trollkhmer news

កម្សាន្ត

បង្ហាញឈ្មោះក្រុមនារី K-Pop ១០ ក្រុម ដែលលក់ដាច់អាល់ប៊ុមច្រើនបំផុតប្រចាំឆ្នាំ ២០១៩

ថ្ងៃទី ១៣ ខែ កញ្ញា ឆ្នាំ ២០១៩ ម៉ោង ១៥:១៣

កូរ៉េខាងត្បូង៖ នេះបើយោងតាមរយៈ ការបង្ហាញទិន្នន័យតួលេខពី Gaon បានចេញផ្សាយអំពីបច្ចុប្បន្នភាពខែកញ្ញា នៅលើការលក់អាល់ប៊ុមបទចម្រៀងរបស់កូរ៉េ សម្រាប់ក្រុមចម្រៀងនារី K-Pop ចំនួន ១០ ក្រុម ជាប់នៅក្នុងតារាងកំពូលនៃអាល់ប៊ុមចម្រៀង ដែលលក់ដាច់បំផុតប្រចាំឆ្នាំ ២០១៩ រហូតមកដល់ពេលនេះ។ចង់ដឹងថា ជាក្រុមចម្រៀងនារីណាខ្លះ ដែលក្នុងជាប់តារាង Top ១០ ខាងក្រោមនេះ៖១. TWICE — ៦១២,៣៥១ ២. BLACKPINK — ៣៣៦,៥៣៤ ៣. Red Velvet — ៣២៧,៣៥៥ ៤. IZ*ONE — ៣១៤,៩០៨ ៥. GFRIEND — ១៩៤,៤៣៤ ៦. Cosmic Girls — ១៤៣,១៤៧ ៧. ITZY — ១០៤,១១៦ ៨. MAMAMOO — ៩៣,៣៦៥ ៩. fromis_9 — ៦៧,១០៦ ១០. Lovelyz — ៥៤,៤១៩ 

តារាសម្ដែង Lee Da Hee ធ្វើឲ្យអ្នកនិយមលេងអ៊ីនធឺណេត ពេញចិត្តខ្លាំងលើរូបរាងសិចស៊ីរបស់នាង

ថ្ងៃទី ១៣ ខែ កញ្ញា ឆ្នាំ ២០១៩ ម៉ោង ១០:៣២

កូរ៉េខាងត្បូង៖ តារាសម្ដែង និងម៉ូដែលស្រីរបស់កូរ៉េ Lee Da Hee ថ្មីៗនេះ សង្កេតឃើញថា ប្រជាប្រិយភាពរបស់នាង បានកំពុងតែវាយលុកខ្លាំងទៅលើអ្នកនិយមលេងអ៊ីនធឺណេតរបស់ចិន ដែលគ្រប់គ្នាបាននិយាយអំពី រូបសម្រស់ និងរាងដ៏ស្អាតទាក់ទាញរបស់តារាស្រីកូរ៉េ រូបនេះយ៉ាងខ្លាំង ដែលទទួលបានការកោតសរសើរច្រើនរាប់មិនអស់ពីសមាគមន៍អ្នកគាំទ្រអនឡាញរបស់ចិន ព្រមទាំងជាប់ក្នុងចំណាត់ថ្នាក់កំពូលនៃការស្វែងរកច្រើនបំផុតនៅក្នុង Weibo។នេះបើយោងតាមរយៈកម្រងរូបភាពរបស់តារាស្រីវ័យ ៣៤ឆ្នាំដ៏ស្រស់ស្អាតរូបនេះ បានបង្ហាញនៅលើ  Weibo។ តារាសម្ដែងស្រី Lee Da Hee នាងពិតជាមានរូបរាងស្អាត និងសិចស៊ីទាក់ទាញខ្លាំងបំផុត ដែលតារាស្រីកម្ពស់ 1.76 m រូបនេះ មើលទៅជើងទាំងគូរបស់នាង ពិតជាវែងស្រឡូនស្អាត បានទាំងព្រមនិងរាងកាយមានតុល្យភាពខ្លាំង។ ដូចដែលអាចមើលឃើញចង្កេះតូចរបស់នាង គ្មានខ្លាញ់ស្ទើរតែ ០% ជួយបន្ថែមភាពទាក់ទាញជាងមុន កាន់តែស្អាតថែមទៀត៕

