trollkhmer news

កម្សាន្ត

Hacker លួចយកគណនី IG ផ្ទាល់ខ្លួនរបស់ Jennie អស់រយៈពេល ២ខែ ចឹងសោះបានស្ងាត់អត់ឃើញផុស

ថ្ងៃទី ៣០ ខែ វិច្ឆិកា ឆ្នាំ ២០២០ ម៉ោង ១៦:១៧

គណនី Instagram ឈ្មោះ​ @lesyeuxdenini គឺ​ជា​គណនី​ផ្ទាល់​ខ្លួន​ដាច់​ដោយ​ឡែក​មួយ​របស់ Jennie ដែល​ជា​ទី​កន្លែង​សម្រាប់​ទំនាក់ទំនង​ជា​មួយ​អ្នក​គាំទ្រ ជា​កន្លែង​បង្ហោះ​រូបភាព​សមាជិក​ BLACKPINK ផ្សេង​ទៀត និង​ជា​កន្លែង​ចែក​រំលែក​រឿង​រ៉ាវ​ផ្ទាល់​ខ្លួន​ជា​ច្រើន​ខុស​ពី​គណនី​ធំ​មួយ​ទៀត។យ៉ាងណាក្ដី​គណនី​នេះ​បាន​ស្ងាត់​​ មិន​មាន​ការ​បង្ហោះ​ថ្មីៗ​​ឡើយ​ក្នុង​រយៈពេល​ជា​​យូរ​ថ្ងៃ​​កន្លង​មក​នេះ។ ក្នុង​ការ​បង្ហោះ​ Story មួយ​ចេញ​ពី​គណនី​ @lesyeuxdenini ឃើញ​មាន​ការ​សរសេរ​ថា​ ៖ "ប្រើ​ពេល​អស់​ជិត​​២​ខែ ដើម្បី​បាន​គណនី​នេះ​មក​វិញ។ សុំ​មេត្តា​កុំ​ប៉ះពាល់​កន្លែង​ផ្ទាល់​ខ្លួន​របស់​ខ្ញុំ។”តម​រយៈ Story ថ្មី​នេះ ទំនង​ជា​មាន​ន័យ​ថា​គណនី​​ផ្ទាល់​ខ្លួន​របស់ Jennie ប្រហែល​ជា​ត្រូវ​បាន​ជន​ខិលខូច​ចូល​លុក​លុយ មិន​អាច​​ឲ្យ​នាង​ប្រើ​ប្រាស់​បាន៕

សមាជិកក្រុម K-Pop ម្នាក់តេស្តវិជ្ជមានជំងឺកូវីដ១៩

ថ្ងៃទី ៣០ ខែ វិច្ឆិកា ឆ្នាំ ២០២០ ម៉ោង ១៤:២១

សមាជិក​ក្រុម​ចម្រៀង​ UP10TION ឈ្មោះ​ថា Bitto បាន​រក​ឃើញ​ថា​មាន​វិជ្ជមាន​ជំងឺ​កូវីដ​១៩ ​នៅ​ព្រឹក​ថ្ងៃ​៣០ ខែ​វិច្ឆិកា​នេះ ក្រោយ​ពី​​រូប​គេ​បាន​មាន​ទំនាក់ទំនង​ជិត​ដិត​ជា​មួយ​អ្នក​ឆ្លង​ជំងឺ​កូវីដ​១៩។ផលិតកម្ម​ T.O.P Media ដែល​គ្រប់គ្រង​ក្រុម​ចម្រៀង UP10TION បាន​បញ្ជាក់​ថា​​សិល្បករ​​ និង​បុគ្គលិក​ទាំង​អស់​ដែល​បាន​មាន​ទំនាក់ទំនង​ជា​មួយ​ Bitto កំពុង​ធ្វើ​តេស្ត​រក​ជំងឺ​កូវីដ​១៩ ហើយ​ផលិតកម្ម​ទាំង​មូល​នឹង​ត្រូវ​ធ្វើ​ចត្តាឡឺស័ក​ក្រោម​ការ​ណែនាំ​របស់​ក្រសួង​សុខាភិបាល​ផង​ដែរ។ផលិតកម្ម​​ក៏​បាន​​សូមទោស​ដល់​បុគ្គលិក​ទាំង​អស់​ដែល​បាន​មាន​ទំនាក់ទំនង​ជា​មួយ Bitton ដោយ​មិន​ដឹង​ខ្លួន ដោយ​សារ​សាមី​ខ្លួន​ផ្ទាល់​មិន​បាន​ដឹង​ថា​ខ្លួន​បាន​ទាក់ទង​ជិត​ដិត​នឹង​អ្នក​ជំងឺ​កូវីដ​១៩​ នោះ​ទេ៕​​​​​​

