trollkhmer news

កម្សាន្ត

ទីក្រុងឡុងដ៏នឹងត្រូវរងគ្រោះធម្មជាតិដ៏ធ្ងន់ធ្ងរនៅក្នុងរឿង Independence Day: Resurgence

ថ្ងៃទី ២២ ខែ មេសា ឆ្នាំ ២០១៦ ម៉ោង ១០:១២

Independence Day: Resurgence គឺជាខ្សែភាពយន្តបែបប្រឌិត វិទ្យាសាស្ត្រនិងគ្រោះមហន្តហាយ។ បន្ទាប៉ពី 20 ឆ្នាំនៃរឿង «Independence Day» វគ្គមុនកាលពីឆ្នាំ 1996 វគ្គថ្មីមួយនេះ Independence Day: Resurgence នឹងនាំនូវទស្សនីយភាពប្លែកខុសពីមុន។ដើមហេតុនៃរឿងដោយការប្រើប្រាស់បច្ចេកវិទ្យារបស់ពួកមនុស្សក្រៅភពបូករួមទាំងកងទ័ពនៅលើភពព្រះចន្ទ ពួកគេបានបង្កើតកម្មវិធីមួយដើម្បីការពារភពផែនដីនេះពីពួកក្រៅភព ប៉ុន្តែជាអកុសលអ្វីក៏មិនអាចការពារបាន ពួកក្រៅភពទាំងនោះបានបញ្ជូនគ្រោះមហន្តរាយមួយដ៏ធ្ងន់ធ្ងរមកលើផែនដី ខណៈពួកក្រៅភពផ្សេងទៀតបានជ្រៀតចូលគ្រប់ទីកន្លែងក្នុងពិភពលោកដើម្បីពួន។ពួកមនុស្សក្រៅភពទាំងនោះបានបញ្ជូនសញ្ញាឲ្យគ្នារបស់ពួកវានៅក្រៅភពដើម្បីបញ្ជូនគ្រោះមហន្តដែលធំខ្លាំងក្លានិងគ្រោះថ្នាក់ជាងមុនទៅទៀត ដែលជាការគំរាមគំហែងដល់មនុស្សនៅភពផែនដី។មើលទៅដូចជាទំនងល្អមើលមែនទែនប៉ុន្តែទប់អារម្មណ៍សិនទៅដោយទស្សនានូវ Trailer មួយនេះសិន:គួរបញ្ជាក់ផងដែរថាខ្សែភាពយន្ត Independence Day: Resurgence នេះនឹងចាប់ចាក់បញ្ចាំងចាប់ពីថ្ងៃទី 24 ខែមិថុនា ឆ្នាំ 2016 នេះហើយ។

ខ្សែភាពយន្តសើបអង្កេតឃាតកម្មបាញ់ប្រហារ Jason Bourne ចេញ Trailer ហើយ

ថ្ងៃទី ២១ ខែ មេសា ឆ្នាំ ២០១៦ ម៉ោង ០៩:០៧

រឿង Jason Bourne ឬក៏គ្រប់គ្នាស្គាល់ថា Bourne 5 ជាខ្សែភាពយន្តដែលនិយាយពីអំពើចារកម្ម ឃាតកម្ម បាញ់ប្រហារគ្នាដែលវាជាវគ្គទីប្រាំនៃរឿងឈុត Bourne នេះ។ក្រោយពេលបាត់ខ្លួននៅវគ្គ The Bourne Ultimatum ក្នុងវគ្គទី 5 នេះតួអង្គ Jason Bourne បានត្រឡប់មកវិញ នៅពេលទីក្រុងជួបរឿងអស្ថេរភាព។រឿងមួយនឹងគ្រោងនឹងចាប់ចាក់បញ្ចាំងចាប់ពីថ្ងៃទី 29 ខែកក្កដា ឆ្នាំ 2016 (នៅបរទេស) ហើយខ្សែភាពយន្តមួយនេះក៏ជារឿងដំបូងរបស់ផលិតកម្ម Universal Pictures ដែរដែលនឹងមានចេញលក់ជា Disc Blu-ray ដែលមានកម្រិតរូបភាពច្បាស់ត្រជាក់ភ្នែកដល់ 4K។តោះកុំឲ្យខាតពេលយូរយើងនឹងទៅទស្សនាពី Trailer នេះទាំងអស់គ្នា:ប្រភព: YouTubeអត្ថបទដោយ: William

ខ្សែភាពយន្តដែលនិយាយពីសង្គ្រាមរវាងមនុស្សនិងយក្ស Warcraft ចេញ Trailer ទី2 ញ័រសាច់តែម្តង

ថ្ងៃទី ២០ ខែ មេសា ឆ្នាំ ២០១៦ ម៉ោង ០៧:៤១

Warcraft គឺជាខ្សែភាពយន្តសិល្ប៍អាគមនិងការធ្វើសង្គ្រាមរវាងពួកយក្ស (Orc) ដែលចង់ឈ្លានពានក្នុងពិភពដ៏សន្តិភាពមួយ Azeroth របស់ក្រុមមនុស្ស សាច់រឿងនេះត្រូវបានដកស្រង់ចេញពីហ្គេម Warcraft ដោយផ្ទាល់។ខ្សែភាពយន្តមួយនេះត្រូវបានក្រុមហ៊ុន Legendary Pictures សហការជាមួយនឹងក្រុមហ៊ុនហ្គេម Warcraft ផ្ទាល់គឺ Blizzard Entertainment ដើម្បីផលិតឡើងនៅខ្សែភាពយន្តរស់រវើកមួយនេះហើយក៏បានចេញផ្សាយដោយផលិត Universal Pictures។កាលពីប៉ុន្មានសប្តាហ៍មុនយើងបានទស្សនាពី Trailer ទីមួយនៃរឿង Warcraft នេះម្តងហើយប៉ុន្តែសប្តាហ៍នេះ Trailer ថ្មីនេះគឺនឹងយកតាមលំនាំសាច់រឿងនៃហ្គេម Warcraft តែម្តង!! ពោលគឺយើងឃើញមានតួអង្គវីរៈបុរសជាច្រើននៃពិភព Azeroth ដែលឈរតតាំងទៅនឹងពួកអ្នកចំបាំងយក្សទាំងនោះដោយពួកគេប្រើប្រាស់ ដាវ លំពែង សិល្ប៍អាគមជាដើម ដើម្បីរកសន្តិភាពសម្រាប់មាតុភូមិពួកគេរៀងៗខ្លួន។គួរបញ្ជាក់ផងដែរខ្សែភាពយន្ត Warcraft នេះនឹងចាប់ចាក់បញ្ចាំងចាប់ពីថ្ងៃទី 9 ខែមិថុនា នៅប្រទេសកម្ពុជាយើងនេះហើយ។តោះកុំឲ្យរងចាំយូរយើងនឹងទៅទស្សនាពីវីដេអូ Trailer ទី2 ថ្មីនៃខ្សែភាពយន្ត Warcraft នេះទាំងអស់គ្នា:ប្រភព: YouTubeអត្ថបទដោយ: William

តារាសម្តែង Lee Min Ho ទៅហ្វីលីពីនផ្អើលអស់មនុស្សចង់មួយក្រុងមកមើល

ថ្ងៃទី ១៩ ខែ មេសា ឆ្នាំ ២០១៦ ម៉ោង ១៣:៥១

​កាលពី​សប្ដាហ៍​កន្លងទៅ​នេះ កំពូល​តារា​សម្ដែង​កូរ៉េខាងត្បូង Lee Min Ho បានធ្វើ​ដំណើរ​ទៅ​ប្រទេស​ហ្វ៊ីលីពីន ដើម្បី​ជួប​អ្នកគាំទ្រ​របស់ខ្លួន​ជាង​២​ម៉ឺន​នាក់ និង ​ដើម្បី​ផ្សព្វផ្សាយ​ឲ្យ​ក្រុមហ៊ុន​សំលៀកបំពាក់ BENCH របស់​ហ្វីលីពីន ។​​ក្នុងនោះ តួឯក​រឿង «The Heirs» បាន​ទៅ​ជួប​អ្នកគាំទ្រ​នៅ​ទីក្រុង Manila និង ទីក្រុង Cebu ដោយ​ក្នុង​កម្មវិធី​នីមួយៗ​សុទ្ធ​តែមាន​អ្នក​មក​ទស្សនា​រាប់ម៉ឺន​នាក់ ។ សារព័ត៌មាន​ហ្វីលីពីន​មួយ​បាន​សរសេរ​បែប​កំប្លែង​ថា​ថ្ងៃ​ដែល Lee Min Ho មក​នោះ គួរតែ​ប្រកាស​ជា​ថ្ងៃ​បុណ្យជាតិ ដោយសារ​មាន​អ្នកចូលរួម​ស្ទើរតែ​អស់ពី​ក្រុង​ទៅហើយ ៕​ប្រភពពី TV5

ខ្សែភាពយន្ត Captain America: វគ្គ Civil Wars ចេញ Trailer ថ្មីមួយផ្សព្វផ្សាយឲ្យក្រុមហ៊ុន Audi

