trollkhmer news

កម្សាន្ត

អត្ថប្រយោជន៍ នៃការជិះកង់

ថ្ងៃទី ១៤ ខែ មករា ឆ្នាំ ២០១៦ ម៉ោង ០៣:១៧

ការជិះកង់ គឺជាលំហាត់ប្រាណ បែបធូរស្រាលមួយ ដែលគ្រប់គ្នាអាចធ្វើបាន មិនថាចាស់ ឬក្មេង។ សំខាន់បំផុត តើអ្នកចង់ធ្វើវាដែរ ឬអត់? កុំអាលនិយាយថាទេ មុនពេលដែលអ្នកមិនទាន់ដឹង ពីអត្ថប្រយោជន៍របស់វា។ ម​កអានចំនុចខាងក្រោមសិន ថាតើការជិះកង់ មានប្រយោជន៍អ្វីខ្លះ ដល់សុខភាពផ្លូវចិត្ត និងផ្លូវកាយរបស់អ្នក!ការជិះកង់ ជាកីឡាដែលមិនធ្វើឲ្យអ្នករងរបួសធ្វើឲ្យសាច់ដុំធ្វើការបានល្អជួយពង្រឹងកម្លាំង និងធ្វើឲ្យរាងកាយមានភាពធន់ បត់បែនបានលឿនរហ័សជួយដល់សន្លាកកាត់បន្ថយស្រ្តេសធ្វើឲ្យមានរាងមាំមួនជួយពង្រឹងឆ្អឹងកាត់បន្ថយខ្លាញ់មិនល្អនៅក្នុងរាងកាយជួយរក្សាទម្ងន់ឲ្យនៅថេរជាវិធីដ៏ប្រសើរមួយ ក្នុងការកាត់បន្ថយជំងឺបេះដូង សម្ពាធឈាម ទឹកនោមផ្អែម និងមហារីកមួយចំនួន៕