អាល់ប៊ុមថ្មី BE របស់ BTS ឈរលើលំដាប់ទី១ លើតារាង Billboard 200

ថ្ងៃទី ៣០ ខែ វិច្ឆិកា ឆ្នាំ ២០២០ ម៉ោង ១៣:៥៦

កូរ៉េខាងត្បូង ៖ ជាការពិតណាស់ BTS គឺជាក្រុម Kpop ល្បីដែលទទួលបានការគាំទ្រខ្លាំង ទូទាំងពិភពលោក។ សូមបញ្ជាក់ផងដែរថា ជារឿយៗ BTS បានបំបែកកំណត់ត្រាជាប្រវត្តិសាស្រ្ដថ្មីៗ ជាហូរហែផងដែរ។ជាក់ស្ដែង កាលពីថ្ងៃទី២៩ ខែ វិច្ឆិកា ឆ្នាំ ២០២០ ម្សិលមិញនេះ BTS បានបំបែកកំណត់ត្រាថ្មីសន្លាងមួយទៀត ដោយឈរលើលំដាប់លេខរៀងទី១ លើតារាង Billboard 200 តាមរយៈអាល់ប៊ុមថី្ម BE (Deluxe Edition)​។ជាមួយគ្នានេះដែរ អាល់ប៊ុម BE ជាអាល់ប៊ុមទី៥ ដែលឈរលើតារាងលំដាប់កំពូលបែបនេះ ប​ន្ទាប់ពីអាល់ប៊ុម Map of the Soul: 7 អាល់ប៊ុម Map of the Soul: Persona អាល់ប៊ុម Love Yourself: Answer និងអាល់ប៊ុម Love Yourself: Tear៕

កាន់តែមានភាពផ្អែមល្ហែមខ្លាំងឡើង សម្រាប់គូស្នេហ៍ តារាស្រី Taew Natapohn និងគូស្នេហ៍បណ្ដូលចិត្ត លោក Pranai

ថ្ងៃទី ២៧ ខែ វិច្ឆិកា ឆ្នាំ ២០២០ ម៉ោង ១៤:០០

ថៃ៖ កាន់តែមានភាពផ្អែមល្ហែមខ្លាំងឡើង សម្រាប់គូស្នេហ៍ តារាស្រី Taew Natapohn និងគូស្នេហ៍បណ្ដូលចិត្ត លោក Pranai ដែលក្នុងមួយរយៈពេលកន្លងទៅនេះ អ្នកទាំងពីរ បានបង្ហាញជាញឹកញាប់ពីពេលវេលាដ៏ល្អជាមួយគ្នា នៅលើបណ្ដាញសង្គម​ឲ្យអ្នកគាំទ្របានទស្សនាកម្សាន្តពីភាពរីករាយ ទៅតាមអ្នកទាំងពីរផងដែរ។ ដោយឡែក ថ្មីៗនេះ គូស្នេហ៍មួយនេះ បានបង្ហាញពីភាពផ្អែមល្ហែមសាជាថ្មីមួយទៀត ក្នុងពេលចេញទៅញ៉ាំអាហារពេលល្ងាច ជាមួយនឹងក្រុមគ្រួសារ និងមិត្តភក្តិ​ ដែលការជួបជុំលើកនេះ ប្រកបដោយភាពរីករាយ និងភាពកក់ក្ដៅសម្រាប់អ្នកទាំងពីរជាបំផុត។មិនត្រឹមតែប៉ុណ្ណោះ អ្វីដែលមានការចាប់អារម្មណ៍ពីបណ្ដាហ្វេនៗជាច្រើននោះគឺ នៅក្នុងនោះដែរ អ្នកទាំងពីរបានចូលរួមប្រកួតផឹកស្រា (Bomb Shot) ប៉ុន្តែខណៈពេលដែល Taew មិនអាចទ្រាំទ្រក្នុងការផឹកបាន ស្រាប់តែ គូស្នេហ៍បណ្ដូលចិត្តរបស់ខ្លួន បានមកជួយ និងយកកែវរបស់នាង មកផឹកជំនួស ធ្វើឲ្យបណ្ដាមិត្ត្តៗជាច្រើន បានស្រែកឡើង បន្ទាប់ពីបានឃើញពីទិដ្ឋភាពដ៏ស្វីតបែបនេះ៕ 