ថ្ងៃទី ១៩ ខែ មេសា ឆ្នាំ ២០១៦ ម៉ោង ១០:៥៩

តាមពិតទៅយើងអាចនិយាយបានថាខ្សែភាពយន្ត Captain America: វគ្គ Civil Wars នេះគឺជាការងារដ៏រវល់មួយរបស់ផលិតកម្ម Marvel ព្រោះថាតួអង្គវីរៈបុរសនិងវីរៈនារីស្ទើរទាំងតែអស់បានមកផ្តុំគ្នាក្នុងខ្សែភាពយន្តមួយនេះ។ដោយឡែកផលិតកម្ម Marvel ទើបតែបានចេញ Trailer ផ្លូវការទី 2 សម្រាប់រឿងនេះប៉ុណ្ណោះ ប៉ុន្តែថ្ងៃនេះយើងឃើញក្រុមហ៊ុន Audi ក៏ដូចជាផលិតកម្ម Marvel Entertainment បានបង្ហោះវីដេអូខ្លីមួយផ្សព្វពីរថយន្តសេរីថ្មីរបស់ក្រុមហ៊ុន Audi មិនត្រឹមតែប៉ុណ្ណោះយើងក៏ឃើញមានតួអង្គ Captain America ដែលខំប្រឹងប្រែងការពារតួអង្គ Bucky ពីតួអង្គ Black Panther ដែលជាក្រុមសត្រូវនឹងខ្លួននោះ។គួរបញ្ជាក់ផងដែរថាកំពូលខ្សែភាពយន្តវីរៈបុរសមួយនេះនឹងចាប់ចាក់បញ្ចាំងចាប់ពីថ្ងៃទី 28 ខែមេសា (សប្តាហ៍ក្រោយនេះឯង) នៅប្រទេសបារាំង ហើយចំណែកសហរដ្ឋអាមេរិចវិញនៅថ្ងៃទី 6 ខែឧសភាឯណោះ អ្វីដែលគួរឲ្យចាប់អារម្មណ៍និងពិសេសនោះប្រទេសកម្ពុជាយើងនឹងបានទស្សនារឿងនេះមុនសហរដ្ឋអាមេរិចរហូតដល់ 8 ថ្ងៃគឺនៅថ្ងៃទី 28 ខែមេសា នាសប្តាហ៍ក្រោយនេះហើយ។តោះកុំឲ្យរងចាំយូរយើងនឹងទស្សនាពី Trailer ស្បតពាណិជ្ជកម្មឲ្យក្រុមហ៊ុន Audi នេះទាំងអស់គ្នា:ប្រភព: YouTubeអត្ថបទដោយ: William

ខ្សែភាពយន្ត The Jungle Book បើកឆាករកបានប្រាក់ចំណូលជាង 103 លានដុល្លារ

ថ្ងៃទី ១៩ ខែ មេសា ឆ្នាំ ២០១៦ ម៉ោង ០៥:៤៨

The Jungle Book ដែលធ្លាប់ជាគំនូរជីចលរបស់ក្រុមហ៊ុន Disney ឥឡូវបានធ្វើការផលិតឡើងវិញហើយជាខ្សែភាពយន្តរស់រវើកសំដែងដោយតួអង្គ Neel Sethi ដើរតួជាកូនមនុស្សរស់នៅក្នុងព្រៃ (គ្រប់គ្នាបានស្គាល់ថាជាតួអង្គ Mowgli ម៉ៅឃ្លី)។ខ្សែភាពយន្ត The Jungle Book នេះបានយកឈ្នះគ្រប់គំនូរជីវចលដែលផលិតឡើងវិញជាខ្សែភាពយន្តរស់រវើកដូចជា Alice in Wonderland កាលពីឆ្នាំ 2010 ហើយខ្សែភាពយន្តនេះរកបានប្រាក់ចំណូលសរុបជាង 290 លានដុល្លាររួមមានការបើកឆាកក្នុងសប្តាហ៍ដំបូងរកបាន 262 លានដុល្លារដែលបានចាប់ផ្តើមចាំងបញ្ចាំងកាលពីសប្តាហ៍មុនហើយក្នុងសប្តាហ៍នេះខ្សែភាពយន្ត The Jungle Book នេះបានឈរនៅលំដាប់ទី 1 ក្នុងតារាង Box Office ពិភពលោក៕ខ្សែភាពយន្ត The Jungle Book នេះមិនទាន់ឈប់បញ្ចាំងនៅឡើយទេនៅប្រទេសកម្ពុជាយើង អ្នកអាចស្វែងរកទស្សនានៅរោងកុន Legend និង Major Cineplex បាន បើអ្នកមិនទាន់បានទស្សនាទេក្រឡេកមកមើល Trailer របស់វាមើលដឹងតែជក់ចិត្តតែម្តង:ខាងក្រោមនេះជាតារាងខ្សែភាពយន្តទាំង 10 ដែលបានប្រាក់ចំណូលច្រើនហើយឈរនៅក្នុងតារាង Box Office ពិភពលោកសប្តាហ៍នេះ1. The Jungle Book (2016): រកបានប្រាក់ចំណូល 103.5 លានដុល្លារ2. Barbershop: The Next Cut:  រកបានប្រាក់ចំណូល 20.2​ លានដុល្លារ3. The Boss: $10.1m. Total: រកបានប្រាក់ចំណូល 40.3 លានដុល្លារ4. Batman v Superman: Dawn of Justice: រកបានប្រាក់ចំណូល 9 លានដុល្លារ។រកបានសរុបជាង : 311.3 លានដុល្លារ5. Zootopia: រកបានប្រាក់ចំណូល 8.2 លានដុល្លារ។រកបានសរុបជាង : 307.4 លានដុល្លារ6. Criminal:  រកបានប្រាក់ចំណូល 5.8 លានដុល្លារ7. My Big Fat Greek Wedding:  រកបានប្រាក់ចំណូល 3.2 លានដុល្លារ។រកបានសរុបជាង : 52 លានដុល្លារ8. Miracles from Heaven: រកបានប្រាក់ចំណូល 1.9 លានដុល្លារ។រកបានសរុបជាង : 56.9 លានដុល្លារ9. God’s Not Dead 2: រកបានប្រាក់ចំណូល 1.7 លានដុល្លារ។រកបានសរុបជាង : 16.9 លានដុល្លារ10. Eye in the Sky: រកបានប្រាក់ចំណូល 1.6 លានដុល្លារ។រកបានសរុបជាង : 13.1 លានដុល្លារប្រភព: The Gurdianអត្ថបទដោយ: William