ក្រុមហ៊ុនទាំង 12 ដែលព្យាយាមទិញ Facebook នៅពេលចេញដំបូង

ថ្ងៃទី ១៤ ខែ មករា ឆ្នាំ ២០១៦ ម៉ោង ០២:៤៦

អ្នកប្រកត់ជាស្គាល់ច្បាស់ហើយដែលអ្វីទៅជា Facebook? Facebook គឺបណ្តាញសង្គមមួយនៅលើអនឡាញដែលអាចលេងជាមួយគ្នាឬទំនាក់ទំនងគ្នាបានជុំវិញពិភពលោកដែលបង្កើតឡើងដោយស្ថាបនិកវ័យក្មេងឈ្មោះ Mark Zuckerberg។បន្ទាប់ពីកម្មវិធី Facebook ត្រូវបានបង្កើតឡើងអស់ 4 ខែដំបូង អ្នកមានលុយនិងក្រុមហ៊ុនធំៗជាច្រើនបាននាំគ្នាមកសុំទិញបណ្តាញសង្គមនេះពីនាយកប្រតិបត្តិលោក Zuckerberg ប៉ុន្តែត្រូវបានគាត់បដិសេធមិនព្រមលក់។។បណ្តាញសង្គមមួយនេះឥឡូវមានអ្នកប្រើប្រាស់វារហូតដល់ 1500 លានអ្នកឯណោះក្នុងមួយខែ។ ហើយបើតាមសៀវភៅ The Facebook Effect ដែលសរសេរដោយលោក David Kerkpatrick បានបញ្ចេចនូវក្រុមហ៊ុនទាំង 12 ដែលព្យាយាមសុំទិញ Facebook ពីលោក Mark Zuckerberg តែមិនបានសម្រេច:1. នៅឆ្នាំ 2004 ក្រុមហ៊ុនហេរិញ្ញវត្ថុដែលមិនបានបញ្ចេញឈ្មោះបានរកទិញក្នុងតម្លៃ 10 លានដុល្លារ2. គេហទំព័រហ្គេម Friendster ក៏ព្យយាមទិញដែរ3. នារដូវក្តៅក្នុងឆ្នាំ 2004 នេះដដែលក្រុមហ៊ុន Google ក៏បានមកសុំទិញយកដែរ4. ក្នុងខែកុម្ភៈឆ្នាំ 2005 ក្រុមហ៊ុនផ្សព្វផ្សាយទូទាំងសកលរបស់សហរដ្ឋអាមេរិក Viacom បានឲ្យក្នុងតម្លៃ 75 លានដុល្លារ5. ក្រុមហ៊ុន MySpace ក៏បានចូលមកប្រជែងដេញថ្លៃ6. កន្លះឆ្នាំក្រោយមកក្រុមហ៊ុនផ្សព្វផ្សាយពត៌មាន News Corp ក៏បានមានគំនិតដូចក្រុមហ៊ុន MySpace ដែរ7. ក្រុមហ៊ុន Viacom មិនទាន់ចុះចេញក្នុងការព្យាយាមទិញទេក៏បានត្រឡប់មកវិញម្តងទៀតជិតដំណាច់ឆ្នាំ 20058. ក្រុមហ៊ុន NBC ក៏បានមកដេញថ្លៃដែរ (គេមិនបានបញ្ជាក់អ្វីច្រើនអំពីការមកដេញថ្លៃទិញទេ)9. ក្រុមហ៊ុន Viacom បានត្រឡប់មកវិញជាលើកចុងក្រោយក្នុងឆ្នាំ 200610. ក្នុងខែកក្កដាឆ្នាំ 2006 ក្រុមហ៊ុន Yahoo បានសម្រេចចិត្តថាចង់ទិញយក Facebook ក្នុងតម្លៃ 1000 លានដុល្លារ11. ក្រុមហ៊ុន AOL បានព្យាយាមចង់បាន Facebook យ៉ាងខ្លាំងដែលបានឲ្យក្នុងតម្លៃ 1000 លានដុល្លារដូចគ្នា12. អ្នកផ្សព្វផ្សាយពាណិជ្ជកម្មរបស់ក្រុមហ៊ុន Google លោក Tim Armstrong បានបញ្ចុះបញ្ចូលក្រុមហ៊ុន Google ឲ្យទិញ Facebook ដាច់ក្នុងតម្លៃ 15000 លានដុល្លារប្រភព: Business Insider   ប្រែសម្រួលដោយ: William

ក្រុមហ៊ុន​ចិនមួយទិញយកផលិតកម្មផលិតរឿងហូលីវូដរបស់សហរដ្ឋអាមេរិច

ថ្ងៃទី ១៣ ខែ មករា ឆ្នាំ ២០១៦ ម៉ោង ០២:៣៥

Wanda Group របស់ប្រទេសចិនបានប្រកាសនៅថ្ងៃអង្គារនេះថាខ្លួនទិញផលិតកម្មខ្សែភាពយន្តហូលីវូដរបស់សហរដ្ឋអាមេរិចគឺ Legendary Entertainment តំលៃ 3.5ពាន់លានដុល្លារ ដែលផលិតកម្មនោះបានផលិតរឿង Dark Knight Batman trilogy, ‘Inception’ and ‘Interstellar’ ដោយរកចំណូលបានជាង 12 ពាន់លាន នៅទូទាំងពិភពលោក ។ប្រធាន Wanda លោក Wang Jianlin កំពុងព្យាយាមយ៉ាងសកម្មដើម្បីរកវិធីវាយលុកចូលទៅក្នុងអាជីវកម្មខ្សែភាពយន្ដមួយ។ ម្នាក់ក្នុងចំណោមមនុស្សដែលមានជាងគេបំផុតរបស់ប្រទេសចិននោះ លោកបានទិញផ្កាយរណបអាមេរិកនិងប៉ុស្តិ៍ទូរទស្សន៍ខ្សែកាបនៅមជ្ឈមណ្ឌល AMC ក្នុងឆ្នាំ 2012 ហើយត្រូវបានអភិវឌ្ឍជាស្ទូឌីយោតំលៃ  8ពាន់លានដុល្លារ ដែលមានទីតាំងនៅភាគខាងកើតប្រទេសចិន។ លោក Wanda បាននិយាយថា “ លោកនឹងជួយអោយផលិតកម្ម Legendary Entertainment រីកលូតលាស់ទីផ្សារនៅក្នុងប្រទេសចិនបានយ៉ាងឆាប់រហ័ស” ។  ក្រុមហ៊ុនចិនបាននិយាយថាលោក Thomas Tull អាចបន្តការផលិតរឿងរបស់លោក និងនៅតែជានាយកប្រតិបត្តិដដែលសំរាប់ចាត់ចែងកិច្ចការងារប្រចាំថ្ងៃ ។ សូមបញ្ចាក់ផងដែរថាផលិតកម្ម Legendary Entertainment បានកំពុងតែថតរឿង Warcraft ដែលជាខ្សែភាយន្តយកចេញពីហ្គេម World of Warcraft ត្រៀមបញ្ចាំងនៅពាក់កណ្តាលឆ្នាំ២០១៦នេះហើយ៕ប្រភពពី RTប្រែសំរួលដោយ សិទ្ធា

