trollkhmer news

កម្សាន្ត

YG ចេញសេចក្តីថ្លែងការណ៍ថ្មីម្ដងទៀត ទាក់ទងនឹងការត្រឡប់មកវិញរបស់ BLACKPINK

ថ្ងៃទី ២២ ខែ មករា ឆ្នាំ ២០២០ ម៉ោង ១៥:២៨

ដូចដែលសេចក្ដីរាយការណ៍របស់ eNews24 បានឲ្យដឹងថា ផលិតកម្ម YG Entertainment បានចេញសេចក្តីថ្លែងការណ៍ថ្មីម្ដងទៀត ទាក់ទងនឹងការវិលត្រឡប់របស់ក្រុមចម្រៀងនារី BLACKPINK។ដោយខាងផលិតកម្មបានបញ្ជាក់ជាថ្មីឡើងថា BLACKPINK បច្ចុប្បន្នកំពុងថតបទចម្រៀងថ្មីៗបន្ត ក្នុងពេលដំណាលគ្នា នឹងការប្រគុំតន្រ្តីទេសចរណ៍ក្នុងរបស់ពួកគេប្រទេសជប៉ុន ផងដែរ។ មិនតែប៉ុណ្ណោះ BLACKPINK ក៏ត្រូវបានគេរាយការណ៍បន្ថែមទៀតថា កំពុងតែត្រៀមថតបទចម្រៀងថ្មីៗជាច្រើនយ៉ាងសកម្ម ដើម្បីវិលត្រឡប់មកជាមួយនឹងអ្វីដែលថ្មីហើយប្លែកអារម្មណ៍ក្នុងឆ្នាំ ២០២០នេះ។នេះមិនមែនជាលើកទី ១ ទេដែល YG Entertainment បានប្រកាសពីគ្រោងការរបស់ពួកគេ សម្រាប់ការវិលត្រឡប់មករបស់ BLACKPINK ក្នុង ២០២០ គិតចាប់ពីការប្រកាសលើកដំបូងក្នុងខែវិច្ឆិកា ឆ្នាំ ២០១៩។ 

ចាប់បានស្រេច! ប្រទះឃើញក្រែមលាបមាត់ដូចគ្នានឹងរបស់ Momo សមាជិក TWICE នៅក្នុងផ្ទះរបស់ Heechul

ថ្ងៃទី ២២ ខែ មករា ឆ្នាំ ២០២០ ម៉ោង ១០:៥៦

ក្រែមលាបបបូរមាត់ម៉ាកតែមួយនឹង Momo ត្រូវបានប្រទះឃើញនៅក្នុងបន្ទប់ទឹកផ្ទះរបស់តារាចម្រៀង Heechul សមាជិក Super Junior កាលពីថ្ងៃអាទិត្យសប្ដាហ៍មុន ក្នុងកម្មវិធី 'Favorite Sunday' ដែលចុះផ្សាយផ្ទាល់ដល់កន្លែងរស់នៅរបស់លោក តែម្ដង។នៅត្រង់ឈុតដែលពួកគេ បានដើរមើលជុំវិញនោះ ទាំងបន្ទប់គេងផ្ទាល់របស់ Heechul ផងដែរ។ រហូតធ្លាយទៅដល់បន្ទប់ទឹក ឃើញថា របៀបរបបប្រចាំថ្ងៃរបស់លោក ពិតជារៀបចំឡើងបានស្អាត និងមានផាសុខភាពល្អមែនទែន។ បន្ទាប់ពីពួកគេ បានពិនិត្យគ្រប់ជ្រុងសព្វអស់ហើយ ស្រាប់តែពិធីការនី Han Hyejin ប្រទះភ្នែកឃើញ ហើយសួរហើយ "នេះជាអ្វី?" កាន់តែធ្វើឲ្យគ្រប់គ្នាចាប់អារម្មណ៍កាន់តែខ្លាំងហើយ ព្រោះថា ក្រែមលាបបបូរមាត់ ម៉ាក Chanel នៅក្នុងបន្ទប់ទឹករបស់ Heechul ដូចគ្នានឹងក្រែមរបស់ Momo។ក្នុងពេលនោះដែរ លោក Heechul បាននិយាយបកស្រាយថា " លោក បានទទួលវាជាអំណោយពីអ្នកគាំទ្រ នោះទេ"។

