trollkhmer news

កម្សាន្ត

Suzy បង្ហាញជាសាធារណៈ ស្វាគមន៍ការត្រឡប់មកវិញរបស់ខ្លួន លើបណ្ដាញសង្គម

ថ្ងៃទី ១៧ ខែ មករា ឆ្នាំ ២០២០ ម៉ោង ១៣:៥៤

តារាសម្តែង និងជាតារាចម្រៀង កញ្ញា Suzy ថ្មីៗនេះ បានបង្ហាញភាពស្រស់ស្អាត និងរូបរាងទាក់ទាញរបស់នាង តាមរយៈការបង្ហោះរូបថតមួយចំនួន ស្វាគមន៍ការវិលត្រឡប់មកវិញរបស់ខ្លួន នៅលើបណ្ដាញសង្គម Instagram។ សម្រាប់ការវិលមកក្នុងការសម្ដែងលើកនេះដែរ Suzy មើលទៅនាង ពិតជាបង្ហាញអារម្មណ៍រីករាយ ដោយញញឹមសម្លឹងចំកាមេរ៉ា យ៉ាងស្រស់ស្រាយ មានប៉េងប៉ោងដ៏ធំមួយក្នុងដៃ។អ្វីដែលធ្វើឲ្យអ្នកនិយមលេងអ៊ីនធឺណេតអោយទាក់ចិត្តខ្លាំងលើរូបនាងនោះ គឺស្នាមញញឹមដ៏ស្រស់ស្អាតរបស់តារាស្រីរូបនេះ ហើយពួកគេក៏បានចូលរួមសម្ដែងក្ដីត្រេកអរដល់នាងយ៉ាងខ្លាំង ផងដែរ។

Minho សមាជិក WINNER លេងម៉ូដមួយឈុតនេះ ធ្វើឲ្យអ្នកគាំទ្រគាំងនិយាយមិនចេញ

ថ្ងៃទី ១៧ ខែ មករា ឆ្នាំ ២០២០ ម៉ោង ១១:១៤

ម៉ូតសម្លៀកបំពាក់នៅអាកាសយានដ្ឋានសមាជិក WINNER លោក Song Minho ទៅកាន់ប្រទេសម៉ាឡេស៊ីសម្រាប់ដំណើរប្រគំតន្ត្រី 'WINNER [Cross] Tour' បានធ្វើឲ្យអ្នកកាសែត និងអ្នកគាំទ្រមានការភ្ញាក់ផ្អើលយ៉ាងខ្លាំង។កាលថ្ងៃទី ១៦ ខែមករានេះ សមាជិក WINNER ត្រូវបានគេប្រទះឃើញនៅអាកាសយានដ្ឋានអ៊ីនឈុន ក្នុងប្រទេសកូរ៉េខាងត្បូង ជាមួយនឹងភាពលេចធ្លោរ ប្លែកភ្នែកមែនទែនរបស់លោក Song Minho ដែលបង្ហាញខ្លួនតែម្នាក់ឯង ក្នុងពេលនោះ។ពិតគួរឲ្យចាប់អារម្មណ៍ជាមួយនឹងការលេងម៉ូដសម្លៀកបំពាក់ និងស្ទីលរឿបចំខ្លួនរបស់លោក ដោយឃើញមានកាន់កាបូបប៉ាក់ពណ៌ផ្កាឈូករ័ត្មលឿង និងកន្សែងរុំជាផ្កាពណ៌ស្រស់ យ៉ាងប្លែកសម្រាប់ Minho។