បញ្ចាំងមួយថ្ងៃសោះរឿង Star War រកបាន៣៣លានដុល្លារនៅចិន

ថ្ងៃទី ១២ ខែ មករា ឆ្នាំ ២០១៦ ម៉ោង ០១:៥៥

បន្ទាប់ពីបានបំបែកឯកត្តកម្ម នៅទ្វីបអាមេរិកខាងជើង និងនៅអ៊ឺរ៉ុបរួច ភាពយន្ដវគ្គចុងក្រោយ នៃ​កម្រង​រឿង «សង្គ្រាម​ផ្កាយ (Star Wars)» បានចេញបញ្ចាំងនៅក្នុងប្រទេសចិន ជាមួយនឹងភាព​ភ្ញាក់ផ្អើល​​ប្រហែល​គ្នា។ នៅ​មួយ​ថ្ងៃ​សៅរ៍ ដែល​ជា​ថ្ងៃ​ចេញ​បញ្ចាំងដំបូង ចំណូលដែលរកបាន ពីការលក់សំបុត្រ មានកម្រិត​ដល់​ទៅ​ជាង៣៣លាន​ដុល្លារ។តាមការប៉ាន់ប្រមាណជាជំហានដំបូង របស់ផលិតកម្ម ឌីស្នេ (Disney) វគ្គទី៧ដែលមានចំណងជើង «The Force Awakens (កម្លាំងងើបឡើង)» នៃខ្សែភាពយន្ដ «Star Wars» កំពុងទទួលបាន នូវភាពជោគជ័យ នៅ​ក្នុង​ប្រវត្តិសាស្ត្រភាពយន្ដ នៃប្រទសចិន ដោយគ្រាន់តែក្នុងមួយថ្ងៃសៅរ៍ នៃការចេញបញ្ចាំងដំបូង ភាពយន្ដ​អាមេរិក​មួយ​នេះ រកចំណូលបានដល់ទៅជាង៣៣លានដុល្លារ។ប៉ុន្តែផលិតកម្ម បានអះអាងកាលពីថ្ងៃអាទិត្យនេះថា តួលេខខាងលើនេះ មិនមានការអះអាងជាក់លាក់ ណាស់​ណា​ទេ។ ផលិតកម្មបានអះអាងថា៖ «យើងគ្រាន់តែអាចផ្ដល់ជូន នូវការប៉ាន់ប្រមាណ នៃចំណូល​ជា​សរុប​ប៉ុណ្ណោះ ដោយសាររាល់តួលេខដែលទទួលបាន មិនទាន់មានលក្ខណៈ ជាផ្លូវការនៅឡើយ។ ប៉ុន្តែ​រាល់​ទិន្នន័យទាំងនោះ បានប្រាប់យើងថា ចំណូលមានចំនួនច្រើនជាង ៣៣លានដុល្លារ សម្រាប់ថ្ងៃ​សៅរ៍​ដំបូង​មួយ​គត់។»ផលិតកម្មដ៏ធំ របស់អាមេរិកមួយនេះ បានបញ្ជាក់ទៀតថា៖ «តួលេខនេះ ជាកម្រិតធំជាងពេលណាទាំងអស់ បើប្រៀបធៀបការចេញបញ្ចាំងដំបូងៗ នៃភាពយន្ដទាំងឡាយ របស់ឌីស្នេ នៅក្នុងប្រទេសចិន»។នៅមុខចេញបញ្ចាំង នៅក្នុងប្រទេសចិន ភាពយន្ដនេះ បានចេញបញ្ចាំង នៅក្នុងទ្វីបអាមេរិកខាង​ជើង​រួច​ហើយ។ ត្រឹមតែបីសប្ដាហ៍ នៅលើផ្ទាំងសំពត់ស នៃបណ្ដារោងភាពយន្ដ ក្នុងមានប្រទេសម៉ិកស៊ិក អាមេរិក និងកាណាដា ភាពយន្ដរកចំណូលបាន ដល់ទៅ ៧៦៤,៤លានដុល្លារ។ បើគិតជាតួលេខសរុប នៅក្នុង​ពិភពលោក​ទាំងមូល ភាពយន្ដវគ្គទី៧ នៃ«សង្គ្រាមផ្កាយ» រកបានចំណូល​មកទល់នឹងពេលនេះ ប្រមាណជា ១,៧៣កោដ​ដុល្លា ត្រូវនឹងចំណាត់ថ្នាក់លេខ៣ នៅពីក្រោយភាពយន្ដ ដឹកនាំដោយសមិទ្ធិករ ជេម កាមឺរូន (James Cameroun) រឿង «Avatar» (២,៧៩កោដដុល្លារ) «Titanic» (២,១៩កោដដុល្លារ) ហើយ​ទើប​នឹង​ទម្លាក់ភាពយន្ដ «Jurassic World» (១,៦៧កោដដុល្លារ) ដែលដឹកនាំដោយសមិទ្ធិករ ខូលីន ត្រេវូរូវ (Colin Trevorrow) ឲ្យធ្លាក់ទៅនៅចំណាត់ថ្នាក់ទី៤។យើងរងចាំមើល នៅក្នុងប៉ុន្មានសប្ដាហ៍ខាងមុខ ដើម្បីចង់ដឹងថា តើភាពយន្ដវគ្គចុងក្រោយ នៃ​«សង្គ្រាម​ផ្កាយ»​នេះ នឹងអាចបំបាក់ឯកត្តកម្ម នៃភាពយន្ដទាំងពីរខាងលើ បានដែរឬទេ? គួរជ្រាបដែរថា ផលិតកម្ម​ឌីស្នេ បានទិញភាពយន្ដនេះទាំងមូល ពីលោក ហ្សក លូកាស (George Lucas) ម្ចាស់ផលិកម្ម លូកាសហ្វីម (Lucas Film) ដែលជាអ្នកបង្កើតរឿងនេះ ក្នុងតម្លៃ៤កោដដុល្លារ កាលពីឆ្នាំ២០១២កន្លងទៅ៕ប្រភព Monoroom 