លោក គង្គ ប៊ុន​ឈឿន ​​ផ្ដាំ​ចុង​ក្រោយ​ឲ្យ​​​​​ឈប់​ចម្លង​បទ​បរទេស

ថ្ងៃទី ១៩ ខែ មេសា ឆ្នាំ ២០១៦ ម៉ោង ០៣:៥១

ប្រភពពី VOD ៖ បន្ទាប់ពីទទួលមរណភាពកាលពីថ្ងៃទី១៧ មេសា សពរបស់លោក គង្គ ប៊ុនឈឿន ត្រូវបានក្រុមគ្រួសារបញ្ជាក់ថានឹងត្រូវកំណត់ឲ្យបូជានៅថ្ងៃសៅរ៍សប្ដាហ៍នេះហើយក្នុងប្រទេសន័រវេស ប៉ុន្តែនឹងអាចតម្កល់ទុករហូតដល់១០០ថ្ងៃ ឬច្រើនជាងមុន មុននឹងបញ្ជូនមកតម្កល់នៅកម្ពុជា ដោយសារតែទីអាស្រមតម្កល់ធាតុនៅខេត្តកំពង់ស្ពឺទើបតែស្ថាបនាបាន៩០ភាគរយ។ មុនពេលទទួលអនិច្ចកម្មកវីស្ទឹងសង្កែរូបនេះ បានបន្សល់នូវបណ្ដាំចុងក្រោយមួយ គឺសុំអ្នកនិពន្ធបទចម្រៀងជំនាន់ក្រោយគ្រប់រូបបញ្ឈប់ការចម្លងបទពីបរទេស។ក្នុងបទសម្ភាសន៍ជាមួយភ្នាក់ងារVOD កាលពីល្ងាចថ្ងៃទី១៨ មេសា លោក មុត ថារី កូនប្រសាររបស់លោកគង្គ ប៊ុនឈឿន បានអះអាងថាបំណងចុងក្រោយរបស់លោក គង្គ ប៊ុនឈឿន គឺសុំឲ្យអ្នកនិពន្ធបទចម្រៀងគ្រប់ផលិតកម្មបញ្ឈប់ឲ្យអស់នូវការលើកតម្កើងស្នាដៃបទចម្រៀងបរទេស។ លោកថាឪពុកក្មេករបស់ខ្លួនតែងបង្ហាញពីកង្វល់នៅពេលវិស័យចម្រៀងក្នុងប្រទេសកម្ពុជានៅពេលដែលវិស័យដែលធ្លាប់រីកចម្រើនមួយនេះ ត្រូវប្រឡូកប្រឡាក់ដោយការរិះគន់ថាចេះតែចម្លងបទគេ។ លោកមានប្រសាសន៍ថា៖ “មុនពេលគាត់(គង្គ ប៊ុនឈឿន)ស្លាប់ ពាក្យសម្ដីដែលគាត់តែងតែនិយាយដដែលៗគឺសុំឲ្យអ្នកនិពន្ធជំនាន់ក្រោយឈប់ចម្លងបទបរទេស គាត់ថាបើនៅតែអញ្ចឹង ប្រទេសនឹងមានការអាប់ឱន ព្រោះគាត់ថាបទចម្រៀងវាឆ្លុះបញ្ចាំងពីវប្បធម៌របស់ប្រទេសមួយថារីកចម្រើនឬធ្លាក់ចុះ”។ លោកថាលោកគង្គ ប៊ុនឈឿន មិនដែលសប្បាយចិត្តនោះទេ នៅពេលវិស័យចម្រៀងនៅក្នុងប្រទេសកម្ពុជាមានតែការចម្លងបទបរទេសច្រើនជាងនិពន្ធខ្លួនឯង ដែលមិនខុសពីការលើកស្ទួយនូវវប្បធម៌បរទេស ហើយមិនប្រឹងបញ្ចេញស្នាដៃដោយខ្លួនឯងផ្ទាល់។លោកឲ្យដឹងទៀតថាឪពុករបស់ខ្លួនទទូចឲ្យឈប់សកម្មភាពបកប្រែរាល់បទបរទេសនិងខំនិពន្ធបទថ្មីឲ្យបានច្រើន ដើម្បីឲ្យក្មេងជំនាន់ក្រោយបានស្គាល់បានស្គាល់ពីទេពកោលស្យរបស់ខ្មែរវិញ។ លោកនិយាយថា៖ “បណ្ដាំចុងក្រោយដែលកូនចៅចាំបាន គឺគាត់ចង់ឃើញវិស័យចម្រៀងរបស់យើងលែងមានបទបរទេស ដាក់លក់ឲ្យខ្មែរស្ដាប់ ហើយបណ្ដាំហ្នឹងខ្ញុំបានផុសនៅលើហ្វេសប៊ុកខ្ញុំរួចហើយ ដើម្បីរំឭកដល់គាត់ដែលបានចែកឋាន!”។លោក មុត ថារី បន្តថា លោក គង្គ ប៊ុនឈឿន បានចាកចេញពីប្រទេសកម្ពុជាទៅរស់នៅប្រទេសថៃកាលពីឆ្នាំ២០០០ និងបានចាកចេញពីប្រទេសថៃទៅកាន់ប្រទេសន័រវេសរហូតដល់ពេលលាចាកលោកកាលពីឆ្នាំ២០០៥ ដោយលោកមកលេងប្រទេសកម្ពុជាតែម្ដងគត់ ក្នុងឆ្នាំ២០១៣។ លោកថាសពរបស់ឪពុកក្មេកនឹងត្រូវបូជានៅថ្ងៃសៅរ៍ទី២៣ មេសានេះ បន្ទាប់ពីបានតម្កល់សពច្រើនថ្ងៃធ្វើបុណ្យនៅក្នុងប្រទេសន័រវេស។ លោកថានៅក្នុងប្រទេសកម្ពុជា កូនចៅក៏មានគម្រោងធ្វើបុណ្យបង្សុកូលធំមួយនៅវត្តត្រពាំងកិន ក្នុងខេត្តកំពង់ស្ពឺនៅថ្ងៃសៅរ៍នោះផងដែរ ដើម្បីឧទ្ទិសមគ្គផលជូនដល់វិញ្ញាណក្ខន្ធរបស់លោកគង្គ ប៊ុនឈឿន។ លោកនិយាយថា៖ “ខ្ញុំនិងភរិយាអត់បានឡើងទៅន័រវេសទេក្នុងថ្ងៃបូជាហ្នឹង ព្រោះពួកយើងទើបតែទៅកាលពីខែ១(២០១៦)ដែរ ប៉ុន្តែពួកយើងនឹងធ្វើបុណ្យនៅវត្តមួយក្នុងខេត្តកំពង់ស្ពឺ កន្លែងដែលយើងធ្វើអាស្រមតម្កល់ធាតុឲ្យគាត់!”។ លោកថាអាស្រមនោះមានទំហំ៥គុណនឹង៧ម៉ែត្រ ដោយគ្រោងនឹងរៀបចំឲ្យក្លាយជាបណ្ណាល័យតម្កល់ស្នាដៃរបស់លោកគង្គ ប៊ុនឈឿនតែម្ដង ក្រៅពីតម្កល់ធាតុទុកគោរពបូជា។ លោកនិយាយថា៖ “អាស្រមតម្កល់ធាតុហ្នឹង ថ្ងៃក្រោយយើងធ្វើជាបណ្ណាល័យទាំងចម្រៀងគាត់ ទាំងរូបថត និងស្នាដៃរឿងរបស់គាត់តែម្ដង ព្រោះកូនចៅចង់ឲ្យក្លាយជាកន្លែងស្រាវជ្រាវ និងជាតំបន់ទេសចរណ៍ទៅថ្ងៃក្រោយ!”។លោកថាមុនឃើញទីអាស្រម លោកគង្គ ប៊ុនឈឿន មានបំណងចង់បានដីមួយកន្លែងនៅខេត្តបាត់ដំបងធ្វើជាកន្លែងតម្កល់ធាតុ ប៉ុន្តែក្រោយពេលបានឃើញគឺលោកពេញចិត្ត នឹងបានផ្ដាំថាឲ្យដាក់ធាតុលោកនៅខេត្តកំពង់ស្ពឺនោះនិងសុំត្រឹមថាឲ្យមានជារូបសំណាក់អ្វីមួយនៅជាប់នឹងមាត់ស្ទឹងសង្កែប៉ុណ្ណោះ។ លោកមាននិយាយថា៖ “ពួកយើងសប្បាយចិត្តពេលឮថាអភិបាលខេត្តបាត់ដំបងពេញចិត្តសង់ជាកន្លែងតម្កល់ធាតុឲ្យ ប៉ុន្តែពួកយើងសុំអត់ទទួលទេ គឺមានកន្លែងតម្កល់សពឲ្យគាត់ហើយ គឺសុំតែឲ្យមានរូបសំណាក់ ឬជាស្អីមួយនៅជាប់មាត់ស្ទឹងសង្កែ ដើម្បីឲ្យអ្នកទេសចរណ៍បានចង់ចាំលោកប៉ុណ្ណោះ!”។គួរបញ្ជាក់ថាលោក គង្គ ប៊ុនឈឿន ទទួលមរណភាពក្នុងវ័យ៧៧ឈានចូល៧៨ឆ្នាំ។ លោកមានកូន៦នាក់(ស្រី៥ប្រុស១) ដោយមានតែភរិយារបស់លោកម្នាក់ប៉ុណ្ណោះរស់នៅស្រុកខ្មែរ ចំណែកកូនផ្សេងទៀតគឺរស់នៅក្រៅប្រទេស៕

ការ​ទស្សន៍​ទាយ​ពី​ជោគជតារាសី​ក្នុង​ឆ្នាំវក​នេះ​សម្រាប់​បុរស និង​ស្ត្រី​លើ​ធាតុ​ឆ្នាំ​ទាំង​១២