BLACKPINK និង BTS ជាប់ឈ្មោះសម្រាប់ការតែងតាំងជា Person of the Year ក្នុងឆ្នាំ ២០២០

ថ្ងៃទី ២៧ ខែ វិច្ឆិកា ឆ្នាំ ២០២០ ម៉ោង ១៣:៤០

កូរ៉េខាងត្បូង ៖ សម្រាប់ការបោះឆ្នោតលើទស្សនាវដ្ដី Time Magazine ពានរង្វាន់ Person of the Year ក្នុងឆ្នាំ ២០២០ បានធ្វើឲ្យបណ្តាហ្វេនៗ មានសេចក្ដីរំភើបរីករាយយ៉ាងខ្លាំង ពេលឃើញថាក្នុងចំណោមបុគ្គលដ៏មានប្រជាប្រិយភាព ដែលត្រូវឈរឈ្មោះទាំងនោះ ក៏មានតារា Kpop ល្បីឈ្មោះទាំងពីរក្រុម គឺ BTS និង BLACKPINK ផងដែរ។ជាក់ស្ដែងចំពោះការបោះឆ្នោតនេះ បានចាប់ផ្ដើមហើយតាំងពីថ្ងៃទី ២៥ ខែ វិច្ឆិកា ឆ្នាំ ២០២០។ ស្របនឹងនេះដែរ លទ្ធផលប្រកាសជាផ្លូវការរបស់ ទស្សនាវដ្ដី Time Magazine សម្រាប់ពានរង្វាន់ Person of the Year ក្នុងឆ្នាំនេះ​នឹងផ្តល់ព័ត៌មានជាក់លាក់ថាក្រុមណា ទទួលបានការបោះឆ្នោតច្រើនជាងគេ នៅថ្ងៃទី ១០​ខែធ្នូ ឆ្នាំ ២០២០ខាងមុខនេះហើយ។ជាការពិតណាស់ កម្មវិធីនេះធ្វើឡើងគឺដើម្បីតែងតាំង ក្រុមដែលមានភាពលេចធ្លោជាងគេ ជាពិសេស BTS និង BLACKPINK គឺជាក្រុមដែលមានឥទ្ធិផលបំផុត ក្នុងពេលបច្ចុប្បន្ននេះ។ លើសពីនេះទៅទៀត BTS ថ្មីៗនេះបានទទួលបានការតែងតាំងក្នុងកម្មវិធី GRAMMY Awards ឆ្នាំ ២០២១ សម្រាប់ពានរង្វាន់ Best Pop Duo/ Group performance តាមរយៈ បទ Dynamite ។ ចំណែក BLACKPINK ក៏ទទួលបានសន្ទុះនៃការគាំទ្រខ្លាំងមិនធម្មតា បន្ទាប់ពីចេញអាល់ប៊ុមពេញដំបូងឈ្មោះ The Album ព្រមទាំងបានបំបែកកំណត់ត្រាថ្មីៗជាច្រើនផងដែរ៕

រឿងរ៉ាវក្តៅគគុកមួយនេះបានធ្វើឲតារាចម្រៀង The Weekend បោះសម្ដីថាកម្មវិធី Grammy ពុករលួយ