Taeyeon សមាជិក Girls' Generatio មានប្រតិកម្មយ៉ាងណា ពេលទទួលបានអំណោយពីហ្គេម PUBG

ថ្ងៃទី ១៧ ខែ មករា ឆ្នាំ ២០២០ ម៉ោង ១០:១៦

PUBG គឺជាហ្គេមកម្សាន្ត ដ៏មានប្រជាប្រិយ និងពេញនិយមបំផុតមួយនៅលើអ៊ីនធឺណិត នាពេលបច្ចុប្បន្ននេះ ខណៈដែលតារាចម្រៀងស្រី Taeyeon តារាក្នុងវិស័យកម្សាន្ត K-Pop បានក្លាយរូបតំណាង ក្នុងហ្គេមដ៏ល្បីនេះផងដែរ ក្នុងប្រទេសកូរ៉េ។ នេះបើយោងតាមរយៈវីដេអូដែលបានចែករំលែកតាមរយៈយូធូប របស់ប៉ុស្ដិ៍ទូរទស្សន៍កម្សាន្តមួយរបស់កូរ៉េខាងត្បូង ឃើញថា Taeyeon បានទទួលនូវអំណោយជាប្រអប់ឈើមួយពី PUBG។ ក្នុងចំណោមអំណោយទាំងនោះ មានអំណោយជាច្រើន ដែលសុទ្ធសឹងតែមាននៅក្នុងហ្គេមឌីជីថលមួយនេះ។ គ្រាន់តែបើកឃើញបែបនេះ តារាស្រីរូបនេះ នាងពិតជាមិនអាចទប់សំណើចរបស់នាងបាននោះទេ តែយ៉ាងណា នាងពិតជាសប្បាយរីករាយ ដែលបានទទួលអំណោយដ៏ពិសេសទាំងអស់នេះពី PUBG។ទស្សនាវីដេអូរបស់ Taeyeon ខាងក្រោម ដែលបង្ហាញពីអារម្មណ៍ពិតរបស់នាង នៅពេលទទួលបានអំណោយជាទីជាស្រឡាញ់យ៉ាងពេញចិត្ត៖ 

រំលឹកអនុស្សាវរីយ៌ចាស់! Taeyang បង្ហោះរូបជាក្រុមនិងមិត្តរួមការងារ ក្នុងឯកសណ្ឋានយោធា

ថ្ងៃទី ១៦ ខែ មករា ឆ្នាំ ២០២០ ម៉ោង ១៥:១៣

កាលពីថ្ងៃទី ១៦ ខែមករា Taeyang សមាជិករបស់ក្រុម BIGBANG បានបង្ហោះរូបភាពដ៏រីករាយនៃ 'Gun-Bang' ឬ ('Military-Bang') តាមរយៈ Instagram របស់លោក។នៅក្នុងរូបថតនោះមានសមាជិកក្រុម BIGBANG ដូចជា Taeyang និង Daesung ក្នុងចំណោមសមាជិក ៥ នាក់ ដែលមានឈ្មោះថា “Gun-Bang” ជារហ័សនាមក្នុងជួរទ័ព ហើយនៅពីក្រោយអ្នកទាំងពីរ មានតារាប្រុស ៣ រូបផងដែរ គឺ Go Kyung Pyo, Beenzino និង Joo Won។ទន្ទឹមនឹងនេះដែរគិតត្រឹមថ្ងៃទី ១៥ ខែមករា រាល់តារាទាំងអស់ដែលបានបង្ហាញនៅក្នុងរូបថតខាងក្រោមពួកគេបានវិលត្រឡប់មកពីបំពេញកាតព្វកិច្ចយោធាជាកាតព្វកិច្ចរួចរាល់ហើយ ដោយត្រៀមវិលត្រឡប់មកចូលរួមក្នុងសកម្មក្នុងវិស័យកម្សាន្តវិញ។

គេថារូបកាត់តច្រើនពេក! Ariana Grande ចេញបញ្ជាក់តែម្ដងថា រូបនាង ជាមួយ Jungkook ជារូបពិត

ថ្ងៃទី ១៦ ខែ មករា ឆ្នាំ ២០២០ ម៉ោង ១៣:៥៦

Ariana Grande បានបញ្ជាក់ថារូបថតខាងលើដែលថតជាមួយ Jungkook សមាជិករបស់ BTS គឺជារូបពិត។ កាលពីខែឧសភាកន្លងទៅ Jungkook បានចូលរួមការប្រគុំតន្រ្តីរបស់ Ariana Grande នៅឯ Staples Center ក្នុងទីក្រុង Los Angeles រដ្ឋ California។បន្ទាប់ពីបញ្ចប់ការប្រគុំតន្រ្តីនេះ Ariana Grande បានបង្ហោះរូបថតខាងលើដាក់លើ Instagram របស់នាងហើយអរគុណ Jungkook ដែលបានមកចូលរួមការប្រគំតន្ត្រីរបស់នាង។ ទោះយ៉ាងណាមនុស្សមួយចំនួន គិតថារូបថតនេះត្រូវបាន កាត់ត និងកែសម្រួលរួច ទើបយកមកបង្ហោះ។រហូតមកដល់ថ្ងៃទី ១៥ ខែមករា ក៏ឃើញមានអ្នកប្រើប្រាស់បណ្ដាញសង្គម Twitter ម្នាក់បានសរសេរទៅកាន់នាង អំពីរូបថតមួយសន្លឹកនេះ ថា “ សូម! ប្រាប់ទៅទស្សនិកជនថានេះ មិនមែនជាការ កាត់តទេ ពីព្រោះមានមនុស្សជាច្រើនទំនងគិតដូច្នេះ @ArianaGrande" ។ មិនប៉ុន្មានផង ស្រាប់តែនាង តបវិញថា " មិនមែនទេ! សួរទៅ @AlfredoFlores តែអស្ចារ្យបន្តិចមែន។ ហេតុអ្វី បានជាខ្ញុំ ត្រូវកាត់តរូប អរគុណ លោកដែលបានមកចូលរួមសម្ដែងរបស់ខ្ញុំ។