ថ្ងៃទី ១៩ ខែ មេសា ឆ្នាំ ២០១៦ ម៉ោង ០២:១១

លោក​អ្នក​កើត​ឆ្នាំជូតបើជា​មនុស្ស​ប្រុស​ទំនាយ​ថា ៖ក្នុងឆ្នាំនេះ ជា​ឆ្នាំ​ដែល​អ្នក​នឹង​បានការ​ងារ​ធ្វើ​ជា​លក្ខណៈ​មូលដ្ឋាន បើសិនជា​ការ​រៀបចំ​មង្គលការ​ផ្ទាល់ខ្លួន​មុខជា​បាន​សម្រេច​ដូច​សេចក្តី​ប្រាថ្នា ជួប​លាភ​ផល​យ៉ាង​បន្ទាន់ តែបើ​ទោះ​ទៅ​ជាយា​៉​ង​នោះ​ក៏​ដោយ ក៏​គង់តែ​នៅ​មាន​មនុស្ស​ឫស្យា​ចំពោះ​លទ្ធផល​របស់​អ្នកជា​និច្ច នៅ​ក្នុង​រឿង​នេះ​អ្នក​កុំ​គប្បី​ខ្លាច​ឱ្យ​សោះ ព្រោះ​មាន​គេ​រង់ចាំ​ជួយ​ឈឺឆ្អាល​អ្នក​ពេញទំហឹង ខាង​មុខ​នៃ​ការ​ដូច​ពោល​នេះ អ្នក​ចូរ​ប្រយ័ត្ន​មនុស្ស​មានទុក្ខ​ទោស​គ្រប​សង្កត់​ណាមួយ​មក​បញ្ចុះបញ្ចូល​បញ្ជោរ​លើកជើង​អ្នក​ឱ្យ​ចូលរួម​ការងារ​ជាមួយ​គេ ទោះ​ការងារ​នោះ​មាន​សភាព​យា​៉​ង​ណា​ក៏​ដោយ​សុទ្ធតែ​មិន​បរិសុទ្ធ​ទាំងអស់ ។ ហើយ​មិន​គួរ​លី​សែង​រែកពុន​លើកដាក់​របស់​ធ្ងន់​ៗ​ហួសពេក​ទេ ព្រោះ​អាច​មានការ​ថ្លោះ​ចង្កេះ​ឬ​គ្រេច​ឆ្អឹងខ្នង ឬ​មានការ​ឈឺ​ថ្កាត់​បាន​ដោយ​ងាយ ។បើជា​មនុស្ស​ស្រី​ទំនាយ​ថា ៖ក្នុងឆ្នាំនេះ​ជា​ឆ្នាំ​សម្រេច​លាភ​ផល​ជូន​ដល់​កណ្តាប់ដៃ​យើង ហើយ​ខ្លួន​អ្នក​ត្រូវ​បាន​ជោគជ័យ​គ្រប់​ប្រការ ហើយនឹង​បាន​ទទួល​ការ​លើកតម្កើង​ពី​មនុស្ស​ទូទៅ ថាបើ​អ្នក​បាន​រៀប​មង្គលការ​ក្នុងឆ្នាំនេះ​រាប់​ថា​ល្អ​ផ្តាច់​ហើយ ទោះបីជា​សត្រូវ​កាច​ប៉ុនប៉ង​ប្រទូស្ត​រ៉ា​យ​យ៉ា​ង​ដូច​ម្តេច​ក៏​ដោយ ក៏​អ្នក​អាច​គេច​ផុត​បាន​ទាំងអស់ ប៉ុន្តែ​ឧបសគ្គ​របស់​អ្នក​ក៏​មិន​សាបសូន្យ​ដែរ ចំពោះ​ក្រុម​ញាតិពន្ធ​នឹង​ផ្តល់​នូវ​សេចក្តី​រំខាន​ដល់​អ្នកមួយ​ចំនួន​នៅ​ក្នុង​រយៈ​ឆ្នាំ​នេះ ។លោក​អ្នក​កើត​ឆ្នាំឆ្លូវបើជា​មនុស្ស​ប្រុស​ទំនាយ​ថា ៖ឆ្នាំ​នេះ​ជា​ឆ្នាំ​ដែល​ជោគ​រាសី​របស់​អ្នក​ល្អជា​ទីបំផុត លោក​អ្នកមាន​សេចក្តីសុខ​សម្រាន្ត​យា​៉​ង​លើសលប់ ហើយ​បាន​គាប់ចិត្ត​គ្រប់​យា​៉​ង នៅ​មាន​គេ​នាំ​កំណល់​រង្វាន់​មក​ឱ្យ​ដល់ទី​កន្លែង ។ នៅ​ក្នុង​បន្ទុក​ក្រុម​គ្រួសារ​មាន​សេចក្តីសុខ​យា​៉​ង​ក្រៃ​លែង ។ ក្នុងឆ្នាំនេះ បើ​លោក​អ្នកមាន​បំណង​ធ្វើ​ការងារ​អ្វី ឬ​បើកមុខ​ជំនួញ​ជួញដូរ​មុខជា​បាន​សម្រេច​ផល​យា​៉​ង​ពិតប្រាកដ ប៉ុន្តែ​ថា​អ្នក​កុំ​ផ្តេកផ្តួល​នឹង​ការ​ជួយ​ឈឺឆ្អាល​ពី​គេ​ឯទៀត​ខ្លាំង​ពេក នៅ​ក្នុង​រឿង​រាប់អាន​ស្រឡាញ់​ទុកចិត្ត​គួរតែ​ប្រយ័ត្ន​ឱ្យ​មែនទែន ហើយ​ខំ​ស្ទាបស្ទង់​បន្ដិច​ផង ។បើជា​មនុស្ស​ស្រី​ទំនាយ​ថា ៖ក្នុងឆ្នាំនេះ ជា​ឆ្នាំ​ដែល​ជោគជតារាសី​លោក​អ្នក​មិនសូវ​ជា​ល្អ លោក​អ្នក​នឹង​មានចិត្ត​ខ្វល់ខ្វាយ​ជា​ច្រើន​អនេក មិត្តភក្តិ​ជាទី​ស្រឡាញ់ ឬ​ញាតិសន្ដាន​ដែល​មានគុណ​បំណាច់​លើ​រូប​អ្នក​នឹង​ត្រូវ​និរាស​គ្នា មិនតែប៉ុណ្ណោះ​អ្នក​ត្រូវ​ខូចខាត​ផលប្រយោជន៍​ខ្លះ​ទៀត​ផង តាម​ការ​ពិត​អ្នក​មិន​ត្រូវ​រង​ទុក្ខ​ក្ដៅ​ណាស់ណា​ទេ បើទុកជា​មាន​ឧបសគ្គ​ក្នុង​ការងារ​របស់​អ្នកខ្លះ​ក៏​គង់​នឹង​សាបរលាប​ទៅ​វិញ​បាន ដោយសារ​ពេល​នេះ​មាន​គេ​ជួយ​ឈឺឆ្អាល​ឱ្យ​អ្នក​បាន​សុខសាន្ដ រីឯ​ភឿន​របស់​អ្នក​ក៏​បាន​តទល់​ជួយ​យ៉ាង​ស្វិតស្វាញ ជួនកាល​ឆ្នាំ​នេះ​ត្រូវ​រុះរើ​ផ្ទះសម្បែង​ជួសជុល ឬ​ធ្វើ​ថ្មី​ផង​ក៏​អាច​ថា​បាន ។លោក​អ្នក​កើត​ឆ្នាំខាលបើជា​មនុស្ស​ប្រុស​ទំនាយ​ថា ៖ឆ្នាំ​នេះ​ជា​ឆ្នាំ​ដែល​អ្នក​ត្រូវ​ឃ្លាត​ពី​ទីកន្លែង បើសិនជា​មិន​ដូច្នោះ​ទេ អ្នក​មុខជា​ត្រូវ​នឿយណាយ​ធុញទ្រាន់​នឹង​កន្លែង​ចាស់ ឬ​ត្រូវ​ផ្លាស់​ប្ដូរ​ទីលំនៅ​ផង​ដែរ​ក៏​មាន ពុំនោះសោត​នាទី​ការពារ​របស់​អ្នក​នឹង​ត្រូវ​រុះរើ​ជា​ថ្មី ។ បើ​មានការ​លក់ដូរ​ជំនួញ​ជួញ​ប្រែជា​អាជីព ការ​នេះ​នឹង​បណ្ដាល​ជា​ហេតុ​ឱ្យ​មាន​សេច​ក្ដិ​តឹង​ចង្អៀត​ខ្លះ​ៗ​។ តំណ​ទៅ ពេល​ខាង​មុខ ក្នុងឆ្នាំនេះ​អ្នក​នឹង​មានការ​ស្កៀបរមាស់​រង្គោះរង្គើ​ដល់​ក្រុមហ៊ុន បើ​មាន​ជើង​ឈ្នួល​ក្នុង​បន្ទុក វា​នឹង​ធ្វើ​ឲ្យ​មោះមិនគាប់ ឲ្យ​អ្នកមាន​សេចក្តី​ហ្មង​មួ​ជា​រឿយ​ៗ ។ មួយវិញទៀត ញាតិពន្ធ ឬ​មិត្ដភក្ដិ​នឹង​កើតជា​ក្ដីរ​ង្គា​ស​ឫស្យា​ដល់​អ្នក​ដោយ​បំពាន​លើ​ផល​ល្អ​និង​សេចក្ដីចម្រើន​របស់​អ្នក ហេតុការណ៍​ទាំង​អស់នេះ​ចូរ​កុំ​ភ្លេច​ស្មារតី​ឱ្យ​សោះ ។ បើ​យ៉ាង​ហោច​ណាស់​នៅ​ក្នុងឆ្នាំនេះ អ្នក​នឹង​មាន​វិ​បត្ដ​ឈឺ​ថ្កាត់​មិន​ខាន​ឡើយ ។ បើ​មនុស្ស​ស្រី​ទំនាយ​ទាយ​ថា ៖ក្នុងឆ្នាំនេះ ជា​ឆ្នាំ​ដែល​ជោគជតារាសី​របស់​អ្នក​មិនសូវ​ល្អ លោក​អ្នក​មិនសូវ​បាន​រីករាយ​សោះឡើយ មិត្ដភក្ដិ ឬ​មនុស្ស​ធ្វើការ​ជាមួយ​អ្នក គេ​ជា​មនុស្ស​អាប់​ជោគ ថោក​រាសី​ដឹកនាំ​អ្នក​ឱ្យ​ខូចខាត​ទុន ក្នុង​រយៈ​ឆ្នាំ​នេះ​អ្នក​មិន​គួរ​ធ្វើ​ដំណើរ​ផ្លូវ​ឆ្ងាយ​ពេក​ទេ សួ​ម្បី​តែ​បើកហាង​លក់ដូរ​អីវ៉ាន់​ថ្មី ឬ​ប្រកប​កិច្ចការ​យ៉ាងណា​ក៏​ដោយ អ្នក​កុំ​ធ្វេសប្រហែស​ឱ្យ​សោះ ហើយ​មិន​គួរ​ពឹង​រក​ឱ្យ​គេ​ជួយ​ទុក្ខ​ធុរៈ​ខ្លួន​ជា​ដាច់ខាត ។ តែ​ទោះបីជា​យ៉ាងនេះ​ក៏​ដោយ ក៏​អ្នក​នឹង​បាន​សម្រេច​ក្នុង​ការងារ​ដែល​អ្នក​បាន​តាំងចិត្ត​ទុក​ដោយ​សេចក្ដី​មានះ​ព្យាយាម​យ៉ាង​ប្ដូរផ្ដាច់ ។លោក​អ្នក​កើត​ឆ្នាំថោះបើជា​មនុស្ស​ប្រុស​ទំនាយ​ថា ៖ ក្នុងឆ្នាំនេះ ជា​ឆ្នាំ​ដែល​ជោគជតារាសី​របស់​លោក​អ្នក​បាន​ល្អ​ប្រសើរ នឹង​បាន​លាភ​ធំ តែ​មុន​នឹង​កើត​លាភ​លោក​អ្នក​ត្រូវ​បាត់បង់​ទ្រព្យ​របស់​ជា​មុន​សិន ហេតុនេះ​ត្រូវ​ប្រុង​ប្រយ័ត្ន​ខ្លួន​បន្តិច​ព្រោះ​ត្រូវ​ចោរកម្ម​វា​មាន​បំណង​ទុក បន្ទាប់​ពី​នោះ​ទៅ​អ្នក​នឹង​ត្រូវ​បាន​ទទួល​មុខ​តំណែង​ថ្មី មាន​នាទី​ទទួលខុសត្រូវ​ជាន់ខ្ពស់ ។ ឯ​ជោគ​លាភ​ដែល​អ្នក​ត្រូវ​បាន​នោះ នឹង​បាន​មក​ពី​ទី​ឆ្ងាយ ហើយ​លោក​អ្នក​ត្រូវ​ខំ​រក្សា​សុខភាព​ឲ្យ​បាន​ល្អ ព្រោះ​អាច​មាន​ជំងឺ​តម្កាត់​ខ្លះ​ផង​នៅ​ក្នុងឆ្នាំនេះ ។បើជា​មនុស្ស​ស្រី​ទំនាយ​ថា ៖ក្នុងឆ្នាំនេះ រាសី​របស់​លោក​អ្នក​មិនសូវ​បាន​ស្រួលបួល​ទេ គឺថា​អ្នក​ត្រូវ​តែ​ជួប​ប្រទះ​នឹង​ឧបសគ្គ​ជា​ញឹកញយ​ក្នុង​ដំណើរ​ជីវិត​របស់​អ្នក ។ ប៉ុន្ដែ​អ្នក​ត្រូវ​ខិតខំ​តាំងចិត្ត​ពុះពារ និង​ប្រឹង​រំងាប់​ចិត្ត​ទប់ទល់​នឹង​អធិករណ៍​នេះ​ឱ្យ​មែនទែន ហើយ​គួរ​តាំងចិត្ត​ធ្វើ​ការងារ​ឬ​កិច្ចការ​យ៉ាងណា​នោះ  ដោយ​សេចក្ដី​ឧស្សាហ៍​និង​ស្វាហាប់ ខំ​បំពេញ​ឱ្យ​បាន​អង់អាច​ជា​និច្ច ។ បើ​អ្នក​ធ្វើ​យ៉ាងនេះ​បាន​នោះ ទើប​អ្នក​បាន​ជោគជ័យ​គ្រាន់បើ​ឡើង​វិញ​បន្ដិច​ក្នុង​រវាង​ដែល​លោក​អ្នកមាន​អាយុ​ប៉ុណ្ណោះ ។លោក​អ្ន​កើត​ឆ្នាំរោងបើជា​មនុស្ស​ប្រុស​ទំនាយ​ថា ៖ ក្នុងឆ្នាំនេះ រាសី​របស់​លោក​អ្នក​មិនសូវ​បាន​ស្រួលបួល​ទេ គឺថា​អ្នក​ត្រូវ​តែ​ជួប​ប្រទះ​នឹង​ឧបសគ្គ​ជា​ញឹកញយ​ក្នុង​ដំណើរ​ជីវិត​របស់​អ្នក ។ ប៉ុន្ដែ​អ្នក​ត្រូវ​ខំ​តាំងចិត្ត​ពុះពារ​និង​ប្រឹង​រំងាប់​ចិត្ត​ទប់ទល់​នឹង​អធិករណ៍​នេះ​ឱ្យ​មែនទែន ហើយ​គួរ​តាំងចិត្ត​ធ្វើ​ការងារ​ឬ​កិច្ចការ​យ៉ាងណា​នោះ​ដោយ​សេចក្ដី​ឧស្សាហ៍ និង​ស្វាហាប់ ខំ​បំពេញ​ឱ្យ​បាន​អង់អាច​ជា​និច្ច ។ បើ​អ្នក​ធ្វើ​យ៉ាងនេះ​បាន​នោះ​ទើប​អ្នក​បាន​ជោគជ័យ​គ្រាន់បើ​ឡើង​វិញ​បន្ដិច ក្នុង​រវាង​ដែល​លោក​អ្នកមាន​អាយុ​ប៉ុណ្ណេះ ។បើជា​មនុស្ស​ស្រី​ទំនាយ​ថា ៖ក្នុងឆ្នាំនេះ ជា​ឆ្នាំ​ដែល​ជោគជតារាសី​របស់​លោក​អ្នក​បាន​ល្អ​ប្រសើរ នឹង​បាន​លាភ​ធំ តែ​មុន​នឹង​កើត​លាភ អ្នក​ត្រូវ​បាត់បង់​ទ្រព្យ​របស់​ជា​មុន​សិន ហេតុនេះ​ត្រូវ​ប្រុង​ប្រយ័ត្ន​ខ្លួន​បន្តិច ព្រោះ​ត្រូវ​ចោរកម្ម​វា​មាន​បំណង​ទុក បន្ទាប់​ពី​នោះ​ទៅ​អ្នក​នឹង​ត្រូវ​បាន​ទទួល​មុខ​តំណែង​ថ្មី មាន​នាទី​ទទួលខុសត្រូវ​ជាន់ខ្ពស់ ឯ​ជោគ​លាភ​ដែល​អ្នក​ត្រូវ​បាន​នោះ​នឹង​បាន​មក​ពី​ទី​ឆ្ងាយ ហើយ​លោក​អ្នក​ត្រូវ​ខំ​រក្សា​សុខភាព​ឲ្យ​បាន​ល្អ​ព្រោះ​អាច​មាន​ជំងឺ​តម្កាត់​ខ្លះ​ផង​នៅ​ក្នុងឆ្នាំនេះ ។លោក​អ្ន​កើត​ឆ្នាំម្សាញ់បើជា​មនុស្ស​ប្រុស​ទំនាយ​ថា ៖ក្នុងឆ្នាំនេះ ជា​ឆ្នាំ​ដែល​ជោគជតារាសី​របស់​អ្នក​មិនសូវ​ល្អ លោក​អ្នក​មិនសូវ​បាន​រីករាយ​សោះឡើយ មិត្តភក្តិ ឬ​មនុស្ស​ធ្វើការ​ជាមួយ​អ្នក គេ​ជា​មនុស្ស​អាប់​ជោគ​ថោក​រាសី​ដឹកនាំ​អ្នក​ឲ្យ​ខូចខាត​ទុន ក្នុង​រយៈ​ឆ្នាំ​នេះ​អ្នក​មិន​គួរ​ធ្វើ​ដំណើរ​ផ្លូវ​ឆ្ងាយ​ពេក​ទេ សូ​ម្បី​តែ​បើកហាង​លក់ដូរ​អីវ៉ាន់​ថ្មី ឬ​ប្រកប​កិច្ចការ​យ៉ាងណា​ក៏​ដោយ​អ្នក​កុំ​ធ្វេសប្រហែស​ឲ្យ​សោះ ហើយ​មិន​គួរ​ពឹង​រក​ឲ្យ​គេ​ជួយ​ទុក្ខ​ធុរៈ​ខ្លួន​ជា​ដាច់ខាត ។ តែ​ទោះបីជា​យ៉ាងនេះ​ក៏​ដោយ ក៏​អ្នក​គង់​នឹង​បាន​សម្រេច​ក្នុង​ការងារ​ដែល​អ្នក​បាន​តាំងចិត្ត​ទុក​ដោយ​សេចក្តី​មានះ​ព្យាយាម​យ៉ាង​ប្តូរផ្តាច់ ។បើជា​មនុស្ស​ស្រី​ទំនាយ​ថា ៖ឆ្នាំ​នេះ ជា​ឆ្នាំ​ដែល​អ្នក​ត្រូវ​ឃ្លាត​ពី​ទីកន្លែង បើសិនជា​មិន​ដូច្នោះ​ទេ អ្នក​មុខជា​ត្រូវ​នឿយណាយ​ធុញទ្រាន់​នឹង​កន្លែង​ចាស់ ឬ​ត្រូវ​ផ្លាស់​ប្តូរ​ទីលំនៅ​ផង​ក៏​មាន ពុំនោះសោត​នាទី​ការពារ​របស់​អ្នក​នឹង​ត្រូវ​រុះរើ​ជា​ថ្មី ។ បើ​មានការ​លក់ដូរ​ជំនួញ​ជួញ​ប្រែជា​អាជិ​ព ការ​នេះ​នឹង​បណ្តាល​ជា​ហេតុ​ឲ្យ​មាន​សេចក្តី​តឹង​ចង្អៀត​ខ្លះ​ៗ ។ តំណ​ទៅ​ពេល​ខាង​មុខ​ក្នុងឆ្នាំនេះ អ្នក​នឹង​មានការ​ស្កៀបរមាស់​រង្គោះរង្គើ​ដល់​ក្រុមហ៊ុន បើ​មាន​ជើង​ឈ្នួល​ក្នុង​បន្ទុក​វា​នឹង​ធ្វើ​មោះមិនគាប់​ឲ្យ​អ្នកមាន​សេចក្តី​ហ្មង​មួ​ជា​រឿយ​ៗ មួយវិញទៀត​ញាតិពន្ធ​ឬ​មិត្តភក្តិ​នឹង​កើតជា​ក្តីរ​ង្គា​ស​ឫស្សា​ដល់​អ្នក​ដោយ​បំពាន​លើ​ផល​ល្អ និង​សេចក្តីចម្រើន​របស់​អ្នក ហេតុការណ៍​ទាំង​អស់នេះ​ចូរ​កុំ​ភ្លេច​ស្មារតី​ឲ្យ​សោះ ។ បើ​យ៉ាង​ហោច​ណាស់​នៅ​ក្នុងឆ្នាំនេះ អ្នក​នឹង​មាន​វិបត្តិ​ឈឺ​ថ្កាត់​មិន​ខាន​ឡើយ ។លោក​អ្នក​កើត​ឆ្នាំមមីបើជា​មនុស្ស​ប្រុស​ទំនាយ​ថា ៖ក្នុងឆ្នាំនេះ ជា​ឆ្នាំ​ដែល​ជោគជតារាសី​លោក​អ្នក​មិនសូវ​ជា​ល្អ លោក​អ្នក​នឹង​មានចិត្ត​ខ្វល់ខ្វាយ​ច្រើន​អនេក មិត្តភក្តិ​ជាទី​ស្រឡាញ់ ឬ​ញាតិសន្តាន​ដែល​មានគុណ​បំណាច់​លើ​រូប​អ្នក​នឹង​ត្រូវ​និរាស​គ្នា មិនតែប៉ុណ្ណោះ​អ្នក​ត្រូវ​ខូចខាត​ផលប្រយោជន៍​ខ្លះ​ទៀត​ផង តាម​ការ​ពិត​អ្នក​មិន​ត្រូវ​រង​ទុក្ខ​ក្តៅ​ណាស់ណា​ទេ បើទុកជា​មាន​ឧបសគ្គ​ក្នុង​ការងារ​របស់​អ្នកខ្លះ​ក៏​គង់​នឹង​សាបរលាប​ទៅ​វិញ​បាន ដោយសារ​ពេល​នេះ​មាន​គេ​ជួយ​ឈឺឆ្អាល​ឲ្យ​អ្នក​បាន​សុខសាន្ត រីឯ​ភឿន​របស់​អ្នក​ក៏​បាន​តទល់​ជួយ​យ៉ាង​ស្វិតស្វាញ ជួនកាល​ឆ្នាំ​នេះ​អ្នក​ត្រូវ​រុះរើ​ផ្ទះសម្បែង​ជួសជុល​ឬ​ធ្វើ​ថ្មី​ផង​ក៏​អាច​ថាបាន ។បើជា​មនុស្ស​ស្រី​ទំនាយ​ថា ៖ឆ្នាំ​នេះ ជា​ឆ្នាំ​ដែល​ជោគ​រាសី​របស់​អ្នក​ល្អជា​ទីបំផុត លោក​អ្នកមាន​សេចក្តីសុខ​សម្រាន្ត​យ៉ាង​លើសលប់ ហើយ​បាន​គាប់ចិត្ត​គ្រប់យ៉ាង នៅ​មាន​គេ​នាំ​កំណល់​រង្វាន់​មក​ឲ្យ​ដល់ទី​កន្លែង​។ នៅ​ក្នុង​បន្ទុកគ្រួសារ​មាន​សេចក្តីសុខ​យ៉ាង​ក្រៃ​លែង​។ ក្នុងឆ្នាំនេះ បើ​លោក​អ្នកមាន​បំណង​ធ្វើ​ការងារ​អ្វី ឬ​បើកមុខ​ជំនួញ​ជួញដូរ​មុខជា​បាន​សម្រេច​ផល​យ៉ាង​ពិតប្រាកដ ប៉ុន្តែ​ថា​អ្នក​កុំ​ផ្តេកផ្តួល​នឹង​ការ​ជួយ​ឈឺឆ្អាល​ពី​គេ​ឯទៀត​ខ្លាំង​ពេក នៅ​ក្នុង​រឿង​រាប់អាន​ស្រឡាញ់​ទុកចិត្ត​គួរតែ​ប្រយ័ត្ន​ឲ្យ​មែនទែន​ហើយ​ខំ​ស្ទាបស្ទង់​បន្តិច​ផង ។លោក​អ្នក​កើត​ឆ្នាំមមែបើជា​មនុស្ស​ប្រុស​ទំនាយ​ថា ៖ក្នុងឆ្នាំនេះ ជា​ឆ្នាំ​សម្រេច​លាភ​ផល​ជូន​ដល់​កណ្តាប់ដៃ​យើង ហើយ​ខ្លួន​អ្នក​ត្រូវ​បាន​ជោគជ័យ​គ្រប់​ប្រការ ហើយនឹង​បាន​ទទួល​ការ​លើកតម្កើង​ពី​មនុស្ស​ទូទៅ ថាបើ​អ្នក​បាន​រៀប​មង្គលការ​ក្នុងឆ្នាំនេះ​រាប់​ថា​ល្អ​ផ្តាច់​ហើយ ទោះបីជា​សត្រូវ​កាច​ប៉ុនប៉ង​ប្រទូស្ត​រ៉ា​យ​យ៉ាងដូចម្តេច​ក៏​ដោយ​ក៏​អ្នក​អាច​គេច​ផុត​បាន​ទាំងអស់ ប៉ុន្តែ​ឧបសគ្គ​របស់​អ្នក​ក៏​មិន​សោះសូន្យ​ដែរ ចំពោះ​ក្រុម​ញាតិពន្ធ​នឹង​ផ្តល់​នូវ​សេចក្តី​រំខាន​ដល់​អ្នកមួយ​ចំនួន​នៅ​ក្នុង​រយៈ​ឆ្នាំ​នេះ ។បើជា​មនុស្ស​ស្រី​ទំនាយ​ថា ៖ក្នុងឆ្នាំនេះ ជា​ឆ្នាំ​ដែល​អ្នក​នឹង​បានការ​ងារ​ធ្វើ​ជា​លក្ខណ​ដ្ឋា​ន បើសិនជា​ការ​រៀបចំ​មង្គលការ​ផ្ទាល់ខ្លួន មុខជា​បាន​សម្រេច​ដូច​សេចក្តី​ប្រាថ្នា ជួប​លាភ​ផល​យា​៉​ង​បន្ទាន់ តែបើ​ទោះ​ទៅ​ជាយា​៉​ង​នោះ​ក៏​ដោយ ក៏​គង់តែ​នៅ​មាន​មនុស្ស​ឫស្យា​ចំពោះ​លទ្ធផល​របស់​អ្នកជា​និច្ច នៅ​ក្នុង​រឿង​នេះ​អ្នក​កុំ​គប្បី​ខ្លាច​ឱ្យ​សោះ ព្រោះ​មាន​គេ​រង់ចាំ​ជួយ​ឈឺឆ្អាល​អ្នក​ពេញទំហឹង ខាង​មុខ​នៃ​ការ​ដូច​ពោល​នេះ អ្នក​ចូរ​ប្រយ័ត្ន​មនុស្ស​មានទុក្ខ​ទោស​គ្រប​សង្កត់​ណាមួយ​មក​បញ្ចុះបញ្ចូល​បញ្ជោរ​លើកជើង​អ្នក​ឱ្យ​ចូលរួម​ការងារ​ជាមួយ​គេ ទោះ​ការងារ​នោះ​មាន​សភាព​យា​៉​ង​ណា​ក៏​ដោយ សុទ្ធតែ​មិន​បរិសុទ្ធ​ទាំងអស់ ។ ហើយ​មិន​គួរ​លី​សែង​រែកពុន​លើកដាក់​របស់​ធ្ងន់​ហួសពេក​ទេ ព្រោះ​អាច​មានការ​ថ្លោះ​ចង្កេះ​ឬ​គ្រេច​ឆ្អឹងខ្នង ឬ​មានការ​ឈឺ​ថ្កាត់​បាន​ដោយ​ងាយ ។លោក​អ្នក​កើត​ឆ្នាំវកបើជា​មនុស្ស​ប្រុស​ទំនាយ​ថា ៖ក្នុងឆ្នាំនេះ ជា​ឆ្នាំ​ដែល​ជោគ​លាភ​មុខជា​នឹង​មាន​មក​ដល់​លោក​អ្នក ហើយ​បើ​លោក​អ្នក​ចង់​ធ្វើ​អ្វី​នឹង​បាន​សម្រេច​ជា​ដរាប មិត្តភក្តិ​ឬ​នាយ​ចៅហ្វាយ ជា​ធំ​ប្រុង​ទំនុកបម្រុង​ដល់​អ្នក តែ​ថា​រឿង​ដែល​អ្នក​ត្រូវ​ប្រិតប្រៀប​ខ្លួន​ជា​និច្ច គឺ​កុំ​បេះបួយ​នាំ​រឿង​ពី​ឯនេះ​ទៅ​និ​ទ្ទា ឱ្យ​អ្នក​ឯនោះ​ឮ​ឬ​ដឹង បើ​អ្នក​បាន​តម​ប្រាកដ​ក្នុង​ហេតុភេទ​បែប​នេះ​បាន​ឈ្មោះ​ថា ខ្លួន​អ្នក​បាន​ដោះស្រាយ​ពី​ការ​បែកបាក់​រវាង​មេត្រីភាព ។បើជា​មនុស្ស​ស្រី​ទំនាយ​ថា ៖ ក្នុងឆ្នាំនេះ ជា​ឆ្នាំ​ដែល​ជតារាសី​របស់​អ្នក​ពុំប្រសើរ​ទេ ជា​គ្រោះ​កម្ម​កាច​សាហាវ​ណាស់ លោក​អ្នក​តោង​កែកុន​ប្រើ​សេចក្តី​ពិនិត្យពិច័យ​ឱ្យ​ល្អិតល្អន់​បន្តិច សូ​ម្បី​តែ​អ្នក​ដែល​ធ្លាប់​រាប់រក​អ្នក​យា​៉​ង​ណា ឬ​អ្នកធ្វើការ​ងារ​រួម​នឹង​គេ អ្នក​កុំ​សង្ឃឹម​ឡើយ​ថា នឹង​បាន​កម្រៃ​ផល​ពី​វង់ការ​បែប​នោះ​ឱ្យ​សោះ ពុំនោះ​នឹង​បណ្តាលហេតុ​ពី​ក្នុង​ក្រុម​គ្រ​យ​សារ មាន​ភ័យ​ព្រួយ​ឈឺ​ថ្កាត់​ណ ឬ​ក៏​មានរឿង​ទំនាស់​ពី​មនុស្ស​បម្រើ​ការ​ក្នុង​លំនៅ​ឋាន ។ ការងារ​ប្រចាំជីវិត​របស់​អ្នក ឬ​សេចក្តី​ស្និទ្ធស្នាល​របស់​អ្នក​នឹង​ផ្តល់​ផល​ជា​អសារ​ឥត​ការ​ដល់​អ្នក​វិញ បើ​អ្នក​ចង់​បន្ធូរបន្ថយ​ការ​អាប់​បែប​នេះ អ្នក​ត្រូវ​ខំ​ខ្នះខ្នែង​ដោយ​ប្រើ​សេចក្តី​ឆ្លៀវឆ្លាត និង​សេចក្តី​អង់អាច​ឱ្យ​គ្រប់​កម្លាំង ទើប​អ្នក​បាន​ប្រាសចាក​ផុត​ពី​វិបត្តិ​ទាំង​អស់នេះ​ទៅ​ខ្លះ​ៗ ។លោក​អ្នក​កើត​ឆ្នាំរកាបើជា​មនុស្ស​ប្រុស​ទំនាយ​ថា ៖ ក្នុងឆ្នាំនេះ ជា​ឆ្នាំ​ដែល​អ្នក​នឹង​មាន​គ្រោះអាសន្ន​អាក្រក់​ណាស់ ដួង​ជតា​ត្រូវ​ខាតបង់​ឬ​ត្រូវ​មានធុរៈ​ជំងឺ​ឈឺ​ថ្កាត់​មិន​ខាន​ឡើយ បើ​អ្នក​ចង់​ធ្វើ​អ្វី​ត្រូវ​ពិចារណា​គិតមុខគិតក្រោយ​ឱ្យ​ល្អិតល្អន់​មែន​ទេ​ន បើកាលណា​ភ្លាត់​អ្នក​មុខជា​ត្រូវ​រង​អំពើ​សង្កត់សង្កិន​យា​៉​ង​គួរ​ឱ្យ​ធរមាន​ចិត្ត ។ ចូរ​កុំ​គប្បី​បញ្ចេញ​ឈ្មោះ​បោះ​សំឡេង ជា​ត្លុក​កំប្លែង​លេង​ជាមួយ​គេ​ញយ​ៗ​ពេក ចូរ​ខំ​បំពេញ​ខ្លួន​ឱ្យ​គេ​ឃើញ​ថា យើង​ជា​មនុស្ស​មាន​របៀប និង​សុភាព​រៀបរយ ចូរ​ធ្វើ​សេចក្តី​ល្អ​តបត​ជាមួយ​សត្រូវ ទើប​គ្រោះ​របស់​អ្នក​នឹង​ត្រូវ​បន្ធូរបន្ថយ​ទៅ​បាន​ខ្លះ ប៉ុន្តែ​អ្នក​ត្រូវ​បាន​មិត្ត​ជិត​ស្និទ្ធ​ជួយ​ឈឺឆ្អាល​យា​៉​ង​ពេញទំហឹង ហើយ​ពេល​ក្រោយ​មាន​គេ​ជួយ​ឱ្យ​បានទ្រព្យ​នឹង​បាន​ស្តុកស្តម្ភ ។បើជា​មនុស្ស​ស្រី​ទំនាយ​ថា ៖ ក្នុងឆ្នាំនេះ ជា​ឆ្នាំ​ដែល​ការ​រៀប​មង្គលការ​របស់​អ្នក​នឹង​បាន​សម្រេច​បំណង​យា​៉​ង​ពិតប្រាកដ​ប្រកប​ទៅ​ដោយ​សេចក្តីសុខ ប៉ុន្តែ​អ្នក​នៅ​មាន​ទំនាស់​នឹង​មេបា​របស់​អ្នក​បន្តិចបន្តួច រួច​ពី​ហេតុការណ៍​បែប​នេះ​ទៅ​នឹង​បាន​ល្អ​ប្រសើរ​ឡើង​វិញ បើ​អ្នកធ្វើការ​ងារ​កាន់​មុខ​តំណែង​មានមុខ​នាទី​ទទួលខុសត្រូវ អ្នក​ត្រូវ​បាន​ឡើង​តំណែង​នាទី​បន្ថែម​ជា​មិន​ខាន ការ​ដែល​អ្នក​ត្រូវ​ប្រុង​ប្រយ័ត្ន​ជាទី​បំផុត​នោះ គឺ​ចោរកម្ម​និង​អគ្គិភ័យ បំផ្លាញ បើសិនជា​មាន​ជំងឺ​ច្រើន​តែ​ផ្តាសាយ ។លោក​អ្នក​កើត​ឆ្នាំចបើជា​មនុស្ស​ប្រុស​ទំនាយ​ថា ៖ ក្នុងឆ្នាំនេះ ជា​ឆ្នាំ​ដែល​ការ​រៀប​មង្គលការ​របស់​អ្នក​នឹង​បាន​សម្រេច​បំណង​យា​៉​ង​ពិតប្រាកដ​ប្រកប​ទៅ​ដោយ​សេចក្តីសុខ ប៉ុន្តែ​អ្នក​នៅ​មាន​ទំនាស់​នឹង​មេបា​របស់​អ្នក​បន្តិចបន្តួច រួច​ពី​ហេតុការណ៍​បែប​នេះ​ទៅ​នឹង​បាន​ល្អ​ប្រសើរ​ឡើង​វិញ បើ​អ្នកធ្វើការ​ងារ​កាន់​មុខ​តំណែង​មានមុខ​នាទី​ទទួលខុសត្រូវ អ្នក​ត្រូវ​បាន​ឡើង​តំណែង​នាទី​បន្ថែម​ជា​មិន​ខាន ការ​ដែល​អ្នក​ត្រូវ​ប្រុង​ប្រយ័ត្ន​ជាទី​បំផុត​នោះ គឺ​ចោរកម្ម​និង​អគ្គិភ័យ បំផ្លាញ បើសិនជា​មាន​ជំងឺ​ច្រើន​តែ​ផ្តាសាយ ។បើជា​មនុស្ស​ស្រី​ទំនាយ​ថា ៖ក្នុងឆ្នាំនេះ ជា​ឆ្នាំ​ដែល​អ្នក​នឹង​មាន​គ្រោះ   អាសន្ន​អាក្រក់​ណាស់ ដួង​ជតា​ត្រូវ​ខាតបង់ ឬ​ត្រូវ​មានធុរៈ​ជំងឺ​ឈឺ​ថ្កាត់​មិន​ខាន​ឡើយ បើ​អ្នក​ចង់​ធ្វើ​អ្វី​ត្រូវ​ពិចារណា​គិតមុខគិតក្រោយ​ឱ្យ​ល្អិតល្អន់​មែនទែន បើកាលណា​ភ្លាត់​អ្នក​មុខជា​ត្រូវ​រង​អំពើ​សង្កត់សង្កិន​យ៉ាង​គួរ​ឱ្យ​ធរមាន​ចិត្ត ។ ចូរ​កុំ​គប្បី​បញ្ចេញ​ឈ្មោះ​បោះ​សំឡេង​ជា​ត្លុក​កំប្លែង​លេង​ជាមួយ​គេ​ញយ​ៗ​ពេក ចូរ​ខំ​បំពេញ​ខ្លួន​ឱ្យ​គេ​ឃើញ​ថា យើង​ជា​មនុស្ស​មាន​របៀប និង​សុភាព​រៀបរយ ចូរ​ធ្វើ​សេចក្ដី​ល្អ​តបត​ជាមួយ​សត្រូវ ទើប​គ្រោះ​របស់​អ្នក​នឹង​ត្រូវ​បន្ធូរបន្ថយ​ទៅ​បាន​ខ្លះ ប៉ុន្តែ​អ្នក​ត្រូវ​បាន​មិត្ត​ជិត​ស្និទ្ធ​ជួយ​ឈឺឆ្អាល​យ៉ង​ពេញទំហឹង ហើយ​ពេល​ក្រោយ​មាន​គេ​ជួយ​ឱ្យ​បានទ្រព្យ​នឹង​បាន​ស្ដុកស្ដម្ភ ។លោក​អ្នក​ឆ្នាំកុរបើជា​មនុស្ស​ប្រុស​ទំនាយ​ថា ៖ក្នុងឆ្នាំនេះ ជា​ឆ្នាំ​ដែល​ជតារាសី​របស់​អ្នក​ពុំប្រសើរ​ទេ ជា​គ្រោះ​កម្ម​កាច​សាហាវ​ណាស់ លោក​អ្នក​តោង​កែកុន​ប្រើ​សេចក្ដី​ពិនិត្យពិច័យ​ឱ្យ​ល្អិតល្អន់​បន្តិច សូ​ម្បី​តែ​អ្នក​ដែល​ធ្លាប់​រាប់រក​អ្នក​យ៉ាងណា ឬ​អ្នកធ្វើការ​ងារ​រួម​នឹង​គេ អ្នក​កុំ​សង្ឃឹម​ឡើយ​ថា​នឹង​បាន​កម្រៃ​ផល​ពី​វង់ការ​បែប​នោះ​ឱ្យ​សោះ ពុំនោះ​នឹង​ប​ណ្គា​ល​ហេតុ​ពី​ក្នុង​ក្រុម​គ្រួសារ​មាន​ភ័យ​ព្រួយ​ឈឺ​ថ្កាត់ ឬ​ក៏​មានរឿង​ទំនាស់​ពី​មនុស្ស​បម្រើ​ការងារ​ក្នុង​លំនៅ​ឋាន ។ ការងារ​ប្រចាំជីវិត​របស់​អ្នក ឬ​សេចក្ដី​ស្និទ្ធស្នាល​របស់​អ្នក និង​ផ្ដល់​ផល​ជា​អសារ​ឥត​ការ​ដល់​អ្នក​វិញ បើ​អ្នក​ចង់​បន្ធូរបន្ថយ​ការ​អាប់​បែប​នេះ អ្នក​ត្រូវ​ខ្នះខ្នែង​ដោយ​ប្រើ​សេចក្ដី​ឆ្លៀវឆ្លាត និង​សេចក្ដី​អង់អាច​ឱ្យ​គ្រប់​កម្លាំង ទើប​អ្នក​បាន​ប្រាសចាក​ផុត​ពី​វិបត្តិ​ទាំងនេះ​ទៅ​ខ្លះ​ៗ ។បើជា​មនុស្ស​ស្រី​ទំនាយ​ថា ៖ ក្នុងឆ្នាំនេះ ជា​ឆ្នាំ​ដែល​ជោគ​លាភ​មុខជា​នឹង​មាន​មក​ដល់​លោក​អ្នក ហើយ​បើ​លោក​អ្នក​ចង់​ធ្វើ​អ្វី​នឹង​បាន​សម្រេច​ជា​ដរាប មិត្តភក្តិ​ឬ​នាយ​ចៅហ្វាយ ជា​ធំ​ប្រុង​ទំនុកបម្រុង​ដល់​អ្នក តែ​ថា​រឿង​ដែល​អ្នក​ត្រូវ​ប្រិតប្រៀប​ខ្លួន​ជា​និច្ច គឺ​កុំ​បេះបួយ​នាំ​រឿង​ពី​ឯនេះ​ទៅ​និន្ទា​ឱ្យ​អ្នក​ឯនោះ​ឮ ឬ​ដឹង បើ​អ្នក​បាន​តម​ប្រាកដ​ក្នុង​ហេតុភេទ​បែប​នេះ បាន​ឈ្មោះ​ថា​ខ្លួន​អ្នក​បាន​ដោះស្រាយ​ពី​ការ​បែកបាក់​រវាង​មេត្រីភាព ៕ដកស្រង់ចេញពី Everyday.com.kh