ភាពយន្តវីរៈបុរសរបស់ Marvel រឿង Avenger បានចេញវគ្គថ្មីហើយគឺ Avenger Infinity War

ថ្ងៃទី ១១ ខែ មករា ឆ្នាំ ២០១៦ ម៉ោង ០២:៥០

បន្ទាប់ពីរឿង Captain America: វគ្គ Civil Wars រួចមកអ្នកនិពន្ធទាំងពីរគឺលោក Joe និង Anthony Russo បានបន្តនិពន្ធរឿង Avenger វគ្គថ្មីនោះ ដែលជាសង្គ្រាមរវាងវីរៈបុរសនិងវីរៈនារីក្នុង Marvel ទាំងអស់ប្រយុទ្ធជាមួយនឹងតួអង្គខ្លាំងក្លាមួយមួយរូបនៅភពផ្សេងឈ្មោះថា Thanos។អ្នកនិពន្ធទាំងពីរបានបន្តថា«មនុស្សជាច្រើននឹងពិតជាជក់ចិត្តជាមួយនឹងវគ្គថ្មីនេះជាមិនខានព្រោះតួអង្គក្នុង Marvel បានប្រយុទ្ធជាមួយតួអង្គដ៏ខ្លាំង Thanos ដែលជាអ្នករំខានដល់ពិភពលោកទាំងមូល»។តួអង្គ Thanos ក៏ធ្លាប់បានបង្ហាញខ្លួនយ៉ាងខ្លីក្នុងរឿង Avenger: វគ្គ Age Of Ultron និង Guardians Of Galaxy ដែរដែលបានតាមប្រមាញ់ត្បូង Infinity ទាំងនោះ។រឿង Avenger: វគ្គ Infinity War នេះគឺនឹងមាន 2 ភាគដែលភាគ 1 នឹងចេញនៅថ្ងៃទី 4 ខែឧសភា ឆ្នាំ 2017 ចំណែកភាគ 2 នឹងចេញនៅថ្ងៃទី 3 ខែឧសភា ឆ្នាំ 2018។តោះឥឡូវយើងបង្វែរអារម្មណ៍ទៅមើល Trailer វិញទាំងអស់គ្នា:ប្រភព: EW  ប្រែសម្រួលដោយ: William