YG Entertainment នឹងចេញលក់ទំនិញម៉ាក BLACKPINK នៅក្នុងឆ្នាំ ២០២០នេះ

ថ្ងៃទី ១៦ ខែ មករា ឆ្នាំ ២០២០ ម៉ោង ១៣:៤៥

កាលពីថ្ងៃទី១៣ ខែមករា ផលិតកម្ម YG Entertainment បានប្រកាសសហកាជាមួយ Bravado ដែលជាក្រុមហ៊ុនបង្កើតម៉ាក ស្ថិតក្រោម Universal Music Group ដែលជាក្រុមហ៊ុនតន្រ្តីធំមួយនៅលើពិភពលោក។Bravado គឺជាក្រុមហ៊ុនបង្កើតម៉ាទំនិញឈានមុខគេនៅលើពិភពលោកដោយបានចាប់ដៃ ជាមួយសិល្បករល្បីៗជាង ២៥០ នាក់ដូចជា Rolling Stones, Kanye West, Ariana Grande, Billie Eilish, Travis Scott និង Justin Bieber…។តាមសេចក្ដីរាយការណ៍ ផលិតកម្ម YG Entertainment និង Bravado គ្រោងនឹងបញ្ចេញនូវម៉ូតសំលៀកបំពាក់ BLACKPINK ជាច្រើនប្រភេទរួមមានអាវយឺត ឈុត និងមួកផងដែរ។ ពួកគេគ្រោងនឹងចេញលក់ទំនិញម៉ាក BLACKPINK នៅសហរដ្ឋអាមេរិក អឺរ៉ុបអូស្ត្រាលី និងអាមេរិកខាងត្បូងនៅឆមាសទីមួយនៃឆ្នាំ ២០២០៕

ទីបំផុត! Mark សមាជិក GOT7 បានចេញផ្សាយបទចម្រៀងទោល ជាភាសាចិនលើកដំបូងហើយ

ថ្ងៃទី ១៥ ខែ មករា ឆ្នាំ ២០២០ ម៉ោង ១០:៤៨

នេះគឺជាដំណឹងមួយដ៏ភ្ញាក់ផ្អើលសម្រាប់អ្នកគាំទ្ររបស់តារាចម្រៀងប្រុស លោក Mark សមាជិក GOT7 ដែលបានចេញជាបទចម្រៀងទោលរបស់ខ្លួន ចំណងជើងថា “ Outta My Head”។នេះបទចម្រៀងនេះដែរ គឺជាបានបកស្រាយជាភាសាចិន ជាលើកដំបូងរបស់លោក តែម្ដង ក្នុងពេលបច្ចុប្បន្ននេះ។គួររម្លឹកផងដែរថា កាលពីខែកក្កដា ឆ្នាំមុន តារាចម្រៀងប្រុសរូបនេះ ធ្លាប់បានបកស្រាយបទចម្រៀងមួយនេះ នៅក្នុងកម្មវិធីជំនួបអ្នកគាំទ្រ ម្ដងរួចមកហើយ។ ប៉ុន្តែឥឡូវនេះ អ្វីដែលគ្រប់គ្នាទន្ទឹងរង់ចាំនោះមកជាយូរនោះ ទីបំផុតក៏បានចេញផ្សាយជាមួយនឹង MV ផ្លូវការ។