ប៉ុន្មានសន្លឹកនេះរបស់ Baifern ធ្វើឲ្យអ្នកគាំទ្រឈ្លក់វង្វេង ដោយសារតែសម្រស់ស្អាត និងរាងដ៏សិចស៊ី

ថ្ងៃទី ១២ ខែ កញ្ញា ឆ្នាំ ២០១៩ ម៉ោង ១៧:០១

ថៃ៖ មួយរយៈចុងក្រោយនេះ សង្កេតឃើញថា តារាសម្ដែងស្រី Baifern Pimchanok ហាក់ដូចជាមានភាពមមាញឹកខ្លាំងក្នុងការងារសិល្បៈជាបន្តបន្ទាប់ ទាំងការថតសម្ដែង ស្ពតផ្សព្វផ្សាយ រួមទាំងការថតបង្ហាញម៉ូដសម្លៀកបំពាក់នារីទាន់សម័យផ្សេងៗ។នាពេលថ្មីៗនេះ តារាសម្ដែងស្រីរូបនេះ ក៏បានទទួលការចាប់អារម្មណ៍យ៉ាងខ្លាំងផងដែរ ពីសំណាក់អ្នកគាំទ្រ ដោយសារតែការបង្ហាញនូវសម្រស់ដើមទ្រូង និងចង្កេះរាងសិចស៊ីរបស់នាង ក្នុងការថតបង្ហាញម៉ូដអាវក្នុងសម្រាប់នារី។តារាស្រីកើតឆ្នាំ ១៩៩២ រូបនេះ មិនត្រឹមតែទាក់ទាញចំណាប់អារម្មណ៍ពីសំណាក់មហាជន ដោយសារតែ រូបសម្រស់ស្រស់ស្អាត គួរឱ្យទាក់ទាញរបស់នាងប៉ុណ្ណោះទេ ប៉ុន្តែថែមទាំងមានកាយវិការទន់ភ្លន់មានមន្តស្នេហ៍ថែមទៀតផង ដែលធ្វើឱ្យគេលួចច្រណែន៕

សើចស្ងួតបំពង-កទៀតហើយ ជាមួយ «រឿងដើមកំណើតអាខ្មៅ» នៅថ្ងៃសៅរ៍ សប្ដាហ៍នេះ លើកញ្ចក់ទូរទស្សន៍ CTN

ថ្ងៃទី ១២ ខែ កញ្ញា ឆ្នាំ ២០១៩ ម៉ោង ១៥:២១

ភ្នំពេញ៖ ក្រៅពីសំណើចឥតល្ហែដែលមាននៅក្នុងគ្រប់ខ្សែភាពយន្តរបស់តោះសើច កម្មវិធីនេះ តែងតែព្យាយាមស្វែងរកអ្វីដែលប្លែកៗ ដើម្បីឱ្យប្រិយមិត្តទស្សនាកាន់តែជក់ចិត្ត និងសើចសប្បាយបន្ថែមទៀត។ ចុះសប្ដាហ៍នេះវិញ ម៉េចវិញទៅហ្ន! ភាពយន្តសំណើចថ្មីបែបបុរាណ «រឿងដើមកំណើតអាខ្មៅ» និយាយអំពីអាខ្មៅដែលក្មេងម្នាក់អាចដឹងរឿងដែលនឹងកើតឡើងជាមុន ហើយប្រាប់គ្រប់គ្នា គេបែរជាថា អាខ្មៅ ជាក្មេង ចង្រៃទៅវិញ។ តាមរយៈសាច់រឿង ទេពកោសល្យសម្ដែង និងភាពកំប្លុកកំប្លែងរបស់តួអង្គនីមួយនៅក្នុងរឿងសំណើចមួយនេះ ធានាថា នឹងធ្វើឱ្យទស្សនិកជនសើចហើយ សើចទៀតរហូតដល់ស្ងួតបំពង-កជាមិនខាន។ដូច្នេះ សូមរង់ចាំទស្សនាទាំងអស់គ្នាតាមកញ្ចក់ទូរទស្សន៍ CTN នៅថ្ងៃសៅរ៏ សប្ដាហ៍នេះ ចាប់ពីម៉ោង ៨ ដល់ ៩យប់ និងផ្សាយឡើងវិញនៅសុក្រចាប់ពីម៉ោង ៦ ដល់ ៧យប់៕ទស្សនាវីដេអូ Trailer ខាងក្រោម៖