៥ ចំណុច​ប្រាប់ថា គាត់ស្រឡាញ់អ្នកដើម្បីតែខ្លួនប្រាណ

ថ្ងៃទី ១៩ ខែ មេសា ឆ្នាំ ២០១៦ ម៉ោង ០២:០៦

ផ្តលសិទ្ធដោយ មង្គលការសម័យនេះពិបាករកមនុស្សស្មោះស្នេហ៍ណាស់ មានអ្នកខ្លះស្រឡាញ់គ្នារាប់ឆ្នាំតែចុងក្រោយបានត្រឹមតែទឹកភ្នែក។ ហេតុនេះហើយ មុននឹងដាក់ចិត្តស្រឡាញ់ជ្រាលជ្រៅទៅលើនណាម្នាក់រឿងដំបូងដែលអ្នកត្រូវដឹង គឺថាតើបុរសម្នាក់នោះស្រឡាញ់អ្នកដើម្បីតែខ្លួនប្រាណ ឬដោយចិត្តស្មោះ?  ប្រសិនបើគាត់ស្រឡាញ់អ្នកគ្រាន់តែបំពេញតណ្ហា អ្នកគួរតែបញ្ឈប់ផ្លូវដើរត្រឹមនេះ ព្រោះបុរសបែបនេះកម្រនឹងយកអ្នកជាគូអនាគកណាស់។ខាងក្រោមនេះជាសញ្ញាមួយចំនួនបង្ហាញថា គាត់ស្រឡាញ់អ្នកដើម្បីតែខ្លួនប្រាណតែប៉ុណ្ណោះ៖ឃើញតែភាពស្រស់ស្អាតប្រសិនបើបុរសដែលអ្នកកំពុងតែទាក់ទងជាមួយសម្លឹងឃើញតែភាពស្រស់ស្អាតរបស់អ្នក កុំព្យាយាមបន្តដំណើរទៀតអី ព្រោះអ្វីៗនឹងត្រូវបញ្ចប់នៅពេលដែលអ្នកអស់សម្រស់។គាត់មិនដែលព្យាយាមដោះស្រាយបញ្ហារបស់អ្នកនៅពេលដែលអ្នកមានបញ្ហាអ្វីមួយ គាត់កម្រនឹងជួយអ្នកណាស់ ចំណុចនេះបង្ហាញយ៉ាងច្បាស់ថា គាត់ស្រឡាញ់អ្នកដើម្បីតែសប្បាយ។គាត់ឆ្លៀតឱកាសប៉ះពាល់អ្នកគ្រប់ពេលបុរសដែលមានត្រូវការតណ្ហាតែងតែឆ្លៀតឱកាសប៉ះពាល់អ្នករៀងរាល់ពេល។ ដូច្នេះអ្នកត្រូវព្យាយាមសង្កេតមើលសកម្មភាពរបស់គាត់ តើរាលពេលដែលនៅជាមួយគ្នា គាត់តែងតែព្យាយាមប៉ះពាល់អ្នកគ្រប់ពេលមែនទេ?គាត់ចូលចិត្តនិយាយពីបន្ទប់គេងប្រសិនបើរាល់ការសន្ទារបស់គាត់មិនទៅណាឆ្ងាយពីបន្ទប់គេង នោះសបញ្ជាក់ឲ្យឃើញថា ពិតជាចង់គេងលើគ្រែជាមួយអ្នកឆាប់ៗ។ព្យាយាមឈ្លោះជាមួយអ្នក ពេលដែលគាត់សម្លឹងឃើញមនុស្សម្នាក់ទៀតបុរសដែលមានគោលដៅគេងជាមួយមនុស្សស្រីឲ្យបានច្រើន គាត់នឹងព្យាយាមមិនអើពើនឹងអ្នក បន្ទាប់ពីគាត់សម្រេចបំណងហើយ។ ដូច្នេះគាត់នឹងរកលេសដើម្បីដោះដៃជាមួយនឹងអ្នក នៅពេលដែលឃើញនារីផ្សេងម្នាក់ទៀតដែលមានភាពទាកទាញ។