អ្នកគាំទ្ររំភើបមិនតិចទេ! ពេលបានឃើញ Mint និង Mark ថតរូបជុំគ្នាយ៉ាងសិទ្ធិស្នាល

ថ្ងៃទី ១៤ ខែ មករា ឆ្នាំ ២០២០ ម៉ោង ១៧:១៧

រូបភាពមួយសន្លឹកនេះ បានធ្វើឲ្យអារម្មណ៍ស្ងប់ស្ងាត់របស់អ្នកគាំទ្រ ត្រេកអរសារជាថ្មី ដោយនឹកឃើញគ្រាល្អ និងភាពជិតស្និទ្ធិនឹងគ្នា របស់តារាសម្ដែងកញ្ញា Mint Chalida និងតារាសម្ដែង លោក Mark Prin ដែលអ្នកទាំងពីរ មានទំនាស់មិននិយាយរកគ្នាអស់រយៈច្រើនឆ្នាំមកហើយ។ ប៉ុន្ដែ នៅពេលនេះ មើលទៅទំនាក់ទំនងរបស់ពួកគេ មើលទៅហាក់ដូចជាកាន់តែប្រសើរឡើងបន្តិចម្ដងៗហើយ ហើយ Mint ក៏ជាមិត្តល្អរបស់តារាសម្ដែងស្រី Kimberley ដែលជាគូស្នេហ៍របស់លោក Mark ផងដែរ។ នេះបើយោងតាមរយៈរូបថតជុំគ្នា នៅក្នុងថ្ងៃមង្គលការរបស់តារាស្រី Mew Nittha ដែលពួកគេ បានអញ្ជើញចូលរួមជាភ្ញៀវកិត្តិយសខាងក្រមុំ បង្ហោះនៅគណនី Instagram ផ្ទាល់របស់អ្នកទាំងអស់គ្នា ដាក់ជាក្រុម។ សង្កេតឃើញថា Mint បានឈរក្បែរៗគ្នានឹង Mark បង្ហាញស្នាមញញឹមយ៉ាងសប្បាយរីករាយ ដោយទាំងពីរនាក់មិនដឹងខ្លួន។ ទោះជាយ៉ាងណា អ្នកគាំទ្រ នៅតែរំភើប និងរីករាយ នឹងរំពឹងទុកថា មិត្តភាពរបស់ពួកគេ និងផ្សះផ្សាដូចមុន។

Ploy ផ្លាស់ប្ដូរច្រើន កាន់តែស្រស់ស្អាត និងទាក់ទាញ ពេលតុបតែងខ្លួនបែបនេះ

ថ្ងៃទី ១៤ ខែ មករា ឆ្នាំ ២០២០ ម៉ោង ១៥:១៧

បន្ទាប់ពីចាកចេញពីឧស្សាហកម្មកម្សាន្តក្នុងប្រទេសថៃ ដោយផ្លាស់ប្ដូរទៅរស់នៅប្រទេសអាល្លឺម៉ង់វិញកាលពីពាក់កណ្ដាលឆ្នាំមុន របស់តារាចម្រៀងវ័យក្មេងសម្លេងស្រទន់ Ploy chompoo Janninee ដែលត្រូវបានគេស្គាល់ថា ជាតារាស្រីវ័យក្មេងមួយរូប ដែលទទួលបានភាពជោគជ័យលើវិស័យសិល្បៈកម្សាន្តជាច្រើន ទាំងការច្រៀង និងការសម្តែងភាពយន្តទទួលបានការគាំទ្រយ៉ាងខ្លាំងពីសំណាក់បណ្ដាលអ្នកគាំទ្រគ្រប់ស្រទាប់យុវវ័យ។បើនិយាយពីរូបសម្រស់របស់នាងវិញ ក៏ស្រស់ស្អាតមិនធម្មតា ផងដែរ។ ដូចជាកាលពីពេលថ្មីៗនេះ Ploy នាងបានបង្ហោះរូបថតថ្មីប៉ុន្មានសន្លឹក ដោយបង្ហាញពីការផ្លាស់ប្ដូរស្ទីលតុបតែងខ្លួនប្លែកៗយ៉ាងស្អាត កាន់តែមានមន្តស្នេហ៍ទាក់ទាញខ្លាំងមួយកម្រិតទៀត។ ហើយ នាង ត្រូវបានអ្នកគាំទ្រ តែងកោតសរសើរថា ជាតារាជំនាន់ថ្មី មានសមត្ថភាព សម្បូរទេពកោសល្យ និងរួសរាយគួរឲ្យស្រឡាញ់។