បវរកញ្ញា​កូ​ឡុំ​ប៊ី​ត្រៀម​ថត​ស្រាត​ដាក់​លើ​ទស្សនាវដ្តី

ថ្ងៃទី ១១ ខែ មករា ឆ្នាំ ២០១៦ ម៉ោង ០១:៤៥

វា​ហាក់បីដូចជា​បវរកញ្ញា​កូ​ឡុំ​ប៊ី ២០១៥ អាច​នឹង​ដើរ​តាម​ជំហាន​របស់​អតីត​បវរកញ្ញា​កូ​ឡុំ​ប៊ី ដែល​ទូលាយ​ខ្លួន​រឿង​ថត​ស្រាត​ដាក់​ផ្សាយ​លើ​ទ​ស្សាវ​ដ្តី ។ ក្នុង​បទ​សម្ភាសន៍​ជាមួយ​ទស្សនាវដ្តី​កម្សាន្ត​របស់​កូ​ឡុំ​ប៊ី TV & Novelas នាង Ariadna Gutierrez បវរកញ្ញា​ចក្រ​វា​ឡ​ជាប់​ចំណាត់ថ្នាក់​លេខ​២ បាន​បើក​គំនិត​ពី​ការ​ថត​អាក្រាត​លើ​ទស្សនាវដ្តី ។ នាង​និយាយ​ថា «​វា​នឹង​អស្ចារ្យ​ដើម្បី​ឱ្យ​រាង​កាយ​របស់ខ្ញុំ​មានការ​ចាប់អារម្មណ៍​ខ្លាំង និង​ជា​រសជាតិ​ថ្មី​ប្លែក​សម្រាប់​នាង​ខ្ញុំ​ផង​ដែរ​» ។បវរកញ្ញា​កូ​ឡុំ​ប៊ី ត្រូវ​ពិធីករ​ប្រកាស​ច្រឡំ​ថា​នាង​ជា​ម្ចាស់​មកុដ​បវរកញ្ញា​ចក្កវាឡ​ឆ្នាំ​២០១៥ ដោយ​បាន​ពាក់​មកុដ​ក្នុង​រយៈពេល​ប៉ុន្មាន​នាទី ហើយ​ក្រោយមក​ពិធីករ​ប្រកាស​ថា នាង​ជាប់​ចំណាត់ថ្នាក់​លេខ​២​វិញ ។ បន្ទាប់​ពី​ព្រឹត្តិការណ៍​នោះ​មក ផលិតកម្ម​អា​មេ​រិ​កបាន​ស្នើ​នាង​ឱ្យ​ថត​រឿង​អាសអាភាស​ក្នុង​តម្លៃ​ខ្លួន​១​លាន​ដុល្លារ ប៉ុន្តែ​នាង​មិន​បាន​ឆ្លើយ​តប​វិញ​ទេ​ដោយ​គិត​ថា វា​មិន​ស្ថិត​ក្នុង​ចំណាប់អារម្មណ៍​របស់​នាង ។ការ​ព្រម​ថត​ស្រាត​ដាក់​លើ​ទស្សនាវដ្តី នាង Gutierrez អាច​នឹង​ធ្វើ​ខុស​ទៅ​នឹង​ច្បាប់​ប្រទេស​ដែល​ហាម​មិន​ឱ្យ​បេ​ក្ខ​នារី ថត​ស្រាត​ឡើយ ។ ទោះ​ជាយា​៉​ង​ណា​ក្តី អតីត​បវរកញ្ញា​កូ​ឡុំ​ប៊ី​ឆ្នាំ​២០០៩ នាង Michelle Rouillard ដែល​មិន​បាន​ឆ្លង​ដល់​វគ្គ​ពាក់កណ្តាល​ផ្តាច់ព្រ័ត្រ​ក្នុង​ព្រឹត្តិការណ៍​បវរកញ្ញា​ចក្កវាឡ​ត្រូវ​គេ​រាយការណ៍​ថា​បាន​ថត​ស្រាត​ដាក់​លើ​ទស្សនាវដ្តី​ចំនួន​ពីរ​លើក ៕ប្រភពពី Everyday