ថ្ងៃទី ២៦ ខែ វិច្ឆិកា ឆ្នាំ ២០២០ ម៉ោង ១៣:៥៩

បរទេស៖ កាលពីថ្មីៗនេះ មានរឿងគួរឲ្យភ្ញាក់ផ្អើលមួយ បានកើតឡើងបន្ទាប់ពី តារាចម្រៀងសញ្ជាតិកាណាដា The Weekend បានចោទប្រកាន់កម្មវិធី Grammys បន្ទាប់ពី តារារូបនេះ មិនបានទទួលការតែងតាំងឈរឈ្មោះ ឈ្នះពានរង្វាន់ សម្រាប់កម្មវិធីមួយនេះ។បន្ទាប់ពីការតែងតាំងឈរឈ្មោះ ប្រចាំឆ្នាំ ក្នុងកម្មវិធី Grammy លើកទី ៥៣ ត្រូវបានប្រកាសកាលពីថ្ងៃអង្គារ តារាចម្រៀងរូបនេះ បានបង្ហោះលើបណ្តាញសង្គម Twitter ដើម្បីបង្ហាញពីអារម្មណ៍របស់តារារូបនេះ ដែលបានសរសេរថា៖ Grammys នៅតែពុករលួយ! អ្នកជំពាក់ខ្ញុំ ក៏ដូចជាអ្នកគាំទ្ររបស់ខ្ញុំ ក្នុងការតម្លាភាព នៃឧស្សាហកម្មតន្រ្តីមួយនេះគួរបញ្ជាក់ផងដែរថា «After Hours» គឺជាអាល់ប៊ុមដែលលក់ដាច់បំផុតប្រចាំឆ្នាំនៅសហរដ្ឋអាមេរិក ខណៈពេល «Blind Lights» គឺជាបទចម្រៀង ដែលទទួលបានចំណាត់ថ្នាក់ខ្ពស់ជាងគេបំផុតប្រចាំឆ្នាំ ដែលក្នុងលេខរៀងទី១០យូរជាងគេ ក្នុងប្រវត្តិសាស្ត្រតារាងអាមេរិក ក៏ប៉ុន្តែ តារារូបនេះ​បែរជាគ្មានឈ្មោះឈរតែងតាំងទៅវិញ៕