Ji Chang Wook លុបចោលការចូលរួមកម្មវិធីមុនពេលកំណត់ ដោយសារតែមូលហេតុមួយ

ថ្ងៃទី ១២ ខែ កញ្ញា ឆ្នាំ ២០១៩ ម៉ោង ១៤:៤៧

កូរ៉េខាងត្បូង៖ តារាសម្ដែងប្រុស Ji Chang Wook បន្ទាប់ពីលោកត្រូវបានរំសាយចេញពីជួរកងទ័ព វិលត្រឡប់មកកាន់សិល្បៈវិញ សង្កេតឃើញថា ប្រជាប្រិយភាពរបស់តារាប្រុសរូបនេះ កាន់តែកើនឡើងខ្លាំងពីមួយថ្ងៃទៅមួយថ្ងៃ។ជាក់ស្ដែង កាលពីពេលថ្មីៗនេះ លោក Ji Chang Wook បានចូលរួមជាតារាប្រុសកិត្តិយសពិសេស នៅក្នុងព្រឹត្តិការណ៍សម្ភោធហាងថ្មីមួយកន្លែង ដែលបានដាក់ដំណើរការនៅក្នុងប្រទេសវៀតណាម។ប៉ុន្តែគួរឲ្យសោកស្ដាយ កាលវិភាគចូលរួមរបស់តារាសម្ដែងប្រុសរូបនេះ ត្រូវបានលុបចោលមុនពេលចាប់ផ្ដើមកម្មវិធី ដើម្បីប្រាកដថា អ្នករាល់គ្នាមានសុវត្ថិភាព។ ក៏ព្រោះតែនៅទីតាំងសម្រាប់ការបង្ហាញវត្តមានរបស់លោក គឺពោរពេញដោយមនុស្សម្នាជាច្រើន ឈររង់ចាំយ៉ាងច្រើនកុះករ ដោយសារតែប្រជាប្រិយភាពរបស់ Ji Chang Wook ក្នុងប្រទេសនេះ គឺពិតជាមានការគាំទ្រយ៉ាងខ្លាំងបំផុតពីក្រុមអ្នកគាំទ្រ។ការប្រកាសលុបចោលមិនយូរប៉ុន្មានផង ស្រាប់តែបានឃើញវីដេអូឃ្លីបរបស់ Ji Chang Wook បានបង្ហោះចេញ ដោយសម្ដែងក្ដីសោកស្ដាយរបស់លោក ទៅកាន់អ្នកគាំទ្រទាំងអស់ ដែលមិនអាចជួបលោកបាននៅក្នុងព្រឹត្តិការណ៍នោះ។ 

ប៉ុន្មានសន្លឹកនេះ អាចបង្ហាញឲ្យឃើញថា Angela Baby កាន់តែចាស់ទៅតាមអាយុហើយ

ថ្ងៃទី ១២ ខែ កញ្ញា ឆ្នាំ ២០១៩ ម៉ោង ១២:១១

ចិន៖ តារាសម្ដែងស្រីវ័យ ៣០ឆ្នាំ អ្នកនាង Angela Baby និងជាអ្នកម្ដាយដ៏ស្រស់ស្អាតមួយរូបក្នុងវិស័យកម្សាន្តរបស់ចិន ដែលតែងតែស្ថិតនៅក្នុងតារាលំដាប់កំពូលនៃអាស៊ី ជាមួយនឹងសម្រស់ស្អាត ពិបាកនឹងផ្តួលរំលំ។ ខណៈមានតារាស្រីវ័យក្មេងជំនាន់ក្រោយៗជាច្រើន បានក្លាយជាគូប្រជែងដ៏ខ្លាំងក្លា ប៉ុន្តែយ៉ាងណាក៏ Angela Baby នៅតែលេចធ្លោរខ្លាំង ដោយសារតែរូបសម្រស់ស្អាតក្មេងជាងវ័យរបស់នាង នាពេលប៉ុន្មានឆ្នាំកន្លងមកនេះ។ ទោះយ៉ាងណាក៏ដោយសម្រស់មុខមាត់របស់ Angela Baby ក៏វិវត្តន៍តាមអាយុកាលដូចគ្នា សញ្ញានៃភាពចាស់ ក៏មិនអាចលាក់បាំងបានយូរផងដែរ។ ជាក់ស្ដែងថ្មីៗនេះ វីដេអូឃ្លីបខ្លី បង្ហាញពីសកម្មភាពក្នុងស្ទូឌីយោរបស់តារាស្រីរូបនេះ អំឡុងពេលតុបតែងខ្លួន សម្រស់ Angela Baby ត្រូវបានបង្ហាញឃើញយ៉ាងច្បាស់តាមរយៈការសើចរបស់នាង ស្នាមជ្រួញនៅកន្ទុយភ្នែក ពីចំហៀង វិវត្តន៍ទៅកាន់ភាពចាស់ និងបង្ហាញពីសម្រស់មិនសូវស្រស់ស្អាត ដូចនៅលើរូបថតបង្ហោះក្នុងបណ្ដាញអ៊ីនធឺណេតនោះទេ៕