វីឌីអូចំរៀង ៧បទដែលគេចូលមើលច្រើនជាងគេនៅ Youtube

ថ្ងៃទី ១០ ខែ មករា ឆ្នាំ ២០១៦ ម៉ោង ០៧:២៨

ពីមួយថ្ងៃទៅមួយថ្ងៃបទចំរៀងនិងវីឌីអូនៅលើគេហទំព័រ Youtube ត្រូវបានគេបង្ហោះចូលរាប់រយបទ ហើយក៍មានអ្នកទស្សនាចូលរាប់រយលានដងផងដែរ។ ថ្ងៃនេះគេហទំព័រធូដេខេអេជសូមបង្ហាញពីវឌីអូចំរៀង៥បទដែលមានអ្នកចូលទស្សនាច្រើនជាងគេបំផុតនៅលើគេហំទព័រ Youtube ៖ ១ GANGNAM STYLE ច្រៀងដោយលោក PSY មានអ្នកចូលមើលតាំងពីបង្ហោះចូលភ្លាមនៅថ្ងៃទី 15 ខែ ៧ ឆ្នាំ២០១២ មកដល់ឥលូវ មានចំនួន 2,493,848,257 ដង២ Blank Space ច្រៀងដោយ Taylor Swift តាំងពីបង្ហោះចូល Youtube នៅថ្ងៃទី ១០ ខែវិច្ឆកា ឆ្នាំ ២០១៤ មកដល់ឥលូវមានអ្នកចូលទស្សនា 1,393,229,266 ដង៣ See You Again ច្រៀងដោយ Wiz Khalifa និង Charlie Puth តាំងពីបង្ហោះចូល Youtube នៅថ្ងៃទី ៦ ខែ៤ ឆ្នាំ២០១៥ មកដល់ឥលូវមានអ្នកចូលទស្សនា 1,332,924,031 ដង៤ Uptown Funk ច្រៀងដោយ Mark Ronson និង Bruno Mars តាំងពីបង្ហោះចូល Youtube នៅថ្ងៃទី ១៩ ខែ១១ ឆ្នាំ២០១៤ មកដល់ឥលូវមានអ្នកចូលទស្សនា 1,279,065,840 ដង ៥  Baby ច្រៀងដោយ Justin Bieber និង  Ludacris តាំងពីបង្ហោះចូល Youtube នៅថ្ងៃទី ១៩ ខែ ០២ ឆ្នាំ២០១២ មកដល់ឥលូវមានអ្នកចូលទស្សនា 1,275,710,660 ដង ៦ Shake It Off  ច្រៀងដោយ Taylor Swift តាំងពីបង្ហោះចូល Youtube នៅថ្ងៃទី ១៨ ខែ ០៨ ឆ្នាំ២០១៤ មកដល់ឥលូវមានអ្នកចូលទស្សនា 1,259,203,124 ដង ៧ Dark Horse  ច្រៀងដោយ Katy Perry និង Juicy J តាំងពីបង្ហោះចូល Youtube នៅថ្ងៃទី ២០ ខែ០២ ឆ្នាំ២០១៤ មកដល់ឥលូវមានអ្នកចូលទស្សនា 1,241,813,324 ដងអត្ថបទដោយ សិទ្ធា