Jimin សមាជិក BTS ត្រូវមិត្តរួមជំនាន់និយាយថា ពូកែរាំជាងគេកាលនៅវិទ្យាល័យ

ថ្ងៃទី ២១ ខែ មករា ឆ្នាំ ២០២០ ម៉ោង ១៤:៥៩

នាពេលថ្មីៗនេះ នៅក្នុងបទសម្ភាសន៍មួយរបស់ KOREA NOW បានជជែកគ្នាអំពីអតីតមិត្តរួមថ្នាក់មួយចំនួននៅវិទ្យាល័យសិល្បៈ ប៊ូសាន ដោយបានចែករំលែករឿងរ៉ាវជាច្រើនពីជំនាន់កាលនៅសិក្សារបស់តារាប្រុសដ៏ល្បីល្បាញម្នាក់ គឺលោក Jimin សមាជិករបស់ BTS។នេះបើយោងតាមសម្ដីរបស់នារីទាំង ៤ ដែលក្នុងចំណោមនោះមានម្នាក់ជាសិស្សរៀនរាំជាមួយនឹង Jimin ថា លោក គឺពូកែរាំជាងគេ។ ទោះបី Jimin នៅជាសិស្សហ្វឹតហាត់ក៏ដោយ ប៉ុន្តែលោក មិនស្ទាក់ស្ទើរក្នុងការបង្ហាញពីសមត្ថភាពរបស់លោក នៅចំពោះមុខអ្នកគ្រប់គ្នានោះទេ ហើយតែងតែចូលរួមក្នុងពិធីរាំកំពូលៗទូទាំងសាលា។ សូម្បីតែគ្រូហ្វឹតហាត់របស់ Jimin ម្នាក់ក៏បានបង្ហើបឱ្យដឹងដែរថា ក្នុងកំឡុងពេលនៅសិក្សា ទោះបីជា ស្ថានភាពគ្រួសារមានការខ្វះខាតយ៉ាងណាក៏ដោយក៏សមាជិកក្រុម BTS នៅតែធ្វើបានល្អដដែល ពិតជាមានជំនាញខាងរាំប្រសប់មែន គួរកោតសរសើរ។