ម៉ារីម៉ា គ្រាន់តែប្ដូរម៉ូដសក់ខ្លីភ្លាម ធ្វើឲ្យសម្រស់នាងប្លែកដល់ម្លឹងភ្លាម

ថ្ងៃទី ១២ ខែ កញ្ញា ឆ្នាំ ២០១៩ ម៉ោង ១១:០៩

ហ្វីលីពីន៖ នាពេលថ្មីៗនេះ នៅលើបណ្ដាញសង្គម Instagram ផ្ទាល់របស់តារាស្រីកំពូលសម្រស់របស់ប្រទេសហ្វីលីពីន អ្នកនាង Marian Rivera ជាតារាសម្ដែងស្រីប្រជាប្រិយភាព និងអ្នកម្ដាយកូន ២ ដ៏ស្រស់ស្អាតមួយរូប ដែលអ្នកណាៗក៏លើកសរសើរលើរូបនាង ផងដែរ។រូបភាពសន្លឹកជាមួយនឹងម៉ូដសក់ថ្មីរបស់ម៉ារីម៉ា  ដែលត្រូវបានទទួលការចាប់អារម្មណ៍ខ្លាំងពីសំណាក់អ្នកគាំទ្រ និងអ្នកនិយមលេងអ៊ីនធឺណេតជាច្រើន ជាពិសេសគឺ សមាគមន៍អ្នកគាំទ្រតារាស្រីរូបនេះតែម្ដង។ នេះជាលើកដំបូងហើយ ចាប់តាំងពីតារាស្រីរូបនេះ បង្ហាញខ្លួនក្នុងវិស័យសិល្បៈកម្សាន្ត Marian Rivera បានធ្វើឲ្យគ្រប់គ្នាមានភាពភ្ញាក់ផ្អើលបន្តិចផងដែរ ពីការផ្លាស់ប្ដូរម៉ូដសក់វែងស្អាតរបស់នាងទៅជាម៉ូដសក់ខ្លីត្រឹមស្មាវិញម្ដង។ បើនិយាយអំពីទំរង់មុខមាត់របស់តារាស្រីល្បីឈ្មោះប្រចាំប្រទេសហ្វីលីពីនរូបនេះ គឺមានភាពខុសគ្នាស្រឡះ បន្ទាប់ពីផ្លាស់ប្តូរស្ទីលម៉ូដសក់របស់នាង។ មតិភាគច្រើន បានសរសើរថា ម៉ូដសក់ខ្លីរបស់នាង ជួយលើកសម្រស់អោយមើលទៅកាន់តែក្មេងជាងវ័យ ប៉ុន្តែក៏មានមតិមួយចំនួនផ្ទុយពីនេះ បាននិយាយថា ការប្ដូរម៉ូដសក់ខ្លីរបស់តារាស្រីរូបនេះ ធ្វើឲ្យសម្រស់របស់នាង មិនសូវជាស្រស់ស្អាត លេចធ្លោរដូចពីមុនទេ ដូចជាបាក់សម្រស់ទៅវិញ៕

តារាស្រី K-Pop ១០រូប ជាប់ក្នុងចំណាត់ថ្នាក់កំពូល ដែលមានការស្វែងរកច្រើនជាងគេលើ Google