Gong Yoo បាននិយាយថាខ្លួនមិនមែនជាប្រភេទបុរសដែលនារីៗគ្រប់គ្នាចូលចិត្តនោះទេ

ថ្ងៃទី ២៦ ខែ វិច្ឆិកា ឆ្នាំ ២០២០ ម៉ោង ១៣:៤០

បង្ហាញ​មុខ​ជា​តារាកិត្តិយស​ពិសេស​ក្នុង​ភាគមួយ​នៃកម្មវិធី​ «You Quiz on the Block» របស់​ប៉ុស្តិ៍ tvN តារា​សម្ដែង​អាយុ​ច្រើន​ មុខ​ក្មេង​ Gong Yoo បាន​បង្ហើប​រឿងជា​ច្រើន​ ក្នុង​នោះ​ក៏​ជា​ពេល​ដែល​លោក​ផ្សព្វផ្សាយ​រឿង​ថ្មី​ថត​ជាមួយ​ Park Bogeum មាន​ចំណងជើង​ថា​ «Seobok» ដែរ។ជាមួយ​គ្នា​នេះ​ លោក​ក៏​បាន​និយាយ​ដែរ​ថា​ ពេល​ដឹង​ថា​ថត​រឿង​ជាមួយ​នឹង​ Bogeum លោក​គិត​ថា​ការ​ផ្សព្វផ្សាយ​អាច​នឹង​មាន​លក្ខណៈងាយស្រួល ប៉ុន្តែ​ Bogeum ត្រូវ​គេច​ខ្លួន​លឿន​ដូច​ខ្យល់ ដោយសារ​ត្រូវ​ចូល​បម្រើទ័ព។ ងាក​ចេញ​ពីការងារ​ភាពយន្ត ពិធីករ​ Yoo Jaesuk និង​ Jo Seho បាន​លើក​ឡើង​ និង​អួត​សរសើរ​នឹង​ភាព​ជា​បុរស​ពិតៗ​របស់ Gong Yoo។ ពេល​សួរ​ដល់សំណួរ​ថា​ តើ​ Gong Yoo មាន​ងារម្មណ៍​យ៉ាងណា​ដែល​ត្រូវ​រស់នៅ​របៀប​បុរស​បែប​នេះ​សព្វថ្ងៃ?ម្ចាស់​ខ្លួន​ឆ្លើយ៖ «ខ្ញុំ​មិន​ដែល​គិត​ពី​រឿង​នេះ​ទេ ខ្ញុំ​គ្រាន់ជា​មនុស្ស​ធម្មតា ហើយ​ប្រហែល​មនុស្ស​ជា​ច្រើន​គិត​ស្រមៃច្រើន​ ដោយសារ​តែ​តួ​ខ្ញុំក្នុង​រឿង​ វា​អស្ចារ្យ​ភាគ​ច្រើន។ ទោះជា​យ៉ាងណា​រាល់ថ្ងៃ​ ខ្ញុំ​រស់​ជីវិត​សាមញ្ញណាស់»។ បន្ថែម​ពី​លើ​នោះ​ Gong Yoo នៅ​បាន​និយាយ​ទៀត​ថា​ ក្នុង​ជីវិត​ពិត​ លោក​អាច​ជា​មនុស្សមិន​សូវ​ចេះ​និយាយ​ស្ដី​ច្រើន​ ចូលចិត្ត​នៅ​ម្នាក់ៗឯង (Introvert) ជាង។លោកថា​ លោកអាច​ជាមនុស្សអស្ចារ្យ​ក្នុង​រឿង តែ​ធាតុពិត​លោក​មិន​អាច​ធ្វើ​របៀប​នោះ​នៅ​ក្រៅ​រឿង​បាន​ទេ។ ពេល​ខ្លះ​ Gong Yoo ឧស្សាហ៍​ឮគេ​អួតសរសើរ​ថា​លោក​ ឡូយខ្លាំង​ តែ​លោក​ខ្លួន​ឯង​គិត​ថា​ លោក​មិនដល់​កម្រិត​នោះពេកទេ។បន្ទាប់​មក​ Gong Yoo ក៏​បាន​បង្ហាញ​ការយល់ឃើញបន្ថែម​ថាខ្លួន​អាច​នឹងមិន​មែន​ជា​ប្រភេទ​បុរសដែល​នារីទូទៅចូលចិត្តទេ៖ «នៅ​ចំពោះ​មុខ​មនុស្ស​ម្នាក់ដែល​ខ្ញុំ​ស្រឡាញ់ ខ្ញុំ​មិន​ក្លាហានទេ ខ្ញុំ​តែង​ខ្វះភាពក្លាហាន​ក្នុង​ការបង្ហាញ​អារម្មណ៍ពិត​ឲ្យគេយល់ណាស់»៕

លង់ស្នេហ៍ហើយ ក្រោយពីបានឃើញរូបថត ៣សន្លឹកនៅលើសមុទ្រយ៉ាងស្រស់ស្អាតរបស់ Yaya Urassaya

