើម្បីតែវិស័យសិល្បៈប៉ុណ្ណោះ។ ម្យ៉ាងទៀតគឺគ្មានចេតនាច្រណែនឬនិន្ទានណានោះឡើយ ពោលគឺធ្វើដើម្បីផលប្រយោជន៍សិល្បៈ ខ្ញុំគ្មានការចង្អៀតចង្អល់នោះទេ បើសិនជាយកបទមរតកដើមមកច្រៀងក្នុងន័យអប់រំដល់សង្គមជាតិ ខ្ញុំនឹងមានឆន្ទៈដោយសប្បាយរីករាយបំផុត។សូមបញ្ជាក់ថា ការលើកឡើងរបស់អតីតប្រធានសមគមសិល្បករខ្មែរ លោក សុះ ម៉ាច ខាងលើនេះ បានធ្វើឡើងស្របពេលដែលកំពុងផ្ទុះសង្គ្រាមរិះគន់លើតារាចម្រៀង និងអតីតអ្នកកំប្លែង នាយ ចឺម ដែលបានបញ្ចេញផ្សព្វផ្សាយនូវបទចម្រៀងមានចំណងជើងថា «អូនមាន សមនឹងអ្នកមានដូចគ្នា» ដែលបទនេះគឺជាការចំឡងចម្រៀងមរតកដើម ច្រៀងដោយអ្នកស្រី រស់ សេរីសុទ្ធា មានចំណងជើងថា «នឹកភូមិភ្នំធំ»៕

គីម​ លីហ្សា កំពុង​ពរពោះ​បុត្រទី២ ក្រោយ​រៀបការ​ជាមួយ​ស្វាមី​នៅ​អូស្រា្ដលី

ថ្ងៃទី ០២ ខែ មិនា ឆ្នាំ ២០១៩ ម៉ោង ១១:៣៥

ភ្នំពេញ៖ អតីតតារាចម្រៀង និង តារាសម្ដែងដ៏មានប្រជាប្រិយភាព គឺអ្នកនាងគីម លីហ្សា បានសម្រេចចិត្ត ចាកចេញពីវិស័យសិល្បៈ ដើម្បីទៅរៀបការ សាងគ្រួសារជាមួយស្វាមីយ៉ាងកក់ក្ដៅ នៅលើទឹកដីប្រទេសអូស្ត្រាលី ខណៈបច្ចុប្បន្ននាងទទួលបានចំណងដៃកូនប្រុសម្នាក់ដ៏គួរឲ្យស្រឡាញ់។ ប៉ុន្តែអ្វីដែលធ្វើឲ្យចាប់ អារម្មណ៍ស្រាប់តែថ្មីៗនេះ គីម លីហ្សា បានប្រាប់ឲ្យដឹងថា នាងកំពុងតែពរពោះបុត្រទី ២ ទៀតហើយ ដែលធ្វើឲ្យ ចំណងអាពាហ៍ពិពាហ៍របស់នាង កាន់តែមានសុភមង្គលទ្វេឡើង។អ្នកម្ដាយសម័យថ្មីសាច់សខ្ចី គឹម លីហ្សា បានបង្ហោះនៅលើបណ្ដាញសង្គមហ្វេសប៊ុក ដោយភ្ជាប់ជាមួយរូបភាព ឧបករណ៍ពិនិត្យផ្ទៃពោះមានខ្លឹមសារថា «គិតមិចឡូវ អាពេលចង់បានអត់ព្រមមកទេ អាឡូវដល់ពេលត្រូវទៅ លំហែកាយ (Holiday) នៅខ្មែរបែរជាមក គម្រោងទាំងប៉ុន្មានត្រូវចប់ល្មម»។ប៉ុន្តែទោះជាយ៉ាងណាក្ដី គឹម លីហ្សា មិនបានបញ្ចាក់ថា បុត្រនៅក្នុងផ្ទៃរបស់នាង ជាកូនស្រី រឺប្រុសនៅឡើយទេ ដោយសារតែអាយុកូនក្នុងផ្ទៃនៅតូចពេក មិនទាន់អាចបញ្ជាក់ពីភេទបាន។សូមជម្រាបថា គីម លីហ្សា បានរៀបការសាងគ្រួសារ ជាមួយអនិជន នៅអូស្ត្រាលីកាលពីឆ្នាំ ២០១៣ នឹងបាន វេចបង្វិច ទៅសាងគ្រួសារ ជាមួយស្វាមី យ៉ាងមានក្ដីសុខ នៅទឹកដីអូស្ត្រាលី ដោយនាងបានសំរេចចិត្តបោះបង់ វិស័យសិល្បះ ទាំងចិត្តនៅស្រលាញ់៕

អាយុគ្រាន់ជាតួលេខ! Sandara វ័យ ៣៥ឆ្នាំហើយ តែបើមើលពីរូបសម្រស់វិញ មិនចាញ់នារីវ័យក្មេងឡើយ

ថ្ងៃទី ០២ ខែ មិនា ឆ្នាំ ២០១៩ ម៉ោង ១០:១៤

កូរ៉េខាងត្បូង៖ នេះមិនមែនជាលើកទី១នោះទេ ដែលអតីតសមាជិកក្រុមនារី 2NE1 តារាស្រី Sandara Park ទទួលបានការសរសើររាប់មិនអស់ពីសំណាក់ក្រុមអ្នកគាំទ្រទូទាំងពិភពលោក អំពីរូបសម្រស់ស្អាតក្មេងជាងវ័យរបស់នាង ខណៈតារាស្រីរូបនេះ បានអញ្ជើញចូលរួមជាតារាស្រីកិត្តិយសរបស់កូរ៉េជារៀងរាល់ឆ្នាំ ក្នុងព្រឹត្តិការណ៍បង្ហាញម៉ូតឈុតសម្លៀកបំពាក់ថ្មីៗម៉ាកល្បីរបស់ប៉ារីស ប្រចាំឆ្នាំ២០១៩។ទោះបីជាឈានចូលដល់វ័យ ៣៥ឆ្នាំនៅក្នុងឆ្នាំនេះទៅហើយក៏ពិតមែន ប៉ុន្តែ Sandara Park តារាស្រីរូបនេះ នាងនៅតែរក្សាបាននូវរូបសម្រស់យ៉ាងស្រស់ស្អាត ជាមួយនឹងរូបរាងកាយ ដ៏ទាក់ទាញស្លៀកក្នុងឈុតសម្លៀកបំពាក់បែបយុវវ័យទាន់សម័យសក្ដិសមឥតទាស់ បានធ្វើឲ្យមនុស្សជាច្រើននៅទីនោះ តាមលួចចាប់អារម្មណ៍លើរូបនាងជាខ្លាំង ជាមួយនឹងរូបសម្រស់ស្អាតមិនចេះចាស់របស់តារាស្រីកូរ៉េដ៏ល្បីល្បាញរបស់ K-Popរូបនេះ។

YG លុបចោលការប្រគំតន្ត្រី និងព្រឹត្តិការណ៍ផ្សេងទៀតរបស់ Seungri ដើម្បីឱ្យគេបន្តចូលខ្លួនឱ្យប៉ូលិសសាកសួរ

ថ្ងៃទី ០១ ខែ មិនា ឆ្នាំ ២០១៩ ម៉ោង ១៥:១៥

កូរ៉េ៖ ផលិតកម្ម YG បានប្រកាសឱ្យដឹងថា Seungri នឹងលុបចោលការប្រគំតន្ត្រីនៅក្នុងទីក្រុងអូសាការបស់ប្រទេសជប៉ុន និងទីក្រុងហ្សាកាតារបស់ប្រទេសឥណ្ឌូនេស៊ី។កាលពីថ្ងៃទី២៨ ខែកុម្ភៈ ផលិតកម្ម YG បានដឹងថា ការប្រគំតន្ត្រីរបស់ Seungri នៅទីក្រុង អូសាកា នាថ្ងៃទី៩ ដល់ទី១០ ខែមីនា និងនៅក្នុងទីក្រុងហ្សាកាតា នាថ្ងៃទី១៧ ខែមីនា ត្រូវ លុបចោល។ ផលិតកម្មនេះបន្តថា៖ "Seungri ត្រូវបានប៉ូលិសសាកសួរនៅប៉ុស្តិ៍នគរបាលកាលពីយប់មិញ វេលាម៉ោង៩ យប់។  គេត្រូវបានសាកសួរពាក់ព័ន្ធនឹងករណីសង្ស័យជាច្រើន រយៈ ពេល  ៨ម៉ោង និង៣០នាទី ជាពិសេសទាក់ទងទៅនឹងសេវាកម្មផ្លូវភេទ"។ផលិតកម្ម YG ក៏បានឱ្យដឹងថា "ក្រៅពីលុបចោលការប្រគំតន្ត្រី ព្រឹត្តិការណ៍ផ្សេងទៀតក៏ របស់ Seungri ក៏ត្រូវផ្អាកផងដែរ ដើម្បីចូលរួមឱ្យបានសកម្មនៅក្នុងសាកសួររបស់នប៉ូលិស"៕