ថ្ងៃទី ១០ ខែ កញ្ញា ឆ្នាំ ២០១៩ ម៉ោង ១៥:៤៦

កូរ៉េខាងត្បូង៖ បន្ទាប់ពី Google បានប្រកាសឈ្មោះរបស់កំពូលតារាស្រី Kpop ដែលត្រូវបានគេស្វែងរកច្រើនបំផុត នៅក្នុងឆមាសទីមួយនៃឆ្នាំ ២០១៩ ស្ថិតិនេះ គឺចាប់គិតពីថ្ងៃទី ១ ខែមករា ឆ្នាំ ២០១៩ ដល់ថ្ងៃទី ៣០ ខែមិថុនា ឆ្នាំ ២០១៩។ ក្រៅពីចំណាត់ថ្នាក់ប្រចាំខែ និងលទ្ធផលនៃការស្រាវជ្រាវនៅលើ Google សម្រាប់បញ្ជីនេះ ក៏បានបង្ហាញ យ៉ាងច្បាស់ពីប្រជាប្រិយភាព និងការគាំទ្ររបស់តារាស្រីទាំងនេះ ទទួលបានច្រើនផងដែរ។ជាក់ស្តែង នៅក្នុងបញ្ជីឈ្មោះកំពូលតារាស្រី K-Pop ដែលត្រូវបានគេស្វែងរកនៅលើ Google ច្រើនបំផុត នៅក្នុងឆមាសទីមួយនៃឆ្នាំ ២០១៩ បានទៅលើក្រុមនារី BLACKPINK ដែលវត្តមាន Jennie , Lisa និង Jisoo សមាជិកទាំង៣ រូបនេះ គឺស្ថិតនៅលើចំណាត់ថ្នាក់កំពូលៗ និងត្រូវបានគេចាត់ទុកថាជាតារាស្រី ក្នុងក្រុមនារីដ៏ល្បីល្បាញ ក្នុងចំណោមក្រុមនារីល្បីៗរបស់កូរ៉េ។ខាងក្រោមនេះ គឺជាតារាស្រី ដែលត្រូវបានគេស្វែងរកច្រើនជាងគេ ទាំង ១០ រូប នៅលើ Google ក្នុងឆមាសទីមួយនៃឆ្នាំ ២០១៩៖Jennie សមាជិករបស់ BLACKPINKIULisa សមាជិករបស់ BLACKPINKChunghaTaeyeon សមាជិករបស់ Girls GenerationHyunAJeon SomiSunmi អតីតសមាជិករបស់ Wonder GirlsHwasa  សមាជិករបស់ MamamooJisoo សមាជិករបស់ BLACKPINK

Song Hye Kyo ស្រស់ស្អាតបែបនារីទាន់សម័យ ចូលរួមក្នុងព្រឹត្តិការណ៍អន្តរជាតិនៅញូវយ៉ក

ថ្ងៃទី ០៩ ខែ កញ្ញា ឆ្នាំ ២០១៩ ម៉ោង ១២:៤៨

កូរ៉េខាងត្បូង៖ ក្នុងការបង្ហាញវត្តមានរបស់ Song Hye Kyo បានចូលរួមព្រឹត្តិការណ៍អន្តរជាតិមួយ ក្រោមក្របខ័ណ្ឌនៃសប្តាហ៍ម៉ូតនៅទីក្រុងញូវយ៉ក ឃើញថា សម្រស់របស់តារាស្រីរូបនេះ នាបច្ចុប្បន្ន បានទាញយកការចាប់អារម្មណ៍ពីអ្នកគាំទ្រយ៉ាងខ្លាំង។គួររម្លឹកផងដែរថា បន្ទាប់ពីការលែងលះរបស់នាង និងអតីតស្វាមីរបស់នាង លោក Song Joong Ki ត្រូវបានអ្នកគាំទ្រសង្កេតឃើញថា ទឹកមុខរបស់ Song Hye Kyo ហាក់ដូចជាក្រំក្រៀម មិនសូវជាស្រស់ស្រាយនោះទេ សូម្បីតែរូបសម្រស់ក៏អន់ថយខ្លះផងដែរ។យ៉ាងណាមិញ រូបថតជាច្រើនសន្លឹករបស់ Song Hye Kyo ដែលត្រូវបានបង្ហោះលើបណ្ដាញសង្គម និងអ៊ីនធឺណេត ដែលទើបតែបញ្ចេញជាផ្លូវការថ្មីៗនេះ ពិតជាបានឃើញច្បាស់ពីសម្រស់របស់តួឯកស្រី ក្នុងរឿង “ Descendant of the Sun” រូបនេះ តែងតែបង្ហាញភាពស្រស់ឆើតឆាយ និងការតុបតែងខ្លួនបែបនារីទាន់សម័យ ក្នុងព្រឹត្តិការណ៍ដ៏អស្ចារ្យបំផុត កាលពីម្សិលមិញនេះ។