ថ្ងៃទី ២៥ ខែ វិច្ឆិកា ឆ្នាំ ២០២០ ម៉ោង ១៤:០៩

ថៃ៖ សម្រាប់អ្នកតាមដានវិស័យកម្សាន្តថៃ ប្រាកដជាបានស្គាល់តារាស្រីជួរមុខ Yaya Urassaya ជាក់ជាមិនខាន។ ជាការពិតណាស់ Yaya មិនត្រឹមតែមានសមត្ថភាព និងទេពកោសល្យសម្តែងបានយ៉ាងល្អនោះទេ បើនិយាយពីរឿងសម្រស់របស់តារាស្រីរូបនេះវិញ គឺស្រស់ស្អាត និងគួរឲ្យស្រលាញ់ប្រៀបដូចជាព្រះនាងតូចអ៊ីចឹង មិនថានាងតុបតែងខ្លួនបែបសាមញ្ញ ឬបែបស៊ិចស៊ីនោះទេ។ អ្វីដែលសំខាន់ Yaya ថែមទាំងមានរូបរាងដ៏ស្រឡូនថែមទៀតផង។តួយ៉ាង គ្រប់ពេល Yaya Urassaya បានបង្ហោះរូបភាពក្នុងបណ្តាញសង្គមម្តងៗ អស់អ្នកគាំទ្រ និងមហាជនជាច្រើនស្ទើរតែចំហរមាត់គ្រប់ៗគ្នា ព្រោះតែឈ្លក់វង្វេងនឹងសម្រស់ដ៏ស្រស់ស្អាត និងរូបរាងដ៏ទាក់ទាញរបស់នាងសឹងតែគ្រប់ៗប៉ុស្តិ៍។ជាក់ស្តែងកាលពីប៉ុន្មានម៉ោងមុន តារាស្រីរូបនេះបានបង្ហោះរូបថ្មីៗចំនួន ៣ សន្លឹកដ៏ស្រស់ស្អាតជាមួយនឹងសម្លៀកបំពាក់បែបសាមញ្ញ ជាមួយនឹងការតុបតែងខ្លួនបែបសុភាពៗនៅលើផ្ទៃទឹកសមុទ្រយ៉ាងស្រស់ស្រាយអារម្មណ៍ផងដែរ។ ក្នុងនោះអ្នកគាំទ្រជាច្រើននាំគ្នាខមិនសរសើរពីភាពស្រស់ស្អាត និងសម្រស់របស់នាងមិនឈប់ឈរតែម្តង៕

វីដេអូ! BTS អរចង់ហោះ ពេលដែលដឹងថាបទ Dynamite ត្រូវបានតែងតាំងយកពាន GRAMMY 2021

ថ្ងៃទី ២៥ ខែ វិច្ឆិកា ឆ្នាំ ២០២០ ម៉ោង ១៣:៤៩

ជា​រឿង​គួរ​ឲ្យ​ភ្ញាក់​ផ្អើល​ និង​រំភើប​មួយ​ទៀត​សម្រាប់​ BTS និង​ ARMY ស្របពេល​ក្រុម​នេះ​បាន​ឈរ​ឈ្មោះក្នុង​ការ​ដណ្ដើមពាន​ GRAMMY ក្នុង​ឆ្នាំថ្មី។នៅ​ថ្ងៃទី២៤ ខែវិច្ឆិកា GRAMMY.com បាន​ប្រកាស​ពី​បេក្ខភាព​ដែល​ត្រូវ​ឈរ​ឈ្មោះ​ដណ្ដើម​ពាន​ «Best Pop Duo/Group Performance» ដោយ​ក្នុង​នោះ​ក៏​មាន​បទ «Dynamite» របស់ BTS ប្រកួត​នឹង​បទ​ផ្សេង​ទៀត​ដូចជា  “Un Dia (One Day)” របស់ J Balvin, Dua Lipa, Bad Bunny និង Tainy បទ​ “Intentions” របស់ Justin Bieber និង Quavo បទ “Rain On Me” របស់ Lady Gaga ជាមួយ Ariana Grande និងបទ “Exile” របស់ Taylor Swift (ជាមួយ. Bon Iver)។ដោយឡែកនៅ​លើ​គណនី Twitter ឯណោះ​វិញ V, Jungkook, RM និង Jimin បាន​បង្ហោះវីដេអូ ២​ឃ្លីប បង្ហាញ​ពី​សកម្មភាព​ និង​ភាព​ភ្ញាក់ផ្អើល​របស់ពួកគេ​ពេល​កំពុង​មើល​ Live Stream ប្រកាស​ពី​ឈ្មោះ​បេក្ខភាព​ដែល​ត្រូវ​ឈរ​ឈ្មោះ​ក្នុង​បញ្ជីកម្មវិធី។ ពេល​ឮបទ «Dynamite» ពួកគេ​ហក់លោត ស្រែក​ហ៊ោរបង្ហាញ​ពី​ភាព​សប្បាយ​រីករាយ​ដែលពួកគេ​មាន។