Seungri ឆ្លងកាត់ការសាកសួរ និងធ្វើតេស្ត មិនមានសារធាតុញៀនត្រូវបានរកឃើញទេ

ថ្ងៃទី ២៨ ខែ កុម្ភះ ឆ្នាំ ២០១៩ ម៉ោង ១៧:០៤

កូរ៉េខាងត្បូង៖ នៅថ្ងៃទី២៨ ខែកុម្ភៈ អ្នកតំណាងផ្នែកច្បាប់របស់ Seungri សមាជិកក្រុម Big Bang បានឱ្យអ្នកសារព័ត៌មានដឹងថា តារារូបនេះបានបញ្ចប់ការសាកសួរជាលើកដំបូងរបស់ខ្លួនជាមួយប៉ូលិស ប្រហែលជា ៨,៥ ម៉ោង កាលពីថ្ងៃទី ២៧ ខែកុម្ភៈ។អ្នកតំណាងផ្នែកច្បាប់របស់លោក Seungri បាននិយាយថា បន្ទាប់ពីការវិភាគឫសសក់របស់តារារូបនេះ នៅក្នុងការធ្វើតេស្តមួយ មិនមានសារធាតុញៀនត្រូវបានរកឃើញនោះទេ។ អ្នកតំណាងផ្នែកច្បាប់បានបន្ថែមទៀតថា  Seungri ក៏បានបញ្ចប់ការសាកសួរទាក់ទងនឹងព័ត៌មានមិនពិតដែលនិយាយថា គេបានជួលស្រីពេស្យា។ ចុងក្រោយ Seungri បាននិយាយថា គេរីករាយនឹងបង្ហាញខ្លួនសម្រាប់ការសាកសួរ បន្ថែមដោយផ្ទាល់ ដើម្បីឱ្យមានភាពច្បាស់លាស់ និងហ្មត់ចត់៕

ផលិតកម្ម YG ប្រឹងបំផ្លាញឯកសារចោល ខណៈ Seungri សមាជិកក្រុម BIGBANG កំពុងត្រូវប៉ូលិសសាកសួរ

ថ្ងៃទី ២៨ ខែ កុម្ភះ ឆ្នាំ ២០១៩ ម៉ោង ១៥:៤៨

កូរ៉េខាងត្បូង៖ ខណៈ Seungri សមាជិកក្រុម BIGBANG ស្ថិតនៅក្នុងការសាកសួររបស់ប៉ូលិស ជិត៩ម៉ោង ក្រុមហ៊ុន YG Entertainment បានជួលក្រុមហ៊ុនប្រមូលសំរាមទៅកាន់ផលិតកម្មតាំងតែពីព្រឹកព្រលឹម ដើម្បីប្រមូលឯកសារយកទៅចោល។អ្នកយកព័ត៌មានដែលបានឈរនៅខាងក្រៅផលិតកម្ម បានឃើញឡាន ចូលទៅចំណតរថយន្តរបស់ YG Entertainment ។ ឡានទាំងពីរគ្រឿងសុទ្ធតែជារបស់ក្រុមហ៊ុនដែលមានឯកទេសនៅក្នុងការបំផ្លាញឯកសារ។ ក្រុមហ៊ុនប្រមូលសំរាមទាំងនេះ ធម្មតាធ្វើការចាប់ពីម៉ោង ៩ព្រឹក ប៉ុន្តែ YG បានជួលឱ្យពួកគេមកមុនម៉ោង ៦ព្រឹក។អ្នកយកព័ត៌មានបាននិយាយថា ពេលវេលាទៅប្រមូលឯកសារ និងព្រឹត្តិការណ៍ដែលបានកើតមាន ហាក់ដូចជាមានការសង្ស័យ។ ពួកគេបានបញ្ជាក់ថា ការបំផ្លាញឯកសារអាចមានទំនាក់ទំនងជាមួយករណីថ្មីៗរបស់លោក Seung Ri ។ យ៉ាងណាក៏ដោយ នៅពេលដែលអ្នកយកព័ត៌មានហៅទូរស័ព្ទទៅ YG ដើម្បីសួរអំពីការបំផ្លាញឯកសាររបស់ពួកគេ ផលិតកម្មបានឆ្លើយថា "វាជាប្រមូលឯកសារចោលធម្មតាដែលតែងតែធ្វើឡើងរៀងរាល់ខែ ឬប្រចាំត្រីមាស"ប៉ុណ្ណោះ។ទោះបីជាមានការអះអាងរបស់ YG បែបនេះក្ដី អ្នកលេងអ៊ិនធើណែតជឿជាក់ ផលិតកម្មកំពុងព្យាយាមបំផ្លាញភស្តុតាងណាមួយដែលអាចភ្ជាប់ពួកគេទៅនឹងការចោទប្រកាន់របស់ Seungri ៕