អត្ថប្រយោជន៍ទឹកស្លឹកគ្រៃ ចំពោះសុខភាព និង វិធីធ្វើវា

ថ្ងៃទី ០៩ ខែ មករា ឆ្នាំ ២០១៦ ម៉ោង ០៤:១៤

ថ្ងៃនេះ ខ្ញុំសូមលើកយកពីវិធីធ្វើទឹកស្លឹកគ្រៃ មកបង្ហាញអ្នកទាំងអស់គ្នា អោយបានជ្រាប ហើយកុំភ្លេច សាកល្បងអនុវត្តន៍ផង ៖គ្រឿងផ្សំ៖- គល់ស្លឹកគ្រៃ ៦ ទៅ ១០ គល់ធំៗ- ស្ករ ៦ ស្លាបព្រាបាយ (ប្រសិនជាអ្នកដែល មិនចូលចិត្តស្ករដាក់តែ ៣ ស្លាបព្រាក៏បាន)- ទឹក ៨ ពែងធំវិធីធ្វើ៖១. លាងទឹកអោយស្អាតល្អ ហើយបកសំបកខាងក្រៅចេញ និង កាត់ស្លឹកចុងៗ ដែលពណ៌ត្នោតចេញ២. កាត់ឬសដែលកខ្វក់ចេញ, ហាន់គល់ស្លឹកគ្រៃ ជាកង់ៗ (អាចពុះជាពីរ ក៏បាន)៣. យកអង្រែរ រឺកាបិតដែលធ្ងន់ ដំបំបែកគល់ស្លឹកគ្រៃ អោយបែកចេញពីគ្នា ។ ធ្វើបែបនេះវាងាយស្រួលអោយ ជាតិទឹកចេញ ពីដែលស្ងោរ ។៤. ដាក់គុលស្លឹកគ្រៃទៅក្នុងឆ្នាំង ដែលមានទឹក ហើយដាំវា ។ ពេលដែលទឹកចាប់ផ្តើមពុះ, បន្ថយភ្លើង ហើយរំងាស់វា ប្រហែលជា ១ ម៉ោង រឺ ១ ម៉ោងកន្លះ ។ ទឹកដែលដាំនោះ មានពណ៌បៃតងព្រឿងៗ ។៥. បន្ថែមស្ករចូល ហើយកូររហូតដល់ វារលាយ ។៦. បិទភ្លើង យកកន្ត្រង់ រឺ ស្បៃដែលស្អាត មកច្រោះយកតែជាតិទឹក ។៧. អ្នកអាចដាក់ដុំទឹកកកអនាម័យ ចូលទៅក្នុងកែវទឹកស្លឹកគ្រៃនោះបាន នៅពេលដែលអ្នកផឹកវា ។ តែជាការល្អគួរតែ ក្ដៅៗ ។ ប្រសិនជាអ្នកបន្ថែមក្រូចឆ្មា ២ រឺ ៣ ចំណិត ទៀតអ្នកច្បាស់ជា ពេញចិត្តកាន់តែខ្លាំង ។អត្ថប្រយោជន៍របស់វា៖- ជួយអ្នកដែលកង្វះឈាមក្រហម- ប្រឆាំងនឹងជំងឺមហារីក- ប្រឆាំងនឹងការរលាក និង ប្រឆាំងនឹងការឆ្លងរោគ- ការពារបាក់តេរី រឺ ការឆ្លងមេរោគផ្សិត- បណ្តេញជាតិពុល- ជំងឺទឹកនោមផ្អែម- ការរំលាយអាហារ- ការរលាកក្រពះ រឺ ចុកចុងដង្ហើម- សំពាធឈាមឡើងខ្ពស់- ជាតិកូឡេស្តេរ៉ូលខ្ពស់- រោគដេកមិនលក់- ប្រព័ន្ធសរសៃប្រសាទ- សំអាតក្នុងរាងកាយ- សុខភាពស្បែក- ស្រកគីឡូអ្នកទាំងអស់គ្នាអាចសាកល្បងអនុវត្តន៍វាពីថ្ងៃនេះទៅ ហើយរង់ចាំមើលពីប្រសិទ្ធភាពរបស់វា ៕ប្រភពៈ Sao Yoeun