មិនមានក្រុមអ្នកតវ៉ាច្រើននោះទេ ដែលចង់ទាញអោយលោក Chen ចេញពីក្រុម EXO

ថ្ងៃទី ២១ ខែ មករា ឆ្នាំ ២០២០ ម៉ោង ១០:៣២

កាលពីថ្ងៃទី ១៩ ខែមករា អ្នកគាំទ្រមួយចំនួនរបស់ក្រុម EXO មានការខឹងសម្បារបានធ្វើការតវ៉ា ដើម្បីទាមទារអោយលោក Chen ចាកចេញពីក្រុម។ ទោះយ៉ាងណាក៏ដោយមិនមានមនុស្សច្រើននោះទេ ដែលបានបង្ហាញខ្លួនក្នុងការតវ៉ាមួយនេះ ផ្ទុយពីការលេចឭពីចំនួនអ្នកតវ៉ាជាង២០០នាក់។ក្រុមអ្នកគាំទ្រដែលបានប្រមូលផ្តុំគ្នាធ្វើការតវ៉ា នៅខាងក្រៅ SMTOWN Coex Artium ក្នុងទីក្រុងសេអ៊ូល ដោយពាក់ម៉ាសខ្មៅ ស្លៀកឈុតពណ៌ខ្មៅអង្គុយជាក្រុមមានគ្នាប្រមាណជា ២០ ទៅ ៣០ នាក់ដែលចូលរួម បានយកផ្ទាំងរូបភាព និងសៀវភៅកម្រជាច្រើនរបស់លោក Chen ដាក់លើឥដ្ឋនិងជាន់លើរូបភាពរបស់លោក បញ្ចេញកំហឹងរបស់ពួកគេ។នៅក្នុងហេតុការណ៍នោះ ក៏មានហ្វេនភាគច្រើន បានចោទសួរទៅកាន់ក្រុមអ្នកគាំទ្រមួយចំនួនដែលបានធ្វើតវ៉ាពីមូលហេតុផងដែរ។ ហើយពួកគេ បាននិយាយថា ពួកគេមានអារម្មណ៍ថាត្រូវបានគេក្បត់ ដោយសារតែ ការជឿជាក់ ចំណាយពេលវេលា និងកម្លាំងចិត្តរបស់ពួកគេ ទៅលើ Chen តែប៉ុណ្ណោះ ហើយលោក បែរជាប្រកាសរៀបការ និងអនាគតភរិយាលោក កំពុងតែមានផ្ទៃពោះទៅវិញ គ្មានអ្វីក្រៅពីការសុំទោស។ទោះយ៉ាងណាអ្នកគាំទ្ររបស់ EXO ភាគច្រើនកំពុងថ្កោលទោសលើការតវ៉ាខាងលើនេះ និងបញ្ជាក់យ៉ាងច្បាស់ថា Chen លោកគួរតែនៅក្នុងក្រុមមួយនេះដដែរ។

ទីបំផុត Lisa សមាជិក BLACKPINK ផ្លាស់ប្ដូរម៉ូដសក់ចាស់ទុក ៤ឆ្នាំចេញ ប្ដូរម៉ូដថ្មីឡើងប្លែកស្អាត

ថ្ងៃទី ២០ ខែ មករា ឆ្នាំ ២០២០ ម៉ោង ១៥:៤២

ថ្ងៃនេះ Lisa សមាជិករបស់ BLACKPINK បានធ្វើឲ្យភាពភ្ញាក់ផ្អើលយ៉ាងខ្លាំងដល់អ្នកគាំទ្រ ខណៈពេលបង្ហាញខ្លួននៅព្រលានយន្តហោះអន្តរជាតិអ៊ីនឈុន និងលើបណ្ដាញសង្គម ដោយសារតែផ្លាស់ប្ដូរម៉ូដសក់របស់នាង។អស់រយៈពេល ៤ឆ្នាំមកហើយ ដែល Lisa នាងតែងនិយមលេងម៉ូដសក់សេះពីមុខ ដើម្បីបិទបាក់ថ្ងាសទូលាយរបស់នាង ប៉ុន្តែទីបំផុត តារាស្រីរូបនេះ បានសម្រេចប្ដូរម៉ូដសក់ពីមុខចេញ ដោយលេងម៉ូដសក់ថ្មី ធ្វើឲ្យអ្នកគាំទ្រទាំងអស់ បង្ហាញអារម្មណ៍ភ្ញាក់ផ្អើល និងសរសើរ ដោយស្ទើរនឹកស្មានមិនដល់ថា ការប្ដូរម៉ូដសក់របស់នាងក្នុងលើកនេះ ពិតជាស្រស់ស្អាតប្លែកភ្នែកលើសពីការរំពឹងទុក។

អត់ផ្លាស់ប្ដូរសោះ! សម្រស់របស់ Suzy បើប្រៀបធៀបពេលបច្ចុប្បន្ន និងសម្រស់ក្នុងឆ្នាំ ២០១៧

ថ្ងៃទី ២០ ខែ មករា ឆ្នាំ ២០២០ ម៉ោង ១១:៣០

ចាប់តាំងពីការបង្ហាញខ្លួនលើកដំបូងរបស់កញ្ញា Suzy តារាសម្ដែងស្រីកូរ៉េខាងត្បូងដែលតែងតែធ្វើឱ្យមហាជនកោតសរសើរ ដោយសារសម្រស់ស្អាត និងគួរឱ្យស្រឡាញ់របស់នាង។  ហើយថ្មីៗនេះដែរ កាលពីថ្ងៃទី ១៨ ខែមករា ឆ្នាំ ២០២០ នៅពេលដែលនាង បានបង្ហាញខ្លួនចូលរួមក្នុងព្រឹត្តិការណ៍ដាក់បង្ហាញយីហោម៉ាកលំដាប់ដ៏ប្រណិតមួយ បានធ្វើឲ្យទស្សនិជនជាច្រើននៅទីនោះ តាមសម្លឹង មិនដាក់ភ្នែកនោះទេ ព្រោះតែសម្រស់របស់នាង។បន្ទាប់ពីបានឃើញសម្រស់មុខមាត់ដ៏ស្រស់ស្អាតរបស់នាង ក្នុងព្រឹត្តិការណ៍ខាងលើជាសាធារណៈហើយ។ អ្នកគាំទ្រមួយចំនួន បាននឹកដល់កាលពី ៣ឆ្នាំមុន ពេលដែលនាង បង្ហាញខ្លួននៅឯព្រលានយន្តហោះ គឺមិនអាចប្រកែកបាននោះទេថា សម្រស់របស់ Suzy មិនផ្លាស់ប្ដូរសូម្បីបន្តិចទៅតាមពេលវេលា អស់រយៈពេល ៣ឆ្នាំមកហើយ ចាប់តាំងពីឆ្នាំ ២០១៧ ដល់ឆ្នាំ ២០២០ នាង មើលទៅនៅតែស្រស់ស្អាតខ្លាំងដដែរ។

នៅតែខ្លាំង! គ្រាន់តែរូបថតសខ្មៅរបស់ Selena បង្ហោះរូបចេញមិនប៉ុន្មានម៉ោងផង ទទួលបានការគាំទ្ររាប់លាននាក់

ថ្ងៃទី ២០ ខែ មករា ឆ្នាំ ២០២០ ម៉ោង ១០:៣៧

បន្ទាប់ពីការវិលត្រឡប់មកវិញយ៉ាងសកម្មគួរឲ្យភ្ញាក់ផ្អើលជាមួយនឹងអាល់ប៊ុមថ្មីរបស់តារាចម្រៀងស្រី Selena Gomez កាលពីពេលថ្មីៗនេះ ពិតជាឆក់យកបេះដូងទស្សនិជនជាច្រើនដែលនិយមស្ដាប់ និងគាំទ្រ មិនតិចនោះទេ។បើមើលតាមរយៈការបង្ហោះរូបភាពសខ្មៅរបស់តារាស្រីរូបនេះ នៅលើបណ្ដាញសង្គមផ្ទាល់ឯណោះវិញ រាល់រូបថតទាំងនោះ គឺមានភាពទាក់ទាញ ដូចវេទមន្ត Selena នាង មិនចាំបាច់ថតរូបអោយមានផ្ទៃពណ៌ស្រស់ឆើតអ្វីនោះទេ គ្រាន់តែរូបថតបែបសខ្មៅរបស់នាង គឺគ្រប់គ្រាន់ធ្វើឲ្យអ្នកគាំទ្ររាប់លាននាក់មើលឃើញពីភាពស្រស់ស្អាត។ហើយភាពទាក់ទាញរបស់នាង ពិតជាពិសេសខ្លាំងមែនទែន ក្នុងរយៈពេលមិនដល់មួយម៉ោងផង រូបថតរបស់នាង បានបង្ហោះ ទទួលបានការគាំទ្រ និងពាក្យស្វាគមន៍ លើកសរសើរជាច្រើនរាប់មិនអស់ទៅហើយ ដោយបង្ហាញចេញពីការគាំទ្រទៅលើរូបនាងយ៉ាងពេញទំហឹង ចំពោះការវិលចូលសិល្បៈចម្រៀងវិញ។

ទើបតែភ្ជាប់ពាក្យរួច! Sririta និងអនាគតស្វាមី ទៅកម្សាន្តនៅសមុទ្រយ៉ាងផ្អែមល្ហែម

ថ្ងៃទី ១៨ ខែ មករា ឆ្នាំ ២០២០ ម៉ោង ១១:០៩

នេះបានពិតជាគូស្នេហ៍ដ៏ផ្អែមល្ហែមនៅដើមឆ្នាំ ២០២០ មែនទែន សម្រាប់តារាសម្ដែងស្រី Sririta Jensen និងអនាគតស្វាមីរបស់នាង បន្ទាប់បីអ្នកទាំងពីរបានភ្ជាប់ពាក្យនឹងកាលពីថ្ងៃទី ៤ ខែមករា ឆ្នាំ២០២០ យ៉ាងអធិកអធម ដោយមានការអញ្ជើញពីសំណាក់ភ្ញៀវកិត្តិយសជាច្រើន មកធ្វើជាសាក្សី។ហើយថ្មីៗនេះ Sririta និងគូស្នេហ៍ ក៏បានសម្រាកលំហែកាយនៅឯសមុទ្រយ៉ាងសប្បាយរីករាយ មុនថ្ងៃរៀបអាពាហ៍ពិពាហ៍របស់ពួកគេ នៅខែក្រោយនេះ។ ប៉ុន្តែមើលទៅប្រៀបដូចជាដំណើរកម្សាន្តក្រេបទឹកឃ្មុំសម្រាប់គូស្រករថ្មីថ្មោង ដើម្បីបង្ហាញរូបភាពដ៏ផ្អែមល្ហែមទៅកាន់អ្នកគាំទ្រ បានឃើញពីទេសភាពស្រស់ស្អាតផងដែរ នៅមាត់សមុទ្រពណ៌ខៀវសងាត់។

មូលហេតុពិតដែល Suzy បង្ហាញរូបថតដូចនាង កំពុងមានផ្ទៃពោះ លើបណ្ដាញសង្គម

ថ្ងៃទី ១៨ ខែ មករា ឆ្នាំ ២០២០ ម៉ោង ០៩:៤៩

នៅថ្ងៃនេះ ព័ត៌មានរបស់តារាសម្ដែងស្រីកូរ៉េខាងត្បូង Suzy បានផ្ទុះពាសពេញលើអ៊ីនធឺណេត ព្រមទាំងឈរលើតារាងកំពូលនៃព័ត៌មានកម្សាន្តក្នុងប្រទេសកូរ៉េកំពុងពេញនិយមផងដែរ។រូបភាពដែលនាង បានអង្គុយស្ទាបពោះថតក្នុងបន្ទប់ពិនិត្យរបស់មន្ទីរពេទ្យ ត្រូវបានចែកចាយជាបន្តបន្ទាប់ច្រើនលើសលប់នៅលើបណ្ដាញសង្គម។ ដោយមានអ្នកគាំទ្រភាគច្រើនបានយល់ច្រឡំថា នាងមានស្នេហាលួចលាក់ និងបានរៀបការស្ងាត់ៗហើយមានផ្ទៃពោះ ទើបជាអវត្តមានអស់មួយរយៈ។ទោះយ៉ាងណាមូលហេតុដែល Suzy បង្ហាញរូបភាព ២សន្លឹកនេះចេញមកលើគណនី Instagram របស់នាង ក៏ព្រោះតែចង់អបអរសាទរ ដល់ខ្សែភាពយន្ត "Ashfall" ដែលឈានដល់ការលក់សំបុត្រដាច់រហូត ៨ លានសំបុត្រ។ ហើយនេះ គ្រាន់តែជារូបភាពដែលនាង បញ្ឆោតដល់អ្នកគាំទ្ររាប់សែននាក់របស់ខ្លួននោះទេ ខណៈពេលកំពុងផ្សព្វផ្សាយខ្សែភាពយន្ត។ ដោយសារតែ ក្នុងនោះ នាង បានដើរតួជាភរិយារបស់មន្រ្តីកងកម្លាំងពិសេស ដែលកំពុងមានផ្ទៃពោះ។