ផ្លូវដែលគួរអោយខ្លាច និងអស្ចារ្យជាងគេទាំង១២លើកលោក

ថ្ងៃទី ០៨ ខែ មករា ឆ្នាំ ២០១៦ ម៉ោង ១៧:០៧

នៅលើពីភពលោកមានកន្លែង ស្រស់ស្អាត សមុទ្រវែងអន្្លាយ និងអ្វីជាច្រើនដែលយើងមិនទាន់បានឃើញ។ ថ្ងៃនេះយើងខ្ញុំសូមនាំអារម្មណ៍លោកអ្នកទៅមើលផ្លូវដែលមើលទៅគួរអោយញញើតនិងភ័យខ្លាចក្នុងការបើកបរ។ ខាងក្រោមនេះជាផ្លូវទាំង១២នៅតាមតំបន់និងប្រទេសផ្សេងៗក្នុងពិភពលោក ៖ ១ នៅរដ្ឋអាឡាស្កាសហរដ្ឋអាមេរិច ផ្លូវ Dalton ចំងាយ 400 ម៉ាយល៍ក្នុងលាតសន្ធឹងតាមរយៈការព្រៃឈើពីចម្ងាយ, Tundra, និងទន្លេ Yukon  វាបញ្ចប់នៅជិតមហាសមុទ្រ Arctic ។ ២ ផ្លូវក្រួសសាងសង់ជាផ្លូវសេវាកម្មមួយសម្រាប់បំពង់បង្ហូរប្រេងឆ្លងកាត់រដ្ឋអាឡាស្កា មានសញ្ញាព្រមាននៃគ្រោះថ្នាក់ចោតនិងការរអិលធាក់។៣ ផ្លុវ Prithvi ស្ថិតនៅជិតភ្នំហិម៉ាឡៃយ៉ាដែលជាតំបន់សាសនាដ៍ធំរបស់ប្រទេស នេប៉ាល់ ដែលផ្លូវងាយបាក់ដី គ្រោះទឹកជំនន់ និងមានការកកស្ទះចរាចរណ៍យ៉ាងខ្លាំង៤ ស្ពាននៅសមុទ្រអាត្លង់ទិក ប្រទេសន័រវេ៉ស ដែលមានខ្យល់ខ្លាំងនិងរលកបោកខ្លាំងៗ ៥ ផ្លូវ Kolyma ប្រទេស រុស្សី មានចំងាយ១០០ម៉ាល៍ ដែលជាកន្លែងត្រជាក់ជាងគេបំផុតលើពិភពលោកនិងគ្រោះថ្នាក់ពីការវាយប្រហារដោយសារខ្លាឃ្មុំ៦ ផ្លូវលំឆ្លងកាត់ពីប្រទេស ឡាវ ទៅប្រទេស វៀតណាម ជាផ្លូវដែលផ្គត់ផ្គង់សំភារះសឹកសំរាប់ធ្វើសង្គ្រ្ាមក្នូងអឡុងសម័យសង្រ្គាម វៀតណាម ដែលផ្លូវនេះសំបូរទៅដោយគ្រាប់មិីននិងគ្រាប់មិនទាន់ផ្ទុះកប់នៅក្រោមដីប្រទេស ឡាវ ប្រហែល ៨០លានគ្រាប់។ ៧ ផ្លូវជ្រលងភ្នំដ៍គ្រោះថ្នាក់នៅប្រទេស ប្រេស៊ីល បានឆក់យកជនស៊ីវិលនិងអ្នកទេសចរណ៍រាប់សិបនាក់មកហើយ៨ ផ្លូវកាត់ភ្នំស្ថិតនៅព្រំដែនរវាងប្រទេស អីុតាលី និងប្រទេស អូទ្រីស ៩ ផ្លូវ នៅរដ្ឋ Colorado ប្រទេសសហរដ្ឋអាមេរិច ១០ ផ្លូវនៅក្នុងភ្នំ Taihang Guoliang របស់ប្រទេសចិនមានអាយុកាលជាង 40 ឆ្នាំមកហើយ។១១ ផ្លូវ Luxor-al-Hurghada  នៅក្នុងប្រទេស អេហ្សីុប១២ ផ្លូវ រវាងប្រទេសចិននិងប្រទេសប៉ាគីស្ថានដែលបានសាងសង់ក្នុងទសវត្សរ៍ទី 60 អានអត្ថបទកន្លែងទាំង 10 ក្នុងរឿង Star War ដែលមានពិតក្នុងលោកអត្ថបទដោយ សិទ្ធា